تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4
  1. #1
    عضو فضي
    الصورة الرمزية بنـت الحوأاسن
    الحالة : بنـت الحوأاسن غير متواجد حالياً
    رقم العضوية : 91846
    تاريخ التسجيل : 15-02-12
    الدولة : غربـإـأوية أحم.،
    الوظيفة : حوإأططة بإلاسسكـول.،
    الجنـس : انثـى
    المشاركات : 201
    التقييم : 13
    Array
    MY SMS:

    لْاتحڛب گل من طآلع فيگ معجب فيگ يمگن ضآيعۃ نعآآلۃ ۈشآآگ فيگ ..،

    افتراضي تحبني بعد الذي گإأن .،؟




    .
    .
    .
    .
    .
    .
    تحبني بعد الذي كان ..

    السلام عليكم ورحمة الله وبركاته

    بعد مشاهدتي للكثير من الروايات .. التي عجز لساني عن التعبير عن مدى جمالها وروعة فنها ..
    تحمست وقررت أعرض لكم فلمي الأول بعنوان : أتحبني بعد الذي كان ؟؟
    أتمنى أن تستمتعوا بالمشاهدة...


    اتحبني بعد الذي كان

    اني احبكِ رغم ماكان

    ماضيكِ لا انوي اثارته
    حسبي بانكِ ها هنا الان
    تتبسمين وتمسكين يدي
    فيعود شكِ فيكِ ايمانا

    عن امسي لاتتكلمي ابدا
    وتألقي شعرا ووجدانا ..

    .


    البــــــــــ الأول ـــــــارت

    وصف ألم اللحظة لا يعبر عنه بشكل وافٍ حتى تلمسه بيديك وتلوكه أسنانك, الجميع يهرب من الآلام لكنها قد تهدى لنا في علبة فاخرة أو تنطلق عبر مزحة سخيفة أو أنها تقذف من السماء لتسخر منك شياطين الأرض.
    .
    .
    .
    حط الكتاب ع الرف اللي جنبه رواية سري للغاية للروائي فوزي صادق ..
    بدل ملابسه ولبس له قميص أبيض مع بنطلون جينز أزرق .. بخ له عطر Armani Code
    أهتز جواله .. لف ورفع الجوال : شنو ؟؟ .. ألحين جاي لا تخليه يتحرك .. وسكر الجوال وتوجه بسرعة للباب وطلع برى ..
    الخدم : سيد عبد العزيز الفطور جاهز
    عبد العزيز أشر لهم بعلامة النفي : أنأ طالع

    عبد العزيز :- عبد العزيز : شاب غني عمره 26 سنة درس بأمريكا – University of Chicago
    من الطبقات الراقية وعايلئلتهم معروفة يملك أكبر شركة بالسعودية لما توفى أبوه ما كمل دراسته وصار يدير شركة أبوه وهو كاتب ومثقف وسيم, أبيض وعينه رمادية, مزاجي, محافظ على صحته يحب النظافة, يحب كل شيء يكون بمكانه مرتب.


    بالسيارة

    ضياء كانت تناظر نفسها بالمراية .. تحط لها كحل : بابي على وين ؟ مارح تروح بيت عمي ؟؟
    خالد ( أبو ضياء ) : لا بنرجع البيت ..
    ضياء وملامح الإبتسامة اختفت منها : بس يبه أنت قلت رح تودينا ..
    أبو ضياء : قلت بس غيرت رأي ..
    ضياء :بابي الله يخليك وعدت ريم رح اروح لها اليوم وما يصير ما اروح ..
    أبو ضياء كان يحس بتعب يحس بألم بقلبه كأن سكين تنغرز بقلبه :.. آه
    جواهر أم ضياء : خاااااالد أنتبه ..كانت شاحنة متجهة لهم .. خالد ما كان مركز ولما انتبه لف يمين بسرعة وتقلبت السيارة .. بنفس الشارع كان يشوف السيارة تتقلب ذكر الحادث اللي صار له مع أبوه اللي توفى .. وبسرعة دق ع الإسعاف .


    فلــــــــــ خــلــيــل ـــــــــــة
    07:35 المغرب

    بغرفتها كانت جالسة تكلم بالجوال وهي تحط لها مناكير فوشي : منوري حبيبي وأعرفك تسويها ..
    منير : أقين بلييز حبي وش قلتي ؟؟
    سمر بخجل : قلت أعرفك تسويها ..
    منير : سوسو لا مو هذي اللي قبلها ..
    سمر : منير ما قلت شيء
    منير : أنا خلاص زعلت
    سمعت صوت خطوات .. : يالله Good bey حبي وسكرت ..





    سحر دخلت الغرفة : سمر بسرعة أجهزي صاحبة أمي جاية وأمي تقول تبينا ننزل نسلم ..
    سمر : ومن هذي صاحبة أمي ؟؟
    سحر : مادري وحده اسمها ابتهال ..
    سمر : طيب دقايق ونازلة
    سحر : سحر واقفة تناظر نفسها بالمراية : سوسو وش رايش فيني ؟؟
    سمر : ممممم حلوة أكيد لآن ماخذة الجمال كله مني ..
    سحر : لا هذا الجمال كله من أمي ..
    شوي وسمعوا صوت الجرس
    سحر : وصلت ‼ سمر عدل شعري ..؟؟
    سمر تضحك : تتزيني .. ما صارت هذي صاحبة أمي .. شكلهم جايين يخطبوش ..
    سحر تتقدم لسمر وتمسك شعرها : خليني أسوي فيه حركة بسيطة
    سمر : يالله لا نتأخر حركي ..
    سمر عمرها 18 سنة .. بشرتها فيها سمار شوي جمالها مو طبيعي ستايلها ناعم فيها دلع شوي , سحر عمرها 15 سنة تدرس بثالث متوسط .. تحب الروايات .. جميلة تشبه أختها سمر ..
    --------------

    .. بــالمزرعة ..
    الساعة 07:40 دقيقة ( المغرب )

    كان جالس يلعب بلاي ستيشن 3 مع سعود Call of Duty .. قتلتك .. هههههــ
    سعود : الحين رح أقتلك بس ثواني .. علاء فاز على سعود ..
    سعود رمى اليد ( آلة الكنترول ) : أفف .. مبروك .. بس حط لنا Fifa رح أغلبك ..
    علاء : أدري عنك شاطر بالكورة ..
    سعود : شاطر بس ؟؟ أنا محترف فيها ..
    علاء ضرب كتف سعود : مصدق نفسك
    سعود : ههههـ




    علاء : بقوم أجيب شيء ناكله ..
    سعود : إيه لأني على لحم بطني من أمس ..
    دخل زهير وفارس : أوه أهلين السلام عليكم .. شكلكم نسيتونا ..
    علاء بإبتسامة : أهلين فيكم .. ما نسيناكم .. بس أنتو اللي مادري وين شاردين .. ؟؟
    سعود : كيف الشغل معاك وهو يأشر لزهير ..
    زهير : ماشي الحال
    علاء : إيه نذير وعزيز وينهم ؟؟
    زهير : نذير مو جاي اليوم مشغول بالمستشفى ..
    علاء :
    إيه .. وين عزوز ؟؟
    زهير : عزوز يبي يكون بروحه شوي .. إيه هذي آخرة الزواج ..
    علاء : عاد تصدق أنا مستغرب من هـ الطلاق المفاجئ .. يعني هم كانوا ما أحلاهم .. وما صار لهم كثيير من تزوجوا .. زهير : حتى أنا مستغرب .. عزوز ما يستاهل اللي يصير فيه ..
    فارس كان ساكت وهو ماسك الجوال يكتب ..
    سعود رمى المخدة ( الوسادة ) عليه : هي أنت 24 ساعة رسايل ومسجات .. سولف أجلس معانا شوي .. فارس بضحكة : هـ البنات يوجعوا الراس .. ما يخلصوا ..
    زهير : ترقمهم بعدين تبيهم يتركوك ..
    • سعود : شاب عمره 23 سنة .. جميل أجمل ما فيه شعره الأسود .. رياضي محترف في كرة القدم ..
    • علاء : شاب عمره 22 سنة .. يحب يلعب بلاي ستيشن .. ويحب الحيوانات الخطيرة .. درس بكندا بس ما كمل دراسته واستلم شركة ابوه .. طبعا توفى من 5 سنوات .. عنده أخت أسمها مرام .. بس الباقي تعرفوه بعدين ..
    • زهير : شاب عمره 23 سنة طبعا عايلتهم غنية فأبوه خلاه يشتغل بالشركة .. ذكي ويحب يمزح .
    • فارس : شاب عمره 23 سنة وسيم أحلى ما فيه عيونه الخضراء .. دارس بأمريكا .. بس حاليا ما كمل دراسته .. أمه توفت من ولادة أخواته التوأم رزان وروان .. وجواله 24 ساعة ما يوقف من مسجات البنات.

    بالمستشفى
    .
    .
    .
    .
    بعد مرور يومين .. تحاول تفتح عيونها وتستوعب المكان اللي هي فيه ..
    ….: أنا وين ؟
    عبد العزيز : صحيتي .. وراح نادى الأطباء بسرعة ..
    الدكتور : الحمد لله ع السلامة
    ……: أنا وين ؟
    الدكتور : يا مدام بتعرفي ايه اللي حصل لك ؟؟
    ….. تحاول تتذكر : أنت من ؟؟ وحاولت تشيل الأجهزة .. الممرضة بسرعة مسكتها وجلستها ع السرير ..
    …….: أتركوني كانت تصرخ .. أتركوني ..
    عبد العزيز كان مستغرب من اللي يشوفه .. وبسرعة لحق الدكتور .. : دكتور شاللي قاعد يصير ؟؟
    الدكتور : سيد عبد العزيز الحادث كان قوي .. أصيبت بضربة قوية ..
    عبد العزيز : يعني شنو .. ؟؟ يعني ما تتذكر ؟؟الدكتور : احنا عملنا اللي علينا .. البنت فقدت الذاكرة ..

    نهــــــــــــــــــــايــــــــة البارت ..









  2. #2
    عضو فضي
    الصورة الرمزية بنـت الحوأاسن
    الحالة : بنـت الحوأاسن غير متواجد حالياً
    رقم العضوية : 91846
    تاريخ التسجيل : 15-02-12
    الدولة : غربـإـأوية أحم.،
    الوظيفة : حوإأططة بإلاسسكـول.،
    الجنـس : انثـى
    المشاركات : 201
    التقييم : 13
    Array
    MY SMS:

    لْاتحڛب گل من طآلع فيگ معجب فيگ يمگن ضآيعۃ نعآآلۃ ۈشآآگ فيگ ..،

    افتراضي رد: تحبني بعد الذي گإأن .،؟


    البــــــ الثاني ــــــارت
    .
    .
    .
    .

    بعد مرور أسبوعين كان يمشي بالمستشفى وكلام الدكتور يتردد بمسامعه : المرضى بحاجة للغرف واحنا ما نقدر نخليها عندنا .. فجأة قاطع تفكيره دق جواله " منار "
    عبد العزيز ": ألووو
    منار : عبد العزيز وينك ؟؟ مارح تجي ع العشاء اليوم ؟؟
    عبد العزيز تنهد وهو ماسك شعره : رح أكون موجود ..
    ---------------------------
    كان جالس بمكتبه .. يناظر المقال المكتوب .. قام وطلع من مكتبه ورمى الأوراق على مكتبه .. : أبيك تكتب لي هالمقال مرة ثانية وبترتيب تعيد .. وترتب لي أفكارك .. عزيز بصوت مسموع : تضرب أنت ومقالك ..
    المدير : نعم ؟؟ قلت شيء ؟؟
    عزيز بصوت عالي خلى الموظفين يتجمعوا : إيه وأظنك سمعتني ما له داعي أعيد وأكرر ..
    المدير بصوت عالي : وترفع صوتك بعد ؟؟ نسيت نفسك أنا منو وأنت من .. أنت مفصول من يوم ورايح مالك دوام عندي بهالشركة ..
    عزيز بصوت عالي : أنا مو بحاجة شغلك ولا بحاجتك .. وناظر بالموظفين : أنا موبحاجتكم كلكم ..عفس المكتب وطلع ..
    --------------------------




    .. فــــلـــ أبو علاء ـــة ..

    بجناحه.. كان يبدل ملابسه .. ولبس له قميص رمادي فاتح وبنطلون جينز .. بخ له عطره المفضل : burberry London , ولبس جزمة Toms رمادي .. كان طالع بقمة الفخامة .. نزل تحت ولقاها تسوي العشاء بالمطبخ حاوط يدينه بعينها ..
    ابتهال ( أم علاء ) : مممم .. أكيد وليدي علاء ..
    لف لها ببتسامة وباس راسها ..
    أم علاء : الله ايش هـ الكشخة .. طالع حلو ..
    علاء : طيب يمه وين مرام ؟؟
    ام علاء : كالعادة بمرسمها ترسم ..
    وين ؟؟ علاء مارح تتعشى معانا ؟؟
    علاء : لا يمه اتعشوا عني ..
    أم علاء كانت تبي تتكلم .. حس لها علاء : يمه في شيء ؟؟
    ناقص شيء بالبيت ؟؟
    أم علاء : لا كل شيء موجود ..
    علاء : في شيء تبي تقوليه ؟؟
    أم علاء : وليدي وأبي أفرح فيك .. قبل ما يجي يومي والله ياخذ أمانته ..
    علاء ضم أمه : يمه لا تقولي كذا ..
    أم علاء : أنا بصراحة ياوليدي بنت صاحبتي حسيتها مناسبة لك .. يعني البنت جميلة .. وأخلاقها ذوق .. ايش قلت يا وليدي ؟؟ موافق ؟؟ لا تزعلني منك..
    علاء جلس يفكر شوي .. تذكر نتيجة زواج صاحبه .. أدت للطلاق .. وكيف يرضي أمه .. : يمه بفكر شوي وبرد لش خبر ..
    أم علاء : طيب
    ----------------
    بـــقــ أبو عبد العزيز ـصـــر

    كان ماسك الشوكة والسكين ومشتت قطع تفكيره أخته منار : عبد العزيز .. حاستك مو على بعضك .. فيك شيء ؟؟
    عبد العزيز يحاول يبين انه مافي شيء : أنا ؟؟ ما فيني شيء..
    منار : تخبي علي وأنا أختك وأعرفك زين ..
    عبد العزيز قام من الطاولة : الحمد لله..
    منار قامت وبسرعة لحقته .. : تخبي علي ؟؟
    خبرني وش فيك فضفض ليي ترى أنا أسمع ..
    عبد العزيز ما قدر يستحمل حنتها .. : وجلس يحكي لها اللي صار ..
    منار : طيب وليش منتظر هني ؟؟
    عبد العزيز : يعني وش بيدي أسوي ؟؟
    منار : قوم جيبها تسكن معانا ..
    عبد العزيز ناظرها : أنتي شاللي تقوليه ؟؟ من جدش ؟؟
    منار : إيه القصر كبير وما فيه إلا أني وأنت .. وأنا أبي بنت أتونس معاها أنت عندك وليد ولد عمك ..تتونس معاه ..
    عبد العزيز ناظرها : يعني نخليها تسكن هنا ؟؟
    منار : يب وانا ايش أقول من ساعة.
    ----------------
    دخل الشقة .. أهلين يمه ..
    الجدة ( نورة )على الكرسي المتحرك : نذير وليدي .. وين عزوز أخوك ؟؟
    نذير : ليش للحين مار د .. ؟؟
    الجدة : لا مارد للحين ..
    نذير أخذ جواله ودق عليه بس جواله مقفل ..
    واتصل ع الشغل : السلام عليكم ..بخير الحمد لله إيه بغيت أسألك ما تعرف وين راح عزوز ؟؟ يعني ما قال لك شيء لما طلع من الشغل .. ؟ .. إيش .. ومن متى صار هـ الشيء ؟؟ طيب .. يالله مع السلامة .. سمع صوت الجرس : أكيد عزوز .. وتوجه فتحه
    : أوه أبو علي .. السلام عليكم
    أبو علي : وعليكم السلام .. جيت آخذ الإيجار .. 1300 ريال ..
    فتح محفظته يدور ما كان عنده غير ألف ..
    : الباقي رح أعطيك اليوم بس الحين ما معي .. لازم أسحب وسكر الباب ..
    نذير بقلبه :" " وينك يا عزوز ؟؟ ""
    الجدة : يمه وليدي من بالباب .. عزوز ؟؟
    نذير : لا يمه .. أنا طالع مو مطول .. أخذ جاكيته وطلع ..


    فـــــ أبو سمر ــــلــــة

    كانت جالسة ع السرير وترسل مسجات .. دخلت أم سمر ومعاها بنتها سحر : قومي يالله بسرعة بنروح ..
    سمر : وين ؟؟
    سحر : مادري ..
    ام سمر : اتعدلوا ..
    سمر : يمه وين بنروح ؟؟
    ام سمر : بنطلع مع صاحبتي المول..
    سمر : طيب يمه روحي أنا موب رايحة ..
    أم سمر : قومي أمشي تحركي .. بسرعة لا نتأخر .. ع الناس ..



    بـــ أبو علاء ـــفــلة

    كانت ترسم بالمرسم .. بعالم ثاني .. لافه شعرها بربطة حتى تبعد قصتها عن عينها .. دخلت عليها .. أمها : مرام ..
    مرام : أهلين يمه ..
    أم علاء : أجهزي رح نطلع ..
    مرام : وين يمه ؟؟
    أم علاء : قومي غيري جو من بدل قعدتش.. من زمان ما رحنا المول ..
    بنتسوق أنا وصاحبتي .. ومنها تتعرفي على بنتها .. مرام : طيب دقايق و أكون جاهزة ..
    -مرام – عمرها 20سنة .. جميله جمالها خيالي .. بيضاء وعينها زرق .. شعرها كستنائي طويل .. فنانة وترسم لوحات .. متعلقة بأبوها كثير .. وخصوصا أنه أهداها المرسم من لما كان عمرها 10 سنين ..فمن توفى أبوها وهي كل بمرسمها ..

    ------------------------------
    بـــ أبو عبد العزيز ـــقصــر

    دخلت وهي تشوف الحديقة .. كلها أشجار .. وورود .. كأنها جنة .. كانت في مسبح كبير .. أستقبلتها منار ضمتها : أنا أسمي منار .. وأشرت على عبد العزيز : وهذا أخوي عبد العزيز ..
    …. البنت أرتاحت لمنار .. بس حست بدوخة كانت رح تطيح .. بس مسكوها الخدم .. ووصلوها لجناحها .. طبعاً كان كبير .. بلونين أبيض ونيلي بس الغالب الأبيض .. حطوها بالسرير .. وتركوها بروحها ..حتى ترتاح .. : تتوقعي تصرفنا صح ؟؟
    منار : يب .. عبد العزيز مسك جاكيته ومشى …
    منار : على وين ؟؟
    عبد العزيز : بمر الشركة .. وإيه لا تنتظريني ع العشا بتعشى مع وليد .. منار : ممممم .. سلم عليه


    بمــــ الظهران ـــجمــع

    نزلوا من السيارة وتوه كان رح يمشي .. أم علاء : علاء تعال أدخل معانا ..
    علاء : يمه ما يصير يعني معاكم ضيوف وبعدين مارح يرتاحوا ..
    أم علاء : لا وليدي قوم أنزل ولا تناقشني ..
    علاء : أنشاء الله يمه .. ونزل
    بنفس المجمع سمر كانت تكتب مسج لمنير .. منير كتب لها مسج :" أتصلي بي الآن " : يمه أنا رايحة الحمام ..
    أم سمر : خلش واقفة ..
    سمر : بس يمه أنا أبي أروح للحمام ضروري ..
    أم سمر : قلت لش خلش مكانش ..
    سمر ظلت واقفة وكل شوي تناظر الجوال ..رسلت مسج : " ما أقدر أتصل عليك ألحين "
    أم سمر : السلام عليكم ..
    رفعت راسها سمر .. كانت تشوفه وهو واقف قدامها .. شاب ابيض بجسم رياضي ..
    أم علاء تأشر على علاء : هذا وليدي علاء
    علاء : السلام عليكم ..
    سحر تضرب سمر : سمر سمعتي صوته .. يهبل .. وحلو مو أستاهل كل هـ الجمال .. والوسامة ..
    سمر ما تبي تفكر فيه وخصوصا أنها تحب منير : حلو بس مو كثيير .. يعني في أحلى منه
    أما أم علاء وأم سمر منبسطين : يا لله نروح للمطاعم .. وجلسوا ع طاولة .. وعلاء بطاولة ثانية بس قريبة منهم ..
    مرام تكلم أمها بصوت مو مسموع : يمه كأني عرفت على إيش ناوية ..
    أم علاء : أسكتي بس لا يسمعنا .. وبعدين أخوش أجبرني أسوي هـ الشيء .. لين متى أبي أفرح به ..
    بعد ما طلبوا .. أم علاء تأشر لعلاء ..
    تقدم لهم : هلا يمه .. أم علاء :شوف وصل البنت تختار لها وش تبي .. وروح معاها حتى ما يتعرض لها أحد ..
    سمر رفعت راسها لأمها : بس يمه أنا طلبـ..
    ما خلتها تكمل كلامها : يالله بنتي قومي .. لا تخلي الولد ينتظر ..
    سمر كانت واصلة حدها من أمها وأم علاء .. أما علاء كان يمشي وهو مو مرتاح يحس نفسه مضيق ع البنت .. وصلوا لكنتاكي ..
    علاء بنبرة منخفضة : إيش قررتي تطلبي ؟؟
    سمر كانت نبضات قلبها تتسارع وخوفها يزيد مع كل حرف نطقه.. مرتبكة .. ظلت ساكتة تحس أنها رح تبكي بأي لحظة ..
    علاء حس لها وقال للموظف ( طبعاً الموظف فلبيني ويتكلم اللغة الانجليزية ) : Please What is more, the purchase meal girls??
    (ايش الوجبة اكثر شيء يشتروها البنات ؟؟ )
    الموظف : Zinger Supreme - Panini - ..
    علاء احتار ايش يختار : Give me something keeps fit, give me a Panini.
    (أعطني شيئا يحافظ على الرشاقة ) ( أعطني بانيني )
    علاء كان يشوف الشاب اللي جنبها .. ويناظرها كل شوي ..حست بيد تمسكها .. : يالله نروح .. كانت تبي تشيل يدها .. علاء انتبه على نفسه : أنا آسف .. ما أنتبهت لنفسي .. وصلوا عند الطاولات .. بعد ما خلصوا أكل .. سمر : يمه خلنا نرجع ..البيت
    أم سمر : بس من بيرجعنا أبوش مشغول ..
    علاء ظل ساكت بالطاولة الثانية وهو متضايق من اللي سواه .. وقام لأمه : يمه أنا رايح .. إذا خلصتوا وتسوقتوا دقوا علي ..
    أم علاء : طيب يا وليدي .. أجل وصل أم سمر بطريقك ..
    علاء : طيب تفضلوا ..




    نهـــــــــ البارت ـــــــاية ..






  3. #3
    عضو فضي
    الصورة الرمزية بنـت الحوأاسن
    الحالة : بنـت الحوأاسن غير متواجد حالياً
    رقم العضوية : 91846
    تاريخ التسجيل : 15-02-12
    الدولة : غربـإـأوية أحم.،
    الوظيفة : حوإأططة بإلاسسكـول.،
    الجنـس : انثـى
    المشاركات : 201
    التقييم : 13
    Array
    MY SMS:

    لْاتحڛب گل من طآلع فيگ معجب فيگ يمگن ضآيعۃ نعآآلۃ ۈشآآگ فيگ ..،

    افتراضي رد: تحبني بعد الذي گإأن .،؟





    البـــــ الثالث ـــارت



    الحب مفهوم مجرد غير مادي ولا محسوس, ولا يمكن تعريفه بأنه :( شعور ينتاب .. إلخ )
    لأننا سنعود إلى التجريد مرة أخرى, ولكني أسألك : هل تعرف معنى الحب؟؟

    .
    .
    .
    .
    .
    .
    .
    .

    بالبحر
    الــســ 12:33 ـــاعة

    كان جالس ع الحجر .. : ليش ؟؟ ليش رحتي .. وتركتيني ؟؟
    مسك كتفه من وراه : عزوز قوم ..قوم يالله بنروح للبيت ..
    عزيز : أتركني .. خليني بروحي ..
    نذير ضربه كف بوجهه .. : خلاص .. كان واصل حده .. والجو كان بارد ضم أخوه عزيز .. : خلاص أصحى أخوي .. سارة ما تستاهلك .. خلاص أنتوا تطلقتوا .. لين متى رح تظل كذا بلى شغل ؟؟
    عزيز : أنا مو محتاج شغل .. سارة كانت كل حياتي .. كنت أشتغل لها .. بس الحين أشتغل ليش ؟؟
    نذير : أشتغل حق نفسك .. طيب نسيت جدتك المريضة .. نسيت أخوك ؟؟ نسيت إيجار الشقة؟؟ نسيت كل هذا .. كل هذا ما يهمك؟؟
    عزيز كان يهذي بأسمها : سارة .. لا تروحي ..
    مسكه نذير : عزيز .. خلاص أنساها ..سارة خاينة .. سارة خانتك ..
    لف له عزيز : أنت شاللي تقوله .. ؟؟ سارة لايمكن تفكر تخونني ..
    نذير : الكل يقول هالشيء .. طيب ليش تركتك وراحت معاه .. ليش سافرت معاه .. ؟؟


    بالمزرعة

    كان منسدح على الكنب .. وهو ماسك يده .. ويتذكر اللي صار .. ما حس لنفسه ألا والمخدة بوجهه ..
    سعود : شفيك .. سارح ؟؟ بالحب ؟؟
    علاء : أي حب وأي خرابيط ..
    سعود : قوم قوم بس .. المباراة ابتدأت ..
    فارس: أنا رح أطلب بيتزا ..
    زهير دخل لهم وكان معاه كيس (كودرد+وبايسن+وهولستن+وريد بول…
    رمى على فارس الريد بول .. وسعود : أنا ما بي .. محافظ على جسمي..
    علاء : خف علينا يا الرياضي ..
    سعود : ههههه .. أسكتوا لحظة .. قوووووول ( بصوت عالي )
    طبعاً علاء كان جالس ع الابتوب داخل موقع أمازون .. بقسم الحيوانات..
    يدور بالصور ( lizard ) والأسعار ..


    بالقصر

    صحت من النوم .. بعدت اللحاف عنها .. وتوجهت للحمام وغسلت وجهها .. كانت تسمع صوت موسيقى .. طلعت من جناحها .. ومشت ورا الصوت .. دخلت جناح .. كان كبير جداً .. وبين ما كانت تمشي .. لقت مكتبة كبيرة جداً كان فيها كتب .. ( الأسود يليق بكِ – سري للغاية – الزنبقة السوداء – ذاكرة الجسد – الملك لير - ….)
    سمعت صوت .. حست بيد تسحبها .. لفت ..
    منار : لازم ما تكوني هني .. عبد العزيز ما يحب أحد يدخل جناحه ..
    البنت كانت تمشي معاها .. : يعني هذا جناح عبد العزيز ..
    منار ناظرتها وناظرت ملابسها .. وشعرها المتبعثر ..
    منار : تعالي لجناحي .. دخلوا .. كان باللون الأبيض والفضي .. طبعاً كريستال بالأثاث .. منار : يالله خلينا ناخذ حمام بخار وساونا ..


    بــفـــ خليل ـــلة

    دخلت : سمر .. قومي أجهزي بنطلع ..
    سمر : مو أمس طالعين ؟؟
    أم سمر : إيه واليوم بجون عمال بالبيت يعني لازم نطلع حتى ناخذ راحتا ..يعني ما يصير عمال يشتغلون بالبيت وأحنا جالسين بالبيت
    سمر قامت بتلبس عباتها .. دق جوالها " منير "
    سمر : طيب مامي أنا رح أبدل .. وطلعتهم وسكرت الباب أتصلت ع الرقم : وحشتني .. طيب لازم ه السفرة ؟؟ .. أنتبه على نفسك بالطيارة .. أكيد أخاف عليك .. سمعت صوت دق الغرفة : ما خلصتي ؟؟
    سمر : يالله سلام .. بكلمك بعدين .. وأنا ..وسكرت


    .. في الفلة ..

    سكر جواله ..
    هديل : من المتصل ؟؟
    منير : مو شغلش ..
    هديل : بس .. من حقي أعرف من يكلم زوجي ..
    منير أشر لها بصبعه : وأسمعي إياني إياش تفتشي بالجوال..
    هديل : طيب ما رح تشتري حليب .. بدوري مو راضي يسكت ..
    منير : أنا طالع .. ولا تدقي علي رح أتأخر ..
    مشى بالسيارة .. ربع ساعة ووقف السيارة ..
    دخل المكان كان .. كله بنات وشباب وأغاني .. جلس على كرسي
    وشوي.. وجلست جنبه : هااااااي
    منير : أهلين ..
    سرين وهي تقترب منه : كيفك .. يا حلو ؟؟
    منير : بخير


    فلة أبو علاء ..

    كانت كالعادة ترسم ع اللوحة .. دق جوالها " ريناد " رفعت وحطته سبيكر : Good morning..
    ريناد: Hi how are you ??
    مرام : منيحة .. وأنتي شو الأخبار ؟؟ شخبار خالتي ؟؟
    ريناد : الحمد لله بخير .. كلنا بخير .. فاضية اليوم ؟؟
    مرام : يب يعني ما عندي شيء .. إذا فضيت أرسم ..
    ريناد : طيب أجل قومي أجهزي عازمتش اليوم خلينا نروح نتمشى ونغير جو ..

    مرام : أوكِ دقايق وأكون جاهزة


    .. الشركة ..

    كان جالس بمكتبه دخل عليه : السلام عليكم ..
    عبد العزيز : وعليكم السلام ..
    وليد : قوم قوم ..
    عبد العزيز والملفات بيده : وين أقوم ؟؟ مشغول ..
    وليد : قوم نغير جو من الشغل ..
    عبد العزيز: لا أنا مااقدر عندي إجتماع مهم ..
    وليد : طيب قوم ما رح نتأخر رح نتغذى بمطعم وراجعين .. وبعدين أنا سمعت مره يقولون لازم تاخذ لك بريك .. فترة إستراحة ونقاهة .. Relax
    عبد العزيز مشى معاه : بس ما رح نتأخر


    بمجمع الظهران كانوا يتمشوا .. وصلوا عند ستار بوكس .. جلسوا على أحد المقاعد .. زهير قام يطلب له ..
    فارس كان يناظر فيها .. ويراقب تصرفاتها ..: محمد..
    كانت جالسة تنتظر ريناد .. الموظف حط عطاولتها كوفي ..
    مرام : Excuse me ..But I did not ask for coffee ..
    (أعذرني .. لكني لم أطلب قهوة .. )
    الموظف : باللغة الأنجليزية بس رح اترجم ( هذا على حساب ذلك الشاب الذي يجلس هناك ) وأشر على فارس
    التفتت لقته يناظرها بنظرات ماارتاحت ..أشرت للموظف ياخذ معاه الكوفي ويروح..
    أما عند ريناد كانت تسمع صوت جوالها يرن وهي حاملة الكابتشينو وفجأة اصطدمت .. وانسكب الكابتشينو عليه ..
    زهير : ما تشوفي وهو معصب وماسك قميصه .. اللي كان أبيض وبينت البقعة ..
    ريناد بارتبااك : I'm so sorry .. أعذرني أناغلطانة الحين أشتري لك قميص ..
    رفع راسه وقف لحظة وهو يتأمل عيونها الطفولية ..جذبته : لا أنا الغلطان ما شفت قدامي ..
    ريناد دق جوالها : آسفة مرة ثانية بس تأخرت لازم اروح..
    وصلت عند مرام
    مرام : شفيش تأخرتي صار لي ساعة أتصل عليش ما تردي ..
    ريناد : إيه لأن .. مرام ما خلتها تكمل كلامها :يالله قومي خلينا نمشي .. وقاموا

    -----------

    وصل زهير وطبعاً بعد ما أشترى قميص وبدل ..
    فارس : تأخرت ..
    زهير : إيه لأان .. أنسك.. فارس ما تركه يكمل : ما ابي اسمع السالفة امشي بسرعة .. خلنا نقوم .. ما تشوف القمر اللي هناك
    زهير : أوووه بديت حركاتك .. آخر مرة أطلع معاك ..
    فارس ظل يمشي وراهم ..
    ريناد أنتبهت : مرام فيه واحد يمشي ورانا..
    مرام لفت / هذا نفسه اللي..
    ريناد بخوف : مرام إيش رح نسوي ؟؟
    مرام : ريناد لا تخافي .. أنا رح أتصرف
    ريناد : إيش رح تسوي ؟؟
    مشت لورا وأتجهت لفارس ..
    فارس ناظر زهير : تتحداني .. شوف كيف برقمها ..
    مرام : خير ؟ بغيت شيء ؟؟
    فارس : بغيت أشوف وجهك القمر .. ياحلو ..
    مرام تنرفزت : ممكن تتركنا بروحنا وتمشي .. ؟ ولا أخلي السكورتي يطلعك برا..
    فارس : أروح بس .. الرقم .. وهو يسوي لها حركات ..
    مرام ظلت ساكتة ..
    ريناد بهمس : مرام إيش رح تسوي ؟؟
    مرام : طيب عطني جوالك .. بكتب الرقم..
    ريناد كانت مستغربة .. أما فارس كان يناظر زهير بنظرة إنتصار .. وعطاها الجوال ..
    مسكت الجوال وكتبت 05 ورمت الجوال ع الأرض بقوة .. من قوة الرمية أنكسرت الشاشة ..
    مرام : حتى تتعلم مرة ثانية ما ترقم بناات الناس .. وأشرت له بأصبعها : وحتى تلزم حدودك .. ومشت مع ريناد ..



    نهاية البارت :.
    أتمنى عجبكم البارت :.. بس ياريت في ردود أكثر حتى أتشجع أكتب لكم .. رح أحاول أطول لكم البارتات أكثر .. رح أنزل لكم كل خميس وأحد بس اليوم نزلت البارت لأن بكرة رح أسافر ومارح أقدر أنزله ..
    شنو توقعاتكم للبارت الجاي ؟؟








  4. #4
    عضو فضي
    الصورة الرمزية بنـت الحوأاسن
    الحالة : بنـت الحوأاسن غير متواجد حالياً
    رقم العضوية : 91846
    تاريخ التسجيل : 15-02-12
    الدولة : غربـإـأوية أحم.،
    الوظيفة : حوإأططة بإلاسسكـول.،
    الجنـس : انثـى
    المشاركات : 201
    التقييم : 13
    Array
    MY SMS:

    لْاتحڛب گل من طآلع فيگ معجب فيگ يمگن ضآيعۃ نعآآلۃ ۈشآآگ فيگ ..،

    افتراضي رد: تحبني بعد الذي گإأن .،؟


    .:البــ الرابع ــارت:.

    .
    .
    .
    .
    .
    .

    ~ بالقصر ~

    لبست لها بنطلون جينز سكني ..وبلوزة بنفسجي ملكي وربطت شعرها ربطتين صغار على تحت مثل الأطفال لأنه كان قصير ..
    منار :مممم يابنت شرايك نختار لك أسم ؟؟
    .. ضحكت : اسم .. ؟؟ مممم طيب أنتي أختاري ..
    منار : شرايش بريم ؟ لا لا أو أقول لش .. مممم وجلست تفكر بـ اسم
    عبد العزيز : ملك
    منار لفت : بسم الله الرحمن الرحيم .. أنت من متى هني؟؟
    عبد العزيز : طيب ما قلتوا لي شرايكم بالاسم ..؟
    منار : ممم حلو .. وانتي شرايش فيه ؟
    ……: أوكِ حلو .. أسمي ملك ..
    عبد العزيز : طيب ملك ممكن تجي معاي شوي ؟؟
    استغربت .. وهي مو متعودة تتكلم معاه كثيير .. تأشر على نفسها: ااأنا ؟؟
    عبد العزيز : Yes, come here
    منار : إيش تبي منها ؟؟ أتركها ..
    دق جوال منار " يالله عن أذنكم .. وراحت ..
    عبد العزيز يأشر لملك : تعالي بكلمك بموضوع بسرعة ..
    راحت له ووقف قبالها وبهمس : بكرة عيد ميلاد منار .. يعني إذا تحبي تشاركينا بأفكار ؟؟
    ملك : أشارككم؟
    عبد العزيز : أنا وولد عمي ..
    ملك بصوت طفولي : موافقة ..
    توه كان رح يمشي أستوقفته : سيد عبد العزيز ..
    عبد العزيز : ما له داعي كلمة سيد .. ناديني عبد العزيز ..
    ملك : الساعة كم ؟
    عبد العزيز : بكرة الساعة 9 الصبح أنا رح أطلع من الشغل ورح أمر ..
    ملك : بس إيش رح أقول لمنار ؟؟
    عبد العزيز : خليها عليي..


    بمجمع الظهران :..

    كان زهير يضحك على شكل فارس اللي كان واقف مكانه وهو يناظر الجوال المتكسر .. بحالة جمود وصدمة ..
    وبالسيارة ريناد ومرام كانوا يتذكروا شكله : ههههههههــ ..
    رينااد : مرام بصراحة أنتي جريئة .. ما توقعتش رح تسوي كذا ..
    مرام : يعني إيش كنتي متوقعة أني رح أعطيه رقمي ..
    ريناد دق جوالها : هلا .. الحين واصلين ما رح نطول .. طيب وسكرت..
    مرام : خالتي ؟؟
    ريناد : Yes
    مرام : إيه الا وينها دانه ؟؟
    ريناد : كالعادة بالشغل .. إيه صح أنا لازم أروح بيتنا ..
    مرام : ليش ما تنامي معاي اليوم ؟؟
    ريناد : آي دونت نو .. بس ما يصير عندكم ضيوف نسيتي ؟
    مرام : عادي ومنها تشوفي خطيبة أخوي المستقبلية .. يمكن تصيروا صاحبات
    ريناد :بس لا خلاص رح أرجع البيت .. ما أحسها عدله يعني ..
    مرام : رنوود ترى رح أزعل


    بالمزرعة

    فارس كان يلعب بلاي ستيشن 3 cull of duty ( black ops2)
    معصب وحاط حرته باللعبة .. وزهير فاطس ضحك عليه ..
    علاء : زهير شفيك ؟؟ ضحكنا معاك؟
    زهير بسرعة : أنا ؟؟ لا لا ما فيني شيء .. كنت أضحك على بي سي واصلني..
    علاء دق جواله : هلا يمه .. طيب ليش السايق مو موجود ؟ إنشاء الله .. وسكر ومشى بيطلع ..
    سعود وزهير : وين رايح ؟
    علاء : مو مطول جاي ..
    سعود : وأنا بروح الملعب ..
    دق جوال زهير : نعم .. أوك .. أنت خله ينتظر .. أنا بالطريق جاي ..

    بفلة أبو علاء –

    كانت جالسة وكل شوي تناظر الساعة .. زهقانة من سوالف أم علاء .. اللي كل سوالفها عن ولدها ..
    أم علاء : يمه بنتي روحي لبسي عباتش .. روحي تمشي شوي وغيري جو تبين بخلي السايق يجهز السيارة ..شكلش مليتي..
    سمر لقتها فرصة حتى تطلع لأنها ملت بالقعدة وقامت لبست عباتها .. ؟لأنها كانت تبي ترجع للبيت ..
    سحر : سمر بروح معاش ..
    سمر : البسي عباتش يالله بسرعة ..
    أم سمر اشرت لسحر حتى تقعد : قعدي مكانش ..
    سمر طلعت برا وهي مبتسمة وتضحك : الله ما أحلى الجو..
    ضحك على شكلها : لهالدرجة الجو حلو ؟؟ ما انتبهت ..
    سمر أنتبهت له وسكتت ..وهي مقهورة
    علاء كان واقف وصلت أم علاء : ها وليدي .. روح مع البنت حتى تغير جو مرة وحدة ..
    سمر أستوعبت الكلام ورجعت بسرعة : آه خالتي أنا غيرت راي ما رح أروح ..
    علاء كان يضحك على شكلها ..
    أم علاء سحبتها : يالله بنتي رح تتأخروا ..وركبتها قدام وعلاء مشى بالسيارة .. وقفل الباب
    سمر كانت تحاول تفتح الباب ودموعها بعينها : ليش ما يفتح ؟؟!
    علاء بضحكة : لآنه مقفول ..
    سمر ناظرته بنظرة : أنا ما قلت شيء يضحك ..
    والصمت ساد الأجواء
    علاء حب يشغل المسجل وحط أغنية أجنبية " rihanna diamonds"
    وهي كانت تناظر من النافذة ..
    كان راكب سيارته لمحها من بعيد .. :سمر؟! ورسل لها مسج
    سمر وصلها مسج " أنتي وين ؟"
    سمر بإرتباك وخوف رسلت مسج : "أنا بالبيت"
    منير كان وراهم بالسيارة وهو معصب ورسل مسج ..
    سمر فتحت الرسالة : " أنا وراكم بالسيارة" سمر بخوف ودموعها شوي وتنزل : رجعني بسرعة ..
    علاء أستغرب منها ورجع بالطريق .. وكلها دقايق ووصلوا عند البيت : أنا عارف أنش مو مرتاحة من هالوضع واللي تسويه أمي ..
    سمر : قول لأمك توقف عن اللي تسويه ..
    علاء : أسمعي أحنا رح نتقابل كل مرة ونفكر بالحل ..
    سمر : أنت شاللي قاعد تقوله ؟؟
    علاء : ما في حل ثاني .. أنا أقصد لما تجي بيتنا أو لما تحطنا أمي بمواقف .. وجت بتطلع بس كان الباب مقفول
    سمر بعبية : أفتح الباب ..
    وفتحه وطلعت بسرعة كأن ما عجبها كلامه..


    بالملعب : أحمد بصوت عالي وهو يركض : سعود خذ .. رمى الكورة لسعود اللي كان يحس بتشنج بكتفه وحاول يقاوم الألم اللي بكتفه..
    فلتت الكورة منه وأخذها مشعل .. اللي بالفريق الثاني وسدد الهدف
    جلس ع الكرسي وهو يمسح وجهه ..
    أحمد : سعود شفيك؟ اليوم مو على بعضك ..
    وصل مشعل : ما بقى الا نجيب لك منام ..
    هههه الظاهر الفوز مو محالفكم اليوم .. سعود كان ساكت..


    بالقصر

    بجناحها ..

    كانت منسدحة ع السرير راحت للمكتبة وأخذت لها قلم وورقة .. وبدأت تكتب وهي تفكر بداخلها قطع عليها أفكارها صوت الباب ..أنا منار ممكن أدخل؟؟
    ملك بسرعة خبت الورقة والقلم تحت مخدتها : تفضلي..
    دخلت منار .. ملك : للحين ما نمتي ؟
    منار : حاولت أنام وما جاني نوم..وأنتي ليش ما نمتي؟؟
    ملك : الا كنت رح أنام من شوي ..


    بالمزرعة :..

    الساعة 26:12 دقيقة ( نص الليل )

    كان الكل تسوده حالة الصمت
    علاء يفكر باللي قاله لها اليوم " رح توافق أكيد؟؟"
    وفارس اللي يفكر بداخل قلبه :"هذي ليش سوت كذا؟؟أنا فارس ولد راشد يصير فيني كذا .. ولا من قبل بنت ؟!
    وزهير اللي كان سارح ويفكر بحل للمشكلة اللي واجهته اليوم بالشغل ..
    ونذير اللي كان يفكر بجراحة العين اللي أجراها اليوم وما نجحت .. " أاانا فاشل"
    وعزيز اللي يفكر وين يشتغل ؟ اللي صار له اسبوعين وهو يدور على شغل ..
    وسعود اللي مصدوم من نفسه ومو مصدق أنه خسر المباراة اليوم
    كان هـ اليوم بالنسبة لهم نحس .. ومثل ما يقولون يوم أسود .. وكل واحد ما له حظ..


    بفلة أبو فارس :.

    بالجناح

    دخلت الجناح .. رزان بالله قومي أصحي رح تتأخري ع الشغل ..
    رزان : أنا حاسة نفسي تعبانة .. رح أستأذن اليوم
    روان : طيب أنا رايحة الشركة مع أبوي .. تآمريني بشيء
    رزان : لا .. توها رح تكمل نومها الا دق جوالها : الدكتور يوسف " بس كانت تعبانة وما لها خلق ترد .. بس دق جوالها مرة ثانية ورفعت : ألووو
    يوسف : آنسة رزان فيش شيء؟؟
    رزان : تعبانة شوي رح أستأذن وأطلع
    يوسف : رزان شفيش صاير معاش شيء؟
    رزان : لا
    يوسف : متأكدة ؟
    رزان : إيه


    صحت الصبح الساعة 08:30 وهي تحس بألم في بطنها "أوف هذا وقته؟..غسلت وجهها وفتحت الدولاب تطلع لها ملابس بسرعة سحبت بلوزة.. أودي بلون أبيض .. وبنطلون سكيني أسود.. لمت شعرها بحركة طفولية ومسكت شنطتها الظهر .. فتحت الباب بشويش .. وطلعت شوي شوي .. كانت تمشي مثل الحرامي .. سمعت صوت : ملك؟؟!
    التفتت شوي شوي وهي مرتبكة : أنتي .. أنتي صحيتي؟؟
    منار : كأنش طالعة ؟
    ملك ما عرفت بإيش تجاوب حست بيد تمسكها من كتفها : إيه رح تطلع معاي..
    ملك أرتاحت حتى ما تكشفها منار ..
    منار : ليش؟؟ وين رايحين ؟
    ملك كانت ساكته : ااحنا بنروح ..
    عبد العزيز : الدكتور طلب يشوفها .. يعني بخصوص الحادث اللي صار .. وأنا بوصلها بطريقي..
    ملك حركت راسها فوق وتحت : إيه ..
    منار : اهاا .. طيب بس مو تتأخروا عليي..


    بالشركة

    كان بمكتبه جالس ويراجع ملفات الشركة .. سمع صوت الباب دخلت السكرتيرة : سيد راشد .. في واحد يقول اسمه منير ..ومصر يدخل
    أبو فارس : خله يتفضل .. دخل منير
    أبو فارس : السلام عليكم .. تفضل أجلس .. وممسك التلفون : شنو تشرب ؟
    منير : أنا مو جاي أشرب أنا جاي أعقد معاك صفقة تربح من وراها الملايين ..
    أبو فارس تفضل .. ومنير كان يشرح له
    أبو فارس بصوت عالي : أنت شاللي تقوله ..؟؟
    أطلع برا .. أطلع من مكتبي ..
    منير : هين .. تطردني ؟ أنا رح أخليك تندم ..
    أبو فارس بعصبية : أطلع برا .. وتهدد بعد..
    منير طلع من المكتب .. واتصل : ألووو بسام .. أسمع سوي اللي أقول لك عليه وبالحرف الواحد..


    بفلة خليل

    صحت من النوم .. تذكرت أنه ما كلمها من أمس .. وهي تتصل عليه ولا يرد وهو ما اتصل عليها .. عصبت وقامت ..أخذت لها شاور سريع (أنتوا والكرامة )..ولبست لها بلوزة دانتيل أسود..مع بنطلون جينز.. وجففت شعرها شوي.. ونزلت لتحت : صباح الخير ..

    أم سمر : صباح النور ..
    وهي تشتغل بالمطبخ ..أم سمر : مم ما شاء الله ولد ابتهال خوش ولد وسااامة وجمااال ومثقف .. ما ندري يمكن بكرة يجوو ويخطبوش ..
    عصبت وجت بتمشي ..
    أم سمر : وين ما رح تفطري ؟؟
    سمر : انسدت نفسي ..وقامت غرفتها.. تذكرته " أسمعي أحنا رح نتقابل كل مرة ونفكر بالحل .."
    راحت تدور بمكتب أبوها .. بالكرووت
    قلبت المكتب فوق تحت .. لين حصلته ..شركة ……….)) وكتبت العنوان..




    نهاية البارت:.



    منقول هيهيهي..






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تحبني أو تكرهني
    بواسطة شيوخ المطاريش في المنتدى المنتدى العام General Forum
    مشاركات: 5
    آخر مشاركة: 13-05-18, 02:43 PM
  2. تحبني و لا تحب الدراهم
    بواسطة Ms.Dior 98 في المنتدى معرض المواهب و الابداع Fair talent and creativity
    مشاركات: 6
    آخر مشاركة: 12-12-23, 11:27 PM
  3. رنيت لك رنة ... ما سويتلي رنة .. و تقول انك تحبني لا لا و الله ما تحبني
    بواسطة الكشخة اساسي في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 24
    آخر مشاركة: 10-04-06, 11:59 AM
  4. جان صدق تحبني وايد ...........
    بواسطة إحساس غالي في المنتدى معرض المواهب و الابداع Fair talent and creativity
    مشاركات: 6
    آخر مشاركة: 09-09-23, 07:42 PM
  5. ما يصير تحبني و معذبني**
    بواسطة شطورة و مزيونة في المنتدى معرض المواهب و الابداع Fair talent and creativity
    مشاركات: 12
    آخر مشاركة: 09-01-28, 11:01 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •