تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 3 من 4 الأولىالأولى 1234 الأخيرةالأخيرة
النتائج 21 إلى 30 من 32
  1. #21
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه الخامسه عشرღ

    ملاك وهي تغير الكماده .. بدت تقرا على مايد ..

    ملاك : مايد .. مــــايد

    مايد : لا رد ...............

    ملاك : ميود رد علي دخيلك

    مايد بدا يون وبس .. ومن كثر ما الحراره مرتفعه ما تكلم رد غمض عيونه ..

    ملاك ردت غيرت الكماده .. الين حست ان الحراره بدت تنزل وترجع طبيعيه ..

    تجدمت ملاك عن الكبت وطلعت لها فراش .. وفرشته ع الأرض ورقدت عشان لو حرارة مايد ترتفع ترد تغير له الكماده ..
    ,
    ,
    الساعه عشره الصبح .. مايد فتح عيونه على ضوء الشمس وشاف روحه بحجره ملاك .. بدا يتسوعب اش صار بليل .. مسك راسه حس راسه يعوره .. رجع حط راسه ع المخده وغمض عينه ..

    رد فتح عيونه وهو يسمع صوت موبايل يرن بالحجره .. يلس .. شاف ملاك راقده ع الأرض ..
    قام من ع السرير .. روح صوب ملاك ..

    مايد : ملاك .. ملاك

    ملاك : لا رد

    مايد : ملاك قومي

    ملاك لفت ويهها الجهه الثانيه

    مايد : ملاكك تراج تأخرتي ع الكليه

    ملاك : ما بروح

    مايد : انزين نشي ارقدي فوق انا قمت

    ملاك : مابا خل يغيرون الفراش مافيني أمرض

    مايد مشى وقال : برايج ..

    شكلها المكسينه كانت سهرانه طول الليل .. الله يهديها جان توعيني واروح المستشفى أحسن لي .. بس صدقها وين كان فيني حيل .. أنا روحي ما اتذكر شو صار لي ..!

    .



    ............... : مــــايد

    مايد لف شاف أمي فاطمه : صباح الخير أمي

    أمي فاطمه : صباح النور

    مايد : هلا أمي اش فيج متروعه

    أمي فاطمه : وانا يايه اوعيك الصبح ما شفتك في حجرتك .. رحت حجرة ملاك شفت الماي والكلينكس .. تروعت قلت ليكون مستوي بك شي

    مايد ابتسم : لا أمي ما فيني الا كل خير

    أمي فاطمه ابتسمت : أكيد ياامي

    مايد : هي أمي خلاص صرت أحسن .. بس ملاك حليلها تعنت معاي بليل

    أمي فاطمه : جان توعيني

    مايد : وانا اش دراني عنها .. ما كنت أعرف عن روحي

    أم فاطمه : عيل ملاك شكلها ما بتداوم اليوم

    مايد : وين فيها شده

    أمي فاطمه : يلا عيل روح تسبح بماي بارد عسب الحراره تطلع من جسمك .. وتعال تريق معاي

    مايد : انشالله أمي

    أمي فاطمه : يلا أترياك
    /
    .
    /
    بدور : وينها ملاك ..؟

    أريج : ما أدري ما ترد عليه

    روان : ولا علي ..!

    شوق : غريبه اش فيها عاد

    نور : والله ما أدري ما كلمتها بعدني

    روان : ليكون صاير ببيتهم شي

    نور : لالا مستحيل تشوفون عندها ظروف من كذا ما جت

    اريج : يلا انشالله تكون بخير .. وتتصل عقب شوي نتطمن عليها

    نور : انشالله

    شوق : والله الكليه ما تسوى بدونها شي

    اريج : اي والله

    بدور : يلا انشالله ما فيها الا كل خير

    شوق : انشالله

    نور : طيب اتصلو على تلفون البيت

    اريج : اي أنا أعرف رقم بيتهم

    نور : اجل اتصلي

    اريج : أوكي ..

    البنات تيمعو حوالين اريج .. واريج اتصلت على بيت ملاك ..

    مايد رد عليها : السلام عليكم ..

    اريج : وعليكم السلام

    مايد : هلا أختي .. بغيتي شي ...؟؟

    اريج : ملاك موجوده

    مايد : راقده ..

    اريج : خير فيها شي مب مداومه

    مايد : لا ما فيها شي .. اتصلي بها عقب

    اريج : اوكي شكرا ..

    مايد : العفو ..

    بعد ما صكرت التلفون ..

    نور : طمنينا ..؟؟

    اريج : الظاهر اخوها اللي رد ويقول انها نايمه

    شوق : خير ..؟؟

    اريج : يقول ما فيها شي

    نور : يلا الحمدلله

    بدور : بعدني مب متطمنه

    اريج : بتتصل بروحها لما تقوم

    نور : الله يستر ...
    /
    .
    /
    يوم الاثنين الصبح ..

    البنات ملتمين حوالين ملاك ..

    دخلت بدور .. وقالت : يا مرحبــــــــــــــــا يا مرحبا

    ملاك ابتسمت : هلا بدور

    بدور : اسفرت وانورت واستهلت وأمطرت

    ملاك تضحك : غبت يوم وجذي ههههههه

    شوق : اي والله لو أكثر جان صدق تجننا

    ملاك تبتسم : زين زين عرفت بغلاتي عندكم ..

    نور : فديتك انتي غاليه من غير ما تتغلين هههههه

    ملاك : فديتكم أنا

    اريج : طمنينا على مايد

    ملاك : اشوفج مهتمه فيه هههه

    اريج : يالدبه يلا قولي شخباره

    ملاك : تمام بس البارحه بليل كان مسخن وايد

    نور : عنده أخته ممرضه ههههه

    ملاك : اي ههههههه

    بدور : يلا زين عرف قدرج

    ملاك : ههههه اي عرف قدري بس هاليوم رقدت ع الأرض .. ظهري تكسر

    روان : يالمسكيييييييييييينه هههههه

    ملاك : تريي بييلج يوم

    شوق : اي صح نسيت أخبركم ..

    البنات : خير

    شوق : تخيلو من بيزورنا ع الخميس

    نور : أدري ههههه

    شوق : ادري انج تتدرين بس الباجي ههههه

    روان : منو ..؟؟

    شوق : عيال عمي سعود من الكويت

    بدور : احلفي بس

    شوق : والله

    بدور : ياحظكم

    شوق تبتسم : لأنهم باجازه نص السنه ..

    اريج : اهني المدارس بعدهم أمس بدو امتحانات نص السنه وع الأسبوع الياي بيخلصون

    شوق : المهم انهم اييون ههههه

    نور : الله يعيني

    ملاك : اي انتي جذي محبوسه عاد الله يستر جان يو عيال عمهم نور ما بتظهر من الحجره هههههه

    نور تضحك : اي والله ههههههه

    ملاك : وأنا بعد عندي خبر حلو ..!!

    البنات : خير ...؟؟

    ملاك : تخيلو شو ..؟؟

    نور : ليكون انتي الثانيه عيال عمك بيجون ..؟؟

    ملاك تضحك : نحن وين وعيال عمي وين الله يخليج .. ههههه

    روان : عآد ..!

    ملاك : راشد ولد أمي فاطمه بيي يوم الأربعا بليل

    بدور : له له

    ملاك : اي والله

    اريج : خلص دراسه ..؟؟

    ملاك : هي ومعاه الشهاده

    بدور : خلاص يفتح مستشفى ونشتغل عنده ممرضات ههههه

    ملاك : يبيله تصدقين هههههه

    نور : أكيد أمه فرحانه

    ملاك : فوق ما تتصورين وبعدين متغرب كل هالسنين لازم تفرح أمه بشوفته

    بدور : ع قولتهم قرت عينها بشوفته

    شوق : فديت الصواريخ اللي تطلقها بدور ههههههه

    اريج : ونحن عمي بيي بس يقعد يوم

    نور : ماشالله تطورات اليوم وأخبار جديده
    ,,,
    مرت الأيام .. الين يا يوم الأربعاء .. يوم وصول راشد للبلاد .. تغرب كل هالسنين في الخارج بس رجع وهو رافع راية بلاده وطبيب .. أمه أكثر وحده بتفرح بوصوله .. ولدها الوحيد

    مايد شاف راشد في المطار وأشر له ..
    راشد ابتسم لـ مايد وتقدم عنه وتخاشمو .. وحضن راشد صديق الطفوله ..

    مايد : نورت البلاد

    راشد : منوره بأهلها

    مايد : اش حالك ..؟؟ طمني عنك انشالله كنت مرتاح

    راشد يبتسم : أنا بخير .. بس خلاص من اليوم بكون مرتاح انشالله دامني رجعت للدار

    مايد ابتسم : دوم يارب ..

    راشد : انت اش حالك ..؟؟ واش حالك الوالده وملاك وموزه ..؟؟؟

    مايد : بخير كلنا بخير ياخوي

    راشد : البلاد تغيرت وايد

    مايد : عشر سنين ياخوي مو شويه

    راشد ابتسم : هي والله مب شويه ..

    مايد : يلا نروح نخلص اجراءات ونرد البيت عسب تشوف الأهل وتريح

    راشد : هي لأني من أسبوع مب راقد عدل

    مايد : الله يعينك ياريال ..
    /
    .
    /
    شوق : نواري أمانه قولي هذا حلو ولا هذا ..؟؟

    نور : ولا واحد

    شوق : يلا قولي ...؟؟

    نور : قلت لك ولا واحد والله

    شوق تبتسم : انزين شو البس ..؟؟

    نور : التنوره البنيه مع القميص البرتقالي

    شوق : حلو ..؟؟

    نور : اي والله أحلى من هذيل

    شوق : بشوفه عاد

    نور : لييييه هم متى بيجون ..؟؟

    شوق : باجر الساعه اثنعش الظهر بيوصلون مطار دبي

    نور : بيجون بدري

    شوق : اي ما بييون بليل

    نور : بنكون في الكليه

    شوق : لا باجر محد مداوم

    نور : لييييه من قال ..؟؟

    شوق : يالذكيه ناسيه ان باجر ماكو جدول ولاشي

    نور : اي زين ذكرتيني

    شوق : تهقين راشد وصل ..؟؟

    نور : أكيييد صارت الساعه تسعه بليل

    شوق : ملاكوه اش بتسوي ..؟؟؟

    نور : ولاشي .. هم مثل الأخوان ربو مع بعض

    شوق : هبله وطول عمرج بتظلين هبله

    نور : وليييه يعني ..؟؟

    شوق : مو كل اللي ربو مع بعض تفكيرهم جذي .. فكري شوي نواري فكري .. وافهمي قصدي

    نور : يقولون اللبيب بالاشارة يفهم .. بس أنا شكلي فهمتها

    شوق : أشك الصراحه هههههه

    نور : اخلصي يلا اختاري لك لبس حلو

    شوق : خلاص التنوره الجنز والقميص التركواز مع الككاوي

    نور : حلو .. بس البسي شيلة سوده

    شوق : أوكي .. اصلا ما عندي شيلة تركواز مع ككاوي

    نور : طيب مو لازم تخلطين يالهبله ترا لون واحد عادي مو لازم الوان الدنيا بالشيله

    شوق تبتسم : أوكي أوكي خلاااص أكلتيني ..
    /
    .
    /
    مايد يبتسم : روووح ريح شوي بو سنيده

    راشد يبتسم له ويقول : بقعد مع الوالده شوي

    أمي فاطمه تشوفه وتقول : فديتك ولدي .. الله يحفظك

    مايد يبتسم : تراني أغااار

    راشد : ياريال اسكت لاذبحك انا صار لي سنين محد يدلعني خلني اليوم اتدلع ع كيفي

    مايد : ههههه اليوم وبس

    راشد يبتسم : أمي صح موزي متى بتيي ..؟؟

    أمي فاطمه : اليمعه انشالله

    راشد : انشالله

    أمي فاطمه : عاد عيالها كبرو

    راشد يبتسم : بنشوفهم انشالله

    مايد : يشبهونك ههههه

    راشد : أكيييد حلوين .. صح ملاك وينها ..؟؟

    أمي فاطمه : ملاك صارت حرمه خلااااص

    راشد يبتسم : كبرت ههههههه

    مايد : هي هي خلاااص الحين ماشي توديها الدكان وياك ههههه هذاك أول

    راشد : عادي بنوديها الجمعيه هههه

    مايد : عسب أدفنك جدام البيت ههههه

    أمي فاطمه : بلاكم يا عيال

    راشد : استحملي امي صار عندج ولدين لازم يتفاتنون أربع وعشرين ساعه

    مايد : ههههه دافعي عني أمي أوكي

    أمي فاطمه : الله يهديكم بس

    راشد : يلا عاد أنا بروح بريح شوي

    مايد : نوم العوافي

    راشد : الله يعافيك

    أمي فاطمه : راواك حجرتك مايد

    راشد يبتسم : أمي ترا نحن ربينا في هالبيت وين بننساه ههههه

    مايد : روح ارقد يلا بسولف مع أمي شوي

    راشد : تصبحون على خير

    مايد وأمي فاطمه : وانت من أهله ..
    /
    .
    /
    .
    /
    مر يوم الخميس بسرعه ... الكل يتريا يوم الجمعه يوم اليمعه .. اللي أهله بيزورونه واللي ناطر ناس ما شافهم مده .. واللي واللي واللي .. وكلن له حكايه .. وبحر من المفاجئات تنتظره ..
    /
    .
    /
    .
    /
    يوم الجمعه الساعه عشره الصبح ..

    أم عبدالعزيز : شوق .. يمـــا شوق

    شوق يايه ركض من المطبخ : هلا يما

    أم عبدالعزيز : اش صار ع الأكل ..؟؟

    شوق : العيش بروحج سويه بس السوالف الثانيه أنا ونور قاعدين نسويها

    أم عبدالعزيز : انزين انتي روحي ساعدي نور وبييكم بعد شوي

    شوق : انزين يما

    نور وهي تقطع السلطه : خير اش تبي خالتي ..؟

    شوق : ماكو بس تسأل عن الأكل

    نور : شوق تعالي ساعديني شوي

    شوق : يما منج .. الحين مو انتي اللي قايله ما أحب أحد يساعدني

    نور : اي بالدراسه مو بالمطبخ

    شوق : كله واحد

    نور : لأ مو واحد

    شوق تبتسم : لا واحد يلا روحي مناك

    نور تضحك : يالعياره تتحججين

    شوق : اي اتحجج ههههه

    نور : الله يراويج هههههه

    شوق تطلع لسانها : اقول انجبي وكملي شغلج

    الهنوف تدخل المطبخ .. شوق : الهنوف وين أمي ..؟

    الهنوف : وأنا اش دراني روحي شوفيها بروحج

    شوق : أعوذ بالله بس سألنا

    الهنوف تروح تشرب ماي : وجاوبتج

    شوق تطالع نور وتأشر لها بمعنى مينونه .. نور تبتسم لها وتقول اسكتي ..

    أم عبدالعزيز تدخل المطبخ : ها اش سويتو بنات ..؟؟

    شوق تبتسم : الله يابج

    أم عبدالعزيز : خير ..؟

    شوق : الحين ارش عليه الكزبره ولا ..؟

    أم عبدالعزيز : لا لا انطري قبل لا نقدمه أحسن عشان شكله يطلع مرتب

    شوق : أوكي

    أم عبدالعزيز : وانتي نور ..؟؟

    نور : خالتو بعدني ع السلطه

    أم عبدالعزيز : ويه ع ايامنا نحن كنا نخلص الطباخ بهالمده

    نور تضحك : ترا ايامكم ما كان فيه سلطه

    أم عبدالعزيز تضحك : مو لهالدرجه عاد ههههههه

    شوق : بسكم حجي يلا خلصو عشان نلحق على صلاة الظهر

    أم عبدالعزيز : شوق اتركي اللي بيدج وروحي قومي ضاري خل يتسبح عشان يروح المسيد

    شوق : مابي .. الهنوف روحي قوميه

    الهنوف : مابي أنا بروح داري .. امتحانات نص العام بدت

    شوق : أوف .. تسمعينها كأنها دافوره وهناك طل أعوذ بالله

    أم عبدالعزيز : بلا حجي زايد يلا روحي قومي أخوج خل يروح المسيد

    شوق : انشالله ماميتو تامرين أمر انتآآآآي

    أم عبدالعزيز : يقطع بليسج يلا روحي بسررررعه هههههه

    شوق تمشي .. وتروح حجرة ضاري عسب توعيه من الرقاد .. الين وصلت فوق .. أول ما وصلت طالعت حجره عبدالعزيز ابتسمت .. الحين نواف راقد بعده والله لو بيدي اروح أقومه بس خساره .. اي صح نواف نايم بغرفة عزوز وعمي وولد عمي الثاني وينهم ..؟؟ يلا خل اروح اقوم ضاري وبرجع بسأل أمي ..

    دقت باب حجرة ضاري ودخلت .. تجدمت شوق عن السرير ..

    شوق : ضاري .. ضاري قوم بسك نوم

    ضاري : لا رد ....

    شوق : ضاري قوم ولا بخبر أمك

    ضاري : لا رد ....

    شوق : ضــــــــــــــــاري قوم ولا بييب سطل ماي وأجبه عليه .. وبعدين اليوم يوم الجمعه و .............

    قاطعها وهو يرفع اللحاف عنه ويقول وهو معصب وفيه رقاد : زين رهام لعنبو ابليسج حشرتينا ..

    شوق تنصدم يوم تطالعه وترجع ورا .. : آسفــــه ع بالي ضاري ..

    نواف يطالعه منصدم ومستغرب ويبي يضحك : شــــــوق

    شوق تنزل راسها مستحيه تبي تمشي ..

    نواف وقفها وهو يقول : أعوذ بالله طبق الأصل من رهاموووه أختي .. اسلوب ماكو كللللللللللش

    شوق .. أنا اللي ميته عليك واليوم ياي أول كلمه أسمعها منك اسلوب ماكو .. نزلت راسها ..

    نواف : سمحي لي ما عرفتج كان فيني نوم تدرين عقب السفر ارهاق ..

    شوق : لا عادي

    نواف : اشلونج ..؟؟ انشالله جينه باباتي

    شوق تذكرت اسلوبه الدفش والمضحك وابتسمت : جينه وجبنه وقشطه .. انت اش لونك ..؟؟

    نواف : تمام الحمدلله ..

    شوق : شخبار أهل الكويت ..؟؟

    نواف : كلهم بخير الحمدلله يسلمون عليكم

    شوق : الله يسلمهم يارب .. يلا عاد قوم عشان تروح المسجد

    نواف : انشالله .. وتعملي ترا هذا مو أسلوب تقومين فيه الناس .. باجر لو زوجج بيكره حياته هههههه

    شوق نزلت راسها واستحت : يلا عن اذنك ..

    نواف : اذنج معاج شوكه

    شوق لفت وتذكرت هذا لقبها اللي تكرهه وهي صغيره وابتسمت : نونو

    نواف : اقول اطلعي مو كافي خربتي نومتي ..

    شوق ابتسمت وطلعت ..

    يالله هذا نواف .. ياربي سنتين وتغير جذي .. والله ما اصدق ياربي عليه بعد أهبل ويجنن .. والله ان خوووش طفل .. هع لو سمعني بس ..! بس بعده حبوب واجتماعي .. يا ربي .... موقف لا أحسد عليه ..

    نور وهي تقطع : شوووق

    شوق : لا رد

    نور : شوق يا شـــــوق ..!

    شوق لفت تطالع نور : هلأا ..

    نور ابتسمت : اللي ماخذ عقلج يتهنا به

    شوق ابتسمت : ماكو أحد غيرج

    نور : اي اي علينا والحبايب موجودين

    شوق : ملييييييييقه نوووروووه اسكتي ترا اللي فيني مكفيني

    نور تبتسم : له له له خير اش صاير

    شوق : اش صاير بعد

    نور : ليكون لعنتي حلت عليك

    شوق تبتسم : اي الظاهر هذي حوبتج ههههههه

    نور : اش صار ..؟؟

    شوق : بدال لا اقوم ضاري قومت نواف

    نور تبتسم : نــــــــــواف

    شوق : ايه نواف فيه أحد غيره يعني

    نور تضحك : لا احلفي بس يا شيخه

    شوق : والله

    نور : ويو ويو ويو .. تفشلت المسكينه

    شوق : نور اسكتي لا افر عليج اليدر

    نور : اش صار انزين

    شوق : بعدين بخبرج الوضع الحين ما يسمح ..

    .................. : شاللي ما يسمح ...؟؟

    شوق ونور يلفون مصدومات .. شوق تتأتأ : ماكووو ...!

    عبدالعزيز يفتح الثلاجه : انتي اللي تقولين ..!

    شوق : اي سوالف بنات

    نور : انت من متى هنا ..؟؟

    عبدالعزيز : يهمج ..؟؟

    نور استحت من أمس وهو طايح عليها الا يبي يكلمها .. نور : لا بس أسأل ..

    عبدالعزيز : عاد خلاااص ما بجاوب .. شوق طلعي لي ريوق

    شوق : انشالله

    عبدالعزيز : نواف هم بيتريق معاي

    شوق : وعمي وولده براك ..؟

    عبدالعزيز : لا لا تريقو خلاص

    شوق : أوكي ثواني

    طلع عبدالعزيز .. شوق : كنا بنروح فيها

    نور ابتسمت : يلا طلعي لهم فطور

    أم عبدالعزيز تدخل المطبخ وتقول : بنت انتي معاها يلا كملي اللي بيدج ..

    نور تبتسم : انشالله خالتو ..
    /
    .
    /
    .
    /
    أريج : انزين كيف بنحط الأكل جدامهم

    خالو أمينه : مثل العالم والناس كيف بعد ..؟؟

    أريج : لا بس أقصد انه مرته لبنانيه يمكن غير

    خالو أمينه : ما عليج تعودت على عمج

    أريج : كم بيتمون عندنا ..؟؟

    خالو أمينه : للعصر وبيروحون

    أريج : ولييييييييييش ..؟؟

    خالو أمينه : عنده شغل

    أريج : آها .. انزين خل يترك مرته عندنا

    خالو أمينه : هي عشانج ..!

    أريج تضحك : خلااص انزين ما قلنا شي

    خالو أمينه : خلصي بسرعه عشان تروحين تتسبحين وتجلسين مع الضيوف لما يوصلون

    أريج : انشالله

    خالو أمينه : كلميهم عدل

    أريج : انشالله

    خالو أمينه : و عـ ...............

    أريج : أمـــي ترا والله أعرف ههههه

    خالو أمينه تبتسم : بس أبي أتأكد يعني

    أريج : أبي أِشوفهم .. من زمان عنهم

    خالو أمينه : اي والله من زمان ..

    أريج : كم صار لهم ..؟؟

    خالو أمينه : مب وقت طويل قريب .. بس عمج فيه الخير

    أريج : اي والله فيه الخير

    خالو أمينه : لولاه مدري اش كنا بنسوي ..؟

    أريج : أكيد طايحين بالشوارع

    خالو أمينه : لا تفاولين علينا بعيد الشر عنا

    أريج تضحك : لا بس أوضح لج الصوره يعني

    خالو أمينه : شكرا مايبي ههههه

    اريج : أمي بسألج ما تعصبين

    خالو أمينه : سؤال ما يعصب ما بعصب أكيييد

    أريج : لا عاد خلاااص

    خالو أمينه : قولي يلا

    اريج : بتعصبين ..؟؟

    خالو أمينه : لا ما بعصب

    اريج : اليوم انتي ليييش مستانسه ...؟؟

    خالو أمينه : عشانج ..

    اريج مستغربه : عشاني ..؟؟

    خالو أمين : ايوا

    اريج : ولييش ..؟؟

    خالو أمينه : لأنج بتشوفين عمج اللي هو سندج

    اريج تضحك : اها وأنا اقووول شالسالفه

    خالو أمينه تبتسم : الله يحفظج

    أريج : آمييين .. بس لو عمي عنده ولد بعمري كان زين

    خالو أمينه : ليييش ..؟؟

    اريج : أظمن اني ما بعنس

    خالو أمينه تعقد حياتها : اسكتي لا أكسر راسج بهالشاطور

    اريج تضحك : ههههههههه أمي اش فيج أمزح انزين

    خالو أمينه : مابي هالمزح

    أريج بهمس : لو تدرين عن سوالفي جان ذبحتيني

    خالو أمينه : اش قلتي

    أريج : ماشي

    خالو أمينه : بلا انتي قاعده تتحرطمين

    أريج : ماشي بس أقول ان الوقت مب قاعد يمر

    خالو أمينه : هي بس اييون بيمر الوقت بسرعه انشالله

    أريج تبتسم : انشالله

    خالو أمينه : أنا رايحه أقرا سورة الكهف كملي شغل انزين

    أريج : انشالله أمي ..

    خالو أمينه : وحاسبي ع الأكل عن يحترق

    أريج : من عيوني والله تامرين أمر

    خالو أمينه : يلا عاد بروح بقرا سورة الكهف ..
    /
    .
    /
    .
    /
    ميره : تعالي ساعديني انزين

    بدور حاطه ريل على ريل : مابي

    ميره : لا والله

    بدور : اي والله

    ميره : وليييش انشالله ..!

    بدور : كل رفيجاتي أهلهم بيزورونهم اليوم ونحن ما عندنا أحد

    ميره : ما يكفيج حمداانوه

    بدور : حتى ولو ..!

    ميره : السبوع اللي طاف كنا بالعين

    بدور : أدري بس اليوم اهمه كلهم متيمعين

    ميره : انشالله انتي بعد .. خلاص هانت مب باجي الا كم شهر وترجعين قطر

    بدور ابتسمت : تدرين اشتقت لقطر وأهلها .. وكل شي بس ما ودي أرجع

    ميره : وليييش انشالله ..؟؟

    بدور : الصراحه ودي أقعد مع رفيجاتي

    ميره : كلهم بتفرقون محد يتم مع أحد هذي سنة الحياه

    بدور : ومو ذابحني غير هالفراق

    ميره : يقول لج الشاعر .. ما تقبلت الفراق وما ليدي فيه حيله ..

    بدور تضحك : انتي وين وحامد زيد وين ههههههه

    ميره : اسولف هههههههه

    بدور : خلاص من الملل بقطع لج السلطه ..

    ميره : الحين البنات لا قطعت السلطه جنها سوت ذبيحه ههههه

    بدور : اي والله وبعدين اش عرفنا بالطباخ نحن

    ميره : تخيلي باجر لو خذيتي لج واحد ما يجب غير أكل البيت

    بدور : يسطفل ههههه

    ميره : دبــــه لا تقولين جذي .. يلا اشوووف اشتغلي

    بدور : ان شاء الله أختي العزيزه

    ميره : والله انج ملقوفه بدوروه

    بدور : أدري

    ميره : يلا خلصيني بسررررعه قبل لا يرجع معضد من الصلاه

    بدور : أوكي أوكي بس لا تعصبين هههههه

    ميره : جم باجي ع الدراسه

    بدور : الله يسلمج شهر خمسه أخر شهر

    ميره : يلا متى شهر خمسه يييي

    بدور : جريب جريب وبتفتكوني مني

    ميره : كل شي تفهمه غلط .. يما ترا قصدي بربي وبنروح قطر انشالله

    بدور : لا أدري قصدج أرجع قطر أدري لا تحاولين

    ميره تضحك : دبه أدري قلبج أبيض

    بدور : لا أحمر ها ها هاي

    ميره : بدورووه خلصي قبل لا اييي ريلي من الصلاه

    بدور : انشالله انشالله

    ميره : وين ناويه تشتغلين في قطر

    بدور : والله ما فكرت بعدني

    ميره : ورفيجاتج ..؟؟

    بدور : هم ما يعرفون ..

    ميره : تدرين لو بتشتغلين في قطر .. اشتغلي بالمستشفى اللي يشتغل فيها عبدالرحمن دكتور ..

    بدور : لا والله تبين يحاسبني على كل شي

    ميره : بالعكس ..!

    بدور : مابي مكان مع عبدالرحمن مابي

    ميره : ههههه انزين انزين على كيفج كليتيني ..

    بدور : يلا يلا خلصي قبل لا ايي ريلج

    ميره : ههههه انشالله ..
    /
    .
    /
    .
    /
    روان طالعه من حجرتها .. وهي تتكلم بالتلفون ..

    مروان : أوكي اترياج

    روان : انزين بس اسمعني تراني ما بقعد وايد

    مروان : أوكي بس نتغدا

    روان : انزين وين ..؟؟ ما خبرتني

    مروان : مفاجأه

    روان : أوكي أنا نازله ..

    مروان : بسرعه ترا صارت الساعه وحده ونص .. وأنا ما تريقت بعد

    روان تضحك : لهالدرجه مروانوووه ههههه

    مروان : هي والله ما مداني

    روان : أوكي خلاااص وصلت عند الباب .. يلا صكر .. بطلع لك

    مروان : تريي

    روان وهي طالعه تشوف سيارته : هلأ

    مروان : محد يشوفنا ..!

    روان : لأ أبوي محد وأمي نايمه .. رجعت من برع الفير

    مروان : آها يلا بسرعه قاعد اشوفج

    روان : أوكي

    مشت روان الين السياره وركبت .. : السلام عليكم

    مروان : وعليكم السلام

    روان ابتسمت : خواف

    مروان : مب بايع روحي هههه مشينا ..؟؟

    روان : مشينا !!

    مروان : وين تبين تروحين ..؟؟

    روان : اي مكان

    مروان : بوديج مكان يعجبني وايد

    روان : شرط !!

    مروان : أدري

    روان : شو هو ..؟

    مروان : مكان عام !!

    روان : صح ههههه

    مروان : أدري بج .. ما تثقين فيني ..

    روان : حرام عليك مرواني بس والله الدنيا مالها أمان

    مروان : أدري ههههه أصلا روحي ما ارضى نكون روحنا

    روان : ويا راسك يلا بسرعه لأني يوعانه

    مروان : أوكي هههه بس مب أكثر عني

    روان : أشوفك ياي من مجاعه

    مروان : اسكتي لافرج برع

    روان تضحك : ما تقدر

    مروان : اقدر

    روان : لأأأ ههههه

    مروان : تبين تشوفين ..؟؟

    روان : لا لا شكرا هههههههه

    مروان : أشغل المسجل

    روان : لأا أنا بروحي بشغله

    مروان : يلا سمعينا على ذوقج

    روان بدت تغير بالاف ام .. وقالت : ما عندك سيديات ..
    مروان : امبلى بس أكثر شي قرآن تدرين الوالده ما تحب الأغاني

    روان : آها ..

    مروان ابتسم : عقبال ما تصيرين شراتها

    روان : هههه آمين .. بس تخيل يوم انك تبي تخطبني أمك بتنصدم يوم تعرف ان أمي أجنبيه وكافره هههه

    مروان : وهي شو يخصها بأمج .. عليها منج وبس

    روان ابتسمت : واي فووديت اللي يفهمون

    مروان : استحي على ويهج يابنيه

    روان : خلاااص استحيت هههه
    /
    .
    /
    .
    /
    ملاك : موزي يالدبه بسج

    موزه : تراني ما بخلصه ههههه

    ملاك : مو زين وايد تراه سكر .. لا سمح الله ييب لج السكري

    موزه : احبه زياده

    ملاك تبتسم : لا حول ولا قوة الا بالله أمي طالعي موزي

    أمي فاطمه فيها رقاد : أنا بروح برقد

    ملاك تضحك : أمي ولا تدري عن الدنيا .. روحي فديتج ارقدي

    أمي فاطمه : وعيني صلاة العصر

    ملاك : انشالله

    موزي : وينه رشود بعدني ما شفته وأنا يايه عشانه

    ملاك : ربعه معاه في الميلس

    موزه : هيييييه .. بس أنا أخته أولى .. لازم أشوفه قبل

    ملاك تضحك : فهميه عاد

    موزه : شفتيه ..؟؟

    ملاك : لأأ بعدني

    موزه : ابي أعرف متن ولا ضعف .. ولا طول هههههه


    ملاك : لا ابشرج توقف نموه ههههه

    موزه : يلا بتصل به خل ايي جرب يأذن العصر وهو بعده

    ملاك تبتسم : اي والله جرب يأذن العصر وبعده مايااا ..

    موزه : خلاااص بتصل فيه الحين ..

    ملاك : يلا بسررررعه

    ................. : هود هود

    موزه : هدا هدا

    .............. : تتصلين بـ منو ...؟؟

    موزه توقف وتبتسم عن خاطر : راشـــــــــــــــــــــــــد

    راشد يبتسم لها ويقول : يا مرحبا

    موزه تتجدم عنه وتحضنه وتقول : منو البلاد والله

    راشد يبتسم : أدري هههه

    موزه تضربه ع الخفيف : فديتك .. مستوي ضعيف جييييه

    راشد : افكر فيج ههههه

    موزه تبتسم : ماشالله ماشالله يلا مبروووك ع الشهاده

    راشد : الله يبارك في حياتج

    موزه : طمنني عنك وعن أحوالك ..؟؟

    راشد : بخير الحمدلله

    موزه : دوم يارب

    راشد : وينهم عيالج ما اشوفهم

    موزه : رقود

    راشد : بسير بوعيهم

    موزه : لا لا دخيلك

    راشد ابتسم : يلا عيل بروح بقعد مع الرياييل بس يروحون بيييلج ..

    موزه : أوكي

    راشد يلف عسب يروح .. يطالع ملاك يالسه يدامه .. يبتسم ويطالعها باستغراب .. ملاك منزله راسها ..

    راشد ابتسم وقال : ملاك ....؟؟

    ملاك رفعت راسها شوي وقالت : نعم

    راشد : اش حالج ..؟؟

    ملاك : بخير الحمدلله .. منور البلاد

    راشد : منوره بأهلها

    ملاك : تسلم ..

    موزه تنغزه وتقول : جيه تطالع جذي ..؟؟

    راشد بهمس : من الدراسه نظري روح فيها

    موزه تضحك : يلا يلا روح قبل لا ايي مايد ويقول انك تأخرت ع الرياييل

    راشد : عن اذنكم ..

    موزه وملاك : اذنك وياك

    بعد ما راح راشد .. موزه تجدمت عن ملاك وابتسمت .. : تغير وايد

    ملاك : هي وايد متغير

    موزه : بس ضعفان وصاير شيبه ههههه

    ملاك : حرام عليج وين شيبه ههههههههه

    موزه : مستغرب يشوفج هههه

    ملاك .. ابتسمت وما ردت ... يارب .. يــــارب يطلع راشد بعده متذكرني وما نساني .. والله اموت لو انه ناسني .. اش كثر أحبه ياربي .. أموت ع التراب اللي يمشي عليها راشد ..
    تغير وايد .. بس انشالله مشاعره تجاهي ما تكون تغيرت ..!!
    /
    .
    /
    .
    /
    بعد ما تغدو .. طلعو من المطعم ..

    مروان : روان بقول لج شي بس رجاءا ما تزعلين

    روان : آمر

    مروان : ما يامر عليج عدو

    روان : ولا عليك

    مروان : بس حبيت أقول لج لازم نخفف من مكالماتنا شوي وما يكون في طلعات

    روان مستغربه : ليييش ..؟؟

    مروان : لأنج خلاااص بتخلصين وانتي مهمله روحج وايد

    روان : بالعكس مروان ..!

    مروان : روان اسمعي الكلام .. مو تقولين انتي تسمعين كلامي

    روان : اي

    مروان : عاد خلاص .. نبتعد عن بعض شوي

    روان : مروان لأأأأ حرام عليك

    مروان : روان ما أمزح معاج

    روان : صاير شي مروان ..؟؟

    مروان : لأأ روان مب صاير شي بس هذي أخر طلعه لنا مع بعض

    روان : مروااان انت شو تقول

    مروان : مب قصدي جذي ياروان .. بس عشان دراستج

    روان : وبعد الدراسه

    مروان : يحلها الف حلال

    روان مستغربه : مروان انت اش قصدك

    مروان : مب قصدي شي روان بس أبي مصلحتج

    روان : واش دخل مصلحتي بحبنا

    مروان : روان رجاءا افهميني .. بس هالفتره نبتعد شوي عن بعض

    روان : يعني ما أكلمك

    مروان : اي روان .. هالفتره ما بكلمج

    روان : ليييش ..؟؟

    مروان : بسافر ..!

    روان مستغربه : تسافر ..؟؟

    مروان : هي بسافر

    روان : مو انت تقول انك ما بتسافر هالفتره

    مروان : وغيرت رايي خلاص

    روان عقدت حياتها : مروان انت جذي تدمرني

    مروان : هالفتره وبس يا روان

    روان نزلت دموعها ... مروان سفط السياره بجنب الرصيف وطالع روان .. نزلت راسها .. رفع راسها وطالعها ..

    مروان : دموعج غاليه علي

    روان : لا تجذب مروان .. أدري دموعي مب غاليه عليك

    مروان : يشهد الله علي انها غاليه

    روان : عاد ليييش تسوي جذي

    مروان : عشان مصلحتنا ..

    روان : لأ مروان صاير شي

    مروان : قلت لج يا روان مب صاير شي .. شو ما تفهمين

    روان : مروان ما تدري كيف بعيش من بعدك أنا

    مروان : اذكري ربج وصلي وكل شي يهون

    روان : بس أنا تعودت عليك يا مروان

    مروان : حتى ولو ..!! كملي حياتج الحين ويصير خير عقب

    روان : أحبك مروان ..

    مروان عيونه امتلت دموع .. بس مسك دمعته تنزل وقال : روان أحبج .. بس خلاص بنفترق ..

    روان تصيح : مروان انت فيك شي ..؟؟ صاير لك شي .. هلك جبروك على شي ..؟؟

    مروان : لا يا روان محد جبرني بس أنا لازم أبتعد عن البلاد هالفتره

    روان : سويت شي ..؟؟

    مروان : روان كافي أسئله قلت لج مب صاير شي

    روان تصيح : مروان رجعني البيت

    مروان : زعلتي ..؟؟

    روان : على بالك اللي قلته ما يزعل ..!

    مروان : روان بسج صياح مب زين اللي تسوينه وبعدين يصير خير ما تعرفين ربج شو كاتب لنا ..!

    روان :خلاص مروان ما أقـــدر اسمع منك أي كلمه زياده رجعني البيت ...

    مروان : روان

    روان تقاطعه : مروان قلت لك رجعني ..








    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  2. #22
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: رواية خليجيات في الإمارات


    زين كملتي .. !!

    يلا احينه بنتريا الحلقات الياايه .. ~_^






  3. #23
    عضو جديد
    الصورة الرمزية أمل لافندر
    الحالة : أمل لافندر غير متواجد حالياً
    رقم العضوية : 75416
    تاريخ التسجيل : 21-02-11
    الجنـس : انثـى
    المشاركات : 16
    التقييم : 10
    Array

    افتراضي رد: رواية خليجيات في الإمارات


    وينج؟؟
    والله حلوه خاطري اعرف شو استوي يالله كملي حياتي والله اترياا الحلقات اليااية






  4. #24
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه السادسه عشرღ

    يوم الأحد الصبح ...

    شوق تبتسم للبنات : بنات نواف عندنا ..!

    بدور مصدومه : حلفي بس

    شوق : مو مصدقتني سألي نور ..؟

    بدور : مصدقه بس مو مستوعبه

    نور تضحك : تخيلو اش صار يوم الجمعه

    بدور : اش صار اش صار ..؟؟

    نور : هههههه شوق بدال لا تقوم ضاري من النوم قومت نواف

    البنات نقعو ضحك .. شوق لفت طالعت روان ساكته .. قالت : روان اش فيج

    روان ابتسمت : وياكم وياكم ..

    شوق ابتسمت : ع بالي يالسه هناك هع

    روان : ههههه ويا هالراس ..

    ملاك : وبعدين شو صار ..؟؟
    شوق ابتسمت : تفشلت عن خاطر والله

    ملاك : علينا علينا

    بدور : اي والله أدري انج هناك ميته فرح مو بعيده انج قومتيه غصب هههههه

    شوق : سكتو ولا ما بكمل

    ملاك : كملي كملي

    شوق : وسولفنا وجذي وبس هههههه

    اريج : عن شو سولفتو

    شوق : شخبارج وجذي بس

    اريج : اكيييييد ..؟؟

    شوق : اي شو على بالكم هههههه

    بدور : يا حظج مب أنا اللي كنت مع حمودي هههههه

    شوق : اي والله مستانسين عيال عمي اهني

    نور : اي انتو اللي مبسوطين وأنا حابسيني كأنو بيات شتوي

    شوق تضحك : ههههه بتفرج حبيبتي بتفرج

    نور : يآرب ..

    بدور : وانتي ملاااكو ..؟؟ راشد شخباره ..؟؟

    ملاك ابتسمت : بخير الحمدلله متغير وايد

    نور : بدينا نشك فيج

    ملاك : لا لا وين .. أنا وين وهالسوالف وين هههههه

    نور : ما علينا مع اني أشك الصراحه كملي يلا ..؟؟

    ملاك : وسلمت عليه يوم الجمعه أمس ما شفته

    بدور : آها شي طيب

    ملاك : اليوم طلع مع مايد قبل لأا اصحى من النوم

    شوق : مستعيل الريال على رزقه

    ملاك : الظاهر هههههههههه

    اريج : راشد خاطب ..؟؟

    ملاك : لأا .. تبينه ..؟؟

    اريج تضحك : على طول تفكر غلط هالبنيه

    ملاك : أمزح وياج يما هههههه

    ملاك : وجذي بس .. منو عنده علوم يديده بعد ..؟؟

    اريج : عمي جا قبل أمس

    ملاك : وشو صار ..؟؟

    اريج : ولا شي .. بس يلست أسولف معاه ومع زوجته لما راحو .. طيبين

    نور : الله يخليه لكم

    اريج : آمين لولاه ما أعرف نحن الحين وين بنكون

    بدور : فيه الخير والله

    اريج : وانتي نور ....؟؟؟

    نور ابتسمت : محبوسه بحجرتي هههههه

    شوق : لأأأ ابوي قال بأخر السنه بنسافر ألمانيا مع عبدالعزيز بناخذ دروه

    اريج : ندري ..!

    شوق : اش دراكم

    اريج : نور خبرتنا

    شوق : لحقتي يالدبه ..؟؟

    نور : ههههه محد غيرك وجع انشالله

    شوق : ياربي وناسه بنات ههههه تعالو ويانا

    ملاك : والله محد يدري اش بيصير له ..؟؟ ههههه

    نور : روان ..؟؟

    روان : ........................

    نور : روان ....؟

    روان : هلأ ..؟؟

    نور : اللي ماخذ عقلك يتهنا به

    روان ابتسمت : لأ منو ماخذ عقلي يعني

    بدور : منو غيره هذا مروانج بعد

    البنات : ههههههه

    روان وقفت بعصبيه وفرت الملف ع الطاوله ومشت بسررررعه وهي معصبه ..

    بدور : اش فيها عصبت ..؟؟

    شوق : ما غلطنا ...! متعودين نقول لها جذي

    اريج : ليش زعلت عاد

    ملاك : نروح نشوفها

    نور : بنات تعالو بس كلنا نوقف عند الباب ووحده تدخل

    شوق : نور انتي تنفعين لأن كلنا بنعصب أو نتضارب يمكن

    نور : طيب يلا بسرررعه لا تسوي بحالها شي

    ملاك : بسرررعه هي مشت صوب الحمامات

    نور والبنات مشو .. نور : الحين بطلع وبقول لكم اش صار ..

    نور دخلت الحمامات وانتو بكرامه .. شافت روان واقفه عند المغاسل وتصيح بقهر ..

    نور : روان ..؟؟

    روان منزله راسها وتطالع الماي : نور رجاءا اتركيني لحالي

    نور : اشلون أتركك وانتي بهالحاله

    روان : قلت لج اتركيني

    نور : يا بنت الحلال روقي شوي

    روان لفت تصارخ : قلت لج مابي .. اطلعي بره

    نور انصدمت وقالت : روان انتي شكلك معصبه روقي وخلينا نتفاهم

    روان صكرت الماي وقالت : أنا رايحه البيت ماني حاضره محاضرات بعد الحين

    نور راحت لروان ومسكتها عن تطلع وقالت : روان لحظه

    روان ابعدت نور بيدها .. نور ما توزانت وضربت باليدار : آآآآآآآآآآآآآآآي ..

    روان لفت مصدومه وراحت لنور بسررعه وقالت : صار لج شي ..

    نور مسكت ظهرها : لا لا ماصار بس فاجئتيني

    روان : أنا آسفه

    نور : لا عادي

    روان : أوكي أنا بروح

    نور مسكتها بسرعه واقتربت منها وقالت : روان فيك شي أحد مضايقك قايل لك شي ..؟؟

    روان : لا بس تعبانه شوي ..

    نور : روان لحظه .. نحن صديقات وأكثر كمان ..

    روان : أدري

    نور : اذا ما حكيتي لي بتحكين لمين ..؟؟

    روان مسكت نور وضمتها وبدت تصيح .. نور مسحت على راسها : قولي ايش اللي مضايقك حبيبتي

    روان وهي تصيح : نور مروان ..؟؟

    نور : اش فيه ..؟؟

    روان : تركني .. راح خلاااص

    نور مستغربه : وين راح ..؟؟

    روان : سافر وما يبي يكمل معاي يقول لازم نقطع علاقتنا

    نور : ياما نصحتك وقلت لك اتركيه الولد مايبي اللي تكلمه

    روان : بس اهوه يحبني نور يحبني ووعدني نتزوج

    نور : روان حبيبتي يمكن مروان عنده ظروف

    روان : لأأ قال لازم ننهي علاقتنا بأسرع وقت

    نور : روان هذا حال الدنيا .. عاشر من تعاشر فلا بد من الفراق

    روان : بس أنا ما أتقبل فراق مروان تعرفين منو مروان مروان روحي وحياتي وكل شي

    نور : اهدي حبيبتي اهدي

    روان : مابي .. نور روان راح خلاااص طلع من حياتي .. ما يبيني الحين

    نور : يمكن ربنا كاتب لك خير

    روان مسحت دموعها : الظاهر نفسيتي تعبانه شوي .. بروح البيت

    نور : بالعكس لما تكونين وحدك تفكرين زياده خليك هنا مع البنات

    روان : ما أقدر راسي بدا يوجعني .. بروح البيت

    نور : على راحتك بس طمنيني عليك

    روان : انشالله

    نور : يلا بوصلك للسياره

    روان : لا ما يحتاي .. وأنا آسفه لأني أهنتج

    نور : لا حبيبتي انتي كنتي معصبه وقتها ما تعرفين تتحكمين بأعصابك

    روان : يلا مع السلامه

    نور : مع السلامه ..

    طلعت روان من الحمامات وانتو بكرامه ومشت وهي ولا داريه منو جنبها ومنو حولها .. مشت عشان ترجع البيت ..

    البنات التمو حوالين نور ..

    نور : شوي شوي عليه

    اريج : اش فيها روان ..؟؟

    نور : يلا نروح نقعد وبحكي لكم ..

    مشو البنات وراحو للكافتيريا وقعدن ..!

    ملاك : خير اش صاير ..؟؟

    نور : مروان

    بدور راح فكرها لبعيد : النــــــــــذ .............................

    نور : لالا لا تحكموه ع الرجال كذا

    بدور : عاد اش صاير ..؟؟

    نور : تقول انهم انفصلو

    شوق : يمكن تخانقو بيرجعود يتصالحون

    نور : لا لأنه مروان قال لروان وبدون سبب لازم ننهي علاقتنا وبأسرع وقت

    شوق مستغربه : هو ولييييش ..؟؟

    نور : تقول قال كذا وبس

    ملاك : لازم يكون في سبب مايصير جذي

    نور : لا بدون سبب قال لازم ننهمي علاقتنا

    اريج : تعتقدين شالسبب ..؟؟

    نور : يمكن هله أجبروه يتزوج بوحده

    شوق : جايز بس مو جذي مروان يتكلم ما يسكت

    بدور : اي بس أكيد السالفه جايده

    نور : يلا عسا خير

    بدور : الله يستر بس ..

    /
    .
    /
    بره الكليه .. روان مشت للسياره .. لفت ويهها وشافت سيارة مروان سافطه يمب سيارتها ..
    لفت ويهها وهي تصيح وركبت السياره ..
    مروان اتصل فيها .. ما ردت .. بدا تلفونها يرن ويرن ويرن أكثر من مره بس للأسف روان ما ترد ..
    مروان قلبه عوره على حال روان ..
    وتحركت السيارتين وكل وحده بجهه ...
    روان : ما توقعته بيوم يبيعني .. ما توقعت ان مروان يتركني بهالسهوله .. وهو الأكسجين بحياتي .. ليييش سوا جذي مروان لييييش ..؟؟ لهالدرجه أنا كنت بايعه حالي عشان يتركني .. !! بس مروان يدري اني كنت ما أرتاح الا لما أكلمه وما أرتاح الا لمن أشكي له لييييش سوا جذي فيني ..؟؟
    /
    .
    /
    بعد ما رجعن البنات من الكليه ..

    ملاك وهي داخله الـبيت .. نزلت من السياره شافت راشد واقف ويتكلم بالتلفون .. لما شافها ابتسم وكمل كلامه .. نزلت راسها و راحت لباب الصاله وفتحته ودخلت .. مشت الين الدري ووقفت .. ياربي يا راشد ما تدري اش كثر مستانسه لرجعتك مع رجعتك رجعت لي روحي والله ..

    فاطمه : ملاك ..؟؟

    ملاك : لا رد .....

    فاطمه : يما ملااااااااك ..؟؟

    ملاك انتبهت : هلأ أمي ....؟؟

    فاطمه : وينج ما تردين

    ملاك : لا بس كنت أفكر بشغله خذيناها بالكليه

    فاطمه ابتسمت : هي زين .. انزين تتغدين

    ملاك : لأ عقب ماما

    فاطمه : انزين أنا و وراشد ومايد بنتغدا

    ملاك : بالعافيه عليكم فديتج

    فاطمه : يلا روحي ارقدي مبين عليج تعبانه

    ملاك : انشالله أمي ..

    مايد دخل الصاله .. رفع راسه شاف فاطمه وملاك ع الدري ..

    مايد : السلام عليكم

    ملاك وفاطمه : وعليكم السلام

    مايد سكت ورد على تلفونه اللي يرن وقال : هلأ .. وينك

    راشد : في الحوي

    مايد : شتسوي في هالحر

    راشد : ماشي بس أسولف مع ربيعي

    مايد : هيييه انزييين تعال داخل

    راشد : أوكي ياي ..

    مايد صكر وطالع فاطمه وملاك وقال : يوووووووووعان

    فاطمه ابتسمت : وي فديته وليدي يوعان خلاص بروح بنجب لك الحين

    ملاك تطالع فاطمه وهي نازله .. تقول : ميود اش صار على سواقتي ..؟؟

    مايد : عمران يقول بعدج ما تعرفين عدل

    ملاك : أوفو انزين متى يخلصني هذا عمران بعد هـالقاصر والله

    مايد ابتسم : بلاج مستعيله ياحرمه

    راشد يدق الباب ويدخل : السلام عليكم

    ملاك ومايد : وعليكم السلام

    راشد : صدق احترقت

    مايد يضحك : اهناك كنت أبيض والحين رجعت الامارات تريا بتصير فحم

    راشد يضحك : فال الله ولا فالك

    مايد يطالع ملااك : انزين اليوم روحي بطالع سواقتج

    راشد يبتسم لملاك : اش حالج ..؟؟

    ملاك : تمام الحمدلله ومن صوبك ..؟؟

    راشد : بخير ..

    مايد يصارخ : أمي بسرررررررررعه ميت يوع

    ملاك : شوي شوي على أحبالك الصوتيه هههههه

    مايد : سيري غيري وتعالي تغدي

    ملاك ابتسمت أخوها مايفهم غلط ع باله رابين مع بعض يعني أخوان ما يدري اني أحبه ..

    ملاك قبل لا تصعد : لأ أنا بروح برقد

    مايد : برايج

    راشد يطالع مايد ويقول : خلاص قبلوني

    مايد : ماشالله يومين

    راشد : يعرفوني

    مايد : آها قول جذي

    راشد : ميود أنا فكرت أخذ لي بيت بروحي

    مايد يعقد حياته : لا يا ريال

    راشد : أخاف اختك تتضايج ولاشي

    مايد يبتسم : هي أصلا طايحه في غرفتها ما تطلع وبعدين انت حجرتك بصوب .. في القسم الثاني يعني عادي

    راشد يبتسم : لا تحاول .. خلاص انشالله ارتب أموري وأستقر

    مايد ابتسم : ما بمنعك أدري انك ناوي على شي بس ما ادري شو هو ..؟؟

    راشد : يصير خير انشالله

    أمي فاطمه : تعالو يا عيال تغدو

    راشد : انشالله أمي يايين يايين ..
    /
    .
    /
    روان دفنت راسها بالمخده وهي ميته صياح ..

    رن تلفونه .. ودها ترميه ع الأرض وتكسره .. رفعته عشان تطلع البطاقه .. ولا شافت رقم اريج ..

    روان بصوت حزين : السلام عليكم

    اريج : وعليكم السلام

    روان : هلا أروج

    اريج : هلا رواني طمنيني عنج انشالله أحسن

    روان : اي الحمدلله خذيت بندول وصرت أحسن

    اريج : قلبي خلاااص لا تفكرين اللي صار صار

    روان تصيح : كيف ما أفكر يا اريج كيييف

    اريج : قلبي حطي كل شي على ربج ويحلها انشالله

    روان : ما اقدر يا أريج ما أقدر .. خلاااااص أنا انتهيت من بعد مروان

    اريج : لا تقولين جذي روان الدنيا بعدها فيها خير

    روان تصيح : مروان كان كل شي بحياتي واليوم من بعده أنا ما أسوى شي

    اريج : من قال يا روان ..؟؟ خلج قويه

    روان : ما اقدر يا أريج ما اقدر

    اريج : انشالله هالفتره وتنسينه عقب خلاااص

    روان : ما اقدر يا اريج ما اقدر

    اريج : روان اهدي شوي

    روان هدت وقالت : أشغلتكم معاي

    اريج : لا بالعكس غلاي وبعدين نحن أخوات وأكثر

    روان : قلبي أنا بسكر لأني بنام

    أريج : على راحتج حبيبتي .. نوم العوافي

    روان : ربي يعافيج

    أريج : يلا مع السلامه وديري بالج على روحج

    روان : انشالله وانتي بعد

    اريج : انشالله .. يلا باي

    روان : باي ..
    /
    .
    /
    بدور وهي تدور ع الفلم في الدرج .. ما لقته

    بدور : حمود ...؟؟

    حمدان : ها

    بدور : ها بعينك قول نعم

    حمدان : نعم ..!

    بدور : وين السيدي الأخضر اللي مرسوم عليه ريالين

    حمدان : ما أدري

    بدور : احلف انك ما خذيته

    حمدان شوي ويصيح : ما خذيته

    بدور بدت تنبش بالسدات .. وخربطت الدنيا .. وهي تنبش .. شافت كارد .. مسكته وقرته .... أحمد الـ
    ..........
    ابتسمت .. أوووه هذا أحمد اللي شفته بالمستشفى .. شخباره الحين ..؟؟ اكيييد سوا العمليه .. يلا خل أتصل
    فيه وأتمطن عليه ..
    مسكت موبايلها .. ودقت الرقم ..
    أتصل ولا لأ ...؟؟
    لا لا ما أتصل خلاااص .. ولا اقول اتصل اش فيها بس بتطمن عليه ..

    ضغطت على اتصال .. وبلعت ريجها من الارتباك .. الين ما رد واحد

    ............... : الو ..

    بدور : السلام عليكم

    ................ : وعليكم السلام

    بدور : أستاذ أحمد ..؟؟

    ............... : هي نعم .. من معاي ..؟؟

    بدور : أنا الممرضه بدور ..

    أحمد مستغرب : بدور .. بدووور .. من بدور ..؟؟

    بدور .. يعني ناسيني .. : أنا بدور اللي شفتها قبل عمليتك

    أحمد تذكر : هي الممرضه بدور .. تذكرتج

    بدور ابتسمت اشوه : شخبارك انشالله أحسن عن قبل

    أحمد : الحمدلله العمليه نجحت

    بدور : الحمدلله

    أحمد : وينج ضعتي وقتها ..؟

    بدور : اسمح لي عاد انشغلت

    أحمد : لا عادي .. تراني راقد وعيتيني من رقادي

    بدور ما يعرف يجامل بعد .. : آسفه أزعجتك

    أحمد : لا بالعكس ما أزعجتيني ولا شي


    بدور ابتسمت : بس حبيت أتطمن عليك

    أحمد : مشكوره وما قصرتي

    بدور : تامرني على شي ..؟

    أحمد : لا تقطعين

    بدور : انشالله ..

    بدور : يلا عاد مع السلامه

    أحمد : مع السلامه
    /
    .
    /
    شوق وهي تاكل : نور ليييش انزين تركها ..؟؟

    نور : تقول انه قال لازم ننفصل ولاشي كذا يعني

    شوق : شالسبب انزين ما يصير يسوي شي بدون سبب

    نور : السبب عاد الله أعلم لا انا اعرفه ولا هي

    شوق : خل نتصل فيه ونخبره عن حال البنيه

    نور : اقول لك اياها من البدايه من باعنا برخيص بتراب ينباع

    شوق : اي والله بس نور تعبانه

    نور : قلت لك شوق لا تتدخلي .. خلي روان بحالها

    شوق : وليييش انزين

    نور رفعت راسها وقالت : عشان مصلحتها انتي ما شفتي الفتره الأخيره هي اشلون مع مروان

    شوق : أدري بس أهون من انها تتعذب الحين

    نور : خليها تشوف مستقبلها احسن لها

    شوق : بس اهيه على اساس تبني مستقبلها مع مروان

    نور : ربك كريم وبيحلها انشالله

    شوق : انزين تعتقدين شو سبب تركه لها

    نور : والله ما أدري بس تشوفين السالفه فيها انه

    شوق : اي أكيد ولا مروان زين وطيب

    نور : ما أدري والله بس السالفه مش راكبه

    شوق : واعليه مسكينه رواني تقطع القلب

    نور : شوق وينهم عيال عمك اليوم ..؟؟

    شوق : طلعو من الصبح

    نور : آها ..!

    شوق : نواري بس نواف موجود

    نور : زين خبرتيني بروح بنحبس

    شوق ابتسمت : ههههه بتفرج انشالله

    نور : يلا بروح بريح شوي

    شوق : وأنا بعد الصراحه اليوم يوم كلش مو حلو

    نور : صحيح متى أخر يوم امتحانات الهنوف ..؟؟

    شوق : الاثنين يعني باجر

    نور ابتسمت : تدرين جت على بالي فكره

    شوق : شو ..؟

    نور : مفاجأه للهنوف

    شوق ابتسمت : عسى الله يهديها

    نور : آميييين

    شوق : اش مفاجأته بعد ..؟؟

    نور : نسوي لها حفله كذا

    شوق جنها تذكرت شي .. : اي صح ترا أمس كان يوم ميلادها

    نور ابتسمت : خلاص اجل بنقول لها أجلناه لأنه عليها امتحانات

    شوق : بس الحفله تكون الثلاث لأن باجر بترجع تعبانه

    نور : اي والخميس أهل دبي كلهم يطلعون وأكيد صديقاتها بيطلعون

    شوق : خلاص بكلمها أنا

    نور : أوكي ما أوصيك

    شوق : ولا أقول انتي كلميها يمكن ترضا عليج

    نور ابتسمت : أخاف ما تتقبل الفكره

    شوق : حاولي وانشالله تتقبلها

    نور : بحاول

    شوق : الحين يلا بسررعه لأنه بعد العصر تقفل باب حجرتها وتذاكر

    نور : خلاص بروح لها الحين

    شوق : يلا بسرعه وعلميني شـ بيصير ..؟؟

    نور : انشالله ادعي لي ..

    نور طلعت من المطبخ .. رفعت راسها طالعت عبدالعزيز نازل .. نزلت راسها وكمل دربها بدون ما تنطق بأي كلمه ..

    عبدالعزيز دخل المطبخ وقال : السلام عليكم

    شوق : وعليكم السلام

    عبدالعزيز : اش فيها نور ..؟؟

    شوق عقدت حياتها : اش فيها ..!

    عبدالعزيز : مو على بعضها

    شوق : ما فيها شي

    عبدالعزيز : انزين أنا طالع ولو سألت عني الوالده قولي لها اني رحت المعرض

    شوق : انشالله

    عبدالعزيز : اي صح كلمي بنت عمي رهام اتصلت الصبح على تلفون البيت وما كنتي موجوده

    شوق : أوكي بتصل فيها اي أوامر ثانيه ..؟؟

    عبدالعزيز ابتسم : ماكو يلا باي ..

    شوق : الله وياك ..

    طلع عبدالعزيز .. شوق راحت للثلاجه تحط الأكل اللي بقى ..

    ................ : مساء الخير ..

    شوق لفت شافت نواف واقف عن الباب وقالت : مساء النور

    نواف ابتسم وقال : اشلونج ..؟؟

    شوق : تمام انت اشلونك ..؟؟

    نواف : بخير ..

    شوق : تتغدى ..؟؟

    نواف : لا مشكوره متغدي

    شوق ابتسمت : شكلك ملان

    نواف ابتسم : لا بالعكس الصبح كنت بالمعرض

    شوق : أها .. عسا الشغل تمام

    نواف : اي الحمدلله

    شوق ابتسمت له وقالت : اي صح ليييش ما يبتو رهام ..؟؟

    نواف : عندها جامعه

    شوق : اي صح ..

    نواف : شوق ابي أكلمج بموضوع

    شوق ارتبكت وقالت : خير ..؟؟

    نواف ابتسم وييلس ع الطاوله وقال : لو تقدم لج واحد الحين بتوافقين

    شوق ارتبكت وقالت : ما أفكر بهالسوالف أنا

    نواف غمز لها وقال : علينا

    شوق ابتسمت وقالت : يهمك يعني تعرف رايي ..؟؟

    نواف يحج راسه : مو وايد ..!

    شوق شوي وتضحك على خباله وتقول : خلاص مب قايله لك

    نواف رجع يطالعها وقال بغباء : اي اي يهمني لأني أنا المعرس

    شوق تمنت ان الأرض تنشق وتبلعها .. نواف ابتسم وقال : هو اش فيج ..؟؟

    شوق : ماكو .. بروح بنام

    نواف : لحظه شوق ..؟؟

    شوق لفت : هلأ ..!

    نواف : اش قلتي

    شوق : من نحن صغار وانت تحرج اللي جدامك نواف

    نواف ابتسم وقال : ابي رايج وبس شوق

    شوق هزت راسها وقالت : شكلهم السنتين نسوك من هي شوق

    نواف : حبيبتي أدري ..

    شوق عظت شفايفها وقالت : اسكت عن أحد يسمعك وتروح فيها

    نواف ابتسم : عادي عندي

    شوق ابتسمت وقالت : بروح قبل لا يذبحوني مب ناقصه عمر

    نواف ضحك على هبال شوق ..وطلع من المطبخ عشان يروح يدور شوي ويشم هوا .. وأخيرا شوق له

    فوق عند نور والهنوف ..

    الهنوف وقفت عند الباب .. وقالت : خير ..؟؟

    نور ابتسمت وقالت : يعني ما أدخل

    الهنوف تقول ومبين عليها كارهه نور : امبلى تفضلي ..

    نور تبتسم وتروح تقعد ..

    الهنوف واقفه عند الباب : خير ..؟؟

    نور : سكري الباب وتعالي اقعدي

    الهنوف : مشغوله شوي .. قولي بسرعه اش تبين ..؟؟

    نور : الا هم خمس دقايق

    الهنوف صكرت الباب وتجدمت عن السرير ويلست وحطت ريل على ريل ..

    نور ابتسمت : عقبال المليون سنه يارب وكل عام وانتي بخير

    الهنوف : وانتي بخير

    نور : آسفه ما كنت أدري ان البارح ميلادك بس اليوم دريت عشان كذا جت متأخره

    الهنوف ابتسمت بسخريه : هه زين أحد فيكم تذكر ان أمس كان يوم ميلادي

    نور ابتسمت : الهنوف حبيبتي ..؟

    الهنوف بغرور : نعم ..

    نور : يوم الثلاث بنسوي لك حفله

    الهنوف لفت مصدومه وقالت : شو ..؟؟

    نور : مثل ما سمعتي ..

    الهنوف : لا شكرا ما أحب الحفلات

    نور : موووب حفله .. يعني كذا جمعة بنات

    الهنوف : تبون تسوون سوو بروحكم أنا ماني حاضره

    نور : عشان خاطري كل وحده تعزم صديقاتها

    الهنوف هزت راسها وقالت : المطلوب الحين

    نور : تعزمي صديقاتك وأنا وشوق نعزم صديقاتنا

    الهنوف : بس رفيجاتي ما يحبون أي شي

    نور : ومن قال ان الحفله بتكون أي شي أنا وشوق بنرتب كل شي

    الهنوف : يصير خير

    نور : الهنوف موافقه ولا ..؟؟

    الهنوف : لأأ

    نور : وليييش ..؟؟

    الهنوف : قلت لج لأ .. خليني بروحي الحين

    نور : الهنوف وافقي نبي ننبسط شوي

    الهنوف : انزين بكلمهم بس أتمنى انكم تتدبرون كل شي والحفله تكون شي

    نور ابتسمت : انشالله

    الهنوف : ممكن تخليني بروحي الحين

    نور ابتسمت : انشالله

    الهنوف مستغربه من نور ليييش طول الوقت ساكته وما ترد عليهم ..!! حتى ولو أهانتها ما ترد عليها ..

    نور طلعت من الحجره وراحت لحجرتهم ..

    شوق يالسه وهي تعض بأظافرها ..

    نور دخلت .. : شوق

    شوق : لا رد .........

    نور : شوق ..؟

    شوق : هلا نور ..

    نور : اللي ماخذ عقلك يتهنا به

    شوق ابتسمت : من ماخذ عقلي غيره يا نور

    نور ابتسمت : سعيد الحظ

    شوق ابتسمت : نواف حبيبي

    نور غمضت عيونها : استحي على وجهك يابنيه

    شوق ضحكت : هههههه

    نور : ليييش صار شي ..؟؟

    شوق ابتسمت : كلمني من شوي

    نور ابتسمت : اي طلعت السالفه كذا

    شوق : نور نواف بيخطبني

    نور ابتسمت : اش عرفك ..؟؟

    شوق : كلمني بروحه اليوم

    نور كشرت : ويه اللي ما يستحي على وجهه كيف يكلمك بهالموضوع

    شوق ابتسمت : عاد ما قال لي كاش بويهي يعني نغزات وجذي

    نور ابتسمت : الله يوفقك يارب

    شوق : واي نواري أموت ع التراب اللي يمشي عليه نواف

    نور ابتسمت : وانجنت البنيه

    شوق ابتسمت : يلا يلا خبريني اش صار بموضوع الهنوف ..؟؟

    نور : وافقت

    شوق ابتسمت : يلا الحمدلله .. يلا نجهز كل شي من اليوم ونكلم البنات يساعدونا

    نور : اي وبيحظرون ترا

    شوق : بس بعدنا ما شاورنا أمي وأبوي

    نور : بيوافقون انشالله اليوم العصر بنكلمهم ..
    /
    .
    /
    هاليومين مرو بسرررررعه بأسرع ما يمكن .. والكل كمل حياته عاديه ما عدا روان الوحيده اللي كانت مهمومه والبنات خافو عليها لدرجه ان ما يخلون تلفونها يسكت .. روان أبد ما تأقلمت مع الوضع الجديد وحالتها ما تسر أبد .. بس البنات قالو يمكن بهاليومين تغير جو وتصير أوكي لما تحضر الحفله مع البنات
    وشوق علاقتها تطورت مع نواف لأنه بدا يوميا يكلمها .. غير انه ملاك وراشد حياتهم هاديه لا تطورات ولأا أي شي .. أما بدور من اليوم اللي كلمت فيه أحمد قطعت عقب وما اتصلت فيه ..
    /
    .
    /
    يوم الحفله .. البنات متجمعات ولابسات غير كذا كل وحده أحلى من الثانيه ..

    روان < لابسه فستان بنفسجي مخصر ما عليه أكمام .. يبدا من عند الصدر.. عليه حركات عند الصدر وخرز بس من تحت ساده وكيوت وشعرها رافعته بطريقه حلوه وبنوتيه ومنزله منه خصل بنفسجيه .. وحاطه مونيكر بنفسجي وميكبها بنفسجي حتى أحمر الشفاه بنفسجي .. !! بس طالع حلو لأنه فاتح .. ولابسه كعب عالي بنفجسي .. وتلفونها كفره بنفسجي ..

    ღღღ

    شوق < لابسه فستان بني مع بيج قصير .. عليه حمالات من فوق وفيه ربطه حلوه ع الخصر وعليها ع الجنب أفيونكه بيج حلوه .. وبوت كعب للركب لونه بني غامج من المخمل .. وشعرها فاتحته لأنه قصير وايد ولابسه عالشعر ربطه بنيه فيها افيونكه بيج صغيره .. وميكبها بيج على بني فاتح .. وتلفونها مخليه سلساله بني وع الطرف افيونكه بيج ..

    ღღღ

    ملاك < لابسه تنوره حمره قصيره وقميص عمل لونه أبيض أكمامه طويله بس من الأخر تنرفع شوي .. ولابسه كعب عالي مثل السندريلا لونه أبيض .. ومعاها شنطه صغيره حمره .. وشعرها فاتحتنه لأنه قصير .. ورابطه على رقبتها ربطه حمره مسويه منها شكل على حركة أفيونكه .. وحاطه مونيكر أحمر فيه قلوب بيضا وتلفونها نهايته سلاسل حمرا ..

    ღღღ

    نور < لابسه فستان فكتوري لونه أسود طالع يهبل .. فيه فضي على شوية أبيض .. بس الأسود عام الفستان .. ورافعه شعرها .. بس مع الفستان فيه قبعه سوده نازل منها شبك .. لبست القبعه ومعاه قفازاتات ولابسه كعب السندريلا .. ومعاها فيدها شنطه صغيره مثل الأميرات ..

    ღღღ

    بدور < لابسه بنطلون جينز أبيض اسكيني وتيشيرت أسود عليه صورة بنيه وطالع حلو وايد وشعرها معقصته ولابسه طوق طفولي ونعال مسطح لايق ع البنطلون ولافه ع يدها سلاسل باللون الأبيض والأسود ومعاها شنطه كبيره تنلبس من ع الجنب مثل طلاب المدارس ..

    ღღღ

    أريج < لابسه فستان وردي طويل ومن فوق حمالات .. ياي تدرجات الوردي وع الخصر في خرز وايد وعند البطن في كرستاله عوده شوي على شكل حزام وتملع .. وميكب نعوم مرررره وشعرها فاتحته ومعاها تلفونها الوردي ومتحنيه وطالع حلو عليها وايد

    ღღღ

    الهنوف < لابسه فستان أبيض طويل سااااده ما فيه أي فصوص أو خرز غير انه ع الخصر في شريطه حوله بلون الأحمر ومنها ياي أفيونكه نازله لتحت .. وشعرها فاتحته ومسوي فير من الجنب ولابسه كعب عالي وميكب خفيف ونعوم ..

    الساعه تسع امتلى المجلس من البنات .. والكل مستانس والبنات يسولفن مع بعض ..

    نور : بشري روان اش لونك الحين ..؟؟

    روان : الحمدلله على كل حال يا نور

    ملاك : رواني قلبوشه انسي

    روان : نسيت بس انتو لا تذكروني

    بدور : انشالله

    نور : ليييش ما جبتي حمدان معك ..؟؟

    بدور : له له تبينه يذبحني

    نور ابتسمت : حرام عليك وين بيذبحك يابنت الحلال

    بدور ابتسمت : لا تعكرون مزاجي

    شوق ابتسمت : اش رايكم فيني

    ملاك : عاريه أعوذ بالله

    شوق ضحكت : يعني انتي اللي لبسج ساتر

    ملاك : شو ماشي أغاني

    شوق : لا لا تبين عبدالعزيز يذبحنا ههههه

    بدور : وليييش يعني ..؟؟

    شوق : ما يحب بجمعات البنات يكون في رقص وجذي

    ملاك : كويتي غريب الصراحه ههههه

    شوق : الهنوف بعد ما تحب

    بدور : شريفه مكه أشوفها بالطويل مالها

    شوق ابتسمت : طالعه على أمي هههههه

    نور : أحسن منا هههههه

    أريج : بنات يلا نقعد مع الهنوف ورفيجاتها

    شوق : ياهل انتي ..؟؟

    اريج : حتى ولو بس من الذرابه يعني

    نور : اي يلا نروح نسولف مع المراهقات سوالفهم حلوه هههههه

    ملاك : يلا بسررررعه ههههههه

    مر الوقت والبنات يالسات مع بعض .. ويسولفن مع ان أعمارهن مش متقاربه بس اندمجو مع بعض
    بسرررعه والهنوف مستانسه ..

    نور همست لملاك : تعالي معي شوي

    ملاك وقفت : عن أذنكم بنات

    البنات : اذنج معاج

    نور : يلا مشينا

    ملاك ونور طلعو من الميلس ..

    ملاك من عند باب الميلس .. : خير ..؟؟

    نور : يلا نجيب الكيكه عشان الهنوف تقطعها ..

    ملاك : يلا بس وين الخدامه خل تساعدنا

    نور : بالمطبخ تشوفينها

    ملاك : يلا عاد

    نور وملاك مشو .. نور دخلت المطبخ ... شافت الخدامه واقفه وقالت : بنادي صديقتي الحين انتي لما جهزي الكيكه
    الخدامه : طيب

    طلعت نور ومشت بالممر عشان تروح لباب الميلس وتنادي ملاك .. شافت عبدالعزيز نزلت راسها بسرعه وراحت للجهه الثانيه بحيث عبدالعزيز ما يشوفها وقالت : عبدالعزيز ممكن تدخل لأن رفيجتي بتجي المطبخ هالحين

    عبدالعزيز : انزين .. بس كنت مار عشان اصعد

    نور بلعت ريجها وراحت لملاك : يلا ملوكه

    ملاك ابتسمت : يلا

    نور : عبدالعزيز شافني

    ملاك ابتسمت : ياحظ عينه ههههه

    نور مرتبكه : ملوك عبدالعزيز متغير كثير

    ملاك ابتسمت : عسا يتحقق اللي ببالي

    نور ضربتها ع الخفيف : اقول امشي يلا

    ملاك : هههههه وين الكيكه

    نور رفعت راسها وقالت : وين بتكون يعني ع الطاوله

    ملاك شافت الكيكه : أو ماي قــــــــــــــأد

    نور ابتسمت : ها حلوه ..؟؟

    ملاك : ذوووووووووووووووووق الصراحه

    نور ابتسمت : من ذوقك والله

    ملاك : عجيبه الحركه

    نور : اي هذي صورة الهنوف لما كانت صغيره

    ملاك : ماشالله عليها حلوه وايد

    نور : ههههه يلا نروح قبل لا تذوب الكريمه

    ملاك : يلا ..

    نور وهي ماشيه مع ملاك : تعتقدين بتعجبها ..؟؟

    ملاك : أكيييد دامها عجبتني ههههه

    نور : آمين يارب

    ملاك : تصالحتو ولا ...؟؟

    نور هزت راسها وقالت : للأسف عنيده ماشالله عليها

    ملاك : الله يستر بس

    نور : آمييين يارب

    ملاك : بس توها صغيره جي ولا جي بتعقل انشالله

    نور : انشالله

    ملاك : يلا بسرررعه نواري ههههه

    نور وهي تقول للخدامه : جبتي ملاعق وصحون والبارد

    الخدامه : ايوا كلو هناك فوق طاوله

    نور : جيبي الولاعه معك أوكي

    الخدامه : أوكي ..

    نور دخلت والخدامه وراها تجر العربه .. الهنوف وقفت مصدومه وهي تطالع الكيكه ..

    نور طالعت ملاك .. ملاك مسكت يدها .. وقالت : شكلها عصبت ..! الله يستر

    نور رجعت على ورا شوي .. عشان الخدامه تحط الكيكه ع الطاوله .. ملاك ساعدتها ..

    الهنوف تقدمت من نور بسررررررررررررعه وحضنتها بأقوى ما عندها وقالت بهمس : حسابي معاج بعدين

    نور استغربت وطالعت الهنوف .. الهنوف لفت ويهها وراحت للكيكه وقالت : وااااااااااااااااو رووووووووووووعه الكيكه

    نور ابتسمت وهي مرتبكه : انشالله أعجبتك

    الهنوف مبتسمه : حدها روووووعه

    ملاك : يلا عاد نطفي النور ونولع الشموع

    الكل : هابي بيرث دي الهنوف .. هابي بيرث دي تو يو .. هابي بيرث دي الهنوف






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  5. #25
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه السابعه عشرღ

    خلصت الحفله وكل وحده رجعت لبيتها .. من بعد تجمع كان روعه لكل البنات .. وقررو البنات ما يحضرون محاضرات باجر بس طلع ان المحاضره الساعه وحده الظهر يعني في وقت يرتاحون .. وبيحضرون غصبا عنهم ..
    /
    .
    /
    روان دخلت البيت مسكت راسها بيدها وراحت للمس تواليت بغت تمسح الميكب بس ما قدرت وراحت للسرير فتحت السده اللي ع الينب وطلعت ربطة البنادول .. فتحته وطلعت حبتين وبلعتهم وشربت من الماي .. انسدحت ع السرير بتعتب الا وهي غاطه في سابع نومه بدون ما تحس ..
    /
    .
    /
    أريج دخلت بهدوء في الشقه .. شافت مافي حس أكيد أمها نامت راحت لحجره أمها شافتها نايمه .. دخلت المطبخ وشافت العشا مثل ماهو .. يعني لي متى أمي الله يهديها ما تاكل .. تضر نفسها وصحتها جذي وهالشي مليون بالميه غلط اش قاعده تسوي بروحها الله يهديها .. راحت للحجره وغيرت ودخلت الحمام وانتو بكرامه تتسبح
    /
    .
    /
    نور وشوق في الحجره ..

    شوق : ما قالت لج شي

    نور هزت راسها : ولا كلمتني بعدين .. بس قالت لي هالكلمتين اللي ما فهمتهم وبعدين ما كلمتني

    شوق : الله يستر بس من هنوفوه

    نور : اي والله الله يستر

    شوق : يلا أنا بتسبح عشان بطلع أنام ورانا محاضره الظهر

    نور : اي خلصي بسرعه فيني نوم

    شوق : أوكي .. انتي لما مسحي ميكبج

    نور : طيب .. يلا اسرعي
    /
    .
    /
    بدور دخلت .. شافت ميره و معضد قاعد ..

    بدور : السلام عليكم


    معضد وميره : وعليكم السلام

    ميره ابتسمت : عسا استانستي ..؟؟

    بدور ابتسمت : اي الحمدلله

    معضد : يلا دشي ارقدي باجر وراج كليه

    بدور : انشالله

    ميره : تعشيتي

    بدور : اي أكيد .. يلا تصبحون على خير

    معضد وميره : وانتي من أهله

    دخلت الحجره .. راحت شافت شكلها في المرايه وابتسمت طلعت موبايلها من الجنطه عشان تحط الجنطه في الكبت .. شافت مكالمتين لم يرد عليها من رقم غريب .. استغربت ..

    يلا باجر بشوف منو بروح برقد الحين وراي كليه ..
    /
    .
    /
    ملاك وهي ماشيه لداخل الفله .. تدخل سياره في الفله وملاك توقف عن باب الصاله العود تنتظر لما مايد ينزل من السياره ..

    تسند ع الباب وتطالع سيارة أخوها لما ينزل .. الضوء يكون على عيونها ما تقدر تشوفه .. يتقدم عنها ...

    ملاك ابتسمت له : هلا ميود ..

    ................ : أنا مب مايد

    ملاك تخرعت : بسم الله الرحمن الرحيم

    راشد ابتسم : بلاج تخرعتي

    ملاك ابتسمت من الفشله : لا بس تخرعت

    راشد ابتسم : تستاهلين عسب مره ثانيه ما تتمين بره لهالحزه

    ملاك لازم تبرر له عشان تحفظ حبه : حفلة ربيعتي

    راشد : مره ثانيه اول ما تنزلين دشي البيت على طول .. لأن في بلاد برع عادي يجتلون

    ملاك : بسم الله عاد نحن اهني أمان الحمدلله

    راشد يضحك : ههههههه الله يحفظج

    ملاك : يلا أنا بدش داخل بروح برقد وراي كليه تامرني على شي ..؟؟

    راشد ابتسم : سلامتج

    ملاك : تصبح على خير

    راشد : وانتي من أهله

    ملاك رفعت راسها تطالعه شافته يتأملها .. راشد نزل عيونه بسرعه وابتسم وقال : يلا روحي ارقدي

    ملاك مفتشله منه : انشالله ..

    دخلت ملاك وراحت بسرررعه لحجرتها .. دخلت الحجره وبندت الباب .. سندت راسها وغمضت عيونها .. يارب متى ييي اليوم اللي أكون فيه مع راشد .. ياربي اجعله من نصيبي ..
    /
    .
    /
    اليوم الثاني الساعه اثنعش ونص الظهر .. نور بعد ما غيرت وتجهزت .. لفت ويهها ..

    نور : والله حاله ..

    شوق : لا رد

    نور : شوق قومي بسرررعه بتأخرينا

    شوق تلف وتقول : همممم شو تقولين ..؟؟

    نور معصبه : وجع ان شاء الله .. يلا قومي تسبحي بنروح الكليه

    شوق تفتح عيونها : روحي انتي أنا مب يايه

    نور تتخصر : لا والله

    شوق : اي والله يلا روحي ..

    نور : ما في يلا قدامي ...

    شوق تقاطعها : نور والله ما بيي خلاص حلفت مافيني بنام يلا باي

    نور تضرب ريلها ع الأرض بقوه وتقول : وجع انشالله شووووقوووه الخايسه انتظري وشوفي شسوي فيك يالدبه ..

    طلعت نور من الحجره وأعصابها واصله لمليون .. وهي ماشيه بسرررعه وتطالع الأوراق اللي بيدها والورقه اللي ما تدري وين طاسه بين هالوراق ..

    نور معصبه : وجع انتي الثانيه وين رحتي هالحين ..

    فجــــــــــــــــأأأأه تصدم بشي يدامها ..

    نور مسكت راسها .. من قوة الصدمه وطاح كل شي بيدها وقالت : وجـــــــع ..!

    .......... : أحم

    نور رفعت راسها مصدومه ورجعت لورا وقالت : أنا آسفه ما كان قصدي

    عبدالعزيز قال باسلوبه ومشى : لا عادي ..

    نور لفت تطالعه ونزلت راسها ويمعت أوراقها وبدت تدعي على شوق

    نور بخاطرها : والله ان ما وريتك يا شوق .. والله انك نذله نشوف من بينقل لك أي شئ من محاضره اليوم .. نامي الين بكره كمان بس نقل ماني ناقلة لك ..

    ................. : اش فيج نور ..؟؟

    نور : لا رد

    ................ : نور .. يا نوووور ..!

    نور لفت وقالت وهي تتأتأ : هلا الهنوف

    الهنوف : اش فيج تطلعين حرتج بالأوراق

    نور ابتسمت : لا .. بس عندي ورقه ضايعه ومدري وينها فيه

    الهنوف ابتسمت : انزين ان شاء الله تحصلينها قولي ان لله وانا اليه راجعون

    نور بطلت عيونها من الخوف : انا لله وانا اليه راجعون .. من مات ..؟؟

    الهنوف ابتسمت : محد مات اش فيج ..؟؟

    نور : لأ بس انتي تقولين قولي انا لله وانا اليه راجعون

    الهنوف تبتسم : اي لما يضيع مني شي وأقول جذي أحصله

    نور ابتسمت : آها .. انا لله وانا اليه راجعون .. يلا ان شاء الله اشوفها ههههه

    الهنوف ابتسمت : ممكن تيين معاي حجرتي شوي ..؟

    نور ابتسمت : خير ..؟؟

    الهنوف : هذا لو ما تتأخرين

    نور : لا ما بتأخر حبيبتي أنا بطلع من هنا الساعه وحده الا ربع

    الهنوف ابتسمت : يعني باقي عشر دقايق

    نور هزت راسها وقالت : اي فديتك

    الهنوف : تعالي انزين شوي

    نور : طيب جايه حبيبتي بس أحط الأوراق بالفايل

    الهنوف : انطرج

    نور ابتسمت وهي تلم الأوراق وبعد ما خلصت بسرعه لحقت الهنوف للحجره ..

    يلا شكلها الهنوف اليوم راضيه علي .. انشالله نتصالح ونصير أصحاب والله اني كرهت حياتي الفتره الأخيره والسبب الهنوف .. انشالله ترجع لصوابها وتعرف الصح من الخطأ ..

    دخلت نور الحجره .. والهنوف بندت الباب

    نور عقدت حياتها : خير يالهنوف ..؟؟

    الهنوف ابتسمت : كل خير بس انتي اقعدي

    نور يلست ع طرف السرير : قولي اش صاير ..؟؟

    الهنوف يلست يمب نور وقالت : ماكو ..!

    نور عقدت حياتها : اشلون مافي شي وانتي تقولين تعالي معي لحجرتي

    الهنوف مسكت يد نور وقالت وهي منزله راسها : نور أنا آسفه على كل اللي صار

    نور ابتسمت ومسحت على شعر الهنوف : ليييش اش صار يالهنوف ..؟؟

    الهنوف : نور أنا أسأت لج وايد
    نور ابتسمت : بالعكس يالهنوف انتي أخت عزيزه وغاليه

    الهنوف حضنت نور ودمعت : نواري أنا أحبج بس كنت أكابر

    نور مسكت ويه الهنوف : امسحي دموعك تراها غاليه علي

    الهنوف تمسكت بنور أكثر : والله يا نور اني كنت أكابر لأني صج أحبج

    نور : وأنا بعد بس امسحي دموعك تراها غاليه

    الهنوف مسحت دموعها وابتسمت : ما كان ودي أعاملج جذي بس هلي نسوني وتدرين سن مراهقه حسيتهم يميلون لج أكثر هالشي خلاني أغار

    نور ابتسمت : عادي الهنوف انسي كل اللي صار

    الهنوف تكمل ولا مهتمه لنور : بس أنا أمس دريت لما سويتي لي كل هذا .. محد ببيتنا سوا لي اياه

    نور مسكت يد الهنوف وقالت : بس لازم ترجعين لي الدين

    الهنوف مستغربه : دين شنو ..؟؟

    نور مبتسمه : تسوين لي حفلة يوم ميلاد ههههه

    الهنوف تضحك : اي أفا عليج بيوم ميلادج انشالله

    نور : الهنوف والله اني أعزك مثل شوق وانتو أخواتي اللي ما جابتهم أمي .. تدرين أنا لا ابو ولا ام ولا أخوان بعد من صغر سني وأنا يتيمه ووحيده

    الهنوف : ومن قال انج يتيمة أو وحيده أبوي وأمي ونحن وين رحنا ..؟؟

    نور تبتسم : أدري بس بعد حنان الأم والأب غير

    الهنوف تهدد نور : تراني بعلم عليج أمي وأبوي وكلنا بنزعل

    نور : دام السالفه فيها زعل خلاص أجل انهي الموضوع من أساسه هههههه

    الهنوف تبتسم : فديتج أنا

    نور : يفداك الكون كله ..

    الهنوف : نواري زعلانه مني ..؟؟

    نور : لاآ حبيبتي من قال اني زعلانه ..؟؟

    الهنوف : بس أسأل جذي

    نور ابتسمت : مو زعلانه بس برضى ببوسه هههه

    الهنوف تبوس نور وتقول وهي منزله راسها : أنا آسفه .. اش تبين أكثر ..؟؟

    نور تبوس الهنوف وتقول : ابي سلامتك فديتك .. متى النتيجه ..؟؟

    الهنوف : يوم الخميس ان شاء الله

    نور تهز راسها وتبتسم : يعني بكره ان شاء الله

    الهنوف : اي باجر

    نور : يلا انشالله تجيبين نتيجه كويسه وحلوه

    الهنوف : يارب وان شاء الله انتي وشوق تتخرجون

    نور تبتسم : شوق ما اظن بتتخرج

    الهنوف تعقد حياتها : ليييش ..؟؟

    نور تبتسم : نايمه ما تبي تحضر

    الهنوف تبتسم : هذي من يوم انولدت وهي كسوله

    نور : يلا ما علينا أنا تأخرت واجد

    الهنوف : اي صارت وحده الا خمس دقايق

    نور ابتسمت : يلا باي حبيبتي

    الهنوف : باي لما ترجعين لازم أكمل كلامي

    نور ابتسمت وهي تطلع : يصير خير

    نور وهي وتصكر الباب .. لفت ويهها عشان تمشي وتنزل شافت شوق واقفه يدام باب حجرتها ..

    نور وهي معصبه : ما تبين تجين ها ..؟؟

    شوق وهي تتثاوب : روحي انتي مالي خلق

    نور تمشي بسرررعه وهي معصبه : بكيفك ما علي منك

    شوق تضحك : عن ينط لج عرج بس

    نور : سخيفه

    شوق تبي تكلمها الا ونور نزلت بسرررعه لأن قربت تصير الساعه وحده لازم بهالوقت تكون واصله ..

    شوق وهي تضحك بصوت عالي : هذي من صجها ازعلت الحين ..!

    شوق لفت تروح لحجره الهنوف انصدمت لما شافت عبدالعزيز ..

    شوق ابتسمت : هلا عبدالعزيز

    عبدالعزيز : أهلين شوق

    شوق تبي تختطف عبدالعزيز يوقفها يوم يقول : ليييش نور معصبه ..؟؟

    شوق : وانا اش دراني ..؟؟

    عبدالعزيز : معقوله رفيجتها وما تعرف ..! أحد مضايقها ..؟؟

    شوق : لا لا ما أعتقد

    عبدالعزيز : عاد اش فيها ..؟؟

    شوق : وأنا اش دراني عزوز قلت لك ما ادري وبعدين توني قمت من النوم

    عبدالعزيز : اهيه طلعت من حجرة الهنوف متضايقه الهنوف قالت لها شي ..؟؟

    شوق : قلت لك يا يبا توني قاعده من النوم وبعدين حضرتك ليييش مهتم ..؟؟

    عبدالعزيز يتهرب من سؤالها ويقول : صح ليييش مو مداومه

    شوق : كنت سهرانه وما أقدر احضر اليوم

    عبدالعزيز : عاد لييش سهرتي

    شوق : حرام الواحد يسهر يعني

    عبدالعزيز : دامه ما يقدر يحضر اي حرام .. يعني عادي عندج تطوفين محاضراتج وانتي بأخر سنه لج

    شوق : تحقيق هو ..؟؟

    عبدالعزيز : مره ثانيه مابي هالشي يتكرر

    شوق ماده بوزها : ان شاء الله

    عبدالعزيز : لما أكلمج ردي عدل

    شوق وقفت عدل : ان شاء الله أخوي .. ممكن أروح الحين

    عبدالعزيز وهو يدق باب حجرة الهنوف ما رد على شوق وسفهها ..

    شوق ناظرته وهي محتره اش فيه هذا ما قام يرد علينا مثل الأوادم والناس .. شو يعني أقل منه بشي عشان يعاملنا جذي .. شوق وقفت عند الباب تطالع عبدالعزيز والهنوف ..

    عبدالعزيز وهو يطالع الهنوف ويقول : اشلونج ..؟؟

    الهنوف : تمام

    عبدالعزيز : نور اش كانت تسوي عندج ..؟؟

    الهنوف : ماكو بس نسولف مع بعض

    عبدالعزيز يطالعها بشك : أكيد تسولفون وبس

    الهنوف : اي والله منت مصدقني يعني

    عبدالعزيز : مصدقج بس بغيت أتأكد

    الهنوف : كاني حلفت لك بعد وبرايك

    عبدالعزيز : أوكي خلاص أنا طالع تبون شي ..؟؟

    شوق : اي مر ع الجمعيه خذ لي جالكسي

    عبدالعزيز وهو طالع : هاللي فالحه فيه ..

    شوق مبطله عيونها : ليييش متى طلبت منك آنا

    عبدالعزيز ابتسم وما رد على شوق .. بس اكتفى بأنه يطالع جسمها من فوق الين تحت بنظرة سخريه ..!

    شوق نزلت راسها واستحت .. وعرفت اش يقصد

    عبدالعزيز شوي ويموت من الضحك وقال : يلا مع السلامه

    شوق والهنوف : مع السلامه

    شوق تطالع الهنوف وتقول : لهالدرجه بديت أمتن يعني

    الهنوف مبتسمه : اي تراج بديتي تكرشين بعد

    شوق مبطله عيونها : والله اني ما اكل

    الهنوف : بس الجالكسي هذا فيه سعرات حراريه أكثر من كل الأكل اللي تاكلينه

    شوق شوي وتتخبل : زين انه عزوز نبهني ولا كنت بروح فيها وبصير أمتن وحده بالعالم

    الهنوف مستغربه وتطالع شوق : صح اش فيه معصب جذي ..!

    شوق : مب معصب بس في شي شاغل باله الظاهر
    الهنوف ابتسمت وقالت : دبه ليييش ما حضرتي اليوم وبعدين خليتي نواري تعصب

    شوق مستغربه وتطالع الهنوف باستغراب : وانتي شكو .. أنا ورفيجتي أحرار ..

    الهنوف تهز راسها : اي صج أنا شكو

    شوق تغمز للهنوف : اي صح ما بغيت أسألج جدام عبدالعزيز بس نور شتسوي بدارج ..؟؟

    الهنوف : نسولف يعني حرام نسولف مع بعض ..

    شوق تهز راسها : بشو تسولفون بلا

    الهنوف تروح للكبت وتطلع لها هدوم : وانتي شكو .. مثل ما أنا شكو انتي هم شكو هههههههههههه

    شوق تبتسم : تصالحتو ..؟؟

    الهنوف : أقول اطلعي الله يستر عليج بس يا حلوه

    شوق تضحك وتقول : دبه .. مردي أعرف .. بروح بتريق أحسن لي

    الهنوف تطالع الساعه : بلا عليج في أحد يتريق وحده الظهر ..؟؟

    شوق : اي أنا اش فيها بعدين ..؟؟

    الهنوف : روحي الله يستر عليج بس

    شوق تبتسم : بطلع أحسن لي مستويه لي شريفة مكه

    الهنوف ابتسمت : الحمدلله والشكر ..

    شوق تطلع من حجره الهنوف وتسد الباب بقوه وتسند راسها ع اليدار وتبتسم .. وتقول بداخلها .. ياي بشووف نواف والله ما يدري اش كثر أنا مستانسه لما اصبح وأمسي بويهه

    ..................... : حووووووووووووه

    شوق متخرعه وتلف : بسم الله

    ضاري يضحك : اش فيج ..؟؟

    شوق : خرعتني وتقول اش فيني ..؟؟

    ضاري يبتسم : اي أقول بعد وبعدين بشو تفكرين

    شوق : بشو أفكر يعني أفكر بالكليه طافتني محاضره

    ضاري يضحك : واللي تطوفه محاضره يفكر وهو مبتسم وحالته حاله

    شوق تختطف من عند ضاري وتصرخ بويهه : انت شكووووووووووووووووو .........؟؟

    ضاري يروح على ورا : نسررررررررره أعوذ بالله

    الهنوف تطلع من حجرتها وتقول : انتو ما تخلون الواحد يرتاح

    ضاري يمشي لحجرته ويقول : اسألي أختج هالنسره مدري اش فيها

    الهنوف تبتسم وتقول : زين نزلت لو سامعتك جان رحت فيها

    ضاري يسوي لها طاف والهنوف تبوز .. تدخل الحجره وتسد الباب وتروح للموبايل وتدز مسجات على رفيجاتها ..

    شوق وصلت للسلم .. ابتسمت وهي تطالع تحت .. نزلت مثل الأميرات .. انشالله أشوف نواف بدربي ..
    /
    .

    /
    نور واقفه تطالع ملاك ..

    ملاك : نوريه ..!

    نور تطالع موبايلها : لارد

    ملاك : نوريه وصمخ

    نور تلف بسرررعه وترفع راسها وتطالع ملاك : هلا ملاك .. وبعدين نوريه بعينك ..!

    ملاك تبتسم : وينج ما تردين تراج احترقتي وانتي واقفه ع الشمس .. ههههه نوريه ونص بعد ..

    نور تبتسم وهي مرتبكه : اي والله احترقت

    ملاك تضحك : شاللي موقفج ..؟؟

    نور تبتسم وتمسك يد ملاك : اقول ادخلي وبقول لك كل شي داخل

    ملاك تبتسم : داخل داخل .. برايج .. بس عن نحترق ع الشمس .. روحنا نحن الخليجيات حنطاويات تبينا نسمر ونروح فيها

    نور تبتسم : خلي السمر للشباب هههههه

    ملاك : يلا خبريني اش فيج ..؟؟

    نور : بس نقعد

    ملاك تبتسم : وهذينا قعدنا .. يلا قولي اش فيج

    نور : لحظه ..!

    ملاك : خير ..؟؟

    نور : أجل وين البنات ..؟؟

    ملاك : بدور في الدرب .. وروان ما ترد عليه بعد واريج ما بتي تقول انها ما تروح تيي اليوم لأنها بتحترق ع الشمس وهي تدور تاكسي ومافي باص للمواصلات

    نور : آها .. كانت قالت لي كنت أمرها

    ملاك : اش دراها عاد هي .. توها ناشه من الرقاد شكلها ما تبا تيي

    نور : اي كلهم بخوها نومه الا احنا

    ملاك تبتسم : هي صح وين شوق ..؟؟

    نور : خليها على الله

    ملاك تبتسم : ليييش بلاها ..! سوت لج شي

    نور تضحك : لالا بس الهبله دايم تغيب وما تحضر

    ملاك : هي صح شوقو الخبله ولا جنها كبرت ههههه

    نور : ما علينا باجر بتتحمل مسؤوليه ولادها لحالها

    ملاك تضحك : هي صح وبعدين ما بيكون في نور ولا بيكون في بنات ينقلون لي محاضرات ..

    نور : اهناك بس في نواف تتهاوش معاه هههههه

    ملاك تبتسم : اي صح اش صار على نواف ..؟؟

    نور ترفع جتوفها : والله يا ستي ما أعرف .. وبعدين هي رايحه وراجعه تتكلم عنو

    ملاك تبتسم : خليها تفرح بهالأسبوعين

    نور ابتسمت : هههه اي خليها تفرح

    فجأه يرن موبايل نور وينببها بأن وصل مسج ..

    نور تفتحه وتقرا المسج .. ملاك تطالع نور باستغراب وتقول : اش سالفتج انتي ..؟؟ ابا أفهم من يينا وانتي طايحة جدام هالتلفون

    نور ابتسمت : ولاشي ..!

    ملاك : ليكون من ورانا ..؟؟

    نور ضحكت : لا يالهبله لايروح بالك بعيد وبعدين هذي الهنوف تدز لي مسجات

    ملاك مستغربه : الهنوف ..!

    نور : اي الهنوف اش فيكي مو مصدقه

    ملاك تبتسم : لا بس الهنوف عاد غريبه انها ترسل لج مسجات .. ما أعتقد عاد

    نور تضحك : لا لا خلااااص صرنا عسل على جبنه على قشطه

    ملاك تضحك : يقطع ابليسج يالهبله شو تتحرطمين ..؟؟ وبعدين خلاااص تصالحتو

    نور : اي كلمتني اليوم ولحالها

    ملاك ابتسمت : آها قولي كل شي بالتفصيل

    نور ابتسمت : الله يسلمك انتظري لأن للحين ما عرفت اش هي السالفه .. توني قبل لا أجي الكليه مسكتني وكلمتني

    ملاك ابتسمت : آها عيل بتريا

    نور مستغربه : هذي بدور ..؟؟

    ملاك : هي بلاج ما عرفتيها ؟؟

    نور تضحك : ههههه الهبله وين رايحه

    ملاك : بـــــــــــــــــدور .. يا بدور

    بدور لفت وطالعت البنات واقتربت وهي مبتسمه وقالت وهي مستعيله : ها ما بدت المحاضره ..؟؟

    ملاك : لأأ

    بدور تقعد : اشوه ..! كنت خايفه اتأخر

    نور تضحك : لا شكله الأستاذ متأخر موووب حنا

    ملاك تضحك : ههههههه

    بدور : وين باجي البنات ..؟؟

    ملاك : محد يا ولا أحد بيي ..

    بدور مستغرب : وليييش

    نور : الله يسلمك روان وتعرفين حالتها .. وأريج ما عندها سياره وشوق راحت عليها نومه

    بدور توقف : عاد أنا بعد بروح البيت

    نور تمسك يدها : اش فيكي انتي انجنيتي

    ملاك تضحك : صدق تيننت البنيه .. يعني نحن ما نسد

    نور تضحك : بدور انهبلتي ..!

    بدور تقعد وتتثاوب : اي والله انهبلت والسبه هالنوم اللي فيني

    نور تضحك : أجل روحي نامي

    ملاك تمسك يد بدور : اسكتي نورو ترا عادي هذي تصدق وتروح تنام

    نور تضحك : هههههه امسكيها بالزين

    بدور تضحك : خلاااص خلاااص بتم والله بس الله يعيني على سوالفكم يالمطاوعه

    نور تضحك : أحسن منك يالصايعه ..!
    /
    .
    /
    روان : قلت لج مابي

    أسيل : مدام بس ماما يقول لازم روان ياكل

    روان : قلت لج مووووب يووووعانه يعني ماأبا غصب هو

    أسيل : انزين شويه بس

    روان تصرخ بويهها : قلت لج اطلعي برع

    أسيل تروح للباب : بعدين ماما في يسوي جنجال

    روان تصارخ وتروح للباب وتقفله : قلت لكم ما ابي أي شي مابي شي ..

    يرن موبايل روان .. تروح بدون ما تشوف من المتصل وتقفله في ويهه وترمي روحها ع السرير ..
    يرجع الموبايل يرن بعد ثواني .. تطالعه روان وتشوف رقم أريج ..

    روان ترد بدون خاطر وهي مكسوره : آلو ..!

    أريج : مرحبا

    روان : أهلين أريج

    أريج مستغربه : اش فيج رواني ..؟؟

    روان : ما فيني شي بس أبي أريح

    اريج : فيج شي روان ..؟؟

    روان تصرخ : قلت لج لأأ أريج ..

    أريج تاخذها بالهداوه : انزين انزين حبيبتي .. خلاااص

    روان ترد عاديه : آسفه

    أريج : صار خير ..!! ليييش انتي جذي روان تاخذين كل شي بجد وتعصبين ومالج خلق

    روان تصيح : يعني ما تدرين اش فيني يا أريج ما تدرين شاللي كاسرني

    أريج : بس لا تسوين بروحج جذي .. ربج كريم يا روان

    روان تصيح : باي أريج أكلمج بعدين ..

    أريج توها بترد .. الا وروان سدته .. رمت روحها ع السرير وبدت تصيح ودها تموت اليوم قبل باجر .. ودها تصلح كل اللي راااح ودها ترجع روان بنت العز اللي محد يقدر يذلها ...!! ودها وودها وودها .. بس للأسف كل اللي صار لا يمكن يتصلح بعد اليوم ..

    يرد تلفون روان يرن .. روان تغلقه وتدفن راسه بالمخده .. حراااام عليك يا مروان حراااام اش سويت فيني .. والله دمرتني حرام عليك لهالدرجه أهون عليك يعني ..!! أنا اللي كنت أحسبك أغلى من كل شي عندي وأغلى من روحي طلعت آنا ولا شي بالنسبه لك .. مجرد شي تتسلى فيه .. هه ما أقول غير صدقو البنات لما قالو اتركي لعب اليهال يا روان ..!
    /
    .
    /
    شوق طلعت من المطبخ وقفت في الممر تبي تسمع شو يصير في الصاله ..

    شوق وهي مندمجه ..!

    الهنوف : شوق ...؟؟

    شوق تلف مفزوعه : بسم الله الرحمن الرحيم

    الهنوف تضحك : اش فيج ..؟؟

    شوق تبتسم : ماكو بس حسبالي عبدالعزيز

    الهنوف ترفع يدها : ياريت جان قص رقبتج ع اللي تسوينه

    شوق : سكتي بس سكتي الله يخليج

    الهنوف تبتسم : اي صح نسيت أسألج شو تسوين ..؟؟

    شوق : أبي اسمع بعد شسوي ..!

    الهنوف تبتسم : اي انزين اش تسمعين يعني

    شوق : وانتي شكو ..؟؟

    الهنوف : لا أكو ..! أبي أعرف أختي شتسوي ..؟؟

    شوق تضحك : لا تخافين ما اسوي منكر .. يلا روحي دراج

    الهنوف : مابي

    شوق : قلت لج روحي

    الهنوف : انزين نور متى ترجع من الجامعه ..؟؟

    شوق : الساعه ثلاث ان شاء الله

    الهنوف : يعني مب مطوله

    شوق : لا مب مطولين اليوم

    الهنوف : عاد ليييش ما رحتي

    شوق : بسألج بلا عليج ..! الحين هذي دراستي ولا دراستج

    الهنوف : والله لو آنا مكانج جان رحت يوميا

    شوق تبتسم : بنشوف بالمستقبل ان شاء الله ..

    الهنوف : ان شاء الله

    شوق : مو وقته هالحجي الحين خليني بروحي دخيلج

    الهنوف ابتسمت : أوكي .. يلا سي يا

    شوق : روحي زين

    بعد ما تبتعد الهنوف .. شوق تسمع شو يقولون وهم يتغدون ..

    بو عبدالعزيز : لا ومتى قال بيي ان شاء الله ..؟؟

    بو براك : والله ما حدد بعده بس ع الأسبوع الياي ان شاء الله بيكون موجود

    بو عبدالعزيز ابتسم : يوصل بالسلامه

    بو براك : وينهم عبود وضاري ..؟؟

    بو عبدالعزيز : يبا عبدالعزيز وينهم خوانك ..؟؟

    عبدالعزيز : عبود راقد وضاري بداره

    بو عبدالعزيز : ماشالله عليهم هذي ل العيال من يأجزون ما تعرف عن أخبارهم

    بو براك يضحك : اي والله ياخوي .. نحن رقود وهم صاحين والعكس ههههه

    بو عبدالعزيز : ضاري بآخر سنه

    بو براك : اي ماشالله عليه كبر

    بو عبدالعزيز : اي والله العيال كبرت ونحن شبنا

    بو براك يضحك : لا ياخوي بعدنا هههههه

    بو عبدالعزيز : آنا مفكر أطرش ضاري الكويت يكمل بعد الثانويه

    بو براك : زين تسوي بس بعد لو عند أهله أحسن له

    بو عبدالعزيز : ترا أهله كلهم بالكويت ياخوي وانتو أهله

    بو براك : بس بعد ياخوي ألأابو والأم غير .. يمسكون الولد يديرون بالهم عليه غير عن انه يكون بروحه

    بو عبدالعزيز : صدقت ياخوي

    بو براك : اي صح نسيت أكلمك بسالفه ..

    بو عبدالعزيز : خير ياخوي ..؟؟

    بو براك : دام الشباب اليوم كلهم متيمعين وقاعدين بفتح معاك الموضوع

    بو عبدالعزيز : قل ياخوي ..؟؟

    نواف يبتسم : يعني لما نتيمع تيي الأخبار الشينه ..!

    بو براك يبتسم : تفائلو بالخير تجدوه

    عبدالعزيز يضحك : تفائل بالخير هههههه

    شوق ابتسمت لما سمعت نواف يتكلم ..

    شوق بهمس : وأخيرا نطق ما بغى واااااااااااااااااااي فديته

    .............. : خير في شي

    شوق تلف متخرعه : انتي ..؟؟

    الهنوف : اي أنا ا ش فيني يعني اش شايفه جدامج

    شوق تكشر : اش شايفه قالت .. أقول اسكتي أبرك لج

    الهنوف توقف مع شوق ويسمعون اش قاعد يصير ..

    الهنوف همست : ابي أعرف شاللي موقفنج اهني

    شوق : اسكتي واسمعي بس ..!

    نواف يطالع ابوه : تحجى يا يبا .. أخاف تغيرون بقوانينكم شي ..؟؟

    بو براك يضحك : دومك مستعجل وانا ابوك

    نواف يبتسم : شسوي يبى الفضول يذبح

    عبدالعزيز يبتسم لبراك يأشر له بمعنى خير اش صاير ..؟؟

    براك يبتسم له ويرفع جتوفه بمعنى ما أدري ..!

    بو براك : ياخوي أصلا حنا هالمره يايين مو لشغل ..

    بو عبدالعزيز مستغرب : خير ياخوي

    بو براك : وأنا أخوك نحن يايين نطلب يد بنتك لولدنا ..

    شوق لفت طالعت الهنوف وهي قلبها يدق بقوه ... وابتسمت .. الهنوف ضربتها وقالت : انطري خل يكمل كلامه

    نواف يطالع ابوه مستغرب .. غريبه ما فاتحه بالموضوع كيف يتكلم عنه ..

    بو عبدالعزيز يبتسم : هذي الساعه المباركه ياخوي

    بو براك يبتسم : تسلم ياخوي .. وهذا الولد جدامك .. براك ماشالله عليه مو ناقصه شي .. دراسه وتعليم ومال ودين وجمال وكل شي .. وبنتكم بعد ماشالله كامله والكامل الله ..

    نواف شرق وهو ياكل ... عبدالعزيز عطاه الماي بسرعه .. نواف شرب

    عبدالعزيز ابتسم : صحه

    نواف وقف : بسني الحمدلله شبعت

    عبدالعزيز يطالعه مستغرب : اش فيك شكلك انصدمت من الخبر

    نواف ابتسم مجامله : لا بتمشى شوي شكلي كليت وايد

    عبدالعزيز : الله وياك .. بس انطر لما عمي يكمل كلامه ..

    نواف : لا لا بتمشى لأني كثرت من الأكل ..

    بو براك يبتسم : هالولد ما يعقل

    بو عبدالعزيز ابتسم : يكبر ويعقل ان شاء الله هههههه

    بو براك : نكمل كلامنا ياخوي .. وحنا يايين عشان شوق وولدي براك يبيها

    بو عبدالعزيز : هذي الساعه المباركه ياخوي .. وبراك ولد عمها ومافي أحسن منه وبعدين نحن وين بنحصل ولد أحسن من براك ..

    بو براك ابتسم : وحنا وين بنشوف بنيه أحسن من شوق ..

    بو عبدالعزيز ابتسم : بس خل نشاور البنيه وأمها ... ونشوف رايهم

    بو براك : عندك الوقت اللي تبي ومهما كان رايكم تأكد حنا خوان وما يفرق بينا شي أيا كان راي البنيه ..!

    بو عبدالعزيز ابتسم وقال : أصيل ياخوي

    عبدالعزيز يبتسم ويقول لبراك : معرسنا

    براك يرد له الابتسامه ويكملون أكل ويكملون حديثهم بنفس الوقت ..
    /
    .
    /
    الهنوف وصلت لحجرة شوق وتقول : شوق فجي الباب

    شوق تصرخ : قلت لج مابي

    الهنوف : شوق دخيلج فجي الباب

    شوق : الهنوف قلت لج مابي

    الهنوف : شوووووق

    شوق مل صبرها : خلوووووووووني بروووووووحي

    الهنوف مستغربه وتقول من ورا الباب : شاللي جلب حالج انزين ..؟؟

    شوق واصله معاها : مالج شغل قلت لج خليني

    الهنوف تبتعد عن حجرة شوق وهي مستغربه ... اش فيها هذي .. من سمعت خبر الخطبه يت فوق وهي معصبه ليكووون ببالها أحد لا لا مستحيل ... امبلا أكيد ببالها أحد .. بس ليييش سوووت جذي وعصبت ..! الله يستر خل تيي نور وبنشوف اش صاير ..

    ضاري طلع من حجرته مستغرب وقال : انتو اش فيكم ..؟؟

    الهنوف رفعت جتفها ومشت : ما أدري

    ضاري : يعني الواحد ما يعرف يرتاح بهالبيت ..!

    الهنوف : اسأل أختك شوق والله أنا مالي شغل

    ضاري سد باب حجرته الهنوف كملت طريجها وهي مستغربه اش فيها شوق : خل أنطر نور وأقول الها اش صار ..! وأعرف اش فيها شوق ..







    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  6. #26
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه الثامنه عشرღ

    عند البنات ..~

    نور وهي تمشي مع بدور وملاك : انزين ودخلت معاها الحجره وتأسفت لي ..!

    بدور مستغربه : تأسفت لج ..؟؟ متأكده هنوووفوووه تتأسف ..؟؟

    نور تبتسم : اي بصراحه اكسرت خاطري وهي بهالحال

    ملاك تبتسم : يا أختي اكبرت خلاص وبعدين على وش جواز ع قولتهم لازم تعقل

    نور تضحك : الله يهديك وين على وش جواز ..!

    بدور : اي صح ذكرتوني

    ملاك : خير ..؟

    بدور تطلع موبايلها من الجنطه وتراوي البنات : هذا رقم وحده منكن ..؟؟

    نور : موب رقمي وبعدين أنا رقمي من سنه الف وتسع اميه وجرب

    ملاك تضحك : مب لهالدرجه عاد هههههه ..

    بدور : ملاك رقمج ..؟؟

    ملاك تبتسم : لأأ مب رقمي أنا بعد ..! وبعدين ترا نحن ربيعاتج وجه فقر ارقامنا من أول رقم حصلناه هديه

    بدور تضحك : اي والله ههههههه

    نور : تراكم تغلطون عليه ..!

    ملاك تضحك : لا والله ومنو اللي تقول ان رقمها من سنة جرب ..!

    نور تضحك : محد جربان غيرك

    ملاك متقززه : أعوذ بالله من الشيطان الرجيم

    بدور : اي والله أحس جاتني حكه

    نور تضحك : هذي العدوى ليكوووون ...........!

    ملاك : دخيلج الا اليرب ابعدي عنا

    نور تضحك : وي اش جاكم وبعدين حنا منا عايشين بوسط قطاو وبراغيث

    بدور : اقول غيري السالفه أحسن لج يالدبه

    نور : طيب ..

    ملاك : صح نسيت أخبركم

    بدور : خبرينا ..!

    ملاك : الله يسلمكم أمس وأنا راده البيت شفت راشد

    نور ابتسمت : أوكي وبعدين اش صار ..؟؟

    ملاك : ماشي بس كلمني بسرعه يسأل عن الحال

    بدور تغمز لها : وبس ..!

    ملاك : اي بس يعني مو مصدقتني

    نور تبتسم : مصدقينك بس كملي

    ملاك تبتسم : ولما خلصنا حديثنا ييت بدخل ولا راشد كان قاعد يبحلق فيني

    بدور تضحك بصوت عالي : ههههههههههههههههه

    نور ابتسمت : اش فيها هذي انجنت ..!

    ملاك ترفع جتفها : والله مدري

    نور تضرب بدور ع الخفيف : هو اش فيك يابنيه ..!

    بدور تبتسم : حلوه ذي يبحلق هههههه

    ملاك : اي انزين ما قلت شي غلط أنا

    نور ابتسمت : ما عليج منها ملاك

    ملاك ابتسمت : اي والله ما علي منج يالدبه

    نور : سؤال ملاك..؟

    ملاك : هلأ

    نور : هالحين لو راشد تقدم لك بتوافقين ..؟

    ملاك ابتسمت : والله ما أعرف شقول لج أنا في حيره من أمري يا أختاه

    بدور : تطلب العون منكي يا أختاه

    نور ابتسمت : والله هذا شي راجع لك وهذي حياتك يا حلوه

    ملاك ابتسمت : تدرون أوقات أحس روحي برفضه لو تقدم لي

    بدور : من زينج الحين يتقدم لج وبعدين من هذي الخبله اللي ترفض دكتور

    ملاك : أنا ..! هههههه أمزح بس ما أدري أحس روحي مب متأقلمه

    نور : أقول بلا منكر البنات

    بدور : اي صح نور اش صار ع السفر

    نور رفعت جتوفها : والله علمي علمك ما أعرف عن أي شي

    ملاك : عبدالعزيز بيكون وياكم

    نور : اي

    ملاك : حظكم انتي وشوق مب نحن اللي باقي لنا كم شهر وننشوي من حر الامارات

    نور : اقول اسكتي ولا أسفرك تراني

    ملاك تضحك : هههههههه قلت شي غلط أنا

    نور تعقد حياتها : اي

    بدور : بنات يلا أنا بتصل على نسيبي خل يمرني

    ملاك : لا لا تريي روحي معانا

    بدور : مقدر وبعدين ملزمين علي أرجع من وقت

    نور : الله يعينك ..

    بدور : يلا باي بنات

    نور وملاك : باي

    نور طالعت ملاك : اقول ملاك

    ملاك : قولي ..؟

    نور مستغربه : بدور فيها شئ ..؟؟

    ملاك : لأأ عاديه أعتقد


    نور : لا لا ما أظن

    ملاك : امبلا نواري انتي تتهيئين

    نور : لا فيها شي مو طبيعيه راسها طول الوقت منزلته ومنشغله بالجوال وبعدين سارحه

    ملاك : يمكن والله ما ركزت

    نور ابتسمت : اقول ملاك اش صار على أخوك ..؟؟

    ملاك ابتسمت : الحمدلله من وصل راشد البلاد ومايد متحسن أكثر عن قبل

    نور : الحمدلله .. شفتي اشلون راشد مهم بحياتكم

    ملاك ابتسمت : اي لاحظت

    نور : كثر ما تبيني كرهك للناس الا انك طيبه يالدبه

    ملاك ابتسمت : أقول نورو لا يكثر بس .. تعالي نروح ناكل ميته يوع

    نور ابتسمت : يلا وبعدين برجع البيت بشوف الأجواء عندهم كيف ..؟؟

    ملاك : ليييش قبل ما تطلعين كان في عواصف

    نور : اي عواصف وبس ههههه الهنوف وشوق دايم يتضاربون ... بس تدرين ..! توقعي صدمت اليوم بمين ..؟؟

    ملاك مستغربه : مين ..؟؟

    نور : خمني ..؟؟

    ملاك : همممم ليكون اللي بالي بالج ... لا تقولين عزووووز

    نور تبتسم وهي ميته حيا : اي والله .. وبعدين عزوز أصغر عيالك

    ملاك ابتسمت : هههههههههههههه

    نور تضربها : بس اسكتي فضحتينا

    ملاك : ضحكتيني والله أتخيل شكلج كيف وانتي تنصدمين

    نور ابتسمت : كيف يعني ..! أكيد ميته حيا

    ملاك : يلا تعيشين وتاكلين غيرها

    نور تكش عليها : فال الله ولا فالك

    ملاك : اقول نواري

    نور : هلأ


    ملاك : روان لازم نشوف لها حل ترا والله وايد تعبانه

    نور : اي مبين عليها فديتها ما تستاهل

    ملاك : اش رايج هالويك اند نروح لروان

    نور : اي والله حل بس بعد لازم نطلعه من الجو اللي هي فيه

    ملاك : والله ما أعتقد روان ترضى انها تطلع

    نور : اي .. خلاص أجل نتلاقى ببيتهم يوم الخميس
    /
    .
    /
    مايد ابتسم : ها كيف الشغل وياج

    وصايف : والله تمام التمام أستاذ مايد

    مايد : وصايف اقعدي بقول لج شغله

    وصايف ابتسمت وقعدت : خير استاذ ..؟

    مايد : وصايف أبي أرقيج ..

    وصايف ابتسمت وقالت مجامله : توني يديده استاذ

    مايد : بس ماشالله عليج مجتهده ومجده بشغلج

    وصايف ابتسمت : شهادتك أعتز بها استاذ

    مايد : عيل باجر بنسوي اجتماع وهم في موظفين بنعلي معاشاتهم صار لهم فتره طويله

    وصايف ابتسمت : أصيل أستاذ

    مايد ابتسم : ها ما قلتي لي اش رايج بالشغل ..؟؟

    وصايف : والله حلو ومن زود ما هو حلو ودي أضل طول اليوم بالشركه

    مايد ضحك : لا عاد ما يصير جذي

    وصايف : اي صح استاذ نسيت أكلمك عن بو سالم ..؟؟

    مايد عقد حياته وهو مستغرب : خير ..؟؟

    وصايف : الظاهر انه داوم اليوم

    مايد مستغرب : وأنا ما ادري

    وصايف : يمكن اليوم بييي ويخبرك وبعدين تونا العصر

    مايد : هي صح ترا خمسه العصر الشركه تفضى وانتي وبعض الموظفات تتأخرون بالطلعه أتمنى هالعاده تتركونها

    وصايف ابتسمت : انشالله أستاذ

    اندق الباب .. مايد : تفضل ..

    حمود دخل : السلام عليكم

    مايد ووصايف : وعليكم السلام

    حمود : أستاذ مايد .. العم بوسالم وصل

    مايد ابتسم : خل يدخل

    حمود : انشالله

    وصايف وقفت : عاد أنا أستأذن استاذ

    مايد : اذنج معاج

    وصايف : تبغى شي ..؟

    مايد : لا مشكوره

    وصايف ابتسمت وطلعت .. دخل بوسالم وهو مبتسم ..

    مايد وقف وقال وهو مستانس : مرحبا .. مرحبـــــا بـ عمي

    بو سالم ضحك وتقرب منه وسلم عليه : اش حالك ولدي ..؟؟

    مايد : بخير الله يسلمك يا عمي

    بو سالم : عساكم بهالحال دوم يارب

    مايد : وياك عمي .. انت اش حالك واش حال سالم وسعاد ..؟؟

    بو سالم : والله بخير يا ولدي .. وسعاد خلاص عرسها تحدد

    مايد حس بضيجه وقال : الله يوفقها يارب

    بوسالم : آمين يارب .. عاد البيت بيخلى علي

    مايد ابتسم : آفآآآآ ياعمي ونحن وين رحنا

    بو سالم ابتسم : انتو بالشغل معاي وبالبيت بنتم أنا وسلوم بروحنا

    مايد ابتسم : تزوج عاد ههههههه

    بو سالم ضحك : الله يهديك يا ولدي وين أتزوج وأنا بهالعمر

    مايد ابتسم : يلا الله يعطيك الصحه والعافيه يارب

    بو سالم : اي يا ولدي والله هذي أكبر نعمة من الله سبحانه وتعالى

    مايد : صدقت يا عمي

    بو سالم : بعد ما تروح سعاد والله ما نعرف شنسوي أنا وسلوم

    مايد يتهرب : يحلها ألف حلال ذيج الساعه .... صدق منور الشركه والله ياعمي

    بو سالم ابتسم : منوره بصاحبها يا ولدي

    مايد ابتسم : صح نسيت أضيفك عمي .. اش تشرب ..؟؟
    /
    .
    /
    ميره قاعده ع السجاده من بعد ما صلت العصر ...

    بدور ابتسمت وقعدت يمب ميره .. : اشلونج ..؟؟

    ميره : بخير الله يسلمج

    بدور ابتسمت : ادعي لي

    ميره : انشالله ... الله يهديج ويوفقج يارب

    بدور : آمين يارب

    ميره : صليتي ..؟؟

    بدور : اي الحمدلله

    ميره : الحفله أمس كانت حلوه ..؟؟

    بدور : اي الحمدلله

    ميره : كان ودي أحضر بس تدرين وين الواحد يقدر يروح لمكان مع حمدان الله يهديه مشاغب

    بدور تضحك : ههههههه اي والله فضيحه .. انزين وينه ..؟؟ ما شفته اليوم

    ميره : راقد ..

    بدور تضحك : حمدانو رقد الظهر غريبه ..!!

    ميره : اي تخيلي حمدان رقد الظهر

    بدور تضحك : ههههههه هالولد عجيب الصراحه

    ميره : كل يوم شكل .. طالع على ناس

    بدور : لا والله

    ميره : اي صح انتي اش فيج اليوم مو على بعضج ..؟؟

    بدور مرتبكه : أنا

    ميره : اي انتي .. اش فيج ارتبكتي

    بدور : لا ارتبكت ولاشي ..!

    ميره : فيج شي بدور ..؟؟

    بدور : لأأأ ميروه منو قال

    ميره : ما ادري أحسج متغيره شوي

    بدور : لا لا متغيره ولاشي

    ميره : الله يهديج يارب

    بدور تضحك : اي بكل صلااا ادعي لي أوكي ..!

    ميره : والله أدعي لج من كل قلبي

    بدور : اي صح انتي اللي متغيره فيج شي ميره ..؟؟

    ميره : لا منو قال

    بدور : أحسج متضايقه

    ميره : لا والله بس قاعده أنطر شهر خمسه عشان أولد ..

    بدور تضحك : وأنا أنطر شهر سبعه عشان أرد الديره

    ميره : اي والله اشتقنا للأهل

    بدور : يلا هانت مب باقي الا كم شهر
    /
    .
    /
    نور تدق الباب : شوق الله يهديك فتحي الباب

    شوق : لارد

    نور : شوق الله يخليك فتحي الباب .. بروحي تعبانه ابغى اريح شوي

    شوق : لارد ..

    الهنوف طلعت من حجرتها : خير نور ..؟؟

    نور : شوق ماهي براضيه تفتح الباب ولا هي براضيه تتكلم

    الهنوف : دقي الباب ليكون مستوي بها شي

    نور : اي والله حوفتيني

    الهنوف وقفت يمب نور : شوق فتحي الباب

    شوق : لارد

    نور : شوق دخيلك بس قولي كلمه ..! ترا خوفتينا

    شوق تصيح : نور اتركيني ماني بناقصتج

    نور تطالع الهنوف باستغراب وتقول : خير صار شي بغيابي

    الهنوف ترفع جتفها : لاأأ

    نور : عاد وش فيها شوق ..؟؟

    الهنوف : اهيه من صعدنا من تحت وهي حابسه روحها

    نور : أوكي أنا بريح بحجرتك من أمس وأنا تعبانه

    الهنوف : أوكي .. بسولف معاج

    نور : لأأ دخيلك أنا تعبانه أجليها

    الهنوف تضحك : زين زين يلا تعالي

    نور دخلت الحجره وطلعت عباتها : غريبه شوق ..! يوم مستانسه ويوم زعلانه تلعب بأعصابنا وحنا الضحيه

    الهنوف تضحك : يو كله ضيق ويوم كله وناسه .. يستهبل الروتين وأنا الضحيه

    نور تضحك : لا تخافين ما سرقتها

    الهنوف : اقعدي اقعدي بقول لج عن شغله

    نور : خير ..؟؟

    الهنوف : الله يسلمج اليوم لما أنا وشوق قاعدين تحت نسمع أبوي وعمي يسولفون .....

    نور تقاطعها : اش قالو ..؟؟؟

    الهنوف : عمي خطب شوق لبراك ولد عمي

    نور شوي وتجنن : وتقولين ماصار شي ..؟؟

    الهنوف : اي اش صار يعني ما جبروها بعدهم

    نور تبي تطلع من الحجره .. الهنوف تمسكها : نور اش صاير .. خير ..؟؟

    نور : أي خير وكل ذا صاير يالهنوف أي خير ...؟؟

    الهنوف مرتبكه : انزين ع الأقل فهميني يانور ..؟؟

    نور : بعدين بعدين يالهنوف

    طلعت نور وراحت لحجره شوق ودقت الباب ... نور : شوق فتحي الباب واللي يسلمك

    شوق : ماني بفاتحته

    نور : اذا منتي بفاتحته بناديك أخوك وبخليه يكسره

    شوق تصيح : اذا فيج خير تروحين له

    نور : اي بروح له .. على بالك أمزح

    شوق تصيح وتصرخ : خلووووووووووني بروحي

    نور : شوق افتحي طيب ما بسوي لك شي

    شوق : مابي نور مابي .. اتركيني ..

    نور تمشي مع الهنوف وتقول : على راحتك يا شوق

    الهنوف مستغربه : خير نور ..؟؟

    نور : خير يا شوق خير ان شاء الله

    الهنوف : اش فيها شوق .. تقولين متجننه ..؟؟

    نور : ما فيها شي حبيبتي يمكن تبي تكمل دراسه

    الهنوف : انزين خل تكمل اش فيها يعني ..؟؟

    نور : أقول الهنوف بروح بنام تبين شي ..؟؟

    الهنوف تضحك : لا سلامتج ..!
    /
    .
    /
    ملاك مستغربه : لا تقولين ..!

    بدور : اي والله

    ملاك : انزين ومتى صار هالشي ..؟؟

    بدور : من ساعتين تقريبا

    ملاك : وانتي وين الحين

    بدور : بالمستشفى ..

    ملاك : وهي شخبارها الحين

    بدور : بخير الحمدلله

    ملاك : خلاااص مسافة الطريج وأنا عندج

    بدور : لا ما يحتاج تعبين نفسج يا ملاك

    ملاك : شـ أتعب نفسي ..؟؟ هذا واجب يا بدور

    بدور : فيج الخير .. خلاص أنطرج

    ملاك : أوكي بس بأي مستشفى انتو ..؟؟

    بدور : بمستشفى ................

    ملاك : أوكي باي .. بكون عندج خلال دقايق انشالله

    أمي فاطمه تطالع ملاك مستغربه : خير بنيتي اش صاير

    ملاك وهي تتكلم بسرعه : ميره طاحت على قوم بدور وودوها المستشفى

    أمي فاطمه : ويه خير انشالله يابنيتي .. صار لها شي لا سمح الله

    ملاك : لا الحمدلله بس شوية تعب الظاهر من الحمل والحين هي مرقده

    أمي فاطمه : شوية تعب ورقدوها .. لالا الظاهر مستوي بها شي البنيه

    ملاك : كل خير يا أمي ..

    أمي فاطمه : بتروحين ...؟

    ملاك : هي بروح أمي

    أمي فاطمه : وديني وياج يا أمي .. خل أشوفها يمكن أعرف اش فيها ..؟؟

    ملاك : أمي بتتعبين ..؟؟

    أمي فاطمه : لا يا أمي ما بتعب ولاشي .. يلا البسي عباتج بسرعه

    ملاك : أوكي أمي

    أمي فاطمه : بس منو بيودينا عمران راح بوظبي يوصل السياره

    ملاك محتاره : مايد ولا راشد

    أمي فاطمه : الاثنين محد

    ملاك : خلاص أنا بسوق

    أمي فاطمه متخرعه : لا يا أمي .. بتسوين حادث لا سمح الله

    ملاك : الله يهديج يا أمي هذيج مرقده .. يلا يلا البسي نروح .. وبعدين أنا أعرف اسوق

    أمي فاطمه : يلا توكلنا على الله
    /
    .
    /
    حميد : وانزين انت ليش تركتها ..؟؟

    مروان : ما باليد حيله يا حميد

    حميد : جان توضح لها موقفك ياريال

    مروان : لا لا ما أبي ابوها يطيح من عينها

    حميد : كيف يطيح من عينها

    مروان : مهما كان هذا ابوها وهو أدرى باللي يسويه

    حميد : بس اللي يسويه حرام .. وحرام تظلم روحك والبنيه معاك

    مروان : لا أظلمها ولاشي .. وكل واحد يروح بحال سبيله أحسن له

    حميد : بعد يا مروان فكر انت ..! وبعدين هي الحين حالتها حاله

    مروان : ادري

    حميد : عاد ..!

    مروان : قلت لك ما باليد حيله يا حميد

    حميد : مهما كان يا مروان حاول بعد .. مره مرتين ثلاث

    مروان : ما اقدر يا حميد ما أقدر خلاص ما اقدر أرتبط فيها دام هذا ابوها

    حميد : وانت اش عليك من أبوها دامه جذي .. عليك من البنيه وبس

    مروان : حميد أنا برد البيت

    حميد : تو الناس ياخوي

    مروان يوقف : والله تعبت .. يلا سلام

    حميد : سلام
    /
    .
    /
    أمي فاطمه وهي تقرا على ميره : الله يشفيج يا بنيتي

    ميره تبتسم بتعب : آمين خالو

    ملاك تبتسم : يلا عاد قومي بسرعه وخل تمر الشهور نبي نشوف البيبي

    ميره تبتسم : انشالله يارب

    بدور وهي ماسكه حمدان : ميره تبين شي ..؟؟

    ميره : سلامتج

    ملاك تضحك : أقول ميره تراج خرعتي أمي

    ميره تبتسم : حرام عليج ليييش تعبتيها ويبتيها

    أمي فاطمه : هذا واجبي يا بنتي ولا تقولين جذي تراني بزعل

    ميره تبتسم : فيج الخير خالو

    ملاك : عن اذنكم شوي

    ميره : اذنج معاج

    بدور : وأنا بعد بروح لملاك شوي

    ميره : أوكي .. لا تطولون

    أمي فاطمه : اي لا تطولون وبعدين ميره تبي من يونسها

    بدور تضحك : تكفين وتوفين خالتي

    أمي فاطمه تبتسم : بعد انتن بنات وتعرفن لها أكثر

    بدور : ولا يهمج ثواني بس

    ملاك تمسك يد بدور وتقول لها عند الباب بهمس .. : خير اش قال الدكتور

    بدور : والله يقول سليم بس الظاهر ميره ما تاكل عدل

    ملاك : خير ..؟؟

    بدور : والله ما أدري

    ملاك : يلا الله يشفيها بس انتي ديري بالج عليها

    بدور : انشالله

    ملاك : وين البنات ..؟؟

    بدور : روان وانتي أدرى بها وأريج محد بييبها ونور وشوق ولا وحده فيهن ترد

    ملاك : يلا ان شاء الله خير .. الله يسهل على أختج وتطلع بالسلامه يارب

    بدور : آمين

    ملاك : بتداومين باجر ..؟؟

    بدور : ما أعتقد

    ملاك : هي صح محد بيقعد مع حمدان

    بدور : يلا خير انشالله

    ملاك : انشالله .. تعالي ندخل قبل لا تمل ميروه حرام روحها تعبانه

    بدور : اي فديتها تعبانه
    /
    .
    /
    نور : طيب انتي وش فيكي .. احكي لي يا شوق أنا بنت خالتك

    شوق تصيح وتحضن نور : نور والله مو قادره أستحمل

    نور : طيب احكي لي كل شي صار يا شوق

    شوق تصيح : عمي خطبني لبراك ولده

    نور مستغربه : طيب وش فيها شوق

    شوق تصيح : وش فيها يانور ..! انتي تسأليني وش فيها ..؟؟

    نور : اي ارفضيه دامك ما تبينه

    شوق : لو رفضت براك ابوي يسألني ليش وما أدري شو .. وما عندي عذر

    نور : ودراستك ..؟؟

    شوق : الدراسه مب حجه يا نور .. عادي يقول نأجل العرس

    نور : ونواف طيب ..؟؟

    شوق : تبين يذبحوني وبعدين لو رفضت براك مستحيل عمي يرجع يطلبني لنواف

    نور : وليييه يا شوق ..؟؟ انتي مكبره الموضوع ومعطيته أكبر من حجمه

    شوق تصيح : نور انتي ما تعرفين أهلنا عدل

    نور : اي يا شوق بس ربك كريم

    شوق تصيح : نور والله مدري شسوي .. أحس روحي بموت من التفكير

    نور : انتي ابوك كلمك بالموضوع ..؟؟ ولا لسه

    شوق : لا بعده

    نور : طيب ... يا بنت الناس انتظري

    شوق تمسح دموعها : أنا بنام تبين شي ..؟

    نور : ما تعشيتي ..؟؟

    شوق : مالي نفس

    نور : طيب لقمه وحده

    شوق : والله يا نور مب مشتهيه

    نور : على راحتك .. بس بكره داومي

    شوق : مالي خلق

    نور : ع الأقل تغيري جو .. بدل النكد اللي انتي فيه

    شوق : يصير خير

    نور : بروح بتعشى ..تبين شي ..؟؟

    شوق : سلامتج بس اطفي النور

    نور : طيب .. يلا تصبحين على خير

    شوق : وانتي من أهله

    نور طلعت من الحجره وسدت الباب .. الهنوف واقفه : خير ؟؟؟

    نور : كل خير .. يلا نروح نتعشى

    الهنوف : اش فيها شوق ..؟

    نور : ما فيها شي

    الهنوف : انزين ولييش ما تتعشى

    نور : مالها نفس

    الهنوف : عاد اشلون ما فيها شي

    نور : الهنوف يلا نروح نتعشى لأني بنام وراي كليه بكره

    الهنوف : يلا

    نور : اي صحيح جيبي موبايلي لو سمحتي ..

    الهنوف تبتسم : اونج عاد

    نور : والله .. يلا بروح لما أسخن لنا الأكل

    الهنوف : أوكي

    نور نزلت للمطبخ .. وبدت تحر الأكل وتجهز الصحون ..

    ................... : بآآآآآآآآآآآآآآآآآآآآو

    نور تلف متخرعه : بسم الله الرحمن الرحيم

    الهنوف تضحك : اش فيج ..؟؟

    نور : خوفتيني

    الهنوف تبتسم : يا خوافه

    نور : انتي المليقه ههههه

    الهنوف : هاج موبايلج .. ثلاثه مسد كول

    نور : خير انشالله .. هذي بدور

    الهنوف : دقي عليها

    نور : بعد العشا

    الهنوف : يمكن تبي شي ضروري اتصلي ما بتخسرين شي

    نور : بشوف ..

    الهنوف : ها ماترد ..؟؟

    نور : امبلا بس انتظري شوي

    بدور : السلام عليكم

    نور : وعليكم السلام

    بدور : هلا نور

    نور : خير بدور اش صاير ..؟؟

    بدور : والله مدري شـقول لج ..!

    نور : خير يا بدور خوفتيني

    بدور : كل خير .. بس ميره طاحت علينا ويبناها للمشفى

    نور متخرعه : خير فيها شي ..؟؟

    بدور : لا الظاهره ما تتغذى عدل .. وهي حامل بعد تدرين

    نور : وشخبارها الحين

    بدور : والله تمام

    نور : يلا الحمدلله .. ما قالو لك متى بيرخصونها

    بدور : اليوم بليل بتضل تحت الملاحظه وباجر انشالله بيرخصونها

    نور : انشالله

    بدور : انتو شخباركم

    نور : والله مدري شقول لك

    بدور : خير بعد ..!

    نور : ما ينفع بالتلفون

    بدور : خرعتيني ارمسي ..؟؟

    نور : ما يصير بالتلفون بكره انشالله

    بدور : لا باجر ما بحضر تدرين ميره تعبانه لازم اقعد معاها هاليومين

    نور : اي الله يقومها بالسلامه يارب

    بدور : آمين

    نور : البنات جو ..؟؟

    بدور : لأأأ بس ملاك يت وروحت من شوي

    نور : آها ..

    بدور : يلا عاد حبيبتي بخليج .. هذي السستر يت تبي تقيس ضغطها الظاهر

    نور : يلا .. والحمدلله على سلامتها

    بدور : الله يسلمج حبيبتي

    نور : طمنيني عليها وبعد سلمي لي عليها

    بدور : انشالله

    نور : مع السلامه

    بدور : مع السلامه
    /
    .
    /
    ................. : وانتي منو سمح لج تطلعين ...؟؟

    ملاك : مايد البنيه أختها مرقده وتعبانه لازم نروح

    مايد : انزين اختها تعبانه على عيني وراسي والله بس ما يصير تطلعين بروحج

    ملاك : مايد .. أنا اعرف اسوق

    مايد : بس بعدني ما سمحت لج تطلعين بروحج

    ملاك شوي وتموت قهر : يعني متى تسمح لي .. وبعدين رفيجتي بروحها

    مايد : وانا اش لي .. رايحه تتحمدين لها بالسلامه .. وهناك لاسمح الله روحج بتترقدين

    ملاك : مب لهالدرجه عاد أنا اعرف أسوق

    مايد : ملاك لا ترادديني .. قلت لج مب لازم تتطلعين

    ملاك : مايد شي صار وخلاص

    مايد : مابى هالموقف يتكرر سمعتي ..!

    ملاك : مايد نحن اتفقنا اني أتعلم أسوق .. وخلاص أنا اعرف

    مايد : بس أنا ما سمحت لج تطلعين برع البيت وتسوقين بروحج

    ملاك : متى بتسمح لي عاد

    مايد : وقت ما أبا ... شي راجع لي

    ملاك مغتاضه منه : ميووود انت مب جذي شاللي صاير لك ..!

    مايد معصب : من اللي سويتيه بدون ما احد يدري طلعتي

    ملاك تهدي الموقف : أوكي أنا آسفه .. وما بيتكرر هالشي

    مايد مشى : صار خير

    ملاك شردت راحت صوبه ومسكته : ميود أمانه لا تزعل مني

    مايد وقف مكانه بدون ما يطالعها : مب زعلان

    ملاك : مايـــــــــــــــــــد

    مايد لف وطالعها .. ملاك : والله آسفه وحقك علي بس شسوي ربيعتي وما هانت علي

    مايد شد خدودها وقال : ربيعتج وما هانت عليج .. يعني انتي اللي تهونين علي

    ملاك مستغربه : ليييش اش سويت أنا

    مايد : تسوقين بروحج بوسط هالزحمه وما سويتي شي ..!

    ملاك : مايد أعرف اسوق

    مايد : لا والله .. وبعدين بيرقدونج انتي بالمستشفى بدال أخت ربيعتج

    ملاك تبتسم : مب لهالدرجه عاد

    مايد : لا لهالدرجه .. وماخذه معاج أمي .. الحمدلله ما استوا بها شي ..

    ملاك ابتسمت : ترا أعجبك في السواقه

    مايد : ردت وفتحت نفس الموضوع .. ماشي تسوقين الا يوم أسمح لج

    ملاك : ومتى تسمح لي يعني ..؟

    مايد : لما تعرفين تسوقين عدل

    ملاك : مـــــــــــــــــايد

    مايد راح وسفهها .. ملاك ضربت ريلها بالأرض : ياربي منك يا ميووووود
    /
    .
    /
    ميره تطالع معضد : معضد رد بدور وحمدان البيت

    بدور : لا لا بنقعد عندج شوي

    ميره : ما يحتاي وانتي وراج جامعه

    بدور : لا لا باجر ما بحضر

    ميره : ولييش ...؟؟

    بدور : منو بيقعد عند حمدان

    ميره : ابوه .. بس انتي لا تطوفين محاضراتج

    بدور : لا انشالله ما بطوف محاضراتي .. وبعدين انتي تدرين أول مره تتعبين .. خايفه عليج

    ميره : ما يحتاج حبيبتي .. أنا بخير والحمدلله

    بدور : الحمدلله

    معضد : حمدان شكله بيرقد

    بدور : عاد بنرجع البيت ..؟؟

    معضد : هي لأنه قاعد يرقد ..

    ميره : أوكي .. باجر الصبح تعالو

    بدور : انشالله يطلعونج باجر الصبح

    ميره : انشالله

    بدور : عاد أنا بروح برع الحين

    ميره : أوكي انتي وحمودي روحو معضد بيلحقكم ..

    معضد طالعهم الين ما طلعو .. ورد طالع ميره : شخبارج الحين حياتي

    ميره : مثل ما تشوف .. بس الحمدلله صرت احسن

    معضد : غريبه أول مره يصير بج جذي

    ميره : اي لأني ما اهتميت بروحي الفتره الأخيره

    معضد : لازم تهتمين ما يصير جذي

    ميره : اي انشالله

    معضد : يلا عاد انا تأخرت على حمدان وبدور .. تشوفين حمدان رقد

    ميره : أوكي

    معضد : تبين شي حياتي ..؟؟

    ميره : لا سلامتك

    معضد : أوكي عاد .. يلا بيي لج باجر

    ميره : انشالله

    معضد : مع السلامه

    ميره : مع السلامه

    ابتسم لميره وطلع .. معضد : رقد ..؟؟

    بدور وهي شايله حمدان : اي رقد

    معضد شاله عنها وقال : يلا نروح

    بدور تذكرت شي وقالت : انتو روحو أنا نسيت شغله بالحجره

    معضد : أوكي لحقينا

    بدور : انشالله

    بعد ما مشى معضد بدور دخلت الحجره وشافت ميره ..

    ميره استغربت : خير بدور .؟؟

    بدور : نسيت تلفوني ..!

    ميره : خذيه انزين

    بدور : ميره أكيد ما تبين شي ..؟؟

    ميره : لا حبيبتي

    بدور : ما تبيني أبات عندج

    ميره : لأأ حبيبتي انتي روحي وديري بالج على حمدان

    بدور : انشالله

    ميره : يلا حبيبتي تأخرتي عليهم

    بدور : يلا مع السلامه حبيبتي

    طلعت بدور من حجرة ميره ومشت ... رفعت راسها وشافت واحد .. استغربت لما طالعته ..

    ابتسم لها وتقدم وقال : مساء الخير

    بدور : مساء النور

    أحمد : لو ماخاب ظني ..! آنسه بدور ....؟؟

    بدور ابتسمت : اي بدور .. استاذ أحمد

    أحمد ابتسم : ماشالله ذاكرتني

    بدور نزلت راسها واستحت .. أحمد : كيف الحال ..؟؟

    بدور : الحمدلله بخير .. انت اش حالك ..؟؟

    أحمد : بخير .. عسا ما شر ..؟؟ عندج أحد اهني ..؟؟؟

    بدور : اي أختي مرقده

    أحمد هز راسه : سلامتها انشالله

    بدور : الله يسلمك .. وانت اش يايبك ..؟؟؟

    أحمد ابتسم .. بدور نزلت راسها واستحت ... شتسوي هذا اسلوبها فضووووليه ..

    بدور : آسفه اذا تدخلت

    أحمد ابتسم : لا عادي .. اذا تذكرين عطيتج كاردي .. وهذا المشفى اللي أشتغل فيه

    بدور ابتسمت : آها فرصه سعيده

    أحمد ابتسم : والله أنا السعيد بلقائج

    بدور حست روحها رسميه بزياده ودها تموت ضحك .. بس مسكت روحها وشافته

    بدور : الظاهر انت مشغول ..

    أحمد : لا لا مشغول ولاشي .. بس توه خلص دوامي

    بدور تذكرت ان معضد يترياها وابتسمت : آها .. عاد أنا لازم أتركك زوج أختي ينطرني بالسياره ولازم اروح

    أحمد ابتسم : أوكي ..

    بدور : يلا مع السلامه وفرصه سعيده مره ثانيه

    أحمد ابتسم : مع السلامه وجان احتجتو لأي شي أنا موجود

    بدور ابتسمت : انشالله

    مشت بدور وهي مستانسه وراحت للسياره ,, ركبت ورا وحطت راس حمدان على ريلها ..

    معضد : ها خلاص ..؟؟

    بدور : اي خلاص

    معضد : خير .. لييش تأخرتي .؟؟

    بدور ارتبكت : ماشي بس سألت ميره سؤال

    معضد هز راسها وقال : آها ..

    بدور : مسكين حمودي

    معضد : هي فديته يحاتي أمه

    بدور : يلا انشالله باجر تطلع بالسلامه

    معضد تنهد : انشالله
    /
    .
    /
    نور : شوق انتي نايمه ..؟؟

    شوق : لا رد
    نور : أنا أدري انك منتي نايمه .. تتظاهرين ..؟؟

    شوق رفعت البطانيه وقالت بتعب : نعم نور ..؟؟؟

    نور : قومي أبوك يبغاك واقف عند الباب

    شوق شوي وتموت : قولي له اني نايمه

    نور : شوق قومي وانشالله خير

    شوق مرتبكه : مابي نور

    نور : شوق خلي ايمانك بالله قوي وبطلي حركات الأطفال هذي

    شوق حست روحها مخنوقه وقالت : والله اني مخنوقه يا نور ..

    نور ابتسمت ومسحت شعر شوق وقالت : يلا اقعدي مو حلوه ابوك قاعد ينتظرك عند الباب

    شوق عدلت شعرها وقالت : قولي له يدخل

    نور : طيب أنا طالعه تبين شي

    شوق مسكت يد نور : خليج

    نور : لا حبيبتي .. بخلي ابوك يتكلم معك على راحته


    شوق تلح : نووور

    نور : شوق يلا اعقلي وتوكلي على الله

    شوق نزلت راسها : انزين يلا

    نور ابتسمت لها وطلعت من الحجره .. شافت بو عبدالعزيز .. ابتسمت له : ادخل عمي

    بو عبدالعزيز ابتسم لها ودق الباب ودخل

    شوق رفعت راسها وما قالت شي

    بو عبدالعزيز دخل مبتسم : السلام عليكم

    شوق : وعليكم السلام

    بو عبدالعزيز ابتسم .. شوق : تفضل يبا

    بو عبدالعزيز قعد ع السرير جنبها وقال : اشلونج يبا ..؟؟

    شوق : بخير الحمدلله يبا

    بو عبدالعزيز مستغرب : خير يا بنتي اش فيه ويهج جذي

    شوق : تعبانه شوي يبا

    بو عبدالعزيز : أوديج الطبيب

    شوق : ما يحتاي يبا شوية ارهاق من الحفله

    بو عبدالعزيز : نقول لكم بطلو سهر وحفلات بس انتو الله يهديكم

    شوق : خير يبا

    بو عبدالعزيز ابتسم وقال : بنتي انتي كبرتي ماشالله وصرتي عروس

    شوق نزلت راسها وقالت بجمود : اش تقصد يبا

    بو عبدالعزيز مستغرب من اسلوبها : اش فيج بنتي ..؟؟

    شوق : ما فيني شي

    بو عبدالعزيز : بلا انتي فيج شي يا شوق .. مب من عوايدج تتحجين جذي

    شوق تصيح : يبا قلت لك ما فيني شي ..






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  7. #27
    مشرفة الصف 9
    الصورة الرمزية بنت الابداع
    الحالة : بنت الابداع غير متواجد حالياً
    رقم العضوية : 82176
    تاريخ التسجيل : 16-09-11
    الدولة : مـن دآر تــآريخهــآآ ♥♥ صـدآآم ♥♥ ..
    الوظيفة : طــالــبــة 3ــلــم
    الجنـس : انثـى
    المشاركات : 1,067
    التقييم : 177
    Array
    MY SMS:

    [اتحدثّ بـ/ فڪر عآليْ.. ۈ ذۈقيُ غير مرتبطِ بـ ذۈق آحددِ ! من يفهمنيُ يرى فيني عآلمآً مختلفآً .. ۈمن لآ يفهمنيُ . عذرآً .؛ مع نفسسسـہ !

    افتراضي رد: رواية خليجيات في الإمارات


    نـآآيس .. مشكـورهــ ..

    بإنتظـآر التكملهـ :) ..






  8. #28
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: رواية خليجيات في الإمارات


    نإأيس ,, نـإأيس غااليتي ,,

    كملي فؤؤديتج ,,






  9. #29
    مشرفة الصف العاشر
    الصورة الرمزية sosoh
    الحالة : sosoh غير متواجد حالياً
    رقم العضوية : 90197
    تاريخ التسجيل : 17-01-12
    الدولة : الامارات
    الوظيفة : طالبة ××
    الجنـس : انثـى
    المشاركات : 1,043
    التقييم : 179
    Array
    MY SMS:

    (: يآللـّہ .. خذنيٌ لـَگ و آنآ سآجد تَرآنِی عِفت هآلدنيـّآ . . ومـَإآ فيـَھَﺂ

    افتراضي رد: رواية خليجيات في الإمارات


    تسلمين ع ~ْ> آلــبــآرتــآت آلــنــآآآيس ..!

    في آنتظــآر آلــتكَــملهًـ ..^____^





    ♥ ربي إذآ آنـتـهــى عــمــري آجـعـلنـي ذكـــرى جـميــلہ لـمــن عــرفـنــي! ♥
    ♥سامحوني

    .
    ..
    ...
    ..
    .



  10. #30
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    العفو .. واشكركم ع المرور
    منورين






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



صفحة 3 من 4 الأولىالأولى 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. اول رواية لي ابغيكم تشجعوني.."رواية :..غرامك غير وانت غير.."
    بواسطة بنــ ابوها ــت @__@ في المنتدى قصص الطويلة , الروايات
    مشاركات: 20
    آخر مشاركة: 15-11-16, 04:56 PM
  3. فتيات خليجيات يشاركن الشباب في التفحيص
    بواسطة soso88811 في المنتدى المنتدى العام General Forum
    مشاركات: 4
    آخر مشاركة: 13-07-01, 10:51 PM
  4. ثلاث خليجيات يمزقن ملابس عضو في الشرطة الدينية السعودية
    بواسطة حلوة الإمارات في المنتدى المنتدى العام General Forum
    مشاركات: 2
    آخر مشاركة: 12-08-14, 01:21 AM
  5. صور بنات خليجيات لا يفوتكم طررررررررررر
    بواسطة إحساس غالي في المنتدى المنتدى العام General Forum
    مشاركات: 10
    آخر مشاركة: 09-03-08, 07:31 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •