تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 4 من 4 الأولىالأولى 1234
النتائج 31 إلى 32 من 32
  1. #31
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه التاسعه عشرღ




    بو عبدالعزيز : انتي شكلج تعبانه بنتي ..! خلاص عيل بكلمج باجر

    شوق شوي وتموت قهر : يكون أحسن يبا

    بو عبدالعزيز مستغرب وقال : تبين شي شوق ..؟؟ أحد مضايقج ..؟؟

    شوق : لا يبا بس تعبانه شوي

    بو عبدالعزيز : اي أشوف ما داومتي اليوم

    شوق : اي الظاهر تعبانه شوي

    بو عبدالعزيز : خلاااص عاد انتي نامي وريحي وباجر الصبح بكلمج انشالله

    شوق ودها تموت ولا تنحط بهالموقف : يصير خير يبا


    بو عبدالعزيز : يلا ارتاحي

    شوق : انشالله

    بو عبدالعزيز : تصبحين على خير

    شوق : وانت من أهله

    بو عبدالعزيز ابتسم لها ومشى وطلع من الحجره .. شاف نور والهنوف قاعدات بالصاله اللي فوق ..

    بو عبدالعزيز : ها بنات شـ تسووون ..؟؟

    الهنوف ابتسمت : ماكو يبا .. بس قاعدين نسولف

    بو عبدالعزيز : انزين خلصو بسرعه عشان كل وحده تروح تنام

    نور ابتسمت : انشالله عمي

    بو عبدالعزيز رايح للحجره : تصبحون على خير

    الهنوف ونور : وانت من أهله

    نور : الظاهر أنا بعد جاتني النومه

    الهنوف : هههه وأنا بعد

    نور : يلا بروح بنام

    الهنوف : نوم العوافي

    نور : وانتي بعد هههه يلا روحي

    الهنوف : انشالله

    مشت نور ودخلت الحجره .. شافت شوق ملحفه عمرها .. ابتسمت وسحبت البطانيه .. شافتها مغمضه عيونها
    نور وهي تسحب البطانيه من عليها : شوقاني ..! شوووق ياحلووووه


    شوق : لا رد

    نور : الظاهر صدق نامت

    .. نور راحت مكانها وتغطت بالبطانيه .. والله انك مسكينه ياشوق الله يعينك مدري اشلون بتتخلصين من هالمصيبه .. يلا الله يساعدك وانشالله يصير اللي ببالك ويبعد عنك الهموم يارب ..
    /
    .
    /
    اليوم الثاني الصبح الساعه عشر بتوقيت دبي ..

    معضد : ها خلصتي بدور ..؟؟

    بدور : اي بس البس حمودي الجوتي

    معضد : انزين بسرررعه

    بدور : انشالله
    معضد واقف يلعب بتلفونه : والله لو ميره تخلص خلال ثواني

    بدور تضحك : اي هذيج ميره مو أنا هههههه وبعدين ميره عندها عيال

    معضد ابتسم : انزين انزين خلصينا ترانا تأخرنا

    حمدان يمشي وهو ماسك يد بدور : ماماتي متى بتطلع

    بدور ابتسمت : اليوم انشالله حبيبي

    حمدان : هي أنا أخاف بليل

    بدور : صج ياهل ... بعدك تخاف

    حمدان : لأأ أنا ريال

    معضد : بدور خليه أمه محد روحه محتشر تبينه يحشرنا معاه

    بدور ضحكت وهي تركب حمدان جدام عشان تقعد ورا : ههههههه والله انه تحفه ولدكم هذا ..

    معضد يشغل السياره : خذيه حقج انزين

    بدور : لا والله وأنا ناقصه عيال يعني

    معضد : تراج روحج ياهل وين تربين يهال بعد

    بدور تضحك : لا تطلعني من طوري

    معضد وهو يحرك السياره : انزين انزين بس أكرمينا بسكوتج

    بدور لوت بوزها : انا الغلطانه يايه عندكم
    /
    .
    /
    ملاك : أوكي .. أنا بمرج

    أريج : ما ادري اش فيها ما ترد

    ملاك : بس نتلاقى بكلمج يصير خير حبيبتي

    أريج : أوكي .. يلا أنتظرج

    ملاك : صح شخبار ميره ..؟؟

    اريج : والله من دقايق صكرت من عند ميره

    ملاك : طمنيني اش صار ..؟؟

    اريج : والله تقول تحسنت عن أمس وايد

    ملاك : الحمدلله يارب

    اريج : يلا الله يشفيها وتولد بالسلامه

    ملاك : آمين

    أريج : أحس ميره وايد تفكر

    ملاك مستغربه : بشو ..؟

    اريج : بأهلها وبعدين هم بعاد لازم يكونون عندها

    ملاك تضحك : لا وين ميروووه أهلها نصهم اهني

    اريج : بس أمها وابوها في قطر

    ملاك : من هالناحيه هي بس ريلها مب مقصر بين فتره وفتره يزورونهم

    اريج : اي صح

    ملاك : باجر لو راحت بدور قطر .. قولي الله يعين ميره

    اريج : اي والله بيخلى عليها البيت

    ملاك : يصير خير وقتها

    اريج : يلا عاد وين وصلتي

    ملاك : انتي شكلج تبين فاتورتي هالشهر توصل فوق الثلاث آلاف

    اريج تضحك : يلا عاد صكري وتعالي بنتكلم بالكليه

    ملاك : أوكي يلا تجهزي بسرعه

    اريج : أوكي .. يلا مع السلامه

    ملاك : مع السلامه
    /
    .
    /
    أم عبدالعزيز : ليييش وينها شوق ..؟؟

    نور : بدارها خالتي

    أم عبدالعزيز : ليييش ما نزلت للحين

    نور : ما بتحضر

    أم عبدالعزيز مستغربه : ليييش فيها شي

    نور : تقول تعبانه شوي

    أم عبدالعزيز : خير اش فيها

    نور : مدري ياخالتي

    أم عبدالعزيز : أمس بعد ما داومت .. ومن أمس ما تنشاف هالبنيه

    نور : الظاهر شوية تعب من يوم الحفله

    أم عبدالعزيز : اي صح .. ولييش ما تبي تروح الطبيب ..؟؟

    نور : مو تعبانه كثير ياخالتي

    أم عبدالعزيز : خلااص اروح اشوفها

    نور ابتسمت : طيب وأنا رايحه الكليه

    أم عبدالعزيز : ما كليتي يا بنتي ..؟؟

    نور : الحمدلله شبعت

    أم عبدالعزيز : هني وعافيه .. شوق تريقت ..؟؟

    نور : والله ما أدري .. بس الظاهر لأ

    أم عبدالعزيز : خلاااص عاد باخذ ريوقها معاي وبروح بشوفها

    نور : حاولت معاها يا خالتي بس الظاهر مب طايعه تتحسن

    أم عبدالعزيز : بشوفها الحين

    نور : أجل أنا رايحه ياخاله .. تبين شي ..؟؟

    أم عبدالعزيز : لا سلامتج يالغاليه

    نور ابتسمت : الله يسلمج ياخالتي .. يلا مع السلامه

    أم عبدالعزيز : مع السلامه .. الله يحفظج

    نور وهي طالعه من المطبخ شافت ضاري بويهها وابتسمت له

    ضاري : صباح الخير

    نور : صباح النور ضاري

    ضاري : اشلونج ..؟؟

    نور : تمام انت كيفك ..؟؟

    ضاري : تمام .. وينج ضايعه

    نور : موجوده بس البارح كان عندي محاضره الظهر

    ضاري : آها .. والعفريته اللي معاج وين ..؟؟

    نور : من ....؟؟

    ضاري : شوقووو من غيرها

    نور تضحك : اي حليلها نايمه

    ضاري : آها .. يعني مب مداومه

    نور : اي ولا اشلون تكون نايمه

    ضاري ابتسم : أوكي يلا روحي

    نور : طرده ............؟؟

    ضاري ابتسم : افهميها باللي تفهمينها مالي شغلي يلا

    نور ابتسمت : مردوده يالخاين

    ضاري ابتسم : اوصلج ...؟؟

    نور : لا زعلانه ...؟؟

    ضاري : ويا راسج أمزح انزين

    نور : ما أقبل كذا ..!

    ضاري : أوكي أوصلج ..؟؟

    نور ابتسمت : دام السالفه فيها ضاري طيب .. لييييه لأأ ..!

    ضاري ابتسم : يلا يالدبه

    نور مشت : خلك كاشخ بخلي صديقاتي يشوفونك

    ضاري ضحك : أوكي أوكي

    نور عقدت حياتها : أدري هذا اللي تفكر فيه وبس

    ضاري ضحك : أوكي يلا امشي ولا تراني بكنسل

    نور : لا دخيلك بمشي ..!
    /
    .
    /
    روان وهي طالعه من طالعه من المطبخ بيدها كوب النسكافيه ..

    صوفيا بلهجه مقطعه : انتي ويـــــنك من يومين في الغرفه وبس ...!

    روان سفهتها ومشت للدري .. صوفيا : لما أكلمك توقفين مكانك

    روان سوت لها طاف ... وصعدت صوفيا بدت تصرخ : روان .. يا روان .............؟؟

    روان وقفت بنص الدرج وقالت بغرور : What ..?

    صوفيا بلهجه مقعطه : لما أتكلم توقفي ..

    روان وهي لاويه بوزها : نعم .. خير اش تبين مني ..؟؟

    صوفيا عصبت وتقدمت من روان بسرعه ومسكتها من قميصها : اتكلمي بالزين

    روان سحبت يد أمها بقوه ونظفت المكان اللي كانت ماسكته وقالت بغيض : ما يخصج فيني من اليوم ورايح ..

    صوفيه توها تبي ترمس .. الا وروان تصعد وتروح فوق ..

    صوفيا ضربت ريلها بالأرض وقالت : She want to kill me

    وراحت لتلفون البيت تتصل بأبو روان بسررررعه قبل لا تصير مشاكل أكبر عن جذي ..!
    /
    .
    /
    اريج وملاك توهم بيدخلون ..

    اريج لفت ورا .. وبالصدفه شافت نور تنزل من السياره

    وقفت وابتسمت .. ملاك قالت لأريج : اروجه يلا ندش

    أريج : لحظه .. هذي نور وصلت

    ملاك لفت عسب تطالع : وينها ..؟؟

    اريج : هذي اللي نزلت من السياره السوده

    ملاك : في مليون سياره سوده واقفه

    اريج : هذي هي ..؟

    ملاك ابتسمت : اي اي شفتها

    نور وهي تتقرب .. ملاك مستغربه : غريبه شوق مايت

    اريج : يمكن تعبانه

    ملاك مستغربه : لأا غريبه أمس بعد ما داومت

    اريج : تدرين برفيجتج عاد .. وعدد ايام الغياب

    ملاك ابتسمت : اي صح .. بس عسى خير

    اريج : خير انشالله

    نور وصلت صوبهم وتقدمت عنهم .. : السلام عليكم

    ملاك واريج : وعليكم السلام

    اريج : منو الحلو اللي جايبك اليوم

    نور : ضاري

    ملاك تضحك : كبر ماشالله عليه

    نور : اي صار معرس

    اريج : وينها شوق

    نور نزلت راسها : سالفتها سالفه هالبنيه

    اريج : الله يستر بس

    نور : خير انشالله يلا ندش وبكلمكم داخل

    ملاك وهي تمشي : تراج خرعتينا

    نور : خير انشالله لا تحاتون

    ملاك : انشالله

    نور : لا تاكل ولا تشرب ولا تسوي أي شي

    اريج : خير يانور تراج خوفتينا

    نور : بس نقعد بكلمكم

    ملاك : هذي الكراسي .. يلا نقعد اهني .. نواري ارمسي ..؟؟

    نور : لحظه .. قبل وين روان ..؟؟

    اريج : كلمتها الصبح ماتبي تيي

    نور : هذي لازم نروح نشوفها الخميس

    ملاك : اي لازم .. اخاف لاتسوي شي بروحها لاسمح الله

    اريج : اي وضعها ما يطمن أبد

    نور : وبدور الله يعينها أختها منومه بالمستشفى

    ملاك : اي رحت لها بليل

    نور : يلا الله يقومها بالسلامه

    ملاك : آمين

    أريج : نور قولي اش فيها شوق ..

    نور : الله يسلمكم مو أمس أنا جيت لحالي

    ملاك : اي

    نور : شوق نزلت تتغدى .. بس سمعت صوت عمامها وعيالهم .. وراحت تتسمع

    أريج : وبعدين ..؟؟

    نور : وقفت وبين حديثهم .. عمها خطبها لولده

    اريج : هذي الساعه المباركه .. يا بختها وبعدين هي متعلقه بنواف لييش الزعل ..!

    نور : السالفه مو كذا ..!

    ملاك مستغربه : عاد كيف ..؟؟

    نور : الله يسلمكم خطبها لأخو نواف .. لبراااااك

    ملاك ما استوعبت : هااااا

    نور : مثل ماسمعتي براك

    اريج : ونواف ما قال شي

    نور : اش يقول يعني ..! الله يهديهم ما شاورو أحد

    ملاك : الله يعين شوق

    اريج : ابوها وافق خلاص

    نور : لا لسه

    ملاك : عاد انشالله خير ..

    نور : بس حرام شوق تكسر الخاطر

    اريج : اي لااازم متعلقه باأخو اللي خطبها لازم

    نور : الله يستر بس ..

    ملاك : ما يصير الا الخير .. اليوم بنكلم شوق وبعدين خل تحط أمل .. وربج يحلها انشالله

    نور : آميين يارب ..

    اريج : بس المفروض عمها يشاور خوان المعرس وأم المعرس عشان الكل يكون موافق موجذي وقت الخطبه يقول أبي البنيه

    نور : يصير خير انشالله بس انتو لا تحاتون
    /
    .
    /
    راشد يضحك : مب لهالدرجه عـــاد

    مايد : لا وأكثر بعد مبين عليك

    راشد : أوكي دامك تبانا نروح .. نروووح

    مايد : يوم الخميس ..!

    راشد : والله ما أدري بشوووف

    مايد : أوكي بس خلك متذكر هالأسبوع لااااازم نروح

    راشد : آفا عليك

    مايد : تعرف تسبح

    راشد يضحك : هي شو قالو لك ..!

    مايد : لالا بس أسأل

    راشد : أوكي .. بس ناخذ الأهل ويانا

    مايد يضحك : اي أهل الله يخليك

    راشد : أمي وأختي بعد منو ..؟؟؟

    مايد : الا هم أمك وأختك وأختي ههههه تقول أهل حسستني جذي ان نحن عندنا أجداد وأحفاد

    راشد : ربك كريم يارياااال .. اش رايك ..؟

    مايد : والله أقول نروح بروحنا أحسن

    راشد : بس تبا الصراحه الود ودي أطلع أمس وتعرف عاد الوالده مع تحب المولات والسناتر ماشي غير
    البحر
    مايد : أوكي بس اليوم برمس أختي


    راشد : اوكي خل الحريم يتفقون

    مايد : ها ما قررت بأي يوم ..؟

    راشد : والله الخميس بنشغل شوي لأني بروح بعدل أوراقي وجذي وبرد هلكان لازم أرقد

    مايد : أوكي خلاااص يوم اليمعه

    راشد : أوكي

    مايد : من زمان ما تسبحت

    راشد مبطل عيونه ويضحك : اشووووفك خااايس

    مايد يضحك : يغربل ابليسك .. ! قصدي في البحر

    راشد : ههههه أدري .. بس انت دوم تروح البحر

    مايد : اروح أدور ما أسبح

    راشد : زين اني ييت ولا انت شكلك بتنسى السباحه

    مايد يضحك : اقووول رشووود تراك اليوم معطل كل الشغل بقعدتك عندي

    راشد : آفا وأنا اللي أعدك أخوي

    مايد يضحك : امزح انزين

    راشد : أدري ..

    مايد : عاد روح دور لك شغل أحسن لك

    راشد : كيف أدور على شغل وأنا أوراقي بعدها مب جاهزه

    مايد : روح جهزها انزين

    راشد : ترا توني راد من الوزاره

    مايد : يلا انشالله يوظفونك وتفتك

    راشد : آمييين

    مايد : كل يوم بنيي نتعالج عندك

    راشد : آفا عليك انته

    مايد : ياريال شقايل تستحمل تعيش بين الدم وتقطع لحوم

    راشد يضحك : والله خليتني أحس اني يالس أذبح عنز

    مايد : هي تراكم جي تسوون بالناس

    راشد : مب لهالدرجه عاد وبعدين مع الوقت تتعود الين يصير هالشي عادي عندك

    مايد : أنا أشهد انكم مجرمين ..
    /
    .
    /
    معضد ابتسم : يلا عاد أنا بطلع

    ميره : تو الناس

    معضد : بروح الدوام وأول ما أخلص بيي

    ميره : أوكي الله وياك

    معضد : يلا مع السلامه

    ميره : مع السلامه

    طلع معضد .. حمدان تقرب عن أمه : ماما ارجعي البيت

    ميره ابتسمت : انشالله حبيبي

    حمدان : أنا أخاف

    ميره تضحك : واي فديتك .. انت ادعي لي حبيبي وانشالله بطلع

    بدور ابتسمت : متى بيطلعونج ..؟؟

    ميره : والله ما اعرف متى بالضبط بس اليوم المسا انشالله

    بدور : انشالله

    ميره : ها مب مداومه اليوم

    بدور : اي عشانج

    ميره : فديتج .. شخباره حمودي معاج

    بدور : تمام التمام .. حتى أمس بليل كان راقد عندي

    ميره : زين .. ومعضد ..؟

    بدور : والله من رجعنا دخل الحجره وما طلع

    ميره : شكله تعبان

    بدور : هي من الدوام للمستشفى ومن المستشفى للدوام

    ميره : الله يكون بعونه

    حمدان : ماما أنا جوعان

    ميره : فديتك .. شو تبا ..؟؟

    حمدان : صمون وجبن وجاي

    بدور تضحك : هههههههههه حبيبي نحن مو بالبيت

    ميره تبتسم : وجبته المفضله اش فيج انتي ..؟؟

    بدور تضحك : والله ان ولدكم تحفه

    ميره : حرااام عليج بدوووروووه

    حمدان : ماما أنا جوعان

    ميره : بدور وديه الكافتيريا وخذي له شي ياكله

    بدور : أوكي وبالمره باخذ لي لأني أنا بعد ميته يوم

    ميره : أوكي ..

    بدور : يلا حمودي

    ميره : معاج فلوس ..؟؟

    بدور : اي معاي يلا حمداني ..

    حمدان مسك يد بدور .. بدور : تبين شي ..؟؟

    ميره : لا سلامتكم

    بدور : يلا حبيبي حمدان

    حمدان وبدور مشو وطلعو من الحجره .. بدور وهي تمشي مع حمدان في الممر

    حمدان : خالو ..؟؟

    بدور لفت : حبيب خالو ..؟؟

    حمدان : أبا عصير موز

    بدور : من عيوني والله الحين باخذ لك

    حمدان : نروح نشتري غدا ..؟؟

    بدور ابتسمت : لا حبيبي ريوق

    حمدان ابتسم وقال : شليني ..؟؟

    بدور : لا حبيبي أنا بروحي أمشي وشوي واطيح تباني أشلك ههههه

    حمدان ابتسم وقال : ريلي تعورني

    بدور : يالعيار انزين بشلك

    حمدان وقف ورفع يده وشالته بدور .. ابتسم لها

    بدور : والله لو أمك مب مريضه جان ما دلعتك

    حمدان ما فهم عليها وقال : هذا الدكان

    بدور ابتسمت وقالت : كل شي صار دكان عندك

    تجدمو بدور وحمدان عن الكافتيريا وخذت لها ولحمدان ريوق .. ومشت عسب ترد لحجرة أختها ... وهي
    راجعه بدربها ..

    ............... : بدور ..؟؟

    بدور لفت شافت أحمد ابتسمت له .. أحمد : صباح الخير

    بدور : صباح النور

    أحمد : كيف الحال ..؟

    بدور : تمام انت شخبارك ..؟؟

    أحمد : بخير .. من الحلو اللي معاج ..؟؟

    بدور ابتسمت : ولد أختي

    أحمد ابتسم : ماشالله عليه .. شو اسمك يابطل

    حمدان مستحي : حمــــدان

    أحمد : عاشت الأسامي حبيبي ..

    بدور ابتسمت له : عاشت ايامك

    أحمد : الله يحفظه لكم

    بدور : آمين

    أحمد : اش حال أختج الحين انشالله أحسن ..؟؟

    بدور : اي الحمدلله تحسنت عن أمس

    أحمد : متى بيرخصونها ..؟؟

    بدور : اليوم المسا انشالله

    أحمد : انشالله .. يلا تقوم بالسلامه

    بدور : آمين

    أحمد ابتسم : زين حظي حلو اليوم أول ما داومت أصبحت بويهج

    بدور نزلت راسها وقالت : هههه شكله أخر يوم لأني باجر ما بيي

    أحمد ابتسم : هي شو تبين بالمستشفى عوار راس وصدعه

    بدور ضحكت : اي والله

    أحمد ابتسم لحمدان : صح عمي

    حمدان نزل راسه مستحي

    أحمد : الحين انتي وين فيج حيل تشيلينه

    بدور ابتسمت : شسوي ملزم الا أشله

    أحمد يضحك : يالدب أثرك شيطووون ها ..؟؟

    بدور : اي وايد .. فوووق ما تتصور

    أحمد ابتسم وهو يطالع حمدان : خف شوية ع خالتك

    بدور ابتسمت : الظاهر تأخرت ع أختي

    أحمد ابتسم : هي شكلي أخرتكم

    بدور : لا بالعكس ..

    أحمد : عن المجامله ..! شكلي أنا بعد تأخرت ع الدوام هههه

    بدور ابتسمت : يلا عاد أنا بروح .. مع السلامه

    أحمد : مع السلامه .. ( شاف حمدان ) باي حبيبي ..

    بدور ابتسمت لحمدان وشافته يسوي باي لأحمد ..

    بدور وهي ماشيه .. حمدان : منو هذا خالو ..؟؟؟

    بدور : هذا عمي ..

    حمدان مستغرب : منو عمي

    بدور : حبيبي هذا معانا في الكليه

    حمدان هز راسه وهو ولا فاهم كلمه من اللي تقوله بدور ..

    حمدان : بسرعه نروح .. أنا جوعان ..

    بدور ضحكت وقالت : فديتك .. انزين حبيبي ..
    /
    .
    /
    الهنوف : شوق .. أمي تقول لج نزلي نتغدا

    شوق : قولي لها مابي ..

    الهنوف : يلا نزلي انتي من أمس وانتي على هالحال .. لا غدا ولا عشا

    شوق : الهنوف قلت لج مابي .. طلعي وخليني بروحي

    الهنوف : هذا اللي فالحه فيه .. خلوني بروحي

    شوق بعصبيه : الهنوف طلعي أحسن لج

    الهنوف : أوكي أوكي ,, عاد لو أمي يت وعاتبتج مالي شغل

    شوق : انتي طلعي ..!

    الهنوف طلعت من الحجره .. شافت عبدالله وهو يصعد .. ابتسمت له

    عبدالله : السلام عليكم

    الهنوف : وعليكم السلام

    عبدالله : يبت النتايج

    الهنوف مستغربه : اش نتايجه بعد ..؟

    عبدالله : الشهادات

    الهنوف مستغربه : اليوم الأربعا ..!

    عبدالله : يالراقده .. اليوم الخميس

    الهنوف ابتسمت : والله .. وين شهادتي

    عبدالله : تحت عند أمي وأبوي

    الهنوف شقت الحلج وبدون ما ترد نزلت ركض عشان تشوف شهادتها ..

    عبدالله : الحمدلله والشكر .. دحيحه أعوذ بالله

    الهنوف جنها ولا سمعته عشان تشوووف الشهاده بسرررعه

    بو عبدالعزيز ابتسم وهو يشوف بنته نازله .. قال : هلا والله بالأميره

    الهنوف ابتسمت : أهلين يبا .

    بو عبدالعزيز : مرحبا بأميرتنا

    الهنوف ابتسمت بدلع : انا مو أميره أنا الهنوف

    بو عبدالعزيز ابتسمت : ههههه الله يحفظج

    أم عبدالعزيز مبتسمه : تعالي يما شوفي شهادتج

    الهنوف راحت بسررررعه صووب الشهاده وابتسمت وهي تاخذها ..

    الهنوف ابتسمت : الحمدلله درجاتي كلها عاليه

    بو عبدالعزيز ابتسم : الحمدلله هذا بفضل الله سبحانه وتعالى ثم انتي واجتهادج ماشالله

    الهنوف ابتسمت وباست راس أمها وأبوها : الله يخليكم لنا يارب

    أم عبدالعزيز تضحك : عاد وكلينا شي ..

    الهنوف : آفا عليكم

    أم عبدالعزيز : ههههه الله يخليج ..

    بو عبدالعزيز : وينها شوق ..؟؟ ما شفتها اليوم الصبح نور راحت بروحها

    الهنوف : اي شوق ما داومت

    بو عبدالعزيز : بدارها ..؟؟؟

    الهنوف : اي

    أم عبدالعزيز : رحتي ناديتيها ..؟؟

    الهنوف : اي يما ماتبي تيي ..

    بو عبدالعزيز : خير ليييش مب مداومه ..!

    الهنوف : ما أدري يبا

    أم عبدالعزيز : خلاااص بروح بشوفها أنا

    بو عبدالعزيز : بيي معاج بشوف اش فيها البنيه

    أم عبدالعزيز : الهنوف خلينا بروحنا شوي

    الهنوف : انشالله يما

    بو عبدالعزيز مستغرب : خير ..؟؟

    أم عبدالعزيز : انت فاتحتها بموضوع براك ولد عمها .؟؟

    بو عبدالعزيز : لا بعدني .. شفتها تعبانه وأجلت الموضوع

    أم عبدالعزيز : عاد اش فيها البنيه تعبانه وحالتها حاله

    بو عبدالعزيز : الله أعلم .. خل أروح اشوفها

    أم عبدالعزيز : بيي معاك وبعدين أنا أمها يمكن تقول لي


    بو عبدالعزيز : انشالله .. جان ما قالت لج شاللي مضايقها .. خلي نور تعرف منها

    أم عبدالعزيز : انشالله

    بو عبدالعزيز : الله يستر بس ..

    أم عبدالعزيز تدق باب حجرة شوق ..

    شوق : منو ...؟؟

    أم عبدالعزيز : امج

    شوق : دشي يما

    أم عبدالعزيز دخلت وابتسمت .. : شوق ..!

    شوق ابتسمت : هلا يما ..

    بو عبدالعزيز واقف يمب أم عبدالعزيز : ما في هلا يبا .؟؟

    شوق تبتسم : آسفه يبا ما شفتك

    بو عبدالعزيز ابتسم لها : لا عادي فديتج

    شوق : حياكم

    أم عبدالعزيز تقعد ع السرير .. وتقول : اشلونج يما ..؟

    شوق : بخير يما

    بو عبدالعزيز ابتسم وقعد .. : شوق فديتج في شي ناقصج

    شوق ابتسمت : لا يبا انت مب مقصر معانا بولا شي ..!

    بو عبدالعزيز : الله يخليج يارب

    شوق ابتسمت : الله يخليك لنا يبا ..

    أم عبدالعزيز : بنتي اش فيج لا تاكلين ولا تسولفين ..؟

    شوق : ما فيني شي يما

    أم عبدالعزيز : اشلون ما فيج شي .. ووقت الغدا يا وانتي بعدج ما تريقتي

    شوق : يما ما أشتهي وبس .. مو أكثر

    أم عبدالعزيز : مب من عوايدج

    شوق : يما ما أشتهي وبس

    بو عبدالعزيز : بس انتي أول ماشالله بكل الوجبات تقعدين معانا ع السفره

    شوق : يبا برجع انشالله بس هالتعب يروح من علي شوي

    أم عبدالعزيز : أحد مضايقج بشي ولا أحد قال شي ..!

    شوق : يما اش فيج قلت لج ما فيني شي .. شو أقول عشان تصدقوني يعني .. ترا صج ما أمزح ما فيني شي

    أم عبدالعزيز : دامج ما تبين تقولين على راحتج

    شوق : يما هذا الصدق مب اني مابي أقول

    بو عبدالعزيز : خليها على راحتها يا أم عبدالعزيز

    أم عبدالعزيز ابتسمت : عسى الله يهديج

    شوق : آمين

    بو عبدالعزيز : يلا انزلي عاد تغدي معانا

    شوق : باجي ع الغدا يبا

    بو عبدالعزيز : انزلي سولفي معانا

    شوق : بس اتيي نور بيي

    بو عبدالعزيز : لا نور يبي لها نص ساعه لما ترجع .. انتي لما انزلي

    شوق : انشالله يبا
    /
    .
    /
    نور مبتسمه : خلاااص بتجمع اليوم ..؟

    أريج : أوكي

    ملاك : وأنا بعد موافقه

    أريج : بنات بس نبي تغير الجو اللي عندها مثل ما تعرفون أكيد جوهم كآبه

    نور : اي والله

    ملاك : وشوق ..؟؟

    نور : هذي لحالها مستويه كآبه !

    أريج : اقنعيها تيي ...؟

    نور : هذا اذا رضت أصلا ..!

    ملاك : انشالله ترضى

    نور : انشالله

    ملاك : عاد نبي نغير جو روان

    أريج : اي وبالمره جو شوق .. لأن الظاهر تعبانه

    نور : اي كثير

    ملاك : خلاااص عاد نور ما أوصيج تقنعين شوق

    نور : انشالله

    أريج : وبدور ..؟؟

    ملاك : بتصل فيها اذا أختها طلعت خل تيي ..

    نور : أنا اقول بدور خل تقعد عند أختها أحسن

    ملاك : من هالناحيه صح

    نور : وبعدين أختها محتاجه لها لأنها مريضه ويبي لها أحد

    أريج : أوكي .. بنكلم بدور بس أعتقد بدور من نفسها ما بتيي

    نور : اي وأنا بعد أقول كذا لأن أختها تعبانه

    ملاك : يلا خلاااص اتفقنا

    نور : اتفقنا

    اريج : بس الساعه كم ..؟؟

    نور : أنا اقول نخليها ست العصر لأن بريح شوي ..

    ملاك أوكي

    أريج : بكلم روان .. انشالله محد يكون عندهم

    ملاك : انشالله

    اريج : الله يستر بس اذاا ما عصبت مستويه عصبيه

    نور : نغير جوها اليوم ونخليها تهدى انشالله

    اريج : آمين والله يهديها وتعرف ان اللي قاعده تسويه مو زين لا بحقها ولا بحق اللي حوله
    ا
    ملاك : بس هذا مروان لييييش تركها ..!

    أريج : يمكن شاف له شوفه غيرها ...!

    نور : لا تظنين بالرجال يا أريج وبعدين تاخذين من وراه اثم

    اريج : اعوذ بالله من الشيطان الرجيم

    نور : اي ويمكن الرجال كان صادق بس جت له ضروف وأجبرته انه يتركها

    اريج : جايز

    ملاك : بنات الحين خلونا بروان وكيف نخليها تطلع من هالمشكله وتنساها
    /
    .
    /
    مر الوقت بسرعه .. البنات كل وحده رجعت لبيتها ,, وميره أخت بدور طلعت من المستشفى .. وصارت الساعه خمس العصر ..

    .. نور : شوق واللي يسلمك يلا ...!

    شوق : نور قلت لج مابي ...

    نور : دخليك شوق يلا بلا دلع

    الهنوف : لو ما تبي تروح معاج أنا بيي

    نور : كنت بوديك حبيبتي بس المشكله جمعة بنات الكليه .. ما يصير فديتك

    الهنوف : ياربي منج يا شوق .. روحي انزين اش بصير يعني ..!

    شوق : انتي اسكتي واطلعي

    الهنوف مدت بوزها : أنا الغلطانه يايه اسليج

    نور .. : حرام عليك لييش كلمتيها كذا

    شوق : مالج شغل نور

    نور ابتسمت : طيب أنا مالي شغل بس انتي تعالي واللي يسلمك

    شوق : نور قلت لج مابي وبعدين اللي فيني مكفيني ..

    نور : وانتي وش فيك ...؟

    شوق : نور دخيلج لا تزيدين علي وبعدين انتي تدرين

    نور : بس ما يستاهل انك تسوين بحالك كذا يا بنت الناس

    شوق : أووووف نور قلت لج مابي

    نور : ع الأقل تغيرين جو النكاده اللي انتي فيه

    شوق : لا شكرا وبعدين مافي أحلى من الجو اللي عايشته

    نور : شوق واللي يسلمك

    شوق : نور لا تحاولين قلت لج مابي


    نور : البنات اش كثر سألو عنك اليوم

    شوق : قولي لهم مريضه

    نور : ما يصير كذا يا شوق حرام عليك

    شوق : على كيفي .. قولي لهم تعبانه

    نور : يعني تخوفينهم عليك يا شوق

    شوق : وأنا شكو انزين ..!

    نور : ع الأقل تعالي وقدري اللي قاعدين يسوونه لك

    شوق : ياربي .. انزين انزين بيي

    نور ابتسمت : اي خليك كذا ..! وبعدين منها تستانسين وتغيرين جو و ع الأقل روان تستانس

    شوق : بعد اش تبين ...؟؟؟

    نور : سلامتك مابي شي

    شوق ابتسمت : آسفه ...

    نور : على ..........؟؟؟

    شوق : شكلي خليتج تكرهين حياتج

    نور ابتسمت : ولييش ..؟؟

    شوق : مستويه جاده بزياده هاليومين

    نور ابتسمت : لا عادي فديتك وانشالله يتحقق كل اللي ببالك

    شوق : آمين

    نور : يلا أنا رايحه أتجهز تبين شي ..!

    شوق : لا بس اسبحي بسرعه لأني بتسبح بعدج

    نور : من عيوني والله ..
    /
    .
    /
    ملاك : تبين شي أمي ..؟؟

    أمي فاطمه : سلامتج فديتج .. بس سلمي ع البنات

    ملاك : يوصل انشالله

    أمي فاطمه : يلا عاد روحي قبل لا تتأخرين ع البنات

    ملاك ابتسمت : انشالله

    مايد وهو نازل : مساء الخير ..

    أمي فاطمه وملاك : مساء النور

    مايد ابتسم وهو نازل : اش حالكم ..؟؟

    ملاك وأمي فاطمه : بخير ..

    مايد ابتسم : على وين ..؟؟

    ملاك : بيت ربيعتي ..

    مايد : منو ...؟؟

    ملاك : روان

    <<<<<<<<<<<<< يتبع ..!!

    مايد : آها .. ارجعي قبل الساعه تسع

    ملاك : خير ..!

    مايد : لا بس أقول لج

    ملاك : انشالله بس يمكن البنت تلح علي اني أتم ع العشا

    مايد : عاد أقصى حد عشر اكثر عن عشر ماشي

    ملاك : أوكي

    مايد : صح تجهزو ..

    ملاك مستغربه : خير ..!

    أمي فاطمه : ليكووون بتسافر ...؟؟

    مايد يبتسم : لالا .. بس أنا ورشود قلنا نوديكم البحر باجر

    ملاك ابتسمت : الله

    أمي فاطمه : وي فديته ولدي

    مايد ابتسم : تراني أغار

    أمي فاطمه : كلكم واحد فديتكم

    ملاك : يلا عاد أنا بروح تأخرت ع ربيعاتي

    أمي فاطمه : ديري بالج على روحج

    ملاك : انشالله أمي

    أمي فاطمه تطالع ملاك وهي تطلع من الباب : بعدها ياهل

    مايد ابتسم : تراج معودتنها جذي

    أمي فاطمه : ما علينا ههههه انت تغار منها .. انزين باجر متى بنروح ..؟؟

    مايد ابتسم : رشود يقول العصر

    أمي فاطمه : ولييش ما نتغدا هناك

    مايد ابتسم : تدرين به ولدج عاد مال بلاد برع بشرته ما تستحمل الشمس

    أمي فاطمه : لا عاد رشود مب جذي

    مايد يضحك : أمزح انزين

    أمي فاطمه : وينه ..؟؟

    مايد : ما أدري عنه طلع .. هي صح أمي اتصلي بـ موزه

    أمي فاطمه : خير ..؟؟

    مايد : عسب يطلعون معانا ويطلعون اليهال بالمره

    أمي فاطمه : بس موزه بتروح بيت أهلها هالجمعه

    مايد ابتسم : آها عاد على راحتها

    أمي فاطمه : نحن نكفي ما يبا له أحد ثاني

    مايد ابتسم : يلا عاد أمي انتي خططي وجهزي ..

    أمي فاطمه : انشالله

    مايد : يلا أنا بطلع ألحين

    أمي فاطمه : الله وياك

    مايد : تبين شي من برع ..؟؟

    أمي فاطمه : لا سلامتك يما

    مايد : مع السلامه

    أمي فاطمه : مع السلامه الله يحفظك يا وليدي
    /
    .
    /
    نور : ألو ...

    أريج : هلا نور

    نور : أهلين أريج .. وينك ..؟؟

    أريج : أنا عند روان

    نور : آها .. أجل خلاااص أنا وشوق وصلنا

    أريج : أوكي خلاااص دشو والخدامه بتفتح الباب

    نور : أوكي .. يلا باي

    أريج : باي

    روان : نور ..؟؟

    أريج ابتسمت : اي

    روان : وصلت ولا ...؟؟

    أريج : لا وصلت الخدامه بتدخلهم أكيد

    روان : شوق وينها ..؟؟

    أريج : مع نور

    روان : آها ....

    أريج : هذا صوت الجرس .. تشوفينهم وصلو الحين

    روان ابتسمت : يلا زين تيمعنا

    أريج : اي صكونا بعين صار لنا كم يوم ما نشوف بعض

    روان ابتسمت : هذا كم يوم وحالنا صار جذي لو شهر الله يستر

    أريج ابتسمت : خذيها نصيحه مني عاشر من تعاشر فلابد من الفراق

    روان : آه يا أريج لا تزيدين المواجع

    أريج : آسفه

    من ورا الباب : أهلييييييييين

    أريج ابتسمت : هلا نور

    نور وشوق دخلو : مرحبا

    أريج وروان : مرحبتين

    نور : سمعت طاري الأسف اش صار ..؟؟

    أريج ابتسمت : ماشي ..

    نور ابتسمت : طييييييييب ,,, اشلونك روان ..؟؟

    روان : بخير انتو شخباركم

    نور وشوق : تمام

    أريج : شوق شخبارج ..؟؟

    شوق : بخير الحمدلله

    أريج : وينج ضايعه لا حس ولاشي

    شوق ابتسمت : موجوده

    أريج : أوكي انتو قعدو وأنا شكلي اللي بضيفكم صاحبة البيت شكلها بخيله

    روان ضحكت : هههههه اي والله نسيت أضيفكم

    أريج : ههههه تو الناس

    روان : اش تشربون

    أريج : خليها بعد .. على ما توصل ملاك

    نور : اي صحيح ملاك وينها ..؟؟

    اريج : في الدرب

    نور : اي قلت بعد يمكن غيرت رايها

    أريج ابتسمت : لا هذي ما يطوفها شي

    روان : بدور وين ...؟؟

    أريج : اتصلت فيها بس أختها اليوم طلعت من المستشفى ومن جذي ما تقدر تيي لأنها بتقعد معاها

    روان : سلامات اش فيها ميره ..؟؟

    أريج : تدرين عاد حامل وتعبانه شوي

    روان ابتسمت : اي صح قالت لنا ذاك اليوم ان ميره حامل

    نور : يلا انشالله تقوم وتربي بالسلامه

    البنات : آمين

    أريج ابتسمت : اقووول شوق اش فيج .. وبعدين بالج وين ..؟؟

    شوق : وياكم

    أريج : لا والله ..!

    شوق ابتسمت : لا بس مدوخه شوي

    أريج ابتسمت وهي تطالع نور وقالت : اي باين ..

    نور : مو كأنو صوت الجرس

    روان : اي أكيييد ملاك وصلت

    نور : يارب تكون وصلت لأني ميته عطش

    روان ضحكت : ههههه قلت اييب لكم بس انتو قلتو ننطر ملاك

    نور : اقووول روحي شوفيها روان

    روان : طيب ..

    اريج طالعت روان وهي ماشيه : متغيره ..!

    نور : اي كثير

    أريج : الله يكون بعونها .. زين يينا نغير جوها شوي

    نور : وانتي شوق تكلمي ترا طول الوقت وانتي ساكته

    شوق : يعني غصب ..!

    نور : يا ماما .. شوق فديتك غيري جو وبعدين حنا من فتره لفتره نتجمع كذا برا الكليه

    شوق مدت بوزها : انشالله

    أريج : مو جنها تأخرت

    نور : اي ..

    أريج : يمكن تسلم عليها وعقب تروح تجهز لنا شي ناكله

    نور تضحك : همك في بطنك وبس

    أريج : مثلج ههههه وبعدين أنا أول ما قمت من النوم ما مداني أكل لي شي العصر .. تجهزت وييت على طول

    نور : الله يهديك بس وبعدين يجيك فقر دم ..

    أريج : فال الله ولا فالج

    نور تضحك : هذا ونحن ممرضات وكذا ما نهتم بحالنا أجل العمال اش يسووون

    أريج : ههههه تشوفين صحتهم بمليون مره أحسن من صحتنا

    نور : وانتي الصادقه

    أريج : شوق ركزي ويانا .. شكلج سارحه


    نور : شوق اش فيك ..؟؟

    شوق : معاكم

    أريج : الظاهره خويتنا مندمجه بالسوالف

    نور تضحك : اي الظاهر

    شوق ابتسمت تغير جو من الحاله اللي هي فيها : اقول لا تتحجون علي ولا باكلكم

    نور : وأخيرا نطق الحجر

    شوق تضحك : حجر بعينج

    أريج : ورجعت ديمــــــــــــــا لعادتها القديــــــــــــمه

    نور : مو كأنو تأخرت كثير

    أريج : اي

    ................. : مسآآء الخير

    البنات : مساء النور

    ملاك دشت : اش حالكم ..؟؟

    البنات : تمام

    ملاك بنص عين : ها يالخونه تكلمتو بغيابي

    نور : ههههه اي وحشينا فيك حش

    ملاك : خلااااص عاد برجع بيتنا زعلاااااااااانه

    أريج : احسن

    ملاك سوت روحها زعلانه : مووولت عليكم وبعدين أنا متعنيه وطالعه من بيتنا يوم اجازتي عشان ايي عندكم وانتو تكلموني جذي

    شوق : خليج منهم فديتج تعالي عندي

    ملاك تتجدم عن شوق وتقعد : هذي صديقتي الصدوقه مب انتو

    نور تضحك : حلوه ذي صديقتي الصدوقه

    ملاك تبتسم : لا تطالعوني جذي ترا عادي أروح بيتنا

    اريج : لا دخيلج ولا بنشوفج بس اقعدي

    ملاك : اي أباكم جذي

    نور : وينها روان

    ملاك ابتسمت : اي صح لما دخلت قالت لي روحي عند البنات ابوها تحت

    اريج : ابووووووها ..........!!

    ملاك : اي ابوها

    نور تبتسم : شكلو ابوها جا

    ملاك : هي وقاعده معاه تحت

    اريج : يعني تركتنا لحالنا

    ملاك تضرب شوق ع الخفيف : اقووول دبو ارمسي بلاج ساكته

    شوق ابتسمت : هذي روان يت

    روان تضحك : بنات تخيلو من جا .........؟؟

    البنات : ابـــــــــــــــــــــــــــــوج

    روان : بسم الله الرحمن الرحيم

    ملاك تبتسم : خبرتهم

    روان : عفريته هههههه

    اريج : خير ..؟

    روان : والله روحي مستغربه اش يابه

    ملاك : شكلها المياه قاعده ترجع لمجاريها

    روان : اي والله كلمني عدل

    نور : كلوووووووش مبرووووك هههه

    روان : قلت له رفيجاتي عندي

    شوق : واش قال ..؟

    روان : قال اقعدي معاهم وبعد ما يروحون أقعد معاه

    شوق : زين زين تطورات

    روان : مستغربه منه الصراحه

    نور : يلا انشالله خير

    رون : امين

    ملاك : يلا يلا تعالي قعدي

    روان : لحظه بس اضيفكم

    اريج : بعدين بعدين عادي تعالي قعدي الحين

    روان : هذا الحلا أنا لحالي مسويته

    اريج ابتسمت : آها خلاااص روحي ييبيه عاد

    روان تضحك : أوكي ثواني بس اقول للخدامه تييبه

    نور ابتسمت : وجع .. تقول للخدامه ما تجيبه لحالها

    روان تبتسم : انزين بس بقعد معاكم وهي اللي تييب الأشياء

    نور : أوكي أوكي سماااح خلاااص هههه

    ملاك : انزيييين يلا بسرعه تراني يوعانه

    روان تضحك : اش فيكم جايين مجاعه ما كليتو ببيتكم

    اريج : ولا وحده ههههه

    شوق تبتسم : من يوم يومنا مجاعه ههههه

    نور : هذي شوقووو

    شوق تضحك : ذاك اليوم عبدالعزيز قال لي أخف

    نور تضحك : حلفي بس

    شوق : اي والله لاني بديت أمتن وجااان أنحرج

    ملاك : ههههه يالله بالستر

    شوق : موولت عليكم أنا الغلطانه أقول لكم

    نور ابتسمت : اي صدق يوم قال لك كذا لأنك يالفعل رايحه راجعه مع هالكاكاو

    أريج ابتسمت : اي وبديتي تمتنين شوي

    روان : لا لا جسمج أوكي بس الأرداف

    شوق بطلت عيونها : شكلهم متفقين علي ...........!

    روان تضحك : نمزح انزين

    ملاك : لا بس تبين الصدق شوووقو بالفعل بديتي تمتنين شوي

    شوق : اي خلاص تركت الجوكليت وهالسوالف

    ملاك : زين تسوين ..

    أريج : اي وحتى الحبوب أحس سببها هالحلويات

    شوق : اي والله من هالسوالف البشره تصير غير

    نور ابتسمت : اقووول روان وينها خدامتك ..؟؟

    روان : هذي هي وصلت

    نور ابتسمت : الحمدلله ..

    اريج : شكلها البنيه ميته يووووع

    نور : اي والله

    روان : شو تشربون .. برتقال ولا منجا ..؟؟

    نور : لا هذا ولا هذا بس أبي أكل

    روان : فديتج يالعافيه عليج .. أكل بيتنا كله هههه

    نور ابتسمت : شكرا فديتج
    /
    .
    /
    أمي فاطمه : الحمدلله رجعت ..

    راشد ابتسم : السلام عليكم

    أمي فاطمه : وعليكم السلام

    مايد ابتسم : هذا طول الوقت هايت .. صح أمي ..!

    أمي فاطمه : هي والله ما نشوفك

    راشد : جلب راسج علي أمي ..؟؟ لهالدرجه ميووود ..؟؟

    مايد ضحك : وأكثر

    أمي فاطمه : وأنا أمك ودر هالشباب مال بلاد بره لا ترابعهم

    راشد ضحك : استغفر الله منك يا ميووود

    مايد ابتسم : امي كنت أمزح معاج

    أمي فاطمه : أنصحه بس زين ..

    راشد ابتسم : الله يعينك عاد

    مايد ابتسم : الله يكون بعونك انت هههه

    راشد : اي والله

    أمي فاطمه : ديرو بالكم ع رواحكم يا عيال ترا الدنيا مالها أمان

    راشد ابتسم : انشالله أميه

    مايد : عاد نحن كبرنا أمايه

    راشد : أونك عاد ..! بعدك بعينها ياهل تلعب بالمشايه

    مايد يضحك : ههههههه بالمشايه ..!

    راشد ابتسم : ها رمست الوالده عن الطلعه ..؟

    مايد : هي خلاااص اتفقنا على كل شي

    راشد : زين زين وأخيرا بنطلع معاها

    مايد : طبعا هذا بعد فضلي أنا

    راشد : أعوذ بالله .. مداح نفسه

    مايد يبتسم : يباله بوسه .. على قولة ملاك

    راشد ابتسم لما انذكر طاري ملاك بالموضوع وقال : رمستوها عن الطلعه ..؟

    مايد : هي

    راشد : شو قالت ..؟؟

    مايد : استانست .. وبعدين هذي ما تصدق تشوف موزه

    أمي فاطمه : موزه ما بتيي

    راشد مستغرب : جيه أمي ..؟؟

    مايد : هي صح قالت لي أمي ..!

    أمي فاطمه : بتروح صوب أهل ريلها

    راشد : آها .. يلا انشالله خير

    أمي فاطمه : صليتو العصر .....؟؟

    راشد ومايد : الحمدلله

    أمي فاطمه : أشك الصراحه

    مايد : أمي صليت صدق

    أمي فاطمه : يا عيال صلو ترا والله مو زين تتركون صلاتكم وبعدين اللي يترك صلاته .. ربكم ما يوفقه لا بدنيته ولا بآخرته ..

    راشد : صدقتي أمي .. سمعت ميوووود

    مايد ابتسم : أحس الكلام موجه لي ..؟

    راشد : عرفت روحك من نفسك هههههههه

    مايد : لا أعووذ بالله .. والله أنا أصلي

    أمي فاطمه : أدري ولدي أدري

    مايد ابتسم : فديتج يا أحلى أم في الدنيا

    راشد : هي اخرط عليها انته اخرط ..!

    مايد : لا والله وربي الشاهد اني ما أخرط

    راشد ضحك : مصدقنك انزين مصدقنك

    مايد : بعد شو ..؟؟ بعد ما وديتي كل حسناتي

    راشد يضحك : وأنا شو سويت لك ياريال

    مايد ابتسم : أمزح وياك ..

    راشد ابتسم : تظهر ..؟؟

    مايد : توك راد شو تظهر بعد ..؟؟

    راشد : يلا نروح ندور شوي

    مايد : أوكي ..

    راشد : يلا بس أروح اتسبح وايي

    مايد : أوكي أترياك

    أمي فاطمه : وين بتروحون ..؟؟

    راشد : بنشوف أمي .. يوم نطلع

    أمي فاطمه : انزين ديرو بالكم ع روحكم من عيال الحرام

    مايد : ان شااااااااااااااااء الله أمي

    أمي فاطمه : الله يحفظكم يارب

    مايد : أمي لو ملاك ما ردت الين عشر خبريني

    أمي فاطمه : ان شاء الله .. بس ما أظن .. أكيد بترجع قبل

    مايد : انشالله

    أمي فاطمه : وبعدين حليلها متى تطلع .. بس بهالخميس

    مايد ابتسم : اقووول أمي لا تدافعين عنها وايد

    أمي فاطمه : ما أدافع عنها بس أقول الصدق

    مايد : هههه الله يخليج لنا يارب ..
    /
    .
    /
    بو عبدالعزيز : زين طلعت تغير جو

    أم عبدالعزيز : اي وان شاء الله حالها يتحسن

    بو عبدالعزيز : ان شاء الله

    أم عبدالعزيز : والله مدري اش فيها البنيه من يومين متغيره حيل

    بو عبدالعزيز : تشوفين متضاربه مع وحده من رفيجاتها ولا شي جذي

    أم عبدالعزيز : جاير

    بو عبدالعزيز : وبعدين تعرفين شوق عنيده الا تسوي اللي براسها

    أم عبدالعزيز : الله يهديها بس

    بو عبدالعزيز : وين راحت ..؟؟

    أم عبدالعزيز : هي ونور راحو بيت رفيجتهم روان الـ .............

    بو عبدالعزيز : بس ترجع خليها تيي تكلمني

    أم عبدالعزيز : انا اقول لو تأجل الموضوع يكون أحسن

    بو عبدالعزيز : ولييش ..؟؟

    أم عبدالعزيز : لما تتحسن البنيه خلاااص قول لها

    بو عبدالعزيز : بالعكس

    أم عبدالعزيز : انت بروحك تشوف حالتها حاله ومو على بعضها يعني لازم بتنصدم أكثر ..

    بو عبدالعزيز : هذا شورج ..؟؟

    أم عبدالعزيز : اي

    بو عبدالعزيز : متى أحاجيها عاد ..؟؟

    أم عبدالعزيز : بس تصير أوكي ..

    بو عبدالعزيز : ما يصير جذي عاد .. أخوي بيرجع الديره

    أم عبدالعزيز : خلااص عاد لو باجر صارت أوكي .. أنا روحي بقول لك تلكمها

    بو عبدالعزيز : أوكي عاد أنا أنطرج

    أم عبدالعزيز : انشاااالله

    بو عبدالعزيز : مو تنسين ..؟؟

    أم عبدالعزيز : لا حشى والله وين أنسى ..؟؟؟ وبعدين هذا جد مو لعب

    بو عبدالعزيز ابتسم : وعصبتي ههههه

    أم عبدالعزيز : لا يا معود بس شوية نرفزه جذي هههههه

    بو عبدالعزيز : وين باجي العيال ..؟؟

    أم عبدالعزيز : الهنوف بدارها جدام هالروايات على قولتها .. وعبدالله وضاري برع طول الوقت

    بو عبدالعزيز : قولي لهم يخفون من طلعاتهم شوي

    أم عبدالعزيز : يا بو عبدالعزيز خلهم وبعدين هم اجازه

    بو عبدالعزيز : بعد يا أم عبدالعزيز ديري بالج عليهم تراهم مراهقين والدنيا مالها أمان

    أم عبدالعزيز : اي والله اش كثر أنصحهم

    بو عبدالعزيز : لو سوو شي غلط لا سمح الله على طول كلميني

    أم عبدالعزيز : انشالله

    بو عبدالعزيز : عاد الحين أنا أستأذن

    أم عبدالعزيز : تو الناس ..؟؟ والعشا ..؟؟

    بو عبدالعزيز : لا بس بروح عند أخوي بالمعرض نقعد شوي .. وبعدين حزة العشا بنيي

    أم عبدالعزيز : الله وياك

    بو عبدالعزيز : يلا عاد مع السلامه

    أم عبدالعزيز : مع السلامه
    /
    .
    /
    بدور ابتسمت : ها ميروووه انشالله أحسن

    ميره : اي الحمدلله

    بدور تقعد ع السرير : تبيني أييب لج شي تاكلينه

    ميره : لا فديتج

    بدور ابتسمت : والله البيت بدونج ملل

    ميره : ههههه فديتج

    بدور : تدرين أحس اللي ببطنج بنيه وقاعد تتغلى

    ميره ابتسمت : اي عاد تتغلى بكيفها بس ما تذبحني

    بدور : لا فال الله ولا فالج وبعدين انتي ليييش جذي كئيبه .. عكرتي مزاجي

    ميره ابتسمت : أمزح انزين

    بدور : امزحي عدل

    ميره : حمودي وينه ...؟

    بدور : قاعد يطالع اسبيس تون

    ميره : زين .. انزين ديري بالج عليه ..

    بدور : لما كنتي مرقده يسأل عنج وايد

    ميره ابتسمت : فديته

    بدور : كان متضايج الشيطان

    ميره : لازم وبعدين هذي الأم

    بدور ابتسمت : عقبال ما أصير أم

    ميره تضحك : يخس ابليسج شو هالكلام

    بدور : اي والله وبعدين كبرت خلاااص هههه

    ميره تضحك : اي وايد ..! صح لييش ما رحتي لربيعاتج

    بدور : كيف أتركج وانتي بهالحاله

    ميره : صرت أوكي خلاااص

    بدور : لا ما يصير .. بعدين من بيدير باله على حمود ..؟؟

    ميره : هههه فديتج ... سيري نادي بدور ..

    بدور : اوكي ..

    بدور توقف عشان تطلع .. الا وباب الحجره يندق ..

    ميره : ادخـــــــــل ..

    معضد يدخل ويبتسم لـ ميره : مساء الخير

    ميره : مساء النور

    معضد : شخبارج ..؟

    ميره : بخير الحمدلله

    بدور : عن اذنكم

    ميره : اذنج معاج ...

    بدور ابتسمت وطلعت .. شافت حمودي قاعد ...

    بدور : حمداني ............؟؟

    حمدان يطالع بدور : شو ...؟

    بدور : ويا راسك جم مره قلت لك ما تقول شو ..؟؟ قول نعم

    حمدان : نعم خالو ..؟؟

    بدور تروح له وتضمه بقوه : فدييييييييييييييييتك أنا

    حمدان : عفصتيني ...!! شو تبين

    بدور تضحك : فديتك .. تاكل شي ..؟

    حمدان : لأأأ

    بدور : تبا شي ..؟؟

    حمدان : طيور الجنه

    بدور تضحك : انزين وين الريموت كنترول

    حمدان : هذا ..

    بدور تاخذه وتغير القناه .. ابتسمت له : يلا حبيبي شوفه أنا بروح حجرتي شوي

    حمدان هز راسه بمعنى هي .. بدور ابتسمت له وتجدمت عن حجرتها ..

    فتحت الباب ودخلت ...

    بدور محتاره : اتصل ولا لأأ .......؟؟؟ ياربي اتصل ولا لاأأ ..!

    بدور : خل اتوكل على الله واتصل .. ولا اقول اتصل بالبنات أول أحسن لي

    دقت ع البنات .. الين ما ردت .. اريج ..

    أريج : السلام عليكم

    بدور : وعليكم السلام

    اريج ابتسمت : هلا والله هلا

    بدور : اهلين

    اريج : شخبارج شمسويه ..؟؟

    بدور : بخير .. انتي شخبارج ...؟؟

    أريج : بخير الحمدلله

    بدور : أدري حاطته اسبيكر

    اريج تضحك : ههههه لازم الكل يسمع صوتج

    بدور : ملقوفات اعوذ بالله .. شخباركم بنات ..؟؟

    البنات : بخير ..

    روان : محد ملقوف غيرج

    بدور : اقول لا تقهروني أكثر ترا عادي ايي واذبحكم

    اريج تضحك : عاد اصكره بويهج أحسن لي

    بدور : لا عاد جذي عيب

    اريج تضحك : اي خلج جذي سنعه

    بدور ابتسمت : يلا عاد بس حبيت أتطمن عليكم

    اريج : تتطمنين علينا ولا قلبج معانا

    بدور تضحك : الاثنين

    اريج : فديتج والله

    بدور : يفداج كلي وربي

    اريج : شخبارها ميره ..؟؟

    بدور : بخير .. توني كنت في حجرتها

    اريج : الله يشفيها يارب

    بدور : أمين ..

    اريج : ما أطول عليج عاد

    بدور : يلا حبيبتي مع السلامه وسلمي ع البنات

    اريج : يوصل انشالله .. مع السلامه ..

    بدور ابتسمت وهي تصكر التلفون .. يا حظهم متيمعين مع بعض .. واي فديتهم رفيجاتي .. أكييييد مستانسات
    .. لا لأأأ مستحيييل .. روان حالتها حاله أكيييد والسبب مروان .. معقوله أحمد يكون مثله ..! لا لا ما أظن أحمد أكبر عن جذي وايد .. هممممممم أتصل فيه وأسمع صوته أحسن لي ..
    بدور وهي تدور ع الكرت فـ السده ..

    بدور : توني من كم يوم متصله فيه .. أكيييد الرقم بالمكالمات الصادره ..

    بعد ما شافت الرقم واتصلت فيه ,,,

    بدور : يـــا الله متى يرد ..؟؟ مل صبري وأنا أنطر ..









    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  2. #32
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: رواية خليجيات في الإمارات


    ღ الحلقه العشرونღ

    بدور تأفف : يالله يا أحمد رد ...

    اندق الباب .. بدور تخرعت ورمت التلفون ع السرير بسرررعه .. وعدلت لبسها : منو ..؟؟؟

    ........ : أنا حمدان

    بدور راحت للباب وفتحته بدون نفس : خير اش تبي ..؟؟

    حمدان : بدور تعالي ..

    بدور : نعم ...؟؟

    حمدان : ابا ماي
    بدور : روح قول للخدامه تعطيك

    حمدان يحط صبعه في فمه : ما أدري وينها

    بدور تبتسم وتشفق عليه .. تروح له وتبوسه : الحين بعطيك حبيبي

    حمدان ابتسم : بارد

    بدور : لأأأ ما يصير بعدين تمرض حبيبي

    حمدان ابتسم : انزييين

    بدور راحت للبراد وصبت له ماي .. : خذ حبيبي

    حمدان بعد ما شرب : خلاااص

    بدور تاخذ الكوب وتقول : يلا حبيبي روح العب

    حمدان يبتسم ويتقدم من العابه : خلاااص

    بدور ابتسمت له وراحت لحجرتها .. شافت التلفون يضوي .. هو ع الصامت أكييييد أحمد قاعد يتصل ..
    ابتسمت وتقدمت من التلفون وردت ..

    بدور : السلام عليكم ..

    أحمد : وعليكم السلام

    بدور ابتسمت : هلا أحمد

    أحمد : أهلين بدور .. اش حالج ..؟؟

    بدور : بخيير الحمدلله انت اشلونك ..؟؟

    أحمد يبتسم : لوني أحمر

    بدور تضحك : بدينا المسخره ..؟؟

    أحمد يبتسم : أمزح معاج

    بدور ابتسمت : لا عادي ..

    أحمد : تصدقين المستشفى اليوم تلوع الجبد

    بدور تضحك : من يوم يومها المستشفى تلوع الجبد شو الجديد يعني ..!

    أحمد : لأأأ أمس يوم شفتج بصراحه عجبتني ههههه

    بدور : يعني عجبك ان أختي مرقده

    أحمد : لا حشا والله

    بدور : هههه أدري

    أحمد : شو قالو لها ..؟؟

    بدور : بخير الحمدلله شوية تعب وارهاق والحين صارت أحسن

    أحمد : الحمدلله

    بدور : تدري أنا متضايجه ..

    أحمد مستغرب : خير ..؟؟

    بدور : رفيجاتي متجمعات الا أنا بالبيت

    أحمد يبتسم : ولا يهمج بوديج لهن

    بدور تبتسم : لا شكرا ..

    أحمد : عاد لييش ما رحتي

    بدور : لأن أختي مريضه مثل ما تعرف

    أحمد يبتسم : آها .. فيج الخير والله يا بدور

    بدور : مشكوور

    أحمد : خلاااص بس تصير أوكي تجمعو مره ثانيه

    بدور : ان شاء الله

    أحمد : تخيلي أنا وين ..؟؟

    بدور : وين ..؟؟

    أحمد : قاعد أتشرى أغراض البيت ..

    بدور تضحك : ههههههه

    أحمد : يعني تضحكين علي ..؟؟

    بدور تضحك : ههههه لا بس أتخيل شكلك

    أحمد : حليلها الوالده تعبانه قلت لها بروح بدالج

    بدور : فيك الخير والله

    أحمد : وبعدين ع الأقل بشتري لروحي كم من شي مجانا من بيزاتها ههههه

    بدور : حرام عليك

    أحمد : أمزح انزييين ..

    بدور : ههههه بقول لك شي صار الحين .. وانت احكم أوكي

    أحمد : خير ..؟؟

    بدور : رفيجتي كانت تحب واحد وظلو مع بعض فتره وبالأخير تركها بدون سبب وقال انه ما يقدر يرتبط فيها
    ..
    أحمد مستغرب : وليييش تركها ..؟؟

    بدور : والله مدري للحين ما ندري

    أحمد : وانتي شو تتوقعين ..؟؟

    بدور : والله أقول يمكن اهوه خاين

    أحمد : لا لاااا .. حرااام لا تظلمين الريال ..

    بدور مستغربه : ليييش ..!

    أحمد : يمكن فيه شي ولا عرف شي عن البنيه وجذي .. فـ ما يقدر انه يتزوجها

    بدور : اي يمكن لأن البنيه أمها أجنبيه

    أحمد : يمكن ..! شفتي قلت لج

    بدور : بس ما أعتقد مستحيييل انه ما يتزوج وحده لأن أمها أجنبيه يا كثر البنات اللي أمهاتهم أجنبيات .. مو شرط تكون نمساويه ولا بريطانيه يمكن تركيه أو هنديه .. ما تدري ..! بس المهم البنت

    أحمد : ادري بس يمكن أمه تبي له وحده من مواصفاتها غير ..

    بدور : اي والله جايز

    أحمد : وبعد شخبارج ..؟؟

    بدور : تمام ههههه خلصت السوالف

    أحمد : لأأأ سولفي ..

    بدور : اي أنا لو اسولف ما اسكت أبد

    أحمد : عادي .. بسمعج هههه

    بدور : بتمل ..!

    أحمد : لأأأ يلا تكلمي

    بدور : انشالله ههههه
    /
    .
    /
    ضاري : وأنا اش دراني ..

    عبدالله : هنوووفوووه تعرفين وين شوق ..؟؟

    الهنوف : اي

    عبدالله : وينها ...؟؟

    الهنوف : وانت اش لك ..؟؟

    عبدالله : اسأل يعني حرااام

    الهنوف تبتسم : اي

    ضاري : اي صدق وينها مو مبينه من كم يوم واليوم محد

    الهنوف : هالكم من يوم كانت تعبانه

    عبدالله : احلفي بس

    الهنوف تلف ويها : اي وولا واحد فيكم كلف على نفسه يسأل عن أخته الكبيره

    ضاري : ونحن اش درانا انها مريضه ...؟

    الهنوف : سألو عنها انزين ع الأقل .. ولا جنا عايشين ببيت واحد


    عبدالله : ياربي بدت الفيلسوفه

    الهنوف : الله يستر لو كل واحد تزوج وراح ببيت بروحه

    ضاري : يصير خير وقتها .. الحين قولي وينها ...؟؟

    الهنوف : بيت رفيجتها

    ضاري مستغرب : مريضه وببيت رفيجتها ...!

    الهنوف : اي ع الأقل سألو عنها مب انتو .. ما أقول الا أخوان طل

    ضاري : اقول اسكتي لا اييج بكس يأدبج

    الهنوف تمد بوزها : راحت تغير جو بدل النكاده

    ضاري : هنوووفوووه شكلج تبين تنضربين

    الهنوف تسكت .. وتمد بوزها ..

    ضاري يبتسم : اي يا حلووووج وانتي ساكته ومبوزه

    عبدالعزيز نازل .. : اش فيك ...؟؟

    ضاري توه بيتكلم الا والهنوف تقاطعه ...!

    الهنوف تطالع عبدالعزيز وتقول : يردون علي ويهددوني ..

    عبدالعزيز : منو كلمج ..

    الهنوف : هذا ضاري يقول بيطقني

    عبدالعزيز طالع ضاري بنظره وقال : اقول قوووم وتعال معاي المعرض

    ضاري مبطل عيونه : بليل تداوم

    عبدالعزيز : بضبط شوية أوراق

    ضاري : ما بي .. باجر انشالله

    عبدالعزيز : باجر الجمعه .. يلا روح بدل والحقني ..

    ضاري ان شاء الله

    عبدالله يتبسم : وأنا ..

    عبدالعزيز : روح اشرب الحليب اللي باقي بالثلاجه

    الهنوف تضحك .. عبدالل يبوز ويقول : أنا الغلطان ودي أساعدك

    عبدالعزيز : لا تتحجى ع الهنوف وايد عليك

    عبدالله يبتسم : انشالله أخوي العود ..

    عبدالعزيز .. : الهنوف تبين شي من برع ..؟؟

    الهنوف : لا سلامتك

    عبدالعزيز : يلا مع السلامه .. وضاري الحقني ..

    الهنوف : مع السلامه ..

    ضاري : انشالله ..

    بعد ما طلع عبدالعزيز .. ضاري صعد وهو يطالع الهنوف ..

    الهنوف ابتسمت بسخريه : هذا جزا اللي يعاندوني ..

    ضاري : من زينج عاد ..!
    /
    .
    /
    ملاك : حرااام عليج .. انزين لا تسوووين بروحج جذي ..

    روان تصيح : اش لون ما تبوني اسوي في نفسي جذي ..

    نور : حبيبتي ترا والله الدنيا ما تسوى ..

    روان : ما أقدر .. والله ما اقدر

    اريج : حبيبتي هدي شوي .. بس شوي

    روان : ومروان ...؟؟ والله من ذاك اليوم لا يتصل ولا يكلمني بعد

    ملاك : روان خلاااص انسي مروان ...

    اريج : اي روان .. مروان ماضي بحياتج .. وان شاء الله .. الله يعوضج باللي أحسن منه يارب

    روان : ما اقدر انساااه ما اقدر

    نور : بلا تقدرين تنسينه يا روان تقدرين

    روان : وكييف ..؟؟ كيييف والله ما اقدر

    نور : استغفر الله العلي العظيم .. يا روان افهمي .. مروان لا هو أول حبيب يترك حبيبته ولا اخرهم ..

    روان : بس مروان غييير

    نور : شاللي غير فهميني ..

    روان : كل شي ..

    نور : روان فكري بعلقك .. مروان ما يستاهلك .. مروووااان ما يستاهلك

    روان : لا تقولين جذي ..

    ملاك : اي صدقها .. وبعدين اللي ما يبانا ما نباااه ...

    روان : بس أنا ابي مروان

    ملاك : يا روان يا حبيبتي فكري عدل ... مروان باعج خلاااص ما يبيج ..

    روان : لأأأ منو قال اهوه بعده يبيني ..

    ملاك : كيف يبيج وتركج ...! أي حبيب اللي بيسويها ..؟؟

    روان : انتو ما تعرفون مروان لا يمكن يسويها

    ملاك : بلا يسويها ويسوي أكثر من جذي .. روان انسيه خلااص

    روان تصيح : بس أنا أحبه .. بعدني أحبه

    اريج : مع الأيام بتنسينه ان شاء الله

    روان بدت تصيح بصمت .. : شكلي أتعبتكم معاي ..؟؟

    اريج : منو قااال ..؟؟

    نور : وبعدين انتي رفيجتنا لو ما شكيتي لنا بتشكين لمن ..؟؟

    روان ابتسمت وهي تمسح دموعها : والله بحياتي ما بنسى موقفكم

    ملاك : بس مروان تنسينه ..!

    روان : غيرو هالسيره .. خلاااص مليت ..

    اريج : زين تسوون

    روان : بروح بقول للخدامه تطلع العشا ..

    ملاك : لا بدري ع العشا حبيبتي

    روان : ما جعتو ...؟؟

    نور : مع الحلو اللي مسويته انتي من يجوووع ههههه

    روان ابتسمت : أكيييد شوووقوو الدبه ..

    شوق : لا رد ..

    روان مستغربه وقالت بالاشاره : اش فيها ..؟؟

    نور ابتسمت : شوق .. حبيبتي شوق ..؟؟

    شوق رفعت راسها : هلأ ..

    نور : وين سرحتي ..؟؟

    شوق : معاكم ..

    نور ابتسمت : وين معانا ونحن من الصبح نتكلم ..

    شوق : لا بس فكرت بشغله

    نور ابتسمت : شوق حبيبتي انسي شوي وعيشي يومك

    شوق ابتسمت : يصير خير انشالله

    نور : انشالله .. يلا انسي حبيبتي

    روان مستغربه : اش صاير ...؟؟

    نور ابتسمت : براك أخو نواف خطب شوق ..

    روان مستغربه : براك ...!! وأخو نواااااااااااااااااااااااااف ........؟؟

    نور هزت راسها : اي أخو نواااف

    شوق وقفت : عن اذنكم ..

    ملاك مسكت يد شوق : شوق اقعدي مو لااازم تقومين .. وهذا الواقع ولو تهربتي منه ما بتلقين نتيجه

    شوق يلست .. : بنات تكفووون ابي أطلع من هالمصيبه ..

    اريج : ارفضيه ..!

    شوق : نحن علاقة ابوي بعمامي غير ..

    روان : انزين اش صار في البدايه ..

    نور تقاطع الكل : يا شوق .. عجزت وأنا أفهمك ابوك لسه ما فتح الموضوع معاكي .. اش فيكي مستعجله
    وتحكمين من البدايه

    شوق : بس الكلام هذا خلاااص دار بين ابوي وعمي .. يعني أكيييد بيصير

    نور : انتي تفائلي وانشالله ما يصير الا كل خييير

    شوق : انشالله

    نور : يلا الحين سولفو مثل العالم والنااس لأن راسي بدا يوجعني

    اريج : وانتي الصاجه راسي يبي ينفجر ..

    روان ابتسمت : عاد يبي لنا عصير ليمووون

    ملاك : أنا بسووووويه لكم

    روان : لأأأ أنا

    ملاك : أنا

    نور : لا انتي ولا هي ..!!

    اريج : عاد منو ..؟؟

    نور : كل وحده تسوي لحالها هههههه

    روان : فكرررره ههههه

    ملاك : والحل ..؟؟

    روان : تدلون مطبخنا ..!!

    شوق : وابوج ..؟؟

    روان : ابوي راح الشركه

    شوق : ما بيرجع ..؟؟

    روان : امبلا بس مو الحين بليل

    ملاك : يلا عاد بسررررعه

    روان : يبي لنا نسوي كيكه ههههه

    ملاك : اي والله

    نور : خلاااص يلا نسرع قبل لا يجي ابو روان

    روان : لا على مهلكم .. بيـتأخر ..

    شوق : انشالله

    روان تعقد حياتها : مو جنج غلطتي على أبوي

    شوق تضحك : ما نقصد انزين

    روان تبتسم : يلا عاد امشو ..
    /
    .
    /
    يوم الجمعه الساعه خمسه العصر ..

    ميره تضحك : يغربل ابليسج يا بدور ..

    بدور تبتسم : ليييش انزييين ..؟؟ اش سويت أنا ..!

    ميره تضحك : كل هذا و ما سويتي شي ..

    بدور : ترا والله ما كان قصدي اتضارب معاها بس اهيه رفعت ضغطي ..

    ميره : معاكم بالكليه

    بدور : اي .. اصغر مني بسنه

    ميره : توها صغيره

    بدور : يعني أنا العوده ..!

    ميره : لاأ بس مية مره قلت لج لو أحد يتضارب معاج لا تردين عليه

    بدور : ما أقدر لساني يحجني

    ميره : أعوذ بالله منج

    بدور تبتسم : أخذ حقي انزين

    ميره : خذيه مثل العالم والناس

    بدور : اي قالو لج أخذه مثل الحيوانات يعني ..

    ميره تضحك : الله يهديج

    بدور : تشربين جاي ..؟؟

    ميره : لا شكرا ..

    بدور : أتذكر انج مدمنة جاي حمر

    ميره : دمي ناقص وتبيني اشرب جاي عز الله مت ..

    بدور تبتسم : شوية انزين

    ميره : ما اروم أنا الا اشرب عدل

    بدور : عاد خلاااص وايد عليج البرتقال وحليب فرش ..

    ميره : حمدان ومعضد تأخرو ..

    بدور : اي وايد ..

    ميره : شكلهم مرو ع الدكان ولا الجمعيه

    بدور : هي .. هذا ولدج مب مخلي خير في ابوه

    ميره : حراام عليييج

    بدور : تعالي نقعد فالصاله ..!

    ميره : لا بقعد في حجرتي ..


    بدور : كتمه ..!

    ميره : لا ما أحب الصاله

    بدور : برايج

    ميره : حبيبتي بدور سوي لي عصير برتقال

    بدور : بشرط ..!

    ميره : آمري

    بدور : ما يامر عليج عدو ..

    ميره : ولا عليج .. يلا قولي

    بدور : الله يسلمج ابا فلوس ههههه

    ميره : يلا مناك .. خلاااص بقول للخدامه تسويه

    بدور تبتسم : حراام عليكم .. وبعدين من ايدي احلى

    ميره : من زين ايدج الحين

    بدور : اي والله .. ناعمه وحلوه

    ميره : اقري عليها عن تحسدين روحج بروحج

    بدور : اي والله اسويها مو بعيده علي هههههه

    ميره : يلا بسرررررعه

    بدور : هل العين ما بييون ..؟؟

    ميره : لأأأ

    بدور : لييش ..؟؟

    ميره : ما عندهم خبر

    بدور مستغربه : انتي مرقده وما يدرون ...!

    ميره :اي معضد ما خبرهم قال بيحاتون وجذي

    بدور : آهاأأ

    ميره : يلا عاد الحين قومي وسوي لي عصير

    بدور : انشالله أختي العوده

    ميره تضحك : الله يهديج يالدبه

    بدور وهي ماشيه للمطبخ : دبه بعينج ..

    دخلت المطبخ راحت للثلاجه تطلع البرتقال .. وجهزت القلاص .. خطرت ع بالها اريج ...

    بدور : خل اتصل فيها .. صار لي يومين ما اشوفها

    .. بدور بعد ما اتصلت على اريج ...

    اريج : السلام عليكم

    بدور : وعليكم السلام

    اريج تبتسم : يا هلا ... هلا والله هلا

    بدور : أهلين اروووج .. اش حالج ..؟؟

    اريج : بخير وانتي شخبارج ..؟

    بدور : الحمدلله بخير

    اريج : شخبار ميره .. ان شاالله بخير ..؟

    بدور : اي الحمدلله وايد احسن .. هذيها مخليتني اسوي لها عصير برتقال

    اريج : اي سوي لها عدل

    بدور : لا والله أشتغل عندج وعندها أنا ..!

    اريج ابتسمت : اختج العوده يا بنيه

    بدور : أختي العوده علي عيني وراسي .. بس تتأمر علي لأأأ لأأ لأأأ

    اريج : احمدي ربج غيرج يتمنى يكون عنده أخت

    بدور : الحمدلله ههههه

    اريج : يلا سوي لها العصير

    بدور : انشالله

    اريج : وبعد شو الأخبار ,, وشو الجديد ..؟؟

    بدور : والله ماشي .. مستويه ممرضه ميرووه

    اريج : زين زين ..

    بدور : وانتي ..؟؟

    اريج : الله يخليج في هالشقه .. بين اربع طوف

    بدور تبتسم : يلا أحسن لج من اي شي

    اريج : الحمدلله على كل حال

    بدور : اقوول ارووج أنا تأخرت على ميروووه

    أريج تبتسم : اي وايد

    بدور : يلا عاد تبين شي

    اريج : لا .. بس سلمي لي على ميره

    بدور : يوصل .. يلا مع السلامه

    أريج : مع السلامه ..

    بدور ابتسمت وهي تقطع البرتقال ..

    فجأه .. أحد مسك كتوفها بيده وشوي ويضمها له ... وقال : حيـــــــاتي ...!

    بدور سنترت بمكانها ... تبي تتكلم الكلام كله وقف بمكانه لما قال ...

    معضد : توج طالعه من المستشفى جيه تدخلين ..........................

    بدور قبل لا يصير شي أكبر .. قالت بسرعه وهي تلف : أنا بدور

    معضد انصدم من الصدمه رجع ورا وسلم لا يدعم في الجدار : آسف تحريتج ميره

    بدور حمرت خدودها وطلعت بدون ما تغسل يدها وراحت للحجره ..

    بدور شافت شكلها في المرايه : يا ربــــي موقف محرج .. اش ياااه معضد .. آآآآخ والله قلبي طاح ببطني ..

    شافت شكلها في المرايه .. بس أنا وميره ما نشبه بعض ..! هممممم يمكن بشيلة البيت شكلنا من ورا نفس الشي ... لااااااااااااااااااااااااااااااا عرفت ليييش اليوم أنا وميره لابسين نفس الجلابيه ..!!! عشان جذي حليله معضد ما ينلام .. أنا الغبيه من قال لي أطقم مع ميره .. خلاااااص التوبه ما بلبس مثلها مره ثانيه .. عشان لا انحط بموقف محرج جذي ..!
    /
    .
    /
    نور ابتسمت : اي ما شاء الله شفت درجاتهم

    أم عبدالعزيز : بس عبود درجه العربي مالته مو شي

    ضاري يضحك : اي تراااه هندي ماله بالعربي ههههههه

    الهنوف : هههههههه

    أم عبدالعزيز : وانت درجة الانجليزي مالتك مو عاجبتني

    الهنوف : خلاااص عاد ضاري طلع ما يفهم بلغة العصر هههههه

    ضاري : سكتي بس سكتي انتي شهادتج كلها على بعضها اي شي

    الهنوف : لا والله يما قولي لهم كم نسبتي

    أم عبدالعزيز : اسم الله عليج يما تبينهم يحسدونج

    الهنوف تبتسم : خل يعرفون بس ..

    نور : ان شاء الله عاد بآخر السنه يعوضون

    أم عبدالعزيز : ان شاء الله

    ضاري : وأخيرا بتخرج .. الحمدلله فكه

    عبدالله : وأنا متى بفتك ..!

    أم عبدالعزيز : اقووول لا تفكرون بالفكه فكرو بدرجاتكم ترا أحسن لكم

    نور : صادقه خالتي بكلامها ... نبيكم رجاااال

    الهنوف : شوووقوو وين

    نور : نايمه

    الهنوف : ياربي من هالانسانه ليل ونهار راقده

    نور تبتسم : تعبانه شوي

    الهنوف : آها

    أم عبدالعزيز : نور قوميها بسها نوم ..

    الهنوف : اي من تغدينا راحت تنام

    نور ابتسمت : خالتي خليها شوي نايمه .. لأن أمس سهرنا

    أم عبدالعزيز ابتسمت : أوكي خلوها على راحتها

    عبدالله : يما ..؟؟

    أم عبدالعزيز : هلأأأ يما

    عبدالله : بروح برا

    أم عبدالعزيز : شـ تسوي ..؟؟

    عبدالله : بلعب كره مع ربعي

    أم عبدالعزيز : انزييين ودير بالك على روحك مو تروح ع الشارع

    عبدالله : أوكي ..

    أم عبدالعزيز : يلا روح الله معاك


    ضاري ابتسم : وأنا بعد يما بطلع

    أم عبدالعزيز : على وين ...؟؟

    ضاري ابتسم : ع حمر عين ..!

    أم عبدالعزيز تبتسم : تتمسخر حضرتك

    ضاري : ابي اضحككم شوي

    الهنوف : شكرا مانبي

    ضاري : محد كلمج انتي .. يما بروح بتمشى مع ربعي

    نور تبتسم : اعووذ بالله منك يا ضاري

    ضاري ابتسم : يلا سلاااام

    أم عبدالعزيز : الله يحفظك ولدي .. دير بالك ولا تسرع

    ضاري : ان شاء الله يما ..

    أم عبدالعزيز : هـ الأولاد همهم أكبر من هم البنات

    نور : لا خالتي هم البنات أكبر لما يطلعون

    أم عبدالعزيز : وانتي الصاجه .. الله يحفظ بناتنا ويبعدهم عن الغلط

    نور : آمييين يارب

    أم عبدالعزيز : والله قلبي قابضني

    نور : ليه خالتي ..؟؟

    أم عبدالعزيز : مدري والله مو مرتاحه وشوق تعبانه بعد .. مدري اش فيني

    نور : خير ان شاء الله ياخالتي خير

    أم عبدالعزيز : آمين يارب ..

    نور : الهنوف حبيبتي سوي لأمك عصير ليمون

    الهنوف : من عيوني والله

    أم عبدالعزيز : لا يما مابي

    نور : يبرد على قلبك خالتي ويهديك

    أم عبدالعزيز : أوكي

    نور : خالتي كنت ابي اكلمك

    أم عبدالعزيز : خير ..؟؟

    نور : بالنسبه للسفره .. متى حددتو الموعد

    أم عبدالعزيز : خلااص يا يما مو باقي شي ع السفره

    نور : متى الموعد طيب ..؟

    أم عبدالعزيز : نهاية خمسه

    نور ابتسمت : يعني مو باقي الا اربع شهور

    أم عبدالعزيز : اي ولا تحسبين شهر واحد لأنه بيخلص بسرعه

    نور : يلا ان شاء الله ربي يوفقنا

    أم عبدالعزيز : آمييين .. ما أوصيج عاد على روحج

    نور ابتسمت : تامرين أمر خالتو

    أم عبدالعزيز : قلب خالتج انتي

    نور : يلا خالتي أنا بروح بقوم شوق .. نامت كثير .. والنوم الزايد مضر

    أم عبدالعزيز : اي والله

    نور تمشي .. وتصرخ : الهنوف أنا بعد ابغى عصير

    الهنوف تصرخ من المطبخ : أوكـــي ..

    نور وهي ماشيه وتطالع ورا : بس خليه خفيف

    ....................... : طالــــعــــــي جدامج ..

    نور تلف مصدومه .. وتأتأ : آسفه

    عبدالعزيز يبتسم : ماصار شي انزين

    نور : شكلي كنت بصدمك

    عبدالعزيز : للمره الثانيه .. بس صار خير ..

    نور ابتسمت تبي تختطف ..

    عبدالعزيز وقفها وهو يقول : انتبهي مره ثانيه

    نور نزلت راسها : طيب

    عبدالعزيز ابتسم ومشى .. نور صدت تطالعه .. ولا ما لقته ..



    يالله هذي ثاني مره وأنا أنحرج معك يا عبدالعزيز ... والله فشله لهالدرجه أنا ما أنتبه .. يلا الحمدلله هالمره
    عدت على خير .. المرات الجايه لازم انتبه وأفتح عيوني زين ...
    /
    .
    /
    ملاك ابتسمت : شو تشربين أمايه ..؟؟

    أمي فاطمه : جاي

    ملاك تطلع الكوب .. وتصب فيه ... ابتسمت : مايد وراشد .. شو تشربون ..؟؟

    مايد : ماي لو ما عليج أمر

    ملاك ابتسمت وهي تعطي الجاي لأمي فاطمه : هاج امي

    أمي فاطمه : مشكووره حبيبتي

    ملاك : العفو ..

    مايد : بسرعه يا بنت الناس .. ماااااي ريجي يبس

    ملاك تبتسم : تريا يا ولد الناس هههه وبعدين هذا من زود الحجي

    مايد ابتسم : شكلهم عدوووج

    ملاك ابتسمت وهي تعطيه الماي : لا لااا ... راشد شو تشرب ..؟؟

    راشد : مشكووره مابي

    ملاك ابتسمت : أمي تروحين صوب الماي

    أمي فاطمه : لا لا .. أنا روحي ادوخ يوم اجرب صوبه

    ملاك ابتسمت : على راحتج

    راشد وقف وهو يطالع تلفونه : عن اذنكم

    مايد : اذنك معاك

    أمي فاطمه مستغربه : شو فيه راشد قام ..

    مايد ابتسم : شكله اتصال من المانيا .. ما تسمعينه يهذر انجليزي

    أمي فاطمه ابتسمت : حشى بعد ما راح عنهم بعد يتصلون به

    مايد ابتسم : يتذكرونه أمي

    أم فاطمه ابتسمت : هي دام جذي زين زين

    راشد رجع وهو مبتسم .. أمي فاطمه : خلصت أمي


    راشد وهو يقعد : هي

    أمي فاطمه : شو يبون بك هالأجانب ..؟؟

    راشد ابتسم : كبرنا أمي عاد ..!

    أمي فاطمه تبتسم : وأنا أمك عاد ما يصير .. ! لازم كل شي أعرفه

    راشد ابتسم : الله يخليج لنا يارب

    مايد : اتصلت به

    راشد : هي ..

    مايد : شو قال لك ..؟؟

    راشد : بيطرش الأوراق باجر

    مايد : بعده ما دز لي المسج ع الايميل

    راشد : تريا الين باجر

    مايد : يصير خير ان شاء الله ..

    ملاك وهي تطالعهم مستغربه .. كلامهم مب مفهوم كله على بعضه ألغاز .. !! عن شو يتكلمون ياربي ..!

    راشد ابتسم : ميود يلا نتمشى ..

    مايد : يلا

    راشد : أمي تيين ويانا ..؟؟

    أمي فاطمه : لا وين فيني شده ع المشي يا ولدي

    راشد يبتسم : على راحتج

    مايد : ملاك .. طبعا بتقعدين

    ملاك ابتسمت : يعني مالي رب تسألوني ..!

    راشد ابتسم .. مايد : شو تبين تيين ...؟؟؟

    ملاك : لا لا بقعد مع أمايه .. وبعدين أدري ما تبوني

    مايد يضحك : زين عرفتي روحج

    أمي فاطمه : تراني بمشي وياكم الحين

    مايد يبتسم : لا لا عاد خلاااص بنروح ههههه

    راشد : يلا ميووود عن تظلم الدنيا ترا مب شي

    مايد : يلا

    بعد ما ابتعدو شوي .. ملاك : حظهم

    أمي فاطمه : لييش هههه ..؟؟؟ تراهم سألوج تيين ويانا ولا لأأ قلتي لأأ ..

    ملاك ابتسمت : لأأأأ لأنهم مع بعض مب أنا محد بعمري

    أمي فاطمه : اتصلي بربيعاتج

    ملاك ابتسمت : لاااا ماما كل وحده مشغوووله اليوم

    أمي فاطمه : على راحتج بنتي

    ملاك : زين من بعد ما يا راشد ميووود صار أحسن

    أمي فاطمه : هي الحمدلله ..

    ملاك : استانست يوم رد شرات أول

    أمي فاطمه : عساه ربي يوفقه يارب

    ملاك : آمييييين ويرزقه الزوجه الصالحه ههههه

    أمي فاطمه : الله يسمع منج

    ملاك : أقول أمي اش رايج نتمشى ..؟؟

    أمي فاطمه : لا لا ما اروووم

    ملاك ابتسمت : يلا حرااام عشاني عاااد

    أمي فاطمه : تراهم زقروج وما رحتي وياهم

    ملاك ابتسمت : أمي أستحي عاااد اروح وياهم

    أمي فاطمه : من شو تستحين بعد ..!

    ملاك : راشد بعد منو ..؟؟؟

    أمي فاطمه مستغربه : تراااه أخوج يا بنيه

    ملاك : أدري بس بعد أمي ..!

    أمي فاطمه : بعد شو ..؟؟

    ملاك : أستحي

    أمي فاطمه : عاد يلسي مكانج دامج تستحين .. ماشاء الله مب حيا ..!

    ملاك ابتسمت : خلاااص عيل باخذ كيمرتي وبروح بصور أوكي ..!

    أمي فاطمه : شو تصورين بعد ..؟؟

    ملاك : بروح بصور البحر أمي بعد شو ..؟؟

    أمي فاطمه تضحك : ولييش بعد .. صوري روحج أحسن لج

    ملاك : لالا .. أمي ترا بحط الصوره في ألم الامارات ..

    أمي فاطمه مستغربه : شو ألم الامارات بعد ..!

    ملاك : الله يسلمج منتدى محافظ وحلوو وايد .. احلى عن كل المنتديات لا بوكس ولا رسايل خربطه ولا أحد
    يزعجج بعد ..! ومفيييييد

    أمي فاطمه مستغربه : والله ما فهمت ولا كلمه تقولينها ..!

    ملاك ابتسمت : احسن ههههه يلا عاد بروح أنا

    أمي فاطمه : ديري بالج على روحج

    ملاك : ان شاء الله

    أمي فاطمه : لا تبتعدين

    ملاك وهي تمشي ومعاها الكاميرا : أوكي أمي

    ملاك ابتسمت وهي تطالع البحر .. رن تلفونها ..! ملاك مستغربه وتطالع الرقم : رقم منو ..؟؟؟؟

    أرد ولا ما ارد .. ياربي ميوود ما يحب أرد على أرقام غريبه .. يلا برد بس ما برمس ..

    ملاك ردت : لا رد

    الطرف الثاني : السلام عليكم ..

    ملاك مستغربه : وعليكم السلام والرحمه

    الطرف الثاني : اش حالج ملوووكه ..؟؟

    ملاك مستغربه : بخير الحمدلله

    الطرف الثاني : آفااا آفااا ما عرفتيني ..!

    ملاك مستغربه : لا السموحه منو انتي ...؟؟

    الطرف الثاني : يالقاطعه صج انج قاطعه والله كل هالفتره وما تكلميني ..!

    ملاك ابتسمت : غرااااااااااااااام ..؟؟

    غرام ابتسمت : هي غرااام ويا رااااسج

    ملاك ابتسمت : سوري ما عرفتج


    غرام : دبه ترااااج قاطعه لازم تنسيني

    ملاك : اسمحي لي عاد .. تدرين الدراسه ومشاكل الحياه لهتني

    غرام ابتسمت : آهااا

    ملاك ابتسمت : تخيلي منو يااااه ...؟؟

    غرام مستغربه : منو ..؟؟

    ملاك : تخيلي انتي ..؟؟

    غرام : راشد ..!

    ملاك استغربت .. غرام مستحيل تتذكره .. : هي راشد

    غرام : آهاا .. يا على بالي لأنج قلتي بيي قريب

    ملاك : هي رجع البلاد

    غرام : يلا الحمدلله على سلامته

    ملاك : الله يسلمج

    غرام : وشو اليديد

    ملاك : ماشي ..! متى ناويه تيين دبي ..؟؟

    غرام : لا خلاااص استقريت في ابوظبي

    ملاك : اهااا

    غرام : حبيت اتطمن عليج وبس

    ملاك : فيج الخير

    غرام : يلا عاد مع السلامه

    ملاك : مع السلامه ولا تقطعين

    غرام : ان شاء الله

    ملاك ابتسمت وهي تصكر التلفون .. عجيبه هالبنت ..!! ماشاء الله عليها قويه وتتحمل كل شي ..

    تقربت من الماي .. وبدت تصور ...

    ملاك وهي تطالع بعيد .. الحين لو البنات معاي والله وناسه ..

    ............... : وين سرحتي ......؟؟

    ملاك تلف .. ابتسمت : ماشي .. بس اقول لو ربيعاتي معاي

    مايد يبتسم : خيييييبه ..

    ملاك : صل ع النبي لا تحسدنا

    مايد : رشووود ترا هاااي ما تمل من حد

    راشد ابتسم : حسد اخته ..!!

    مايد : بلاكم علي ..؟؟

    راشد يبتسم : ماشي نمزح معاك انزين

    مايد : راشد تسبح ..؟؟

    راشد : لا مب ياييب معاي ملابس

    مايد : خساااااره ..!

    راشد : جيييه انت يايب ..؟؟

    مايد : لأأأ منو قااال ..!

    راشد يضحك : عاد اسكت

    ملاك ابتسمت على خبالهم ... وقالت : مايد صورني ..

    مايد ابتسم : بخمس دراهم ..!

    ملاك : حراام ميووود

    راشد رد وهو مبتسم : أنا بصورج ..!

    ملاك تمنت الأرض تنشق وتبلعها .. لهالدرجه جرئ والله ما توقعت ردة فعله ..!

    ملاك تبي تقول له كنت أمزج .. ولا يمد يده ويقول .. : عطيني الكام ..

    ملاك تمد الكيمره وتعطيه ..

    مايد رن تلفونه وقال : عن اذنكم شوي ..

    ملاك طالعت أخوها .. شو هذا غبي مافيه غيرررره يتركني بروحي مع راشد ..!! حتى لو المكان عام المفروض يتم ويانا ...

    راشد : ملاك

    ملاك لفت مستغربه ...

    راشد : شو ما تبين تتصورين ..!

    ملاك هزت راسها : هي صوره وحده وبس


    راشد : أوكي ..

    ملاك ابتسمت ابتسامه صغيره ..وراشد طالع ملاك وابتسم .. وصورها..

    راشد وهو يطالع الكاميره مدها لملاك وقال : هذي صورتج

    ملاك ابتسمت : شكرا

    راشد : شوفيها انزين قولي حلوه ولا لأأأ

    ملاك وهي تطالع الصوره .. رفعت راسها : حلوه الصوره ..

    راشد : زين عيبتج

    مايد رجع : ها تصورتي واخيرا

    ملاك : هيييه

    مايد يمزح : صورينا عاد ..!

    ملاك شافتها فرصه وقالت : أوكي ..

    مايد : أمزح معاج

    ملاك : لا ماشي .. لااازم صوره

    مايد يوقف يمب راشد وتصورهم ملاك ع السريع ..

    مايد : هاتي هاتي اشوف صورتي

    ملاك تمد له الكاميره وتقول : حلوه الصوره ...؟؟

    مايد : طبعا أنا اللي محليها

    ملاك ابتسمت : ماخذ بروحك مقلب

    راشد يبتسم : بعدكم توم وجيري

    ملاك انحرجت .. مايد ضحك وقال : أحسن عنك ههههه

    راشد : ههههه يلا نروح عند أمي تراها روحها

    مايد : يلااا

    ملاك : أنا بتم اهني شوي وبرد ..

    مايد : لييش .؟؟

    ملاك : بصور البحر

    مايد : أوكي بسرررعه

    ملاك : ان شاء الله

    ملاك وهي تصور البحر الين ما ملت ولاعت كبدها من التصوير .. مشت شوي شوي وهي تطالع أمها وراشد وايد قاعدين

    وصلت لهم وابتسمت : رجعت

    أمي فاطمه زين رديتي .. مليت قاعده بروحي

    ملاك ابتسمت : مايد وراشد عيل شو يسوون

    أمي فاطمه : قاعدين وياي بس وين سوالفهم ووين سوالفنا

    راشد ابتسم : هي أميييه لازم سوالفنا غير ههههه

    مايد يضحك : جان تبينا نسولف لج عن الحنه والملابس فالج طيب

    راشد : ههههههههه ميوووود ضحكتني

    ملاك تبتسم : عيب عيب ما عندنا رياييل يرمسون عن سوالف الحريم

    مايد يبتسم : لا والله وجيييييه انتي ترمسين عن السياير والموبايلات

    ملاك : هاي سوالف عاديه الحين البنات يرمسون عنها

    مايد يبتسم : لا والله عاد خلااص من باجر رشووود تعال نرمس عن المكياج

    ملاك تضحك : أدري انك ما تسولف

    راشد : ومنو قال بنسوووولف بعد شوووو

    ملاك تبتسم وهي مستحيه : ريايييل انتو مستحيل تسولفون جذي

    مايد يضحك : فديتها أختي هههههههه

    ملاك ابتسمت : مب جنك زودتها

    مايد يضحك : اقووول رشود قمنا نلعب طايره

    راشد : مب وياك كره

    مايد : مع هالشباب

    راشد : يلا

    مايد : أمي بنروح نلعب كره

    أمي فاطمه : ديرو بالكم ع روحكم

    راشد : ان شاء الله أمي


    ملاك ابتسمت لأمي فاطمه وقالت : اهزبيهم يوم ييون أوكي

    أمي فاطمه : حتى انتي صرتي مثلهم

    ملاك تضحك : من عاشر قوما اربعين يوما صار منهم

    أمي فاطمه : انتي اقعدي تحرطمي وارمسي بسرعه ولا تفهميني شو تقولين

    ملاك تضحك : ماشي أمي ماشي ههههه
    /
    .
    /
    بدور منحرجه : ترا والله ما كان قصدي

    ميره ميته ضحك : ههههههههههههههه

    بدور : ميروووه اش فيج ترا والله ماكان قصدي

    ميره : ههههههه أدري حبيبتي أدري ..

    بدور : يعني أنا ما قلت له تعال وضمني ..!

    ميره تضحك : يعني أنا اللي قلت له روح وضمها

    بدور : عاد اش فيج تضحكين ..!

    ميره : معضد منحرررررررررررج

    بدور : لااازم

    ميره : اتحراااج أنا لأنه لابسين البدله نفسها

    بدور : اي وأنا بعد قلت جذي

    ميره : عادي حبيبتي وبعدين هو قال تأسفي منها لأني ما عرفتها

    بدور : أدري

    ميره : عاد خلاااص انسي السالفه

    بدور : اشلون أنسى وأنا أول مره يصير هالموقف

    ميره تبتسم : بتتعودين ..

    بدور مستغربه : اش قصدج ..!

    ميره : تراااج بتعرسين ان شاء الله

    بدور ابتسمت : اي دام جذي عادي ههههه

    ميره : ويا راسج .. ما عندنا بنات يفكرون جذي

    بدور : ههههه اش فيها كبرت خلاااص

    ميره ابتسمت : عاد ديري بالج المره اليايه

    بدور : اي حرمت البس مثلج

    ميره : أحسن ههههه

    بدور : ميروووه الحين معضد كيف خطبج

    ميره : جذي

    بدور : كيف جذي

    ميره : خالتي خطبتني له

    بدور : يعني انتي ما تحبينه وجذي ..!

    ميره : تبين الصراحه لأأأ وبعدين أنا اشووف الحب ايي بعد الزواج

    بدور : بس عادي الحب قبل الزواج

    ميره : هو عادي عندي بس تدرين ما تعرفين اذا بتتزوجينه ولا لأأأ

    بدور : اي صح

    ميره : ليييش في بالج في أحد ...؟؟

    بدور ارتبكت : لأأ لأأأ منو قال

    ميره : لأا بس أسأل

    بدور : وين معضد ..؟؟

    ميره : راح يصلي العشا

    بدور : آهاا

    ميره تضحك : يلا اطلعي بسرررعه قبل لا ايي

    بدور : اي الحق على روحي احسن لي ههههه
    /
    .
    /
    شوق تصيح : والله اني حاسه انه بيصير شي

    نور تمسح على راس شوق : ادعي له يقوم بالسلامه

    شوق : اصلا قلبي قابضني من يومين

    نور : اذكري ربك يا شوق مو زين اللي تقولينه

    شوق تصيح وتمسك يد أمها : يما عبودي بيقوم ولا لأأأ

    أم عبدالعزيز تصيح وتدعي : ان شاء الله يقوم يا يما ادعو له

    نور : خالتي لا تصيحين ادعي له

    أم عبدالعزيز : اشلون ما اصيح وهذا أخر عيالي اشلون يانور

    نور : ادعي له خالتي ادعي له

    الدكتور يطلع من حجرة العمليات .. عبدالعزيز وبوعبدالعزيز يتقدمون منه بسررررررررررعه

    عبدالعزيز : طمننا دكتور ..!

    الدكتور يبتسم : الحمدلله نجحت العمليه بس بدكووون تصبرو لـ حتا يفئ

    بو عبدالعزيز يبتسم وعيونه مليانه دموع : الله يبشرك بالخير يا دكتور

    أم عبدالعزيز تصيح : بشر يا بو عبدالعزيز بشر ..!

    بو عبدالعزيز : الحمدلله نجحت العمليه

    أم عبدالعزيز تصيح وتدعي : الحمدلله يارب الحمدلله

    عبدالعزيز ابتسم : يلا أمي ارجعكم البيت

    أم عبدالعزيز : لا أنا بقعد مع ولدي

    عبدالعزيز : والبنات ..؟؟

    شوق : لا نحن بنقعد عند عبووود

    عبدالعزيز : ما يصير يا شوق .. زحمه وبعدين نحن بمشفى

    أم عبدالعزيز : خلاااص خل ضاري يرجعهم وانت اقعد معاي ومع ابوك

    عبدالعزيز : ضاري بيروح مع براك عشان يخلصون الاجراءات .. خل نواف يرجعهم

    أم عبدالعزيز : يلا يا بنات ارجعو

    شوق تصيح : يما ما ابي

    أم عبدالعزيز : مو زين جذي يا شوق وبعدين حنا بمشفى

    شوق تهز راسه : اوكي خلاص نرجع بس أول ما يقوم بنيي

    أم عبدالعزيز : ان شاء الله

    عبدالعزيز : نواف رجعهم

    نواف يوقف ويقول بحزن وهو منزل راسه : أوكي

    نور تمسك يد شوق والهنوف : يلا بنات نرجع

    شوق ونور والهنوف يمشون ورا نواف ..

    شوق ضغطت على يد نور .. نور طالعتها .. فهمت اش تقصد ..

    نواف يوقف عند باب المصعد عشان البنات يدخلون ..

    نور تدخل ومعاها الهنوف .. وشوق دخلت وقفت يمب الباب .. دخل نواف ووقف بالجهه الثانيه .. بعد ما تصكر الباب ..

    شوق مدت يدها تضغط على حرف الجي عشان ينزلون للطابق الارضي .. ولا بنفس الدقيقه نواف يمد يده
    وتجي يده على يد شوق ..

    شوق سحبت يدها بسررررعه ...

    نواف ضغط عليه ورفع راسه التقت عينه بعيون شوق .. اللي كلها حزن ..

    شوق نزلت عيونها بالأرض ..

    نواف ابتسم وقال وهو كله حزن : ادعو ترا الصياح ما ينفع

    الهنوف : ان شاء الله

    نواف : تشربون شي ..؟؟

    الهنوف : لا شكرا

    نواف وهو يطلع معاهم : السياره ع اليمين ..

    البنات يمشون معاه .. نواف : شوق لا تسوين بروحج جذي ترا مو زين .. وبعدين عبود قام ..

    شوق نزلت راسها وقالت وهي تمسح دموعها : ان شاء الله

    نور ركبت أخر وحده وقالت : الهنوف ممكن تزيحين شوي ..

    نواف : وحده تيي تركب يدام

    الهنوف : لا عادي في مكان ..

    نور ابتسمت وهي تهمس للهنوف : ما يدري ان شافو وحده جدام بياكلونا

    الهنوف ابتسمت وقالت : هههه سكتي لا تفضحينا ..

    شوق وهي بداخلها تحترق .. ما تدري يا نواف ان حسرتي قاعده تزيد عليك يوم بعد يوم .. آآآه متى اتخلص من العذاب اللي أنا فيه قبل دقايق كنت أصيح لأن عبود تعبان والحين اصيح على حسرتي .. أصيح لأني معاك الحين وبعيش حياتي من دونك

    شوق : نواف

    نواف فز قلبه من طرت اسمه وقال : هلأأأ

    شوق : عبووود اش صار له بالضبط

    نواف : تدرين الأولاد يدورون بالسياكل ولا فجأأأه تيي سياره وتدعمه .. وحديدة السكل تدخل بيده .. بس ربج
    ستر ولحقنا عليه ويبناه المشفى

    الهنوف : الله يهديه اش كثر امي تقول له ينتبه

    نواف : الحمدلله انه قام بالسلامه وبعدين هذا مكتوب له

    الهنوف : اي صح ..

    نواف : وبعدين هو توه صغير والحمدلله ان الدعمه كانت خفيفه

    الهنوف : اش صار ع اللي دعمه

    نواف : طلع ريال زين وطلع من سيارته وساعد عبود لما نحن يينا

    الهنوف : فيه الخير والله

    نواف : أكيييد ما تبون شي من برع ..؟؟

    الهنوف : لا شكرا
    /
    .
    /
    روان مستغربه تطالعه : اي أدري يبا

    ابو روان : عاد اش فيج متغيره

    روان : لا متغيره ولاشي يا يبا

    ابو روان : روان انتي متغيره وايد على أمج

    روان : يبا لا متغيره ولاشي بس اهيه اسلوبها جذي ما ادري ليييش

    ابو روان : يما روان هدي بالج وبعدين هذي أمج لازم تستحميلنها

    روان : يبا اش كثر بستحملها لاهي من ثوبنا ولا حنا من ثوبها

    ابو روان مستغرب : اش هالكلام يا روان ..!

    روان : اي يبا وبعدين أمي اجنبيه ..

    ابو روان : ولو أجنبيه اش فيها يعني

    روان : ما فيها لو أجنبيه والله أمي على عيني وراسي ولو حتى كلامها مقطع بس يا يبا أمي مب مسلمه

    ابو روان : وانتي شكو .. لج من نفسج وبس

    روان : يبا اذا تباني أعيش معاها حل تستحملني وتستحمل طبعنا


    ابو روان : بكلمها

    روان : وما تتحكم فيني

    ابو روان : لا عاد جذي غلط .. أمج ادرى بمصلحتج

    روان ابتسمت بسخريه : هه مصلحتي وانت يا غافلين لكم الله

    ابو روان : روان اش هالكلام

    روان : يبا ماكو بس أمي وايد تتحكم فيني

    ابو روان : خلاااص بكلمها اليوم

    روان : تبي شي ثاني يبا

    ابو روان ابتسم : لأأ بس يايج بخصوص موضوع

    روان : هلا يبا .. أمرني

    ابو روان : ما يامر عليج عدو

    روان : ولا عليك

    ابو روان : واحد من الربع كلمني أمس ويبي يخطب لولده وقال انه يبي بنتي اللي هي انتي ..!

    روان مستغربه وقفت وقالت : أنا .................؟؟

    ابو روان ابتسم : اي انتي اش فيج ..؟؟

    روان مستغربه : لا يبا ماكو ...

    ابو روان : استغربتي ..؟؟

    روان : الصراحه اي فاجئتني ..!

    ابو روان : بس انتي كبرتي خلاااص

    روان : يبا مابي .. ابي أكمل دراستي ..

    ابو روان : انزين كمليها ما يصير شي

    روان : أنا ما افكر بالزواج حاليا

    ابو روان : انزين ما بنسوي عرس بس يخطبج وبعدين يملك عليج .. وبعد ما تخلصين العرس

    روان : والله ما أدري يبا

    ابو روان : فكري يا بنتي فكري

    روان : يبا أنا مابيه

    ابو روان : وانتي تعرفينه ..!! روان فكري وبعدين الولد ابوه تاجر معروف بالبحرين ..

    روان : أنا مابي أرجع البحرين

    ابو روان : ولييش هذي ديرتج وأنا ابوووج

    روان : أنا بكمل حياتي اهني

    ابو روان : عادي الولد بيي يعيش في دبي لأن ابوه عنده فرع اهني

    روان : أفكر يبا ويصير خييير

    ابو روان : عندج الوقت اللي تبين ..

    روان ابتسمت بحزن : عن اذنك يبا

    ابو روان : تو الناس بنتي ما سولفت معاج

    روان استغربت من اسلوب ابوها وقالت : يبا تعبانه بروح برييح شوي

    ابو روان : على راحتج بنتي

    روان صعدت .. ابو روان قال في خاطره : لااازم أمسكها من الحين لا يصير فيها شي باجر لا سمح الله ..

    وروان على كثر ما هي غاليه لااازم أزوجها من واحد باجر بيقدرها ويعيشها بعز ودلال مثل اللي أنا معيشها فيه ..
    /
    .
    /
    يوم السبت العصر ..

    أريج : يمـــــــــــــــــــــــــــــــا

    أم اريج : نعم بنتي

    اريج : اليوم مشتهيه جوانح دجاج

    أم اريج تضحك : تبين تطيرين

    اريج تبتسم : لا والله مشتهيه

    أم اريج : خلااص عاد بسوي لج

    أريج : أنا بروح بجهز لج كل شي بس انتي اطبخي أوكي

    أم اريج : ان شاء الله

    اريج تضحك : والله اني جوعانه وميته جوووع بعد

    أم اريج مستغربه : ما تغديتي

    اريج : لأأأ

    أم اريج : لييش ..؟؟

    اريج : ما اشتهيت الغدا بصراحه

    أم اريج : كيف ما تشتهينه يا بنتي وبعدين لااازم تاكلي ولا تهملي صحتج

    أريج : ان شاء الله ما .. يلا بروح بجهز كل شي

    أم اريج : يلا بس اسرعي قبل لا يأذن المغرب

    أريج : أوكي ثواااني

    أريج قامت بسررررعه وراحت للمطبخ تجهز أشياء الغدا ..

    أم اريج : أريج يما .. أريج

    أريج تطلع من المطبخ : نعم أمي

    أريج : تلفونج يرن

    اريج تروح ركض للحجره قبل لا يصكر .. وترد : السلام عليكم

    روان : وعليكم السلام

    اريج : هلا والله روان

    روان : أهلييين اريج ..

    أريج : شخبارج ..؟

    روان : بخير انتي شخبارج

    اريج : بخير الحمدلله

    روان : اش قاعده تسوين

    اريج : بروح بجهز اشياء العشا

    روان : آها ..

    اريج : ترا مب مشغوله قولي اش تبين هههه

    روان ابتسمت : عاد خلاااص مسافة الطريج وأنا ببيتكم

    اريج : حياج الله

    روان : احسبي حسابي ع العشا أوكي .. ولا تسوين شي لما ايي ابي أطبخ هههه

    اريج : أوكي يلا أنتظرج

    روان : مع السلامه

    اريج : مع السلامه ..
    /
    .
    /
    شوق تبوس عبدالله : عبادي حبيبي الحمدلله ع السلامه

    عبدالله يبتسم بتعب وعلى ويهه كدمات بسيييييييييطه .. لأن الضربه في اليد : الله يسلمج

    نور تبوس عبدالله وتقول : معافى يارب

    عبدالله : الله يعافيج

    ضاري يرمس ويقول : نور استحي هذا ولد خالتج تبوسينه

    نور انحرجت لأن كلهم في الحجره .. غير جذي عيال عمهم موجودين وحتى عمهم ..

    بو عبدالعزيز يضحك ويقول : يخس ابليسك يا ولد .. وبعدين عبدالله صغير مب كبيرررر

    ضاري ابتسم : حتى ولو يوم يكبر يتذكر هههههه

    أم عبدالعزيز : حسبي الله عليك من ولد أحرجت البنيه زين جذي ..!

    ضاري يضحك : أمزح انزييين

    الهنوف ابتسمت لـ عبدالله وقالت : سلامااات سلااامات ما تشوف شر يا توآمي

    عبدالله يبتسم : مستانسه لأني متعور ..!

    الهنوف ابتسمت : لا والله منو يقووول ..؟؟

    عبدالله يبتسم ويقول بتعب : ما في أحد يشد شعرج الحين ..!

    الهنوف : هههه لا والله لو كل يم تشد شعري المهم عندي سلامتك

    شوق تبتسم له : شفت كيييف كلنا نبي سلامتك

    عبدالله ابتسم : أدري

    بو براك : يلا عاد اسمحو لي بطلع شوي

    بو عبدالعزيز : وين تو الناس بو براك ..؟

    بو براك : عندي شوية شغل

    بو عبدالعزيز : لو بخصوص المعرض بيي معاك

    بو براك : لا انت اقعد مع عبدالله

    عبدالله : يبا لو تبي تروح روح لأنك من أمس وانت بالمستشفى .. يقولون حتى ما ريحت


    بو عبدالعزيز يبتسم : دام ولدي عطاني اجازه أوكي بيي هههه

    أم عبدالعزيز : اي انت ميت ع الشغل

    بو عبدالعزيز : شسوي من وأنا صغير ههههه

    بو براك : مره ثانيه الحمدلله ع سلامة ولدكم

    أم عبدالعزيز : الله يسلمك يا بو براك

    بو براك : بو عبدالعزيز أنطرك في السياره

    بو عبدالعزيز : أوكي الحين بلحقك

    عبدالله ابتسم : يبا متى بيطلعوني

    بو عبدالعزيز ابتسم : اش فيك مستعيل .!!

    عبدالله : ملل المشفى ..!

    بو عبدالعزيز : منو يقول لك لا تنبته وسوق بالشارع

    عبدالله : آسف يبا وبعدين أنا كنت منتبه بس السياره مسرعه

    بو عبدالعزيز : صار خير والمهم عندي سلامتك

    عبدالله ابتسم : مشكووور يبا

    بو عبدالعزيز ابتسم له وباس راسه وقال : يلا بمركم بليل ان شاء الله

    أم عبدالعزيز : الله وياك ..

    براك ابتسم وقال : أنا بعد بترخص ..

    أم عبدالعزيز : تو الناس ولدي

    براك : بروح مع عبدالعزيز ونواف نخلص شوية شغل

    أم عبدالعزيز : الله وياكم

    عبدالعزيز : مع السلامه يما

    أم عبدالعزيز ابتسمت : مع السلامه

    نواف ابتسم لـ عبدالله وقال : الحمدلله ع السلامه يالدب وتقوم بالسلامه

    عبدالله ابتسم له : الله يسلمك

    نواف مشى مع براك .. عبدالعزيز قال : يما خلي البنات يرجعون مع ضاري

    أم عبدالعزيز : اوكي ..

    عبدالعزيز : اليوم ضاري بيرقد عند عبود

    أم عبدالعزيز : لا أنا بقعد عند ولدي

    عبدالعزيز ابتسم : أدري بج تعانديني .. يلا فمان الله

    أم عبدالعزيز : فمان الكريم

    ضاري : متى بترجعون بنات ..؟؟

    نور : هو انطر شوي .. ما مدانا نقعد

    ضاري يضحك : تتحجى كويتي البنيه

    نور : انت خليت أحد بحاله .. والله انك طلعتني من طوري

    ضاري يضحك : هدي هدي

    عبدالله : متى يطلعوني يما ..!

    أم عبدالعزيز : بس تصير زين ان شاء الله

    عبدالله : يعني متى ...؟؟

    أم عبدالعزيز : قريب ان شاء الله ولدي

    ضاري : ويو ويو ويو .. راحت عليك الاجازه يا عبووود ..

    عبدالله : لا ان شاء الله بيطلعوني

    ضاري يضحك : منو قااال .. بتخيييس عندهم اهني ههههههه

    عبدالله : لا ان شاء الله بطلع

    ضاري ابتسم : وراحت عليك الاجازه يا بو حميد

    عبدالله : يما شوووفيه

    أم عبدالعزيز : ضاري خل الولد بحاله

    ضاري يبتسم : دافعي عنه دافعي عنه اش عليه

    أم عبدالعزيز : أخر العنقود لاااازم أدافع عنه

    ضاري : خلاااص عاد بروح بسوي حادث عشان تدافعين عني

    أم عبدالعزيز متخرعه : فال الله ولا فالك الله يحفظك يارب

    ضاري يبتسم : لا تخليني أصدق عمري واروح اسوي حادث

    أم عبدالعزيز : بعيد الشر عنك يا ولدي لا تقووول جذي .. يكفي أخوووك اللي مرقد
    /
    .
    /
    ميره : تعالي حسي والله حسي ..!

    بدور توقف بسرررعه وتروح لميره وتلمس بطنها : وين ما أحس

    ميره : ع اليمين المسي .. والله قاعد يرافس

    بدور : لا تحلفين يالدبه توج بالرابع .. بالسادس بيبدا

    ميره تبتسم : منو قال .. صدقيني قاعد يرفسني

    بدور تبتسم : يلا بحس فيه الشهر الياي

    ميره : لما تحملين بتعرفين

    بدور تحمر : فال الله ولا فالج

    ميره تضحك : هذي سنة الحياه يا بنيه

    بدور تبتسم : عاد قولي تزوجي .. موتقولين تحملين ..!

    ميره تضحك : البنت تستحي .. في البدايه من كل شي .. بس أخر شي الحياء يروووح

    بدور تبتسم : بس مع ذلك بكل المراحل اللي تمرها وصح انه يقل الحياء في أشياء كثيررره بس تظل المرأه
    تستحي

    ميره : شي طبيعي ان المرأه يكون فيها حياء

    بدور : شوفي مثلا انتي قبل الزواج كنتي تستحين من معضد .. بس بعدين صار شي عادي

    ميره : وكنت أستحي من انه يكون عندي طفل بس الحين خلاااص صار شي عادي

    بدور : شوفي هو على كثر ما يقل الا انه يظل بالمرأه حيا

    ميره تبتسم : اش فينا اليوم مستوين دبلوماسيات ونحل قضايا المجتمع

    بدور تضحك : ههههههه اي والله صدقج

    ميره : مو صوت معضد هذا ...!

    بدور : أعتقد ايه هو وحمداني

    ميره : والله مدري اش فيه زوجي ياخذ حمدان ويدور معاه

    بدور : يمكن متزوج ..!

    ميره تضربها بالفروحه وتقول : يالحيواااااااااااااانه

    بدور تضحك : أمزززززح انزيييييييين


    ميره تبتسم : اصلا زوجي فديته ياخذ ولدي عشان يخليني أنا ارتاح وانتي تدرين عاد حمداني ماشاء الله عليه شيطووون

    بدور : اي اشوفه مطلع لج قرووون

    ميره تفر عليها الفروحه وتقول : تأدبي يا بنيه

    بدور تضحك وتقول : والله لو مب انج حامل كنت بردها

    ميره تبتسم : مالت عليج يالدبه .. والله انج اي شي

    بدور : هذا ريلج يالس يدخل

    ميره تطالع صوب الباب : هلا بو حمدان هلا والله

    معضد يدخل وهو شايل حمدان ومعاه بوكيه ورد أحمر .. ويقول : السلام عليكم

    ميره وبدور يبتسمون : وعليكم السلام

    معضد يتجدم عن ميره ويقول : كيف الحال ..؟

    ميره : نحن بخير .. انتو اللي وينكم ضايعين ..؟؟

    معضد يبتسم ويعطيها الورد : رحنا نييب ورد لج

    ميره تاخذ الورد وتبتسم : مشكووور حبيبي

    حمدان يصرخ : هالورد أنا يبته

    ميره تضحك : ههههههه خلاااص مشكوور حمدان

    حمدان يعقد حياته : قولي لي حبيبي مثل بابا

    معضد يضحك ويقول : هالولد مب مخلي حد في حاله

    ميره تبتسم : الله يخليكم لي يارب

    معضد : حمودي قول لماما ويخليج لنا يارب

    حمدان : يارب

    ميره ابتسمت : اش فيج قاعده سمنديقه ..!

    بدور تبتسم وتقول : عايله مثاليه

    معضد يمزح وهو يقول : قولي ماشاء الله عن تصكينا بعين بس ..!

    بدور تضحك : تف تف تف عن الحسد ما شاء الله

    معضد يبتسم ويقول : خيستنا أختج تراها

    ميره تضحك : قلت حمدان وبدور طلعت أخس عن ولدك

    بدور توقف بصف أختها وتقول : أقول أنا حمدان طالع على منو .. ترا هذا الشبل من ذاك الأسد

    ميره ضحكت : اي والله وانتي الصادقه ..

    معضد : ميره تعالي اباااج شوي

    ميره تلحق معضد وتروح فوق ...

    بدور ابتسمت .. ياربي .. معقوله ..! معقوله بيوم من الأيام بكون جذي مع أحمد ونكون مع بعض ونعي
    ش حياااه حلوه .. وربي يرزقنا بولد يشبه حمدان وياخذ اطباعه ..!
    يارب متى بس ييي هاليوم وأعيش معاك يا أحمد .. متى ...؟

    حمدان : خـــــــــــــــــــــالو

    بدور : لا رد ..!

    حمدان : خـــــــــــــــــالو بدور

    بدور سمعته وانتبهت له : هلا حمداني ..؟؟

    حمدان : خالو حطي لي طيور الجنه ..

    بدور : ان شاء الله حبيبي

    حمدان : خالو انتي تحبينهم ..!

    بدور هزت راسها : اي حبيبي أحبهم

    حمدان : كلنا طيور الجنه صح ..؟؟

    بدور : اي كلكم حبيبي وبعدين كل الأطفال طيور الجنه

    حمدان ابتسم لها : حطي لي

    بدور : بس هاااا ..! اللي يسمع كلام أمه وابوه بس هو من طيور الجنه واللي ما يسمع كلام أمه وابوه
    الله ما يحبه

    حمدان هز راسه وقال : أنا شاطر أسمع كلام أمي وابوي

    بدور تضحك وتهمس : اي مبين ..! ما شاء الله عليك تخليهم يسمعون كلامك وانت ولا تسمع كلامهم ..

    حمدان ابتسم وهو يزاعج : خالو حطي حطي أنا رغــــــــــوده

    بدور تضحك : يخس بليسك من الحين عينك طويله .. يوم تكبر الله يستر عاد ..

    حمدان يبتسم وهو يردد الأنشوده مع البنيه وينقز ع الكنفات ..!






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



صفحة 4 من 4 الأولىالأولى 1234

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. اول رواية لي ابغيكم تشجعوني.."رواية :..غرامك غير وانت غير.."
    بواسطة بنــ ابوها ــت @__@ في المنتدى قصص الطويلة , الروايات
    مشاركات: 20
    آخر مشاركة: 15-11-16, 04:56 PM
  3. فتيات خليجيات يشاركن الشباب في التفحيص
    بواسطة soso88811 في المنتدى المنتدى العام General Forum
    مشاركات: 4
    آخر مشاركة: 13-07-01, 10:51 PM
  4. ثلاث خليجيات يمزقن ملابس عضو في الشرطة الدينية السعودية
    بواسطة حلوة الإمارات في المنتدى المنتدى العام General Forum
    مشاركات: 2
    آخر مشاركة: 12-08-14, 01:21 AM
  5. صور بنات خليجيات لا يفوتكم طررررررررررر
    بواسطة إحساس غالي في المنتدى المنتدى العام General Forum
    مشاركات: 10
    آخر مشاركة: 09-03-08, 07:31 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •