شلون تبيني انساج ... يوم القدر خلاني وياج
هاي اول رواية اكتبها و ارجو انها تنال على اعجابكم هي مب قصة واقعية
الكاتبة : بنت زايد
--------------------------------------------------------------------------
الرواية تتكلم عن بنت اسمها شما و هاي هي عايلتها و بشكل عام عن العائئلة طيبة و حبوبة و يسكنون في العين .
عائلة بوحمدان
بو حمدان ( سعيد) : ريال طيب عنده ولدين معرس من
ام حمدان (شيخة) : حرمة طيبة و هي ام شما تحب الخير
حمدان : اكبر ولد عمره 22 يدرس في كلية الشرطة مغازلجي و لكنه طيب و فكاهي و جميل
شما : اكبر وحده من البنات و هي شخصية رئيسية في القصة تدرس برع في كوريا و عمرها 18 و جميلة وطويلة
هند : ثاني اصغر وحدة عمرها 15 ثالث اعدادي متقدمة سنه هادية و غبية
عمر : آخر العنقود عمره 3 سنين
و يسكن في نفس البيت
عائلة بو زايد
بو زايد (راشد): هو اخو سعيد(بو حمدان) ريال طيب وعنده ولد و بنتين و معرس من
ام زايد (هند): حرمه طيبة و عندها و لدبنت وهم
زايد : اكبر واحد عمره 22 نفس حمدان و يدرس في كلية الششرطة و تقريبا صفاته نفس حمدان
شمسه : عمرها 18 و ههي اقرب صديقة لشما و حلوة وطيبة
ريم : اصغر وحده اول ثانوي عمرها 16 ذكية و شاطرة و هي دلوعة ابوها
___________________________________________

البارت (1)
القصة تتكلم عن بنت و هي انا اسمي شما ادرس برع بتحديد بكوريا ماضيه كان غلط في غلط كنت عادي اكلم رياييل و كنت ما تحجب كنت تقريبا ثالث اعدادي كنت اكلم واحد اسمه مايد كنت احبه و هو يحبني بسس تعرفون كان يجذب علي و انا عاد كنت ياهل ما افهم شي , بس يوم عرفت ان يقص علي يوم اهلي عرفوا تفاهموا وياي لاني باهل ما افهم و هو قص علي و منعوني من تلفوني حتى ثالث اعدادي ما سرت و سالفة كانت بينا و بين عمي بوزايد محد يعرف فيها وبعدين انا سافرت برع بس طيعا مب بروحي وياي عمي خالد (اصغر واحد من عمومي عمره 27 ) سافر معاي عشان يكمل دراسته برع بس طبعا انا اعرف اتكلم كوري و عدت لغات بس بعدني ما البس شيله و لا عبايه كل بناطلين و قمصان قعدت في كوريا تقريبا 3 سنين طبعا كنت ماخرة سنه و الي هي ثالث اعدادي الي ما سرته بسبب غلطه ارتكبتها بس طبعا محد يعرف بسالفة غير العائلتين و هي اهلهي و عائلة بو زايد و عمي خالد طبعا كناا يوم الخميس (وراء بااجر) بنرد العين انا و عمي و بكمل ثانوية عامه في العين .
في العين و تحديدا الساعة 10:30 الفليل
ام حمدان : وراء باجر شمووه و عمها بردون
بو حمدان : صدق و الله زين تمر الايام بسرعة اشتقت حق بنتيه من 3 سنين ما جفتها
و يدخل حمدان في صاله لان ابوي و امي كانوا قاعدين فيها
حمدان : سلام عليكم ( و باسهم ع روسهم )
بوحمدان + ام حمدان : و عليكم سلام
بو حمدان ليش ياي متأخر زاايد ياي قبلك
حمدان : خذتنا سوالف ويا ربع
ام حمدان : وراء باجر اختك بترد
حمدان : صدق يس ما جفتها من زمان آخر مرة جفتها الشهر الي طاف كنت اكلمها من سكايب
وراح حمدان ند شمسه و زايد الي كانوا قاعدين في صالة الي فوق
حمدان : هلا والله بولاد عمي الحلوين
زايد : هلا بولد عمي الخسف هههههه
شمسه تنقع من ضحك
حمدان :بسكم ضحك المهم عندي خبر بمليون درهم
شمسه : شو هو
حمدان : اول شي ييبلي العصير
شمسه : بزقر البشكارة
حمدان : لا اريدج انت تيبينه
شمسه : اوف منك
و سارت ويابت العصير
حمدان : امممم
زايد : شو الخبر الي بمليون درهم
شمسه : يلا قول يبنالك العصير
حمدان : شو ها الفضول يقولون الفضول قتل عجوز يوم بتعيزين بتموتين من الفضول
زايد : اذا كان الخبر صدق يستاهل بكلم عمي و عمتي و ابوي و امي ان العائلة كلها بنسير العزبة
شمسه : صدق يلا حمدانووه قول
حمدان : انزين بقول وراء باجر الي هو الخميسسسس نسيت شو كنت بقول ( يبا يعصبهم )
شمسه : حمدانوه بتقول و لا بفلعك بنعال
حمدان : خلاص بقول يوم الخميس شمووه و عمي برجعون من كوريا
زايد : صدق
و شموس تصرخ و تقول: و الله اشتقت حق شمووه و حق عمي خلوود
زايد : عيل يوم برجعون اليوم الثاني بنسير العزبة
يطلع بو زايد من الحجره و يقول : جفيكم اتصرخون صوتكم سمعوه كل الفريج
زايد : ابوي يوم الخميس بترجع شمووه و عمي خالد
بو زايد : صدق و الله هذا احلى خبر سمعته اليوم
و راحوا الكل يرقدون
و قاموا رياييل و راحوا دومات اما شمسه قإجازة و كانت راقدة و ام زايد و ام حمدان كانوا يسولفون تحت في صاله و كانت الساعة 8 الصبح
اما في كوريا كانت الساعة وحده الظهر كنت انا نايمة و عمي خالد واعي من الصبح
عمي : شموووه يلا قومي جهزي شنطتج و بنسير نتغدى
رديت : امممممممممممم اريد ارقد شوي
كان في كوريا اجازه اسبوع الي طاف مخلصين المدرسة اما في العين كانوا منشهر ماجزين يعني قبلنا
قومني عمي و قمت اتغسلت و تسبحت اتلبست و سرنا نتغدى و سرنا اشترينا اغراض هدايا حق الاهل لان باجر بنرد الامارت و الله اشتقت حق بلادي و اهلي و بيتنا
ردينا البيت وقعدنا انسول انا و عمي و طبعا عمي مسولفجي قعدنا انسولف لين الساعة ست عند ست رحت جهزت الشنطة و عمي جهز شنطته
قلت : خلود (هو ما يحب حد يناديه عمي فعشان جي ناديته خلوود)
عميه : لبيه يا بنت اخوي
قلت : اتمنى ان الوقت يمشي بسرعو اشتقت حق بلادي و العين دار زين واهلي تعال عمي متى الطيارة
رد : كم مرة قلتلج لا تناديني عمي تراني ازعل
قلت : سوري شوسي هاميدا
لادي عمي : و الله اني ما ازعل منج ازعل من الكل و الله ازعل منج ههه كملي اتكلمي كوري
قلت : قولي احبج شمووه بالكوري
رد :تامنشي سارا همنيدا
قلت : و الله بنشتاق حق كوريا و اهلها وربيعاتي و ربعي
رد : و الله و عرفت امج سواد ويهج الي سوتي هني بتذبحني انا وياج
قلت : عادي انا بقولها
رد : فديتج حبيبة عمج انتي
رديت : اي نو
رد : هههههه اقول يوم بنرد البلاد بتلبسين شيله و عباه؟؟
رديت : بفكر بس يمكن لا
رد : شعليج ابوج مايقدر يقولج شي انزين لا تنسين وعدج
رديت : اي وعد
رد : مسرع ما نسيتي قلتلج دوريلي حرمه يوم نرجع
رديت : فالك طيب خلوود
رد : فالج ما يخيب و الله لو ما كنتي بنت اخوي جان عرستج بس كنت بلبسج شيله و عباه غصب
رديت :هههههه
اما في العين الساعة وحدة كانو يتغدون
بو زايد : الحين صدق شمووه و اخوي بردون باجر
بو حمدان : صدق اليوم بنكلمها بس مسرع ما وصلت الاخبار
زايد : ترى عنا واحد مستولنا صحفي اول ما يسمع خبر سيده يتشره
حمدان : احم احم تراني موجود
الكل: ههههههههههههه
زايد : عيش لحم
شموس : ترى غدانا عيش ولحم
حمدان : اوف متى بترجع اختيه اشتقتلها اريد العوزها
شموووس : اشتقت حقها حبيبتي شموووه متى بترجع
زايد : و نسيتوا عمي
حمدان : ما نسيناه
بو حمدان : بسكم هذربة خلصوا غداكم و بعدين بنسير اندق حق شمووه بنرمسها بس الحين ساعة كم عندهم
حمدان : الحين ساعة كم
ام زايد : ساعة 1:23
زايد : يعني الحين عندهم اامم 6:23 المغرب
بو زايد : زين عيل يعني ساعة ثنتين بندقلهم بتكون عندهم سبع المغرب
شموووس : اوف متى بتييي ثنتين اريد اكلم شموووه
بو زايد : لا حبيبتي اول شي سعيد و شيخة بكلمونها بعدين انا و امج بعدين حمدانوه و زيود بعدين انتي
حمدان : مسكينه عاد انا سوالفي وياه ما بتخلص
شموس في داخلها : اوف شو ها
عموري : انا بكلم ثمووه اول ثي
ريم : و نحن نسيتونه انا و هنود
بو حمدان : انتي و هنووود اخر شي
عموري : انا اول واحد بابا
حمدان : اننت اخر واحد بتتكلم
ام حمدان : لا بخلي عموري اول واحد يتكلم
شموس : مسكين قفطوه
بعد ما خلصوا الغدا
طرش ابوي البشكارة تيب تلفونه و دقوا ورديت انا لان عمي كان يتسبح
شموه :ابو (معاناته الو بالكوري)
ابويه : يا بنتي شو تقولين
رديت : اونه ابويه و الله تحسبتك واحد كوري شحالك ابويه
ابويه : و الله تمام يوم سمعت ها صوت
رديت : تسلم باباتي
ابويه : ربي يسلمج ليش راده ع تلفون عمج
رديت : لان هو يتسبح و انا رديت
عموري : بابا اريد اكلم ثمووه
قلت : ابوي عطني اكلم عموري
ابوي : هاج كلميه
عموري : ثمووه يبيلي حواوه و لعبه لوك
قلت : لا سلام لا كلام حبيبي يبتلك وايد
عمري : هي هي يا بتلي ثمووه حواوا و العاب
سحبت امي تلفون من عموري
امايه : ها بنيتي شحالج
استهبلت و قلت : انتي منو ما عرفتج
امايه : سافرتي ثلاث سنين و نسيتي امج
رديت : امايه ما نسيتج ما اسو شي لو نيسيتج بس كنت استهيل
بو زايد : عطيني اكلمها
امايه : خذي عمج يبا كلمج
كلمني عمي و عمتي ويوم وصل التلفون عند حمادون
قال : شموووه اختي حبيبتي اشتقتلج
رديت : من وين طلع هل حب كله هههه




قال : و الله اني اشقتلج متى بتيين
رديت : باجر المغرب بكون في بلاد
رد : والله لاستقبلج انا
رديت : استناك يا اخوي العزيز ناني ديستين اي سارا هميندا
رد : شو
قلت : يعني احبك يا اخوي
رد : و الله حتى انا يا اختي اموت فيج يوم تردين علميني كوري دوريلي وحدة حلوة هناك بعرسها
رديت : فالك طيب بييبلك ملكة جمال كوريا ههه
رد : فالج ما يخييب
يقاطعة زايد : يا عمي بسك نبا انكلمها نحن
قلت : عطني اكلم زيوود بس باجر برد بسولف وياك لين ما تمل
قال: و الله ما امل منج يا اختي هاج زيوود
و عطاه الفون لزيود
زيوود : هلا بنت العم شحالج
رديت : جوايو يعني بخير و انته
زيوود : دامج بخير انا بخير
قلت : شحاله يا المغزلجي هههه فضحتك
قال : ههه يلا مسكي شموس تبا تكلمج شوي بتذبحني اتجوفني بنظرات
رديت : هههه عطني ياها
شموس : هلا و الله ببنت عمي
رديت : هلا قلبو شحالج حبي
رد : والله بخير حبي اشتقتلج
رديت : مي تو
حمدانووه: جنها اتكلم حبيبها مب بنت عمها
الكل ما عدا شمووس : ههههه
شمووس : غيران حبيبتي
قلت : سمعتك و حسابك باجر
شموس اتقول :ك اتقولك سمعتك و حسابك باجر
حمدانوه : بتذبحني بس عادي
سحبت ريموه الفون
ريموه : هلا بالحب
رديت : هلا بالقلب
شموس : الله ياخذج ما خليتيني اسولف وياها
زايد : كل ها وبعدج ما سولفتي
حمدانووه :اقول انجبوا
ريمووه : قلبي يحشون فيج
حمدانوه : اختي مستويه مغازلجيه اتغازل البنات
ردت : سمعتك و الله باجر اذبحك
حمدانووه : بتخش وراء زيوود
جان تسحب هنود التلفون
و قاللتهم : والله انكم ما تستحون خليتوني اكلم اختي اخر واحده
و قعدت اكلم هندوه و طلع عمي من الحمام
عميه : يا منو تتكلمين
رديت : ويا حبيب القلب
قال : سلمي عليه
سمعاه ابوي لانهم كانوا حاطين اسبكر
ابوي : صدق انك ما تستحي تخلي بنتي اتكلم رياييل
الكل:ههههههههههههههه
عمي : اونه ابوج خيبة
و عطيت عمي يكلم الفون لين ماسكر قعدنا ثلاث ساعت انسولف لين الساعة 10 و بعدين انا و عمي رقدنا عشان باجر الصبح ورانا سفرة
كت
شو رايكم بالقصة؟؟
اتظنوون هل الماضي باثر بشما و هل هي نست مايد ؟؟