تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4

الموضوع: سوؤد النوايا

  1. #1
    عضو جديد
    الحالة : 6afi غير متواجد حالياً
    رقم العضوية : 123625
    تاريخ التسجيل : 27-08-13
    الدولة : UAE
    الوظيفة : Student
    الجنـس : انثـى
    المشاركات : 4
    التقييم : 10
    Array

    Cool سوؤد النوايا


    رواية سود النوايا
    السلام عليكم
    اليوم حبيت ارويلكم روايه انا كاتبتنها
    الي هي : " سؤد النوايا "
    طبعا انا سميتها " سود النوايا " لان في نص شخصيات القصه نواياها سوده
    و ان شاء الله تحبونها ^^
    الهدف من الروايه : تعرف على مشاكل اجتماعيه جديده
    نبدأ
    .
    .
    اعرفكم ع الشخصيات :
    عايله بو حمدان :
    بو حمدان الابو , يشتغل ف الشرطه , يحب عايلته , طيب , ما يردلهم طلب .
    ام حمدان : ربة بيت , تحب ادلع عيالها , كله ويا عيالها , تسمع سوالفهم , تحب تقعد وياهم .
    حمدان : غرشوب , يشتغل ف الطيران , ما يعرف عن سوالف الحب , بس يعرف الحب من اول نظره , يحب امه و ابوه
    لطيفة : فيها جمال , طيوبه , ف الجامعه سنه ثانيه , تعرف عن سوالف الحب , ما تحب النفسيات , تضحك ع كل شي .
    راشد : جميل , اصغر واحد من اخوانه , ف الثنويه , راعي تكنلوجيا و حركات , يحب ابوه و امه , يحب يقرا كتب
    عايله بو محمد :
    بو محمد , يشتغل ويا اخوانه كلهم ف الشرطه , شديد , احيانن طيب , عصبي
    ام محمد : طيبه مب نفس بو محمد , ربة بيت , حبوبه
    محمد : غرشوووب , يشتغل في الطيران بس مب نفس تخصص حمدان , مايحب سوالف الاولاد اللي الحين طايحيبها , حبيب امه
    حمده : اخر العنقود , جامعه سنه ثانيه , تحب تضحك , و تحب تقعد مع اخوها و تفضفضله , كله ويا لطيفة
    عايله بو سيف :
    بو سيف : بارد , يحب ولده الوحيد سيف , يشتغل مع اخوانه ف الشرطه
    ام سيف : حنونه و طيبه , ربة بيت , تحب الترتيب و الشغل العدل
    سيف : نفس ابوه , بارد , يعرف عن سوالف الحب بس ما يواطنها , يشتغل ف الجيش .
    .
    .
    بعض من الشخصيات راح تظهر ف الروايه ف ماحيتاي اوصفها


    البارت الاول :


    الساعه 6 المغرب
    ام حمدان توعي حمدان
    ام حمدان : قوووم بسك رقاد
    حمدان : هاااا يعني انا ياي العصر من الشغل تعبان بعد ورايه شغله الساعه تسع ليش توعوني الحييييين
    ام حمدان : قووووم يا ولدي قوم اعمامك ياين عازمينهم ع العشى تعشى اقعد وياهم و روح شغلك
    حمدان : اوووووووب جان قلتيلي " نقز حمدان من الفراش حب امه ع راسها و راح الحمام ياخذله شور "
    ام حمدان تقول ف خاطرها : هههه شياه نقز يوم قلتله ان اعمامه بيون !

    عدال غرفه حمدان غرفه لطيفة
    لطيفه : الحين بتي حمدوه لازم ارتب غرفتيه و اتعدل !
    دخلت عليها ام حمدان : يالله ياين العرب رتبي غرفج بسرعه و تعدلي
    لطيفه : ان شاء الله امي سيري جوفي رشود شو سوى
    ام حمدان : ان شاء الله
    لطيفه سارت الحمام تغسلت تلبست رتبت غرفتها يوم خلصت عدلت شعرها و نزلت تحت تزقر الخدامه تيب دخون

    ف غرفة راشد
    ام حمدان ادق الباب : رشوود رشوود
    راشد : ها امي ياي ياي اعدل غرفتيه
    ام حمدان : يالله تلبس بسرعه
    راشد : ان شاء الله

    ام حمدان نزلت تحت المطبخ اجوف العشئ
    لطيفة : ها اميه جوفي عدلت السندويجات ههههه
    ام حمدان : ههههه طاع الخبله اجوف حطيله شوي طماط
    لطيفة : " راحت تيب الطماط و قصته بشكل مرتب و زينتبه الصحن "
    ام حمدان : لفي هاي شويه
    لطيفة : هيه الحين احلى !
    يت الخدامه : مدام هدا جوس وين انا هتي
    لطيفة : صبري شوي " طلعت ليمون قطعته و زينت الكوب بشكل حلو "
    ام حمدان : جيه احسن يالله روز سيري حطيه فوق الطاوله
    لطيفة : امي شرايج اول شي مقبلات يوم يسولفون و جي بعدين نحطلهم العشى
    ام حمدان : هيه صح عاد الريايل يحبون يسولفون سوالفهم ما تخلص
    لطيفه : ههههههه خلاص عيل بنحطلهم بسكوت و جاهي خلها بعد تحط فواكه
    ام حمدان : هيه زين
    دخل عليهم حمدان : هااه شو سويتو تراني يوووعان
    لطيفه : دومك يوعان
    حمدان : " ضرب لطوف ع راسها " هههههه ويا ويهج حق شو البسكوت و الجاهي بعد الا بيتعشون هم ؟
    ام حمدان : مقبلات ع قولت اختك بعدييين بنحطلهم العشى

    حمدان : خذله حبه بسكوت و ظهر فجاه رن تيلفونه
    المتصل : محمد
    حمدان : اوب حمود
    رد و قال : هلااا والله بتنورون اليوم !
    محمد اهلييين لك وحشه كل هذا شغل هههههه
    حمدان : ههههههه شو نسوي بعد
    محمد : تراني الحين ياي كل واحد ياي بسيارته ههههه
    حمدان : لهدرجه مشتاقلي ؟
    محمد : ويا ويهك انته حد يشتاقلك ترا وايد عطيتك ويه ههههههه
    حمدان : هههههههههههه ماعليك ويا ويهك ما بخليك تاكل عيل
    محمد : اصلا انا مب متغدي مخلي معدتي فاضيه عشان هالعشى
    حمدان : هيه ماعليه بنجوف اذا بتاكل ولا
    محمد : بخبر عليك امك
    حمدان : هههههههه وين وين منو ؟
    محمد : امك
    حمدان : طااااع امي اصلا ما بتسويلك سالفه قال امك قال سير سير ماشي اكل رد بيتكم هههههههههه
    محمد : ماعليه يالله يالله دوار جدامي باي
    حمدان : باي

    نزل راشد : صبر صبر حمدان بتتمشى برا ؟
    حمدان : هيه تعال
    مشى راشد ويا حمدان
    راشد : ها شو سوون البنات
    حمدان : ماشي شكله العشى بيكون طرر
    راشد : منو كنت ترمس
    حمدان : هذا حمود داقلي اونه مشتاقلي
    فجاه : يا محمد وراهم و قال
    محمد : منوووو قال اني مشتاقلك و برك فوق حمدان
    راشد : هههههههههه
    حمدان : خوووز عني من وين ظهرت انته
    محمد : ظهرت من سيارتي
    حمدان : حرمااان اكل سنه
    راشد : هههههههه بسك فجه
    محمد : ها بفجه بس يخليني اكل
    حمدان : خلاص خلاص بتاكل
    محمد : زين بعد




    و تمشى و ياهم
    محمد : ها شو عشاكم ههههههه
    حمدان : ما بقولك
    محمد : احسن
    راشد : بسكم تضاربون من الصبح

    سكتو
    و يو سيارتين
    سيارت بو سيف و سيارت بو محمد
    نزل سيف : هلااااا "توايهو"
    سلم عليهم و تمشى وياهم

    يا بو سيف يسلم ع الشباب يا بعد بو محمد يتمشى وياهم ونزل بوحمدان يسلم عليهم ويدخلهم الميلس
    و البنات حمده ام محمد ام سيف دخلو داخل و سار حمدان المطبخ يقول حق امه انهم وصلو
    راحو استقبلوهم

    قعدو ف الميلس الا محمد و حمدان قعدوا يتمشون برا
    حمدان : ها شو الشغل وياك ؟
    محمد : الحمدالله تمام بس مليت كل يوم دوام من زمان ماخذت اجازه
    حمدان : هيه والله شو رايك نرمسهم ونسير المزرعه هالويكند
    محمد : والله انها فكره .. قوم قوم نسير نشاورهم
    دخلو محمد وحمدان الميلس والكل كان يسولف ويضحك قال حمدان بصوت عالي عشان كل حد يسمعه :
    ابويه شرايك نسير هالويكند المزرعه يعني نغير جو وترا كلكم بتسيرون محد يطلع اعذار
    طالعهم بوحمدان وقال: هيه والله منها نغير جو ونتيمع كلنا نونس البنات عقب الامتحانات
    محمد : شرايكم بعد نطلع شوابنا يدوه ويدي عشان يغيرون جو بدال ماهم متجابلين طول اليوم

    من صوب ثاني
    لطوف وحمده يالسات فزاويه ويسولفن
    لطوف : والله ماصدقت من الله افتك من هالامتحانات اخيرا اجازه وبرقد شرا الناس
    حمده : عااد انا بفتك من حشرة السير وصدعة البنات اللي حركاتهن مالها داعي
    لطوف: عنبوهن زاد اللي مايستحن دلع ع الفاظي
    حمده : الله يهديهن ان شاءالله
    وتيهن ام حمدان وتقول : هاا اشوفكن منخشات عن شو تسولفن
    لطوف: ماشي ي امايه يالسين نسولف عن الجامعه وحشرتها
    ام حمدان: هييه ... يلا نشن ترا حطينا العشا

    نشن كلهن بيتعشن
    والبنات يالسات ع العشا دق ابو حمدان لأم حمدان وقال : الو هلا ام حمدان شو تسون ؟
    ام حمدان : ماشي والله يالسين نتعشى
    ابو حمدان : هني وعافيه .. اقولج شاوري الحريم نبا نسير المزرعه هالويكند وقوليلهن يتزهبن ولا يطلعن اعذار لان كلهن بيسيرن غصب !!
    ظحكت ام حمدان وقالت : ان شاءالله ي بوحمدان
    سكرت ام حمدان وقالت بصوت مسموع : يقولكن بوحمدان تزهبن ترا هالويكند سايرين المزرعه
    صرخن البنات : يييسسسسسسسس







    التعديل الأخير تم بواسطة 6afi ; 13-08-28 الساعة 05:27 PM

  2. #2
    عضو جديد
    الحالة : 6afi غير متواجد حالياً
    رقم العضوية : 123625
    تاريخ التسجيل : 27-08-13
    الدولة : UAE
    الوظيفة : Student
    الجنـس : انثـى
    المشاركات : 4
    التقييم : 10
    Array

    افتراضي رد: سوؤد النوايا


    بارت 2

    قالن ام محمد و ام سيف : نتلاقى ان شاءالله
    لطيفة : امايه باقي يومين احس مافيني صبر !!
    حمده : حتى انا احس تحمست للسيره
    لطيفة: شرايج تباتين عندي ونسير ربااعه المزرعه
    حمده : يليييييييت والله دخيلج رمسي ابويه يمكن يقتنع اذا رمستيه
    لطيفة: خلاص اوك بقوله ولايهمج
    ف الميلس
    بو محمد : يالله انجوفكم ع خير
    بو حمدان : لا وييين
    بو محمد : ورانا تزهيب حق المزرعه
    بو حمدان : انزين صبرو شوي
    محمد : انا بطلع شويه
    حمدان : وين وين
    محمد : بسير شويه
    حمدان : اوك بييك بعد شوي خلني اسمع السالفه
    محمد : انزين
    ف ميلس الحريم !
    لطيفه : ملللللل قومي نتمشى فالحديقه
    حمده : تريي بشرب العصير
    لطيفه : اف قعدي محلج بسير انا
    سارت لطيفه صوب الحديقة
    كان المكان مظلم
    محمد كان يتمشى و كان ما يجوف شي
    بطلت لطيفه الليت
    جافت محمد جدام ويها
    صرخت لطيفه
    و محمد رد ع ورا تخرطف محمد طاح ع الحصى و دووخ
    لطيفه ما عرفت شو تسوي طالعت الباب يتبطل و جافت حمدان
    صرخت قالت : حمدااان الحق محمد طاح
    حمدان يربع يربع
    قالت لطيفه : لا تقول حق حد دخيلك اللحين بيروحون رش عليه ماي
    و يت حمده : شووووو مستوي
    لطيفه مرتبكه : محمد طاح من الظلام لا تقولين حق حد
    ياب حمدان ماي الرش حق الزراعه رشو محمد بالماي قام وكان مدوخ و شله حمدان ساروبه المستشفى
    تمت لطيفه تصيح وتقول : كله مني والله ماكنت اقصد اخاف ياه شي جايد
    حمده تهديها : ان شاء الله مافيه الا العافيه ... وتدق لمحمد ومايرد
    دقت لطيفه لحمدان وسئلته شحاله محمد ياه شي ؟
    حمدان: ماعرف توه داخل عند الدكتور
    لطيفه انترست عيونها دموع ومارامت ترمس
    حمدان : لطوف لا تحاتين ان شاءالله مافيه الا العافيه
    صاحت لطيفه مارامت ترمس جان تشل حمده التيلفون عنها قالت لحمدان : الو لطيفه ماتروم ترمس احين يلا باي وسكرت
    تم حمدان سرحان بصاحبة الصوت وفجأه طلع الدكتور
    حمدان : ها دكتور خير ان شاء الله
    الدكتور : الحمدالله تقدر توديه البيت
    ظهر محمد من الحجره وسارو السياره
    فالسياره
    حمدان :ماتشوف شر يالغالي
    محمد ضحك ضحكه خفيفه : الشر ماييك
    حمدان : لطوف هناك متروعه عليك
    سكت محمد .. شافه حمدان ودق للطوف
    حمدان: الو
    لطوف : هاا بششر
    حمدان : نحن فالطريج ومحمد مافيه شي الحمدلله
    لطوف: الححححححممدد لله
    حمدان : سيري حجرتيه ظهريله كندوره وسفره عشان محد يشك
    لطوف: اوك
    سارت لطوف وتمت حمده فالحديقه روحها
    ظهر بومحمد و بو حمدان وبوسيف فالحوش
    يتهم حمده وسألها بومحمد: وين محمد
    حمده بارتباك : ظهر ويا حمدان من شوي
    بوحمدان : وين سارو ؟
    حمده: مادريبهم !!!
    يت لطيفه وانتبهت انهم فالحوش خشت الكندوره وسارتلهم .. شافها بومحمد ورحببها .. شاف عيونها متنفخه وخشمها احمر قالها : لطوف شوفيج ؟؟
    لطوف ابتسمت : مافيني شي بس صدعت شويه
    بومحمد: ماتشوفين شر خذيلج بندول وان شاء الله بيخف
    لطوف نزلت راسها وقالت: عمي ماعليك امر عادي تخلي حمدوه تبات عندي وفالويكند بنسير رباعه المزرعه
    سكت بومحمد وماحب يردها وقال: برايها خليها تونسج وتونسينها
    تقربت منه لطوف وباست راسه
    ابتسملها وقال: يلا اكرمكم الله نتلاقى ع خير ان شاءالله
    بوسيف : ع خير ان شاءالله يلا مع السلامه
    بوحمدان :فداعة الله
    ودخل بوحمدان الصاله عند ام حمدان
    شوي ولا تدخل سييارة حمدان ومحمد .. لطوف عدلت شيلتها وحمده بعد
    نزل محمد وقال لحمده :وين الكندوره هاتيها يلا ابا اسير البيت
    حمده: مادري وين حطتها لطوف
    لطوف منخشه ورا حمده قالت ببراءه وهي تلعب بصبوعها : اممم محمد الحمدلله ع السلامه والسموحه والله ماكنت اقصد
    محمد : الله يسلمج وعادي حصل خير
    طالعته لطيفه وسارت تيب الكندوره
    محمد قال لحمده: حمدوه يلا مابتسيرين!!
    حمده: لا انا بيلس عند لطوف وبنسير المزرعه رباعه
    محمد : ابويه يدري ؟
    حمده : هيه
    يت لطيفه ويايبه الكندوره عطتها محمد وسار حمام الميلس يبدل
    نزل حمدان من السياره وهو ماسك التيلفون ويقول : حياك الله .. مع السلامه
    شاف حمده من بعيد وسرح .. شوي ويطلع محمد من الحمام وقال: يلا حمدان بسير البيت انا
    حمدان: وين تسير وانته بهالحاله
    محمد: بسير ماعليه شر ان شاءالله
    حمدان : والله ماتسير روحك انا بوصلك
    محمد: يارياااااال ليش تحلف
    حمدان: جب يلا وركب
    محمد هز راسه وركب السياره
    صدفه يوم وصلو بيت محمد بومحمد كان فالحوش واستغرب ان محمد ياي ويا حمدان وسار صوبهم قال لمحمد: محمد!!! وين سيارتك ؟






  3. #3
    عضو جديد
    الحالة : 6afi غير متواجد حالياً
    رقم العضوية : 123625
    تاريخ التسجيل : 27-08-13
    الدولة : UAE
    الوظيفة : Student
    الجنـس : انثـى
    المشاركات : 4
    التقييم : 10
    Array

    افتراضي رد: سوؤد النوايا


    بارت 3

    محمد : فبيتهم كنا نحوط انا وحمدان وخطفنا عدال البيت وتعايزت اسوق قلتله يخطفني هني
    فبيت بوحمدان
    لطيفه منسدحه ع شبريتها وتفكر باللي صار اليوم وتنهدت يتها حمده ع غفله وقرقطتها وقالت : بشششووو تففككريين
    لطيفه ظحكت : ماشي قومي عني
    حمده : انسدحت عدالها وقالت شرايج نطالع فلم
    لطيفه : اوك شوتبين عندي كل شي
    حمده : ابا اجوف فلم اسمه 007
    لطيفه : هيييه طررررررر
    حمده : يالله
    راحت لطيفه تيب الماك مالها و دخلت الشريط
    وسارت حمده صوب الثلاجه تطلع الحلاوه اللي فيها ويلسن يطالعن الفلم
    من صوب ثاني فبيت بوحمدان
    كان حمدان يالس فحجرته ويفكر بصاحبة ذاك الصوت وقال يبا يسير عند لطوف يسولف وياها ويغير مودها شوي
    ظهر من حجرته وهو يغني : مسمعي مدمن على صوتك واتصالك زيد ادمانه
    دخل حجرة لطوف شهق ونزل راسه وقال اسف اسف وظهر وسكر الباب بقو
    حس باحراج وطرش للطوف مسج : منو عندج
    ردت عليه : حمدوه :@
    حمدان : شوفيج بسم الله
    لطوف: انته ويا راسك ماتعرف تدق الباب فطست البنت من الظحك
    حمدان: وانا شششدراني ان حد عندج :@
    لطوف: اص يلا خلني اكمل الفلم
    يلس حمدان يظحك ع عمره تذكر محمد وطرشله مسج : شحالك الحين ؟ ويلس يترياه يرد مارد
    حمدان : شكله راقد .. يحليلك ي محمد
    انسدح ويت فباله حمده
    عند حمده و لطيفه
    لطيفه : ممممم حمدوووه
    لطيفه : هاا
    لطيفه : شرايج نسوي شي خطيير
    حمدوه : والله فكره
    لطيفه : عندي فكره بنحجزلنا فندق بعد ما نسير المزرعه بروحنا
    حمده : هيه والله
    لطيفه : " فجت الايباد و دخلت ع بوكنقن "
    حمده : الله هذا شكله حلو
    لطيفه : هيه خلاص انا بشاور ابويه بتين ؟
    حمده : اوكيه
    نزلن تحت
    لطيفه : ابويه عادي نسير نسكن فندق ف دبي ؟
    بو حمدان : والله ما ديربكن
    لطيفه : امي دخيلج نبا نغير جو !!
    ام حمدان : خلاص عيل بس متى بتسيرين ؟
    لطيفه : امم شكلنا بنسير بعد سيرت المزرعه ب اسبوع عادي نحجز من اللحين ببطاقتي الفيزا ؟
    بو حمدان : اوك خلاص تم
    " لطيفه راحت تحب راس ابوها و امها "
    و قالت : ربي لا يرحمني منكم
    و سارت فوق و هي متحمسه
    و حمده تقول : يسسس
    و وقفت حمده شوي
    لطيفه : شفيج وقفتي
    حمده : هههههه انا اهلي بيرضون ولا ؟
    لطيفه : اووووه نسيييت بعد انتي مالج حس
    لطيفه كانت ف نص الدري جان اتقول بصوت عالي
    لطيفه : ابووووويه رمس بو محمد يخلي حمده تييي دخييلك
    بو حمداان : خييييير خيرر ان شاء الله برمسه ف المزرعه
    حمده فرحت و قالت : يييسسسس
    و راحن فوق يسولفن و ياكلن فراخ
    حمدان يطرش مسج حق لطيفه : ياخي تعالي عندي ابا اسولف ويا حد
    لطيفه : مب متفيجه
    حمدان : اففف
    لطيفه : انزين بييك شويه
    لطيفه تقول حق حمده : حمدوه برووح و برد
    حمده : اوك
    دخلت لطيفه غرفه حمدان و قعدت
    عند حمده
    كانت حمده منسدحه
    دخل راشد غرفت لطيفه يتحسبها راقده
    يوم عرفت حمده ان راشد دخل سيده تغطت باللحاف
    راشد : لطوووف لطووووف
    فج اللحاف ولا يجوف حمده
    دخلت لطيفه غرفه حمدان و قعدت
    عند حمده
    كانت حمده منسدحه
    دخل راشد غرفت لطيفه يتحسبها راقده
    يوم عرفت حمده ان راشد دخل سيده تغطت باللحاف
    راشد : لطوووف لطووووف
    فج اللحاف ولا يجوف حمده
    راشد :ههههههههههههه طاع مالج حس وين لطوف ؟
    حمده : ماعرف شكلها عند حمدان
    راشد : اهاا وليش مارديتي بيتكم ولا ماعندكم بيت
    حمده ظحكت وظربته ع جتفه : مايخصك ياخي
    راشد : مشينج !!
    حمده: من زينك عاد
    راشد: والله اني جميل مذوب البنات يربعن ورايه من كل صوب
    حمده : اووونه يعني لا يكون تغازلهن ولا ترقمهن
    راشد: لا حشى شباهن استغفرالله كل وحده اخس عن الثانيه
    حمده : اشكرك الصراحه
    راشد غمزلها : اعجبج
    حمده : يلا فارج
    راشد : بيتنا وتروغني !!!
    حمده: قلت يلا فارج
    راشد : ماعليه انا اراويج
    حمده: توكل اقول
    راشد طالعها بنص عين وراح
    حمده : مينون !!!!
    عند حمدان ولطيفه
    حمدان: وماشي ظهر الدكتور قلت فخاطريه احين بيقول فيه شي جايد بس الحمدلله قالي مافيه الا العافيه
    لطوف منزله راسها و بصوت حزين : والله ماكنت اقصد يستويبه شي هو بعد طلع فويهي
    حمدان : خلاص عاد انسي حصل خير الحمدلله انها يت سليمه
    لطوف : الحمدلله
    حمدان : احس متحمس حق سيرة المزرعه
    لطوف: ليش !!
    حمدان : امممم بقولج بس لا تخبرين حد ولا تزعلين
    لطوف : قول !!!
    حمدان: يوم كنتي ترمسيني وصحتي ... اممممم
    لطوف : هييه !!!!!!!
    حمدان : رمستني حمده !
    لطوف : شوقالت ؟؟؟؟
    حمدان : ماقالت شي بس اممممم من سمعت حسها وانا مادري شيايني كله افكر بذاك الصوت
    لطوف فجت عيونها مصدومه ووقفت : لاااا يكككوووون حبيييتهههااا !!!!!!
    حمدان : ماعرف ياخي
    لطوف : هيه هيه تحبها دام صوتها خلاك تفكر فيها جي
    حمدان : سيري لا تخلينها بروحها
    لطوف : مشينك تخاف عليها !!!
    حمدان : لطوف هكو الباب
    لطوف : اوك اوك وسارت
    دخلت لطوف الحجره وشافت حمده منسدحه
    انسدحت عدالها وقالت : فيج رقاد ؟
    حمده : يعني مب وايد
    لطوف : انزين بسألج لين نرقد
    طالعتها حمده : شو ؟؟
    لطوف : لو تقدملج واحد ........
    رن تيلفون حمده , سكتت لطيفه مستغربه منو داق لحمده ف هالوقت
    لطيفه : منو ؟
    حمده : .....

    Stop






  4. #4
    عضو جديد
    الحالة : 6afi غير متواجد حالياً
    رقم العضوية : 123625
    تاريخ التسجيل : 27-08-13
    الدولة : UAE
    الوظيفة : Student
    الجنـس : انثـى
    المشاركات : 4
    التقييم : 10
    Array

    افتراضي رد: سوؤد النوايا


    بارت4

    رن تيلفون حمده , سكتت لطيفه مستغربه منو داق لحمده ف هالوقت
    حمده : اففف مب وقتج
    لطوف : منو ؟؟
    حمده : هاي موزوه اللي ويانا فالجامعه , كله تتلصق غصب ارابعها !!
    لطوف: انزين ردي يمكن تباج فشي ظروري
    حمده ردت : ألو
    موزه : هلا والله بصاحبة هالصوت
    حمده : اهلين , شوفيج تبين شي
    موزه : داقه اسألج عن هاذاك الموضوع اللي رمستج عنه
    حمده : اي موضوع ؟؟؟
    موزه : موضوع الحبوب بعد اي موضوع
    حمده : انا احين فبيت لطوف واظن قلتلج اني مب راعية هالسوالف !!!!
    موزه : انزين جربي شو بتخسرين حبه وحده بس وبتخليج طااااايره فالسحاب من الراحه
    حمده : ترا جد ماعندج سالفه فكيني قلتلج مابا وما بغير رايي اوعدج
    وسكرت فويهها
    حمده : اففففففففف ناس فاضيه
    لطوف : شوتبا
    حمده : موضوع تافه
    لطوف : اوك
    حمده : المهم شو كنا نقول ؟
    لطوف : ماشي نسيت
    حمده : عيل يلا نرقد
    لطوف : يلا
    عند موزه
    موزه : انتي تسكرين فويه موزه ي بنت ....... اففف انا اراويج انا اراويج
    موزه دقت لاخوها حارب
    حارب : الو
    موزه : الو
    حارب : بسم الله شوفيج
    موزه : تحيد البنت الي رمستك عنها ؟
    حارب : اي بنت ؟
    موزه : اللي ويانا فالجامعه
    حارب: حمده !!
    موزه : هيييييه وصلت خير , اباك تيبلي اياها بأي طريقه اباها تبوس ريولي تترجاني اسامحها
    حارب: تسامحينها !!! ليش شو سوت
    موزه : سكرت فويهي بنت اللذين بس انا اراويها ان ما راويتها نجوم الظهر ماكون انا موزوه
    حارب : انزين وشو المطلوب مني احين
    موزه : اسمع ....
    اليوم الثاني
    نشت لطوف شافت حمده متلبسه وتعابل بتيلفونها
    لطوف : الساعه كم ؟
    حمده : 8
    لطوف : ومن متى ناشه انتي ؟
    حمده : من الفير
    لطوف : ليش ؟ فيج شي ؟
    حمده : لا متعوده انش الفير اصلي , اقرا قران عقب اتسبح واتزهب
    لطوف : ترييني دقايق بخلص وبننزل نتريق
    حمده : اترياج بسرعه لو سمحتي ميته يوع
    لطوف : اوك
    خلصت لطوف ونزلت ويا حمده , لطوف لمحت حمدان يالس يتريق جدام التلفزيون اول ماشافهن نازلات ابتسم وقال : صباح الخير
    لطوف : صباح النور اخي العزيز
    حمده: صبحك الله بالخير
    حمدان سرح عقب انتبه لعمره : صبحج الله بالنور والسرور
    حمدان حس باحراج حمده , شافها منزله راسها وتلعب باصبوعها جنها مستحيه , صد صوب لطوف وقالها : تبون شي انا ساير الدوام , "غمزلها"
    لطوف: اممممم شرايك تودينا نتغدا فالمول , حمده شرايج
    حمده: اوك عادي
    حمدان : فالكن طيب , يلا فداعة الله
    لطوف : مع السلامه , عن السرعه
    حمده : تعالي تعالي
    لطوف: هاا
    حمده : شعنه تتغمزون انتي وحمدان
    حمدان كان ورا الباب يسمعهم
    دخل حمدان
    حمدان : اوه نسيت سويجي غمزر للطيفه ع السريع و راح فوق
    لطيفه ضحكت تبا تغير الموضوع قالت : قومي دقي حق اهلج ايبولج ثياب
    حمده : اوه صح ذكرتيني
    حمده خطفت جدام لطوف , لطوف تنهدت لانها نست حمده السؤال
    لطيفه جافت حمدان نازل : تعال تعال
    حمدان : لبيه و يغمز لها
    لطيفه : اقولها ولا ؟؟
    حمدان : يويلج لا تقوليلها يالله انا رايح
    نزل راشد : صباح الخير شو تصاصرون
    لطيفه : ماشي ماشي روح حمدان و تغمزله
    راشد : بعععد تتغامزون
    لطيفه : اقول سير سير كل
    راشد : انزين
    لطيفه : اقولك
    راشد : ها
    لطيفه : زهبت حق المزرعه
    راشد و هو مالي حلجه اكل : هيه
    لطيفه فخاطرها : حشى مب حلج و اطالع راشد بنظرات
    غص راشد : كحح كححح الله ياخذج يا لطوف
    لطيفه بضحكه شريره : نيهاهاهاهاهاها ترووم ؟
    راشد : كحح كحح
    حمده يت : شو ياه
    لطيفه :غص هههههههه
    حمده : هههههههه حرام عليج
    راحت حمده تيب ماي
    حمده : اندووك ها
    راشد : يشرب الماي و يوم خلص كحكحكح ماعليه لطوف بييج شي ما جفتيه
    عند حمدان
    حمدان يدخل مكتب المدير: سيدي الطياره فيها شي ؟
    المدير : هيه نعم
    حمدان : شياها ؟
    المدير : ماشي عطل في الجناح ان شاء الله ورا باجر ياين يصلحونها
    حمدان : ان شاء الله بس اللحين شو اسوي انا
    المدير : تقدر تخلصلي هالاوراق اعرف انك سريع فيها
    حمدان : ان شاء الله سيدي يالله انا اللحين بخلصهن شكرا سيدي
    المدير : العفو
    عند موزه
    موزه : حارب ابا اليوم اسير المول
    حارب : ليش ؟
    موزه : محتايه غريضات
    حارب : ان شاء الله خير
    عند لطيفه
    لطيفه يالسه تغني انجليزي
    يتها حمده : طاع هاي
    لطيفه : هههههههه
    حمده : ابا اظهر !
    لطيفه : صبري لين الغدا
    حمده : افففففف مافي صبر
    لطيفه : مستعيله ع رزقج
    عند محمد
    محمد : اخخخ ي راسيييي وين حمدوه اوه صح عند لطوف
    يت ام محمد : حموود تعال ترييق
    محمد : مابا مابا
    ام محمد : كلك لقمه ع الاقل
    محمد لا امي بظهر و ما برد لين الغدا
    ام محمد : الله يحفظك يا ولدي

    محمد ظهر و هو كاشخ بكندورته البيج
    سار ستار بوكس عازم سيف وياه
    محمد : الووو سيفان وينك
    سيف : اللحين نازل
    محمد : يالله يالله
    سيف دخل الكوفيو قال بصوت عالي : هلااااا
    رد عليه محمد : اهليين تعال اقعد شو اطلبلك ؟
    سيف : اللي تباه بس بسرعه ورايا دوام
    محمد : ان شاء الله
    سيف : اقولك شو فيه راسك ؟
    محمد برتباك : ها ماشي ماشي
    سيف : انزين ماعلينا اقولك
    محمد : هلا
    سيف : كم باقي عن سيره المزرعه
    محمد : يومين تقريبا
    سيف : لازم ازهب عيل
    محمد : هيه , اشرب الكوفي
    سيف : يالله
    محمد شرب الكوفي بسرعه و سيف بعد و راحو كل واحد شغله
    عند لطوف
    لطيفه : حمدوه كم تتوقعين باقي عن شغل حمدان و يعطونهم اجازه
    حمده : هممم شكله اسبوع
    لطيفه : هيه زين
    وقت الغدا
    حمدان دخل البيت
    حمدان : السلام عليكم
    ام حمدان : وعليكم السلام بتتغدا هني ؟
    حمدان : لا بودي لطوف و و ربيعتها يتغدون برا
    ام حمدان : هيه زين
    حمدان يزقر لطيفه : لطووووف لطوووف
    لطيفه : هااه بتودينا ؟
    حمدان : هيه يالله
    لطيفه سارت تخبر حمده تلبسن و نزلن
    حمدان : يالله امي خبري ابويه ها مب تنسين
    ام حمدان : يالله فداعه الله
    لطيفه وحمده ركبن السياره
    حمدان: اي مطعم بتتغدن؟
    لطيفه : بنجوف عاد
    حمدان طول ع الاغاني و وصلهم المول
    لطيفه : اقولج حمدوه شكله هالمطعم حلو
    حمده : هيه شكله , اقولج يوم انخلص ابا احوط و اشتري
    لطيفه : انزين , شو بتطلبين
    حمده : مادري , كباب و مشاوي حلو
    لطيفه : هيه , حمدان طلبلنا كباب و مشاوي , شو بتشربين؟
    حمده : عصير منجا
    لطيفه : و هيه عطنا بعد 2 عصير منجا و انته ع كيفك اطلب
    حمدان : بكل وياكن
    لطيفه : انزين
    تغدن البنات و يوم خلصن راحن يتحوطن
    حمده : الله جوفي هالمحل
    حمدان : اقولكن انا بسير اتحوط شويه و راد
    لطيفه : انزين , هيه شكله حلو هالمحل
    حمده :شقهت و قاللت : خييييييبه جوفي منو هني
    لطيفه شقهت : خيييييييبه .......
    stop






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ششرــآيكم نغيـر شووي ..
    بواسطة Vɪρ Gɪяι❥ في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 10
    آخر مشاركة: 13-03-15, 09:50 PM
  2. اسرار قراند سوني 2‏
    بواسطة دلع الامارات أنا في المنتدى المنتدى العام General Forum
    مشاركات: 3
    آخر مشاركة: 13-01-04, 11:15 PM
  3. النوايا
    بواسطة نظرة عناد في المنتدى المنتدى العام General Forum
    مشاركات: 4
    آخر مشاركة: 12-04-28, 06:47 PM
  4. شووي شووي الدفشين ممنووع دخوولهم حبة حبه اصصصصص
    بواسطة el-7ilwah في المنتدى منتدى الوسائط Media Forum
    مشاركات: 10
    آخر مشاركة: 11-07-23, 05:54 PM
  5. ثيمات سوني اريكسون
    بواسطة جلكسي يم يم في المنتدى منتدى الوسائط Media Forum
    مشاركات: 3
    آخر مشاركة: 09-04-28, 07:39 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •