تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 4 من 5 الأولىالأولى 12345 الأخيرةالأخيرة
النتائج 31 إلى 40 من 43
  1. #31
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    أول مادخلنا البيت طار باسم لـ أمي وقالها انه موافق

    امي:فرحتني ياوليدي ان شاء الله بكره بدق على اختي واقولها
    باسم:اوك على خير ان شاء الله
    ابوي:انت مستعد للعرس ولا وافقت علشانا
    باسم:لا مستعد يبه بس آنتو ادعوا لي
    امي + آبوي:الله يتمم عليكم بخير

    في غرفة شيخه وريماس كنا متجمعين كلنا فيها

    انا:تتوقعون اخوكم يحب منآير
    شيخه:مالقيتي الا اخوس يحب مالت عليه بس
    غاده:وليه مايحبها يمكن اجل ليه وافق علطول من قلنا له اسمها
    انا:مدري بصراحه للحين محتاره شكله كذا وشخصيته تقول انه مايعرف للحب
    ولايدل طريقه وموافقته السريعه تقول انه يحبها
    ريماس:طيب سولفوا بعيد عن غرفتنا بنوم انا الساعه 12
    انا:طيب يالطالبه النجيبه نومي
    شيخه:بتخمدون انتو؟
    غاده:انا عن نفسي لا مااتوقع
    انا:ولا انا معروف مافيه امل ننوم
    شيخه:اجل خذوني معكم
    انا وغاده :اوكيشن امشي

    من بكره الصبح
    طبعا إنا البنات مانمنا لان اليوم اول يوم في الدراسه ومعروف مافيه نوم

    لبسنا وتجهزنا ونزلنا تحت نفطر

    امي:مانمتوا صح?
    انا:يــس مانمنا
    امي عصبت وقالت:منتب صاحين وشلون بتفهمون دروسكم منتب في عقولكم
    غاده:يمه معروف كل سنه كذا لاتعصبين روقي
    امي:اليوم مافيه نوم لين المغاريب العصر كلكم تقومون مفهوووم
    شيخه تسلك لامي:ان شاء الله يمه بس لاتعصبين

    بيت خالتي

    مرام:وععععععععععع اليوم الله يعنيا على المدرسه غبار وحوسه
    اووووووووف
    منيره:لازم تتحملين انتي في مدرسه حكوميه
    خالتي:الحين مب عندكم مستخدمات ليه ماينظفون
    مرام:مدري عنهم مانشوفهم الا جالسين يسولفون والقهوه والشاهي قدامهم
    ياخذون راتب على الفاضي
    طارق: الحمد الله مدارسنا نظيفه
    منيره بقهر:ايه بلاك في اهليه
    طارق:الناس مقامات لاتنقهرين ماله داعي
    منيره:كل تبن بس ابوي ترى مالي دخل ثالث ثانوي بتدخلني اهليه
    ابوها:ان شاء الله ولايهمس
    مرام:وانا بعد يبه
    خالتي:زين كلكم بتدخلون ان شاء الله بس افطروا وروحو مدارسكم مابقى
    وقت الساعه 7 الا عشر
    امل:وين يوسف متى بيقوم يودينا
    امي:راح لدوامه اليوم بيوديكم ابوكم
    منيره:غريبه مب كانه اليوم مبكر
    خالتي: يقول عنده شغل
    منيره:آهاآ
    طارق:يله انا خلصت
    مرام:خلصت انت مشكلتك باقي مابعد خلصت انا ابي افطر
    امي:اخلصي وش تحترين
    منيره:خلوها تاكل لاتاكلنا الحين
    امل معصبه:لازم نتاخر كل يوم
    مرام:والله عاد هذي مب مشكلتي بفطر
    ابوي:زين بوديهم وارجع لس
    مرام:لالا خلاص بس بشرب حليبي
    ابوي:زين نحتريس في السياره

    في المدرسه

    طبعا كلنا انا وخواتي وبنات خالتي بنفس المدرسه مدرستنا مجمع
    ابتدائي ومتوسط وثانوي

    امل وريماس راحو لقسمهم
    ومرام وغاده راحو لقسمهم

    وانا وشيخه ومنيره رحنا لقسمنا


    انا:يله صفرت بروح لطابوري
    شيخه:مضاوي وين طابور اولى ثانوي
    انا:منور خذيها وريها طابورها هم عندكم ياثاني
    منيره:اوك سلام
    انا:سلام
    وصفينا طوابير وكل وحده سلمت على ربعها ورقينا لفصولنا

    انا جلست بالاخير المكان المعرووف للمشاغبين والكسالى هههههههه

    هيفاء(هذي صديقتي الصدوقه):انتي وش مسويه بعمرس
    انا باستغراب:ليه وش فيني !!!
    هيفاء:محلووووه والله يالعصلا
    انا:آها ايه علشاني انخطبت
    هيفاء:هاااااااهــ انخطبتي يالخايسه ولا تقولين لي
    انا بقهرها: ولا بعد تملكت
    هيفاء:ياتببببببن ليه ماقلتي لي
    انا:لانس ماتقدرين تحضرين فقلت مب لازم اتعب نفسي وادق عليس
    واقولس
    هيفاء: لا والله ومن قالس اني ماقدر اجي
    انا:لا نه مب في الرياض ملكتي صارت بالديره عند جدي
    هيفاء:اهآآآ طيب ومن العريس
    انا:يووسف
    هيفاء:يوسف ولد خالتس
    انا:ايه هو ماغيره
    هيفاء:هههههه هذا اللي دايم يزعجس زوجتي وزوجتي
    انا:ايييه هو والله ماكنت متوقعه انه صادق توقعته يمزح
    هيفاء:الله يووفقكم عموما يله نطلع برآ
    انا:طيب خاف تجي مدرسه
    هيفاء:محد جانا امس قاعدين نطالع بعض
    انا:آها اوووك يله
    وعادي مر اليوم الدراسي الكئيب ببطئ وثقالة دم
    ومرت كل الايام نفس الشي دراسه لازم ملل وكأبه وععععععععع

    مر الاسببوع بخير وجاء يوم الاربعاء
    العصر

    كنا انا وخواتي متجهزين وجآلسين بغرفة شيخه وريمآس
    وجت عندنا امي وقالت:شيخه لاتنزلين تحت الا لين اناديس
    شيخه متفاجئ:هآآآهــ !! ولـــــــــيه ؟؟
    امي:بعدين بتعرفين كلش يله مضاوي غاده انزلوا
    تحت للمطبخ ورتبوه وجهزوا كلش آنا بروح اغير ثيابي قبل مايجون
    انا:ان شاء الله
    راحت امي وقالت غاده:شيخه ترى السالفه فيه عرس وتشوفين
    انا:وانا بعد اقول مثل غاده
    شيخه:طيب يصير خيير يله آنزلوآ قبل مآآتذبحـكـم آمي
    غآده:ريمآس وش قآعدهـ تسويــين
    ريمآس:ماتشوفيني على الكمبيوتــــر
    آنا:وليهـ مآغيرتي بيجآمتس النآس اللحين بيجون
    ريمآس:مب لازم آنا مب نآزله
    شيخه:خـلوهـآ آحسن وشـولـه تنزل كل اللي بيجون اللحين حريم
    آنا:آوك يله غادهـ ننزل تـحت
    نزلنا تحت واتجهنا للمطبخ
    آنا:غدوو ابي آكل حلآ
    غاده:اللحين لين حطيناه مع القهوه حطي تحتس صحن وابلعي
    انا:وش بيصبرني لين يجون بعدين نحط القهوهــ ثمن نحط الحلا مشوار اصبر
    جآء معاذ وقآل:انتي مآتشبعيين ؟؟
    آنا:يمه بينظلني بسم الله علي
    معاذ:عيني بآردهــ المهم ترى ضيوفكم جوو اطلعوا استقبلوهم
    آنا:طيب خلاص آنقلع آنت
    معآذ معط (شد) شعري وآنحآش
    غآده:ياربيه هآلولد مستحييل يخلي حقـهـ
    آنا:التبن خرب شعري
    غاده:هــييه آنتي النآس برآآ امشي نستقبلهم بسرعهـ
    آنا:طيب طيب
    طلعنا لهم وسلمنا عليهم وقلطنآهم في مجلس الحريم ورحنا ركض
    ننادي آمي
    في غرفة امي
    امي:جووو وجت امي معهم ولا لا؟؟
    غآده:ايه يمهـ كلهم جوو
    أنا:يمه وش عندس كآشخه اليوم طآلعه تهبلين وين ابوي عنس؟؟
    امي ضحكت وقالت:الله يسلمس مير يله عاد امشوآ ننزل للناس عيب
    مخلينهم بلحالهم
    آنا وغاده:مشينآأإآ
    نزلنا تحت امي راحت لهم بالمجلس وآنا وغاده رحنا للمطبخ
    نجيب القهوه والحلا وحطينآهم بمجلس الحريم وجلسنا وبدت امي
    تصب القهوه
    ام سعد:هآه ياام باسم وش قلتي ؟
    امي:والله يا ام سعد ولدس نآصر ماينرد ولا ينعآب لكن اول شي
    بنشوف راي آبوها
    جدتي:انتي ماقلتي لـه
    امي:لا قلت احسن يسمع من ابو سعد
    ام سعد:زين على راحتس
    انا وغآده نآظرنا بعض وآبتسمنا
    وقآلت غاده بصوت وآطي:قايله لكم آنا
    آنا:بعدين نتكلم في هالموضوع آووص قاموا يطالعونا
    غآده:طيب سكتــنآ

    في مجلس الرجال
    ابو سعد:والله ياابو باسم إنا جايينك اليوم بنخطب بنتك شيخه لولدنا ناصر
    ابوي:الساعه المباركه يابو سعد وين بنلقى احسن من ناصر الله يخليه و يحفظه لكن ماقدر اعطيكم الموافقه الا بعد ماشوف راي البنت وامها
    جدي:حقكم ياابوباسم وإنا مب مستعجلين خذو راحتكم
    ناصر:عمي ليه ماتروح تسألهم الحين مب احسن
    ابو سعد تفشل ودز ولده بكتفه وابتسم لابوي
    ابوي:هههههه زين زين خير البر عاجله
    خالي:وانت وهالخشه وش مستعجل عليه ترفق على عمرك بس
    سعد:شكله اول واحد بالدنيا بيتزوج ههههههههه




    ناصر:عذآآآآآآآآآآآآل
    ابوي:يله انا استاذن بروح اشوف راي الحريم
    الكل:مرخوص
    ..
    ابوي وقف عند باب الصاله وقال:يااااولــــــــــــــد
    ((هذا شي عندنا مثل التنحنح احم احم ))
    امي:قومي مضاوي شوفي ابوس وش يبي
    انا :ان شاء الله ورحت لابوي
    ابوي:مضاوي روحي نادي لي شيخه
    انا:ليه بتكلمها عن ناصر
    ابوي:ايه
    انا:طيب اللحين اروح اناديها لك
    ابوي:نادي امتس ابيها
    انا:ان شاء الله
    ورحت ناديت امي واتجهت بعدها لغرفة شيخه
    انا و افتح غرفة شيخه واقول:تدرين ليه امي ماتبيس تنزلين
    تحت
    شيخه بزعل:ليه
    انا:كلوولولوولولولولولولويش حركات ياشووييخ بتعرسين
    شيخه تناظرني بااستغراب:وشو؟.؟؟؟؟!
    انا:ابو سعد وام سعد جايين يخطبونس لولدهم نآصر
    شيخه وللحين مو مصدقه:قولي والله
    انا بملل:والله العظيم وش فيس انتي ؟!
    شيخه:مب مصدقه
    انا:لا صدقي ابوي يبيس تحت علشان يقولس
    شيخه:يعني اروح لهـ
    آنا:لا اجل هو يجيس يله روحي بسرعه
    شيخه بتوتر:طيب وراحت وانا نزلت تحت عند الحريم
    ..
    ابوي:هلا وغلا
    امي:هلا بالعروس
    شيخه تسوي نفسها ماتدري :وش فيكم ؟! ابوي انت بغيتني صح امر وش بغيت
    ابوي:يعني بتقنعيني إن مضاوي ماقالت لس وش ابي
    شيخه ابتسمت وناظرت للارض من الحياء
    امي:يعني موافقهـ
    ابوي:مايحتاج شوفي وجهها وتعرفين الجواب
    شيخه حمر وجهها زياده وانحاشت
    امي وابوي:ههههههههههه
    ابوي:روحي شوفيها موافقه وإلا لا؟!
    امي:ايه موافقه ماشفت وجهها والابتسامه اللي شاقه حلقها
    ابوي:يعني اعطيهم الموافقه ونتوكل على الله
    امي:اييه توكل على الله
    رجعت امي عندنا
    و راح ابوي للرجاجيل وقال اول مادخل:مبرووووووووك ياولدي ياناصر
    خالي:انبسط ياعم وافقت
    ناصر قام يدق رقبه من الفرحه
    وابو سعد تفشل وخبطه على رقبته وقال:وينا فييه
    ناصر وهو ماسك رقبته:بستانس يبه بعرس محد قدي
    سعد:ههههههه انهبلت انت
    جدي:مبروك ياناصر الله يووفقكم
    ناصر:الله يبارك فيك وامين يارب
    ابوسعد:هاه ومتى الملكه ان شاء الله والعرس
    خالي:تونا الولد مابعد شاف البنت ولا شافته
    ناصر:مب لازم بنملك بكره يله وافق ياعمي
    ابوي:تونا على الملكه بــــــدري وانا عمك
    جدي:ولييه تونا خلها بكره ونزوجه مع يوسف ومحمد جميع
    ابوي:اجل اللي تشوووفونه بكره بكره
    ناصر بصوت واطي خايف من ابوه:كلوولوللويش
    خالي وسعد:ههههههههههههههه
    سعد:الله يثبت علينا العقل والدين
    عندنا الحريم
    ام سعد:اجل وين العروس ماشفناها
    انا:فوق مستحيه هههههههههههههههه
    امي قبصتني وقالت بصوت واطي:عيب
    انا بنفس صوت امي :طيب طيب
    جدتي:ياحبي لها الله يتمم عليهم بخير
    غاده جتنا من برآ وقالت:يمه ابوي يبيس
    امي:طيب وراحت
    يتبع







    اذكروني بدعوه :)





  2. #32
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    ..
    ابوي:اسمعي ياام باسم الرجاجيل يقولون بكره يبون الملكه وش رايس؟
    امي:هاااو بكره عاد متى بيمدينا نجهز البنت
    ابوي:عاد هذا ابوس ورايه
    امي:دامه ابوي مابعد كلامه كلام خلاص ان شاء الله اليوم اوديها السوق وأجهزها
    ابوي:على خير ان شاء الله وين ولدس باسم مابعد جاء من دوامه
    امي:لا والله توه بالدووام
    ابوي:زين روحي قولي لبنتس وخلها تشوف وش ناقصها
    امي:ان شاء الله
    امي راحت لشيخه وابوي راح للرجاجيل
    في غرفة شيخه
    امي:هلا يمه وش فيس مانزلتي معنا
    شيخه:مابي
    امي:طيب براحتس اسمعي يمه ابوس توه جايني ويقول انهم يبون الملكه بكره
    شيخه:وشوووو بكره عاد مايمديني يمه
    امي: وش تسوين هذا راي جدس
    شيخه:طيب متى بيمديني اروح اشتري لي فستان ولا اروح احجز لي كوفيرهـ
    امي:اليوم ان شاء الله بنسوي كل شي لاتشيلين هم
    شيخه:وشلون و اللي تحت وش بتسوين معهم
    امي:عادي مضاوي وغاده بيجلسون معهم وانا وانتي نروح نجهز كل اغراضس
    شيخه:بس اكيد مضاوي وغاده وريماس يبون لبس يمه ووشلون مايمدي
    امي:بيمدي انا بشتري لهم كلش
    شيخه:طيب اصلا هم لييه مستعجلين خير
    امي:مدري يمه بس انتي روقي الحين واكتبي كل شي ناقصس المغرب بنروح السوق
    شيخه:ان شاء الله يمه
    امي:يلا انا بنزل عاد الحين تحت
    شيخه:طيب
    جت امي عندنا وقالت لنا عن الملكه
    ام سعد:هههههه اكيد هذا ناصر مدري وش فيه هالولد مستعجل
    ساره:يمه ولدس هذا مطفوووووووووووق الله يعين شيخه عليه
    جدتي:مافيها شي الملكه بكره زين ماقالوا مب كل شوي رايحن للديره وراجعين للرياض
    امي:الله يووفقهم ويسعدهم هذا اهم شي
    كلنا:امييييييين
    ام سعد:يله اجل إنا نستاذن الحين نشوفكم بكره
    امي:هاو وين اجلسوا تعشوا وعينوا من الله خير
    ام سعد:يومن اخر ان شاء الله الحين انتو مب فاضين لنا بتجلسون تجهزون البنيه ولا نبي نشغلكم وإنا بعد بنروح نشوف شغلنا
    جدتي:وين بتروحون له مااخبر ان لكم بيتن فيذا
    ساره:بنستاجر لنا شقه ياخالتي
    انا:ساره اجلسي معنا
    ام سعد:لا ساره الحين بتروح السوق وتجهز نفسها بكره ان شاء الله لاحقين
    غاده:طيب بكره بكره
    راحو بيت ابو سعد وبقى بيت جدي
    تجمعنا كلنا في الصاله :
    خالي:توني ادري ان ناصر مطفوق كذا
    انا:ههههه شكله كذا حار واختي شيخه ابرد منها مافيه خلاص قولوا لهم مافيه نصيب مايصلحون لبعض
    شيخه:قولي والله اقول خليس في حالس بس
    كلنا:ههههههههههههههههههههههههههههه
    جدتي:ماجمع الا وفق كلهم نفس الطينه اركدي وانا جدتس
    شيخه استحت وسكتت
    امي:ريماس عطيني التلفون بدق على اختي ام يوسف
    ريماس:طيب ومدت التفلون لامي
    امي دقت على خالتي وبلغتها الخبر السعيد واتفقنا كلنا نروح المغرب للسوق
    ..
    بعد صلاة المغرب
    رحنا السوق واللي ودانا طبعا يوسف لازم يرد لي حركتي حقت يوم السبت ومن ركبت السياره وهو
    يناظرني ويبتسم لي بااانتصار
    انا مابي اوضح له اني منقهره وقلت لامي يعني اسولف عادي ولا يهمني :يمه مو المفروض نروح للمشغل نحجز اول
    وبعدين نروح للسوق مب مادينا العشاء مابقى عليه شي ويأذن
    امي:خلاص يوسف شف لنا مشغل قريب هنا قبل مانطلع من الحي وانا خالتك
    يوسف:ان شاء الله
    وقفنا عند مشغل شكله كذا حلو وحجزنا لنا واتجهنا للسوق وشرينا لنا الفساتين انا ومنيره طقمنا نفس الشي و
    غاده ومرام طقموا هم بعد نفس الشي وطبعا امل وريماس نفس الشي لازم ^_^
    وخلصنا كل اغراضنا على الساعه 12 ودخلنا بيوتنا على الساعه 1 الا 20 دقيقه
    وبدينا نجهز البيت ونرتبه للفجر وصلينا وخمدنا
    وقمنا الظهر باازعاج من آمي يعني غصب وبدينا نرتب المطبخ والحوسه والبيت كله وماخلصنا الا المغرب تقريبا
    وبعدها رحنا نجهز ونلبس وجت الكوفيره وبدت تجهز شيخه
    في غرفتنا انا وغاده:
    انا:هاه وش رايس حلو شكلي اوك مرتب ولا يبي له تعديل
    غاده:ايه تهبلييييييين انتبهي بس لايشوفس يوسف هههههههههه
    انا:باآآآآيخــــــــــــــــــهـ
    غاده:طيب هاه شكلي مرتب انا حلو
    انا:ايه قمر قمر
    انفتح الباب علينا وكانت ريماس وامل ومنيره ومرام
    انا:هلا انتو جيتوا
    مرام :لا ماجينا ماتشوفينا قدامس
    انا:لا انعميت بسم الله علي
    مرام:ههههههه برآ
    ريماس:مضاوي متى بلبس شوفي امل لبست وانا لا
    غاده:تلبسين بس ياويلس ان وصختيه
    ريماس:طيب وراحت تركض تلبس وامل وراها
    منيره:هاه وين شيوخ
    انا:تجهزها الكوفيره
    مرام:الا صدق هي ماشافت ناصر
    غاده:لا تخيلي اليوم الملكه والشوفه بنفس الوقت
    انا:يقولون ناصر مره مستعجل كانه اول شخص انساني بيعرس بهالدنيا هههههههههه
    منيره:ههههههه شكله توه بزر ذا
    مرام:وش بزره اسكتي بس لايسمعس
    انا:لا تسمعس شيخه بس ترى بتذبحس
    غاده:الا صدق هو كم عمره
    مرام:زوج اختس وماتعرفين عمره مالت
    غاده:تحسبيني مثلس ملقوفه
    مرام:حصلييني انتي وعناد مب قايلتلس كم عمرهـ
    منيره:مرامووه وش دراس هاه !!
    مرام توهقت وقالت:هاه اممممم
    انا:اكييد متلقفه وسأله يوسف صح
    مرام:هههههه ايه وش اسوي احب اعرف كل شي
    منيره:مالت عليس يله تعالوا نشوف شيخه
    غاده:اوكيشن
    واتجهنا لشيخه بغرفتها
    سلمنا عليه وجلسنا نبارك له مستعجلين قبل الكل
    شيخه:الله يبارك فيكم وش رايكم كذا خلاص
    انا:ليه تسوين تسريحه وزحمه كلها ملكه
    شيخه:اجل وش اسوي انا شعري قصير مب مثلس طويل اخليه بدون تسريحه
    مرام:وش عليس منها خلها تسوي اللي تبي
    شيخه:جو اهل ناصر
    منيره:لا تونا محد جاء الا إنا
    غاده:منور ماشفتي باسم تحت
    منيره استغربت من سؤالها هي بالذات وقالت:لا وليه تساليني
    انا بصوت واطي قربت لغاده:ياتبن ليه توضحين لها
    غاده:مالس دخل
    منيره:هيه وش عندكم انتو
    شيخه تصرف:ماعليس منهم مهبل
    الكوفيره:بدك شي تاني آنسه شيخه
    شيخه:لا مشكوره خلاص كذا انا خلصت
    الكوفيره:اوك انا بستأزن هلاأ
    انا:اوك تعالي اوديس تحت واعطيس فلوسس
    الكوفييره:ماشي ورحت انا والكوفيره
    ..
    مرام:غادهـ ماتبين تعرفين كم عمر زوج اختس
    غاده:الا قولي يله
    مرام:مب قايله موتي حررررررررره
    غاده:شيوخ كم عمر زوجس
    شيخه:عمرهـ 26
    غاده:عرفت موووووووتي قهر
    انا جيت اركض لهم
    منيره:وش فيس
    انا:جو اهل ناصر
    شيخه:يمه قلبي بدى يدق
    انا:اقري الاذكار وبتهدين
    مرام:يله اجل ننزل اكيد الحين بيجون المعازيم كلهم
    غاده:يله مشينا
    شيخه:وتخلوني بلحالي
    منيره:بنروح نسلم على اهل زوجس ونشوف الوضع ونجي مب مطولين
    شيخه:اووك
    بدو الناس يجون على الساعه 9 وامتلى البيت تقريبا ويوم جت الساعه10 باسم قال لنا
    ان ناصر بيدخل ويشوف شيخه يعني لازم نوديها للمجلس اللي بيجلسون فيه ورحنا ركض لها
    شيخه:وش فيكم من لاحقكم انتو
    انا:يله يله زوجس بيشوفس ويلبسس الحوسه حقتس
    شيخه:ياويلي يمه والله قلبي يرجف من الخوف
    غاده:بلى دلع ويله امشي قدامي
    شيخه:تنزلون معي
    منيره:اكيد شي طبيعي يله امشي
    ساره جت عندنا وسلمت على شيخه وباركت لها
    ساره:يله يامرت اخوي انزلي للمطفووق اللي تحت
    شيخه ابتسمت وقالت:طيب ونزلنا وسلموا عليها الحريم وررحنا للمجلس
    ابوي وقف عند الباب وناداني ورحت له

    انا:هلا يبه
    ابوي:اسمعي انا خطبت منيره من ابوها و افق وقال لي خل امها تسالها انتي عاد خذي خالتس
    ومنيره وامس وروحوا اسالوهم علشان نملك مره وحده دام الملاك هنا
    انا منصدمه:يبه صدق خطبتها
    ابوي:ايه يله روحي سوي اللي قلت لس عليه
    انا وللحين مو مستوعبه:طيب طيب ودخلت للبنات
    غاده:وش فيس بسم الله
    انا:مافيني شي منور تعالي شوي ابيس
    منيره:طيب
    ورحنا للحريم وناديت امي وخالتي ورقينا فوق لغرفتي وامي وخالتي مره متوترين وخايفين
    امي:قولي خوفتينا وش صاير
    انا:يمه ابوي تو جاني تحت وقال لي انه خطب منيره لباسم وقال روحي شوفي راي منيره وامها وامس
    منيره تناظرنا وهي مصدومه
    وخالتي مستانسه وقالت:هاه يمه مناير وش رايس
    امي:ههههههه وابوس ذا ماعنده وقت
    انا:يقول علشان اذا هي موافقه نملك اليوم مره وحده
    امي:زين هاه يمه يامناير موافقه على وليدي
    منيره بفهاوه:هاآآآه
    خالتي:ههههه وش فيس يمه موافقه على ولد خالتس ولا لا
    منيره سحبتني لبرا وقالت بخوف:مابي مابي
    انا:وليه وش فيس كذا خايفه
    منيره بتوتر:اخوس صراحه يخوف مابيه
    انا:هههههههه وشو هو وحش
    منيره:مابي يختي اخوس مر مرعب مابيه مابيه
    انا:طيب براحتس
    مينره:طيب خاف خالتي تزعل
    انا:تبينه ولا لا
    منيره:اقول خلاص موافقه موافقه مابي خالتي تزعل
    امي طلعت علينا هي وخالتي وقالت:وش فيس منيره
    خالتي:ماتبين باسم ؟
    انا:تقول ان....
    منيره مسكت فمي وقالت:الا موافقه
    انا اناظرها وانا مستغربه
    منيره :خلاص قولوا لهم اني موافقه
    خالتي:ترى الملكه اليوم وش رايس
    منيره:اوك موافقه بلغوهم
    امي:طيب بروح لابو باسم واقوله وراحت هي وخالتي
    انا:هيه انتي دامس ماتبينه ليه توافقين
    منيره:خفت ارفض وامي وخالتي يزعلون بعدين هو مب ماكلني وهذا نصيبي
    انا:بكيفس لكن انتي تقدرين تغيرينه
    منيره:زين يصير خير امشي انزل تحت اجلس مع شيوخ
    انا:وكيف دقات قلبس
    منيره:عادي نفس اي عروس
    انا:طيب الحين الدبل والشبكه ماشروها شلون بيمكلون
    منيره:والله مدري عنهم
    انا:اصبري بدق على باسم
    منيره:طيب
    انا دقيت على باسم وقال لي علطول:هاه وش قالت منيره
    انا:موافقه
    باسم:الله يبارك فيس
    انا:ههههههههههه اصبر ماقلت مبروك
    باسم:وش تحترين هذا وانا اخوس الكبير
    انا:اصبر خلني استوعب الموضوع اول بعدين اقولك
    باسم:وليه ماتستوعبين حظرة اختي
    انا:الحين وشلون بتملك وانت لا معك لا دبل ولا شبكه
    باسم:الا معي ابوي اليوم ماخذني العصر وشارين كل شي
    انا:يعني مجهزين كل شي وليه ماقلتوا لنا
    باسم:والله الجواب هذا عند ابوي مب عندي يله قولي لمنيره مبروك انا عليها ههههههههههه
    انا:انقلع مافييه
    باسم:مب لازم انا بقولها الحين
    انا:طيب اذا خليتك تقولها هذا وجهي
    باسم:اقول بس تقلعي وقفل في وجهي
    انا:ياشينه هالولد
    منيره:وش فيس
    انا:يقول لس مبروك هو عليس
    منيره بتوتر:الله يبارك فيه
    انا:ههههههههه امشي امشي
    نزلنا تحت عند البنات وبلغناهم الخبر
    يتبع





    اذكروني بدعوه :)





  3. #33
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    غاده:اما عاد هذي قووووويه
    مرام:هههههه اسرع ملكه وخطبه على وجه الارض
    شيخه:ومتى ابوي امداه يفكر ويخطط
    انا:هذي حركات رجاجيل ماتعرفونها هههههههه
    منيره:الحين انا بجلس هنا مع شيخه ولا شلون
    غاده:قولي والله من متى صار ناصر محرم لس علشان تقعدين عندهـ
    منيره:اوص ترى مانيب فاضيه قولولي وين اجلس
    انا راعيت شعور منيره وشكلها المتوتر والخايف وقلت:يابعد عمري يامنوور هدي وش فيس تعالي معي انا اقولس وين تجلسين
    منيره بنرفزه:طيب يله
    رحنا لمجلس الثاني وجلسنا
    انا:منور روقي
    منيره:خايفه يمه قلبي يدق بقووه
    انا:انتي اللي اخترتي تحملي انا كنت بحل لس السالفه بهدوؤء لكن انتي اصرييتي
    منيره:خلاص طاح الفاس في الراس
    انا:طيب هدي هدي وكل شي بيصير تمام
    منيره:كلميني عن اخوس طيب
    انا:كل هذا وماتعرفين باسم
    منيره:عطيني له ايجابيات كل اللي اعرفه عن سلبيآت
    انا: صح انه عصبي ويتنرفز بسرعه ومايتعامل الا بالطق بس انه قلبه طيب يعني لاتخافين هو حبوب شوي
    منيره:الله يعيني عليه بس
    آنا:هدي يابنت وادعي ربس انه يتغير
    منيره:يارب يتغير مع اني مااظن
    انا:ماتدرين يمكن على يديس يتغير ثقي بربس
    دخلوا علينا مرام وغاده بطرحهم
    غاده:يله الحين باسم بيدخل
    مرام:ترى يوسف وخالي معه
    منيره:قلبي بيوقف
    غاده ومرام:هههههههههههههه
    انا:لاتضحكون انتو راعوا شعورها
    غاده:هدي إنا معس
    منيره:لاتتطلعون فاهمين
    انا:ان شاء الله بس آنتي هدي
    دخلوا علينا الثلاثي وغاده ومرام تغطوا بطرحهم
    انا اول ماشفت يوسف ابتسمت وهو نفس الشي

    وجاء وقف جنبي وقال يبي يقهرني:سبحان الله وش هالصدفه الحلوهـ
    انا ابتسمت له وسكتت
    خالي:باسم وش فيك واقف ومتنح كذا في بنت اختي
    مرام:داخ من جمال اختي ههههههههههه
    بآسم ابتسم وجلس جنب منيره بدون مايقول ولا كلمه
    غاده :وش فيك تكلم قل شي من كل لسانك
    باسم:طلعوا برآ
    يوسف:بس تبينا نطلع برآ والله لوتموت
    خالي:ههههههههههههههه الحمدالله اني ملكت
    يوسف:في العرس ان شاء الله لاتخاف مب مخليك
    خالي بتحدي :ماتقدر ماتقدر
    يوسف:أقدر و بتشوف
    مرام تتهزاء:وش رايك بعد نخلي ساره تفتش عنك و تدخل عليهم عادي ترآ
    كلنا:هههههههههههههههه
    غاده تكلم مرام بصوت واطي:وش فيه هذا ساكت
    مرام:مدري عنه شكل وراه شي
    غاده:شكله اصبري خلنا نشوف
    يوسف:هاه باسم تبينا نطلع
    باسم:لا اجلسوا حياكم الله
    خالي:ههههههههه بنجلس بدون مشاور
    باسم:كيفكم اجلسوا
    يوسف:يقطع ام البرود اللي عندك ياشيييييييخ
    باسم:ههههههههههه
    منيره بنفسها:يمه وش فيه هذا بيوترني زياده ما نطق بكلمه حتى هلا ماقالها يارب تثبتني يارب
    انا:امممممم وش فيك انت ماتبارك للبنت
    باسم:لين ذلفتوا برآ
    انا:اهاآ اجل لاتحلم اني اعتب عتبة الباب
    باسم:مصيركم بتتطلعون غصب طيب
    خالي:مافيييه وهذي جلسه وجلس بالنص بينهم
    منيره ابتسمت وقالت بصوت واطي:خلك لاتقوم ابدا
    خالي:بس تآمرين امر
    باسم:ماحلى لك الا هالمكان
    خالي بعناد:ايه ايه
    يوسف جاء وجلس حنب خالي
    باسم:ههههههه عادي سوو اللي تبووون
    انطق الباب علينا ودخلت امي وخالتي
    امي:ههههه كل الجيش هنا
    خالي:اييه افآ عليك
    خالتي:خلهم يقعدوون مع بعض اطلعوا برآ يله
    يوسف:مافييه يمه والله لو وشو خلني انكد عليه مثل مانكد علي
    امي + خالتي:ههههههههههه
    باسم:يمه خالتي طلعوهم برآآآ
    خالي:مانيييييييييب طالع
    امي:هههههههه اطلعوا يله الله يهديكم و خلوهم
    يوسف:مافييه مانيييييييب جالس انا هنا عله على قلووبهم
    باسم:علتيييييييييييييييييين انت وهالثاني ويأشر على خالي
    خالي:خلاص يووسف رحمته
    يوسف:اوك بس 5 دقايق مافيه غيرهم
    باسم:انت بس اطلع
    يوسف :لحظه شوي وتقدم للباب وجلس يشوف فيه مفتاح ولا مافيه
    خالي:هههههههه وش جالس تدور
    يوسف:مفتاح خاف يقفل الباب ولا شي
    خالي:لالا لاتخاف لو يسويها قصيت راسه
    بآسم:ايه يصير خير يله عاد برآآآآآآآآآ
    خالتي:يله بنات اطلعوا وانتو يله برآ برآ
    طلعنا كلنا وخليناهم
    برآ عند الباب
    يوسف:خالي رح نكد على ناصر بلييز
    خالي:هههههه لا تووصي رايح له الحين
    انا:هيييه عيب خلوهم عاد
    خالي:روحي بس شوفي الظيوف مع اختي وخلس ساكته
    غاده:عندهم زوجتك ساره مايحتاج
    خالي:ساره هناك يالبييه خلاص رايح انا سلاآآم وراح
    يوسف ناظرني وقال:ياحرآم كلهم مع زوجاتهم الا انا
    انا:مابقى شي على العرس
    يوسف:ههههههههه طيب يله سلاآآآم وراح للرجاجيل
    ..
    عند ناصر وشيخه
    ناصر:وش هالحلا كله وبعد يقولون ليه مستعجل بلاهم مايدرون
    شيخه ابتسمت بحياء وناظرت فيه ونزلت عيونها علطول
    ناصر:يله ساره فارقي
    ساره:هههههههههه طرده محترمه اوك يله سلامز واتجهت للباب وتوها بتتطلع
    الا بالباب ينفتح
    ناصر:جآء العله
    خالي:هههههههههههه اجل عله طيب انا اوريك شلون عله
    ساره:محمد خلهم حرام
    خالي:اوووك بخليلهم بس بشرط
    ساره:وشو
    خالي:نجلس في احد هالمجالس مثلي مثلهم
    ناصر:مسموح رح خذ راحتك
    ساره:هههههه طيب يله
    خالي:ايه الحين بخليكم يلا سلام بس ترى مانييب مطول شوي الا انا جايكم
    طلعوا وناصر لف لشيخه وقال:هلا شخبارتس مبرووك
    شيخه:هلا بك انا والله الحمد الله والله يبارك فيك
    ناصر:مالي مبروك انا
    شيخه ابتسمت وقالت:الا مبروووووك
    ناصر:الله يبارك فيك
    نخليهم ونروح لباسم ومنيرهـ
    باسم:منآير
    منيره منزله راسها وساكته
    باسم:طالعيني منور
    منيره رفعت راسها وقالت بتوتر:هلا
    باسم ابتسم وقال:آحبك
    منيره تفاجأت من الكلمه وناظرت في باسم وهي منصدمه ومستغربه وبعدين قامت تركض وطلعت برآآآ
    انا:منور وش فيك
    منيره:مضاوي ابيك فوق تعالي بسرعه
    انا:طيب يله
    طلعنا فوق للغرفه
    منيره:مضاوي تخيلي اخوس باسم قال لي احبك تخيلي
    انا:هآآه باسم قال كذا
    منيره:ايه والله
    انا:هههههههههه حركات والله وجع هالخايس مابان عليه جعله الصمرقع اللي يصرقعه
    منيره:لاتدعين عليه وجع
    انا:هههههههههههه من الحين بدأ الدفاآع
    منيره ابتسمت وقالت:والله ماتوقعت تتطلع من هالكلمه هو بالذات
    انا:والله ولا احد يصدق اصلا اجل هذا يحب
    منيرهـ:هههههههه ايه ترى اكثر هالاشكال اللي كذا يصيرون رومنسين تعرفين شبابنا السعودي
    مايحب يظهر مشاعره
    انا:ايه بس مب كلهم عاد
    منيره:الاغليبيه كذا
    سؤال للشباب:انتو ليه كذا هاه تقهرون <<معانيه
    نرجع لروايه ~.

    وعادي مر اليوم على خير ومرت الايام كلها علينا سريعه
    لاننا كنا مشغولين بالدراسه وبعدين بالاسواق وبعدين بمراكز التجميل والمشاغل يعني حووسه

    جاء اليوم المنتظر للقاء الاحبه
    يوم زواج اربع معاريس واربع عرايس
    <<زواج جماعي ههههههه

    في غرفة العرايس

    آنا:بنات اشكالنا تووووحفه كذا وإنا كثييرات
    ساره:هههههه طالعين نهبل
    غاده:متى بنعرس يامرام كل البنات اعرسوا
    مرام:بخطبك لـ طآرق
    شيخه:هههههه طارق محجوز غيري
    منيره:لمييين؟!
    انا:لــ ريمآس
    غاده:وريماس خاطبه آمل لمعآذ
    مرام:يعني راحت علي هههههههههههه
    ساره:هههههههه ياحليلهم هالصغآر مقررين من الحين
    منيره:خلوهم بكيفهم خل يعيشون حياتهم
    انا:ياربيه مب مصدقه اني بتزوج لالا ياربيه شلون بــعيش بدونكم
    غاده:والله لو انس بتروحين اخر الدنيا وش فيس إنا معك بيتس انتي ومنيره جنب بعض
    مرام:يعني مب فاقدتنا كثير
    منيره:الحين كم الساعه
    ساره:10ونص
    انا:غريبه وين معاريس الغفله مادخلوا للحين
    جو امهاتنا كلنا العرايس وجدتي معهم
    امي :يله كل وحده تلبس عبايتها ازواجكم برآ يحترونكم
    غاده:ليه مب داخلين
    خالتي:ابوي عيآ يقول لايدخلون
    منيره:وليه يمه؟!
    خالتي:مدري والله
    جدتي:يله قبل مايضيق عليكم جدكم
    انا:طيب وينهم هم اي بوابه وش ذا مايصير كذا
    مرام:أنا ادلكم يله
    ساره:طيب شلون بتعرف كل وحده سيارتها
    ام سعد:معاذ وطارق برآ يحترونكم
    شيخه:طيب

    يتبع





    اذكروني بدعوه :)





  4. #34
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    وبدينا نسلم سلام الوداع والدموع مليآنه في عيونا كلنا
    وودعونا بالاحضآن وطلعنا وكل وحده راحت لرجلها في سياره
    وكل ناس اتجهوا للفندق اللي بيجلسون فيه

    عند خالي وساره

    خالي:اسف سوسو
    ساره مستغربه:على ايش
    خالي:اني طلعت عليس كلام في الديره علشاني تآخرت بالعرس
    ساره:اي كلام ؟!
    خالي:الكلام اللي قالوه عنس واني مابيس
    ساره:محد قال شي وش تقول انت
    خالي:اجل الكلام اللي قالوه البنات كذب ولا وشو!!
    ساره:ليه وش قايلين
    خالي قالها عن الصاروخ اللي قلناه له
    ساره:ههههههههه ياحبي لهم ماصار شي من هذا كله
    بس يمكن شافوني متضايقه وقالوا لك كذا
    خالي:ههههه خلني اشوفهم هالكذابات
    ساره:هههههه
    خالي:وش رايس نسكن في الرياض
    ساره:لا وين واهلك واهلي مايصلح صعبه
    خالي:على راحتس
    ..

    عند شيخه وناصر

    ناصر:مبروووك واخيرا جاء عرسنا مابغى
    شيخه:ههههههه بالعكس جاء بسرعه
    نآصر:انا من شفتس في الملكه والوقت صاير يمشي بطيء مدري وش علته
    شيخه ابتسمت بحياء وقالت:مدري
    ناصر:علشاني حبيتس وصرت اشتاق لس يمكن علشان كذا صاير بطيء
    شيخه استحت اكثر وقالت:يمكن

    عند باسم ومنيره

    باسم:كذا تروحين وتخليني ياقلبي ^_<
    منيره:لاني تفأجئت بصراحه وماقدرت استوعب فانحشت
    باسم:ادري كنت متوقع رده الفعل هذي !
    ادري ان خواتي مب مقصرين وقايلين
    لس اني شراني وعصبي واخوف لكن انا تغيرت والايام بتثبت لس
    منيره مستانسه:الحمد الله

    ~ عندي انا ويوسف ~

    يوسف:مبروووووووك كلولولولولولوليش صدق انا وانتي تحت سقف واحد
    مابغى يجي هاليوم كلوولولولولوليش
    انا:هههههههههه ايه صدق والله يبارك فيك
    يوسف:هاه وش تبينا نسوي الحين
    انا:ننزل نتعشى تحت ولا بكيفك اللي تبي
    يوسف:اذا على كيفي ابي اجلس اناظر فيس لين يخلص عمري
    انا:بسم الله عليييك
    يوسف:فديت اللي يخافون علي وقام يرقص
    انا:ههههههه يوسف وش بلاك
    يوسف مسك يدي وقومني معه ارقص وقمنا نتنكس
    مب كنا معاريس جدد

    وبكذا نكون خلصنا

    لحظه لحظه كني نسيت غاده ومرام ومعاذ وطارق وريماس وامل


    مرام وراكان قصتهم انتهت من اول ماأنهيتها انا وهي
    بكسر الشريحه وصار شي من الماضي
    وغاده عادي على حطت ايديكم
    والرباعي نفس الشي ماتغيروا
    وطلع لامي وخالتي نسختين مني اللي هم ريماآس وامل

    وبس انتهت الروايه


    كلمه اخييييييييييييييرهـــ


    - حابه اشكركم كلكم على حظوركم وتواصلكم معي للنهايه وتشجيعكم
    الله يجزاكم خير يارب والله يسعدكم ويوفقكم في حياتكم

    - ممكن رايكم الكلي في الروايه هل هي كوميديه بشكل كافي او لا
    هي حلوه هل ينقصها شي فيها شي ماعجبكم ؟!
    هل هي بايخه ممله خياليه؟!!
    يعني ناقشوووني في الروايه ككل بليييز ابي احس انكم قريتوا الروايه
    ابي آحس اني تعبت ونلت ثمرة تعبي وجهدي




    في آمآن الله





    اذكروني بدعوه :)





  5. #35
    عضو نشيط
    الحالة : قمر لغيوم غير متواجد حالياً
    رقم العضوية : 90083
    تاريخ التسجيل : 16-01-12
    الدولة : سوريا و افتخر
    الوظيفة : طالبة
    الجنـس : انثـى
    المشاركات : 58
    التقييم : 30
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    حبيبتي كتير حلوة كتباتك بتمنى تكتبي قصص حب





    لا تثق بصديقك لانه سوف يخونك ويتركك لكن ثق بعدوك لانه سوف يبقى معك

  6. #36
    :: عضوية VIP ::
    الصورة الرمزية مفنود
    الحالة : مفنود غير متواجد حالياً
    رقم العضوية : 127583
    تاريخ التسجيل : 15-11-13
    الجنـس : ذكـر
    المشاركات : 432
    التقييم : 164
    Array
    MY SMS:

    سبحان الله وبحمده سبحان الله العظيم

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    بسم الله الرحمن الرحيم
    بصراحة ما قرات الا جزء بسيط من البارت الاول
    انا احب اقرا الروايات لكن الروايه هذي ما كان لها مقدمة تحمسني ك قارئ اني اكمل الراوية
    وكتابه هههههههههههههههههههههههههههههههه اكثر من اللازم او يعني تخلي شخصيات الرواية تضحك عاللي يسوا واللي ما يسوا





    التعديل الأخير تم بواسطة مفنود ; 13-11-21 الساعة 07:51 PM
    people change
    memories don't







  7. #37
    عضو مجتهد
    الصورة الرمزية دلع بدويةة
    الحالة : دلع بدويةة غير متواجد حالياً
    رقم العضوية : 127211
    تاريخ التسجيل : 08-11-13
    الدولة : الإمــــارات
    الوظيفة : طالـــبةة
    الجنـس : انثـى
    المشاركات : 126
    التقييم : 12
    Array
    MY SMS:

    يآزممَن خِف ععَلينآ شوي . . ترآ قُلوبنآ مآهي - للضيققآ آ آ ت مَخخخلوقهہِ ♡ ♥

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    روووعةةةة ما شاء الله الرواية
    ما شاء الله عليج حبيبتي
    الله يوفقج ويحفظج

    أنا بعدني في الباارت الــ 9 باجر أكمل الباقي ....






  8. #38
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    متابعهه طيبة دلع بدويهه





    اذكروني بدعوه :)





  9. #39
    عضو مجتهد
    الصورة الرمزية دلع بدويةة
    الحالة : دلع بدويةة غير متواجد حالياً
    رقم العضوية : 127211
    تاريخ التسجيل : 08-11-13
    الدولة : الإمــــارات
    الوظيفة : طالـــبةة
    الجنـس : انثـى
    المشاركات : 126
    التقييم : 12
    Array
    MY SMS:

    يآزممَن خِف ععَلينآ شوي . . ترآ قُلوبنآ مآهي - للضيققآ آ آ ت مَخخخلوقهہِ ♡ ♥

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    اقتباس المشاركة الأصلية كتبت بواسطة عذبه آلمـ عـآني مشاهدة المشاركة
    - حابه اشكركم كلكم على حظوركم وتواصلكم معي للنهايه وتشجيعكم
    الله يجزاكم خير يارب والله يسعدكم ويوفقكم في حياتكم

    - ممكن رايكم الكلي في الروايه هل هي كوميديه بشكل كافي او لا
    هي حلوه هل ينقصها شي فيها شي ماعجبكم ؟!
    هل هي بايخه ممله خياليه؟!!
    يعني ناقشوووني في الروايه ككل بليييز ابي احس انكم قريتوا الروايه
    ابي آحس اني تعبت ونلت ثمرة تعبي وجهدي


    في آمآن الله

    وااااااااو روووعةة ما شاء الله عليج حبيبتي
    وااايد واايد عيبتني الرواايةة مالتج

    العفو حبيبتي
    لا الرواايةة ماكلن ناقصها شي
    والروايةة حلوة انا عن نفسي حبيتها
    حبيت التشويق اللي تحطيته والاحداث المفاجئةة

    يسلمواا فدييتج
    تسلم يمنااج

    موفجةةة ..






  10. #40
    مشرفة الصف 12
    الصورة الرمزية عذبه آلمـ عـآني
    الحالة : عذبه آلمـ عـآني غير متواجد حالياً
    رقم العضوية : 91507
    تاريخ التسجيل : 10-02-12
    الجنـس : انثـى
    المشاركات : 1,100
    التقييم : 135
    Array

    افتراضي رد: لأجيت بعقل يضحك الطيش بدري وأناأقولةلاتصدق تراني اتسذب عليك روايتي^_<


    حياتي تدرين انيي نقلتها واالكييبورت علق مادري شستوا به





    اذكروني بدعوه :)





صفحة 4 من 5 الأولىالأولى 12345 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. روايتي انا الفل و الريحان
    بواسطة الفل و الريحان في المنتدى منتدى الطلبات و المشاكل و الحلول problems and solutions
    مشاركات: 8
    آخر مشاركة: 12-11-01, 09:51 PM
  2. لا احد يرد على روايتي بعد بدايد كتابتها
    بواسطة sacra في المنتدى منتدى الطلبات و المشاكل و الحلول problems and solutions
    مشاركات: 8
    آخر مشاركة: 12-09-29, 07:10 PM
  3. لا قلت بعقل يصرخ الطيش ويقول بدري
    بواسطة الطيبة في المنتدى منتدى الوسائط Media Forum
    مشاركات: 8
    آخر مشاركة: 11-10-21, 06:55 AM
  4. أحيان أحس أني من الطيش كثرت
    بواسطة الطيبة في المنتدى معرض المواهب و الابداع Fair talent and creativity
    مشاركات: 6
    آخر مشاركة: 11-09-23, 07:29 AM
  5. تدري ليش أزعل عليك يا روحي..
    بواسطة شطورة و مزيونة في المنتدى معرض المواهب و الابداع Fair talent and creativity
    مشاركات: 8
    آخر مشاركة: 09-03-29, 04:10 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •