تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 1 من 4 1234 الأخيرةالأخيرة
النتائج 1 إلى 10 من 36
  1. #1
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رواية لجل عيونك ابيع كل ماعلى الكون واشتريك \كاملة


    لجل عيونك ابيعـ كلـ ماعلى الكونـ واشتريكـ
    بقلم : بدوية أصلي

    البارت الأول
    لبست العباية وشمرت الكم لين كوعها طالعت بالمراية عدلت شعرها ولبست النظارات الشمسية وخرجت من الغرفة لقت امها بالصالة تكلم الجوال
    سحر : هاي مام
    أمها : هلا حبيبتي خارجة
    سحر :يب مام بلحق على المحاضرة
    امها طيب مع السلامة
    سحر :بااي

    خرجت سحر وطرحتها على كتفها ماتحطها على راسها الا اذا كان ابوها اواخوها موجودين ولا امها ماتقولها شيء وركبت السيارة ودقت على صحبتها عشان تمر عليها
    سحر :الو
    ريما :هلا حبيبي كيفك ؟
    سحر :هلا حياتي انا بخير انتي كيفك ؟
    ريما :في بعدك ماني بخير
    سحر :خلاص حبيبتي انا اللحين امر عليكي
    ريما :انتا في الطريق :
    سحر :ايوا استني برى خلاص انا على وصول
    ريما :اوكي حبي باي
    وصلت سحر لصجبتها او بالاصح خويتها
    ركبت ريما السيارة :هلا حبيبي
    سحر :هلا والله تو مانورت سيارتي
    ريما :منورة بوجودك حياتي
    سحر: عزيز ودينا الجامعة
    (سحر:بنت موجودة بمجتمعنا كثييييييييييير ويتسمون هالمجموعة بالبويات )
    وصلت الجامعة ونزلت مع ريما وراحت لشلتها
    سحر :هاي شباب
    وحدة من المجموعة :هلا والله يابو الشباب وينك يارجال زمان عنك
    سحر :والله موجود بس انتا اللي فينك زمان عنك
    البوية :والله طلعت مع الشباب للشاليهات تنسى عمرك فيها وينك ماشفناك هناك
    سحر :والله اخوي كان موجود وامس طلع على امريكا وتعرفه انتا ابو الخنقة
    شمس (البوية ): ايه والله تعلمني باخوك (وتطالع بالبنت اللي معاها ) ومنو هالحلوة ماعلمتنا عليها راحت خولة
    سحر في بالها الله والورطة
    ريما: ايه حبيبي مين خولة ان شاء الله من وراية خولة وعبلة ايه مشكور حبيبي يجي منك اكثر
    راحت ريما وسابتهم
    سحر: الله ياحذك ياشيخ ايش الورطة هاي دحين هاذي مين بيراضيها راح تكلفني
    شمس :ههههههههههههههههههههههههه عاد قولنا بتثبتلك على وحدة ماعرفنا انك لعاب
    سحر :ههههههههههههههه مو انا اللي وحدة تجيب راسي بالارض خلها تنقلع اللي جابها يجيب غيرها
    وحدة من البويات :شباب شباب شوفو هناك البنتين اخ ياقلبي ماقدر اتحمل
    التفتت سحر وشافت البنتين :شباب سيبوكم من هالبنات
    البوية :ليه حتى ذولي مشبكهم
    سحر :لا ذولي من الاهل
    البوية :او وانا اخوك مادريت سامحني
    سحر: لا عادي بروح اسلم عليهم

    في الناحية الثانية
    هديل : بنات بنات لحقو على اعماركم وحدة من البويات جاية ناحيتنا
    لمى : لا عادي خليها تجي
    هديل: لمى انتي صاحية انتي تكرهين هالشلة شالسالفة
    لمى : لا بس هاذي اللي جاية بنت عمي سحر
    هديل :شو واهلك ساكتين لها دارية انتي من هاذي سحر اكبر لعابة في جامعة الملك عبدالعزيز كلها روحي شوفي البنات كيف يبكون منها
    لمى :سحر صح انها لعاية وانها بوية بس والله ذاك اليوم سالتها وقالتلي انو بس لعب ماعمرها غلطت بشي البنات بس يبكون عشانها سابتهم
    هديل :حتى لو مايصير لازم تنصحونها تضربونها تحبسونها أي شيء بس حرام كذا
    لمى :والله نا تعبت فيها واختي كمان وامي كلمت امها وابوي كمان بس كلهم نفس الرد لسه مراهقة اصلا انتي لو تشوفي اخوها كيف يشد عليها مافي فايدة والله يانه يوريها الويل بس دحين هو مسافر يدرس مع اخوي خلاص خلاص انكتمي هاذي هي وصلت
    سحر :مرحبا صبايا
    لمى وهديل: هلا والله
    هديل :عن اذنكم بروح اشوف هدى
    سحر :اشبها صحبتك اول ماشافتني كانها شايفة ابليس قدامها
    لمى :لا ولا شيء بس وحدة من البنات كان عندها اختبار وخرجت منهارة خبصت فيه
    سحر :ايوا قلتيلي وانتي كيف حالك ؟
    لمى: الحمد لله بخير انتي كيفك ؟
    سحر: والله بخير اقول لمى مادامك جالسة لحالك ليه ماتجي تجلسي معايا
    لمى: لا صراحة ياسحر مارتاح لصديقاتك
    سحر :ههههههههههههههههههههههههههههههههه
    لمى :اشبك تضحكي
    سحر :لا ههه بس عجبتني صديقاتك
    لمى :طيب حبيبتي اذن الظهر تجي معايا على المسجد
    سحر: شو مسجد انتي ناوية تفضحيني
    لمى :وا عليكي ياسحر ماتصلين
    سحر :هي انتي اشبك تراك بديتي تخرفين الا اصلي بس مو بالجامعة لمن ارجع للبيت
    لمى :يالله عليكي يعني الصلاة سارت فضيحة
    سحر :اقولك بلا تخريف انا ماقلت شيء لاتالفين من راسك
    لمى :اجل شو
    سحر :الشباب لو شافوني راح يورني الويل
    لمى :طيب تخيلي وانتي راجعة للبيت لا سمح الله صارلك حادث وموتي
    سحر :هي انتي لاتفاولين علي اصلا مو الشرهة عليكي الشرهة علي انا اللي جالسة معاكي
    راحت سحر وسابتها لمى :الله يهديك ياسحر
    سحر وهي رايحة لصديقاتها :اف الله يعين على هاللمى قال ايش قال اموت وجع في شكلها تفاول عي بس صادقة الصلاة ماهي بعيب ولا حرام وبس الشباب راح يفضحوني عند البنات . صدمت سحر ببنت
    البنت :وجع ماتشوفي
    سحر :لا ياقلبي من جمالك سرت ماني شايفة غيرك عسى ماتعورتي
    البنت :ههه لا عادي
    سحر :الا انا شايفتك من قبل صح ؟
    البنت :ممكن شفتيني في البازار ذاك اليوم
    سحر :ايه والله صح حتى اني اقول لصحابي شوف البنت هاذيك تاخذ العقل
    البنت :لا والله انتي اللي تاخذي العقل
    سحر :الا اقول ايش اسمك ؟
    البنت :ندى
    سحر :هلا والله بندى طيب انا اللحين عندي محاظرة ممكن رقمك ؟
    ندى :ولو خذيه *******050 سجلتيه
    سحر :ايه مشكورة يالله نشوفك على خير ياحلو
    ندى وهي مستحية :باااااي
    وصلت سحر لعند صديقاتها
    شمس :اشوفك ضبطت الحلو اللي هناك
    سحر :اعجبك انا
    شمس :مرة ماعنده وقت ابو الشباب سايب وحدة اليوم ومتعرف عالثانية
    سحر :ياشيخ لل سبت احد ولا شيء ريما راح تتصل علي مرة ثانية
    وحدة من الشلة :وش اللي يخليك واثق
    سحر :لانو ماتستغني عني لانها محتاجة ارمي عليها كم ريال تجيك لين رجولك تبوسها
    الشلة :هههههههههههههههههههههههههه
    (سحر ماشاء الله عليها طويلة و حلوة عيونها الوساع ورموشها كثيرة وحنطية على برونزي وفمها صغير وخشمها سيفوفيها خال على خدها اليمين شعرها بني قاصته لين اذنيها )
    سحر :يالله شباب رايح للمحاظرة
    شمس :فمان الله
    بعد ماخلصت من المحاظرة
    سحر تكلم الجوال :مام شو هاذا ابغى ارجع ايش اسوي اللحين ليش ماخذه سواقي
    ام احمد :حبيبتي انا طالعة مع فوزية صديقتي في السوق وابوك رسل السواق على مكة يجيب اغراض ومافي غير سواقك
    سحر :طيب وانا ايش اسوي
    ام احمد :ارجعي مع وحدة من البنات
    سحر :خلاص اوكي سي يو
    ام احمد :باي ياقلبي
    سحر :شموس
    شمس :هلا حبيبي
    سحر :توصلني
    شمس:والله ياليت بس انا اللحين طالع على مكة عند جدتي الله يعين سوري حبيبي والله ماتزعل
    سحر :لا عادي اشوف احد ثاني
    شمس :بس كلهم راحو
    سحر :اجل خلاص اخلي الوالدة ترسلي السواق
    شمس :طيب يالله فمان الله
    جلست سحر على الكراسي تدق على امها مشغول (
    اف يالله ربي عليكي اللحين ايش اسوي
    :سحورة حياتي ليه مارحتي
    البارت الثاني
    سحر التفتت وراها :لمى لا بس امي ماخذة السواق
    لمى :طيب اوصلك
    سحر :لالا امي بعد نص ساعة راح تجي
    لمى :لا والله انا اللي راح اوصلك وتراني حلفت لاترديني
    سحر :طيب مين اللي راح ياخذك
    لمى :هههههههه هاذا خلّود قال بيسوي فيا خير قبل مايسافر
    سحر :ليه :هو ماسافر مع احمد ؟
    لمى :ههههههه لا لانه ماجاء معاه
    سحر :بس صعبة اركب مع اخوكي فشلة
    لمى :الله واكبر لاتقولي مستحية
    سحر :لالا من قال انا استحي هههههههههه بس فشلة
    لمى :لا والله انك مستحية مبين لو مانتي مستحية كان ركبت معاه
    سحر :ماني مستحية وتشوفي راح اركب معاه
    لمى :طـ..............دق جوالها
    لمى :هلا خلود
    لمى :ههههههه طيب اسفة هلا خالد
    لمى :طيب اللحين نجيك
    لمى :انا وسحر
    خرجت لمى ووراها سحر لمى لفت الطرحة وغطت وجهها
    وسحر الطرحة على كتوفها
    ركبو السيارة .لمى وسحر :السلام عليكم
    خالد :وعليكم السلام .سحر ممكن تلفين الطرحة وتغطين وجهك
    سحر (وجع شو هاذا الوقح ):لا مو ممكن لانه انا تعودت كذا
    خالد :وانا ماني محرك السيارة الا وانتي مغطية
    سحر :اجل لاتحرك بكيفك
    لمى :ياهو استهدو بالله
    خالد :انا قلت كلمة وماني ثانيها تلف الطرحة وتغطي وجهها
    سحر :وانا ماني لفتها وورني شوبتسوي
    خالد :اجل نزلي من السيارة
    سحر :تامر امر على هالخشم
    نزلت سحر وطخ رقعت الباب
    لمى :حرام عليك لييه سويت كذا بالبنية
    خالد:هاذي بنية حشا وكلا ماهيب ببنية
    لمى: خلّود حرام عالاقل بس عشان عمي
    خالد :طيب عشان خاطر عمي تلف الطرحة وتطلع
    لمى :خلاص اروح اكلمها
    تزلت لمى وشافت سحر :سحورة خلاص هو يعتذر منك
    سحر: ماعاش ولا راح يعيش اللي يغلط على سحر بنت الـ.......... يجي واحد زي كذا يغلط عليا
    لمى :يابنت هاذا ولد عمك امسحيها في وجهي
    سحر: خلاص روحو انا امي بتجيني
    لمى :ياشيخة على ماتوصل الا والبنات مختفيين يايدخلون المحاظرات يايروحون بيوتهم يابنت الحلال مايسير
    سحر :روحو خلاص مالكم شغل فيني
    لمى :الله يهديكي
    راحت لمى وسابت سحر وراحت لخالد :ماهيب راضية تجي
    خالد :كيفها
    لمى :خالد !!!!!
    خالد :يعني ايش تبيني اسويلها
    لمى :لا ريح نفسك ولا شيء
    خالد :خلاص راح استنى لين ماتروح
    لمى :لا تعبت نفسك
    وجوا عند سحر
    :هلا والله بحسام (اسم سحر )
    سحر :ابو جاسم هلا ومرحبا فيك وينك يارجال
    ابو جاسم :موجود الا وين اشوفك مارحت
    سحر :لا استنى العلة السواق
    ابو جاسم :طيب انا اوصلك
    سحر :اوكي يالله مشينا
    خرجت سحر ومعاها ابو جاسم بنت ضخمة مسترجلة على اصوله سمرة والعضلات والسجاير بيدها يعني شيء يخوف بجد
    لمى :شوف سحر خارجة مع مها لا ياسحر لا تروحين معاها
    خالد :ليش توفر
    لمى :انتا ماتعرف هاذي مها اسمها بالجامعة ابو جاسم
    خالد حرك السيارة ناحية سحر وفك الشباك :سحر اركبي السيارة
    سحر :ماني راكبة ووريني ايش بتسوي
    خالد بدى يعصب :سحر اقولك اركبي احسلك
    سحر :يمة خوفتني ايش بتسوي يعني تضربني
    ابو جاسم :يالله ياحسام
    خالد :اوكيك ياسحر
    خرج جوالو ودق :الو هلا عمي انا بالجامعة ابغي اخذ لمى وسحر وسحر ماهيب راضية تجي اوكي دقيقة
    سحر خذي ابوك بيكلمك
    سحر :الو هلا يبة ايه مابي طيب خلاص باي
    سحر :اسف يابو جاسم تعبتك معايا
    ابو جاسم :لا ماعليك احنا يحصلنا الشرف لمن نخدم حسام من عيوني حبيبي مع السلامة .راحت مها
    خالد :اركبي يا...حسام
    سحر انصدمت معقول سمع كلامنا ياربي اللحين بيفضحني عند احمدو الله يعين بس
    حركت السيارة وخالد مشغل شريط ابو نورة.دق جوال سحر
    سحر :الو
    ام احمد :هلا حياتي ها ارسلك السواق
    سحر :لا مام انا جاية مع لمى
    ام احمد :مع مين السواق
    سحر :لا مع خالد
    ام احمد :طيب حبيبتي انا اليوم راح اتغدى عند خالتك فوزية اوكي
    سحر :وابوي؟
    ام احمد :ابوكي عند اخوه بيتغدى
    سحر :طيب يعني اتغدى بالبيت بروحي
    ام احمد :ايه ايش فيها ولا روحي مع حد من صديقاتك
    سحر :طيب خلاص انا بقفل اللحين
    ام احمد :اوكي حياتي باي
    سحر :باي
    لمى :سحورة قلبي ليه ماتجي عندي اليوم
    سحر :لالا ابغى اروح البيت ابى انام
    لمى :طيب نامي عندي
    سحر :لا لا مشكورة ياقلبي
    لمى :اوكي كيفك
    وصلت سحر ودخلت البيت هدوء
    سحر :ليلي ليلي ووجع تعالي
    ليلي :نااام سهر
    سحر :شو الغدى
    لمى :هالو ياهل البيت
    سحر :لمى هلا ماروحتي انتي
    لمى :لا عزمت نفسي عندك
    سحر :تفضلي ها ليلي شو الغدى
    ليلي :ستيك دجاج مع جبن احط لكم
    سحر : ايه حطيه(راحت الخدامة )لمى هاتي عبايتك
    لمى :تفضلي
    سحر اخذت العبي وادتها الخدامة الثانية
    ليلي :سهر تبي اكل هنا ولا فوك
    سحر :ها لموي شو رايك
    لمى :كيفك اللي يريحك
    سحر :لا حطيه فوق عشان التي في
    ليلي :اوكيه
    طلعو فوق وجلسو على الطاولة قلبت سحر على المبارة
    لمى :لا تقولي راح تتفرجين عليها
    سحر مستغربة :ليه لا
    لمى :بجدك انتي هاذي خلود يتفرجلها اللحين
    سحر :ليه يعني ماتفرجلها يعني عشاني بنت وهو ولد
    لمى :مااقصد كذا ياشيخة تفرجي على اللي تبيه
    (لمى اقصر من سحر بشوية شعرها طويل بعكس سحر وفيها شبه منها بس الفرق انه لمى بيضاء بس مافيها خال)
    سحر :طـ.........دق جوالها
    سحر :هلا والله عزوز
    عزوز :هلا فيك حسام شلونك يارجال
    سحر :تمام انت كيفك
    عزوز :طيب اسمع يارجال اليوم في جمعة بشاليه تعال وجيب معاك أي احد تباه اوكي
    سحر :والله ماقولك اوكي بس اشوف واردلك اوكي
    عزوز :اوكي مع السلامة
    لمى :تكلمين اولاد ياسحر
    سحر :لايروح فكرك بعيد هاذي وحدة من البنات تحب ننادها عزوز اسمها عزيزة
    لمى :اها
    ام احمد :لمى عندنا هلا والله حبيبتي
    لمى :هلا خالتي شلونك
    لم احمد :بخير انتي شلونك
    لمى :الحمد لله يالله انا استاذن خالد يستناني برى
    ام احمد :طيب حبيبتي مع السلامة
    سحر :مع السلامة لموي عاد لاتقطعين
    لمى:عاد انا القاطعة ولا انتي
    سحر :مو مهم مين بس لاتقطعين
    لمى :مع السلامة
    سحر :يمة صديقاتي متجمعات ممكن اروح لهم
    ام احمد :انا ماعندي مانع بس كلمي ابوكي
    سحر :اوكي
    كلمت ابوها ووافق بس ماتتاخر هي ماقلتله وين عشانه لو عرف ماراح يرضى وراحت تتجهز
    لبست بنطلون جينز لوست واسع وتيشرت من تشيرتات الاولاد وومطلعة البوكسر (زي الشورت يلبسونه الاولاد تحت البناطيل ) وزبطت شعرها ولبست العباية وخرجت
    وراحت وصلت للشاليهات بعد ساعة الا ربع
    :شبااااااااااااااااااااب وصل المعلم حسام دونجوان الجامعة
    سحر :شكرا شكرا
    شمس:الا ماجبت حد عاك
    سحر :لا ماني ناقص خليني افلها على راحتي
    شمس :اصلا الجلسة معفنة كل البنات القدام مافي حد جديد الا وحدة
    سحر :بروح اشوفها
    راحت سحر وخرجت برى على البحر لقت طاولات والبنات جالسين يرقصوا واللي معاها معسل واللي شيشة واللي سيجارة
    عزوز :هلا هلا بحسام حبيبي
    سحر :عزوز شلونك شخبارك
    عزوز :الحمد لله بنشكر الله تعال تعال ابى اوريك وحدة اوف صاروووووووخ
    راحت سحر للبنت وهي معطيتها قفاها
    سحر :هلا ياحلو




    البنت وهي خايفة :اهليييييييين
    عزوز:جنى هاذا حسام حسام وهاذي جنى
    سحر :لاتخافين ماراح اكلك عزوز ترى هاذي لييييي فاهم محد يقرب
    عزوز :خلاص يابو الشباب انتا وهي تفاهمو
    سحر :تعالي تعالي لاتخافين خلينا نبعد عنهم
    جنى قامت تبكي :بليز لاتسوين بي شيء
    سحر :اشبك هدي ماراح اسوي شيء
    جنى :الله يخليكي انا جيت غصبا عني بليز ماتسوين شيءفيني
    سحر :طيب مادام ماتبي تجي ليييه انتي هنا اصلا وانتي عارفة حفلات زي كذا ايش فيها
    جنى :لا والله بس هاذي عزيزة عندها صورتي سحبتها من الكمبيوتر حقي وتهددني لو ماجيت راح تنشر صورتي
    سحر :طيب خلاص هدي وانا بتصرف
    جنى :بجد؟؟
    سحر :ايوا بس انتي سايريني
    جنى :كيف؟
    سحر :اللحين نجلس ابو نص ساعة وبعدين اهم شيء تخرجي من هنا وانا اتصرف مع عزوز اوكي
    جنى :اوكي
    سحر :اللحين نجلس هنا وبعد نص ساعة نخرج
    جنى :ليش ينادونك حسام
    سحر :هههههههههههه هاذا اسمي كذا
    جنى :بس انتي مرة مو زيهم ليه متعرفة عليهم
    سحر :هاذول هم اصحابي كلهم زيي في فترة الناس كلها تبعد عني هم اللي جلسو معاي وخلوني احسن واحد واللحين شوفي كلهم يبون يتعرفون علي
    جنى: يعني هاذا الشيء اللي مخليكي زي كذا
    سحر :ها (عشان بتضيع السالفة ) خلاص مرت نص ساعة خلينا نقوم
    مشو ومسكت سحر يد جنى عشان ماتخرب السالفة
    عزوز:وين يارجال ؟
    سحر :يابن الحلال الواحد ماياخذ راحتو مع الحلو اللي جنبي كل شوية ناطتلي بنت ممكن نتعرف
    عزوز:ايه قول كذا خلاص بس لاتقطع
    سحر :طيب يالله مع السلامة
    خرجت سحر هي وجنى وراحو لسيارة سحر طبعا اللي يسوق السواق
    سحر :خلاص انا اللحين اوصلك بيتكم وينه
    جنى :في الصفا
    سحر :عزيز روح الصفا ..واللحين هم اكيد راح يتصلون يعزمونك على حفلاتهم وجمعاتهم
    جنى:يمة وش اسوي
    سحر :ههههههه اهدي عادي قوليلهم حسام مايرضى اذا رضي انا اجيكم
    جنى :حسام اللي هو انتي صح :
    سحر :ايوا
    جنى :طيب ممكن اسال سوال
    سحر :تفضلي
    جنى :ايش اسمك
    سحر :هههههههههههههههههههههههههههه اسمي سحر
    جنى :اها وتدرسي بجامعة الملك عبدالعزيز ؟
    سحر :يب فين بالظبط في الصفا ؟
    جنى :ورا عزيز مول
    سحر :اوكي عزيز روح عند عزيز مول
    جنى :يعني لو دقو عليا بس اقول انو انتي ماني راضية
    سحر:ايوا بس انتبهي لاتقولين سحر قولي حسام لانو لوتقولي سحر حيعرفون انك مو معايا وبس يتصلون عليكي دقي عليا عشان اتجهزلهم
    جنى :اوكي بس اديني رقمك
    سحر:اوكي خذيه *********050
    سكتو فترة بعدين
    سحر:ايه جنى انتي معانا في الجامعة صح
    جنى :اييييه
    سحر:اجل لازم بين فترة وفترة تطلين عليهم معايا لين ماقدر اتصرف مع عزوز واخذ الصور
    جنى:سحر مرة مشكورة انا ماعرف كيف اردلك هالجميل
    سحر:بس اطلب منك شيء واحد
    جنى:شنو
    سحر:مابي احد يعرف باللي يسير بيننا لو احد عرف ترى والله مالي شغل فيكي وانتي دبري نفسك مع عزوز ولا انا شرطي انو محد يعرف بالموضوع اوكي
    جنى:اوكي لاتخافين ..خلاص هاذا هو البيت وقفي عنده
    سحر:اوكي عزيز وقف
    نزلت سحر جنى ورجعت للبيت


    البارت الثالث
    بمكان ثاني
    :يمة يمة يمة يمة
    ام خالد:وصمة ان شاء الله
    لمى :هلا متى راح تجي وحشوني عيالها
    ام خالد:بكرا راح تجي قبل سفر اخوكي ..الا انتي وينك تاخرتي اليوم رحتي عند سحر
    لمى :ايه يمة مسكينة امها راحت تتغدى مع صديقتها وعمي هنا عندنا قلتلها تعالي ماهيب راضية فقلت انزل انا معاها
    ام خالد:والله هالبنت ضعيفة انه ماصارت كذا الاعشان الاهل اللي ماهم داريين عنها الام مع صديقاتها والابو بشغله واقاربه والاخو مسافر ولا كان هو اللي مسكها شوية
    البنت يبونها كيف تطلع يابنيتي حاولي معاها لاتتخلين عنها
    لمى :لاتخافين يمه انا احاول وياها الا اقول وين خلود
    ام خالد :راح عند عمك وابوك في المجلس
    لمى :عندهم حد ؟
    ام خالد :ايه فيه صاحب ابوك
    لمى :اشوى انك قلتلي كنت بروح اسلم
    \
    \
    \
    \
    \
    ام احمد : سحورة قومي
    سحر:مام ابي انام
    ام احمد :يابنتي ابوك يقول خليها تصحى بنروح حق بيت عمك
    سحر:لييييييه
    ام احمد :خالد اليوم بيسافر
    سحر:طيب ؟؟
    ام احمد :شو طيب ابوكي يبغاكي تجي معانا مو حلو ماتجي لمن اخوكي سافر هم جو كلهم
    سحر:طيب خلاص قمت
    قامت سحر صلت ولبست بنطلون وتيشرت وخرجت
    سحر:هاي داد
    ابو احمد :شو هاي الناس لمن تدخل تقول السلام عليكم
    سحر:سوري السلام عليكم
    ابو احمد :وعليكم السلام
    سحر :داد متى نروح لبيت عمي
    ابو احمد :بعد العصر
    سحر:ليه متى راح يروح خالد
    ابو احمد :بعد العشا
    سحر:اجل ليه نروح من العصر بعد المغرب نروح
    ابو احمد:سحر لاتناقشيني انا قلت العصر نروح يعني العصر نروح
    سحر:طيب خلاص
    قامت سحر وراحت لامها تبي تجلس معاها
    سحر:مام
    ام احمد :دقيقة يافوزية نعم مانتي شايفتني اكلم التلفون
    سحر:خلاص اسفة
    راحت على المطبخ
    سحر:ليلي
    ليلي:نام سهر
    سحر:حطيلي فطور
    ليلي:تيب بس فين حتو
    سحر:حطيه بغرفتي








    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  2. #2
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: لجل عيونك ابيع كل ماعلى الكون واشتريك



    طلعت لغرفتها وفتحت جوالها لقت 15 مس كول ورسالتين
    المكالمات من عزوز وشمسووحدة من رقم غريب ورسالة من ريما ورسالة من عزوز
    فتحت رسالة عزوز(هلا حبيبي كيف كانت ليلتك مع ******)
    الله ياعزوز انا كيف تورطت معاكي
    اف الله يعين لازم اردلها رسالة (كانت ليلة ولا في الاحلام )
    جاء الفطور وجلست تاكل وتتفرج على التي في الا يدق جوالها
    سحر: الو
    :الو
    سحر:مين معاي
    :سحر انا جنى
    سحر:هلا جنى
    جنى :سحر لحقيني عزيزة رسلتلي مسج
    سحر:جنى عادي ترى لازم تتعودي على المسجات اللي زي كذا منها وراح تكثر بس لازم ترديلها
    جنى :شو اقولها ؟
    سحر:ايش المسج
    جنى: انبسطتي مع حسام ولا لا
    سحر:رديلها مثلا ايه هو مرة وناسة مرة الجلسة كانت بسطة
    جنى :طيب مشكورة ياسحر
    سحر:اوكي اذا صار شيء دقي علي اوكي
    جنى :اوكي باي
    خلصت سحر الفطور ونزلت تحت
    ام احمد :يسلم عليكي اخوكي
    سحر:شلونه مام
    ام احمد:الحمد لله طيب كان عنده اليوم اختبار
    سحر:هاذا اخر سمستر له صح
    ام حمد:ايه غير هاذا الاختبار عنده كمان 3 ويرجع ان شاء الله على الاجازة يكون مخلص
    سحر:وخالد معاه ؟
    ام احمد: لا خالد اللحين يصير يبقاله 3 سنين وان شاء الله عنده اجازة على بداية الشهر الجاي
    ابو احمد :يالله تجهزو انا بروح الصلاة ارجع القاكم جاهزين
    ام احمد: حاظر ..سحورة ايش راح تلبسين
    سحر:يمة راح اروح بلبسي هاذا
    ام احمد :لا ايش تروحين فيه لا البسي تنورة ؟
    سحر:لا مام تعرفين اني اكرهها
    ام احمد:انا قلت كلمتي وماراح اعيدها قلت تنورة يعني تنورة
    سحر:ايش هاذا طيب خلاص
    راحت سحر ولبست تنورة على نفس التيشيرت وراحت لامها
    سحر:ها كذا اوكي؟
    ام حمد :ايه كذا اوكي بس تعالي عندي
    سحر راحت لامها وامها سحبتها وجلستها على كرسي التسريحة وقامت تحطلها شدو لحمي وبلاشر وردي وقلوس وكحل وسحر تحاول تقوم وامها مسكتها ماهي مخليتها لمن قامت
    ام احمد: ماشاء الله تجنني يابنت تاخذي العقل
    سحر:يمة ايش المهرجان اللي بوجهي هاذا
    ام احمد :شو مهرجان كذا البنات يحطون ماشاء الله تبارك الله عيني عليكي باردة
    ابو احمد من تحت :يالله بسرعة استعجلو اتاخرنا
    راحو لبسو العبي وركبو السيارة وسحر طبعا مع ابوها لازم تلف الطرحة وصلو ونزلت سحر وامها ودخلو جوا
    لمى :هلا والله ياحيا الله خالتي
    ام احمد :هلا حبيبتي شلونك
    لمى :الحمد لله تفضلو تفضلو ..سحورة وااااااااااااااو شو هالحلاوة كلها ماصدق هاذي سحر
    سحر:ايه هاذي سحر
    لمى:واوا يابنت بتعقدي
    سحر:امي الا والا تحطلي مكياج انا ماحبه
    لمى :بس ماشاء الله تجنني
    سحر: مشكورة ياقلبي
    دخلو جوا الصالة
    سحر:هلا خالتي شلونك
    ام خالد :الحمد لله بخير انتي شلونك حبيبتي
    سحر:كويسة
    وبدأو الحريم بهرجهم المعتاد ام فلان سوت وام علان بدعت
    اما لمى وسحر كانو ساكتين ماهم عارفين بايش يتكلمون صح انهم بنات عم بس ماعندهم ولا شيء مشترك جالسين سحر تلعب ببلوزتها ولمى تطالع بالارض
    لمى:سحر اجبلك حلى مسويته اليوم
    سحر:طيب اوكي
    لمى مسكت يد سحر :طيب قومي معايا نسوي جولة في البيت
    سحر:اوكي
    قامو وراحو على المطبخ وبحركة دارت لمى :واللحين اعرفك على مطبخنا الحبيب حيث تقضي امي اوقاتها السعيدة فيه
    سحر:ههههههههههههههه سويتي اعلان عنه شيء عجيب
    لمى :شوفي هاذا الحلا طلعته من النت مرة جيد ذوقيه وجربي
    سحر:اوكي
    ذاقت سحر الحلى :اممممم عجيب مرة شيء تسلم يدينك ياقلبي
    خالد:لمى وين القهوة
    لمى :خالد لاتدخل فـ......
    بس مالحقت تكمل كلامها الا وخالد في وجه سحر
    خالد تنح بكل معنى الكلمة لانو سحر جميلة بدون مكياج اجل لو حطت مكياج كيف بتطلع كانت قمة في الجمال
    اما سحر اول مرة تكون قريبة كذا منه انسحرت بعيونه لانه عيونه واسعة ورايحة على بني ووجهها حمر ممكن استحت
    لمى :هي انتا وهيا بس عيب حرام
    خالد انتبه على نفسه ارتبك فقال يضيع الموضوع دار واعطى سحر ظهره وقال :هلا كيف حالِك ياحسام
    سحر انصدمت هاذا يعني يبي يبين انه يعرف ولا ناوي يجرحني
    سحر سابتهم وخرجت
    لمى :حرام عليك شكل البنية زعلت
    خالد:انتي لساعك مصرة انها بنية
    لمى :خالد ترى مايصير كذا حرام عليك ترى سحر لمن تكلمونها بصريخ وتريقة ماراح تتغير هي تحتاج احد يتكلم معاها ترى والله امس ماشفتها بالبيت لحالها تكسر الخاطر حرام عليك خالد مو احنا والزمن عليها
    خالد سكت ماعرف ايش يقول :طيب اعطيني القهوة
    طالعت فيه لمى وبعدين قالتله:شوفها عالطاولة .............وخرجت وسابته
    لحقت سحر لقتها جالسة عالكنب في الصالة اللي عند المطبخ :سحورة قلبي لا تزعلي منه هو مايقصد
    سحر وهي تمسح وجهها وشكلها كانت تبكي :لا عادي ليه ازعل هو اصلا قال الحقيقة انه انا اسمي حسام
    لمى :لا لا حقيقة ولا شيء انتي سحر ماشاء الله عليكي تهبلين احلى بنية بجدة كلها
    سحر:لا ماعتقد هاذا الشيء انا احلى بوية بجدة كلها
    لمى :لا ياسحر ليه تتنكرين انك بنت ايش اللي بيفيدك اذا سويتي انك ولد
    سحر:شوفي كل البنات ميتين علي كلهم بس يبون نظرة مني
    لمى:يعني انتي مسوية كل هاذا عشان البنات يحبونك
    سحر:لا طبعا مو عشان كذا
    لمى:اجل لييي..........قطع عليها جوال سحر اللي يدق
    سحر:الو
    جنى:سحر لحقي علي
    سحر:جنى اهدي شوي وقوليلي ايش فيك
    سحر:دقت علي عزيزة تقولي اللحين انا بمر عليكي في حفلة في استراحة تقولي تجهزي
    سحر:طيب انتي ايش قلتيلها
    جنى:قلتلها انك ماترضين
    سحر:طيب؟؟؟
    جنى :قالت خلي حسام علي وانا قلت احذرك قبل لاتدق
    سحر:طيب انتي قفلي وانا اتصرف اوكي واذا اتصلت مرة ثانية ردي عليها وقليلها نفس الكلام حسام مايرضى اوكي
    جنى :خلاص اوكي باي
    سحر:باي ....لموي بالله ابي غرفة فاضية ماحد يسمعني
    لمى :لييه ؟
    سحر:اقولك بعدين بس بليز
    لمى :خلاص تعالي غرفتي
    راحو الغرفة وفي الطريق دق جوال سحر ((عزوز))
    سحر:الو
    عزوز:هلا بابو الشباب
    سحر:اهلين عزوز شلونك يارجال ؟
    ولمى تسوي حركات بيديها يعني ايش السالفة وسحر تسويلها دقيقة
    عزوز:الحمدلله انت شلونك شخبارك ؟
    سحر:الحمد لله
    عزوز:اقول اتصلت على جنى تقولي حسام مو راضي شالسالفة وانا اخوك
    سحر:والله صراحة اللحين انا مواعدها وبعدين ياخي ماقدر اشوفها مع غيري اغار عليها
    عزوز:هههههههههههه والله وجابت راسك جنى
    سحر:ههههههههه لا راسي ولا رجلي بس الموضوع ومافيه الشيء حقي ماحب حد يشاركني فيه
    عزوز:يعني انانية ؟
    سحر:تقدر تقول زي كذا بس والله ياخي سامحني الا جنى لو تبى تاخذ ريما كيفك بس جنى لا
    عزوز:خلاص صار خير
    سحر:طيب تامرني بشي
    عزوز:سلامتك يالله فمان الله
    سحر :مع السلامة
    لمى :سحر ايش السالفة
    سحر :دقيقة
    نزلت تحت وسألت امها متى يبون يروحون قالتلها يتعشون ويروحون
    طلعت فوق قلتلها لمى :سحر قوللي ايش السالفة تراكي اقلقتيني
    سحر:اقولك بس بليز ماتقولي لاحد
    لمى :اوكي
    وقالتلها كل شيء لمى :طيب ايش راح تسوين
    سحر:راح اكلمها تجي هنا عشان عزوز مايحس بالسالفة
    دقت سحر:الو
    جنى :الو ايوا سحر ايش سويتي
    سحر:جنى انا فهمتها الموضوع بس لازم اللحين تجين عندي في بيت عمي
    جنى :لييييه ؟
    سحر:لانه انا قلتلها اني مواعدتك اللحين
    جنى :بس اخـ...........
    سحر:شوفي لاتخافين مني ماراح اسويبك شيء وماني من النوع اللي يكذب على الناس وبعدين اهلي كلهم فيه وبنت عمي يعني لاتخافين
    جنى :طيب اوكي
    سحر:خلاص اناا اللحين ارسلك السواق ياخذك
    جنى :خلاص اوكي بـ..........
    سحر:جنى احنا ايش قلنا لاتخافين مني خليكي واثقة
    جنى :لا خالص اللحين اتجهز باي
    سحر:باي
    نزلت تحت هي ولمى
    سحر:خالتي اللحين صحبتي انا ولمى بتحي عندنا
    ام خالد :الله يحيها اذا ماشالها البيت تشيلها عيوننا
    سحر:مشكورة ياخالتي الله لا يحرمني منك
    سحر:ولامنك ياقلبي
    لمى :سحورة تعالي نسلم على الرجال قبل لاتجي جنى
    سحر:طيب اوكي
    راحو عند الرجال لمى دخلت وسحر جلست تستنى برى عشان خالد اللي راح يسافر بعد ساعتين
    لمى :سحورة حياتي خالد مو فيه تعالي
    دخلت سحر:السلام عليكم
    ابو خالد:وعليكم السلام هلا والله هلا هلا بحبيبتي سحر ماشاء الله تبارك الله قمر قمر
    سحر:هلا عمي شلونك اخبارك
    ابو خالد :الحمدلله ياقلبي انتي شلونك اخبارك اخبار الجامعة معاك
    سحر:الحمد لله طيبة والجامعة يالله ماشيين فيها
    ابو خالد:عاد جيبو درجات ترفع الراس ووظايفكم موجودة في الشركة
    لمى :بجد يبة ؟
    ابو خالد :يابنت يعني باكذب عليكم
    سحر:عاد انا عن نفسي ماظمن لكم النتايج الحيدة
    ابو احمد :وليش ان شاء الله ؟
    سحر:يبة المواد مرة صعبة وبعدين الوقت ضيق
    ابو احمد :حتى لو انتي ولمى نفس التخصص ولا لا
    سحر:لا لمى اقتصاد وادارة وانا محاسبة
    ابو خالد: يعني انتي وخالد نفس التخصص
    سحر:ايه عمي نفسه بس طبعا الفرق كبير انا في جامعة عزوز وهو في امريكا بس انا حاسوي اللي عليا بس ماظمن لكم
    خالد وهو داخل:يبة لازم احـ.........قطعه ابوك
    ابو خالد :ياولد ارجع بنت عمك هني
    خالد :اسفة المعذرة
    سحر:لاعادي اصلا احنا بنخرج لانه صحبتي اللحين بتجي هني يالله عن اذنك ياعمي
    ابو خالد :مع السلامة يبة
    سحر: مع السلامة
    خرجت سحر وتلفتت تدور على خالد مالقته فكملت طريقها لين البيت وخالد بالاصل يطالع عليها من بعيد (ليه هي كذا مشيتها كانها واحد من الربع والله حرام هاذا الجمال كله يضيع في البوية ذي ,,خلود عيب عليك هاذي بنت عمك وانتا متنح فيها كذا ياولد)
    اما عند سحر اول ما وصلت دق جوالها
    سحر:الو
    جنى:الو
    سحر:ها وصلتي
    جنى :ايوا انا عند الباب
    سحر:خلاص ادخلي من الباب انا استناكي
    جنى:اوكي
    راحت سحر عند الباب ولقت لمى خارجة من عند الرجال
    سحر:لمى ترى جنى وصلت
    لمى :اوكي يالله نروح لها
    راحو عند الباب دخلت وحدة متغطية :السلام عليكم
    سحر ولمى:وعليكم السلام
    سحر:شلونك جنى
    جنى:الحمد لله بخير انتي شلونك
    سحر :الحمد لله جنى هاذي بنت عمي لمى لمى هاذي جنى
    لمى :اهلين جنى شلونك
    جنى:طيبة انتي كيفك :
    لمى :الحمد لله عم نشكر الله تفضلي ليش واقفين
    دخلو جوا
    وسلمت جنى على الحريم
    سحر:جنى هاذي امي وهاذي ام لمى
    جنى :شلونكم اخباركم
    ام خالد :الحمد لله حبيبتي انتي كيف حالك
    جنى :الحمد لله
    لمى :بنات خلونا نطلع فوق في غرفتي
    طلعو فوق وفصخت جنى عبايتها
    لمى :جنى وجهك ماهو غريب عني
    جنى:ايه والله حتى انتي بس احاول اتذكر فين شفتك
    سحر:بلا هبل انتي وهيا في نفس الجامعة اكيد راح تتقابلون
    لمى :لالالالالا انا متاكدة شايفتها
    جنى :تعرفي وحدة اسمها هديل الـ...............؟
    لمى:ايه صديقتي في الجامعة من ايام الدراسة
    جنى :كنتي في حفلة تخرج اختها
    لمى:ايه ليه انتي تقربين لها
    جنى:ايه هي بنت بنت عم امي
    سحر:اف يالمشوار
    وجلست لمى وجنى يتكلمون تعرفين صحبة مادري مين وتعرفين قربية ....
    دق جوال سحر :الو
    :الو هلا حسام كيفك ؟
    سحر:الحمد لله بس سوري من معاي
    :انتا ماراح تعرفني بس انا شفتك بالجامعة وصراحة عجبتني واخذت رقمك من عند وحدة تعرفها انتا
    سحر:طيب اخذتيه من ميين؟
    :هي قالتلي ماقولك المهم لاتحاول معاي انا بس حبيت اتعرف عليك
    سحر:طيب شو اسمك ؟
    :انا اسمي وجدان
    سحر:كيف حالك ؟
    وجدان :الحمد لله طيبة
    سحر:طيب وجدان اكلمك بعدين خلاص رقمك عندي اوكي
    وجدان :طيب باي
    سحر:باي
    لمى :ميييييييين؟
    سحر:وحدة تبي تتعرف علي تقول شافتني بالجامعة وعجبتها
    لمى وجنى:هههههههههههههههههههههههههه ناس فارغة
    لمى :عاد ياختي انتي امرك عجيب
    سحر:لييه ؟
    لمى:انتي اللحين تساعدين جنى بس البنات الباقيين لا لييه
    سحر:انا اقولك لييه هاذول البنات هم راميين نفسهم علي او اني كلمتها واعطتني وجه هاذول اللي زي كذا ذنبهم على جنبهم انا ماضربتهم على يدهم وقلتلهم دقو علي ولا ادوني ارقامكم اما جتى وفيه بنات كثير زيها نفس الشيء بالغصب لين مايدخولن معانا في محيطنا هاذول اساعدهم واحاول اخرهم من اللي هم فييه
    لمى:طيب ليييه
    سحر:مو عشان شيء اللي تجي برضاها كيفها شيء راجعلها اما اللي مغصوبة والله اساعدها وبعدين على فكرة جنى مو اول وحدة اخرجها من العالم اللي انا فيه
    جنى :بس لو كذا الشلة على قولتك ماراح تثق فيك مرة ثانية
    سحر: هاذا لانه كل البنات انا شرطت عليهم نفس شرطك اذا تكلمت أي وحدة انا مالي شغل فيها وترى لحد دحين فيه وحدة تكلمت وقالت لبنت ثانية على اللي سويته وطبعا انتو عارفين الاشاعات جاء عزوز وسالني صح السالفة ولا لا قلتله هاذي كذابة تبي ترمي بلاها علي ومادامها تنشر إشاعات عني انا مابيها حلال عليكم
    لمى :طيب ايش صار
    سحر:عارفة من هاذي
    لمى :لا
    سحر:هاذي خدوج الـ...........
    لمى :كذابة
    سحر:والله
    جنى :ميييين خدوج
    لمى :هاذي اخوها شافها مع شلة بويات داخلين شقق كان هو رايح لصاحبه وهي طالعة مع البويات ومن ذاك اليوم ماحد شافها اخوها حابسها في البيت
    جنى :حرام عليكي ياسحر
    سجر:لا حرام ولا شيء انا طلبت منها طلب بسيط وهي مانفذته كيفها عاد
    والبنات اللي ساعدتهم من يوم ماعرفو بسالفة الاشاعة واللي صار لها ربطو الامور ببعض وعرفو اني نفذت تهديدي
    جنى :بس كذا حراااااام
    سحر:لا مو حرام لانه الشرط انها تسوي اللي عليها واعتقد انه بسيط انها تتكتم على السالفة وانا بالنسبة لي انا اللي في وجه المدفع وهي مانفذت الجزء اللي متعلق فيها ليش انفذه انا وبعدين لو صدقو الشلة الكلام انا اللي بروح في داهية
    جنى :ليييييه
    سحر:انتي ماتعرفين عزوز هاذا شيطان مصيبة اصلا انا مادري كيف تورطت معاه
    جنى:بس اللي شفته ذاك اليوم عكس واضح انها تحبك كثير
    سحر:مو عشان شيء لانه انا عندي واسطات مع السيكورتي حق الجامعة ويدخلونها لانها ماهي معانا بالجامعة لو رفضت لي طلب اسحب واسطاتي
    لمى :سحر مايصير كذا حبيبتي انتي عارفة انك اللي تسوينه غلط يعني ذي الحفلات المفروض ماتروحين لها
    سحر:من الطفش ياختي ياشيخة قفلي على الموضوع اعتقد انه اللحين اخوك بيروح المطار
    لمى :لا مو اللحين بعد الصلاة
    \
    \
    \
    \
    اما في مجلس الرجال
    ابو خالد: ها يابو احمد ايش قولك
    ابو احمد :ولا شيء انا موافق عطيتك
    ابو خالد:طيب والبنت اسالها
    ابو احمد:لا عادي سحر لايمكن ترفض ولد عمها
    ابو خالد :بس لازم تسال البنت
    ابو احمد :خلاص اردلك بعد يومين
    ابو خالد:يالله عشان اذا وافقت لمن يرجع من الاجازة يملكون ولمن يسافر ياخذها معه
    ابو احمد :وهاذا الراي السنع يالله انا بروح للشركة وبعد الصلاة اكون عندكم
    ابو خالد :الله معاك ياخوي
    ابو احمد :مع السلامة
    \
    \
    بعد ماخرج ابو احمد
    ابو خالد:خالد تعال وانا ابوك
    خالد :هلا يبة امر
    ابو خالد :يبة انا خطبت لك بنت عمك سحر وابوها بعد يومين راح يرد علينا
    خالد :شنو !!!!! سحر !!!!! لا يبة اكيد انك تمزح صح !!
    ابو خالد عصب :شو امزح واحد من اصحابك وانا مادري
    خالد :مو بالقصد يبة بس سحر ..سحر ...
    ابو خالد :ايش فيها سحر جمال واخلاق وفوق كذا بنت عمك
    سحر:يبة بس سحر
    ابو خالد :لا حول ولا قوة الا بالله رد يقلي بس سحر اسمع وانا ابوك انا كلمت عمك وماراح ارجع بكلمتي ولا انتي تبي توطي قدري عند عمك
    خالد :مو بالقصد يبة بس سحر صـ......
    قطعه ابو :شوف ياخالد كلمتي وماراد ارد عنها عجبك عجبك ماعجبك لا ني ابوك ولا ابي اشوفك
    خالد انصدم معقول ابوه يقوله كذا عشان سحر هاذا الولد اللي كانها واحد من الربع
    خالد :اللي تشوفه يبه
    ابو خالد :ايه يبه اسمع كلامي وانا ابوك وترى سحر مافي زيها ثنتين بنت عز ودلال وجمال واخلاق
    خرج خالد من عند ابوه وهو مايسمع شيء حوالينه مافي في فكره الا انا اتزوج هالصبّي هزلت والله انا اتزوج ...........حسام
    \
    \
    \
    \
    \
    ام خالد :يمه لمى اخوك جاء يقول يبي يروح تعالي سلمي عليه
    لمى :يالله جاية سحر تعالي معاي
    سحر:لا فشلة شو اجي معاك
    لمى :لا فشلة ولا شيء لبسي عبايتك والطرحة وتعالي
    سحر:لا فـ........
    ماكملت كلانها الا ولمى سحبتها واخذت العباية ورمتها عليها وقامو يجرون في الدرج وصلو سحر:طيب دقيقة البس العباية
    لمى :طيب يالله
    لبست العباية ولفت الطرحة ودخلت شافت ام خالد :تبكي وهو يقولها يما هدي انا بعد شهر راج بس بروح ارتب امور الدراسة
    ام احمد وهي تبكي:الله يوفقك ياولدي وينولك مرادك
    لمى :خلود حتوحشني مع مين راح اتضارب كل يوم
    خالد :يالله يالمى كاني اول مرة اروح
    انتبه خالد لسحر واعطاها نظرة ماعرفت ايش معناها قهر زعل غضب ماتدري ليه قلبها عورها من هاذي النظرة بس كعادتها طنشت الموضوع وطلعت فوق عند جنى اللي لقتها تلبس بعبايتها
    سحر:على وين ؟
    جنى :رايحة على البيت امي دقت تقول عمتي عندنا ولازم ارجع
    سحر:طيب تعالي اوصلك
    خرجت سحر وجنى ونزلو تحت
    جنى :يالله انا استاذن ابي اروح البيت اتاخرت
    ام خالد :طيب ياقلبي مع السلامة
    سحر:يمة انا بوصل جنى وبروح البيت
    لمى :ليه بدري
    سحر:لا لانه وحدة من زميلاتي بتجي تاخذ ملزمة من عندي ضعيفة عندها اختبار
    ام احمد :طيب ياقلبي روحي
    سحر:مع السلامة ياخالتي
    ام خالد :مع السلامة
    خرجت سحر ووصلت جنى ورجعت البيت
    البارت الرابع
    بعد يومين
    :لا لا لا ماني موافقة
    ابو احمد :طيب لييييه
    سحر:يبى واللي يوفقك ماني موافقة
    ابو احمد :ليييه ابى افهم قوليلي سبب مقنع وانا اقلهم ماهي موافقة
    سحر:يبة مابي ابعد عنكم
    ابو احمد :انتي راح تكوني عند زوجك واخوك يعني عادي
    سحر:يبة بس هم مو بنفس الولاية
    ابو احمد :عالعموم انا اعطيت كلمتي لعمك وجهزي نفسك بعد شهر ملكتك
    سحرقامت تبكي:يبة مابي مابي ارجوك الله يخليك يبة ابوس رجولك مابي
    ابو احمد كسرت خاطره بس قال لا ماراح ارد بكلمتي :سحر انا قلت كلمة وماراح اثنيها بعد شهر لمن يرد ملكتك وزواجك فراح تكون ملكة كبيرة وراح تسافري معاه بعدها
    وخرج من عندها وسحر قامت تبكي وترمي الشياء حوالينها
    :مابي ماني موافقة ماراح اتزوجه
    جاتها امها
    سحر:يمة الله يخليك كلمي ابوي انا ماقدر اتزوج يمة ارجوكي
    ام احمد :ليه يعني عشان اللي فيكي ؟
    انصدمت سحر يعني امها طول هاذا الوقت تعرف وساكتة
    سحربرجفة :ي..مة ان...تي تعرفين
    ام احمد :اجل تحسبيني ماعرف ولا شيء انا عارفة كل شيء بس ساكتة عاشنك لسع مراهقة بس مو هاذا الشيء يمنعك انك تتزوجين
    سحر:يمة ماراح اتزوجه لو على موتي
    ام احمد :انتي تعرفين ابوكي ماراح يرجع عن كلمته انا خلاص من بكره راح ننزل السوق عشان تتجهزين تراهم رسلو المهر امس 100000ريال
    سحر انصدمت ماعرف ايش تسوي امها خرجت من هنا هي راحت وقفلت الباب ونامت تظن انه النوم هروب من كل المصايب والبلاوي اللي حلت عليها ماتدري ان النوم هروب مؤقت ولابد انها ترجع لواقعها لازم تواجه مشاكلها مو كل مشكلة والثانية راحت نامت
    \
    \
    \
    \
    :ووافقو ؟؟؟
    ام خالد:ايه موافقين يابنت ليه مستغربة
    لمى :لا ولا شيء الله يوفق سعيد بسعيدة (كيف اصلا خالد وافق هو يعرف انها بوية اصلا سحر كيف توافق وهي على قولتها انها تميل للبنات طيب خالد يعرف عنها وانها حسـ.......)قطع تفكيرها اختها هلا وعي داخلة
    هلا وهي معصبة :يمة بجدكم انتم ولا تمزحون ؟
    ام خالد مستغربة :بايش نمزح ؟
    هلا :بتزوجون خالد بسحر الصبّي ؟
    ام خالد :يابنت احترمي الفاظك
    هلا :يمة بجد انتي لو تشوفين اخت زوجي شلون تتكلم عنها هي معاهم بالجامعة بس تبدأ تتكلم عنها انا اتمنى اختفي تراها فاضحتنا
    ام خالد :يابنت عيب هاذي بنت عمك
    هلا:وعاشانها بنت عمي اخوي يتورط بالصبّي
    ام خالد:تراك اذيتنا الصبّي والصبّي كانه انا اللي مقررة روحي كلمي ابوك انا مالي شغل بشيء
    هلا :ماعلي بحد وراح اكلمه
    راحت هلا لابوها :يبه
    ابو خالد :هلا يابنيتي
    هلا:صح انكم بتزوجون خالد سحر
    ابو خالد :ايه صح
    هلا :يبة كيف ترضون انه خالد ياخذ وحدة مثل هاذي
    ابو خالد :يابنت غيب هاذي بنت عمك وبعدين انا قررت وماراح اتراجع
    هلا :حرام عليك يبة طيب خالد يمكن مايبيها
    ابو خالد :ليه اشتكالك لو اشتكالك ممكن بس هو موافق
    هلا :بـ.......
    ابو خالد :هلا قلنا خلاص
    \
    \
    \
    \
    :يارجال لاتزعل نفسك ياشيخ انتا يحصل لك اختي
    خالد :والله ياأحمد انك فاضي
    احمد بجدية :اسمع ياخالد انا راح اقولك كل شيء على بلاطة طيب وابغاك تسمعني وماتقاطعني لاني ماراح اقول هالكلام الا مرة وحدة
    اختي عندها مشكلة وانت عارف ايش هي من تصرفاتها انا راح اقولك السالفة من اولها ايام ماكانت سحر اولى ثانوي كل صديقاتها راحو لمدارس ثانية وهي لوحدها في مدرستها جلست لاسبوع ماتعرف احد لين ماتعرفت على بنت هي نفس حالتها اللحين كانت البنت 3 وسحر لاحظت الاعجاب اللي البنات يطالعون فيه هالبنت ولمن رجعت سحر المدرسة 2 قصت شعرها وسارت تقلد البنت بكل شيء هي بس تبغى حب البنات لها وتبغى ا.... ا.....اهتمام امي وابوي فيها امي الله يهديها طول الوقت مع صديقاتها وابوي بشغله واو عند اصحابه واذا شافها قام يخاصمها على أي شيء وامي كل ماتبي سحر تجلس معاها تقولها ماتشوفيني اكلم التلفون او بروح لحفلة يعني سحر تطلب الاهتمام تبي تلفت انتباه امي وابوي بس ماتعرف كيف تبي تلفت انتباه صديقاتها بس ماتعرف كيف انا اعترف اني كنت مقصر معاها كمان ومانتبهت لغلطتي الا متى
    خالد ماقدر يقول شيء بعد هاذا كله يقوله طيب انا ايش ذنبي يقوله ماهي مشلكتي ولا ايش يارب ساعدني يارب
    احمد :انا ماقدر اقولك شيء لانه ابوي وابوك خلاص موافقين وانت تعرفهم لاحطو شيء براسهم مايغيرونه بس اللي اقولك تحملها شوي ترى سحر تجي بس بالمسايسة والله يعينك ياخوي انا عارف اللي انت فيه صعب قـ........قطعهم صديقهم ياسر
    ياسر:ايه ياخلود والله بتلحقني وبتتزوج والله ياشيخ اهنيك على هالخطوة
    احمد :تهنيه ولا تزعيه هههههههههه
    ياسر: المشكلة ان العروسة اخته بالله انت كيف تفكر
    خالد :ههههههههههههههههههههههه
    احمد :لا عجبتك ياشيخ طيب شوف اللي يكلمك
    وقام عنهم وتركهم
    ياسر :شوف هاذا بيصير زي حرمتي الا اقول اسمع ياخالد ترى من يوم ماسمعت منى (مرت ياسر) انك بتتزوج الاحلفت انها هي اللي بتاثثلك البيت
    خالد :ليش الخساير انا واحمد وهي مع بعض اخوها مافيها شيء
    احمد :نعم نعم تبون تسكنون عندي هزلت والله
    ياسر:بسم الله الرحمن الرحيم انت من وين طلعت
    احمد :من جيبي المهم بلا هبل انت بجدك تبي تسكن معاي
    خالد :ايه ايش فيها مافيها شيء
    احمد :لالالالالالالالا مرة تعرفها انا اليوم قابلت ابو محمد وقال انهم يبون معاهم هو وجاسم شخص ثالث راح اكلمه اللحين
    اخذ جواله ودق :الو
    ابو محمد :الو
    احمد :السلام عليكم
    ابو محمد :وعليكم السلام
    احمد :ابو محمد انا احمد جيرانكم بالعمارة
    ابو محمد:هلا هلا والله المعذرة وانا اخوك ماعرفتك
    احمد:لا عادي وانا اخوك اسمع يالحبيب الغرفة عندكم لسه فاضية
    ابو محمد:ايه لسه ليه
    احمد :ايه والله خلود بيتزوج وانطردت
    ابو محمد:ههههههههههههههه لا الغرفة لك خلاص بس من دحين اللي اوله شرط اخره نور
    احمد :ايه وانت الصادق موافق
    ابو محمد:الايجار 300 دولار وممنوع انه يخلون بنات او مشروب اوكيه
    احمد :افا عليك انا مالي بهالاشياء
    ابو محمد:ايه انا اعرفك بس انا اقول اللي دايم اقوله للي يستاجرو معنا
    أحمد:لا ياخوك عادي خلاص ان شاء الله بكرا اجيك ونتفاهم
    ابو محمد :خلاص طيب يالله مع السلامة
    احمد:مع السلامة
    \
    \
    \
    \
    في الجامعة بعد اسبوع
    :حساااااااااااام
    سحر:هلا شموس شلونك
    شموس:الحمد لله بخير الا صحيح اللي سمعناه
    سحر: شو سمعتو
    شموس :راح تتزوج ؟
    سحر لا حوول ولاقوة الا بالله بدأنا :ايه صحيح
    شموس:ههههههههههههههه حسام راح تتزوج ومنو ان شاء الله
    سحر:ولد عمي
    شموس:ههههههههههههههههههههههههه يارجال بجدك انت ولا لعبة من العيبك
    سحر:لا والله بس الوالد مصر عليه قلت خليني استفيد منه على الاقل راح اروح امريكا ادرس هناك وافلها (سحر ماخذتها حجة ولا هي ماتبي تخرج من السعودية )
    شموس:والله اعرفك ياحسام لازم عاد تستفيد قلت ماشكله حب وهالخرابيط اعرفه حسام سييييييييييييييدا مافي لايمين ولا يسار الا اقول طيب وايش سالفتك مع جنى
    سحر :لا ولا شيء بس البنية داخلة مخي عاجبتني ياخي مادري ليه
    شموس:اصلا عزوز ناشر بين الشلة انك طحت ومحد سمى عليك
    سحر:لا حبيبي مو حسام اللي يطيح على يد بنت هههههه ضحكتني انا اضحك بلد
    شموس: وانا اشهد الا اقول متى زواجك ههههههههههههه ترى لسه احسه مقلب منك
    سحر :لا مقلب ولا شيء تراه حقيقة بعد شهر جاي اسحب من هني واخذ كل الاوراق معاي عشان اكمل دراستي هناك
    شموس:طيب راح تلبس ثوب ولا فستان عرس ههههههههههههههههههههههه؟
    سحر:هاهاها ضحكتني ياشيخ انت اجل وش رايك ؟
    شموس :يعني مضبطه هاذا زوجك
    سحر:والله مرة مع نفسه الدراسة وبدرس وشوف من اللي يوقف حسام
    شموس:الا اقـ...................دق جوال سحر
    سحر:شوف هاذي جنى المسكينة طاحت ومحد سمى عليها
    شموس:رد رد لاتزهق منك
    سحر:تزهق مني انا ضحكتني .....الو
    جنى:الو كيف حالك سحر؟
    سحر:هلا بحبي هلا بحبيبة حسام هلا
    جنى :سحر شفيك ؟
    سحر: لاياقلبي انا عند الشباب اللحين
    جنى :ايييه قولي كذا من الاول
    سحر:شفيك ياحبي اهدي شوي عشان افهم
    جنى :ايه بديتي تالفي قصص اللحين هههههه
    سحر:خلاص ياقلبي دقيقة واكون عندك
    قفلت سحر
    شموس:ايش السالفة ؟؟
    سحر:لا ياقلبي بس فيه بنات يجاكرونها ومتصلة تقولي ساعدني
    شموس:تبي أي مساعدة
    سحر:لا الله يهديك انا اوريهم شغلهم باي
    راحت سحر لجنى ولقت معها لمى
    سحر:اتصالك كان بوقته
    جنى :هههه ليييه
    سحر:ياشيخة كانو بالشين اهلي صح راح تتزوج ومتى زواجك وايش راح تلبس ثوب ولا فستان عرس سخافة
    لمى وجنى :ههههههههههههههههههههههههههههههههههههههههههه
    سحر:اشبكم
    لمى :اتخيلك لابسة ثوب جنب خلود
    سحر مسكت قارورة الموية اللي بيدها وتسوي انها ترميها على لمى
    سحروهي توقف:بس والله الشرهة مو عليكي الشرهة على اللي يقعد معاك
    لمى :سحر بجدك زعلتي ؟
    سحر:لا امزح بس بالله ايش الكلام الفاضي هاذا
    لمى :ههههههههههههههه لابجد البنات عندك نكتة يبالي قعدة معاهم
    سحر:بالله غباء اصح تجلسين عندهم او حتى تمرين جنبهم ,وجنى على فكرة عزوز اليوم جاي يعني لازم نمر من جنبه
    جنى :لا يمه مابي
    سحر:عاد جنى بلا سخافة انا حكون معاكي وبعدين ماراح يسون شيء
    جنى :طيب(سكتت ثواني بعدين قالت بصوت حزين )سحر طيب ولمن تسافرين ايش راح اسوي
    سحر:ايه صح والله شلون مافكرت بس عاد ولا يهمك انا اضبط الموضوع
    جنى :مرة ياسحر شكرا ماعرف كيف اردلك هالجميل
    سحر :ولو ياجنى ماعملناش حاجة
    \
    \
    \
    \
    مر الشهر على سحر بسرعة مع انها كانت تتمناه انه يطول ولا ينتهي ورجع احمد وخالد عشان الزواج وام احمد هي اللي تنزل تقضي لبنتها سحر رافضة انها تتحرك من مكانها اول تنزل تشتري شيء ولو نزلت على السوق مع امها بسبب ضغط من ابوها تروح تشتري تيشرتات وبناطيل
    \
    \
    \
    \
    ليلة الزواج
    :يمة مابي
    ام احمد:سحر لاتجننيني
    سحر:مابي مابي مابي
    ام احمد :سحر بلا تصرفات بزاريين انتي ناوية تفضحني عند صديقاتي
    سحر:يمة مابي
    ام احمد :اقولك خلي الحرمة تشوف شغلها خليها تحطلك المكياج وتسويلك شعرك هشان تلبسين الطرحة
    سحر:شوووووووووووووو !!!!!طرحة لا بالله كملت
    ام احمد :ايه شو فيها الطرحة
    سحر:يمة شو تبيني اطلع قدام صديقاتي بالطرحة عشان اصير نكتة الموسم
    ام احمد :شوفي طرحة وبتحطين ولاتناقشيني وخلي الحرمة تشتغل لانه مافي وقت يدوب الزفة وبعدين تروحون على الفندق تريحون شوي وبعد الفجر رحلتكم
    سحر:طيب واحمدووو معانا
    ام احمد:لا لانه الدراسة ماتبدا الا بعد اسبووعين فهو راح بجب على بداية الاجازة
    سحر:اجل ليش احنا طايرين من بدري
    ام احمد:ياغبية انه شهر عسل هو صح اسبيوعين بس على الاقل تلقون وقت تنبسطون فيه
    سحر:يمة طيب مابي الطرحة
    ام احمد:لا حول ولاقوة الا بالله رجعت تقول مابي الطرحة
    ام احمد طنشت سحر وخلت الحرمة تشتغل براحتها وحطتلها الطرحة كانها ربطة بوسط شعرها لانه شعرها قصير فما ينفع باي تسريحة نكشته لها وربطت الطرحة عليه وحطتلها مكياج يبين عيونها اسود ووردي وروج وردي صارخ جاي مناسب مع سمارها اما افستان كان هدية من ابوها ولا هيا ماسوت ولاشيء الفستان بدون اكمام ولاحمالات ومن فوق فيه شك خفيف بالترتر ومن تحت سادة طويل بس الطرحة اطول منه الطرحة ليين الارض
    دخلت لمى بعد ماخلصت سحر :ماشاء الله ماشاء الله تبارك الله عيني عليكي باردة ياختي تعالي احصنك
    ام احمد :يالمى اللحين عمك وابوك واخوك وولد عمك بيدخلون اخر........وقامت تبكي
    لمى :يمة شفيك
    ام احمد :ماشاء الله تبارك الله ياسحر عيني عليكي باردة ماشاء الله يابخت ولدي فيك سبحان الخالق ماشاء الله تبارك الله
    سحر :لمى ساعديني اروح للمراية ابي اشوف نفسي
    لمى :اوكي يالله
    وصلتها لين المراية سحر انصدمت منو هاذي انا لا معقول مرة غير شكلي غير شكلي .......احلى لا بس انا مو من النوع حق الفساتين يالله ليلة وتعدي والبس بعدها بنطلوني
    سحر:الا لمى اقول منو فيه تحت من البنات
    لمى :فيه شموس ومعاها وحدة سمرة وفيها خال فوق حاجبها ماعرفتها
    سحر:لاااااااااا مصيبة ايش جابها هاذي
    لمى :سحر منو هاذي
    سحر:هاذا عزوز
    لمى :احلفي ؟
    سحر:والله مصيبة
    لمى :عادي ياقلبي ماراح تسوي شيء
    ام احمد :لمى ووجع تعالي بيدخلون الحين بسرعة
    لمى :طيب وسابت سحر وراحو ودخلو ابوها وعمها وبعده احمد اما خالد واقف مع امه برى جالس يكلمها
    ابو احمد باسها على راسها :مبروك يابنتي الف الف مبروك
    سحر:الله يبارك فيك
    ابو خالد باسها على راسها :مبروك ياقلبي
    سحر: الله يبارك فيك عمي
    احمد باسها على راسها :مبروك ياختي
    سحر:الله يبارك فيك عقبالك
    احمد :لا لاحق على الشقى والعنى
    سحر :هههههههـ.........انقطعت دخلتها لمن جات عيونها بعيون خالد سكتت ونزلت راسها
    اما عند خالد معقولة ذي سحر لا مومعقول ماشاء الله الخالق
    راح خالد عندها وباس راسها :الف مبروك ياسحر
    سحر:الله يبارك فيك
    سحر(ياربي متى راح تخلص هاذي المسرحية ياربي الابتسامات والخجل مرة مو لايق علي اففففف )
    خرجو عنهم كلهم ماعدا خالد الللي جلس عندها
    خالد :شلونك سحر؟؟
    سحر:الحمد لله
    وجلسو ساكتين سحر تلعب بخاتمها وهو يطالع بطرف الثوب
    دخلت عليهم لمى :سحر خالد الزفة يالله
    قامو من مكانهم وبدو يمشو وخالد كان متقدم سحر اللي ماهي قادرة تمشي بسرعة عشان فستانها
    لمى جنب خالد :خلود روح ساعد البنية مايصير المسكينة تعبت من كثر ماهي توقف عشان تصلح الفستان
    خالد :لا حول ولا قوة الا بالله
    رجعلها ومسك يدها وصار يرفعلها الفستان كل ماضايقها وانتبه انها لابسة الله يكرمكم جزمة بيضة بشرايط اوراقنزا بيضة ماقدر يمسك نفسه سالها
    :سحر ليش لابسة جزمة مو المفروض ك عب
    سحر:ايه بس انا ماعرف امشي بالكعب اطيح
    خالد(عجيبة هاذي البنت)
    خرجو وتوجهت كل الانوار على سحر وخالد وقامو صديقات سحر يصارخون ويصفرون مشيو لين الكوشة وخالد قد نبه على سحر انه مايبي حركات الزواجات زي عصير وكيك ومادري ايش اصلا بالقوة وافق انه يدخل بعد اقناع من امه والمى اما هلا رفعت يدها عن هالزواجة اللي على قولتها خربانة خربانة وكويس انها جات الزواج
    خالد:لمى ابي اخرج
    لمى :طيب استنى كمان نص ساعة بعدين تخرج انت وسحر
    خالد:لا انا اللحين راح اخرج وبعد نص ساعة تلحقني سحر محلاي وانا جالس والناس تطالع بي
    وقام وخرج سحر :هاذا اخوك صاحي ولا خبل احد يسيب عروستـ........
    لمى :سحر ايش فيك
    سحر تاشر ورى لمى التفتت لمى لقت شموس وعزوز طالعين لسحر
    عزوز:مبررررروك يا حسام منك المال ومنه العيال هههههههههههههه
    شموس: لا لا لا لو مانعرف انك حسام صاحبنا كنت اللحين مع شلة البنات اللي هناك ياخي انك حليو
    عزوز:والله ياشموس انك باهذي صادق
    سحر:يالله يالله مناك انت وهو وسخافتكم انا حسام تشبهوني باهذيلا
    عزوز:ياخي اسفين وحقك علينا مايصير نزعلك يوم فرحك ياقميل المهم خلينا بالسالفة اللي جاي عشانها
    سحر:وشو
    عزوز:بما انه انت رايح امريكا يعني ماراح ترجع مرة ثانية صح الا بعد كم سنة
    سحر:ايه بعد 3 سنين بس ليه
    عزوز: ايه والله ياخوك انا ماكنت اقرب للبنات اللي انتا تقول انهم حقينك بس خلاص انت تزوجت
    سحر:اسمع تبيهم كلهم خذهم الا وحدة
    عزوز:ميييين ؟
    سحر:جنى ياخي هاذي البنت عجيبة
    عزوز:خلاص وفالك طيب يالله اللحين احنا نستاذن مع السلامة ومرة شانية مبروووووك
    شموس:يالله ياحسام مع السلامة
    سحر:مع السلامة
    لمى :سحورة خالد اتصل يقول يالله
    سحر:طيب ساعديني اقوم






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  3. #3
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: لجل عيونك ابيع كل ماعلى الكون واشتريك


    هههههههههه .. كل هذي المغامرات اتصيير .. وااااى صصدق بوويه نمبر ون هع .. ^_^


    تسسلمين حبيبتي على الطرح الحلــوو ^_^






  4. #4
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: لجل عيونك ابيع كل ماعلى الكون واشتريك


    الله يسلمج وشكرا ع المرور






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  5. #5
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: لجل عيونك ابيع كل ماعلى الكون واشتريك


    ابو احمد: هالله هالله في سحر ياخالد ماوصيك عليها
    خالد: في عيوني سحر ياعمي لاتخاف
    ابو احمد: وهاذا العشم فيك ....وراح وسابهم
    احمد :خالد انا مارح اوصيك على سحر بس اللي اطلبه اصبر شوية عليها
    خالد: وصلت
    خرجت سحر وهم مغطينها بعباية واسعة واحمد ساعدها لين تركب اما خالد راح وفتح الباب وقعد ولا كنه هاذي عروسته
    حركو واحمد اللي كان يسوق وكانو طول الخط وهم ساكتين لين ماوصلو للفندق احمد ساعد سحر وخالد ماشي قدامهم
    احمد (يارب هاذا اخنقه ولا كيف شوف البنت وراه كانها خدامته مو مرته يجي يساعدها كاني انا اللي متزوج اففففففف)
    وصلو لجناحهم ودخلت سحر وخالد واقف عند احمد
    احمد:يالله تامروني على شيء ؟
    خالد :سلامتك
    احمد:مع السلامة سحر
    سحر:مع السلامة
    جلست سحر تطالع بالجناح كان بكل معنى الكلمة روعة واكثر شيء كان عاجبها شباااااااااااك كبير يطل على البحر جلست تتامل فيه بس حست بهدوء وراها معقولة خالد خرج لا مو معقول التفتت لقته يطالع فيها سرحان نزلت عيونها صراحة ولاول مرة سحر تخجل من احد
    خالد انتبه انها نزلت راسه تنهد : انا بروح انام تصبحين على خير
    ودخل الغرفة وقفل الباب
    سحر(الحمد لله والشكر شفيه هاذا يسيبني كذا سحرووو بلا غباء ايش تبين مثلا الحمد لله ربي فكني منه، طيب انا فين انام يستهبل هاذا ياربي طيب وين الشنطة بفصخ الفستان ياربي والله هاذي البلشة )جلست تدور الشنط مالقيتها اصلا الجناح كان حق عرسان يعني صالة كبيرة وفيها غرفة رئيسية ومطبخ تحضيري وحمامين واحد بالغرفة وواحد برى
    سحر دخلت الحمام ولقت روبين ومنشفتين (والله ماجلس بالفستان لو تنطبق السماء على الارض، راح البس الروب )
    اخذتلها شاور ولبست الروب وخرجت (طيب دحين فين انام حاسة انه حيغمى علي من التعب اف ياربي هاذا زوج مالت عليه حتى لحاف مافي ياربي رحمتك يارب )انتبهت على شرشف الطاولة (ياربي صح انه مايدفي ولا شيء بس يالله شيء احسن من لاشيء)خذت شرشف الطاولة وراحت على الكنبة وانسدحت ونامت
    \
    \
    \
    خرج من الحمام (ياربي غريبة مالها حس )راح فتح الدولاب( اف يارببي هاذي شنطتها لايكون نامت بالفستان )
    خرج من الغرفة لقيها نايمة على الكنبة والشرشف طايح والروب واصل لين نص فخذها ومبين انها ماهي مرتاحة بالنومة (يووه ياويلي من ربي تغطت بشرشف الطاولة ياربي شلون نسيت انه مافي الحف يالله عادي ماضرها انها تنام بدون لحاف بس والله حرام انا مرتاح وهي حالتها حاله خليني اصحيها ) قرب خالد يبي يصحيها قرب منها جاه شعور غريب لمن شاف وجهها يبي يمسكه قرب يده من خدها لكن باخر لحظة تراجع (خلود شفيك لاتنسى هاذي منو هاذي ..............حسام)
    خالد : سحر سحر قومي
    سحر وهي مو بوعيها لساعها نايمة :ها يمة بالله سيبيني انام
    خالد :سحر قومي تاخرنا على المطار
    سحر:ها خالد خلاص خلاص صحيت
    قامت سحر وراحت الحمام خمس دقايق خرجت :خالد وين الشنطة
    خالد:بالغرفة جوت الدولاب
    دخلت الغرفة وخرجت شنطتها صغيرة ملابس تكفي يوم والكبيرة في السيارة وفتحتها وخرجت بنطلون وتيشرت ورجعت الحمام وربع ساعة وهي خارجة
    سحر:خالد اللحين راح نروح المطار؟
    خالد:ايه
    سحر:وين بنسافر؟
    خالد:وين يعني على امريكا
    سحر:طيب
    وراحت جلست على الكنبة قدامه وحطت رجل فوق رجل زي حركة الاولاد (كانها بتتربع بس رجل وحدة والثانية على الارض )
    خالد كان يتفرج على التلفزيون وانتبه لجلستها وقام يهز راسه وهو يقول في خاطره لاحول ولاقوة الا بالله كاني جالس مع واحد من الشباب
    طق طق طق ........الباب يدق
    قام خالد فنح الباب ودخل الفطور وقفل الباب
    خالد:تعالي افطري
    قامت سحر على الطاولة وقامو يفطرون
    \
    \
    \
    \
    في المطار سحر جالسة وخالد يسوي الاجرائات
    جاء خالد وجلس معاها وكل واحد في عالم خاص فيه لين مانادو على رحلتهم وتوجهو للطيارة
    في الطيارة خالد فتح التلفزيون وحط السماعات على راسه اما سحر خرجت الايبود وحطت السماعات في اذانيها تقريبا استمر الوضع كذا لين ماوصلو ويدوب الكلام تبغين شيء تحتاجين شيء .
    :سحر يالله ننزل
    نزلو من الطيارة ووخلصو كل شيء واخذو شنطهم وخرجو وقفو تاكسي وراحو على طول للشقة
    دخلت سحر وجلست تتفرج عليها كانت صالة كبيرة نوعا ما والمطبخ كان امريكي يعني مفتوح على الصالة وفيه 3 ابواب فتحت الاول لقته غرفة فيها سرير صغير ودولاب وتسريحة وفتحت الاول لقته حمام والثالث غرفة نوم رئيسية فخمة كل الجدران بيج الا اللي وراء السرير عودي والدولاب والتسريحة بني غامق قامت سحر فصخت العباية
    :سحر سحر تعالي وينك
    سحر خرجت من الغرفة لقته جالس على الكنب وجلست :نعم
    خالد :اسمعي هاذي الغرفة (ياشر على غرفة النوم الرئيسية) لك وهاذي لي طيب
    سحر: اوكي (سكتت مدة بعدين)خالد متى يبدا التسجيل في الجامعة ؟
    خالد:لييه
    سحر:ايش ليه ابغي اسجل
    خالد:لا مو لازم تسجلين
    سحرمستغربة :ليييه ؟؟؟
    خالد:عشان انا مابغاكي تدرسين
    سحر(لاحول ولاقوة الا بالله بدينا تحكم ):بس انا ابغى ادرس
    خالد :انا قلت لا
    سحر وقفت:ليه ماشاء الله الشغلة هي على كيفك
    خالد:ايه على كيفي مو زوجك
    سحر بصوت واطي :ايه عالورق بس
    خالد بدى يعصب:شو قلتي
    سحر: قلت ابي اروح وماهو انت اللي تقدر تمنعني
    خالد بسخرية :ايه وش راح تسوين
    سحر:احمد لمن يجي هو راح يسجلني بنفسه مو انت اللي مافيك الخير
    خالد:ههههههههههههههههههههه ايه يسجلك للسنة الجاية
    سحر:ايش قصدك
    خالد :قصدي انه لمن يوصل تكون الداسة بدات والتسجيل قفل
    سحر:بس انا ابي ادرس
    خالد :وانا قلت لا
    سحر:مو لازم توافق انا اروح واسجل بنفسي ايش راح تسوي
    خالد :وش مو لازم انا زوجك
    سحر خلاص وصلت معاها هاذا مين يحسب نفسه قامت تصرخ :هي انت لايكون مصدق انك زوجي حقيقي لا يابابا اصحى عالورق وبس فاهم
    خالد عصب شوي وينفجر:هي انتي لاتصارخين ماني بصغر عيالك عشان تصارخين علي فاهمة وبعدين مادامك على ذمتي بتسمعين كلامي غصب عن خشمك
    سحر: تشوف مين اللي كلامه يمشي انا ولا انت
    خالد :سحر اقول احسلـ..............قطع كلامه جواله اللي دق
    :الو
    خالد:ياهلا ويامرحبا بياسر
    ياسر(صديقه هو واحمد): اهلين شلونك ياخي ها وصلتو ولا لا ترى منى ازعجتني عليك كل شوي ها وصلو ولا لا تراها متونسة حدها يعني تقول حدة تسليها من حريم اصحابك
    خالد (الله وكبر يالحرمة والله هي من اصحابي مو حرمتي:هههههه ياحليلها منى طيب خليها تجي اللحين
    سحر(اهلا وسهلا انسه منى وان شاء الله هاي من ايت قلعة )
    ياسر:لا يارجال مايصير هاذا بالنسبة لكم شهر العسل يالله قبل يوم من الدراسة نجيك
    خالد:والله الله يحيكم باي وقت لو اللحين نفرشلكم الارض ورد كم ياسر ومنى عندنا
    ياسر:هههههههههه لا يارجال بعدين نخرب وناستك ههههه
    خالد:ههههههه الله يلعن ابليسك يالله روح وسلملي على منى وقلها يسلم هالذوق والله من دونها ماعرفنا ايش نسوي الاثاث يجنن
    ياسر:ولو احنا بالخدمة يالله مع السلامة
    خالد:مع السلامة
    اتلفت يدور سحر مالقيها (فكة منها ومن وجهها بس اللحين ايش اجلس اسوي ماقدر اخرج بعدين اقابل واحد من اصحابي يبلشوني ليه ماجلست عند المره ليه ماجلست عند المره والكوبة والمره هاذي مره بالله هاذي واحد من الشلة تجلس معانا عالقهوة ) سمع صوت في الغرفة وقف عند الباب لقيها ترتب ملابسها في الدولاب وحاطة الايبود في اذانيها وتتمايل على الاغنية (وجع عليها برودة اعصاب ماشفت زيها انا فاير دمي لسع من كلامها وهي ترتب الملابس لا وترقص بعد ان لله وان اليه راجعون الله يصبرني )
    :خالـ..............كانت بتناديه بس لقته وراها
    اما خالد ارتبك اني اشبي جالس اتامل فيها من حلاتها عاد افففففف:نعم خير
    سحر:لا بس ابى اقولك فيه اغراض احتاجها من السوبر ماركت ..ورجعت تكمل شغلها ولا كأن احد واقف
    \
    \
    \
    \
    :ياسر الله يخليك ابغى اروح
    ياسر:منى كيف تروحين يابنت بلا عبط هم بشهر العسل سيبيهم بحالهم
    منى :اااااااف طيب خلينا نخرج والله طفشانة
    ياسر:والله مافيا اتحرك من مكاني
    منى بدلع :ياسر الله يخليك عشاني
    ياسر:ها طيب بس عشانك
    منى :خلاص دحين البس
    منى وهي في غرفة الملابس خرجت راسها :الا اقول ياسر وين رايحيين
    ياسر: السوبر ماركات اللي تحت
    \
    \
    \
    \
    (خليني اشرب موية ) خرج خالد من غرفته وراح بيشرب موية الا سمع صوت جلس يدوره لقيه بغرفة سحر مين يتصل بهالوقت
    \
    \
    ياربي مين يتصل بهالوقت :الو
    :الو سحر
    سحر:جنى ايش فيك
    جنى :سحر عزيزة اتصلت تقولي جهزي نفسك اللحين
    سحر:هو هاذا لساعه وراك خلاص يابنتي لا تبكي انا اللحين اكلمه واشوف
    جنى :سحر الله يخليكي ساعديني
    سحر:خلاص جنى اهدي انا راح اتصرف
    جنى :والله اسفة بس ماعرفت اتصل على مين شكلي ازعجتك نايمة ؟؟
    سحر:هههههههه لا ياشيخة اللحين تسالي المهم انا اللحين راح اكلمه واردلك اوكي
    جنى :مع السلامة
    سحر:مع السلامة
    \
    \
    \
    (عسى بتكلمه لالالالالا مو معقول بنات واولاد لا ممكن تصريفة بتصرف البنت يالله خليها تسويها والله لا اطربق الدنيا فوق راسها )
    \
    \
    \
    \
    :الو هلا والله بحسام
    سحر:هلا فيك شلونك يارجال ان شاء الله بخير
    عزوز:الحمدلله بنشكر الله ......الو .....الو حسام وينك الو
    سحر :ايه يارجال معاك
    عزوز:ايش صار اناديك ماترد
    سحر ارتبكت : ها لا لا يارجال ههههههه طاح جوالي الا ماقلتلي شلون الشباب عندكم
    عزوز:ايه والله مضبط ذيك السهرة ياشيخ ياريتك معانا كنت انبسطت
    سحر:ايه ياشيخ بس ان شاء الله مرة ثانية الا اقول عزوز
    عزوز:هلا
    سحر:وش هاذي العلوم اللي وصلتني
    عزوز:وش علومه بعد
    سحر:عن جنى
    عزوز ارتبك :ها لا بس قلتلها تعالي قلت يمكن تتونس مع البنات
    سحر:لا وانا اخوك جنى ماتروح أي مكان الا وهي معاي ياخي اغار عليها
    عزوز:هههههههههههههه والله ماغلطت يوم ماقلت انك واصل لشوشتك معاها طيب يالله الله يوفق حسام بجنى الاقول يارجال شلون الزواج معاك هههههه تنصح فيه
    سحر بسخرية :ايوا اصلا انا مرة متهني معاه انصحك فيه وناااااااااااااااااسة حده
    عزوز:طيب يالله اسيبك متهني بالعسل مع السلامة
    سحر :مع السلامة (سكتت وبعدين انفجرت )انت كيف تسمح لنفسك تتدخل غرفتي بهالشكل بدون احم ولا دستور هاذا اولا وبعدين تسحب الجوال من يدي بذي الطريقة الهمجية يعني مارتحت الا لمن سمعت صوت البنت ايش مافي شيء اسمه ثقة وبعـ...........قطعها
    خالد :هي انتي ترى انا مو اصغر عيالك فاهمة جربي تصرخين مرة ثانية وتشوفين شيء ماراح يعجبك فاهمة وبعدين والله سامع وحدة تقول شلونك عزوز ايش تبغين يعني اجي اصفق لك اصلا ليش انا جالس ابررلك مادري اقولك هاتي الجوال هاتيه اقولك
    سحر:شو شو شو ايش قلت
    خالد:اعطيني الجوال بسرعة ترى انا مالعب معك هاتي الجوال
    سحر:والله هزلت على اخر الزمن خلّود يجي يقلي هاتي جوالك هي انت اصحى ابوي اللي هو ابوي ماقلي هاتي الجوال تجي انت تقلي ذا الكلام
    خالد:وانا ايش دخلني بابوك هاذاك ابوك وانا خالد
    سحر:وانا ايش اسويلك (وباستهزاء)انا خالد ههههههه والله ضحكتني
    طخخخخخخخخخخخخ
    سحر:تـ....تضربني انا سحر بنت الـ.......... تضربني طيب ياخالد والله ماراح تمر على خير وتشوف (عيونها بدت تتملى بالدموع )اخرج اخرج برى اقولك انقلع برى (وقامت تدفه لين وصلته للباب ورقعته وقفلته وجلست عند الباب)
    يضربني انا انا اللي عمري ماحد مد يده (قامت تبكي تحس عمرها مكسورة وحيدة في غربة مالها احد كانت طول حياتها مدلله امها وابوها ماقد في حياتهم قالولها لا طول حياتها وهي الامرة الناهية عن حياتها محد تدخل في أي قرار من قرارتها )
    \
    \
    \
    \
    يطالع في يده اللي كانت ترتجف (انا شلون ضربتها ياويلي من ربي هاي امانة في رقبتي استغفرك يارب واتوب اليك )سمع صوت بكاها من ورى الباب كسرت خاطره في شيء في قلبه يالمه عليها (ياربي انا شلون ضربتها حرام تكسر الخاطر اروح اعتذر منها .....لا لا لا شو اعتذر منها هي اللغلطانة تعلي صوتها وكمان تطول لسانها تستاهل المفروض لمن اقولها شيء تسويه بدون نقاش )
    \
    \
    \
    7:30 الصبح
    تسللت اشعة الشمس من الشباك بكل خفة عشان تنور الغرفة وداعبت عيونها فتحتها بشويش ( انا وين ياربي نمت على الارض ياربي من ماتزوجت مانمت نومة محترمة اف بس مرة بالروب وعالكنب واللحين على الارض ايي ياظهري يكسر )قامت من عالارض وانسدحت على السرير بتكمل نومتها (اييي ليه خدي يعورني )قامت لين المراية لقت خدها متورم (عسى يدك الكسر ياخلّود ) قامت تفكر كيف ترد له ذي الحركة جلست تفكر اخر شيء قررت قرار قامت لبست بنطلون جينز وتيشرت ولبست فوقه جاكيت طويل ولفت الحجاب لانها قررت تتحجب طول ماهي هنا في امريكا لانه لو احد شافها ممكن يعرفها ويقول لاحمد واحمد ماعنده لعب في ذي الامور ولبست نظارتها الشمسية واخذت محفظتها وجوالها بجيبها والايبود باذانيها وخرجت من الغرفة راحت لغرفة خالد فتحتها بشويش لقته نايم قفلت الباب وطلعت من الشقة
    \
    \
    \
    \
    صحي من النوم وهو متضايق اصلا مانام الا ساعتين حاس بتأنيب ضميره فراح اخذ شور سريع ووشاف الساعة لقيها 10 الصبح (مليون بالمية صاحية اللحين خليني اروح اعتذر لها حرام اكيد انها ماخذة بخاطرها مني ضعيفة مالها احد في هالبلد الا انا)
    راح خرج من غرفته وفتح الباب بشويش طالع على السرير لقيه زي ماهو مرتب ولا احد نام عليه انصدم لالالالالا قليلة بالاصح انفجع مالقيها فيه قال ممكن في الحمام ولا كانه هو اللي خارج منه توه فتح الباب لقيه فاضي (ماهي في الشقة !!!!مانامت على سريرها !!!!!لا يكون هربت من الليل!!!!! اكيد بعد الكف اللي اخذته وين بتجلس ياويلي اللحين اخوها يجي ومايلقاها ياربي ،،،ادورها لا صعبة ياكبر تامبا وبجلس ادورها لوحدي اكلم بسار والشباب لا ايش اقولهم ضربت مرتي وهربت من الليل تعالو نلاقيها امكن راحت تحجز تبغي ترجع لالالالا مو معقول مو لذي الدرجة خبلة طيب ايش اجلس اسوي هاذي حتى نوم في البيت مانامت )جلس يدور في البيت ماهو عارف ايش يسوي (خليني ادق عليها بس رقمها ماهو عندي خليني ادق على لمى اكيد تعرف رقمها )اخذ جواله ودق على لمى المرة الاولى ماردت المرة الثانية بصوت كله نووووووم :الوووو
    خالد :الو لمى
    لمى:خلّود انت منتبه الساعة كم اللحين
    خالد بقلة صبر :لموي ماهو بوقتك اسمعي اعطيني رقم سحر
    لمى فايييييقة :خالد بالله فيه احد ماعنده رقم مرته
    خالد:لمى مو فاضيلك اعطيني اياه
    لمى:طيب هي عندك ليه ماتسألها تراها سهلة
    خالد ارتبك :ها لالا هي ماهي عندي هي مع مرت صاحبي
    لمى :اها طيب خذه *******050 ها سجلته
    خالد قفل في وجهها ودق على سحر الو دقة وردت
    سحر:الو
    خالد :الو سحر وينك
    قفلت في وجهه لمن عرفت انه هو
    اما عند خالد كان خايف عليها اللحين جالس يتوعد فيها(والله لا اوريك ياسحر انا تقفلين في وجهي الخط هاذا وانا خايف عليك لكن الشرهة مو عليك الشرهة على الغبي اللي خايف عليك ان ماوريتك ياسحر ماكون خالد الـ........)
    قام ولبس بنطلون جينزازرق غامق وتيشيرت ابيض وجاكيت اسود جينزولبس نظاراته الشمسية وقفل باب الشقة وخرج
    \
    \
    \
    \
    :ياسر هاذا مو خالد
    ياسر:الا والله هو دقيقة اروح اشوفه
    ياسر من بعيد :خالد خالد خلّود
    خالد اللحين هاذي البلشة :هلا والله ياسر شلونك
    ياسر :الحمد لله بخير انت شلونك (يتلفت يمين وشمال )
    خالد :قولي ايش تدور ؟
    ياسر باحراج :هههههه كشفتني راحة انا ادور عن مرتك غريبة خارج من غيرها لايكون سايبها بالبيت حالها مايصير ترى توها عروس
    خالد :ها لالا هي في محل هنا وانا رايح اجبلي كوفي من ستار بكس تعرفني اكيف عليه وقلتلها ارجعلك لا اكثر ولا اقل
    ياسر :اها طيب ماخرك عن مرتك مع السلامة
    خالد :مع السلامة
    رجع ياسر لمنى
    منى :ها وين مرته ماني شايفتها معاه
    ياسر بهدوء :يقول انه سابها في محل ووهو رايح يشتري من ستار بكس ويرجع
    منى مستغربه :طيب وليه تقولها كذا
    ياسر:عشانه يكذب
    منى :وانت شو دراك
    ياسر:انا اعرفه احبي عاجنه وخابزه اعرف متى يكذب ومتى يقول الصدق
    منى :يعني معقولة سايب الضعيفة في البيت
    ياسر:الله اعلم بس اللي قاله لي ماهو بصدق
    منى:ياقلبي عليها طيب حبيبي الله يخليك روح اساله وينها
    ياسر:لا ياقلبي احنا مالنا شغل فيهم مانتدخل بامور ماتخصنا طلبو هم أي مساعدة حاضرين وعلى راسي وعيني بس انه نتدخل لا
    منى :بس حرام كاسرة خاطري الضعيفة هاذي حرام انا ماكنت اتوقع خالد قاسي لذي الدرجة
    ياسر:يابنت الحلال احنا ماندري ايش بينهم ممكن متخاصمين وخالد خرج يشم هوا يابنت بقولك نصحية لاتدخلين عصك بشيء مايخصك
    منى :هههههه (وقالت بدلع وهي تحرك صباعها على خدوده )انا اللحين ادخل عصي في شيء مايخصني ؟؟
    ياسر تنح :ها لالا انا اللي ادخل عصي في شيء مايخصني
    منى :ههههههههههههههههههههه
    \
    \
    \
    \
    سحر راحت فطرت في الكافيه اللي تحت بعدين ركبت الباص وراحت لحديقة بوش قاردن سألت عليها دايما تسمعها من احمد انه يحبها ومرة حلوة وجلست فيها من 9 لين 12 ونص وبعدين شافت الوقت تاخر (خلاص حرام اخليه يقلق اكثر من كذا كفاية كذا اخذت يوم روقت فيه اعصابي ) وركبت الباص ونزلها من مكان ما أخذها فيه ونزلت وجلست تتمشى على راحتها وهي تتفرج على الناس اللي مع مرته اوحبيبته او مع صاحبه اومجموعة من الاصحاب اما هي لحالها مالها ولااحد في هالبلد تحس بوحدة قاتلة حتى اللي يقولون له زوجي ماعرف غير اللي يقولون عنه اخ ياربي ارحمني .
    وصلت للشقة وحاولت تفتحها مقفلة دقت الباب محد فتح (اخ ياخلّود يعني مقفل الباب طيب ) رجعت ونزلت من الدرج وراحت للكوفي اللي على بداية الشارع وجلست طلبتلها كيك وقهوة من هاذا الكوفي تقدر تشوف اللي داخل العمارة واللي خارج منها جلست تاكل وشربت القهوة ليين ماصارت 1 ونص شافت خالد داخل على العمارة جات لتقوم (لا يابنت بلا عبط اللحين راح يعرف انك تستنينه )جلست ربع ساعة بعدين قامت على الشقة وصلت وفتحت الباب لقته جالس على الكنبة
    خالد :الحمد لله على السلامة مدام سحر



    البارت السادس
    سحر بسخرية وهي تفك الحجاب :الله يسلمك
    خالد بالقوة ماسك نفسه لا يدعس في بطنها فوق ماهي من الفجر مو موجودة بالبيت كمان تتكلم بكل وقاحة :وين كنتي اخت سحر ؟؟؟
    سحر :كنت بالبوش قاردن
    خالد :بالبوش قاردن من الفجر اعتقد انه فيه بيت تنامين فيه
    سحر باستغراب:الفجر لا انا الفجر كنت نايمة
    خالد:اها نمتي على السرير ومالخبطتيه
    سحر:انا كنت نايمة عالارض (وبعدين علت صوتها) بس اعتقد انك مالك صلاح في لو انتحر ماتفتح فمك فاهم هاذا اللي بقي انت تحاسبني على روحاتي وجياتي هاها هزلت
    خالد عصب مسكها من شعرها وقربها لوجهه :اسمعي مادام انك تحت سقف بيتي راح تسمعين كلامي فاهمة ولا والله ياسحروه لا وريك الوجه الثاني
    سحر:سيبني اقولك سيبني مالك شغل في هاذا اللي بقي انت تضربني سيبني ياحقير سيبني اصلا انت لو كنت رجال ماكنت تضربني
    خالد عصب وهو لمن يعصب مايعرف من امه من ابوه : انا ماني رجال ان ماربيتك من جديد ماكون خالد
    وطاح فيها ضرب طاح فيها ضرب وهي تصرخ بس مابكيت لان سحر كله ولادمعتها تطلع وقدام مين؟؟ قدام خالد
    سابها ودفها على الارض حاولت توقف ضغطت على يدها عشان توقف ماقدرت تعورها يدها حست بشيء حار ينزل من انفها ودخل فمها ذاقته ........دم .......... صح انها تعبانة جسديا من الضرب لكن نفسيا كانت مكسورة مجروحة (انا سحر اللي المعروف عنها قوتها اكون كذا ذليلة على الارض تحت رحمة خالد الله يسامحك يبة على هاذي الرمية اللي رميتني فيها اخخخ يايدي يعورني )
    اما هو راح يشرب موية من بعد المجهود القوي اللي بذله في ضربها (اخ ليش ضربتها ياخالد انت في حياتك ما مديت يدك لاحد واللحين تضربها حرام عليك ياخي اسمع صوتها وهي تبكي حرام عليك ) التفتت عليها لقيها في مكانها ماهي قادرة تقوم كسرت خاطره (حرام عليك ياخالد كذا تسوي بالبنت اوديها المستشفى ؟؟؟لالالالا شو مستشفى راح يفتحون تحقيق وسين وجيم)راح لها جلس شاف الدم يخرج من انفها خرج منديل من جيبه وقام يبي يمسحه لها الا سحر دفت يده وقالت وهي تبكي :لا تلمسني ماحتاج شفقتك لا تلمسني
    خالد ماهتم لكلامها وشالها وهي تخبط في صدره وتصرخ :سيبني سيبني لا تلمسني
    خالد صرخ علهيا :بس
    سكتت ولا تكلمت راسها يعورها تحس بالدنيا تدور فيها حطت راسها تبى تريح على كتف خالد وهو شايلها
    خالد خاف عليها قام يناديها بصوت واطي :سحر سحر
    سحر مو بوعيها وبتعب :هممممم
    خالد:سحر ردي علي الله يخليك
    اما سحر كانت قد راحت بعالم ثاني خالد حطها على السرير وقام يهزها بشويش :سحر سحر سحورة قومي
    \
    \
    \
    \
    ياسر :منى حبيبي يالله ترى تاخرنا على البيت شوفي اللحين 2 الظهر
    منى :دقيقة انا شفت بلوزة مرة حلوة اباها
    ياسر:ياربي ارحمني منى خلاص بعدين
    منى :لا اباها اللحين اقول رد رد على جوالك ازعجني وهو يدق
    ياسر :الو
    :الو ياسر بليز تعال انت ومنى اللحين ضروري
    ياسر :خلّود ايش فيك
    خالد :ياسر اللحين انت ومنى تجوني بسرعة .....طوط طوط
    ياسر :منى امشي بنروح عـ.........
    منى:ياسر انا مابي اروح تبي ترجع ارجـ.......قطعها
    ياسر :ياربي يامنى خالد اتصل ويقول تعال انت ومنى ضروري
    منى خافت :امبيه ايش فيه
    ياسر توتر :مادري ياشيخة ....احنا لسع واقفين امشي نروح
    \
    \
    \
    \
    خالد ماهو عارف ايش يسوي حاول يصحي سحر ماقامت ومالقي الا حل انه يكلم ياسر ومنى يجونه (ياربي انا ايش سويت ياربي ارحمني )تين تون تيون تون
    خالد :هلا ياسر ادخلو ادخلو
    ياسر :اشفيك يارجال
    خالد :منى بالله ادخلي الغرفة جوا
    قامت منى ودخلت الغرفة عند سحر اول ماشافتها انصدمت الخد متورم والعين مزرقة والأنف ينزف و من عند كتفها فيه اثر اصابع خرجت من الغرفة
    منى :خالد ايش هاذا ايش مسوي في البنت
    خالد ماقدر يتكلم شو يقولها ضربتها كسرتها
    منى بعصبية :تكلم أيش سويت في البنت حرام عليك ياويلك من ربي
    ياسر ماهو عارف ايش السالفة :منى ايش فيه
    منى وهي بنفس العصبية وهاذا واضح بنبرة صوتها : المحروس ماسك مرته وضاربها ضرب ماينضرب زيها بعير حرام عليك ياخالد
    خالد :منى بلاش محاظرات بليز شوفي ايش فيها ماهي راضية تصحى
    منى :ايه مو لله من الضرب اللي اخذته
    ياسر بعد صمت طويل وبكل جدية :منى روحي شوفي ايش فيها
    منى :بس خـ...........قاطعها
    ياسر بقلة صبر :منى روحي لها
    دخلت منى تحاول تصحيها ماقدرت حاولت وحاولت مجاولات كثيرة ماقدرت
    \
    اما الوضع برى كان هدوء جدا وهو الهدوء اللي ماقبل العاصفة خالد يستنى ياسر يتكلم يخاصمه ينصحه حتى يضربه بس يسوي أي شيء اما ياسر كان جالس ويطالع في الارض
    بعد فترة مو قصيرة ياسر :ايش شعورك بعد اللي سويته
    خالد :انـ........قاطعه
    ياسر :انا ماني مستني منك اجابة انا بفهم ايش سوت لك هالضعيفة حرام عليك ارحمو من في الارض يرحمكم من في السماء ابى افهم ايش استفدت من اللي سويته حرام عليك مهما سوت او قالت مايبررلك انك تظربها هاذا الضرب تقال حمارة او بعير حرام عليك هاذي امانة في رقبتك تسويبها كذا لا حول ولاقوة الا بالله اتخـ....................قاطعته منى
    منى :ياسر البنت ماهي راضية تصحى ماني قادرة اصحيها
    ياسر :قومي خلينا نوديها المستشفى
    خالد :مستشفى لا!!!
    ياسر :مستشفى لا ؟!؟!؟!؟ عجيب تبي البنت تموت على يدك ولا ااااااها خايف من التحقيق اللي راح يسونه لمن يعرفون انك ضاربها
    منى : ياسر مو وقته ايش اسوي البنت ترى ماهي راضية تصحى
    ياسر جلس يفكر :ترى مافي الا المستشفى لازم دكتور يشوفها
    خالد : جابر يشوفها ؟؟؟
    ياسر :بس جابر اكيد راح يبلغ تعرف امانة هاذي
    خالد :لالالالالالالا ماراح يبلغ انا اعرفه
    ياسر :كيفك
    دق خالد على جابر وهو يدرس طب واللحين عنده فترة تدريب بالمستشفى يعني يفهم كثير وهو كان مع خالد من زمااااااان
    :الو
    خالد :الو جابر
    جابر :هلا خالد شلونك شخبارك سمعنا انك تزوجت
    خالد : هلا فيك جابر بالله ابي اطلب منك خدمة مانساها طول حياتي
    جابر:امر من عيوني الاثنين
    خالد :بالله جيب عدتك الاسعافات الاوليه وتعالي في الشقة
    جابر باستغراب :ليه خير عسى ماشر
    خالد :انت تعال وشوف






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  6. #6
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: لجل عيونك ابيع كل ماعلى الكون واشتريك



    بعد نص ساعة وصل جابر : خالد ايش فيه تراك فجعتني
    خالد ساكت اما ياسر قال بسخرية :ادخل وتشوف
    دخل جابر شاف وحدة لافة الحجاب وجالسة على السرير وجمبها وحدة مسدوحة على السرير والحجاب محطوط على شعرها شاف الحرمة انصدم
    خالد :بالله ياجابر شوف ايش فيها ماهيب راضية تصحى
    جابر بصوت واطي :انضربت صح ؟؟
    خالد نزل راسه اما ياسر التزم الصمت
    جابر :لازم انقلها على المستشفى
    خالد :لا مستشفى لا
    جابر:خالد انا ماقدر اسويلها شيء لانه لازم تسوي اشعة ممكن تكون عظامها مكسورة ولاعندها نزيف داخلي ولا شيء
    خالد : حاول اكيد تقدر
    جابر :انا اسف ماقدر وخرج جواله ودق على الاسعاف وراح
    اما ياسر وخالد جلسو برى
    ياسر بسخرية :ايه واللحين الاسعاف بيجي الفت القصة اللي راح تقولها ولا لا
    انت عارف ان هنا راح يكون فيه تحقيق شوف نهاية عدم صبرك ايش وصلتك يالله تحمل النتايج
    خالد :واللي يرحم والديك فكني ماني ناقصك انت الثاني
    وصل الاسعاف وواخذو سحر وطلعت معاهم منى اما خالد وياسر لحقوهم بالسيارة
    \
    \
    \
    في المستشفى دخلو سحر للطوارئ وياسر وخالد ومنى يستنوهم في الانتظار
    بعد تقريبا نص ساعة خرج الدكتور
    (((هم يتكلمونن بالانجليزي بس انا راح اترجمه لكم )))
    خالد :ايش فيها ؟
    الدكتور :من انت ؟
    خالد : انا زوجها ايش فيها دكتور طمني
    الدكتور : كدمات على الوجه وكسر في اليد اما عشان يغمى عليها فراسها صقع على الارض فراح نخليها عندنا لمدة 24 ساعة من بعد ماتصحى عشان نشوف عندها ارتجاج ولا لا بس لو سمحت ممكن تتفضل معايا شويه
    خالد :لييه
    الدكتور :لانه استدعينا الشرطة وهي عندي بالمكتب لانه اللي في المدام واضح انه ضرب فهو يبي يسوي معاك تحقيق
    خالد :طيب
    راح خالد مع الدكتور ووصلو لين المكتب ودخل خالد لقي الشرطي قاعد في المكتب
    خالد :مرحبا
    الشرطي :مرحبا لو سمحت ابغى اسال عن المدام مين ضربها ؟
    خالد :محد ضربها ولا شيء طاحت من الدرج
    الشرطي :اوكي بس احنا راح نستجوب المريضة لمن تصحى عن اذنك
    راح خالد ووصل لياسر ومنى
    ياسر :ها ايش الفت
    خالد :ياسر اسكت والله ماني ناقصك
    دق جوال خالد
    :الو
    خالد :هلا احمد شلونك
    احمد :الحمد لله بخير انت شلونك وشلون سحر معاك
    خالد ارتبك :ها احنا بخير الحمد لله
    احمد :ايه اسمع اليوم السفارة رسلتلي ايميل
    خالد :طيب ؟؟؟؟
    احمد : مو انا قدمت لجامعة واشنطن ؟
    خالد :طيب
    احمد : قبلوني فيها
    خالد :لا يارجال يعني ماراح تكون معانا
    احمد :لا على طول على واشنطن
    خالد :اف يارجال مرة بعيدة حتى في الويكند ماراح تقدر تجينا مالقيت مكان اقرب
    احمد :لا والله بس عادي الاجازات اللي ماقدر ارجع فيها لاهلي اجيكم
    خالد :اها يارجال طيب اكلمك بعدين مع السلامة
    احمد :مع السلامة
    \
    \
    \
    \
    (ااااخ صداع ياناس ارحموني راسي يعورني ) فتحت عيونها ورجعت غمضتها لان النور مسلط على وجهها (ايش اللي صار فيني اخر شيء افتكره لمن شالني خالد اف ويني انا )
    \
    \
    \
    \
    ياسر :ايه واللحين ايش بتسوي بالمسكينة اللي جوا
    خالد وقف خلاص وصلت معاه :ايش مسكينة سكينة ان شاء الله لو هاذي مسكينة اجل انا ايه لسانها ياطوله ماعندها غير ترادد تستاهل اللي يجيها واكثر ماباقي غير تضربني
    ياسر مسك خالد من بلوزته ودفه على الجدار : لا ياشيخ بالله شوف ايش تبرر تصرفك السخيف اللحين رجال طول بعرض وهي ماتجي ربعك تسويبها كذا حرام عليك هاذا وهي بنت عمك اجل لوهي وحدة غريبة ايش بتسويبها بتموتها يعنـ...........
    منى جاتهم :صحيت صحيـ.....ايش فيكم
    ياسر ساب خالد :ولا شيء صحيت ؟؟
    منى :ايوا الحمد لله يارب اللحين الدكتور عندها وبعدين الشرطي بيدخل لها
    خالد :الحمد لله يارب
    منى بسخرية :ها فرحان انها ماماتت على يدك
    خالد :منى تراني ماني ناقصك
    \
    \
    \
    \
    :طيب مين ضربك
    سحر : محد انا طحت
    الشرطي :بس الاثار اللي عليك اثار ضرب
    سحر:لا انا طحت
    الشرطي :اوكي اسف للازعاج عن اذنك
    (اخ بس ليه ماقلتلهم مادري خليه يتعفن في السجن ،،سحر بلا غباء حتى لو قلتيلهم تعهد ولا امر ابعاد وبعدين انا اصلا ماراح اجلس له راح انتظر احمد لين مايجي وارجع السعودية بس الله يعنني لين مايجي )
    منى :الحمد لله على السلامة
    سحر مستغربة مين هاذي ؟؟:هلا الله يسلمك
    منى :اكيد ماعرفتيني انا منى مرت ياسر صاحب اخوك و زوجك
    سحر (والكوبة ياذا الزوج ):هلا فيك
    منى: شلونك ؟
    سحر :ههه مثل مانتي شايفة
    منى : حبيبتي انا عارفة انه غلط بس خـ........قاطعتها سحر
    :ولا تبررين له انا بس ماقلت للشرطي عشان صلة القرابة اللي بيننا بس ولا ابي اشوف وجهه
    منى :حبيبتي هاذا قرارك والله يلوم اللي يلومك
    دخل ياسر :الحمد لله على السلامة
    سحر:الله يسلمك
    منى :هاذا زوجي ياسر
    سحر :اهلين
    ياسر :اسمعيني للاخير خالد يبي يدخل وانا قلتله لا اشوف هي تبيك تدخل ولا لا ها ايش قلتي ؟؟
    سحر :ولا ابي اشوف وجهه
    ياسر :خلاص ماراح اخليه يدخل وانتي اذا تحتاجي أي شيء اطلبيه مني مايردك الا لسانك تراك اختي الصغيرة اوكي
    سحر بابتسامة متعبة :اوكي
    \
    \
    \
    \
    :ياسر طيب لييه
    ياسر :شو اسويلك هي ماتبي تشوفك لو سمحت خالد خليها تهدى وبعدين تعال
    خالد عصب :كيفها ماهمتني انا بس ابي ادخل اعتذر لها بس كيفها بالطقاق اللي يطقها
    وراح وساب ياسر واقف .ياسر هز راسه وقال الله يهديه
    اما خالد خرج من المستشفى كبرها ماهو عارف فين يروح ماهو حارق قلبه الا انه هي امانة عنده وسوابها كذا اخ بس
    \
    \
    \
    \
    بعد مرور يومين
    :دقيقة اللحين افتح هلا والله بمنى تفضلي تفضلي
    منى :اهلين كيف حالك
    سحر :بنشكر الله انتي كيف حالك
    منى :الحمد لله
    سحر :الا وين ياسر
    منى نزلت راسها :ها رااح يسال عن خالد
    سحر :لسه مابيّن
    منى :لا لسه
    سحر :ياربي يعني وين طس
    منى :والله ياختي علمي علمك الا جبتلك ذاك الحلى اللي تاكلين يدينك وراه
    سحر :ههههههههههههههه
    منى :اشبك
    سحر :لا بس ذكرتيني بلموي اخت خالد نفس كلامها وحشتني الحمارة يالله اكلمها بعدين
    منى :اتفضلي
    سحر :شكرا ياقلبي
    \
    \
    \
    \
    :والله ياجابر مادريي عنه محيرني هاذا الرجال
    جابر :اقولك شيء خليه ولا تدور عليه ومتى ماطاح اللي في راسه من نفسه بيرجع
    ياسر :بس مرته المسكينة تجلس لحالها بالبيت
    جابر :ايه عادي وانت كل يوم نط انت ومرتك عندها
    ياسر :بس ابي افهم هو ليه مختفي يعني خلاص البنت طيبة والعتاب وهاذا كله بينه وبينها انا خلاص ماراح افتح هاذي السالفة مرة ثانية لاني اعطيته اللي فيه النصيب
    جابر:طيب واخوها لمن يجي راح يشوف الاثار اللي فوجهها ماراح تروح بسهولة
    ياسر :لا احمد راح يروح على واشنطن على طول
    جابر:ايه طيب يا ياسر اكلمك بعدين بدأ الدوام
    ياسر :مع السلامة
    جابر :فمان الله
    \
    \
    \
    \
    سحر جالسة على الكنبة وبيدها كوب كوفي والتلفزيون شغال بس ماتتفرج على شيء لانها سرحانة (اخ ياربي اني مقهورة قهر ماهو بطبعي اني افوت على احد غلط معاي وهاذا مدخلني المستشفى ....والله ما راح افوتها له ان ماوريته ماكون سحر بس كيييييف ياربي كيف اوف ياربي لو وحدة بالجامعة كنت مسكتها من شعرها ووريتها من اللي يغلط عليا بس هو رجال طيب خالد ايش نقطة ضعفه ياااااربي اسال لمى ...لا والله محلاية وانا اقولها ايش نقطة ضعف اخوك طيـ........لقيتها لقيتها بس لازم اقلبها بمخي شوية )
    \
    \
    \
    \
    :ايوا وصاحبك متى راح يرجع
    : مادري عنه
    منى :بس مايصير كذا البنت ملطوعة في البيت من يوم ماخرجت من المستشفى لها اسبوع
    ياسر :منى واللي يرحم والديك فيه شيء مابقي بيدي الا وسويته مستشفيات ورحت شرطة ورحت ماهو فيه
    منى :طيب واصحابه
    ياسر :سالتهم كلهم اصلا كلهم حولينا يعني اكيد بننتبه ابو محمد وجاسـ....سكت
    منى :ياسر اشبك ؟؟
    ياسر :اكيد عند ابو محمد في غرفة احمد مادورت هناك انا بروح مع السلامة
    خرج ياسر اما منى رجعت تكمل كتابها اللي معاها (بس ابي افهم لييييييه يختفي كذا والله مادري عنه يعني ممكن يحس بتأنيب ضمير او مستحي من سحر بعد اللي سواه معاها والله مادري الله يهديهم ويوفق بينهم ان شاء الله )
    \
    \
    \
    \
    :والله ماشفته
    ياسر :طيب يابو محمد ماقد لمحته بهالاسبوع
    ابو محمد :لا والله ماشفته
    جاسم :انا شفته
    ياسر :ويييييين ؟
    جاسم :كان عند السفارة امس
    ياسر: مشكور جاسم مع السلامة
    \
    راح ياسر السفارة وشاف خالد جالس على كراسي الانتظار كان شكله يحزن دقنه طالع مبعثرة وشكله تعبان هالته توصل لخدوده شكله يكسر الخاطر
    ياسر حط يده على كتف خالد :فينك ياخالد ؟؟؟
    خالد تنهد بصوت مسموع :جالس اسوي اوراق سحر
    ياسر :لييييييييييييييه ؟؟؟
    خالد :عشان ترجع السعودية
    ياسر :انت تتكلم بجد ؟
    خالد : اييه بجدي
    ياسر تنهد :طيب وين جالس اللحين
    خالد : ساكن بالموتيل اللي جنب السفارة
    ياسر : ليه ماترجع بيتك ترى مرتك قلقانة عليك
    خالد بتعب :ههههه ضحكتني وانا مابي اضحك
    ياسر :طيب بس وريها وجههـ…….قطعه
    خالد :ياسر واللي يرحم والديك سيبني اللحين البيت ماني راجع الا عشان اوصل سحر للمطار
    ياسر :طيب كيفك عن اذنك
    \
    \
    \
    \
    :هاذا بجده ولا يستهبل ؟؟؟
    ياسر :هو حاسس اللحين بذنب وانه مايستاهلها
    منى :صراحة غبي البنت لو طلبت اوكيه بس ماتكلمت ياربي عليه طيب اقولها ولا لا ؟؟؟؟
    ياسر :الا قوليلها احسن
    \
    \
    \
    منى :وبس
    سحر:طيب ؟
    منى مستغربة :طيب ؟!؟!؟!؟!؟
    سحر :ايه يعني المطلوب
    منى :سحر انتي صاحية
    سحر:ايه كل واحد حر في تصرفاته
    منى :كيفك انتي وهو الخسرانين
    سحر مسكت يدها :منى حبيبتي لا تزعلين بس اذا هو يفكر كذا ايش بسويله عاد



    البارت السابع

    دخل البيت بعد غياب دام اسبوع و3 ايام
    :سحر سحر وينك
    سحر :اهلاً
    :سحر يالله لمي اغراضك
    سحر:ليييه
    خالد :عشان تروحين السعودية
    سحر جلست وحطت رجل على رجل :بس انا مابي اروح
    خالد منصدم :نعم !!!!!
    سحر :اللي سمعته
    خالد :لييييييه ؟
    سحر:عشان انا مابي ارجع
    خالد : كيفك انا كنت ابي ارجعك وانتي مارضيتي بس مو بعدين تجين تقولين ابي ارجع
    وقام ودخل الغرفة اما سحر ابتسمت ابتسامة خبيثة (واللحين ابتدأت الخطة ياخلود )
    \
    \
    \
    \
    :ما رضيت ؟!؟!؟!؟!
    منى :ايوه
    ياسر :طيب لييه
    منى :تقول فشلة ارجع اللحين السعودية وانا ماكملت اسبوعين حتى الناس بتاكل وجهها وهي صادقة الناس يمي منهم كل شيء راح يحطونه فوق راسها الضعيفة لو رجعت
    ياسر: هههههه شوف بايش فكرت بس يالله المهم انها ماراح ترجع
    \
    \
    \
    مرت الايام ومافي كلام بين سحر او خالد الا لمن يسألها عن الاكل ايش تبغي لانها الاخت ماتعرف تسوي حتى شاهي المهم وبدات الدراسة وسحر لا خرجة ولا شيء الا احياناً مع منى اما خالد يروح الجامعة ويرجع ياكل وينام ويجلس يذاكر يعني بالمختصر المفيد كانت ايامهم جدا باردة
    \
    \
    \
    تدور حول نفسها قدام المراية كانت لابسة فستان اسود قصير بدون حمالات وفيه حزام ذهبي من تحت الصدر حطت كحل وبلاشر برونزي وشدو اسود خفيف وحطت قلوس لحمي ولبست صندل مسح لانها وللاسف الشديد ماتعرف تمشي بكعوب
    \
    \
    \
    :رايح على البيت ؟؟؟؟
    :ايه ابي انام نعسااااااااااااااااان ماصدق انه الويكند الحمد لله يارب
    ياسر :انت اللي جاني على نفسك لو مريح راسك وماتسوي دفرنة ذيك الساعة عيونك راح تتنفخ من النوم
    خالد :ههههههه بالله روح انا ماتغربت عشان اجيب درجات زي وجهك
    ياسر :لا قصدك انه حلوة صح
    خالد :ههههههه اكيد يالله مع السلامة
    ياسر :يالله مع السلامة تاخرت على منى
    خالد :ايوا الحق قبل لاتقفل الباب عليك
    ياسر :بالله حل عن وجهي يالله انقلع
    خالد :بالله شوف طيب ياياسر مع السلامة
    ياسر :مع السلامة
    مشي خالد وهو يفكر (ياربي البيت ملل وماحط حرتي الا بالكتب ياربي ارحمني يارب )
    وصل البيت مالقى احد في الصالة استغرب راح لغرفة سحر يبي يشوفها فيه ولا لا فتح الباب وانصدم لمن شافها
    \
    \
    \
    \
    ياسر :منى حبيبتي اشبك
    منى :ولاشيء
    ياسر :تبكين وولاشيء اجل لو كان فيه شيء ايش بتسوي
    منى :طيب راح اقولك ياسر احنا من متى متزوجين
    ياسر:امممممم الشهر الجاي نكمل سنة
    منى :بس بس بس (وقامت تشهق ) انا ماحملت
    ياسر سكت بعدين قام يضحك بصوت عالي :يابنت اللحين هاذا اللي مبكيك
    منى :ياسر اسكت لا تضحك
    ياسر :طيب سكت بس ليه تبكين عادي محنا مستعجلين خلينا نعيش في العسل ياعسل
    منى :ياسر انا ابي اروح العيادة
    ياسر :منى ماله داعي وقت مايجي الله يحيه
    منى :لا ابي اروح
    ياسر :طيب بس مو اللحين
    منى :اجل متى
    ياسر :الشهر الجاي
    \
    \
    \
    سحر بارتباك : ا....ا....ا...نت ماتجي اللحين
    خالد اتكى على الباب وهو يبتسم ويطالع فيها من فوق لتحت : ايه جيت بدري اليوم لاني نعسان
    سحر :هـ....هـ......هاذا جابته لي منى وقلت اجربه
    خالد قرب منها :تراه مو حلو عليك
    سحر :بجد ؟؟؟؟
    خالد بخبث : ولا اقول دوري ابي اشوفه مرة ثانية
    سحر ببرائة قامت تدور :ها ايش رايك
    خالد :امممم هو مو حلو بس احلى من الجينزات اللي تلبسينها دايما
    سحر :اقول اطلع ابي اغير
    خالد :لا مابي اخرج
    سحر حطت يدينها على صدره ودفته على ورا تبي تخرجه بس هو مسك يدينها وقربها له
    سحر ارتبكت :خـ.....خـ.....خـالد سيبني
    خالد بابتسامة :طيب ايش تعطيني عشان اسيبك
    سحر :ها لا ولا شيء راح اعطيك
    خالد :امممممم لا انا ابي شيء
    سحر بدلع :خالد سيبني بليييييز
    خالد خلاص راح فيها
    سحر :يالله بليز
    خالد :ها طيب
    وخرج وصكت الباب وسندت ظهرها على الباب (هاذي بس البداية ياخالد ان ماوريتك ماكون سحر )
    اما خالد (يلعن شكلها تجنن ماشاء الله عليها قمر بس لو تتوب من الجينزات كان شكلها ياخذ العقل وتتدلع بعد اخ ياربي انا ماني عارف ايش اسوي معاها لازم اغيرها بس احتاج مساعدة بس من مين والله مالي غير منى بس المشكلة انه منى ماتعرف سالفة سحر لازم اكلمها بس مابي احد يعرف اكلمها يوم يالله سهلة )
    :خالد جيعانة مافي اكل ؟؟
    خالد :والله ماشتريت بس اللحين انزل اشتري
    سحر:لالالالا لاتشتري خلينا ننزل نتغدى برى تراني طفشااااااااااااااانة ليا 3 ايام ماشفت الشارع بلييييز
    خالد :طيب يالله تجهزي على بال ماخذ شاور اوكي
    سحر :اوكي
    راحت سحر ولبست بنطلون جينز اسود وتيشيرت اسود ولبست جاكيت طويل ابيض ولفت حجاب اسود وحطت ومسحت الشدو الاسود وخففت البلاشر وخلت الكحل والقلوس
    خرجت لقت خالد لابس بنطلون جينز وتيشيرت ابيض وبلوفر اسود
    خالد :يالله ؟؟
    سحر :ايوا يالله
    خرجو وراحو على مطعم لبناني
    سحر :الله ريحة المشاوي تهوس
    خالد :ايه هاذا المطعم عجيب
    سحر :ههههه اسمع صوت بطني من الجوع
    جاهم الويتر واعطاهم المنيو
    سحر :الله فيه رز زماااااان عنه
    خالد :اللي يسمعك يقول ماكلت رز لها سنة ترى كلها 3 اسابيع
    سحر :ههههه انا عارفة بس شيء تعودت عليه يومياً وانقطع عنه مرة وحدة صعبة ...الله فيه مشوي دجاج ابغاه طيب
    خالد :بس اللحم اطعم
    سحر:انا ماكل اللحم
    خالد :بجدك ؟؟
    سحر:ايوا ماحبه
    خالد :والله انك غريبة طيب الدجاج اكيد اوصال صح ؟
    سحر:شور مايحتاج سوال وابى رز ابيض وورق عنب وفتوش وحمص
    خالد :طيب ايش تبغين تشربي
    سحر :بيبسي
    خالد :اوكي
    قال للويتر وراح وسابهم
    سحر :ههههههه فيه معسل كوكتيل والله لو تشوفه شموس ماتسيبه
    خالد :نعم شموس مين هيا ؟؟
    سحر :ها لا هاذي وحدة من صديقاتي
    خالد :اها طيـ......
    سحر :دقيقة سوري جوالي يدق
    :الو
    سحر :اهلين جنى كيفك
    جنى :تمام انتي كيفك
    سحر :الحمد لله طيبة ايه وكيف الجامعة معاكي
    جنى :الحمد لله كويسة ماشية تمام التمام
    سحر :طيب وعزوز سوالك شيء
    (خالد هنا فرصع عيونه قدامي وعزوز وماعزوز اصلا الشرهة مو عليك على اللي خرجك عشان تاكلين قام وسابها وراح الحمام )
    جنى :لا بس ايام تجي الجامعة تمر عليا تقولي سلميلي على حسام
    سحر :هههههههه طيب كويس
    جنى :ايه الحمد لله بس ابي افهم كيف محترمة كلمتك وانتي بعيدة ؟
    سحر :قلتلك عشان واسطتي محترم كلمتي ولا من زمان صف اهلي لانه لو مو انا كان ماقدر يدخل الجامعة
    جنى :بس بجد ماعرف كيف اردلك هالجميل على راسي طول حياتي
    سحر: جنى عاد احا ايش قلنا انا ماسويت الا اللي اسويه لاي احد بس انتبهي هاذي السالفة لاتطلع لاحد انا اللحين عادي ماهمني بس انتي لو عرفو راح يسحبونك معاها
    جنى :لا توصين حريص محد يعرف الا انا وانتي ولمى
    سحر :عاد شلون لموي القاطعة من يوم زواجي ماكلمتني
    جنى :ههههههه لمى سيبها حايسة جو ناس يخطبونها ماقلك خالد ؟؟؟؟
    سحر :ها الا قلي بس نسيت
    جنى :ايه لحد اللحين ماردت خبر
    سحر :ياحليلها يالله جنى سلميلي عليها خالد جاء طيب مع السلامة
    جنى :مع السلامة
    سحر :خالد ليه ماقلتلي انه لمى نخطبت
    خالد :ماعتقد انه يهمك
    سحر ايش فيه هاذا قلب الله يعين انه مزاجي بس يالله ياسحر استحملي ؟مين خطبها
    خالد :واحد من جيران جدتي
    سحر :اها طيب وكيف الولد كويس ولا لا ؟
    خالد :والله انا معرفتي فيه سطحية بس ابوي يعرفه كويس ويقول مائاء الله عليه اخلاق
    سحر باستغراب :طيب لمى ليه مترددة ؟؟
    خالد :لانه لو وافقت راح تروح الشرقية لان شغله هناك وهي ماتبي تبعد عن جدة
    سحر :معاها حق مافي الا جدة اخ ياربي مافارقها ولو بعد مليون سنة
    خالد بسخرية :ههه بس اضن انك مانتي في جدة اللحين
    سحر ماعجبها نبرة صوته بس طنشت :لا بس انا مؤقت كلها سنتين او 3 سنين وارجع اما هي وحليلها اذا راحت الشرقية على طول راح تستقر هناك
    \
    \
    \
    \
    :اقول هاذا مو خالد ؟؟؟
    :الا هو بس من هاذي اللي معاه
    :اقولك بلا غباء هاذي مرته
    :ليه هو متى تزوج ماشاء الله ؟؟
    :ايش فيكي انتي انخبلتي هو متزوج له 3 اسابيع
    :بجد حرام عليه ليه يتزوج
    :هههه الله يعينك على نفسك ياختي ايش حرام حقه انه يتزوج
    :بس انا احبه
    :انتي مع احترامي الشديد لكي غبية هو ولا فكر فيكي وانتي احبه احبه تراكي ازعجتيني
    :ياشيخة اسكتي ابغى اشوف مرته حلوة ولا لا ؟؟
    :روحي ادخليلهم
    :لا صعبة والله راح يصف ابويا لا بعدين اشوفها
    :كيفك .... اقولك امشي امشي خلينا نروح البلوزة على المنيكان ابى اشوفها
    \
    \
    \
    \
    جاهم الاكل وسحر تاكل كانها ماشافت لها اكل طول عمرها من زمان عن الاكل العربي ذي الايام طاحت بماكدونالدز
    اما خالد جالس يطالع بسحر اللي تاكل بسرعة حتى ماتلحق ناخذ نفس كامل :شوي شوي على الاكل لاتغصين
    سحر :ههه والله جيعانة وبعدين زمان عن اكل عربي
    خالد :طيب كلي بسرعة عشان نرجع البيت بروح انام
    سحر( الله يسد نفسك زي ماسديت نفسي عن الاكل) : طيب يالله نروح اصلا شبعت
    خالد :كملي اكلك
    سحر :مابي خليينا نروح انا بروح الحمام على بال ماتحاسب
    خالد (ايش فيها هاذي قلبن وجهها انا ماقلتلها شيء قلتلها كلي بسرعة بس حرام ماكلت شيء خليني اخذه البيت)
    نادى على الويتر وقاله انه بياخذ الاكل معاه ويبي الحساب وحاسب واخذ الاكل من الويتر وقعد يستنى سحر
    سحر جات جلست :حاسبت ؟؟؟
    خالد :ايوا يالله
    خرجو من المطعم وخالد راح يوقف تاكسي
    سحر :خالد ممكن اطلب طلب ؟
    خالد :اشوف على حسب الطلب
    سحر :ابي امشي لين البيت مابي اركب سيارة بلييييييز
    خالد تنهد :طيب اري لله تفضلي نمشي
    قامو يتمشون وسحر كل شوي توقف عند محل ولا بسطة
    سحر :خالد ممكن ادخل ذا المحل
    خالد طالع بمحل كل اللي يبيعه تيشرتات وهز راسه بمعنى لا حول ولا قوة الا بالله :ادخلي ياستي
    دخلت سحر زي البزرة في محل حلويات تبي كل شيء وماهي عارفة ايش تشتري وفي الاخير اشترت 6 تيشرتات و 3 بلايز كت وخرجت من المحل
    خالد :سحر ليه ماتدخلين ذا المحل ؟؟
    سحر باستغراب لمحل مايبيع الا فساتيين :هاذا ؟بس انا ماحب البس فساتين
    خالد مسكها من يدها :تعالي تعالي بس بلاهرج خلينا نتفرج ايش ورانا
    دخلو المحل وجلست تتفرج سحر على الفساتين وهي تقول شلون البس هاذي بس يالله لازم اسايره
    سحر :خالد مافي شيء
    خالد :الا تعالي شوفي هالفستان مرة حلو
    راحت تشوف الفستان كان طويل يتعلق على الرقبة لونه سكري فاتح ومن تحت الصدر كله لولو صغير والظهر كله مفتوح
    سحر :هاذا ؟؟؟
    خالد :ايه ايش فيه مو حلو ؟
    سحر :الا بس مـ.......
    خالد :خلاص اجل اوكي
    اخذ الفستان وراح يحاسب بعدين خرجو ورجعو البيت
    خالد :يالله ياسحر قيسي اللي اشتريتيهم عشان لو فيه شيء ماطلع كويس نرجعه
    سحر :اوكي
    راحت سحر قاست التيشرتات وترجع توريها خالد وتسوي كانها عارضة ازياء والتيشرتات مرة طلعت حلوة عليها
    خالد :يالله مابقي غير الفستان روحي البسيه
    سحر وهي مستحية :خاااااالد لا مو وقته
    خالد :الا قومي اللحين ولا (وقام يحركلها حواجبه )قامت تجري بسرعة لين مادخلت الغرفة وخرجت الفستان فتحت السحاب ولبسته وتحاول تصك السحاب مو راضي (ياربي شو هاذي البلشة اللحين )
    \
    اما خالد يطالع ساعته ايش فيها تاخرت خليني اروح اشوفها
    خالد :سحر ايش فيك تاخرتي
    سحر :لا تدخل ياخالـ.......
    ماكملت كلامها الا وهو فوسط الغرفة
    خالد يطالع فيها من فوق لتحت :ايش فيك
    سحر بتلعثم :هـ...ـا لالا بـ...ـس السحححاب مو راضي يتقفل
    خالد بشبه ابتسامة :طيب انا اصكه لكي
    سحر تراجعت على ورى :شو لالالا انا اصكه
    خالد بضحكة :ايش فيك انا ماعض ترى
    سحر :ها طـ.....ـيب
    راح خالد وقف وراها قدام المراية ومسك السحاب وصكه بكل هدوء بعدين و
    لفها عليه ...........^_^






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  7. #7
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: لجل عيونك ابيع كل ماعلى الكون واشتريك


    واناا ,, بنتظار التكمله ه ه ..







  8. #8
    عضو مجتهد
    الصورة الرمزية عربية انا
    الحالة : عربية انا غير متواجد حالياً
    رقم العضوية : 110655
    تاريخ التسجيل : 28-01-13
    الدولة : جنات الفردوس
    الوظيفة : طلب المستحيل
    الجنـس : انثـى
    المشاركات : 179
    التقييم : 36
    Array
    MY SMS:

    إن الخيل إذا شارفت نهاية المضمار بذلت قصارى جهدها .. لتفوز بالسباق .. فلا تكن الخيل أفطن منك .. ! فإنما الأعمال بالخواتيم ..

    افتراضي رد: لجل عيونك ابيع كل ماعلى الكون واشتريك


    كملييييها كتييير حبيت القصة
    روووووعة
    سلمت ايديك






  9. #9
    مشرفة القصص
    الصورة الرمزية بنت العين 2
    الحالة : بنت العين 2 غير متواجد حالياً
    رقم العضوية : 83540
    تاريخ التسجيل : 02-10-11
    الدولة : UAE
    الجنـس : انثـى
    المشاركات : 2,115
    التقييم : 399
    Array
    MY SMS:

    insta - twitter - ask : @m99xii

    افتراضي رد: لجل عيونك ابيع كل ماعلى الكون واشتريك


    مشكورين ع المرور
    وان شاء الله بكمل بأسرع وقت






    حور ؛ يا نائمة بالقبر طُبتي نعيماً انزلك ربِّ في عظيم جناته

    ...

    insta & twitter: @m99xii



  10. #10
    ادارية
    الصورة الرمزية العريمية
    الحالة : العريمية غير متواجد حالياً
    رقم العضوية : 124539
    تاريخ التسجيل : 19-09-13
    الوظيفة : مؤسسة الامير للتكنولوجيا - قسم ادارة المحتوى
    الجنـس : انثـى
    المشاركات : 3,228
    التقييم : 198
    Array

    افتراضي رد: لجل عيونك ابيع كل ماعلى الكون واشتريك


    إأن شاء الله ..

    وانا اول وحده بتشوفيني واقفه صووب منتدى القصص اتريااج هههه .. ^_^






صفحة 1 من 4 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طويلة : رواية جرحني و صار معشوقي كاملة
    بواسطة MOZA_FCB في المنتدى قصص الحب و الرومانسية و الغرام و العشاق
    مشاركات: 15
    آخر مشاركة: 15-03-04, 09:16 PM
  2. رواية همس الموت , كاملة
    بواسطة دلع الامارات أنا في المنتدى قصص الطويلة , الروايات
    مشاركات: 11
    آخر مشاركة: 14-09-29, 08:07 PM
  3. رواية لمى في شقة شباب / كاملة
    بواسطة بنت الشيوخ 2003 في المنتدى قصص الحب و الرومانسية و الغرام و العشاق
    مشاركات: 23
    آخر مشاركة: 14-09-04, 11:44 AM
  4. رواية أجمل غرور كاملة
    بواسطة بنت العين 2 في المنتدى قصص الطويلة , الروايات
    مشاركات: 31
    آخر مشاركة: 14-03-03, 10:03 AM
  5. رواية . الريم اللعوب كاملة
    بواسطة نظرة عناد في المنتدى قصص الطويلة , الروايات
    مشاركات: 22
    آخر مشاركة: 12-08-22, 11:57 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •