تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 4 من 6 الأولىالأولى 123456 الأخيرةالأخيرة
النتائج 31 إلى 40 من 58
  1. #31
    مشرفه الصف التاسع
    الصورة الرمزية الكــرستالــهـ❤
    الحالة : الكــرستالــهـ❤ غير متواجد حالياً
    رقم العضوية : 138121
    تاريخ التسجيل : 09-01-15
    الدولة : ؛~‘UAE‘~؛
    الوظيفة : طـــالبه ،،
    الجنـس : انثـى
    المشاركات : 228
    التقييم : 19
    Array
    MY SMS:

    يَآ صـآآحبي لآ غـآآب مـنهو تـوده

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    كملي ،،،،










  2. #32
    مشرفه الصف التاسع
    الصورة الرمزية الكــرستالــهـ❤
    الحالة : الكــرستالــهـ❤ غير متواجد حالياً
    رقم العضوية : 138121
    تاريخ التسجيل : 09-01-15
    الدولة : ؛~‘UAE‘~؛
    الوظيفة : طـــالبه ،،
    الجنـس : انثـى
    المشاركات : 228
    التقييم : 19
    Array
    MY SMS:

    يَآ صـآآحبي لآ غـآآب مـنهو تـوده

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ،،،،،،،،،






  3. #33
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ▓ الجزء الثامن (8) ▓


    .
    .
    .
    ما دام الفجر ينادي
    وينادي من بعدها الصوت
    عصافير فالهوى شادي
    ومنهم من يجافي الموت
    منهم اللي لهم قلبي طاغي
    ومنهم ودعتهم بانكتام الصوت ..
    .
    .
    .
    .
    .
    من صوب ثاني عند راشد ..
    ..
    شاف اللي طاح بصوت خفيف و فج عينه ع كبرهم احمرت عيونه و قامت عيونه تتغذى عالدم
    نزل جسمه بكبره للقلادة اللي طاحت و انكسرت .. كان ع شكل قلب صغير
    انكسر القلب ..
    اتحطم قلبه ..
    وقف بسرعه وهو معصب زياده من كثر ما هو معصب ع اللي طرش المسج انكسرت القلادة اللي بقت معاه طول طفولته
    وقف بقوه انا ذيب وما يهزني بعض الثعالب .. ضرب الطاولة بقوو وهو يتذكر القلادة ..
    و طلع صوت صراخ قوي و انهزت الاغراض ع الارض شوي شوي

    ركضت السكرتيره اللبنانيه وفتحت الباب مع انه يكرهه حد يفتح الباب من دون اذنه ..
    :: استااز راشيد فيك اشي

    فتحت عيونها خافت بنفس الوقت كاتمة ضحكتها ع رئيس شغلها ..

    ..
    السكرتيره مرة ثانية وهي مانعه ضحكتها .. لان لو ضحكت مديرها بيطردها بنفس الوقت :: لاك استااز راشييد بدك اشي
    راشد وهو بيموت من الاحراج نزل ريله اليمين و ويهه محمر من الدم اللي يركض فيه ما يعرف يصرخ عسب يطلع عصبيته و له يضحك ع عمره وله ينحرج من السكرتيرة اللي ممكن تقول اللي صار للموظفين وله ينفجر بســــــــبة القلادة اللي اتحطمت ..
    ..
    تحرك بكل هدوء و هو يغصب عمره و يسحب ريله سحب لين ما وصل ع كرسي مكتبه و يلس فيه .. وسط الاغراض اللي طايحه .. رص ع القلادة اللي بايده .. و شاف لابه الوحيد اللي ما تحطم من اغراضه وما طاح .. لانه كان باقصى المكتب ع اليسار ..
    وقال للسكرتيره وكأنه ما صار شي .. وهو عينه ع اللاب يقعد يغير بعض المعلومات .. :: خبــري (شمس الدين ..) ايي ينظف المكتب .. و يستبدل الاغراض المكســــــــورة بالبيزات اللي بحطها اهناك .. ع طاولة الاجتمـاع .. و طرشي الملفات الحمرا اللي ع الارض لبو يوسف وقولي له يخلصها ويعدل في البيانات .. حطيت له ملاحظات انا ..
    شافها يوم حس انها تمللت من كثرة اللي طلبه وشافها بعيون تخوفها ..وكمل :: واجلي اجتماع اليوم لباجر الساعه 8 ونص الصبح .. ما اظن اللي قلته صعب يا نارمين .. لا تنسين
    قالت نارمين السكرتيرة وهي ترد لورى شوي شوي :: حاازر استاااز .. تكرم عيوناك
    ..
    قام راشد وهو يسحب ريوله بصعوبـــــــة و قال لها وهو يطلع من باب مكتبه :: اي حد يسال عني قولي له راشد مشغول باجتماع خارجي ..
    .
    .
    هزت نارمين راسها بهدوء وطاعه .. هي بتموت قهر تشتغل من 6 سنين سكرتيره لبوراشد وودها تستميله وتخليه خاتم باصبعها وايي ها ولده بكم شهر ويضيع كل محاولاتها ويصير مديرها .. اصلاً الحين ما ودها فابوه .. كانت تبي ابوهـ عسب تعيش بحياة كلها فلوس بفلوس .. بس الحين يوم شافت ولده قررت انها تباه لــشكله وبيزاته صح هي اكبر عنه ف 7 سنين .. لكن خلاص هي حاطه فبالها تباه ولو انه مــالج ع وحدة تقرب له ..
    قالت بهمس بعد ما طلع رشود :: ماليي دخل راح اتصير الي يعني راح اتصير الي .. انا حلويــه والكل بيتمناني ولو اني اكبر بشوي ..
    .
    .
    اول ما استقرت سيارة رشود فبيتهم .. لانه ما اعرف وين يسير فهالوقت وهو قمة فالعصبية .. تذكر الموقف اللي صار له قبل لا تدخل نارمين لغرفة مكتبه ..
    \.. اتذكر شوي .. /
    وقف بقوه انا ذيب وما يهزني بعض الثعالب .. ضرب الطاولة بقوو وهو يتذكر القلادة .. "
    و طلع صوت صراخ قوي و انهزت الاغراض ع الارض شوي شوي"
    ..
    ضرب السكان بقوو و زمر طووووووووووووووووووووووووووط

    فشلة يعني غبي انا عسب اضرب الطاولة بريلي .. كان شكلي يضحك رافع ريلي اليمين وماسكها بايدي اليمين وانط على الارض باستوجاع .. اي اي يعووور اخ .. صدق كان يألمني
    " طق طق طق "
    وله ما يلست اسوي هالحركه .. اتخيل خلود شهدت الموقف .. و الله انها راح اتطيح تعليقات فيني .. بس لو نارمين تطبق شفاتها ولا ترمس .. انا بصير بخير ..
    " طق طق طق "
    عيل في شخص واقعي ينط شرات توم وجيري او نقار الخشب كأني ف رسوم متحركة يعني صدق يعيني واايد كنـــــــــــت اهـــ
    Wait wait
    شو الطق طق طق ها اللي اسمعه معقوله من خيالي .. شو فعقلي موجود جامه او مرايه مثلاً .. الجامة صح لفيت ع يساري ع طول وشفت ويه وحده ملصق فالجامة من كثر الخرعه والخوف المفاجأ فتحت الباب مال قوو ..
    ما كنت ادري ان اللي كانت ملصقه خشمها ع الدريشـــــه او المرآيه اتعورت الا يوم استوعبت صراخها وتحرطيمها والادهى والامر .. تهديداتها لابوي ..
    يا ناس انا رحت وطي .. الحقوووووووووووووووووووووني ..

    حزمت فشخصيتي و شديت من عمري شوي ونزلت من السيارة واغلقتها وانا اقول بثقة لاختي مريوم ..
    ..
    و انا اتوجهه وياها لداخل البيت :: يا روح اخوج انتي اشوفج ارمسي بس بحرف .. و الله لا اخليج تلتصقين بدارج من ضربي اللي بييج ..
    مسكتني بذراعي وبان بها الخوف شوي وقالت بمرح :: ما راح اتكلم .. انت اخوي العود .. انت الكل بالكل .. فديت الشيخ انا راع النظرات البركانية
    طالعها بنظره خوفتها وكملت :: قصدي راع النظرات الحنونية .. وين نحصل اخو عطوف حنون مثلك .. رفعت كتوفها بمكر وقالت لي وهي ترفع حواجبها :: صدقني ما شي ..

    يوم اكتشفت انه فهم لها انها تقصد يعني صدقني ما شي اخو عطوف وحنون ابد .. ركضت لداخل البيت تتخبى بغرفتها .. لانه بالطبع قام يركض وراها . . .
    خلونا نخلي الاخوان الحينه ونروح لمنو لمنو .. هي صح بنروح لصاحبة القلادة ..
    ..
    ..
    سوري اقصد صاحب القلادة .. هي ولد مب بنت الحين بنشوف شو قصة القلادة
    .................................................. .....................
    (....) صاحب القلادة ..

    رشود تأخر ..
    وااايد تأخر ..
    هو ما قال لي راح يطمني عليها اليوم .. المفروض اييبها لي بعد كم من اسبوع ..
    لفيت نظري للنيرس "الممرضه" اللي تسحب دمي .. غمضت عيني بهدوء وتاففت
    طالعتني بنظرة مستغربة وخقت علي ..
    ابتسمت لي بهدوء و تجدمت شوي بعد ما سحبت دمي .. وداعبت ذراعي وهي تحط اللاصق ع جرحي ..
    انا هالحركات ما احبها .. طنشتها وخليتها تسوي اللي تباهـ فذراعي ..
    سمعتها تقول :: I feel hurt for you .. it's so sad that they take your diamond blood
    ( احس بالألم من اجلك .. كم من المحزن ان يأخذوا دمك الغالي كالالماس)
    ضحكت بيني وبين عمري شو هالسخيفة رفعت عيني لها اتأمل ملامحها الانثوية .. شعر اشقر صارخ ع كتوفها و بشره بيضــا صافيه تميل للوردي الفاتح .. عيونها الزرق المتوسط و انفها الصغير و شفايفها الكبيرة .. > يعني زينه شوي
    شفت ملابسها اللي تكشف اكثر من انها تستر .. و فوقها بالطو "جاكيت" المخصص للممرضات .. > استغفر الله العظيم بس ..
    شفت ويهها مرة ثانية شعرها ملفت واايد ..

    قلت لها بجرأه و عيوني تطالعها وابتسامة خفيفه تطلع مني بتمثيل دقيق :: And why u think my blood is a diamond… did u fall for me already .. is it love from first sight..??
    ( و ليش تحسين ان دمي الماس ؟! .. انتي طحتي فغرامي من الحين .. هل ها الحب من اول نظرة .؟!)
    توقفت مداعبتها ع ايدي .. بخجل ونزلت راسها ونزلت كم من خصلة وياها .. هاللي بغيته تهد ايدي .. ما بقوا غير هااييل يتلصقون ههه .. خلصوا بنات البلاد والخليج وانا ما ادري .. عسب اشوفها
    ..





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  4. #34
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ما شفتها شو قالت و هي تطلع اتوقع قالت yes وطلعت مستحيه ..
    ما علي منها المهم اني اليوم بظهر من المستشفى وما برد لها الا بعد اسبوع ..
    \\\\\\\\\\\\\\\\\\\\\\\\الحين راشد متى بييبها .. الله يصبرج يا روح ..
    كم بنتظر ..
    انه يتزوجها ثقيلة ع قلبي شوي
    بس اهم شي انه اييبها لي اشوفها ..
    ..
    انا ما ادري اذا بروح من هالدنيا وله لااا ..
    و لازم اشوفها .. حالتي الصحية ما تسمح لي اظهر من هالبلااد
    تعبت وانا فبلاآد الاجانب .. اشتقت للبلاد .. اشتقت لدار بو سلطاان .. دار بو خليفة الله يرحمه ..
    قلادتي اللي عطيتها لرشود وياه وله لاا ..
    يمكن انتوا ما تعرفون بس راشد اكثر صديق بقى وياي من بديت العلاج اللين الحين ..
    كنا نتقابل فبيتنا .. ابوه اييبه وياه يوم ايزور ابوي
    وكنا نلعب ونخطط لحياتنا فالمستقبل مع بعض
    الين ذاك اليوم
    اليوم اللي اكتشفت انه نفسه راشد اللي يقرب لها
    ولد عم خلود ..
    طلبت منه ان يخليني اقابلها .. قبل لا اسافر ..
    ما كنت اتوقع انه يرضى ..
    بعد ما شفتها وظهرت من المكان .. شافني راشد و عطيته القلادة قلت له اذا بقت القلادة وياك وحافظت عليها .. يعني ان خلود وياك وحافظت عليها ..
    لكن لاتحطمت خلود راح تكون لغيرك .. وانت تحمل ..
    ..
    ان شاء الله القلادة ما فيها شي ابا اخذ القلادة عنه اذا شفيت وما صار شي لي ..
    القلادة بالاصل من خلود .. يوم عطتني اياها فايام الروضــــــــه .. قالت لي انها كانت مع ابوها .. قبل لا يتوفى و عطاها هالقلادة وقالها بمزح :: حبيبتي هالقلادة هي قلبج .. ما تعطيه لاي حد ..
    وهي وحليلها ثاني يوم من الروضة عطتني اياه .. صدق افكارنا كانت طفولية ..
    خلـــــــــــــــــــــــود ما اشتقتي لي .. ما اشتقتي لــ (علاااوي ..)
    شفت الفون الثاني اليديد اللي بايدي اليمين ووصلني
    "لقد تم ارسال المسج"
    عدلت اكمام قميصي الاسود و حطيت الكاب الاحمر مرة ثانية ع راسي و طلعت من باب المستشفى ..
    وانا اشوف جدامي .. برج الساعه ..
    انا فبريطانيا خلود ..
    سلمي لي ع الامارات ..
    نزلت راسي و رفعتها للسيارات الموجودة فشوارع لندن و صرت امشي مثل الناس اللي يمشون فشوارع لندن .. بروح بارده .. خفيه .. مشاعر ثقيلة .. و روح غريبة .. كل واحد يمشي اهنا .. نفسي نفسي .. كل واحد طايح بس بافكاره .. مثلي بالضبط .. وانا فكرتي بس خلود ..
    خلود بس ..
    خلود بس ..
    .................................................. ............................
    حميد ..

    ما عليه يا خلود .. انا قلت بخبرج اني بخطب بتقلبين الدنيا ع العايلة ..
    روحج ولا تحركتي .. يعني شو افهم من ها كله ما تبيني
    ما تريديني ..
    عيل ليش يت هاذاك اليوم لعمي .. وبغت ترمسه بس يوم شافت الكل طلعت
    اصلا الغلط مني انا ..
    انا اللي بدال ما اكحلها عميتها
    عيل في واحد عاقل يبى بنية مخطوبة ومالجــة يسير يخطب وحدة غيرها
    بنت الاوادم والناس وحليلها كيف بتتحملني ..
    شفت بنظراتي من تحت لتحت سلطان اللي يالس حذالي فسيارتي
    نحن حالياً مقابل الشاطئ ..
    هو ماسك التلفون ويرمس بنــــــــــــت .. مب قاعد يغازل لاااااا
    سلطــــان . :: يا بنت الناس انا حبيت احذرج وبس ..
    (الطرف الثاني) ,, جوري :: يا اخوي انت من وين ياايب هالرمسة
    سلطان :: انا قلت لج ان حميد ما ينفعج .. وهو متزوج وحدة فالسر ترضين تكونين شريكة لها ..
    جوري تبرر وتطلع سبب ..:: يمكن غصباً عنه خذها عسب يحافظ ع عمره .. بعدين تعال كيف صغير ومتزوج .. تقص علي انت ..
    سلطان :: ليش والصغار ما يقدرون يتزوجون
    جوري :: انت جذاب .. انا ما اصدقك ..اصلا ما ادري كيف سمحت لعمري ارمس ريال غريب عني باي
    سلطان علاا صوته :: اترييي يا حرمة
    جوري :: انا ما بصدقك انت مب راضي تحلف لي مع السلامة اخوي
    سلطان صرخ لها عن تسكر :: والله العظيم ان قلبه لوحده ثانية
    جوري مسكت السماعه و ما سكرت :: جذااب .. بيتركها لو خذني انا بقدر اغيره .. هي بقدر
    سلطان :: انتي ما تسمعين اقولج الريال متعلق قلبه فوحدة ثانيه .. ترضين ريلج يحب غيرج ..
    جوري قالت بكبرياء الانثى :: خبره ما ابيه .. سمعت (صرخت) ما ابيه .. انا الف من يتمناني .. ما وقفت عليه .. باجر راح يوصلكم رفض ابوي
    سلطان :: مشكورة اخت جوري .. عســـ
    جوري قاطعته :: لا تشكرني انت مالك خص .. بعدين ليش اتريه لباجر .. انا اليوم برد لابوي بالرفض .. انا مب مــيته ع ولدكم .. الف من يتمناني .. سمعت (صرخت ) الف من يتمناني ..
    (سكرت التليفون )
    سلطان شافني شوي و قال بصدمة :: سكرت بويههي
    انا بكل هدوء حطيت ايديني ع السكّان"عجلة السيارة" و رخيت راسي عليه .. اتطمنت شوي ما دام انها راح ترفض .. اهم شي ما يظلم هالبنت معاهــ وخاصة انها بنت جيرانهم .. سامحيني جوري ..
    قلت بهدوء :: من حقها تسكر فويهك .. مشكور سلطان تعبتك وياي .. خليتك فموقف محرج
    سلطان سنّد راسه لورى و ضحك باستهبال بعد الجدّية اللي ماليه ويهه :: ههههههه مردوده يا روح ابوك .. تتحسبني اسوي كل هااا جي .. انا ابى وحدة وانت اكثر واحد لازم يساعدني
    ..
    ..
    شفته بعين وحدة ورديت راسي لورى ويهزت عمري عسب اسوق السيارة :: عااد ما حصلت غير هالياهله .. والله انها سخيفه .. ما تستاهلك
    سلطان حط اصبعه ف راسه :: اباها
    .
    طالعته باستخفاف وقلت :: عاد مينونه ومينون اتيمعواا .. كيف راح يطلعون عيالهم ..
    ..
    سلطان بروح مرحه :: اكيد حلـــــــــــــوين
    ضحكت باستخفاف زياده عليه :: لا طال عمرك راح يطلعون .. مستشفى مياااانين
    سلطان ضحك بروح حلوة :: وا فديتهم المستشفى المركزي مااالي ..
    حميد :: اتزوج اول بعدين امدحهم ع كيفك .. بعدين البنت صغيرة .. اترياا بعدك
    .
    .
    سلطان :: وهذا اللي اسويه يالغبي .. يعني لازم تفتح جروحي مرة ثانية
    حميد :: هي عشان تشاركني جروحي
    سلطان :: هي صح .. خلنا نفكر ف مشكلتك الحين .. انت سويت اللي قلتلك عليه وله لااا
    حميد بغموض وهو يشوف الفون المعقوق بالسياره حذاله :: هي بديت فيه قبل شوي ..
    سلطان بتفكير :: هممم لازم ننتقل للخطة اللي بعدها
    .
    .
    .................................................. ...................
    خلود ..
    .
    .
    مر لنا اسبوعين من كنا اخر مرة فبيت عمي لا شفت رشود ولا رمسته واهلي يتحسبون كل يوم ارمسه فالبي بي خخخخخخخخخخ احسن .. احسن من اسمع صوته السم فاذني ..
    ..
    يلســـــــــــــت ع الكنبة و اتربعت بيلـستي "يعني كأني يالسه عا الارض .. " مسكت البي بي وفريته حذالي .. الصراحه مليت منه ولايعه جبدي من كل شي الكتروني .. اتيني هالاوقات وايد واتضايق من عمري ..
    ..
    ما في شي مفيد انسويه يعني .. من البداية فكرت ادخل المطبخ اونه يعني اتعلم شي واطبق لي شي بس خفت اخواني و خواتي يطيحون فيني تعليقات بما اني خلااص يعني مالجه ..
    اف اكره شي عندي التعليقات ..
    قبل كنت اشوف تعليقات المتزوجين وبرودكاستهم في البي بي واضحك
    الحين يوم اشوفهم و اقعد اربط بيني وبينهم اتييني صيحــه واحس عمري بأبكي فاي وقت
    ..
    طالعت اللي يالسين وياي .. انا يالسه فغرفة الجلوس ..
    طالعت يميني .. امي يالسه ع الكنبة و تقرأ في القرآن .. احسن عنا الصراحه ، و حمده راقده ع ريلها و تطالع فالتلفزيون شكلها سرحانه فيه ..
    لفيت ع اليسار و شفت خدوي لايعهـ جبدها من التلفزيون و تحاول تلتهي فــمجلة الازياء اللي فايدها .. فكرت شوي بعدهم الناس يتصفحون المجلات .. ما ادري ليش احس موضتهم خلصت
    نحن شفينا بكل شيء خلينا موضه ..
    صدق سخيفه.. لا انا مب سخيفة انا اشوف اللي حولي واتماشى معاهم صح انا اتماشى مع المجتمع
    بس اذا المجتمع فيه شوية غلط اسير وياه .. لا ابوي ليش اسير ويااه .. انا عندي اسلوبي الخاص ..
    وها احسن شي سويته لنفسي ..اهم شي القناعه ..
    شفت اللي يلس حذالي قبل شوي .. اخوي حمد وحذاله سعيد
    حمد يعلم سعيد بشو آخر التقنيات فالأيفون ..
    ما ناقصنا غير عيسى اللي اكيد فغرفته يشوف ناروتو .. ما شي مجااال اصلاً انه يسوي شي ثاني هي وبعد ون بيس ..
    ..
    ..
    توني انتبه للتلفزيون .. برهووم وزيوود
    انا ما ارتاح لزايد واايد .. يمكن لان .. شفت اختي خدوي بنظرات وهي تطالع الشاشه وتبتسم
    يمكن لاني حاسه انها معجبة بشخصية هالمذيع وخاصةً انه كشييخ ..
    طالعت برهوم وميلت شفايفي حتى برهوم كشيخ وحلو بس خله يكبر شوي
    فديته شيخ الشباب ..
    لو اروم اتبناه ولد لي جان تبنيته بدون ما افكر ..
    اتخيل فهالعمر ويكون عندي ولد طـــــــــــوله وين يالسه هههههههههههه .. سخيفة انا
    لا بسم الله علي مب سخيفة ولاشي ..
    ساعات احس عمري مينونة مع هالافكار المخيخية ..
    همم مخيخية ..يبالي اضيفها لقاموسي كتبتها فالفون وفريته مرة ثانية حذالي
    اصلاً انا ما صرت مينونة الا لاني خذيت ها رشود ..
    وله في وحدة عاقلة ترضى فيه .. الله يعقلكَ بس يا رشود وافتك منك
    واسير لحميد .. آآه حميد "الفارس الصامت" ابكم ما يرمس ..اكيد من عمه سلطوون الزفت
    انا ليش واايد ريــيايل فحياتي .. ما احب جي ..
    لفيت راسي يمين ويسار ابعد هالافكار عني .. وعورني خدي
    ياك فبالي بطي راعي الغمازات .. شحاله اليوم .. لا لا يا خلود
    لا تفكرين فيه هالانسان مب زين شااااذ تعرفين شو يعني شااااذ لصــقة"لزقة" سوبر غلو فـ رشود ويع
    .. علوووي شحاله .. هو حي و له ميت .. الله يشفيه وين ما كان
    ..
    اووووووووووووه الحين فكم >ذكر< فكرت فهالكم دقيقة
    1- برهووم
    2- زياد
    3- رشود
    4- حميد
    5- سلطان
    6- بطي
    7- علوي

    امبيـــــــــــــه 7 يالله ما اكبرها 7 مرة وحده ادري اني وايد احب الامارات بس مب جي والله .. فديت بلادي انا
    قمت من مكاني ابى اغير هالافكار عني .. حرام افكر فرياااييل غير رشود وهالشي اعرفه زين ما زين ..





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  5. #35
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    قبل لا اظهر من الباب سمعت اخوي حمد يقول بهدوء :: خلود ترى العرس بعد اسبوع ونص ..
    قلت بهدوء لاني منصدمة :: ليش ..؟!
    امي كملت عنه بعصبية :: لان حضرتكم اعلنتوا الخبر يوم الخطوبة .. الحريم مب مخليين شي مب قاايلينه عنكم .. عيل انا بنتي تطلع فيها العيبــه انا بنتي حامل
    مسكت بطني وانا ارجف من فوقي لين تحتي .. حرام عليهم انا بعدني صغيره ليش كل هالمشاكل ..:: بعد 3 ايام
    سعيد فتح عيونه وقال بعدم تصديق :: شو بعد 3 ايام
    رفعت عيني وقلت له بجمود وانا ارتجف بعدني وماسكه دموعي :: قولوا لعمي بعد 3 ايام بدون حفلة .. كلامي وااضح
    امي هزت راسها بعدم رضا و اختي حمده غطت عيونها بذراعها ما تبي تشوفني .. خدوي تحاول تهتم فالمجلة بايدها معنها مقلوبة .. حمد يطالعني ومعصب و سعيد هه سعيد واقف وعيونه حمره
    ..
    سعيد :: شو نحن بنتنا رخيصه عسب جي تسيرين له .. لااا ما نوافق ع رمستج .. بنسويلج حفلة والكل راح يتكلم عنها تسمعين
    شفت حمد بجمود وبقوه وقلت له :: حمد اتصرف قلت لك 3 ايام .. من دون حفلة .. كلام الناس ب يزيد
    حمد طالعني وقال :: متأكده .. ها حلم كل بنت
    شفته وانا اضحك ع عمري من داخل ع روحي المتحطمة :: متاكده .. مب لازم البس الابيض .. خلوني ع راحتي ..
    حمد قال بهدوء وهو يرفع السماعه :: خلاص الحين بقنع عمي .. وما اظن يرفض
    ..
    ..
    من حسيت ان خلاص ماشي فايده شي يتغير ركضت لغرفتي ..
    قفلت الباااب .. و رقدت ع بطني فوق السرير بالعرض ..
    انهرت طلع كل البكى اللي ما قدرت اطلعه حذالهم .. نزلت دموعي غصباً عني ..
    شو حااامل .. يقصون ع منوو .. كلام الناس ما يرحم ما يرحم ..
    اتذكرت اليوم الصبح يوم وعيت من الرقاد ربيعتي مطرشه لي مسج تقول (اسفة بس بغيت اتاكد امي قالت لي اودرج واترككج لانج اونه حامل من ولد عمج عسب جي ملجتي بسرعة وقريب بتعرسين صح هالخبر) انطعنت هالكلمة اللي كنت برد عليها ..
    مب هي اللي طعنتني واايد بنات قالوا لي نفس الكلام ..
    قمت اصيح مع صوت وانوح و أأن بروحي .. خلاص راسي قام يعورني من الصياح ..
    وصلتوا لهالمرحلة صح يوم تحسون ان راسكم بينفجر
    لازم الانسان بهالوقت يطلع اللي فقلبه كيف .. كيف اطلع اللي بقلبي ..
    مسكت فوني باصابع ترجف و ايدي تملآها دموع و لون احمر فاصابع ايدي يملأهاا
    ..
    دورت ع الارقام و دقيت
    مع اني ولا مرة دقيت ع هالرقم بس لازم اليوم ادق لازم
    ..
    اترييت حد يشله بس محد شله .. انقهرت يعني ما يبى يرد ع كيفه هو
    قمت اصيح زيادة ودقيت مرة ثانية وثالثة ورابعه لين ما رفعه وقال بصوت متملل :: اف وبعدين وياج في شي ضروري وله لاااا ؟؟
    .. سكت ما اعرف شو اقول اصلا انا ليش اتصلت به خلصوا الناس اللي لازم اشتكيلهم يعني
    هو حس اني ميته من الصياح من صوتي وشهقاتي وقال بفزع يمليه :: في شي حد صار له شي
    رديت عليه بقهر :: انا .. انا اللي صار فيني .. انا اللي مت وقاعده انطعن مليون مره
    خاف وقال :: بلاج (بلع ريجه) شفيج ارمسي .. شو ميته الحمدلله ما فيج شي
    قلت بقهر و بهمس كانه فحيح افعى :: رشود انا قاعدة انطعن وانا ميته .. قد يوم سمعت فميت ينطعن انا جي فهمت (صرخت بصوت عالي ) انا جي
    رشوود يبلع ريجه مرات كثيرة وبحزم يقول :: انزين اهدي .. شو صاير شو ميته وطعن ..بسم الله .. شو سامعه انتي ..؟!
    اشرت ع نفسي كانه يشوفني وقلت له بعتب :: انا حامل يا رشود .. انا الناس تتكلم عني جني زباله عندهم كاني ساقطه كأني زانيه .. انا شو سويت فحياتي هاا شو سويت عسب اتعذب بكل هاا .. رشود انت تعرف كم عمري .. انا بعدني17 سنة شهر وبدخل 18 .. صغيره والله صغيره ع هالامور ..تعرف شو ابا اموت .. هي الحين ابى اموت لا ابي نارك ولا نار الناس ..
    رشود بخوف :: خلود اهدي بسم الله بلاج (سمع صوت خطواتها ) ايه خلود لا تسويين شي تسمعيني .. منو اللي رمس عنج انا بادبه انتي بس لا تسوين بعمرج شي
    وانا اتحرك صوب الطاولة آخذ مقص وقلت باستهبال بعد ما وقفت دموعي ..خلاص ينيت :: منو بتأدب هم مب واحد واثنين .. بعدين كيف بتأدب عمرك هاا .. خبرني .. قولي (صرخت) خبرننننننننننني
    اتكلم شفيك .. حد قطع لسااانك هااا قوول
    ..
    رشود قال بهدوء :: تبيني آخذج اليوم .. اذا تبين عااادي
    خلود وانا اطالع فالمنظره وايدي تلعب فالمقص ومع استهزائي دموعي تطيح :: انا عندي كرامه رشود .. وكرامتي ما تنهان ..
    محد يهينني .. وبالذات انت فااااااااااهم .. بالذات انت
    رشود :: والله فاهم ... بس الله يخليج اعقلي .. (فكر شوي وريله تهتز) انتي شو تسوين
    خلود وهي تحرك المقص حذالها :: ما شي بس العب بالمقص .. افكر كيف بيصير شكلي لا قصيته
    وقف رشود بخوف بعد ما كان يالس ع سريره وقال :: ألا شعرج.. سااامعه شعرج لا تمسكينه ..
    يلست ع السرير وانا تعبانه والمقص بايدي وقلت ببرود وقهر.. :: رشود ابي اقصه .. بقصه وبيطلع قهري شوي مب احسن
    رشود بحزم يخوف :: لا شعرج لا اتيودينه .. اذا ابوج غالي عندج لا تقصينه .. حلفتج بالله اذا ابوج غالي دخيلج ..
    فريت المقص ابعيد عني وردت لي دموعي بزيادة :: ابوي غالي .. اصلاً محد غالي كثر ابوي لا انت ولا اخواني ولا حتى امي وعمي .. محد مثل ابوي
    راشد وهو يمسك قلبه :: خلاص فريتيه
    خلود وهي تنسدح ع السرير وتحط راسها ع الوساده وخلاص عقلها مب وياها تحس برقاد :: فريته
    راشد :: حطي راسج ع المخدة ونامي
    خلود بنوم وببراءة :: انام ؟؟!!
    راشد :: هي نامي
    خلود وهي خلاصه شبه نايمه وببراءة وطفولة اكثر :: لا تسكر حميد انزين
    رشود اتضايق من اسم حميد بس قال :: ما بسكر .. نامي وانا ببقى وياج بالفون
    خلود :: انزين ..
    ورقدت خلود .. وبقى رشود وياها اللين ما سكر الفون
    عصب تنرفز شو هاللي يصير الكلام اللي طلع والقلادة اللي تحطمت .. وحميد .. اخخخخ من حميد
    ..
    ما تحسون ان الواحد يوم يكون مصدوم ينهار بصياح وبكي .. وبعدين يحس بالنوم ويرقد بدون ما يحس .. وفاليوم الثاني .. ما يتذكر شي من انهياره وفمنو كلم ..
    هاللي صار لخلود مرت 3 ايام قضتها خلود فالسوق و الصالون .. مع انها كانت تشوف نظرات الناس الي تعرفهم فالسوق وكلامهم عنها الا انها طنشت
    ما يقولون ( طنش .. تعش .. تنتعش ..)
    هي خذت بهالمثل ..
    و اليوم هو يوم روحتها لرشود .. خلاااص .. راحت ايام عــــــــــزوبيتج يا خلود
    حميد كان بيموت قهر لانه ما حصل شي يسويه .. وقاعد يفكر بشي يديد
    برهووووووم .. ما يقدر يسوي شي بالوقت الحالي
    بطي .. يبى يتخلص من هالخلود باي شي بس ما يعرف شو يسوي.. خطته الاولى ما تنفع
    علي من سمع بان بيآخذها رشود بهالسرعه ما رضا عليها تنهان.. وعصب بس هدأ يوم كلمه رشود بشي ..
    سلطان .. كاسر خاطره ولد اخوه حميد .. ومتالم له ..
    حمدة .. شوي اعصابها مشدوده كيف اختها يصير لها كل ها وتتزوج قبلها وهي صغيره
    خدوي .. افتكت من وحده فالبيت وباقي الثانية
    سعيد كاسره خاطره اخته .. ما يقدر يسوي شي
    حمد وعيسى .. الامور عاادية واايد عندهم
    ام خلود .. ما وقفت دموعها فكل ليله .. لكن حذال بنتها تبين لها ان عادي .. منقهره من كلام الناس بس بنفس الوقت ما تروم تسوي شي .. اتحس من كلام الناس قامت تشك فبنتها مع انها واثقه فيها .. يعني صراع نفسي بينها وبين عمرها

    انا اليوم واقفه بكل شمو خ .. يعني يا جبل ما يهزك ريح ..
    مع اني احس عمري متحطمة قطعه قطعه من داخلي الله يسامحكم . يا اهلي يعني لو ابوي الله يرحمه اهنا كان ولا واحد منهم تكلم فكلمة وحده ..
    وقفت الحرمة اللي تمكيجني بمكياج خفيف جدا بعد مجاتله وقتال ما بيني وبين اختي حمدوه .. لاني ما ابي .. وهي اونه غصب عسب ما تندمين يوم من الاياام
    يا ناس انا لين الحينه مب مستوعبه كل هاا .. متى ملجت عسب اعرس
    احس كل ها خياال حلم .. ما ادري شو افسره
    طالعت بعمري فالمنظره الطويلة فغرفتي .. و انا اشوف عمري ..لابسه فستان ناعم طويل .. التفت للباب وشفت حمدوه متضايقة .. ما عايبني ضيقتها انا ادري لاني بعرس قبلها سبب ضيقها .. ادري
    .................................................. ....
    "حمدة"

    دخلت غرفة اختي خلود .. العروس .. وانا احاول امسك دموعي قدر المستطاع .. ما اعرف ل شو اصيح بالضبط ما اعرف انا اخت طيبة وله شريرة ..
    كان فكرتين تحوط فراسي .. الاولى ان اختي كاسره خاطري ع كل اللي صار لها.. والثانية انها تزوجت قبلي و انا بعدني ما خذيت خلوف ..
    يا ترى متى انا و خلوف بنتميع .. تعبنا والله تعبناا
    اول امس بعده خلوف كاسر ريله .. يوم سألناه عن السبب قال طحت فدرج بيت ربيعي .. انا اعرف انه يجذب .. لان تفكيره وسرحـأنه زايد هالكم يوم ..
    و يوم يكلمني يسرح فعيوني وما احس انه يتكلم وايد وياي .. >متغير< ...
    آآه متى بقوم من الصبح عسب ايهز لك خلوف متى ..؟!!
    ..
    شفت اختي "خلود"
    غصبت عمري ع ابتسامة طلعت بعد ضرابة مع عمري وقلت لها :: حياتي خلود طالعة حلوة
    خلود شفتها ببرود وانا فقمة الحياء مع اني ما حاسه باحساس العروس :: يعني قبل مب حلوة ..؟! غيري الموضوع بس و فرفشيني ..ابى مزاجي يتغير ..
    طالعتها بفستانها الطويل الناعم .. للأسف ما كان لونه ابيض لانها حلفت ما تلبسه .. كانت تلبس فستان لونه ذهبي و معاه عنابي .. طويل مخصر ع جسمها و فتحة الفستان من جدام ع شكل 7 ..
    كان عاري الكتوف ومنسدل فتحة الظهر ع آخر ظهرها و يطيح من جدام سلاسل ذهبية ع جنب واحد من صوب اليمين بالتحديد .. ولبست معاه طقم ذهب "غااوي " مع تسريحة رومانية خفيفة ع طرف واحد .. و مكياج سينبل .. بلون بيج و بني محروق وع طرف خفيف عنابي .. طبعا حطت روج عنابي مع لمعة ذهبية خفيفه و زينت رموشها بمسكرة سوده ع سب يكمل رسمة العين بالاي لاينر الاسود..
    ..
    طالعت فستانها مرة ثانية من فوق لتحت و انتبهت لنعالها الذهبي .. بغيت اسرقه عنها حلو يا ناس .. يلمع من فوقه لتحته بلون ذهبي والبطانه شامواه عنابي ..
    رفعت عيني لها و ركزت ع ويهها وخاصةً عيونها وقلت وانا اثبت عيني لتحت ما ابيها ترتبك :: لازم تنسينه ..
    خلود رفعت عينها بتوتر وقالت وهي شوي وبتقطع الورد اللي باييدها :: انسى منو ..؟!
    طالعتها و ثبتت عدسة عيني ع عينها :: حميد لازم تنسينه
    انا قلت حميد وهي يلست ع الكرسي اللي وراها من صدمتها .. ع بالها انا ما اعرف شي عن حركاتها ايام المراهــقة .. اصلا يكفي يوم كانت ترمس وهي نايمة وتنادي باسمه .. الحمدلله انها كانت وياي بالغرفة مو مع حد ثاني .. قلت لها اكمل .. :: هالشي لمصلحتج ..
    طالعتني بغرور وقالت :: هو حب مراهقة لا اكثر ولا اقل .. حمدة (قالت بحزم لي) انا اعرف بمسؤلياتي الحينه ومب محتاجة لحد يعلمني
    .. احسها جرحتني بكلامها .. شو قصدها هالطفلة اللي بعدها ما تعرف شي من الدنيا .. تجرحني لاني ما عرست قبلها يعني .. طلعت من عندها وانا اكابر واقول :: ما اقصد شي بس اذكرج .. ان الذكرى تنفع المؤمنين
    .................................................. ...................
    "خلود"

    طلعت حمدوه وقناع البرود والتمثيل اللي اتقنته راح وياها .. يعني انا لهالدرجة مكشوفه للكل ..
    اذا هي تعرف .. منو يعرف بعد .. منو اللي ما يعرف .. خلاص تعبت والله تعبت نفسياً ..
    بعدين هي بلاها قامت تفتي و تنصح ع كيفها >مصلحة اجتماعية> مثلاً .. استغفر الله كيف جي اقول ..





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  6. #36
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    الصراحة مب مرتاحه واايد بقعدتي .. ما تحسون ساعات ببعض الفساتين يوم تلبسونها صعب تقعدون فيها .. اهئ اهئ .. والله حاالة لا اقدر اقعد ولا ارتاح ..
    طالعت عمري فالمنظرة ما استوعبت اني انا انا .. > فهمتوا شي .. انا هي انا بس مب انا .. احسن خل اروح لرشود وانا مينونه .. عسب ايننه وياااي
    لااااااااااااااااااااااااااااااااااااااااااااااااا اااااااااااااااااااااااااااااااااااا
    اصلا هو المينون وانا العاقلة هالمعتاد الحين بيعديني بانفلونزا المينن ما ابي ما ابي
    بعدين انا ما كنت راضيه بهالفتسان ما ابي البسه حذاله مع انه استر من مال الملجة بواايد .. لا بشوي الصراحه ..
    بس ما ابي اسير له بريلي ما ابي
    انزين عندي فضول اطلع من غرفتي واروح اطالع منو فصالة بيتنا .. منو حضر عرسي .. امحق عرس الصراحة هههههههه .. احسه حفلة يوم ميلاد .. فتحت باب غرفتي تحت انظار راعية الصالون الي دخلت بعد ما طلعت حمدوه ..
    راعية الصالون الفلبينية .:: انتي وين روح ..؟؟
    اف متفيقة لها يعني انا .. ابتسمت لها بمستحى اوني وقلت لها وانا ااشر لبرع :: امي تباني ماما مال انا تباني .. (كملت بدفاشة وبهمس ما فهمت لي ) عاد تبين تفهمين افهمي ما تبين دقي راسج .. يا حلوها الدقات بالراس اذا كانت بغرفتي اسالي مجرب خخخخ
    الفلبينية ابتسمت بويههي يوم ضحكت مسكينة توها تشوفني اضحك وهزت لي راسها .. تحسسني جني اتريا الاذن منها عسب اطلع .. تاففت منها ع الخفيف وكملت طلعتي ..
    مشيت ع اطراف اصابعي >> صدق ما اجذب .. مب صح اللي يلبسون كعب طويل يعتمدون ع ريولهم من جدام يعني اطراف اصابعهم .. شفتوا يعني انا مب جذابة .. شطورة بسم الله علي ع قولة امي ...
    دخلت غرفة حمد اللي مقابلة غرفتي و ركضت لنافذته اللي تطل ع مكان الحفلة .. اول مرة احس ان المكان موقع استراتيجي .. يا ترى كم مرة حمد اخوي تسلل كم نظرة لهالمكان .. قبل
    بعدت الستاير شوي شوي .. وشفت الناس الموجودين خالاتي وعماتي وعيالهم وجيراننا و عايلاات اول مرة اشوفهم .. ارتجفت ريولي .. ناس واايد كيف يبووني اظهر .. قلت بصوت عالي :: ما اريد
    :: شو اللي ما تريدينه
    واافشلتااه .. هذا مب صوت حمد اخوي ..هذا صوت ..اوييه انا معطتنه ظهري وظهري مكشوف .. حسيت بالدم يتيمع بجسمي باكمله .. لا يكون ظهري احمر لااااااااااااااء شو هاا اليوم
    :: ليش محمر ظهرج جي كثر
    اقترب مني وانا ما ابي الف له .. يا ناس قمة فالاحراج بيوم العرس اهئ اهئ
    حسيت فصدره تحتضن ظهري وايده اليمين انحطت ع ايدي اليمين اللي متمسكه فالستاير .. و ايده اليسار مرتاحة على كتفي الايسر و تقربني له و ويهه اللي مب قادره اشوفه للحين متسنده ع كتفي الايمن ..
    قال وانا فقمة ال >ما اعرف شو يسمونه بس حطوا عمركم فمكاني وحسوا بالدفاية اللي تشتغل> :: الحين ها اللي لافت انتباهج لدرجة انج تطلعين من غرفتج وتحضرين اهناا
    رفعت ايدي اليمين اللي كانت ماسكه الستاير الي نزلوا وغطوا النافذه اللي تطل ع الحفله وهو نزلت ايده اليمين لين ما تمركزت ع خصري و حطيت ايدي اليمين على وراي فوق عينه كان يعور بصراحه بس اتحملت وقلت بحزم :: لا تشوف حراام تطالعهم
    غمض عينه و دفن ويهه برقبتي وقال :: ويعني مب حرام اللي انتي لابستنه
    هو دفن ويهه وانا حسيت بقشعريرة .. كانه حد صب علي ماي دافي بعد البرودة الي كنت احس بها .. دفعته لبعيد و انا استعمل ايديني ويايه اطلع برع ..
    مسكني من ذراعي وقال :: وين ..؟!
    هزيت ايدي بقوو و اول ما طاحت ايده من ذراعي سرعت لبرع مسكت مسكة الباب بس سمعت صوت ..
    حمد وهو يدق باب غرفته وهو برع :: رشوووووووود رشوووووووووود خلصت وله لااا بدخل هااا
    رشود توتر مسكني من زنودي و حط اصبعه جدام شفايفي بمعني لا تتكلمين هزيت راسي اوافقه وانا بموت من الخوف .. اصلا منو ضربني ع ايدي وقال لي اطلع .. بو طبيع ما اييوز عن طبعه .. عنيييييييييييده .. قال رشود وهو يدخلني وياه بحمام اخوي حمد بشويش ويقفل الباب . :: حمد بلاك تصارخ انا فالحمام ..
    سمعت دخول حمد اخوي لغرفته و خفت زيادة كان رشود لاصق فباب الحمام من داخل و حاط اذنه ع الباب و حاضنني بدون ما يحس .. انا بغيت ابعد عنه بس اخاف الكعب يطلع صوت
    قال حمد وهو كأنه بيطلع :: خلاص انا بطلع وقت ما تخلص دق علي .. عسب اسوي لك درب
    قاله رشود :: اوكي ...
    سمعنا صوت باب وانا بعدت شوي عن حضن رشود .. ويع كيف جي انا قريبه منه ..انتظرنا شوي عسب نتاكد ان حمد طلع والحمدلله يوم طلعنا ما شفنا حد ..
    فتح لي الباب رشود وهو يطالع يمين ويسار فالممر وقال .. :: بسرعه ع غرفتج لا تصير مشاكل اكثر
    هزيت راسي ع السريع وتحركت لغرفتي .. اول ما دخلت وما حصلت حد فيها حمدت ربي .. شو هالمغامرات الجنونية اللي اسويها بيوم عرسي .. صدق اني مينونه . لا مب مينونه رشود هو المينون ..
    ..
    دخلت مريوم اخت رشود لي الغرفة وهي كاشخة بفستان لونه وردي مع اخضر فاتح كان رهيب عليها و قصير تمنيت البس قصير بس وين بيقولون كيف عروس وتلبس قصير .. انا سمعت عن عرايس يلبسون قصير عادي .. بس ما ادري ليش نحن يحبون الطويييييييييل والفخم .. المهم
    باستني ع خدي وضحكت بهبلها المعتاد قلت لها :: شــفيج ؟؟
    قالت لي وهي تطالع نفسها ع المنظرة :: اتخيل كل وحدة تبوس خد العروسه تعرس بعدها ياااااااي وناااسه .. اونس شي
    طالعتها بطرف عيني وقلت لمنو يعني بتطلع مينونه لاخوها التيس ..قلت لها :: غردي لي و فرفشيني
    ضحكت وقالت :: تويتر مثلاً
    قلت لها وانا خلاص بصفعها من ملاقتها :: لا فيس بوك
    ضحكت وقالت :: ادري بج بتصفعيني ع خفة دمي .. بس يالله بغير لج شوي من كلامي .. بقولج حقااائق من البلدان
    قلت لها وانا بموت ضحك عليها بس ارد لها ببرود :: تفضلي يا حكيمة العصر الذهبي
    يلست مريوم حذالي ع اليمين ولفت جسمها بالكامل لي .. :: تعرفين ان العروس اذا شافت ريلها قبل العرس يعني فال مب زين لهاا وما تتوفق بحياتها
    كح كح كح .. ناولتني مااي و قالت :: صحه
    قلت لها :: ع قلبي ..
    طالعتني بشك بعدين قالت باسلوب مضحك :: وانتي ما تتركين هالكحه اللي تطلع مع شهقاتج
    طالعتها بخوف وقلت وانا اتصنع اني عاديه :: وانا ادري .. نحيسه طول عمري
    قامت وقالت :: اويه انا نسيت امج تقول قومي دخلي ..
    طالعتها وانا افتح عيوني الصغيرة والناعسه :: لاا ليش تقولين الحين توو الناس مدموزيل مريوم
    مريوم ضحكت بهبل :: عاد من كثر ما احبج خلودوه ... اطول السوالف وياج
    قلت لها وانا اطنشها واسويلها طاف :: انزين انزين .. بسرعه بطلع خبريهم
    طالعتني بحزن وبفرح بنفس الوقت ..:: مب مستوعبه انج بتآخذين اخوي . . وبهالظروف بعد
    قلت لنفسي يعني انا اللي مستوعبة .. ما اقول غير يا عمي روووح طااااااااااااااااااااف للي يصير .. ما اعرف هالطاف وين بيوصلني .. خاايفه
    طلعت .. وحطوو لي زفة الجسمي .. و يلست والكايمرات بويههي و من وناسة اليهال كل ثانية وحدة من اليهال اتيي اتسلم علي وتقول :: انتي العروسه ؟؟؟
    كنت ارد عليهم بداخلي شو راايكم والله ..بس اوني ابتسم للكايمرا عاد برستيجي مهم فهاللحظة .. ولا ما يقهرني الا لو وحدة من هاليهال اللي يسالون يقعدون حذالي و فكل ثانية يعدلون فستانهم ولا شعرهم ولا يعدلون اييدهم و يتجمدون حذال الكايمرا .. >> وولااا وحدة تقرب لي بالاصل ولا يقربون لرشود <<
    ..
    مرت كم ساعه وانا اناظر للكايمرا واتخيل عمري اشوف عمري واسوي حركات ما بخبركم اياها بعدين بخبركم بس ذكروني .. "واتخيل عمري اشوف عمري" عااااااد تنقيعااتي ولا تنقيعات القذافي .."زنكه زنكه " هههههههههههههه ..
    ..
    ..
    شوي وله ام رشود متقدمة لي .. وتقولي اوقفي الحين ولدي بيدخل .. اونه شو اوقف له هه بعدهم ما يعرفوني .. انا اوقف له .. ليش ان شاء الله .. مالت ع ويهه توه شايفني ليش يبى يشوفني مرة ثانية ..
    وقفت تحت نظرات .. زوجة عمي .. الناريه هاي من اولها .. افا نسينا العشرة يا ام رشود يوم نخليج تلعبين وياانا سوني"بلستيشن" لعبة كراش وسونيك و كورة وغيره .. > صدق والله كنا نلعبها ويانا خخخخخخخخخخ .. خلاص عاد بلاها يا ام رشود هالنظرات وهااي وقفة لج هااا ما بقى الا اضرب تحيه
    ..
    عاد السمووحة انا ما اضرب تحيه غير لبلادي .. وبلاد الخليج وغيره لاا عنصريه كيفي ..
    شفت رشود يتقدم لي هو واخوي حمد وسعيد وعيسى و عمامي الاثنين بو رشود والثاني .. الله يرحمك يا ابوي كنت بتكون ما بينهم نزلت راسي بالم مب استحياء شرات ما يتحسبون الحريم
    ..
    اول ما صارت المسافة بيني وبين رشود اللي ما شفت ويهه للحين زين متر ..
    يلست ع الكرسي اللي ورااي .. سمعت صوت شهقات امي وام رشود و خواتي وبنات عمامي اللي قرااب مني و سمعت الحريم واصواتهم الخفيفه :: وحليلها تعبت .. مسكينة من التوتر .. خايفة من حقها وهي صغيره ..
    زين بعد كان كلامهم وياي مب ضدي .. اذكرهم قبل كم من يوم اقرضوا فيني وما خلوا كلام ما قالوه الله يسامحهم ويسامحني ويسامح الجميع ..
    راجعت نفسي بسرعه وقلت لازم اوقف عسب ما افشل اخواني وعمي بوراشد بس اتفآجأت باللي نزل من جسمه و باس راسي .. انرجحت اوبس قصدي انحرجت من انحراجي لا تعاتبوني
    اتخيلوا رشود ع سن ورمح .. هالمتكبر نزل بجسمه وباس راسي .. وانا يالسه .. احس كانه يعتذر مني احسن يستاهل ..
    تجدموا اخواني وعمامي ووقفت لهم احترام وانا اللي بست رووسهم .. طبعاً بعد ما خلصت شفت ان الاخ رشود من زمان واقف فمكانه اليديد ع يساري ..
    عايبنه المكان الاخ .. طالعته ع طرف من تحت لتحت بعد ما جلسنا وشفته يطالع الحريم المتغطيات بعبييهم .. بس ما يخلاا من كم وحدة مطلعه جزء من شعرها من جدام و عيونها يعني شو هاا مب حراام .. كل خصله بجمره .. >> ما ادري ليش نسوا الناس هالجملة ..
    بغيت افقع له عينه وادخل اصبوعي مع هالاظافر اللي مطولتنهم و صابغتهم بلون عنابي بعينه .. بس ابتسمت بهدوء للكايمرا وقلت له وانا اشوف جدام وشوي لافه راسي له :: لا تطالع طلعت روحك ان شاء الله
    طالعني ولف جسمه كله وصار قريب حيل .. ما كنت حاسه انه يالس قريب مني .. اصلا ليش الشركة اللي ميهزه الغرفة حاطين هالكرسي الصغير .. انملأ ويههي باللون الاحمر
    وقال بهدوء :: ممم شكلج يعني مب حلوة حلوة .. بس مثلهم يعني عادية
    فهالوقت ما قدرت امسك اعصابي حطيت ايدي ع ايده وغرست اصابعي فيهم وهو مثل الجماد ما يحس .. يا برودك يا رشود
    تكلم بعد ما خففت من حدة عصبيتي وايدي بعدها فوق ايده وشافني بنظرات واثق :: انا ما ادري ليش البنات هالايام صايرات جريئات و يمسكون اييد الريال غصب
    طالعت ايديني المحنايه ..اللي فوق ايده وعصبت من عمري و شليتها بغضب و انا مكشره وحيطتها ف حضني ارص ع ايدي الثانية ..
    انا شو سويت شو سويت ..
    شوي وحسيت بايده اللي حذالي تسحب ايدي اللي شليتها و يثبتها بين ايدينه فحضنه .. اويه امبيه ..اي شي استحي والله .. رجفت ايدي وانتفضت بين ايدينه كم مرة بس ما هدني . .
    قمت اشوف نظرات الموجودين علينا و ايده اللي حاضنه ايدي بشكل رومانسي جداً ابد ما يصلح لنا ولموقفنا ..
    لفيت راسي ع الجهة الثانية بعيده عنه وانا بموووت من الخجل مهما كنت اكرهه بس ايدي بوسط ايد ريال .. كنت اذكر كل الصور اللي مرت علي اللي فيها اييد بنت متحنيه حاضنه اييد ريال .. ما تخيلت بيوم انحط بموقف هالصور ..
    مرت كم من حرمة كباار يسلمون علي كنت اوقف واسلم باييد وحدة وايدي الثانية راص عليها اللي يالس ع الكرسي حذالي ..
    قربوا الكيك والعصير وشربنا العصاير اول .. خفت اكل الكيك تنعاد سالفة الملجة .. ذاك اليوم محد انتبه بس اليوم كل العيون تطالعنا جنها تتريه غلطة وحدة عسب يتاكدون اني حامل ..
    حاااااااااااااامل .. حركت ايدي الحرة وحطيتها ع بطني باستياء و بعدتها بسرعه اخاف حد يشوف ويفسر ع كيفه مو متفيجه مشاكل اللي فيني يكفيني
    ..





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  7. #37
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    لفت انظاري اني شفت اييد رشود تهد ايدي و تنحط ببرود ع بطني يتني قشعريرة مرة ثانية كان قريب مني حيل .. كنت سرحانه بويهه وهو سرحان ف أييده القريبة من ايدي الثانية وبطني ..
    بعدين انتبهت ان الناس قاموا يرمسون بلاه حط ايده ع بطني قلت له بهمس :: الناس يتكلمون
    ما سمعني رديت عدت :: شل ايدك الناس يتكلمون . .
    سحب ايده بدون اي صوت وقال لي :: صح نسيت اقولج مبروك مني المال ومنج العيال(غمز وكمل) صح العيال الحين موجودين (واشر ع بطني)
    ..
    عصبت هاا شو متعمد ينرفزني .. قبل كم يوم كنت اذكر بس اشوي يوم كلمته وانا اصيح بس من مسكت المقص ما اذكر شو قلت وشو قال ..
    كان بارد و عديم احساس و يبقى عديم احسااس
    طالعته بحقد ولفيت عنه وهو ضحك باستلذاذ .. لازم يتلذذ بقهري .. مالت عليه
    ..
    ركبنا فوق بعد ما فروا امي وامه فوقنا حلويات مع فلوس واليهال اتيمعوا حوالينا اييمعون .. كنت بموت ضحك ع رشود يوم بغى يطيح من سبب اليهال .. و مسكني من كتفي عسب يرد لاتزانه ..
    حبيت اليهال فهاللحظة و شكرتهم بيني وبين نفسي .. حبيـــــــــــــــــــــــــــــــــــــــــــــــ ـــــــــــــــــــيتهم ..
    ..
    طلعنا فوق و بعد التصوير الغبي> المحرج< استغربت يوم ام رشود يت لنا و قالت :: اميي لبسي عباتج ولفي راسج وويهج ..
    قلت لها بخوف اتحسب الحين بنظهر :: ليش
    امي :: حميد ولد عمتج و بطي اخو رشود وبعض عيال عمج وخالج بيياركون لكم ..

    حميد ..حميد لا يدخل .. لا تحرقون جوفي وتشعلون ناري ونآره
    لا تآخذوه من وسط جنه وتشعلوا فيه الشرآره
    اهو مني وانا منه وانا لابديت ابره في وسط ليله ونهآره
    اببقى ولو اني ابره اخيط له فكل لحظة يومه وحيآته
    لا تشعلون النار ف الحليم وانتظروا خلآءه
    ما ابي يغضب ويفجر شرايين دمه واطيح لعوآره
    *كلماتي*

    كنت شايله هم "فارسي الصامت" حتى لو كيف يشوفني .. ويبارك لي .. حتى لو ما يحبني ليش احس انه صعبه عليه يشوفني بيد غريب عن اييده اللي لطالما مسكتني وانا صغيره
    شديت من ايدي امنع دموعي تطيح .. لبست عباايتي فخمة وايد ولبست الشيله .. و طيحت جزء من الشيله وخليتها مثل الغشوة و غطيت ويههي واستغفرت بداخلي لانهم بيسلمون علي وانا من فوقي لتحتي عطر .. استغفر الله العلي العظيم .. يا رب سامحني

    دخل حميد بارك لرشود و ع عكس ما اتوقعت ابتسم وهو منزل نظراته عن ويههي وقال لي :: مبروك
    همست بالم :: الله يبارك فيك
    قال بمزح :: ما بتقولين عقبالك ..؟
    قلت له بقهر :: ما بقوول عقبالك (شفت نظرات استغراب من امي وقلت بسرعه) لاني انا للي باختار عروستك ..وجوري الله يوفقها مع غيرك
    ابستم حميد من داخله يعني وصلها خبر احسن هاللي اباه وطلع بهدوء بعد ما سلم
    دخل بطي آخر واحد بعد ما طلعوا كل الشباب اللي دخلوا يسلمون .. وحضن رشود بقوو
    طبعا ما عطاني انا خلود ويهه كيفه الاخ ...

    .................................................. ...............................
    "بطي"

    اول ما دخلت المكان .. بغيت اصفق لخلود اختيار حلوو للعطر .. من اولها صرتي تمونين علي ..
    بعدني بقيمها .. تتحسب الاخت بتآخذ اخوي بارده مبرده هه تحلم .. والله لا ابكيها عشان تعرف قيمته ..
    عطيتها طااف اول ما دخلت ولا شفتها عسب اشوف ردة فعلها بعدين وحضنت اخوي واحس دخلته لقلبي من كثر ما اني محتاج له :: مبروك حبيبي
    انتبهت ان خلود رفعت حواجبها باستغراب من كلمة حبيبي مب من حبها و ما حسيت بـ غيرة .. استهزاء
    رفعت عيني عليها وشفت طولها و تسترها مع اني احس انه ماله داعي تتغطى كل هاا ..
    لا الصراحه اختارت نعال حلوو ذويقه ولا حد من اهلها مختار لها بدالها .. ما ادري
    شكلها ككل مع الغشوه مرتبه .. زين ما فشلتنا هالقرويه ..اقصد هالغجريه
    طالعتها بكرهه واضح وضوح الشمس لها مع ابتسامة صغيرة عسب ام رشود:: مبــــــــروو..
    وقفت كلماتي يوم انتبهت للي متعلق بثوب رشود من جدام وطالعتها نظرة سريعه شفتها بحقد بعدها غيرت نظرتي للخبث .. طلعتي خبيثه هااا واونج عاد شريفة مكه ..
    رديت قلت لها بخبث مخفي :: مبروووك .. عسى دايمه المحبه ما بينكم ..
    رد شاف ثوب رشود من جدام والبقعة المتمركزة فيه باللون العنابي ع شكل شفاه بنت و طالع خلود وشفاتها من ورى الغشوة الخفيفه ..
    قال بهمس ما انسمع الا لخلود اللي رجفت من كلامه الغاضب :: أنا اروييج .. ما بتسلمين مني ..وعد يا خلود
    ..
    .
    .
    .

    هع time’s up .. الوقت أنتهى .. للجزء الثامن

    # بطي ليش كاره خلود لهالدرجة وشو راح يسوي.. وكيف بيدخل فحياة رشود وخلود ..؟!
    # حميد ليش كان بارد ومبتسم معقولة تخلى عنها ؟!
    # حمدة .. لين متى بتصبر ع بعد خلوف عنها .. متى بيعرسون ؟!
    # علي و غموضه لوين ؟!
    # خدوي .. برهوم .. زايد شو اللي الزمن مخبيه لهم؟!
    # احلى المواقف اللي عيبتكم فالهجزء .؟!



    أسئلة وايدة بس للجزء الثامن .. تكشف عن الأحداث اللي ممكن تصير بالجزء القادم ..
    أسأل لكم ولي التوفيق ..

    وأنتظروني أنا .. و "خلود " هع هع في الجزء التاسع





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  8. #38
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    â–“ الجزء التاسع (9) â–“


    .
    .
    .
    مايلائمني التعالي واتحاشى الانزعاج
    اشتري راحة مزاجي في تجنب انزعاجي
    ولي مع الحشمه حكايه فيها مبدأ وانتهاج
    كونني كتلة مشاعر يرسم الحب انتهاجي ,,
    منتهى فرحة فؤادي وعند لحظة الاحتياج
    صاحبي من دون ما انطق يفهم ايماء احتياجي..
    استخرت بيوم قالوا اصل هالحرمه اعوجاج
    قلت يللا ماعلينا من يقوّم اعوجاجي ؟؟
    .
    .
    .
    .
    .
    "بطي"

    اول ما دخلت المكان .. بغيت اصفق لخلود اختيار حلوو للعطر .. من اولها صرتي تمونين علي ..
    بعدني بقيمها .. تتحسب الاخت بتآخذ اخوي بارده مبرده هه تحلم .. والله لا ابكيها عشان تعرف قيمته ..
    عطيتها طااف اول ما دخلت ولا شفتها عسب اشوف ردة فعلها بعدين وحضنت اخوي واحس دخلته لقلبي من كثر ما اني محتاج له :: مبروك حبيبي
    انتبهت ان خلود رفعت حواجبها باستغراب من كلمة حبيبي مب من حبها و ما حسيت بـ غيرة .. استهزاء
    رفعت عيني عليها وشفت طولها و تسترها مع اني احس انه ماله داعي تتغطى كل هاا ..
    لا الصراحه اختارت نعال حلوو ذويقه ولا حد من اهلها مختار لها بدالها .. ما ادري
    شكلها ككل مع الغشوه مرتبه .. زين ما فشلتنا هالقرويه ..اقصد هالغجريه
    طالعتها بكرهه واضح وضوح الشمس لها مع ابتسامة صغيرة عسب ام رشود:: مبــــــــروو..
    وقفت كلماتي يوم انتبهت للي متعلق بثوب رشود من جدام وطالعتها نظرة سريعه شفتها بحقد بعدها غيرت نظرتي للخبث .. طلعتي خبيثه هااا واونج عاد شريفة مكه ..
    رديت قلت لها بخبث مخفي :: مبروووك .. عسى دايمه المحبه ما بينكم ..
    رد شاف ثوب رشود من جدام والبقعة المتمركزة فيه باللون العنابي ع شكل شفاه بنت و طالع خلود وشفاتها من ورى الغشوة الخفيفه ..
    قال بهمس ما انسمع الا لخلود اللي رجفت من كلامه الغاضب :: أنا اروييج .. ما بتسلمين مني ..وعد يا خلود
    ..
    .
    .
    .
    ......................................
    "خلـــــــود"
    بسم الله ها بلآه للحين ما سلم علي .. شو يقصد بحركته ..
    ويت ويت شو يقصد بحبيبي لا يكوون صدق شااااذ هو واللي خذيته اليوم.. ويع ..
    .. ... ...
    لازمــ اسوي اختبارات للي عندي (شفت رشود نظره سريعه باستهزاء) اصلاً ما اظن انه شاذ من نظراته للحريم .. عاد اعرفه زين كيف عيونه زايغه ..
    (شفت بطي بنظرات مسروقه وهو مركز ع ثوب بطي)
    .
    .
    .
    وآآه عذااب هالانساان جميل جميل جميل .. مثل ما تقول هااذيك اللي في
    arab’s got talent 2 لناصر القصبي .. "أنا احووووووووبك" ويت ويت اي حب اي خرابيط بس لو شفته قبل حميد وعلوي يمكن اعجب فيه ليش لاااااء
    (غصت فنظراتي يوم شفته يبتسم)
    يا ويل حالي غمآزاته ما تصلح له المفروض تكون لبنت ..البنت المفروض احلى مب هو ..
    Wait
    هالانسان بلآهـ يشوفني بحقد ..ما آحب هالنظرات ..
    اول ما تكلم بهمس رجف جسمي كله .. هالانسان شو قصده ..ليش يهددني انا شو سويت له اصلاً (ناظرت رشود بضيقه) يوم هو يحب رشود ويبآه ليش ما قال لرشود وله لأن رشود مب شااذ شرآته ..
    بس يمكن رشود شرآته بس ما قدر يقول لأبوه .. (سرحت فـ ثوب رشود ) بس تصرفاته قبل شوي ويااي قبل العرس يوم تلاقيت معاه كاانت غير ..يعني مب شرآت يوم افكر فيه الحين
    Stop
    شو هالروج اللي ع ثوب رشود ..
    رديت لعقلي شوي ورى .. يوم كنت مع رشود فغرفة اخوي حمد
    ما اذكر اني كنت قريبة له لهالدرجة .. بس يوم رديت و راعية الصالون ردت مرة ثانية شافت ان الروج شوي رايح ..
    أمبـــــــــــــيييه شو سويت انا .. اكيد اكيد يوم كنا فالحمام ..
    معقــــولة حد شافه .. عشان جي بطي يهددني ؟!! .. عشان جي حميد ابتسم ..؟!!
    ما ادري ما ادري .. بس لازم انبهه واخبره قبل لا يشوفه حد ثاني ..

    اتكلمت يوم بطي كان يرمسني واونه عااد منزل راسه من الاحترام .. تحســــيييس
    :: خلود انتبهي ف رشود اوكي ..!!
    خلود بهمس :: ان شاء الله ..رشود بغيتك شوي بروحك
    بطي بخبث مع رشود ضحكوا ضحك ينرفز ويقهر :: ههههههههههههه
    ام راشد فهمت عليهم :: خلود ماما صبري بعد شوي بتظهرون بروحكم (وغمزت لي)

    هاذيل شو يقصدون لا يكون .. امتلاأ ويههي باحرااج احس كان ويههي يتفجر فبراكين حمممر .. همست بتقطع :: انــ .. اقصد .. لا مب جي

    زاد ضحك بطي ورشود شوي هدأ من ضحكته وقال رشود:: حرام عليكم لا تحرجوها .. يمكن تبى شي صدق قبل لا نظهر

    لا زين يا ولد الناس فهمت .. فهاللحظة بغيت انفس عصبيتي وافرغها في تقريصه .. يقهـــــــــــــــــــــــــــــــــــــــــــــــ ـــر

    طلعت ام رشود وتبعها بطي وهو مسند اييده ع جتف امه بالرضاعه .. و هو يخبل بها ..:: امييه متى بتودرين عيوزج وبتآخذين شاب حلووو .. عندي واحد لج فلـــــه بيغير حياتج 180 درجة
    ام رشود دزته بضحك : هههه فكنا فكنا .. هاي سوالف عااد

    اول ما تسكر الباب رفعت عني الغطا اختنقت وحسيت انهم شوي بعدوا قلت بعصبية :: لا والله وانت تضحك وياآه بعد ..
    قال رشود وهو يجلس على وحدة من الكنبات الموجوده و يتنهد بنووووم :: قولي اللي تبينه مب متفيق لحشرة أناا .. أذوني اتصمخت من صوت الاغاني .. ومزاجي متسكر ...

    تحركت وريلي تتحرك بعصبية وغضب له ووقفت جدآمه وقلت له وانا أأشر على ثوبه :: نظف هذاا .. فضحتنا تراااآك
    نااظر ببرود لثوبه و صدت تفآجأه اللي غطاهــ بسرعه وقال بصدق :: اكيد يوم حضنت اميي .. ما فيها شي تراا

    قلت له وانا اكتف من يديني وببرود ثقيل :: .. لو فكرت زين جان عرفت انه مب يوم حضنت امك
    شفت حواجبه تتعقد ببطء وتنفك بسرعه وبملامح باارده ركز نظراته ع شفايفي

    ..
    ..
    ..
    وقبل لا التفت عنـــــــه حسيت عمري طايحــه فحضنه .. ما كنت ادري انه بيطيحني
    قلت له بصوت قهر وانا اضربه فكل مكان بس ما يأثر فيه بعد ما كنت اشبعه ضرب يوم كنا صغار ..وقفت حركتي وبدت دموعي تآخذ مسرآهااا فحضنه
    صغار ..
    صغار ..
    صغار ..
    بس يوم اكون وياه اذكر طفولتي .. ماا ابي اذكر طفولتي ما ابي
    قلت فبكاااء :: ما ابي اذكر طفولتي ما ابي رشود والله ما ابي
    ..
    عرفت انه ساكت وشبه معصب حتى هو ما يحب طفوته ..
    طفولته عبارة عن غضب مكتوم
    و طفولتي عبارة عن دموعي المكتومة
    حزن وغضب اجتمعوا .. ما ينفع والله ما ينفع
    هو بيفرغ عصبيته فيني وانا بيزيد حزني
    بعدت عنه يوم ما حسيت فيه يواسيني
    اصلاً ليش يواسيني يوم ابكي .. المفروض حميد هو اللي يواسيني لمّــأ ابكي مب هو ..
    همست بحزن لحالي بس للاسف سمعني :: حميد
    قام رشود و بعدني بعنف شوي .. و طحت ع الكنبة زيادة ودخل الحمام الموجود بنفس الغرفة وانا يلست على اقرب كنبـــة و غطيت ويههي و رجعت راسي لورى اهد دموعي للكنبة اللي يمكن تفهمني
    .
    .
    .................................................. ......
    "حمـــــــــــدة"

    خلوف واقف جدامي .. وكالعاده نحن فــ طرف الحديقة اللي فبيتنا اللي حذال باب المطبخ ..كان يقعد يلعب باصابعي وانا متضايقه
    خلوف حس فيني :: حمدوهــ اذا تبين انعرس الحين ما عندي مشكله
    قلت له وانا اسحب اصابعي عن اييده :: لا مب الحين .. انا خايفه من سلوم .. اول تخلص مشكلتنا بعدين العرس
    تضايج خليفه وتسند ورى غصن شجرة اللوز اللي وراه :: جان بتترينه يبعد عنا جان ما بيسير .. لازم آخذج واقهره
    تضايقت زود ونزلت راسي وقلت :: يعني اللي يآخذني يقهر الثاني (رفعت راسي له) يعني انا لعبه ما بينكم ..خلوف لمتى بصير لعبة بايدك لمتى ..؟!!
    خلوف : حبيبتي انتي تعرفين اني اعتبرج قلبي كيف اخليج لعبة لي وله ..
    حمدة :: مب مقتنعه (هزيت راسي) ما احس عمري مقتنعه
    خلوف :: ليش
    حمدة :: مب مرتاحه
    خلوف :: من شو مب مرتاحه .. شفتي !! ترى سلوم جي يقص عليج .. يلعب فيج
    حمدة :: بس
    خلوف يغير السالفة :: لا بس ولا شي ..المهم الحين انتي شحالج ..؟!
    حمدة باستحياء :: بخير
    خلوف يطالعها بمكر :: انزين شوي بشوف شكلج .. شلي الشيلة والعبااه
    حمدة قالت بتدلل :: ما ابي
    خلوف :: حمدووووووووووه
    حمدة تقلد بدلااال :: خلووووووووووووووف
    خلوف :: لبــــــى خلووف انا
    حمدة :: فديتني
    خلوف :: هي والله فديتج
    سعيد حط ايده ع جتفي :: فديتج هاااا .. خلووووووووووووف .. يلا منااك رد للميلس الرياااييل يدورون عنك وانت يالس مع الحرمة .. روح اشووف
    خلوف بضحك رفع ايده ..:: يا رب ترزق سعيدوهـ بوحده خبلـــــــــه اخبل من اللي عندي
    حطيت ايدي ع خصري وقلت بتهديد :: نعم
    سعيد :: آميييييييييين
    خلوف :: الله ينعم عليج حبيبتي بريال اسمه خليفه ..
    حمدة :: انا خبلة هاااا
    خلوف :: سعيدوه والشرده

    راح خليفه و سعيد للميلس .. عند الريااييل ..
    و انا ضحكت ع هبلهم و دعيت الله يخليهم لي .. خايفه ع خليفه من سالم الله يستر بس ..
    .
    .





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  9. #39
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ...........................................
    " برهوووووووووووووووم"

    شفت حميد وانا واقف ع باب بيت خالي بوحمد .. طلعت ما ارتحت لنظرات خالي بورشود ..ابد ما يطمن ..
    و زيوود ملصق عمره فيني .. غصب يحضر العرس .. مع انه مب من الاقارب او قريب بس هو قال لي بيحضر واستحيت ارده .. والمشكلة مآخذ الجو وحدهـ من شوي حذال عمي بوراشد ..
    لو انه كبير جان قلت حاط عينه ع بناته .. زاايد انا صدق اعتبرك ربيعي ..بس انت صديق مصلحة وله صديق دنيا وآخرة ..؟!!
    الايام بتكشف لنا ..!!!

    صح ساعات اتندم لأني ما عطيت الرسالــــة لخلود بس رشود ما يستاهل ان خلود تحب حد ثاني غيرهــ
    دخلت ايدي فجيب (مخباهـ) الثوب وتحسست الرسالة بايدي .. الحمدلله موجودة
    حلمت امس اني اعطي الرساله لخلــود .. الصراحة افكر اعطيها اليوم .. انا لازم ابري ذمتي بالرســـالة .. ولو ان رشود ما يتساهل هالشيء مني

    الصراحة الموضوع صعب صعب وايد ع واحد فعمري
    شديت عايدي احاول احدد مصير الرسالـة و تحركت راجع لميلس الرياااييل
    .................................................. ........................
    " خدويــ "
    قلت بصوت عالي يوم دخلت خلود داخل و طولت شوي :: اييها شكلنا مابنسلم ع اختنا اليوم ..
    ام حمد :: انتي بلاج مستعيلة ع روحتها
    خدوي :: ما ادري بس جي احسااس اباها تظهر بسرعهـ
    فطوم :: اتخيل بعد كم سنة يصير نفس الشي لمريوووم يااااآي وناسة بتحرر
    مريوم باتهزاء متعمدتنه:: ليش ان شاء الله انتي الحين اسيره شو ..؟
    فطوم هزت ر اسها :: يب يب
    ضربت مريوم راس فطوم وضحكت عليها يوم حاولت تعدل تسريحتهااا وما قدرت قالت فطوم وهي مكشره :: والحين منو بيعدل كل هاا ..قولي ارمسي
    اغتنمت الفرصه اللي بغيتها و سحبت ايدين فطوم وقلت لامي :: امييه نحن بنسير اشوي انعدل شعر فطوم
    ام حمد :: سيروا بس لا تسييرون صوب غرفة اخوج عيسوهــ لان هناك اريااييل يدخلون ويظهرون
    قلت لامي بابتسامه خبيثه :: ان شااء الله امي من عيوني
    ام حمد بابتسامه :: الله يهديج ان شااء الله
    قلت وانا اسحب فطوم :: آآمين
    .
    .
    .
    اول ما ابتعدنا عن الحريم مسكت فطومه من خصرها .. دوم يوم اتمشى وياها احب اتمشى معاها جي ..
    شوي وغيرت رايي تحركت صوب غرفة اخوي عيسوه و فطوم قالت :: وين سايرين ..؟!
    خدوي بهمس :: ابا اشوف حد
    فطوم هدتني بخوف وقالت :: منو تشوفين .. خدوي بسم الله بلاج..لا تتخبلين
    خدوي ::شوي بس شوي..اذا تبين انخشي او شوفي الطريق لي اوكي .. عشان خاطري
    فطوم :: اوكي بس هالمره
    خدوي.. اشرت لها باصبعي بدلع ::بس هالمره

    وانا اسير عدلت عباتي الفخمة اللي كنت لابستنها عند دخلت رشود .. و طلعت شوي من شعري تحت الشيلة الشفافــه
    ناظرت من تحت لتحت فطوم كانت تدخل شعرها لداخل الشيلة .. احسن بعد ما ابي زيود يشوفهااا .. ما شاء الله عيونها شرات رشودوه .. بس رشود شوي اكبر .. مب بيضاء واقرب للسمره جنها مسويه تااان ..
    ما علي منها انا بشرتي افتح عنها وشعري انعم عنها واحلى .. هي مب من النوع اللي تهتم للموضه مثلي ..
    شفتها تطالع بخوف كل ثانية للممر وقلت لها وانا ادق بفوني ع كم رقم .. :: اوقفي هني وخبريني اذا حد مر من هنا ارمسي بصوت عالي انا بعرف ..

    قالت لي فطوم بتوتر :: اوكي اوكي تحركي بسرعه قبل لا حد يي
    رفعت التليفون لاذني وقلت كلمة وسكرت :: انا هنااا
    تجدمت شوي ووقفت حذال غرفة عيسوهـ وشفت زيود كااااااااااااااااااااااااشخ وياااي من الجهة الثانية من الممر .. مسكت ابتسامتي عن يقول ميته عليه بعد ..
    وخليته يرمس وهو يمشي عينه علي ..

    زيوود باعجاب واضح :: هلا والله بالزين كله
    قلت ببرود وتكبر :: زيود انت تعرف اني يايه عسب الموضوع اللي تقول عنه ضروري مب لاي شي ثاني
    زيوود :: بس كاشخه الصراحــه
    خدوي بجفاف متعمد :: من دوم انا كاشخه
    زيود :: ادري (رفع حاجبه ) المهم الحين انتي بعدج ع قرارج
    خدوي بابتسامه خطيره :: هي بعدني ع قراري .. ما بنكلم بعض الحين ولا بنسولف ويه بعض
    زيود كشر بويهه :: وكيف اعرف اخبارج
    خدوي :: سهله .. كأي مشاهدة او fan تشوف برنامجك لا غير
    زايد :: انزين انتي يوم تشاركين كل بقصائد وخواطر
    خدوي :: وشفيها يعني
    زيود بارتباك من اصرارها :: ما فيها شيء بس احس جي ظلم ... انتي تشوفيني ع راحتج وانا لااا
    خدوي :: والله هذا اللي عندي
    زيود قال بزلة لسان ::انتي قاسيه
    خدوي :: قاسيه هااا
    زيود بعصبية :: اف خدوي ما نبى نتزاعل مرة ثانية .. والله ملييت
    خدوي بعناد :: والله انا اللي عندي قلته .. تبى شي قبل لا اسير
    زيود يغير الموضوع وبابتسامه حلووه :: بنت خالي ميروه حضرت شفتيها
    ..
    الله و ببنت خالك عااد اله هي ميروه لا راحت ولا ييت .. قلت له :: هي شفتهاا
    لاحظت ان زيود لوهلة شاف ردة فعلي ع ميروه غيرت ملامحي وقال :: صارت احلى صح
    دخلت اظافري فباطن ايدي اخف ع اللي يقوله وقلت :: هي ماشاء الله عليها واايد حلوة
    زايد فهم انها معصبة ضحك فداخله وكمل :: امي و زوجة خالي يقولون وايد تشبهني ..
    ابتسمت ابتسامه توديعيه وقلت بدلع :: زيوودي تبى شي ثاني .. خلاص بروح
    فديتها هالمتكبره حلو دلعها ..زايد :: لا ما ابي سيري عن حد ايي
    ابتسمت بفوز ع ميروه وقلت :: خلاااص باااي
    زايد :: باي حياتي ..

    شفت زايد يتحرك لبعيد و سرت صوب فطوم و قبل لا اوصل لهاا شفت برهوم واقف وياها .. ليش ان شااء الله واقف جي .. ما يستحي ع ويهه عيب >> لا والله واللي سويتيه قبل شوي خخخخ
    .
    .
    .
    تقدمت بسرعه وانا اشوف نظرات برهوم اللي تملأها الاعجاب باللي واقفه حذاله و فطوم يبين من وقفتها وايدها بتموووووووت من المستحى .. ع كيفهم هااييل يعيشون قصة حب مثلي ومثل زيوود

    .
    .
    لا انا ما ارضى بهالشي كيفي ما ابي

    قلت لبرهوم وانا اوقف ما بينهم وشفت نظرات برهوم اللي تغيرت للعصبية :: انتوا ليش واقفين اهني بروحكم
    برهوم باستهزاء :: نعم .. ومنو انتي عسب تحاكميني هااا
    قلت له وعيوني تطلع شراار:: انا خدوي لو انك ناااسي
    برهوم :: انزين وبعدين
    خدوي :: انا سالتك وجاوب ع قد سؤالي .. ليش واقفين هنا بروحكم ..؟!!
    برهوم رفع حاجبه :: ما اظن انج ف موقف يخليج تسألين هالسؤال
    قلت بعصبيه :: وليش ان شاء الله ؟!
    برهوم بعصبية اكثر عن قبل :: خليني ارد ع سؤالج بسؤال .. انتي اللي شو تسويين يايه من غرفة اخوج وانتي عارفه ان رياااييل سايرين ورادين من ذاك المكان تستهبلين انتي
    بتردد قلت :: امي قالت لي اييب لها شي من غرفته
    قال لي برهوم بثقة :: بسألها
    عصبت وقلت :: شاك فيني
    برهوم قال بعقل :: خدوي نحن الثلاث اللي هني مراهقين اي حد يقص علينا بكلمة او كلمتين وخاصة انتوا البنات ..
    قلت له وانا اسحب فطوم :: قول لعمرك هالرمسة اول بعدين كلمني ..انا عندي اخوان ينصحوني
    قال لي من بعيد :: مرة ثانية غطي شعرج .. خليج شرات فطوم ما شاء الله عليها جمالها بسترهااا

    تاففت وانا بالطريق ولاحظت ان فطوم طول الوقت كانت ساكته .. ما احب هالسكوت .. شو قال لها .. وشو قالت له

    شفت فطوم وهي سرحانه بخيالها .. انا لازم ارتب جلـــــــسة محترمة بيني وبينها عسب اعرف شو اللي صار اليوم ..
    عاد نحن بيتنا بعد بعيد عن بيوت اهل ابوي .. ما ادري شو اللي يصير من وراي
    لازم اعرف اللي مخبى لااازم
    .
    .
    .
    .................................................. ............................





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  10. #40
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    .................................................. ............................

    " بطـــــــــي "
    فهد :: طال عمرك ما يصير اتعب عمرك جي
    بطي وبعده توه شوي يشرب من الكوب اللي باييده :: مالي دخل ليش يآخذهاا ..هو ليش يتزوج الحين
    فهد :: انزين خلاص بس عطني هالكوب عنك
    بطي بتشتت :: انا بعدني ما شربت النص ش فيك ..؟
    فهد سحب الكوب و صبه ع الارض :: طال عمرك بعدنا ماظهرنا من بيت زوجة اخوك
    فهد عصب و مسك فهد من قميصه وشده :: لا تقول زوجة اخوك .. اخوي مب متزوج فااااااااااااااهم .. عندي وعندك مب متزوج
    فهد :: ان شاء الله طال عمرك
    بطي هده ونزل راسه وقال بعذر :: فهوود لا تقول طال عمرك نحن ربع .. و سامحني بس انا ما اقدر اتحكم باعصابي
    فهد بمزح قال :: عاد انت ما شاء الله جسمك رياضي بس ما يبين واايد ..
    عسب ويهك طفــــــولي
    بطي ضحك وقال وهو يتحرك مع فهد لداخل :: عاد تذكر البنت اللي شافتني امس فالمول شو قالت ..؟!
    فهد :: هي هي اللي قالت انت وااااااايد كيوت انت امك كورية .. ويهك بيبي فيس
    بطي :: الصراحه صدقتها رديت البيت وشلت جواز امي الجديم و شفت مكتوب اماراتيه .. يآخي شكيت خخخخخخخ
    .
    .
    .................................................. .............
    " حميد "

    اذكر زين كيف كانت حالتي النفسية من قمت من النوم اللين الحين ..
    كنت مالي خلق حد و سلطون يكلمني وانا اعطيه اكبر طاف .. بس بعد ما تأكدت ان الرساله اللي كانت موجودة يوم كنا صغار مع برهوم شوي عصبت ..
    بس ليش اييبها معاه اليوم إلا اذا كان بيعطيها الرساله .. عسب جذا انا مستانس فهالفتره .. حتى ولو خلود مطلقه اباها ..
    ..
    الصراحة ما قدرت امنع ابتسامتي يوم شفت خلود قبل شوي .. وكيف ما ابتسم وانا اشوفها باأحلى شكل .. صح متغطية بس يبين عليها جمالها ..
    احس كل عروسه في عرسها تكون جميلة بشكل غير .. هالة تتوسطها وتنير ويهها
    شديت ابتسامتي زيادة وحسيت بحد يحرك ايده جدامي لفيت راسي يمين ويسار ابعد الافكار اللي تمر علي وانتبهت لصوت سلطان اللي شكله تعب و هو يناديني :: حميد يووووووه حميد شفيك يا رجال
    .
    .
    ضحكت زيادة يوم قال يا رجال وقلت له :: تقلد السعوديين انت ..
    غمز لي وقال :: لبى السعودين بس ..
    ضحكت بصوت اعلى شوي وسط الريااييل وهمست :: اتخيلك تآخذ لك وحدة من هناك ..
    قال سلطان وهو متضايق :: شفيها يعني ..ما فيها شي ..
    حميد وقف ضحكاته عشانه :: ما فيها شي صدقني (رسم ابتسامه ع ويهه) بسك عااد ما يناسبك الضيقه
    ضحك سلطان :: ادري بس اسوي حركات مزعلجيين
    حميد ::حلوه هاي مزعلجيين ههههههههههههههههههههههههه
    .
    .
    و فالوقت اللي كنت متوسط سوالف سلطان اللي ترفع المعنويات ..سمعت صوت خالي بوراشد الحازم .. من خوفي رجفت الله يهديك يا خالي .. طيحت حمامة فؤادي
    بو راشد بحزم واسلوب أمر :: حميد
    وقفت احترام له :: هلاا خالي
    بوراشد :: سير نادي اخوك ابراهيم .. طلع من متى و ما دخل ..
    من متى تسأل عنه ..غريبه :: ان شاء الله خالي .. الحين بييبه ويااي
    ..
    ما قال لي او رد لي بشيء ، ساعات احس خالي ما يحب حد منااا حتى ولده .. مشكلته دمج شخصيته فالعمل مع البيت ..
    لفيت اشوفه يكمل سوالف مع زايد اللي تضايق شوي بس ما ادري من شو .. انا الصراحه احب شخصيته لكن يقهرني تكبره الواضح .. و اسلوبه انه يكّبر عمره .. ما قلنا شي اكبر بس لا ترفع خشمك واايد فوق ..
    خلووف واايد يحب هالانسان يمكن لانه ولد اخت ربيعه "عارف" .. سلوم هالايام ما يحط عينه بعين خليفه اخوي .. بس ساعات يمر علي و على سلطان يسلم علينا بابتسامه متواضعه .. كم بسيط هالانسان يعيبني .. سلوم
    .
    .
    انتبهت ببرهوم من بعيد واقف حذال سيارة رشود .. شفت الساعه من DNKY كان شكلها مميز .. حزامها اسود محفور عليها بفخامة شعار الماركة .. يحاوطه معدن فضي .. والساعه تتوسط حزام اليد وبعد بنفس الاطار ..
    باختصار >الاسود< .. فخآآآمــــــــــــــــــــــــــــــــة ~
    ..

    انتبهت انه تسلل بايده بسرعه للي فجيبه ..الرساله .. اخيراً شفته يحطها فوق الكرسي اللي حذال السايق فسيارة رشود ..السيارة تشتغل بس محد حد فيهاا و هو طيح الرساله من النافذهـ المفتوحة شوي .. اول ما حسيته زفر الهواء او الثقل اللي كان شايلنـه ..
    ناديته من بعيد وحسيت فيه يرتجف ويتماسك بسرعه :: برهــــوووم
    تحرك يقترب مني ببطء وقال :: هلا حميد بغيت شي (لف شوي يمين ونزل راسه)
    حطيت ايدي ع كتفه يمكن ما كان يقصد يخبي الرساله قبل و عيبني موقفه يوم رد الرساله لصاحبته :: ادخل .. خالي بوراشد سأل عنك قبل شوي
    رفع برهوم حاجبه و ابتسم باستهزاء وهو يتحرك داخل وياي :: غريبه مب من عوآيدهـ يباني حوله .. اذكر انه عايفني ومتبري مني
    تضايقت برهوم شايل فخاطره من كان ياهل ضربت راسه بخفه وقلت :: هو يخاف عليك بس انت تكبر السالفه
    قال باستهزاء :: هي يخاف علي و يجرحني بكلامه ..شو هالخال المتناقض
    قلت بحزم عاد وانا والحزم ما نتوالف ما يصلح لي ::برهووووووووم
    برهوم باستخفاف :: اوكي اوكي
    ..
    لاحظت اول ما دخلنا برهوم شاف ربيعه زيود بنظره غريبة .. يمكن حقد حسد ما ادري .. بس ربيعه ما انتبه له .. معقولة يغاار لأنه يالس مع خالي ..
    مب لهالدرجة يعني يوصل انه ما يتواصل مع خالي او يتقرب منه ..!! ما ادري والله ~

    ................................................
    " رشـــــــــــــــــــود "

    واخيراً يا خلود .. هههههههه .. والله لا اطلع قهري المتجمع فيني كله بس اتريي شوي علي .. خلج تتعودين علي مرة ثانية

    شفتها بتملل وانا واقف ع طرف الباب الخارجي .. متسند على الباب من داخل بشكل كلي و حاط وحده من ايديني على يد الباب .. فبهالحالة الباب مفتوح شوي .. مشيت عيوني مرة ثانية ع الجيش المتجمع عند )حرمتي( مثل ما يقولون ..
    شوي واحس بحد يمسك طرف ثوبي من جهة الاييد ..اخيراً حد عبرني وترك هااذييج ..جنها الوحيدة اللي بتسافر مب كأنه حد بيسير وياها
    انشد كم الثوب مرة ثانية ..
    لفيت بعيوني وانا بعدني بنفس وضعية وقفتي ما حركت مني شي .. ببرود وتجاهل قلت :: نعم .. خير
    ميره اختي الصغيره :: ما بتسلم علي
    لفيت عيني لها صغيرة ولسانها شطولهــ المشكلة نص كلامها مآكوول :: سلمت قبل
    ميره حطت ايدها على خصرها وبعصبية :: أوووووه بس بالاييد
    كبرت عيوني زياده احاول اخوفها بس ماشي فايده :: شو تبين ان شاء الله .. كيف تبيني اسلم عليج
    ميروه اشرت ع خدها :: بووووووووسني
    صلبت ظهري وعدلت وقفتي :: خير ..!!!!!
    ميره :: شو تستحي انت تستحي ..عااادي انا احبك اخوي انت لازم تبوسني
    شو هااي ناقصه حنان .. اصلاً زين حد عبرني .. نزلت بجسمي كله ع الارض ويلست ع ركبة وحده ويودت ويهها الصغيييييييييييير وبستها ع خدها ..
    شوي واشوفها مستحيه .. عشتوااااااا توج تقولين عادي وماعادي الحين تستحين صدق البنات منكر ..
    انتبهت ان حد كان يطالعني .. كانت خلود وهي حاضنه مريوم اختي ..حسيت نظرااتها مب طبيعيه جنها ترااقب تصرفاتي .. لا يكون تتحسب انها بتكون من الحريم اللي سكاانه ومرته .. تتحكم فريلها ع كيفها هههئ بعدها ما عرفتني ..
    شليت ميروه من عالارض بسرعه وانا بعدني فنفس الجلسة وميروهـ اونها مستحيه فقربتها من حضني و قمت اعضض خدودها الاعبها ..
    الصراحه حسيتها بتمووووووووت تحت ايديني من كثر ما تضحك وتقول بس .. قمت اطنشها وازيد بحركاتي وابوس خدودها يوم شفت خلود هدت مريوم و كل شوي تسرح فيني يوم حد يكلمها ..

    .
    .

    هااااااالمطلوووووووووووووب

    .
    .
    اللين ما وصل سيد القوم (سواف) خطوة خطوة و يحاول يسحب شعر ميروه عسب الاعبه بدالها .. الصراحه كسر خاطري ..
    ساعات امووووووووووووووت عليه شرات الحين لانه اخوي الوحيد .. و ساااااعاات اكرههههههههههههه لانه الولد الثاني وكنت وحيد ابوي وامي من الاولااااد ..
    بعدت ميروه بايدي ومسكت سواف .. بسته ع راآسه و خاشمته .. بتقولون كيف يخاشم .. من دخل السنة و نص وانا وربعي نحاول نعلمه لين ما اللحين شوي تعلم .. يفهم علينا شوي
    ..
    قمت من على مكاني ونفضت الغبار اللي ع بدلتي .. تيشرت اسود و شورت اسود .. كاب (قبعه) اسود وابيض و شنطة ظهر بيد وحدة باللون الابيض حق بوك الفلوس و الجوازات و غيره من الضروريات ..
    ناظرت ساعتي بتمعن وانا خلااص طااااااف لميروه وسواف اللي يتضاربون حذالي ..كانت ساعتي من dior فضية .. كبيره و فيها كم حبة الماس واحجار كريمة باللون الاسود ..
    ..
    اوف الساعه 3 ونص متى بنلحق للمطار .. السفر بعد ساعتين عبال ما نوصل ونخلص الاوراق وغيره والشنط ..
    اخييه الشنط .. اتذكرت شنط المداام اللي بغيت انجلط منها فالسيارة 3 جنط كبار و وحدة صغيره ..
    وانا بس جنطة هاند باج .. حسبي الله عليج يا خلود المشكلة خفت اقول لابوي ليش كل هالشنط كنت بعقها الصراحه فاقرب زبالة بس المشكلة ابوي اللي كان يالس حذالي .. اصلا متى لحقت تآخذ اغراض ونحن عرسنا بكم يوم اتفقنا عليه .. وليش اصلاً البنات يآخذون هالكثر ملابس .. انزين اكتفوا بكم من بدله بتمووتوون يعني
    ..
    ..

    قلت بصوت عالي شوي :: خلصونا ما عندنا وقت
    ام رشود :: اترييه شوي ما تشوف امها اتبى تسلم عليها
    قمت اتحرطم مع نفسي يعني يحسسوني ما بيشوفوها لسنه كلها كم اسبوع ورادين .. نحن يوم نسافر مع ربعنا ما يسوولنا شي او يودعونا هالكثر
    تكلمت بتملل وااضح ومتعمد :: خلود الله يخليج سيري ركبي السياره تعبان والطريق طويل
    ام حمد :: قلت لكم خل حميد يوصلكم
    قبل لا أرد سمعت مقاطعة خلود الصارمه :: لااا
    لاحظت الاستغراب من الكل من طريقة رفضها حتى انا استغربت نبرة صوتها كملت وقالت بتصريفه لمقاطعتها :: امييه الله يسامحج الريال روحه تعبان وبيروح يرقد ليش يتعّب روحه ويانا
    ام رشود :: انزين بطي لا تعبان ولا شيء
    هالمره انا رديت بشكل رفض قاطع :: لااا
    قالت حمدة اخت خلود بضحك :: ياخي خلوهم ينفردون بروحهم .. لازم ازعاااج ههههههههههههههههه
    اغتنمت الفرصه وتقدمت لورى ظهر خلود .. صح حمدة واقفه حذالها بس هي بروحها ابتعدت .. احسن بعد بعيد عن الاحراج .. قلت بتحديد حد لهالمهزله :: يالله عيل نشوفكم على خير ..
    ما سمعت كلمة وحدة لاني على طول مسكت خلود من ذراعها و ما عطيتها فرصه تتحرك و سحبتها ويااي لبرع البيت طبعاً حضرة الاخت ما غطت ويهها وانا اللي مت من الاحراج واايد شباب اعرفهم برع بس اونها عاااد منزله راااسها عاد صدق ما ينفع ..
    فتحت السياره بعصبيه دخلت وسكرت الباب بهدوء عسب محد يعرف من اللي برع اني معصب .. وركبت السياره وحركتها بعنااد لبعيد مع اني شفت ابوي يتقدم لسيارتي عسب يتكلم وياااي
    ..
    آسف ابويه بس ما اقدر اسمع اي شي وخاصة منك .. طولت ع المكيف حريت من كثر ضيقي وعصبيتي اللي دقت راسي فجأة .. وريحت جسمي ع ظهر السياره و سقت باييد وحدة ..
    وهدوووووووووووووووووووووووء هذا اللي ابيه
    مصددع بقووووووووووووه من اول ما تلاقيت وياها بعد ما شفتها بغرفة اخوها حمد ..شفتها بطرف عيني ورديت ناظرت الطريق





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

صفحة 4 من 6 الأولىالأولى 123456 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. رواية انته اول انسان اعشقه في حياتي
    بواسطة wmw_753 في المنتدى قصص الحب و الرومانسية و الغرام و العشاق
    مشاركات: 29
    آخر مشاركة: 14-09-29, 02:56 PM
  3. رأيت فقيراً يبكي فقلت ما الخبر ؟
    بواسطة طيب الامارات في المنتدى معرض المواهب و الابداع Fair talent and creativity
    مشاركات: 12
    آخر مشاركة: 11-08-25, 10:18 AM
  4. بيبب جايبه شي سبب ازمه
    بواسطة ميرو146 في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 8
    آخر مشاركة: 11-07-25, 10:45 PM
  5. طلب بوربوينت حادثه الافك ^^
    بواسطة Eman Al Shamsi في المنتدى مادة التربية الاسلامية Islamic Education
    مشاركات: 0
    آخر مشاركة: 09-12-29, 04:23 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •