تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 6 من 6 الأولىالأولى 123456
النتائج 51 إلى 58 من 58
  1. #51
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ..............................................
    " رشــــــــــــــــــــــــــــــــــــــــوود"

    كنت ياي من صوب غرفتها ورى البيت .. تذكرونه صح الغرفه البيضاء اللي سواها عمي المرحوم وابويه عشانها من كانت صغيره شوي ..
    كان صبري ف حدوده مب قادر اتحمل اكثر من جي ..
    .
    .
    ما ادري ليش كانت فكل ثانيه تمر فداخلي اتيي عبالي ..
    كنت ادري اني ظلمتها باني اختفيت فجأة .
    بس ما ظلمتها بروحها ظلمت الكل بعد ..
    لان محد درى شو اللي خلاني اسافر بعيد ..

    ..
    ..
    ..
    الشئ الوحيد اللي كان مسكت اهلي عني ان ابويه كان يرمسني مره كل اسبوعين لمدة 3 دقايق واسكر عنه .. وكنت اوصيه ما اييب طاريي لحد ما غير انه يوصل للوالده اني بخير ..

    .
    .
    .

    اول ما طاحت فحضني حسيت فكل ذره فداخلي تصرخ بوناسه مع اني ما تلاقيت وياها وايد ع ايام ما كانت خطيبتي او بمسمى زوجتي
    بس ..
    شعور غريب انك تلقى حرمه تحت اسمك .. تنتمي لك فاحضانك من بعد غيبة وطن ..
    وكأن كل الوطن ف حضنها ..
    .
    .
    تمعنت ف كل شي فيها ..
    وهي فحضني من
    شعرها ..
    ظهرها ..
    جسمها ..
    اللين ريلها الخاليه من اي شي غير السلسله المتعلقه بها ..
    شكلها صاير ريفي .. ما اروم عليج بنت العم
    .
    .

    رموشها تغيرت حطيت اصابعي ع رمشها اهزها وانا متنرفز .. قطبت حواجبي وصغرت عيوني.. شو لها هالقطرات تختلس النظر لعيونها .. رموشها متغيره ولا انا لاني من زمان ما شفتها قمت احس بهالشي ..
    اصلا وايد اشياء تغيرت فيها بس هاللسان اللي متبري منها للحين موجود ..
    شفتها وهي تكتف ايدها وترفع لي حواجبها وهي تنطق باسمي ..
    ما اروم اتحمل زياده ..


    .
    .
    .

    شفت اليهال وقلت لهم بحماس اضبط نفسي شوي وساآألتهم :: انعاقبها .. ؟!!

    شفت ملامح الاستغراب اللي تكتسي ويهها بس ما علي منها شفت اليهال ياشرون برووسهم خايفين وبحقد ولا كأنها قبل شوي تلاعبهم ..

    ..


    اقتربت منها اللين ما دق ظهرها صدري ..
    قربت راسي من جتفها اليمين واقتربت من رقبتها بشمل سريع و بوسط تقطيبة حواجب اليهال وتغميض البعض لعيونهم ورجفة اللي جدامي الفضيعه ..

    رفعت راسي شوي اللين ما انها غمضت عيونها بقوو

    ابتسمت وبانت سنوني ع شفاتي

    و

    و

    عضيتها ع خدها بكل خاطري .. وسط صرخاتها المتوجعه و صرخات اليهال اني خلاص اوقف العقاب .. اللي ما طلعت كل اللي فخاطري وابتعدت شوي عسب ابوس خدها اللي عضيته وسط همسه بكلمة آسف ع آذونها ..

    ..

    اليهااال قاموا يضحكووون ومع كلمةآسف اللي هديتها انطلقت خلود لداخل البيت وهي منهاره من الصيــــــــــــــــــــاح .. توج كنتي شحلاتج تضحكين ..

    هههههههههههههههه صدج ياهله خل الحقها اشوف شو بكآها بعد
    لفيت راسي لبرع وتنرفزت ما فيني بعد تتشكى لابوي .. واطيح فيها ..
    ..............................................
    "حميــــــــــــــــــــــــــــــــــــــــــ ــــ ـد"

    سلطان :: حميدوه وصمخ بسك تراك وترتني
    حميد :: الحين منو الي المفروض يتوتر انا وله انت ؟!!
    سلطان شافني بعتاب ووقف :: انا اللي متعب نفسي وواقف سنين وياك وله انته ما تستاهل !!!
    وقفت مصدوم من ردة فعله واشرت لنفسي بالسبابه :: انا ما استاهل يا سلطان ؟.. الحينه يوم وصلنا ع آخر الدرب جي تسوي بي..
    سلطان يحط ايده ع راسه و يحركها بخفه :: انته مينون صدقني مينون
    حميد متفاعل :: مينون لأني بغيت الانسانه اللي تمنيتها طول عمري .. انته اصلا تعرف كم كان عمري يوم بغيتها ..
    سلطان :: البنت عرست .. وها هاك ريلها توه حادر البلاد و شرف البيت .. شو تبابها بعد .. خلاص اعتقها ..
    حميد بجنون وعصبيه :: ما بودرها .. واختها ماخذنها ماخذنها اذا ما يت لعندي هي بنفسها تترجاني .. انا قلت لك قبل رشود ما بتجاتل وياه .. انا بتجاتل وياها هي .. بطلع روحها لين ما اتيي لعند ريلي هااي ..
    .
    .
    حركت ايديني ارويه ريلي ..
    سلطان يمسكه من حلجه يسكته::خلاص .. صخ .. اسكت.. انا نصحتك بما فيه الكفايه واللي عندك سوه ..
    حميد بكبرياء :: طبعا اللي عندي بسويه بترياك يعني ..
    ظهر سلطان وهو يتحرطم بصوت خفيف :: خاف ربك باختين تعذبهم بنفس الوقت ..
    صرخت بصوت عالي عسب يسمعني :: وله وحده منهم متعذبه .. هم الاثنين اللي معذبيني ..

    مسحت عراسي ويلست ع الكرسي مرة ثانيه
    و خليت اصابع ايدي تتخلل خصلات من شعري
    ما ابي اخرب تخطيط سنتين ع الفاضي بقايض خلود باختها عسب تكون ملكي
    بهالحاله هي بتطلب الطلاق من رشود ..

    وانا بستر عليها بما انها بتصير مطلقه
    وخدوي الله يوفقها مع غيري هاذيج الساعه ..
    .
    .
    .
    المهم عندي الحينه .. خلود
    خلود تصير ملكي انا ..
    زوجتي انا ..
    .................................................. .............

    " ام راااشــــــــــــــــــــــــــــــــــــد"

    الصراحه هالحرمه اللي قاعده تنقش بايديني غاوية ..
    ادب واخلاق وجمال ..
    ... :: الا اقولج الغاليه انتي من وين ..؟!
    المحنيه تكلمت بلهجة اماراتيه متقنه اكتسبتها من فتره :: خالوه انا من باكستان
    سالتها مره ثانيه بفضول اكثر وانا اهتمامي بها يزيد :: انزين وشو مسمينج اهلج
    لفيت للضحك المكتوم من بنات اخوان ريلي .. و حركت شفاتي بشكل اني مب مهتمه لهم ..
    ورمست لي هالمزيونه :: اسمي بيروفان وينادوني ب بيرفيين
    حطيت ايدي ع صدري و قلت بفزعه :: بروفين .. ويديه وبلاهم اهلج جي محتاسين يسمونج ع اسم ادوه (دواء)
    قبضت حواجبي استغفر الله بس شو هالاسم ..
    بيرفين الحنايه :: ههههههه الله يهديج يا خاله .. عاد اهلي من باكستان لازم بيسموني فهالاسم
    خدوي وهي ترفع حواجبها بوسط اقطاعها لاندماجها ف رقص بنات عمها بوراشد :: شو معنى اسمج.؟!
    بيرفين الحنايه :: ع اسم عاصمة ارمينيه
    لويت ف حلجي اشو ايرمينيه بعد لا يكون قصدها شرات عطر الخميريه بس ما تعرف تنطقها .. يمكن بعد .. لفتني جمال عيونها وكبرها للمره الرابعه وسألتها وانا احط ايدي اليسار اللي بعدها ما جاسها الحنه ع ايد المحنايه .. :: اتخبرج بنيتي انتي معرسه ؟!

    انتبهت ع استغرابها من السؤال وانحراجها يوم نزلت راسها وحليلها خجولة .. :: لا بعدني
    سالتها بفضول اكثر :: قلتي لي هاي اول مره فيها تحنين لغير اهلج ؟!
    نظرات استغراب اعتلت بيرفين :: هي
    .
    .
    وكملت شغلها ع ايدي
    ييت اسالها بعد سؤال حاشر نفسه فمخي من صوبها جان ترمس اخت اللّغاية (البنت اللي ترمس وايد) ..
    ..
    حمده :: خالوه بلاج كليتي الحرمه بأسئلتج .. (قالت بغشمره) بتخطبيلها لحد شو ..؟!!
    رديت بثقه :: هي نعم بزوجها لولدي .. بخليها الحرمه الثانيه
    تحرطمت حمدوه ع الخفيف :: خل نشوفه وايد عليه !!!

    امف من هالبنات كل وحده متنفخه اكثر عن الثانيه ..
    وحده ومآخذه راحتها فبيتي عسب عرسها بعد يومين .. والثانيه مسويه فيها الفاهمه والكبيره ..
    وهاييج اللغايه .. متيلسه ف بيتي مع ان ولدي عايفنها

    الحمدلله بس ان ربي رده لي سالم ما به من ضر ..
    مت من الفرحة لما شفته قبل ساعه عند باب البيت برع وما رضى يدخل بسبة هالموجوده داخل ..
    يننت فيه بنت امها .. ما ادري شو مسويه به وفريلي ..
    كل ما قلت كلمه نط لي محامي دفاع عنها ..
    درينا انها بنت اخوك بس مب لهالدرجه ,,
    .
    .
    عبال ما حاولت ابعد تفكير هالساحره عني الا واشوفها تدخل الباب بقوو وترد لغرفة حبيب قلبي رشود مره ثانيه ..
    عندها قسم خاص فيها لش اتيي هنا امف .. بس

    شفت نظرات الاستغراب والحزن والشماته ع الموجودين و تجاهلت موضوع هالبنت
    اصلا هالبنت متى ما نزلت دموع التماسيح اللي فعويناتها ..
    لفيت بويههي مرة ثانيه ع هالمحنيه افكر بانها بتفيدني لاخذت الولد انها كل اسبوعين بتحنييني وحنتها غاوية
    ..
    ..
    وانا مسرحه فهالبنت السموح الا واسمع عويش تزقرني :: ها امي ها عويش
    عويش :: اميه راشد اخويه يبي يدخل البيت
    تلفت للمكان ما يصلح يدخل البنات متسدحات وما يرومون يقومون لعيونه ..
    فكرت وذكرت الباب الخلفي .. :: عويش الغاليه سكري هالباب وقوليله يدخل من الباب الخلفي
    عويش بتأفف :: ان شاء الله

    ..
    .................................................. .............

    " رشـــــــــــــــــــــــوود"


    ساندت نفسي ع الباب تعبت ياخي ... وملابسي بعدها مرطبه من بعد ما يودت خلودوه وهي من فوق لتحتها مخترسه (متسبحه) فالمأآي ..

    اف هاي وينها عليت بصوتي متنرفز :: عويش يالله ما اروم اتريه زياده

    سمعت صوتها من بعيد وهي تقرب للباب الخلفي\عويش :: اتريه رشود ييت انا

    اول ما فتحت لي الباب جان اهجم ع رقبتها بتهديد ومزح ثجيل .. :: كم مرة اقولج يوم تتحركين تحركي بسرعه .. لا تتحسبين اني سافرت يعني تغيرت لا حبيبتي انا ما اتغير

    عواش شلت ايدي من ع كتفها وبعدتها من رقبتها وتحركت بسرعه بعيد قايله :: انزين خلاص اف برووح

    تحركت انا لغرفتي .. مكان ما قالت لي عويش انها هناك ..
    خفي علينا يالزعول .. تزعل وتسير لغرفتي والله حاله ..

    .
    .
    شفت باب الصاله اللي مسكر من الممر ..
    انزين شوفه وحده بس لحفلتهم الصغيره مب عادي ..
    انزين شوفه .
    .
    .
    لا لا .. حرام شو اسير اشوفهم .. خبل شووو
    خل اسير لهاي وايد احسن

    شفت الباب جدامي وانا ما ادري امر منه وله لاا ..
    وايد اشياء تمنعني اني ادخل من هالباب .. مب قادر اواجهها ويهه لويهه




    شعور غريب والله ..

    .
    .
    .

    كنت حاط فبالي ادق الباب بالأول قبل لا ادخل الغرفه ..
    بس يوم سمعت النواح اللي حضرة الاخت تصيح فيه .. قلت ادخل ولا انها تفضحنا عند العرب اللي اهنااا .. واتوهق انا مع الوالد

    .
    .
    فتحت الباب ع الخفيف و شفتها منسدحه ع السرير ع بطنها و حاضنه المخده تصيح .. لفيت اسكر الباب .. ما يسوى علي آخذ حقي من ردتي من السفر يعني .. شهالدلع الماصخ ..
    كان يبين عليها انها منهاره وييها الي بالكاد يبين محمر .. بعدها ما غيرت ثوبها المبلل بالماي و خصلات شعرها الرطبه بشويش تناديني ,,
    رشووود حكم عقلك الا هي شعره شويه مبلوله شو تبابها ,,
    شفت الارض وحسيت اني اتحرك بدون حاسيه مني اللين ما انسدحت حذالها راقد وانا عاطنها نص ويههي .. ابتسمت ع الخفيف يوم قالت بين شهقاتها :: مريوم لو سمحتي ما ابا ارمس حد
    .. وتميت فترة 3 دقايق وانا ساكت اتأمل بكائها وهي تشهق من البكى وبعدها دافنه ويهها ع المخده ..
    بترول صياحها ما يخلص .. ههههههههههههههههه حركت ايديني شوي عسب احركها بس وقفتها يوم سمعتها مره ثانيه تقول :: اف وبعدين يعني ما بتظهرين

    .
    .
    منهاره بكي وبنفس الوقت معصبه الله يستر من فعولها هالياهل ..
    قلت لها بصوت كوميدي ارفض هالشي :: تئ تئ (يعني لا .. او الصوت اللي نسويه يوم نعصب فحد)
    ما وعيت الا فوحده هايجه تلف صوبي وتقول قبل لا تناظرني ::اف مريوووووووووووم .. قسم بالله بتندفنين ..


    .................................................. ........................................
    اوييييييييييييه هالانسان شو اللي مدخلنه اهنا ..
    وقفت دموعي فجآة
    تحركت متفآجأة من قربه وبدل ما ارجع لورى اقتربت منه زياده
    ويهه جدام ويههي ><
    شفت عيونه قريبه من عيوني .. واتحركت عيوني بعد ثواني اول ما رمشت عيونه ..
    (اومعه) صرطت ريجي بتوتر و عيني تمر ع البطئ من بعد ما اكتفت شوي بعيونه ورموشه
    لأنفــــــــــــــــــــه
    نزلت شوي تحت ثــــــــــــــــمه
    شوي تحت رقبته
    اللين ما شفت طريقة تنفسه المرتبكه ..
    .
    .
    رديييييييييييت بسرعه لعيونه .. ورمشت ف كم رمشه
    بعدين
    بعدين
    .................................................. ....................
    كنت معلق عيوني طول الوقت مع عيونها و كلما تحركت عيونها تحركت وياها عدسة عيوني ..
    وكأن هالعيون النتفه حالفه تقصف حالي ..
    يا ويل حالك يا رشود شو صار فيك .. بعدت عيني عنها شوي .. ويت فبالي فكرة مما خله ابتسامتي تتحرك بشكل اقرب للخبث
    قلت لها :: ادفني انفاسي قبل لا تدفنيني ..
    عيونها توسعت بشكل غريب .. ههههههههههه عيل منو يصدق ان هالعيون الناعسات بيكبروون شوي من صدمتها
    قالت تبى تستوعب :: شو قلت ؟!!
    كتمت ضحكه فداخلي وتحمست اسوي اللي ابا اسويه حضنتها باييد وحده عالخفيف وقلت لها وانا اتريه براكينها تفوووور .,. :: ادفني انفاسي بالاول واشرت لها ل ثمي ..
    ما وعيت الا بصرخه وصوت طيحه بعد الرفسه اللي حصلتها فبطني
    ...
    ...
    خخخخخخخخخخ تستاهل رفستني تبى تبتعد عني وما رامت علي جان تطيح ع الارض
    شفت بعدها راقده وملتويه شويه شرات القطووو وتسوي لراسها مساج ..
    لصقت ع حافة السرير وانا منسدح ع بطني اوايق (أطل) عليها فقلت لها باسلوب هندي :: ها ماما انتي في زين ؟!! هههههههه
    طالعتني بحقد وقالت :: ماما ف عينك يالسبال ..
    شفتها بعد اهتمام وببرود رد يكتسيني :: كم مرة قلت لج ما ابي هالالفاظ ..
    طالعتني هي هالمره بنظره غريبه علي وكأنها اكتسبتها يوم ما كنت موجود لأن كل نظراتها افهمها شو تقصدين بهالنظره خلودوه ما اترييت وايد لأني سمعتها تقول لي ..
    خلود بنظرة ساخره بريئه واقرب انها شوي مكسوووره:: رشود ساعدني ما اروم اقوم

    شفتها بعدم تصديق :: خير ..؟!!
    خلود :: والله العظيم ريلي تعورت > ردت تتحرطم بهمس < عفاني الله يطيح وما يساعد لو عيوز بنقول بعد ..ولو "" بنقول

    خليتها تكمل تحرطيماتها ونزلت من ع السرير .. انحنيت صوبها و شليتها بخفه و فريتها فر ع السرير .. تتحسبني بسكت لها عن حرطمتهااا هالياهله ..
    يلست ع اخر السرير وسمعتها تقول


    خلود :: افففففففففف رشووود والله يعور
    طالعتها بطرف عين :: احسن تستاهلين
    خلود رفعت حواجبها :: شوف انت من شوي راد وتتضارب .. اعوذ بالله شيطان مب ادمي
    رشود :: انا شيطان يا حرمة حمار القايله
    خلود شهقت :: محد حماار غير

    ..

    ما كملت كلامها لان في حد دق الباب







    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  2. #52
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..




    ما كملت كلامها لان في حد دق الباب

    .................................................. .................

    اويههههههههههههه يا قراده حظج يا خلودوه لو كانت هاي عمتج ..
    طالعت رشود مال بسرعه و مديت بوزي يعني لمنو بيظهر لغيرها .. شو هالعمه هاي اعوذ بالله بس
    لا يكون وصلت حشرتنا لبرع قطبت حواجبي بضيق الحين بتزيد الرمسه عني بيقولون ريلها راد من السفر و هي تتجاتل وياااه الحين ..

    نزلت راسي بحزن

    و سمعت صوت


    فطووووم .. اخيييه هاي ام لساان يت الحينه .. عاد الله يستر جان سمعت شي ما بيننا بتوصل السالفه لخدووووي وخدووي بتتشمت فيني وبترمس عند حميد وحميد
    >< اااه اخ يا حميد نار ف جوفي ولا انت داري
    الله يسامح اهالينا بس .. الله يسامح اللي بعدك عني
    وفرقنا واحنا بعدنا ما بدينا ..

    شفتها داخله بكل قوى عين تحت نظرات رشود الناريه
    حطتها ايدينها ع بعض متكتفه وتطالعنا من فوق لتحت خاصة انا مع شكلي المبهدل وانا منسدحه ع السرير بعدني..

    وقفت تطالعني لفتره و رشود كاتم عصبيته ويترياها ترمس وتقول شي اللين ما نطقت

    فطوم بأسلوب امر :: قومي غيري ملابسج وتعالي لحفلة اختج بسرعه اشوف
    طالعها رشود وهو يهز ركبته :: نعم ؟!!!!!!!
    فطوم تتجاهله وتكمل بسالوبها :: بسرعه ما نبى فضايح
    كمل يقولها :: حرمتي شورها عندي مب عندج انتي .. سيري واذا حد سال قوليلهم انها مقابلة ريلهاا

    فطوم بحده :: رشود كلنا نعرف ان بينكم مشاكل و ما تنفعون لبعض (كملت بتلذذ) ليش نجذب على عمرنا

    طالعها بثقه وشفته يقرب مني ويطبع قبله خفيفه ع خدي وانا نزلت راسي مستحيه من الوضع اللي انا فيه قليل ادب ما يستحي جدام اخته ,, لف راسه لاخته وقال لها :: ما بيننا مشاكل .. خلود تحب تتدلع .. ممكن الحين تظهرين

    بعدها ثابته شرات الصخر .. جنها امها الثانيه عااايله مفترسه قال لها رشود :: المره اليايه استأذني من تدخلين الغرفه .. والحين اطلعي (شافني بنظره خاطفه يغمز لي ورد شافها بجديه) نبى نكمل سوالفنا ..

    عضيت شفاتي وبغيت اقوم بس انتبهت انه مثبتني لان صوت خطوات اخته المعصبه وصلت لاذوننا وما كفاها الا وانها ضاربه الباب بالقووو .. عنااااتج بلاها هاي صايره الرجل الحديدي ..

    تذكرت قبل شوي شو قال اويه عيب ما يستحي .. غمضت عيوني بشده وانا اعض بشفاتي .. وفتحت عيني من سمعت همسه وحسيت باصابعه ع شفاتي :: بس ارحميها .. احمرت بالقوو

    الحين وبالذات ابا قياس درجة الحراره احس صكيت وتعديت ال40
    .
    .
    ســـــــــــــــــــــــــــبباااااااااااااااااااا اااااااااااااااااااااااال
    .................................................. ................

    هههههههههههههههه ما يضحكني شي فيها غير ردات فعلها الغير طبيعيه ..
    هبله هالانسانه ..


    قمت بسرعه وفتحت الكبت وشليت بجامه جديمه كانت موجوده لفيت وقلت لها :: يهزي نفسج باجر بنسير السوق
    طالعتني باستغراب وهي تيلس ع السرير :: ليش ؟!
    رفعت حواجبي :: قالوا لي انج ما يهزتي لعرس اختج وهو بعد يومين .. ما عندج وقت ابد .. (من لاحظت نظرات الضيق كملت بسرعه) وابى ملابس جديده لنفسي بعد (غمزت لها بعد حركة كتفوها بمعنى ليش) ما تشوفين ان جتوفي شوي اوسع عن قبل ..

    نزلت راسها وكأنها استحت من شي زقرتها باسمها :: خلوووووود
    رفعت راسها بدفاشه :: شوووووووووو
    رفعت قميصي شويه ورويتها عضلاتي اليديده اللي اكتسبتها من تماريناتي برع البلاد وغمزت :: شرااايج ؟!

    ما وعيت الا والمخدات تتطاير صوبي منهااا و سب من لسانها ..
    هاللسااان بينقص بينقص انتي بس اتريي شوي

    ..
    ..

    مشيت بسرعه وانا اتجنب المخدات للحمام سبحت ولبست البجامه وظهرت ..
    شفتها راقده بعرض السرير فملابسها القبليه ..
    هههههههه خبله عاد ما بغت ترقد الا بالعرض ..

    فكرت بطريقه بتحرجها وبرد بنفس الوقت حركة فطيم
    خواتي زايد قلة ادبهم واحترامهم مب لمناك من رديت .. انا ارويكم بس
    اتريوو علي شوي


    ..

    نشفت شعري شوي .. و شليت خلوود وهي راقده وصلت لصالة بيتنا اللي كانوا يحتفلون فيها وعليت بصوتي عسب يسمعون من الموسيقى ..

    :: تغطوااا انا بدخل

    ضحكت بشر وانا اسمع اصوات وعفسه تندق واصوات طيحه ارتبكوااا اكيد ..
    وامي تقول :: اتريه اتريه
    رشووود :: هووود هوووود بدخل

    انتبهت ان ميروه اصغر وحده من خواتي تعثرت وهي تبطل الباب لي لانها كانت تركض خخخخخخ والله ومصخرتكم شفت الحريم والبنات اللي حاطيين عبيهم فوقهم كانهم خيم خخ بس لا ما شاء الله مستورااات

    لمحت نظرات الاستغراب من الحريم و العصبيه من امي والقهر من خواتي يوم شافوني شايل خلود بايديني .. قلت لهم ابرر :: وحليلها رقدت وقلت بآخذها لجناحنا ما دام غرفتي الجديمه صغيره ما راح ترتاح فيها

    حضنتها لصدري زياده وشفتها كأني مهتم فيها مع ابتسامه مصتنعه حنونه ..
    وشفت امي وقلت بلهجه تمثيلية :: فديتها وايد اشتقت لها وانا برع البلاد

    ظهرت من باب البيت وانا متأكد ان ما شي حد فالحوووش (الحوي) لاني دقيت ع برهوم قبل اساله و سرت لجناحنا "غرفتها" شرات ما هيه تسميها الغرفه البيضااء ..

    و طيحتها ع الفراش بعد ما شفت اآثار ثوبي و غترتي ع طرف طايحين
    سرت صليت فالمسيد و رديت انسدحت جدامها من التعب ..

    .
    .

    .......................................
    الله أكبر الله أكبر أشهد أن لا إله إلا الله أشهد أن محمدا رسول الله

    فتحت عيني ع صوت آذان الفجر نشيت قمت سرت المسيد مع الوالد وصليت ورديت ارقد
    حطيت راسي ورقدت بعدها 4 دقايق بالضبط قومني تليفوني وهو يهز اخيه انا دوم احطه صامت ليش نسيته ع الهزاااز

    قضبت حواجبي منزعج من الوضع اللي انا فيه ,,
    احس ما خذيت كفايتي من الرقاد
    لفيت اشوفها هاللي بالضبط عكسي راقده ولا حاسه بالخلق .. اسمينها اله رقادها ثقيل
    ما اروم اقول الا يا حظج رمتي ترقدين
    لفيت مرة ثانية لتليفوني اللي بعده يهتز .. استغفر الله العلي العظيم .. منو داق الحين
    حركت ايديني بهدوء وشليته حركت عيوني لشاشة التليفون و كشرت على طول ..
    شكلي اليوم ما برقد ابد ..

    قمت من ع الفراش بسرعه و مشيت لتحت وانا اشوف الدرج خايف انها تقوم من رقادها ..
    رديت بسرعه ع التليفووون ووصلني صوت بطي الجـــّااد مب وقتك يا بطووي اف :: هلا رشوود رااقد ؟!!
    رديت عليه باسلوب ساخر :: بطوي تتمصخر علي .. ما رمت ارقد زين من ردينا من سفرتنا
    بطي بعده بنبره جـــّاده :: زين عيل الحقني لبيتي بسرعه ..
    رشود :: نعم ..!!! مقومني من رقادي عسب جي
    بطي بنبرة أأمر :: رشووود هاذا أأمر بسرعه

    سكر التيلفون .. يعني ما شي راقد اليوم .. هو قال السالفة امر عيل لازم استعيل بسرعه .. ركبت مره ثانيه فوق وشفت شنطتي اللي سحبتها بعد ما شليت .. هاللي خامه الرقاااد خم وطلعت لي بدله سريعه ..
    شليت مفاتيح السياره وتوكلت ع بيت بطي ..
    ان شاء الله ما اتأخر بس ..


    .................................................. .............





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  3. #53
    عضو فضي
    الصورة الرمزية wmw_753
    الحالة : wmw_753 غير متواجد حالياً
    رقم العضوية : 130186
    تاريخ التسجيل : 17-02-14
    الدولة : الامارات ،، الشارجه ،،،، المدام â‌¤
    الوظيفة : طالبه في المعهد ATHS&STS
    الجنـس : انثـى
    المشاركات : 207
    التقييم : 12
    Array

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    """"

    .................................................. .............
    " بطــــــــــــــــــــــــــــــــي"

    Cuuuuut "خارج النص"
    بطي :: اشتقتولي صح وفديت المعجبين مالي انتوا يا ناس خقققققق.. بالله عليكم ما استانستوا يوم شفتوا اسمي.,. آآه احساسوه ما بغيتي تفكينا من هالاثنين طووووول الوقت يالسه تحشين فيهم ..
    احساس :: اخيه الحين صدق عمره هالانسااان .. خلاص قلت انك تبى دور وعطيناكم شو تبى زياده .. وخر من اهنا خل ارمسهم عنك .."ابتداءا من هالنص .. بدخل في الجزء الخيالي من الرواية .. "
    321 Action

    سكرت الفون وانا اناظر بالشباب اللي حواليي ..
    فهووووووووووود .. وليد .. و طلاال
    بس باقي رشود يشرف .. طالعت ساعة ايدي و حركت ركبتي بعصبيه وايد تأخر
    واايد
    تكلم طلال بنفاذ صبر :: بطي وينه ها اخوك متى ان شاء الله بيي
    وليد :: ما عندنا وقت لازم نستعيل
    شفت ردة فعل فهود وما سوى شي بس ناظرني كأنه يصبر نفسه وما يقوم ضرب ع طلال .. ما يحب حد يكلمني بهالطريقة يمكن لان فهد تعود انه يكون تحتي على طول ومساعدي عسب جي
    سمعنا صوت سياره و اشرت لفهد اللي تلقى تلفون من حراسي الي برع واشر لي براسه
    وأخيرا وصلت يا رشووود

    ..
    دخل رشود ولاحظت التغير اللي صار فوليد وطلال كأنه ما صار شي ولا كأنهم حتى قبل شوي كانوا يرمسون عنه والله حاله .. جدامك شي ومن وراك شي ثاني ..
    انتبهت ف رشود انه جلس جدامي و يخزني بعينه بقهر :: اليوم بعدني شايفنكم .. شو من الاخبار عندكم
    سكتت متحسس من رمسته لي و شفت طلال اترياه يرمس بالخبر ..
    .........................................
    " طـــلال "
    وقفت بجديه وتحركت جدامهم كلهم وانا ماسك الايباد بايدي اليمين وباييدي اليسار فتحت بجهاز التحكم الصغير اللي باييدي جهاز العرض على اليدار عسب الكل يشوف انا بشو اشتغل ع الايبااد
    فريت جهاز تحكم العرض ع الكنبة بدقة متناهيه وسريعه ..
    وانفتحت اول شريحة عرض جدام هالاربعه وليد,رشود,فهود وبطي عسب تعرض لهم 5 وجوه وهي وجوهنا وتحتها معلومات مختصرة بالانجليزي ..
    تكلمت وانا اوزع نظراتي لهم :: مثل ما انتوا شايفين صورتي وصوركم على الجهاز .. تلقيت اليوم اتصال من رئيسنا فالدوام و طلب مني اوصل لكم المعلومات بشكل دقيق ومفصل عسب تتعاملون مع المهمه اليديده ..
    انتوا عارفين ان نحن صار لنا 4 سنين فدورة خارج البلاد نتعلم كيف نحقق ونآخذ خبره هالشي تبعاً للمعلومات الموضوعه جدامكم فالشاشه ..
    (غيرت الشريحه بتمرير ايدي ع الايباد وكملت ) اكمالاً للقضيه القديمه تحت قسمنا
    تم اختيارنا لاكمال هالقضيه بسبب تناقص المعلومات الموجوده والدلائل الكافيه للقبض ع المتهمين .
    (تحركت وشليت فايلات مغلفة و وزعتها لهم ) هاي مهمة كل واحد منكم لهالمهمه ..
    بتتنكرون بعدة شخصيات عسب نتتبع اللي داخلين فهالقضيه و نحصلهم بأذن الله ..
    (رفعت عيوني اشوفهم يدققون ع تفاصيل الملفات و نقلت نظري لبطي ورشود) في ملاحظات لرشود وبطي عن استلامهم لرئاسه هالخطه والتحرك فيها ..
    وليد بيكون المسؤول عن الالكترونيات وبيهز لنا التحكم وغيره وانا بكون مسؤول عن امدادكم بالتجهيزات اللازمه من قسمنا و بكون حلقة وصل .. فهد بيكون مسؤؤل عن تجميع معلومات دقيقه تساعدنا فالمهمه (طالعت فهد) نعتمد عليك فهد هالله هالله بالمعلومات و
    .. أي سؤال للحين ؟!!

    .................................................. ........
    بطي

    قضيه يديده ! .. اخيه يعني ما شي وناسه .. شغل فشغل
    ما عليه خل نخلص من هالمهمه و آخذ اجازه طويله .. شفت رشود الله يعينه هو الوحيد ما بيننا اللي صار متزوج و عنده وظيفة فالشركه وقبل كان يهتم بعلي بعد زين هالعلي فكنا من ويهه .. بس يعني رشوود لازم يوزع وقته ع هالاشياء كلها مره وحده

    المشكله اني انا اللي دخلته فهالشغله ..
    خلص طلال كلامه و عطانا كل المعلومات ورشوود عطانا مهمة كل واحد كالخطوه الاولى لحركتنا .. بعدين يلسوا يسلفون و يشربون قهوه قبل لا يظهرون ..
    يلست افكر بعيد عنهم واتذكر اول ما بدأ هالشي كله ..
    "قبل 4 سنين "
    بطي :: فهووووووود كل التجهيزات للحفله ياهزه؟! ابا استقبل رشود من الخاطر .. ههههههههه عاد ما صدقنا يرد من بعد عرسه بيوم واحد
    فهد :: طال عمرك كل شي ياهز
    بطي ياشر له بعلامة اوكي :: فهد انت جي خخخخخخخخخ
    تلقيت اتصال من صديق قديم ليدي الله يرحمه وطلب مني اسير له بشكل مستعجل وسرت له
    لقربه من عايلتنا ..
    ..
    تلفت حواليني اشوف المكان اللي انا فيه .. كنبه كبيره ومريحه وجامات شفافيه تطل ع مكاتب كبيره و مجموعه كبيره من الناس منقسمين ع تليفونات و اجهزة كمبيوتر وغيره قلت بربكه وانا اشوف لبسه الرسمي المحترم :: هلا عمي شخبارك .. شو تبي فيني
    طالعني بجديه وضحك وطمأنني بقوله :: لا تخاف بطي .. انت ف أمان ها مكتبنا لاغير
    بطي برجفة شديده :: انا ما سويت شي
    طالعني بتدقيق لعيوني :: نعرف هالشي .. انت تعرف شو كان يدك الله يرحمه يشتغل
    اتطمنت شوي وقلت له :: كان صاحب شركه
    ضحك علي بحنان ويلس ع مكتبه وقال :: يدك الله يرحمه كان ييلس ع هالمكتب كان احسن قايد عندنا ونعم الحكمه والقياده الي كانت عنده
    الصراحه خدماته فادتنا واايد و قبضنا ع وايد متهمين بمساعدته .. الكل يعرفه بالخير
    تكلمت باستهزاء وانا ااشر لعمري :: وانا شو يخصني يايبييني هنا .. تتمدح فجدي بس
    طالعني بدقه وقال :: نحن نعرف انك ذكي شرات يدك انا كنت اعرفك من كنت مراهق .. نبى نعينك ويانا كشرطي تساعدنا بس بعد ما نعالجك من هالسم اللي تشربه (سالني وكانه واثق من اجابتي) انته ما تبى تحمي بلادك
    فزيت بحب لبلادي :: اكيد افدى روحي لها ..
    (طالعته بجديه وقلت له) انا وياكم ..
    ضحك علي واشر لي ايلس ويلست على طول وقال :: هههههههه اتريه مب جيه ع طول .. لازم تتدرب وتتعلم وتدرس .. وبعدها خير ان شاء الله .. وننحن مستحيل نخليك جذه بدون حد وياك .. (كشر بويهه وكمل) نحن مب متأكدين انك بتترك الخمر 100% حتى لو تعالجت عسب جي قررنا نعين لك رفيقين يكونون 24 ساعه وياك .. عسب يلازمونك ..
    .
    ورفع التليفون يقول دخلوهم .. يدخلون منوو ؟!!
    شوي وشفت بعيني منو دخل ..
    قال بكلمه أمر :: راشد لازم يكون موجود وفهد بعد
    بعدين يلس يفهمنا كلنا ويفهم رشود وبطي وسافرنا من استلمنا تذاكر السفر على طول بطياره ..
    " رديت للواقع"
    حركات اييد رشود جدام عيني ردتني للواقع .. لفيت له بضيق :: شو رشووووود
    رشود بمرح :: يالله شعليك اول يوم بالشغل بنتنكر انا وانت اونه راعي تاكسي
    صرخت وانا مشمئز :: شووووووووووووو؟!!
    رشود :: والله وناسه تجربه يديده (وهز لي راسه كأنه هندي) بابا وين يبى يسير ؟!!
    اشرت لفهد :: فهود انت تنكر بدالي
    فهد ضحك :: هههههههههههههه انا مشغول فهاليوم .. ومهمتي اني ايمع معلومات عن حد ثاني ..
    بطي :: لاااااااااااء شو سويت فدنيتي اناا
    رشود رص جتوفه لي وقربني لراسه :: يا خي خذ التجربه من صوب ايجابي .. اللي بيركبون وياك بيشوفون سايق حلوو راعي غمازات
    ابتسمت بخبث وبينت غمازاتي قلت له :: متى قلت لي الشغل
    رشود :: ايوه هاللي نباه النفسيه الحلوه .. ههههههههههه باجر باجر
    .................................................. ................
    قمت من ع فراشي ع صرخة خدووي وهي بعباتها وشيلتها المهمله ع راسها مره ثانيه توعيني وبعدين وياها هالاخت .. شفتها تلعب فالروج اللي ع التسريحه وتحطه ع شفايفها .. غمضت عيني وفتحتها مره ثانيه .. انتبهت ع الغتره والثوب المفرورين جدامي فر .. لا يكون كل ها كان حلم بعد يلست قربتهم صوبي يمعتهم بقهر فايدي
    كورتهم
    وفريتهم فر ..
    حيواااااان جلب .. حقير .. ليش 4 سنين يودرني .. شوهالاحلام اللي تييني بزيارته ..
    سمعت صوت يتكلم مع صوت خطوات عالدرج وخدوي تطالع بطرف عينها بعصبيه :: نعم اخت خدوي ليش تتعبثين بارواج حرمتي
    لفيت اشوف ايدي اللي فرت الملابس واستوعبت شوي شوي
    صح لو كان كل ها حلم
    كيف بكون الحين متحنيه ؟!! ..
    سمعت خدوي تكمل :: اختي كيفي
    طالعته وهو يسحب الروج م اييد خدوي :: بس بس كم مرة اقولج مال حرمتي .. سيري خذي مالج شعليج فاغراضها ..
    لفت له وقالت له وهي تخرب الارواج الثانيه بسرعه وتنزل لتحت :: هاي يزاتي مسود الويه اقوم حرمتك شرات ما بغيت عسب السوق
    رد عليها وهو ع طرف الدرج :: خلاص اتريوونا فالسياره 5 دقايق وبييبها لسيارتي انا
    طلعت خدوي لبرع ولف لي
    ..
    ..
    طالعني بخبث وقال :: ابدل لج انا وله بتبدلين بروحج اسرع ..
    فزيت من ع السرير وسحبت كم قطعه من ملابسي ع السريع و دخلت الحمام توضيت ولبست
    طلعت وصليت وهو كل هذاا يالس ع الايباد يلعب .. تعالواا تعالوااا
    ها من متى عنده ايبااد .. !؟
    انا للحين ما عندي
    تجتفت ع الكبت وقلت له :: ليش مآخذ لك ايباد ومب يايب لي واحد
    ما وعيت الا وهو يفر العباه ع جتفي ولبسته مال بسرعه وشليت الشيله وسحبني لبرع مال بسرعه وركبني للسياره جدام
    تفآجأت بالناااس المجتمعين فسيارته ورااااااااي
    تقولون عيد من كثرهم ..
    ..
    ..




    time’s up ..

    # شو احلى المواقف اللي عيبتكم فالهجزء .؟!
    # شو توقعاتكم للاجزاء اللي بعدها .؟!
    # منو احلى شخصية عندكم وليش .. ومنو اكره شخصيه وليش .؟!

    أسأل لكم ولي التوفيق ..

    وأنتظروني أنا .. و "خلود " هع هع في الجزء الثالث عشر
    """





    ارفع راس الخيانه بسكةالراحلين يسقط الحب و تعيش الخيانه آفترقناءوبتسم ذاگ القوادâ™،.
    twitter :@garishobh1

  4. #54
    مشرفه الصف التاسع
    الصورة الرمزية الكــرستالــهـ❤
    الحالة : الكــرستالــهـ❤ غير متواجد حالياً
    رقم العضوية : 138121
    تاريخ التسجيل : 09-01-15
    الدولة : ؛~‘UAE‘~؛
    الوظيفة : طـــالبه ،،
    الجنـس : انثـى
    المشاركات : 228
    التقييم : 19
    Array
    MY SMS:

    يَآ صـآآحبي لآ غـآآب مـنهو تـوده

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    كمليها ،،،،






  5. #55
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ترا هب حلوه بحقكم تحطون روايه ولا تكملونها






    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

  6. #56
    عضو فضي
    الصورة الرمزية Hamdan3
    الحالة : Hamdan3 غير متواجد حالياً
    رقم العضوية : 142680
    تاريخ التسجيل : 27-09-15
    الدولة : دولة الامارات العربية المتحدة
    الوظيفة : 111
    الجنـس : ذكـر
    المشاركات : 199
    التقييم : 10
    Array
    MY SMS:

    خلتني اندم على فراقك؟! سامحني قبل لحظة وفاتي

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    روعة وين التكملة ...





    .....

  7. #57
    عضو جديد
    الصورة الرمزية تاري الوطني
    الحالة : تاري الوطني غير متواجد حالياً
    رقم العضوية : 126045
    تاريخ التسجيل : 17-10-13
    الدولة : بنت في بلد الغرابه
    الوظيفة : انا الطالبه في مجموعة الطالبات متفوقة
    الجنـس : انثـى
    المشاركات : 24
    التقييم : 10
    Array
    MY SMS:

    انا عيشه بين حياة والموت واعز انسانه راحت عشن كدة انا بين الموت والحياة

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    وين باقي الروايه






  8. #58
    عضو فضي
    الصورة الرمزية Hamdan3
    الحالة : Hamdan3 غير متواجد حالياً
    رقم العضوية : 142680
    تاريخ التسجيل : 27-09-15
    الدولة : دولة الامارات العربية المتحدة
    الوظيفة : 111
    الجنـس : ذكـر
    المشاركات : 199
    التقييم : 10
    Array
    MY SMS:

    خلتني اندم على فراقك؟! سامحني قبل لحظة وفاتي

    افتراضي رد: رواية > كحيت كحه .. قالي صحه .. قلت ع قلبه .. رفع حاجبه فقلت له انته ..


    ممكن تكملة الرواية انتظر على احر من الجمر





    .....

صفحة 6 من 6 الأولىالأولى 123456

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. رواية انته اول انسان اعشقه في حياتي
    بواسطة wmw_753 في المنتدى قصص الحب و الرومانسية و الغرام و العشاق
    مشاركات: 29
    آخر مشاركة: 14-09-29, 02:56 PM
  3. رأيت فقيراً يبكي فقلت ما الخبر ؟
    بواسطة طيب الامارات في المنتدى معرض المواهب و الابداع Fair talent and creativity
    مشاركات: 12
    آخر مشاركة: 11-08-25, 10:18 AM
  4. بيبب جايبه شي سبب ازمه
    بواسطة ميرو146 في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 8
    آخر مشاركة: 11-07-25, 10:45 PM
  5. طلب بوربوينت حادثه الافك ^^
    بواسطة Eman Al Shamsi في المنتدى مادة التربية الاسلامية Islamic Education
    مشاركات: 0
    آخر مشاركة: 09-12-29, 04:23 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •