تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 6 الأولىالأولى 123456 الأخيرةالأخيرة
النتائج 11 إلى 20 من 58
  1. #11
    عضو نشيط
    الصورة الرمزية 7naya_alro07
    الحالة : 7naya_alro07 غير متواجد حالياً
    رقم العضوية : 139422
    تاريخ التسجيل : 24-02-15
    الدولة : الامارات
    الوظيفة : طالبة
    الجنـس : انثـى
    المشاركات : 34
    التقييم : 24
    Array
    MY SMS:

    أمشي على درب الهوى عكس قانونة`~$ ^_*

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الصراحة الرواية طرررررررررررررررر ونبغي التكملة









    بنت المزاريع

  2. #12
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 9

    ـــــــــــــــــــــــــ








    ***


    خلك معي يازين ياذرب الاطباع

    ابيك دايم ياحبيبي اقبالي

    تبي تشوف الحال وشلون تلتاع؟؟!!
    طنش ثلاث ايام وتشوف حاالي






    ***





    ----


    وليد يطالع الارض ويتنهد بضيق ،،


    وديمه : وليد لا تخبر حد ،


    وليد: كم صار لها؟


    وديمه : من زمان، تقريبا كلنا نعرف ، بس ما يعرفون ان النوبات اتيهاا حاده،


    وليد بنبرة مستفسرة : يعني الحين النوبات عندها بشكل مستمر؟


    وديمه : الصراحه ما ادري، اسوم بعد ما تحب ترمس عن مرضها،حتى لي ولميثوه ما تقول، بس اذكر قالت ان النوبات صارت اقوى عليها


    وليد تذكر انهاا الصبح ما رضت تاكل ألا عسب يدتها: ويحضرون لها اكل خاص ولا عادي؟


    وديمه استغربت: هيه اكل خاص. شعنه تسأل؟


    وليد : هي شو كلت عسب اتيها النوبة حادة بها الوقت ؟ وكم مرة اليوم يتها نوبة الربوا؟


    وديمه : شربت عصير بارد ، ضنتيه الصبح والحين،


    وليد بخاطره ايوا عسب جذه الصبح راحت بسرعه : وشعنه ما قالت ف المسشفى بدل ها المشكلة كلها؟


    وديمه : قلت لك هي ما تريد ترمس عن مرضها، يمكن تعتبر هذا ضعف،، وليد بلاك ع كل ها الاسئلة،،! و دخيلك لا تخبر حد ،وخصوصا اني انا الي قلت لك،


    وليد نش بيسير بيرقد : يصير خير


    وديمه: لا تستهبل انا ارمس جد


    وليد :إن شاء الله ،خلاص فكيني،


    وديمه بحزن وهي تطاالع وليد الي تضايج بالخبر: وليد جيف بترمس مع اسوم بعد اليوم؟


    وليد اطالعهاا بعتب : شعنه ما رمستي بالمسشفى او بالسيارة؟ شو كنتي ترقبيني اغلط عليها عسب ترمسين؟


    وديمه : شعنه ما تفهم؟اسوم ما تريد حد يعرف ،مستحيل اقولك يدامها طبعا،، وليد لو سمحت لا تلومني اكثر،


    ظهر وليد من غرفتها بدون ما يقول شي،، و وديمه تمت تأنب عمرها ؟ بالنهااية هي ما تريد تخسر صداقة اسوم بنت عمهاا وربيعتهاا ، وشرا اختهاا ..,يعني مستحيل تقوله واسوم ويااهم؟ وطبعا غلطت يوم قالت له، المفروض تستأذن من اسوم عسب تخبرة ،، بس وليد ضغط عليها الين خبرته،،



    ،،،،،،،،،



    الصبح ..


    خليفه يطالها سرحانه وما تاكل شي : اسوم


    رفعت عيونها له وابتسمت بألم : هلا


    خليفه ابتسم بحناان :بلاج؟


    اسوم بخاطرهاا اكيد ما شافني : ماشي،


    خليفه : عيل شعنه ما تاكلين؟


    اسوم: آكل ما عليك انت ،لايكون تخاف انقرض من اليوع وقبل كنت تقولي خفي من الاكل ،،


    خليفه :هههههه لا لا هب جذه ،،الا بتخبرج وينه ذياب؟


    ابتسمت اسوم بمكر : وينه ذياب ولا وينهاا حرم ذياب؟


    خليفه عقد حيااه: اسوووم عيب ها الجلام،وبعدين انا سألت عن اخويه،


    اسووم ابتسمت : احم اوكيه ذياب وحرمته البارحه طلعوا يتعشون وبعدهاا باتوا برع،،يعني يغيرون جو،، وانت وين كنت البارحه؟


    خليفه ما حزن بالعكس استانس لميثا يمكن تتغير نفسيتها عن البارحه ،،


    خليفه: رحت المول ويا بطي تعشينا وخذتنا السوالف،ورديت البيت دقيت عليج البااب بس شكلج رقدتي،،!


    اسوم برااحه لان خليفه ما قال شي :هيه رقدت ، اممم شرايك اليوم نظهر،يعني مثلنا مثل غيرنا،، انا من رديت ما ظهرت إلا البارحة ويا وديمه تقايس فستانهاا ،


    خليفه : الصراحه اليوم وااعد بطي نروح بوظبي ،يريد يخلص اغراض بيته ،عرسه باجي له يومين،،


    اسوم : امم خليفه البارحه رمست ويا ذياب عن موضوع ميثا، عصب وسوا سالفة ،ع فكرة هو يعرف بك، واناا الصراحه عسب ما تصير مشكلة امبينكم الفت قصه من عندي،


    خليفه رد باهتماام : شو قلتي له؟


    اسووم : قلت له خليفه نساا الميث من زماان وهو الحين يحب بنت ثانية ويريد يخطبها ،وكان بيرمسك عسب ترمس عمي بس ما لقا الوقت لانك كله مشغول،


    ابتسم خليفه : وهو بشو رد عليج؟ وشيخص عمي!


    اسوم : ما توقعت ردت فعله عصب زياده،وقال رخص وديمه ومشيناها ، والحين بيعرس من برع بعد،،ورشح فطيم،، بس اناا الصراحه ما اريدك تاخذ فطيم، ،،فطيم ما تنااسبك ابد،وانت ما بتتحمل اسلوبها وتصرفاتهاا ،وشرحت لذيااب عنهاا بس هو معند يريد يرمسك عنهاا،


    خليفه:ههههه كفوا ختيه حبيبتي،، الا بتخبرج انتي ينيه شو؟ انا صحيح بخطب اخت بطي ،وكلمته وقالي تعاال اخطب امرره


    اسووم وكأن حد صب عليها مااي باارد فطيم وتخلصتي منهاا،، بس منال جيف بتسوين عسب تتخلصين منها!!!


    اسوم: انت تقصد منال!


    خليفه: ما اعرف اسمهاا ،بس اعتقد هي لان بطي ما عنده غير اخت وحده


    اسوم بحدة : انا ما اريدك تاخذ منال؟


    استغرب خليفه منهاا ومن تغير لهجتهاا فجأه: وشعنه لا؟ انتي شايفه شي عليها؟


    اسوم: الله يستر عليهاا، وخلاص صكر الموضوع لانك ما بتخطبها


    خليفه: نعم ختيه؟ اسماا صحيح انا آخذ رايج بمواضيع وايد ،واكيد تعرفين البنات اكثر عني،، بس انا من حقي اعرف بلاها البنت؟ شو فيها عسب ترفضينها جذه؟


    اسووم: ان ييت للحق فطيم اخيرر عنهاا بوايد،واصلا وما تنحط وياها بكفه ،


    خليفه: ارمسي عدل، بلاها اخت بطي؟


    اسووم: انا ما اريد ارمس عن الناس، لو سمحت خليفه غير الموضوع، ولا اقولك اصلا اناا بروح ليدوه،من رخصتك


    نشت اسووم ، بتسير وخليفه مصر يريد يعرف سبب الرافض القاطع وما تريد تناقش بعد!!!!


    ،،،


    ف بيت اليده ،، خبرتها الشغاله ان اليده راحت مع حرمة عمها بوعبدالعزيز ،لييرانهم،، اتصلت بوديمه ،وعرفت انها تعبانه ، وتريد تروح لها وما تريد تشوف وليد!!


    السااعه صارت 11 وربع اكيد الي ما يتسما بدوام،،اسوم ترمس عمرهاا وهي متوجهه لبيت عمهاا ،،


    دقت الجرس فتحت الشغاله ،


    اسوم: وين مدام؟


    الشغاله: داكل صاله


    اسوم: اوكيه وين وديمه؟


    الشغاله: ف غورفة فوق


    اسوم: اوكيه انا بروح لهاا


    دخلت اسوم سلمت ع حرمة عمهاا وترخصت تطلع فوق لوديمه،،دخلت الا الغرفة باارده امرره،،


    اسووم: السلام عليكم ،صبااح الخير ،


    وديمه تعباان: وعليكم السلام،صبااح النور، تعاالي حيااج


    اسووم توجهت لستاره وفتحتهاا وبندت المكيف : الله يهدااج شو ها الغرفة باردة ثلج،،


    وديمه: وااي اسووم رااسي بينفجر من الوييع،،احسني دايخه،،


    اسوم: نشي نشي اكيد من البارحه هب ماكلة شي


    وديمه: هيه والله اني بموت من اليووع،،بس مالي نفس احس الوييع ذبحني


    اسووم: نشي غسلي وبننزل تتريقين، يالله ياا الكسلانه ،النااس الحين يتغدون


    نشت وديمه بكسل متوجه للحمام –عزكم الله – غسلت وبدلت ثيابها ،،


    وديمه: ها شو رايج شكلي اوكيه مرتب؟


    اسوم باستهبال : امم هيه،بس شعنه تسألين يعني الي يقول بتجابلين ريلج؟


    وديمه: صخي لاا، ترا ها وليد كل مره ينقم وينقد عليه يدام اميه وابويه،،


    اسوم تحاول تكون هادية: وها اخوج لايكون اهنا.؟


    وديمه انتبهت الحين: اا ها لا سار الدوام اعتقد


    اسوم لاحظت ارتباكهاا ،،


    وديمه ردت قاالت: اسووم اسمحي لي الباارحه والله ما كان قصدي شي،، وحتى وليد ما يقصد شي،بس هو تروع ان طالعين بوقت متأخر وف المستشفى اكيد بيحاتي،،


    اسوم بنبرة حده: صكري الموضوع انتي مسموحه بس اذا ع اخوج لا طبعا هب اناا الي يمشي رايه عليه ، بس لايكون خبرتيه؟


    وديمه رااحت فيهاا : لا لا طبعاا ،يعني انا طول الطريج ساكته الحين بقوله مثلا ،لا اصلا اذا تريدين انتي بتخبرينه


    اسوم ماا فاتتها ربكة وتوتر وديمه ،بس حااولت تصدق،،


    نزلن تحت ،سمعن ام سيف ترمس حد ،،


    ............... حاط راسهاا ف حيرهاا : تعباان اماايه احس عمري ميهود


    ام سيف تمسح ع شهره برقه :فديتك يا الغالي ولد الغااليه ،شعنه ما رحت الدختر وانت تعبان جذه،


    ...............: اناا اعرف علتي


    ع الدري عند اسوم ووديمه،،


    اسوم: بظهر من الباب الي صوب المطبخ،


    وديمه: اسوم عاد لاتصيرين جاسية سامحيه،


    اسوم بعدم اهتماام بلي قالته وديمه: انتي انزلي تريقي ،يالله برايج اناا بروح،


    وديمه: يعني جذه ولا جذه بتنزلين يدامهم

    اسوم: لا هم عاطين ظهرهم لدري،
    وديمه: اسوم ،،صبري اسووم
    اسوم ردت لها: صخي لا تقولين اسمي، ان زقرتيني ماا اطب بيتكم

    وديمه صخت : انزين ،امم بس يعني لين متى؟


    اسوم: ما يهمني، اصلا الي كان بيناا سلام والحين خلنا نقطع ها السلام بعد يكون احسن،لان في ناس ما ينعطون وييهه


    وديمه: حرام عليج وليد ما يستاهل، انزين سلمي واظهري،، راسي ياالمني وانتي امره ماا تراعيني


    اسوم :انتي شخصج؟ روحي تريقي وخذي لج بندول،واناا بروح،،


    وديمه : انزين، مع السلامه،ترا حتى انا خلاص ما بيي بيتكم


    اسووم: احسن ،بيباااي


    نزلت اسوم وراها وديمه،، متجهين للمطبخ ،،


    اسوم: شعنه يايه وراي؟


    وديمه مبتسمه : شو بروح المطبخ باكل


    اسوم: اوكيه،،


    رن فونهاا والي متصل حمدان ×.× ،،


    وديمه: منو يتصل عليج؟


    اسوم تستهبل : يا ربي منج ومن فضولج، كيفي حبيبي متصل،


    وديمه بصوت عالي تدري بها تستهبل: اووه اسووم صاار عندج حبيب بعد، عيل ماا بشرتيناا منو رااعي الحظ السعيد!


    .......... : هاي الي ادافعين عنها البارحة؟


    صدوا لصوت ،انصدموا من وجوده،، من ويهه وعيونه الي وااضح عليها االسهر والتعب ،عيونه محمره وجفوونه مسوده ،،كيفي اعبر عن شكل الشخصية خخخ،،،


    وديمه: وليد بلاك جذه تعبان؟


    وليد تجدم من اسما : عطيني الفون


    اسوم فتحت باب المطبخ وبتطلع،، لولا ان وليد قبض ايدهاا وسحبهاا داخل المطبخ،،


    وليد باستهزاء : طلعي الفون بنرد ع حبيبج بنعتذر له ع التأخير،


    اسوم منقهره منه : منو انت؟ ابوي ولا اخوي؟ ولا مسؤول عني؟ فج ايدي عن ازقر عموه تعرف جيف تتعامل مع اشكالك


    وديمه: وليد انت شو تسوي فج ايدهاا،وبعدين هي اصلا ما..


    قاطعتها اسوم: وديمه لا تبررين شي،الي يريد يفهمه خليه يفهمه،،فج ايدي


    وديمه دخلت امبينهم وفجت ايد اسوم: وليد خلاص فجهاا


    وليد انقهر منهاا ،،وظهرت اسوم متوجه لبيتهم والتقت عبدالعزيز ولد عمهاا واول مره تسلم وترمس ويااه،،حتى عبدالعزيز ووديمه استغربوا ولا عمرها رمسة وياه الا سلام وتروح،، وديمه ووليد يطالعونهاا من دريشة المطبخ،، ظهر وليد وراهاا،،


    وديمه: وليد دخيلك تعاال ماا نريد فضاايح ،، يا ويلي بننفضح اليوم


    هيهات خلاص ظهر وليد وسلم ع عبدالعزيز ،القصد يريد يسمع شو كانت تقوله اسوم؟؟،بس اسوم راحت بيتهم وهو تم يرمس ويا عبدالعزيز،،



    ،،،،،،،،،،،،



    حمدان كان يتصل ع اسوم،، ويرقبهاا ترد ،، بس ماشي رد ،مكالمة واثنين وثلاث وعشر،،!!!! وهي ما ردت !!’’’’


    دخلت البيت وهي بتنفجر بأي شخص اي صوبهاا،،الحمدلله محد ف البيت وخليفه ظهر قبل لا ترد،،


    اسووم: داات ,,,,,,,دااات يبي لي مااي


    دات (الشغاله )كانت تطالعها هب فاهمه شي من صراخ اسوم!!


    اسووم: سيري ييبي وااتر وااتر ما تعرفين شو يعني ووتر!


    ساارت الشغااله تركض تيب مااي،،


    اسوم ترمس عمرهاا وتطالع الفوون : وهاا الزفت ماا حلا له يدق الا الحين!! اووف ياا لوعت الجبد


    شربت المااي،، وهدت اشوي وساارت غرفتهاا أادق ع الي ماا يتسمى ع قولتهاا ×.×


    اسوم: نعم؟


    حمدان بنبرة حاده : الناس يسلمون، شعنه ما تردين؟


    اسوم كانت تطالع من البلكونه وديمه ووليد يالسين ويا بعض :يسلمون للي يستاهلون السلام، شو تريد؟


    حمدان بهدوء: اليوم تعاالي الشركة عسب تكملين تدريب،


    اسوم :عفوا شو قلت؟.


    حمدان: سمعتيني،


    انقطع الخط ،واسوم تطالع الفون،،ردت تتصل مغلق!!!!فرت الفون ع الشبرية ويلست عن البلكونه تطالع الحديقة من فوق،، بخاطرهاا شو يصير بحياتي ! من رديت و كل يوم مشكلة!


    قطع تفكيرها رنة فونهاا ،، المتصلة وديمه!!


    اسوم بصوتها تعب : هلا


    وديمه: اسوم تعالي عند الكراسي الي بالحديقة برع


    وبعدها تتطالع من البلكونه وليد يالس حذالها : شعنه؟


    وديمه: بنيلس نسولف،


    اسوم كانت ترمس وعيونهاا عليهم: الجو برع حر، تعالي داخل


    وديمه: يالله عليج ،اصلا الجو برد، ابرد عن قبل،يالله عن المصاخه ،انزلي


    اسوم: والي يالس وياج ما يسدج؟


    وديمه اتلفت حولها: اسوم يا الينية وينج؟


    اسوم:ههههه اسميج خبله ،يعني اكيد ف غرفتي ولا جيف بشوفكم، وعن ها الحركات مرة ثانية ،يالله برايج اذن الظهر،بسير اصلي


    وديمه بيأس: اوكيه ،باي


    وليد:شو ؟


    وديمه: اصلا شافتنا هي ف غرفتها، يالله انا بسير اصلي،


    وليد بحزن : برايج ،وانا بسير ،فمان الله



    ،،،،،،


    ف بيت اهل بطي ..


    بطي خبر امه ترمس منال ان ريال متقدم لهاا !! وبعد كم يوم ،مع انها ما فكرت بس ابدت موافقتها تريد تغاايض بحمدان!!


    منال بيأس بعد ما سمعت ان حمدان مرخصنهاا امره ويتمنا لها التوفيج :اناا موافقة


    ام بطي: ربي يسعدج ي بنتي ،واشوفج مرتاحه


    وطلعت امهاا


    منال ابتسمت وتحس بغصة ، بأي لحظه بتصيح،،لهدرجة رخيصه بعينك يا حمدان؟ يعني خلاص ماا تريدني!! انا موافقة اكيد بوافق دامك بعتني ،، الله يساامحك وإن شاء الله انسااك وانسى كل شي صار كل شي................


    بطي دق الباب ودخل لقاها تصيح : منال شعنه تصيحين؟


    منال مسحت دموعها واعتدلت بيلستها: ماشي ،،بس يعني ما اريد اخلي اميه


    بطي ابتسم بود: وانا وين رحت؟ الغالية ما بتم روحهاا ،وانا وحرمتي بنبسط اهناا،ما عليج انتي،،


    منال سكتت بعد ما شافت الفرحه بعيون بطي،، وقبل بعيون امهاا ،ابتسمت عسب تبعد كل حزن وكل ذكرى حقيرة عاشتها مع حمدان !!




    ،،،،،،،،،


    اليوم عرس بطي و وديمه ،،


    ــ


    ف بيت بوذياب،،


    الحمدلله ردو ذياب والميث البارحة يعني قبل يوم من العرس،،اسوم كانت يالسه وياا الميث ،،


    اسوم: هاا ميثووه اشووفج من رديتي مستاانسة وشااقة الحلج،شو صاار؟


    الميث بحياا : وييه اسووم عااد ما يخصج اسرار زوجية،،


    ابتسمت اسوم براحه واضح ع الميث انها مستانسة وحتى اخوها ذياب : الله يسعدكم دوم


    الميث:آمين،، يالله بسرعه تزهبي ،لان بنسير الفندق بتيناا الماكيرة ،متفقه وياها ع الساع ثلاث ،، وحريم خواني ما ضنتيه وصلن الفندق


    اسوم: مخلصه اصلا،، بس ارقبج، ويا منو بنسير؟


    الميث : بنسير ويا وليد


    اسوم: منو؟ كلكم؟


    الميث: انا وانتي وودوم، بلاج؟


    اسوم ببرود تحته عصبية مكتومه:بس وديمه ما قالت لي؟


    الميث: وديمه ما تعرف،،تعرفين خوانج ،ذيااب عنده شغل،، واكيد خليفه ما بيخل ربيعه روحه ،فخبروا وليد يوصلناا، قبل اشوي خبرني ذياب،


    اسوم: واخوانج سيف وسلطان؟ وعيال عمي عبدالعزيز وأحمد؟


    صخت اسوم وهي تذكر احمد !! والحمدلله الميث ماا علقت ،،


    الميث: عند حريمهم وعيالهم، وعبدالعزيز ما ادري به واحمد بيشل الحريم ووياهم فطيم،ويدوه ضنتيه بعد، وماا اعتقد انج بتروحين وياا احمد


    اسوم: انا بسير وياهم


    الميث تفاجأة معقولة : اسوم بلاج؟ اصلا هم بيحضرون قبل المغرب بشوي، ونحن لازم الحين نسير،


    اسوم: اوكيه بسير ويا الدريول والشغاله ،ما اريد اسير ويا اخوج


    الميث اغتاضت : وشعنه يعني؟بلاه اخويه هب عايبنج؟


    اسوم حااولت تهدي: هيه هب عايبني، يلوع بجبدي


    الميث: اسوم احترمي نفسج عاد،شعنه ترمسين عن وليد جذه؟


    اسوم ببرود غريب حل عليها : ما اريد اتناقش بها الموضوع،


    مشت اسوم مخليه الميث مستغربة من تصرفاتها ورمستهاا! دقت ع وديمه تخبرهااا،،،اشوي ووديمه ويااهم،،


    الميث: بلاها اسوم شعنه ما تريد تروح ويا وليد؟


    وديمه: متضاربين، وانتي اصلا شعنه ما سألتيني سايرة مخبرة وليد،؟


    الميث: ذياب مخبرنه، لانه ظهر له شغل ضروري، وشعنه متضاربين؟ ما اذكر وليد يضارب؟ واصلا هم من متى يحتكون ببعض؟


    حكت وديمه السالفة كلهاا للميث،،


    الميث: وها الحقير حمدان شو كان يريد؟ انا نسيت ما سألتكن،


    وديمه: علمي علمج،لين الحين ما لقيت فرصه اسألها بسبب الي صار بينها وبين وليد،،


    الميث: الله يهداه وليد بلاه ؟ما اذكره عصبي،


    وديمه: يعني ما تعرفين الي يوقف يدام اسوم يصير نار من العصبية بسبت برودتهاا، الحين شو نسوي؟


    الميث:خلاص انتي وهي سيروا ويا الدريول وانا بسير ويا وليد،


    وديمه: زين ، يالله عليكن انا عروس وتسون مصيبة ف عرسي،،


    الميث: صخي خليني ارمس وليد، ...الو هلا وليد وينك؟,,,,,,,,,,,,,,,,,,,,,,,هيه جاهزين,,,,,,,,,,,,,اوكيه بنرقبك,,,,,,,,,,,,,,,,,,,,,, لا تتأخر,,,,,,,,,,,,,,,,,,,,,,,,,,,,,,,,,,,,,,,, فمان الله


    وديمه:شو قال؟


    الميث : يقول بيخلص وبيي


    وديمه: اوكيه عيل بسير بحط اغراضي


    الميث: خلي الشغالات يساعدنج


    وديمه هي وظاهره : إن شاء الله








    Twitter:NoOshii__

  3. #13
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    ،،،



    عند الدريول وليد ينفذ رمسة ذياب ،، يطرش مع كريم الاغراض، ومنهاا اغراض وديمه،، وراح القااعه،،


    وديمه: شعنه خليته يروح؟


    وليد : شو تريدنيه؟ خلاص شل اغراضج،


    وديمه: انا واسوم بنسير وياه


    وليد بتعب : وديمه يرحم والديج فكيني من الصدعه، اذا ما تريد تروح خلهاا ترقبه يرد ياخذها بعد ساعه


    وديمه: انزين كلنا عيل بنسير وياه،شكلك تعبان وهب راقد من كم يوم،ارقد ساعتين وبعدين تعاال


    وليد: لا ما فيني شي،خلصيني ازقري ميثا بنسير،


    وديمه: اوكيه


    دقت عليها ما ردت ،اضطرت تروح لها بنفسهاا ،،وصلت شافتهاا يالسه ف الصاله،


    وديمه: لا والله ادق عليج ما تردين وياالسه متفيزره اهنا


    الميث: فوني بالشاحن،


    وديمه:يالله يا الاميرة بنروح،تاخرنا ع وليد


    الميث: واسوم ما بتسيرين ويانا؟


    وديمه: كريم شل الاغراض وراح،وهي لازم تسير ويانا،،او ترقب كريم يرد عاد ع سواقة كريم ،بعد ساعه،


    الميث: لالا ما بروح وبخليها،، محد ف الفلل ،مستحيل اخليها روحهاا،كلهم ف الفندق محد تم اهنا غيرنا،،


    وديمه: انزين انا بزقرهاا


    راحت وديمه تقنع اسوم تروح ويااهم،،لكن هيهات هيهات!! بتسمع منو!!


    اسوم:خلاص روحي هب رايحه، ودووم روحي تراج بتتأخرين


    وديمه:ما بسير الين تروحين ويانا،وخلي بطي يدعي عليج لان بظهر له بكشتي وما بتعدل،،


    اسوم انفجرت ضحك:ههههههههههههههه يعلج شو كشه! نشي انجلعي ،اصلا انا قايله ما بحضر عرسج،شوفي سبحان الله مكتوب اني ما احضر


    وديمه: حرام عليج اسوم يعني رديتي من فرنسا عسب تحضرين والحين عسبت سبب تافه ما تريدين اتيين؟


    اسوم : ما اروم


    وديمه: انا مالي خاطر وياج؟ يالله عاد لا تنكدين عليه فرحتي،


    كانت ماسكة فونها : لحظه بتصل ع خليفه بيشلني


    وديمه: بس خليفه مستحيل يخلي بطي روحه واييج


    اسوم:بعدها الساع 2 شو بيسوي وياه من الحين؟


    بعد انتهاء المكالمة عرفنا ان خليفه ما بيشلها -.-


    صارخت الميث من تحت: يالله تراا وليد بيسير وبيخليناا


    اسوم: ودوم خلاص فكيني سيري


    صااحت وديمه ع سبيل الضغط ع اسوم: حراام عليكم انا روحي مضغوطه وانتوا كل واحد يتضارب من صوب ولا بعد طايحني فكينا وفكينا،خلاص اصلا بتفتكون مني اليوم وبترتاحون مني


    اسووم: اووهوو ودووم عااد عن المصاخه،انا ما اقصد اضغط عليج،لكن ي ختيه ما اريد اروح وياا اخوج هب غصب،،


    وديمه دموعهاا تطيح وهي تمسح حنفية هب عيون خخخ ما شاء الله :يعني ما بتحضرين عرسي؟


    اسووم:بحضر طبعاا،بس بسير مع اي حد غير اخوج،،يالله تعاالي بنزل وياج بشوف منو تم بروح ويااه


    نزلت وياهاا والميث تتحرطم عليهن،، طرشت الشغاله بيت عمها بوعبدالعزيز تشوف اذا عبدالعزيز او احمد بعدهم ما طلعوا،اذا في حد تخبره يرقبهاا،


    اسوم:خلاص روحي ميثوه عن تتاخرون،


    الميث: لا فديتج ما اروم اخليج روحج ،محد ف البيت وبتشوفين ان محد اهناك بعد،


    دقايق ويت الشغاله: سير ابدوالئزيز فيه.


    اسوم ابتسمت وهي تطالع الميث ووديمه ،،


    وديمه: لايكون بتسيرين وياه؟


    اسوم: هيه وليش لا؟


    الميث: رووحج؟


    اسوم: لا باخذ الشغاله ويايه، يالله توكلن


    كل وحده لبست عباتهاا،، وطلعن سواا ،، وليد كان طاالع من البيت بعد سلم ع عبدالعزيز ، وصعد السياره،


    وليد: وينها بنت عمكن ؟


    الميث: بتسير ويا عبدالعزيز


    وليد صد بعصبية : نعم؟ بتسير روحها وياه؟


    الميث:لا طبعا وياهم الشغاله،


    وليد : وديمه انزلي روحي وياهم،


    وديمه: شعنه؟ اصلا اسوم ما ينخاف عليها،


    وليد بعصبية :قلت لج انزلي ،ناقصين تتكرر سالفتهاا بعد


    تاففت وديمه ونزلت صعدت سيارة عبدالعزيز،،


    اسوم:شعنه ييتي؟


    وديمه:أوامر الحكومه


    عبدالعزيز صعد السيارة : حيا الله العروس،


    وديمه:الله يحيك،، عاد لها الشرف سيارتك ان العروس فيها


    عبدالعزيز:اسمعوا مصدقه عمرهاا الخسفه


    وديمه:خسفه حرمتك


    عبدالعزيز عدل المنظره يطاالعهن ورا: احم احم الحرمة حذالج تراها،خسفة تشوفينها!


    اسوم: عن السخافه


    ابتسم عبدالعزيز: سحبناا الرمسه،ولا تزعلين


    وديمه: اونك تسوي عمرك رومنسي وحركات افلام ؟


    عبدالعزيز ينغز بالرمسه: شو اسوي امثل ع عمريه، يمكن احس بالسعاده


    اما سيارة وليد ،الوضع متكهرب،، امرره ما رمس وهو يتبع سيارة عبدالعزيز ، ما ضيعه،، والميث مستغربة من تصرفاته؟!!



    ،،،،،،،،،،،


    الساعات الاخيرة من ليلة وديمه وبطي ،،


    ياالسه برقة وخجل ، والحريم يسلمن ويبااركن لهاا ،وديمه كاانت جميلة ما شاء الله ،، الميث وفطيم بعد راقيات وموفقات ف اختيار الفساتين ، ظهرن انيقاات،، نجمة العرس اسووم ،فتنه ما شاء الله عليهاا ،عيون الضيوف عليها يمكن لانهاا تغيرت حيل ،صاارت احلى وبرز جمالها اكثر!! الله اعلم..


    بعد ما خلصوا تصوير ،الاهل سلموا ع المعاريس ،الميث صااحت الين انمسح الميكب كله -.- واسووم تهزبهاا،شعنه تصيحين؟بتصيحينهاا ويااج؟ووووو


    الميث:واايد بتوله عليهاا ،،


    اسووم: بس خلاص راح الميكب كله،خسااره ماا شافج ذياب ،،


    الميث مسحت دموعهاا وكيلو الميكب كله : انت ما همج الا الميكب


    اسوم: تعرفين ان وديمه تهمني، وبعدين هي ما بتهاجر ؟ الا عرست ،وإن شاء الله بتزوناا،يعني اكيد بتعسكر ويانا


    الميث: اسووم بليز خلينا نروح هب متحمله ايلس اكثر


    اسوم: دقي ع ذياب ،انا بسير وياكم بعد،يعني الحين الساعه صارت 12 مستحيل ارد ويا الدريول بروحي،عاد اسمحولي بخرب عليكم


    الميث ضربتها ع الخفيف:عن المصاخه انزين،يالله خلينا نسير


    دقت ع ذياب وقالهاا يظهرن ،،لبسن عبيهن ،



    وهن يمشن اسوم كانت تطاالع شمه حرمة سيف : ما شاء الله عليهاا شمه واايد تعبت ف العرس مع ان عياالهاا مأذينهاا



    الميث : هيه والله ،،الله يعينهاا



    اسووم: عيل وينهاا مديه؟


    الميث: مديه حامل ،سارت ترتاح فوق



    اسوم: ما شاء الله ،ومن كم ؟


    ابتسمت الميث: بعدها بالشهر الرابع ضنتيه،


    اسوم: الله يسهل عليها،، وعقباالج تحملين وتيبين لاخوي ولد ولا بنووته حلوه شرااتج


    الميث: آمين، وبسج من تلوميني،تعالي اعتقد ذياب ذاك الصوب،،


    ضحكت اسووم ع وييه الميث الي احمر من المستحاا ،



    ،،،،،


    صوب وديمه وبطي،،


    ف احد افخم اجنحة الفندق،مخصصه للعرسان اليداد،، مجهزينها من كل شي،، راقية بكل شي من الديكور والاضائه والين الروائح العطر والورود المنثوره ،، وطاولة العشاا الذيذه ،، اهم شي الاكل ^^ خخ


    وديمه غيرت الفستان ،وسبحت ،لبست فستان شيفونبلون الليلكي بسيط ،، وبطي بعده يرمس ويا خليفه -.-


    اول ما دخل هي كانت تحط ميكب خفيف،، وتعدل شعرهااا،،


    بطي يلس ف الصاله وحط غطرته وعقاله والبشت الكشخه ع صوب ،،تنهد من مرت عليه ذكرى وديمه ووليد -.-


    المسكينه يالسه ف الغرفة ،ومتروعه من ردت فعله ،من ذاك اليوم وهي رافضه تطلع له اذا زارهم ،،


    بخاطرهاا بموت من اليوع وهو متفيزر ف الصاله ،حتى ما قالي تعالي تعشي،، ياا ربي احس بيغمى عليه ،، شربت مااي الين حست ان بطنها بينضح من الماا،، هههههههه اسميهاا ودووم خبله ،،


    واخيرا دخل الغرفة اطالعهاا خطف من حذالهاا ظهر له ثياب وراح يسبح بدون ما يقول لهاا شي ،، انقهرت ودوم منه ،حتى انه ما سلم !! بعد ما طلع خذ مخده ولحاف وتوجهه لصاله ،،انسدح ع الكنبة ورقد،،ووديمه بتصيح من تصرفاته ولا كأنها موجوده ! حست انهاا طاولة او كرسي ! يمكن مزهرية ارحم من ان نوصفها بشي ثاني!


    نشت وساارت صوبه ،مغمض عيونه الرياال خلاص بيرقد،ولا يمكن رقد تتسائل وهي وااقفه ع طرف الكنبة تطالعه باستغراب،، ملامح وييه وشعره ،يمكن من طول الدقايق الي وقفتها حست ان ملامحه انطبعت بمخهاا!! اعتقد هب دقاايق سااعاات، الا الدقايق مرت بسرعه ،يوم شافت عيونه تنفتح ويطالعهاا بحده،


    بطي: بلاج؟


    هب وقت هذا السؤال ابدا،، للحظه حست ان هذا هب عرسهاا،يمكن تتخيل! لالا اكيد في شي غلط؟ عيل هاي تصرفات ريال معرس وقبل اشوي مستانس وشاق الضحكه ف القاعه، وعند التصوير،ويدام اهلهاا وهو يوصونه عليهاا ،،


    كل هذا تمثيل؟




    ،،،،،،،،


    جيف بيتعامل بطي وياا وديمه!


    ارقبوني بالجزء 10 !!


    ودُمتم بخير ,الروايه,






    Twitter:NoOshii__

  4. #14
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 10







    ـــــــــــــــــــــــــ




    ***


    مدري أنا إللي صح ومـخـطي زماني .!
    وإلا |[ الخطا مني ]| وزماني هو الصـح ...!
    تتغيـر الدنيـا وأنـا فـي مـكـانـي
    ماغير أنا |[ وحدي ]| والأهـات والجـرح
    ماأعرف أبدل داخلي بشـخـص ثانـي
    وما أعرف أغير طيبتي و طبعي السمح



    ***


    ................................




    بطي: بلاج؟


    هب وقت هذا السؤال ابدا،، للحظه حست ان هذا هب عرسهاا،يمكن تتخيل! لالا اكيد في شي غلط؟ عيل هاي تصرفات ريال معرس وقبل اشوي مستانس وشاق الضحكه ف القاعه، وعند التصوير،ويدام اهلهاا وهو يوصونه عليهاا ،،كل هذا تمثيل؟


    وديمه تراجعت عن هاي الرمسه وسألت بوضوح : ما بتتعشا؟


    خاب ضنه يمكن ضن بتسأل شي ثاني او يمكن ترمسه عن شي غير،،


    بطي ببرود: لا عليج بالعاافية


    عطااهاا ظهره ،ووديمه تحااول تستوعب الي يصير ،هب مصدقه ان هذا بطي؟ معقوله تغير؟ ولا بعد يمثل عليه! حتى العشاا عاافته من بعد التصرفات والمعامله الي من بطي ،بدل ما هي تعلن الحرب عليه جلب كل شي عليها؟ وهو الي بيعاتبها!!،دخلت الغرفه وحااولت ترقد،،عل وعسى ماا يجافيهاا الرقااد..




    ،،،،،،،،،



    الصبح ف مكتب حمدان,,


    حمدان مندمج بالاوراق وحاط نظارة يقرا : اتصلتي ف قسم التدريب ؟


    ام ياسر: هيه نعم


    حمدان : ومتى بداوم المتدربة ؟


    ام ياسر: بس هم ما ياهم اي اتصال من الكلية، كل الي عندنا متدربات من الجامعه بس،


    حمدان حط النظارة : خلاص اظهري ،


    ظهرت ام ياسر وبعدهاا مستغربة من حمدان،، معصب وتصرفاته غريبة،ا ا ا قصدي الاستاذ حمدان -.- اكيد معصب البارحة كان عرس ولد عمه وهب راقد عدل ومن الصبح مدااوم خخ،،


    بعد ما ظهرت السكرتيرة،حمدان دق ع اسووم،،


    اسوم كاانت رااقده الباارحه سهراانه ،ومنهد حيلها من التعب -.- الفوون زعجهاا ازعااج ،،وبالاخير نشت بترد ،، ومن العصبية انقهر من الصبح يدقدق شو عنده!


    اسوم صوتهاا منتهية من الرقااد : الوو نعم شوو؟ انت شعندك من الصبح؟


    حمداان بعد الفون من اذنه يتأكد هذا رقمهاا يعني هذا صوتهاا يخرب بيتهاا الدبه عليهاا بحة صووت خياال، انتبه ورد بصوت حاد: هلا بالشيخه، اشوفج ما شرفتي الشركة بحضورج البهي،


    اسوم بخاطرها تسبة : لا بالله انت صاحي؟ متصل عليه من صباح الله وتقولي شركة؟ وتدريب ف شركتك ما بتدرب،، ارقد واحلم فيني ،،انجلع


    قطعت الاتصاال وحمداان بدال لا يعصب ضحك ،الاخت رااقده واناا ازعجتهاا تستااهل ،يعني انا انش وهي ترقد ،، ورد يتصل انغلق الفوون !!!!!


    من جهة ثاانية ....


    حااولت اسووم ترقد بس خلاص رااح الرقااد ،بسبب الي ما يتسماا !!اخييج الحين من وين اييب رقااد ،يعلك السم ي ال,,, استغفر الله ،، ردت فتحت فونهاا ،ووصلها مسج ،


    فجت عيوونهاا ع وسعهن ،، تتأكد من الي تتطالعه ،،هيه هذه اناا!!بس متى! وكيف؟ هيه انا انا! ياا ربي ،، ركضت الحمام –عزكم الله- تتغسل وردت تشوف الفون!!!!!!!!!!!!!!! الحين اتذكرت يوم كانت ف المول وطاحت وبعدين ف سيارته!! كل الاحدااث تمر بذاكرتهاا بشكل سريع،،


    ردت اتصلت عليه وهي بتخنق من الغصة: انت شو نوعك من البشر؟ هذا اذا كنت من البشر ؟ضنتية الحيوان اكرم منك


    حمدان: عيب ي مدام ها الجلام، المهم متى بتردين تدربين؟


    اسوم : انا هب مدام ، وقلت لك ما بتدرب ف شركتك،


    حمدان بنبرة تطنز: قريب إن شاء الله، عيل نسوي لج شركة روحج؟بتاخذين راحتج وبتدربين شو الراي.؟


    اسوم حست بنغزة بكلامه: ما اريد اكمل تدريب ولا اتخرج ،جيه انا مرتاحه


    حمدان: اسمعيني اتين اليوم انا وايد سكتت عن الموضوع ، ولا انتي هب كفو حد يعاملج بالين،،


    اسوم تفكر بحل سريع يخلصها من ها المصيبة واي لين ي حمدان: واذا ما ييت؟


    حمدان بتحدي: ساعتهاا ياا زين صورج يوم بتكون ب فونات خوانج


    اسوم غمضت عيونهاا بتعب: واذا الكلية ما خلوني اكمل؟ يعني تدري اربع شهور وايد اكيد بيخلوني اعيد الكورس


    حمدان: افاا بنت احمد ما تروم تكمل،؟ بكلمة من ذياب بيخلونج،الا اذا تريدين انا اكلمهم ما عندي مانع اعين واعااون


    اغتااضت اسوم من صوته ووقاحته : ما اريد منك شي، بخلص الموضوع من الكلية وبعدهاا بحضر لتدريب،من الحين لساعتها ما اريد اشوف رقمك ع شاشة فوني فاهم؟


    ابتسم : اليوم عندج ساعه تحضرين الشركة،،موضوع الكلية خلصته والحين تقدرين تدربين، لا تتاخرين بعد ساعه ما تدرين شو بيستوي! بيباي.


    اسوم كانت واقفه تطالع الفون انقطع الخط وهي بعدهاا تطالع،قال ساعه؟ ساعه؟ بسرعة دقت ع الكلية قسم شؤون الطالبات، وسألت وصحيح مكلمينهم وعندهم علم بأنها تدرب،،انتهت المكاالمة و يلست اسوم تحس انه ياالس يلعب بحياتهاا ،،متى دخل حياتي؟ شعنه يسوي كل ها؟


    يااا دوب بدلت وكشخة ببساطه ،إن شاء الله ماا اتعب ،،نزلت ما لقت حد اكيد خليفه راقد،، والميث وذياب راقدين،، ذياب! لازم اتصل به اخبره،،


    اتصلت عليه الحمدلله هو ناش وساير الشركة : الوو هلا الغالية،صبحج الله بالخير


    اسوم: هلا بك،، صباح النور والسرور ،اشحالك؟


    ذياب: الحمدلله بخير،، شو الطاري ناشة من وقت بعد سهر البارحه؟


    اسوم: اا هيه عسب جيه متصله،اناا كلمت الكلية عسب اكمل تدريب واتخرج، واليوم إن شاء الله بسير الشركة عسب اكمل التدريب،ف اخبرك يعني


    ذياب ابتسم واخيرا : ما شاء الله عليج مستعيله تريدين الشهاده،ولا عسب تشتغلين؟


    اسوم ابتسمت بمرارة : اكيد اريد الشهادة، خلاص برايك اكيد انك مشغول


    ذياب: عاد شدي حيلج،،،ربي يوفقج ،


    اسوم:إن شاء الله ،آمين ،فمان الله


    انتهت المكالمة واسووم تدعي ع حمداان ،انحطت بمواقف محرجه بسبته اول شي مع الكلية والمسؤوله الي تهنيهاا ان عندهاا ريل يسأل ويحثهاا لتدريب،روحهاا اسوم انصدمت هاا حمدان مخلنهاا حرمته هههههههههه ،وبعدين مع اخوهاا ذيااب ×.×



    ،،،،،،،،،


    صوب بطي ووديمه،،


    نش بطي دخل الغرفة مثلجه من البرد،، انتبه ع الفستان الي كانت لابستنه وديمه الباارحة مقطع قطعه قطعه متناثر ع الارض، اقترب من السرير،،يطاالع ويهها احمر ،،


    همس بخوف : وديمه ,,, وديمه


    بند المكيف وفتح الستاير ورد يلس ع السرير وبصوت عاالي: وديمه نشي ،انتي شو مسوية


    نشت وديمه تروعت من صوته : شو؟


    الحين انتبهت انها بروب السبوح ×.×: اظهر برع،


    بطي كاان يطاالعهاا بتفحص : متسبحه وراقده تحت المكيف؟ خبلة انتي؟


    احمر وييهاا اكثر وهي تشوفه يطاالعهاا بها النظرات: اظهر برع ،لو سمحت لا اتي صووبي


    بطي اقترب من منها ويلسها ع السرير حط ايده ع يبهتهاا : هدي ،عليج حمى ، بدلي ثيابج بنسير المستشفى ،


    وديمه بعدت ايده وتحااول تستر عمرهاا بلحااف: ما اريد،انا بخير،اظهر برع الغرفه ،اظهر ،


    عصب بطي من تصرفاتهاا ويااه : انتي شو تتحسبيني همجي؟ شو بسوي بج يعني! باكلج؟ نشي بدلي ثيابج وبتسيرين المستشفى ،،


    ظهر عنهاا ، انسدحت ع الفراش وردت ترقد ،تحس عظاامهاا بتتكسر من الألم ، كل شي يعورهاا ، الحمى تكسر الانساان ،امرره ما يروم ينش-.-


    دقايق ورد بطي دخل الغرفة بعد ما لبس وخلص،، اقترب منها لاحظ صوت تنفسهاا وويها التعباان ،عوره قلبه علييها ،


    بطي يلس قريب منهاا : وديمه ،نشي بنسير المستشفى ،


    تروعت وديمه ويلس: خوز انت شو تريد،قلت لك ما بروح ماا بروح ،انا بخير


    سحب بطي اللحاف ،ونششها غصب الين غرفة التبديل: ها بتبدلين ولا اناا اسااعدج بعد؟


    اشوي وبتصيح ،صدت عنه ،طلعت لها ملابس من شنطتهاا ، وبطي راح يرقبها بالصاالة ،، بعد ما خلصت تطاالع عمرهاا بالمنظرة وبخاطرهاا هاا شكل عروس اول يوم عرسها ×,× ! متى صار هاا الشحوب؟ سمعت صوت مشي وراها ،


    صدت تطالع: يالله خلينا نظهر


    مشت وراه بدون ما تقول شي،


    ف المستشفى ،،


    وديمه: انزين اكتبي لي دوا، مضاد حيوي اي شي


    حمدت ربها ان بطي يرقبهاا برع وما دخل وياها ،، وبالنهاية اقتنعت الدكتورة وكتبت لهاا ادوية ،،ظهرت له ،يالس يقرا جريده الاخ المثقف ×.×


    بطي: خلصتي؟


    عطته وديمه ورقة الوصفة ومشت مخلتنه وراهاا ،، ِشرا لهاا الدواا، وردو الفندق،،


    بطي: بنتريق وبتاخذين الدوا،


    دخلت وديمه الغرفة اونهاا تتريا الريوق،،وانسدحت حتى انهاا ما فسخت عباتهاا ،، من الحمى هدت حيلهاا،،


    بطي من الصاله يزقرها: وديمه تعاالي ياابوا الريوق،، وديمه


    يوم ما سمع رد دخل الغرفة عن يكون صاير لها شي،،


    وديمه نفضتهاا الحمى ،،ومنسدحه ماا تريد تنش،،


    وديمه بصوت قريب للهمس: ما اريد اتريق،،


    بطي: عيل جيف بتاخذين الدوا؟


    وديمه نشت بالحيل : الحين باخذه ،


    يلسهاا بطي: تعالي ،شو الحين بتاخذينه وانتي ما كليتي شي


    ردت نشت : ما يخصك ،هد ايدي ،


    راحت وديمه تتريق وبطي يراقبهاا ، بس شربت اشوي من العصير،ونشت خذت الدوا ،


    التفت شافته يالس يطالع : ها ارتحت؟ خذيت الدوا؟ لا تتروع ماا بعديك ،بس خلك بعيد ،


    اغتااض بطي منهاا ومن رمستها ،من الصبح تعق رمسة مثل السم،،وهو سااكت هي مريضه وتهذي بهذا الكلام ساكت،ماا تهون عليه يغصبهاا ع شي بس شو يسوي بهاا معاانده،


    ردت الغرفة بعد ما فسخت عباتهاا حست روحهاا بترجع،ركضت الحماام ورجعت كل الي شربته ×× وبطي المسكين ما يدري شويسوي وياها!!


    بطي: يعني شو ها الحاله؟ اقولج تريقي تشربين عصير وتاخذين الدوا،تعانديني ولا تعاندين عمرج؟


    وديمه بتعب : لو سمحت خلاص، خلني بحالي


    ابتعد بطي مخلنهاا روحهاا، روحه تحترق من الي يصير، يعني صباح عرسنا جيه يصير؟ وهي تعااند ع شو؟




    ،،،،،،،،


    ف الشركة قسم التدريب رحبوا بهاا،ووصلوها الين مكتب المدير،،


    اسوم :السلام عليكم اشحالج ام ياسر؟


    ام ياسر اتفاجأة بوجود اسوم الي شكلهاا تغير 180 درجه : وعليكم السلام ،، يا هلا الحمدلله ، جيف حالج؟


    اسوم: الحمدلله ، اذا ما عليج امر تخبرين الاستاذ اني مويوده ؟


    ام ياسر مستغربة من شكل اسوم : طبعا ،استريحي شو تشربين؟


    اسوم: لا ما اريد شي، مستعيله عسب اروح القسم


    ابتسمت ام ياسر وهي تتكلم مع حمدان ،تخبره ان المتدربة مويوده ،اماا اسوم تتمناا تطلع من هاا المكتب ومن هااي الشركة كلهاا،، ، بس وين وكيف؟ تتمنا لو انهاا ماا دخلت اهناا من الاسااس، ولا تقاابلت مع حمداان؟ ما له داعي ها الكلام ؟ تنهدت وبخاطرها اشهر امنية تمنتهاا البشرية عودة الزمن إلى الوراء،، ابتسمت برقة وهي ترمس عمرهاا بالفصحة بعد !!


    ام ياسر:تفضلي الاستاذ حمدان بأنتظارج


    اسوم ابتسمت لها ،دقت الباب ودخلت بعد ما اذن لهاا الاستاذ.....


    وقفت عند الباب تناظره بنظراات احتقار وكره ،اي شخص مكان حمدان بيكره عمره من نظراتهاا وبيحاول يختفي من يدامهاا،


    بس حمدان كان مبتسم وعيونه تمسح جسمها طالع نازل: تعاالي حيااج تفضلي


    اسوم لاحظت عيونها ناظرته بتقزز: خلصني شو تريد؟


    حمدان ابتسامته بعدهاا والظاهر عيونه بتظهر م مكانها: بتدربين ويااي اهنا طول فترة تدريبج،


    اسوم فهمت بس تريده يشرح : ما فهمت؟


    حمدان: يعني ف قسم السكرتارية،


    اسوم: ممكن اعرف شعنه تسوي كل ها؟


    حمدان : لا هب ممكن، والحين تفضلي حضري الاوراق المطلوبه للاجتماع الساع 12،


    اسوم نشت : بس انا اليوم اول يوم ما اقدر ادخل اي اجتماع


    حمدان: ومنو قال ما تقدرين ؟


    مشت اسوم بدون ما ترد عليه الظاهر هذا غبي ولا يستغبى عليها، يعني صار لهاا اربع شهور تاركة التدريب ونااسية الشغل مع انها ادربت فترة قصيرة بس،، اماا حمداان مرتااح ومستانس وهو يرمس ويااها ،،


    الحين تسع ونص عندهاا ساعتين لتحضير ،وطبعا ام ياسر ما بتقصر وياهاا،،سااعدتهاا وحضرت كل الاوراق الي ع اسماا انهاا تكون وياا حمدان ف الاجتماع،،


    ام ياسر: يالله بتشلون هذا الملف والملف الازرق بعد،وفي ملفين عن المشروع ف غرفة الاجتماع بيبهاا لج عسب تشلينهاا


    اسوم: وين اشلهم؟


    ام ياسر: بتروحين شركة ___ ويا الاستاذ حمدان لان الاجتماع اهناك


    اسوم: عفوا؟ يعني اطلع برع الشركة تقصدين؟


    ام ياسر:هيه بلاج استغربتي؟ يعني الاستاذ ما خبرج؟


    اسوم نشت دخلت المكتب : وين الاجتماع؟


    سند حمدان ظهره ع الكرسي: ما تعرفين ادقين الباب؟ ولا اهلج ما علموج الادب؟


    اسوم: ماا يخصك باهلي،، انت الي هب معلمينك الادب ، عيل هاي تصرفات واحد محترم ،


    نش حمدان يااي صوبهاا: جب صوتج ما يعلى وانتي ترمسيني،،وبعدين انتي شعنه معصبة؟ سبق وقلت لج عن الاجتماع


    اسوم: ما بطلع برع الشركة، كل التدريب ف الشركة بس،


    حمدان :متروعه من شو.؟


    اسوم بنبرة ثابته: هب متروعه من شي،،بس انا ما بطلع ويااك


    ابتسم حمدان : بس انتي صعدتي ويااي السيارة قبل، شو الي مروعنج الحين،،؟


    اسووم مسكت اعصابها عن تصفقه : انا ما صعدت،انتي الي دخلتي سيارتك،،


    حمدان: هههه اوكيه،، اصلا بتظهرين بسيارة الشركة،،فما له داعي الروع


    اسوم: قلت لك ما بطلع من الشركة،


    حمدان تجاهل رمستها : ما باقي ع الاجتماع شي،يالله جهزي الملفات طالعين


    اسوم: انت ما تفهم؟


    حمدان :لا ما افهم، خلصيني اظهري


    طلعت اسوم بسرعه ،، خذت فونهاا ودقت ع ذياب،طبعا قالت له ان هي تريد تروح المستشفى ،


    اسوم: بس انا ما اريد حد يعرف اني مريضه واريد اروح المستشفى،,,,,,,,,,,,,,,,,,,,,,,,,,, ذياب تدري يعني فحوصات روتينيه وهم ما دقوا عليه قبل الحين وانا اهنا دقوا,,,,,,,,,,,,,,,,,,,,,,,,,,,,,,,,, اوكيه انت قوله اريدهاا يعني بمشكلة عائلية ,,,,,,,,,,,,,,,,,,,,,,, اوكيه ,,,,,,,,,,,,,,,,,,,,,,,,إن شاء الله ,,,,,,,,,,,,,,,مع السلامه


    دقااايق مرت واسووم ياالسه وياا ام يااسر ،، ظهر حمداان محمر وييه من العصبية متأكد انهاا هي الي قالت لذياب عسب ما تروح الاجتمااع والحين هو عطا ذياب كلمة ف مستحيل ما يخليها تظهر،،


    حمدان: اخت اسما تفضلي ويااي


    دخلت اسوم المكتب عنده مبتسمه،،


    حمدان: ها المره بعديهاا بكيفي،، بس والله لو عديتهاا ي ويلج


    اسوم باحتقاار: انت هي لا تيلس تهدد،مسوي عمرك عنتر زماانك، انجلع سوي الي تريده ،


    حمدان: جب لا تعلين صووتج ،وين تريدين تروحين.؟ وياا منو هاا المره بترتغدين؟


    ماا حست بعمرهاا وهي ترمس معصبة هاا الحمداان خلاهاا تطلع من برودهاا: يعني الانساان ما يكون عنده مواعيد ف المستشفى؟ ولا تتحسب الكل شرااتك؟ افعااله شينه وخسيسة؟ لا لا اكيد تفكيرك وسخ وتتحسب الكل شراتك


    لقط حمدان الكلمة وهو يذكر البخااخ والكرت الي طاح من شنطتهاا : وشو من مرض ماخذنج عسب المستشفى..؟


    اسوم باستفزاز: انا ما قلت اني مريضه، قلت مواعيد، ، وبعدين انت ما يخصك بلي فيني ،،


    حمدان: انزين ،تفضلي روحي لمواعيدج،،


    اسوم استغربت بسرعه انها الحوار وبالعاده يتهاد ويعصب وما ادري شو،، المهم ظهرت ،،رااحت بيتهم ،،


    اماا حمداان ف كاان يبحث بشي ثااني ,,,,,,,,,,,,,,,,,,,,,,,,,,,



    ،،،،،،،


    وصلت بيتهم لقت الميث نااشه ,, سلمت وحكت لهاا الحكاية المأساوية ،،


    الميث: ويه اسوم كيف بتتخلصين منه.؟ اناا اقول خبري ذياب وهو بيتصرف ويااه


    اسووم: لا طبعا هذا ربيعه وشريكه ،بعدين بيخسر واايد


    الميث: يعني انتي تقدرين وهو امرره هب حاسب الاخوه والصداقه الي بينه وبين ذياب،،


    اسوم تريد تنهي الموضوع : ميثاا خلينا من ها كله وقولي لي جيف ذياب وياج الحين؟


    الميث: اممم اوكيه ،يعني الحمدلله


    ابتسمت اسوم : يعني في تحسن؟


    الميث: هيه ،، الا بسالج كيف ياب صورج؟


    وردت اسوم حكت لهاا الي صار ذاك اليوم وهي متأكده انه صورهاا يوم كانت مغمي عليهاا،،


    الميث: يا ربي جيف خسيس،، يعني انتي مغمي عليج ويمكن لا سمح الله تموتين وهوو فاضي يصور؟ اخيييج ع هاا النااس، الصراحه شكله حقير ما توقعته جذه ،،


    اسووم شاافت السااعه صارت 12: قولي اللهم عافناا،ها ما يعرف من الاحترام غير اسمه، يالله اناا بسير عندي موعد ف المستشفى،


    الميث: ايي ويااج؟


    اسوم ابتسمت : ادري انج قلتي من باب الذوق واناا بعفيج وبقولج لا عاادي بتسير ويااي الشغاله


    ضحكت الميث:هههههه يعني كاشفتني،،يالله طمنيني


    اسووم نشت بتظهر : الا هو موعد فحص روتيني عاادي ،، فمان الله


    الميث: الله يحفظج،،



    ،،،،،،


    راحت الميث بيت اهلهاا بداال القعده ف البيت روحهاا ،، سلمت ويلست وياا امهاا ووليد،،،


    الميث: غريبة شعنه ماا سرت الدوام؟


    وليد كاان سرحاان وماا انتبه لسؤال الميث!


    ام سيف: ماا ادري شو صاابه ، من اسبوع وهو هب بخير، تعبان ومتضاايق ما ادري بلاه؟


    الميث: من شو انزين؟ يمكن عنده مشكلة ف الشغل؟


    ام سيف: ما ضنتية ،كان بيقول لو شغل،،


    الميث: ولييد ,,وليييد


    وليد: هلا بلاج؟


    الميث: نرمسك اناا واماية وما رديت علينا؟


    وليد: اا ما انتبهت اسمحيلي،،


    انسدح وليد وحط راسه ع ريل خالته : امايه اقري عليه


    ام سيف: إن شاء الله فديتك،


    الميث: وانت كل يوم جذه حالتك؟


    وليد: كل حد يرتااح للقرآن ،


    ام سيف اشرت للميث عن تسأل زياده وينش يروح ،،


    ام سيف: الا ما قلتي لي ويينها اسوم عنج؟ شعنه مخلتنها روحها


    وليد كاان منتبة للسؤال ..


    الميث: اسوم اليوم راحت تكمل تدريبها الي قطعته قبل عن تسافر


    ام سيف : ما شاء الله ،زين ربي يوفقها


    وليد : هي وين تدرب؟


    الميث : ف شركة حمدان شريك ذياب


    وليد: يعني نفس مكان تدريبج


    الميث:هيه ،، المهم ان خلوهاا تكمل ،،


    سكت وليد وام سيف بعدهاا تقراا عليه ،،والميث مستغربة بلاه وليد!!




    ،،،،،،


    من ظهر عنهاا وهو مسنتر ف الصاله ،يعني اذا تريد شي اكيد بيسمعهاا بالله هااي حالة عروس ومعرس !!! راح يصلي ورد وهي عدهاا ما فتحت بااب الغرفة ،يلس دقاايق بالصاله ،،،وبعدين اضطر انه يدق البااب،،


    بطي: وديمه؟ ,,,,,,,,,,,,,وديمه ؟


    وديمه كانت تصلي لانهاا نشت متأخر،،


    بطي: وديمه فجي البااب ،،،،،،،،،فجي خلصيني ،،،،،،،، وبعدين يعني!


    اول ما سلمت ما خلاها تاخذ نفس : اصلي


    بطي : من تخلصين فجي البااب،


    وديمه سكتت ،، وهو رد ييلس بالصاله اتصل ع اهله وطمنهم عليه ،من الصبح يدقون عليه ما يرد،، ووديمه بعدهاا ما فتحت البااب،،


    نش مرة ثانية ودق البااب،


    بطي : انتي بتفتحين البااب ولا ........


    سكت اول ما انفتح البااب ووديمه تطاالعه بتعب : ولا شو؟


    بطي: يا بنت الحلال انتي مريضه ،خلي عنج العناد وتعالي كلي لج شي،ولا شو رايج نظهر نتغدا برع؟


    وديمه بعناد : لا اطلب غدا اهنا بتغدا وانت كيفك روح اتغدا بالمكان الي يعيبك


    التفت بطي:استغفر الله ،يالله الهمني الصبر


    وديمه ردت يلست ع السرير،، العنااد صدق ما يفيد وخصوصا ف حالات المرض ،بس هو ما يريدني وشفقان عليه ،،كانت ترمس عمرهاا ،وتتنهدت بصوت عاالي،








    Twitter:NoOshii__

  5. #15
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    ،،،،


    ف المستشفى ،،


    اسوم ترقب دورهاا،،يعني قبلهاا مريض وبعدين هي،،زقرت النيرس اسمهاا،،وهي داخله شاافت الي ظهر من عند الدكتور ماا كانت تريد تشوفه بعمرهاا كله ف ها المكان !! وقفت تطاالعه وهو مبتسم يطالعهاا ، وبعدها مشى ،مخلنهاا بدواامة تفكير،،


    دخلت اسوم الين تسمع القنبلة الي قالهاا الدكتور :قبلج ولد عمج يااي يطمن ع آخر الفحوصات


    اسوم باستغراب: اي ولد عم؟


    الدكتور: الي ظهر قبلج،


    اسوم تتمنى تسمع الجواب الي تريده : وانت قلت له عن مرضي، وعن آخر فحص؟


    الدكتور: هيه نعم ،لان قال ان اخوج مطرشنه


    اسوم ما كان الجواب المستحب : دكتور انا سبق وقلت لك حتى اخواني ما اريدهم يعرفون وانت مخبر ها كل شي،،؟ يعني ها المستشفى ما فيه حفظ ملفات المرضى ؟


    الدكتور: هدي يا اسما ما له داعي العصبية،اوكيه غلطت واسمحيلي


    اسوم تحس عمرهاا مشتته ،يمكن لان حمدان دخل بحياتهاا فجأة وعرف كل شي،، حتى اهلهاا ما يعرفون عن مرضهاا ،، خلصت فحص،،وردت البيت ،،



    ،،،،،،،،،،،،،



    ع الغداا ،، ذياب والميث ،


    ذيااب: اسوم ما بتتغدا؟


    الميث : ما ادري ضنتيه رقدت،


    ذياب ظهر فونه بيدق عليهاا ،، ردت قالت ما تريد،،


    تغدوا ذياب والميث،، وحدر خليفه البيت ،، سلم وخطف رااح فوق ،،استغربت الميث ،شعنه ذياب ماا زقره يتغدا؟


    الميث ع نياتهاا : ذياب شعنه ما زقرت اخوك عسب يتغدا؟


    حمق ذياب : وانتي شخصج فيه؟


    الميث: ماشي بس سألت


    ذياب :لا تسألين عن شي ما يخصج، اصلا قايل لج قبل خلج ف قسمناا،والمرة الياية تغدي داخل،عندج صالة شكبرهاا ،


    الميث استغربت ردة فعله: ذياب بلاك؟ يعني كل ماا تتحسن علاقتناا ترد تسبب مشكلة وانا هب فاهمه السبب؟


    ذياب نش : الحمدلله ، ماشي مشاكل بس ما يخصج تدخلين بشي ،


    توجهه لقسم والميث على طول دمعتهاا حاظره ،كل كلمة يقولهاا ذياب تحس انه يشك، بالبداية تحسبت انه يغاار عليهاا واستانست من ها الشي،، بس بعدين لاحظت رمسته وتصرفاته تدل ع شي ثااني،، شك شك ،،شك ×.×، حاولت تهدى اي حد بيمر صالة الاكل بيشوفهاا ،،،


    توجهت لقسمهم وهي كااره تدخل،، اكيد من تدخل شافها تصيح بيلس يعلق ويطنز عليهاا !!



    ،،،،،،،،،،،



    ف بيت بوبطي ،،


    مهره ياايه تزور مناال،،


    منال بحزن : هيه


    مهره: وحمدان خلاص نسيتيه!!


    منال ابتسمت بحزن : وليش حمدان حبني عسب ما انساه؟


    مهره غيرت الموضوع بسؤال ثاني : وها الريال الي خاطبنج مرتاحه له؟


    منال: شتقصدين؟


    مهره: اقصد صليتي استخارة؟ حسيتي براحه،


    منال :هيه ،حسيت برااحه كبيرة إن شاء الله خير


    يأست مهره من انهاا تغير رااي منال،وتخليهاا ترفض الخااطب البديل لاخيها حمداان !!


    مهره: ومتى الخطبة الرسمية؟


    منال حااولت تظهر عمرهاا من جو الكآبة: اممم ما اعرف واتلووم اسأل بطي


    مهره: ههههه اوونج متلوومه؟ ماا اذكرج تتلومين من شي


    كشرت مناال: شتقصدين؟ يعني لان اعترفت لحمدان بحبي له صرت ما اتلوم؟


    انتبهت مهره وردت بسرعه: لا لا طبعاا ما اقصد،وييه منوول ما ادري شو الي جاالب حاالج


    منال فااهمه عليها وحبت تجلب الطاولة ع مهره وتخليها تكره ييتهاا: ماشي جلب حاالي، اقوول مهره وانتي ما شاء الله بتشتغلين وياا حمدان بالشركة؟


    مهره تلوون وييها : ماا اعتقد اني بشتغل، يعني امااية راافضه حاولت اقنعهاا بس ماشي فايده


    منال كتمت ضحكتهاا وهي متأكدة ان حمداان هو الي راافض شغلهاا ويااه ف الشركة،، اوكيه تشتغل ف مكاان ثاني بس الشركة لاااا....


    مناال حراام احرجتهاا واايد : اممم مهرووه شو راايج تقترحين اقترااح لاخوج عسب نروح المزرعه ولا الشااليه كلنا سوا؟


    مهره: شااليه بهاا البرد؟ اذا مزرعة بنقول


    مناال: اوكيه تماام، وحده من الاثنين ولا بدون


    مهره: إن شاء الله ي العروس،، خليناا نفرحج قبل ماا تفارقيناا


    مناال: هههه لا فديتج كل يوم طاابه عندج


    مهره:قالوهاا قبلج ربيعااتي كانن دوم وياايه من عرسن اختفن ،،


    مناال: وانتي يعني مصدقه اني بخليه ريلي حبيبي وبي بجاابل خشتج


    مهره اقتربت من المنظره:ويه يعلج تفديج ها الخشه، ي حلووي عسل


    مناال ضحكت ع حركاات بنت عمهاا :هههههههههه اسميج مغتره بعمرج,,


    مهره: بالله قد شفتي وحده احلى عني؟


    مناال كاانت تطاالع مهره صحيح ما شاء الله جميلة ،وفيهاا شبه من حمدان،، وتذكرت فجأة المتدربة الدبة الي كاانت عند سكرتيرة حمداان : هيه قد شفت ،


    التفت مهره لهاا : هاها آخر نكته هااي؟


    مناال بكل ثقه: لا هب نكته،بس شفت لج هااييج الغرشووبه الي تقوولج منو انتي يداامي؟ امم بس الشي الي مخرب عليها متنهاا ،،اذكرهاا دبه ،ماا اردي اذا تغيرت ،


    يلست مهره وهي تسمع رمسة منال الي اول مره تمدح جمال بنت: مناال هاا الجلام صدق ولا تقصين عليه؟


    منال ابتسمت بمرح: والله صدق،، ما شاء الله كنت اقول بخااطري يوم اشوفهاا يا ليتهاا ضعيفه منو بيشل عينه عنهاا


    مهره :ههههههه ومثل ما قلتي هي متينه ومنو بحط عينه ع وحده دبه،،


    منال: لا فديتج ف رياييل يحبون المتينان ما عنده مشكله يرتبط بهاا وهي بهذاا الجماال الصاارخ،


    مهره رفعت حياها : صارخ؟ اشوف صرتي تتغزلين جنج رياال؟


    منال ضحكت ع شكل مهروه:هههههههههههه هب قصدي،لكن اعبر عن الي شفته،،ولا ازيدج من الشعر بيت صووتهاا يذبح ومغرورة ،،


    مهره : بالله ماا بشرتيني بخير،، صخي بس وغيري الموضوع


    مناال صخت ، تذكر البنت معقووله حمداان رفضني بسببها!! لا لا مستحيل حمدان يفكر بهااي المتينه ، اعرف حمدان زين،كل شي برستيج وذوق، نفضت راسهاا من الافكار ع كيفه يختار الي يريدهااا وانا شعنه اهتم به،


    مهره: منال الحين حرمة اخوج بطوي الي اختار غيري وخلاني بتسكن وياكم اهنا؟


    منال :ههههههههه يااا ربي مهرووه هاي المقدمة الطويلة عسب تسألين اذا بتسكن اهنا ؟ اوكيه وبجاوبج لصغر عقلج هيه بتسكن بالقسم الي سواه بطي ،


    مهره: لا يعني انقم ولا ما يحق


    منال: الي يسمعج بيقول كان بينكم حب وهو طفر منج وخذ غيرج،


    مهره: واااع انا واخوج بينا حب ،سيري لاا، ما باجي غير بطووه الماصخ


    منال: مهرووه عن الغلط بطي اخويه وما ارضا عليه


    مهره: يالله عليج جني سبيته ، وانتي ذاك اليوم ياايه منهده وتسبين حمدان ،ما قلت شي لاني اعرف اخويه،وما بدافع عنه وهو يسوي الغلط


    منال: وانا اعتذرت لج واصلا بطي ما سوا لج الي سواه اخوج فيني،


    مهره ضربتهاا ع راسهاا: انتي ياا المخ،بتجلبين السالفة جد واناا اسولف،اصطلبي ولا ترا بسير


    منال تاففت بمرح: وااه بس منج


    مهره: وااه منج انتي ،ما اقول غير الله يعينج ي حرمة بطي ع ريلج واخته الغثيثه ،


    ضحكت مناال ،وكملت مهروه سوالفهاا ،،وسواالفهم ما تنتهي -.-



    ،،،،،،،،



    ف بيت بوذياب ..


    بعد ما شرح له ان يريد يخطب اخت ربيعه،وهو خلاص رمسهم ،،ذياب بعده معصبة ،ورمسته تمشي ..


    ذياب: ويعني؟


    خليفه: يعني اناا برمس عمومتي وبيروحون يخطبون لي


    ذياب: فوق ما انك مرخص بناتهم بتطلب منهم يخطبون لك؟ صدق انك رخمه وهب ريااال ع ها السوااه الي تسويهاا


    ايد خليفه كاانت تتكور تعلن عن بووكس بيعلم ع وييه خليفه ،لكن قبض عمره مهما يكون اخوه الكبير وواجب احترامه: اناا رياال ،وهب معناته اني رخصت بنات عمي يعني رخمه ، وديمه ياها نصيبهاا وفطيم يااهل تريديني آخذ ياهل ؟وانا اصلا ما كنت افكر اعرس وحده من بنات عمومتي،


    ذيااب بنفس نبرة البرود: فطيم هب ياهل،واعتقد انك تدري


    خليفه: فطيم ما تنفعني، بعدهاا ما تخرجت وبالنسبة لي ياهل،


    ذياب نش يعلن انتهااء المقابلة: الله يوفقك


    خليفه طبعاا فهم عليه اسلوب الضغط عند ذيااب ان يدعي لك بالخير وهو زعلان،، خليفه واسوم حاافظين حركااته،،


    خليفه بمزح: يا اخوي ايلس شو انت ما بتتغير ،يعني هذا بدال لا تقولي مبروك واناا يداامك ،الي تريده انا حاظر به


    ذياب رفع حيااه: خليفه هذا هب وقت مصخرتك


    خليفه وبعده بنبرة مصخره ممزوجه بخبث: ولا يعني لانهم غصبوك تاخذ بنت عمك ،تريد تغصبني شراتك؟


    ساعتهاا ذيااب يلس وشد يااقت خليفه بعصبية : اسمع اناا محد غصبني،رضاا ابويه عندي اهم،، ولي تريده سوه ما يهمني


    خليفه بيد وحده بيطيح ذياب ع الارض ،بس هو ما سواها مع العلم انه يقدر بفعل جسمه وبنيته العضلية ،حااول يكون هاادي بما ان هو الي خلاه يثوور وبنبزة مزح بعد ايد ذيااب بخفه : ذيااب الله يهدااك اسولف ويااك، اناا ماا ادري انت شعنه معارض زواجي من اخت بطي،بلاها البنت سامع عنهم شي؟


    ذيااب : لا حشا ما سمعت شي ،بس بنات عمك اولى


    خليفه: اتحرا عندك شي، ما بقت غير فطيم وقلت لك بعدهاا ما تخرجت


    ذياب: وانت شعنه مستعيل ارقبهاا تتخرج واخطبهاا،


    خليفه: بس اناا كلمت بطي ،


    ابتسم ذياب الظاهر ما شي فايده هذا خليفه وهذا طبعه: زين ،واناا بروح ويااكم ،


    شقت البسمه طريق لشفاا خليفه ونط من مكاانه بااس خشم ذيااب: علني ماا خلا ياا الذيب ،، وعقباالك


    ذيااب ضحك:هههههههههههه اناا خلاص معرس ،


    خليفه ارتبك وهو يتذكر الميث :اووه نسيت ،يالله برايك اناا بسهر برع ويا الربع،فماان الله


    زاادت ضحك ذيااب وهوو يشوف خليفه يمشي سريع وظهر من البيت،، اثره كان متأخر واناا مطوول عليه بالموضوع ،، لا طال عمرك الرياال يريد يتخلص من توتر صار له اسمه الميث ×.×




    شو بيصير ع خليفه!


    ارقبوني بالجزء 11 .........





    Twitter:NoOshii__

  6. #16
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~




    الجزء 11









    ـــــــــــــــــــــــــ



    ***


    يا هم اشوفك معتلي راس القلوب الطيبة


    هو ما لقيت ب هالزمن لك بيت غير الطيبين؟


    رح للقلوب الي مباديهاا غدت .. متسيبة


    يمكن تحس بقسوتك يا هم وبلحظة تلين ,,


    ***


    ،،،،،،



    الليلة مثل الي قبلهاا ،،


    ف ملحق غير ،،متووسط الفلل ،الكل يلااحظه ،تنااظرعياالهاا بكل حب وكل واحد منهم غرقاان بنووم ^^ ،من قبل من وقت طويييل بوااايد كل يووم يرد البيت تقوول اليوم بيتغيير ،اكييد اليووم غيررر،الليلة بيتغير،بااجر ،،الي بعده !!


    وتفكيرهاا تغيير اييب يااهل اكييد بيربطه فيني وبيحبني ،،ياابت الاولى موزه ،،وماا تغير الي صاار يظهر مشااعره لبنته ،،وربت عاايشه وهوو بعده نفس اسلووبة وتصرفااته ،، وقبل شهووور ذياااب ،،صحيح هوو ماا تغير ويااهاا وطبعاا هب مقصر بالمصرف واكيييد حنوون مع عيااله واسلووبه ويااهم غيير !! بس شعنه جذه يعااملني ! من عرسناا الين اليوم ونفس السؤال ماا فارقني،،


    بخااطرهاا ليتك تباادلني نفس شعووري ي سيف،، ماا كاان الزوج بس حتى لوو انهاا اهتمت بعياالهاا وبينت له انه هب مهتمه فيه دووم اييهاا تأنيب الضمير هذاا ريلج وهااييل عياالج ،،ولكل واحد له معاامله واهتماام خااص،، طبعاا بحبه وبهتم بكل شي خااص فيه ،،، بس هوو يحترمني ! طبعاا،، يقدرني ! اكييد لان زوجته وام عيااله،، يحبني !! ماا اعتقد مستحييل ،،احيااناا تقوول لولا حااجته الجسدية ماا ضنتيه اقترب مني ابداا،،،


    آه ي سيف لوو تحس بالمخلووقة الي ترقبك كل يووم تتغيير ويااهاا،بس اناا متأكدة انه مدمن شغله وتجاارته الي ابداا ماا يمل منهاا ،،ضحكت بنفسهاا هههه اماا اناا المفرووض يوم انه يخلص من كل المرح ايي لي ويقوول وصلت للملل !!


    انتبة له عند بااب غرفة اليهاال،، ريحة عطرة سبقته وانتشرت ف الغرفة وهوو بعده ماا تحرك من جدام البااب،،


    سيف : رقدو؟


    تأملته لثوااني وتحس قلبهااا ارتفعت دقااته: هيه رقدووا،، احط لك شي تااكله؟


    حضوورة بالنسبة لهاا يقلب كل شي،، كياانهاا كله ،تفكيرهاا عنه وسلبيااته ،،


    التفت سيف مبتعد عن البااب:لا متعشي


    صكرت البااب ع عياالهاا وتبعته الين غرفتهم ،،طبعاا مجهزه له بيجاامته وفووطته ،بس هو يشل ويدخل يسبح ،، رقبته الين ظهر مدت له الفووطه عسب ينشف شعره ،،اطاالعهاا اشوي ويلس ع طرفة الشبرية ،،


    عطته المشط ،،والتفت صووب الحماام –عزكم الله – لمت ثياابه المتنااثرة وحطتهاا بالسلة ،،رتبت اغراضه من صوابين والفوطه الين فرشاات الاسناان ،،وظهرت له ،خضت الفوطه الي نشف بهاا شعره من ع السرير،،وحطتهاا بالسله ،، سيف يلتفت لهاا ورد انسدح ،،


    اطاالعته متملل ! اكييد كل ليلة من يرد يطاالعني جذه ،،شو بيكون غير الملل مسيطر عليه ،،من يدخل الين يظهر،،


    سألته برقتهاا المعتااده الي سيف ابداا ماا اهتم فيهاا ،،ولاا انتبه لهاا ،،


    شمه : ابند الليت !


    تنهد سيف : بنديه


    ابتسمت بألم بندت الليت وانسدحت حذااله ، تفكيرهاا واحسااسهاا بقربه غيييير ،،معقووله ي سيف هب حااس فيني ؟ لهدرجة اناا غاامضة ولا هو الي هب مهتم !!


    شمه نطقتهاا بصعوبة بصوت قريب للهمس: سيف


    ماا رد عليهاا ،، وبالاكييد ماا سمعهاا صووتهاا خفيف ورقيييق،،وسيف رقد -.-




    ،،،،،،،،


    قلوب تنعصر من الألم والشوق ،،تتلهف لكلمة عذبة ،للمسة رقيقة ،،


    اليومين الي طافوا وديمه احياانا تزيد عليهاا الحمى واحيانا تخف ،لأانهاا ماا تاخذ الدواا، وبطي يراقبهاا وقلبة ينحرق هب قادر يسوي شي !!!


    اليوم خلاص بيردون بيت اهله ،، بطي اتخذ قرارة ،،


    الساعه 1 و20 دقيقة,,


    دخل عليها الغرفة يلس حذالهاا وهمس : وديمه ،،


    وديمه فتحت عيونهاا : همم


    ينااظر عيوونهاا متألم عليهاا : نشي بنسير المستشفى ،ترا المسا بنسير البيت ،


    اعتدلت وديمه يالسه وبتعب تتكلم: يعني؟ نسير بيتك؟ ليش؟


    بطي كتم غيضة يعني شتقصد! : اكيد بنروح بيتناا،عيل بنتم اهنا طول عمرنا


    وديمه ساندت راسهاا : بس انا بها الحالة شو بتخبر اهلك؟


    وقبل لا يرد بطي ،وديمه مدت إيده ومسكت اييده : بطي وصلني بيت اهليه ، لو سمحت .؟


    بطي ارتعش من لمست ايدهاا وهو يسمع الطلب قلبة انعصر: بس انا دقيت ع اهلي وقلت لهم ان يايين


    وديمه رصت ع ايده : الله يخليك بطي ، اناا اتلوم جيه اروح لاهلك وانا بها الحالة ، يعني يرضيك اجابلهم واناا جيه مريضة وشكلي تعبان؟


    انتي الي الله يخليج خفي عليه اشوي والله احس قلبي بيظهر من صدري ،كان يحس قلبة ينعصر وهي ترص ع ايده ،وقاال بثبات: اول شي بنسير بيتنا وبعدين بوصلج لاهلج ،


    هدت وديمه ايده ونشت متوجه للحماام – عزكم الله – الظاهر ما استفادة شي ،وبتروح بتحطي كيلو ميكب عسب ما يبين المرض عليهاا :مشكور ما اريد اروح، باجر احسن


    اول ما فجت ايده ، ضااعت دقاات قلبة ،وعيوونه تتبع وديمه، حس انهاا زعلت ،


    شعنه ما رضى ! هل لانه مرمس اهله ؟،، ولا شي ثاني !!


    ،،،،،،،،



    ..


    نهااية الدووام ..


    ف مكتب ذياب ،، ويااه خليفه ،،


    خليفه : اقولك ترا بطي ها اليوم بيرد بيتهم،


    ذياب: ويعني؟


    خليفه: يعني دام انه بيلس اسبوع قبل عن يساافر ،بنروح نخطب رسمي ،،


    ذياب:وانت شعنه مستعيل ها الكثر ؟ اصبر يومين ثلاث وبعدهاا بنسير


    خليفه: اوكيه بس رمس عمي


    ذياب: إن شاء الله بس فاارق ترا عندي شغل وانت ياالس تقرقر شرا الحريم


    خليفه: هههه لا بس اذكرك ادري بك نسااي،


    حط ذياب القلم: بتخبرك انت ما عندك شغل ف السفارة.؟ ولا بعدك ماخذ اجازة.؟


    خليفه بمرح: عندي شغل،ويمكن بعد اساافر عسب جذه مستعيل ع الخطبة وبالمرة بنملج


    فج ذيااب عيونه: نعم؟؟ تملج وانت حتى ما خطبت؟


    خليفه فرد ريله ع الطاولة: الا هي خطبة رسمية وهم موافقن يعني اسبوع ونملج،،بساافر واناا مرتااح،،


    ذيااب رفع حيااه: نزل ريلك من ع الطاوله ،هذا مكان شغل وانت ماخذ راحتك شو تتحسب ف البيت، يعني الي يسمعك يقول البنت بطير ،هيد اشوي خلني ارمس عمي وبعدين لكل حادث حديث


    نش خليفه بيظهر: رمسة اليوم،، وويومين بالكثر ونروح نخطب،، يالله براايك نتلاقى ف البيت


    ابتسم ذياب ع خليفه كل شي يريده ع ساعته دقيق ويخلص بالوقت الي يريده ما عنده هيه باجر الي بعده وبعد اسبوع : الله يحفظك



    ،،،،



    ف بيت اليد بوأحمد وام أحمد ، اليوم ياايه اسوم بتتغدا ويااهم


    ام احمد (اليده): فديتج تغدي ،


    اسوم ابتسمت : يدوه يعلني افدااج ترااني اتغداا


    بواحمد: خليهاا براحتهاا ،بتاكل الي تبااه


    بهاا الدقيقة دخل وليد ،هو بعد احيااناا يتغداا ويااهم،، وتفاجأ بوجود اسماا ،سلم ويلس،، اسوم ردت السلام وكملت غدااهاا


    ام احمد: تعاال قرب فديتك بتتغدا ويااناا


    وليد من ربكته قال: لا اناا ما اريد اتغدا يااي اسلم عليكم،يالله بروح


    بواحمد: شقايل بعد ما تريد غداناا، ايلس تغداا ولا انت ما تحشم الكبير


    تلوم وليد ويلس حذاال اليد ،، يعني يلست اليد واليده ع الارض اسوم يالسه بنص يدها ويدتهاا ووليد يلس حذال اليد من الطرف الثاني،،


    بعد الغداا يلس اليد كالعاده يرمس عن بوشه وحلاله ،واليده تخرف خروفاات عن اول ،ووليد واسوم مستمعين بتركيز ،، وليد كاان مركز عسب يتخلص من التوتر الي صاابه ،، اماا اسوم متجااهلة وجوده ،كأنهاايالسه بروحهاا ويااهم،،


    ام احمد طاالعت ووليد الي رااسه ماايل ع الكرسي شكله غفاا،وقالت بهمس: بواحمد بسك صخ الولد رقد من صدعتك


    صدت اسوم اطالعت وليد صدق رااقد،،سكت بواحمد ،،


    ام احمد: فديتج نشي ييبي له لحاف من داخل،


    اسوم لولا لوامتهاا من يدتهاا ولا والله ما تييب له شي،نشت ياابت لحااف واليده غطت وليد،، ترخصت اسوم ورااحت بيتهم،،


    ،،،


    وهي راده شاافت الميث تتغدا روحهاا،،


    اسوم: ميثوه هب انتي قلتي ان ذيااب بيتغدا وياج؟


    الميث: هاا هيه صح ذياب دق وقاال انه ظهر له شغل ضروري


    اسوم: عيل جاان رحتي وراايه،، يالله بتغداا ويااج


    الميث: شعنه ما تغديتي وياا يدوه؟


    اسوم: كنت على وشك بس انسدت نفسي


    ابتسمت الميث: من منو ؟ اكييد عزوز


    اسوم: لا اخووج الملازم


    الميث ردت لهاا الكآبة : اسوم عاد ،حرام عليج بلاج ع وليد؟


    اسوم : ولا بعد ما خلاني اسمع رمسة يدي عن البوش،رقد ف نص الساالفه قاطعتناا يدوه الولد رقد،،


    فرحت الميث :صدق وليد رقد جيه؟ يعني ما خذ حبوب؟


    استغربت اسوم: هيه شفته رقد ،شعنه يعني؟


    تنهدت الميث: وليد صار له فترة ما يرقد ،وتعباان ومريض،وكل ما نسأله يقول اناا اعرف عوقي،، وكل مره ياخذ منوم عسب يرقد، الحين الحمدلله تقولين رقد ف بيت يدوه،،


    اسووم ما عطت الموضوع اهميه يلست اشوي ترمس وياا الميث وبعدهاا خلتهاا لانهاا بترقد لهاا سااعه قبل ااذاان العصر,,,



    ،،،،،،،،،،،،،،،،


    *أنا لا شفتك بضيقة أحس أني أنا الغلطان..
    أعاتب نفسي بنفسي ولو ما كنت أنا الجاني..

    "طلبتك كان لي خاطر"




    تبعد عنك الأحزان.. فديت عيونك الحلوة تبسم لو على شاني..
    تصدق بسمتك والله.. تفرح خاطري الولهان..



    ....


    اللمساات الأخيرة من الميكب الي تحطه ،، وهي كل اشوي كحت ولا عطسة ،، يخترب وترد تعدل ،، تأففت من حاالتهاا وهي تدري انه ياالس يرقبهاا تخلص وبيظهرون متووجهيين لبيتهم -.-


    كاان يطالعهاا ف عيوونهاا حزن ،،وواضح عليهاا الضيق والتعب،، تنهد ولف ظااهر من الغرفة ،، يلس ف الصاله وزقرهاا،،


    بطي : وديمه خلصتي!!


    وصله صوتهاا التعباان: خلصت ،بس بشل شنطتيه


    نش بطي توجهة مرة ثانية للغرفة،،


    بطي: الشنط نزلوهاا ، يالله تعاالي


    مشت وديمه ويااه ، عيونهاا بالارض وتتبعه،، وهو كل اشوي صد يطاالعهاا ،،


    بطي: امشي حذالي ،تتبعيني جنج حاارس


    شك للحظه انهاا سمعته ،بس انتبه لهاا وهي تقترب وتمشي حذاله،،انطلقت سياارة بطي مبتعد عن الالم ف الفندق وإن شاء الله يبدون من يديد من بيتهم ..


    وصلوا ووديمه سرحاانه ماا انتبهت لسيارة وقفت ألا يوم رمس بطي،،


    بطي : وديمه وصلناا


    التفت تطاالعه : اوكيه


    نزل بطي ومشت ويااه ،، اول ماا دخلوا الصااله امه واخته وحرمة عمه وبنت عمه يرقبوونه وخالة حمدان وبنتها ،،،سلموا ،ويلسوا يسولفون..


    منال: ودوم ادري بج ما تعرفينهن الي يالسة حذال امااية حرمة خال حمدان ولد عمي،وهااي بنتهاا هند،،


    هند: مرحباا اتشرفناا بج


    وديمه: ي مرحباا بكم،،


    مهره: لايغرج،، اونج هندووه مسوي عمرج مهذبة ؟


    هند : جب غصب عنج مهذبة ،،ودووم حبيبتي ع فكرة نحن ثلاث خوات وعندناا اخو واحد بس علااوي فدييته،، ختيه لطيفة ماا رامت اتي لان تذااكر لولدهااا عنده امتحاان بااجر،، ومزون تعباانه من الحمل ،اول حمل لهاا، عقباالج إن شااء الله ،


    اتلوومت ودووم واحمر ويهها،،


    مناال:خفي ع حرمة اخوويه ماا يخصج بهاا ،،


    مهره: عشتووا سمعتيهاا ادلع علي،، واابويه ماا سمعج رياال شطووله وعنده عياال اونه علاوي !!


    بطي كاان يطاالعهاا وهي ترمس وياا مناال ومهره وخلود ،ولاحظ انهاا تلوومت ،يريد يعرف بلاها؟ وبعد عيونهاا يسمع امه ،،


    ام بطي: حمداان وصل برع ف الميلس ،سير له فديتك


    بطي: إن شاء الله الغاالية ،،


    ام بطي: ترااهم بيتعشون ويااناا الليلة ،،


    بطي: ي مرحباا بهم، اهل البيت هب غرب ،،


    ابتسمت ام بطي وردت ترمس وياا ام حمدان ،،اماا بطي ظهر الميلس لحمداان،،


    صوب وديمه ..


    منال: ودووم شكلج تعبانه، شرايج تريحين بقسمكم الين وقت العشاا


    وديمه: لا الحمدلله اناا ااهون


    مهره: لا منال عندهاا حق شكلج واايد تعباانه سيري ارتااحي ويووم يحطون العشاا بنزقرج،


    ابتسمت وديمه ع حاالهاا ريلهاا ماا اهتم جيه والبناات اهتمن: وييه بلااكن ؟ انتن يمكن ماا تريدني ايلس ويااكم!


    مناال: ههههه لا طبعااا ،اصلا اسألي مهرووه من قال بطي انكم ياايين ونحن نسوولف عنج وعن والسواالف الي بنسولفهاا ويااج


    وديمه: هههه ليش السوالف مخططين لهاا بعد؟


    مهره: هيه مخططين لهاا عيل شوو بعد


    وديمه كاانت ادقق بملاامح مهره وكأنهاا عرفت من تكوون ،حست بكره وحقد فضيع وهي تذكر الي تهديداات حمداان لاسووم!!


    مهره انتبهت لنظراتهاا : احم لايكون معجبة فيني الاخت؟؟


    ابتسمت وديمه باستهزاء: ههههه ، اممم الصرااحه واايد تشاابهين اخوج


    صدت مهره تطاالع مناال باستغرااب وقاالت هند فجأة: وانتي وين شفتي حمدان؟


    ردت مناال قبل وديمه: ترا قلت لج قبل وديمه متدربة ف شركة حمدان،،


    مهره: اهاا جذاا يعني،، بس اناا احلى عنه،،


    وديمه بعدهاا مستهزئه: طبعاا ، ولو جمال الريال ما يتقارن بجماال الحرمة،،


    استغربت منال ومهره وهند من نبرة وديمه ،، وبعدهاا كملوا سواالف ،معتبرين نبرتهاا نتيجة تعبهاا من المرض!!


    هند: عااد حمداان غثيث اكييد غثكم بالتدريب؟


    مهره: ويه فديت اخويه ،عسل لا يغث حد ولا يلعووز حد


    فجت هند عوينااتهاا بتمثيل: واااه بس،، منو العسل فديتج؟ والله انه غثيث ويلووع بالجبد بعد


    مناال:هههههه وديمه انقذي الموقف وخبريناا جيف كان يعااملكن؟


    وديمه كاانت بتطلع الي دااخلهاا بس صخت : لا الحمدلله كاان محترم ويااناا وتقريبا كان تعاملناا كله مع قسم التدريب،،


    مهره:هاا سمعتي باذونج؟ فديته حبيب قلبي اخووي ،يااهي حضيضه الي بتاخذه،،


    وديمه ومناال وهند تنهدن ،،


    هند : قولي امهاا دااعيه عليهاا ،، تدرين ودووم يوم كنت ادرس شو سواا فيني تم يحن ع ابووية بنتك ظهرهاا من هاا التخصص ولا تخليهاا تدرب ولا تخليهاا تشتغل ،تخصصها كله ريااييل ،وعفس الدنياا بمشااكله،لين اليوم وبااجر وهوو يضاارب ما يريدني اشتغل،


    وديمه بفضول: ليش انتي شو تشتغلين؟


    مهره: هندووه صخي عن اخبره والحين صدق بيظهرج من شغلج


    هند: انتي ياا زينج سااكته،، طال عمرج اشتغل دكتورة اسناان،،واااي الترااب لعن حيااتي اياام درااستية وتدريبي ،،هاا الفترة يوم اشتغلت وتثبتت هو كاان مشغوول بشركته،عسااه دووم مشغوول،وافتك منه


    مناال كاانت سااكته وتسمع،، لاحت بذهنهاا يوم تخصصت حمدان اختار لهاا التخصص،معلمة رياض اطفال ،قاص عليهاا اونه يحب اليهاال -.- وبعد التدريب والتخرج ماا اشتغلت بسببه هو قص عليها مره ثاانية انه يغاار عليها وابداا ما يريد حد يشوفهاا ،،، الظااهر ان هند ماا ااثر عليهاا ودرست الي تحبة ،،كاانت سرحاانه والبناات يكملوا سواالفهم،،


    هند : وهااي الخبلة مهرووه درست آآي تي وتخرجت وآخر شي يلسهاا ف البيت ،، غبية والله لو منج ماا اسوي له ساالفه ،ولج ف الشركة مثله ،،


    وديمه: صح مهره شعنه ما تشتغلين ويااه؟


    مهره: حمدان هب رااضي،والحين قدمت ف جاامعة ........بشتغل ف قسم آآي تي ويااهم،،


    وديمه: اهاا ،ربي يوفقج،، انزين وهو يعني شعنه يعاارض؟ يعني اقصد ماا يريد حد من الحريم يشتغلن ولا شي محدد؟


    هند :لاا ي ختيه فيه لعاانه بس يحب يكون هو النااجح ف العاايلة


    مناال ردت بعد صمت : لا هب جذه هو ماا يحب حد من بناات اهله يشتغل ف شركته ،، يعني شغل مختلط ماا يريد،،لان اغلب الشركاات يتعااملون ويااه ،


    هند: وااي صمت دهرا ونطق كفرا،، صخي صخي ماا تعرفن حمداان انتن،،


    مهره: وااي منج،، طاايحه ف اخوويه شعنه؟ لان لاغااج يوم درستي واشتغلتي؟


    هند كاانت تطاالع مناال جنهاا تعرف: لا هب بس جذه ،،


    مناال اربتكت من نظراتهاا ،،


    وديمه: اممم انزين هند انتي الحين فااتحه عيااده ولا تشتغلين ف مستشفى؟


    هند ابتسمت: لا ويني عن العياادة عسب يذبحني حمداان ها المره ،،مع انه ماا يخصه فيني بس يحب يتدخل عافان الله ،، اداوم ف مستشفى .............ف قسم العيادات ،،تعاالي بفحص اسناانج


    وديمه: لا لا اصلا ماا احب اروح عيادات الاسناان اكرهاا


    هند : شعنه ؟ هذا واناا اعرض عليج خدمااتي بالمجاان،، لو تدخلين عيااده الحين حتى ااذا فتحتي ملف تدفعين،،


    ابتسمت وديمه: شو اسوي بعد،ماا ادااني عيادات الاسناان،اذكر بنت عمي مره خلعوا ضرسهاا والله ياا اقوولج تمت تنزف دم،،امرره ماا صااحت بس ادري به يآآآلم،،


    هند: ويه وشعنه ما تصيح يعني؟


    وديمه: ههه دمووعهاا غاالية ،


    مناال: هيه صح لايكون بنت عمج البنت الي كاانت لابسه فستان اسود ع ذهبي بعرسج؟


    وديمه تذكر فستان اسوم :هيه بنت عمي


    همست مناال لمهره تعلن لهاا انهاا هي البنت الي رمستها عنهاا قبل،،


    هند : هيه جني شفتهاا هااي البنت ،،ما شاء الله عليهاا انيقة


    وديمه: دوومهاا انيقة ،،


    ,,,


    بعد العشاا اهل حمدان ردوا بيتهم،امه وخته وخاالته وبنت خالته، وام بطي ومناال رااحوا يرقدون ، وصوب بطي ووديمه ، الجو هااادي ،،


    منسدحه ع الشبرية بترقد بعد معاانااه تبديل ملابسهاا والسبوح خخخ،


    ظهر بطي ينشف شعره: اشحالج الحين اهون؟


    ماا رفعت راسها بالعكس تغطت بالكامل وهمست: الحمدلله


    دخل غرفة الملابس ،لبست بجاامته ورد ظهر لغرفتهم،،


    بطي: ارقدي عدل ، اناا برقد بعد


    رفعت اللحاف عن عيونهاا: ع الكرفاية ولا افرش بالارض


    بطي مرر عيونه ع الغرفة ورد يطالع الشبرية شكبرهاا وهي رااقده بالعرض تغاايضه يعني ولا شو؟


    بطي: الشبرية عوده بتوسعناا ،،


    وديمه صدت عنه للجهه الثاانية مخلية فرااغ كبيير ،، انسدح بطي وسحبهاا لحضنه ،،شهقت وديمه ،


    وديمه: شل ايدك عني


    مغمض عيونه : شعنه؟


    وديمه تحااول تهد ايده جنهاا مكبلة بحديد: هب مرتاحه، وبعدين ما برقد جيه، خوز عني، تآآلمني قبضتك قوية


    تركهاا بسهولة وعطاها ظهره ،، وديمه مستغربة تصرفااته !! شعنه يعااملني جذه!! تمت تطاالع ظهره وغفت باحلاامهااااااااا ,,,




    ،،،،،،،،،،،،،،،،


    اليوم الي عقبة ،،


    ف مكتب حمدان ،،


    الساعه 11 و23 دقيقة ،،


    اجتمااع ،، واسوم موويوده ف الاجتمااع ,,بعض الموظفين عرفوا اسماا ومستغربين من شكلهاا !!والتغير الي صاار،مطيرين عيونهم عليهاا ، اماا حمداان منقهرمنهاا وبخااطره ياالسة تغري الموظفين الحقيرة ماا سدهاا الريااييل الي تعرفهم من برع ،، الحين دور الموظفين ،، بعد انتهاء الاجتمااع انصرفوا الموظفين ، واسووم كاانت بتطلع ..


    حمدان: تعالي،


    اسوم تاففت بخااطرها وصدت تطالعه : نعم


    حمدان يلس وعيونه ع الملفاات ع المكتب : اليوم بيي بيتكم


    استغربت اسوم : شعنهَ!


    حمدان : الناس ترحب وتهلي ،،وبعدين ما يخصج


    يلست اسوم ع الكرسي القريب من مكتبه وتجاوزت الجملة الاولى الي كلها نقمه : جيف يعني ما يخصني؟


    ناظرهاا حمدان مركز ع عيونهاا ترمش بحده وكلامااتهاا تظهر بدلع ورقة هب متصنعه ابداا ، ي ليتج اتمين سااكته جذه ،،


    اسوم نزلت بعدت عيوونهاا عنه بخاطرهاا بلاه يطاالعني جذه وقطعت النظرات بتكرار السؤال : شعنه بتي بيتناا !


    حمدان تمناها تسكت وما تبعد عيونهاا عنه ، بس صار وتكلمت : انا قلت لج عسب تخبرين اخوانج يمكن مشغولين


    اسوم متوترة لكن ما بينت له وزرعت ف صوتهاا كل حده واشوية ستهزاء ما يضر خخ: انزين شو سبب الزيارة الكريمة؟


    خذ القلم وبدا يوقع ع الاوراق: تقدرين تظهرين


    مسكت اسوم اعصاابها عن تنفجر له خذت الملف وظهرت بخااطرهاا يعني يتحسب بخبرهم وهو بيي بيبخبرهم بحقارته ،، اول ما ظهرت حمداان سند ظهره ع الكرسي وهو يتنهد بتعب وحزن وااضح ،،


    اسووم يلست وياا ام يااسر،، وسااعات الدوام تمر ،لهت نفسهاا كثر ما تقدر ،، بالاخير خلصت بسرعه وتمت فااضية تفكر بالمصيبة الياية الي محضرنهاا لهاا حمدان!! بخااطرهاا ياا ربي شوو بيسوي؟ اكييد بيخبرهم اكييد,, نشت دخلت المكتب ،، بعد ما طولت وهي واقفه ،بالبداية حمدان قال تفضل وعيونه مركز ع لابتوبه والمستندات الي ع المكتب ،محد قال شي لف يطالع البااب ،


    حمدان مستغرب : نعم؟ في ملفات بعد؟


    اسوم كاانت واقفه وعيونهاا مسحت الارض ضنتية حفظت ارضية المكتب من كثر ماا شاافتهاا : لا ماشي


    حمدان باستهزاء : عيل اكييد تولهتي عليه وتريدن ترمسين وياايه؟


    اسوم بهاا اللحظه تمنت تغرز ظفورهااا بويه وعيونهاا بعدهاا ع الارض،لفت بتظهر،،


    نش حمدان تجدم ناحيتهاا:لحظه ، شو الي يابج ؟ شو تريدين؟


    اسوم عاطتنه ظهرهاا: تخسي اناا اريد منك انت شي ،! قلت لك ماشي


    حمدان: واناا قلت شي،ولا ما كنتي بتين


    اسوم : شعنه بتي بيتنا!


    ضحك حمدان بصووت عاالي وبعداا قال: كل هذا روع مني ،ما ضنيت انج تتروعين ها الكثر ،


    اسوم تريد تكسر اسناانه من غيضهاا دفعت كل قوة ف صوتهاا : ما بقى الا انت عسب اتروع منه،،


    لفهاا حمداان صووبه : تدرين احسج تمثلين القوة وانتي حتى ما تعرفين غير اسمهاا


    اسووم ردت رااسها ع وراا تحس انفااسه تلفح وييهاا : فج ايدي ،،


    فج حمدان ايدهاا وابتعد يلس ع مكتبة : تفضلي اظهري، ولا اتيين الا اذا في شغل


    اسووم مصره تعرف هذا شعنه بيي بيتناا ؟ : ترا ما جاوبتني؟ لايكون متروع؟


    ابتسم حمدان باستهزاء: اسماا لا تستخدمين هاالاسلوب الرخيص تراا انتي اكبر من جيه ،،،


    توجهت اسوم ناحية البااب فجته وظهرت معصبة : ام ياسر اناا بظهر،لان خلاص خلصت شغل..


    ام ياسر: يعني استأذنتي من المدير؟


    اسوم : لا ،بستأذن من قسم التدريب


    ام ياسر تذكرت تنبيهاات حمداان: لااا الافضل ان نخبر الاستاذ حمدان،لحظه بس اناا بستأذن لج


    دخلت ام يااسر قبل لاتمنعهاا اسوم،، ظهرت لهاا بعد دقاايق: المدير بيشوفج تفضلي ،


    اسوم: شعنه.؟ انتي ما قلتي له انها خلصت؟


    ام ياسر :هيه طبعا ،بس هو قال خليها تتفضل،،


    دخلت اسوم المكتب مره ثاانية ،


    حمدان: شعنه بتظهرين؟.


    اسوم: خلصت شغلي


    حمدان: وف الكلية قالوا لج اول ما تخلصين شغلج اظهري ولا التزمي بموعد الدوام؟


    اسوم : يعني؟


    حمدان: يعني تيلسين الين يخلص وقت تدريبج وبعدهاا تتوكلين


    اسوم:بس انا عندي مو ,,,,,,,,,,,,صخت اسوم وهي تذكر ذاك اليوم ف المستشفى ،


    حمدان فهم الي كانت بتقوله : شو عندج؟


    اسوم بثقة دقيقة: ماشي ،اصلا بيلس ما باجي الا نص ساعه


    ظهرت ونااظر حمدان الساعه ، كتب ع ستكير التاريخ والوقت ،ونش بيظهر، ،،


    شافته اسووم ظهر،ووقال تعليماته لام ياسر متجااهل وجود اسوم ،ومتنااسي الموعد الي فرضه عليهاا اونه بيزوهم !!،بعد ما خلص الوقت ،،ظهرت اسوم ،ع المستشفى ،اتريت دورهاا لان الموعد راح خلاص ،،زقرتهاا النيرس ،ودخلت لتتفاجأ بلي يالس مع الدكتور ويسمع الكلام بكل اهتماام وتركيز!!!!!



    شافت منو؟


    ارقبوي بالجزء 12..........





    Twitter:NoOshii__

  7. #17
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 12




    ــــــــــــــــــــــــــــــــــــــــــــــــــ ـــــــ






    ***




    يمكن طيبتي غلطة !
    تجازيني بها الأيام،
    تعلمني أكون قاسي
    وأخلي عيونهم ماتنام،
    خذوها سيرتي لعبة
    وزادوا بي جروح وآلام،
    نسوا انه الزمان يدور
    وانه ربهم علام،
    مصير الدنيا تجرحهم
    ويطعنهم كلام بسهام،






    ***




    الميث من نشت وذيااب ينقم عليهاا ،كل شوي قاال هذا هب زين؟ وهذا هب عدل؟ انتي جذه وانتي جذه؟؟؟؟؟؟




    وفجر القنبلة يووم رد فجأة وشااف خليفة يسوولف ويااها ف الصاالة ،،




    ذيااب صرخ عليهاا : ميثااا




    من صرخته وقفت : نعم ؟




    ذياب: تعاالي




    خليفه بهاا الوقت عرف ان ذيااب معصب من يلستهم،، يااهي حااله ،، من شاافهم اختفوا داخلين قسمهم دق ع اسووم،، طولت الين ردت ،،




    تفاجأت بلي يالس مع الدكتور ويسمع الكلام بكل اهتماام وتركيز!!!!! وفوونهاا يرن ، صكرت البااب وردت بخطوااتهاا لوراا، ردت ع الفوون،، تسمع صووت خليفه يستعيلهاا ترد البيت في مصيبة لازم اتي،،




    ،،




    ذيااب معصب ويصاارخ ع الميث،، صوته ينسمع ، وصووت التصفيق والضرب ينسمع !!!!!!!×.×"،




    ذيااب راص ع ايدهاا: كم مرة قلت لج لا تيلسين ف الصاالة؟ كم مرة؟؟؟ انتي بقرة ماا تفهمين ؟




    الميث دمووعهاا تطيح وتشهق من ويع ايدهاا : ذيااب يعووور حرام عليك هد ايدي بتكسرهاا ،




    ذيااب صطرهاا طرااق ودزهااا طااحت ع الارض وياا ظهرهاا بحد الكرفااية بقوو ، وضرب ع ضرب تراا يآآآلم ×.×،ويصاارخ بصووت عاالي : تستااهلين لو بيدي اكسر رااسج بعد ،، ي حقيرة هاا اخووي ،تعرفين شو يعني اخووي،وانتي ياالسه ويااه وتضااحكين وتتميعين ،،ليش اخووي ؟لييش هب حد ثااني ؟




    ميثاا فااجه عيوونهااا تحس بقهر من الي يقووله ،مصدوومه من رمسته!!، ومن ضربه لهاا ،،




    اماا بالنسبة لذيااب من كثر العصبية صاار ضبااااب بعيوونه وجسم الميث كأنه مخدة ملااكمة،ن بس يظهر حرته بلي شاافه ويحسه من شهوور ،،




    نزل عند ويهاا رد يقبض ايدهاا ويهز بقوو حست ايدهاا بتنخلع : والله يا ميثاا لوو شفتج ظهرتي من ها البااب ولا رمستي ويا خليفه ياا ويلج ،سمعتيني ياا ويييلج




    ميثاا كاانت تهز رااسهاا بـ هيه،، هب قاادرة ترد عليهاا تصييح مختنقة من الصيااح،،




    ،،




    وصلت البيت وهي متشتته بلي شاافته عند الدكتور ولا بالخبر الي قااله خليفه ،،




    اسوم: خليفه وينهاا ميثا؟




    خليفه من الروع ع ميثاا صرخ ع اسووم: دخيلج ادخلي وكأنج مستغربة من صوت ذيااب، بسرعه ضنتيه ذبحهاا من الضرب




    فصخت اسووم عبااتهاا وفرت الشنطه: انت اطلع خلاص قبل لايظهر ذياب ويشووفك اهناا ،،




    بعده خليفه مجييم يطاالع صوب قسم ذيااب ،، انتبه لاسوم : رووح




    مشى بعد ما وصااهااا اطمنه ع الميث،،




    دقت اسووم بااب قسمهم اكثر من مره ،، وبالاخير ظهر ذيااب وييه محمر من العصبية،




    اسووم: ذيااب بلاك؟صووتك واصل لآخر البيت،؟




    ذيااب موجه كلامه لاسماا :هاا الحقيرة ماا تظهر من الغرفة سمعتيني؟ وان ظهرت يا ويلج انتي وياها،




    اسووم : لا تيلس تهدد، واناا هب مسؤوله عنك وعن حرمتك،،




    مشى ذيااب قبل لا يصفعهاا ،، وهو ولا بعمره مد ايده ع حد..




    اسووم دخلت القسم ادور الميث لقتهاا ياالسه ع الارض مسنده ظهرهاا بطرف الكرفااية،، وحاالهاا ابد ماا يسر من الضرب ،، خدهاا محمر من الطرااق،،ومااسكة بطنهاا تصيح بصووت يآآآلم يقطع القلب،، وايدهاا اليساار مزرقة ،،




    اسووم يلست حذاالهاا: ميثاا شو يعورج؟




    ميثاا كاانت تتكلم بشكل متقطع من كثر الصيااح ،نشت اسوم بسرعه ساعدتهاا تلبس عبااتهاا ،وزقرت الشغااله تسااعدهاا تظهر لسياارة ،،وتبعتهاا اسووم بعد ما لبست عبااتهاا،،




    ف السياارة الميث بعدهاا تصييح : ي ويلي من ذيااب قاالي لا تظهرين




    اسووم اغتااضت من الي مسوينه ذيااب بالميث،ولا بعد مسبب لهاا رعب،،: حبيبي هدي،نحن راايحين المستشفى واذا عنده شي خله يقوله لعمي




    انفجعت الميث وزاادت بصيااحهاا ،،الااا بيوصل المووضوع لابووهاا؟ ماا تريد ،، لاا محد يتدخل بمشااكلهاا مع ذيااب ،،




    وصلووا المستشفى ،بعد الفحص ،نقلوها لغرفة ثاانية واسووم ما تعرف شو تسوي ،بعد الكلام الي قاالته الميث بالسياارة وما تريد حد يدري بلي صار، وطلبت من اسوم ما تخبر حد،، واخيرا ظهرت الدكتوره،،




    اسوم: لو سمحتي




    التفت الدكتورة بعصبية لاسما: نعم




    اسوم مستغربة : شو ظهر عند ميثا الي ف غرفة 112؟ منكسرة ايدهاا صح؟




    الدكتور: وانتي شو تقربين للمريضة؟




    اسوم: بنت عمي،




    الدكتورة: للاسف يا بنت عمهاا اناا مضطرة ابلغ قسم الشرطه ف المستشفى ،




    اسووم بحدة: شو تقصدين؟




    الدكتور بعصبية : المريضه حامل ومتعرضة للضرب ، كسر بيدهاا اليساار رضه بظهرهاا وكدماات ع ويهاا ، اناا ماا اأأيد العنف ضد المرأة ،شو تتوقعين من دكتورة مسؤولة تسوي.؟




    اسوم بخاطرهاا يا سلام دخلت بحوار مع دكتورة مسيطرة ومتسلطة: دكتورة لو سمحتي هذه مشااكل عائلية وما له دااعي اندخل الشرطة،




    اغتااضت الدكتورة زيااده: وهذاا رااي المريضه وقاالت انهاا طااحت من ع الدري، وماا اعتقد انهاا صاادقة ،، بس تدرين شو سبب تسلط الرياييل ،رضوخ المرأة وسكوتهاا عن حقهاا ،، /سكتت اشوي تتأمل نظراات اسماا البااردة المستفزة : ادعي الله يثبت حملهاا، عليهاا العاافية،




    مشت الدكتوورة منقهرة من نظراات اسووم،،!! امااا اسووم دخلت الغرفة ع الميث ،اطاالعت شكثر وايراات ع ايدهاا و حزام جهاز عريض مثبت ع بطنهاا متصله فيه واايراات لشااشة صغيرة قريبة من السرير ،،والجبس مغطي ايدهاا اليساار،،بالإضافة للاصقة الطبية ع طرف شفايفهاا ،،واحمراار ماائل للبنفسجي الفااتح ع خدهاا ،،وآآثاار الدمووع ماا نشفت من وييهاا،، حشاا ضااربنهاا وحش،،،




    اسوم: تستااهلين السلامه فديتج،ومبرووك الحمل،




    الميث كاانت بحاالة خدر ،بسبب المخدر والمسكناات الي عطووهاا، اسووم حز ف خااطرهاا حاالة الميث ،دقت ع ام الميث متجااهلة طلب الميث انهاا ما تخبر حد،، اكيد محتااجه امهاا الحين ،،نص سااعه وامهاا وصلت عندهم ،،ياابهاا وليد ،،




    ام سيف (ام ميثا): شوو صاابهاا مثياا؟




    اسووم كاانت متوترة : عموه انا ما اعرف ،وصلت البيت وشفتهاا بها الحاالة ف قسمهم ،




    ام سيف: خبريني يا امج ذياب ضاربنها!




    اسوم تحس باحرااج من نظرات حرمة عمهاا ونظراات وليد العصبية وااضحه بعيونه،،




    اسوم: الصراحه ما اعرف شو صار بالضبط،الا اني وصلت وهي هاي حالتهاا ويبتهاا المستشفى،وذياب كان ظااهر من البيت،




    ام سيف: دقي عليه خلي ايي المستشفى الحين،




    دخلت ام سيف الغرفة لميثاا،، واسووم يلست ع واحد من الكراسي جريب الغرفة،،




    وليد: ما سمعتي خالتية شو قاالت؟ دقي ع اخووج خليه ايي الحين




    اسوم نااظرته ببرود ونشت مبتعده عنه،،




    وليد: اناا ارمسج، ولا طبعاا ما بتقولين شي ولا لج ويه،اكييد بتغطين ع سوااد ويه اخووج وما بتدقين عليه،،




    اسوم مشت بدون ما ترد عليه وهي منقهرة من وليد وذيااب،، وردت تدق ع ذيااب ماا يرد،، دقت ع خليفه وخبرته بلي صاار،وطلبت منه يشوف ذياب وينه ويخبرة ،، بس خليفه تعذر ومستحيل يزيد المشااكل ،،




    وردت تدق وطرشت مسجاات واخير رد عليهاا ،،خبرته بلي صاار لميثاا، ما مرت سااعه الا وذياااب ويااهم ف المستشفى،، يستفسر عن حاالة ميثااا،، ياالس ع رااس الدكتوورة وسؤال ورا سؤال ،،بعد ما خلص توجهه لغرفة ميثاا،، والتقى بوليد وام سيف ،،




    ام سيف بنبرة عتب : شو الي سوا بميثا جذا ي ذياب؟




    ذياب توتر: عمتيه اناا ..




    بعده ماا كمل هجم عليه وليد ،عطااه بووكس ع خشمه : تمد ايدك ع حرمة ياا الرخمه،،




    رفع يااقته وصطره طرااقاات وذيااب سااكن ماا حااول يداافع عن نفسه ابداا،،




    وليد يصاارخ بقهر: ولا هي بعد قاايله لهم طاايحه من الدري ،اي دري وقسمكم تحت،،ماا ترمس تقوول شي؟




    ام سيف حااول تبعد ولييد وبعد ما فشلت زقرت وااحد من السيكيورتي ،وبعدهم عن بعض ،، خشمه ينزف وثياابه خاست دم،، وصلت اسووم ،شافت اخوهاا ينزف ووليد يصاارخ ،يسب ويشتم،، زقرت ممرضه وسحبت ذيااب ويااهاا لغرفة يضمدون جرحه،،




    اسووم تطاالع الممرضة تعقم جرحه: معقولة انت يا ذياب تمد ايدك وتضربها؟ شو الي جبرك تضربهاا!




    ذياب يبرر فعلته الشينه: هي الي جبرتني، قايل لهاا لا تيلسين ف الصالة واتفاجأ بهاا ياالسه ولا بعد ترمس وياا خليفه ،،، اخ شلي ايدج انتي الثاانية خلاص




    النيرس تأففت وهي تنهي شغلهاا وظهرت من الغرفة ،،




    اسوم: وشفيهاا يعني يوم ترمس وياا خليفه؟ هي ما شاء الله عليهاا حشيم ولا عمرهاا غلطت بشي تعتبر خليفه شرا اخوانهاا ،وخليفه يعتبرهاا شرااتي ، شلك تشك فيهاا ؟ وهي طول عمرهاا ترمس وياا عيال عمي بدون استثنااء بكل احتراام،،




    ذيااب : لحظة عصبية ،




    اسووم: لا والله هذا من شيطاانك ،اعوذ بالله ،ي ذياب ما يصير جذه،حراام عليك الي سويته فيهاا ،بعده لو عدوهاا ما ضنتية يضربهاا جذه،، الدكتورة تقول احتماال تفقد الجنين،




    تنهد ذيااب بتعب: اناا بطلقهاا ماا اقدر اعيش ويااهاا وكل حيااتنا شك




    فجت اسوم عيونهاا وباانت العصبية عليها : انت شو تقول؟ اقولك حامل ويمكن تجهض وانت بكل برود بتطلقهاا ؟؟ شكثر قااسي يااخي؟ ما اذكرك جذه يا ذيااب؟ شوو صاار عليك؟




    ذياب : حياتناا من البداية فااشلة، اصلا ماا ضنتية اهلها يخلونهاا ترد لي وهم يعرفون اني ضربتهاا وهي حاامل ،




    اسووم يلست حذااله متأكده ان هو مصدوم : ميثاا محتاايتنك يمهاا الحين ،هب تخليهاا لسبب انت روحك مقترحنه،، ايلسوا وتفااهموا بهدوء بدون عصبية وضراايب،، يعني معقولة ما تريدك وهي مخبرتنهم انهاا طاايحه من الدري،،!




    ذياب بألم وحزن: شفتي جيف غالبتني بطيبتهاا؟ حتى انهاا ما اشتكت؟ اي وحده بمكانهاا بتشتكي وما بيهمهاا شي،، ماا اروم اعيش ويااهاا اناا ظلمتهاا ويااي من البدااية ،اول ما وافقت اخطبهاا واناا ظالمنهاا ،،




    نش ذيااب وظهر مب بس من الغرفة ألا من المستشفى كلهاا،، واسووم يلست منصدمه بسرعه صاار كل شي ،، وحيااة اخووهاا وبنت عمهاا واختهاا بتنتهي بسبب تهور ولحظة عصبية !!!!!!!






    ،،،،،،،،






    ف بيت بوبطي,,




    قسم بطي..




    نشت ماا شاافته يمهاا ،، الحمدلله اليووم بخير ،، والحمى خفت عنهاا ،انتبهت ع السااع صاارت ثلاث فاتتها صلاة الظهر،،،، سبحت وصلت ،، كشخت ونزلت عند اهله ،، شاافت ام بطي ووياهاا مناال،،




    وديمه: السلام عليكم




    ام بطي: وعليكم السلام،




    سلمت وديمه ع عمتهاا وع مناال،،




    مناال: ويي ودووم قوولي مساا الخير دقاايق وبيأذن العصر ،،




    ام بطي: صخي انتي تشوفينهاا مريضه،، جيف حالج فديتج؟




    وديمه ابتسمت: الحمدلله عمووه اهوون، عااد اسمحولي طولت بالرقااد، ضنتية بسبب الدواا




    ام بطي: مسموحه فديتج، والحمدلله ع سلامتج،




    وديمه: الله يسلمج،،




    مناال: هيه طبعاا خلااص رااحت كلمة فديتج لحرمة الولد،، الله يرحم اياامج ي منوول ،،




    وديمه ضحك ع حركاات مناال،، وام بطي تسكتهاا وتنقم ع حركااتهاا ،،




    مناال همست لوديمه: امم اقوول ودووم وينه بطي من الصبح طلع وماا رد؟




    وديمه انحرجت : ماا ادري اناا صليت الفير وهو ظهر يصلي ما شفته لاني خذيت الدوا ورديت ارقد،ليش شو صااير؟.




    منال: والله ما ادري كناا نتريق ورن فوونه وظهر مستعيل ،،




    ام بطي: مناال بلاج تتهامسين؟ لايكون تضايقين وديمه ؟




    وديمه: لا خالوا ابد ما ضايقتني




    مناال بتمثيل: وييه ياا حليلج ياا منوول كلهم يظلموونج ،، الله يساامحكم ،،الله يساامحكم




    ام بطي ابتسمت ع حركااتهاا ،، اذن العصر وكلن رااح يصلي،، ووديمه لين الحين تتسائل بلاه بطي؟؟ تريد تتصل عليه بس تتلوم..بعد الصده الي صدته عنه الباارحه!!!!




    بعد ماا خلصت صلااه صدت لبااب وبطي يدخل ، سلم ويلس جريب منهاا ،،




    وديمه: بطي بلاك؟




    بطي تجااهل سؤالهاا :اشحالج الحين اهون؟




    ابتسمت وديمه: الحمدلله بخير،،




    بطي: نشي البسي عبااتج




    وديمه: وين بنسير؟




    بطي: المستشفى،




    وديمه:شعنه؟ ترا اقولك خلاص خفيت ،




    بطي توتر جيف يقولهاا : بنزور مريض




    وديمه: منو؟ حد من اهلك يعني؟




    نش بطي : هيه ، خلصيني البسي عبااتج بنظهر،




    وديمه: انزين بس الحين منو يزور حد بهاا الوقت؟




    بطي: وديمه البسي عبااتج ،ارقبج تحت،




    ظهر ووديمه مستغربة من ردة فعله !! لبست عبااتهاا ،شلت شطتها وفوونهاا ونزلت تحت،، شاافت ام بطي ومناال ،، هي مبتسمه وهم يناظرونهاا باستغراب همس بطي انهاا ماا تعرف شي وزاال الاستغراب من وييهم ليحل بدااله التسائل لبطي ،بس وصلت وديمه ،




    وديمه: عمووه ما بتسيرين وياانا؟




    ام بطي: لا اميه بعدين بسير،




    وديمه صدت لمنال: وانتي؟




    منال: لا بسير وياا امي بعدين،




    بطي: وديمه سيري السيارة تشتغل،اناا بييب فوني الثاني نسيته فووق،




    وديمه: اسير اييبه لك،؟




    بطي: لا انا بييبه وبييج،،




    سلمت وديمه ع ام بطي ومنال وظهرت ترقبه بالسيارة مستغربة منهم جيف يعني من اهلهم وماا يريدون يزورونه!! يمكن امبينهم مشااكل!!




    اماا بطي شرح لامه انه ماا خبرهاا ،عسب يوم تروح اهنااك بتعرف روحها عصبت منه امه ،وشعنه ما تخبرهاا ،هب حرام تسير اهناا وتتفاجأ بأختهاا متكسرة !!




    حرك بطي السيارة ،ووديمه مستغربة ، هاا بلاه امرره ماا يرمس!!وصلوا المستشفى وانتبة وديمه انهم بقسم النساء!! شاافته يبتعد رمس بالفون وبعدهاا اشر لهاا تقترب ،،




    بطي: ادخلي رقم الغرفة 112




    وديمه: هااييل اهلك تريديني ادخل روحي؟




    تنهد بطي: ادخلي وديمه وروحج بتشوفين،،




    عصبت منه وديمه ولفت دقت الغرفة ودخلت ،،انصدمت تشوف امهاا واسووم والصدمة الكبيرة ميثاا منسدحه ،،سلمت ،




    وديمه همست لاسوم: بلاهاا ميثاا ؟شو صاابهاا!




    اسووم: شو بطي ماا قالج؟




    وديمه معصبة من بطي: لا ماا قال ،بلاها ميثا؟




    اسوم: الله اعلم،،




    وديمه: اسووم ارمسي بلاها؟




    اسوم: اسألي عموه،،




    وديمه: امي بلاها ميثا؟




    ام سيف اطاالعت اسوم بعدهاا قالت: اختج تقول طااحت من الدري ،والدكتورة قالت بهاا كسر ورضوض ،وادعو لهاا ربي يثبت حملهاا ،




    وديمه انصدمت : ميثاا حاامل!!!




    ام سيف: هيه ، الله يقومهاا بالسلامه




    وديمه استغربت اكثر :آمين،، اقولج اسوم جيف طاحت من الدري وهي قسمها تحت؟




    اسوم كاانت بترد بس وليد دخل ورد : ومنو قال انهاا طاحت من الدري؟




    ام سيف: ولييد خلاص صك ع الموضوع ، وانتي ي وديمه نشي روحي لريلج ووصلي اسما بدربج




    وديمه:لا امي الحين بعدي وصلت ،ابا ارمس وياا ميثاا ،يمكن اتنش الحين،،




    اسوم: واناا ما بسير ،بتم وياا ميثاا




    وليد:وشعنه اتمين؟ تشوفين فعاايل اخوج؟




    صدت اسووم وردت ام سيف: ياا صبي اقوولك صخ عن ها الساالفة ،ويالله كلكم اظهروا سويتوا حشراا وميثا هب صاحية،




    نشت اسوم ووديمه بيظهرون ،،ظهر وليد قبلهم،، اول ما ظهروا كمل رمسته وقاال سبب طيحة ميثا لوديمه بأن ذياب ضاربنهاا ،،وديمه عصبت وصاارت تصاارخ ع اسووم ،،




    كاان بطي وااقف يرقب برع ومن سمع صوت وديمه ياا صوبهم وليد وااقف يطاالع ووديمه تصارخ ع اسوم ،




    بطي اغتاض من وقفتها وياا وليد : وديمه صخي، شوو صاار عليج شااله القسم بصووتج؟




    وديمه: ماا يخصك، انت شعنه ما خبرتني ان ختيه تعباانه والحقير ريلهاا ضاربنهاا؟




    مشت اسوم ظهرت من القسم ،، اماا بطي سحب وديمه لاستراحه ويلس يهدييهاا وفهمها ان كل الي صاار سؤ تفااهم واسماا ماا يخصهاا بلي صاار،،،اماا وليد فكاان بعده منقهر ومعصب وكل ما شااف اسووم ظهر عصبيته فيهاا ،،،،




    ف رسبيشن المستشفى رن فوونهاا والمتصل ...........!!




    ردت يمكن عسب تبعد نفسهاا عن الي صاار فووق: نعم!




    وصل صووتهاا التعباان لمساامع حمداان : بلاج؟




    اسووم: ماشي،شو تريد؟




    حمدان:لا في شي،قولي شو بلاج؟




    اسوم: قلت لك ماشي، خلصني شو تريد؟




    حمدان حمق: زين شعنه ما رديتي عليه من ساعه اتصل؟




    اسوم تنهدت بغيض: استغفر الله ، الحين رديت،من ساعه ما كنت فااضية




    ضحك باستهزاء: وياا منو كنتي مشغولة ها المرة؟ الحبيب رقم كم؟




    اسوم: اممممم رقم 13،اخلص شو تريد؟




    عصب حمداان من نبرتهاا جنهاا تأكد الي يفكر فيه : وينج؟




    اسوم بهدوء : شعنه؟ لايكون تريدني ادواام العصر بعد؟.




    حمدان :ههههه ما شاء الله تفكيرج بالدوام والشغل ،مجتهدة يعني، هب الدوام اريد اشوفج ف




    قبل لايكمل قطعت رمسته: انت يا اخ انتبة لرمستك كل يوم والثاني قلت لي اريد اشوفج؟ شو تتحسبني بنت شواارع؟




    حمدان: الي اشوفه هيه،




    اسووم اغتااضت واحتقرته: يوم انت اعماا سير افحص وحط نظاارة ،،




    حمدان:بلا فلسفة اشووفج ف مول .............. ع السااع تسع ولا عشر




    اسووم:ف احلامك،




    صكرت الفوون وغلقته بالمرة ،،هب نااقصه غثت حمدان ،اصلا ما تدري شعنه ردت عليه!!!!!! اخ يا القهر ؟ بلقااهاا من وليد؟ولا حمدان؟ ولا وديمه!!




    تمت ياالسه بمكاانه وانتبة لوديمه تيلس حذاالهاا : اسوم اسمحيلي والله ما كان قصدي ا...




    قطعتهاا اسوم مبتسمه : ولا يهمج ،تعودت،




    وديمه تفاجأت اسوم دومهاا تسوي طااف للي ما يهمهاا الظاهر ها المرة تألمت واايد: انا آسفه




    اسوم: وشعنه تتأسفين، انتي عندج حق ، ظهرتي عصبيتج بأخت الي ضرب اختج،،، اناا متفهمه ،، اسمحيلي وديمه بروح اغسل ويهي




    نشت اسوم ،




    وديمه: اناا بروح ويااج،،




    اسووم تكتم كحتهاا :لا لا ماا له دااعي ،اصعدي لميثاا ،اشوي وبييج،،،




    سكتت وديمه تطاالعهاا تبتعد ،،وصدت بتطلع فووق لغرفة ميثاا،، اماا اسووم اول ماا دخلت الحماام وهي تكح،، الين ماا انتبهت لقطراات الدم ف المغسلة ،،تغسلت بسرعه تريد تظهر من الحماام عن يغمى عليهاا ومحد يدري عنهاا ،،اول ما ظهرت شاافته بوييهاا ،،




    انتبه للنقط الدم ف الكلينكس الي ماسكتنه ع حلجهاا ،،




    .........:بلاج؟




    خطفته اسووم: ماشي




    قبضهاا من ايدهاا وردهاا يداامه: قلت بلاج؟




    اسوم: شل يدك القذرة ،وما يخصك فيني ،والله لو عدتهاا لاخبر خواني وساعتهاا بتعرف جيف تمسك يدي،،




    سحبهاا ويااه لدكتور الانف والفم و الحنجرة متجااهل كلامهاا :صخي عن يقولون خاطفنهاا




    اسوم: انت صدق خاطفني ،فج ايديك روحي بمشي،




    ..........: بفجج بس تمشين وياااي وتخلين الدكتور يفحصج،،




    اسوم انتبهة لنااس يطاالعون باستغراب: اوكيه،




    ابتسم وفج ايدهاا : ادخلي




    دخلت وتوقعته بيروح بس هو دخل ويااهاا ويلس مجاابلنهاا والدكتور يسألهاا،،




    ...........: جاوبي ع الدكتور وبعدين تمي تأمليني




    اسوم: دكتور لو سمحت خله يظهر وبعدين برمس،




    طير عيونه صوبهاا بتهديد،،




    الدكتوور: ي وليد استنا برا




    وليد: لا ياالس بسمع شو صاابهاا حرمتية ؟




    انصدمت اسووم هاا شو يخررط : شو تألف؟




    الدكتور:ياا اسااتزه اناا عندي مرضاا ،لو سمحتم ، اتكلمي يا مدام بتشتكي من ايه؟




    اسوم اغتااضت من كلمة مداام : صدري يآآلمني، كحيت وايد وظهر دم




    وليد ابتسم انهاا رمست واسووم مغتااضه منه ،،




    وليد: عندهاا ربوا ومن فترة صاارت اتيهاا نوبات حادة ،والحين دم، ممكن تخلي دكتورة او النيرس تفحصهاا او يعطونهاا مخدر الين نروح لدكتورهاا ،




    اسوم عقدت حيااهاا وتطاالع وليد ،ربطت المواضيع واكيد اماا وديمه هي الي مخبرتنه ،او الدكتور عبدالله وهي مستبعده الدكتور لان آخر مرة يوم مخبر حمدان وعدهاا ما يخبر حد،!




    فحصهاا الدكتور ووليد مغتااض لان الدكتور هو الي فحصهاا ،،وماا خلا دكتورة او نيرس تفحصهاا ،،عطوهاا الدوا الي دوم تستخدمه ،، وظهرت من الغرفة ووليد ظهر وراها ،،




    وليد منقهر من الدكتور ومن اسووم : اكييد مستاانسة من قربة ريحة عطره ترست رااسج،،ولا الدكتور بعده شباااب وكااشخ ببدلته ،،




    اسووم تمت صااخه وخطفت من حذااله ، ،، وتبعهاا وليد،،هاا الوليد نفسية !!




    وليد: تعاالي بوصلج لدكتور عبدالله ،يفحصج وبنشوف سبب الدم،




    اسوم: خلك بعيد عني،ولا تيلس تجذب لنااس وتلصق عمرك فيني،،




    وليد ابتسم : اناا الصق عمري ولا انتي ؟




    اطاالعته اسوم ولمحت ابتساامت استهزااء : تدري الي مثلك عيب ارد عليه ،ماا يستااهل حتى كلمة




    وليد ندم ع جملته : انزين لا تردين،امشي بنسير مستشفى ........بتفحصين




    بتفكير سريع ردت : اوكيه عيل بسلم ع عموه والبنات وبسير،




    ارتااح وليد واخيرا رضت بدون سحب خخخ،، رااحت اسووم صوب غرفة الميث،، دخلت سلمت ويلست ،ها المره الميث صااحية وترمس اشوي ،، رمسوو ،، واندمجووا بالرمسه ،، زاارهم بوسيف ويلس اشوي،، وبعدهاا ترخص ،،




    اسووم: بروح البيت ايب شي غير الثياب والاغراض الي قلتيهاا؟




    الميث همست بتعب: لا بس الي قلت لج عنه




    سلمت اسوم وظهرت عنهم ،، تلاقت وياا وليد بالممر،والحمدلله يالس يرمس وياا بطي يااي ياخذ وديمه،،، نزلت رااسهاا وع شفايفهاا مرسوومه بسمة استهزار ،،انتبه وليد وانقهر منهاا من سااعه ياالس يرقبهاا كاانت تلهييه عسب ماا يغصبهاا تروح ويااه،،




    خطفت من حذالهم بعد ماا سلمت،،، وصل كريم والشغااله ورااحت ويااهم البيت ،،شاافت خليفه وقاالت له بعد صلاة العشاا بتسير للميث،، وبتباات ويااهااا الليلة ،،






    ،،،،،،،،،،،




    ف بيت بو بطي




    قسم بطي ووديمه ،،




    وديمه محتشرة ع بطي :شعنه ما تقول ان ختيه تعبانه؟ يعني هي من الصبح وانت شاالني العصر؟




    بطي: هدي اشوي ،دقيت عليج ماا تردين،،ويوم ييت عسب اخبرج كنتي راقده،




    وديمه : شكثر باارده اعصاابك،كان لازم تواعيني،، ولابعد شاالني جذه وتقولي المريض من اهلك !!




    بطي يلس فصخ غطرته وصب له قلاص مااي: والحين دريتي شو تغير ؟ صحت ختج؟




    زات عصبيتهاا من برودة : انت اصلا الرمسة ويااك ضاايعه،،بس لو سمحت لا تيلس تجذب عليه ،هب نااقصة جذب ،يكفيني الي يااني منك




    التفتت بتروح عنه وقفهاا بصووته الباارد: وشو اسوي بلي ياني منج؟




    كملت وديمه مشيهاا صوب غرفتهم،، اماا بطي فر كوب المااي ع اليداار تنااثر قطع صغير ،، ردت وديمه ظهرت تطاالع شو صاار،،!!




    اقتربت من اليلسة صوب بطي: شعنه كسرته؟




    شغل بطي التيلفزون ويغيير بالقنواات ،،هب مهتم بسؤالهاا ،،




    وقفت يداامه: صاابك شي؟




    بطي: خوزي




    وديمه مستغربة تصرفااته وبروودة ،،رااحت ياابت الزبالة –عزكم الله – عسب تلقط الغرش ،،،وهي تلقط دخلت غرشة بصبعهاا شهقت بصوت خفيف ،حتى ان بطي ماا قال شي ،،نشت متوجهه للحماام،حطت لصقة وظهرت تزقر الشغالة ،،-.-




    دخلت الشغاله شلت الغرش ومسحت الماي وظهرت ،،وبطي ع حاالة مسنتر يداام التيلفزون،، اماا وديمه دخلت الغرفة تندب حظهاا الردي وبطي الي بيذبحهاا ببرودة،،سبحت ولبست بجاامتهاا الوردية يتوسط البيجاامه صورة سحاابة من خيووط ملوونه،مكتوب عليهاا دريييم ،، وديمه تنااظر الصورة وتهمس لعمرهاا الظااهر كله الي اعيشه حلم ! متى إن شاء الله بنش! انسدحت ع طرف الشبرية قرت اذكار النوم وبعدهاا ما حست وهي تغفى بنووم عمييق،،




    اول ماا حس ان ماشي حركة بالغرفة ،عرف انهاا رقدت ،، دخل سبح وبدل ثياابه ،،وانسدح حذاالهاا ،،،،، لمس صبعهاا المنجرح همس يعله فيني ، ليتج عصبتي عليه بداال الصخه الي حلت عليج،، تنهد بتعب ورقد ،،،،،،،






    ،،،،،،،،،،،،،،،،،،،




    ياالسة وياا يدها ويدتهاا وياهاا عياالهاا ،،رن فوونهاا




    شمه : هلا سيف ,,,,,,,,,,,, الحمدلله بخير ،،ف بيت يدي ,,,,,,,, إن شاء الله ,,,,,,,,,,,,,,هيه اصلا هم رقدو والحين كنت بروح,,,,,,,,,,,,,,فمان الله ،الله يحفظك




    كان سؤاله وينج،؟ وكلامة مختصر ع سؤاله عن عيالة ،،وهي حطت اجوبة عسب ما تشكك اهلهاا بعدم اهتماام سيف فيهاا !! حتى انه بند بدون ما يقول مع السلامة !!!




    نشت سلمت ع يدها ويدتهاا ،،زقرت الشغاالة تشل وياها البنات ،،




    بواحمد (اليد) : جيه سيف ماا بيضوي يوصلج؟




    ابتسمت شمه : لا هذا ها الملحق هب من بعده ،، وبعدين هو بعده ما وصل عسـ,,,,




    عند البااب .....:السلام عليكم ،،




    سلم ع يدته ويده وشمه متفشلة ،الحين مكلمتنه وقال ما وصل واصلا هي كانت متأكدة لو وصل بيروح الملحق !!




    يلس سيف بين يده ويدته وبدا يسوولف،،وشمه عدهاا واقفه تنااظره باستغراب،،




    ام احمد (اليده): تعاالي فديتج ،ريلج بعده ياالس يرمس




    سيف ما التفت ،كمل سوالفه وياا اليد،،




    اما شمه: لا يدوه موزه وذياب رقدو،، وعيوش بترقد ،




    بواحمد (اليد): قم قم شل عياالك رقدو،،




    ام احمد(اليده ): هيه ي اميه شلهم،، فديتهم ربي يحفظهم




    سيف اطاالع شمه بنظرات ماا فهمتهاا !!




    ابتسم ليدته ويده وهو يسلم عليهم : تصبحون ع خير ،،




    شل موزه ،اماا ذيااب ف شمه الي كانت شالتنه ،،والشغاله تمشي عاايشه -.- شمه تمشي ورااه ومتروعه من نظراته معقوولة يعصب عليه؟ ولا مرة عصب عليه ! ثرني شو سويت ؟ اناا ما قلت له تعاال ويااي ،يدي الي قاال،، ياا ربي يا يدي الحين امرره هب وقت ضراايب ،،اروحناا هب من زين احواالناا عسب ضراابه يديده،،




    وقفت وهو يزقرهاا تدخل: ام ذياااب،،، شمه ,,,ادخلي بلاج وااقفه؟




    ابتسمت شمه الحين انتبه انهاا واقفه مجاابلة البااب وهو دخل والشغاالة دخلت !!




    شمه: ماا ماا فيني شي




    التفت سيف عنهاا صوب غرفة اليهاال وهي تنااظرة باستغراب،،




    حط موزه ع شبريتهاا الصغيرة المزينه بالالواان الزهري الرقيقة ،،حط اللحاف عليهاا وظهر من الغرفة،، اماا شمه حطت ذيااب بمنزه ، وزهبت له اغرااضه وثياابه عسب يسبح ، وشلت عيووش عن الشغااله بترقدهاا ،،




    بصعووبة رقدت عيووش ،،حطتهاا ع شبريتهاا ،، حصنت بناتهاا بالاذكاار ،،وظهرت صوب غرفتهم ،،




    من دخلت هوو ظهر من الحمام –عزكم الله –




    شمه الين اليوم بعدها تتلوم تشووفه بالفوودة و عضلات صدره العااري يخلي ويهها يحمر ، ياا زين حياا الحرمة ومستحااهاا ،حتى لو كاانت ام عياال،، الحين في عياايز يتلوومن من شيباانهم ،،وفي حريم ماا يعرفن غير اسم المستحاا !!




    شمه مبتسمه ونظراتهاا بعيده عنه :نعيمااً




    رفع عيوونه لهاا وهو ينشف شعره ابتسم ع احمراار ويهها وطبعا كالعاده بدون اهتماام يلس وهو مجاابل التيلفزون: الله ينعم عليج




    شمه ابتسمت يكفيهاا تسمع ردهه عليهاا ،، دخلت سبحت بسرعه عسب ما تتأخر عليه ،، من المرات القليلة الي اي من وقت ،وهي تحااول تيلس ترمس ويااه تستغل وقته الي ييلسه وياهااا ،وظهرت صوب كبتهاا اختاارت بيجاامه خفيفة ،، اول ماا ظهرت من غرفة الثيااب، مبند الليت ورااقد ،،!!!!!! خااب ضنهاا ،، وصبرت عمرهاا مثل كالمرة ،،




    اللهم الهمني الصبر ،،






    ،،،،،،،،،،،،،،،،،،،






    ف مستشفى ......




    ردت اسوم المستشفى وعندهاا الشغاله ياايبه الاغراض الي وصتهاا بهاا الميث،،




    اسووم: شو تحسين الحين اهون؟




    بصوت تعباان : الحمدلله




    اسوم : ذيااب برع يريد يسلم عليج




    ابتسمت الميث : زين خليه يدخل




    بادلتهاا الابتساامة وظهرت تزقر ذيااب : ميثاا ترقبك،،




    دخل ذيااب سلم ووقف حذال السرير،،




    الميث: ما شاء الله تعنيت عسبت البقرة؟




    ذياب نااظرهاا بألم وبااسهاا ع رااسهاا : ميثاا اسمحيلي ع الي صاار اناا كنت معصب وهب حااس بلي سويته ،،اناا آسف والله اني ما كنت اقصد امد ايدي عليج،،




    الميث بعدته عنهاا بصعووبه وابتسمت ورنة الحزن بصووتهاا : لا تقرب صووبي ،،بعدي متكسرة خلهاا تجبر كسوري ورد اضربني




    تفاجأ ذيااب جيف انهاا ارتجفت من قربة ،: ها الكثر متروعه مني؟ اناا همجي عسب ايلس اضربج؟




    الميث التفت الصوب الثااني تعلن نهااية اللقاا ،،: اسأل عمرك،،




    ذيااب ماا تحمل رمستهاا وظهر من الغرفة ،، انتبت اسوم له انه ظهر،،




    اسووم: ذيااب وين؟ الحين دخلت ,,, ذياااب...




    رااح ذياب بدون ماا يلتفت وهو متندم ع اي سوااه بميثاا ..




    ردت اسوم دخلت لميثاا،،




    اسوم: ميثاا شعنه ذياب راح؟




    الميث: يمكن راح يرقد،، اسووم انتي سيري بعد ،




    اسووم ابتسمت بمرح: لا والله واخليج روحج،، ببات ويااج الليلة ،،




    بادلتهاا الابتساامه ،، واسووم تفكر اكيد تضاربوا مرة ثانية ولا شعنه ذياب ظهر بدون لايقول شي،، !!!!! وشغلت فوونهاا شكثر مكالماات ومسجاات من حمدان !! لاحظت ان الميث غفت عييونهاا،، ظهرت بالممر ودقت عليه ،،




    اسوم بصوت هاامس لان ممنوع ازعااج المرضى : الو




    حمداان قلبة يدق طبوول من صووتهااا ورد بحدة: انتي شعنه غالقة فونج؟ وشعنه تهمسين؟وينج؟




    اسوم رفعت حياهاا: وانت شلك؟ شو تريد خلصني؟




    حمدان :اخ لو اني جريب منج ، ما عليناا باجر تعاالي شركة......... الاجتماع بيكون اهنااك،عن تقولين ما بروح ولا تخلين اخوج يدق عليه ياا ويلج،




    اسوم ضحكت بصوت خفيف : يا بابا لا تهدد، من الاساس باجر ما بحظر اناا بطرش الحين ايميل لقسم التدريب ابلغهم اني ما بحظر باجر




    حمدان ما فاتته ضحكتهاا ويدري وينهاا بس يريدهاا تقول : ممنوع الغيااب، وينج انتي؟




    اسوم: ما يخصك والحين مع السلامه، اناا هب فااضية لمكالمات فاضية ،،




    حمدان باستهزاء :بشو مشغولة ؟ بالدكتور ولا بولد عمج؟




    اسوم التفت تطاالع حولهاا وردت ببرود وهي متأكدة انه يراقبهاا همست حقير وبصوت عاالي: كيفي انشغل بلي يهموني




    حمدان: زين يا اسماا ،بنشوف لين وين بتوصلين ،،




    اسوم : فماان الله حبيبي الله يحفظك




    حمدان اطاالع الفوون باستغرااب !! وهي بندت الفون وجاابلة وليد ،،




    وليد بقهر: منو ترمسين ياا محترمة؟




    اسووم تسبه وتسب حمدان لانه رد يتصل : وانت شلك؟




    دخلت الغرفة قبل لايرد عليهاا وليد،، ردت ع حمدان ،،




    اسوم بهمس: شوو؟




    حمدان: انتي وين؟




    اسوم: ما يخصك ،ولا تصدق عمرك قبل اشوي قلت جذه بس عسب اغاايض حد




    حمدان بعصبية : منو تغاايضين؟




    اسوم: يا اخ ما يخصك، واسمع .........




    بندت الفون وغلقته وهي تضحك متخيلة شكل حمداان يسمع الفوون مبند !! يلست ع الكرسي وتنهدت شو الي يصير بي؟ كل وااحد يتهمني بشي،، إن شاء الله ما يوصل الخبر لاخوااني،،حتى ودووم صاارت تسب ووتهمني باشيا ما يخصني فيهاا ،،




    اماا حمداان من قاالت كلمة حبيبي واغاايض بحد وهوو يفوور من الغيض والقهر،، يريد يعرف هي تغاايض بمنو!! ياا وييلج ياا اسمااا ،،




    ،،،


    اليووم الي عقبة اسووم كاانت متووقعه اتصالات من حمداان وانه بيوااقعهاا وبسبب لهاا مشااكل وبلااوي وماا بيعطوونهاا اذن تغيب عسب اتم وياا الميث!!! بس استغربت من سمعت قسم التدريب يعطيهاا الاذن للغياب يومين او ثلاث ،،لان الاستااذ حمداان .................!!! ×.×"




    ،،،،،،




    *كلمات الابيات لشاعرهاا ،لان ما اعرف الي كاتبنهاا ،،اسمحولي ،،




    بلاه حمدان !




    لو كنتوا بدال شمه شو بتسون !




    انتهى اليووم ،، وتأجلت لقائات ،، وانقطعت حوارات،،




    عسب تكملونهاا وتعرفون الي بيصير !،،




    ارقبوني بالجزء 13 ..





    Twitter:NoOshii__

  8. #18
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 13


    ــــــــــــــــــــــــــــــــــــــــــــــــــ ـــــــ







    ***


    على كيفك اذا بتروح


    انا ما اجبرك تبقى


    اعرف اللي يحب بروح


    بعد ما يبتعد يشقى


    ***


    دخلت اسوم لقت ذيااب وااقف حذال الميث،،


    اسوم: من متى انت اهناا!


    ذياب: خفي صوتج قبل اشوي رقدت ،،تعالي برع


    ظهر برع ووراه اسووم،،


    اسوم: كيف قبل اشوي وهي راقده من الباارحة؟


    ذيااب: الدكتورة من ساعة دقت عليه وييت ،انتي وين كنتي؟


    اسوم توترت : اهناا تحت ،هي كانت رااقده وقلت بنزل بتريق ،


    ذياب: بس انا صار لي ساعه اهنا وانتي هب مويودة ، والحمدلله ان ما صار عليهاا شي،،


    اسوم بتغيير الموضوع : والحمل؟


    ذياب: عطوها ابر ، ورقدت،،


    اسوم: الحمدلله ع سلامتهاا،،يالله عيل اناا بدق ع الدريول بروح البيت بسبح وبريح وبعدين بيي،


    ذيااب: تمي الين توصل عمتية وبعدين روحي، ما فيني ع لغية وليد


    اسوم: ماا عليك منه،خله يولي عنك، انت يالس وياا حرمتك هب يالس تسوي شي غلط،،


    ذياب: اسوم ايلسي ما فينا ع الفضاايح ويااه،، بيناا فون طمنيني عليهاا ،فماان الله ..


    وصلت حرمة عمهاا ع السااع 11 وربع،، يسلت اسوم ويااهم اشوي وترخصت ،،


    من وصلت بيتهم شاافت خليفه ،،


    خليفه بخوف : بشريني شو حالتهاا الحين!!


    ابتسمت اسوم بحزن : لا تحااتي اهون ، والحمدلله عطوهاا ابرة تثبيت حمل،،


    تنهد خليفه : الحمدلله ، والله اني من الباارحة اتهرب من شووفة ذيااب،، يااا اظهر ياا ياالس ف الغرفة،،


    اسوم: شعنه؟


    خليفه:انتي تدرين انه ضربهاا بسببي،، المهم هي شو تقول؟ شو تحس به؟


    اسوم : الحمدلله بخير،،انا سألتهاا عن الي صاار واذا انت السبب ،؟ تقول خليفه ما يخصه ،، واللوم كله عليهاا ذيااب كذا مرة منبه عليهاا ماا تيلس بالصاالة ،وعصب لانهاا ماا سمعت رمسته ،،وهذا كل شي


    اختلطت مشاعر خليفه من حزن وعصبية : وانتي مصدقه ؟ اكييد ذيااب لين الحين شااك اني احبهاا ،، اول ما تظهر حرمة ذياب بنروح نخطب منال ،يهزي عمرج،،


    اسوم انصدمت اول مرة خليفه يقول حرمة ذياب!! والصدمه الثانية مستعيل يريد يعرس مناال!!!


    ماا وحى لهاا ترمس ألا هوو ظااهر ومخلنهاا بحييرة ،،،!!



    ،،،،،،



    يومين واهل ميثاا من البيت للمستشفى والعكس،،، وظهرت بالسلاامة الحمدلله ،،، اصرت ترد البيت مع ذيااب الي كاان مقرر يقوولهاا عن موضوع الطلاق!! وانصدم انهاا بترد ويااه البيت !!


    عقب صلاة العشاا ،،


    ف بيت بوذيااب ،،،


    قسم ذيااب وميثاا ...


    اسووم بابتساامة : نوورتي البيت فديتج،،


    الميث: منور باهله ،،


    اسووم التفت لذياب وردت تطاالع ميثاا :عيل اناا بخليكم ،،


    ظهرت اسووم ،،


    الميث تطاالع ذيااب الي من دخلوا وهو متوتر: اكيد مستغرب اني رديت بيتك؟


    ذيااب : هو بيتج مثل ما هو بيتي،


    الميث : عيل شعنه دوم تقولي لا تظهرين الصالة ؟ ولا تاكلين ف غرفة الاكل الي برع؟


    تنهد ذياب: ما له داعي نرمس بمواضيع انتهت، هذا بيتج ولج حرية تيلسين بالمكان الي تريدينه ،،


    الميث بحزن : الحين بعد ما كسرتني ؟


    يلس ع الشبرية جريب منهاا : ميثاا اعتذرت لج عن الي صاار، وقلت لج المكان الي يعيبج ايلسي به ، شو تريدين بعد؟


    الميث طالعته بخوف وهي تبعد نفسهاا من حذااله: هب قادرة اساامحك ،


    ذيااب استغرب مرتين الحين تناظره بها النظرة ،مسكت ايدهاا ما يريدها تنش: انزين شعنه متروعه!


    الميث سحبت ايدهاا وهي متروعه : لا تمسكني ،اكييد بتكسر ايدي الثانية بعد ،خل يشلون الجبس من اليسار واستخدمهاا وبعدين اكسر هااي،،


    ابتعد ذياب من حذاالها ويلس ع الكرسي بعيد اشوي: لا تتروعين خلاص ماا بيي صووبج ،


    انسدحت الميث برااحه وهي تشوفه ييلس بعيد عنهاا ،،ذيااب كاان مااسك فوونه ومنتبه لهاا اطاالعه متروعه منه ،بس هو مسوي عمره منشغل بفوونه عسب ترقد وترتااح،،مرت ربع سااعه وهو عيوونه ع الفوون ،رفع عيوونه صووبهاا طاالعهاا رااقده ،، دخل سبح وبدل،،يرمس عمره وين ارقد ؟ هااي بتموت من الروع لو شاافتني حذاالهاا!!


    اقترب صووبهاا لمس خدهاا بعده آثار الطرااق عليه،ومرر ايده ع الجبس بايدهاا اليساار بااسهاا ع خدهاا وهمس :تنكسر ايدي لو مديتهاا عليج مرة ثاانية يالغالية ،،


    وقف خذ له لحاف ومخده ،توجهه لصاالة انسدح ع وحده من الكرفايات الموجوده ،،،تمت يفكر ع شو نااوية ي ميثاا؟ ردتج وراهاا شي؟


    اماا الميث ما كانت راقده وتروعت من رمسة ذيااب!



    ،،،،،،،،


    ف قسم خليفه ،،


    خليفه: قلت لج بااجر المساا،، اناا رمسة ذياب وهو رمس عمومتي،،


    اسووم معصبة منه : ليش هااي البنت هب غيرها!


    خليفه يغاايض بهاا :كيفي ، حبيتهاا


    اسووم: لاا ومن متى إن شاء الله ؟ اثرك قد شفتهاا!


    خليفه ضحك ع رمستهاا شراا يدته:هههههههه اسميج صدعه ، ياا ابويه ما قد شفتهاا ،لكن خليناا نحل هاا الموضوع وننتهي منه خلاص


    اسوم: تتحسب اذا عرست يعني ذياااب بيعيش مرتاح وياا الميث؟


    خليفه: فكيني لشو تريدين توصلين ؟


    اسوم: انا قلت له انك تحب بنت وناوي تخطب ،،قاام كسر حرمته،، الحين بتعرس شو بتفرق يعني؟؟ ذيااب ماا بيتغير الين يفهم الموضوع عدل،،ويعرف ان ميثاا ماا تعرف شي، ولا درت عنك ولا عن حبك،،


    خليفه تأألم من رمسة اسوم وان الميث ما تدري عني صدقج: والمطلوب؟


    اسووم: لا تعرس، واناا بشرح لذيااب،،


    خليفه: لعبه هي؟ اقولج مرمس الرياال قايل له بخطب اختك،، اسوم روحي ارقدي

    اسوم مغتااضه ماا تروم تقووله عن مناال الستر زين : اسمحلي خليفه بس انت مخك تنك،، وتفضل غيرك ع نفسك،، صدق يووم قاالو الحب اعمى،، وكل الي يحبوون عمياان عافان الله
    نشت اسووم تشرد ،، وفرهاا خليفه بكرتون الكلينكس،،ههههههههههه،،اسميهاا تستهبل ،،!!

    ،،،،،،،،،،
    اليوم الي عقبة ..
    العصر ،،
    ف قسم بطي ووديمه،،
    وديمه: وصلني بيت هليه ،
    بطي مستعيل شل فوونه : اوكيه يالله اناا ظااهر،
    وديمه بتوتر: يمكن ابات ويااهم الليلة ،
    صد صووبها يطاالعهاا : شعنه؟
    وديمه: يعني من عرست ما بتت ويااهم ،، وميثاا تعباانه بعد اريد اتم ويااها يمكن تحتايني بشي،، وبماا ان لغيناا السفر بتم ويااهم اسبوع
    بطي عطااها ظهره بيظهر: يصير خير،،

    وديمه: يعني بتوصلني ولا اخلي حد من خواني يمرني؟


    بطي: ما له داعي الليلة بتروحين ويااهم ،،فمان الله


    ظهر بطي ووديمه ماا فهمت عليه ،،الا انه شكله ماا يريدهاا تباات!!!



    ،،،،



    فليل عقب صلاة العشاا،،


    وصلوا بيت بوبطي ،،


    ذيااب وخليفه ويااهم عمهم بوسيف وسيف ،اماا بواحمد اعتذر لانه ف بوظبي،، وحضر عبدالعزيز عن ابوه،، اما الاخ الكبير احمد ف طبعاا ما يحضر ها المناسبات وخصوصا ان اليد ماا يدري به ماا رااح ولا بيغسل شرااعه وغصب عنه بيروح ،،


    اماا بطي ف ويااه حمداان ،، وخااله بوعلي،، تمت خطبة منال بشكل رسمي،، وتحددت الملكة بعد اسبووع ،،طبعاا تدرون شعنه مستعيل خليفه!! محد يدري غير اسووم !!!!!!!


    دااخل البيت ،،البناات يالساات وياا مناال،وبااركوا لهاا ع الخطبة ،، وزقر بطي وديمه ،،


    عند البااب الخارجي الي يوصل للميلس ،،


    بطي:بتروحين ترا اهلج اهناا ؟


    وديمه مغتااضه منه امره ما قالهاا ان خليفه ولد عمهاا ياي يخطب ،لولا ان اسوم وميثاا خبروها قبل المغرب ولا كانت بتتفشل يداام اهله،،


    وديمه: شعنه ما قلت لي عن الخطبة؟


    بطي بتمثيل : اوه شعنه اهلج ماا خبروج؟.


    انقهرت وديمه منه تحس بتصيح : لا ما خبروني المفروض انت تخبرني وانت توصلني بيت هليه،، هب تقولي /وقلدت صوته : ترا اهلج اهنا بتروحين.؟


    بطي: زين ما صار شي،، يعني انتي تريديني انا اوصلج بوصلج،،


    التفت متوجهه للميلس،، ووديمه كل يووم يزيد استغراابهاا منه؟ معقوله هذا بطي!!،،


    تعشوا ف بيت بوبطي ،وبعدهاا كلن سراا لبيته ،،،



    ،،


    كاانت ياالسه وياا ام بطي ومناال ف الصااله دخل بطي سلم عليهم وباارك لمنال ع الخطبة ،،رااحت منال غرفتهاا ،،وترخصت ام بطي بترقد ،، ونشت وديمه راحت قسمهم ،،وبطي يطاالعهاا بحزن،تم ياالس تقريبا نص سااعه ،عل وعسى تهدا من العصبية ،،


    دخل القسم ماا شافهاا ف الصاالة ،اكيد رقدت ،،سبح وبدل ،،سمع صووت ونين،، اقترب من وديمه ،،تصيييح !!!!!!!


    رفع اللحاف عن ويهها وهي دفنت وييهاا المحمر بالمخدة ،،


    يلس بطي قريب منهاا: وديمه بلاج؟ شعنه تصيحين.؟


    صاارت تشااهق بصوت اعلى ،، وماا ردت عليه ،،


    حاول يرفع راسهاا: ارفعي رااسج ،بتختنقين بالمخده ،،


    دزت ايده عنهاا نشت متوجه للحماام :يعلني اختنق ما يخصك فيني،ولا اصلا شعنه بتهتم،،


    صكت البااب بقوو،،،حشاا بتكسرة !!


    بطي مستغرب ردت فعلهاا ،ماا توقعهاا تصيح،،وهي الي دوم لساانهاا شطوولة!! يمكن زودهاا اليووم ،عياا ويااهاا،هب رااضية تفهم عليه،،


    اول ماا ظهرت شاافته وااقف يدامهاا لابس كندورته ومتعصم ،،،


    بطي: ها الصياح كله بس عسب ما شليتج بيت اهلج؟ يالله بدلي بوصلج،


    خطفت من حذاله ،يلست ع الشبرية : انت ما عندك احسااس ولا تفهم اصلا،، خلني بحالي ما بروح ويااك مكاان،


    بطي ماا صدق خبر راح غرفة التبديل ،غير ثياابه ،ورد ينسدح بيرقد،، وديمه كاانت متوقعه يرااضيهاا،يعتذر لهاا عن الي صاار؟ بس مااشي احسااس ع قوولتها ! تنهدت بصووت عاالي،بطي كااتم ضحكته ،،كل ما تحاول ترقد تدمع عيوونهاا،، ما تدري هيه صاارت حسااسه ولا بطي الي ياالس يجرحهاا بزيااده !! ولا كأنهاا موجوده مهمشنهاا امرره ،،صاارت تشهق بصوت خفيف،، التفت بطي يطاالعهاا عاطتنه ظهرهاا ،اقترب منهاا


    حط يده عليهاا : وديمه بلاج الحين بعد؟


    وديمه بغصه :شل ايدك


    بطي لفهاا صووبه الين صكت بصدره:ما بشلهاا وبترقدين جذه الليلة ،شو صاابج شعنه كل ها الصيااح؟


    حاولت تبعد عمرهاا : هدني بطي الي فيني مكفيني خلاص،


    بطي:فهميني بلاج؟


    وديمه: اقولك هدني


    صد بطي عنهاا مخلنهاا بدواامت الصيااح الي ابتدتهاا،،هي تشهق وهو مااسك عمره عن يلتفت صووبهاا ، وديمه تصيح يا بطي؟ تصيح بسبتك وانت حتى ماا تنزلت تعتذر لهاا،، طوييلة الدقااايق الي مرت واختفى صووتهاا ،، صد يطاالعهاا قريبة منه حييل،


    مسح آآثار الدمووع بظهر ايده ،،وهمس كأنه يرمس عمره فديتج دموعج غاالية ، اخ بس لو انتي ,,,.....!! تنهد ورقد ..



    ،،،،،،،،،،،



    صووب غرفة اسووم ،


    رقم غريب يدق عليهاا ،


    بخااطرهاا هب كافي الغبي حمدان ،،منو هذاا بعد!! بالعاادة ماا ترد ،،حطته ورد يدق ،،وبعدها مسج !! انا .........ردي عليه ،،


    فجت اسووم عوينااتهاا ×.× يخسي الحقير الثااني من وين يااب رقمي! يعلهم هااييل من وين ظهروا لي! استغفر الله العلي العظيم...


    ورن الفون للمرة الثاالثة ،، واسووم معااندة ماا بترد ،، بالمرة الراابعة ردت ،،


    اسوم: نعم؟


    ...........: بسم الله الرحمن الرحيم،بلاج؟


    اسوم: شو تريد؟


    ...........:غريبة يعني سألتي شو اريد،و ما سألتي منو عطاني الرقم؟ شو تتحسبيني شحات ،داق عليج عسب اريد شي؟


    اسوم:...........


    .............: اسمع صوتج اختفى ؟ ولا ما عندج رد؟


    اسوم: يا اخ اخلص شعندك؟


    ............ تنهد منهاا : ما عندي الا كل خير إن شاء الله ، شو صحتج الحين؟


    اسوم ضحكت باستهبال: ما ضنتية داق عسب تسأل عن صحتية؟


    ............: لا هذا السبب ،ماشي غيرة.


    اسوم:واناا اقول ما يخصك فيني وكل الي قالته لك وديمه انسااه،وحتى رقمي ولا كأنك اتصلت ولا كأني رمستك،،


    وليد: انتي شهاالاسلوب الي عندج؟ هذا وانتي دارسة ف فرنسا ام الاتيكيت ؟ شعنه شاايفه عمرج عليناا! شو ها التكبر؟


    اسوم: ياخي اناا جذه، شاايفه عمري ومتكبرة ،انت شلك؟ بينقص منك شي؟


    وليد : الغلط هب منج،واسمحيلي


    اسووم ما ردت ،ووليد صك الخط،، تاففت من الحاالة الي هي فيهاا،كل وااحد يفسر ع كييفه، رااحت لثلااجتهاا الصغيرة المتروووسة كاكاواات ،وخذت لهاا الاول والثااني والثاالث والراابع تااكله والخاامس شلته و ظهرت ف بلكونتهاا وطبعاا ع طرف اليمين بلكوونة خليفه ،هو كان ياالس برع،،


    خليفه: اووه اسووم عدج ما رقدتي؟


    تااكل الكاكاو: لا ،انت شو موعنك؟


    خليفه:ماا ياني رقااد ,,,,بلاج معصبة؟


    خلصت الكاكاو وفتحت الي بيدهاا: هب معصبة


    خليفه : كم واحد كليتي؟


    اسووم بهدوء: ها الخامس


    صرخ خليفه: انتي تبين تمرضين غصب، بسج حطي الكاكاو ،شو الي عصب بج؟


    قطع رمسته صووت ,,,,,,,,,,،،


    اسوم: شو ها الصوت؟


    خليفه وقف ع طرف البلكونه : شكله ولييد نقز بالحووض


    ومشت اسوم ع طرف بعد اطاالعت واحد يسبح:هاا مينون حد يسبح الحين؟


    اماا وليد بعده يالس ف الحديقة رفع رااسه يطاالع صوب غرفتهاا ،،تنهد ،خلع التيشيرت ونقز بالمسبح،×.× صدق مينون فليل والجوو باارد والاخ يسبح !!


    خليفه: بنزل بسولف ويااه،،تعاالي بدال اليلسه روحج، وبسج من الكاكاوات


    اسوم: هاا؟انا اروح ويااك؟


    خليفه: هيه تعاالي تراج رابية وياا وليد شو الي تغير الحين؟


    اسوم حبت تتأكد هذا وليد ولا خليفه يخرط: اوكيه يالله بدخل بلبس شيلة طويلة احسن،


    دخلوا،،وتلاقوا ع الدري،،نزلوا،متوجهين ورا الفله صووب المسبح،،يلسوا ع الكراسي الي حول المسبح،،


    خليفه: وليد يا المينوون حد يسبح بها الوقت؟


    سبح وليد مقترب صوب خليفه ورفع رااسه قبض حاافة الحوض شاافهاا ياالسة وياا خليفه شكلهاا هب بخير: شوو اسووي اظهر الطااقة بسبااحة ونسوي ريااضة


    خليفه: الله وأكبر حد يسوي ريااضة بهاا الوقت وبها الجو؟ اظهر خلناا نسولف


    وليد التفت لاسماا:اشحاالج اسماا؟ وصد لخليفه :اسكت يااخي فيني عصبية بنفجر بوييه اي حد،خلهاا تظهر بالمااي احسن،،


    اسووم تحااول تبعد عيونهاا عنه : الحمدلله


    خليفه: ومنوو معصب بسياادة الملازم؟


    اسوم: وشو اليديد دوومهم الشرطة معصبين ،،


    وليد ابتعد يسبح ورد مره ثاانية ،وسمع اسووم شوو قالت،،


    ابتسم: الشرطة ما يعصبون منه والدرب،،االا ااذا في سبب،، خليفه تعاال بخبرك


    فجت عيوونهاا وهي تطاالع خليفه يسير صووب وليد الي ينااظرهاا بتحدي،،لايكون بيقولة اني اناا الي عصبت به؟ خله يقوله واناا بقول متصل بي شعنده!!


    وليد عرف بشو تفكر وهمس لخليفه بكلماات خليفه يلس من كثر ماا يضحك،،


    اسوم: ضحكوني ويااكم


    وليد رفع حيااه بمرح: ماا يخصج ،ولا كأنج شفتيني اقول ولا كأني قلت شي،،


    وخليفه بعده يضحك ،،، انقهرت اسووم منه ونشت بتدخل،،


    خليفه:هههههههه وين ياالسين بعدناا


    اسوم تطاالع وليد ببرود : برد وانتوا ماا عندكم احسااس ،يلد تمسااح والعيااذ بالله ،


    وليد :خلهاا الرقيقة ماا تروم ع بردناا لكن تروم ع برد اوروباا ،،


    اسووم ردت يلست بمكاانهاا وابتسمت لوليد:منو قال اصلا البرد اهناا ولا شي يداام اوروباا،،


    خليفه: هيي بلااكم ؟ اشوي وبينقع البوكس؟ وليد قم اظهر عن تمرض


    وليد : ياخي سير ييب لي فوودة الحين جيف بدخل البيت وخرساان مااي؟


    خليفه: لا عااد عن المصااخه، ولو اناا ماا يييت جيف بتسوي؟اكيد بتروح الملحق ، اسووم افداا خشمج سيري الملحق وييبي له فوده


    اسووم: نعم ! اناا اسير هاا الملحق؟ ماا اريد روح بروحك


    وليد بغيااض: اصلا اناا ما بسمح لج تدخلين ملحقي،،، ماا اريده يتوصخ ،انتي نعاالج وصخه داايسه بهاا كل هاا الترااب ف الحديقه وبتدخلين توصخين لي الدنياا ،، خليفه سير ييب فوده بس


    خليفه: اووف منكم ،، جني يالس وياا يهاال، ناقر ونقير ،عافان الله اسوم اناا اكبر عنكم وكل وااحد ياامر من صوب،،


    اسوم: انا ما آآمرت عليك ،،


    وليد: الي يشوفك ما يقول اكبر عنهاا ، بيقول هي اكبر عنك بعشر سنواات


    ضحك خليفه مبتعد وهو يدخل الملحق،،


    اسوم: ابداا ماا يضحك ،


    وليد ظهر من المسبح: هاها يضحك،، زين انج نزلتي ظهرت اشوي من عصبيتي عليج،


    اسوم صدت عنه ، تتحاشى اتشوفه وهو صدرة عااري ،لابس برمووده بس ،، يلس قريب من الكراسي الي حذالهاا ،،


    اسوم بأأمر : سير ايلس ع الطاولة الثاانية ،


    رفع وليد حيااه : ليش مكتوب اسمج ع هااي؟


    اسووم:عن الفلسفة نش بعيد عني


    وليد: الحين السؤال صار فلسفة.؟


    اسوم نشت ووصل خليفه:وين بتسيرين؟


    اسوم: بسير برقد تصبحون ع خير،


    خليفه: تعاالي وبندخل وياا بعض،، امسك انت نشف عمرك وسير بدل،،


    اسوم: لا خلاص بسير،،فمان الله


    مشت اسووم ،،ووليد رد قاال شي لخليفه ،،نقع خليفه من الضحك ،،ها المره ماا صدت ،،دخلت البيت ،صعدت غرفتهاا بترقد ،،،







    Twitter:NoOshii__

  9. #19
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    ،،،،،،،،،،،،



    الاياام تمضي بناا ونحن هب حااسين بهاا ،كل يووم نأجل شي، شغل؟ حل مشكلة؟ تسوية خلاف ؟ تصاالح مع احد؟


    الين متى بنضيع الوقت؟


    الين متى بنضييع الفرص الي اتييينا !


    الين متى بنأجل حل المشااكل وسوؤ الفهم الي امبيناا !


    ابدئوا .. ابدئوا .. ابدئوا الحين من هاا السااعة,, لانكم مااا تعرفون متى النهااية !!


    ،،


    بواحة الأسرار منقود منقود

    لا لا اتكلم باللسان الطليقي



    ترنيمة النهوند وترنيمة النود
    قام يعزفها حيل و أنا في ضيقي




    يا ذا البشر يا راعي الخيل والذود
    كيف الخيانه لي تجي من رفيقي




    ما كنت بأعشقها ولا كنت بأعود
    لين اكتشفت انه هواها حقيقي




    في مقلتيك أنهار وبحور وورود
    لايق وفيك الوصف كله يليقي




    يا معادي للنكس تستاهل الزود
    وأنا لك بسمع الغرام استليقي




    ارحمني بنظرة ترى نظرتك جود
    مشاعري نامت ولا قلت فيقي




    ظميان قرب شفتك زيد الخود
    أخاف أموت فراق ما ابتل ريقي




    صحيح أنا محبوب للبيض والسود
    لكن ما غيرك لقلبي عشيقي




    إليا فتحت العين ألقاك موجود
    ذكراك ترسم صورتك في طريقي




    ولا تشعل النارين يا مخصر العود
    أنا بليا عود زايد حريقي *





    *كلمات /الشيخ حمدان بن محمد آل مكتوم


    ,,


    في مرة من المرات الي يالسه فيهاا اسووم مع يدتهاا ،، كاان وليد يالس وياا اليد ،، بس طبعاا اسووم واليده ياالسين بعيد اشوي عن وليد واليد،، اسووم كانت دووم تسأل يدتهاا عن عمتهاا الي تووفت من كاانت صغيرة واي حد تفتح ويااه هاا السيرة يغلقهاا بدوون نقااش وخصوصا وياا اليد بوأحمد ،،، اماا اسووم ماا كاانت تتروع لانهم مربينهاا وتسأل بكل رااحه،، من شاافت دمووع يدتهاا تعلن تسيل ع خدهاا الابيض المتجعد من تحت برقعهاا الاحمر الي ماا يفاارق وييهااا يووم تيلس برع ،،


    اسووم لاحظت نظراات العيووز صووب وليد : يدوه انتي شعنه كل مره ارمس عن عمتيه تصيحين ؟؟ولا ترمسين عنهاا وعن حياتهاا ؟


    أم أحمد (اليدة) تمسح الدمووع الي شقت طريق حزين عبر تجااعيد وييهاا الشااحب من البيااض والكبر،،


    اليده همست بصووتهاا المبحوح العميق: فديتج اميه لا ترمسين عنهاا ، يدج مويود ماا فيناا ع صدعته


    رق قلب اسووم ليدتهاا واقتربت لتهمس : يدوه رمسيني عن عمتيه؟ وشعنه انتي ويدي واايد متعلقين بوليد وكل ماا نذكر عمتيه تطاالعونه؟


    اشرت اليده لاسوم تصخ ،، وتتبعهاا دااخل البيت البسيط ،،التاابع لمحلقاات فللل عياالهاا ،،


    يلست اليده تروي حكاية العمه الغاايبة الحااظره ف قلووبهم ،، وذهنهم ، وبين جمله وكلمة تسقط دمعه ،، واسووم تحث يدتهاا ع التكملة قبل لحد يدخل وتنقطع الساالفة ،ومنو بعدين بيكملهاا لها !!!


    ام أحمد (اليده) : بنتيه موزه رحمة الله عليهاا ،، عرست غصب عن ابيهاا ،


    اسوم هب من طبعهاا تقطع رمسة حد بس انصدمت من رمسة اليده !! وخصوصاا ان الكل تحت امره ومحد يعصاا رمسته،، غريبة بنته ؟؟ لا تستعيلين ي اسووم؟ ولا تحكمين قبل لا تعرفين ،وانتي اكثر وحده تنفهم غلط وينحكم عليهاا وع تصرفاتهاا قبل ليعرفون السبب ،،


    اسووم: يدووه جيف؟


    تنهدت اليده وكأن اسووم تفتح الستاار لاحدااث مرت وولت ،وانطووت صفحتهاا مع الاياام ،، وتذر ملح ع يرووح تنزف وماا برت ،،


    ام أحمد (اليده): شما حرمة سيف و وليد عيالهاا ،


    اسووم تحث اليده ع التكمله ،، وهي خلاص بلغت منتهااهاا من الفضول ومعرفة بقية حيااة عمتهاا !!


    اسوم قالت جملة ما ادري جيف : يعني هب عياال خالة عياال عمي!! شدخل عمتيه!!


    ام أحمد (اليده): لا تستعيلين يا امج ،، ياايتنج بالرمسة ،،


    اسوم صخت تسمع كلام يدتهاا الي بمنظورهاا رواية من صنع الخياال،، شكت ان كاانت اليده خرفت ومن كثر حبهاا لوليد وشماا بدت تلصقهاا بهم ع اسااس انهم عياال عمتهاا ،،


    وزاال الشك وهي تنااظر بالصوور عديمة الالوان عدا الابيض والاسود ،الي ظهرتهاا اليدة من مندووس قديم ،، لثلاث اولاد وبنت من النظرة الاولى لصورة بتعرف انهم باعمار مختلفة ماا بين 12 و17 سنه ،، الاعمار مجرد تخمين من راس اسووم ،، اشرت اليده ع كل واحد مع ذكر اسماائهم،، احمد (ابووهاا) لمحت الشبة بينه وبين اخووهاا خليفه سبحاان الله !! يليه عمهاا (ذياب) بوسيف وابتسمت بمرح ملاحظة الشبهه الي اكدته اليده لوديمه ،، وبعده العمه الي انحرموا من شووفتهااا ولا عرفوا ملامحهاا توسعت عدسة عيوون اسووم وتبصم بالشبهه بين عمتهاا وشما ووليد ×.× واخيراا بواحمد بتحلف انه عبدالعزيز لولا ان الصوورة القديمه تأكد انه عمهاا (محمد) بواحمد ،، سبحاان الله اشكاال عمومتهاا بأياام الطفوولة والمرااهقة نفس ملامح عياالهم بالضبط مع اختلاف الازماان ،،


    كاانت تتأمل كل وااحد بالصوورة مع تخزين كل تفااصيل ملاامحهم ف ذااكرتهااا ،،، وارتكزت عيوونهاا ع العمه بالصوورة وحفظة الملاامح عن غيب داام ان وليد وشماا ويااهم إن شاء الله ماا بتنساا،، انتبهت لنحيب اليده ودمووعهاا المسترسلة ع خدهاا المتجعد ،،


    اسووم لووت ع يدتهاا بحناان: يدووه فديتج بلا هاا الدمووع ،،


    ام أحمد (اليده) باادلتهاا الحضن بدفئ الاموومة: قلبي انحرق عليهاا يا امج ،، وانحرقت روحي يوم وفات احمد ،رحمة الله عليهم ،،ياالله بالصبر يالله


    اسووم: الله يرحمهم ويغفر لهم ،،


    دقت البااب صحتهم من سباات الحزن الي دفنوا عمرهم به لسااعتين متواصلتين ،، دخل وليد ،،


    وليد: يدووه بلاج تصيحين؟


    اسووم كاان تحط الصوور بالمندووس لتندثر مرة ثاانية بين طياات ثيااب اليده ،، وبعض منهاا اكييد لاسوم نصيب منهاا بعد ماا دستهاا بجيب مخورتهاا ،،


    ام أحمد: ماا فيني شي فديتك،اقرب تعاال


    وليد انتبه لاسوم: اسماا شو مسويه ليدوه ؟


    صدت اسووم تطاالعه وببراائة : ما سويت شي ،


    ام أحمد (اليده): ماا سوت شي،يااغير اني ذكرت ولدي رحمة الله عليه،،


    تنح وليد من نظرات اسووم الغريبة وردد بآآلية: الله يرحمه ويغفر له ،،


    ام أحمد (اليده) :يالله نشوا عن نتأخر ع بواحمد


    همست اسوم ليدتهاا بكلماات وابتسمت اليده موافقة ع الشي،، بعد ما تأكدت ان وليد عاطنهم ظهره ،،



    ،،،،،،،


    العصر مجتمعين ف المستشفى ،، اهله يبااركون له ،،


    سيف : مبروك الطاارش ي بوسيف ،


    سلطان : الله يباارك فيييك


    عند مديه البناات ياالساات ويااهااا،، اسوم وفطيم وشمه حرمة سيف،،اماا الميث ماا تروم عدهاا تعباانه،، ووديمه ماا عندهاا علم !!


    اسووم: فديت ذا الويه ،، ماا شاء الله عليه ،،يتربى بعزكم إن شاء الله ،،


    مديه : تسلمين فديتج،،


    فطيم بلعاانه: عقباالج اسووم تعرسين وتيبين لج بيبي شرااته ،،


    اسوم ماا اهتمت للقالته فطيم ، ومديه تريد تضحك لكن التعب والالم وانحراج فطيم منعهاا من الضحك ،،، وترخصت اسووم بتظهر بعد ماا يلست نص سااعه ثجيله ع قلب فطيم، مرتااحه اسووم ولا يهمهاا اماا فطيم منقهره وهي تتحسب اسوم خطبة لخليفه ربيعتهاا، وااه يوم ان مناال ربيعت اسووم ×.×


    قبل لا تظهراتصلت ع خليفه الي نزل يباارك لولد عمه ،،لعاانه بفطيم عسب تسمعهاا ترمسه ،،


    اسووم: خليفه وينك ؟,,,,,,,اهاا يعني انت اهناا!,,,,,,,,,,,,,,,,,,,,,,,اوكيهه ارقبني اشوي وبظهر,,,,,,,,,,,,,,,,,,,بيبااي


    شمه: اسووم فديتج لو تشوفين لي موزه وعايشه وذيااب مخلتنهم عند عموه لكن ادري بهاا عمووه بتي

    اسوم: إن شاء الله ،اذاا يت صووبج بخليهم ويااي ،،
    ابتسمت شمه ،،اسووم سلمت عليهن وظهرت ،،،


    ،،،،،،


    ***


    قالوا ان الشخص تعرف قيمته لما يغيب

    وانت غبت ومات قلبي من رحيلك يا حنون
    كيف تترك قلبي اللي فيه ظنك ما يخيب
    تحسب ان احساسك ميت من زرع فيك
    الظنون؟
    يا حياتي في غيابك كل جرح ما يطيب
    وفي حياتي يا حياتي غير جرحك ما يهون




    ***



    ف قسم ذياب وميثاا ،،


    ذيااب : ماا بتسيرين ،


    ميثاا : جيف يعني ما اسير؟ مديه بنت عمي وحرمة اخوية ،شعنه ما اسير؟


    ذيااب يريد ييلس حذاالهاا لولا انه يدري انه تتروع منه : شو شعنه؟ ترااج تعباانه والدكتورة مخبرتنج لا تتحركين واايد


    ميثاا يلست بتعب : لا الحمدلله اهون،


    ذيااب اقترب من السرير: واناا قلت مااشي سيرة ،، بتظهر وبتزورينهاا اهناا


    ميثاا قبضت فوونهاا : انت قول ما تروم تاخذني،، عاادي بدق ع وليد يااخذني


    سحب ذيااب الفوون من ايدهاا : ميثاا عن حركاات اليهاال ،خلاص عااد


    عطااهاا ظهره متجه صووب الصالة وميثاا مشت صوب غرفة التبديل،لبست عبااتهاا بصعووبة وهي تتحرطم بسبب ذياااب ،،عدلت شيلتهاا ومشت بتعب ،دقت ع وليد وقالهاا انه ف البيت بيلبس وبييهاا ،الين ظهرت شاافهاا ذيااب ،،


    ذيااب: وين؟


    ميثاا: بسير المستشفى


    ذيااب عقد حيااه (الحيااه يعني الحواجب ): يعني انتي تعاانديني ؟


    ميثاا خاافت : لا بس اناا اريد اروح


    ذيااب :.....



    ،،


    ف طرف ثااني ف مجمع الفلل


    عند باااب بيت بوسيف ،، سلمت اسووم ع ام سيف بعد ماا خذت بناات سيف ويااهاا والشغاالة شااله ذيااب ،، وام سيف بتسير المستشفى وياا وليد ،،//خارج النص موزة الصغيرة عمرهاا 7 ف ثااني،، وعايشه 6 ف اول وذيااب من شهور//


    ظهر وليد : انتي وين شااله اليهال؟


    صدت اسووم : وانت شلك؟


    نزل وليد من الدري قااطع المساافه الي بين الملحق وباب بيت بوسيف،،


    وليد: اناا خاالهم،،/وصد لشغالة وياا البناات: شليهم دااخل ،،


    اسووم: بس انا ..


    قطع رمستهاا وهوو يمسك البنات: انتي محد طلب منج تاخذينهم،،


    اسوم: هد البناات ، ترااهن عيال ولد عمي،،ف عاادي لو تموا وياايه


    ابتسم وليد باستهزاء: عيال ولد عمج !! ياا كبرهاا ، ومنو قاال عاادي؟ اناا ماا أأمن عليهن وياا وحده شرااتج


    صدت اسووم عنه متووجهه لبيتهم بدون ماا ترد عليه ،،


    اماا موزة الصغيرة اطاالعت خالهاا بخوف وقاالت: بروح مع آآنتي اسوم


    وليد كاان يطاالع اسووم تمشي مبتعدة عنهم ونزل عيونه لموزة : ماشي آآنتي يالله امشي بنسير ليدووه


    نزلت دمووعهن حليلهن وعاادت موزه كلامهاا بشهقة : بروح معاها


    نزل وليد لمستوااهاا : اششش بلاج حبيبتي ؟. اناا بشتري لج حلاوه وكاكاو بس لا تصيحين ،، التفت صوب عاايشه شاافهاا تركض لاسووم ×.×


    صرخ وليد مخوف عاايشه: تعااااالي اهنييي ،،عااااايشه


    الشغاالة : بابا هااداا صغيرة ما في زين كيداا


    ولييد فج عيوونه وخلااهاا تصخ امرره "-.-


    التفت اسووم وعاايشه قاابضه عبااتهاا وتصيح ،،شاافت وليد يااي صوبهاا وسااحب موزة ورااه ×.×


    وليد ينااظر عااايشه : تعاااالي ،، فجي البنت خلييهاا اتيي


    اسووم: ماا قبضتهاا عسب افجهاا ، وبعدين هم ما يريدون يتمون ويااك،هب غصب ،


    وليد معصب : فجي البنت خليهاا اتيي


    اسووم: البنت متروعه منك،مااتريد اتييك


    ولييد بعصبية : يعني اسحبهاا عسب ترتااحين


    تنهدت اسوم : استغفر الله،،


    قبضت ايد عاايشه ودخلتهاا ويااهااا البيت ووليد يصاارخ ويهدد برع ،،


    اول ماا دخلت ،،


    ميثاا كاانت جريبة من الباااب ،،


    ذيااب معصب : ان ظهرتي لا تردين ،


    ميثاا مختنقة من رمسته : إن شاء الله


    مشت واسووم تطاالعهم باستغرااب ،، ذيااب دخل قسمه ،،وميثاا خطفت من حذاال اسووم وظهرت ،،


    وليد :ميثاا ييبي البنت من عند بنت عمج لادخل اصفقهاا الحين


    ميثاا: وليد خلناا نمشي ،


    وليد اطاالعهاا :بلاج؟ لايكون ريلج الخدية سوا شي ؟


    ميثاا: لا ما سوا شي،، وهد موزة خلهاا اتم وياا اسوم،ترا شمه طلبت منهاا تخليهم ويااهاا،، يالله خلناا نروح


    فج ايد موزة وركضت دااخل البيت،، اماا وليد وميثاا وام سيف روحووا صووب المستشفى ،،



    ،،،،،،،،،،،،،


    ف بيت بوبطي ،، وقسم بطي ،،


    قبل دقاايق خلصت مكاالمتهاا وياا اسووم ،،، ردت ادق ع بطي،،ماا رد عليهااا وبعدهاا عطااهاا مشغووول،، انقهرت ودييمه ،، هذا الين متى بيعااملني جذه!!


    طرشت له مسج انهاا بترووح وياا مناال لحرمة اخووهاا ف المستشفى ،،ورد بكلمة وحده .......!!!! لا !!!! ردت ادق ماا رد،،


    ردت ادق ع اسووم وتخبرهاا انهاا ماا ترووم اتي اليووم يمكن بااجر ،،!


    بعد ماا تعشت وياا امه ومناال صعدت قسمهم ،،تتريااه ايي وبتعرف شو سبب لا !


    واخيراا شرف الشيخ بطي ،، يلس بتعب ع الكرفااية ف صاالة قسمهم ،،


    وديمه سلمت وبدت تسأل عن سبب لا!!


    بطي : انا ما قلت لا تروحين،


    وديمه فجت عيونهاا وفتحت المسج تراويه :عيل منو مطرش ها المسج؟


    بطي:شفتي يعني ماا كتبت لا تروحين،، انا كنت اقصد لا تروحين وياا منال،


    وديمه : واناا شعرفني شو تقصد،، وبعدين اناا قصدت بروح ويا منال وعمتيه بعد،


    بطي ابتسم رغم التعب : واناا شعرفني شو قصدج تحسبتج بتروحن روحكن ،،


    عصبت وديمه: بطي لو سمحت لا تيلس تستظرف عليه ،، خلناا نرمس شراا الخلق


    عقد حيااه: ونحن جيف نرمس الحين؟


    نشت تدور بالصاالة: ماا ادري بك؟شوف نفسك جيف ترمسني وتعااملني وبعدين قولي جيف؟


    نش بطي بيدخل الغرفة: خلاص إن شاء الله باجر بوصلج المستشفى


    وديمه: هب بس هاا الموضوع انت ع كل شي تعاملني باحتقاار ،شعنه؟ اناا من حقي اعرف سبب هاا المعااملة،،


    صد بطي لهاا : باحتقار؟


    وديمه: هيه تحتقرني ، جني حشرة ولا حيواانه


    بطي تكتف ببرود: ما قد عاملتج جذه ،


    وديمه بتنفجر من الغيض : ما اقدر اتحمل اسلوبك،، واايد مستفز،


    بطي: والمطلوب،! شو اسوي يعني عسب تتحملين؟


    وديمه لوو يلست دقيقة زيااادة هااي الصاالة الرااقية المزيته بألواان غااوية واثااث جمييل منسق بدقة ،بتنجلب لحلبة مصاارعه وتكسير هههههه،،، ظهرت من قسمهم ××اماا بطي ماا صدق انهاا تختفي ويلس ،،فكر بسرعه اكيد بتروح لمناال،، اتحاامل ع عمره دخل بدل بتعب وانسدح عل وعسى يرقد،،،


    من ظهرت وهي تدور ف البيت ،، ام بطي رقدت ،وشي اكييد مناال رقدت !!،، بتنفجر من الغيض ،،بس تدور وتتحرطم بسبة بطي وتصرفااته ،،،واخيرا استهدت بالله ،،ردت قسمهم توضت وصلت ،،قرت صفحاات من القرآآن وهدت اعصاابهاااا وحطت السكينة بقلبهاا ،، دخلت غرفتهم شاافتته رااقد،، اغتاضت رااقد وهي تااكل بعمرهاا تحت ،،رفعت اللحااف بترقد،، انصدمت من الي تشووفه ×.×!!


    صرخت من الرووع :بطييييي شـ........................؟




    ،،،


    اعذروني لغيااب حمدان ف هذا الجزء ،،


    بنعرف بالجزء اليااي إن شاء الله سبب غياابة !!


    شو شاافت وديمه !!


    هل الميث بترد بيتهاا !!


    ارقبوني بالجزء 14





    Twitter:NoOshii__

  10. #20
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 574
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 14



    ــــــــــــــــــــــــــــــــــــــــــــــــــ ـــــــ







    ***


    أنا وخلي كل دار(ن) وطنا ...


    قلبي وروحي كلها له هديه

    لو التمني ينفع اللي تمنى ...




    ماكان شفت اليوم نفسي شقيه


    ***


    ف احد غرف المستشفى ،،


    الدكتور: اليووم حاالته افضل ،،


    بطي: يعني عاادي يظهر!


    الدكتور: يقدر ،بس لازم كل يوم يحضر لتغير الضمادات ،ولا تنسى الجراح الي ف ظهرك بعد،


    تنهد بطي بضيج: الحين هو واعي ولا؟


    الدكتور: مهما تهربت من الموضوع ،بتي وبتغير كل يوم ، هو واعي تقدر تشوفه


    ابتسم بطي ع اصراار الدكتور : إن شاء الله ،


    مشى الدكتور ،، وبطي دخل الغرفة ،،


    بطي: هاا ي بطل زماانك بشو تحس الحين!!


    ...... بالحيل يرمس: الحمدلله، متى بظهر؟


    بطي: الدكتور قال بيرخصك بس لازم كل يوم اتي عسب تعقيم جروحك


    .......: وانت؟


    ابتسم بطي: الحمدلله جروحي ابسط عنك،،


    ..............: هب اليوم ملجت ختك؟ شعنه يااي؟


    بطي: شو اسوي بك عله وييت اشووفك واطمن عليك،،


    ..........ابتسم: وشو قلت لهم؟


    بطي: والله ياا حمداان قلت لهم انك مساافر لشغل قد له اسبوع اسبوعين وان طول شهر وبيرجع،، تراا امك تحااتي تتخبر شعنه ما اتصلت خبرتهاا بسفرك،


    حمداان: زين بتصل عليهاا ،حد يعرف غيرك؟


    بطي : هيه ولا نسيت منو ياابناا المستشفى


    حمداان حااول يتذكر بس مااا اسعفته ذااكرته :منو؟؟


    استغرب بطي: حمداان انت ماا تذكر ؟ لايكون فقدت الذااكرة ،، حليلك ي ولد عمي


    حمق حمدان : جيف بذكر واناا ما كنت صااحي


    زال الاستغراب عن بطي وهو يتذكر حال حمداان يوومهاا : هيه مغمي عليك،، خليفه يدري،، ماا كان عندي غيرة وبعدين خليفه ثقه ومحد بيعرف إن شااء الله


    تنهد حمدان برااحه: الحمدلله اذا ع خليفه طبعاا ثقه ،،، يالله انت توكل


    بطي: ويا منو بتظهر؟


    حمدان: بدبر عمري،وانت سير جاابل اهلك،،


    بطي: لا بووصلك بوظبي وبرد اهناا


    حمدان:يعني ما بتتأخر؟


    بطي مد ايده للجيس وعطااه لحمدان: لا يالله نش غير ثياابك بنظهر


    سااعده بطي يبدل ملابس المستشفى ،، تقريبا شراات جسم بطي ونفس الطول ،،ف كندوورت بطي اكييد ع قيااسه -.-


    وهم ظااهرين ،حمدان: اكيد حرمتك شافت اليروح شو قالت لك؟


    بطي: شاافت ولا تتروع ماا قلت لهاا عن الي صاار،


    توجهووا صووب بوظبي ،، ع وعد اللقاا بعد اسبوعين او ثلاث بالكثير،،،



    ،،،،،،،،،،،،


    ملجت خليفه ومناال ،، عزيمة بسيطة رااقية بين اهله واهلهااا ،، مع غيااب بعض الاهل اماا لظرف شغل او مرض ،،


    منااال اتفاجأت باسووم وحتى مهره وهند !! كانن ياالساات صوب مناال ويرمسن ويقرضن باسووم ،،منااال الحين عرفت ان اسووم اخت خليفه -.- وااو ×.×


    الميث من الغايباات عن الملجة اليووم وكذلك مديه ،،، بحضور وديمه واسووم ياالساات وياا بعض صووب حريم عمهن وشمه ويااهن،،


    كانن يرمسن وياا بعض ،


    وديمه: يعلج ياا السعلوو ،اونه تووم،،ماالت عليجج واناا اقوول شوو بيطلع من اخت فطيم غير القحط


    شمه كاانت تضحك : وشدخل فطيم بالموضوع؟؟


    نشت وديمه وبدلع استهباال: بس جيه كيفي ،، يالله من رخصتكن برووح اشووف عمتيه يمكن محتاايه شي،،


    اسووم: الله ويااج


    شمه: ودووم تحفه ،بكل موضوع تخلط فطيم ،،


    اسووم: لا تاخذين بخاطرج وديمه رووحها جذه احيانا تستهبل،،


    شمه: هي اعرف والله ماا ازعل بس احسسهاا كل مرة تضاارب وياا فطيم،، ماا عليناا منهن خليفه بيدخل ولا!


    اسووم التفت للكوشة الصغيرةالي تيلس فيهاا مناال وصوبهاا مهره وهند ،، نظراات احتقاار لمناال ،مناال بالنسبة لاسوم شي وصخ رخيص،،تم استعمااله وفرووه بعد ماا شبعوو منه،، تأأملت فستاانهاا الاسود وزاد احتقاارهاا لهاا لابسة اسود تريد تسود حياة اخوويه فديتك يا خليفه والله انك تستااهل شيختهاا ،،


    اسوم: ما بيدخل


    شمه باستفسار: شعنه؟


    اسوم ابتسمت باستهزاء: العروس تتلوم ،،وكملت بنفسهاا: ولا مسوية عمرهاا تتلوم الحقيرة هااي من وين تعرف اللوامة والمستحاا


    ابتسمت شمه،، بينماا اسووم تغووص بافكاارهاا وتحليلاتهاا ،،،


    بعد الملجة خليفه وبطي من بينهم بدون محد يسمع اتفقوا ان العرس بعد ماا يرد حمداان بخير وبصحه وعاافية ،، ذيااب الحاضر بجسمه والغاايب بعقلة ،،كذاا مره حااولوا عياال عمه يستميولونه لرمسة ويااهم لكن ما ان يرمس كلمتين الين يسرح من يديد بخياالة ،،


    ،،،،،،،،


    يوم ثاااني


    ف مكاان ثااني ،وبيت ثااني ،،وقسم بطي ووديمه ،،حوارات بسيطة يومية تدور بين وديمه وبطي،، وكأن لقب صديقين مشتركين بسكن واحد يليق بهم أكثر من كونهم زوجين ×.×


    وديمه تطاالع بطي المندمج بالفلم، تتذكر جروحة ،معقولة ضراابة شبااب تخلف ها الجروح!!


    وديمه: بطي سرت المستشفى اليوم؟


    بطي بدون ما يصد لهاا :لا ،ليش؟


    وديمه: عسب تعقيم الجروح


    بطي: خلاص الحين اهون


    وديمه نشت يلست حذاله : اممم انزين ممكن اشوف عسب اعقمهاا


    حس بطي بها تيلس حذااله وماا بعد عيوونه من شااشة التيلفزون ،،بخااطره يدعي باشيااء واشياااء ،،لا تسألون شو هي -.-"


    بطي: لا


    انحرجت وديمه يعني انا اقول بشوف عسب اعقم وهو يقولي لا !!شو هاا قاالب ثلج ولاا اناا الي ماا افهم عليه ؟؟


    وديمه:شعنه؟ بطي هذه هب جروح عن ضراابة، اناا متأكدة ان في شي ثااني،،من شو هااي الجروح؟


    التفت بطي لهاا : يهمج تعرفين؟


    احمر وييه ودووم ،من احراج لاحراااج ،وبطي فطين ماا يجااوب ع اسئلتهاا ،الا يرد ع اسئلتهاا بسؤال ثااني بعيد كل البعد عن الموضوع ،،


    وديمه نطقت بجمل شرق غرب: كيفك اناا سألت عسب اعقم ،كانك ما قدرت تسير عسب الملجة، ولا يعني بشو بهتم ،


    رد بطي يطاالع الفلم ولا رد بشي،منقهر من جواابهاا ،،اماا وديمه ابتعدت متوجهه لغرفتهمم ،،انسدحت بترقد ،،واطاالعته هو يااي يرقد بعد -.-" انسدح ع الطرف الثااني عااطنهاا ظهره ،، التفت وديمه اطاالعت بيجاامته كلهاا نقط دم ! ووالنقط تتسع صاارت بقع! معقوولة جرووحه بعدهاا ماا برت!!


    همست لبطي: بطي


    بطي بصوت اعلى بعيد عن الهمس: نعم


    وديمه: ليش تجذب؟


    بطي : ف شو؟


    يلست وديمه وراا ظهره : البجاامه كلهاا دم ،نش خلني اشوف جروحك،


    بطي بعد تفكير سريع: ارقدي


    وديمه من القهر رفعت قميص البجاامه اطاالعت اشكثر لاصقاات طبية تغطي ظهر بطي،، صد بطي يمنعهاا تطاالع،،


    كاانت فااجه عيوونهاا من الي شاافته : شو ها ؟


    بطي: قلت لج لا تشوفين ،ارقدي خلاص


    وديمه منفعله: قولي بلاك؟ شو الي سبب لك ها الجروح كلهاا ؟


    بكل بروود قاال: تصبحين على خير،،


    غمض عيوونه ،ينهي النقااش،، ووديمه تحس بالقهرهاا يزيد كل موضوع ينفتح ينغلق بدون ما تحصل فاايدة ولا اجووبة ع اسألتهاا الكثيرة ،،



    ،،،،،،،،


    بعد ليلة الملجة بـ.........،،


    صحيح اسووم كاانت تزور الميث ،، والكل يسأل شعنه ميثاا ماا ترد بيتهاا !! محد لقاا جواب غير اسوم الي كاانت حااظره يوومهاا ،، رمست ذيااب يسير يعتذر ويرااضي الميث ،،ورمست الميث انهاا تفتح المجاال ترمس وياا ذياب،، كل وااحد كلمتة والف سيف،،، اسووم ادربت بجد ،، حمدت ربهاا انه مساافر وماا بيرد الا بعد شهر،،يعني بعد ماا تخلص تدريب،، وهاا التدريب خلص وتخرجت ،، اليووم وبعد فترة طويلة من التفكير قررت تفتح الموضوع الي ارهقهاا وتعبهاا مع اخواانهاا ،،عل وعسى يواافجوون عليه،،


    كاانت ياالسه ويااهم ويرقبونهاا ترمس ،،هي متأكدة ان ذيااب سرحاان ،وخليفة يفكر ،،،


    اسووم: اناا اريد اساافر،


    انتبة عليهاا خليفه: وين؟


    اسووم: بنتسب لهيئة خيرية وبساافر ويااهم جنوب افريقاا او يمكن غرب افريقياا يعني لدول الفقيرة ، وبيكون لناا مخيم عسب نسااعد السكاان اهنااك


    خليفه صرخ عليهاا: نعاااااااام؟ شوو قلتي؟؟ انتي تخبلتي ترووحين للامرااض بريولج؟


    فزع ذياب من سرحاانه : خليفه بلااك؟


    خليفه: انت ماا تسمع اختك شوو تقوول؟ بتسير افريقياا بتسير للامراض والمووت


    اسووم: خليفه لو سمحت اناا ما قلت جذه،قلت لك بروح كمتطوعه لفترة معينة وبرجع


    ذيااب مثل الضاايع امبينهم هب فااهم الا ان اسوم بتساافر!!


    خليفه يتطنز :والفترة هذه بتاخذين فيهاا مرض ولا بيرجعونج ميته ؟


    اسوم: انت شعنه سلبي؟


    ذياب: كم الفترة ؟


    انتبة اسوم لسؤال ذياب وابتسمت: يعني تقريبا الي يريد اربع شهور الى ست شهوراو لسنه ،، ذيااب اناا اريد ارووح،، اريد احس اناا سااعدت حد او ع الاقل حااولت اسااعد


    نش خليفه: لا والله ذيااب اشووفك تسأل جنك مواافق؟


    ذيااب: لحظه يا خليفه تعاال ايلس،، التفت ع اسووم: اسمعيني تقدرين تسااعدينهم بدون ما تساافرين ،، اتبرعي بفلووس ،بثيااب وحتى بأغذية ،،عاادي تراا توصلهم من خلال الهيئة


    واافق خليفه ع كلام وكمل يصف لهاا عن التبرعاات بدون سفرهاا ،،


    اسووم متحفزة : اناا اريد ارووح ،بسااعدهم بنفسي ،عندهم نقص في عدد المتطوعين والدكاترة ، اناا ماخذه دوراااات اسعاافاات اولية وبنفعهم، ذيااب انت ماا شفت اشكاال السكان اهنااك ولا جيف حاالتهم وعيشتهم ،، تقولي تبرعي لهم؟؟ ليش واناا اروم اساافر لهم؟ واصلا ...


    قطعهاا خليفه : شفتي حاالتهم؟ ماشي بيوت شرات اهناا ،مااشي تطور ولا شي فونات ومااشي لبس ع الموضة ،ماشي شنط وعطوارات ،، ومااشي سياارات ع آخر موديل ،ولا رااحة حتى بالليل ،تقدرين تعيشين جذه،؟ بدون ماا تسبحين كل يووم؟ ولا حتى اكل شراا اهناا؟ يمكن ماا تلقين مااي تشربينه ،، انتي بس قلبج حن ع اشكاالهم،،ماا تعرفين جيف بتعيشين؟ انتي المغترة بكل شي بتعيشين بتقشف وبسااطه ؟ انتي الي من تروحين مكاان تريدين شغلج يخلص بسرعة بوااسطة اهنااك بترقبين الين تنقعين ،


    وكمل ذيااب: ماا اعتقد تقدرين تعيشين جذه،، اسووم انتي مستحيل تتنازلين عن شي الحين،،


    اسووم انصدمت من رأي خواانهاا فيهاا وردت ببرود واصلاا هي معصبة : هيه اناا مغترة وبتناازل عن هااي الحيااة الكريمة الي معيشيني فيهاا مقاابل اساااعد هااييل الي هب عايبينكم....


    قطعهاا خليفه للمرة الثاانية وهوو يعلن رفضه لكلامهاا ويصر ع راايه،، وذيااب يلح عليهاا ويحااول يقنعهاا ،،ماشي فاايده الا تريد تطوع وتساافر افريقياا،،


    ظهر خليفه راافض تمااما يسمعهاا ،،وحتى ذيااب دخل قسمه و انهاا رمسته بالرفض،، اماا اسووم كاانت ياالسه وبخااطرهاا ماا عليه بالبدااية بيرفضوون وبعدين بيرضوون،، ابتسمت وهي تفكر بيدهاا وعمومتهاا ،،


    ،،


    العصر يلست عند يدهاا ولحسن حضهاا عمومتها ياالسين ويااه ،، فتحت الموضوع عن الفقرااء وعن الامرااض المنتشرة عندهم،، وهم يسمعوونهاا باهتماام وقلووبهم الطيبة تدعي للفقراا ربي يسااعدهم ويخفف عليهم ،، الين ماا صدمتهم بقراارهاا الفااجع ×.×"


    بواحمد(اليد) :وافريقيا وين تصير؟


    اسووم: تصير ياا يدي قاارة ثاانية ،يعني دولة ثاانية


    بواحمد(اليد):ومنو بيسير ويااج.؟


    اسووم : ابوية بسير ويااا الهيئة عندهم خيرة بناات وشبااب من البلاد ،


    بواحمد(اليد)ماا عيبته الرمسة: واخوانج ما بيسيرون ويااج؟


    بلعت اسووم ريجهاا وهي تطاالع يدهاا وعمومتهاا يرتقبون الاجاابة باهتماام،،


    اسووم: اخوااني مشغولين ولا اكيد بيروحون ويااي،،وترا اقولك بسير مع عياال بلادي يعني هب غرب


    بواحمد(اليد)وافكاار دينية ترتبط بالعااداات: ونعم بهم ،،بس ياابووج البنت ماا تساافر بدون محرم،


    اسوم كاانت بترد بس كمل بو احمد (عمها): اسماا تبرعي لهم من اهناا ،ماله دااعي التطوع والسفر،،


    بوسيف كاان له رأي مختلف : ان اخواانج ماا سافروا ويااج بتعرسين وريلج بيشلج ويااه،، لكن انتي هيدي اشوي وإن شاء الله بتساافرين


    انصدمت اسووم وهي تعرف شو يقصد عمهاا ،،بخااطرهاا يخسي وليد ماا آآخذه لو تحبسوني وتحرموني من السفر ،،


    اسووم: بس اناا فكرت وقررت ،،وتراا رمسة الهيئة من فترة وهم قبلوني ،،


    حمرت عيوونهم وشرار العصبية بتظهر لولا انهاا اسووم بنت اخووهم الكبير ،،اليتيمه من امهاا وابووهاا،، والوصية الاخيرة لبوذيااب ،،كاانت الحين مجسحه من الضرب،،كيف يعني ترمس وتاخذ قرارات وهم الحين يعرفون؟؟


    بواحمد(اليد) كاان اقل عصبية عن عيااله : ياا بنتي هاا الجلام ماكول خيرة ،، ونحن ما عندنا بناات يسافرن بدون شوورنا،، انتي العاقلة الرزينه بتسوين جذه ،شو خليتي لغيرج؟


    كل وااحد زااد من عنده كلاام ،،وطلبوا ذيااب وخليفه ،لمنااقشة هذا الموضوع التاافه من وجههة نظرهم ،، والمهم لحد حياة او موت لاشخاص بالنسبة لاسووم،، شرحوا اخواانهاا وجههة نظرهم ورفضهم لسفر اختهم ،، لتستخدم اسووم الورقة الاخيرة بإيدهاا لضغط وتغير قرار الكل،،


    نشت اسووم بهدوء : ماا صنتوا الوصية


    نطقت بالجملة ببرود ،وانفجعوا الي ياالسين منهاا ،، تحت تأثير صدمتهم انسحبت اسووم من بيت يدهاا ،متوجهه لبيتهم ،وطبعاا كل ماا تعصب تحرق عمرهاا بها الكاكاوااات الماازرة غرفتهاا ×.×،


    الكل صااخ والجرح الي حفرته بقلووبهم ينزف ،يدهاا تألم وحزن وضااقت عليه الدنياا يتذكر ولده ووصيته الاخيرة اسووم،وحتى عمومتهاا وكأن الغم والهم طااح ع رووسهم ، ذيااب وخليفه بين الالم والعصبية من تصرفاات اختهم ،،


    ،،،،،،،،



    صوب الميث الي كل الاياام عندهاا صاارت سوااسية الي رمسهاا اخوهاا سيف تقدم ع وظيفة وسلطاان شجعهاا ،، فتحوا الموضوع مع وليد ،،حااول وليد يقنعهاا وبعده يحااول،،


    ميثاا : ماا اريد


    وليد : شعنه؟ لايكوون ريلج الرخمه ماا يريدج تشتغلين وانتي امرره حاضر وتحت امره،؟


    تنهدت الميث: لا ما يخصه،،


    وليد: عيل قدمي ع وظيفة ف الكلية او المدرسة، احسن من يلسة البيت،والله الساالفة تضحك بناات يحنون ع اهااليهم يريدن يشتغلن وانتي نحن الي نزن عليج وماا تريدين


    ضحكت الميث بعد ماا فقدوا الامل من شووفة ضحكتهاا ،،


    وليد: الحمدلله ماا بغيتي تضحكين ونشووف عقد الولو بثمج،،


    الميث:ههههه يعلك الينه ،، بس خلاص،


    وليد: يعني خلاص هذا آخر قرار؟


    الميث: هيه ماا اريد اشتغل،،


    وليد: انزين وفي موضوع ثااني،الود ودي ماا ارمسج به ،بس يدووه حدتني


    الميث: والي هو؟


    وليد: الصرااحه اناا مرتااح انج ويااناا،،بس الكل يريدج تردين بيتج،


    الميث: وليد لا تصير ضدي،، انت واسوم بس الي ويااي، صحيح احيانا تنغزوني بالرمسة بس ادري بكم ماا تقصدون


    وليد: لا تقارنيني فيهاا ،،


    ابتسمت الميث: وهي نفس راايك،تقول ما تنحط بكفه مع احد ،،


    وليد: من تكبرهاا عافان الله ،، خليناا منهاا ،وانتي يوم يسألونج رمسج وليد قولي هيه وما رضيتي ،، والله ماا تهونين عليه ،لكن داامج مرتااحه اناا مرتااح ،،


    الميث: الله كريم،، امم وليد ممكن ترمس اخواني بموضوع الطلاق؟


    وليد رفع حيااه : شلي هاالفكره من بالج ،هي فترة وإن شاء الله بتتصالحون ولا لا يكون اسماا مأيدتنج بقرارج؟


    رفعت حياها: لا ،نفس راايك،،


    وليد: الحمدلله نتشاابة بشي انسي هاا الموضوع وفكري باليااهل الي امبينكم ،،يالله اترخص،،


    الميث تنهدت : إن شاء الله يصير خير، الله يحفظك


    ابتسم وليد: تحملي من عمرج،،


    الميث: إن شاء الله


    ،،،،،،،،،،،


    بعد كم يوم ،،


    الحال على ما هو عليه ،، اسوم بعدهاا مصرة ع قرارهاا وتحااول تكون عاادية بمعااملتهاا ويااهم والكل متحسسين من سالفة سفرهاا ، خصوصاا يدهاا واخوانهاا ، هب قاادرين يفتحون الموضوع عن تشب بمشكلة !!


    ياالسة قريب المسبح ،وبإيدهاا كاكاو،، الفترة هااي امرره الكاكاوات ماا تفاارق حلجهاا وايدهاا ،


    اقترب ويلس ع وااحد من الكراسي الي صووب المسبح،،


    احمد: السلام عليج، اشحاالج؟


    ابتسمت اسووم بأأسى: وعليكم السلام ورحمة الله وبركااته،الحمدلله ومن صووبك؟


    بادلهاا احمد الابتساامة: الحمدلله ،، شعنه يالسة روحج؟


    اسووم: دوم روحي، وياا منو يعني بيلس،،؟


    أحمد: اثرج جااحدة ي بنت عمي،، شقايل روحج وانتي تيلسين وياا بنات عمي ذياب،؟


    اسوم: اووه من زماان، يااخي انت كله مختفي ماا تعرف علومنااا ، الميث كله ف بيت اهلهاا،وودوم ف بيت ريلهاا،،


    ابتسم أحمد باستهباال : انزين ايلسي وياا ختيه


    تنهدت اسوم صدت تطاالع المسبح وردت تكمل كاكاوهاا : احمد انتي تدري فما له دااعي اصخ عنك بعد


    ضحك أحمد بصووت عاالي : ترااكن كبرتن هب صغاار،،


    اسووم : امممم لا تضحك بصوت عالي صمختني،


    أحمد اطاالعهاا بغيض: غيري نبرة صووتج خلاص ذبحتيناا


    اطاالعته بطرف عينهاا واحمد يضحك،،وفجت الكاكاو الثااني،


    نش أحمد ويلس مجاابلنهاا ع نفس الطاولة: احم يقولون طالعه لهم بسالفة ومحد رام يرمسج؟


    اسووم اطاالعته وردت تطاالع المسبح : وطرشوك انت ترمسني ؟؟


    أحمد : تشوفيني مطراش؟ المهم شعنه ماا تسحبينهم من الدوامه الي حاطتنهم بهاا!


    ابتسمت اسووم هذاا احمد الوحيد الي فااهمنهاا: ماشي دوامه،،

    رفع حيااه : لا في دوامه انج هب مخبرتنهم بالتطعيمات قبل السفر،وهم متروعين عليج من الامرااض،،

    التفت اسوم عن يكشفهاا هو كاشفنهاا اصلا : ماا عطوني فرصة اقول شي،


    أحمد بلئم : شرايج اناا اقولهم.؟


    اسووم صدت له وحطت الكاكاو ع الطاولة: انت شخصك ؟ لا تقول ولا شي


    تسااند ع الكرسي وحط ريل ع ريل : هيه عندج حق يخصني إن شاء الله يصير خير


    أسوم اغتاضت منه هو الي ماا يهتم لرمستها السم : خلني بروحي ،


    احمد ببرود : شعنه ؟


    اسووم حمقت : ما اريدك تيلس ويااي ، اكره اي مكان يجمعنا


    بعده ياالس ووزع نظرااته ع الحديقة والمسبح وهو يهز رااسه لاسوم ،،وكأن هب منتبة لوجودهاا ،،


    انقهرت منه اسلوبة واسلوبي مااشي فرق ،!!


    اسوم: احمد نش روح ،ماا فيناا ع الرمسة يكفي الي قالوه قبل


    هو الوحيد تقول اسمه بدون قيود،وحتى انه يدري بهاا ماا تزقر حد باسمه غيره واخوانها ،،


    احمد :ماا يهمني ،،وماا اعتقد يهمج ،ولا كاان سألتي شعنه اناا مبتعد عنكم كل ها الفترة ،؟ وكم سنة ما رمستج الا سلام،،!


    صدت اسوم وانتبة ع فونهاا الاسم الي يلمع ع الشااشة مستحيل هب يداام أحمد،، ألا احمد ماا اريد ،،اكرهك اكرهك


    احمد :شعنه ما تردين! ،المهم هب يااي افتح سوالف جديمه ،، شعنه ما تخبرينهم عن التطعيمات ،وتفهمينهم ان كل شي موجود اهنااك،والحمدلله بتكونين ع توااصل ويااهم؟


    بعد ماا انتبه انهاا هب ويااه : اسماا ،اناا ارمسج وانتي تخاارشين الفون ،،عطيني اشوف منو يدق؟


    اسوم ردت ع سبيل ماا ترد ع سؤال عن الفون: ما بقولهم شي،وخلهم يفهمون الي يريدونه،


    مد احمد ايده :عطيني الفون


    ما تروم ترده وما تروم تعطيه ، وقررت ...نشت بتعطيه وواوونهاا طاااااااااااخ ،،طااح الفوون بالمسبح،،


    اسووم بتمثيل : اووف منك،، زين جذه الحين جيف برد ع ربيعاتي ؟


    ابتسم احمد يدري بهاا ع عمد طيحته بس لانه امرهاا تعطيه الفون،،


    احمد: بدالة عشرة المهم انتي بخير،، وترا ها الحركة غبية ،متى بتتغيرين!!


    ردت اسوم تيلس : ما بتغير،،


    سألهاا احمد بنبرة حزن عمييقة : كم سنة مرت ؟


    اسوم وكأنهاا تذكر : الله اعلم ،،ممكن تسير


    احمد : الا تدرين بس استهبال، ماا بسير الا اذا سرتي ويااي؟


    التفت اسوم تطاالعه باستفهاام : نعم؟ وين ؟


    احمد: لا عااد الكل يفهمني غلط الا انتي؟


    اسوم كررت السؤال بعمق: وين؟


    احمد : صوب يدي،،


    اسوم بنقمة : هو الي مطرشنك ،


    احمد: وشو فرقت ؟ يالله تعاالي


    ابتسم اسووم باستهزاء : وعسب جيه ياالس ترمسني وانت مرتااح؟ لان الكل يدري انك ياالس وياايه ؟ ولا معقوله انت تيلس ويااي وترمس برااحه بعد هااييج السنة والساالفة الي طلعوهاا ؟ لا طبعاا ،، ما بروح ويااك، سير بروحك،


    أحمد : خلي الي صاار وتعاالي ويااي


    طاالعته اسووم بعصبية : واناا قلت ماا برووح ،


    تنهد أحمد وبنبرة صووته هدوء: شعنه كل هاا العناد؟


    توترت من صووته ،نشت بتروح بيتهم ،، واحمد سااكت يطاالعهاا ،،


    التفتت صوبه : ادفع ثمن الفون الي غرق بسببك،


    احمد : ثمنه اشوي يدام الي دفعته وما ادري شو بدفع وبضيع بعد؟


    ابتسمت له بأألم ،، وكأن اول مرة يلمح هاا الالم ولاا هو يتوهم!!


    احمد : اسماا لحظه


    مشت اسووم بدون لا تلتفت ،، اماا احمد كان بخااطرة يمكن تغيرتي بسببي؟


    (خارج النص /احمد ولد عمهاا محمد –بواحمد ،ذكرته ف الجزء الاول)



    ،،،،


    ف بيت بواحمد (اليد)


    اليد : هاا يا احمد شو قالت لك؟


    احمد بهدووء : يدي اناا بخطب اسماا


    عقد اليد حيااه : يعني هي الي قالت لك جذه؟


    احمد : لا ، بس انت ماا بترضاا تروح روحهاا ،وهي ماا بتاخذ وليد ولا عبدالعزيز ، يدي وافق ،والله بس بملج يعني عرسناا ماا بيتعداا الورقة، اوعدك اني بطلقهاا يوم ترد، هب انت دووم ترمسني عن العرس ،وتريدني اعرس ها الحين بعرس


    عصب اليد : احممد، جنك مضييع المذهب،لا تستحي ولا تنتخي، شوهاا الرمسة ،؟ وبعدين اسماا اصغر عنك


    باسه احمد ع رااسه وكأن تجرد من كل الهيبة والرزة يدام يده ×.×": العذر والسموحه،، بس ادري بك ماا بتوافق ولا هي بتوافق، ماا ضنتيه حد بيوافق اني آآخذهاا ،، الشيمه طاالبنك تكفى وتكفى تهز الريااييل، واافق


    اليد: انت ياا صبي ماا تتلوم يووم انك تتشيم بتااخذ حرمة؟


    ابتسم احمد : يدي تدري وادري انهاا هب اي حرمة؟ هااي اسماا بنت عمي احمد


    اليد تيميع الدم يوييه : صه ،سود الله ويهك يا الرخمه بعد ترمس عنهاا يا الي ما تنتخي


    استرد احمد ثقته وهيبته بثوااني وع اليرح ذر الملح : اثرني شو قلت ،؟ المهم رمسهاا اذا تريد تريح عمرك من التفكير بتضيع الوصية


    عصب اليد مع ذكر طااري الوصية : نش نش انجلع، يعل العين ما تشووفك ،،


    تنهد احمد سلم ع يده مع انه رااغه ،،بس احمد رد واكد ع يده يرمس اسماا عن موضوع خطبته لها ،، بعد المغرب اليده مجتمع بعياالة وخبرهم برمسة احمد،، ضنتية انه الحل!! بواحمد استنكر فعلت ولده ،،بس ما باليد حيلة،، رفضووا خطبته لها وحتى اخوانهاا وعيال عمهاا رفضووا،، بس اليد مقتنع بيرمسهاا وبعدهاا لكل حاادث حديث،،



    ،،،،،،،،،،،،


    بعد سااعاات تمر عليهاا ، وقرااطيس الكاكاو حذاالهاا ×.×..


    ابتسمت وهي تطاالع بوكس الفوون الي حطته الشغاالة قبل اشوي،، حتى شريحة الفون،، ضنتية ظهر فوني من المسبح وظهر الشريحة منه،!!


    شغلت الفوون ،، ورن الفوون المتصل الاستااذ ،آآآ آ قصدي الي كاان استااذي ،،


    اسووم: نعم؟


    حمدان : ياا اهلين ، انتي ويينج مختفية صاار لج فترة؟


    اسوم: التدريب وخلصته،والاجتماعات وخلصت،شو تريد؟


    حمدان: انتي


    اسوم استغربت نبرة صوته الي تغيرت فجأة : نعم؟


    حمدان: المهم هب وقته ها الموضوع، انتي شعنه ما تزورين بنت عمج؟


    استغربت اسوم وبعدهاا فهمت: بنت عمي دوم اتزورنا ،وما له داعي ازورهاا ،


    حمدان اغتااض هاا وين ياايبة هاا البلا مخهاا : انزين ،اريد اشوفج،ارقبي مني مسج ، باجر او الي بعده


    اسوم: ما فيني اضحك، بس يالله بناخذك ع قد عقلك،يصير خير،مع السلامة


    حمدان : فمان الله


    اسوم اطاالعت الفون ،غريبة انهاا المكاالمة مع انه غثيث ،بس الحمدلله ،، ماا انتبة الا ع الشغاالة تقولهاا الميث تريدهاا تحت ،،استغربت الميث ردت يعني ؟


    نزلت شاافت الميث وااقفة حذال البااب: اسووم اسرعي يدي يريدج،


    اسوم: شو صاار؟ وشعنه ما دقوا عليه،؟


    الميث: يدقون يا انه مغلق او مشغول،ما ادري يدي يريدج ،ضنتية بسبب موضوع السفر


    تنهدت اسوم: ومتعبينج متعنية من بيتكم عسب هاا الموضوع،، جان طرشو وحده من الشغالات،،


    الميث: يالله عليج،ثرني ييت ،يالله سيري


    اسوم: شعنه؟ لايكون يدي صااير له شي؟


    الميث: بدلي هاا البجاامه وسيري،يدي ما فيه شي،قبل اشوي مخبرني وليد


    اسوم: ووليد شدخله ف سفري؟


    الميث: اسووم عااد تعبتيني من الوقفه ،اناا بسير البيت وانتي سيري ليدي،، فمان الله


    اسوم: الله يحفظج،، اسوم ماا بدلت ،لبست عباتهاا وشيلتهاا وتوجهت بيت اليد عسب تنصدم من القنبلة الي فجرهاا اليد بوييها ،، ويداام عمهاا وولدة عبدالعزيز ووليد كان مويود !، ولاحظت الحين ان احمد محد ! الخبيث هو هب مويود واناا،شعنه اناا يخبروني يداام عميه وعبدالعزيز ،اخيييج احراااج ع آآخر درجه ،،


    اسووم: اناا م,,


    قطعهاا يدهاا وهو يأشر لهاا تقرب منه : تعاالي يااابوج


    كاان اليد يالس بعيد عنهم بطرف الميلس واقتربت اسوم منه ليصدمهاا بأن زواج ع ورق وبعد ما ترد بتطلق! ياا ويلي شوو هاا الاحرااج يداام يدي ،، واهلي بس الحمدلله اكد لهاا يدهاا ان محد عرف غيرة واحمد،، بخااطرهاا تسب وتدعي ع احمد،، يعني قبل كمن سنه صاارت لي مصيبة بسببتة والحين رجع بيوم واحد رمسني وصاارت المصيبة الثاانية،،


    اليد كاان يهمس: هاا شو قلتي؟


    اسووم: يدي اناا ما اريده ،وخله يشوف له وحده من مستوااه


    اليد: ياا بنتي احمد رياال وماا ينعااب،والي صاار قبل انسيه ،كاان طاايش ويعق الرمسة بدون حسااب، لكن الحين هو وعدني وبعد ما تردين بيطلقج


    اسووم: ما تغير وعمره ما بيتغير،قوله ما اريده


    عصب اليد: بقوله ،وبقولج ماشي سفر الا اذا عرستي احمد


    غمضت اسوم عيونهاا بقهر من نبرة التهديد ونشت بااست يدهاا ع رااسه ترخصت بتظهر من الميلس ،،الي كل العيون الي فيه متوجهه صووبهاا ،،،وخصوصا عيون ولييد ×.× اماا عبدالعزيز فماا بين اهتم ،لان كاانت بالنسبة له اول حب طاهر بفترة المرااهقة،،فليحتفظ بالذكرة ويخلي البااقي بقلبة احسن،، ولكل حادث حديث ؟








    Twitter:NoOshii__

صفحة 2 من 6 الأولىالأولى 123456 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. شعر غزلي (مكس عربي -انجليزي)
    بواسطة رمش الغزااال في المنتدى معرض المواهب و الابداع Fair talent and creativity
    مشاركات: 10
    آخر مشاركة: 10-01-30, 08:49 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •