تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 9 من 9 الأولىالأولى ... 456789
النتائج 81 إلى 82 من 82
  1. #81
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 597
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    الجزء 56
    |الأخير|


    ــــــــــــــــــــــــــــــــــــــــــــــــــ ـــــــ


    ،،،

    سيف رفع حيااه ببرود : راايي قلته لج ،اسحبي اوراقج وجاابلي عيالنا اخير من مجاابلة الاستاذ الي يباا يسااعدج بالدروس الي فااتتج
    بالنسبة لشمه سيف دخل مرحلة برود وفهمت انهاا بدا يجرحهاا : سيف لا اتيلس تنغزني بالرمسة تراا فااهمه عليك،وادري انك تحااول تجرحني ،، اقولك من الحين اوراقي ما بسحبهاا وبكمل دراستية ،، وجاان هب عاايبنك بكيفك ،
    يطاالعهاا ببرود : طبعاا بكيفي،، انتي تمي ادرسي واناا باخذ عياالي وبنعيش ف بيت ثااني،،ولاا نزعجج ولاا نبدي رااينا عليج
    ونش من حذاالهاا : معزومه ع عرسي ،اا عسب ما تقولين ما عنده مذهب وماا خبرني ولا عزمني ،،
    انصدمت شمه من رمسته ،، بلعت ريجهااا : ماا بسمح لك تاخذ عياالي ،انت بكيفك سوا الي تريده ،اماا تشل عياالي وتعطيهم للهانم والله ما صاار
    ابتسم سيف بما انه عااطنهاا ظهره ،ماا انتبهت له، انسدح ببرود وهدوء ولا كأن اعصاار وصريخ ورااه ..! اماا شمه فقدت اعصاابهاا الليلة وهي تتحسب بتقنعه بشي ماا ..!

    ،،،،،،،،،،،،،،،،،،،،،،،

    الدكتورة مبتسمه وواضح عليهاا الاطمئناان ،،ويلست ع مكتبهاا ،وتتصفح الملف الطبي الخاص لمناال ،،وبعدهاا اعلنت لهم جنس الجنين،،
    اماا ف االبيت مناال متوترة ،،
    مناال : خليفه تضاايجت؟
    خليفه : وشعنه اتضاايج؟
    تلعب بظفورهاا من كثر التوتر : يعني لان الجنين ولد
    ابتسم خليفه : الحمدلله كلهم خير، المهم الصحه والخلقة التامة
    مناال باادلته الابتساامة : صدق؟ عيل شعنه حسيتك تضاايجت؟
    خليفه : لا هب ضيجة ، بس زعلت عليج لان بعد ها الحمل بتحملين بالثااني بسرعه
    مناال رفعت حيااهاا : لاا والله ع كيفك هو؟
    خليفه :هيه طبعاا،كيفي
    مناال دقته ع جتفه:عن المصااخه ، اصلا ها ويالله اشل عمريه ،واكثر الوقت ارقد ،،ومتضاايجه من قلت يلستيه ويااك
    سحبهاا خليفه لحضنه :واناا هب متضاايج،، المهم رااحتج،والدكتورة اليوم سمعتيهاا قاالت انج تتجاوبين مع العلاج والجنين ما عليه مضرة
    لفت ايده حوله مبتسمه : الحمدلله ،ربي يقدرني واسعدك
    خليفه : مناال اناا مستاانس ،شعنه كل مرة تتحسين من ها الموضوع؟
    مناال ابتعدت اشوي: لاني ادري اني مقصرة ف حقك، من حملت واناا هب الاولية
    ابتسم خليفه بعذووبة : ما من تقصير،، انتي تعباانه ومعذوورة ،شعنه بعد اشل عليج؟ وبعدين جم مرة قلت لج لا تفكرين جذه ولا تتحسين
    مناال : إن شاء الله ،، ماا تدري شكثر اناا مستاانسه ومرتااحه ويااك،، الله لا يحرمني منك،،
    خليفه : ربي يديم الرااحه ،، ولاا يحرمني منج ي ام احمد
    استغربت مناال: ما شاء الله وقررت الاسم بعد؟
    خليفه : شعنه يعني هب عاايبنج؟
    مناال بتفكير:اممم والله زين بس استغربت تزقرني جذه؟
    خليفه : عيل شو ازقرج؟
    مناال :اوكيه الاسم غااوي،، بس تم ازقرني مناال ،ماا اريد ام جيه،بعدني صغيرة ،
    خليفه :هههههههههههه فديت الصغيرة ،، عيل من يصير عندناا عشر يهاال بزقرج بام احمد
    اغتااضت مناال: عن السخاافة انزين ،، اصلا مفكرة بااثنين بس بيكفيناا
    رفع حيااه : هب عكيفج ،، ع قولت ذيااب بنترس البيت يهاال،،
    بوزت مناال : خليفه لا ترمسني
    تم سااكت وهاا قهر مناال: يعني انت امره ماا تصدق تريد ترتااح
    اقترب خليفه منهاا وحضنهاا : واافديت ام احمد ،بلاج جذه كله تحمقين ،هدي اعصاابج وإن شاء الله كل خير
    مناال بتغلي مع انهاا مريحهاا راسهاا ع صدره : لا تزقرني ام احمد
    خليفه بلعاانة :إن شاء الله ام احمدووه
    خووزته مناال ونشت عنه :سخييف سخييف
    اماا خليفه تم يضحك عليهاا وع افكاارهاا ،اونهاا مناال بعدهاا صغيرة ..!

    ،،،،،،،،،،،،،،،،،،،،،،

    اليوم الي عقبه ...
    العصر ،،ف بيت اليد ..
    حااط رااسه بحير يدته التعب والارهااق وااضح عليه ،، ويدته تقراا عليه ،، واليد ياالس مجاابلنه ،،
    احمد بتعب : يدي انت وعدتني ما تقولها شي
    اليد بدقة :إن شاء الله ،ومنو بيوصلهاا المطار؟
    انتبه لسااعته ونش : اناا ، من رخصتكم صاارت خمس
    اليد نهره : والله ماا تنش ولاا بتشووفك بنت احمد وانت بهاا الحاال،
    احمد فج عيوونة : يدي استغفر ،عيل منو بيوصلهاا ؟
    اليد اتكأ ع عصااه واتجه يلبس كندورته الي معلقه : اناا بوصلهاا
    احمد التفت ليدته : انت ما تروم،، يدتيه رمسيه وين يروم ع الزحمة
    اليده : بواحمد وين تروم ع زحمة الشوارع وع المطاار؟
    اليد بهدوء : بنروح ويا الدريول،
    احمد مجاابل يده : يدي الله يهدااك ،الدريول يسوق ع مهله والشوارع زحمة ،، انت تم واناا الي بوصلهاا
    بحده : ماا بتوصلهاا مكاان ،تم اهناا حاالتك هااي محد بيشوفك بهاا
    احمد بنقمة: شعنه بلاها حالتيه؟ وبعدين اسماا هب اول مرة بتشوفني
    اليد : اقوولك قر مكاانك ،ماا تشوف عمرك جيف متشفق عليهاا وتباهاا تطالعك جذه ،،
    انقهر احمد ،،اماا اليده خذت بإيده ؛: تعاال ي اميه فديتك ايلس اروحك تعباان ،،
    احمد قبل عن يروح ويا يدته : يدي اناا وااعدنهاا اوصلهاا بنفسي
    اليد بهدوء : ما عليه بتحللك بنت احمد ،المهم انك وفيت بوعدك سفرهاا
    معصب وتعباان وزااده يده ،،
    ظهر اليد صوب اسوم الي لاعت جبدهاا وهي ترقب احمد ،، طبعاا هي سلمت ع اخوانها ويدهاا الظهر ،،اماا الحين ترقبه يظهر يوصلهاا المطاار،،
    يتهاا الشغاالة ،ظهرت اسماا وتبعتهاا الشغاالة بالشنطة ،،اماا من شاافت يدهاا والدريول استغربت..!
    اليده : تعالي يا اسماا، نحن بنوصلج المطار
    اسووم صعدت السيارة : ليش وينه احمد؟
    بهدوء : احمد تعب واناا قلت له بوصلج ،الا هو يريد يوصلج وواعدنج ،الحين التعب والمرض ماا تدري به هو ما يدري انه بيمرض ،اسمحيه بوعده
    اسووم اغتااضت بس ما تريد تقول شي ولا الظاهر اليد بيردهاا ،،
    اسووم: مسمووح ،،
    وانطلقت السياارة بهدوء اليد الغير معتااد ،،وبالنسبة لاسوم مستغربة ، والين الحين هب مستوعبة انه اقنع يدهاا تساافر وبروحهاا بعد ..! جيف..! وشو قال ..! الله اعلم ...
    وفجأة اليد صار يرمس الدريول ويقولة يتصل على احمد ،،وبالفعل الدريول اتصل واليد يرمس احمد على انه تعباان امررة مريض طاايح ,,اماا اسوم استغربت زود ,,احمد شو صاابة ..! ويدي شعنه ما يرمس..! طبيعي ما بيقولي يريديني انا اسأل وبعدهاا بينقم وبيعصب عليه ،، اسمييه الشيبة مكاار ,,,
    اماا ما كان من اسووم ألا ,,,,
    ،،
    صوب أحمد منسدح ع شبرية يدته ،بعد ما خلص المكالمة وياا يده ،،،اليده تقراا عليه ،،رفع الفون يطالع ,,اسوم مرمستنه واتساب،،
    .. انك ما توصلني وفهمت ، والوعد الثاني.. ؟
    فهم عليهاا وتضاايج زود ، وطرش.. اي وعد؟
    لدقاايق ووصله الرد .. بوصلج بنفسي المطار وورقتج بإيدج,,
    تنهد احمد بضيج : يدتيه شفتي يدي شو سوا؟ هاا الحين مطرشة تنقم عليه ،اني ما وصلتها ،،ولا بعد ازيدج تراهاا تذكرني بالطلاق..
    اليده ابتسمت بمرارة: يا اميه ما عليك منهاا ،معصبة الحين،خلهاا يوم انهاا بتهدا رمسهاا ،
    احمد بعيلة دق عليها : الحين برمسهاا من بعدهاا ما بترمس اعرفها
    اماا اليده فهي متأكدة انه يريد يسمع صوتهاا ما شي غير ..
    ورن الفون رنتين ثلاث : الو
    صوتهاا فيه رنة مميزة ع مسمع احمد : اسماا ع سالفة الطلاق اسبوع بالكثير وبطرشهاا لج ،
    اماا صوته بالنسبة لهاا جنهاا تحس به تعب وويع الدنياا تيمع فيه : وشعنه اسبوع .؟
    من ضيقته فوق تعبه : ما لقيت فرصة عسب اروح اخلص الاوراق
    اسووم تضاايجت من صووته : اوكيه ،
    انهى احمد المكالمة ب : الله يحفظج
    وانساابت دمعتهاا وهي تضغط ع الفون ،،،ما سمع منهاا رد حز ف خااطرة صختهاا ،وقطع الاتصاال ،،
    اليده: ياا اميه شعنه اتصلت بها الحين؟
    احمد رد انسدح : تعباان حيييل احس اني ضاايج
    اليده استهمت عليه وصاارت تقرا وتمسح ع رااسه : فديتك ي اميه،، اذكر الله وبتخف الضيجه، كثر من الذكر وإن شاء الله بتنساهاا ،
    احمد بغم : الف من ذكرة،، عاايشة ف قلبيه وين اروم انساهااا
    اليده ابتسمت : يوم انك تباهاا شله تقولهاا اسبوع وبطرش لج ورقتج،؟
    ابتسم احمد ليدته : اساايرهاا يمكن ترد براايهاا
    اليده اختفت ابتسامتهاا : وان ماا ردت ي احمد، بترد تسافر عني،وبتخلي امك ها الفقيرة اتم تحااتيك وابووك متااوكل عليك؟
    يلس احمد وبااس راس يدته : فديتج ي الغااليه امرره هب مساافر ولا ببعد عنج،،اهناا مسنتر ويااج،،
    اليده : سير لهاا ي احمد ،لا تخلهاا تساافر
    تنهد احمد : ما تريديني ، ودامهاا تريد الفراق براحتهاا ،
    تمت اليده سااكته ،،والي شاافته حز ف قلبها استهمت عليهم ..

    ،،،،،،،،،،،،،،،،،،،،،

    صوب بطي ووديمه ،،
    بطي شااري لهاا ورد شكثر ،تاارس البقعة فيه ،،،
    وودوم بعدهاا مااده بووزهاا ،وياالسة وياا ام بطي،،
    ام بطي : فديتج ي اميه سيري لبطي قد له سااعه ياالس روحه فووق
    ودووم: ما عليه شر عموه ،، من نخلص رمسة بروح
    ام بطي نشت : صاارت تسع غاايته الرقااد،، تصبحين على خير
    ودوم فهمت ع عمتهاا تريدهاا تظهر : وانتي من اهل الخير عموه ،،
    ظهرت ودووم صوب قسمهم ،،
    من دخلت تطالع الورد متنااثر ف كل بقعه ،
    بطي : هلاا بالغاالية ،تعالي حيااج
    رفعت حيااهاا : اهلين ، الله يحيك ويبجيك،، الا شو مناسبة الورد ؟ نجاح الصفقة مع الاستاذة ميمونة؟ ولاا عقد صفقة مع سيدة اعماال يديدة؟
    بطي بهدوء نش صوبهاا : فدييت الي تغاار ،، خلاص عااد طيحي الحيَه ،وهااا الورد لج انتي هب لحد
    ودووم ابتعدت اشوي : خلك بعيد عني
    بطي يطاالعهاا باستغراب،، واماا وديمه زودتهاا : لا تجيسني احس تلووع جبدي واناا اتذكر البنات ف الشركة
    ماا كان من بطي الا يسحبهاا بهدوء ويلوي عليهاا بحناان : مخبرنج قبل هاا الجلام لا تقولينه لي ،، ياا ويلج ان عدتيه،، لا تجيسني بعد اليوم
    استلسمت ودووم لحضنه وباادلته الحضن : بطي بلييز لاا ترمسهن ،والله قلبي يعورني يوم اشوفك ويااهن
    بااسهاا بطي ويلسهاا حذااله : الحين انتي شعنه تحطين نفسج وياهن بمقارنة؟ اسمعيني انتي حرمتيه ،،اماا هن زميلات شغل وبس،،يعني اناا اشوفهن مثل ختيه مناال
    ودووم ماده بوزهاا : بس بعد ،هاا الاجتماع ويااهن وبروحك ما اريده
    مط خدهاا : فدييت البووز ،والله عااد يوم انهن بيتغزلن زين يرفعن معنويااتي
    رفعت حيااهاا بغيض: لا والله ؟ لاا صدق مغاازل؟ عيل ما استغرب اذا صار شي ثااني
    بطي :ههههههههههههههه والله تعودت ع رمستج ،ادري بج تعقين الجلمة وما توزنينهاا ،، بس بعديهاا
    نشت ودووم بعصبية ،اماا بطي ماا سمح له : تعاالي خلاص ايلسي والله هب قاايل شي
    يلست مرة ثاانية ومبتسمة بغرور اونهاا : عسب تتأدب مرة الثااينة
    ابتسم بطي : وديمه خففي من غيرتج ،ووثقي فيني ترا صدق ماا اتعدا وياهن حدوود الادب
    ابتسمت برقة : ادري بس هب قادرة جيه من اطالع حد ويااك قلبي يعورني ،، ما اريد
    بطي : حبيبي قلبج ،بس بعد خليه يخفف عليه ،،
    ودوم:هههههههههه بطي عن الاستهبال
    بطي ابتسم: يعل ها الضحكة دووم،،
    ودووم بحياا: ويااك إن شاء الله
    بطي :احم متى نااوية تقدمين ع الاجازة؟
    ودووم ماالت برااسهاا ع جتفه :ماا ادري حبيبي ريلي متى نااوي يواافج ع الاجاازة؟
    بطي باستغراب :ما قدميتهاا عسب اوقعهاا
    ودووم رفعت رااسهاا : لاا قدمتهاا لحمدان
    بغيض بطي:لا والله لحمدان؟ وقع عليهاا؟
    ودووم: لاا الصرااحة عنده حق،، يعني اناا بعدي بشهوري الاولى ،ف بخلي اجاازتي ع آخر شهرين ،،شوو راايك؟
    بطي بهدوء : اناا اقول ترا شغلج كان كله مغايض لي،، اماالحين شو رايج تستقيلين ,,
    قطعته ودووم :لا ماا بستقيل،، بلييز حبيبي اناا حبيت الشغل وصارن عندي ربيعاات
    بطي فهم شي ثاني : حبيتي الشغل ولا تراقبين؟
    ودووم فجت عيونهاا : والله هب جذه ،، بطي الحين اناا بنظرك اراقبك؟
    بطي :لا بس ،اشووف صاارت حساسية امبيناا ،وكل يومين زعلتي ع اشياا اصلا انا ماا انتبه لهاا،
    ودووم باستهباال: يعني اناا الي انتبه ،،تماام بكمل شغلي،،وهي اصلا لازم تزيد رااتبيه ،،واريد ترقية بعد
    بطي:هههه و حمداان شو موقعه ف الشركة؟
    ودووم:ههههههه يااخي استهبل ويااك
    بطي حمق: شو ياخي؟
    ودووم حطت ايدها ع ويههه : حبيبي وقلبي ولاا تزعل عليه ،تراا زليت
    اقترب بطي اكثر منهاا ،،اماا وديمه ذاابت من المستحاا ،،

    ،،،،،،،،،،،،،،،،،،،،،،

    من بعد زعله الطووييل،وشمه قلبهاا يتقطع كل يووم ، ماا تريد تليين وتترك الجاامعه بسبب ضغطه عليهاا ، بس علشاان خااطرة بتسويهاا ،، تحبه تعشقه تمووت فيه ،، واي شي بتسويه بس ع الاقل ماا يضغط عليهاا بهاا الطريقة ،،
    يعني يعاااملهاا ان لو ما سويتي جذه ترا بزعل،، وهي ما تباا تعووده ،الظااهر ان الريااييل يتعودون ع الاشياا هااي،وفي مثل يقولونه،،،( ولدج على ما تربيه وريلج على ما تعوديه) ،،،،،اماا هي انحرق قلبهاا من كثر ماا عياا يرمسهاا ،،
    اليهاال نعمه ،، الحمدلله رب العاالمين على جميع النعم ،باطنها وظاهرها ،وعلى نعم تسكننا ونجهلهاا ،،لك الحمد ربي كماا ينبغي لجلال وجهك وعظيم سلطاانك ،،
    موزه قاابضه ابووهاا وهب رااضية اتخليه ،،وشمه تحااول فيهاا ،مااشي فايده،
    سيف : يا بابا بروح ومن ارد بقولج قصه،



    تحرك رااسهاا لا لا
    شمه بعد ما تعبت منهاا مع ان اخوانهاا رقدو وهو يريد يظهر يسهر ،،
    شمه بنقمه : ما فيهاا شي لو ما سهرت ليلة برع
    كتم بسمته هو يدري بهاا مغيضه منه لانه ماا يرمسهاا : حبيبت بابا خلاص من ارجع بقراا لج كل هاا الكتااب زين
    موزه بعد ما انتبهت لهاا الموقف وابوهاا ما رد ع امهاا : بابا انت ليش ما تبوس ماما؟
    شمه ماا تدري تباا تختفي ولا تنحط بهاا الموقف جداام عياالهاا ،،
    اماا سيف الموضوع ويااه سهالات وهوو متووله عليهاا : ومنو قال ما ابوسهاا؟
    موزه ابتسمت : اوكيه عطهاا بوسه
    اعتدل سيف بيلسته وشمه حذال موزه وماال صوبهاا ،اما شمه ابتعدت : سيف ما له دااعي
    موزه : ماما انتي ما تحبين بابا؟
    سيف حمق: هب جدامهاا
    شمه بااست موزه : حبيبتي منو قاالج؟ اناا احبكم كلكم ،،
    ورفعت نظرهاا له : وانا ما اريد جذه ،عسبتهاا بس وانت قد لك كم يوم ما ترمسني
    اقترب منهاا سيف وبااسهاا ع خدهاا بالغصب : فدييت ام ذيااب ،،هاا شو رايج ب بابا ؟ شااطر صح؟
    شمه احمرت من الحياا والغيض من سيف ،، اماا موزه استاانست،،بعد معانااه رقدتت ،،
    شمه بنقمه : اسمحلنا اخرنااك عن سهرتك
    اماا سيف فج عقم كندورته : ماا بظهر الليلة بسهر ويااج
    وييهها يحمر ويتلوون ،، اماا سيف فصاار يلقي ع مسمعهاا شتى انوااع الكلام الحلوو ،والعسل ي عسل ،، بناات تحبوون الكلام الرومنسي..؟
    شمه بحضنه مرتااحه : امم ممكن اقوولك شي ؟
    سيف بهدوء: قولي
    شمه : بس لا تعصب عليه ،
    رفع حيااه : ليش الشي يعصب؟
    رفعت نظرهاا له : اممممم لا بس انت يمكن تعصب
    سيف : ما بعصب
    شمه ثبتت نظرهاا لصدرة وايدهاا ترسم اشكاال : اناا نقلت اوراقي لجامعة ____،
    ابتسم سيف : وهاا شي ما يعصب
    شمه ردت تطاالعه : يعني عاادي بكمل دراستيه ،ولاا بتزعل؟
    سيف بهدوء : بتكملينهاا يا الغاالية ،ولاا بزعل
    شمه بخبث اتكأت ع ايدهاا : انزين والقاانون بدرسه ؟ يعني وبعدين اريد اشتغل
    بحمق: والله انج مكاارة ،، مااشي شغل ،واناا قلت لج قبل بتدرسين بس ما بتشتغلين
    اقتربت شمه وبااسته ع خده : إن شاء الله لكل حادث حديث،من الحين الين تخرجي إن شاء الله يتغيير راايك
    ابتسم : يصير خير إن شاء الله ،،
    والتصاالح تم الحمدلله ..بفضل رب العاالمين ،ثم موزه الصغيرة -.-"

    ،،،،،،،،،،،،،،،،،،،،

    من سااعه عااطنهاا الفون ،وتطاالع هب مصدقه الي تقرااه ،،معقوولة من اسبوع واناا اضن بالشين وهوو كاان مخطط يفااجأني..!
    ذيااب من اسبوعين كاان يرمس مصممي حفلة ،عسب يوم ميلادهاا ،،وماا يريد ميثاا تعرف ،، فكاان حاط باس ع الفون عسب يااخذ راحته اذا طرشوا له عن الورد او الديكور او الكيك ،، المهم كاان شي مميز ،وحفلة بقمة الرقي والترتيب ،،
    الميث متلوومة منه: وتحملتني وسويت الحفلة مع اني مضيجه عليك؟
    ذيااب حاز بخاطرة الرمسه بس بعد الميث ما تهون عليه : ما من ضيج،،
    الميث صااحت ودمووعهاا اطيح وهي تشااهق وترمس: اناا آآسفه ماا كاان قصدي،، بس بس اتحسبتك ،،
    ذيااب قطعهاا : حبيبتي بلاج؟ خلااص هب شايل عليج
    الميث تزيد بصيااحهاا وكلام ذيااب جنهاا يزيدهاا ،، تم ذيااب يهديهاا الين هدت : ذيااب اناا آسفه ،والله احببك ،، ماا اريد افاارقك
    ذيااب لمهاا بحييل: ومنو يااب طااري الفراق الحين،،؟ ماا من شر خلاص
    الميث : يعني بتساامحني؟
    ذيااب: مسمووحة بالحل ،ماا منج قصور، وادري بج ما تقصدين
    الميث بغصة : لاا تتضايج مني،،ادري زودتهاا بس هب بيدي ،صاايرة حسااسة بزيااده
    رفع رااسه لها ا :شو يعني تتحسسين؟ يعني حاامل؟
    الميث :ههههههه شيخصه؟ ذيااب عن المنااقر
    ذيااب :ههههه والله اني استاانست ،،يالله بتقولين محرووم،،
    الميث: ماا من عيله ،الحمدلله وياناا سلامه واناا هب ملحقة
    ذيااب :ربي يحفظهاا ،وهي تريد حد يلعب ويااهاا تراا،
    الميث قرصة خده : هااي علوومك انت،،ولا هي الحمدلله دوم اشلهاا ويا عياال اخوااني،،
    ذيااب باستهباال: وماا عليه لو كان عندهاا اخ او اخت ،،يحنون عليهاا اكثر من عياال اخواانج
    الميث : ذيااب جنك متسلط الليلة ،،
    نش ذيااب : اصلا اناا تعباان برقد
    الميث عاارفه لحركااته : واناا برقد ،،تصبح ع خيير
    ذيااب وقف يطاالعهاا : وين إن شاء الله؟
    الميث : اهناا جريب،،
    سحبهاا ذيااب ويااه : تعاالي ما استغنى عنج ،،فديييت ام سلاامه ،حبيبت قلبي
    الميث تمت وااقفه وسحبت إيدهاا ،،
    اقترب ذياااب منهاا ،،الصرااحه محد يحط راسه برااس ذيااب هذاا صاار ابوو الرومسنية ،،


    ×××

    يتبع الجزء 56 الاخير







    Twitter:NoOshii__

  2. #82
    عضو ذهبي
    الصورة الرمزية noOona
    الحالة : noOona غير متواجد حالياً
    رقم العضوية : 133890
    تاريخ التسجيل : 18-06-14
    الدولة : UAE
    الوظيفة : ادرس ف معهد الجزيره -_-"
    الجنـس : انثـى
    المشاركات : 597
    التقييم : 46
    Array
    MY SMS:

    وصلـآويـه ـآلــآبد

    افتراضي رد: كَاان أابوكَ رباكَ عَلى رفعَ الخشوَم ، شوابي ربَوني على دقَهاأ ..|~


    تاابع الجزء 56 الاخير

    ×××


    ،،،،،،،،،،،،،،،،،،،،،

    اماا صوب احمد الي يعااني عند يدته ،، انفتح بااب الغرفة ودخل يده ،،سلم ويلس جريب منهم ،،
    اليد: هاا احمد اشحاالك الحين؟
    احمد انقبض قلبه يعني خلاص وصلهاا المطار ،يعني سافرت ،وصوته ظهر تعباان :الحمدلله ،،
    سكت اليد لثوااني ،،اماا احمد نش باس راس يدته : من رخصتكم ،دام يدي رد ،اناا ما لي لزمة ،تصبحون على خير
    اليده : بات ويانا فديتك ،وين بتروح بها الليل
    احمد يطاالع يده سااكت بلاه : لا يدوه بروح البيت ،،ما عليه بمركم باجر إن شاء الله
    اليده : تحمل من عمرك وان تعبت فليل روح الدختر
    احمد ابتسم :إن شاء الله
    اليد بهدوء : وانت من اهل الخير

    ,,
    احمد استغرب حاالة يده ،،وهدووئه ،، اماا يعني يخطط لشي ،،وظهر صووب ملحقه ،، وقف واايد جداام البااب وهوو يفكر الظااهر هاا الملحق بيرد لعبدالعزيز واناا ارد غرفتيه اخير لي،،ودخل الملحق ،،الليتات مشغله.! والتكييف مشغل ،،اكييد الشغاالة ،،يباالي بااجر اقولهاا لا اتيين اهناا،واروح بيت ابوي،،تنهد بضييج وخلل اصابعه ع شعر رااسه ،،
    الحين انتبه حد ياالس ،، يطاالع عدل بخااطره اتخبلت ي احمد ،،صرت تشووفهاا جداامك وهي ساافرت ،رمش عدت مراات عسب يطاالع عدل ،،يااربي ارحم حاالي،، قلبي ماا يروم يتحمل اكثر،،،
    الين رمست اسوم : اشحالك ؟اهون ؟
    يلس ع الكرسي مجابلنهاا : انتي شو تسوين اهناا؟
    اسووم تلومت : يعني شو اسوي اهنا؟
    نش احمد بعصبية وكأن فهم نظرات يده الغريبة انقهر : يدي رمسج ، هو غصبج تردين ،،
    ظهر من الملحق واسوم تتبعه : لحظه ،،اصبر يدي ماا يخصه
    هوو يمشي بعصبية صوب بيت يده وهي ورااه ترمسه : احمد اصبر,,,,, احمد بلاا سخاافه اووقف
    التفت لهاا عند الممر ف بيت يدهم : سخافة؟ طبيعي انتي ويدي مشااعر الخلق عندكم سخاافه،، اناا قاايل له ماا يرمسج ووعدني
    اسووم بهدوء وتجااوزت جملته وهي تسحب نفسهاا من كثر ماا تمشي سريع ورااه : اناا رديت بنفسي، يدي ما يخصه،،
    احمد يطاالعهاا بشك : ما رمسج؟
    توترت اسوم : لا
    عيونة مركزة عليهاا :شعنه رديتي؟
    عيونهاا ع الارض وبخاطرهاا بشو برد يعني؟ ،، اخيي ماا ادااني هاا الاسئلة ،،
    اسووم بنقمة : اوكيه عيل اروح بيت اهليه؟
    اقترب احمد منهاا رفع رااسهاا له : داامج ردييتي يعني مااشي طلاق
    اسوم ثبتت عيونها ع صدرة ماا تريد تطالع عيوونة: انزين
    بهدوء صووته التعباان ولواا عليهاا : اريد اسمعهاا منج؟
    رمشت اسووم بتوتر بصوت قريب للهمس : اغليك
    ابتسم احمد: والغلا بعده شو؟
    اسووم بتغير الموضوع تحااول تبعدة :احمد لواامه جذه واقفين ،خلناا نروح
    رفع راسهاا بااس خشمهاا : فديت قلبج امره ها الخشم مغتر وجلمتج ماا بتنطقينها يعني؟
    احمرت اسووم متلوومة ماا تدري شعنه وهي كل مرة مجاابلتنة ماا صار .. شعنه بهاا اللحظة ..!
    حضنهاا احمد بحييل : ماا عليه بصبر ،،وربي لا يحرمني منج،،
    اسووم تلوومت : خلنا نروح يمكن حد يظهر يطالعناا جذه
    قبض إيدهاا : يالله سريناا
    ،،
    ف الملحق احمد يلس مجاابلنهاا هب مصدق انهاا ردت ..!
    اسووم ويهها محمر ،وع سبيل تغير نظراته : ممكن اسألك؟
    احمد مبتسم : اسألي
    اسوم نظراتهاا بين الطاولة وبينه : متى ملجت عليه قبل؟
    استغرب: جيف يعني؟
    اسووم : يعني يوم مسافرة افريقيا،، تذكر احمد قبل سفري تصرفااتك كانت غريبة ،يعني تقبضني وتحضني ،،وبعد دخلت الغرفة عليه ،جيف سويت جذه واناا هب محلله لك؟
    ارتااحت ملامح وييه : ملجت من بعد رفضج ،ارتاحي ماا عمري قبضتج حراام ،كنتي حلالي ،،وانتي تعرفيين ما قد جستج قبل سالفة السفر،يعني بجيسج بيوومهاا
    اغتااضت اسووم : انزين شعنه ما قلت لي؟ حتى هااي تميت اتعذب والووم عمري ف كل دقيقة وكل سااعة انك تلمسني وانت محرم عليه،،
    نش احمد يلس حذاالهاا : يعني الليلة مخلتنهاا ليلة معااتب؟ خلاص الي راح انسيه خليناا نبداا بدااية يديده
    ابتعدت اسوم اشوي : هب مصدقة شكثر انت تحب تعذب وتخلي الي حوولك يموتون بتأنيب الضمير
    تنهد احمد وتم سااكت ،، اماا اسووم فتفكر: شقاايل بكمل ويااك وانا كل يوم اعرف انك داس عني شي؟
    التفت احمد لهاا عااقد حيااه : بنكمل لو انتي تريدين ،بس داامج بتفكرين بكل نقطة شعنه وجيف؟ وبس تظهرين سبب للمشاكل ماا بنكمل
    اسووم بعد تفكير لدقاايق : انزين فهمني شعنه ماا تقولي؟ شو له سااكت؟
    لفهاا احمد صوبه : بالاول يدي ماا رضاا اقوولج،،
    اسووم تنااظرة بدقة: عيل شعنه قلت لي بافريقيا ؟بس تباا تحرق فوادي ،ولو ان يدي مخبرني اخير لي من اني اسمعه بكل برود يقول انتي زوجته واحترمي وجودة ويااج،،
    احمد اغتااض : تذكرين تصرفااتج وياا المتطوعين ولاا اذكرج؟
    حتى هي اغتااضت : كل تصرفااتي بحدود الاحترام وحتى هم محترمين
    ضغط احمد ع ايدهاا هب منتبه انه يرص بحييل: كنتي تيلسين تسولفين وتضحكين بسااعاات ويااهم ،،هاا اليلساات ماا تعيبني ونظراتهم امررة ما عيبتني لها السبب خليت يدي يخبرج
    استوييعت اسووم وهي تحااول تفج ايده : شل ايدك يعوور
    انتبه احمد وفج ايده بهدوء: ما كان قصدي
    نشت اسووم ويلست ع الكرسي الثااني : هايل زملاء يعني شرا خواني ،وسوالفنا كلهاا كاانت بخصوص الصيد والسكان ،،وبعدين الضحك والسوالف هب حرام
    رفع حيااه وتجااوز رمستهاا : شعنه سرتي اهنااك؟
    اسوم كتمت بسمتهاا : ركز وياايه وخلك من الاستهبال،،اناا ماا اريد كل يومين ثلاث تشكك فيني وبتصرفااتي،، يعني مثل ذاك اليوم وسالفة ولد ومديه اختك ،واصلا اناا بريئة من كل ضن ضنيته فيني،، بس ما اقول غير الصبر زين
    نش احمد ويلس حذاالهاا وهي ترمس : واليلسة حذاالج ازين بعد ،،
    اسووم ماا قدرت تتحمل: احمد بلا سخاافة ، اناا ارمس بشرق وانت ترمس بغرب، خلك جدي يوم ارمسك ،،ولا انت تباا حد يكون جدي يوم يسمعك وماا تباا تنتبه لرمست حد
    احمد اقترب من اذنهاا : سمعتج وفهمت ،،
    يطبع بوساات رقيقة عند اذنهاا رقبتهاا وصولا لوييها،،وبعدته اسووم ووقفت : انت بتم جذه؟ اناا ماا اروم اتحمل ،الحين تقول سمعت وفهمت بعدين بتعصب وبينجلب حالك ،،
    نش احمد مبتعد عنهاا : زين،،
    دخل الغرفة فصخ ثياابة واسووم ياالسة ف الصاالة ،هذا هب طبيعي ،،ياالسة تفكر مستحيل رد شرا قبل حالته متجلبة احيااناا باارد وماا يسوي ساالفة واحيااناا معصب ويكسر كل شي يشوفة ،،
    دخلت الغرفة اطاالعته ياالس يرمس ويضحك بالفون : هيه ,,,,,,,لا لا هب ضروري ,,,,,,,,,,,,,,,
    سبحت وبدلت ثياابهاا وهو بعده يرمس،،ومن بين المكالمة :حبيبي اسمع ,,,,,,,,,,,,,,فديييت الصووت ,,,,,,,,,,,,,,,,,,,,,,,اخ بس لو جريب,,,,,,,,,,,,الحين اذا ظهرت بوصل ع السااع ثنتين ضنتيه,,,,,,,,,,,,,,,,,
    بعد ماا انتهت المكاالمة انتبه ان اسووم ع الطرف الثاني من الشبرية رقدت حذاله ..
    احمد : اسماا
    اسووم بهدوء : نعم.؟
    احمد باستفزاز: اناا بظهر ،ماا عليج شر ان تميتي روحج
    اسووم : اوكيه
    احمد اغتااض: شو اوكيه؟
    اسووم : برايك اناا عاادي عندي
    احمد لفهاا صووبه : شتقصدين؟ ما بتسأليني شي؟
    اسووم اعتدلت ياالسة ،ابتسمت بمرارة : تريدني اسألك عسب تسوي مشكلة وبعدهاا بتعصب وبتكسر الاثااث،، شو تقصد احمد؟ شو؟ اريد افهمك هب قادرة ؟،، انزين فلنفترض اني سألتك منو ترمس؟ وين بتروح؟ بتجاوبني يعني؟
    احمد : هيه شو المشكلة بجاوب
    رفعت حياهاا بمعنى اوكيه شو الجواب..!
    فهم احمد : بروح بوظبي صوب ربيعتيه ميرة
    استغربت اسووم : عفوا؟ ربيعتك؟
    احمد بتمثيل : اوه صح انتي تفرق ويااج المسميات ،زميلتي وشرات ختيه
    فهمت اسوم قصدة هو يقصدها يوم قالت زملاء وشرا اخواني ،يعني يردهاا بحركة غبية : سلم عليهاا
    وصدت الصوب الثااني بترقد ،، ثاار احمد بعصبيته ،،فر الابجورة من ع الكمدينو بحييل ،، اتروعت اسووم ونشت تطاالعه ،،
    اسووم نشت راحت الجهه الثانية من الشبرية : شفت قلت لك ان سألتك بتعصب وبتكسر
    احمد يلس يطاالعهاا بقهر ،،اما اسوم واقفة تطاالع الابجورة متكسرة قطع : شعنه طلبت اسألك دامك بتسوي جذه؟
    حاول يهدى :ايلسي برمسج
    اسووم يلست حذاله :اذا بتصارخ ما اريد اسمعك
    سكت لدقاايق يريد يكون هاادي ،اماا اسوم ترقب بتوتر، برودهاا يذبحه ،،مع العلم ان اسوم اصلا ما تقصد الا انهاا تتجاوز المشاكل وعصبيته ،، بس ما تدري انه العكس ..!
    احمد : لا تستفزيني
    صدت تطالعه : انا استفزيتك؟
    احمد ركز بعيوونهاا : عيل ردت فعلج شو؟
    بعدت عيونهاا عنه : لو انت حاس جذه انا ما قصدت
    حط ايده ع خدهاا لفهاا صوبه : يوم انج ما تسألين جذه بسوي ،، واناا اصلا ما كنت ارمس حد الا اريد اشوف ردت فعلج ،،عسب تحسين بي ، جيف تقولين زملاء واناا احترق،
    اسوم حطت اييدهاا ع ايده حست بالخيااطة : ماا قصدت ،
    سحبت ايده تطاالعهاا عضت ع شفتهاا الين حست بالدم بحلجهاا واحمد اطاالعهاا وسحب ايده ،،
    نش مبتعد : تصبحين على خير
    قبضت ايده ووقفت ويااه : انزين فهمت انا غلطت وانت غلطت ، الحمدلله المهم الشخص يعرف غلطتة هب يتمادى فيه
    ابتسم احمد : الحمدلله
    اسوم نزلت عينهاا لايده : شو قالك الدكتور عن ايدك؟
    احمد ضغط لايدهاا وهي قابضتنه بخفة : يقول خبر حبيبتك تروف بحالك تراك ها هب ذاك الزود
    رفعت نظرهاا وهي راافعهاا حيااهاا : عن المصااخه ،، شو قاالك؟
    احمد :هههههه الله ع العصبية ، الحمدلله اهون ايدي وتراني دكتور واعرف لهاا ،،
    اقترب منهاا احمد قبل عن ترد عليه وحضنهاا : ترفقي بقلبي
    باادلته اسووم الحضن برقه : إن شاء الله ي قلب اسما
    فجهاا احمد وهو يريد يطاالعهاا ،، ابتسم بعذووبة وهي مبتسمه : احمد لا تطاالعني جذه
    احمد مبتسم ومستاانس الحين : إن شاء الله ي قلب احمد
    اسووم :هههههه اسمييك ماا تفوت شي
    احمد بابتساامة عذبه : الله لا يحرمني منج وعساهاا ضحكة مديمة
    باادلته اسوم الابتسامة : ولا منك ،، ويااك هب بلياك إن شاء الله

    ،،،،،،،،،،،،

    يوم الجمعه ..
    الكل مجتمع ف بيت اليد ..
    صوب الرياايل.. كلن لاهي برمسته وسوالفه ..
    اليد متوسط الميلس .. على يمينه عياالة بوسيف وبواحمد وعلى يساارة أحفاادة ..!
    من اليلسة الي شدت انتباهم يلسة خليفه واحمد وسيف وذياب وياا بعض وكأن الي صار ما كان ..!
    اماا وليد يسااسر عبدالعزيز برمساات وكل اشوي ضحكووا..!
    بطي ياالس وياا سلطاان .. وكلن ينصح الثااني بنصااايح مثاالية ..!
    ،،
    صوب الحريم .. اليده تزقر فلانه وتعلق على علانة ..
    حريم عياالهاا حولهاا وحفيداتهاا وحريم أحفادهاا ...
    ارتااحت واستاانست وهي تشووف اسووم امبين البنات يالسة مبتسمه برااحه ..
    ودوم ما خلت تعليق ما علقته ع اسوم: وااي يا فدييت العاشقين يردون من المطار بعد ، ماقد صاارت
    اسوم قرصتهاا بخفه : صخي اخير لج ،،
    ودوم ابتسمت : إن شاء الله اتمون دوم جذه ولا تتغيرين عليه ولا يتغيير عليج
    رددت الميث : آمين آمين
    ضحكت اسوم،،
    مناال بشرتهم بجنس الولد ،، شمه بشرتهم ان سيف وافج اتكمل دراستهاا ،، مديه بشرتهم بتسجل بالجامعة وأخيرا سلطان اقنعهاا ,,
    اماا فطيم ..
    اليده من بين رمسها وياا الحريم التفتت للكل وابتسمت : بااركوا لفطيم
    ام احمد وام سيف مبتسمات ،،
    يا غير بعد ما صخوا الكل شمه سألت : بنبارك على شو؟
    ام أحمد : فطيم انخطبت
    ودوم بصووت : مبرووك مبرووك منه الماال ومنج العياال
    اليده تروعت من صووتهاا : صخي حرمة شكبرج وبعدج تصاارخين لومتي البنيه
    الكل ضحك ع ودووم ونشن يسلمن ع فطيم ويبااركن لهاا ..

    ،،،
    و تمت بحمد الله ..
    الحمدلله رب العالمين ،هذه هب نهااية ،،هذه بدااية لكل شخصية ف روايتيه ,, وطبيعي المشااكل وسؤ الفهم بحيااة اي شخص ,,
    المهم اعزاائي بداايتكم تكون جمييلة وصحيحة ،،إن شاء الله تتجاوزون اي مشكلة وسؤ ظن ،،وان كان ترا لابد من يسمع كل شخص الطرف الثااني ،، وفي جملة جمييلة جداا ... اسمع مني ولا تسمع عني ،، اسألني ولا تسأل عني ... طبقوهاا بحيااتكم مع كل شخص ،،صدقووني بترتاحون ....
    الحمدلله ..
    أسما وأحمد .. بعد عنااء سنين ومشااكل ومعااند وكبريااء ،،بدوا الاثنين يفهمون بعضهم ..
    الميث وذيااب .. كل واحد عرف غلطتة وحااول يصحح , وبدأو حيااة اجمل مع سلامه ..
    خليفة ومنال.. تجاوز كل واحد مااضي وبدااية ارقى وحب انقى بالحلال،،وحيااة حلوة .. تعمدت احط لشخصيتين ماضي،عسب اوضح نقطة ان ممكن للانسان اذا يريد يفتح لنفسه مجال يحب وينحب من اشخاص غير الي تمناهم وما صاروا من نصيبه بيصير،واما اذا صك ع عمره وصار سلبي ما بيصير .!
    سيف وشمه .. غلطوا بحق بعض،،جرحوا بعض،، بس في مثل يقول.. لولا ظلام الليل ماا شفناا ضو النجوم .. يعني بعد حياة جاامدة ،حركتهاا مشكلة وحدة وبدوا حيااة مليئة بالحيوية ..
    بطي ووديمه .. ثناائي متعب ،،حااولت كثر ما اقدر اسوي شخصيتين جيه يعني فيهاا المرح المشااغب،،والحيااة الزوجية ،،المزح امبنيهم ،،والغيرة الحلووة ..بالنهااية الاحترام بين الطرفين ..
    حمدان ..يا حمداان المحرك الاول ف الروااية ،، في شخصياات ف الحقيقة جذه ،، يحااول ينسى قلبة في تعلقة بالآخرين وبالاخير ينتبه او شخص ينبهه ،المنبه كاانت اسووم ،، ويرجع لقلبة ,,, وحيااة احلى مع هند العنيدة ..!
    ناصر وهزاع .. الله عليهم من احلى شخصياات رواايتيه ،،صحيح كاانت مواقفهم بسيطة بس لهم دور في تحرك احمد وكشفه عن السر لاسوم..
    كيارا .. منو منكم حبهاا ..! شخصية رااقية من الشخصياات الي طرحتهاا ،، والاكييد موجودة امبيناا بالحيااة اليومية ،،وطبيعي تترك اثر ونفقدهاا حييل ,,
    ماا انقص من موقف اي شخصية خصوصا اهاالي الشخصياات ،،وخصوصا اليد واليده ،،طبعاا دورهم مهم جداا في حيااة شخصياات الرواايه ،
    بالاضافة لثنائي الرومنسية والمثل بالمثالية مدية وسلطان ،، عبدالعزيز وفطيم ،،، وطبيعي الملازم ولييد حبيب القلب هاا خخ حد منكم كره وحد منكم حبه ،، في شخصيته شي جمييل ،وخصوصاا بعد معرفته لمرض اسوم وشرح وديمه له سؤ ضنه بالمشلكة الجديمه،، حمل كل احتراام وتقدير لاسووم ،،،ولكل شخصية صفة تميزة عن الآخرين ،،



    ~|| امنيتي الاخيرة لكل شخص حيااة سعيدة إن شاء الله ..


    ،،،،،،،،،،،،،،،،،،،،،،،
    ××
    سبحانك اللهم بحمدك، اشهد أن لا إلة إلا أنت، استغفرك ربي وأتوب إليك ..|

    ××

    ||وشاركوني رايكم .. اي شخصية عيبتكم ..! حبيتوا اي ثنائي..! ورايكم بالاحداث ..!
    تمت..

    ×الروايه×





    Twitter:NoOshii__

صفحة 9 من 9 الأولىالأولى ... 456789

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 3 (0 من الأعضاء و 3 زائر)

المواضيع المتشابهه

  1. شعر غزلي (مكس عربي -انجليزي)
    بواسطة رمش الغزااال في المنتدى معرض المواهب و الابداع Fair talent and creativity
    مشاركات: 10
    آخر مشاركة: 10-01-30, 08:49 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •