تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 10 من 10
  1. #1
    عضو جديد
    الحالة : as20 غير متواجد حالياً
    رقم العضوية : 145887
    تاريخ التسجيل : 12-02-16
    الجنـس : انثـى
    المشاركات : 4
    التقييم : 10
    Array

    Post الرواية الإماراتية(حلم طيف) للكـاتبة as20.


    السـلام عليكم و رحمة الله و بركـاته..



    سابقاً ، كتبت روايات ولكني توقفت مع الوقت و الظروف .. رجعت الحين بفكرة يديدة و أسلوب جديد...
    اتمنى تنال اعجابكم جميعاً.. واتمنى من الجميع التشجيع
    بالنسبة للبارتات الرواية مب كاملة انا حالياً اكتبها.. فبكون خلال الاسبوعبارتين او ثلاث ..
    البارت الواحد عشر صفحات من برنامج الوورد يعني مب طويل جداً .. على حسبطبعاً..
    لا احلل اي نقل بدون إسمي.. مثل رواياتي السابقة.. رجاءً..
    واليوم بحط لكم البارت الأول متمنية ان ينال اعجابكم و رضاكم ..
    تحياتي..










  2. #2
    عضو جديد
    الحالة : as20 غير متواجد حالياً
    رقم العضوية : 145887
    تاريخ التسجيل : 12-02-16
    الجنـس : انثـى
    المشاركات : 4
    التقييم : 10
    Array

    افتراضي رد: الرواية الإماراتية(حلم طيف) للكـاتبة as20.


    حلــم طــيــف
    الكاتبة:
    As20.

    الزين لو ما يلبس الزين
    مفنود ما بين الخوندات
    لو كان مثله يوجد اثنين
    جــانه نهب نص الامارات
    له عوُد بان وبالرياحيّن
    ثامر ورابي في شراغاتْ
    لو مر مابيـن البساتين
    الورد يدي له تحيّات...

    الجزء الأول:
    رسمت فِ عيونها ليل... حطت شوي بلشر.. و روُج لونه على لون شفايفها تقريباً.. تحجبت بطريقة مرتبة ونزلت تسـاعدأمها وتخبص وياها في المطبــخ:
    -أمايه، مب جنهم تأخروا وايد عموتيه؟
    -لا فديتج ما تأخروا، الا أنتي تبينهم يضـوون بسرعة هبابهـم هالكثر ولهانة..أبتسمت الأم وأبتسمت "الزيــن"
    الزيــن عمرها 17 سنة، ثنويه عــامة، رغم صغرسنها الا أنّ ملامح ويهها تعطيها عن عمر أكبر بكثييير..شخصيتها متعصّبة شوّي،دلوعه ابوها بما أنها بنته الوحيـدة اللي الله م رزقه بغــيرها، مب أي حد يدخلمزاجها... بالنسبة لوصف ملامحـها؛ وسع عيونها عـادي، رموشها طويلة جدا وسوادهايجذب، خشمها سيوُفي و طويل، و ويها طويل وخدها يتميز بنقاوته، وهذا اللي كان يميزبنت سالم عن باقي البنات، متميزة بجمالها وثجلها، اللي فيه تجتل حريم عمومتهاوبناتها..
    دخل خالد: زويــن، زويّن..
    تجاهلت الزين نداء خالد..
    أم خـالد: وه وه عشتو..حوه جيه اخوج يزقرجشعنه عاطتنه بو لباس؟
    ضحك خالد ويا يبا يبوس الزيـن ع خدها..
    الزيـن:خوز عني ..
    ام خالد: شو مسوي باختيك م احيدها بزية جذي؟
    خالد: امبونها بزية أمايه والا انا م سويتشي..
    الزيـن : ابدن ابدن حاشاك بس فشلتني جدامســيف..
    ام خالد بشك: اشــوووه؟ سيف منو؟
    الزيـن و هي تتصنع الدلع مع شوي من دموعالتماسيـح: أمايه يقولي دشي دشي أم لسـان وسيف يضحك ..يرضيج؟
    ام خالد وهي تجلب العيّين..: انزين وما يابشي يديد، سيف يدري أنج أم لسان.. بعدين لا تنسين أنّ سيف خيج!
    الزيـن: لا أمايه مب اخويه..
    ام خالد: اشوه هالرمسة هاي؟ جيه مرضعتنه انا،ولد عمــج واخوج بالرضاعة بنفس الوقت..
    الزين: ادري .. بس هو مب نفس خواني حتى انياستحي منه وبس اسلم عليه م اسولف عليه..
    خالد: وهذا اللي يقهرني انا، حق شوه تستحينمنه؟
    دخل خليفة: تستحي من منــو؟ ليكون زويّن املسانين انخطبت بدون عِلمي؟
    ضحكت أم خالد: لا لا انت اول واحد بتدري يالجبريت.. نطري سيف خوك..
    تغيرت ملامح خليفة شوي.. : شبلاه بعـد؟
    خالد: تعال انت بسألك شو ياك ع الريال؟ منقام يزورنا وانت مب بالعنه تراه يلاحــظ..
    خليفة: بس جذي يقهرني..
    ام خالد: يوه ي خليفة حبيبي م احيدك م تواطنهجذي؟ هذا اخو الزين ختك واخوكم كلكم.. و زيارته لنا واجبة..
    خليفة: اميه لا تنرفزيني.. امبونه م يدري عنهالا من بعد... وسكت وهو يعض شفايفه!
    طالع الزين..
    خليفة: وانتي شو حاطة فويهج؟ قالها بنبرةحقيرة شوي..
    خالد: حوه شبلاك بيون قوم عميه!
    خليفة: عندي علم، يعني تقوم تتصبغ..
    الزين: شو بس اتجحلت شبلاك انت؟ بعدين مبيايه ايلس ويا الرياييل انا..
    خليفة بغضب: قصورج بعد...
    ظهر ودق الباب بقو..
    الزيـن تأفف...خليفة عصبي و غيور بشكل كبــيرجداً، رغم كون قلبه طيب و أبيض، ويكره سيف وايد لسبب بتعرفونه مع احداثالرواية..وخاصة ان الزيـن معروفة بجمالها عند العايلة ها الشي مخلينه يغار عليهااكثر واكثر..عكس شخصية خالد الحنونة و الطيبة ، غيرته بسيطة جداً ويقولها بطريقةحلوة، و هو الأقرب لأمه وأخته الوحيدة الزين... خالد عمره 23 سنة..أسمراني وعيونـه حايـرة.. اما خلــيفة 21 سنة.. الأبيضاني الكيوت اللي يكره كونه تحتهالمُسمى... وحمد أصغر عن سلامة بسنة ويمتلك نفس ملامحها الجميلة ويبلغ من العمر16 سنــة ، اما زايد فهو أخر العنقود ويبلغ 3 سنين... وهاي هي عايلة سالم حمدال****، أبطال الرواية واهم عايلة فيها..
    خالد دخل حجرة خليفة..
    -شبلاك خلوف؟
    -فكني خالد..
    -متضايج من وجود سيف؟
    - هيه و يا ليت يفتتهم.. من جاف زوين وهــو...
    -خليفة!! صارخ خالد..
    -بلاك تصارخ؟ ليش تسوا عمرك مب ملاحظ؟
    -سيف اخوها لا أكثر ولا أقل ..
    -لا تتصنع البراءة خالد..
    -تفكيرك الوصخ هذا مخلنك تفكر جي..
    -الحين زارنا عشر مرات ويمكن أقل.. بس لاحظنظراته يا خالد.. انت مش ملاحظ اني اهذرب عشان يشوفني؟ وأني أامر على زوّين عشانتطلع بس؟
    -انت تعرف انه سيف مستحيل ياخذ زينـوه..
    -يخسي الا هـو!
    -السالفة مب سالفة ان في عيب وانت ادرىبهالشي خليفة..ما يقدر ، سيف ترضع وياي يعني هو اخو كل اللي تحتي .. انت والزيـنوحمد ..
    -بس هو ما يفكر جي..
    -وشدراك هو كيف يفكر؟ بعدين شذنبها هي يصيرلها موقف جي معاك؟
    -انت عبالك هي مب فاهمه!!
    -خليفة انت ليش جي شكاك؟
    -ليش تستحي منه؟ من نظراته و وصاخته .. وانتيوم انا مداوم كم مره قايل لك يوم ارد م اداني اشوفهم اروحهم..
    خالد حس بغضب خليفة ..
    -خليفة خلنا نكمل رمسة عقب ..
    -خالد انا ع كلمتي ترا..
    طلع خالد .. و خليفة خلاه يشك بسيف ..
    اصوات هرن السياير.. يعلن وصول عمومتهم.. بعرفكمعلى العايلة كاملة ..
    أبو محمد ( خليفة – خليفة اخو الزيـن مسمايعلى عمه) :
    ام محمد (مــوزه) ، بجرهم محمد عمره 26 سنــةماخذ بنت خالته(نوف) ومعيل منها بنيه وحده( ساره).
    الهنوف عمرها 20 سنة، رغم ان جمالها عاديجداً، لكنها خلوقة ومحترمة وها الشي الجذاب فيها.
    عمر عمره 18 سنة، هيات وما يقر من مول لمولبس ماخذ الغوى كله عن خواته، عيونه واسعه و ابيضاني وها اللي مخلنه خقاق.
    خالد 16 سنة .. وهو شبيه عمر .. بس شخصيتهاحلى عصبي و غيور ومتملك، وهادي مرات.. وها اللي مخلي جماله ابرز من جمال عمر رغمالشبه الكبييير...
    روضة أخر العنقود تبلغ من العمر 6 سنين..سمرا و جمالها عادي ..
    --
    أبو سليمان ( راشــد)
    أم سليــمان( هدايـا) :
    سليمان هو بجر العايلة كلها(اكبر حفيد) مطلقبنت خالته بعد بعض من المشاكل وعنده بنت (موزة على امه) في حضانة والدتها .. ورافضفكرة الزواج نهائياً بعد مرته الأولى..
    سعيد اسمر وجماله عادي، لكن قلبه طيب جدا ،عمره 24 سنة..
    سيف عمره 23 سنة .. رضيع خالد ولد عمه( اخوسلامة بالرضاعه) .. أجمل واحد بين عايلته، خشمه سنافي و أبيضاني و عيونه زايغه..ويمكن هذا هو سبب كره خليفة الجم له.
    عبدالله عمره 21 سنة .. خاطب بنت عمه ( مريم)بعرفكم عليها بعد شوي .. ويكمل دراسته برع.
    ذياب عمره 19 سنة .. لسانه وصخ ومتبري منه ،شكـاك و وقح في تصرفاته ..
    مريم وامنه و رايه وصّغيرة هم من عايلة بو سليمان بس ما راح يتم ذكرهن لأنهنمعرسات بس في بعض المناسبات والتجمعات ...
    وأخيرا .. وضحة وعمرها 16 سنة ، تميزت بجمالبدوي قديييييمم جذاب ..
    بو سيف ( يمعه )
    ام سيف ( رايه)
    هالمرة ام سيف هي عمة ابطالنا ، ولكن بو سيفهو ولد عم ( بو خالد ، بو سليمان و بو محمد..) واللي ناسبهم وخذ اختهم الوحيدة (رايه) ...
    مهرة هي بجرهم وعمرها 23 سنــة .. عودها حليو وهاديةوايد وهذا شي مميز فيها ..
    فاطمة عمرها 21 سنــة تشبه عمها سالم وتاخذمن ملامح عياله جنها وحده منهم .. هبله وكله تضحك ..
    سيف عمره 20 سنة .. وهو بجر امه و ابوه، ريالعاقل وراعي مذهب .. أبيضاني طويل ..
    مريم ( خطيبة عبدالله ) 19 سنة .. تدرس طب..
    آمنة وتبلغ من العمر 16 سنة وهي احد بناتالعايلة الجميلات، عصبية بشكل كبير ومزاجية ونظراتها تجذب .. و دايما تظهر الشياللي عكس قلبها .. مبارك وعمره 7سنين .. يلقبونه بال"الأسود" لاسمراره الشديد ولكنه جذاب جدا .. هادينوعاً ما..
    نرجع لأحداث الرواية ...
    قرب بو خالد وخالد بالأعمام بعد الترحيبالشديد .. دخلوا الريايل الميلس الخارجي ، والحريم الميلس الداخلي ...
    همست سلامه ل وضحى اخت سيف الصغيرة .. : سيفخويه ياي؟
    ابتمست وضحى و اومأت بالايجاب ..
    سلامه : هييييه ...
    ركضت سلامة فوق ..شافت نفسها بالمنظرة وهيتتذكر آخر مرة كلمته من تلفون امها في الواتس اب..
    سيف؛ شكثر انتي جميلة ...
    بدت تدقق في ملامحها أكثر ..قلبها يدق بسرعةوبدت تحس بحرارة فوييها .. احط ماسكرا؟ عشان تبين عيوني اوشب؟ والا احط كونسيلرشوي عشان اطلع افتح؟ ياربيي شسوي بطني بطنييي.... وتمت تناقز مستانسه..
    من صوب ثاني ..
    كانوا عمر وخالد ( خالد اللي يبلغ من العمر 16سنة ..) و ذيـاب برع يسولفون ينتظرون وصولسيف .. المتاخر كالعادة ...
    دخــل سيف بسيارته و شاف انتظار عيال خوالهله..
    سيف: تغشي امون ..
    رفعت آمنة طرف الشيلّة و غطت فيه ويّها،حاولـت تشوف شي غير الكنادير البيـض ما قدرت ادقق في ملامح الريـاييل اللي واقفينبـرع..
    سيف: دحـري بسرعة..
    نزل سيف ..
    سيف: حيّ الله الشباب.. مرحبا كبـار..
    ويه سيف ذياب و عمر وخالد ..
    سيف: ها بو الوليـد .. شو الدراسة ؟
    ابتسم خالد وهو يحـاول يخلي تركيزه على سيفويشل ناظره عن اللي حدرت البيت من شويّ : الحمدلله ..
    (لتسهيل فهم أحداث القصة سيتم كتـابة الاسم المكرر مع اول حرف من اسم الأب )..
    دخلوا الرياييل الميلس؛
    خليفة بو محمد: عموُرر... عمـوُر تعال ايزىعمـك غنم ع العرب اشووف...
    عمر: عمر ابويه عمر..إن شاء الله!
    شل عمر الفنايين من ايد عمه سالم(بو خـالد)..
    عمر: خله عنـك عمي..
    صوت دق الباب..طخ طخ ..طخ طخ ...
    سيف يلاحظ انشغال خليفة وخالد مع باقيالشبـاب..فز يفتح الباب متمنى كون الطـارق"الزيــن"
    بو خالد: شكلها اختك ابويه شوف شو عنـدها..
    يبتسم سيف: ان شاء الله عمي.. تـامر..
    فج الباب بسرعة و طلع خاري وسكر الباب بمجردما لمح عيون الزين ..
    تيرعبت الزين بخوف بحركه سيف السريعة ونزلتراسـها..
    سيف: بلاج؟ سيف انا ..
    حاولت تتصنع الابتسامة لشدة القُرب ..
    سيف: شو ما بتويهيني يعني؟
    ويهته وعطته الصحن ..
    يت بتلف ..
    سيف: فديت العيــوُن...
    لفت بسرعة ومشت.. رغم كون دقات قلبها متسارعة.. تصنعت انها ما سمعت شي..!
    دخل سيف والا بخليفة بويهه..
    خليفة بشك: من وين ياي انت؟
    ابتسم سيف ملطف للجو : الزين كانت يايبةصحن..
    خليفة: وانت شدراك ان الزيـــ....
    قاطعه سيف: دقت الباب ..
    سكت خليفة وهو يتعوذ إبليس ألف مرة فـ داخله..اخوان ي خليفة اخوان..وسيف ولد عمك وانت تعرفه زينتن زين ..مب مال هالسوالف ي خليفة ..
    خليفة : يعطيك العافيه .. وحاول يبتسم ..
    ابتسم سيف وحدر الميلس ..
    خليفة وهو مب قادر يكبت هالغضــب.. توجهبسرعة للمطبخ ..
    خليفة : زويّــن...زيووون..!!
    فتح الباب بقوة ..
    وبسرعة أشـاح بنظره.. شاف قذلة شعــر .. شعرمنو؟ ما يـدري..
    خليفة : السموحة ..
    الهنوف : لا الامور طيـبة ولد العم .. بغيتحاية ..
    لف خليفة، كان يدقق ف ذيج الملامح اللي وراالغِشــا ..
    حس انه مراقبته بدون قول اي شي غلط..
    خليفة وهو يتأتأ..: ش .. شحـالج ..
    الهنوف بعد ما لاحظت النظرات ، نزلت راسها :الحمدلله بخير .. عن اذنك ولد عميــه..
    ابتعد خليفة عن الباب و ظهرت..
    منو هاي؟ يعرف كل بنات عمه.. ما قد وحده تغشتمنه الا المعرسات اللي قام م يشوفهن اصـلاً.. هني صدق ثار دم خليفة ..
    ويت الزين ف الوقت الغلط ..
    الزين: خليفة ..
    لف خليفة وتعابيره ما تبشر بخيـر ..
    خليفة: انتي ليش هب متغشية؟؟
    استغربت الزين : شفيك انت اليوم؟ في حد قايللك شي عنــي؟
    تجاهل سؤالها وقرر يشبع فضوله بطريقة ذكيـة:
    خليفة: ليش ما قلتيلي شي حرمة داخل المطبخ؟امنو هـاي اصلاً؟
    الزين: قصر صوتك خلوف اشبلاك؟.. هاي هنوفةبنت عميه خليفة..
    خليفة وبان الاهتمام في نبرته هالمـرة: هايهنوف؟ هنوف الشلقـا؟
    ضحكت الزين ..
    الزين: حسبي الله ع بليسك صــخ.. هييه هيهنوف حب طفولتك .. ويقرصها
    خليفة وهو يقرصها .. : اي حب طفولة م ادانيهامن يوم هي ياهل مفشلتني طول عمري..
    الزين تشهق: حرام عليك.. اشقايل م عقلت؟ فديتهاالهنوف احسن وحده والعاقلة فينا .. صدق مرات جيه احسها اميه .. انت بس تحيدها يومهالكبر ...
    خليفة : احيدها مالت عيال ..
    تضحك الزين : ههههههههههههههههههههه مالت عالويه، تغـار عليها من ايام الروضه ها؟ (وتغمـز له) ..
    خليفة: زينوه بعصب عليج ترا .. انزين اقولج..
    الزين : آمر ؟
    خليفة وهو يحاول م يشوف عيون الزين : ليشتتغشى مني؟
    الزين تلاحظ شي ف عيون اخوها : هي تتغشى منكل عيال عمي خليفة، م عندها هذا خليفة وهذا فلــان..
    خليفة: انزين مب جي قصدي انا من درابها ...حاول يتحاشى نظرات اخته وروح الميـلس ..
    عقب وقف :
    خليفة : هييه وانتي شو ناقصنج م تتغشين؟
    الزين: تـامر امر ي الجبريّت بنتغشى ، رفعتطرف شيلتها وغطت فيه ويهـها..
    فجأة رن تلفون ام خالد اللي كان ف أيد الزين..
    المتصل * سيـف راشد* ..
    ابتسمت .. لا وين ما اتجرأ ارد صح عاد شوبسكته لو درا اني انــا..
    حطت الفون فمخبـاها ومشت ..
    سيف : شو ي شوي عن تتعثرين من ع الدري..
    رفعت راسها وشهقت ..
    ابتسمت ابتسامة الوهقة : هءهءه ...
    سيف: الفون وياج انتي؟ ليش م تردين؟
    الزين : انت شدراك اني هنيه؟
    سيف : دقيت ع اميه قبل شويه قالتلي بتعطينيشي ف المطبـخ ..
    عضت الزين شفايفها ( حسبيَ الله ي اميهوهقتيني..)
    الزين لفت صوب المطبخ : زين تعـال بعطيك...
    سيف : شفتي اسمي و و لا جنج جفتيه و رديتيدخلتي الفون ..
    الزين : تراني اعرف انك بتيّ..
    سيف: توج تقـولين ..
    الزين قاطعته : شو تبا ايبلك من داخل؟
    سيف: لي متى بتستحين مني؟ اول مره قلت طبيعيبي تراني صرت اشوفكم واسولف عليكم بين فتره وفتره ..
    الزين : م استحي ولا شي ..
    ؟؟: خــير ان شاء الله؟
    لف سيف صوت الصوت الغريب ..
    ونفس الشي الزين ..
    نهاية الجزء الأول ..
    من هو الطرف الثالث في نقاش سيف و الزين؟






  3. #3
    عضو جديد
    الحالة : as20 غير متواجد حالياً
    رقم العضوية : 145887
    تاريخ التسجيل : 12-02-16
    الجنـس : انثـى
    المشاركات : 4
    التقييم : 10
    Array

    افتراضي رد: الرواية الإماراتية(حلم طيف) للكـاتبة as20.


    الجزء الثاني:
    سيف وهو يطالع الزين: منو هذا؟
    ؟؟: انت اللي منو؟ شعندك ويا البنـية؟
    الزيــن: عِلــي ارجوك ..
    علي يطالعها بغضب ..
    سيف: علي؟؟
    علي: هب عايبنك ان شاء الله.. اقول قوم اشتل عن ويهي ..
    سيف بنرة غضب : حو حو سوالف الميهلة هب عليه انا احترم عمـرك ..
    عِلي : دام تبانيه احترم عمريه واحترمك ..لا تقرب صوبها سمعت؟
    سيف و هو يحاول يمسك عمره : انت اللي ما تتسمى فارق احسلك منو انت تيا تفر رمسة؟
    الزين وهي حاسه ان السالفة بتستوي جبيرة..: خــلااصصص...
    عِلي : لا تصارخين لا اقص لسانج ..
    سيف : و منو انت عشان تقص لسانها ؟ جيييه م عندها وِلي ؟
    علي : هاي حلالي .. يعني انت ما يخصك ..فاهم؟
    سيف : ن .. نعــ ..نعمم؟؟؟
    الزين : علي .. هذا اخوي شبلاك؟
    علي : انا قايل لج سوالف هذا اخوي متربي وياي ما ادانيها .. ولد عمج يبقى ولد عمــ
    سيف صارخ : وانت منو عشان تبرر لك اصلاااا؟؟
    علي : قتلك حلالي .. مالي ..
    الزين حست بإحراج : علييي ..!!!
    سيف هني سكت .. رغم المشاعر اللي عاودته سكت.. ما يعرف منو هذا و شو صلته بالزين .. اللي يعرفه انه ما يقدر يقول هالكلمة .. عن الزين ... مب بس جي، ما يتجرأ...
    خـالد : حوه شو مستوي ؟؟ أصواتكم وصلت عند عموومتيه ..
    وقف خالد يطالع علي : علوه ؟
    ويهه خالد علي ..
    سيف لف صوب الميلس متفتف ..
    خالد : ههههههههههههه شميت ريحة ان عموور في الدار ها ؟
    ضحك علي ..
    خالد عطى الزين نظرة عشان تدخل داخل .. فيها شويّة غضب ... دخلت داخل المطبـخ وغطت ايدها بويهها وهي منحرجه من تصرف علي الغبي جدام سيف ..
    علي ولد خـالة الزين عايشة .. صار كلام عند ولادة علي و الزين انهم حق بعض ..والكلامم هذا علق فواد علي فالزين و صار يعتبرها ملكه هو بس .. يتصرف و يتحكم بها و هذا اللي مخلي الطرفين دايما في شجار دائم ... ومخلي الزين تملك مشاعر كره و تعب من تصرفات علي .. اللي ما يعرف يوصل مشاعره بطريقة حلوة .. وبتفهمون نوع العلاقة مع احداث الرواية ....
    عِلي حدر المطبخ :
    علي : منو هذا؟
    الزين : لسانك لا يطب على لساني .. اقولك بإحترام يود الباب ..
    علي يعض شفايفه بقو يكتم غضبه : ليكون تحبين ها ؟؟؟؟
    الزين : خلاصص عاد علي خلاصص... لي متى بتم جي؟؟ جم سنة وانت نفس الكلام تفر علي ،، طالعتي فلااننن لااااااهه اكيييدد تحبييينه، و قبل فترة تقول انك تحبني ... عقب سكتت ع زلة اللســان وهي تتذكر اليوم ...
    تم علي يطالعها ...
    عِلي وهو يتأتا : انـا .... انا م جذبت ، قلت الصدق!
    الزين وهي تحاول تهدي من نفسها وتنهي النقاش .. لانه الرمسة ماتنفع ويا علي : هذا اخوي بالرضاعة ..تبا تصدق ، صدق ما تبا شي راجعلك .. برايك ..
    مسك ايدها ...
    فجت بقووو.. بس رد مسك ايدها ورص عليها ..
    الزين : جمم مرة تباننيي اقوولل ...
    علي : لا تمسك ايدي يا علي والا بصارخ وبخلي الكل يدخل عليك و ....
    قاطعته الزين بغضب : دامك تدري عيل خلاص.. ماله داعي كل مرة ...
    وفجأة .. دخل عمر الباب ..
    عمر : علووه .. و تم يجوف ايد علي اللي ماسكة ايد الزين ... وبعدين رفع عينه عالزيّيين .. او بالأحرى على زين و غوى الزييين!!...
    عقبحمحم و ظهر بـرع... وجنه عرف منو البنت اللي داخل ..
    تذكر المحادثة اللي سمعها قبل يومين وياالهنوف و .. وحده كانت تزقرها الزين ..
    الهنوف : ها ...؟ تريي زيون شوي ، ها عمور حبيبي؟
    داخل المطبخ –
    الزين فجت ايدها ...
    الزين بسرعة دمعت ..
    الزين : زين جي .. زين جييي فضحتنااا ..
    علي : وليش افضحج؟ انتي حلالي وما فيها شي...
    الزين : لا هب حلالك ... اطلع برع وعدل الموضوع لو سمحت لا اعدله انـأ ...
    علي بنبرة حــااددة: استريحي..
    طلع علي وقطع حبل افكــار عمر :
    علي : ها عمور ؟
    عمر بدون اي تصنعات : هاي الزين بنت عميه صح؟
    علي خذ نفس : هييه....
    عمر : اشوه؟ وحق اشوه قابض ايدها ويالس عندها؟
    علي : خبرتك مرة اني محيّري.....
    عمر : حتى لو... انت تعرف منو اخووها هــاي؟؟
    علي : قتلك ما فيــ....
    عمر يقاطعه بغضب شوي : علي!!! إعقل و ارزن...وليكون هي قابلة بالموضوع ؟؟
    علي : دخيلك هب طايقتني ... كله عندها حرام
    عمر لمحها من زجاج باب المطبخ ...
    عمر: انسير مكان ثاني نرمس فيه ...
    علي يستوي ولد خال عمر .. وبنفس الوقــت صديق طفولته و صديق مراحله الدراسيةكـلها ... واللي مقوي العلاقة أكبر هي قرب العايلة الكبييير جدا لانه علي يستوي ولد خالة عيال عمه وبنفس الوقتولد خاله هو..
    عمر : شي طبيعي .. البنت عاقلة وتفكر صح .. وحتى لو تباك لازم تكون ثجيلة ..
    علي : انا اعرف انها ثجيلة واعرف انها مب سهله ... وها اللي جاذبني أكثر عمور .. بسياخي .. انا من جم سنــة وراها .. وراها .. احبج ي بنت احبج .. ما كد قالتلي كـلمة حلوة ؟ ابدد.. ما سمعتني ولا مرة والله ...
    عمر شوي انغاض : شو تباها تقوللك؟ احبك وتعال اخطبني خربطان الروايات ما نبا ...مستحيل بنيه محترمة و شريففة تقول لك جذا ...
    علي سكت ...
    عمر : تدري اني اول مرة ادقق فيها ...
    علي يطالعه بغضب شوي : ولا تفكر تدقق مــرة ثانية!!...
    عمر يبتسم كرد لـ علي ... ومناك التفكير في واديثاني ...
    .
    .
    وقتصـلا ة الظهر ...
    نشن الزين (مشغولة البال ) ، و الهنوف ومهييير و فطيييم و امون يزهبون و يعاونن امهاتهـن ..
    الزين تفكر .. ياربي اكيد واحد من عيالعموومتيه ... وين اودي ويهي حسبي اللهعليييك ي علي جانك فضحتني عند سيف و و احد ثانيي بعدد...شو بسوي انا لو قال لخليفة هذا ؟؟ والله بندفن حيّه ...
    الهنوف : اللي شاغل عئلك يتهنى به .. وقرصتها
    ضحكت الزين متصنعه :
    الزين : دخيييلج قفاي امتحان ولا فجيت الكتاب..
    مهير : يه يه من متى تحاتين زينووه؟
    فطيم ضحكت: شبلاج البنت ثنويه مهتمه ..
    دقت مريم للزين ...
    الزين : الو مرايم ... وينج انتي؟ ... خليعنج الدراسه وغيره تعالي ولهانين عليج .. هييه ... كلهم موجودين .. 10 دقايق حدجهـا ... هههههههههههه اوكي حبيبتي ... فداعه الله ..
    فطيم: مريم بتي؟
    الزين: هيه شوي يبالها و بتوصل ..
    الهنوف: حليلها اكيد كنسلت شي من جدولها ...
    يدق تلفون الزين ...
    حست بخوف كبير يوم شافت اسم خليفة عالشــاشة...
    الزين : الو ..
    خليفة : تعالي زوين المطبخ...
    ارتاحت شوي لدلع"زوين"...
    تحجبت و ظهرت برع..
    نجبوا الغدا و جسموا الذبايح ...
    شويوالزين مشغولة ...
    عمر : احم...
    شل صحن ويا بيظهر ...
    تجرأت الزين :
    الزين : اممم ...
    لف عمر وهو يحاول م يفوت ثانيه وهو يطالعها..
    نزلت راسها :
    عمر : شي في خاطرج؟
    عقب لف وشاف خليفة اللي ياي من بعيد هو وخالدو سيف :
    عمر : برايج...
    الزين تعض شفايفها بقو متندمة..
    دخلوا خالد و خليفة و سيف :
    خالد : زيون حبيبتي جهزتوا باجي السامان ؟
    الزين : هييه فديتك ، بشل سهم الحريــم ...شل سهم الريال مناك هــا
    يوم لفت شافت سيف ينقمها بعيونه و يحاوليتجاهلها ...
    شلت الصحن و ظهرت برع ...
    اف ياربي زعل شو؟... كله من لي هالخايس ... عقب تذكرت الجمن كلمه اللي دارت بينها وبين الريال اللي ما تعرف اسمه من شوي... ابتسمت .. كيف شافتها بإحترامونزل راسه ... كيف سكت يوم شاف اخوانها عشان لا يسوي اي مشكلة ... ابتسمت بشكل اوسع ودشت داخل....
    نهاية الجزء الثاني.






  4. #4
    مراقب عام
    الصورة الرمزية إماراتي 7
    الحالة : إماراتي 7 غير متواجد حالياً
    رقم العضوية : 13364
    تاريخ التسجيل : 12-04-08
    الدولة : إمارات الخير الـ 7
    الوظيفة : كل خير
    الجنـس : انثـى
    المشاركات : 6,143
    التقييم : 1169
    Array
    MY SMS:

    اللهم وفقني وإغفرلي وأرحمني .,

    افتراضي رد: الرواية الإماراتية(حلم طيف) للكـاتبة as20.


    شكلهَآ آلروآية رآح تكُون جميلَة ,,

    استمرّي (=





    -

    كُن كَنزاً .. ف يسعَد كُلْ من يراكْ ، كُن مَنجماً .. للخيرِ للحُبّ للعطايا يشعّ جمالا ف يُبحث في حناياهْ !! أمْ زايد
    أعلنها أمام الله .. و للعالمين ! أسَى ، و أسفا لما لمْ يكُن مقصوداً قط .. و أغضب الكثير لربما .. كُل معاني العذر أصفها في ما سقطت عنهُ كلمة "منقول" سهواً أو تناسياً .. فالنية أطهر من أن تكون "زيادة عدد مشاركات" أم زايد
    كَما أُحلل .. بإخلاص نيّة ل وجه الله .. و لإسعاد قلوب من يرتجي خيراً .. كُل حرف خطّته حروف كيبوردي ! وكل مجهود شخصي .. حلالاً بلا مُقابل ولا حقوق .. للملأ أجمعين ..

  5. #5
    عضو فضي
    الصورة الرمزية مـــحـــمـــد alsaadi
    الحالة : مـــحـــمـــد alsaadi غير متواجد حالياً
    رقم العضوية : 144270
    تاريخ التسجيل : 12-11-15
    الدولة : UAE_AJ_❤👍
    الوظيفة : طــــــْْــالـــــب في الثانوية صف 10 متقدم
    الجنـس : ذكـر
    المشاركات : 311
    التقييم : 34
    Array
    MY SMS:

    انتي الذوق وانتي الحسن وانتي الزين بألوانه جيتك شايلٍ ورده حمرا عطرها موزون وبس عرفت لمن بتروح ذبلة حيــل خجلانه الا سبحان هالخالق امره بين كاف ونون وهبك الحسن ويا الذوق وصرتي اول اركانه كواكب هالسما بالليل لي من تظهري يسرون ولو تمشين في وادي توقف ذل

    افتراضي رد: الرواية الإماراتية(حلم طيف) للكـاتبة as20.


    ماشاءالله عليج استمري





    انا احبك حاول ان تساعدني
    فإن من بدأ المأسا ينهيها
    وإن من فتح الابواب يغلقها
    وإن من اشعل النيران يطفيها,,,💕





    my twitter: @m_16_ae

    my instgram: @x7mood.h



  6. #6
    عضو جديد
    الحالة : as20 غير متواجد حالياً
    رقم العضوية : 145887
    تاريخ التسجيل : 12-02-16
    الجنـس : انثـى
    المشاركات : 4
    التقييم : 10
    Array

    افتراضي رد: الرواية الإماراتية(حلم طيف) للكـاتبة as20.


    الجزءالثالث:
    بعد مرور أسبوع ... يوم اليمعة في مدينه العين.. 9:33 صباحاً..
    نشت الزين من رقـادها وهي تضحك شرات الهبلة..
    الزين: شهالحلم الغبي ههههههههههههههههههههههههههه....
    حمد من برع الحجرة: حوو يا الخبلة
    طلعت له الزين بكشتها : حمودوه احترم اخيتك الغااويية اللي اكبر عنك ..
    حمد : سكنهم في مساكنهمم .. بسممالله من اهل الارض انتي ؟
    الزين : جيييه انت مناهل المريخ ؟ هههههههههههههههه والله تضحك حمودووه شبلاك ويكند
    حمد : انجعمي انجعمي صدق لي قالوا الطول طول نخلة و العقل عقل صخلة ، سمعيتراني شمييت ريحة انهم غازيين دبي الليييلة ... مب بس جذا ..قالوا بنخلي زويّـن في البيت تدرس ..
    الزين: اشووووه؟؟ عنبوو ما صارت ثنوية هاي!! لا فدييييتك برووح هم متىبروحوون؟
    حمد : مادري تخبريييهم ..
    دخلت الزين تسبحت – عزكم الله - مشطت شعرها وتعطرت و تجحلت ونزلت تحت ..
    الزين: صبحكم الله بالخيـر ..
    الكل: النور و السرور ..
    الزين : ها بنروح دبي الييووم؟
    ام خالد : بنروح انا وعمتج ام محمد و بشلناا عمر ولد عمج وين تروحييين؟؟
    الزيين : امااااييييه أبــا أسييرر... قالت الزين بدلع..
    خليفة: ما سمعتي أميه شو قالت؟ قالت عمر بشلهم!
    الزين : هـب مشكلة بدق عشان الهنوف ترابعني وتراني بكون متغشية طول الدرب..
    خليفة يتلعثم : خلاص خلاص اميه انا بروحوياكم جان جذا السالفة ..
    ام خالد : تراك تقول عندك شغل ؟
    خليفة : ها؟ برايه برايه أمايه بسير وياكم ..
    الزين وهي تضحك : ها يعني ألبس ..
    خليفة : بسرعة و مسحي اللي فويهج ..
    الزين : عنبو ترانيه هب متصبغة الا جحال بلاك انت!
    خالد : ما علييج منه زويّن سيري تلبسي فديتج..
    سارت الزين تتلبس وهي قلبها يررقققععيرقعع... تلبست عباتها ونزلت..
    نزلت وشافت خليفة غترة على العقـال و ريحة عطـره واصلة أخر الصالة ..
    الزين بخبث: يه يه خلوففف حق من هالكشخة؟
    خليفة : كاشخ حق عمري ..
    الزين : هههههههههههههههههههههههههههههه يويلي منك مكارر..قولي انا اختك الصغيرة الكيوت..
    خليفة : حق منو يعني .. انتن البنات بلا عقل.. قاطع رمسته اتصال؛
    خليفة: مراااحب حيّ الله عمر.. انا كنت بييك ياا رياالل... زين عيّل .. لا لاجاهزين.. مرحبا الساع..
    خليفة: حطي غشاج ولا تطلعين بروحج..
    طلعن أم خالد و بنتها زويّن..
    أم محمد : مراحب شحالج ام خالد عساج طيبه..ويهتها و و و يهت الزين الهنوف وركبوا كلهم السيـارة ..
    الزين وهي تركب السيارة : السلام عليكم ..
    عمر: وعليكم السلام و الرحمة .. شحالج بنت العم؟
    الزين بهمس: الحمدلله..
    ** ليــش يا لبــاس المخوّر .. غيبتك طـالتعلى أحبابـك؟
    شي ما يعقل ويتصور.. هالكثر يبطي بكغيــابك؟** ...
    ام خالد : ابويه عمر لو تقصر عنهالطبول شوي ما اسمع عدل تراني..
    ضحكوا يميع..
    عمر يقصر عليه: أن شاء الله عمتيه..
    خليفة : قالولي موجف كـورس.. ع وين ناوي؟
    عمر: لا والله ما وقفت ولا ناوي أوقف.. امنوهقايل لك؟
    خليفة : مادري سمعت ذاك اليوم الشبابيرمسون..
    عمر: لا لا ماشي منه..
    خليفة: انت تدرس هندسة صح؟
    عمر: هيه مادري شو بنهندس عاد ...
    خليفة : ههههههههههههههههه .. أكبر سيفون اولم بتخلص و بترد ع الجيش..
    عمر: هيه يبوك... لا تذكرني فيهم ما صدقتأفتك..
    خليفة : اشوفك انا مسود تقول قار ههههههههههههههههههههههههه
    عمر: تطنز بعد عنديه صورك تراني يوم ياي منالإغرار!
    خليفة: قول والله؟ يخرب بيتك للحين الصورعندك؟
    عمر: ما اضيعهن بملايين هالصور جان ما أكثربعد..
    صوب البنات..
    الهنووُف: اقولج زينووه..
    الزين: ها..
    الهنوف: هذا خليفة صح؟
    ضحكت الزين لا إرادي..
    الزين : هييه.. عرفتيه؟
    الهنوف: من الصبح أطالعه قلت هالإنسان هبغريب عليه .. بعده شرات أول نحيس؟
    الزين: مب شرات أول الا أكثر هالجبرييت...
    الهنوف : يا ويلي للحين أذكر يوم يصارخ عليعن يشوفوني ربعه في الكيجي ...
    دخلت أم خالد في النقاش أو بمعنى أخر فضحتهم:
    أم خالد: أمنوه هذا؟ خلوفوه؟
    شاف خلوف أمه من جامــة السيّارة..
    الهنوف هزت راسها متفشلة...
    ام خالد : هيييه احيده ولديه يقاشرج يوم انتيصغيرة سمحيله يبوج عقل شويّه الحيين ...
    الزين: امايه يا الظالمة وين عقل ...
    ضحكت الهنوف وابتسم عمر لمعرفته صاحبة الصوت:لا حشّا مسموح ما صار شي ولا فالخاطر شي..
    خليفة سكت جنه تفتف شوي..
    ام محمد : هييه اذكر يوم ردت هنوفة البيتتصيح خليفة هازبنها فاتحة شعرها هههههههههههه احيده من صغره جبريت..
    عمر يضحك ويلف ع خليفة : حضرتك تهزب الرضيعةحق شوه؟
    خليفة يقول بكبرياء : لا اتصدقهم انا حتى مااذكر شي..
    ضحك عمر.. وطالعته الهنوف..
    بعد نص ساعة من الهدوء و السوالف الجانبية...
    عمر : ها اشوه تبون من خشخاش؟
    ام خالد : سلامتك ولديّه..
    عمر: أمرّه ما تبون شي..
    الزين: حلاو...
    ام خالد : زينوه و قص لسان ان شاء الله..ياهل انتي ياهل؟
    ضحك عمر..: فالج طيب..
    ام محمد: ههههههههههه حرام عليج ام خويلد
    نزلوا الشباب من السيارة..
    الزين: اميه لازم تفشلنيي لاازززممم..
    ام خالد : استحي شوي عنبو..
    الزين: انزين عادي اميه الا قطيعة حلاوه..
    ام محمد: يا ام خالد ودريها هاي دلوعتج بلاج..
    ام خالد : ترا عشان جي طالعه خبزة في لبن ...إلا أييبلها بنية فوق راسها تكسر شوكتها ..
    ضحكوا يميع..
    الزين : أبقى الغالية زويــيييّنن...
    دخلوا الشباب..
    ام خالد: كلفنا عليكم عاد..
    عمر & خليفة : ماشي عبولة..
    ام خالد : ها شباب هب نااويين تعرسون..
    ام محمد : انا ابا ازويّ عمور هب راضي ..
    ام خالد : حق شوه؟
    عمر : بعدني صغير عميمه .. ما فيني ع عوارالراس...
    ام خالد: عيل انت ما ظهرت ع ابوووك قبل لا بخلص دراسته وهو متخبل يبايعرسس...
    ضحك عمر: شاف غزالة م ينلاامم أبوُييه..
    ام محمد وهي مستحيييه : فديتك ولديه ..
    ام خالد : مالت عليك خلوف تعلم بدال المقاشر اللي تقاشرنا إييااهه...
    ضحك خلوف: من المحبة امايه ..
    ام خالد : عمور تعال من قلة غزلان عايلتنا ..انت بس تنقا..
    عمر : تبين الصدق عميمه
    ام خالد : اكيد
    عمر : شفتلي غزال من جمن يوم..
    ام محمد : وااابووي ع الرمسه أنا... اصلب عودك اشووف..
    ضحكوا يميع..
    الهنوف بأدب: انا وعمور متفقين أناأخطبــله..
    عمر: هييه ختيه تعرف شقايل ابا حرمتيه...
    الزين بصوت واطي : يالله عاد...
    ضحك عمر وهو يحاول يلمح شي من ورا الغشوة..
    ام خالد : ياني فضول اشوه هالمواصفات؟
    ضحك عمر وهو يغمز عشان عممتـه...
    الهنوف: يقول يبا حرمته متختخه و فيها بياضقطـاوو..
    ام خالد وام محمد:ههههههههههههههههههههههههههههههههه ...
    ام محمد : ابوك هذاك الواحد..
    خليفة : الحين في حد يبا حرمته متينة؟
    عمر : انت ما فهمتها خلوف ..
    خلوف : اصلب عودك سوالف + 18 هب هنيه...
    ام خالد: اشوه 18 بعد.. تباها أكبر عنك شوه؟
    الزين : هاي جنها رواغـة حقي..
    ضحك عمر..
    عمر: ليش انتي أقل عن 18 يعني؟ عيل نزلي مانرحب بيهال على طيران علاوي.. ( ابتسم عمر لفكره انها أصغر عنه)
    سكتت الزين معصبة..
    خلوف عصب شوي: انطب و صوق..
    عمر: بلاك انت متفتف... سمعوا سمعوا عيــضة..
    ** يا باهر العين من زينك...الأعناق تلتلفوالأنظار .. هيبتك تجذب محبينك .. صدولك كبارهم وصغغغااارر...**
    عمر: هذا إهداء حق حرمتيه المتختخه ههههههههههه...
    ام محمد: وتخبر الهنوفه ولا تقولي ...
    عمر : أفا زعلت شيخة المزايين ..
    الهنوف: ماشي أمايه الا سوالف..
    واستمرت السوالف لين وصلوا لدبي مول...
    -
    -
    -
    ام خالد و ام محمد حطوهن في محل رقـع..والبنات بغن يشوفن ميك اب وغيـره..
    ام خالد: خليفة وعمر سيروا ويا خواتكم ونحن بنتم هنييه..
    خليفة : ان شاء الله امايه.. دقن من تخلصن..
    ام خالد : زين فديتك..
    خليفة وعمر ورا البنات..
    خليفة: زيينوهه..
    الزين : عونك..
    خليفة: بنترياكن برع ..لا اطوّلن..
    الزين : ان شاء الله ، يلا هنووُفه..
    .
    .
    عمر : عنبو ي البنات والحريّم.. نحن شويايبنا وياهن..
    خليفة : صدقت ههههههههه...
    ظهرن البنات..
    الزين: هييه ايجنن والله..احس بموت مستانسه..
    خليفة : مستانسه ع شو ع صبغ..خطفي خطفي..
    وهم يمشون رايحين صوب الأمهات..
    الزين حاولت تتجاهل اللي تتميع جدام عمروتطالعه من ساعه..
    وهي وراهم وراهم..
    وقفت الزين ولفوا عليها عمر وخليفة ..
    خليفة: شفيج زينوه؟
    الزين : عفواً اختي حركاتج الماصخه هاي هب علينا يالسه تغازلينرياييلنا وتتميعين جدامهم.. فارجي اشوف...
    خليفة على صوته: زينوهه!!
    الهنوف: خليفة لا تصارخ الكل يشوفنا...
    كانت اول مره ترمسه .. كان يقدر فهذاك الوقتيلف صوبها.. بس عصبيته حرمته من الشي..
    خليفة: خطفي بسرعه..
    عمر كان منتبه للبنت الوصخة الوقحة اللي كانتتسوي له حركات بس متجاهل.. م كان يعرف انه غيره منحر...
    "ريـايلنا" ابتسم عمر ومشوا..
    خليفة وهو يعاتب الزين: وايد منهن هالوصخاتمب توصخين لسانج فيهن يزولن نفاادد.. عنبو فضحتينا جدام الكل..
    ام خالد: حصل خير.. حصل خير..
    خليفة : ها امايه شو تبون غدا؟
    عمر انتبه لهدوء الزين فجأه..
    قام خليفة ايبلهم غدا ..شاور عمر يروح وياهبس قاله بيلس وياهن..
    الزين : امايه بسير الحمام..
    وقامت بسرعة..
    عمر: تريي وين سايرة بروحج بسير وياج؟
    الزين : لا مشكور هب لازم..
    عمر : لا لا م تروحين بروحج..
    ام خالد : سيري فديتج بس بوقف لج ع الباب..
    (علاقة ام خالد وام محمد وابو خالد وابو محمدو العيال قويه وايد.. وفي ثقه كبيره.. ولكن طبعا يوم كبروا العيال والبنات تباعدواشوي بس ما يعني انهم م يثقون فبعض)..
    سارت الزين وهي خيفانه شوي..
    عمر ف الدرب: تضايجتي؟
    الزين : لا .. شكلك انت اللي..
    عمر: لا بالعكس..
    سكتت الزين...
    عمر : المره اللي طافت ..
    الزين: ماشي خلاص..
    حس عمره بضيجه الزين.. عشان جي لزم السكوت..
    وصلوا ..
    عمر: بترياج..
    طلعت الزين وشكلها متلعوزة شوي بغشوتها...
    مشى بسرعة عمر عشان م يشوف شي...
    وطبعا تعرفون زحمة دبي مول شقايل..
    شوي و بضرب واحد اجنبي ف الزين بس مسكها عمرمن ايدها صوبه...
    بسرعة بطلعت الزين ايدها بحرج..
    عمر: السموحة كان بدعمج..
    الزين نزلت راسها بحرج شديد.. مشى عمر ساكتوهو منحرج..
    ردوا ويلسوا وكل واحد منحرج من الثاني...والهنوف لاحظت هالشي..
    الهنوف تصاصر الزين:
    -اشوه بلاكمم؟
    -ها..
    -انتي وعمور اخويه..
    -ماشي..
    -صدق؟
    -شوه يعني تستهبلين؟
    -ههههههههههه خيبه شفيج معصبه..
    تصنعت الزين انها تضحك..
    بعدين تلاقت عينها بعين عمر اللي شاف عيونالمها ورا ذيج الغشى...
    نهايه الجزء الثالث.






  7. #7
    عضو فضي
    الصورة الرمزية مـــحـــمـــد alsaadi
    الحالة : مـــحـــمـــد alsaadi غير متواجد حالياً
    رقم العضوية : 144270
    تاريخ التسجيل : 12-11-15
    الدولة : UAE_AJ_❤👍
    الوظيفة : طــــــْْــالـــــب في الثانوية صف 10 متقدم
    الجنـس : ذكـر
    المشاركات : 311
    التقييم : 34
    Array
    MY SMS:

    انتي الذوق وانتي الحسن وانتي الزين بألوانه جيتك شايلٍ ورده حمرا عطرها موزون وبس عرفت لمن بتروح ذبلة حيــل خجلانه الا سبحان هالخالق امره بين كاف ونون وهبك الحسن ويا الذوق وصرتي اول اركانه كواكب هالسما بالليل لي من تظهري يسرون ولو تمشين في وادي توقف ذل

    افتراضي رد: الرواية الإماراتية(حلم طيف) للكـاتبة as20.


    كملي رواية الله يخليج حلوة رواية





    انا احبك حاول ان تساعدني
    فإن من بدأ المأسا ينهيها
    وإن من فتح الابواب يغلقها
    وإن من اشعل النيران يطفيها,,,💕





    my twitter: @m_16_ae

    my instgram: @x7mood.h



  8. #8
    عضو جديد
    الحالة : فيك العقل مجنون غير متواجد حالياً
    رقم العضوية : 143445
    تاريخ التسجيل : 21-10-15
    الدولة : الامارات
    الوظيفة : طالبهه جامعيهه
    الجنـس : انثـى
    المشاركات : 14
    التقييم : 10
    Array
    MY SMS:

    العاشقهه الولهانه

    افتراضي رد: الرواية الإماراتية(حلم طيف) للكـاتبة as20.


    ح
    ل
    وو
    ه






  9. #9
    عضو نشيط
    الصورة الرمزية Al Falah
    الحالة : Al Falah غير متواجد حالياً
    رقم العضوية : 143312
    تاريخ التسجيل : 18-10-15
    الجنـس : انثـى
    المشاركات : 42
    التقييم : 10
    Array

    افتراضي رد: الرواية الإماراتية(حلم طيف) للكـاتبة as20.


    مشكووور عالطرح بالتوفيق






  10. #10
    عضو فضي
    الصورة الرمزية Hamdan3
    الحالة : Hamdan3 غير متواجد حالياً
    رقم العضوية : 142680
    تاريخ التسجيل : 27-09-15
    الدولة : دولة الامارات العربية المتحدة
    الوظيفة : 111
    الجنـس : ذكـر
    المشاركات : 199
    التقييم : 10
    Array
    MY SMS:

    خلتني اندم على فراقك؟! سامحني قبل لحظة وفاتي

    افتراضي رد: الرواية الإماراتية(حلم طيف) للكـاتبة as20.


    نايس..استمرييي





    .....

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الرواية
    بواسطة عداب المدارس في المنتدى منتدى القصص
    مشاركات: 1
    آخر مشاركة: 13-02-09, 04:01 PM
  2. الرواية
    بواسطة عداب المدارس في المنتدى اللغة العربية
    مشاركات: 1
    آخر مشاركة: 13-02-09, 04:01 PM
  3. بغيت تقرير عن فن الرواية..
    بواسطة صدق المشاعر في المنتدى اللغة العربية
    مشاركات: 2
    آخر مشاركة: 12-11-11, 04:16 PM
  4. لوسمحتم اريد مقدمة تقرير لفن الرواية
    بواسطة M.H.A في المنتدى اللغة العربية
    مشاركات: 3
    آخر مشاركة: 09-09-20, 08:24 PM
  5. بحث , تقرير عن الرواية
    بواسطة اماراتيه قمر في المنتدى اللغة العربية
    مشاركات: 11
    آخر مشاركة: 08-11-07, 10:25 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •