ينتهي الاعلان 14 /07 /2017 اضغط هنا للمزيد من التفاصيل


  ينتهي الاعلان 24 /06 /2017 اضغط هنا للمزيد من التفاصيل




  ينتهي الاعلان 15 /08 /2017 اضغط هنا للمزيد من التفاصيل


 تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تنزيل مجاني) .
 
 
صفحة 1 من 7 123456 ... الأخيرةالأخيرة
النتائج 1 إلى 10 من 61
  1. #1
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    Red face رواية عشيق الريم الرومنسيه


    السلام عليكم ورحمة الله وبركاته

    اقدم لكم

    روايه رومنسيه

    عشيق الريم


    ...........

    إ،

    ...

    ابا كم تركزون فالشخصيات لانها واااايد

    وعسبت الأسماء والقبايل والعادات فما نقصدأذيه أي حد أبدااا

    نكتب بنيه صاااافيه

    للمتعه والتسليه فقط

    واسلوب الكلام فمب كل الكلمات اللي مكتوبهتنطق بهالشكل استخدمت الكلمات المتعارف عليها عسبت تسهل القرايه

    وبنبه عشان القصايد لو سمحتوا تنقل بأسمالشاعر

    والخواطر بأسم الكاتب

    وكتاباتي الشخصيه بأسم F.b.k.aa أو my

    عسب ما يضيع حق حد

    والروايه بارتات بأجزاء .. وعذرا ع الأخطاءالأملائيه مقدما

    والبارت الاول رح يكون طويل عسب تكون عندنافكره عن الروايه

    خلونا نتعرف..على الشخصيات فالعائلتين الرئيسيات



    عايلة سعيد حمدان.. :

    سعيد: اب طموح فالاربعينات عنده شركه غني يحبعياله يكونون فوق متزوج اجنبيه وحرمته الاماراتيه بنت عمه وتوفت فحادث وعنده مزرعهوعزبه

    زوجته الإماراتيه (عايشه سعيد ...)

    .....

    جين: حنوووونه وطيبه ولو وصلت لآخر حدبعصبيتها مستحيل تضرب اجنبيه جميييييله وشقراء عيونها زرق هب وايد زينه فالعربي وهبصغيره فالعمر

    ....

    عمر: امه الاماراتيه.. جامعي بآخر سنه عمره22 كشيخ يحب الستايلات أبيض تقريبا العايله كلها بيض ينحب ويحب هنوفه موت اختسلطان اللي هو صديق عمره اللي مهما سوا ما يرضى عليه وعمر لا يمكن يكون معقدوطيوووووب

    .....

    الريم: امها الاماراتيه ...ثالث ثنويمزيوووووونه اكثر وحده بيضا فالعايله شعرها هب ستريت ولا كيرلي وسط اسود داكن عيونهاوساع ودايما يلمعن رموشها هب وايد طوال سو المسكره حبيبت روحها تشبه المرحومة أمهاوتعشق يدتها والشخص اذ حبته يصير كل شي بالنسبه لهاا طيووووبه ( شخصيتنا الرئيسية)

    .....

    فراس: ولد جين يعني جميييييل أشقر عيونهمايلات ع الزرق عمره 16 شكلا ما يشبه عمراثنيناتهم حلوين بس الصفات كوبي بيست

    ....

    رشا: عمرها 6 سنوات هب وايد حلوه ما تشبه أحدشعرها اسود دااااكن وكيرلي ودايم كشه ما تحب تترتب ما تهمها الدراسه مول وما لهاحس إلا وقت الطلعه

    ....

    من عايله المرحومة عايشه سعيد .. اللي تعرفناعليها (الخالات)

    ...

    سيف بن عبدالله ..: شريك سعيد بكل شيء أعز منالاخوان )) مع انهم انساب وهو انسان ما يحب حد ما يطيع كلمته ويصير شخص ثاني اذ حدعارضه

    .......

    جميله سعيد ... : اخت عايشه فيها شبه منهاحنووونه وايد وتحب ريم واااااايد تبها حق ولدها سلطان وسلطان كل شي عندها بالحياه

    ....

    سلطان: عمره 23 آخر سنه فالجامعه ناجح لكنهلعااااااااااب وهو مع عمر ربع كشيخ احلى من عمر عيونه عسليه وفيه غمازة وشعرة بنيرموشة غلاظ ودايم كشخه وجريء لدرجة انه يحرج الناس ومع كل هذا فهو وعمر ربعلآآآآآخر درجه

    ....

    نوف.. الهنوف: توأم ما شاء الله جميلااااتوحبابات ما تقدري تميزي وحده من الثانيه لكن نوف أكثر خبال عمرهن 5 سنوات والهنوفاحلا بشويه

    ...

    اليده : موزه اليده للكل والكل يحبها حكيـــــــــــمهوحبابه وتموت فالريم

    .................................................. ........

    خلونا نبدأ

    :

    البارت الاول

    الجزء الأول

    سنبدأ بحكمه من شكسبير

    ....

    ثق بأن

    الصوت الهادي أقوى من الصراخ

    وإن التهذيب يهزم الوقاحة

    والتواضع يحطم الغرور

    والاحترام يسبق الحب

    ...

    المدارس واليامعات بعد جم اسبوع

    الكلمشغووووول فالتجهير للعيد

    ببيت سعيد:

    4:00

    الريم وبعد ما خلصت فلمها الرعب

    راحت الصاله

    الريم: جين قرب العيد ما بتروحين السوق

    جين: آي وونت بت بابا محد

    الريم: آآآآه بشوف عمر إذ فاضي

    جين: ok I'm waiting

    الريم راحت عند عمر طبعا رقيقه لانها تبا شي

    تدق الباب: مسآاو الحلوين .. هلا عموري

    عمر: لااااااه .......ع وين)) طبعا مره عرفهامن اسلوبها

    الريم: أنا وجين بنروح السوق

    عمر يسحي شعره: والمطلوب

    الريم: ابويه محد

    عمر: روحي تلبسي

    الريم: برافو عليك قسم بالله أحبك .. بايات

    عمر: هههههههه هبلا مصلحجيه

    الريم: عقب ما نرد بنتفاهم.. وراحت تخبر جين

    تجهزن

    عمر : جاهزين

    الريم :يب

    وراحوا البوادي 4:30

    في بيت سيف

    4:00

    سلطان ماسك فونه ويلعب كلاش فالصاله شوي ويتهاضافه

    دخل

    Habsaanfase: مساؤكم الطيبين

    سلطان مسجل sultan 3nafse: مساء الخير

    Habsaanfase النور والسرور سلطان صح

    sultan3 nafseع راحتج اصير اللي تبين

    Habsa anfase شدراك أني بنت

    sultan3 nafseاشم ريحتج

    Habsaanfase لاااه ريحت شو تشم

    sultan3 nafseعوود ....هههههه

    Habsaanfase من وين من الامارات انت

    sultan3 nafseالعين وانتي

    Habsaanfaseانا من دبي

    sultan3 nafseفديت أهل دبي أنا

    Habsaanfaseنفداكم هل العين

    صمت دقايق

    sultan3 nafseوينج

    Habsaanfaseمعاك لكن بستأذنك

    sultan3 nafseعسى ما شر

    Habsaanfaseلا بس ظهرت لي شغله

    Habsaanfaseحياك

    sultan3 nafseالله يحيج بايات

    رجع يلعب

    ( طبعا هالجزئيه مب مهمه لكن عسب نتعرف عشخصيته)

    في البوادي

    5:00

    عمر راح عند ربعه مال اليامعه

    وجين والريم راحن ستار بوكس عقب ما خلصن باجيأغراضهن

    بعدين ع كنتاكي راحت الريم تطلب وجين يلست

    عند الريم

    واحد: هلا بالمزايين

    الريم: شبغيت




    الولد: بغيناج .. وع العموم اسمي صقر

    الريم: ما فاضيه لك قلب ويهك

    صقر: أفااا كل ها حقد

    الريم: المطلوب

    صقر: رقم. حساب . منا مناك

    الريم صاخه

    صقر: بطرانه بعد

    الريم: قلت كلمتي

    صقر: شو هي كلمتج

    الريم)) مطنشه : أقلب ويهك

    صقر: ما عليه

    الريم طنشته وتكلم الهندي

    رجعت ع الطاوله

    وشافته يطالعها بنص عين معاه ربعه

    وصلت الطلبيه

    ع الواتس

    عمر وين انت؟

    عمر: انا عند ربعي

    الريم: في شباب شكلهم ما ناوين خير

    عمر: شو صار

    الريم: يا يرقم عند المطعم وسحبت عليه والحينشكله ياي صوبنا

    تعال سررررررعه معاه شباب وايدين شكله هباماراتي

    عمر: اي مطعم

    الريم: كنتــــا

    (( سحب الولد الفون من يدها!!!!!! لكن قبل مايمطه وصلت حق عمر

    الريم: يا جلب ييب

    صقر: ما بغيتينا لاه

    الريم: قلت هات الفون

    جين واقفه مصدومه...

    Wh..what..whatthey are doing!!

    الريم: don't worryOmar is coming

    صقر يفتش بفونها ويطلع فونه: هه ما صقر الليتسحبي عليه

    الريم ما قدرت تسوي شي تنتظر عمر

    وربعه يطالعونهم بنظرات وقحه

    واحد منهم مسك يد جين : هاي

    جين تزاعج : stay away ….

    ................

    4:30

    عند سلطان

    يالس يلعب وسمع صوت صراخ وصياح فز من مكانهوراح يشوف

    لقا اخته الهنوف ع الارض وتصيح ونوف مصدومةوتطالع ع الدرج

    سلطان: شو صار

    الهنوف تصيح نوف|:.....أنــ ..م م مـ ا مااعرف



    سلطان: شو صاااااار



    نزلت الام وشهقت

    نوف: والله هب انا...وتصيح

    سلطان: حبيبي اعرف هب انتي بس شو صار


    في الجزء الثاني








  2. #2
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    الجزء الثاني من البارت الأول
    قال شكسبير
    ***
    الرجل الذي يعامل المرأة كملكه
    دليل على أنه تربى على يد ملكه أخرى
    ....
    نوف: كنا نتسابق لين تحت الدري
    ووو......
    سلطان: و وشو
    نوف: وطاحت وو...
    لبست الام العباه وعلى ع المشفى ع طول
    الهنوف كانت ما قادره توقف ريلها كلها دموتبكي
    والمهم طلع كسر ولانها طايحه انيرحت
    عند الريم
    واحد منهم مسك يد جين : هاي
    جين تزاعج : stay away ….
    الولد: افااا
    يصرخ عمر محرج من آخر الممر: خل يدها
    الولد يرمس ربعه: منو ها
    ما يحس الا وعمر فويهه صقر ويزعج:
    يجلب رجع الفون .. ورشه بكف
    ويطيح الفون من يد صقر
    شلت الريم الفون وتبعدت مع جين بأمر من عمر
    رتبكوا الولاد لان عمر وربعه اكثر وباين انهماكبر
    وصارت الضرابه بين الطرفين
    وبأقل من ربع ساعه الشباب يتشاردون من الزيغه
    وعمر وربعه خلوهم يسيرون
    راحت الريم تييب ماي للشباب
    عطتهم
    وبعد ما خف تسارع انفاسهم وارتاحوا
    تم واحد من ربع عمر ما يخوز عيونه عن الريم
    والريم خيفانه ع عمر فما انتبهت
    ودع عمر ربعه وشكرهم
    شكرتهم الريم وانتبهت حق الولد لانه وسيمبمعنى الكلمه
    ابتسمت بخفيف ولحقت عمر
    اما جين فجانت مصدومة فأول وحده راكبةالسياره
    ....
    يا بنت لو شفتيه غصب عن عيونك تسرحين
    يا ربي عيونه الناعسه بيتتني في جنون
    نظرته تذبح وبسمه الشفايف طعنات سكين
    وصوته الخشن وعقده حواجبه والطبع ملسون
    / مقتطفه ..
    ... بقلمي .. f.b.k.aa
    ....
    بعد ايام
    يوم العيد
    ايتمعت العوايل فبيت سيف فالظاهر (( سعيد –سيف – يمعه – مع عمومتها))
    عايله يمعه اخو سيف ..
    ..................
    يمعه عبدالله ..: ما بذاك الغنا مثل سعيدوسيف لكنه حالته okطيب وما يدخل فشي
    الام مريم (خاله الريم) : حباااااابه بسوااااايد عصبيه
    ......
    زايد: اسمر شوي حلو خشمه سله سيف ما شاء اللهما يحب يلبس لبسات كله كندوره بس كشيخ هو عمره 20 مب أعقل عن عمر لكنه اشطر عسب جيهو وياه فالجامعه
    .....
    خالد: ثالث ثنوي يكره البنات مب وايد حلو لكنهو وربعه بروحه عالم ويحب يغايض
    .....
    ندى: عمرها 14 حباااااابه الكل يحبها تستحيوايد وجميييييله تشبه زايد لكن احلى وابيض
    وفي عايله مهمه بنتعرف عليهم شوي شويبالأضافه إلى عمومه الريم
    .................................................. .................................................
    عند الحريم..
    8:15
    طبعا كالعادة الحريم كاشخات بالنسبه حق الريمكانت لابسه فرنسي ابيض واسود
    ورافعه شعرها ع الألاينر الاسود برزن عيونهامع شعرها الأسود
    رشا كالعاده مب مهتمه وايد بالشكل
    نوف والهنوف لابسات نفس الشي وطالعات شيك
    ندى عكس رشا تماما فكانت لابسه فستان وطالعهجميييييله
    يلسن الحريم بصوب والبنات بصوب اما بنات اخوسيف.. جاسم فجانن
    مغرورات وع ينب بروحهن اما الريم وبناتخالتها فاطمة ... فجانن حبايب
    ....
    العيون الواسعة تنم عن الصراحة وابرآه
    والعيون الضيقة تنم عن المكر والخبث و الدهاءوالحقد
    والعيون الحالمة تدل على العاطفة الرقيقة
    أما العيون الزرقاويه اللون فتدل على العناد
    / وليم شكسبير
    .....
    عايله فاطمه خالة الريم ( عايلة أحمد محمد..
    أحمد: حياته كلها شغل طييييييب
    فاطمة : كبيره شوي وااااايد حبابه
    اسماء: عمرها 20 تدرس بمعهد حلوه عيونها وساااعوسود وشعرها نعيم وجسم مخصر وطويله وبشرتها مايله ع البيضاء
    محمد: 19 بعده ما درس بس وايد يحب الدراسهوماله دخل بالعب شبه عاقل
    شجن: 17 جمالها وسط فيها طشه سماره بس شكلهاكتكوته عنيده وملسونه وجريــــئه بعكس اسماء وكل شي عادي عندها ربيعه الريم الروحبالروح
    الوليد: 10 ما بذاك الجمال يحب الضحك لكنوايد يطنز<<يضحك ع الناس وذكــــي واستغلالي ومصلحجي
    ((أخو سيف: جاسم
    جاسم متوفي من 5 سنوات
    وسيف مهتم ببنات أخوه لكن أمهن مضيعتهن
    الام: وديمه كبيره وتحب بناتها واااااايدوفيها عدوانيه
    ساره: 18 مغروووووره بس جمييييله بمعنىالكلمه مع ان عيونها صغار
    طيف: 16طيبه شوي لكن ساره مأثره عليها وشكلهاعادي
    موزه: 12 تقلد ساره ومب بذاك الجمال
    في عمومة الريم لكن بنخليهم لبعدين
    والحين بنتعرف على عمة الريم والوحيده شيخهحمدان ... 23
    متزوجة قريب وما عندها عيال وانسانه طيبهوحبابه
    8:30
    وديمه بصوت عالي: بنات روحن بيتنا الحينالشباب بيدخلون
    جميله :صح رمتها ومنه تاخذن راحتكن
    طلعن البنات.. ولاقن الريايل بطريقهن
    الريم سلمت على عمومتها وما عندها خوال ودارتع ينب
    والشباب ورا الريايل فمحد شال عينه
    ورشا والهنوف ونوف وندى سلمن وراحن
    اسماء وشجن سلمن وخازن<<تبعدن
    ساره وطيف وموزه سلمن ع عمومتهن ومشن
    وبعد بنات عم الريم وبنتعرف عليهن فيما بعد
    بينما البنات يسلمن
    الريم واسماء وشجن جانن وراء
    بالنسبة حق الشباب
    سلطان عيونه ع الريم وبس
    عمر ما شال عيونه عن اسماء بنت خالته
    زايد هب مال هالشي
    اما خالد نو وى
    وبعد عيال عم الريم ما قصروا وبنتعرف عليهمبعدين
    مشن البنات ع طول ودخلوا الشباب يسلمون
    ....
    الحب هو تلك اللحضه التي يحس بها المرء بأنهانسلخ عن العالم
    ليعيش وحده مع الحبيب في عالم بني من كلمات
    وصنع من أحاسيس ورصع بالأضواء
    / كوليت خوري
    .....
    8:40
    في ميلس الحريم
    الكل سلم ع اليده ... والحريم البعض طلع
    الشباب كلهم ع يدتهم
    والكل عارف ليش
    ابتداء سلطان بما أنه الأكثر طاقه
    سلطان: يدوه ما لقيتي لي عروس
    اليده: وانت كل عيد تسأل موجوده بس خلصدراستك

    سلطان بلهفه مع انه عارف الجواب: منو

    .






  3. #3
    مراقب عام
    الصورة الرمزية إماراتي 7
    الحالة : إماراتي 7 غير متواجد حالياً
    رقم العضوية : 13364
    تاريخ التسجيل : 12-04-08
    الدولة : إمارات الخير الـ 7
    الوظيفة : كل خير
    الجنـس : انثـى
    المشاركات : 6,299
    التقييم : 1169
    Array
    MY SMS:

    اللهم وفقني وإغفرلي وأرحمني .,

    افتراضي رد: رواية عشيق الريم الرومنسيه


    شگلهآ رآح تگون جميييلة روآيتچ ،

    إستمررري فيهَآ و آلله يوفقچ ...





    -

    كُن كَنزاً .. ف يسعَد كُلْ من يراكْ ، كُن مَنجماً .. للخيرِ للحُبّ للعطايا يشعّ جمالا ف يُبحث في حناياهْ !! أمْ زايد
    أعلنها أمام الله .. و للعالمين ! أسَى ، و أسفا لما لمْ يكُن مقصوداً قط .. و أغضب الكثير لربما .. كُل معاني العذر أصفها في ما سقطت عنهُ كلمة "منقول" سهواً أو تناسياً .. فالنية أطهر من أن تكون "زيادة عدد مشاركات" أم زايد
    كَما أُحلل .. بإخلاص نيّة ل وجه الله .. و لإسعاد قلوب من يرتجي خيراً .. كُل حرف خطّته حروف كيبوردي ! وكل مجهود شخصي .. حلالاً بلا مُقابل ولا حقوق .. للملأ أجمعين ..

  4. #4
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    اقتباس المشاركة الأصلية كتبت بواسطة إماراتي 7 مشاهدة المشاركة
    شگلهآ رآح تگون جميييلة روآيتچ ،

    إستمررري فيهَآ و آلله يوفقچ ...
    اشكرج .. يسعدني مرورج واتمنى تواصلين ويايه واكون قد المتابعه :)






    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

  5. #5
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    الجزء الثالث من البارت الاول



    ....



    **



    المرأه لغز مفتاحه كلمه واحده هي الحب



    **



    فريدريش نيتشه



    ........



    سلطان: يدوه ما لقيتي لي عروس



    اليده: وانت كل عيد تسأل موجوده بس خلص دراستك



    سلطان بلهفه مع انه عارف الجواب: منو



    جميله ام سلطان : بنت اختي الريم



    الشباب يدزون كتف سلطان وسلطان مسوي نفسه خجول لثانيتين فقط



    سلطان: انزين امتى العرس



    الكل ضحك



    مريم تبي تسكر ع الموضوع: سلطان بعدك صغير ..الكل فاهم انها تباها حق زايد وزايد ما عاطي اهتمام



    عمر: وانا يدوه ما لي حد



    يدته: ويدي و اسماء وين راحت .. هذاني ي فاطمه اقولج ما تيوزي بنتج غير له وهاي تنقايتي وانا محيرتهم لبعض من يوم هم يهال



    فاطمة: اسماء ما بتحصل احسن عن ولد اختي



    عمر طاير من الفرحه وصاخ



    اليده: محمد ما تبي عروس



    محمد: لا بعدي صغير



    جميله: خل عنك ساره حقك



    سلطان: تمام اذ ما يباها حرمتي الثانيه



    ... جيه سلطان >> ما يفوت



    الكل يضحك وجميله ميته من الاحراج



    وديمه: خل عنك بنتي ما تصير حرمه ثانيه



    الوليد بخفيف: الله عاد من زينها



    خالد: وانا يدوه ابا عروس



    الكل ميت من الضحك



    مريم: موزه



    خالد: ما اباها عيوز خقاقه



    وديمه حرجت وع طول تطالع اليده



    اليده سكتت وحبت تسكت وديمه: وانت زايد



    زايد: بعدني ما لقيت فتاة احلامي



    الوليد: خف علينا تدور سنديرلا



    زايد: ههههههه .. عندي احساس في اموره بتطلع لي فجأه لا هود ولا هدا



    عمر بخفيف: هه زيود .. تبا تفهمنا ان امورتك ما من العايله



    زايد بنفس الهمس : ويمين ما اخذ من العايله



    اليده: بترمسون جذه اظهرو برا



    عمر: ماشي يدوه أقول هاذا اول واحد بيعرس



    زايد: هههههههههههههه بايخه ...بخفيف: بنشوف



    فهد ... وبنتعرف عليه بالضبط بعدين: وانا



    اليده: لا تخاف ما نسيتك انت حقك عوشه



    الكل ميت من الضحك عليه



    لأن عواش صغيره وبنتعرف عليها بعدين



    ذياب: افااااا ي امايه انا ولدج وما لقيتي لي عروس



    اليده: بالله عليك اي حرمه تباك



    كلهم ضحكوا عليه وهو ساكت



    الوليد: اووووووووووووووو طفوها طفوها



    عمر: ي الفاصل شو يطفوا



    الوليد: يبهته



    ذياب ساكت وهم يضحكوا عليه



    اليده : اقول روحوا ذبحوا افود لكم



    راحو الشباب..



    9:12



    خلونا نعرف منو ذياب



    ذياب حمدان ا.. : اخو سعيد .... عم الريم....توأم شيخه آخر سنه باليامعه عمره 23 صغير بالعمر على كونه عم وايد حبااااااااااااااب وماشاء الله جميل بمعنى الكلمه



    البنات يلعبن جرأه صراحه



    8:45



    ( الريم, ميثه <ربيعتها , اسماء, شجن ,ساره, طيف , موزه, وبنات عمها حصة و اليازيه ومنى)



    بين اللعب



    9:20



    طلعت ع سارة والريم



    سارة بحقد: لو خيروج من شباب العايله كزوج من بتختاري



    الريم انحرجت : كلهم زينين



    موزه :ما يصير لازم تجاوبين



    شجن: لا تحرجون البنت



    منى تتمصخر: الريم اذ تستحين مني بروح



    الريم: لا بس ما اعرف كلهم غاويين



    سارة: انزين حددي عادي كلنا بنات ))هي تحب سلطان وتبي تتأكد .. لو انها ما تعرف تحب اصلا



    الريم:محمد<< لان الكل يعرف ان محمد ما مال زواج



    شجن: محمد أخوي!!!!



    الريم: ليش لا



    اسماء: خلو البنت براحتها



    اليازيه: منو محمد



    الريم: ولد خالتيه فاطمه



    اليازيه: انزين ليش ما مصدقات



    شجن: لانه منعزل ولا يرمس البنات ابددد



    حصه: الله يعينكم .. مع انه حساسي ي ريموه ما بتاخذي من العايله



    الريم: احسن كلهم مخبل



    ...........



    ***



    لا تطلب الفتاه من الدنيا إلا زوجها



    فإذا جاء تطلب منه كل شيء



    ***



    شكسبير



    .....



    اسماء: نكمل



    البنات: يلا



    طلعت اسماء وشجن



    شجن تطالع اسماء بتهديد لأنها سألتها قبل عن واحد فالفيس بوك



    شجن: لو ياج عمر يخطبج شو ردج



    اسماء حمرررررت : عادي



    والكل يطالعها رجعوا لفوا



    طلعت ع اسماء ومنى



    اسماء: قولي شي يديد وحلو



    منى: امممممم ...هو حلو لكن حق الريم



    الريم: قولي



    منى: عمتيه شيخوه حامل



    الريم بفرحه: حلفـــــــــــــــــــــــــي



    منى: والله



    حصه: ايه ريموه لا تقولي ان نحن خبرناج



    الريم: اوك



    لفوا من يديد



    طلعت ع الريم وطيف



    الريم: ابدعينا



    طيف: خل عنج وسمعي السؤال



    الريم: اوك يالله



    طيف: قولي موقف لأسماء و عمر



    اسماء مفجووووووعه: هاااا



    الريم: اقول



    طيف بغيره : اسماء عادي



    اسماء هزت راسها بعادي وهي تعرف الموقف >> وافقت عسب ما تظهر ان الموضوع يهمها



    الريم: مره جنا فبيتنا وشجن مع رشا فالغرفه وانا وياها يالسين فالمطبخ تحت وقلنا محد بيي



    فعقينا الشيل ويالسين نسولف دخل عمر وعيونه عليها وهي توترت ما عارفه



    شو تسوي وقفت تبي تلبس الشيله زخها عمر وقالها عادي بتصيري حرمتي



    وحطاها ع راسها وراح وهي ما قادره تنطق من الأحراج



    البنات: واااااااااااااااوووووووووووو



    اليازيه: ي حظج



    حصه: تحمست كملي



    الريم: ولما قلت له ليش سويت جذه قال شو صار قلت له ليش حطيت الشيله



    عليها ما تعرف انه حرام قال عادي حبيبتي لحد يشوفها غيري وطردني برا وهي



    جانت واقفه بالممر لما جان يريد يطلعني شافها وتوهق ومن احراجه سكر الباب



    فويهنا هههههههههههههههههههه مستحيل انساها



    اسماء: بس عاد والله..



    دخلن البنات الصغار وقالن ان امهاتهن يزقرنهن عسب يقطعون اللحم



    الريم بأذن اسوم وهن طالعات: هه لا تهددي



    اسماء بأذنها: ما عليه براويج



    راحن البنات بيت سيف ودخلن المطبخ عدا بنات المرحوم جاسم



    شيخه هي عمه الريم متزوجه قريب والحين حامل باول واحد هي والريم وايد



    مقربات وهي توام ذياب يعني الريم اقرب شي ليها عمها ذياب وعمتها شيخه



    وهم يقطعون



    9:40



    حصة تطالع بنات جاسم: الريم شو فيهن بنات خالج



    الريم: ما بنات خالي



    اليازيه: عيل



    الريم:بنات اخو ريل خالتيه...فهمتي شي هههههه



    شجن: صبري صبري انا بفهمهن



    الريم: ابدعينا



    شجن: شفتي نوف والهنوف



    حصه: اي



    اليازيه: انا عرفتها هاذيلاك التوام



    حصه: هىىىىىىىىىى بنات خالتج يميلة



    شجن: هى هي المهم هذيلا بنات عمهن



    اليازيه : يعني ذيلا بنات عم التوام



    الريم: هى



    شجن: هن البطرانات يالسات برا



    حصه: اصلا عسب جيه سألتج



    شجن بطنازه<<سخريه: حرام بيتوصخن ايديهن



    البنات: هههههههههههه



    فاطمة: بنات بس سوالف نبي نخلص



    الريم موجهه رمستها لعمتها شيخه : عمتيه انتي ليش تشتغلين



    شيخه: ايوا ايوا...من خبرج



    الريم تستهبل: شو



    شيخه: علينا علينا



    مريم: يى الريم آخر من يعلم



    الريم: الله يسامحج عموه جان انا من زمان اتريا هالخبر وانتي خاشته عني



    شيخه: انا ما خشيت شي عن حد انتي لا تسألي ولا شي



    الريم: يالله ما عليه اهم شي بيي منصور



    شيخه: وجان بنت



    الريم: عادي منصوره



    الكل: ههههههههه



    جميله: ريموه حبيبتي روحي يبي لي سكين



    الريم: خالتية السكاكين كلهن ماخوذات



    فاطمة: شوفي برا يمكن يابوهن الريايل



    ......



    نظرتــ(ن) من عيني لعينه وانا واقف قباله



    كافيه بأنها تعوظ لمست ايديه بيديه



    / الشيخ (فزاع)



    ....



    طلعت الريم تشوف وقابلت سلطان



    9:50



    جان لابس لبس طالع كشخة وايديه كلهن دم شال السكاكين معاه



    سلطان بأدب ولأول مره: تبون السكاكين



    الريم: هى



    عمر: الريم شو تبين



    سلطان: بلاك يايه تاخذ السكاكين



    عمر: ما قلت شي حرام اسأل



    سلطان:حشا كلتها



    الريم تمد يدها: عطني



    سلطان: بتوصخن يديج



    عمر يطالع سلطان بنص عين



    الريم بهدوء: عادي ييب



    سلطان عطاها: عن تتعوري



    الريم بصوت خشن ومحرجه : قلب ويهك



    عمر بضحكه وهو رايح: قصفوه هههههههههههه



    سلطان: هههه بايخه ...يالله ريموه داخل عن ييي أحد



    الريم فاتحه عيونها ع آخر شي: قلب ويهك .. بحسها: ريموووه ما عليه سلطون لعبتك اليديه انا والله لتشوف



    سلطان: تمام قلبته)) وراح



    رجعت وعطت خالتها ويلست تفازع البنات



    اسماء: عمر عطاج السكاكين



    الريم: لا



    اسماء: بس سمعت ضحكته



    الريم: ريحي عمرج عمر جان هناك بس سلطان اللي عطاني



    شجن: وليش عمر يضحك



    الريم: هذا سلطان اهبل



    اسماء: شو صار



    الريم: ولا شي اهبل



    شجن: قولي عاااااد



    الريم: شو اقول



    اسماء: شو صار



    الريم: ولا شي سلطان يبا يعطيني السكاكين وقام يستهبل ... وقوي العين يقولي ريموه ... جان خاطري ارشه بكف بس عمر يلس يضحك وحرجت



    شجن: شو اسوم اشوفج سرحتي



    اسماء وقفت: انتن ماصخات بروح عند امايه



    شجن والريم: ههههههههههههههههههههههههههههه)) بصوت عالي



    عمر: صوتكن واصل لين برا



    الريم: انت شو يايبنك هنيه



    عمر يتلفت: اغسل ايدي حرام



    شجن: منو تدور



    الريم: هههههههههه طلعت برا



    عمر ما عاطينهن انتباه ويتغسل



    دخلت اسماء <<بصوت عالي: بنــــــــــــــاااا



    وسكتت مصدومه



    10:00



    عمر يبتسم ويطالعها



    الريم بضحكه: اسوم بغيتي شي



    اسماء منحرجه: اممم ام امايه تباااكن



    الريم وشجن ع طول ركضن برا



    واسماء بعدها مصدومه ساكته ومتجمده بمكانها



    عمر: اسماء ترا والله عادي ما يباله كل هالصدمه



    اسماء:...........



    عمر: لا تستحــــ



    تدخل طيف



    طيف: هلا عمر اخبارك



    عمر بدون نفس: بخير



    طيف قاصده تحرجها: اسوم شو تسوين هنا كلهم برا



    اسماء ارتبكت : انااا انا بس كنت ..



    عمر ينقذها: طيف ما تسمعين امج تزقرج<<تناديج



    طيف ببراءه: لا والله ما سمعت



    عمر: عيل تزقرج



    طيف: تمام....اسوم ما بتيي



    اسماء تطالع عمر: يايه



    شجن: هااا وين رايحات



    طيف: امي تزقرني



    شجن: انزين روحي



    طلعت طيف وهي تطالع اسماء بنص عين



    شجن: عمر بس عاد اطلع



    عمر وعيونه ع اسماء : انزين ...طالع



    طلع وخذت اسماء نفس طويل وكأن هم وانزال



    شجن: شو فيج



    اسماء: ولا شي



    تدخل الريم: اســـــــــــــــــــوم



    اسماء تقلدها: نعــــــــــــــــــــــــــم



    الريم: شو صار



    اسماء تغايض حق شجن: رحنا الغرفه



    شجن: شنو يعني ما تبوني



    اسماء مبتسمه: فهمي يا فهيمه وراحن



    شجن بعصبيه تطلع وتصك الباب بقوة



    وقالبلتها طيف فطريقها



    طيف: وين عمر



    شجن: راح



    طيف: بس ما كان حد يزقرني



    شجن : ما ادري)) ومشت



    في الجزء الأخير



    # سلطان والريم



    # شجارهما من جديد



    # يوم الميلاد



    # موقف






    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

  6. #6
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    الجزء الأخير من البارت الاول


    ......

    محاوله التفاهم مع الأنثى وهي تبكي

    يشبه تقليبك لأوراق الجريده وسط

    العاصفه

    فقط أحضنها وسوف تهدأ

    / شكسبير

    ....

    في الغرفة..

    10:7

    الريم: هاااااا شو صار

    اسماء ولا شي...

    الريم: لااااه

    اسماء: والله ما شي بس قال ما يحتاي هالصدمه

    ودخلت طيف غصصتبه

    وقالها امج تزقرج وبغت اروح وياها يت شجن

    تفلسفت وطلع

    الريم: بسسسسسسسسسسسس

    اسماء: عيل شو تبي تسمعي

    الريم: أنا قلت شي عاد

    اسماء: اقووول قلبي ويهج

    مني أنــــ

    رشا تفتح الباب بقوووه: ريمووووه يلا بنروح

    الريم: طلعي برا لا اصنــــ

    ساره بعصبيه: تقولج خالتج جميله سلطان ينتظركم برا

    الريم: ليش وين عمر

    ساره: وانا شدراني

    الريم: زين طالعه

    لبست عباتها وسلمت عليهم: يلا رشا نادي فراس وجين

    جميله: راحوا مع عمر

    الريم بداخلها: او ماي قاد أنا وسلطان بروحنا

    رشا تسحبها من ايدها : يلا

    الريم : يلا باي بنات

    البنات: يلا باي

    شجن: كلمينا عاد

    جميله: شجن خلي البنت فحالها اخرتيها

    الريم: يلا خالتيه حياج

    ركبت السياره قدام ومشوا

    ....

    ما ابشع الوقوف بأنتظار محطه قد رحلت

    ما ابشع البكاء الذي يذكرك بيوم تندم عليه

    ما ابشع الحقيقه واكتشافها فالوقت الخاطئ

    ما ابشع حب لم تعلم بوجوده ...

    وعندما علمت كان فالوقت (بدل الضائع)

    وليس الابشع النظر حب يتلاشى

    لأن الوداع ... ابشع بكثير

    / بقلمي .. f.b.k.aa

    .....

    فالسياره

    10:30

    الريم: سوري أخرناك

    رشا : توهن سوالفج ما يخلصن والحين سوري

    سلطان: رشا هاج الايباد والسماعات

    اندمجت رشا ع صوت الموسيقى اخر شي بالسماعات فما عادت تسمع شي

    سلطان: هو أخرتيني بس يالله بتحمل

    الريم: لااااه

    سلطان: شو تحبي تسمعي

    الريم متنرفزه: ولاشي

    سلطان: اوه وحد فالثمنطعج وما تسمع شي

    لا لا لا لا امبسبل

    الريم: وشدراك ان عمري ثمنطعج

    سلطان: ههههههه مب انتي ثالث ثنوي

    الريم: لا

    سلطان: عيل

    الريم: اول اعدادي

    سلطان: ترا قبل البنات بكبرج معرسات وعندهن عيال .. جنج وايد مصدقه عمرج

    الريم: وجنك وايد ترمس

    سلطان: قلت تبي موسيقى ما طعتي بس شكلها عاجبتنج السوالف ويايه

    الريم: بااااايخه .....حط انجليزي

    سلطان: حق منو تحبي تسمعي

    الريم: جاستن بيبر

    سلطان: ما عندي

    الريم:............

    سلطان: تبي ميحد

    الريم:.............

    سلطان: تبي أغنيلج .. ترا صوتي حلو

    الريم: هه

    سلطان: تعرفي شو جني وايد عاطنج ويه

    شغل انجليزي بفونه ع السماعات

    الريم تطالعه معصبه

    سلطان: نعم في شي

    الريم: سلامتك )) ولفت ع الجامه

    سلطان: تبي تاكلين شي

    الريم بحده: لا شكرا

    سلطان: ما كنت اسألج اصلا

    خوز السماعات من اذن رشا ))رشا تبي تاكلي شي

    رشا: اممممم

    سلطان: ايس كريم؟ّ!

    رشا: تمام)) ورجعت السماعه

    الريم: تطالعه وعيونها بتدمع من الاحراج

    سلطان ابتسم حقها ونزل

    الريم بداخلها: اي انواع الحيوانات هذا يتمصخر علي أنا....اه ... هالكلب يقفطني

    سلطان ركب السياره: يمد بالايسكريم حق رشا

    ومد لها واحد

    الريم: حقي

    سلطان يستهبل: لا حقي

    الريم كتفت يديها: ما أبا فراوله

    سلطان: ش تبي حضرتج

    الريم: كاكاو

    سلطان: عيل خلي يدي ينزل ييب ليج

    تطالعه ببراءه

    سلطان: انزين انزين بييب

    نزل وضحكت

    حطت سماعاته باذنها وشافت نظاره ولبستها قاعده تطالع صورتها بالمرايا وما انتبهت له

    سلطان صرخ: حووووووو

    الريم فكت السماعه وراحت تبي ترجع النظاره

    سلطان: لا لا لا تخوزيها

    الريم مستغربه: ليش

    سلطان: كشخه عليج

    الريم ع طول تلف ع رشا وخذت نفس طويل بعد ما شافتها تلعب ومحطيه السماعه

    سلطان رافع حواجبه: شفيج

    ريم تخوز النظاره : لا ولا شي سلامتك, بس حسن الفاظك

    سلطان ببرود دم: ومنو بيسمع

    الريم بنظره صدمه: آخر مره اركب وياك قليل ادب

    سلطان يستهبل : ليش ما عجبج الاسكريم

    حطت الايس كريم بقوه ينبه ولفت صوب الجامه

    سلطان: لااااا حول ما عرفنالج.... يعني بس لني قلت لج كشخه سويتي هالدراما كلها

    الريم سااااااكته

    سلطان: خلااااااص سحبناها الكلمة انتي اشين وحده شفتها

    لفت صوبه بقوه وتطالعه بعصبيه

    سلطان: شفتي ان ما يعجبج شي

    الريم: اكرمنا بسكوتك

    سلطان بابتسامه وبصوت هادي: ع الاسبوع الياي يوم ميلادي

    الريم تبي تقهره : والمطلوب

    سلطان: ما بتقولي كل عام وانا بخير

    الريم: قلتها الاسبوع الياي

    سلطان بجديه: يمكن ما تشوفيني الاسبوع الياي

    الريم تبي تزيد من قهره : يكون احسن

    سلطان عصب: وصلنا يلا رشا

    رشا ما مستوعبه شي نزلن ومشى هو بسرعه

    ع طول دخلت الغرفه

    11: 30

    لحقها عمر: عندي لج خبر

    الريم بدون بارض: شو


    عمر: بنتعشى برا كلنا

    الريم بررود: انزين

    عمر كان منتظر رده فعلها بحماس: شفيج

    الريم: ولا شي

    عمر: شو سوى سلطان

    الريم بأندفاع : لااااا ما يخص

    عمر: دام انج تدافعي معناته سوى شي

    الريم تلعب بالفون: عن البياخه شو بيسوي يعني

    عمر شال الفون: ضايقج بشي

    الريم: قلت لك لا بس راسي يعورني

    عمر يغايض لها: يعني ما بتروحي

    الريم: لا ما بروح بروح عند ربيعتي

    عمر: أي ربيعه

    الريم بفرحه: يعني بتشلني

    عمر: ع حسب...أي ربيعه

    الريم: امم اللي رايحه عندها آخر مره

    عمر: أأأاااهااا ....اعرف اخوها ..ربيعي

    الريم بأبتسامه عريضه: يعني بتشلنـــــي!!!

    عمر بهدوء: لا

    الريم بحزن: ليــــــــــــــــش

    عمر: السواق بيشلج

    الريم شوي وبطير من الفرحه لأنها من زمان تبي تقوله ومنتظره الفرصة المناسبة

    عمر: ألا أقول قلتي حق أبوية

    الريم: لا من يومين قلت حق جين وقالت بتقولة

    عمر: يا سلااااام يعني مخططة

    الريم: شو أسوي البنت من زمان تعزمني واليوم اصرت علي

    عمر: تمام عيل تجهزي بقول حق السواق ..عشان ما تتأخرين بالرجعة

    الريم بأبتسامة: تمام

    ************************************************** *******8

    خلونا نروح لعايلة أحمد

    5:45

    ياي محمد المطبخ يصرخ:امممممممممممممممممممممايه

    فاطمة: نعم شبلاك

    محمد يبوسها ع راسها: انقبلت انقبلت

    فاطمة بفرحة: وين

    محمد: بالجامعة

    فاطمة : اللي فيها عمر وزايد وسلطان

    محمد: هي

    فاطمة: عيل سلطان خلك بعيد عنه

    محمد: يمــــــــــــه ريلاكس هو ثالث سنة وأنا بعدني الفاونديشن ما اختبرت

    فاطمه: ما يخصني بفونديشات وغيره اهم شي خلك بعيد عنه

    محمد: يمه مب فونديشات فاونديشنات

    فاطمة: قلب ويهك أقول مني أنا ودرت شغلي عشان تستهبل علي

    اسماء: هلا امايه شو صاير

    محمد: ممكن ما تدخلين

    اسماء: احترم أختك الكبيره يا قليل الأدب

    محمد: خفي علينا الكبيره بسنه وحده

    اسماء: حتى ولو لاز.....

    تدخل شجن فجأة وبصوت عالي : هلاااااااااااااااااااااا بالحلوين

    هلااااا مامي شو عشانا اليوم

    اسماء: اولا قصري صوتج ثانيا ما تحاتي غير ببطنج

    محمد: لاااااااااا حول أقول شجون تجهزي حق المحاضرة دورج

    الأم تضحك: وانتو ما عندكم غير المحاك

    شجن تمسك خدود أمها: ما عليج منهم أنا اريحج )))وتبوسها

    الوليد يدخل: أيـــــه أيــــــه خوزي عن أمايه

    شجن: مثل ما هي أمك أميه

    محمد يغير الموضوع ما يحب الصدعة: امايه بروح عند ربعي

    الأم: أي ربع العشاء زاهب

    محمد: توه عمر متصل الشباب متيمعين

    الأم: أنزين أنتبه فالطريق

    محمد يبوس راسها: أن شاء الله

    **********************************************

    نشوف عايلة

    جاسم

    5:50

    سارة: امايه أبي افصل مغربي

    الأم: الا قبل كم يوم مفصلين

    طيف: أصلا الريم كان لبسها وايد حلو

    موزه: خل عنج ما كان أحلى عن مالنا

    ساره بدلع: المهم أني ابي مغربي يديد

    الأم: تمام بس من وين أييب الفلوس

    سارة بأسلوب خايس: من عند عمي سيف شو فايدته

    الأم: بس تعرفي أن ذا ال بيقول لنا عاطينكم قبل كم يوم

    موزه: لاااااااااااه حق بناته كل اسبوع وحقنا لا

    ساره بعصبيه: اصلا انا شو يخصني اذ ابوي المفلس مات

    طيف: احترمي نفسج ما كنتي محتاجه حق حد يوم ابوية عايش

    موزه: انت يشو يخصج

    الام: قومن عن راسي صدعتني اانتي وياها

    موزه بمكر: خلااااااص مامي انتي قولي حق سيف وشوفي شو يقول

    الام: لاني بقايله ولا شي قلبن ويوهكن

    ساره ورايحه: اوووووووووف لى متى يعني

    تعالوا نشوف شو صار مع الريم

    7:30

    الريم: هلا وداد اخبارج>> وداد رفيجتها اللي تكلمنا عنها

    وداد: يا هلاااااا

    الريم: والله من المتى ابا ايي بس ما صارت لي الفرصه

    وداد: يالله تعالي فوق

    يالسات

    و 8:00

    يدخل بقوه

    الريم: ما تحركت بمكانها تطالعه

    وداد بصراخ مفجع: امممممممممممممممممممممممممايه طلع

    وعيونها مليانات دموع اممممممممممممممممممممممممااااااايه

    ااااه اممممممايه اطلع اطلع امممممممممماااااااايه
    ******

    ننتظر متابعتكم في البارت الخامس

    في البارت الثاني

    نكمل .. غضب .. شاب وسيم .. أحداث

    اتمنى تتفاعلون ويايه عسبت اكمل

    بوقف لحد اشوف تفاعلكم

    فداعت الله

    مع حبي

    J

    بنت الأياآويد






    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

  7. #7
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    ملاحظه: لو تسمحون يعني احتراماً لمجهودي فكتابه هالروايه .. اللي ينقلها ينقلها بأسمي << بنت الأياآويد >>بليز يعني لان هالموضوع يهمني

    .. وان شاء الله انزل اذ شفت تفاعل ..





    التعديل الأخير تم بواسطة بنت الأياآويد ; 16-04-22 الساعة 01:33 AM

    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

  8. #8
    عضو مجتهد
    الصورة الرمزية Hamdan3
    الحالة : Hamdan3 غير متواجد حالياً
    رقم العضوية : 142680
    تاريخ التسجيل : 27-09-15
    الدولة : دولة الامارات العربية المتحدة
    الوظيفة : 111
    الجنـس : ذكـر
    المشاركات : 172
    التقييم : 10
    Array
    MY SMS:

    خلتني اندم على فراقك؟! سامحني قبل لحظة وفاتي

    افتراضي رد: رواية عشيق الريم الرومنسيه


    روعه الرواية .... استمري





    نتحدا الكل لاجلها: الامارات...
    عاشق قطر ...

  9. #9
    عضو مجتهد
    الصورة الرمزية المحارة_11
    الحالة : المحارة_11 غير متواجد حالياً
    رقم العضوية : 139463
    تاريخ التسجيل : 26-02-15
    الدولة : الامارات
    الوظيفة : طالبه
    الجنـس : انثـى
    المشاركات : 83
    التقييم : 10
    Array

    افتراضي رد: رواية عشيق الريم الرومنسيه


    جميل .. استمري






  10. #10
    عضو نشيط
    الصورة الرمزية بنت الأياآويد
    الحالة : بنت الأياآويد غير متواجد حالياً
    رقم العضوية : 146650
    تاريخ التسجيل : 17-04-16
    الدولة : U.A.E
    الوظيفة : -
    الجنـس : انثـى
    المشاركات : 73
    التقييم : 10
    Array
    MY SMS:

    اللهم قني عذابك يوم تبعث عبادك

    افتراضي رد: رواية عشيق الريم الرومنسيه


    Sالبارت الثاني الجزء الأولS

    المساء 8:00

    عائلة سعيد مستانسين ع الآخر ويتعشون

    رشا: شفت ابويه لما نطلع جي شقد حلو

    فراس: انتي ما تعرفي تسكتين لما تاكلين

    رشا: ما يخصك

    عمر: لااااااحول حتى هنيه بتتنازعون

    جين: اليوم ما تضاربوا never

    سعيد: تعوضون يعني

    فراس: ابويه ما نبي نرجع البيت بوقت

    رشا: هيه هيه نبي نروح الملاهي

    فراس: لاااااا بنروح البوادي

    سعيد: شو تبا من البوادي

    فراس: ابي لبسات و سيع و.....

    ووايد

    عمر: ههههههههه أنا بروح عند ربعي

    رشا: بس بعدين بنروح نلعب

    سعيد: الحين بنروح البوادي وبعدين الالعاب

    فراس يغايض لرشا: تمام يلا روحنا

    عمر: ابويه روح انت وياهم وانا بروح

    جين: where is your car

    عمر: بروح ويا ربعي بييون يشلوني

    سعيد : تمام انا بحاسب وبنروح البوادي

    عمر: يلا عيل حياكم

    9:00

    وكملت العايله يومها وجانو فراس ورشا نزاع عطول الطريج

    ابوهم صدع وكل مره يقولهم ما بشلكم مره ثانيه يسكتون ربع ساعه ويرجعون ع

    نفس الموال اخر شي عصب وخلاهم مع جين طبعا اثنيناتهم عنيدين وجين وايد

    طيبه فما قدرت عليهم ...وهم مستمتعين وااااايد كملوا ساعتين ورجوا البيت

    10:30

    ................................

    في هذا الوقت عند الشباب

    8:30

    اجتمعوا محمد وعمر وسلطان وزايد وحمدان>> من أهل ابو محمد ربيعه الروح

    بالروح وطبعا نفس الشباب لكن ما شاء الله جمييييييل

    في كافى مفتوح ينتظروا المباره طبعا كلهم مدريدين

    زايد: وين جاد>> ربيعهم من الجامعة

    سلطان: ما اعرف قال بيي

    عمر: شو يعني ما بنشرب شي

    زايد: على محمد انقبل

    سلطان بقوه: اوووووووووووووووووووووووووه

    حمدان : يعني حد زاد ويانا فالجامعة

    محمد: شو تشربون

    زايد: فيتامين سي

    عمر: باربيكان

    سلطان: رد بول

    حمدان: بورهورس

    محمد: تمام

    حمدان: اقول عمر وين ربيعك

    عمر: أي

    حمدان: قطامي

    عمر: قلت له قال ما بيي

    .................................................. .....

    عند البنات في بيت أحمد

    8:00

    ميثه: وين الريم حسبتها بتيي >> ميثه ربيعة شجن بنفس الكلاس وربيعة الريم قبل ما تنتقل للظاهر

    اسماء: ما بتيين

    شجن بجذب: اسماء جنها امايه تزقرج

    اسماء: انزين بطلع بطلع ما له لداعي الجذب>> وظهرت

    ميثه تضحك: يلا قولي ع قولتهم .. بوئي البحصه

    شجن: صبري خليها تبتعد

    ميثه: ههههههههههههههههههههههههههههههههه حرااام عليج

    شجن: لااااا .... والله سمعي بقولج

    ميثه: قولي

    شجن: تخيلي اليوم الصبح اسوم الجلبه شوي وبتفضحني

    ميثه: ههههههههههههههههههههههههههئ حلفي

    تعالوا نذكركم بالموقف(( .... اسماء: خلو البنت براحتها ولفت الدبه

    طلعت اسماء وشجن

    شجن تطالع اسماء بتهديد لأنها سألتها قبل عن واحد فالفيس بوك

    شجن: لو ياج عمر يخطبج شو ردج.....))

    شجن: تخيلي سألتني قدام بنات عمي عنه

    ميثه: اههههههههههههي شو قالت

    شجن: ما عطيتها فرصة ....بتفضحنيه عشان جي قلت لها تطلع برا

    بس أنا ما قصرت فضحتها بعمر

    ميثه: إلا شو صار وياه

    شجن تستغبى : منو

    ميثه: لااااااه.....حبيبج

    شجن: اهااااا .. نهيان...وبعدين منو قالج انه حبيبي هو بس واحد من اهل الريم

    ميثه: صدق... المهم شو صار بعدج ترمسينه

    شجن: لا

    ميثه تطالعها

    شجن: بس شوي

    ميثه بعد تطالعها تنتظر اعترافاتها

    شجن: هي هي ارمسه

    ميثه تضحك: يعني ما تعرفي تجذبين ليش تجذبين

    شجن: اوووووووف محد يقولج شي

    ميثه: الا بسألج صدق تحبينه

    شجن: والله ما اعرف ....

    ميثه: شقايل ما تعرفين

    شجن: ياخي ما اظن اني احبه بس يوم ما ارمسه احس جنه شي ناقص

    ويوم ارمسه ارتاح

    ميثه: انصحج ودريه

    شجن: اوووووف منج صايره لي اسوم كل شوي وتقول لي بخبر عليج

    ميثه: اوووووه صح ............ شقايل اسوم للحين ما خبرت ؟

    شجن: ها ها ما تروووووم

    ميثه: قولي

    شجن: اذ خبرت بخبر عن سوالفها ويا عمر

    ميثه: ألا صح شو صار اليوم ما شافها

    شجن: ما يروم ما يشوفها

    ميثه: انزين

    شجن: شو انزين..........والله اذا عرفت اني اخبرج بتذبحنيه

    ميثه: قسم بالله ما اخبر حد قووووووولي

    شجن متردده

    ميثه: شجوووون بليز احب اسمع سوالف العشاق

    الا انا فقتني محد يحبني

    شجن: لا تخافين بيج يوم

    ميثه: لا تغيرين الموضوع الحين بتقولين ولا شو

    شجن: زين زين........ما شي لما جنا نسلم ما شال عيونه ..

    لا وبعد ما سده يلس يدورها يا المطبخ وسبحان الله جنه

    الله مطرشنها حقه يايه تزاعج وانطبت يوم شافته رحنا انا والريم

    عند الحريم وما اعرف شو صار ..وكالعادة يت طيف تخرب كل شي ييت انا

    وطلعته ...........طبعا أنا كالعادة انقذ الموقف

    ميثه: لااااا والله ليش طلعتيه

    شجن: ايه انا نقذتهم هاذي طيفوه بتواشي

    ميثه: ياخـــــــــــــي هاي طيف ما اطيقها

    لو انا بأذبحها

    شجن: هههههههههههههههههههههههههههه هاذا وما تعرفينها

    ميثه: الحمد لله ما شفتها جدامي والا بصفعها

    شجن:هههههههههههههههههههههههه مينونههههههههههههههههه طلعتي اين عن شجن

    ميثه: ياخي شو هالأسم اللي عليج

    شجن: ما حلو؟

    ميثه: لا هو حلو بس من وين ياي

    شجن: من بطن أمايه

    ميثه: هههههههه بايخه ... اقصد يعني اسم غريب

    شجن: حلو التنويع عيل . ميثه وشيخه وفاطمه وعايشه وموزه....

    ميثه: بس بس حشاااااااا

    .....

    نروح عند الريم وربيعتها

    يدخل بقوه

    8:00

    الريم: ما تحركت بمكانها تطالعه

    وداد بصراخ مفجع: امممممممممممممممممممممممممايه طلع

    وعيونها مليانات دموع اممممممممممممممممممممممممااااااايه

    ااااه اممممممايه اطلع اطلع امممممممممماااااااايه

    الريم: حيااااااااااااااااااااااااااااااااتي محلاه

    وداد: طلعيه ما احبه طلعيهههههههههههههههه اه ه طلعيه ه ه اميه

    تقرب منها وتصرخ بصوت شال البيت: قطاااااااااااااااااااااااااااااااااااااااااااااااا ااااامي

    قطاااااااااااااااااااااااااااااااااااااااااااااااا ااااااااااااامي شل هالزفت اهاهاه اه اه اميه

    وبصياح: امممممممممممممايه قطااااااااااااااامي

    الريم شلته : شفيج ياخي شوفي محلاه فديته جميل

    وداد: ارتاحت شوي بعد ما خوزته الريم وتصيح: اه اه اه ما احببببببببببببه آخر مره شامخني اه اه اه سوالي حساسيه اه اه مااااا احببببببببببببببببببهههههه خوزيه

    قطااااااااااااااااااااااااااااااااااامي

    الريم شاله الجلب وتمسح عليه: ايه بس عاد ... عن تلمي الجيران علينا انجبـــــــي

    وداد تمسح دموعها: طلعيه برا والله ما اداااااانيه

    الريم تبوس الجلب: يالله ما احلاه جمييييييييييــــ

    قطع كلامها دخول شاب بصوت خشن رجولي: شو صاير

    الريم قطعت كلامها وتطالع مصدومه

    تطالع شاب وســـــــــــــــــيم عيونه وساع قمحي البشره خشمه طويــــل وشفايفه

    توتيات شكلـــــــــه جميـــــــــــــل جسمه رياضي ولابس شورت طالع عذاااااب

    الريم ما رايمه تخوز عيونها وبداخلها: ياللَّــــــــــــــــــــــــــــه عذاااااب.. ياخي شايفته وين شايفته......اوووووف صااااااااروخ

    الولد: شو صايـــــــــــــــــــــــر

    وداد: قطامي خوز جلبك الوصخ

    الريم لازالت سرحانه فيه بداخلها: عرفته عرفته هذا الولد الحلو هو اخوهاااااا

    قطامي انتبه لوجودها وانها ماسكه جلبه وتمسح عليه وجانت تبوسه وطبعا ع طول

    عرفها اخت عمر الجميــــــــــــــــــــــله فالبوادي ...وبصوت هادي: شفيج انتي

    ذيج ربيعتج شالتنه)) ابتسم نفس الأبتسامه اللي اول ما شافها فيها

    الريم مبتسمه ونفس الابتسامه الهاديه الساحره وبصمت تتأمله

    وداد : اقولك طلعه برا ما ادانيه

    قطامي خاز عيونه عنها: انزين انزين فهمت

    الريم بسرحانها وانتبهت انه ماد ايديه يبي الجلب

    نزلته ع الارض وسار ع طول حق قطامي

    قطامي يطالع الريم: علمي ربيعتج )) وبداخله وهو طالع يالله اخت عمر

    الجمـــــــــــيلة هي ربيعة وداد يالله ي حظي انا

    وداد سكرت الباب بقوه

    الريم رجعت انتباهها: هذا جلب اخوج

    وداد: هيه اكره ما طايع يرجعه

    الريم: ما زين عليج.....الا يعني هذا اخوج

    وداد: هى اخويه بعدج هب مستوعبه

    الريم انتبهت حق نفسها: لا لا بس انتي خوفتيني يوم زعجتي

    وداد: اهااااا ما اعرف بس يوم اشوف هالجلب اكره حياتي

    الا انتي من متى تحبي الجلاب

    الريم: اموووووت فيهن

    عقب ما راحت وداد تغسل ويهها

    وداد: الريم انتي ما تحبين سلطان

    الريم: لا ...منو قالج

    وداد: سمعت شجن مره عبالي تحبينه

    الريم: لا ما احبه ولا حتى يمكن افكر فيه هالصايع

    وداد: اهااااااا

    الريم: الا انتي شو خطر ع بالج

    وداد: ايه ايه صح انتي جنت اصيح بس الحمد لله اشوف

    الريم: ما فهمت

    وداد: عبالج ما شفتج شقايل سرحانه بقطامي

    الريم: لا لا فهمتيني خطأ أ أانا بس انصدمت

    وداد: عادي عادي لا تخافين..........أصلا اي بنت تشوفه تذوب فيه

    ما الومج يا ليتني جميله نفسه

    الريم: لا ما فكرت جي وبعدين انتي حلوه

    وداد: اصلا حتى هو جان مركز فيج

    الريم بأبتسامه: صدق

    وداد : والله..............شفتي انه ذوبج

    الريم: لااااااااااااه يعني تتمصخرين عليه

    وداد: لا ما اتمصخر والله انه ما خوز عيونه عنج

    الريم: جد

    وداد: جم مره بحلف

    الريم انتبهت حق اندفاعها الواضح: اصلا انا ما سرحت فيه عسبت

    هو حلو بس لأني شايفتنه من قبل

    وداد تتمصخر: صدق

    الريم: والله اني شفته فالبوادي مع عمر هم اللي ضربوا ذاج النشبه

    اللي خبرتج عنه

    وداد صدقتها: لاااااه يعني ما عجبج

    الريم: عن قلة الادب وغيري السالفه

    وداد: ههههههههههههههههههههههههههههههههههههههههههههه اعصابج

    الريم: انزين بروح

    وداد: افا عليج لا يكون زعلتي

    الريم: لا والله تعرفيني ما ازعل من شي تافه

    بس الوقت تأخر بتصل بعمر

    وداد:ع راحتج

    نزلت تحت بتروح ووداد وراها

    .......

    في الصاله:

    9:00

    قطامي يرمس الجلب: ي حظك ... لو تبوسني انا بدالك ما احسن

    اووووووووف شو صار لي ارمس جلب .... يننتني

    سمع صوتهن نازلات

    قطامي: بتروحين

    الريم أول مره تحس عمرها مستحيه: هىه

    قطامي: سامحينا ع الجلب عاد

    الريم: لا لا عادي

    وداد: اصلا هي تحب الجلاب

    الريم: يالله تصبحون ع خير

    قطامي: وانتي من اهله

    وداد: بوصلج برا

    الريم ووداد برا

    وداد: الريم اقولج

    الريم:آمري

    وداد: شكله ذاب فيج

    الريم: لاااااه شعنه

    وداد: اول بنت يرمسها جي بأدب

    الريم: لا اصلا شكله مؤدب

    وداد: والله انه عصبي خصوصا مع البنات بس قلبتيه

    الريم تضحك: اوكى باي

    ....

    قطامي سالم الـ

    من مزيد

    وداد سالم الـ

    كل عايلتها هي اخوها

    امها وابوها ماتوا بحادث

    والمسكينة عايشه ويا اخوها ما رضت تروح عند خالاتها وتودر قطامي

    وبالنسبه حق قطامي هو جان ربيع عمر بالجامعة لكن بعد

    ما توفى ابوه خذ كل شغله

    وودر الجامعة فالحين يشتغل ويدير باله ع اخته

    عمره 24 طبعا بتستغربون شقايل هو مع عمر هو رسب كذا سنه

    وبعد ما مات ابوه تغير تماما

    وعمومته ما يحبوة بس هو تغير جذريا

    صار قد مسؤليه وعصبببببببي يخاف ع اخته من كل شي

    عقب ما دخلت وداد

    قطامي: تعالي وداد

    وداد يلست: خير

    قطامي: منو هاي

    وداد: ربيعتيه

    قطامي: اعرف انها ربيعتج وهي اخت ربيعي بس اقصد يعني

    يعني جم عمرها كيف هي .....جي يعني

    وداد: يطولي بعمرك..... عمرها 17 وتدرس ويايه وبنت مؤدبه وحبابه

    وجميله مثل ما شفت.... وتعرف اهلها وايد زينين ..

    قطامي: اهااااااا ومحيره

    وداد: ما اعتقد بس اظن ان واحد من العايله عينه عليها

    قطامي: تعرفي شو اسمه

    وداد: اظني سلطان

    قطامي: اهااااااااااااااااااااااااااا اعرفه هذا جرايبهم

    وداد: ليش شو تباها

    قطامي: ولا شي اشوف انتي منو مرابعه

    وداد: يعني تطمنت

    قطامي: بما انها اخت عمر اكيد تطمنت

    وداد: عيل تصبح ع خير

    قطامي: تلاقي الخير

    ...

    الصبح....

    8:00

    في بيت سعيد ع الريوق>>الفطور

    يالسين رشا وابوها وجين

    عمر يبوس راس ابوه: صبحك الله بالخير

    الكل: ي صباح النور

    فراس ياي يربع: السلام عليكم

    : وعليكم السلام

    رشا: خير شبلاك متخبل من الصبح

    فراس: انطبي انتي

    جين: فراس لا

    فراس: انزين ....ابويه ترا اليوم ثاني العيد يعني مانبا نيلس فالبيت

    الريم: صح اليوم لازم نطلع))تبوس راس ابوها

    عمر: انزين سلمي اول

    الريم تطنشه: باباجم وين بنروح

    سعيد.. الابو: ودي اروح الهير بس ما اعرف

    الريم: نروح البريمي

    جين: وين

    الريم: البريمي في وديان طرررر

    عمر: اولا الوديان اللي نروحهن مب فالبريمي بروحها .. وبعدين ما يا سيل

    الريم تقلده: اولا كلهن نفس الشي ثانيا يمكن هناك سيول

    سعيد: ما عليه شهر شهرين ويسيلن الوديان ونروح

    رشا: المهم ... ابويه ترا المدرسه جربت يعني لازم نطلع

    عمر بجديه: جانو رامسين عن طلعه شو صار

    الابو: ترا ريل خالتك عنده ضيوف

    الريم بأستغراب: أي ضيوف محد قال شي

    الابو: امس قال لي احمد ان في ناس ياين يشوفون اسماء

    عمر نشب ويلس يجح بقوه وعيونه حمر والعصبيه ع آخر

    جين: شرب ماي ...

    عمر ينش معصب: قسم بالله محد ياخذها غيري إلا ع جثتيه

    الريم ساكته ومصدومه بمكانها

    سعيد: شبلاك يا عمر تعوذ من الشيطان

    عمر بعصبيه: أنا قلت كلمتي .. بنت خالتيه محد ياخذها غيري )) وراح

    فالجزء الثاني

    # رد اسماء

    # غضب عمر

    # في الرحلة ...من سوف يموت

    # تنقلب أحوال العائله






    أنـــا شاآعــر واحساســي لابد ابـــديه
    وش خاآنــــه الشعــــر وأنــا باليوف خاآفــــيه
    ..
    بنت الأياآويد
    حشيــــــمه عن طبع المداآنــــيس
    اللهم إني اسألك العفو والعاآفيه

صفحة 1 من 7 123456 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. قصيرة : الرجل المجنون الذي ابكى الرجل العاقل
    بواسطة falkatbi99 في المنتدى منتدى القصص
    مشاركات: 2
    آخر مشاركة: 16-04-26, 11:48 PM
  2. رواية . الريم اللعوب كاملة
    بواسطة نظرة عناد في المنتدى قصص الطويلة , الروايات
    مشاركات: 22
    آخر مشاركة: 12-08-22, 11:57 PM
  3. الرومنسيه بين القطط ....
    بواسطة فرعون في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 4
    آخر مشاركة: 09-07-04, 10:00 PM
  4. لغة الرومنسيه ..
    بواسطة فرعون في المنتدى معرض المواهب و الابداع Fair talent and creativity
    مشاركات: 11
    آخر مشاركة: 09-03-27, 01:18 PM
  5. اجمل كلام بالحب و الرومنسيه
    بواسطة amir257 في المنتدى قصص الحب و الرومانسية و الغرام و العشاق
    مشاركات: 0
    آخر مشاركة: 08-06-29, 05:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •