تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 23
  1. #11
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    بعد الصلاه . . خلصت وشفته يترياني عند باب السياره ومنزل راسه .. ماشفت ملامحه لانه منزل الكاب ع ويهه . .




    حسيت اني تاخرت عليه . . لان حمام الحريم كان زحمه واترييت لين فضا علشان اروم افصخ عباتي ع راحتي واتوضى . . وعقبها صليت وتسننت ودعيت وايد وتميت استغفر وقريت اذكار المساء !

    انا : تاخرت صح . .

    وليد يرفع راسه : لو تراويح جان خلصو . .

    ابتسمت : الواحد ما يتعبد يعني . .

    وليد ابتسم : امزح . . انا بروحي توني ياي . . وبعدين هاتي السويج حسبالج بخليج تسوقين لين البيت . . مينونه انتي ولا مش صاحيه . .ابا عمري ابويه . . يلا يلا ركبي فالدبه

    اناا : الله يخليك خلني اسوق

    وليد : ماشي . . الدبه الدبه يلا . .

    انا : وليد عاد . .

    وليد : لاتترجين روحيي يلا . .

    انا : ههههههه من صدقك بتخليني فالدبه . . بختنق بموت . .

    وليد : مابتموتين . . يالله . .

    انا :خلني اسوق خلاص تحمست . .

    وماسويت له سالفه وركبت وسكرت الباب علي . . ركب جدام وصدلي . .

    وليد : انزين اوكي سوقي . .بس تحملي التصرفات الي بسويها . . وفففففففففجاه بمسك ايدج . . وفففففففجاه بصارخ ف اذنج . . وفففففففجاه يمكن اسوي شي اكبر . .

    يييت بنزل من السياره علشان اخليه يركب لكنه ضحك . .

    وليد : ههههههههههههههههههه امزح امزح . . خلج ابوي خلج . . يالله عن تصيحين علينا . . توكلنا على الله . . سمي بالرحمن وقولي دعاء الركوب . . وخليني انا اتشهد . .

    ابتسمت وماعلقت ع كلامه وسقت بهدوء . .

    تم وليد مندمج بالشارع ويدندن ويدندن . . عقبها حسيت انه يطالعني بطرف عينه ويبتسم . . صديت طالعته لكن ماشفته يطالعني .! تميت احس بهالشعور بس . .يا انه هو يطالعني جد لكن ما يبين لي يا انه انا تخبلت .!!!

    وليد يبتسم ويغني : الله عليك الله عليك مجنون انا . . والله فيك مجنون اانا والله فيك . . كلي لعينك يالغلا تامر حبيبي . . وش عليك تامر حبيبي وش عليك . . دامك ملكت العقل كله . . قلبي معك هذا محله . . لك قدر محدن وصله مفنود وانا اموت فيك . .

    ابتسمت : تعيسه حظ .

    وليد يبتسم : يا الجلللبه . .

    انا : ههههههههههههههه . .

    وليد يبتسم : لا طلعتي تعرفين تسوقين صراحه . .

    انا : ادري . .

    وليد : تروحين الكليه مع الدريول ولا بروحج . .

    انا : الدريول مسافر وقال بي . . وعلى قولتهم ذهب ولم يعد . .

    وليد : من مشاويرج . . منو بيتحملج . .

    انا : والله ماظهر وايد

    وليد : خلللللللللللل عنج . . هاك الجمعه يوم كنتو في بيتنا شفت ميروه ميته متيبسه شرا الصنم لا تضحك لا تتكلم . . عاد هي بروحها هبله ويوم شفتها جي شكيت هل هي فحالتها الطبيعيه ولا الهبل زايد عليها رمستها طلعت لسانها وتمت تنفخ ويهها وتفتح عينها شرا الحمار . . ويوم تخبرت قالولي ظهرت وياج وخيستيها ف محل ساعتين وربع . .

    انا تميت اضحك بحاله هستيريه على المبالغه فالكلام . .

    عقب هدوء بسيط . .

    انا : ليش من عقب ما روحت انا وياسيف مارجعت على طول . . ليش كنت تتريا ؟

    وليد : شفت سيارته واقفه قلت يمكن عطلانه ولا شي . . خفت على السياره وايد . .

    انا اطالعه : تخاف ع السياره ؟

    وليد : هيه بعد شو . . كفايا انتي بتركبينها الله ييعينها السياره مادري كيف تحملتج . . علشان جي نزلتي صح . .

    ابتسمت : . .

    وليد : مهما كان الشي الي بينج وبينه كبير . . فـ انتي كبش الفدا دوم . . خلي سيف يعاني شرات ما تعانين ولو لمره ف حياته . .

    تنهدت ما قلت شي . . بركنت السياره البيت وصديت له : مشكور . .

    يبتسم : ولو ماسويت شي . .

    انا : ما بتنزل . .

    وليد يتصدد : ماتشوفين ماشي سياايير . .الكل راح . . بالعاده المغرب تنتهي الجمعه . .

    انا : اكيد عميمه داخل انزين . .

    وليد : تبيني انزل " ليكون انعجبتي بشخصيتي البراقه "

    انا : ااااااااااه على الغرور كيف اكرهه . . روح روح . .

    وليد ينزل : لا بنزل . .ادري تبين حد يساعدج فالرمسه عشان عنود صح . .

    انا ابتسمت لانه صح لكن ما قلتله . .

    ودخلنا البيت مع بعض لكن ماكان اي حد موجود بالمره ! والشغاله قالت ان كلهم طلعو مره وحده وكانو يصارخون ويصيحون وماتعرف شسالفه .!








  2. #12
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    البارت الـ خامس

    انا : شو بيكون صاير ليش محد يرد على التلفون . .

    وليد : انزين انتي اهدي يمكن عرفو عن عنود . .

    رن التلفون . .

    وليد : الو . . هلا مروان . . شوووووووووووووو . . شوووووووووو صار فييييه . . حاااااااااااادث . .!!!!!!!!!!!! متعممممممممممممد .. استغفررررررر الله . .

    انا حطيت ايدي ع قلبي وانا عرفت المتعمد منو . . مارمت انطق بـ ولا كلمه . . كنت ارجف حيييل . . ارجف خوف وارتباك وارجف من كل احساسيسي

    وليد يطالعني : كان واقف عند الاشاره الحمرا فجاااه حرررررك . .

    انا اطالعه بعين مليانه دموع : شصار فيه . .

    وليد : مادري . . امشي خلينا نروح المستشفى . .

    ريولي ماقدرت تشلني تميت واقفه مكاني من الصدمه لكن وليد سحبني من ايدي لين برع وركبني السياره وسرنا المستشفى . . نزل قبلي وبطل لي الباب . .

    وليد : ياللللللللله . .

    ماقدرت انزل ريولي ماتشيلني . . نفس المكان . . نفس الطواري . . الفرق ان الوقت كان متاخر اكثر عن جي . .

    انا اصارخ : ابوي ما مااااااااااااااات مااااااااا ماااااااااات . .

    سيف ينزل ع الارض يكلمني بدمعه : حرام الي تسوينه فنفسج . . الله ما يرضى . .

    ميره تصيح : مهور قومي دخيلج خلينا نرد البيت

    انا : مابرجع بدوووووووووووون ابوووووووووي . . مابرجع بدونه

    سيف بهدوء : عشان خاطري انا . . لو لي خاطر قومي . . الي تسوينه يتعب ابوج . . ابوج ما بيرضى لو شافج جيه

    ميره تطالع سيف : اباها تصيح . . اباها اطلع الي فيها . . بس تصارخ ماقاعده تنزل دمعه وها الي بيتعبها اكثثثثثر . .

    سيف : مهور . . يالله بسج قومي فديتج

    وماحسيت بروحي الا وانا غشيانه . .

    وليد زعق باسمي بصوت عالي يوم شافني سرحانه . . : مهـرررررررررررره . .

    انا اطالعه : ماقدر انزل . . ماقدر

    وليد : ماتبين تطمنين على سيف ماتبين تعرف شصاارله ؟؟؟

    انا : هالمكان مشؤوم . . ماقدر . .

    وليد مسك ايدي ونزلني غصب . . كنت اقاومه لكنه هزبني .

    وليد مجابلني : لووو مات بترتااااااحين ؟؟؟ جاوبيني . . لو مات من غير ما تشوفينه حتى بترتااااااحين ؟

    سكت مارمت ارد عليه . .

    وهديت ايده ومشيت عنه بسرعه . .لا سيف ما راح يموت . . سيف راح يعيش وراح نضارب اانا وهو كل يوم واكثر ومصيرنا بنرجع لبعض . . الي بيني وبين سيف ما انتهىىىىىىىى ما انتهى حتى لو قلته بلساني . . حتى لو هو قال بلسسسسانه ما انتههههههههى . .

    دخلنا المستشفى وكنا ندور عليه . . كنا نسال كل حد وندور ف كل مكان لكن ما شفنا حد . . تخبل وليد وانا تخبلت لين سألنا الي فالرسبشن وقالولنا ان مافي اي مريض دخل اليوم باسم سيف وماصار حادث الا من 4 ساعات وكانت لحرمه وماصار فيها شي . .

    اتصل وليد على طول لـ مروان ورد عليه مروان من اول رنه وهو يضحك . .

    مروان : ههههههههههههههههههههههه شرايك فالمقلب . . اكيد انتو فالمستشفى صح . .

    وليد بصدمه : مقلب ؟

    على طول قعدت ع الكر وغمضت عيني . .

    مروان : ههههههههههههههههههه خبرني شو كان رده فعلكم . .

    وليد : مروان لا تستهبل شو مستوي الشغاله قالت ان الكل طالع يصيح ويصرخ . .

    مروان : انا قايل حق الشغاله تقولكم جي . .

    وليد : والله لو انت حذالي ما سلمت . .

    مروان : ول ول ول ول ليش . . اجتعمنا ف ميلس يدي وسيف كان معتفس وقال ان مهره ودرته . . قلنا له بنخليها تردلك اصبر بس . . يالله ضبط الامور عندك علشان مهره تردله لا تخرب الي بديناه . . عطها من الكلام ان شفتي ماترومين تعيشين بدونه ووو

    مع الاسف الصوت كان واصلني حيل . . واسمع كل حرف . . سكرت اذوني مابي اسمع شي . . طلعت من المستشفى وانا ابصم اليوم اني ماعرفت سيف عدل . . سيف معقوله بيهون عليه انا اتم بهالحال . . . بيهون عليه انهار لـ مقلب ؟؟

    ركبنا السياره و وليد صاخ ماتكلم وياي ولا قال لي اي شي . . حرك السياره وكل الي قاله . .

    وليد : ترا الحريم عرفو عن عنود وكلهم عندها . . تبين تروحين لها ؟

    انا : هيه . .

    وليد : اوكي . . بروح مكان قبل وبعدها بنروح عند عنود . .

    مارمت اساله وين ولا كان لي خاطر ابد . . عقب دقايق بسيطه وصلنا بيت يدي . .

    وليد : انزلي . .

    ما عارضته وبطلت الباب نزلت . .

    مشينا رايحين صوب الميلس الخارجي . .

    وليد : صبري لا تحدرين بتاكد اذا شي ريال غريب . .

    دخل الميلس لـ ثواني ورد طلع راسه : احدري . .

    مشيت بهدوء وتميت واقفه عند الباب وجفت سيف قاعد ويا عيال عمي يلعبون ورقه . .

    ابتسمت بعذاب . . تلعب وانا الي محترق قلبي يا سيف . .

    وليد مسك مروان اول شي من رقبته : انت بذمتك ريال على هالحركه . .

    مروان يطالعه باستغراب : وليد بلاك ما يستاهل الموضوع

    مايد يا ووخر وليد عن مروان : يا ريال بسس . . بلاك

    سيف يوقف ويجابل وليد : شعندك ؟ اذا ياي تضارب ضاااربني انا . .

    وليد رفع ايده بيعطيه بكس لكن سيف ضرب وليد قبل . . واشتعلت الضرابه بكسات وتكفخ بينهم . .

    انا حطيت ايدي ع حلجي مارمت اسوي شي . . شكلهم للحين ما لاحظو وجودي خاصه وان ليل وانا على طرف الباب اوايج . .

    سيف : حطيت عينك عليها يتك الجررررررررراه الحين عقب سنين

    مايد : سيف لا ترمس عن بنت عمي بشين .. لاتطريها . .

    وليد : هه . . هذا وين فيه ادب . .

    سيف يتقرب ويزغده : هاي حرممممممممتي انا سمعت ولا لاء . . اتكلم عنها بصفتي ريلها . . انت ابتعد عن الموووووووضوع . .

    وليد كان شاب نار . . اول مره فحياتي اشوف وليد بهالانفعال . . كان يضارب وما يكترث وفداخله حرقه باينه عليه . .

    وليد : اسمعني . . بنت عمي من اليوم انت مالك اي علاقه فيها . . راح تبني حياتك مع حرمه ثانيه رووووووووح . . لاتجرح بنت عمي . . بنت عمي ما بياااااااخذها الا واحد يصونها وما يشوف غيرها ويحارب الكل عشششششانها . . مايسويلها مقلب تاااااااااااافه علشان ترجع له . . لو عندك ذره قلب ما سويت فيها الي سويته وخليتها مثل المينونه فالمستشفى تدور عليك غرفه غرفه . .

    مروان : مافكرت فيها . . الغلط مني الفكره فكرتي . .

    وليد يحط صبعه على صدر سيف بقوه : لكن هالخسيس رضا فيها . . يبا اي طريقه سهله ترجعله فيها . . يعرف انها بترضى فيه الوصخ بكل شي يسويه . .

    سيف : الحرمه حرمتي . . ولو ادوس على راسها لا تدخل . . انا بعدني بذلها ذذذذذذذذذذذذذذذذذذل اكثر من الي شفته وبخليها ترجع لي تززززززززززززززحف عشان اكسسسسسسسر راسك

    دخلت عقب هالكلام وعقب هالمذله الي اسمعها من سيف . . صرخت باقوى ما عندي من غير ما احشم حد موجود . .

    انا : بسسسسسسسسسسسسس . . بسسسسسسسسسك وانت تطيح من عيني اكثر واكثر بسسسسسسسسسسس . .

    سيف انصدم يوم شافني . .

    انا : انااااا بدوس على راسي ؟ انا ؟ انا بتذلني ياحقير . . انا تبيني ارجعلك بس عشان تكسر راسه مش عشانك تبيني . . اي قلب فيك انت اي قلب فيك . . ليت المقلب كان صدق

    سيف مات من كلامي . .

    انا : ليتك مت اليوم وتعبت على فرقاك وانت زين ولا اني شوفك بهالانحطااااااط . .

    مايد ولد عمي خالد " اخو شما وخلود " : بنت عمي اهدي ماصار شي . . الغلط غلطنا لان سكتنا عن المقلب . . خذناها بطرافه محد فكر بشعورج . .

    مروان يي صوبي : سامحيني بنت عمي . . والله انا الغلطان بكل شي . .

    وليد يطالعني : اطلعي برع . .

    تميت اطالع وليد . .

    وليد : سمعتيني . .؟ اطللللللللعي برا . .

    بلعت ريجي وطلعت وتميت على جنب الباب متسانده عاليدار الي برع واصيح . . اصيح على اشياء وايده صارتلي اليوم كسرتني . . على امور وايده كشفتها وهدت حيلي . . على شخصيه كنت معاها 21 سنه وهاليوم تبخرو وصرت ماعرفهه ابد . .

    سمعت وليد يتكلم بتهديد : مهره بتكون من نصيبي انا يا سيف . .انا بنسيها انت منو . . انا بنسها الانتظار الي انتظرتك فيه . . انا بخليها تضحك معاي وهي تطالع عيونك واخلي قلبك يحترق . . انا انا الي بذلك وادوس على راسك . .

    ومشى وليد وسمعت خطواته ووقفه مروان : غلط الي تسويه . . احنا مهما كان اهل . . احنا غلطنا بهالمقلب وانا اعترف لكن

    وليد طنشه وطلع برع وجافني متسانده ع يدار الميلس :ليش ماركبتي السياره . .

    تميت اطالعه بكل اسى . . بكل عذاب . .

    طلع سيف عقبها كان بيتكلم بيقول شي لكن من شافنا سوى سكت . .

    سيف : شو تسوين معاه فـ انصاص الليالي . . الحين بياذن العشا وانتي بعدج معاه ؟؟

    تميت اطالعه باستغراب . . بعد قوي عين يكلمني كنه ما صار شي . .!!!

    سيف عاقد حياته ويتقرب مني : تسمعيني ولا صرتي ماتسمعين الا الي يقوله ؟

    مارديت عليه وتميت اطالعه بنظرات خسيسه ..

    سيف انقهر وايد ولاحظت هالشي من قبضت ايده الي كانت متوتره ويدقها كل شويه بايده الثانيه

    سيف : شرات ما قلتلج . . انتي سهله . . في يوم واحد افترقنا فيه ضبطتي امورج مع واحد ثاني . . طلعتي مستعيله على العرس مش مستعيله علي . .

    تقرب وليد وضربه بكس مره ثانيه ومارحمه . . طاح سيف ع الارض وتم وليد يضربه ويضربه ويضربه . . طلعو عيال عمي من الميلس ومن شفتهم طلعو انسحبت ودخلت عند يدي . . كنت واقفه عند باب الصاله اشوف يدي وهو يشرب شاي ومشغل التلفزيون ويسمع الصوت ويطالع مكان التلفزيون . . كنه يشوف صدق ولا جنه فاقد بصر . . تميت اطالعه ودموعي تنزل بغزره . . بس شوفتك يا يدي تنزل لي دموعي كيف لو كلمتني . .كيف لو شكيتلك . .

    يدي : منو اهني . .

    بلعت ريجي ما اتكلمت . . لكن شفته يتصدد ويسمع بتمعن يبا يتاكد ما هان علي . .

    انا : انا مهره . .

    يدي : مهره . . جي واقفه بعيد . . تعالي ابوي . .

    تقربت منه وانا امشي مشيه مكسوره . . تقربت عند رويلاته وحظنتهم وحطيت راسي وتميت اصيح بهدوووووووووووووووء . . اصيح ع اليوم المتعب . . تميت اصيح واصيح واصييييييييييح واطلع كل تعب فيني بصياح . .

    انا : تعبت . . ماعاد فيني حيل لـ شي . . ماعاد فيني حيل اتحمل شي . .

    يدي يربت ع ظهري : تهون يا بنتي تهون . .

    انا خانقتني العبره واصيح : ماتهون يدي ما تهووووووووون . . كله تقولي تهون بس ماتهون . . انا تعبت ماعرف شو اسسسسسسوي ماعرف . . تعبت من كل شي يدييييييييه

    يدي : اتركي كل شي مثل ما هو . .

    تميت اطالعه . .

    يدي : خلي الامور تمشي مثل ما هي . . لا تغيرين شي . . والي ربج كاتبه بيصير . .

    يدوه دشت : وليد جيه واقف عند الباب ؟؟

    صديت شفت ان وليد واقف عند الباب . .

    وليد : مهور يالله خلينا نروح عند عنود . .

    يدوه : انتو اليوم بلاكم لاصقين في بعض هااااه ؟ وليدوه يالهرم . . هاي بنت عمك ترى . .

    وليد : بسم الله عليج يدوه . . ادريبها بنت عمي شو بسويبها انا . . بنسير بنزور بنت عمي بعد

    يدوه : تعال انزين احدر تعشا عندي " تبتسم " خخليت الشغاله تسويلك معكرونا الي تحبها . .

    انا : يدوه انا احبها اكثر . .

    يدوه : انتي محد عزمج . .

    وليد يبتسم : قسم بالله جي خاطري يدوه اشلج وادور فيج وادور وادور

    يدوه : تبا تموتني مسود الويه . . تبا قلبي يوقف . .

    وليد : بسم الله على قلبج دلوعتي . .

    انا تميت اطالع يدوه بتمعن . . سبحان الله كيف لها اسلوب خاااااااااااص مع وليد . .

    وليد يطالعني : اكيد غيرانه . .

    يدوه : خلها لاصقه في خشم يدك . . كلهم يحبون يدك ما يدانوني . .

    انا : حرام عليج يدوه . . كلنا نحبج . .

    يدوه بصوت واطي : اسمع الخرط . .

    وليد : هههههههههههههههههه . .

    يدي يبتسم : دلوعه هاي يدتكم من صغيره دلوعه

    يدوه تطالع وليد : من دلعي وانا صغيره حتى ما خذا علي ولا حرمه . . مع ان كل اخوانه ماخذين 4 . . " تحط الشيله على عينها بدلع "

    وليد : ياويلاه ماروووووووووم ماروم . . لا تغريني . . لبى هالعيون . .

    انا : هههههههههههههههههه

    يدوه : وانتي ليش شاقتلي حلجج ؟ امرره عيوني غاويه وطبيعيه وحلوه بجحال مش بألوانكم الي تحطونها

    انا : انزين يدوه ما قلت شي انا " ابتسمت " اصلا اناعيوني حلوه لاني طالعه عليج .

    يدوه : انتي تشبهين امج ماخذتي شي مني

    وليد : ههههههههههههههههههه امايا بسج تجريح فيها . .

    يدوه : هااه اغرفلك العشا . . ترا توه مخلص وحار

    وليد : لا بودي بنت عمي تشوف اختها . .

    بدوه : عنود ما بتطييييييييير . . كل وبعدين ودها " تطالعني " ارمسي قولي شي

    انا : هيه هيه . . كل بعدين بنروح . .

    وليد : انزين قوليلهم يحطونه . .

    يدوه تقوم : انا بسير احطلك . . ماخلي البشاكير يهبشون اكلك . .

    يدي : يا ليت تعاملني شرات ماتعاملينه

    يدوه : انته بعد شيبه دلوع اشوفك استويت . .

    انا ابتسمت . .

    وليد بصوت يادوب انا اسمعه : تسلملي الابتسامه الحلوه . .

    فجيت عييني ع وسعهن . .

    وليد : بسمت يدوه غاويه ترى . .

    انا : هيييييه اتحرا ..

    وليد : الله يخليهم لنا . . حلاوه الدنيا يدي ويدوه

    انا : هيه والله . . الله لا يذوقنا حزنهم ف يوم

    يدي : ولا حزنكم في يوم يارب . .

    وتقربنا من يدي وسرنا نقعد صوبه ونسولف لين يدتي يابت العشا وانا نشيت عاونتها وتمينا نترتب الصفره وكلنا . .

    شوي ودخلت الشغاله وشاله معاها صقوري ومن شافني ربع صوبي يصييح . . ودرت الاكل وشليته . .

    انا : حبييييييييبي انا شوه فيك . . ليش تصيييييييح . . " ارمس الشغاله " بلاااااه

    الخدامه : مافي احد داكل بيت . . هو يسيح يسيح يدور ماما يدور بابا يدو بابا كبير يدور ماما كبير يدور

    وليد يقاطعها : انزين انزين اسكتي . . بتيلس تعدد لنا افراد العايله

    الخدامه : يدور كلو نفر مافي داخل بعدين هوا ما يريد نومييي مع انا . .

    انا : الله ياخذننننننننني كله مني كيف نسيت

    يدي : مهرررررررررره

    وليد يضربني ع راسي : انتي خبله تدعين ع روحج . .

    يدي : كم مره قايلج شلي هالدعاء . . كم مره قايلج لا تدعين ع عمرج

    انا : نسيته نساااني الموت

    وليد : هههههههههه توا تدعي ع عمرها والحين نساني الموت

    انا : صقوري حبيبي . .

    صقور كان متعلق فحظني ومدخل ايده داخل الشيله وماسك رقبتي بقوه ومغمض عينه . .

    انا : وفديييييتك وفديتك . .

    وليد يبتسم ويمثل انه مستحي : بس عاد مش جدام الناس . .

    يدوه تفلعه بشوكه . .

    وليد : اااه بلاج . .

    يدي : مهره خليه معاج . .

    انا : هيه هيه اكيد . . بسير بشل له ثياب وبرقده عندي . . " ارمس الشغاله " خلاص انتي روحي نامي انا بخليه ينام عندي . .

    الشغاله : سوي كلام بابا عبدالله تلفون قولي حق هوا . .

    انا : اوكي . .

    وسارت

    وليد : وعنود . .

    يدوه : برايه لا تروحين عند عنود الكل معاها محد بيقصر . .

    يدي : هيه صدقها . .

    انا : هيه ماقدر اخلي الولد بروحه . .

    يدوه : قولي اسمممممممممه . . انتي ماتفهمين . . بيلصق ف لسانج لين يكبر . .

    انا :انزين يدوه خل يلصق انا ما اسسسسسبه ..

    يدوه : انا في يوم من الايام بمرغج بنعال على طول الللسان وعلى المرادد . . يوم حد كبير بيرمس انطبي واسمعي . . لا تراددين . . ما استعجب يوم بغا يصفعج عمج .. من لسانج الي يباله قص . . ماترومين تسمعين وتصخين . .

    انا : ماروم ماروم . . ماتحمل احس اني بموت

    وليد : ههههههههه . .

    يدوه : قومي قومي ماتبين عشا . .

    انا : هههههههه حرام عليج يدوه بعدني يوعانه . .

    قعدت اسد يوعي بكمن لقمه والولد فحظني . . وبعدها نشيت . .

    وليد : وين سايره . .

    انا : بسير بيت عمي حمد بشل له ثياب . .

    وليد : يالله بي معاج . .

    يدوه: انت ليش لاصق ف ظهرها اليوم . .

    يدي : عيل تبينها تروح ف هالليل بروحها ..

    يدوه : بيت عمها مجابل بيتها وبعدين كلنا اهاليه فالفريج مافي غريب

    يدي : انزين مهره روحي روحج

    يدوه : لالالا شو تروح روحها فليل يمكن يخطف رغيد ولا بنقالي يتحرش بها

    يدي : عيل انتي الي انطبي من البدايه

    يدوه : عجيييييييييييب امرك . . انا الي انطب الحين يالشيبه

    يدي : قومي قومي شلي العشا الريحه تامه فخشمي ودخني البيت خلينا نرقد بريحه زينه

    وليد يبتسم ويرمسني بصوت واطي : خل نشرد قبل لا نزيد الطين بله . .

    يدي : وليد

    وليد : امرني يدي

    يدي : وصلها بيت عمك . . وادخل معاها شلو ثياب وعقب تم فالبيت لين تي امها . .لاتودر البيت محد فيه الا هي سمعتني . .

    وليد : اكيد يدي لا توصي . .

    يدي : واتصل فـ امها بعد خبرها انك فالبيت . .لأا تستفرد مع البنت ومحد عنده خبر . .

    وليد : ان شاء الله وانا رايح الحين بتصل . .

    يدوه : عيال نوره راقدين من وقت ولا جان خليتهم يباتون في بيتكم . .

    وليد : تخافون مني ؟ ولو انا محشم بنت عمي وصايننها . .

    يدوه : محد قاااااال ولا شك فيك . . تربيتي واعرفك . .

    يدي : انا اوصيك ابوي . . شوفها اختك لا تشوفها حد ثاني . .

    وليد عاقد حياته : اختي . .

    انا اطالعه : هيه اختك بعد شو

    وليد : هيه خير ان شاء الله . . أمشي امشي اختي

    انا ابتسم : انزين اخوي

    وليد : عيديها مره ثانيه انا الي بمرغج بنعال مش يدوه . .

    سلمنا على يدي ويدوه وطلعنا من البيت وانا شاله الولد بحظني . .

    وليد : هاتيه عنج اختيه

    انا : مشكور اخويه لو شليته انته بيقوم






  3. #13
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    طلعنا من الباب الجدامي . . لانه لو دخلنا الباب الوراني بنخطف صوب الميلس الي قاعدين فيه عيال عمي . .

    وليد : صبري اترييني اهني بجدم السياره . .

    انا :اوكي

    وليد : ولا اقولج تعالي تعالي ويايه . .

    انا : انزين بتجدمك بيت عمي الا هذا هو . .

    وليد : لالالا . . ماسمعتي يدي ويدوه كيف يوصون . . انتي اامانه الحين اختيه

    انا ابتسم : هههههههههه . . انزين .

    ومشينا سوى لين ورى البيت وركبنا السياره وسرنا بيت عمي حمد . .

    دخلنا وكان البيت صخه . . دخلت غرفه عنود وحطيت الولد ع السرير . . شليت له كم غرض ووسمعت صوته . .

    سيف : انت شـ تسوي اهني . .

    وليد مارد عليه . .

    اتنهدت بضيج وشليت الولد والشنطه الصغيره الي فيها الاغراض وطلعت وسكرت الباب . . انصدم سيف يوم جافني . .

    وليد شل عني الشنطه : يالله خلينا نروح . .

    مشيت وراه متجاهلة سيف لكن . .

    مسكني سيف من جتفي : انتي من صدقج الي يالسه تسوينه . .

    مسك وليد ايد سيف بقوه ونزلها : ما اسمحلك . .

    سيف عاقد حياته : انته منو عشان ما تسمح لي . . مهره بعدها محيره لي ودامني ما حللتها ما تقدر ترررررررررررررتبط بواحد غيري . .

    وليد يبتسم : هه انت روح اقنع ابوك اول . .

    سيف : قنعته ولا ماقنعته مهره محد يستجرأ ياخذها غيري . . لا انت ولا عشره من امثالك . .

    انا : بختار الموت ولا اني ارتبط فيك . . محيت 21 سنه من حياتي اليوم . .

    سيف : عشان واحد مثل هذا . .

    انا : بسك استخفاف فالناس . . لا عشان هذا ولا عشان غيره . .

    سيف : عيل ؟

    انا : يكفيني اني اكتشفتك ع حقيقتك . . وبعدين اذا ع قولتك مابتحللني لحد . . ماراح ارضى فيك حتى لو ما حللتني . .

    سيف يبتسم باستهزاء : ولا وحده من بنات العايله تزوجت برضاها . . شرات ما خذو اختج غصب راح تاخذيني غصب . .

    وليد : دام راسي يشم الهوا . . محد بياخذها غصب . .

    واااااااااااااااااااااااااااااايد ارتحت . . ارتحت بشكل فظيع لما قال وليد هالجمله . . تميت اطالعه بعيون براقه وبقلب يخفق امل وراحه . . ريحني وايد وايد بشكل ما يوصف . . لوو ابوي حي جان قال نفس هالجمله . . .

    ابتسمت براحه فظيعه . . ومشيت عن سيف وانا متجاهله كل نظراته ولحقني عقبها وليد . .

    وليد : يعني ليش لازم نتلاقى فيه وين ما نروح

    انا : بروحي مادري . .

    وليد يبتسم : ايدج ماعورتج وانتي شالتنه . .

    انا اتقرب من الولد وابوس ويهه واشم ريحته : ابد . . ما اتعب وانا لامتنه فحظني ابد ابد ابد . .

    وليد يبتسم : ياويل حالي . . ليتني هالكبر عيل . .

    انا : ههههههههه وع . .

    وليد : ههههههههههههه . .

    تمينا نمشي رايحين بيتنا . .

    انا اطالعه : مشكور . .

    وليد يمشي بدون لا يطالعني : على شو . .

    انا : على كل شي سويته لي اليوم . . وقفتك . . كلامك . .

    وليد يبتسم ويطالعني : افا عليج اختيه . . حاظر لج " يدق ع صدره " اي وقت فالخدمه

    وصلنا البيت ووقفت عند الباب : الجمله الي قلتها قبل شوي . . ذكرتني بـ ابوي . . لو كان حي جان قال نفس الشي . .

    وليد يحط ايده ع راسي : فديت بنيتي . .

    انا ابتسم : ههههههههه

    وليد ينزل ايده : ماتلاحظين اليوم كله تقوليلي شرات ابوي شرات ابوي . .

    اانا ابتسم : اخرتها بزقرك باباه . .

    وليد تغيرت ملامحه 180 درجه . . تم يطالعني بانهبار . .

    وليد : شو بتزقريني . .

    انا بعفويه : بااااباه . .

    وليد يعض ع شفاته بقوه ويمسك قلبه : اخخخخخ . .

    انا : شفيك . .

    وليد : احين عرفت ليش الشباب يستانسون ع هالكلمه

    انا عاقده حياتي :اي كلمه . .

    وليد يبتسم : سلامتج . . ازقريني دوم باباه انزين

    انا ابتسمت : يالله سير خلص امورك .. وايد عطلتك اليوم . .

    وليد : اي امور . .أليوم الجمعه ماعندي شي . .

    انا : اول اسبوع تقرر فيه .. ضاري بكل جمعاتنا تتغدى ومانشوف ويهك . . حتى مرات ما نشوفك اذا ييت او مايييت . .

    وليد : انا اصلا ما ابا اي لكن افك روحي من حشره يدوه . . ادريبها بتاكلني اكال . .

    انا : والله احمد ربك عايلتنا بعدها ملتزمه بهالجمعات . . احين وين تحصل عايلات جيه . . الكل ما يدري عن هوا داره . .

    وليد : تبين الصدق انا دوم افكر بهالرمسه . . يدي ويدوه سوو هالشي من كنا صغار . . لين كبرو ابهاتنا وكل واحد صارله بيت . . وبعدهم يسوونه . . وحتى الي ما يي يدي ويدوه يلعنون اسلاف اسلافهم . . الله لا يبعدهم عنا . . اخاف يي اليوم الي نخسرهم فيه وتتششتت العايلات كلها . .

    انا :فال الله ولا فالك شو هالكلام . .

    وليد : ليش تتحرين الكل يحبون بعض . . نصهم مجامل لكن بحكم ان اوامر عليا يجاملون . .

    انا اتنهد : اعرف . . ام سيف ما تحب امي . .

    " مشينا ودخلنا البيت "

    وليد : وسيف ما يواطني . .

    انا : انت ماتداني شيخو . .

    وليد : وووووووووع . . لا تيبين لي طاريها . .

    انا ابتسم : عبدالله ما يحب عنود

    وليد صدلي . . : شو . .

    انا : عبدالله يحب خلود . .

    وليد منصدم . .

    انا : وعنود تحب عبدالله . .

    وليد : . .

    انا : وخلود تحب عبدالله . . بس ماتبا تجرح عنود

    وليد بعده مندمج يطالعني . . دخلنا الصاله وحطيت الولد على الغنفه . . وقعدنا على الغنفات هو على غنفه وانا فالغنفه الي مجابلتنه

    انا : ابوك ما يحب ابوي الله يرحمه . .

    وليد : الله يرحمه . .

    انا : امي ماتحب عمي حمد . .

    تنهدت . . : عمي حمد ما يدانيني . .

    انا : عميمه نوره ماتحب ابوك . .

    وليد بصوت خفيف : لانه طلقها من ريلها . .

    انا : مروان يبا شما . .

    وليد : . .

    انا : وشما ماتعرفه . .

    وليد : . .

    انا : انا احب سيف . .

    وليد رفع عينه يطالعني عين بعين . .

    انا : وسيف بياخذ بنت خاله . .

    وليد يتنهد . .

    انا : ميره تحبك وتموت فيك . .

    وليد : وانا احبج انتي . .

    انصب الدم كله فويهي وتميت اطالعه عين بعين . .

    وليد : لكن مع ذلك . . كلنا عايله . . وقلبنا على قلب بعض . . رغم ما ان في نفاق ومجامل . . رغم اني مشاكل وامور مخفيه مانعرفها . . بعدنا اهل . . وهالجمعات على مدار السنين تذوب الحطب الي بينا . . تفرق وتجمع . . تجمع وتفررق . . لكن . . تبقى رابطتنا قوية . . وكله بفضل ربي وثم يدي ويدوه

    انا بعدني مركزه على قبل هالكلام . . معقوله وليد يقصدها . . متى حبني وليد . . وليش حبني . . انا قريبه ولله الحمد من كل بنات العايله وكل شباب العايله . . والكل يعرف اني انا احب سيف ومحد استجرأ يكلمني بحنيه شرات ما يكلمني وليد . . كلهم يعرفون ان سيف الي لازم يسوي هالشي لانه هو الي بيني وبينه حب وعشره وبيصير زواج فـ كله كانو يطيحون فيني ويلعوزوني . . حتى يوم يشوفوني ضايجه ما يسالوني شفيني . . يسالون البنات الي معاي بس مايتعنون يسالوني . . عمي حمد وايد يكره الكل فيني وكله يقولي انتي مش متربيه مش متادبه . . صح انهم ما يرضون ويعصبون من كلامه بس ما يدافعون عني . . . ليش وليد يته الجرأه مع انه يعرف ان قلبي مملوك لـ سيف . .ليش وليد اليوم وايد اشوفه وكني اشوفه اول مره . . تصرفات غريبه . . وحنيه واهتمام زايد . . صراحه . . جرآءه . .

    وليد : حفرتي ويهي .

    انا : هاه

    وليد : حفرتي ويهي من كثر ما تطالعيني وتفكرين . .

    انا صديت الصوب الثاني : ماكنت اطالعك . .

    وليد : شاركيني الي تفكرين فيه . .

    انا : ماكنت افكر بشي . .

    وليد : ودري عنج . .

    انا : صدقني . .

    وليد : متى عرفتي كل الي عرفتيه عن العايله . .

    انا : من هالجمعات . .

    وليد يبتسم . . : في شي ماعرفتيه . .

    انا : الي هو . .

    وليد : اني على كثر ما اكره شيخه . . على كثر ما كنت عاشقنها في يوم . .

    انا انصدمت : شو . .

    وليد : شيخه كانت اول حب في حياتي . . " يبتسم "

    انا : وليش .. اقصد كيف ومتى وليش كرهتها

    وليد : مابا اتكلم فالموضوع . . الله يستر عليها . .

    انا : قول لي والله ما بخبر حد . ..

    وليد : ادريبج ما بتخبرين حد بس ماريد ارمس فالموضوع . . شرات ما قلتلج . .الله يستر عليها . .

    انا انصدمت . .

    وليد: وعلى فكره . . تعرفين ليش ميره تموت فيني ؟

    انا : ليش؟

    وليد : لانها تعرف وشافت كل شي . .

    انا بصدمه : ميروه . .

    وليد : هيه . .

    انا : مستحيل ميروه ماتخبي عني شي . .

    وليد يبتسم : لاني وصيتها ما تخبر ولا تيب طاري لـ أي حد . . ولو انتشر الموضوع بعرف ان منها . . فـ كتمت سري . .

    انا : علشان جي كانت ترفضك يوم تخطبها

    وليد : لان تعرف اني كنت عاشق . .

    انا : وكيف نسيت الحب . .

    وليد : الايام نستني . . وكنت اشوفها واستحقرها واسبها ف داخلي لين كرهتها . .

    اناا بعدني مصدومه

    وليد : ع فكره ما اكرهها . . حتى الكره اختفى .. صرت اشوفها بنت عاديه حالها حال اي حد . .لكن اتعمد ابينلها اني اكرهها . .

    انا : ااااه . .ع كثر ما اعرف اكتشفت اني ماعرف شي . .

    وليد يبتسم . .

    انا : خبرني شو الي بينك وبينها عاد وليش

    وليد يقاطعني : حرام روحي وديه يرقد ع سرير بتعوره رقبته . . يالله روحي واانا بتصل لامج بخبرها اني اهني . .

    تبطل الباب ودشت اميه و وراها ميره وعنود وعميمه . .

    اميه تطالع وليد وتطالعني . .

    وليد يقوم ويبتسم : عمرج طويل توني بتصل فيج بستاذنج اني كنت بقعد لين توصلون . . يدي وصاني ما اخلي بنت عمي روحها فالبيت . .

    عميمه تطالعنا بصدمه . .

    وليد : بلاكم . .

    عنود تدخل : السلام عليكم . .

    انا سرت صوبها : ليش طلعتوها من المستشفى . .


    اميه : هيه ما بغت اتم الله يهديها . .

    انا : عنودي ليش ماتميتي . .

    اميه : خلاص لاتحنون ع راسها ساعديها وديها الحجره . . " تطالع الولد " فديت صقر ليش مرقدتنه اهني

    انا : توني يايببه اغراضه من بيت عمي . .

    اميه : وديه الحجره خل يرقد . .

    عنود : هاتيه حجرتي . .

    انا : لا بترقدون عندي انتو الاثنين . . يمكن تتعبين قلبي ما بيطاعوني . . ميروه وديها حجرتي وانا بييب الولد

    وليد : عيل انا اترخص . .

    اميه : مرخوص ابويه . . مشكور ما قصرت " تبتسم " مهره اميه هاتي الولد وانتي وصلي ولد عمج ..

    عميمه نورة : وصلوني انا بعد . .

    وليد : يالله . .

    انا : امايا بوصل عميمه نوره البيت وبسلم ع يدي ويدوه وبقولهم يصبحون ع خير وبرد

    اميه : يا اميه احين بتي الساعه 11 وين تروحين لهم فهالليل . .

    وليد : انا بووصللها عموه لين باب البيت وبدزها داخل وبسكر الباب لا تحاتين

    اميه حسيتها مش مرتاحه من نظراتها : انزين ابويه . .

    وطلعنا . .

    عميمه نوره كانت فالنص وعلى يمينها وليد وانا على يسارها . .

    عميمه : شسالفتكم انتو . . اليوم كل ما رفعت عيني شفتكم سوى . .

    وليد : قولي ماشاء الله عميممممه . .

    عميمه عاقده حياتها : ماشاء الله على شو ؟

    وليد : هههههههههههههه على ماشي بسم الله كلتنا . .

    عميمه نوره تجابلنا : عن المشاكل انتو الاثنين . . لا تخبلون فـ سيف تراه غالي ومايهون علي

    انا اتنهد بضيج : اثرج ماتعرفين شي عميمه . . وبعدين لا تحاتين . . مابيني وبين وليد اي شي . . هو اخوي وانا اخته . .

    وليد : قصدها انا ابوها وهي بنتي . .

    عميمه : اخو ولا يد ولا عم . .المهم مابا اعرف ان بينكم شي .

    .عميمه كانت يايه تدخل بس وليد زقرها . .

    وليد : عميمه ؟

    عميمه صدت . .

    وليد : ولو صار بيني وبينها علاقه شـ راح يصير ؟

    عميمه تمت تطالعني وتطالعه . .

    وليد : ماظن اني بجرح بنت عمي ولا اني بقص عليها وبخدعها . .

    عميمه : انت مش قد الي بيصير . . ولا قد الي بيسويه سيف . .

    وليد : انا ما اخاف الا من ربي . . وسيف لو يقدر يسوي شي جان سوا وخذا مهره من سنين . .

    عميمه : محد راح يرضى بـ أي شي ناويين عليه انتو الاثنين


    وليد : وانا عكس سيف . . بحارب وبسوي كل شي علشان إلي ابيها . .

    انا صديت له باهتمام : وليد . . مابيني وبينك شي علشان تقول هالكلام . .

    وليد يطالعني . .

    انا اطالع عميمه : مابيصير بيني وبينه اي شي في يوم لا تحاتين . .

    ابتسمت عميمه ودشت . .

    انا كنت يايه الحقها بسلم ع يدي ويدوه لكنه جابلني ومسك جتفي بايدينه الهنتين . .

    وليد : ليش ؟ ليش من شو خايفه ؟

    انا نزلت ايده : لا تللللمسني بسك وقاحه ..

    وليد يرد يمسك جتفي بايدينه الهنتين : حطي عينج بعيني يوم ترمسييني لا تتهربين بنظراتج

    انا نزلت ايده بقوه : قلتلك لا تلمممممممسني . .

    وليد : مش بس سيف جبان . . انتي بعد جبانه . .

    انا اطالعه : انا مش جبانه . .

    وليد : جبانه

    انا : مش جبانه

    وليد : جباااااااانه

    انا اعلي صوتي : قلتلك مش جباااااااانه

    وليد : اثبتيلي . .

    انا بلعت ريجي ..

    وليد : جفتي . .

    انا : جبانه لانج تحسين انج ماترومين تطلعين من حب سيف وسيطرته . . جباانه لانج ما تبين تودرين هالعلاقه الفاشله الي بينج وبينه . . جبااااااااانه لانج ماترومين تواجهينه بحب ثاني . . جبانه لانج ماتقدرين تجرحينه شرات ما يجرحج . . جباااانه لانج تعرفين ان من داخلج مذلوله له ومستعده تسوين كل شي لرضاه لكن ما تسلمين قلبج لحد ثاني . . جباااااااااانه لان

    وسكت لان شاف دموعي تنزل وبلعت ريجي بحسره . . شاف احباطي وتعبني وعذابي . .شاف دموعي بكل سهوله . . رابع مادري خامس مره يجوف دموعي اليوم . . انا الي اتجنبت دموعي حتى بوفاه ابوي صرت اصيح جدام هالوليد . .

    وليد تقرب مني وبجـرائته مسك ويهي ومسح دموعي : انا اسف . . ماقصدت انزل دمعتج . .

    غمضت عيني ومسكت ايدينه ونزلتها من ع ويهي وعطيته ظهري ومشيت . . حسيته يلحقني بهدوء . . لكن ما صديت . . اكتفيت اني امشي وامشي لين وصلت البيت وسديت الباب بخفه






  4. #14
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    البارت الـ سادس

    سكرت الباب وتميت افكر . . كان عندي احساس كبير ان وليد بيكون ورى البيت . . وتاكدت من احساسي لما رن تلفونه . . لكن ما تجرأت افتحت الباب واشوفه . . أحس الي صار معاه اليوم اكثر عن غريب . . وايد كنا قراب ووايد شافني بحالات مختلفه . .


    دخلت البيت وشفت اميه ف ويهي . .

    اميه : شو فراسج انتي ؟

    انا باستغراب : شفيج امايا . .

    اميه تزاعق : شو فراسج . . منو تبين . ؟

    انا : امايا بلاكم كلكم عليّه من كل صوب . . من كل صوب واقفين ضدي . . انتي ماتعرفين كيف انذليت اليوم ماتعرفين شي . .

    وانهرررت . .قعدت اقولها كل شيي صار بالضضضضضضضبط . . بكل حذافيره . . مع عمي مع سيف ما خليت شي . .

    اميه تصيح : حسبي الله ونعم الوكيل فيك يا حمد . . حسبي الله ونعم الوكيل فيك . .

    انا : عممممممممممي ليش ما يدانيني . . ليش ما يدانينا ولا يداني ابوي . .

    اميه تمسح دموعها وتقوم . .

    انا : امايا لاتروحين خبريني . .

    اميه : انا باجر بتصل في مرت عمج بقولها ان مانباه سيف . .

    انا بصدمه : شو ..

    اميه تصارخ : شو بعد شو . . بروحج تتشكين منه ومن الي يسويه وماتبينه . . حق شو اخليج معلقه والناس ترمس عليج لا شافتج مع وليد . .

    انا : مابيني وبين وليد شي . .

    اميه : تبين سيف ؟ بتصبرين على ضيمه وعلى كل شي يسويه ؟

    انا بتردد تميت ساكته

    اميه : يوم بيكون عندج جواب خبريني

    انا : ماباه . . خبريهم . .

    شافتني اميه نظره وراحت بعدها . .

    تنهدت وصعدت فوق وجفت ميره واقفه ع الدري فوق ..

    ميره تطالعني : شو بينج وبين وليد . .

    انا باستغراب : ولاشي . . ذبحتوني بهالسؤال . .

    ميره تمسك ايدي وتنزل دمعتها : مهور تعرفين اني احبه واموت فيه صح . .

    انا ابتسم : اعرف . . وتطمني ما بسوي شي يجرحج . . وليد مجرد اخو مش اكثر . .

    ميره : متاكده

    انا : متاكده . .

    ميره : عيل ليش بتودرين سيف . . انتي وايد عانيتي لكن ماقلتي بتودرينه

    انا : لاني تعبت ميره . . تعبت . . محد حاس بلي انا امر فيه . .

    ميره : لكن

    انا : دخيلج ميره . . مريت بيوم وايد صعب ما احس اني قادره اتكلم اكثر . . اعفيني من الرمسه اليوم . .

    ميره : عنود من وصلت وهي تصيح . . " تنزل راسها " روحي جوفيها .. شكلها هي بعد بتطلق

    انا بصدمه : شووووووووو . .

    ميره : مادري ليش اخواني الاولاد معذبينكم . .

    اانا : شصار خبريني . .

    ميره : برجع البيت الحين . . عنود بتخبرج . .

    انا : شو يردج هالوقت باتي عندنا . .

    ميره : بيتنا الا دقه حصااا . .

    انا : بوصلج

    ميره : لا توصليني مهور سيري جوفي عنود

    انا : لا شو بوصلج . .

    ونزلت معاها مره ثانيه لين الباب وطلعنا سوى . . وانصدمت يوم شفت وليد . .

    ميره تطالعه : انت شو تسوي اهني

    وليد يطالعني : ماخلصت رمستي معاج عشان تقفين وتسدين فويهي . . ومابروح من اهني لين اكمل الي عندي . .

    ميره تطالعني : قلتيلي مافي شي بينكم . .

    ومشت بعصبيه بسرعه .. .

    انا : ميرووووووو . . والله مابينا ششششششي تعاالي . .

    وليد مسكني من جتفي : ليش تقولين للعالم كله ما بينا شي . .

    انا : بسسسسسسسك لا تقعد تمسكني كل ما حلا لك . .

    وليد يجابلني : ليش ما قلتي لها اني قلتلج احبج ليش . .

    انا :هدنننني . .

    وليد : خليها تعرف . . ليش تخلينها تزرع امل وتعيش ف وهم . .

    انا : لان عمره ما راح يصير شي بيني وبينك . . وهدددددددني عاااد خلاص ..

    وفجيت ايدي بقوه . .

    وليد يطالعني عين بعين : جبانه . .

    اطالعته ثواني وبعدها قفيت ومشيت . .

    وليد : لحظه . .

    وقفت وبعدني عاطتنه الظهر . .

    وليد : اذا قفيتي ورحتي . . انسي كل حرف قلته لج اليوم . . لا تذكرينه ابد . . واوعدج بالباجر او الجمعه الي اليايه او اي وقت اشوفج اعاملج شرات ما كنت اعاملج قبل . . لكن بتم فكره انج جبانه في بالي طول ما انا حي . . ولو صديتي . . بعرف انج تبين امل ثاني . . وبصبر وبترياج وبحاول اكسب قلبج وانسيج كل مر . . وبتبتيلي انج مش جبانه ..

    كلامه كان قوي . . تاثرت بلي قاله . . ماعطيت نفسي المجال افكر بكلامه وو قفيت عنه ودخلت من غير ما اصد له . .

    دخلت وسديت الباب وماعطيت نفسي المجال افكر بشي . . صعدت عند عنود بسرعه ودخلت عليها جفتها متكوره على الولد وتصيح ..

    سرت صوبها وحظنتها وانا قلبي يعورني على حالها . . تميت اهديها وامسح على راسها . .

    .

    .

    .

    عبدالله بجمود : الحمدلله على السلامه . .

    عنود تدمع : عبدالله انا فيني مرض صعب احمل مره ثانية صعب . .

    عبدالله : ماعليه " يقعد ع السرير " مش لازم تحملين . . اصلا انا ماباج تحملين . .

    عنود تطالعه وتمسحه دموعها . .

    عبدالله : عندنا واحد والحمدلله مش محتاجين غيره . .

    عنود : في ريال يقول هالكلام . . استغرب منك . .

    عبدالله يصد الصوب الثاني : لاتستغربين من شي

    عنود تمسك ايده : لو عايفني هالكثر ودرني . .

    عبدالله يهد ايدها : بينا ولد . .

    عنود فاجه عينها ع وسعهن وتنزل دموعها : عشان بينا ولد بس . .

    عبدالله : خلج حرمه عاجل وودري عنج هالرمسه

    عنود : عبدالله منو إلي تحبها . .

    عبدالله يطالعها : . .

    عنود : خبرني منو الي تحبها وانا حرمتك منها . .

    عبدالله : ماحب حد . .

    عنود : منو الي معذبتنك هالكثر . . بروحلها لين ريلها وبحبها وبترجاها ماتعذبك . . عرس علي . .انا راضيه والله لكن مابيك تجفيني بهالطريقه وجني السبب في دمار كل شي . . انا حالي حالك ضحيه مالي راي ولا شور .

    عبدالله ساكت ويطالعها . .

    عنود تطالعه : ماحس بيوم ممكن تحبني . . لا تبقى معايه على الفاضي . .

    عبدالله : انا ماتام معاج ع الفاضي . . خبرتج بينا ولد . .

    عنود تصارخ : لا اتم معاي عشان ياهل بسس . . " تضربه " روح مابا اشوفك روووووووووح . .

    عبدالله يمسك ايدها : بسس . .

    عنود توخر ايدها : اطللللللللللع برع . .

    ميره تدخل : عنود شفيييييييييج . .

    عنود تصيح : خل يطلللللللللللع برع مابييييييييييي اشوفه

    ميره : عبدالله شو تسوي فيها بعد . . حرام عليكم الي تسوونه في بنات عمي والله حرام ماتخااااااااااافون مافيكم قلب عندكم خواااااااااات شرات ما تعذبون عيال الناس بيعذبووونا

    عنود : ميره منو الي يحبها اخوج . . " تمسح دموعها " انا ادري انها وحده من الاهل . . منو هي خبريني . .

    ميره تطالع عبدالله . .

    عبدالله : شو بيأثر لو عرفتي منووووووووووو شو بيأثر . .

    ميره تروح صوب عبدالله : اطلع برع خلها خلاص البنت مش ناقصصصصصصصصصصه . .

    عبدالله : ولا انا ناقص اي هم . . ما تباني خل ننهي الي بينا الحين . .

    ميره : استغفر الله شو هالكلااااااام . . تعوذ من الشيطان . .

    عنود تصيح : قاسي . .

    عبدالله يطالعها : أنا مش قاااسي . . والله مش قاسي . . " تبرق عينه " انا ماحبيتج بس وهذا مش ذنبي . . مش ذنبي اني ماحبيتج عنود افهميني . .

    عنود تطالعه : وانا مش ذنبي اني ابتلي بواحد شراتك . . انا بعد مش ذنبي . .

    ميره : دخييييييييييييلك عبدالله روح الحين روووووووووح . .

    .

    .

    .

    عنود تنوح : لين متى بصبر . . لين متى بتم على زواج بدون حب ولا اهتمام ولا مراعاه مشاعر . . حتى ما يقدرني ولا يحطلي اعتبار . . " تطالعني" ما يشاورني ولا اعرف اخباره ولا اي شي عنه . . تبين تنصدمين اكثر . .

    تميت اطالعها بعذاب

    عنود : ما لمسني الا لما حملت فـ صقر وهجرني . . هاجرررررررررني من فتره طويله هاجرني . . ما يباني . . كله مبتعد مبتعد مبتعد . . انا ماعرف هو شو يحب وشو ما يحب . . شو الي يستانس عليه وشو الي يضايقه . .

    انا : تحبينه . .

    عنود : احبببببببه . .والله احبه . . مجرد ما خطبوني له وانا احبه وارسم فيه احلام . . مارمسني فالملجه وحطيت له عذررررر . . كل البنات كانو يتخبلون على فتره الملجه والدلع الي يصير فيه . . انا حتى هو ما كان يتعنى يزورني ..كنت اشوفه من جمعه لين جمعه لا وبعد ما يسلم علي وانا احط له اعذااااااااااااار وخلود تقول لي اكيد يستحي لا تلومينه . . اعذريه . . وانا كله احطله اعذار وربي . .

    انا : خلود . .

    عنود : خلود اكثر انسانه مخلتني اتحمل واتصبر . . هو كان رااافض الحمل بالاساس هي الي خلتني اقنعه واقوله ابا ياهل . . هيه الي قالتلي ان كل شي بينا ممكن يتصلح . . لكن ما اتصلح شي ابد ما تصلح شي . .

    تنهدت بضيج وغمضت عيني . .حتى انتي يا خلود ضحيه . . تنصحين ربيعتج لـ حبيبج . . ياكبرها . . ليش اهلنا جيه ليش . . ليش ما يكبرون على هالزواج . . ليش للحين في عايلات تغصصب . . يرضيهم يجوفنا متعذبات .. يرضيهم يجوفنا نعاااااااني . . يرضيهم في يوم يجوفونا مطلقققققققات . . حتى الرياييل ما سلمو . . حتى الرياييل يرضون يسوون شي ما يبونه والضحيه منو . . منو غيرنا ضحايا . .

    هديتها وخليتها تتكلم وتتكلم لين اذن الفجر . . وبعدها صلينا و نامت . . همتني وايد . . دعيتلها من قلبي . . الله يفرج همج يا اختي . . الله يكتبلج الي فيه الخير ياااااااااااااارب . . وبعدها سويت للولد حليب لانه كان يفتح عينه وشوي وبيصيح و انسدحت حذالها وشليت الولد صوبي وحطيته على ايدي وحطيت المرضعه ف حلجه لين رقد مره ثانيه وخلصها وبعدها رقدت . .

    .

    .

    .



    على ظهيرة يوم السبت . . نشيت على رنة تلفون . . صديت يمين ويسار ما لقيت الولد ولا لقيت عنود . . سحبت التلفون صوبي وانصدمت ان المتصل سيف . . مارديت عليه وعقبها بشوي وصلني مسج منه

    " انزلي انا تحت . . الشغالات عيزن وهن يدقن عليج ماتفجين "

    اتخبلت ماعرفت شسوي . . نشيت بسرعه رحت تغسلت ولبست لي جلابيه خفيفه وصليت الظهر وبعدها ترتبت شوي ونزلت . .

    تحجبت عدل وانا انزل ورحت صوبه شفته يشرب قهوه . .

    سيف يطالعني : ماتعرفين تسلمين . .

    انا بصوت خافت : السلام عليكم . .

    سيف : وعليكم السلام . . قعدي . .

    انا تصددت يمين ويسار : وين الي في البيت . .

    سيف : امج فالعزبه ويا الحريم ويدوه واختج شلها عبدالله . .

    انا : شو . .

    سيف : ماعلينا . . " حطا فنيال القهوه على الطاوله وقام "

    سيف : امشي معاي . .

    انا : وين . .

    سيف : بيت يدي . .

    انا : ليش . .

    سيف : عندي رمسه وابا اقولج اياها . . وماحب ارمس وانا مستفرد فيج والبيت خالي . . نشي يدي فالبيت يتريا . .

    حزتها يا في بالي وليد . . شتان ما بينه وبين سيف . . قعد معاي طول اليوم وبعدها ياني البيت وتم لين فليل معايه داخل . .

    ماعلقت ولا قلت شي قمت وطلعت معاه . . كنا ساكتين طول ما نمشي لين تخرطفت بحصاه وصرخت

    انا : اآآآآآآآآآآآآآآآآآآآآآآآآآه . .

    سيف يطالعني : بسم الله عليج الرحمن الرحيم ..

    انا اعض ع شفاتي بقوه وارص ع عيني : ااااااخخخخ . .

    سيف يتقرب مني : تعورتي . .

    انا صاده الصوب الثاني : لا . .

    سيف : كيف لا . . تبيني اوديج المستشفى

    انا اطالعه : انت على كل شي بتوديني المستشفى . .

    سيف يطالعني باهتمام وينزل لين ريلي وانصصصصصصصصصصصصصصصصصصدمت من حركته

    سيف يطالع صبع ريلي : طلع دم . . تعالي . .

    مشى بسرعه صوب سيارته الي كانت مبركنه في بيت يدي . . وطلع علبه الكلينكس كلها . .

    كان ياي ينزل لـ ريلي يمسحها بس على طول سحبت عنه الكلينكس . .

    انا : محشوم ولد عمي . .

    سيف يطالعني ويرد يسحب كرتون الكلينكس : خليني بمسحه ..

    انا رديت اسحبه : محشششوم . .

    سيف يطالعها : مافيها شي هاااتي . .

    انا طلعت حبه من الكرتون ونزلت مسحت صبعي ولفيت عليه الكلينكس : مايحتاي خلاص . . مش بالشي الكبير . .

    سيف يطالعني : مايعورج . .

    انا : لا مايعورني . .

    سيف : اكيد . . " يطالعني باهتمام "

    انا احاول اتجاهل نظراته . . ماقدر اشوفه وهو يعاملني بهالاهتمام وايد ياثر فيني . .

    مشيت عنه وتم يمشي وراي . .

    سيف : حاسبي . . امشي شوي شوي ليش طايره . .

    مارديت عليه وكملت مشي لين دخلنا بيت يدي . . سلمت على يدي وحظنته وبست ايده وراسه وصدره وجتفه وحتى ركبببه . .

    يدي ييبتسم : شخبارج . .

    انا : الحمدلله يديه زينه . . يعل ويهك دوم مبتسم ومنشرح . .

    يدي : يا الغاليه الدنيا ما تسوى الواحد يزعل عليها ويكدر خاطره . .

    انا : ليتني بالتفاؤل الي انت فيه . .

    يدي يبتسم : شو احلى من التفاؤل . . عيل انا في يوم من الايام بإذن الله بسوي العمليه وبقدر اشوفكم واكحل عيني بشوفتكم . . وبسوي عمليه ثانيه بركب ريول ثانية وبمشي وانا بييكم بدون لا تسحبوني . .

    انا ابتسمت : باذن الله يا ييدي باذن الله . .

    ترى يدي عنده ريل مبتوره . . فيه الغرغرينا بسبة الدواخه وبترو ريله اليمين . .

    دخل سيف وسلم على يدي . . وبعدها قعد مجابلني . .

    سيف : شو الي سمعته اليوم ؟

    انا اطالعه وكنت وايد مرتبكه والعب باصابعي بخوف ووشوي اطالع يدي : شو . .

    سيف : خبرتي امج تتصل في امي وتقولها انج ماتبيني ..

    انا بلعت ريجي . .

    سيف بنبره تسحر : كيف استجرئتي . .

    انا : انا تعبت

    سيف يقاطعني : تعبتي من شوووووووووو خبريني تعبتي من شووو . . تعبتي تنتظريني ؟ تعبتي لانج متخيله اني باخذ غيرج .. أنتي تعرفين عن شعوري ؟ تعرفين بلي احس فيه ؟ تعرفين كيف انا اعاني؟ ماتعرفين صح .. ماتعرفين كيف شعوري وانا مش مترقع من كل صوب . . ماتعرفين ان هي صعبه علي كـ ريال شكبري للحين ابويه مش مخلني اخذ كلمه على شوري ولا مخلني اخطي خطوه بدون رضاه . . بتقولين لي مالي كللللمه والمفروض اثبت شخصيتي . . ماقدر . . انا ابوي رباني من صغير ما اقوله لاااااااااا ولا اعارضه بـ ولا حرف . . . و ولا واحد فينا عصاه في يوم وماتعودنا نعصيه وانا ما استجرأ اطلع عن شوره لان لا ربي بيوفقني ولا بترقع في حياتي . . حاسه بشعوري وانا عندي مليووووووووون قرض . . عندي قرض بـ 300 ألف حق سياره شراها ومبركننها فالبيت بدون لا يستخدمها وانا اعرف ليش سواها بس لانه يبا يعرقل موضوعنا وما يبانا نعرس بسرعه .. عندي قرض ثاني بقيمه 600 ألف حق صيانه العززززززززبه وحق ارض شراها ماعرف شـ السبب . . والحين يباني اخذ قرض ثالث لكن من حسن الحظ البنك رفضضضضضضض لاني بوصل مليوووووووووووون دييييييييين . . انتي حاسه بهالشعور . . تتحريني ارقد مرتاح وانا ع ظهري كل هالامور؟ فوق هذا كله اتحطم واسمع كلامممممم منج واسكت ماقول شي اقول بنت ما تنلام وتحبني وتباني ببقربها بالحلال وانا شرات ما تحسين احس . . انا قلبي يعورنننننننننني ع الكلام الي يقوله لج ابوي كل يوووووم . . مش كفايا علي اسمع الشخص الي اباه يحبج ويدعيلج يسبج كل ما يشوفني . . هذا بحد ذاته يعور قلبي قسم بالله . . تنسبين جدامي ولا اقدر اقول شي ووابلغ الغصصصصه اهني " ياشر ع قلبه " . . " يتنهد ويطالعني بعيون ضيجه " فوق ماتتعذبين اتعذب . . "يرفع صوته " اتعذب لاني احاول كل يوووووووووم في ابوي اني اباج ابا اخذج وما يسويلي سالفه . . اتعذب كل يوم ماروم ارقد افكر كيف اخلي ابوي يحبج وكيف اخليه يستعيل العرس . . اتعذب كل يوم لاني افكر مع هالديون كلها كم يبالي لين اسددها ولين اقدر اجمع مره ثانيه عشان اروم اوفر لج احسن عيشه تبينها . . اففككككككككر لو خلصت هالقروض كلها شـ راح يصير بقدر اجتمع فيج ولا بتروحين عني بأي لحظه ولا ابوي بيورطني مره ثانيه بسوالف قروض . . اخاف امووووووووووووووت

    انا بصوت واطي : بعيد الشر

    عميمه نوره وقفت ورى سيف كانت يايه من برع . .

    سيف : اخاف اموت وانا للحين ايدج ما لمممممممستها . . تتحريني مرتاح . . تتحريني عايش متهني . . تتحريني مستانس لان ابوي بيغصبني ع وحده ماباها . . تتحريني مستانس لاني بنزل دموع وحده اموت ولا اشوف دمعتها تنزل . . تتحريني مستانس لاني بحرق قلبج بوحده ثانيه غصبن عني ومابيدي شي اسويه . . تتحريني مستانس لاني ببتلش ف حرمه ماقدر اعطيها حقوقها وا اقدر اسعدها وقلبي لحد ثاني . . تتحريني مستانس لاني مافكر احط ايدي غير في ايدج وبظلمها وما بعدل وربي بيعذبني وبياخذ حقها . . تتحريني مستانس على الي يصير .؟ كل هذا كاتمنه بقلبي ما قلت شي قلت بتقدرين بتفهمين بتحسين . . لكن شو . . اشوفج مطيحه ويا وليدو . . اشوفج مطيحه وياهالخايس الي ما ادنيه بعيشه الله ولاصقه فيه طول الوقت . . انا احاتي مليون شغله وانتي عالبراد تحوطين وياه كل مكان وماتبيني اجرحج بعد . . ماتبيني اعق عليج كلام أزعلج فيه . . ماتبيني احسسج ولو شويه كيف انا تعباااااااان واعاني . . ما تبيني احسسج ولو شويه كيف انا مخنوق ومتلعوز من كل صوووب . .


    عميمه نوره : حبيبي يا سيف . . حبيبي ياولد اخوي . .

    سيف صد يطالعها . .

    عميمه نوره : ماتحسين يا مهره . . مول ماتحسين . .

    يدي : لاتعقون الذنب ع مهره . . مثل ماهو يعاني . . هي تعاني

    سيف : صح وانا اعرف انها تعاني والله اعرف انها تعاني . . وانا مابا منها شي . .مابا تحس فيني ولا ابا اكسر خاااااااطرها ولا قلت هالكلام كله عشان ابرر موقفي . . لا حششى . . انا ريال ومتحمل وصابر كل هذا . . انا يييت اتكلم علشان ماتهدمين كل شي . . علشان تعرفين اني شارنج وبعدني اباج ومابا غيرج . . واذا تبيني باجر اخذج انا اباج الحين لو بايدي . . انتي تعرفين انج غاليه وانه ماشي بحياتي بنت غيرج . . وانا ماكنت بتكلم ولا بقول كل ها لاني توقعتج بتهدين وبتفكرين وبتعرفين ان الي بينا كبير ما ينهدم لكني انش على خبر مثل هذا . . تيني امايا تقولي مهره ردتك . . ماتباك . . فوق الي انا متحملنه تزيدني يا بنت عمي . .

    تنهدت بحرقه قلب . . على كل شي يصير حولي . .كل شي حوالي متبعثر ومتخربط . . صرت ماعرف شو الي يصير صرت ماعرف اصدق شو ولا امشي على شو ولا اختار شو . . تعبت من هالبعثره كلها والتشويش . . احس اني تخربطت من فوقي لـ تحتي . . احس اني مشوشه حيل من كل صوب وربي . . .

    قومت روحي ماقدرت انطق بـ ولا حرف . .

    طلعت من بيت يدي وسمعت عميمه تقوله

    عميمه : ودرررها بسك وانت تعاني بسبتها . . خذ بنت خالك وامش على شور ابوك . . ألحياه ماتنتهي على بنت . . لا تعذب روحك فديتك اكثر عن جي . .

    ابتسمت بعذاب وكملت مشيتي وشفته بويهي وعلامات مش مفهومه مرسومه عليه . .

    وليد يبتسم باستهزاء : عرفت انج جبانه . . ماعندج كرامه وينقص عليج بكلمتين

    انا اغمض عيني :الي فيني كافيني اطلع من حياتي . .

    وليد : بطلع من حياتج . . " يربت ع جتفي " خليه هو الي يدخل حياتج . . عمرج ما بتتغيرين . . بتمين ذليل . . " يبتسم " بتمين سهله . . حاولت اغيرج واثر عليج لكن ما قدرت . . " يبتسم اكثر " لاتندمين على نصيحتي لج فـ يوم . .

    وعطاني ظهره ومشى . .






  5. #15
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    البارت السابع
    ابتسمت بحسره وكملت مشي . . نزلت دمعتي على حالي الي ماعرف لـ وين . . احس خلاص مابا ريال في حياتي . . ابا اعيش حياتي ويا امايا و مع يدي ويدتي وبس . . مابي زوج ولا ابا حب ولا ابا حد . . خل اتم عانس اخير لي . .

    وليد : ايه ..

    صديت يمين جفته ومسحت دمعتي . . ليش هالمخلوق دموع يجوف دموعي . .

    وليد يطالعني : تصيحين هاه . .

    انا : لا . .

    وليد يطالعني : مالي حق اجرحج . .ومالي حق بالكلام الي قلته . .اعذريني وحقج علي

    انا : ادري انك تقصد حرف حرف . .

    وليد : أقصد ولا ماقصد . .ماكان لي حق اجرحج . . " يبتسم " ييت اقولج هالكلام بس . . وان كانت دمعتج بسبتي ترا بدعي ع روحي . .

    وراح . .

    دخلت بيتنا وشفت امايا ترمسني باستعيال : مهور وين كنتي . . قومي زهبي الغرف الي تحت . .

    اانا : ليش . .

    اميه : عيال عمج خالد بيون عندنا بيرقدون اهني . .

    انا : ليييش يون . .

    اميه تطالعني : محد يعرف لاتخبرين حد . .

    انا : شو خبريني تعرفيني ما اخبر حد . .

    اميه : حرمت عمج خالد احتمال فيها ورم

    انا بصدمه : شووووووووو . .

    اميه : ع طول عمج حجز لـ تاييلند وبيسيرون يسوون فحوصات ومايبون حد يعرف . . وقالو حق عيال عمج انهم بيفحصون فحص كامل بدون سبب . .

    انا : حليلها حرمت عمي خالد ان شاء الله ماعليها شر . .

    اميه : زهبي غرفه حق شما وشيخه وخلود . . وغرفه حق مايد وراشد . .

    انا : بالعاده لو حد بيسافر يسيرون بيت يدي ليش هالمره بيون بيتنا . .

    اميه تبتسم : الاولاد ما يبون

    انا : هههههههههههه عشان يدوه . .

    اميه : هيه

    انا : بتقومهم من 5 الفير وما بتخليهم برع ع كيفهم هههههههههه . .

    اميه تبتسم : وعشان شما . . تعرفينها تتلوم وماتكشف وماتاخذ راحتها لان بيت يدج عيال عمج كله يتيمعون فالليالي فالميلس وفجاه يدشون ويطلعون ع راحتهم . . يالله بسج ضحك سيري رتبي ويالبشاكير بيون ع الغدا . .

    انا : ان شاء الله

    ورحت عنها قعدت اعاون وارتب وعقبها بخرت الغرف . . اميه قالتلي زهبي غرفتين بس انا زهبت 3 غرف احتياط يمكن حد فيهم يبا غرفه روحه . . ومن خلصت صعدت فوق سبحت ولبست وكشخت ووصلني مسج . .

    مسكت تلفوني وشفته مطرش " ترا انا مالي غيرج فالدنيا . . لاتتخلين عني "

    تنهدت بضيج ومسحت المسج . . ولا انا يا سيف لي غيرك فالدنيا . .

    الباب يندق بطريقه هاديه . . على طول عرفت هالدقه منو وابتسمت وبطلت لها الباب . .

    شما : السلام عليكم . .

    ابتسمت : وعليكم السلام ورحمه الله وبركاته . . دشي حبيبتي . .

    دخلت شما وفصخت النقاب والغشوه . .

    انا قعدت اتجحل واطالعها من الجامه : تعرفين اني عرفت انج انتي الي داقه

    شما بصوت هادي : كيف . .

    انا : اعرف . . الرقه هاي كلها تطلع منج انتي بس وهالدقه الخفيفه . . وماتقولين " اعيب على ميروه " فجي البااااااااب ياسوووووووووودا . .

    شما : هههههههههههه . . ميروه

    انا : هيه ههههههه . .

    شما تبتسم : بنكلف عليكم . .

    انا اطالعها : اي تكليييييييف . . والله بتملون علي البيت . . مسكينه انا وحيده . . اميه مجابله العزبه وانا كله فالبيت روحي ماتتصورين كيف اضيج والله . .

    شما : ماتينا . . مع ان بيوتنا كلها لاصقه في بعض . .

    انا: اتلوم . . انتو المفروض توني بيتنا خالي مافيه حد . .

    شما تبتسم : مهور ابا ارقد عندج مابا ارقد ويا خلود تحت . .

    انا اطالعتها : افا عليج حبيبتي . . الحجره حجرتج ارقدي اهني ولو تبين انا بنزل تحت

    شما : لالالا . . انا اقصد ابا اشاركج الغرفه واسهر معاج " تبتسم بحيا " ابا اتونس وياج اذا ما يضايقج

    انا ابتسم : والله تحسسيني ترمسين ماهر مش مهره . . خذي راحتج بنت عمي مابينا ولو . . وارقدي معايه لي الششرف ارقد ويا الشيخه شما . .

    شما تبتسم . .

    يندق الباب مره ثانيه . .

    انا : دشششي خلود . .

    ميره : بتبطلين الباب ولا شو يالسوووووووووووووودا . .

    انا : الباب مفتووووووح هههههههههههههه دشي دشي اعنبوه . . ابيض عنها وتزقرني بالسودا

    ميره تدخل : شممووووووووووه " وتتحاظن وياها . "

    انا :الله يالمكر مش جنه امس جايفتنها . .

    ميره تبتسم : جب اوكي . .المفروض انا مارمسج . .

    انا فجيت عيني ع وسعهن عسبت ماتخربها بالرمسه وتقول شي جدام شما . .

    ميره تفتح كبتي : ابا شيله بيت . .

    انا : تفتح وتدور وعقب تسألني . .

    فصخت ميره عباتها وشيلتها وفرتهم ع سريري وطلعت لها شيله . .

    شما تبتسم : اشمعنى انتو استويتي ويا بعض وايد ..

    ميره : والله انا ابركن عندها متى مادق فراسي اييها انتي تستحين ماتين صوبنا . . مع ان خلود اختج قبل لا تعرس عنود بعد كانت مطيحه اهني . .

    شما تنزل راسها : وايد استحي ماعرف ليش . .

    انا عقب ما خلصت كشخه وتعطرت يبت لي كرسي وجابلتها وشما مستغربه . .

    شما : شفيج

    انا : في ناس متخبلين على هالحيا

    شما بخوف : ناس منو . .

    ميره : بلاج قلنا ناس ما قلنا شبح عشان تخافين . .

    انا : ميروه انطبي . .

    شما : شو السالفه . .

    انا : تذكرين مروان ولد عمي . .

    شما تغطي ويهها بايديها : لا ترمسسسسسسين لاتكملين

    انا : ههههههههههههههه بو الدعمات الي كله يدعمج

    شما تطالعني : مهور يتعمد ؟

    انا : لا حليله مايتعمد بس ربج عاد . .

    شما : والله هاك اليوم تميت اصيح يوم كااااامل ..

    ميره : هههههههههههه والخيبه . .

    انا : ألمهم اسمعي . . تراه يباج وشارنج . .

    شما تطالعني وتبلع ريجها : انا ماعرف . .

    ميره تطالعها : شو ماتعرفين . . قولي هي ولا لاء . .

    شما : انا اصلا ماجفته في حياتي

    ميره : ندري يابوج انتي ماتحطين عينج فعين حد . .

    شما تطالعها : أستحي ترى ..

    انا : تراه متخبل عليج وجد يباج . .

    شما : بس ماجافني

    انا : جاف سترج وقالي هاي الي ادش وتطلع ومحد يدريبها كيف شكلها وكيف صوتها اباها . .

    شما تطالع ميروه : اوافق يعني

    انا ابتسم : مروان خوووووش ريال . .

    ميره :صح يرفع الضغط مرات بس احسه فنان وله اسلوب خاص معاج . .

    شما تبتسم : صدق . .

    انا : هيه صدق . .

    شما : انزين يوم بيردون امايا وابويه خل يخطبني " تبتسم بحيا وتخش ويهها فالمخده "


    انا وميره نصفق : رووووووووووووووووح . . ههههههههههههههههههههههه

    شما تستحي : ايه بس عاد اسكتو . .

    ميره : خلود روحها تحت يالله خلونا ننزل . .

    شما : مهور بسير ارتب اغراضي فالحجره تحت لكن بشاركج الغرفه انزين

    ميره : بديت اغار . .لا تخلوني اي اهني

    انا بحماس : هييييييييييه ميروه تعالي الله يخليج . .

    ميره : يعني انا طول الوقت وياج بس فليل اروح ارقد . .

    انا : بعد غييير . . تمي عندي الله يخليج . .

    ميره تمد ايدها : بوسي ايدي . .

    انا : سيري ولي انزين . .

    ميره : هههههههههههه بجوف بجوف . .

    شما تبتسم : يالله بسبقكم . . " تصد "مهور ماشي ريال صح اطلع جي عادي

    انا : هيه حبيبتي خذي راحتج حتى لو بدون شيله ماشي حد اهني

    شما :لا ماقدر ما ظمن . .

    وطلعت . .

    ميره تطالعني : ها مسوده الويه ام الرياييل . .

    انا اطالعها وفاجه عيني : يالخايسه يالوفحه ماتقصدين . .

    ميره : جب صوتج مابا وماتنزل اسمعه . .

    انا ابتسم : من صدقج زعلتي مني البارحه

    ميره : هيه . . بس يوم نشيت نسيت الزعل وقلت ادري انج مينونه ف سيفوه ومستحيل وليدوه يشل قلبج جان اقتنع . . وبالذات يوم جفت سيفوه من الصبح طالع ويوم سالته قالي بيرمسج . . خبريني شو صار . .

    وخبرتها الي صار بالتفصيل بس ما خبرتها كلام وليد . .

    ميره : والله ماعرف شقولج يامهور . . بس هو جد يعاني من ابوي وايد . . وعلى فكره حالج اهون عن اختج . . ع الاقل سيف كلنا نعرف انه يحبج ويباج وشارنج لكن عبدالله معذب عنود صدق والله وكلنا نعرف انه ما يباها وانها ثجيله ع قلبه . .

    انا مبوزه : فديت اختيه والله . .

    ميره : والله انا دوم ادافع عنها حتى عبود كم مره بغا يفلعني . .

    انا اتنهد . . : الله يعدل الحال يارب

    ميره : أمين . .

    انا : انزين ميروه اباج تخبريني شي . .

    ميره تطالعني : شـوه اخبرج . .

    انا : اخاف ماتقوليلي . .

    ميره : بقولج قولي بس انتي . .

    انا : شسالفه وليد و شيخه

    ميره بصدمه : انتي شدراج . .

    انا : امس يوم كان عندنا خبرني بس ماخبرني شوه الي بينهم . .

    ميره : ماقدر اقولج مهور بعد هو موصني ماخبر حد

    انا : الله يخليج خبريني بموت من الفضول . .

    ميره عاقده حياتها : اجوفج بديتي تهتمين وتبين تعرفين . .

    انا : ماييييييخصه لااااااه . . بس فضول . . يالله عاد خبريني ما بطري شي انا . .

    ميره : انزيييييين انزين . . هممم . .

    .

    .

    .

    وليد : يالله عاد شواخ

    شيخه : مااااااابا . .

    وليد : يالله عاد مستكثره علي كلمه احبك . . " يبتسم " يعني باين حبج ياخي اعترفي وقوليلي . .

    شيخه تدلع : انزين انت تعرف حق شو اقول

    وليد : تحرميني منها انزين ابا اسمعها منج . .

    شيخه تصد : هذا مروان ياي ازقره . .

    وليد : احين انا اكلمج وتقوليلي مروان . .

    مروان : انتو شو تسوون اهني " يصد يمين يسار " ببدون محرم يالهروم . .

    شيخه تبتسم وتقوم : مانسوي شي . . تعال اقعد معانا . .

    مروان يبتسم : قاعد حد قالج بقوم . .

    شيخه تبتسم وتصب له شاي وتمدله . .

    مروان : مابا مشكوره . .

    شيخه : احين انا تعنيت صبيت لك وتقول لي مابي . .

    وليد : يالله دام مدتلك خذه عنها . .

    شيخه عطته وانجب الشاي بدون قصد على ثياب مروان . .

    شيخه تشهق : اسسسسسسسفه . .

    مروان يصارخ : اخخخخخخ حااار . .

    كان يتالم صدق . .

    قامت شيخه تربع ويابتله ماي بارد وقعدت تنظف وتنظف ملابسه

    مروان بعصبيه : وخري عنيييييي

    وليد : انت بلاك ترمسها جيه احمد ربك بعد

    مروان يرجف ويغمض عينه بقوه : ايدي . .

    وليد قام بروعه وشاف ايدي محمره بشكل كبير . .

    شيخه سارت ويابتله عسل وحطته على ايده وهي تصيح وتنزل دمعه دمعه . .

    .

    .

    .

    ميره : وليد كان يطالع الموقف وبيموت . . يحس ان في شي غريب بس ما علق وسكت عن الموقف يتحرا انه مجرد تانيب ضمير لانها حرقته . . وعلى فكره مروان للحين ايده فيها علامه الحرق . . وودوه المستشفى عقب . . لان الشاي كان حار وتوا مسواي . . المهم وليد عدا الموقف ها وماعاتبها عليه مع ان ع قولته قلبه كان محروق على اهتمامها الزايد وعلى مسكتها لايده ولاصابعه ولدموعها الي كانت اطيح جدام عينه . . المهم كثرت المواقف بين شيخه ووليد وكانو وايد يحاول يشوفها وكان مثل ماتقولين عاق عمره عليها بالقو . . مع انه يشوف مواقفها واهتمامها لمروان الزايد . . وتقربها لـ وليد كان بس بسبت مروان . . مثل ماتعرفين ايام قبل كانو يدرسون بنفس الكليه وكله ويابعض ومروان كان صعب لقت وليد فرفوش وسهل لها اكثر عشان تتقرب لمروان . .

    ميره وهي تقول الكلام ذكرتني بعمري كيف انا لو شو ما يسويلي سيف عاقه عمري عليه . . وفهمت وعرفت نغزات وليد كانت لـ شو تلمح . . على طول عرفت انه ما كان يقولي الكلام عبث الا لانه عاش نفس الشعور . .

    ميره : يوم كان مروان يظهر فالصوره كنت انا اي مثلا صوبهم بدافع الفضول وكنت جد استغرب من جلسات شيخه ووليد لكن ماكنت اعلق وشكيت وكلمت وليد فالموضوع . . وقلتله لا تستفرد فيها لو حد عرف بيسوون لك سالفه لكنه كان عميان مهور .. حسيته ميته فيها ماكان يحس ولا يستوعب الكلام الي حد يقولها ااياه . . مع انها كريهة ع فكره مادري شو حب فيها . . فرق بينها وبين خلود وشما وايد غير عنهم . . المهم مررررررره يدوه طرشتلي للميلس الي كانو قاعدين فيه عشان اييبلها الريموت وانصدمت يوم سمعت مروان كشفهم . .

    .

    .

    .

    مروان : انتو بعد منخشين اهني . . والله لو اخبر يدوه بتلعنكم قسم بالله ههههههه . . لحظه . .انتو ليكون تحبون بعض . .

    ميره تدخل : لا شوووو يحبون بعض انت الثاني . .






  6. #16
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    شيخه توقف : خسسسي . . انا ماتنزل احب واحد شرات وليد . . هههههه اصلا مش ستايلي ولا احب واحد شراته لاتحط هالافكار فراسك . . مول مول مول مافكر فيه كـ ريال اصلا هههههههههههه احنا بس نقعد نسولف لا تفهم غلط مروان . . وليد مجرد واحد اقضي وقت معاه من الملل وجيه

    مروان يطالعها باهتمام : بل بل " يطالع وليد " عقب ها كله ليش قاعد وياها انته . .

    وليد يطالعها : تمزحين , .؟

    شيخه : اويه وليد ليكون حاط في بالك اني احبك ولا شي . . ترا انت شرات اخويه انا مول مافكر فيك " تطالع مروان وتبتسم " صدق عمرررره وايد هههههه

    مروان يطالعها بنص عين : فارجي فارجي . .

    شيخه : مروان ليش انت ترمسني دون بهالاسلوب " مبوزه " ترا ازعل . .

    مروان يطالع وليد : ابن عمي بتظهر ولا . .

    وليد يطالع شيخه : خرا على الساعه الي كنتي فيها بنت عمي . .

    وطلع . .

    .

    .

    .

    ميره : عور قلبي يامهور قسم بالله عور قلبي . . يمكن انا اقولها لج باسلوب عادي لكن حزتها كان الموقف حااار ويعور القلب . . ماشفتي نظره عيونه وصدمته وهي تقول انه ولا شي وانه ماتعتبره ريال وواحد تقضي وقت وياه . . جرررررحته جرحت كبرياءه . .

    انا بصدمه : مستحيل ماصدق . .

    ميره : صدقي انا بروحي ماكنت بصدق لكني جفت الموقف بعيوني . . وعقبها لحقته وليتني مالحقته . .

    انا : ليش . .

    .

    .

    .

    ميره تركض : وليد لحظه ..

    وليد يصد : شو تبين ليش تلحقيني كل شوي شو تبييييييين " يصارخ " وخري عني مالي ويه اشوف حد . . خلتني تراب عندها وداااااااست علي . . تقربت مني عشان مرواااان بس " تنزل دمعته " انزين لو تحبينه لمحي لي من زمان . . وضحي لي لاتخليني غبي . . " يحط ايده ع عينه ويمسح دموعه " عشمتني وقصت علي . . " يبتسم باستهزاء " صح ما قالتلي بلسانها احبك بس كانت توهمني بالحب وتبين لي انها تحبني الحقيره . .

    ميره تسير صوبه : ماتسوى دموعك ياوليد . . والله ما تسوا دموعك خلها تولي

    وليد : خل تولي . . خل تولي

    وركب السياره وخلا الباب مبطل وكان يدق ايده ع السكان الف مرره بكل قوه ويصارخ

    وليد : حقييييييييييييييييييره . . قسم بالله حقيره . .

    .

    .

    .

    ميره : ع فكره هالسالفه من زمان اكثر من 3 مادري 4 سنين . . وعقبها بكمن سنه شيخوه تأسفت له وقالت انها كانت طايشه وعطته من هالكلام . .

    انا اطالعتها بتمعن : مسكين ياوليد . .

    ميره : حتى عقب قالي يمكن هذا حب طيش وملل لانه شرا ماتعرفين وحيد لا اخوان ولا شي . .

    انا :يحليله .. همني . .

    ميره : اااااااااه وتلوميني يوم احبه .. شفت مشاعره الحقيقه مهور كلها . . حبيت كل مشاعره والله

    انا ابتسم : تعرفين احنا مساكين . .

    ميره : ليش . .

    انا : كل واحد فينا له قصه وله هم كبير وكل واحد فينا يحس ان همه اكبر شي فالدنيا

    ميره : طبيعي ها حال الانسان . .

    انا : لو تقدملج المره الثالثه بوافقين

    ميره : اكيد بوافق انا ميته فيه واتريا يخطبني . . وشرات ما يقولون الثالثه ثابته . . انا رفضته لانه خطبني عقب ما فنقشت السالفه ويا شيخوه وحسيت انه يبا يتهرب بالزواج ما بغيت اظلم نفسي بعد . . والمره الثانيه رد خطبني بعد تهرب ويمكن كان خايف اني اخبر حد وعقبها يوم وعدته اني ما بطري لحد شي سكت عن موضوع الخطبه " بوزت " يييقهر هالوليد ..

    انا مبتسمه: هالكثر عايبنج . .

    ميره تبتسم : فوق ماتتصورين . .احب طوووله وعرضه وابتسامته . . واحب الغمازه الي على اليمين واي يوم يبتسم وتطلع ماتدرين شو يصير فيني . .احب ستايل شعره واحلى شي احبه " توقف وتقلده " يوم يحط ايده الهنتين في جيبه ومنزل الكاب ع ويهه ومنزل راسه . . انا من بعيد اغني يا نظرتن قنصت قلبي

    انا : ههههههههههههههههههههه . .

    ميره مبتسمه : ااااااااااه عليه . . " بجديه " بعدين مهور لا تلومينه على حبه . . يمكن تشوفين حبه لـ شيخه طفولي او ماله معنى . .انا فكرت نفس تفكيرج قبل لكن . .

    انا اطالعها باهتمام : لكن شو

    ميره : وليد عاش وحيد . تعرفين عمي وحرمته روحهم كبار فـ كان كله بس يقعد معاهم ماكانت له طلعات وروحات ويييات . . انتي شوفي حالج من عرست عنود كيف صرتي . . مع انج عشتي معاها تقريبا فوق الـ 15 سنه وانا كنت معاج وماليه عليج البيت وبعد بنات عمي لكن شوفي يوم عرست مع اني انا بعدني اييج وبنات عمي يونج مره لكنج تحسين بوحده وتموتين ضيج وتحسين بكآبه وكله مضايجه صح ولا لاء . . هذا حال وليد من 25 سنه . . هالشي وايد معورني . . وانتي تعرفينه ماكان يحتك في حد وتعرفينه عمي " ابوه " ايام قبل كان متعقد ما كان يخلي شباب العايله يرابعون حد غريب . . كان كله يقول انتو اخوان وعيال عم وسركم واحد لا يطلع عند غريب وكان يضارب لو شافهم ما يطلعون ويا بعض وو وليد كان يضايق ويتفشل مايقدر يقول حق ربعه هالرمسه وكان كله يقعد فالبيت ما يطلع مول . . وطلعت شيخه في حياته حتى لو كانت نزوه لكن طلعته من الي فيه شوي خلته يحب يعصب يحصل شي يشغل باله . . مع انه فرفوش ويالكل لكن قلبه وحيد ماعليج مننه . .

    انا اتنهد بضيج : بس اسكتي مابا اسمع زياده

    ميره مبوزه : يغمضني . .

    انا :أخافج تشفقين عليج ماتحبينه

    ميره تطالعني : لا مهور انا اشرحلج وضعه بس عشان ما تظنين فيه غلط . . إلي مريحني ان عمي " ابوه " فج راسه وقام يخليه يطلع ويحوط ويرد ع كيف كيفه . . قولي شي احسن من لاشي . . شي يهون عليه بعد . .

    خلود ادق الباب : ادش ؟

    ميره : دششي

    انا : حجرتج ولا حجرتي . .

    خلود تدخل : السلام عليكم . .

    انا قمت وسلمت عليها وعقبها ميره . .

    خلود : شفتج مانزلتي تستقبلين ضيوفج قلنا بنيج . .

    انا : اسمحيلي والله " ابتسم" تعرفينها ميرو ماتصخ . . وبعدين انتو مش ضيوف البيت بيتكم . .

    خلود تبتسم : ليش متعنيه ومزهبتلنا غرف كنا بنشاركم الغرف عادي . .

    انا : حبيبتي والله تعرفيني اموت واشاركم الحجر . . احب الولفه وبرايه خلي الاغراض اهناك وخلنا كلنا نرقد فمكان وااحد . . بس انا ابا راحتكم . .

    ميره تطالع خلود : اونها عاد حرمه بيت وحركات . .

    خلود : هيه حسيت هههههههههههههههه

    انا : مالت عليكم مسوتلكم قدر . .

    خلود : يالله نزلو بنتغدا . . الحين حطوه . .

    انا : يالله . .

    وخذتلي شيله وتحجبت ونزلنا كلنا . .

    مايد : ها العرووس . .

    انا ابتسم : هيه عروس من 21 سنه وللحين ماعرست . .

    راشد : من كثر ماتبين العرس وين بتعرسين . .

    خلود : ههههههههه كل وحده ماتبا العرس تعرس اول وحده ..

    وضحكنا وقعدنا كلنا ناكل سوى . .كانت اللمه وايد حلوه وانا بصراحه كنت محتاجه هاللمه لاني مابي افكر بـ ولا شي . . محتاجه حشره وجو يشغلني عن التفكير . .

    عقب ما خلصنا غدا تيمعنا كلنا فالصاله وقعدنا نشوف مسلسل اجنبي رعب وجد اندمجنا وكنا نصرخ سوى ونضحك سوى ونخوف بعض ومستانسين . .

    على المغرب خلص الفلم وبدينا نتشتت . . جزء منا راحو بيت يدي وجزء الحجر . . ميروه راحت بيتهم الزفته وانا تميت قاعده ويا ميود نبدل فالقنوات . .

    رن تلفوني وكان صوب مايد وانا كنت سرحانه ومطنشه . .

    مايد : ميـره السودا .؟ هاي ميروه بنت عمي ولا ربيعتج . .

    انا : ميروه بنت عمي هات التلفون . .

    مايد : صبري صبري بنسويلها مقلب . .

    ويشل رقمها ويسجله ف تلفونه . .

    انا : ميوووووود الله يخس ابليسك . .

    مايد : صبري خل نستهبل عليها . .

    انا : شو بتسوي . .

    مايد يبتسم ويتصل فيها ويغير صوته يخليه صوت وحده وانا منصدمه من قدرته .. كيف قدر يغير صوته . . حطاها سبيكر . .

    مايد : الووو ..

    ميره : منو انتي . .

    مايد : اناا . . اناا احلام ..

    ميره : احلام ؟ اي احلام ؟ ماعرفج باي

    مايد بدلع : صبببببري . .

    ميره : شووووووووووه . .

    مايد يسوي روحه يصيح :

    ميره : بلاج بسم الله شو فيج . .

    مايد : امي امي . . ماتت

    ميره : مااااااااتت . . حبيبتي والله . . الله يرحمها يارب . . كيف ماتت

    مايد : حادث سياره " يسوي روحه يصيح ويشهق وانا مبطله عيني "

    ميره : لا تصيحين عورتي قلبي والله بصيح وياج " وميره الهبله تصيح "

    مايد بيموت ضحك وفر التلفون بعيد وخش ويهه بالمخده وتم يضحك ويضحك بصوت مش مسموع . .

    ميره : الوو الوو . .

    مايد : الووو . .

    ميره : بسج صياح حبيبتي لا تصيحين هاي حكمه ربج . .

    مايد : انتي فاطمه ؟

    ميره : لا مش فاطمه انتي مخربطه فالرقم

    مايد : اويه سوووري اتحرا فاطمه ربيعتي . .

    ميره : لا عادي فديتج . .

    مايد: انا وحيده امي وابوي ماعندي حد . . ابوي ماخذ على امي وامي يوم عرفت طلعت من البيت ومسرعه ودعمت وماتت .. وانا كل ما اذكر قلبي يعورني واتصل ف ربيعتي فاطمه " صوته استوا رجولي شويه "

    ميره : اويه بلاج

    مايد يحط الفون سايلنت ويضحك : ههههههههههههههههههههههههه شت بتزخني


    ورد اتميع : بلعوني يعورني . .

    ميره : فديتج ها حال الدنيا . . ترحمي لها وعليج بالصدقه . .

    مايد : ان شاء الله . . مشكوره ارتحت يوم كلمتج . .

    ميره : افا علييج حبيبتي . .

    مايد : عادي نكون ربع .. لو يضايقج قولي

    ميره : لا لا عادي فديتج افا عليج . .

    مايد : محتاج حد يكون وياي

    ميره : محتاج

    مايد : محتااجه محتاااجه . . ماتسمعيني صوتي ترا مبحوح . .

    ميره : ماعندج بنات عم ولا حد . .

    مايد : لا ماعندي . .

    ميره :متى ماتحسين روحج ضايقه كلميني افا عليج . .

    مايد : مشششششكوره . .

    ميره تدخل بيتنا : يالله فديتج بخليج . .

    انا فاجه عيني ومصدومه واطالع مايد الي على طول بند فويهها وسوا عمره طبيعي . .

    ميره : الو ؟ الوو ؟ وين سارت . .

    انا اطالع ميره : بلاج . .

    ميره : مسكينه طحت على وحده عورت قلبي يا مهور . . متصله فيني تنوح ذاكره امها متوفيه . .

    انا : وحليلها . .

    مايد :عطيني رقمها برمسها بهون عليها . .

    ميره : استح ع ويهك يا قليل الادب . .

    مايد : عيل لاتودرينها حرام . .

    انا فاجه عيني اطالع مايد . .

    مايد : صدق مهور بلاج تطالعيني . . يعني حرام واكيد البنت مالها حد ولا مابتتصل فيج ميره

    ميره : هيه صح . . قالتلي ماعندها حد ومادري شو . . وصوتها بروحه يعور القلب مبحوح وجي تغمض

    مايد : اذا بتودرينها عطيني رقمها انا برمسها . .

    ميره : بلاك انت مشتط ع رقمها قلتلك برمسها خلاص

    مايد : هيه هوني عليها . . مسكينه تمي طرشيلها مسجات واسالي عنها . .

    ميره تطالعني : بلاه متحمس اكثر عني . .

    انا : هاه . . مادري . .

    مايد : ترا غمضتني . . يعني تخيلو اماكنكن بدالها . .

    انا وميره : الله يحففففففففففظ امهاتنا . .

    مايد : امين بس انا اقول يعني . .

    ميره بطرشلها مسج . . " عسى ماشر ليش بندتي فجاه "

    وصل المسج لتلفون مايد الي مات . . لكن من حسن حظه ان ميروه ما انتبهت وانا الي انتبهت . .

    حول فونه سايلنت وطرشلها . .

    ميره : هكي طرشت . .

    " سوري ابوي دش علي ومايخليني ارمس فالفون . . خلينا نتواصل بمسجات عادي ؟"

    ( هيه عادي افا عليج . . )

    " شو تسوين "

    ( ماشي يالسه بروحي وانتي ؟؟ )

    مايد يبضحك وهو يقرا المسج : اااااااااه عالخرط . .

    انا خلاص قلت الحين ميروه بتزخه بتزخه لكن يوم ميروه تزيد عندها التناحه تستوي اغبى مخلوقات الله



    " انا بعد يالسه بروحي . .احس القدر جمعنا مع بعض "

    ( فديتج والله . . انا بعد احس ارتحتلج )

    " شو اسمج "

    ( ميره وانتي ؟ )

    لاحظت ان مايد يتحيس ويفكر ويلف يمين ويسار . .وعقب جافني وابتسم

    " مها "

    ( عاشت الاسامي )

    " تسلميييييين حبيبتي "

    انا كنت اسوي حركات لـ مايد عشان يصطلب ويوقف لكنه مول ما سوالي اعتبار . .

    ( تعرفين ولد عمي السخيف شو يقول )

    سرت صوب مايد ابا اهدده السخيف على طول يطالعني ويرمس بصوت واطي

    مايد : الحيوانه تقول عني سخيف . .

    انا : وبعدين وياك . . بتقولها ولا انا اقولها

    مايد : مهور خليني اتسلى انزين بعترفلها والله بعديين . . خليني الحين اضحك ملل وسيارتي فالكراج متملل مول ولا ما بجابل ويوهكم . .

    ميره تصد تطالعنا : شعندكم تترمسون بصوت واطي . .

    وصلها مسج " شو يقول ولد عمج السخيف "

    التهت بالتلفون . .

    انا : لا اطولها سمعت

    مايد : لا تحاتين شو بسوي فيها يعني ترانا نستهبل ع بعض . . هي روحها بتضحك عقب يوم بتعرف

    انا : انزين . .

    مايد : ياويلج والله ماتعترفين حلفت

    انا : انزين ما بعترف اف منك . .

    ( يقول يبا رقمج اونه هههههه تخيلي خايس قليل ادب )

    مايد يطالعها بنص عين . .

    " اوييييييييييه لا مستحيل صج صج قليل ادب "

    ( ماعليج امني فييني مابعطيه مستحيل )

    " عطيه بس لو كان حلو "

    ميره تضحك : هههههههههههههههههههههههههه مسكينه والله هالبنيه . . مالت ماشافت الشيفه

    مايد بقهر : شيفه منو . .

    ميره : هااه . . محد . .

    مايد : لا قولي شيفه منو . .

    ميره : انت شو يخصك انا والبنت نسولف . .

    طرشت مسج ( الله لا يراويج . . لو شفتيه من الزيغه اسبوع ماترقدين )

    مايد بقهر : عدااااااااااااال . .

    انا تامه اطالع ميره . . معقوله هالغبيه للحين ماحست ان في شي غلط . .لكن لانها ملتهية بشكل كبير وتضحك ومستمتعه ماتدري شو المووضوع تتحراني انا اهذرب وياه . .

    هزيت راسي يمين ويسار ونشيت عنهم . .

    افكاري بعدها مشوشه ومتخربطه . . مع اني ضحكت وايد واستانست معاهم بس احس بحرقه بقلبي ماقدر اوصفها . .احس بشعور ابا اطلعه يمكن ارتاح . . احس بكبته . . دخلت في حياتي ياوليد بطريقه قويه . . اووووووووف احنا ليش جي البنات نتأثر بكل شي يصير . . ليت قلبي شرات عمي حمد " ابتسمت " امحق قلب . . والله لو قلبي شراته جان مرتاحه اوف اوف اوف . . خوزو عن بالي سيف و وليد مابا افكر فـ ولا واحد فيييييييييييييييييييييييييييييييييكم






  7. #17
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    البارت الـ ثامن

    على العشا . .

    خلود تدق علي الباب . . : مهور؟

    انا : دشي خلوود الباب مفتوح

    خلود تبتسم : اوه غريبه محد عندج

    ابتسمت لها : هيه افترقو

    خلود : ماشاء الله عليج دوم التجمع عندج . .

    ابتسمت : عشان تعرفين اني محبوبه من الجميع

    خلود : هيه جد ماشاء الله عليج . .

    انا : هههههههههه بصدق روحي

    خلود تبتسم : والله ارمس جد . . دومي انا وشمو نرمس ونقول ان من كثر ما تقعدين مع يدي صرتي تاخذين طباعه وصار عندج نفس اطباعه الي نحبها . . مستمعه جيده ونصوحه وقلب مفتوح " تبتسم " مستانسه وافتخر فيج

    سرت صوبها وحظنتها : حياتي والله . .

    خلود تبتسم وتقعد ع السرير : شو يالسه تسوين

    انا : اطرش برودكاستات من الملل . .

    خلود : انتي ماطريتي شي لعنود صح . .

    انا اطالعها : طبعا لا . .

    خلود : توني كلمتها . .

    انا يلست مجابلتنها : انزين . .

    خلود تتنهد . .

    .

    .

    .

    عبدالله : يعني مش كافيه ياي وشالنج واحوطج مش مازر عينج

    عنود تطالعه : تحوطني . . ؟ مخلني نازله المول روحي تقولي تحوطني . . مخلني اكل روحي تقولي تحوطني . . مخلني مثل الهبله ادورك تقولي تحوطني

    عبدالله : عنود ما يعيبج شي والله . .

    عنود : عبدالله انا ماحب انفعل ولا احب اصارخ ولا احب اضايق فيك وألعوزك . . دخيلك بلاها تمثيل . . احنا جد ماننفع نكمل ويا بعض

    عبدالله : انا افكر فـ ولدي ماباه يتشتت

    عنود : مابيتشتت . . بيتنا مجابل بيتكم . . متى ما تبى بتمر

    عبدالله يطالعها : بيتج هو بيتي . . مالج بيت ثاني . .

    عنود : ليش ماتخبرني منو هي . .

    عبدالله : احسنلج ماتعرفين . . بتحسرين وايد . .

    عنود : شو تقصد

    عبدالله : ماقصد شي . .

    عنود : ودني بيت اهلي مابا ابات فالبيت معاك

    عبدالله : استغفر الله . . بوديييييييييييييج بوديج وعمرج لاتردين انزيييييين

    .

    .

    .

    انا اتنهد : اخاف تعرف في يوم وتكون صدمتها قوية . .

    خلود تدمع : انا ماخنتها والله . .

    انا مسكت ايدها : أعرف ..

    خلود : ودي اقولها وارتاح بس عنود بتتخبل . .

    انا : اكيد بتتخبل لانج تشاركينها كل ششششششي كل شي يخص عبدالله ويخصها . . بتنهاااااااار ما بتستوعب الصدمه ولا بتقوم منها ابد . . اذا خسرتج عنود بتموت مابتعيش . . صداقتكم مصبرتنها وايد

    خلود : حتى انا بتخبل بفراقها . . بنت عمي وربيعتي وشرات اختي وخذت اغلى شخص احبببببببببه واموت فيه . . اسمع سوالفهم واشوف حبيبي كيف معذب ربيعتي . . وبنفس الوقت قلبي يعورني على هالفراق . . واحاتي كل شي من كل صصصصصوب مهور . .

    عنود تبطل الباب وتطالعنا . .

    انصب الدم كله فويههي ماقدرت اعبر ولا قدرت اقول حرف . . كانت عيني بس في عين عنود إلي كانت مركزه على خلود . .

    خلود توقف : عنود . .

    عنود تطالع خلود : طلعتي انتي . .

    انا قمت بصدمه ومسكت عنود : عنود شفيج . .

    عنود توخر ايدي : سمعت كل شي . .

    غمضت عيني . .

    خلود تسير تجابل عنود : عنود

    عنود عطتها طراااااااااااق بالقو . .

    انا : عنوووووووود . .

    عنود تنزل دموعها فيضان بكل هدوء وايديها ترجف وبس تطالع خلود . . : ريلي . . انتي حبيبته . . انتي الي معذبه ريلي . . انتتتتي . . . " تعض ع شفايفها بقوه " ليش خلود انتي ليش . . ليش استغفلتيني طول هالسنيييييين .. كل هالسنين انتي ساكته ماقلتي لي ولا لمحتي لي ليش " تضرب خلود " يالحقيييييره يالسااااااااااااااااااااالفه . . تواسيني وانا اشكيييييييييييلج منننننننننها . . تواسيني وانا اصييييييييييييييييييييييييييييييح وادعي عليها . . تواسيني وانتي عارفه كل شي ومخلتني مثل الغبييييييييييييييييييه . . " تضربها قو " ليش سويتي فيني جيه ليش . .

    انا مسكت عنود : عنود اهدي حبيبتي . . اهدي اختيه الله يخليج . .

    عنود تصارخ : ليش قصييتي علي كل هالسنين ليييييييييييييييييييييييييش . .



    خلود تصيح وتنزل دموعها بغزره وماتقول شي . .

    عنود تطالعها : انا حرمتج انتتتي . . انتتتتي الغاليه حرمتج من الي تحبينه . . " تغمض عينها " انا كنت ارمس عنه طول الوقت كيف تحملتي تسمعين . . كيف قواج قلبج . . كيف تحمممممملتي كل هذا . .

    خلود تنزل دموعها : اتحمل كل شي عشانج . .انتي تهميني اكثر عنه . . ماقدر اغدر فيج عشانه

    عنود تصارخ :انتي غدرتي فيني بسكووووووووووووووووووووووووووووووووووووووتج . .

    انا سكرت الباب بسرعه قبل لا حد يسمع . .

    خلود : سامحيني . . ماكان في فايده اني اقولج . . ماكان بيغير شي

    عنود تضربها : من قااااااااااالج . . انا كنت بغير وايد اشياء وايد . . كنت بتم ارفض هالزواج عشاااااااانج . . هالششششششخص الي تحبينه كيف حرمتج منه . . " تصيح " كيف حرمتكم من بعض . .

    خلود : انا اسفه والله . . كل همي مابا اخسسرج .. ماتخيلت فقدانج

    عنود تصفعها كف : حقيرررررررررررررررررررررررررررررررررررررره . .

    انا مسكت خلود : خلود خلاص خليها لين تهدا وامشي وياي . .

    عنود تمسك ايدها : ماتروح مكاااااااااان . . خليها اتم اهني . .

    انا : خلود تعالي وياي . .

    تمت عنود تصيح وتصيح وانا مسكت اييييد خلود الي كانت تصيح من قلب وطلعتها من الحجره . .

    ميره يت فويهي ومصدومه : شفيها . .

    انا : سيري جوفي عنود وقعدي معاها

    ميره تشهق لانها فهمت ان كل شي بان . .

    وركضت سارت عند عنود . .

    دخلت خلود غرفه عنود وتميت حاظنتنها ومخلتنها تصيح وتصيح اطلع الي فخاطرها . .

    مرت كم ساعه وبعدها اندق الباب ودشت عنود وميره . .

    عنود من جافت خلود صاحت مره ثانيه وراحت صوبها وحظنتها بقوه . .

    كان فيني احساس ان عنود لو شو ماصار ماتقدر تقسى على خلود . . عنود قلبها رهيف وطيبه وسموحه وايد وماتعرف تزعل . .

    عنود تمسك ايد خلود : سامحيني . . عذبتج كل هالسنين وماكنت اعرف شعورج . .

    خلود تطالعها : صدقيني لو فقدتج عشانه ماكنت بكون سعيده ابدا . .

    عنود : انا وهو قررنا ننفصل . .

    خلود : ماراح تنفصلون . .مثل ما كنت امنعج قبل بتم امنعج الحين . . لا تتوقعين بانفصالج شي بيتغير . . بلى شي بيتغير وهو انتي بتتعذبين . . لكن لا تتوقعين لو انفصلتي الي بيني وبين عبدالله بيرد .. لااااا مستحيل . . حتى لو كرهتيه وماعاد لج مشاعر تجاهه .. الي بيني وبينه انتهى من زمان صدقيني . .

    عنود تنزل دمعتها : بس انتي تحبينه . . انا كنت العائق امبينكم . .

    خلود : حتى لو احبه . . عبدالله مش نصيبي . . وانا مابرضى اتزوجه بعدج . . مستحيل ماقدر . .

    عنود : ليتج خبرتيني من اول ماخطبوني ليتج

    حلود : صدقيني ماكان بيتغير شي . .ألي فراس عمي حمد بيصير يعني بيصير . . ولا تتحسفين على شي ترا كل واحد فينا ياخذ نصيبه .. وانا مابخسرج عشان حب واحد . . الحب راح يييني مره ثانيه وثالثه ورابعه بس انتي بنت عمي ماتتعوضين ولا ابدلج بواحد ابد . .

    ابتسمت واطالعت ميره واظن ميره قالت نفس الي قلته فخاطري " الله لا يغير عليكم يارب "

    وطلعنا انا وميره وخليناهم روحهم . .

    شوي ووصل ميره مسج وضحكت . .

    انا اطالعها : منو . .

    ميره تبتسم : مهووو . .

    انا : مهو منو

    ميره : هاي البنت الي كانت داقه تصيح

    انا فاجه عيني : للحين تتراسلون . .

    ميره : ههههههههههههه هيه . . والله سوالف وايد عسل . .

    مسكت التلفون عنها ويلست اقرى المسجات . .

    مايد ( شو تسوين انتي ليش ساعه لين تردين )

    ميره " استوت لنا سالفه فالبيت "

    مايد ( شو صار )

    ميره " سوالف اهل "

    مايد ( ممم اوكي ع راحتج لا تخبريني )

    ميره " لا والله مش عشان شي . . لكن مابتفهمين "

    مايد ( ماعليج مني ألقطها وهي طايره )

    ميره " ممم الله يسلمج اثنين من بنات عمي يحبون ولد عمي وحده فيهم خذته والثانيه ماخبرت الاولى انها تحب ولد عمي وان ولد عمي يحبها . . ومرت السنين وكل شي انكشف اليوم "

    انصصصصصصصصصصدمت .

    انا بعصبيه : ميروه شحقه تقولين لها اسرار العايله . .

    ميره : بسم الله مهور بلاج انزين هي ماتعرفني ولا انا اعرفها . .

    انا : حتى ولو كيف تأمنيييييييين فيها . .

    ميره : قلتلج ماتعرفني ولا اعرفها شدراها انا منو وشدراها بنات عمي منو

    انا غمضت عيني بعصبيه وجد معصبه من مايد السخيف إلي للحين ماعترف وكنت يايه اعترف بس جفته فويهي . .

    مايد مبتسم : بلاكم . . مهور بلاج تلبقين من الحراره . .

    ميره : شدراني فيها معصبه لاني اسولف ويا هالبنت . .

    مايد : مهور محتررررررره لان ماعندج حد تسولفين وياه . . خليهم يستانسون ولا تغارين تاخذ مكانج

    ميره عاقده حياتها : شكلها جي . . ماحيدج مهور من هالنوع . .

    انا اطالعها : لا والله ؟ الحين انا صرت من النوع الغيور ميره ؟

    ميره : شوفي عمرج كيف ترمسين . . كيفي لا تدخلين فيني اوكي . .

    انا : انزين ميره من عيوني . . ماراح ادخل فيج ابد ..

    ميره : احسن . . بعد ها الي ناققققققققص . .

    انا عاقده حياتي : لا والله . .

    ميره : هيه هيه تبين تعصبين عصبي . . لا تدخلين فيني . . ريلي وانا مادري ؟ والله

    انا : مالت عليج والله مالت عليج . . وطززززززز أي شي يصير فيج انا مالي خص لا تقولين عقب ماحذرتج

    مايد يبتسم : مابتقول . .

    انا بغيض اطالع مايد : انزين ماعليه بنشوف . .

    مايد يسويلي بايده حرره وانا جد انقهررررررررررررررررررررررت وخزت عنهم . .

    سرت صوب اميه ودخلت عليها الحجره شفتها راقده . . فديتها قصرت اليوم معاها ما قعدت وياها ولا اطمنت عليها قبل لا ترقد ولا عطيتها اللبن الي تحب تشربه قبل ما ترقد . . سرت صوبها وبست راسها ولحفتها عدل وحست فيني . .

    اميه : مهره اميه بلاج . .

    انا بصوت هادي : مافيني شي ماما . .

    وخشيت راسي ف حظنها : خليني ارقد عندج اليوم . .

    اميه : حرمه كبرج كبرر . .

    انا ابتسم : خليني اخذ حنان . .

    اميه تمسح ع ظهري وتمسح ع راسي وغمضت عيني وماحسيت فالدنيا ابد . .

    .

    .

    .

    يـوم الاحد . . .

    على صلاه الفجر قومتني ماما ونشيت بتعب وصليت . . اتضايجت من عمري لاني مش راقده بـ بجاما وراقده بحشره مع كمن اكسسوار . . لبست شيلتي عدل ومريت صوب حجر الكل وتميت ادقق البيبان اواعيهم للصلاه . . لكن ماشاء الله على عيال عمي . . عمومي علموهم على صلاه المسيد من الصغر لكن ماتوقعت انهم يروحون حتى لصلاه الفير الا لمن دشو من الباب . .


    مايد يتثاوب : خبله انتي ادقين حجر محد فيها . .

    راشد يبتسم : صباح الخير . .

    انا طنشت ميود ورديت ع راشد : صباح النور . .

    راشد : تصبحين ع خير . .

    انا : وانته من اهله . .

    كنت سايره فوق لكن مايد زقرني . .

    مايد : مهور لحظه . .

    صديتله : شوو . .

    مايد : هههههههههه " يتثاوب " حشى للحين معصبه . .

    انا : مايد قلتلي بتتعترف لين متى يعني . .

    مايد : بعترف ماعليج . .

    انا تميت اطالعه

    مايد : ميره كانت تقصد عنود وخلود . ..؟

    اانا غمضت عيني وتنهدت . .

    مايد : شفيج انا كنت اعرف اصلا . .

    انا اطالعته : شو . .

    مايد : انا ادري ان عبدالله كان خاطره ف خلود . . وقبل لا يخطب اختج كان مرمسني . . لكن عمي حمد سوا القصه . .

    انا سكت . .

    مايد : يعني لا تضايجين لاني عرفت سر لانه بالنسبه لي مش سر . .

    انا : ترا ميروه تخوره بسرعه وبتيلس انت تستدرجها بكل شي

    مايد : ومن قالج اني ميت على اسرار العايله ؟ انا ابا اتونس وياها . .

    انا اطالعه. .

    مايد : اوعدج اني راح اعترف لكن مابيج ترمسين . . انا بعترف فالوقت المناسب خليني الحين متونس وشوفيها هي متونسه حصلت حد يملي عليها . . وبعدين لا تنسين انها فتره لانها توه متعرفه على مها " يبتسم " الي هو انا يعني . . وعقب هي بتمل وانا بمل وبعصب فيها وبخبرها الصدق وبطنز عليها وبمصخرها بعد

    انا : اصلا عقب كلامها اليوم مالت عليكم اثنينكم مالي خص ولا بدخل . .

    مايد : لا كله ولا بنت عمي ههههه ماتهونين علينا البوس العود " يبتسم " عقب بيحرجون علينا لو ضايقناج مانروم . .

    انا اطالعه : منو بيحرج عليك يا حسره . . .

    مايد : اونها تباني اقول اسمه لكن حريمتج ما بقول . .

    انا ابتسمت . .

    مايد : مكاره تعرف . .

    انا : هههههههه

    مايد يبتسم : شفناه فالمسيد ترى . .

    انا تميت اطالعه يكمل . .

    مايد : احنا ردينا وهو تم يقرا قران . .

    ابتسمت ما قلت شي . .

    مايد : يالله تمسين ع خير . .

    وسار عني . .

    تنهدت وبعدها طلعت من البيت . . تميت قاعده فالحوش على الزرع . . يلست اطالع السما ومغمضه عيني على الهوا الي يرفرف علي . . فتحت عيني لاني سمعت صوت سياره . . قمت ورحت صوب الباب وفجيته وتميت اوايج وشفته مبطل باب السياره ومطلع ريله . . اظن شغلها يحررها . .

    تميت اطالعه باهتمام من بعيد وقلبي يدق . . قص علي قلبي وخلاني امشي واروح صوبه . .

    وقفت عند باب السياره وشبكت ايديني الهنتين على الباب من فوق وحطيت راسي فوق ايديني

    انا : صباح الخير . .

    يطالعني : بسم الله . .

    انا ابتسمت : . .

    سيف : شو تسوين اهني فهالصبح . . " يصد يمين ويسار "

    انا : كنت قايمه اصلي .

    سيف : قايمه تصلين ؟ شو مظهرنج من البيت . . ." عاقد حياته "

    انا ابتسمت وتميت اطالعه من غير ما اقول شي . .

    سيف نزل من السياره وبعدها اعتدلت انا ووخرت ايديني عن الباب . .

    سيف : قاعد اتكلم انا . .

    انا ابتسمت : حسيت اني بجوفك يمكن عشان جي طلعت . .

    سيف عاقد حياته : نعم فديتج؟

    انا ابتسمت . .

    سيف : شو هالحركات بعد .. وين تبين طالعه هالحزه . . يعني لو انا كنت محد شو كنتي بتسوين

    انا : كنت بدش داخل . .

    سيف يطالعني . .

    انا : اصلا انا من متى اوايج عليك من الباب ما ظهرت . . يوم جفتك يييتك . . "ابتسمت " رايح الدوام ؟

    سيف : هيه . .

    انا : توا الناس ليش تروح بدري . . ؟

    سيف طنش سؤالي و يصد يمين يسار : يالله دشي داخل عن حد يمر . .

    انا : محد بيمر . .

    سيف : انتي ليش ماتسمعين الكلام . .

    انا اطالعه : انزين . . بسير . .

    وعطيته ظهري بروح داخل . .

    سيف : تعالي . .

    انا استانست فخاطري لانه زقرني بس ما بينت له . . سويت عمري اوني القو . .

    انا اطالعه . .

    سيف : اركبي باخذلج ريوق . .

    ماحسيت بروحي الا وشاقه الحلج وابتسامتي بانت . .

    سيف يبتسم : خبله . .

    وركبت على طول السياره وركب عقبي وتم يطالعني : لا والله . .

    انا اطالعه : شو . .

    سيف : بتسيرين جي " ياشر علي من فوق لين تحت "

    انا : منو ببيجوفني من الصبح . . بيتحروني سيلانيه راكبه وياك . .

    سيف : روحي لبسي عباتج

    انا اشهق : خيييبه تباني اروح لين داخل عشان البس عباتي بس وارد . . أصلا بنات عمي راقدات فحجرتي يعني لو دشيت وبطلت الباب بس كلهن بيحسن فيني . .

    سيف يطالعني : دشي بيت يدي اترييني بييب ريوق وبيي . .

    انا : مابا . . مابنزل . . خلاص ركبت الحين لا تكسر بخاطري . .

    سيف : وبعدين معاج . . .

    انا يييت بنزل : انزين خلاص خلاص اف

    سيف : خلااااااص تمي تمي . .

    انا ابتسمت بنصر . .

    وسكر سيف باب السياره عقبها وحرك . .

    سيف : شو تبين تاكلين . .

    انا : ممم عادي اي شي . .

    سيف : كيما ؟

    انا :لاااااااا . . ماحبه . .

    سيف : فلااافل ؟

    انا اطالعه : ماحبه . .

    سيف يطالعني وعاقد حياته : عيل شو تقولين لي اي شي . .

    انا : انزين انزين باكل فلافل . .

    سيف : ماباخذلج شي ماتحبينه . . شو تبين قولي . . " يطالعني " بنسير هالجريب من البيت مابوديج بعيد وانتي جي . .

    انا : انزين ليش

    سيف عاقد حياته : لا سمح الله سوينا حادث . . بتكشفين بهاللبس جدام الناس . .

    انا : بسم الله علييييييينا . . اعنبوه من فال . .

    سيف : اطلعي من البيت ستيره كم مره اقولج . . خلج شرا شما ماشاء الله عليها . .

    انا عاقده حياتي : لا تشبهني بحد ..

    سيف : انا ماشبهج بحد انا اقولج خلج شراتها

    انا :ردني البيت مابا شي . .

    سيف يطالعني ويبتسم : يا اميه ما شبهج بحد .. انا اقولج هي حشيم وايد ماشاء الله وستير وايد اتستري شراتها . .

    انا : يعني الحين انا ماش ستير . .

    سيف : ليش تفسرين كلامي ع كيفج . . ؟ما قلت انج مش ستير انا اقولج اتستري اكثر . . حرام اجوف حرمتي متستره اكثر ؟

    سكتني الحيوان . . خلاني استحي . . وهو تعمد اصلا يحرجني وابتسم . .

    سيف وقف عند الكافتيريا : حدج سمون جبن

    انا : هيه انزين ابا سمون جبن . .

    سيف : شو تشربين ؟

    انا اطالعه بنص عين : ماتعرف شو احب . .

    سيف يبتسم وينزل من السياره . . ابتسمت لانه ما يبا ينزل الجامه ويخلي الهندي يجوفني . . وسمعته يقول . .

    سيف : 10 جبن و 4 كوكتيل و واحد عصير ليمون بالنعناع . .

    وركب عقبها السياره . .

    انا : انا ماحب الكوكتيل . .

    سيف يبتسم : عبيطه تعرفين اني طالب لج الي تحبينه . .

    انا ابتسمت : كيف تعرف اني احب الليمون بالنعناع . .

    سيف : 21 سنه احبج على الفاضي . .

    على طول صديت الصوب الثاني وغمضت عيني .. من غير ماحس حطيت ايدي ع قلبي . . يت كلمه احبج قويه . . شعر ينبي كله وقف . . تاثرت واايد وايد تاثرت . .دخلت الكلمه فصميم قلبي .. نادر ما اسمع سيف يزل ويقولها . .

    صديت وشفته حتى هو ارتبك وتم يدقق اصابعه عالسكان بشويش . .

    تمينا ساكتين وكل واحد فينا مرتبك واحساسنا بصوب ثاااااااااااااني . .

    ماقطع احساسنا الا الهندي وهو يدق الجامه بقوه . .

    سيف نقزززززززززز : قفعه تقفعك طيحت مراره فوادنا . .

    انا لا ارادي ضحكت من قلبييييييي على شكله . . . جد هلكني ضحك ..

    سيف :تضحكين مسوده الويه . . " يبتسم "

    وينزل من السياره يحاسب وشل الاكل . .

    سيف يبتسم : نقزني والله . .

    انا ابتسمت مارديت عليه . .

    تم يسوق على رواق وانا كنت وايد مستانسه واحس وصله احساسي . .

    سيف : متى رقدتي البارحه . .

    انا : ماعرف ما اذكر الوقت . . يمكن 1 ولا 2 . .سرت عند ماماه وخشيت راسي فحظنها ورقدت

    سيف يطالعني : على كبر عاد . .

    انا : بعدني صغيرررررره انزين . .

    سيف يبتسم وبصوت يادوب ينسمع : عقبال ماترقدين فحظني . .

    بلعت ريجي ومت حيييييييييا . . بلاه سيف اليووووووووووم . . مول مش عادته يقولي هالكلام . . وايد مهذب ويايه ووايد يحاسب ع كل كلمه يقولها . . مول ما يتهور ويقول جيه . .

    بكل حيا قلتله : متهور اليوم . .

    وصلنا البيت . .

    سيف يطالعني : لاتين الصبح مره ثانيه . شوفتج الصبح تلعوز ترى . . اكون روحي رايق وتوني ناش واشوفج " يبتسم " بهالدلع والدلال . . " يبتسم اكثر " وتوخين تحطين لي راسج عند باب السياره وماتبيني اتهور بعد . .

    ابتسمت ويايه انزل من السياره . .

    سيف : اصصصصصصبري . .

    صديت اطالعه شفته يطالع من جامته . .

    سيف : خل يروح . .

    شفته لـ وين يشوف كان يطالع وليد طالع من بيت يدي ومشى دخل بيتهم . .

    سيف : انتي مابتروحين الكليه

    يلست اطالعه : انا مخلصه من اسبوعين . .

    سيف : اوه نسيت . . " يطالعني " يعني انتي وعنود تخرجتو دبلوم .. . حق شو تكملون بكالريوس

    انا اطالعه عين بعين : عشان اشغل وقتي بالدراسه وما اكل فوادك واقولك كل يوم تعال خذني . .

    سيف يطالعني وماخوز عينه عني . .

    عقبها : كم باقلج وبتخلصين . .

    انا : 3 سنين . .

    سيف : طلعت النتايج ؟

    انا : اليوم المفروض تظهر . .

    سيف : طرشيلي مسج خبريني . .

    انا : مابطرش . .انت قلتلي مانرمس بعض فون خلاص . .

    سيف : زين ماعليه بس طرشيلي خبريني . .

    انا : بخبر عنود وانت تخبرها . .

    سيف يبتسم : انزين مش مشكله . . " يطالع جاف وليد محد " يالله

    بطلت باب السياره ونزلت وسرت صوبه ونزل لي الجامه . .

    " يمدلي الكيس " سيري تريقي ويا يدي ويدوه . .

    انا : وانته ..

    سيف يطالع الوقت : 7 إلا ربع . . الدوام بعيد يا دوب يمديني ألحق . .

    انا شليت عنه الكيس وطلعت له 3 سمون جبن وعطيته عصير ليمون بالنعناع . .

    انا : كل فالطريج . .

    سيف : شلي عصيرج . .

    انا : مابي . . عسبت تذكرني يوم تشربه

    سيف يبتسم : اتذكرج بدون عصير انا . . يالله شليه . .

    انا : ماعليه خله ونيس لك فالدرب لين توصل . .

    سيف : شليه باخذلي واحد وانا رايح

    انا :مابا ها غير اناعاطتنك اياه . .له طعم ثاني . .

    سيف يبتسم : اسير اخذ واحد ثاني اييبلج اياه؟

    انا : لا . . بروحك متاخر . . يالله سير وشوي شوي فالدرب . .

    سيف يبتسم : يالله دشي داخل . .

    انا : انزين يالله روح ابا اجوفك وانت تروح . .

    سيف عاقد حياته : دشي داخل . .

    انا : هكو هكو بيت يديه بلاك ما بطير . . سير يالله . .

    سيف يبتسم : انزين . .

    انا ابتسمت له . .

    سيف : تحملي ع روحج . . تريقي وردي البيت ارقدي . .

    انا : ان شاء الله . .

    سيف : محتايه شي . .

    انا هزيت راسي بـ لا . .

    سيف : يالله عيل . . فمان الله . .

    انا : فمان الرحمن . .

    وحرك شوي شوي لين غاب عن عيني . .

    تميت مبتسمه اطالعه وتنهدت عقبها براحه فظيعه . . كل تعب امس وضيق امس تبخر ف نص ساعه قضيتها معاه . .والله هذا الشخص الي احبه . .هذا الشخص الي عشقته وعشقت ترابه . . اول ماييت ادخل بيت يدي جفته واقف من بعيد ويبتسم . . وتقرب يوم جافني لمحته . .

    يعني هوا سوا عمره جدام سيف دخل بس هو ما دخل .!!!






  8. #18
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    .

    البارت الـ تاسع

    وليد : صباح الخير . .

    انا : صباح النور . .

    وليد يبتسم : سهله . . يقص عليج ويلين راسج متى بتفهمين . .

    انا اتنهد : يقص علي ولا مايقص علي . . لا تدخل مره ثانيه ..

    وليد يطالعني : انتي ماتدرين ولاتعرفين شـ إلي يصير حولج . .

    انا اطالعه . .

    وليد : غبيه والله . .

    انا : . .

    وليد يبتسم باستهزاء : تذكري كلامي عدل وحطيه في بالج . . ولاتنسينه . . بتندمين وبتقولين ليتني سمعت كلامك من البدايه يا وليد . .

    انا : شو تبا مني . .

    وليد : اباج توعين من الي انتي فيه . .

    انا : واعيه واعرف الي اسويه شو

    وليد : والله ماتعرفين شي . . ماشيه معمايه ورى عواطفج . .

    انا : شي يخصني مايخصك . .

    وليد : صح . . ما يخصني . . " يبتسم " لكن مابا تجربه ذل تعيشينها وعقب تحسين روحج كنتي مغفله . .

    انا : برايه مستعده لهالعواقب

    وليد : ع فكره . .ما بتشمت فيج . . لاني في يوم من الايام كنت شراتج لكن الفرق تعرفين شو

    انا اطالعه .

    وليد : اني ما لقيت الي ينصحني ويواعيني من الي انا فيه . . ف كنت معذور . . لكن انتي مش معذوره ابد . . لانج حصلتي الي يحاول يفهمج ويفتح عيونج لكنج ترفضين

    انا : وبتم ارفض لاخر نفس في حياتي

    وليد يبتسم : بنخلي الايام تبين . .

    انقهرت وطنشته ودشيت بيت يدي . . سد نفسي عن كل شي . . حتى احسني مابا اكل شي . .

    اول مادخلت شفت يدوه تسقي الزرع . .

    انا : يدوه شو تسقين فهالحررر . . دشي دااخل . .

    يدوه تطالعني بنص عين : دشي شو تبيني . . إلي يقول تبين تيلسين وياي . .

    انا ابتسمت : انزين دشي انا بسقي بدالج . .

    يدوه : روووووووحي داخل الزرع ما يدانون حد غريب يسقيهم . .

    انا : اسميج يا يدوه . .

    يدوه : وليد ابويه ليش رديت . .

    صديت شفته ورايه . .

    وليد مطنشني : نسيت احبج على راسج . .

    ويسير صوبها يبوسها ع راسها ويدوه مررررررره عاد متششققه حييل . .

    يدوه : وفديتك انا . . الله يرضى عليك وينورلك يومك يارب . .

    وليد يبتسم : يالله تامرين ع شي . .

    يدوه : هالله هالله على روحك . . بتي تتغدا عندي . .

    وليد : هيه . . يدي قال يبانا كلنا نجتمع ع الغدا عندج يبا يرمس ف موضوع . .

    انا كنت يايه اسأله شو المووضوع لكنه تجاهلني وطلع من البيت من غير ما يطالعني . .

    تنهدت ودشيت عند يدي . .

    يدي يبتسم : مهره . .

    انا ابتسم : كيف تعرف اني انا وانا حتى بعدني نفس ما اتنفسته ..

    يدي يبتسم : من هالخطوات الهاديه إلمرتبكه . .إلي شايله هم . .

    انا سرت صوبه وسلمت عليه وحطيت راسي ع جتفه : ماشايله هم . .

    يدي : شـ اصبحتي . .

    انا : اصبحت بكل خير الحمدلله . . لكن لازم يصير شي ينكد علي

    يدي : لا تسمحين ل شي ينكد عليج . .

    انا ابتسمت : صح . . ما بسمح . .

    طلعت له السندويجه : تريقت ؟

    يدي : هيه تريقت ليش شو يايبه وياج . .

    انا : سيف مطرش سمون وجبن . .

    يدي : وايد عليه . . ها الي قدر عليه

    انا : ههههههههههههه . .

    شغلت له التلفزيون وحطيت الريموت فايديه . .

    انا : اليوم عندكم اجتماع هاه . .

    يدي : منو خبرج . .

    انا : العصفوره . .

    يدي : اول عصفوره درت للحين وليد . .

    انا غمضت عيني بقوه : زخيتني يعني

    يدي يبتسم : هيه يعني لا تيلسين اهني وروحي من وقت لان عيال عمج كلهم بيترخصون من الدوامات وبيون . .

    انا : ليش ليش . . شو الموضوع

    يدي : رمسه رياييل . .

    انا بوزت : انزين خبرني . . انا كاتمة اسرارك . .

    يدي يبتسم . .

    انا : والله امس تقولي خلود اني خذت طباعك وكاتمه اسرار والكل يحب يفضفض لي

    يدي : هاي نعمه من ربج استغليها عدل . . وخلج قد المسؤوليه . .

    انا : انزين اوكي بس خبرني اول

    يدوه تدخل : يخبرج شو . .

    انا عرفت اني لازم انطب الحين وماقول شي . . ف طلعت لي السندويج وتميت اكل . .

    يدوه : مثل الفقمه تاكل . . كلي شوي شوي

    يدي : خليها تاكل خليييها ناشبتلها حتى على اللقمه . .

    عميمه نوره تنش : صباح الخير . .

    انا اطالعها : صباح الخيير . .

    عميمه : ماشاء الله مهور عندنا اليوم من الصبح . .

    قمت وسلمت عليها . .

    ابتسمت ومارديت عليها بعدني شرهانه عليها على الكلام الي سمعته امس بدون قصد . .

    عميمه عليا : ابويه خلاص الموضوع الي كلمتك عليه بسير اليوم وبخلصه . .

    يدوه تطالعها : بدينا بالخش والدس . .

    عميمه تبتسم : يا امي ما اخش شي . . عن موضوع التقاعد . . بتقاعد

    يدوه : اخير لج . . مش محتايه شي الحمدلله . .

    عميمه : بتسيرين مكان اليوم امايه ؟

    يدوه تطالعها : بسير عند ام عبدالله متوفي اخوها بنعزيها . .بيلس عندها زين ذكرتيني بقوم اتسبح بيمرن علي الحريمات بعد شويه . .

    ونشت . .

    عميمه تطالعني : مهور عندج شغله اليوم ؟

    انا اطالعها : لا

    عميمه تبتسم : بلاج . . زعلانه مني ؟

    انا يوم اشل على حد لو شو ماسويت بيبن علي . . مول ماقدر اجامل ولا ابين العكس . .

    يدي : مهره ما تزعل من حد . . ليش شو بغيتي منها

    انا اطالعها : امري عميمه ليش تتخبرين؟

    عميمه :لان نصور شويه ميهود . . وقلبي بيتم بوسواس لو خليته وسرت . . تمي اهني بس كل ساعتين روحي جيكي عليه . .

    انا : ليش بلااه بسم الله شو ياه . .

    عميمه : ملعوزنه الربو . .

    انا : مابتودينه المستشفى ..

    عميمه : لامايحتاي كل شي عنده اهني وسويتله كل شي لكن بس اباج تجيكين عليه لو تعب تتصلين فيني . .

    انا : ان شاء الله افا عليج . .

    عميمه عليا : ها العشم فيج . . " تقوم "

    وصخ البيت علينا انا ويدي عقبها . . تميت ساعتين قاعده معاه وعقبها قالي انا بيرقد شوي . . ساعدته وديته الغرفه وخليته ينسدح ولحفته عدل وتميت اطالعه وماحسيت بروحي الا ودموعي تنزل . . ماتخيل حياتي بدون هالانسان . . حتى يوم كان ابوي عايش ماكان قريب مني شرات ما يدي قريب . . حنون ويقدر يعطيني القوه بابتسامه ولا بلمت ايد . . قبضت ايدينه تكفي تخوز عني كل هم . . ابتسمت ومسحت دموعي ورحت البيت . . دخلت غرفتي بشويش وشفت ان البنات راقدات عندي . . شليت لي مخوره وسرت الحمام خذت لي شاور سريع ولبست . . ورديت اطلع بهدوء من دون لا حد يحس فيني . . نزلت تحت وشهقت يوم شفته فويهي . .

    مايد : بلاج انتي كله تنقزين . .

    انا اطالعه : شعرررررررك روحه ينقزززز . .

    مايد يبتسم : خايسه تتمنينه شعري . .

    سويتله مالت وييت بطلع

    مايد : انتي ليكون واعيه من الفير . .

    انا : هيه . .

    مايد عاقد حياته : احلفي

    انا : والله , . " اطالعته " ليش ماسرت الدوام . .

    مايد : عندي اجازه . . " يتثاوب " وين رايحه

    انا : عند يدي

    مايد عاقد حياته : عندنا اجتماع احنا شوتسوين انتي اهناك . .

    انا طنشته وطلعت . .

    استانست يوم قالتلي عميمه تمي . . يعني نصور مرض فوقته .. استغفر الله استغفر الله شو هالرمسه . . اسميني استخفيت . . لكن بحاول قد ما اقدر اسمع شو سالفه الاجتماع ؟ من سنييييييين ويدي بين فتره وفتره يقولهم في اجتماع . . واحنا البنات نموت ونتحرقص ونعرف شو يكون الاجتماع وشو يقولون وشسالفه . . هل هي ضرابه او شو بالضبط . .اليوم اليوم باذن الله بكتشف وماخبر حد . .


    دخلت بيت يدي وجيكت ع نصور كان راقد براحه . . تميت متملله واااااااايد وقاعده اتسلى فالبي بي لين صارت الساعه 1 . .

    سمعت يدي يزاعق باسم يدوه وذكرت انها محد تعاونه . . جان اركض بسرعه صوبه وشفت وليد سابقني ويعاونه يقوممه . .

    يدي : يو عيال عمك . .

    وليد : هيه كلنا نترياك . .

    يدي : يالله ودني بتوضا وبصلي وبرمسكم . . خذتني رقده اخرت الصلاه . .

    بعد ما خلص يدي صلاه . . انخشيت مره ثانيه فالغرفه عسب ما يجوفني وليد ولا حد يحس فيني . .

    يدي : ازقر عيال عمك الصاله

    انا استانست موووووووووت . . لاني كنت احاتي كيف بسمعهم وهم فالميلس . .

    وليد : ان شاء الله . .

    بعد دقايق بسيطه .. وحشره عيال عمي والسلام صخو كلهم مره وحده . .

    يدي : طلعتكم من دواماتكم وادريبكم كل واحد فيكم مشغول بس الموضوع مهم وانا قلت لازم انهيه اول ماعرفته . .

    عيال عمي كل واحد فيهم يقول " شو " . . " قول يدي " . .

    يدي : اصبحت ويدتكم تخبرني ان سيف عليه دين 900 ألف . .منو يعرف هالرمسه

    انا حطيت ايدي ع قلبي . . الموضوع عن سيف . .

    مايد : انا اعرف . .

    وليد : انا اعررف . .

    راشد : اانا اعرف انه عليه دين بس ماعرفت انه المبلغ بهالقيمه . .

    عبدالله ساكت ..

    مروان : انا اعررف . .

    يدي : تعرفون يالهروم يالرييياييل ولا واحد فيكم ارتخى واستحى ع ويهه وعاون . . " يصارخ " عبدالله ومروان انتو اخوان على الفاضي . . وانتو الباقي تسمون عماركم عيال عم . .

    مروان : يديه حتى لو سددنا دينه ابويه بيلعوزه وبيرد يخليه ياخذ دين ورى دين

    يدي : معلوووم ابوك مايعرف ان سيف وراه عيال عم واخواان يعاوونونه ويوقفون وياه . .

    كلهم صاااخين . .

    يدي : الريال يحب بنت عمه ويبا ياخذها . . بتسوون جمعيه وبتسددون ديونه علشان الريال يروم يعرس . . 900 الف لو يقضي 10 سنين ما بيخلص تسديد

    وليد : تامر امر . .

    عبدالله : صح . . قصرنا احنا . .

    يدي : احين لو انا ماقلت انتو ما بتتصرفون .. ؟؟ محد فيكم فكككر فهالمسكين كيف عايش ؟ ومسوين رواحكم من دم واحد واهل نخوه وحده وجبيله وحده ؟ شو الفرق بينكم وبين الغريب عيل شوو الفرق . . كلكم مسودين ويوه . .

    نزلت دمعتي مع ابتسامه بارده . .وفديت روحك يا يدي . . شو حياتنا بدونك احنا . .

    مروان : لا تعصب يديه اعتبر القرض تسدد . .

    يدي : اليووووووم . .

    مايد : ان شاء الله يديه . . أليوم ينتهي الموضوع كله

    راشد : اهم شي عندنا صحتك ابوي لا تشيل هم شي ثاني ابدا . .

    يدي : انا بسدد عن سيف نص المبلغ والباقي تعاونوه انتو وسددوه . .

    كلهم اشتلو ويقولون لا . . والله ما تدفع . .

    وليد : دام راسنا يشم الهوا لا تحاتي شي يديه . . واذا سيف يتعلث بالدين عسب يعرس بنسدده وبنشوفه بيعرس ولا . .

    انا : اخخخ منك ياوليدوه واقفلي غصصصصه فالبلعوم . .

    مايد : انت لا تشيل هم شي يديه خلاص . . مثل ما قلنا لك الموضوع منتهي . .

    يدي : مثل ما قلتلكم اليوم يخلص الموضوع . . ولو نقصكم شي خبروني . . يالله روحو . . لحظظظه ..

    مايد : نعرف شو بتقول يديه والله حفظنا . .

    راشد : محد بيعرف فالموضوع ابد . . حتى امهاتنا . .

    عبدالله : حتى الموضوع مانرمس فيه ويا عمارنا . .

    مروان : حتى ويا الهوا ما ننطق فالموضوع . . ننهيه بسكااات . .

    يدي : عفيه . . يالله سيرو تغدو فـ بيوتكم . . يدتكم محد

    وليد : افا يديه ماهقيت

    مروان يبتسم : يالسين ع جبدك . . بنتغدا اهنا . .

    راشد : بسير اخبر الشغاله تحط الغدا . .

    عميمه تدخل : ألسلام عليكم . .

    انا سكرت عيني : لا عميمه لاااااااااااااااااااااا . . مش وقتج . . لاتفكرين تدخلين لالالالا . . شسوي شسوي . .

    تميت ادق ويههي واسير يمين يسار . .

    ناصر : بلاج . . خبله انتي . .

    انا نقزت وصرخت : وااااااااااااااااااااااي . .

    يدي : شو ها . .

    وليد يا وبطل الباب بسرعه . .

    انا تميت اطالع وليد وميته ميته ميته صدمه . .

    وليد : بلاج تصارخين . .

    ناصر : مادري فيها انا راقد من قمت اشوفها فويهي وصرخت . .

    وليد : من متى انتي اهني . .

    يدي : وليد . . منو هااا . .

    وليد : مهره اهني . .

    يدي عاقد حياته : ماراحت . . " بنبره جاده " مهره ؟

    عميمه : بلاكم انا قايلتلها لا تروح ترا وتيلس ويا ناصر . .

    يدي : مهره تعالي . .

    انا غمضت عيني وتميت ادعي على عمري . .

    عيال عمي كانو منصدمين يوم شافوني طلعت من الغرفه وكلهم عينهم علي . .

    يدي : شـو سمعتي . .

    بلعت ريجي ماعرفت ارد . .

    يدي : قولي شو سمعتي . .

    انا كنت ارجف . .

    وليد : هدي عمرج . . ماصار شي

    عبدالله : كل الي سمعتيه لو ظهر مكان واحد بعق عليج المسؤوليه

    انا : والله العظيم ما بيطلع . .لا سمعت ولا . . .

    قاطعني يدي : عبدالله اخر مره ترمس ويا مهره بهالاسلوب ..

    عبدالله سكت . .

    يدي : بترمس بنت عمك رمسها بحشمه وادب واخلاق . . كل بنات عمك فيهن ادب لو سمعو ما بينطقون . . ومهره انا مربنها وعاقل ما تنقل كلام . .


    وليد : وانا اشهد ..

    مايد : انا اشهد بعد . .

    ابتسمت وبست راس يدي . . : مسامحه يدي . . بروح البيت الحين . .

    وتلومت وااااااااااااااااايد . . وايد وايد كنت قافطه ومفتشله من روحي ومفتشله منهم كلهم . . وطلعت من البيت بسرعه . . لحقني وليد . .

    وليد : مهوووووور . .

    طنشته . . مادري ليش يوم قال اسمي يتني الغبنه . . حسيت اني بصيح . . لكني تجاهلته وركضت لين البيت . .

    واول مادخلت مسحت دموعي بسرعه . . شفت البنات يطالعوني . .

    عنود : وين كنتي . .

    انا : ها . . بيت يدي . .

    شما تبتسم : مهور . . تغديتي حبيبتي . .

    انا كنت ملاحظه انه كلهم يطالعوني بنظرت غييير بس مادري ليش . .

    انا : لا . . انتو تغديتو ؟

    خلود : لاكنا نترياج . .

    انا اطالعهم : بلاكم . . شو صاير . . اميه فيها شي ؟؟

    عنود تي صوبي : لا مافيها شي . .

    انا : اميه وين . .

    عنود : مافيها شي والله العظيم . . سارت ويا يدوه العزا . .

    انا : عيل شو مستوي بلاكم . .

    سرت صوب ميره : شو السالفه ارمسي . .

    لاحظت ان خلود دقت جتف ميره . .

    انا : بتخلوني على اعصابي يعني محد بيرمس . .

    ميره تمسك ايدي : مهور قوي قلبج طلعت النتايج . .

    خلود تطالع ميره ..

    انا حطيت ايدي ع قلبي : انزين ؟ شفتي نتيجتي . .

    ميره ساكته . .

    انا : ارمممممممممممسي . .

    ميره تصارخ : نااااااااجحححححححححه

    انا مبتسمه : احلللللللللللللفي

    ميره : والله ..

    تجمعو حووووولي وييباركولي . .

    خلود : خوفنااااااج صح . .

    انا ماسكه قلبي : والله طيحتو فوادي . .

    يلست اطالعهم بنظرات شك . . : متاكدين مافي شي ثاني صح . .

    عنود : كنا نبا نوترج " تبتسم " يالله ميتين يوع من متى نترياج . .

    انا : اوكي . .

    ورحت وياهم وكلنا احنا البنات . . وتمينا نسولف وقعدو يسألوني وين نمت ووين كنت طول هالوقت وخذتنا السسوالف لين اذان العصر . . جد انهد حيييييييييلي . . من الفير واعيه . . صليت فرضي وعلى طول ترخصت عنهم ووطيت راسي رقدت وقلتلهم لحد يواعيني ابد . .ومن وطيت راسي الحمدلله رقدت ومانشيت الا على دق باب شما تواعيني لـ صلاه المغرب . . نشيت صليت المغرب ورديت ارقد . . وبعدها يت شما مره ثانيه تواعيني لصلاه العشا . . صليت وتغسلت ولبست بجامتي ورجعت اناااااام . .كنت ميته ميته تعب احس جسمي مررررررهق بشكل كبير . . ماحسيت فالدنيا ولا حسيت بأي شي عقبه لين ما واعاني بطني من اليوع على الساعه 3 من الليل . .

    خذتلي شيله صلاه لاني لابسه بجامه ماتنفع شيله بيضا بس . . ونزلت تحت وانا انووود . . سرت المطبخ وبطلت الباب وصرخت يوم جفته فويهي . .

    انا : اااااااااااااااااااااااااااااااااااااااااااااااااا ااااااااااااااااااااااااااااااااااآآآآآآآآآآآآآآآآ آآآآآآآآآآآآآآآآآآآآآآآآآآه . .

    مايد يركض : حسسسسسسسسسسسسبي الله عليج انططططططططططبي بتواعين الي فالبيييييييييييييييييييييت . .

    انا ماسكه قلبي وبعدني منصدمه وميته رعب ..

    مايد : شو فييييييييييييييج غربلات عدوج من بنيه كله تزاعجييييين . .

    انا : حسبي الله عليك من ريال . . اعنبوه شبح . .

    مايد : هههههههههههههه لا فراري

    انا مغمضه عيني بقوه مش متحمله السخافه . .

    مايد : شو موعنج " يبتسم " شو تبين

    انا : يوعانه

    مايد : راقده رقاد اهل الكههههف وين ما بيتوعين . . ما بغيتي تطلعين من الجججحححر الي كنتي فيه

    انا عاقده حياتي : شو تسوي

    مايد يمسك صحنه يتحراني باخذه: اندومي

    انا : ماحبه . . واهناك شو . .

    مايد يمسك الصحن الثاني : اندومي بعد

    انا : قفعه مش بطن . . غوريلا مش ريال

    مايد : هب هباااج

    انا سرت بطلت لي الثلاجه لقيت صينيه معكرونا . .

    انا : الحمدلله . . حصلت لي شي . .

    طلعت لي شوي منها وحطيته فالمكرويف وحريته . . وطلعت لي شاني اموت عليه

    مايد : شاني .!!! سيلانية انتي . .ألشاني مال السيلانيات

    انا : انت شو يخصك انا يعيبني . .

    مايد يسويلي مالت وييلس ع طاوله الطعام وياكل . .

    انا : انت ليش مأجز . .

    مايد : كم مره اقولج سيارتي خربانه فالكاراج كيف اسير الدوام . . ماحب اطلع الا بسيارتي

    انا : اعترفت لميروه ولا

    مايد غص : لا . .

    انا : ميوووووود

    مايد : انتي ما بتنسين السالفه . . " يبتسم " تعرفين انها غبيه والله . .جد متنحه هالبنت

    انا : ليش

    مايد : امس وانا طايح فليل برقد ذكرت اني اول ماكلمتها قلتلها اسمي احلام وعقب قلتلها مها وبقررررررره قسم بالله ولا لاحظت . .

    انا ابتسمت . .

    مايد يبتسم ووصله مسج . .

    انا فجيت عيني . : لا تقول ميروه

    مايد يطالعني : ميروه

    ميره ( رقدتي )

    " لا "

    ( ليش . . شو تسوين )

    " اندومي "

    ( ههههه هالوقت )

    " هيه يوعانه . . انتي قلتي بترقدين ليش مارقدتي ؟ "

    ( مستهمه افكر )

    " بـ شو . .شاركيني "

    ( بـ وحده اعزها ابا افاتحها بموضوع بس ماعرف كيف )

    " عادي ما يباله كيف قوي عمرج وفاتحيها "

    ( موضوع حساس بالنسبه لها )

    " دوري طريقه مناسبه "

    ( ولو سكت ؟ )

    " ممم ماعرف بس عن نفسي ما انصحج بالسكوت "

    ( تقولين يعني )

    " هيه "

    ( لالاماقدر ماقدر )

    مايد يطالعني : منو انسانه عزيزه عليها ؟

    انا افكر . .شت يا ميروه . .ليكون تلميحين وتقصدين وليد .. خس الله ابليسج بتنفضحيين . .

    انا : ميود اعترفلها الحين احسنلك

    مايد عاقد حياته : ليكون ترمس عن واحد . .

    انا فاجه عيني ع وسعهن . .

    مايد مصدوم : ترمس عن منو . . ميروه عاشقه حد ؟

    انا : لا طبعا

    مايد : جذوب . . غردي قولي ولا بعرف منها

    انا : احين بطرشلها مسج بخبرها انك انت

    مايد : هي قالتلج بلسانها لا تدخلين . .

    انا اطالعه : لاتستدرجها لو بغت تقولك بتقول لكن لا تستغل هالشي

    مايد : انزين انزيين . .

    طرشلها " تحبين ؟ "

    انا : وبعدين وياك . .

    ( لا ما حب )

    انا قلت فخاطري الحمدلله يوم ياج عقل وصخيتي . .

    مايد " ليش عندي احساس انج تحبين "

    ( خلج من الحب وخبريني شسوي عاد . . مضايقه ماقادره انام )

    " خبرييني الموضوع وانا بعطيج اقتراحات "

    وصله مسج وقراه لكن ماقرالي اياه . .

    انا عاقده حياتي : شو طرشتلك . .

    مايد : ها . .ماشي . .

    انا : هاااااااات خلني اجوف . .

    مايد : اسف

    انا : يالله هات

    مايد يطالعني عين بعين : خبرتني عن قصة الحب . .

    انا : خبرتك عن منو . .

    مايد يبتسم : الي تحبه . .

    انا غمضت عيني :اوف منج يا ميروه ..

    مايد : انا كنت حاس اصلا انه هو . .

    انا : كيف حسيت انه وليد ؟

    مايد عاقد حياته : وليد . .

    انا فجيت عيني يعني ماكان يعرف . . ااخخخخخخخخخ يااااااااااااااااااااربيه بتخبل . .

    مايد يبتسم : ادري وليد . .

    انا نشيت انقهرت وقلت بسير بخبرها والي فيها فيها . . واول ماصعدت حجرتي ومسكت فوني اكتشفت ان ماعندي رصيد . . انقهررررررررت وعقبها فريت التلفون وانتظرت صلاه الفجر صليت وبعدها دخلت علي شما . .

    شما : مهور واعيه؟

    انا : هيه صليت حبيبتي . . زين خذتي مكاني اليوم واعيتيهم . .

    شما تبتسم : مابا اكلف عليج واخليج تواعيني اخواني . . قبل تصلين بروحج ماتتعنين

    انا مبتسمه : اخذ اجر من وراكم . .

    شما تي حذالي : على اساس ارقد عندج وماعزمتيني وشردتي عقب

    انا : انتو سويتو لي سالفه . . كلكن رقدتن اهني البارحه اصلا

    شما تبتسم بحيا :أويه سوري . .

    انا :ههههههه شمو لا تاخذين كل شي جد . . امزح معاج . .

    شما تبتسم : مهور ابي اقولج شي محد يعرفه . .

    انا مبتسمه : قوليلي شي محد يعرفه . .

    شما تبتسم :انا باقيلي اخر 5 اجزاء بالقران . .

    انا بعدني اطالعها مافهمت . .

    شما : وبكون حافظتنه كله . .

    انا منصدمه : شموه بذمتج . .

    شما تهز راسها بـ هيه . .

    انا : ماشاء الله عليج يا بنت عمي . . ماشاء الله عليج . . " حظنتها " والله انج مرتاحه يا بنت عمي . .

    شما تبتسم : انا قبل كنت . .

    وخرت عن حظنها وتميت اشوفها . .

    شما : كنت اكره إلي انا فيه . .

    انا اطالعها : كيف يعني

    شما : لاني اخر العنقود الكل كان شديد علي من كل صوب . . امي واخواني وابوي . . يعني اميه ما تشددت على خلود وشيخه لكن علي وايد كانت شديده

    انا ابتسم : لانج حلوه وتطيرين العقل . .

    شما تبتسم : مهور يوم كنت اول اعدادي لو طلعت الحوش بس بدون شيله ! رشود يضربني ضرب . .

    راوتني جتفها من فوق . .

    انا شهقت : شووووووووو هذا . .

    شما : رشود حرقني مره . .

    انا مصدومه : حرقت بشووووووووه

    شما : بعود جبريت وهو يشتغل . , طفاه في لحمي جنه طفايا

    انا حطيت ايدي ع حلجي : بل عليه لييييش . .

    شما : لان مره لو تذكرين قبل اكثر عن 6 سنين احترقت حجرت شيخوه بالمبخر . . وكلنا ربعنا الحوش من الزيغه وانا ربعت وياهم . . وكلهم كانو كاشفات مش بس انا . . لكنه حرقني انا

    انا : ياعمري عليج . . ماتوقعت رشود مجرم . .

    شما : ههههه لا حرام . . عقب كبرت عرفت انه وايد يخاف علي . .وكله كان يوصي امايا يقول غطيها استريهاا هالبنت بكبرها عوره . .

    انا ابتسم : وفديتج يا بنت عمي . .

    شما : بعد اقولج شي بتضحكين

    انا : قولي .

    شما : ربايع يدوه وربايع امايا مايدرون انه في بنت فالعايله اسمها شما

    انا بعدني اطالعها . .

    شما : كل ما حد من ربايع امايا ييينا البيت يخلوني انخش الغرفه ما اظهر منها . .

    انا مبتسمه : . .

    شما : وتعودت على هالشي . . ولاني كنت كله بروحي كان ربيع قلبي القرآن والحمدلله من 10 سنين والحين باقيلي اسهل 5 اجزاء . .

    انا : ياحظ مروان فيج . .

    شما تضربني : اييييييه

    انا : شووووووووو

    شما : بعدنا . . ماصار " تبتسم بحيا " ماصار ريلي

    انا : هههههههههههههه

    شما تبتسم : مهور صدقها خلود انتي وايد فيج من طبايع يدي . .

    انا مبتسمه : لاني اجابله طول ما ابا كيف ماتبيني اكون شراته . .

    يندق الباب . .

    انا : ادخلي . .

    شيخه : مهور " حاطه ايدها ع راسها " ابا بندول ولا بروفين ولا اي شي لو عندج . .

    شما تقوم : بلاج . .

    شيخه : احس اني محمومه

    كان شكلها يبين عليه المرض . . متغير 180 درجه . . محمره وعينها حمرا والحراره بتظهر من عيونها . .

    سرت صوبها ..

    انا : شيخوه انتي حااااره واييييد . .

    شيخه : عطيني اي دوا يريحني . .

    وطاحت على سريري .

    انا يبت الترمومتر وقست حرارتها . .

    شما : 39.8 . . مش زين لازم تروحين المستشفى . . " تدمع عيونها " شو نسوي . .

    انا قعدت افكر ماعرفت شو اسوي . .

    شما تنزل : بروح اجوف رشود وميود . .

    انا : هيه هيه روحي جوفي ميود انا شفته مساع تحت

    ونزلت شما . . وانا تميت جد زايغه من شكلها المرهق وسرت يبتلها كمادات بارده وتميت احط على راسها وغمضتني وايد وايد يوم شفت دمعتها نزلت . .

    شما : مهور ماجفت حد تحت

    انا : غريبه يمكن سارو المسيد

    شما : مخلصين صلاه من زمان . .

    انا : قعدي معاها انا بسير وبرد . .

    وخذتلي شيله صلاه وطلعت تميت اوايج من باب البيت . .

    وليد : تغازلين من الصبح . .

    انا نقزت : وآآآآآآآآآآآآآآآآآآآآآآآآي

    وليد مسك حلجي : بسسسسسسسسس . . خسسسسسسس الله عدوج فضحتينا انتي فالفريج مش في بيت امجججججججججج . .

    وخرت ايده : حيووووووووووووان خرررررررررررعتني

    وليد عاقد حياته : حيوان . .

    انا : افف . . نقزتني ترى

    وليد : لا والله . . نقزتج مقصود يعني عشان تسبيني . .

    انا : جب جب . . ماشفت ميود ورشود ؟

    وليد عاقد حياته : اصغر عيالج . . ازقريهم بأسأميهم العدله عقب برد عليج

    انا اتنهد : افففففف يالله عاد خلصني

    وليد كان بيروح . .

    انا : مااااااايد وراشد وين . .

    وليد يطالعني : مادري

    انا : لا تستهبل

    وليد يطالعني : يعني ها ويه واحد يستهبل من الصبح . .

    انا : انزين تروم تودي بنت عمي المستشفى تعبانه

    وليد عاقد حياته : بوديها دامها تعبانه . .

    اانا : صدق

    وليد : هيه بعد شو تستهبلين تقولين مريضه

    انا : اصبر بقولها تزهب

    وليد : تعالي لحظه

    انا : ها

    وليد : منو من بنات عمي

    انا اطالعه عين بعين : شيخه . .

    وليد : شيخوه

    انا : هيه

    وليد : خـل تولي . . " وسار عني "

    طلعت من البيت وجابلته : لا تستهبل ااقولك البنت مريضه محمومه

    وليد يطالعني من فوق لتحت : انتي كل يوم بتطلعين جي . .

    انا انتبهت لروحي ورديت ادخل داخل لكن مسكني من جتفي . .

    انا اطالعه : شوو ..

    وليد تم يطالعني ما يتكلم . .

    انا : اييييييه هدني . .

    هدني وابتسم . .

    انا : شوه عندك . .

    وليد : ماشي ..

    وكان ياي يروح . .

    انا : ولييييييد . .

    وليد يرفع ايده باستهبال بيعطيني بكس : بضربج قسم بالله لا تصارخين وين تتحرين روحج

    انا ابتسم : انزين انت تطنش وتروح تتتتتتتترى

    وليد : نعم شو تبين

    انا : : مريضه شيخوه وايد والله

    وليد : ماتشوفيني لابس لبس رياضه ؟ قاعد امشي ماقدر . .

    انا : لاحق انزين . .

    وليد : لأا مش لاحق يادوب امشي ساعه وعقب بروح اسبح وبتريق ويا يدوه وبسير الدوام . .

    انا مديت له ايدي : انزين هات

    وليد يطاع ايييدي

    انا : عطني سويجك انا بوديها . .

    وليد : لاااه ؟

    اانا : هيه

    وليد : وبتظهرن بنات روحكن ان شاء الله .

    انا اطالعه : هيه وين بنروح البنت ميهوده اقولك بوديها الا المستشفى . .

    وليد عاقد حياته ..

    انا : يلا هات . .

    وليد : انتي جربتي كف ع ويهج . .

    انا : مجربه لا تحاتي هاات يالله

    وليد مبتسم : انتي مش صاحيه ترى والله

    انا : بتعطيني ولا شو

    وليد : فكوني يالله خليها تزهب . . ولا اطولون وراي دوام . . بروح بلبس وبركب السياره لو ماشفت حد تحلمين تشوفين ويهي . .

    انا مارديت عليه ركضت دشيت داخل وخبرت شيخه إلي عرفت ان وليد تمت تعاند ومارضت . .

    انا : شيخوه لا تستهبلين يالله عااد . .

    شيخه ترجف : مابروح ويا وليد مكان . .

    انا : انزين انا بي وياكم ترىىىىىى . . ما بخليج لا ترمسينه ولا تشوفين ويهه بعد .. أنا بكون وياج طول الووووووقت .. بخليه بس يوصلنا وماينزل بعد . .

    شما : يالله شيخه دخيلج لا تخوفينا عليج ..

    وقومتها بالغصب وساعدتها تلبس العباه وانا لبست عباتي بعد وظهرنا . .!






  9. #19
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    البارت العاشر . .

    " يوم الاثنين – الساعه تشير للـ 7 الصبح "

    احنا الحين في سياره وليد . . الكل ساكت . . كنت قاعده ورى وعلى ريلي شيخه ترتجف . .

    وليد : الو . . هلا بو حمود . . هيييه شوي عندي ظرف بتاخر ساعتين .. ماتقصر . . مرحبا . .

    وبند . .

    كان وليد وااااااايد جدي . . ومول مايتكلم لين وصلنا المستشفى . .

    شيخه تمسك ايدي بقوة . .

    انا : وليد اتريانا في السياره . .

    لكن وليد نزل وبطل الباب ورى . . : يالله عن الدلع . .

    قومت شيخه شوي شوي واتكت علي ومشينا ورى وليد . . ماطولنا على طول دخلونا . .

    الدكتور : ماتخافوش حرارتها مرتفعه بس واديناها ابره حتصير كويسه . . ولما يخلص المغزي تئدرو تروحو . . " يمد حق وليد ورقة " خدولها الدوا دا وماعليهاش شر ان شاء الله . . " يبتسم " قوزتك عسل اوي

    وليد عاقد حياته : تخسي الي داخل مش زوجتي

    الدكتور ياشر علي : دي . .

    وليد يطالعني وانصدم وانا انصدمت . .

    الدكتور يبتسم : انا بئصد دي . .

    وراح . .

    وليد : ولد المصرررررررررريه الزفت ماعطيته طراق ع ويهه . . يغازلج جدامي بعد الي مافيه حيا . .

    اانا ارتبكت وماقلت شي وكنت بروح عنه عند شيخه بس مسك ايدي . .

    صديت له : انت ماتعرف الا تلمس ؟

    وليد هد ايدي . . : اسمحيلي ما احس بعمري . . " يطالعني عين بعين " تعرفين كل شي صح . .

    انا اطالعه : عن ؟

    وليد : خبرتج ميروه عني وعنها . .

    انا بلعت ريجي : لا

    وليد يبتسم : جذابه . . تعرفين كل شي . .

    انا : ماعرف شي شفيك . .

    وليد : ماسمعتي شي امس ؟

    انا عاقده حياتي : شي مثل شو ؟

    وليد : سلامتج . .

    انا : لا قول شو . .

    وليد : سلامتج . . بس بغيت اخبرج . . دين سيف تسدد كامل . . ماعنده عذر يتاخر عليج الحين لو يبغي

    انا تميت اطالعه . .

    وليد : دشي داخل بسير بييبلها دواها وبرجع . .

    وراح عني .. تميت اطالعه لين راح وتنهدت عقبها دخلت عند شيخه . .

    غمضتني كانت وايد تكسر الخاطر رحت صوبها وتميت ماسكه ايدها . .

    شيخه تنزل دمعتها : سمعتكم . .

    انا قعدت عالسرير :شواخ حبيبتي ليش تصيحين . .

    شيخه : يعني انتي تعرفين الي كان بيني وبينه

    انا اتلومت ماعرفت ارد عليها . .

    شيخه : منو غيرج يعرف . .اكيد تكرهوني . .

    انا مسحت دمعتها : ليش نكرهج بنت عمي شو هالكلام . . لو اكرهج ماتعنيت وييت وياج . .

    شيخه : انا كنت ياهل وطايشه مافكر . . وكنت احب مروان والله صدق ابا اوصله بأي طريقه . . وانا وايد تأسفت من وليد . .

    انا ابتسمت : كلنا نغلط وماشي انسان معصوم من الغلط . . وخير الخطائين التوابين . .

    شيخه : وبعدين انا ماوهتمه بالحب والله . . هو بروحه كان يحس اني احبه بس انا ماوهمته بالحب . . يعني كان يشوف اهتمامي بمروان جدام عينه ما حس ابدا كيف توهم بالحب وانا كنت اعامله عادي وعاطيه اولوياتي جدام عينه حق مروان

    وليد يبطل الباب بقوه : كنت اقولج قوليلي احبك كنتي تنطبين . . ماكنتي تقولين انا ماحبك ولاعمري حبيتك واعتبرك عادي . . كل شي فيج كان بريء مايدل على خبثج . .

    شيخه سكتت . . وانا مسكت ايدها بقوه عشان ماترد عليه . .

    وليد عاقد حياته : ماخلص المغذي ؟؟ ابا اروح الدوام انا تاخرت . .

    انا اطالعه بقوه عين : رووح . . بنرجع بتكسي . .

    وليد تم يطالعني عين بعين وطلع وسكر الباب . .

    شيخه : يمكن هو حس اني وهتمه بالحب بس انا كنت اتصرف ع طبيعتي . . وانا اعترف اني غلطت وندمانه على هالغلط مهور . .

    انا مبتسمه : انسي خلاص . . دامج تبتي من غلطتج انسيه . .

    شيخه : كيف انساه وانا اواجهه بين فتره وفتره

    انا : خلج واثقه من نفسج واسمعي مني وطلعي من اهني . .

    شيخه تطالعني . .

    انا : انتي تعرفين ان مروان حاط عينه على شما ويباها . .

    شيخه تامه تطالعني : اعرف . .

    انا : وعادي عندج . . ؟

    شيخه : هيه عادي . . قلتلج كنت طايشه وكان حب يهال . . واصلا انا متلومه في ولد عمي مروان وايد على الطريقه الي جافني فيها وانا حاقره وليد . . من هاك اليوم اناا اتجنب اشوفه حتى . .

    انا : لاتكونين مثل " كنت يايه مثل اختج خلود تسكتين عن حبج لو تحبين وعقب تتعذبين لكن ماقلت خفت انها ماتعرف و مابغيت ابين لها اني اعرف "

    شيخه : مثل ؟

    انا : مثل وايد ناس سكتو وتعذبو عقب . .

    شيخه : ما اكن له مشاعر . . اقولج استحي منه . . اتفشل منه كيف بحبه وكيف لي ويه . .

    انا : صدقيني اكيد نسى . . انتي لانج عشتي الموقف ما تنسين لكن هو ريال الموضوع مش في باله ولا مفتكر فيه . . لو في باله جان حتى يوم شافج احتقرج ومارمسج لكنه عادي وياج . . واكيد في باله ان كل انسان يغلط . . إلا وليد راسه يابس لكن بعده يرمسج ويلعوزج ويطيح فيج ماقطعج بالمره يعني لا تفقدين الامل وانسي وهم بينسون والله . .

    ابتسمت شيخه وغمضت عينها . .

    انا مسحت ع راسها : ارتاحي حبيبتي لا تفكرين بشي . .

    وتنهدت وخليتها حسيت ريجي ناشف وطلعت باخذلي ماي . . وانا طالعه شفته قاعد فالانتظار ومنزله كابه مثل العاده ع ويهه . . ابتسمت . . ميروه لو جافته جي بتتخبل . . ناقص بس يحط ايدينيه الهنتين فجيبه . . مامداني اخلص الجمله فخاطري قام وسوا الحركه . . انصصصصصصدمت . .

    وليد يطالعني باستغراب . .

    انا : عيل ماروحت . .

    وليد يطالعني : تحبين الهياته ؟ كل شويه طالعه

    انا : عطشانه ريجي ناشف بسير اييبلي ماي

    عقب ذكرت اني اصلا يايه بس بتلفوني مايايبه شنطتي حتى . .

    وليد عاقد حياته : بتدفعين بصبعج صح . .

    انا اطالعه : وين تلفوني . .

    وليد : يعني انا شدراني ف تلفونج وين . .

    انا : عطني فونك . .

    مدالي فونه واتصلت ع رقمي ودخلت الغرفه الي فيها شواخ مره ثانيه ومارن . .

    وليد : يمكن فالسياره . .

    انا افكر : هيه يمكن مانزلته . .

    وليد يطالعني : تبين ماي . .

    انا : هيه . .

    وليد : شو تبين بعد . .

    انا : بس مابي شي ثاني . .

    وليد كان جدي وراح عني . . وانا مشيت وراه قلت يمكن احصل شي ثاني يعيبني وباخذه . .

    ماحس فيني لان ابد ما صد ولا تكلم . . مشيت وراه لين وقف فجاه وانا كنت سرحانه ماحسيت بروحي الا وانا خااااابطتننننننننه على ظهره . .

    وليد ع طول صد . .

    انا كنت منصدمه اكثر عنه . .

    وليد عاقد حياته : شو تسوين

    اانا : انت عمي حق شو تووووووقف . .

    جان اطالع ان في كرسي كان ريال شيبه قاعد عليه وعلى الصوب الثاني حريم واقفات فـ هو وقف لين الشيبه يدخلونه الغرفه ويروم يخطف . .

    انا بلعت ريجي . .

    وليد ابتسم : امشي امشي . .

    جد قفطت منننننننننه لكن مشيت بعدني وراه بس مخليه مسافه عدلللللله هالمره . .

    وليد يصد يطالعني : بشكاره انتي ؟ حق شو تمشين ورايه . .

    ابتسمت ومشيت عداله بس مخليه مسافه . .

    وصلنا . . ودخلنا الدكان الصغير . . خذتلي ماي وعصير ملكو برتقال 2 . . حقي وحق شواخ . . وخذت جلكسي وكتكات وكندر . .

    وعقبها اطالعت وليد . .

    وليد يطالعني : نعم . .

    انا مبتسمه : ايه لا تفشلني عاد جدام الهندي . .

    وليد : روحي روحي الله يعطيج

    انا فاجه عيني ومتلومه : وليد . .

    وليد : شو . . بيزات ماعندي حد قالج عندي بيزات . . انا عندي درهم حق ماي بس . .

    انا اطالعه وبصوت واطي : ولييييييييييد . .

    وليد : ردي ردي كل ها وشلي ماي بس . .

    الهندي : شيل شيل كلو مافي مشكل . . " يطالع وليد " ريال مافي زين . .

    وليد : قفعه عصب ولد الخان هههههههه . .

    الهندي يطالعه بحقد . .

    وليد طلع بوكه ودفع وانا خاطري امسك ايده واعضضضضضضضه عض والله . .

    حاسب وبعدها طلعنا . .

    وليد شل عني الكيس وهو يبتسم . .

    انا : سخييييييييييييييييييييييييييييييييف قسسسسسسسسم بالله لومتني يالخايس

    وليد ماقال شي تام ساكت . . عقبها بفتره قال : مهور . .

    انا اطالعه : سمممم .. شوه

    وليد : ممم .. لو سمعتي اليوم خبر مش حلو . . شو بتسوين

    انا اطالعه : خبر مثل شو . .

    وليد : انا قلت مثلا . . شغلي مخج . .

    انا : شو بسوي يعني برقص ؟ تقول خبر مش حلو تراك . .

    وليد : اليوم اذا . . اذااا سمعتي خبر مش حلو وحسيتي روحج مخنوقه ومتكدره من كل صوب . . تعالي دوريني بكون معاج . .

    انا اطالعته : شو تقصد . .

    وليد : انا اقولج . . اذااااا سمعتي اليوم خبر مش حلو جي سوي . . اما اذا سمعتي باجر خبر مش حلو سيري ولي مش فاضيلج كل يوم . .

    اانا : وليد لا تستهبل . .

    وليد : ما استهبل " يبتسم "

    انا : انت بكبرك استهبال الواحد مايعرف متى ترمس جد اصلا . .

    وليد : تعرفين المفروض اصلا انا ما اكلمج ف انتي احترمي نفسج وبوسي ايدج وريلي اني عاطنج ويه واكلمج ومسولج قدر بعد ..

    شليت عنه الكيس : هات هات . .

    ودخلت عنه غرفه شيخه . .

    شيخه : وين كنتي . . خلص المغدي وتروعت يوم ماجفتج موجوده

    انا : سرت اشتري عصير . .

    شيخه : وليد راح ؟

    انا : لا بعده موجود . . " حطيت ايدي ع راسها " انتي احسن

    شيخه : هيه الحمدلله

    انا : هيه خفت الحراره . . بعد الابره خفت . .

    شيخه : فيني رقاد وايد ابا ارقد

    انا : يالله نشي " ساعدتها عشان توقف " بتردين البيت بتاكلين وبتاخذين دواج وبتنامين ان شاء الله . .

    شيخه : سامحيني وايد تعبتج اليوم . .

    انا : شو هالرمسه بنت عمي افا عليج . .

    وساعدتها وطلعنا . . جافنا وليد

    وليد : بجدم السياره . .

    وراح . . لين ما طلعنا انا وهي ما جفناه تمينا واقفين شوي وووصل . . ركبنا السياره وهو شغل قران تمينا ساكتين لين وصلنا . .




    شيخه : مشكور ولد عمي ما قصرت . .

    وليد : جب جب . .فارجي يلا . .

    انا : جب يجبك انزين

    وليد : يالله انزلو وراي دوام . .

    شيخه تبتسم ونزلت من السياره وانا يايه انزل وراها لكن ذكرت تلفوني . .

    انا : وليدو تلفوني ويييييين . .

    وليد فاج عينه : عععععععععفووووووووووا ؟؟؟؟؟؟؟؟؟

    انا حطيت ايدي ع قلبي : شو بسم الله

    وليد : وليدووووووووووووو ..!!!!!!!!!!!!!

    انا : خوفتني اتحرا شي الحين . .

    وليد : عيدييييييييها عيديها اشووووووف

    انا ابتسمت : لا ابوي مافيني . .

    وليد يطالعني

    انا : هههههههههههه

    وليد : يلا خلصيني انزل

    انا : شو اخلصك تلفوني ويييين . .

    وليد : انا شعرررررررفني

    انا : هاااات تلفونك

    وليد : هات وهات وهات . . كله هااااات . .

    مسك تلفونه . . : ها رقمج اخر شي 515 ؟

    انا اطالعته :شدراك

    وليد : انتي متصله من تلفوني يالغبيه

    جان يتصل . . ويرن تحت سيته . .

    وخيت مديت ايدي وهو وخا مدا ايده جان يقبض ايدي . .

    انا : اخخخخخخخخخخخ .. ايه لا تستهبل هدني

    وليد يسحب ايدي بقوة

    انا : ايييييييي وليد قسم بالله يعووووووووور

    وليد : ههههههههههههههههههههههههههههههه

    انا : هددددددددددددددددددني

    هد ايدي ومسك تلفوني . . على طول تذكرت خلفيه فوني للحين ماغيرتها لا مستحيل مستحيل . . سيف جافها وانا بغيت اموت كيف لو جافها وليد

    ع طول صرخت : لااااااااااااااااااااااااااااااااااا تشووووووووووف فوني . .

    ونزلت من السياره بسير الباب الجدامي عشان ابطله عليه واشل فوني لكنه سكر الباب بسرعه . .

    انا ادق الجامه : أيييييييييييه . .

    وليد تم يطالع وبما ان الجامه مخفي ما يبين عدل .. خشيت راسي فالجامه واطالعه واشوفه يطالع باندماج . .

    انا ادق الجامه : وليد يالخخخخخخخخخخخخخخخخخخخخايس ياالوصخ . . والله بخبببببببر يدي علييييييييييك ترىىىىى والله . .

    عمي حمد يصارخ : انتي ايه . .

    انصب الدم كله فويههي . .

    عمي حمد بعصبيه: شوه فيج شاله البقعه شل فضحتينا . .

    انا ماقدرت انطق . .

    وليد نزل من السياره على طول . .

    عمي حمد : اختتتتتفو على هالتربيه الوصخه . .

    بلعت ريجي ورصيت ع ايدي بقوه مابا ارد عليه . .

    وليد : عممممممي . . " بعصبيه " بس عاد

    عمي حمد يطالعه : انت الشهم الحين . . بتسويلي ريال فيها جدامها

    وليد : انا ريال من دون ماتقول . .

    عمي حمد : كل تتتتبن انت وياها . . " يتقرب مني ويدز راسي ع جامه السياره " وهالصوت ما يطلع مره ثانيه فالفريج . . تبين تصارخين صارخي في بيتتتتتتكم يالـ


    وليد مسكه من ايده بقوه : نزل ايدك . .

    عمي حمد فاج عينه : تمسك ايدي يالخمااااااااااااااااام

    وليد بنظرة جديه : مادري منو الي مش ريال فينا يمد ايده ع بنيه . .

    عمي حمد عطاااه طراق بالقووووووووووو . .

    انا شهقت . .

    وليد : ماعليه اكفخ ع راحتك . . لكن ما بسمح لك تمد ايدك بنات عمي اليتام . .

    عمي : انتي ام الريااايييل . . اتلصقي في هذا وهذااااااك وسيف محروم عليج لـ يوم الدين . . الحين عرفت ان سويت الصح يوم خليته يملج في بنت خاله والا انتي بكبرررررج غلط وتربيتج غلط

    وليد غمض عينه بقوه . .

    انا : شوه . .

    عمي حمد : ماتعرفين يعني

    ميره تربع : ابوووووووووييييييييييييييييه . .

    عمي حمد : انطبي لا تصارخين شرات هالوصخه انتي برع

    ميره تطالعني . .

    عمي حمد : ليش ماخبرتوها . . ماخبرتوها ان البارحه سيف ملج فالمحكمه ؟؟؟ " يبتسم " خل تعرف مصيرها بتعرف . .

    ميره تعض ع شفايفها بقوه : مهور . .

    وليد ما يطالعني منزل راسه . .

    انا : سيف ملج ؟

    ميره : مهور خليني افهمج السالفه دخيلج . .

    انا بعدني منصدمه . . ماتم فيني شعور . . ابا اقبض روحي بس ماقادره . .حتى ماقادره اتنفس انا

    خليتهم وركضت دشيت البيت . . اول ما بطلت الباب لقيت امي وقفت . .

    انا اطالع امي وشفت شما حذالها وعنود . . وكلهم يطالعوني اول ما دخلت . .

    انا سرت صوب اميه : شو السالفه . . شو الي انا ماعرفه .. انا مش فاهمه شي امايا فهميني

    اميه تمسك ايدي : اهدي اميه . . اهدي حبيبت قلب امج . . اهدي فديتج

    انا : امايا اتكككككككككككلمي . . شو سااااااااالفه سسسسسسيف . .

    عنود تمسك ايدي . .

    وخرت ايدها ومسكت ايد امي : امايا ابوس ريلج فهميني . .

    اميه تنزل دمعتها : لاتسوين فروحج جيه يا اميه . . الا هو ريال ما يسوى تقطعين قلبج عليه والله ما يسوى تقطعين قلبج عليه . .

    انا اطالع امايا بعدني : سيف ملج على غيري امايا ؟

    اميه تطالعني وتمسح ع راسي . .

    انا : يعني صح هالكلام . .

    اميه : هيه اميه . . صح . . " تمسك ايدي بقوه " بس انتي اهدي الله يخليج يااميه اهدي عيب اانتي بنت عاقل مايصير تسوين جي

    انا هديت امي وقعدت اطالعهم . . شفت ميره داشه بعد وواقفه عند الباب مدمعه

    انا : كلكم تعرفون وساكتين . . من امس تقصون علي تسوون روحكم ماتعرفون شي . . " اصارخ " كلكم ولا وااااااااحد فيكم فيييييييييه ققققققققلب وخبررررررني خليتوني شرا الغبيه بيننننننكم . . " اطالع ميره " وانتتتتتتي . . حتى انتتتتتي . . حتى انتي ماقدرتي تخبريني " اصارخ " انتي تعرفيني مينونه وكنت بسوي اي شي بوقف الخربطه الي تصير ليش سكتي لييييييييش

    اميه تيني : يا اميه انتي راس مالي لا تسوين فروحج جيه الله يخليج يا اميه . .

    انا اطالع اميه بصدمه : اميه تعرفين شو يعني سيف ملج . . تعرفين شو يعني سيف بياخذ غيري . . سيف راح عني يممممماه راح . . 21 سنه اترياه واخرتها يملج ع غييييييييري . .

    هديت ايديها وطلعت من البيت . .

    اميه تصارخ : امممممميه تعالي وين سايره

    ميره : خليها بتسير عند يدي اكيد . .يدي بيريحها لا تحاتين . .

    وما سمعت الي قالوه عقب لاني كنت اركض رايحه عند يدي . . جفت وليد واقف عند باب بيت يدي ويطالعني . .

    انا : حتى انت . . تعرف ولا ماقلتلي شي خليتني

    وليد يقاطعني : انا حذذذذذذذذرتج . . حذرتج ألف مررررررررره . . نغزتج مليون مررررررره . . نصصصصصحتج ماكنتي تسمعين منننننننني شي . . طلبتي مني ما ادخل في حياتج ولا ادخل في شي . . وفوق هذا بعدني واقف معاج . .

    تجاهلته ودخلت عند يدي . . ما كان فالصاله كان فحجرته طايح بيرقد . .

    سرتله ومسكت ايديه وخشيت راسي في ايديه الكبيره . . تميت اصيح بهدوء . . بس مخليه دموعي تنزل وماقول شي . . خليت دموعي تنزل بغزره من حرقه يووووووووف محد يحس فيها قسم بالله محد . . كيفه الي بيقول انا ابالغ . . كيفه الي يقول انا استاهل لاني ذليت روحي . . صح انا استاهل قسم بالله استاهل الي ييييييني . . انا عشقت واحد ما يستاهلني ودافعت عن حبييييييي له سنيييييييييييييييين وهو بكل سهوله مسك ايد غيرررررررري . .

    يدي : مهره . .

    من قال اسمي تميت انوح . . اشهق . . اصييييييح بصوت عالي . .

    يدي : شو فيج ابويه شو مستوي . .

    انا اصيح : ملج على غييييييري يدييييييه . . ملج على غييييييييري . . بياخذ غيري " ادق ع قلبي " وانا قلبي يحتتتتتتتتتتترق . . انتظرته سنين ما ناظرت غيررره وصنت حببببببي له وطعننننني . . طعني من ظهررررررري يدي طعني من ظهررررررررري . .

    يدي يحط ايده ع راسي : اذكري الله وقولي لا إله إلا الله . .

    انا اصيح : لا إله إلا الله . .

    يدي : صلي على النبي . .

    انا : اللهم صل وسلم على سيدنا محمد . .

    يدي : استغفري الله . .

    انا حطيت راسي ع ايده وتميت اصيح اكثر : اسستغفر الله . . انا متروسه يديه متروسسه . . قلبيه بينبطططططططط . .

    تم يديه يمسح ع راسي لين طاحت شيلتي وتم يلعب بشعري . . انا ماوقفت صياح تميت اصيح من هالحب الي عذبني وماخذيت منه الا عوار القلب . .

    يدي : اتفائلي ..

    انا اطالعه : اتفائل . . مابا اتفائل انا فقدت الامل ف كل شي . . " مسحت دموعي " خيب ظني فيه

    يدي : الياي احلى باذن الله . .

    انا : كل شي انتهى يديه كل شي انتهى

    يدي : شوفي يابوي . . كل واحد فالدنيا ياخذ نصيبه . . وان ما كان نصيبج ويا سيف الحين نصيبج وياه بيكون بعدين ولو الله ماكتبلج سيف بيكتبلج غيره الي يسعدج ويفرح قلبج . .

    انا : يديه انا مابا غير سيف " خنقتني العبره وصوتي بح " انا ماحب غير سيف . .

    يدي يمسح ع راسي ويبتسم : بعدج صغيره . .ماجفتي شي فالدنيا عشان تصيحين على حب

    انا تميت اطالعه . .

    يدي : شوفي حال يدج . . فقد ام وفقد ابو . . فقد اخوان . . كل اخواني ماتو ورى بعض . . مع اني اكبر واحد فيهم لكن يدج الي تم وهم الصغار توفوو . . فقدت ريل . . فقدت صحه وعافيه " يبتسم " وبعدني هاا اضحك واسولف وياج وابتسم . . الدنيا ما توقف على حب يا ابويه . . في اشياء في حياتنا اهم

    انا : بس انا اجوفه كل شي بحياتي

    يدي : بتعارضين حكمت ربج ؟ بتعارضين الي الله كاتبنه؟؟

    انا : لا . .

    يدي : عيب يا ابويه انتي حرمه عوده الحينه . . يايه تصيحين . . غاليه دموع ابويه لا تصيحين . . ماباها دموعج تنزل ولو حتى ع موتي

    انا : بسسسسسسسسسسسسسسم الله عليك يعل يومي قبل يومك . . الله لا ياب اليوم الي افقدك فيه . . انت مصبرني ع هالدنيا

    يدي : الله مصبرنج والحين ودري عنج الدلع وارجعي البيت يالله خلي يدج يرقد . .

    انا : مابا . . بتم اهني عندك . .

    يدي : انا مابرقد جذه . . مارقد وحد عدالي . . ماتشوفين يوم انا واعي يدتج راقده ويوم انا راقد يدتج واعيه

    انا اصد يمين ويسار : امايا وين . . انت بروحك فالبيت ؟

    يدي : لا امايتج راقده فالحجره الثانيه . .تشاخر صوتها يدق الراس

    انا ابتسمت . .

    يدي : هيه خلي ويهج منور . . واضحكي . .

    انا مسكت ايده وبستها . . فديته الغالي مع انه ما يشوف لكن عرف اني ابتسمت . .والله انك اغلى شي فالدنيا . . والله انك نظر عيني . . امي عيني اليمنى وانت اليسرى . . الله لا فقدني شوفتك وريحتك وكلامك . .

    يدي يمسح ع راسي : خلج قوية . . ماخذتي مني القوه اشوفج

    انا ابتسم : انا قوية يديه . . قويه . .

    يدي يمسك ايدي بقوه : جذه اباج اقوى عن جذه بعد . .

    قبضت ايدينك كم تسوى يا طوايف هلي انت . .

    وحبيته ع راسه ومسحت دموعي وطلعت من حجره يدي وسكرت الباب . . وشفته فويهي . .,!

    .

    .






  10. #20
    عضو نشيط
    الصورة الرمزية طبع عيناوي
    الحالة : طبع عيناوي غير متواجد حالياً
    رقم العضوية : 146316
    تاريخ التسجيل : 11-03-16
    الجنـس : انثـى
    المشاركات : 39
    التقييم : 12
    Array

    افتراضي رد: رواية هايم في بحر الشوق ولذت هيامك


    تبوا التكملة ولا






صفحة 2 من 3 الأولىالأولى 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. متوسطة : رواية كل شي يتغير في لحظة 2016 من تاليفي /رواية اماراتيه
    بواسطة like_the_moon في المنتدى قصص الطويلة , الروايات
    مشاركات: 5
    آخر مشاركة: 17-06-14, 11:12 AM
  2. رواية لمني الشوق واحظني .. بعادك عني بعثرني
    بواسطة نظرة عناد في المنتدى قصص الطويلة , الروايات
    مشاركات: 57
    آخر مشاركة: 12-09-16, 08:41 PM
  3. هادم اللذات - الشاعر : عطا سليمان رموني
    بواسطة عطا سليمان رموني في المنتدى معرض المواهب و الابداع Fair talent and creativity
    مشاركات: 7
    آخر مشاركة: 12-07-20, 01:03 PM
  4. رجواك قلب في محبتك هايم
    بواسطة الرمش الذبوحي في المنتدى معرض المواهب و الابداع Fair talent and creativity
    مشاركات: 6
    آخر مشاركة: 11-12-26, 04:39 PM
  5. يزيد الشوق في عيوني ويقتلني عليك الشوق
    بواسطة الرمش الذبوحي في المنتدى معرض المواهب و الابداع Fair talent and creativity
    مشاركات: 4
    آخر مشاركة: 11-11-24, 12:02 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •