يوميااات اعضااء وعضوااات المنتدى........

**حلا الكويت** · 08-08-15 04:28 PM

بسم الله الرحمن الرحيم

مرحبا أعضاء وعضوات معهد الامارات.........

طبعاً كلكم قريتوا عنوان الموضوع وأكيد تقولون وش المقصود منه ؟؟؟؟؟...

أنا أقولكم ....

الموضوع ومافيه يا طولين العمر انه في كل يوم راح يرشح واحد من الأعضاء يجي ويقولنا وش صار معاه في هذا اليوم من قام الصباح لحد وقت كتابة يومياته يعني من طق طق لسلام عليكم .....

طيب نجي لكيف راح يكون الترشيح ؟؟؟؟

كل واحد يكتب يومياته يرشح أي عضو يبيييه ييي بعده وهكذا بس نتمنى انه ما يتكرر نفس العضو أكثر من مره عشان نعطي فرصه لكل الأعضاء أنهم يشاركووون ،،،
ولو حاول العضو انه يتهرب وكأنه ما يدري راح نرسله رسالة خاصة
نناديه فيها يعني وراه وراه مــــــاكووووو فكـــــــــــــــــه .....

وانا بختاااااااار العضوووو
..

شرفيييينااااااااااا يااااااااا "الجيشيه" ..

منقوووووووووووو

وووووووووووووووووول

**ɜΨοοϞ зІΨαђ ₰●** · 08-08-15 05:21 PM

السلام عليييكم

أووه أووه أنا دوووم أقولكم لازم رقم واحد خخخخ

أنا اليوم واعيه من الساعه 2 لاني أمس سهارنه

طبعا سرت الحمام أتغسل ...

وعقب طلعت سرت فتحت أيميلي لانه وحد غبيه ظايفتني ما أعرفها منو هيه

سويت أد

مادشت .. يلست أكلم ربيعاتي ومني ومناك

وبعد فتره داشه

قلتها منو قالت ..

قلتلها من وين يبتي إيميلي قالت من مخي

قلتها لا تجذبين إيميلي صعب

قالت لا لا البقره تعرف إيميلج منو قال أنه صعب >> تعترف أنها بقره خخخخخخخ

بعدين تظاربنا >> لازم الظرابه

وتمت تتأسف أوكيه قلتلها خلاص بس من وين يبتي إيميلي

قالت من المريخ

قلتلها لا تستهبلين والله ياسويلج بلوك قالت أهون عليج >> إلي يسمع يقول ميته عليها خخخخ

تمينا نرمس وبعدين سوتلي بلوك ولا أنا كنت بسوي لهاأول بلوك بس علشان أعرف من وين يابت إيميلي

وبعدين يلست اكلم حلووي قالت دشي اللعبه كاتبه أسمج وجيه ..

قلتها يوم بدش المعهد

وبعدين يا أخويا يلست أسولف وياه

وبعدين إظاربنا ويا

راغني من الميلس خخخخ ..أنا مابسمحلهلكن ربعه بيون

سرت المطبخ أبا شي أكله

حصلت البشكاره مسويه اكله ماأحبها مسويه فطاير وععع استغفرالله

روحت طلبت راعي الدكان

يا راعي الدكان طبعا لازم ظرابه وياه خخخخخ محي الديج ..أسمه محي الدين ... استغفر الله

بعدين ظهرت برا لو أنه مووت حر لكن حصلت سيكل راعي العزبه موجود هيهيهيه

استوت السرقه

لعبت وأنا متغشيه من الحر >> شو كاظني

السيكل كان ظووو حاار

بعدين راعي العزبه تم يروغني الحمدلله أنه محد أمي راقده خخخخ

وبعدين أتصل في بابا لانه مايرد الحمدلله

وبعدين أتصل في رشوود اخويا

لكن للأسف رشوود رد وااااااا

وبعد 10 دقائق تقريبا بالظبط شعرت بأن أحد خلفي لما رأيت أنه رشود ... والان ماذا أفعل

طفيت ونقزت من السيكل وخذيت بعمري

لكن للأسف رشووود لحقني ومسكني هااي مشكله الاولاد سريعين

وفلعني بالنعاله >> لكن الحمدلله يت سليمه لا جروح ولا دماء

بعدين ربعت البيت و يلست عل المعهد وأخذت 3 دقايق إلا وأنا فاتجه اللعبه

ويلين ألحين أكتب يومياتي

أنشالله تعيبكم يومياتي

ويارب حد يكتب أسمي علشان أكتب يوم الثاني

يالله أتمنى ـنه يومياتي تعيبكم

وباااايو

خويتكم جوجو

إلي بعدي عارف

**جتبي العين** · 08-08-15 05:28 PM

خخخخخخخخخخخخ

حلوه يوميااتج يا الجيشية يالله نترياااك عرووف

متى بي دووري ...

**!! مس جابنيز !!** · 08-08-15 05:37 PM

خخخخخخخ

يا حليلك يا رشوود والله تولهت علييه حشرته وياج انتي وسوااف خخخ

يالله نترقب عرووف

**رعــ بوظبي ــب** · 08-08-15 06:07 PM

اخواني دبحتوني بكرسي الاعتراف بعد باجي اهني ؟.؟؟؟؟؟؟؟؟؟؟؟

ههه اوكي بقولكم ....

انا نشيت من الرقاد الساعه 12 سرت اتغسل واتعطر والبس اكشخ شي خخخخخخ

لأن وراي صلاه الجمعه ....

بعد صلاة الجمعه ... سرت اتغدى ويا ربيعي فبيته .. وياب لنا من هارديز هالدب ...

رديت بعدين لين البيت ... اول ما فتحت دخلت اهني بالمنتدى وحصلت رساله من رمش الغزااال

رديت عليها ... بعدين يلستت اتحوط بالمنتدى وارد واشارك .. واسرق مواصيع ...

بعدين ظهرت ... لصلاة العصر وحصلت ربيعي وطنشت له .. ما ودي ارمسه ...

خخخخ كشفني الدب ومسكني وتزاعلنا ... بس بنرد ما عليكم ... خخ

بعدين رديت لين اهني تفاجأت بكرسي الاعتراف ..

جاوبت ع 77 سؤااااااااااااال اهي اهي خخخخ

بعدين ييت لين اهني اشرح لكم يالدببه الحلوين ....خخخخخ

اللي بعدي بيكون ..... جتبي العين هع هع هع

**ɜΨοοϞ зІΨαђ ₰●** · 08-08-15 07:41 PM

خخخخ والله يومياتك حلوه ياعرووف

يالله نترياك ياجتبي العين *^

**حلا الكويت** · 08-08-15 07:49 PM

هههههههههههههههههههههه
مشكوورييين جو جو وعروووف

جتبي وييييييييييينك وراااك ورااااااااااااااك

**جتبي العين** · 08-08-16 03:19 PM

احم احم

عاااااااد يييييت انزين شو تبون ...؟؟! حاضرين من عنوني ...

عاد لا تضحكون عليه

اليوم ناش من السااعه 6 الفير صليت وسرحنا انا ومطور ولد عمي العزبه ..<<نقضي حياات تعرفوون انا ماسك حلال البيت ...

اول ما وصلنا ..شفت شي شافني وشفته ...؟؟...هع هع البعير برااق ...فديته سرت وقفت الجي ففتي فايف على طرف ويلست ادردش ويا البيدار عن علوم الهوش والبوش والبقر ..

وبعدين نزل مطور الريوووق..<<اونا يوااعى على الفير خخخخخ...4 فيتامين c...و2 جاهي كرك .و2 سندويج جبن وزعتر...

ويلسنا نتريق اونا بعدين قمنا..ما عندنا سالفه ..شغلنا المسجل ..(شبيك لبيك ..)..والا نيول ونراقص

وبعدين دقت العيوز ..عاد تعرفوون متروعه على وليدها دقت ..وتخبر وهزبتني لاني ما يبتها العزبه ..<<وانا عاد اشرب الفيتامين ومطنش خخخخ..

وبعدين على السااعه 10 ..مسكنا النااقه وحلبنااها في طاسه ويلسنا نشرب انا ومطوور عااد دخيلكم انا الي حلبت خخخ...حد يبا ..؟؟!

وبعدين ..سرنا عند الهووش ..ويلسنا نرووغ نرووغ ..واخر شي مسكنا جبيش وتهيسنا زين ما زين للغدا ..

وحملنا في الدبه الا ربطنااه ما تهون عليه سيارتي تخيس بعر ...خخخخخخخخ

وبعدين ...سرنا عند البقر وشفناهن بطرف عين ..وركبنا السيارة ورديت البيت ويلست اسولف يا عيوزي ...عن العرووس ..خخخ اوني مستعيل امحق عيلها ..لا تعرفوون انا ناوي اعرس وعمري 26 ...خخخخخخخ

وبعدين روحت انخمدت من الساعه 12 لين قبل شوي ونشيت تغسلت وصليت ومسكت اللاب وشفت الرساله من عند حللاا وسيييييييده روحت واكتب يومياتي انشالله تعيبكم عاااد ..خخخخخ

يالله باي باي فكونا من حشرتكم ..

امم الي بعدي يومياات ...امممممم...رذااذوووه فديته والله شرفنا حبيبي ...