تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 14 من 15 الأولىالأولى ... 49101112131415 الأخيرةالأخيرة
النتائج 131 إلى 140 من 150
  1. #131
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    [SIZE="6"]للحب عنوان[/SIZE]

    [SIZE="5"]
    =-=-=-=-=-=-=-=
    =-=-=-=
    وحطوا في بالكم ان هذي الحياة.. مش كلها افراح.. ومحد باقي فيها.. لا صغير ولا كبير..
    =-=-=-=-=

    هذا الملخص.. وبعده الجزء
    وفاة حصه وعادل في حادث سيارة مؤسف..
    مرض عبدالله
    ابتعاد بين غزلان وابراهيم
    ولادة أول حفيد في عايلة بوعمر.. *حمدان* ولد وليد..
    موافقه بوعمر على سعيد
    =-=-=-=-=-=

    وفاء وهي تصيح: مهوووي شو الحل..
    مها وهي تمسح دموعها.. : احمد.. ماشي غيره.. مجبورة اسوي جي.. لأني ماعرف حد ثاني ألجأ له..
    ريم وهي تصرخ وحاطه راس عبدالله على ريولها: بسرررررررعه شو تترييييين؟؟
    بسرعه اتصلت مها على تليفون احمد.. تم يرن يرن يرن.. بس محد يرد.. : مايرد أكيد راقد..
    وفاء: ردي اتصلي شو تترين..

    *أحمد*
    كان راقد في هالوقت.. ومب حاس بشي.. بس صوت الهزاز خلاه ينش.. وبصعوبة قدر يفتح عينه ويشوف الرقم.. من شاف رقم مها اتيبس مكانه.. ونش.. لبس نظارته وتم يطالع بدقه.. وبهاللحظه بندت مها.. جيك على المكالمات التي لم يرد عليها شاف رقم مها.. خاف يتصل ويتطلع حلمان ولا شي.. وشوي الا يرن التليفون مره ثانيه رد احمد على طول بس تم ساكت شوي..
    بس سمع صوت مها وهي متضايقه وترمس برجفة.. حس ان في شي..: احمد.. أحمد .. تسمعني..
    أحمد: ها.. هلا .. هيه اسمعج..
    مها ماقدرت اتيود عمرها وبدت اتصيح.. فحس احمد بهالشي: احمد الحق علينا عبدالله تعبان واايد مادري شو فيه
    أحمد وقف مكانه وتم يطالع برع من الجامه: كيف؟؟ شو فيه؟
    مها وهي تصيح بزيادة.. وبصوت عالي شوي وربكة: ماااااعر مااااااعرف.. تعال بسرعه اخاف يصير له شي..
    أحمد: خلاص .. عشر دقايق واناعندكم
    مها: اوكي..
    وبندت الخط.. وسارت عند اخوها وقالت لخواتها ان احمد بعد عشر دقايق بيوصل عندهم.. وفعلا احمد ماعرف كيف يشل عمره ويوصل عندهم بعد 8 دقايق..
    من وصل اتصل في مها.. الي ماكانت منتبهه انها مالافه شعرها بالشيله.. بس كانت لابسه مريول المدرسه.. والشيلة على جتفها.. وعيونها محمرين من الصياح.. وبسرعه سارت صوب الباب وفتحته.. وخواتها طلعن من غرفه عبدالله وتموا لاويات على بعض برع الغرفه.. من شافها احمد بهت.. كيف طالعه يدامه بدون شيله.. بس عذرها لأن الحالة الي فيها ماتخليها تفكر في شي.. وبسرعه ربع وراها صوب غرفه عبدالله وشل عبدالله على جتفه.. وحطه في الموتر.. والبنات كلهم ركبوا ورا .. وصل المستشفى وطلب منهم ينقلونه بسرعه.. ودخلوه غرفه الإنعاش.. لأن حرارته كانت مرتفعه 39 درجه.. وكان مشكل هالشي خطر عليه.. أحمد انتبه ان مها بعدها ما لافه الشيله.. ماقدر يتحمل عيون الشرطي الي واقف ويطالع مها وخواتها.. تقرب من مها وبصوت واطي..
    أحمد: مها بس لو تلفين الشيله على راسج احسن..
    وقتها تمت مها تتحسس شعرها وشافت فعلا ان مالافه شيله.. قفطت.. ورفعت الشيله ولفتها..وصدت صوب احمد: أسفه والله ماكنت ادري اني ناسيه الشيله..
    احمد هز راسه وابتسم لها على الخفيف.. ارتاحت مها لهالإبتسامه وايد.. ورن تليفونها كانت هدى اختها.. وردت عليها بعصبيه ونرفزه: انتي وييييين حرقت تليفونج؟؟
    هدى: انا نازله الدوام وناسيه تليفوني في الموتر.. شو السالفه؟؟ وليش انتي مب في المدرسة؟؟
    مها: انا في المستشفى.. أحمد.. استوعبت انها غلطت في الإسم.. *خس الله ابليسك خبلتني بالإبتسامه* اقصد عبدالله تعب علينا واتصلت فيج عشان نوديه المستشفى بس مارديتي.. جان انجبر اتصل في بيت عمي بوسلطان ورد احمد وقلت له..
    هدى: زين سويتي وانا يايه احين..
    مها: اوكي..
    قفطت مها لان احمد سمعها يوم خربطت في اسم اخوها ذكرت اسمه.. استانس لهالشي.. وشوي طلع الدكتور.. وفاء وريم ومها قربوا منه..وكل وحده تسأل الدكتور شي.. ماعرف يرد على منو فيهن.. طلب منهم احمد انهم يقعدون على الكراسي عشان يرمس الدكتور.. ورمسه.. وقال له ان عبدالله استقرت حالته شوي.. وبدت حرارته تنزل.. والي فيه مجرد حمى شديدة.. كانت بتكون خطر لو تأخروا.. في هالوقت تنهدوا ... حسوا براحه يوم عرفوا ان الخطر زال عن اخوهم.. وصد احمد صوبهم.. شاف كل وحده فيهم تحضن الثانيه وهي مستانسه .. فرح من خاطره.. فقرر يتريا وصول هدى .. بعدها بيودرهم عشان مايكونون روحهم.. وقف بعيد عنهم بس كان يراقب كل حركات مها.. وبلبسها مريول المدرسه كانت طالعه بيبي من الخاطر.. قميص ابيض.. ومريول كحلي.. وشيله سودا لافه فيها شعرها.. كانت قاعده على الكرسي وحاطه راسها على جتف وفاء وماسكه ايدها ومغمضه عيونها.. شكلها كان طالع نعووومي .. وريم قاعده وتلعب بصبوعها متوتره.. ووفاء سرحانه..
    ريم: وفوووي؟؟ متى نتايج القصص؟
    وفاء: انتي ويييين وانا وين؟
    ريم: شو اسوي.. ابا انسي اعمارنا شوي..
    وفاء: هي والله.. ان شاء الله بعد اسبوعين
    مها نشت وعدلت شيلتها.. وقفت مجابله خواتها: مابدشون عند عبدالله؟
    ريم: بلا انا ودي..
    وفاء: انا بعد..
    مها: يلا خل نروح شو تتريون؟
    أحمد: على وين؟
    مها:بنسير عند عبدالله..
    أحمد: بس تبون رايي.. لو تخلونه شوي بعد نص ساعه احسن.. لأن اذا دخلتوا بينش ومابيرقد وهو لازم يريح.. وماينفعل.. وبيشوف هالعيون يدامه كل وحده عيونها منفخة اكثر عن الثانيه
    كلهم ضحكوا ونزلوا راسهم.. ابتسم لهم احمد وصد على الجهة الثانيه ورمسهم..: كيفكم جان تبون تروحون.. بس انا نصحتكم..
    مها بدون لا تحس: ونحن نسمع نصيحتك..
    ريم قرصتها جان تفز مها.. وسارت ورى وفاء انخشت.. جنها ياهل خايفه يعاقبونها.. استانس احمد في خاطره وسار عنهم لأن شاف هدى وهي يايه.. سلم عليها واستأذنهم وراح
    ..
    ريم وهي تتطنز.. وحاطه ايدها اليمين على قلبها.. وماده ايدها اليسار صوب البوابه: واااا قيسااااه لا ترحل..
    الكل تم يضحك حتى هدى لأنها فهمت السالفة.. الا مها الي تمت تتطالع ريم بطرف عينها ..
    ومن بعدها شرحوا لهدى الي صار ودخلوا عند عبدالله الغرفه.. كان راقد.. ومها كل شوي تصوره بتليفونها.. وهدى تهزبها.. لين ماسمعهم عبدالله وفتح عينه.. شاف مها مجابلته بالتليفون.. رد صك عيونه لأن حاس بنعاس شديد.. وكسل..
    نشت هدى وسحبت التليفون من ايد مها.. والباقي تموا يضحكون على شكل مها وعبطها.. ونشت مها وسحبت التليفون من ايد هدى: قليله ادب.. عيب يشلون التليفون بدون استئذان..
    عبدالله كان يسمعهم بس من التعب مب رايم يفتح عينه.. فيادوب يبتسم على رمستهم.. وبهالوقت كانت مها تلعب بتليفونها وتسمع الرنات الي فيهن.. ومن بين الرنات كانت رنه لإغنيه راب اجنبيه .. وكلها دق .. نشت وحطت التليفون على السرير وتمت تترقص شرات الخبايل.. فتح عيونه عبدالله وشافها وضحك.. وهدى تتضحك على خبال اختها..
    ريم بصوت واطي لوفاء: كل هذا لأنها شافت حبيب القلب..
    وفاء: ههههه ..
    عبدالله: انا منو يابني هني..
    الكل تقرب من عبدالله من سمعوا صوته..
    مها: انا دقيت لهدى ماردت .. وخفت اتصل في مريم اتم اتحاتي.. اتصلت في بيت عمي بوسلطان واحمد رد علي .. وقلت له ايينا..
    عبدالله: وينه احين؟
    ريم: روح..
    عبدالله: يزاه الله ألف خير.. وانتوا ليش ماسرتوا المدرسة..
    مها: كيف بنسير واخونا حبيب قلبنا تعبان..
    عبدالله ابتسم لهم: الله لا يحرمني منكم..
    وفاء: انا بسير اتصل في مريم لأنها حرقت تليفونك اليوم..
    عبدالله: اذا تمت تحاتي عطيني اياها برمسها عشان ماتحاتي..
    وفاء: ان شاء الله..
    ورمست وفاء مريم وفعلا تمت تحاتي وتوسوس.. ورمست عبدالله وقتهاارتاحت انه بخير فعلا ومافيه شي.. وتموا عند اخوهم.. وبالعصر يتهم أم سلطان وبوسلطان يزورونه لأنهم عرفوا بالسالفة من أحمد.. وناصر استغل الفرصه ويا وياهم.. وريم في هالوقت كانت اتزهب القهوة والفناجين.. وسمعوا دق على الباب وبعدها دخل بوسلطان وراه ام سلطان وناصر.. وسلموا على عبدالله واقعدوا.. وريم طول الوقت قافطه وناصر مايشل عينه من عليها.. وامه كل شوي تقرص فيه.. لأن كان مبين نظراته لها.. وهي قافطه..
    عبدالله: ريم .. صبي قهوة للضيوف..
    ريم: ان شاء الله
    عبدالله طول عمره يعامل ريم على انها اخته الصغيره المدللـه.. وبعدها صغيره: عفيه على الشاطره..
    مها ضحكت في هالوقت على ريم .. ولاحظ ناصر .. امبونه مايحب مها.. وشافها تضحك على ريم عصب.. وشلت ريم الدله والفنايين.. وقهوتهم.. ويوم وصلت عند ناصر كانت ترتجف من الخاطر مب رايمه تمد ايدها.. وشل عنها الفنيان.. ولامس طرف صبعه .. صبعها من غير قصد.. قفطت زود ريم وبسرعه ردت مكانها.. وتتريا الوقت يطوف عشان يروحون.. وبعد نص ساعه روحوا.. والدكتور قال انه بيطلع عبدالله اليوم الثاني.. لن لازم يتم تحت المراقبه 24 ساعه لغايه مايتأكد ان حرارته اعتدلت..
    وتموا خواته عنده شوي ومن بعدها ردن البيت.. وأحمد قرر انه الصبح يروح يزور عبدالله ويسلم عليه.. هدى باتت عند خواتها عشان مايكونون رواحهم.. ويكون في احد وياهم..
    ريم: ياربي ملل البيت من غير عبدالله..
    مها: اقوووول وفوووي.. سمعتي عن روميو وجولييت اليداد الي ظهروا.. وهي تتطالع ريم بطرف عينها..
    وفاء: لا .. بعدني ماشفت.. وينهم؟
    مها: والله حاليا بس جولييت الي متوفرة .. روميو في بيتهم...
    وفاء: ههههههههه.. بس صدق مايستحي ماشل عينه من عليج .. لا يحشم اخونا يالس..
    ريم تعرف انهم يقصدونها.. حطت سماعات الكمبيوتر على اذنها وتمت تسمع أغاني ولا معبرتنهم.. وهم ميتين من الضحك عليها وهي قافطة..
    =-=-=-=-=-=
    نرجع لورى شوي.. فالمدرسة عند غزلان.. كانت ياسه مع رباعتها وحاسه بضيج فضيع.. مب قادرة تتأقلم مع الوضع الي هيه فيه من دون حصه.. الكل في الفسحة ماكان له نفس يطلع من الصف.. وقعدوا في الصف.. الي راقدة على الطاولة.. والي تتعبث بدفترها.. والي تصيح.. حالتهم حالة.. ولا قادرين يستوعبون الي صار والي سمعوه من غزلان ..
    اما غزلان فطول الوقت تتطالع كرسي حصه وساكته.. وتدمع بصمت.. نشت نوال ويرت كرسيها ويابته حذال غزلان وحطت ايدها على جتف غزلان: تتوقعين انتي لو كنتي بسم الله عليج بعد عمر طويل مكان حصه.. بتكون شرات حالتج الي انتي فيها احين؟؟
    سكتت وتمت اتصيح بصوت مسموع شوي..
    نوال: غزووول.. ارمسج انا ردي علي..
    غزلان: لا.. لأني مابرضى انها تكون جي؟
    نوال: خلاص عيل انتي بعد لازم تعرفين ان حصه مب راضيه على الي قاعدة تسوينه في عمرج احين..
    غزلان: انتي ليش ماتفهمين.. حصه كانت اقرب الناس لي.. وفجأة تختفي من حياتي.. وايد صعب علي اني اتحمل هالشي..
    نوال: وانا اصعب .. وكل البنات صعب عليهم.. ترا بييج يوم وبتلحقينها..
    غزلان: ليتني لحقتها..
    نوال وبعصبية: غزلان شو هالرمسه.. انا ماحيدج بهالضعف.. دومج قوية... حصه الله يرحمها كانت ضعيفه وايد.. ولو كانت مكانج ماكنا بنلومها لو استوت بحالج.. اما انت لا..
    غزلان: بس صعب علي اصدق الي صاير..
    نوال: اذا انتي صعب عليج مره.. فنحن ألف مره.. انا شو اقول.. الي طول عمري مزعلة حصه.. وشفتي كيف كنت وياكم.. بدت تدمع.. راحت عن الدنيا وهي حاطه في قلبها علي..
    قاطعتها غزلان: لا يا نوال.. حصه من ذيج المره الي انتي تسامحتي فيها منا.. وهي ناسيه الموضوع ومسامحتنج..
    نوال وهي منزله راسها وتمسح دموعها: غزلان ادري انج تبين تقنعيني بكلامج بس انا عارفه الصدق..
    غزلان وهي ترفع ويه نوال: لا والله اني ماجذب عليج.. الي اقوله صدق.. حصه ماحاطة شي في خاطرها عليج..
    نوال وهي تبتسم لها: وانا اباج تثبتين لي هالشي بشي واحد..
    غزلان: والي هو..
    نوال: امممم.. ممكن نستوي انا وانتي ربع.. وانتي تقعدين مكان حصه وانا اقعد مكانج.. لأن اكيد محد يقدر ياخذ مكان حصه..
    غزلان ابتسمت لها وحضنتها من خاطرها وتمت اتصيح.. : انتي من زمان ربيعتي يا نوال..
    نوال: والله انج طيبه يا غزلان.. رغم كل الي سويته شوفي كيف تعامليني..
    غزلان: يالله عاد.. سيري يبي شنطتج.. واليوم تعالي بيتنا عشان انجلد الكتب سوى..
    استانست نوال من الخاطر.. لأنها فعلا كانت ندمانه على كل الي سوته في حق غزلان وحصه الله يرحمها.. فقررت انها تعوض غزلان بكل الي تقدر عليه عشان ماتحسسها بالوحدة.. وبهالطريقه قدرت تهون على غزلان باقي الوقت في المدرسة.. واتفقوا على انها اتزورها في البيت العصر ويجلدون كتب الفصل الثاني ويا بعض..
    =-=-=-=-=
    في بيت ام عادل
    أميره وأم عادل في هاليوم ماقدروا يداومون.. وتموا في البيت..
    أميره طول اليوم حابسة نفسها في الغرفه ومب طايعه تفتح الباب حتى لأمها... وطول الوقت تصيح.. وهالشي الي ضايق ام عادل زود.. ومعصبه من الخاطر.. وقفت عند باب غرفة أميرة وهي تصرخ: ماتبين تفتحين الباب لا تفتحين.. عادل راح وتركني.. وانتي بعد تبين تتركيني.. ولا فكرتي فيني... يالأنانية .. تفكرين في نفسج وبس.. كأن محد غيرج الي زعلان لفراق عادل.. انا امه الي كان في بطني ويبته على هالدنيا مب زعلانه عليه.. خلج في حالج انزين.. وخليني في حالي... يالأنانيه.. جنه هالصياح وهالحزن بيرد عادل للدنيا..
    اميره كانت واقفه ورا الباب وهي تسمع كلام امها ومتضايقة من الخاطر.. ومن قادرة ترد عليها.. شو بتقول لها.. لأن تعرف ان كلام امها صح وهي الي غلط.. وتصيح من الخاطر. ومن حست ان الصوت انقطع .. يعني امها راحت.. فتحت الباب شافت امها ياسه على الأرض ومتسانده على اليدار وتصيح.. عورت قلبها.. بسرعه تقربت من امها وحضنتها من الخاطر.. وتموا يصيحون في حضن بعض..
    دخل عليهم ريل أم عادل خليفة*.. وشافهم على هالحال.. هو متضايق من هالحال.. ومايهون عليه يشوفهم جي.. بس شو يقدر يسوي..
    خليفه وبكل ضيق: فكرتوا في أعماركم.. وكأن محد عايش وياكم غير المرحوم.. اميره نسيتي ان في ريال يسأل عنج.. وانتي يا نعيمه.. نسيتي..
    ودرهم وراح غرفته.. صدت ام عادل صوبه وبعدها تساندت على اليدار وتنهدت.. : شو اسوي يا اميره.. ألحق على منو ولا منو.. انتي ولا خليفه.. تعبت صدق تعبت.. اباج تخففين عني.. اباج تهتمين في نفسج.. وفي ريلج.. عشان تخففين علي دخيلج يا اميره ساعديني.. عادل في قلوبنا وبالنا مستحيل ننساه.. وفراقه اصعب شي في حياتنا.. بس لازم نرضى بالمكتوب..
    نزلت اميره راسها وبعدها مسحت دموعها وباست راس امها..
    اميره: سامحيني يالغاليه.. ووعد مني اني ماضايقج.. وعادل شرات ماقلتي في قلوبنا..
    ابتسمت ام عادل واستانست على رمسة بنتها..: ربي لا يذوقني حزنج ان شاء الله..
    أميره: أحبج امييي.. أحبج..
    ام عادل: انتي كل الي بقى لي في هالدنيا.. ربي يوفقج ان شاء الله..
    اميره: انزين يلا سيري عند ريلج وخلني اسير اشوف الخدامه شو سوت في المطبخ..
    نشت ام عادل واتحس ان خليفه قدر يأثر على اميره برمسته... وهالشي بيخفف عليها..
    -=-=-=-=-=-=-
    في بيت بوعمر
    منى سمعت بخبر وفاة حصه وعادل بعد فتره .. تضايقت من الخاطر.. وكانت تصيح في الغرفه.. عمر يحاول يهديها..
    عمر: منى حبيبتي .. يلا عاااد.. الله يرحمهم توفوا.. لا تصيحين وتضايقين بعمرج هالكثر.. مب زين لج ولا لعيالنا..
    منى: بس ماتصور هالبنت اشكثر طيبه .. مع اني بس قعدت وياها مره او مرتين..




    عمر: فاهم عليج حبيبتي.. وانا بعد لو مكانج بعد بتضايق .. بس شو بتسوين.. ترا هذا عمر..
    منى وهي تلوي براسها على جتف عمر.. : الله لا يخليني منك.. مادري من دونك انا شو بقدر اسوي..
    عمر: فديتج.. اخبرج حمدانوو الصغير ليش يصيح؟؟
    منى: اكيد يوعان ..
    عمر: ياربيييييي يا عمري انتي والله اني اتريا اشوف عيالي.. ابا الاعبهم احضنهم وابوسهم
    منى: هههههه.. ان شاء الله كلها شهور اتريا انت بس..
    عمر: مافيني صبر.. اخبرج ماروم احين نسير المستشفى ويطلعون البيبي اشوفه وعقب يردونه..
    منى: هههههههه.. كيف جي بعد؟؟
    عمر: اففف مافيني صبر والله مافيني صبر..
    منى: عمر.. أحبك..
    عمر: شو قلتي ماسمعت.. ابا اسمع مره ثانيه دخيلج..
    منى: اممم مابقول..
    عمر: ياويلي على الدلع.. قولي عاد..
    منى: أحبك..
    عمر: انا امووووووووووووووووووووووووووووت فيج
    منى وهي فاجه عينها: ايييه سكتي كل حد سمعك..
    عمر: منو بيسمع؟؟ نوره؟؟ تراها بعد كم من شهر بتملج وبتسمع من ريلها.. وايمان.. راقده على التليفون رقاد ترمس ريلها..
    منى: يلا عاد بسك انت شكلك وايد غيران منهم..
    عمر: هيه مابا احد يحب الثاني كثرنا..
    منى: يا أنااااااني..
    عمر: المهم اني امووووووت فيج .. احبج.. اهواج.. اتخبل عليج.. اعشقج؟..
    منى: ايه عيب عيب ..
    عمر وهو يحط راسه على بطنها عشان يسمع نبض الياهل.. ومنى تضحك عليه: شو قاعد تسوي..
    عمر: اسمع ولدي يناديني.. يقول طلعوني..
    منى: لا مايقول جي .. يا جذاااااااب..
    عمر: شو قلتي؟
    منى: لا اقول يا جذاب.. يعني شرات المغناطيس..
    عمر: هيه اتحرى بعد..
    وضحكوا سوى..
    =-=-=-=-=-=-=
    في بيت بوسعيد
    غزلان كانت شويه احسن من قبل من بعد كلام نوال.. وهالشي الي فرح ام سعيد.. شافتها تضحك وشوي على نشاطها.. تمت ترتب غرفتها وتبخرها وتعطرها.. لأن نوال راح اتييها.. وسارت المطبخ وسوت عصير ورتبت السويتس بروحها.. وامها اتراقبها من بعيد ومستانسه .. وتقربت من غزلان وحضنتها.. : يعل ربي لا يذوقني حزنج يابنتي.. اشحلاتج وانتي جي.. ماحب اشوف الضيج فيج..
    غزلان: ربي يطول بعمرج امي.. انزين انا بسير الغرفه عشان اتلبس لأن اكيد نوال بتوصل احين..
    وبعد نص ساعه وصلت نوال ومعاها جيس كتبها.. ابراهيم كان يالس عند باب بيتهم يوم شاف نوال نازله من الموتر استغرب.. عرفها.. وتم يطالع وقف مكانه تم يطالعها.. بس نوال ماشافته ودخلت بيت غزلان.. الي كانت تترياها عند الباب استقبلتها..
    غزلان: هلا والله.. تو مانور البيت..
    نوال: بنور بهله... ماشاء الله بيتكم غاوي وحلو..
    غزلان: تسلمين عيونج الحلوة.. حياج تعالي..
    دشوا داخل. وسلمت نوال على ام غزلان.. وصعدوا سوى لغرفتهم فوق.. ويلسوا يسولوفون.. وقعدت غزلان تراوي نوال شويه صور لأهلها ونوال تسولف وتحاول كثر ماتقدر انها اتضحك غزلان.. : اخبرج مب جنه انا يايه عشان انجلد كتبنا.. يلا شو تترين؟
    غزلان وهي تحج راسها: تصدقين متهايزه..
    نوال وهي تحايس بثمها: انا بعد..
    غزلان: هههههههه.. خله يولي عيل..
    نوال: لا شوو.. تبين امي تهزبني.. بتشوف الكتب شرات ماهي..
    غزلان: يعني لازم..
    نوال: هيه لازم يلا..
    وبدوا يجلدون الكتب وهم ساكتين.. في هالوقت غزلان سرحت شوي.. وتذكرت ابراهيم.. وحست انها ابتعدت عنه.. وطبعا شاله من بالها العلاقة الي كانت بين نوال وابراهيم.. لأنها تأكدت ان نوال ماشالة شي في خاطرها..
    نوال: غزلان.. عطيني المقص..
    بس غزلان ماردت عليها لأنها كانت سرحانه..
    نوال وهي تعلي صوتها شوي.. : غزلاااااااااااااااان.. وين وصلتي انتي حوووه؟؟
    غزلان وهي تهز براسها: ها.. شو ؟
    نوال: يالسرحانه.. وين وصلتي..
    غزلان صدت واطالعت جامة غرفتها الي مجابلة ب%







    التعديل الأخير تم بواسطة إماراتية أفتخر ; 08-12-21 الساعة 03:30 PM
    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  2. #132
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    النهاية

    و أخيرا نهاية رواية للحب عنوان

    الصراااحة عن نفسي حبيت هالقصة واااااااااايد

    و اللي لفتني لها عنوانها ....
    أتمنى انها تعجبكم

    تحياتي

    إماراتية أفتخر





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  3. #133
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    تحليل القصة


    راح أبدأ بالشخصيات الي انعرفت فالقصه من البدايه إلى الشخصيات الي طلعت بعد ذلك في القصه ذاتها..
    التحليل يشمل المواقف الي مروا فيها الشخصيات.. من حيث اذا كان الموقف واقعي وله صلة بالواقع أو كان من وحي الخيال.. ماراح اتطرق للشخصية كتصرفاته وتعامله

    الشواب.. بوسلطان وبوسعيد وام سعيد وام سلطان.. ماراح اتطرق لهم وايد.. لأن دورهم تكميلي وليس رئيسي



    غزلان: قصه غزلان مع خالد.. شبه حقيقيه.. بغيت أبين من خلال هالقصه إن مب كل شاب ينعجب في بنت يشوفها لمره يكون حبها بجد ويباها تكون له وحليلته.. فخالد فالقصه لو كان فعلا جاد بعلاقته وحبه لغزلان كان بيوقف بويه أهله ومابيبدي البيزات عليها.. لكنه حب انه يوصل لها بطريقه رسمية يوم شاف ماشي فايدة انه يوصل لها بالطرق الثانيه.. ويوم رمسها ووصل للغايه الي كان يتمناها تملل .. وكان تركها سهل جدا..
    إبراهيم وغزلان... غزلان حبته كأخ في البدايه.. بس بعد خالد قدرت تفرق بين الي يحبها لذاتها والي يحبها لغايه في نفسه.. موقفها مع ابراهيم من وحي خيالي.. لكن مع خالد.. له صلة بالواقع شوي..



    هند: كانت مريضه وفاقدة الأمل فالحياة... كانت تعتقد ان الي في حالتها ماتقدر تعيش شرات باقي الناس.. وهذي كانت حالة وحده اعرفها... بس البنت الي اعرفها الله ماشفاها من الي فيها.. لكن واصلت حياتها والله رزقها ببنت وولد ألحين.. لكن اضفت في هند ان الله شفاها لأني بغيت ابين للي يقرون ان الله كريم ويكرم عبده لو كان شاكر وغير ناقم للحالة الي فيه... وعلي كانت ترمسه فالمسنجر.. وهذا مب اقصد فيه اني اشجع البنات انهن يرمسن على المسنجر.. بس حبيت اني اضيف موقف كصدفه يعني.. بس من بعد ما ظهر انه ولد خالتها تركت المسنجر لأنه هالإنسان بقربها احين.. وحبها .. مثال للشخص الي يحب بواقعيه ومايهمه مرض ومافي شي يعرقل حبه




    علي: هذا الإنسان قصته حقيقيه.. السالفه الي صارت في الواقع ان علي طعن اخوه وصفع مرت اخوه.. ايام ماكان في المراهقه وفعلا انطرد من البيت واخته تكفلت بكل دراسته برع.. وهو يوم ندم.. وقدر تضحية اخته له.. ماضيع سنين الدراسه على الفاضي.. درس وتخرج ورفع راس هله يوم رجع..



    محمد: هاي من الخيال.. حالته مع هنادي كانت شرات الشخص الي ينجرح ويفقد امله باللي حواليه ويفقد ثقته في نفسه... لكن لأنه كان يحب من قلب رجع للحب القديم واعجابه في غزلان ولا منى.. ما قدر يهز عرش حب هنادي.. خياليه



    هنادي : الغرور والكبرياء الي انكسر في لحظه وتبخر كل شي كانت تتباهى بنفسها فيه.. وقتها عرفت من يصلح لها ويحبها .. خياليه

    جاسم: الرجل الخاضع لزوجته.. وهاي ياكثرها في الواقع.. وآمنه الطامعه .. وهاي واقعيه تقريبا.. لكن الناس الي في الواقع ودوا امهم وابوهم دار العجزه.. ولا افتكروا فيهم ليومهم هذا.. والله بيجازيهم ان شاء الله.. ولكن في القصه ألفت الباقي من عندي عشان ابين ان الله يمهل ولا يهمل


    أم جاسم وأبو جاسم: الأبهات الي عمرهم ماينسون عيالهم ولا يقدرون ينكرون ان يحبونهم.. في لحظه نسوا ان لهم ولد.. ولكن من شافوه.. القلب الحنون رد الحنين لقلبهم.. والظفر عمره مايطلع من اللحم


    سعيد: انسان طموح.. سافر برع البلاد حافظ على نفسه وياي وفي راسه هدف ينفذه .. يته فتره كأي مراهق حب له بنت يوم شافها على هواه لكن من قبل ماكان يباها أفنان.. وحلت بعينه.. لكن خسر فالنهايه ويوم انعجب بوحده ثبت عليهانوره وخذاها.. من الخيال طبعا..



    وداد: تحب الخير للي حواليها.. موقفها مع مريم.. بعد شبه حقيقي.. لأن في ناس فالواقع يضحون بكل شي عشان خاطر شخص وهذا كله على حساب سعادتهم.. لكن الله مايرضى بالظلم.. طاحت مريم في شر اعمالها والله جازاها..



    هادف: قصه لشباب مراهقين كثيرين تعرضوا للدلع الزايد من عند أهلهم.. والرفاهيه والحريه.. والي في عمر المراهقه غير قادر على السيطرة على نفسه.. ويفلت كل شي من ايده.. وصار الي صار.. بس الي صار خلاه ينش من غفلته الي هو فيها.. لأن مب كل مره تسلم الجرة.. وهاي غير واقعيه بالكامل.. لأن أغلب الي في حاله هادف.. مايتعلمون من غلطتهم بالعكس يتمادون وفي نظرهم الي سووه صح..
    ربعه الي سامحوه: مثال للتسامح.. ولو اني استبعد وجوده



    بيت بوسلطان:



    سلطان: ولد العم الي ماغير رايه في بنت عمه يوم انهم تحيروا من هم صغار.. مع ان في حالات في الواقع تصير الولد يستغني عن بنت عمه الي تحيرت له سنين.. وياخذ من برع.. انسان عاقل يوزن الأمور في راسه.. حاول مع وداد بكل الطرق وكسبها وحل المشكله والأزمه وتصرف بعقلانيه يوم وقف مع بنت خالته رغم الي سوته بحقه



    أحمد: مراهق حب له واعجب .. لكن اخفق في كل مره.. والثالثه ثابته.. ايمانه بالله قوي.. متسامح.. ناس اهانوه ورد دخل بيتهم بس عشان يحسسهم بأخلاقياته العاليه والي حسوه منه


    ناصر: مراهق:... مرت عليه فتره ورمس بنات وسوى.. لكنه ندم.. وتغير..


    فدوى: مالها دور رئيسي هي وزوجها..


    اسماعيل: الشخص الدين العاقل.. عرف كيف يتصرف مع اخته يوم درى بغلطتها.. وفي حالات كثيره الأخ مع انه يدري بغلطة اخته الا انه يدافع عنها ويمكن يسوي مشكله ثانيه بس عشان هالشي..


    عادل: الإبن الي شل مسؤولية بيته وعاش كأب وأخ ورب منزل من صغره حقيقه قصته..
    اعجابه بحصه كان صادق .. وكان جاد.. ماحب ينزل من مستواه ويفكر تفكير خالد.. بالعكس وقف على رايه ويوم خذاها خذاها ولا فحياته فكر انه يودرها .. وحصه البنت الطيبه .. وهاي مب حقيقيه لأن معظم الي نشوفه ونسمعه.. للأسف شبابنا يستغلون بناتنا.. والبنات مخهم تبن الله يهداهم



    ام عادل: إمرأة ضحت وتعبت.. غير حقيقه.. لكن حبيت ابين نقطه.. إنها في النهايه إمرأة.. بغض النظر ان عيالها كبار.. ومن حق إي إمرأة فالدنيا العيش حياة طبيعيه تروح وتيي على كيفها .. والزواج شرع لابد منه.. ليش العيال يرفضون هالشي غلط اصلا.. لأن الله مايرضى بهالشي.. ام عادل.. أم في الدنيا.. يوم القيامه كلن لنفسه بيتحاسب كأنه كان عايش بهالدنيا لحاله.. وحبيت ابين من بعد وفاة عادل.. كيف الأم الصبوره المؤمنه بقضاء ربها..واقعيه هالقصه



    أميره: ممكن اقول عنها تافهه .. لأن تفكيرها كان غير منطقي.. ماترضى تتزوج لمجرد وفاة شخص قبل.. كل انسان بيموت محد بيدوم.. وماتضع لحياتها نقطه يوم الله يكتب وتنتهي حياة شخص يرتبط فيه.. من الواقع وللأسف هالبنت للحين ماتزوجت.. لكن كل الي حواليها انشغلوا بحياتهم.. وامها وابوها كم بيودومون لها؟؟ فالنهايه المرأة خصوصا تحتاج لشخص يكون معاها يسليها



    عادل وحصه يوم توفوا.. ذكرت هالشي من قبل وبرجع اذكره.. فعلا توفوا بسبب حادث وقصه حقيقيه..


    عائلة حصه..
    عبدالله وزوجته .. وعزيزه وزوجها.. والأم والأبو.. شخصيات عامه مالها دور او قصه


    حصه: ذكرت.. البنت الطيبه تحب صديقتها ومخلصه لها.. وحافظت على نفسها والله رزقها على قد نيتها زوج حبها..



    عائله عبدالله
    عبدالله تقريبا نفس حالة عادل.. شايل مسؤولية هله.. وبعد نفسه يوم حب له وحده ماتريا انه يسيء لنفسه.. وخطبها بعد ماتنشد عنها.. حبه لخواته وحنيته عليهم.. أخوي العود... مافي في العايله اخ حنون اكثر منه علينا.. الله يحفظه ان شاء الله


    وفاء: ناس قالو اني باااالغت وايد في وصف طموحها.. مب شرط كل الي اكتبه في القصه حرفيا يكون حقيقي.. انا انسانه احب اكون نفس وفاء.. لكن يوم افكر فيها احس انها صعبه شوي.. فحبيت ابين شخصيه واحطها في صورة يدامكم.. وانا متأكده 100% ان في ناس شرات وفاء واكثر طموح بعد.. يعني مثل مايقولون حبيت حلم في بالي احققه في شخصيه يدامي..
    وعن موقفها مع خواتها ممكن يكون حقيقي.. لأن الغيرة بين الأخوه وارده..

    مها وريم : التوأم الي هم اصلا مب توأم.. كيف افهمكم مادري.. بس انتوا افهموها عاد.. بس بينت شي واحد التربيه الي تربوا عليها.. الأسس الي تعلموها من امهم الله يرحمها.. مانسوها.. مها رغم حبها لأحمد مارضخت لرغبتها انها ترمسه من ورا اهلها.. لأنها خذت من اخوها ثقته الكامله بها.. ومايجوز تخون هالثقه.. ونفس الشي ريم..

    جواهر: تأثرت بوفاة امها .. وهذا شي طبيعي يحصل لأي بنت تتمنى وجود امها يوم عرسها..



    منى: البنت الي تنظلم من مرت الأبو.. وشرات ماقلت.. هاي شبه حقيقيه.. في حالات مرت الأبو ماتتغير.. لكن حبيت اني ابين شي وان في خير في الدنيا .. ومافي انسان قلبه من حجر .. حبت واعجبت لكن فكرت بعقل.. وخلت العقل هو سيد الموقف يوم خذت عمر عشان ترضي اهلها.. لأن فالنهايه محد ينفعها غير اهلها.. حتى وان كان في حب بينها وبين احمد.. والله راد وحبت زوجها حب ماتصورته في لحظة.. فيها من الواقع والخيال اكثر



    عارف: ماذكرته عقب.. لكن في بدايته انهارت نفسيته من المشاكل الي كان يشوفها ومن معاملة امه لإخته مهما يكون هذي اخته.. ووفاة ابوه.. ولكن اهتدى بعد ذلك.. من الخيال



    عمر: اااااااااااه من الرياييل الي هالنوع.. وياكثرهم.. مايهمهم قلب البنت على حساب سعادتهم.. وفيها من الواقع.. لكن يوم نش من غفلته نش لكن متأخر شوي.. وخذاله وقت يصحح لو شوي من اخطائه .. والله غفور رحيم..



    إيمان: هنييييييييييييي سوء الفهم... من الأول اقول لكم.. قصة إيمان.. خيال في خيال.. في خيال في خياااااااااااااااااااال..
    خلنا واقعيين.. الرجل بطبيعته غيور.. وخصووووصا رياييلنا نحن الشرقيين.. غيرتهم غير طبيعية.. مستحيل ثم مستحيييييييييييييييل يتحصل انسان شرات مهير ويرضى في بنت بهالطريقه وخصوووووصا ان ايمان الي سوته من رضاها هيه.. مب غصبن عليها.. يعني ان كان في انسان شراته فهذا شخص واحد بين مئة شخص.. شوفو الفرق الكبير...

    قصة ايمان الي انا حطيتها.. من خيالي.. حبيت ابين شي واحد.. ان البنت تخطأ.. شرات ماعمر أخطأ بعد.. عمر سامحوه لأنه ريال؟؟ لكن هل الله سامحه؟؟... إيمان.. المجتمع ماراح يسامحها.. لأنها بنت.. والبنت ان مس شي شرفها ماشي يمسحه.. هو مب ثوب وتلظخ تقولين بحطه في الغسيل وكأنه ماكان في شي.. ثاني انسان مستهتر.. كان صادق بحبه لكن ما جاد .. خطب ايمان .. وبمجرد رفض اهله او اهل ايمان.. تخلا عنها.. وبهذا الشي دمر إيمان وحياتها.. ليش؟؟ لأنه غير جاد.. وشو كان يخلي ايمان تتخيل ان في انسان مثل مهير بيظهر لها؟؟.. مهير حبها لجمالها .. وطمع بها.. لكن شاف اخلاقيتها كيف.. وكيف صاينه نفسها.. مب من يوم وليله وافق على حالها.. تم فتره وراها.. ويوم كلمها وقالت الي عندها مع ذلك مارضت تكرر الخطأ نفسه.. لكن لو نوزنها بالواقع.. مافي ريال يرضى ان الي بيرتبط فيها انها كان لها علاقة بشخص حتى وان كان بس تواصل تليفوني.. فمابالكم مس شرفها؟؟ ..
    قصه ايمان شي من خيالي.. شرات ما وفاء نموذج حبيت ارسمه في دنيا مخيلتي.. نفس الشي في مهير .. حبيت ارسم صورة رجل صادق بمعنى الكلمة.. يحب ويسامح لكن مب بسهولة.. وهالصورة مب موجودة لأن مافي ريال بيرضى بهالشي .. وياما بنات نسمع عنهم او نعرفهم.. صابهم هالموقف وتلطخت سمعتهم .. وليومكم محد يرضى فيهم وان كانو تائبات بصدق وتركوا كل شي.. في عينهم خلاص هالبنت ماتصلح تكون ام او زوجه.. فلا تحطون في بالكم انها قصه حقيقيه وان في شباب شرات مهير بالهبل عشان يسوون هالشي ويكونون مطمنين.. واعتقد الشباب الي قروا القصه يوافقوني الرأي.. لأن مافي شاب يرضى انه يرتبط بإنسانه ممسوس شرفها برضاها.. اما ان كان بغير رضاها فهذا شي ثااني تماما.. وماعتقد في انسانه عاقل تخاف ربها بتسوي هالشي ومابتفكر في الدرجه الأولى بأهلها...
    انا كتبت عن ايمان لكن ماحبيت موقفها.. لأن الغبيه الي تسوي هالشي.. والي تسوي هالشي في نظري ماتستاهل انها تتسامح.. لكن شي حبيت اخليه في دنيا مخيلتي



    نوره الإنسانه المعاقه..من خياليحبيت اوضح ان بالإراده والإيمان كل شي يتحقق..

    والباقي فرعيين..


    بوعمر: الطمع ملا عينه ومافكر بسعادة الي حواليه سوى سعادة نفسه.. ولكن تندم ووعى بالي سواه بحق بومهير وطلب السماح لأن يبا الله يرضى عليه .. وبومهير الرجل الطيب الحنون.. مايحمل الحقد في قلبه

    أفنان: ااااااااااه من افنان.. الي صارت عليها ضجة..
    فالبداية كانت في دور غير سوي من حيث انها كانت تبرز حبها لسعيد علنا.. لكن الله يحب عبده.. وهداها بيوم وليله وتغيرت.. وصار هو الي يلحقها .. وفكرت بعقل وعرفت ان مالها غير ولد عمها

    إبتسام: وياكثر البنات الي شرات ابتسام.. وماعرف عن وحده تعاقبت من قبل رب العالمين.. لكن حبيت ابين إن الي شراتها الله مايوفقها.. حب المال والطمع فيه ... وحب الدنيا وملذاتها.. خلاها تقع في مشاكل هي في غنى عنها .. وطاحت فيها برضاها وقلة عقلها


    خوله: استغلاليه انتهازيه .. ماتخاف ربها خربت بين زوجين.. والله مايضرب بعصا..



    غانم: بغيت ابين طبقة من الشباب.. ممكن يكونون من النوع الي يرمس او الصايعوانا ماوضحت هالشي في شخصيته بس أشرح لكم نقطه.. لكن عمره مايرضى ياخذ وحده خانت ثقة أهلها في لحظة وكلمته.. ولا بيفكر فيها عشان يبني معاها اسرته الصغيره.. لأن الي تخون ثقة اهلها.. تخون ثقة زوجها بعدين.. وحب له وفاء يوم شاف طموحها واخلاقياتها.. ظهرت امام الملآ وارمست.. ولكن حافظت على كل كلمة تقولها.. بنبرة صوتها.. بحركاتها بلبسها واحتشامها.. ممكن يكون قارنها بالي تعرف عليهن.. شي طبيعي عقله وضميره يقول له هاي الي تنفع.. وهذا واقع في شخصيه كل شاب اعتقد انه يأيد كلامي

    وهذا كل شي بالنسبه للشخصيات





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  4. #134
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم



    مجرد رأي ::::



    بس نقطة بسيطه.. الحب الطاهر.. مش هو ان نحب ومانرتكب جنح وكبيره نقول حب طاهر.. الحب الطاهر هو الصامت.. نحب لكن نكتمه في نفسها ومانبرزه حتى للشخص الي نحبه.. يعني بمنعى اصح.. اي بنت فهالدنيا ممكن تنعجب وتحب لها شخص.. لأن القلب رخو ويلين بسرعه.. لكن مب معناته انا حبيت شخص اروح واكلمه واواجهه بحبي.. لأن هالشي بيكره هالشخص فيني.. مافي رجل بيرضى انه ياخذ وحده استرخصت نفسها.. البنت شرات الجوهرة الماسيه غاليه جدا.. وان تمت على سعرها الغالي.. الكل بيتنافس على اقتنائها .. وان نزل سعرها.. مابياخذها الا الرخيص الي من ياخذ الي يباها منها.. ويرميها على زاويه ومتجاهلنها..
    حتى الرجل يحب.. بس الرجل أصعب فالحب من المرأة.. لأنه يقدر يتحكم بنفسه.. تلاقون الرجل لا حب له وحده بصدق يخاف عليها وعلى سمعتها ولا يقربها.. لأنه يخاف على مصلحتها.. ولكن ان استرخصت بعينها .. يزين الحب في عينها ولكنها في الواقع ماتعني له عزكم الله النعال الي يلبسه.. ولكن البنت تتعلق بسرعه وترضخ.. وهالغلط الي وقعوا فيه بنات وايد للأسف





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  5. #135
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    تحياتي

    اختكم : إماراتية أفتخر

    القصة .. منقوولة





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  6. #136
    عضو نشيط
    الحالة : زيــــزو غير متواجد حالياً
    رقم العضوية : 6038
    تاريخ التسجيل : 02-03-08
    الدولة : الــــ U.A.E ـــــاا
    الوظيفة : طالبـــ(بالثانوية العامة/علمي)ـــــ
    الجنـس : ذكـر
    المشاركات : 48
    التقييم : 10
    Array
    MY SMS:

    أحببت الدنيا لأن فيها من إذا نسيت ذكرني .. وإذا غفلت نبهني .. فهل تكون منهم ؟؟

    افتراضي رد: رواية للحب عنوان أنصحكم تراها روووعة لا تفوتكم



    أشكرك أخيتي على المجهود الرائع .. وجزاك الله كل خير ..






  7. #137
    عضو مجتهد
    الصورة الرمزية وداد جاسم
    الحالة : وداد جاسم غير متواجد حالياً
    رقم العضوية : 28734
    تاريخ التسجيل : 01-12-08
    الدولة : U.A.E** Shj**
    الوظيفة : طالـــــــبة
    الجنـس : انثـى
    المشاركات : 134
    التقييم : 23
    Array
    MY SMS:

    طيــب القــلب دوومــه خســراان ..

    افتراضي رد: رواية للحب عنوان أنصحكم تراها روووعة لا تفوتكم


    تسلميين يالغالية بس بلييز لاتنسين تكملينه
    الله يعافيج ويردج لنا سالمة يا شطورة ومزيونة






  8. #138
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    اقتباس المشاركة الأصلية كتبت بواسطة زيــــزو مشاهدة المشاركة

    أشكرك أخيتي على المجهود الرائع .. وجزاك الله كل خير ..

    تسلم خوي على المرور الطيب
    اقتباس المشاركة الأصلية كتبت بواسطة وداد جاسم مشاهدة المشاركة
    تسلميين يالغالية بس بلييز لاتنسين تكملينه
    الله يعافيج ويردج لنا سالمة يا شطورة ومزيونة

    تسلمين خيتوو بس شو أكمل

    خلصت الروااية كاملة مكملة ....





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

  9. #139
    عضو مجتهد
    الصورة الرمزية نانبتمي
    الحالة : نانبتمي غير متواجد حالياً
    رقم العضوية : 24994
    تاريخ التسجيل : 03-11-08
    الدولة : //عآآلم الرياضه \\
    الوظيفة : ...~||
    الجنـس : انثـى
    المشاركات : 102
    التقييم : 10
    Array
    MY SMS:

    .../

    افتراضي رد: رواية للحب عنوان أنصحكم تراها روووعة لا تفوتكم


    مشكوره ما تقصري القصه من اولها حلوه






  10. #140
    عضو ذهبي
    الصورة الرمزية إماراتية أفتخر
    الحالة : إماراتية أفتخر غير متواجد حالياً
    رقم العضوية : 19594
    تاريخ التسجيل : 07-09-08
    الدولة : قلب الإمارات
    الوظيفة : والله وكبرنا وصرنا بنات جامعــهـ هع^_^
    الجنـس : انثـى
    المشاركات : 675
    التقييم : 54
    Array
    MY SMS:

    أڪْبر قهر لآ مـטּ حڪْى فيڪْ أنسآטּ و يصدقـہۧ مـטּ هو تعزـہ

    افتراضي رد: رواية للحب عنوان أنصحكم تراها روووعة لا تفوتكم


    نورتينا فديتج

    تسلمين على مرورج الطيب





    http://www.shbab1.com/2minutes.htm
    أحلى راابط...
    [IMG][/IMG]

    تسلمين ام هلال ع التوقيع....

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طويلة : رواية لمحت في شفتيها طيف مقبرتي تروي الحكايات أن الثغر معصية
    بواسطة بنت العين 2 في المنتدى قصص الطويلة , الروايات
    مشاركات: 12
    آخر مشاركة: 14-10-14, 07:05 PM
  2. خلآص/..كآفي/..بس/..مليت الاعذار****مليت حتـى قـول ويـن الحقيقـه
    بواسطة الفل و الريحان في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 5
    آخر مشاركة: 12-05-20, 08:15 PM
  3. أنصحكم بهذا الموقع ... واايد مفيد ...
    بواسطة مجتهد للأبد في المنتدى منتدى الوسائط Media Forum
    مشاركات: 4
    آخر مشاركة: 09-07-15, 04:25 PM
  4. أنصحكم بالاستمتاع بالقهوة‏
    بواسطة فتفوتة في المنتدى المنتدى العام General Forum
    مشاركات: 6
    آخر مشاركة: 09-06-03, 05:03 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •