تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 63 من 63 الأولىالأولى ... 1353585960616263
النتائج 621 إلى 625 من 625
  1. #621
    عضو الماسي
    الحالة : أميرة راك غير متواجد حالياً
    رقم العضوية : 18841
    تاريخ التسجيل : 28-06-08
    الدولة : الإمارات
    الوظيفة : طالبة
    الجنـس : انثـى
    المشاركات : 3,833
    التقييم : 727
    Array
    MY SMS:

    وآثق الخطى يمشي ملكاًَ

    افتراضي رد: قصة حب اماراتية >> عجيييييييبة لاااتفوووتكم ^^


    جاري إغلاق الموضوع




    شكرا لحسن تعاونكم

    أرجو عدم تحويل القصة إلى شات








  2. #622
    مشرفة الصف 12
    الصورة الرمزية رمـــز الوفـــا
    الحالة : رمـــز الوفـــا غير متواجد حالياً
    رقم العضوية : 23197
    تاريخ التسجيل : 22-10-08
    الدولة : وَسطُ قلبه ❤
    الوظيفة : طالبه ..~
    الجنـس : انثـى
    المشاركات : 3,158
    التقييم : 990
    Array
    MY SMS:

    لـآ من --][ ذكرتك . آقول -->. . يآ حي هالطـآري [♥] آنـآ آإشهـدْ أنَ الطَـوآرِيْ [ فيَكـْ َ . تـسْعدِنَـي . َ

    افتراضي رد: قصة حب اماراتية >> عجيييييييبة لاااتفوووتكم ^^


    .
    .

    تم اكتمال القصه ،
    وأخيييـرا وبعد عناء طويل ،،! هه
    دام سنينن و سنين و سنين و سنين ،،

    واخيرا
    آنسسه نبوضه نزلته
    هههه

    .
    .






  3. #623
    مشرفة الصف 12
    الصورة الرمزية رمـــز الوفـــا
    الحالة : رمـــز الوفـــا غير متواجد حالياً
    رقم العضوية : 23197
    تاريخ التسجيل : 22-10-08
    الدولة : وَسطُ قلبه ❤
    الوظيفة : طالبه ..~
    الجنـس : انثـى
    المشاركات : 3,158
    التقييم : 990
    Array
    MY SMS:

    لـآ من --][ ذكرتك . آقول -->. . يآ حي هالطـآري [♥] آنـآ آإشهـدْ أنَ الطَـوآرِيْ [ فيَكـْ َ . تـسْعدِنَـي . َ

    افتراضي رد: قصة حب اماراتية >> عجيييييييبة لاااتفوووتكم ^^


    .
    .

    للتذكير في الباارت اللي طاف
    .
    .




    آلبـآرت 98 ..~



    طاح على الارض يصيح شرا اليااهل ماا يتخيل نهايته بهالشكل .. هزاع مايصيح عشان حارب.. كان خايف من نهايته هب عارف شو مصيره خايف يكون مثل حارب وين بيسير عن ربه شو بيقول له
    فكر بكل شخص ممكن يكون تسبب باذيته
    اولهم اهله وحرمته نوره كيف بيلقاها علشان يطلب منها تسامحه ..
    تسامحه قبل لا تكون نهايته مثل حارب ..
    تم لاوي على عمره ما يقدر يسوي شي يخاف يشل حارب المستشفى يزخونه وياه .. مايبا ينكشف ..
    تم بقعته يصيح هذا رده هالايام بان دموعه تعبر عن اي شي يصير او ممكن تكون دموع حزن ويــأس ..
    مستحيل يخلي حارب طايح جي مستحيل

    حاول يشله وساعده الهندي اللي يشتغل في الفندق ..
    اتصلو بالاسعاف وعلى طول يو شلوه

    هزاع لحقهم بسيارته طبعا ..

    وصلو للمستشفى

    هزاع ما كان يدري شو يستوي عند الدكاتره داخل

    بعد ساعات ظهر الدكتور وقاله

    : يقربلك
    هزاع : لا ربيعي
    الدكتور : انته تعرف عن حالته طبعا
    هزاع يبلع ريجه : هيه اعرف
    الدكتور شاك بهزاع : وماتعرف بان ربيعك مريض ؟
    هزاع : لااا انامن جريب بس راجع البلاد كنت مسافر ليش شو بلااه مريض؟
    الدكتور : عنده تلف بالكبد وهذا أدى الى موته
    هزاع منزل راسه خوفه كبير محد يتصوره
    الدكتور: تقدر تبلغ اهله .. لو سمحت يعني
    هزاع : اكيد

    مسك هزاع فون حارب واتصل على اخو حارب

    ما لقى اي رد اتصل كذا مره بس ماشي رد
    اتصل ع رقم البيت

    ردت عليه البشكاره : هااالوووو
    هزاع : عطيني ابو حارب
    البشكاره : بابا هارب مافي انتي يبقي سإيد "سعيد" في موجود
    هزاع : هيه عطيني قوليله هزاع
    البشكاره : اوكييي
    سعيد يشل السماعه : خير هزاع شعندك
    هزاع : بغيت ابلغك عن شي
    سعيد : حارب مابا اسمع طاريه لو سمحت يعني
    هزاع : يمكن تكون اخر مره تسمع عنه لان حارب عطاك عمره اليوم العصر
    سعيد صخ من جريب امهم متوفيه وعقبها بكم شهر اخوه توفى

    صكر عن هزاع


    اما هزاع ظهر من المستشفى بسرعه تارك كل شي لاهله يبا يشرد حتى خايف يكون وياه وقت الدفن او اي شي ثاني .. بحياته ماصار هالشي وياه

    ..
    . {...الكاتبة............... نبض عوافي أو غلاه ..} ..

    في بيت بو عبدالله


    عبدالله وحرمته ميثاء يالسين في الصاله ووياهم ام عبد الله


    ام عبدالله : ماشفت اخوك سويف من ساعه ادوره هب راضي يرد على التلفون مادري شبلااه
    عبدالله : تلقينه ويا ربعه وملتهي وياهم
    حدر راشد بهاللحظه تافف عبدالله مايبا راشد يشوف حرمته جنه الحين ميت عليها خخخ

    راشد : السلاام عليكم
    الكل : وعليك السلام
    راشد صد يطالع عبد الله : بسير بسير بتاكلنا يابوك "طالع ميثاء " الله يعينج على ما ابتلاج
    ميثاء تضحك : لا ريلي هب بلوه
    عبد الله يخزها بعين يعني لا ترمسينه
    ميثاء : ان شاء الله بنطم خخخخخ
    ام عبدالله : حشى جنه محد عرس غيركم انته واخوك ماتنبلعون ابدن
    راشد : هيه والله محرم عليه انا وسيف وعلي اليلسه وياكم شو ها ياخي اظهرو من بيتنا
    عبد الله : هاذي طرده
    ام عبد الله : محد بيظهر من البيت لا تسوون حشره بس
    راشد : عيل حد يسوي جي شو هالحال جنه عايشين في الجاهليه .. حتى الجاهليه عادي عندهم ..
    عبدالله : بس من لسانك ماتصخ اذلف
    راشد ييلس ويتربع تحت مجابل امه : وهاذي يلسه هب عايبنك الشيخ هكو الباب لا تحشرني
    عبدالله بغيض : حشىىىىىى
    ميثاء بتموت على شكل عبد الله المعصب ..
    مشكلته يغااار من اي شي وخالد ظهر نفس الطبع فيه خخخخ الله يعين فطوم وميثوه

    . {...الكاتبة............... نبض عوافي أو غلاه .....منتدى فزاع..} ..
    .

    في المنار صوب ماكدونالز


    خليفه ومنصور وعلي و خالد ووياهم "عمير"


    يالسين ومسوين يوله في البقعه ..

    خالد متأذي من فطوم كل دقيقه تدق له وهو يصكر في ويهها

    خالد يسالهم : بسير اطلب لكم شو تبون
    علي : اربعه برغر وواحد بيبسي الكبير لو سمحت
    عمير : حق منو هذا
    علي : حقي بعد حق منووه
    منصور : قول والله تاكل اربعه
    علي : والله عادي
    خالد : ناقص متن انته
    علي يحط ايده على بطنه : شو ناقص تحيدني مكرش وانا مادري اطلب اطلب ولا تسويلنا حشره
    خالد : تشرط انته تشرط اشتغل عندك تراني

    ..
    . {...الكاتبة............... نبض عوافي أو غلاه .......


    بعد اسبوع

    في المانيــا


    صرخت نوره وهي تطالع هزاع وتدمع عيونها من الوناسه : صدددددق بنرررجع برجع رااااك
    برجع لاهليه برجع لهم
    هزاع يضحك : هيه استانسي
    نوره تناااقز وهي يالسه : اللللللللللللللللللله متى متى متى موعدها الطياره متىىىىىى ؟؟





    هزاع : باجر بالليل
    نوره توقف : شووووو يصبرررررررررني انا لين باجر
    هزاع : صبرتي وايد صبري اليوم بعدج
    نوره : هيه هيه صح "وربعت صوب ولدها اللي لين الحين ماسمته"
    دخلت حجرتها وشلت ولدها وتمت تبووووسه وتصيح من وناستها بس
    في شي خرب عليها ..
    خلاها تسكت شوي وتعيد التفكير
    وتذكر شو اخر شي دار بينها وبين اهلها شوو كــان ؟؟
    شو سوت اخر مره شافت امها ؟
    خلتها وهي ترمسها وتحذرها وشردت ويا هزاع معقولة حد بسامحها معقولة ابوها بيرضى عليها اخوانها بخلونها بحالها
    تمت تفكر وتفكر
    صاحت مره ثانيه بس هالمره من الخوف
    وان ما لقت هزاع عيل شو تسوي ترجع وين بتسير ؟؟؟
    فكرت في حد من عمومتها يمكن يسامحونها ويقنعون اهلها يرضون عليها
    بس ماتعتقد بان هالافكار بتنجح تمت تصيح اكثر واكثر

    دخل عليها هزاع : شوو بلااج ؟ ليش تصيحين جي
    نوره : خااايفه .. توني اتذكر اللي سويته محد يباني محد بيتقبلني عقب اللي صار وهزاع هب متاكدة اذا كنت بشوفه او لاء
    هزاع : شدراج ؟ اذا كان بالبلاد بنقدر نلقاه لا تصعبين الامور
    نوره : شقايل ارجع وين بسير اقولك اهليه ماايبووووني
    هزاع : وانا وين سرت ع بالج بخليج عقب كل هذا
    نوره بهتت وهي تطالعه : شوو تقصد ؟
    هزاع : بقولج باختصار نوره .. هزاع مستحيل يكون يباج ولو كان صدق يباج جان ما خلاج دقيقه .. واسمحيلي ثاني شي اكتشفت ان هزاع ماعنده غيره عليج لاني شفتج مره وياه كنتي تمشين وبليا شيله او عباه او حتى لبس محترم كيف يخليج تمشين بهالشكل مادري او حتى انتي بالاصل شقايل ترضينها على عمرج انتي بنت ناس واصل وفصل لو اهلج يعرفون ماعتقد حتى يعترفون فيج ..ثالث شي قلتي يحبج ليش اول ما اختلفتو وهو بعيد عنج كنسل بطاقتج وسحب كل بيزاتج وايد يحبج صراحه
    نوره : لا لااااااااا السالفه هب جي .. انا كنت بخلي الفندق عقب ما اختلفنا وكنت ناويه اسحب بيزات بس هو هددني وكنسل بطاقتي ولا هب شرات ماتقول "صرخت" لــيش تحقد عليه هاااااااا ريلي وابوووو ولدي
    هزاع : ريلج مايباج "اشر ع راسها" حطي هالكلام في بااالج وهذا هب صاااحي مااا فيه مخ اصلا عشان يحب او يفكر هذا سوا جيه عشان ينتقم منج ويشرد عنج ويخليج هني
    نوره ساكته وتطالعه ودموعها تنزل
    هزاع : لا تضايجين خلااص والله ماتهونين عليه اشووفج تصيحين
    نوره : كلامك صح بس انا مابا اسمع كلامك بس خايفه تكون كل كلمة تقولها اصح من الثانيه هزاع انا "نزلت راسها" من دونك ما اسوى لا تخليني

    { من دونك ما اسوى لا تخليني }
    هالكلمه رنت باذنه من الزين واكثر كلمه ركز عليها هزاع
    لمس ايدها وباسها وابتسم : ومنو قال اني بخليج
    رصت على ايده وابتسمت وعيونها غرقانه بالدموع ..


    }{ انا بصراحه ما اتصور هزاع ريلها يعرف عنهم }{

    ؟؟؟؟؟؟

    شو ممكن يستوي

    ابتسامات واحضان وكلاام

    شكله ناوي ياخذها من ريلها

    يا ترا هالشي بيصير ؟؟
    ما ندري


    . {...الكاتبة............... نبض عوافي أو غلاه .......

    نكمـــل :



    صوب هزاع { ربيع حارب }


    يالس بحجرته شرات الاسير

    الليت مبند ..

    يالس ع شبريته وشكله ضايع هب بالدنيا ..

    يفكر بحارب واللي استوا به مات فجاه جدامه ..

    بلاوي من كل صوب

    نوره / امه / ابوه / حارب / اخر شي الالم اللي في معدته اللي ماايخف الا بعد مايسكر

    شو حالته هالانسان عايش شرات اليتيم
    اهله كلهم موجودين بس مايقدر يرجع لهم مايقدر يشوفهم
    حتى حارب اللي كان دايما وياه راح من اسبوع
    الحين ماله غير نفسه وبس





    ..


    . {...الكاتبة............... نبض عوافي أو غلاه .......

    في




    { منطقة عوآفــــي }


    في العزبه هع



    7
    7
    7

    ميره وخوله ومي ومريم وويا حارب الصغيروني ولد ساره
    عمره سنتين ونص حاليا


    ميره : حرام مريوم محد هب حلو المكان
    خوله : هيه والله كله من مايد هو خذها عنا الحينه يالله يالله بتينا
    مي : لااا حبيبتي هب من مايد هي من الله تباه
    خوله : اكثر شي قاهرني فيه ان مايباها تكمل جي بكيفه
    ميره : هيه والعذر ماشي اغبى عنه
    ساره : ليش شو عذره عاد
    خوله : اونه عشان ما تنشغل عنه يقهههر
    ساره : يحبها بعد شوه برايه هو وياها شو يخصكن انتن
    مي تصاصر خوله وميره : مشكله اللي ما عندهن شهاده غير الثانويه
    ساره : سمعتج يااا حماره
    حارب ولدها يزاعج ع باله تقوله : انتي حماله
    ساره : اششش عيب مايقولون حق ماما طفس واحد
    حارب : انتتتتتتي تفصصصصه
    مي : تفصصصه اونه هههههههههه ولدج غبي والله انه غبي
    ساره تكفخها : محد غيررررج شو فيه غبي بعد حرام تقولين حق اليهال انهم اغبياء انتي جي تزرعين هالشي فيهم ياخذون فكرة بانهم خلااص اغبياء
    مي : زين والله شي طيب وانتي اونج مستويه عالمه واتفلسفين اشوفج هالايام
    ساره تنش عنهن : اففف محد ييلس ويا البنات هالايام حشى اكلة فواد
    ميره : الحين نحن اكلة فواد ولا انتي
    ساره تيود حارب من ايده : يالله حبيبي الحين بيي باباه بنسير بيييييتنا "تطالعهم بطرف عينها " بيييييييتنا بنتعشى بروووحنا
    حارب : مااا با بتم منه ويا قوم يدوه وعمي
    مي : لقطي ويهج ههههههههههه غبيه انتي وولدج
    ساره عصبت : يا حمااااره محد غبي غيرج صخخخخخخخي
    مي : حارب قول حق ماما يا طفسه انتي واع
    حارب بدلع: انتي وع ماماتي حلوه
    خوله : وييه ساروه ولدج مصيييييخ محد امصخ عنه وايد رقيق ياخي هب عايبني خليه ياخذ كورسات من ريلج في الدفاشه ترا محد احسن منه
    ساره فولت : جبببببببببببببببببببب ماتستحييييين
    وحدرت وهي معصبه ع الآخر من البنات
    لحقنها
    مي : خلاص خلاص تعالي نسولف وياج خخخخخخخخخ
    خوله : اونج زعلتي ساروه .. "تيرها" تعالي بنسولف
    ساره تدزها : الله يخليكن بس كلها سوالف بايته "يعني مغبره جديمه ماشي كلام يديد"
    ميره : طزززززززز سيري سيري ريلج يترياج سيريله عيل نحن سوالفنا بايته
    طنشتها ساره وسارت وهي تضحك استانست انها قهرتهن


    ....
    . {...الكاتبة............... نبض عوافي أو غلاه .......




    صـــوب مايد ومريوم ..

    بعد ساعات مرت عليهم بالطياره وصلو "ايرلدنا"

    وكان الجو رهييب

    وصلو الفندف بعد ساعة طبعا كل شي يباله ساعة هالايام هههه
    طبعا اول ما وصلو انخمدو لانهم يو تعبانين ..


    ..

    . {...الكاتبة............... نبض عوافي أو غلاه .......} ..
    ..

    صوب نوره بهالوقت ..


    كانت ترتب اغراضها ..
    دش هزاع ..

    هزاع : بعدنا انزين باجر وبالليل هب الحين
    نوره : اسكت خلني ع راحتي شوي
    هزاع : كيفج ..بس تحملي عن تنسين ولدج خخخ
    نوره : هيهيهيهي مايضحك
    هزاع : امبلا بس انتي دمج ثجيل شو بيضحكج يعني
    نوره تزعق : هههههههه جببببببببب
    صاح الياهل من حشرة نوره
    هزاع : شوفي صوتج الحلو شو يسوي في اليهال
    نوره بحده : ايييه اسميك تقهر وانته رايق سر سر
    هزاع : شو شو ؟! اي سر تبين تقوليلي اياه
    نوره : هيهيهيهي هيهيهي هيهيهي اظهههههههههههههههههههههههر برررررررررررررع
    هزاع : نيااااااااااهاهاهااهاهاهااا بسير اييب غرشة بنسكر على آخر يوم شرايج
    نوره تصارخ وولدها يزاعق من ازعاجها صوتها يصم الاذن يوم تزعق : حماااااااااااااااااااااااااار اطلع اطلع فايقه لك انا
    هزاع : افف افف فلفل شوي شوي عليه
    نوره : تعرف تجلب ويهك
    هزاع : الويه مايستوي ينجلب ان انجللب بتنكسر رقبتيه
    نوره طالعته بنظره خايسه وحاقده وطنشته
    اما هزاع ظهر وهو ناقع من الضحك ماتداني حد يغلس عليها ..


    7


    7


    في راكـــ


    بيت بو حمد


    "رغد" يالسه في الصاله تصيح

    محمد : هههههههههههه اونج داقه حزن ومن كمن يوم حاشره البقعه بفتك منج وبخذ راحتي وبنور البيت واليوم ؟!
    رغد : جب انته مايخصك
    ام حمد : محمد خل البنت خلاص برايها
    حمد : مشكله الحساسين
    ام حمد نقمته: جب يلا جب لك ويه ترمس
    حمد فاج عينه : شو بلااج
    ام حمد : ميود بو لسان هالفرخ عرس وانته ناقه شو طولك بعدك ماعرست
    حمد : ليش الطوال بس اللي لازم يعرسون هكو عزيــِّــز ولدج شو طوله عرسيه
    ام حمد تبغم : ارمممممس عدل ارمسك زين للحينه تراني
    حمد : هيه اشوفج تراني
    ام حمد :صخ صخ
    حمد : ههههههه هههههههه
    محمد : كه كه كه حمد اخطب لك بنت قوم ال...... اسميها طرررر بس امها فلبينيه بس لا تخاف شعرها حلو جسمها حلو اما من حيث العيون والخشم امم الابتكارات الحين والجراحات موجوده لا تخاف بس بعد يبالها تصغير براطم
    حمد : جيي الشيخ قلن البنات راك متروسه مواطنات وعيال قبايل
    محمد : لا اعطيك مقامك ومستواك
    ام حمد : صه صه ماااااااابا اسمع هالرمسه الخامه عيل انا ولدي ياخذ اللوث غربلهم الله الرياييل شو من نظر عندهم
    محمد : ليش ليش تسبين جي نحن مب منهم
    ام حمد تقهره: كللللللل الريياااييل نفس الشي سرت ولا ييت
    محمد : كيف يعني سرت ولا ييت ؟؟
    ام حمد حقرته
    محمد : كيف ؟
    حمد : احسن دوااااك
    رغد نطقت عقب صيااح طال ساعات : افف ازعاج
    محمد : سييييييييري فوق حد قالج بارزه هنه
    رغد تطالعه باحتقار وظهرت عنهم
    محمد : شوي شوي الغاليه على عمرج مستوي شكلها عنزز من الصياح
    رغد توايق : منوووو العنززززز ؟
    محمد : انتي الغالي
    رغد : حرمتك يالتيس "وربعت"
    محمد ينش : اففففف كل حد طايح فينا من صوب
    ام حمد : شو قصدك
    محمد : ماشي يلا باي امواااااااح "عالطاير"
    ام حمد : هاي حق حرمتك مب حقي فديتك متمصخ تراك هالايام اقبض مذهبك اخير لك
    محمد : ياا الله بالستر ياااااااااااااااالله كل شي عندكم عرس عرس وحرمتك ويوم بتعرس ماشي شغله عندكن انتن الحريم
    وظهر خخخخخخخخخخخخخ

    .. {...الكاتبة............... نبض عوافي أو غلاه .....منتدى فزاع..} ..
    .........


    صوب مايد ومريوم .....


    يالسين يتريقون في المطعم ...



    مريوم تاكل لقمه وتم في حلجها خمس دقايق عقب تصرطها
    اما مايد ياكل وهب حاس فيها شوي ورفع راسه : ليش ما تاكلين
    مريوم : امبلا آكل
    مايد : وانا احول يعني ما اشوفج ههههههه
    مريوم : هب متعوده آكل ويا حد غريب
    مايد يففج عينه : غررررررررررررررريب انااااااا !!!!!!!!!؟؟؟ ...... اسمعي .. اولا انا ربيع اخوج وثانيا من اهلج ورابعا ريييلج وغريييييب
    مريوم : لالالالالا انته فهمت غلط انا هب قصدي جي انا بس اقصــ
    قاطعها : لااااه ماتقصدين يحليلج
    ونش :نشي
    مريوم منصدمه : وين
    مايد : بنرجع سديتي نفسي
    مريوم ماتوقعت يعصب عسب هالشي السخيف : ماااايد حبيبي شوبلااك انا مب قصدي شي ليش عصبت
    مايد يزخها من ايدها ودفع الحساب وظهرو
    مريوم لفت شيلتها عدل وظهرت
    اول ماوصلو الفندق
    مريم دخلت الحجره تصيح
    دخل وراها : شو بلااج بعد
    مريوم : شووو بلااااني ليش هذي من اولها انته عصبت عسب كلمه عاديه قلتها لو مثلا انا قايله شي شو بتسوي فيني
    مايد ياخذ نفس ويلس عدالها قرص خدودها ع الخفيف وباسهن : خلااص حقج عليه " تجرب من اذنها وقالها بصوت خفيف" ان شاء الله تكون اخر مره
    مريوم عقب هذا مستحيل ما ترضى وهي رضت بس صدت الصوب الثاني : اتحسبني برضى بهالسهوله انا ما تاثر بكلامك ولا بحركاتك سر استهبل على وحده ثانيه
    مايد يفج عينه زياده : هاااا شوووووووه ككككككككككككككككككككككككككككككككك انتي ما تتاثرين "لصق فيها وحط صبعه على خدها " ابوس عسب اتاكد
    مريوم تدزه : هههههههههه خوز خوز
    مايد : توج ماده بوزج
    مريوم تضمه وتحط راسها بصدره : اصلا ماقدر اتم زعلانه "قالتله بدلع" حياااتي مااااا أتحمممممل

    . {...الكاتبة............... نبض عوافي أو غلاه ..} ..
    .........


    ميره في محل العبي ووياها فطوم حرمة خالد وغايوه ربيعتهم ومريم

    مريم : اوووف ماعرف شو اختااار دار راسي صراحه
    ميره : اصلا انتي دومج ماتعرفين شو تختارين
    مريم : صخي صخي انتي الثانيه ناقصه غلاستج
    فطوم محتاره تخاف تسوي عباه وتخاف خالد ماتعيبه ان كانت فيها شغل وايد او حركات في العباه يعني: اقوولكن خااالد مايعيبه شي ماعرف شو اختار
    ميره : كللللللللللللل وحده تقول هب عااارفه ظهرو برع المحل
    الهندي واقف شرا الغبي يطالع هني ويرجع يطالع هناك خخخخ
    غايه : انا فصلت 3 عبي وارتحت الحين بظهر احسن لي من هاللغيه { الحشره او بمعنى رمسه زايده} ..
    ررن مبايل مريم لاحظت ان الرقم غريب بندت في ويهه وتمت تطالع في العبي ورجع مبايلها يرن ورجعت صكرت وغلقته سوت لها عباه ساده مع الاسترتج ناحيه الايد وعطته القياس وظهرت بسرعه لهن فطوم ولا سوت شي رازه ويهها ع الفاضي
    ميره : الحينه شو استفدتي يايه رازه بويهج حتى شيله ما شريتي
    فطوم : اففففففففف منج ماعيبني شي وانا ماحب الفاضي وخلووود مااايحب الالوان والربشه
    غايه : سخيف ريلج
    ميره : هيييييييه عافااااني الله
    فطوم تبغم : فقدددددددددددتتتتتتتتتتتتتتتكن رييييييييييييلي حبيبي شو تبونه
    ميره : عداال عنتر زمانه
    فطوم : انقهري حبيبتي خلودي احلى من خطيبج ويا شيفته حمدانوه
    ميره تكفخه : ايييييه ابو عيالي مستقبلاااااااا
    غايه : عثثثثثثثثثثثثثثثثثثثثثثثثثثثثررررررررررره نطيتي على العيال هب هباج ماحسبتي بعد كم تبين تيبين
    ميره : ابا عشرره خمس بنوتات وخمس اولاد
    مريم كانت مشغوله تتعبث بفونها صدت بسرعه وهي فاجه عينها : شوووووووووووووو ككككككككككك تشتغلين ماشاء الله منو عندنا الحين تفكر تييب 10 الحينه المهنده هم الحين اللي يعيلون مسوين قبااايل في بلادنا والناس عايبنهم
    ميره : حشى مايسوى عليه والله

    . {...الكاتبة............... نبض عوافي أو غلاه .......

    ....


    في المانيا ..



    نوووره ..}:


    هزاااااااااااااااااااااع
    هزاع : غصصصصه شو بلااج ؟؟؟؟؟؟؟؟؟؟
    نوره : اباااااااااا بامبرز "حفاظات هع"
    هزاع : ههههههههههه هههههههه تحريت شي انا حق منو انزين
    نوره فصخت نعالها وفرته
    هزاع : خيييييييبه دفشه عافاني الله استهبل بلاج بسير الحين باي
    وظهر
    نوره دخلت الحجره وهي ناقعه ضحك كيف يت النعال ع راسه
    ......

    . {...الكاتبة............... نبض عوافي أو غلاه .......} ..

    ......


    صوب هزاع ....>>>>>


    .. نهاية البارت 99

    يتبع :..






  4. #624
    مشرفة الصف 12
    الصورة الرمزية رمـــز الوفـــا
    الحالة : رمـــز الوفـــا غير متواجد حالياً
    رقم العضوية : 23197
    تاريخ التسجيل : 22-10-08
    الدولة : وَسطُ قلبه ❤
    الوظيفة : طالبه ..~
    الجنـس : انثـى
    المشاركات : 3,158
    التقييم : 990
    Array
    MY SMS:

    لـآ من --][ ذكرتك . آقول -->. . يآ حي هالطـآري [♥] آنـآ آإشهـدْ أنَ الطَـوآرِيْ [ فيَكـْ َ . تـسْعدِنَـي . َ

    افتراضي رد: قصة حب اماراتية >> عجيييييييبة لاااتفوووتكم ^^


    آلبـآرت ال 99 ..


    عند هزاع .
    ..

    كان يرمس مايد بالفون ..
    . {...الكاتبة............... نبض عوافي أو غلاه .....منتدى فزاع..}.
    هزاع يضحك بدون نفس : هههه مطلعه عينك عيل
    مايد يرمس جدام مريوم : الحين ياخي بديت اعرفها اختك عافان الله شو هاي تزعل على أي شي وتصدق كل شي ..
    هزاع : بععععد ليكون غيرت رايك فيها بس
    مايد يسوي عمره يفكر : ياخي تغيرت نظرتي لها عن قبل
    مريوم فاجه عينها وبتموت غصه منه صرخت بويهه : لااااااااااااااااااااااااااا والللللله
    مايد ينقع من الضحك وقال حق هزاع : هههههههههه الله يستتتتر ههههههههههههه
    مريوم تطالعه بقهر : شو شو الله يستر انا شو سويت
    مايد يبتسم لها : ماشي
    هزاع يقوله : اقول ../ انته متصل بي عشان ترمس حرمتك ؟
    مايد يضحك : لالا خلاص سر الله وياك خخخخ
    هزاع يحيس حلجه ع اليسار : بااااااااي
    وصكر
    مايد : خيبه صكره بويهي
    مريوم : اسميه ريال
    مايد : ههههههههههههههه مصخرتج والله
    مريوم تتافف : انته ليش جي تغللللس عليه
    مايد : بس جي هههههه فديييتج والله
    ابتسمت له تعرف انه مايقصد كلامه بس يحب يقهرها ويلعوزها مثل دوم ..

    في مطار دبي ..
    طالعت حواليها
    تحس انها بحلم ..
    معقولة تكون في بلادها بعد كل هالفتره ..
    طالعت هزاع وهي ودها تصيح من كل قلبها من الوناسه ..
    قالتله : مب قادره اصدق اني في بلادي هزاااع
    حظنت ولدهااا من الخاطر وهي تفكر .. شو بيكون التالي ..
    هزاع يطمنها : خلاص نوره لا تصيحين والله ما حب اجوفج متضايجه جي
    نوره : غصبن عني هزاع والله غصبن عني
    هزاع يغير السالفه : اول شي بنسير بوظبي نيلس فتره لين ما تحسين انج احسن من اول ..
    نوره بسرعه ترد عليه : انا بخير وابغي اسير بيت اهلي باسرع وقت
    هزاع تتغير ملامح ويهه مب عارف يرد عليها ما يباها تسير بعيد .. تعود على وجودها وياه ..: متى تبين تسيرين
    نوره : الحيين
    هزاع يفج عينه : الحييين .؟ شو يودينا هناك نوره اصبري لين باجر .. لهالدرجة تبين الفكة
    نوره تتذكر اللي سواه لها هزاع : انا ما انكر اللي سويته مب شويه ويايه بس انا للحين متزوووجه هزاع مع اني وايد تجاوزت حدودي وياك وانا اعرف ان اللي اسويه اشبه بخيانة خاصة اني طحت في حظنك و ما اتغطى عنك
    هزاع بقهر : ويييييينه ريلج انزين .. متزوجه و متزوجه انتي كلامج متناقض انتي تبيني ولا تبين ريلج هالسكير
    نوره تصيح : حتى لو حسيت بيوم شي بصوبك مشاعري هذي تكون خيانه
    هزاع مفول منها : لا والله ؟ ريلج مايباج اصلا ولا ماخلاج بروحج هناك
    نوره بحده : بسس هو للحين ريلي واعيددها لك يسمووونه ريلي .. زوجي
    هزاع يصد عنها : سيري له خليه اييج الحين .."مشى عنها"
    نوره تفج عينها .. هذا ناوي يخليها ويسير زقرته : انته ميينون تبا تخليني بروحي
    هزاع يصد لها ويرفع حاجب : خلي ريلج ايي ياخذج
    انقهرت من اسلوبه : انته ليش ترمسني بهالاسلوب انا شو سوييت
    هزاع : نووره مره تقولين لي انج من دوني ما تسوين وما تبيني اخليج والحين تقولين ريلي وريلي ومتزوجه وماعرف شو
    نوره ساكته .." هي محتاجه هزاع وحنانه بس هي تبا ريلها وتبا ترجع له بنفس الوقت ..تمت تتامل ملامح ويهه وتفكر"
    هزاع بهدوء : يالله نوره
    انتبهت على عمرها ومشت وراه وهي ساكته وتطالع ولدها راقد بهدوء بحظن ايدها ..
    وهم يمشون ظاهرين من المطار سالته : منو بياخذنا
    هزاع : واحد من الربع بيوصلنا الفندق وبيروح
    نوره : واحد من ربعك ؟ وتباني اركب وياك
    هزاع : لا تخافين هب شرات ريلج ولا ربعه هههههه
    نوره انقهرت : وانته شدراك بربعه اصلا
    هزاع : بيكونون غير عنه يعني وااااالله
    ركبت ورا هزاع بالسياره ..
    بالدرب حست بان الدرب وايد طويله
    .. {...الكاتبة............... نبض عوافي أو غلاه .....منتدى فزاع..}
    وصلو الفندق ..
    سار هزاع خذ البطاقه ونوره وراه ..
    دخلت حجرتها وسبحت ورضعت ولدها وحاولت ترقد بس بدون فايده .. بنص الليل سمعت دق ع الباب
    نشت فجت الباب
    هزاع : خربت رقادج
    نوره : اصلا ما رقدت



    ابتسم لها : تعالي الصاله شوي
    ظهرت وراه ..
    يلست ع الغنفه وهو عدالها .. سالته : شو السالفه
    هزاع : نوره بسالج سؤال
    نوره استغربت : شو اسال ؟
    هزاع : انتي تبين ترجعين حق ريلج لانج تحبينه ولا عشان ولدج
    نوره : ساحبني من الحجرة عشان هالسؤال
    هزاع : جاوبيني
    نوره : الاثنين طبعا
    هزاع : يعني عقب كل هذا وبعدج تحبينه ؟ كيف وعلى شوه تحبينه
    نوره : هزاع حتى انته غالي والله غالي اللي سويته لي هب شويه بـ
    يقاطعها : ارجعي لاهلج و تطلقي منه وانا بخذج انتي وولدج
    نوره تنزل راسها : مابغي ولدي يعيش بعيد عن ابوه
    هزاع اعصابه بدت تفلت : هه بذبح عمري اذا ابوه كان بيفتكر فيه اصلا .. دام انه كل ما يشرف البيت الا وهو سكران ..
    نوره : بس ها قبل
    هزاع : وشدراج انه الحين غير
    نوره تحس انه كلامه صح بس بعد احساسها يقولها انها الاحسن ترجع حق ريلها
    نوره : ماعرف ماعرف هزاع لا تسالني هالاسئلة
    هزاع : امبلا . لازم تعرفين ان هذا ما يستاهلج فديتج
    نوره تطالعه بالم : كل مره احط فبالي شي بس بكلامك هذا انته تغيره
    هزاع : شو اللي تحطينه فبالج
    نوره : اني ارجع حق ريلي وانه يمكن يتغير من يجوف ولده واهلي بعد ينسون اللي استوى
    هزاع عقد حواجبه و يفققد اعصابه : هزاااااااااع ما يباج
    نوره : وانته ليييش تحاول تبعدني عنه
    هزاع يصرخ بويهها : انااااااا اللي فريت مبايلج
    نوره تفج عينها بصدمه قالت بصوت واطي : ان ... اانت ؟؟؟؟
    هزاع : هيه انا .." نش دخل غرفته وصكر الباب"
    نوره للحين مب مستوعبه وتطالع باب الغرفة اللي تصكر من شوي
    ماقدرت تتحمل ربعت عند ولدها وحظنته مقهوره شو بايدها تسوي ؟ ..
    تسير تكسر راس هذا اللي خرب حياتها عشان مصلحته ..
    رقدت الفير بدون ماتحس فعمرها ..
    حست بصوته يزقرها : نوره نشي الساعه 4 العصر الحين
    فجت عينها شوي شوي : لا ترمسني موليه .. من امس وانته معصب فيني ودي لو افرغ مسدس كامل براسك
    هزاع : ههه ادري واعرف انج متضايجه مني
    نوره تطالعه بمصخره : عشان مصلحتك بس تسوي كل شي
    هزاع : هي اباج لي . مابا حد ياخذج مني حتى هاللـ
    نوره : لا تيب طاريه خلاص كافي انا بنش بلم اغراضي
    هزاع : نوره .
    نوره نشت ولا عبرته دخلت الحمام سبحت ولبست وشلت شنطتها : بتوصلني ولا اركب تاكسي
    هزاع بصوت واطي : لا انا بوصلج
    مشت صوب الباب ومشى وراها..
    ركبت السياره وهي نفس السياره اللي وصلهم فيها ربيعه سالته : هاي سيارتك يعني
    هزاع : هيه ..
    سكتو طول الدرب
    ساعتين وزيادة لين ما وصلو راك كان هزاع يمشي 80 بالسياره وهالشي نرفز نوره بس ما نطقت
    اول مادخلو راك سالها : باي منطقة ساكنه نوره
    نوره : في الـ.....
    هزاع : اوك ..
    ربع ساعه لي ما وصلو منطقتهم .
    كان يمر بين البيوت وهي تحس قلبها يدق بشكل فضيع وهم يمرون على بيوت عمومتها وخوالها .. لين ما دلته على بيتهم .. وكانت تاشر ع الفله وايدها ترتجف بشكل فضيع
    وقف هزاع عند الباب طالعها : بتنزلين ومن عقبها بتنسيني نوره ؟
    صدت تطالع ولدها : مستحيل بس ما نقدر نكون ويا بعض
    هزاع : بدق لج بسال عنج .. وردي عليه .. انزين .؟
    نوره : ان شاء الله
    نزلت .. وقفت عند باب بيتهم دقايق .. دقت الجرس
    فتح لها الباب شخص ما توقعت انه اول شخص تجوفه فبيتهم ..
    ..
    {...الكاتبة............... نبض عوافي أو غلاه .....منتدى فزاع..}
    .
    .
    .
    .
    .

    روح هزاع عن نوره وهو على امل انه ممكن يرتبط فيها بيوم ..
    وحاط فباله ريلها هزاع اللي شال عليه حقد محد يتصوره و افكار توديه وتيبه ويفكر يفرقهم لو شو يسوي ..

    ..

    رمشت اكثر من مره وهي تجوفه بلحيته القفل المرتبه وشعره القصيير الناعم اللي ماتعودت تجوفه الا وهو طويل وجسمه اللي تغير وصار اكثر خشونه و اطول بوايد من اخر مره جافته
    راشد يحاول يستوعب
    راشد : نوره ؟؟؟؟؟؟؟؟؟؟؟؟؟؟؟؟؟؟؟؟؟
    نوره غرقت عيونها وتهز راسها بمعنى هيه
    راشد يطالع الياهل وياشر عليه : ولللدج ؟؟؟؟؟؟؟؟
    ابتسمت نوره : هيه ولدي
    حس انه رجع فتره لور ا وهو يسمع صوتها ..لوا عليها من قلبه : شخباااارج ؟ شخبارج نوره وين سرتي شو صار لج
    نوره تبعد عن حظنه : راشد انا .. انا تبهدلت وايد وااايد
    راشد : حاس فيج نوره والله كنت احس ان فيج شي حتى امايه وايد متعذبه من فراقج
    نوره : حتى انا ولهت عليها وعليكم كلكم .. انا امس بس رجعت البلاد
    راشد يود ايدها : تعالي ادخلي
    مشت وراه وهي تمشي قالت له وهي تبلع ريجها : ابويه موجود
    راشد : لاا بس بعد شوي بيوصل
    نوره بخوف : انا خايفه من ردة فعله
    راشد بلوم : ابويه وايد شال عليج نوره وزعلان منج وايد .. حتى انه ما يبانا نطريج
    نوره تنزل راسها : من حقه يزعل ويشل في خاطره اللي سويته مب شويه ..
    راشد : خلاص ماعليج تعالي احدري الصاله امايه بتستانس
    نوره صخت .. دخل راشد وهي تمت عند الباب
    راشد دخل الصاله وكانت امه وخالد وحرمته فاطمه ..
    راشد : امايه في حد ياينج
    ام عبدالله : منو بعد ؟
    راشد يبتسم : احدري
    دخلت نوره وراسها بالارض
    ام عبدالله عرفتها على طول بس خالد وفطوم ما عرفوها خاصه ان بحظنها بيبي
    ام عبدالله وعيونها تغرق بالدموع : بنننتيه .... نوره
    نوره رفعت راسها ومشت صوب امها تبا تلوي عليها الا ان خالد يوقف بين الثنتين وويهه بويه نوره : انتي شووووو يايبنج هني
    نوره تذكر كيف كان خالد وياها تذكر كل اللي استوى بينها وبينه صاحت فجاة بصوت عالي لانها توقعت ان هالشي بيصير اكيد: سااامحني والله سامحوني كلكم .. امايه انا اعرف اني غلطت بس انا ضيعت مبايلي وماقدرت اوصل لكم بوقتها هزاع نزل عشان شغله
    خالد : هذا اللي تبينه وربعتي وراه خلاج هناك بحجة ان عنده شغل
    نوره : بوقتها كنت حاااامل خالد حااامل هو خاف ان الجنين شي يستويبه
    ام عبدالله : استهدى بالله يا خالد .. هذي اختك من لحمك ودمك
    خالد بزعيج: مااااا يشرررفني اسمحولي دام انكم بتيلسون هالاشكال هني انا مالي يلسه بهالبيت
    راشد : خاااالد خلاص ليش كل هذا هاي اختك وبعدين اللي ربعت وراه ريلها يعني لا تقول انها نزلت راسك ولا غيره في البداية جبرتوها تاخذه وعقبها حبته ويوم حبته حاولتو تبعدونها عنه ويوم ردت له تبريتو منها شهالتخلف
    خالد : لا والله يعني عايبنك هذا اللي ربعت وراه ووقفت بويوهنا عشانه لو كان واحد كفو كنت سكت وما قلت شي بس هزاع اوصخ واحد رييته
    ام عبدالله تصيح ع اللي يستوي بين عيالها ومب قادره تنطق بشي وفاطمه مرت خالد تحاول تهدي خالد الا انه يصرخ بويهها كل شوي : انتي لااااااااااااا تتدخلين فاطمه
    فطوم : خلاص خالد ماله داعي حرام كافي انها تبهدلت وهي بعيده عنكم نوره بتم اختك ومن لحمك ودمك
    راشد : انته نسيت ان هذا الوصخ على قولتك كان ربيعك فيوم
    خالد : كااااااااااان يا راشد كان ولا عاد تعيدها مره ثانيه
    نوره تتجرب من خالد وفايدها ولدها : خالد الله يخليك الله يخليك عطني اخر فرصه دخيييلك
    خالد يطالعها باحتقار وكان بيرمس بس صوت بو عبدالله سكته
    بو عبدالله : شو مستوي هنه ..؟؟ اشووو عننندكم ؟؟ شعنه هالزعيق كله هاه
    خالد يبتسم : ابويه نوره فبيتنا "وطالعها بمكر وزخ ايد حرمته وصعدو "
    بو عبدالله يطالع نوره بصدمه : انتي ؟؟ انتي شوووو يابج وليش داخله بيتي
    نوره : ابووووويه
    ..



    بو عبدالله : برررررررررررررع اظهري لا بركة فيج بررع
    نوره بصياح : والله والله يا ابويه اني ما ارقد الليل ولا اني مرتاحه من اللي سويته مابغي شي من هالدنيا الا رضاك انته وامايه .. الله يخليك دخيلك .. اطلب منك السموحه يا ابويه والله ما بغي منك الا الرضى ..
    بو عبدالله بغصه : تشردين من البيت وتبيعين اهلج علشان هذااا .اتحرين شويه اللي سويتيه ؟ انج توقفين بويوهنا كلنا علشان واحد خرب لج حياتج ويايه بعد تطلبين السموحه منا
    ام عبدالله : يا بو عبدالله هذي بنتك الوحيده واصغر عيالك استهدى بالله فديتك
    بو عبدالله بحرقه : قلبي مب راضي عليج موليه مب راضي .. فوادي يا نوره محترق من اللي سويتيه فينا
    نوره تنزل ولدها ع الغنفه وتنزل لريوله وتحاول انها تحبها الا انه دزها بعيد عنه : مابغيج تحبين ريولي ولا ابغي منج شي قلتلج مابغيج فبيتي يا نوره لا انتي ولا ولدج
    نوره : والله العظيم يا ابويه بسوي اللي تباه واللي تطلبه مني بس ارضى عني خلني ارتاح .. ابغي ارتاح يا ابويه الله يخليك
    راشد اللي كان يسمع هالحوار بين اخته وابوه اضطر يتدخل : ابويه سامحها الله يخليك هذي بنتك وماعندك غيرها .. ندري بك قلبك كبير وبتسامحها ..
    ام عبد الله : يا بو عبدالله ربك يسامح ويغفر كل خطيه سامح بنتك سامحها يا بو عبدالله ..
    سكت بو عبدالله عنهم وصعد الدري لحقته نوره وزخته من ايده الا انه هدها بقوه ومشى لحجرته
    وقفت بنص الدري تصيح على اللي يستوي لها بحياتها ..
    سارت صوب امها ولمتها ورقدت بحظنها ..
    بس راشد قومها وخذها حجرتها الجديمه وولدها وياها
    نشت على فتحة الباب القويه
    نشت مفزوعه وتطالع اللي دخل او بالاحرى اللي دخلو عليها
    سيف بصدمه : شتتتتتت هاذي الحين عندها ياهل هههههههههههه هههههههههه ههههههههه
    راشد : خخخخخخخخخخخخ ما يركب ياخي
    نوره تحاول تستوعب : سييييييفوو
    سيف : ها شو عندج ليكون ناستني بعد
    نوره : لا اجوفك احلويت انته وراشد
    سيف يطالع راشد ويرمشون حق بعض
    نوره ضحكت بصوت عالي : هههههههههههههههههههههههههههههههههههههههههههههههههه ههههه
    بعد هالضحكه صخو كلهم
    طالعو بعض فترة كأن كل شي رجع شرات اول ..
    الاستهبال والضحك
    واللي استغربت منه نوره استقبال سيف لها معقوله طنش اللي سوته ونسى ؟
    سيف بالعكس كان مقهور من نوره وهو بطبعه عصبي شرا خالد لكن مشتاق لها ولشقاوتها و لـ حسها وحشرتها اللي كانت ماليه البيت ..
    تجدم منها وضمها وصاحت بحظنه : واللله اني ولهت عليكم والله الغربة صعبة كنت اعد الايام والشهور عشان ارجع لكم .. عشان استسمح منكم كلكم ابغيكم تسامحوني بس ابويه مب راضي عني موليه
    سيف : نوره انتي كنتي ياهل 18 سنة ونحن المفروض ما نلومج على اللي تسوينه بس اعتقد الحين انتي كبرتي والحين يا الوقت انج تصلحين غلطتج
    نوره : بحاول اسوي أي شي بس انا يا سيف ابغي ارجع حق هزاع .. مابغي ولدي يعيش بدون ابوه ..
    راشد : لا ان شاء الله يكبر بينكم انتو الاثنين
    سيف : المشكله يا نوره من ابويه وخالد مايبونج ترجعين له
    نوره : هم ما يبوني لا انا ولا ولدي بعد
    سيف : منو قالج ما يبونج بالعكس خالد قلبه كبير وصدقيني بروحه بييج وبيراضيج وابويه بالاخير بيرضى ..
    دش علي بدفاشه وزين ما كسر الباب : هيه قسم بالله البيت بدونج خرا
    سيف : هيه صح هذي هي يبتها
    علي يسير صوبها وقرص خدها وباسه : تولهت عليج ياا القزمه
    نوره : ههههههههههههههههه جب جب انا هب قزمه وااااااالله
    دز يبهتها وسار صوب النونو باس خده ويبهته وخشمه وعيونه وشفاته وراسه : احح حلوه ريحته .. احب اليهال ياخي
    راشد : حلو لااه يشبهي يا ريال
    سيف : هي صح .. الا يشبه ابوه امره .."رمس نوره" انتي متوحمه ع ريلج شوه .. قلنا حبيه مب لهالدرجة عاد
    ضحكت نوره متلومه: رييييييلي ياخي بروحك قلتها ههههههههههههههههه
    علي يدخل صبعه السبابه بحلج الياهل وهاك يمص صبعه
    نوره ضربته : ايييييييي اخ لااااه جراثيييييييم
    علي : سيري لاا ويا جراثيمج انتي بعد برايه خل يستوي وصخ شو فيها يعني من نظافتنا يوم يهال
    نوره : ههههههههههههههههههههههههههه ليش تحيد عمرك وصخ يوم ياهل
    سيف : فديت امايه كل وقت تسبحنا لا تالف من عندك
    علي يحيس حلجه : هممم "صد صوب راشد" تذكر يوم سيف أي حشرة يحطها بحلجه ؟ حتى الخنافس ما سلمن منه
    سيف بحده : اقووول خلك عاد يا بو النظافه محد مخلص تراب عوافي غيرك كله فبطنك
    نوره وراشد : ككككككككككككككككككككككككككككككككككككككك
    علي : هاهاها ضحكتني ياخي ع الاقل احسن من الحشرات بسالك شو طعمه السمسوم ؟ فذمتك ما قرصك من لسانك
    سيف : طعمه مثل الباتشي جرب لا يطوفك بس وهذا بعد "اشر على راشد" مااكل حْلجَه في الجيش "هاذي اشبه بالطيطار والسحالي خخخ عاد مب كل حد بيعرفها"
    راشد : ما فيها طعم شويناها خخخخخخخخخ
    نوره خاسفه ويهها : يعععععععععععععععععععععععععععععععع انتوووووووووو شوووووووو
    سيف : شو فيج عادي مافيها شي ما تضر
    نوره : اخ بس صخو غيرو موضوعكم
    علي : الا بسالج شسسمه ولدج
    نوره : حمد
    سيف يجرب الاسم : حمد هزاع الـ...
    راشد : لا فنان خخخخ راكب
    علي: اللي يسمع اسمه جنه واحد راكب ناقه
    نوره ضحكت : ههههههههههههههههههههههه ما سمييته غدير ولا شطيط
    سيف : ههههههه
    ..
    .
    . {...الكاتبة............... نبض عوافي أو غلاه .....منتدى فزاع..}
    .
    .
    صوب خالد وحرمته ..
    فطوم ترمس خالد : خالد والله ما يسوى كل هاللي تسويه فعمرك
    خالد : والله منقهر منها وايد
    فطوم : كل حد تضايج من اللي سوته بس هاك قبل خالد مرت فتره طويله وايد على اللي استوى .. حتى عمي سكت عن السالفه صح انه ما رضى بس انته وايد معصب ومن متى وانته ترمس بهالسالفه
    خالد : انتي ليش تدافعين عنها ؟ لانها ربيعتج صح
    فطوم : ربيعتي ولا غيره ترا بتكون اخت ريلي لو ما كانت ربيعتي وبعدين حرام هي عندها بيبي انتو المفروض توقفون وياها وتسامحونها وهي بروحها ندمت ع اللي سوته قبل وانتو الحين تعاقبونها ..
    خالد صخ عنها ..

    ..


    مــاهي الا ساعات .. وانتشر الخبر

    ان نوره رجعت بيت أبوها ..
    والأهم .. هزاع درا ؟ أو لاا ؟
    واذا عرف بيشوفها او لاا ؟






  5. #625
    مشرفة الصف 12
    الصورة الرمزية رمـــز الوفـــا
    الحالة : رمـــز الوفـــا غير متواجد حالياً
    رقم العضوية : 23197
    تاريخ التسجيل : 22-10-08
    الدولة : وَسطُ قلبه ❤
    الوظيفة : طالبه ..~
    الجنـس : انثـى
    المشاركات : 3,158
    التقييم : 990
    Array
    MY SMS:

    لـآ من --][ ذكرتك . آقول -->. . يآ حي هالطـآري [♥] آنـآ آإشهـدْ أنَ الطَـوآرِيْ [ فيَكـْ َ . تـسْعدِنَـي . َ

    افتراضي رد: قصة حب اماراتية >> عجيييييييبة لاااتفوووتكم ^^


    في صالة بيت بو عبدالله الكل متواجد
    من الحريم والبنات عدا مريوم .. لانها في شهر عسللها ويا مايد ..
    ..
    حمد هزاع من ايد لايد ..
    والكل شهد انه نسخة من ابوه .. وعلى كل ملاحظه من الموجودين يضيج صدر نوره .. شمعنى كلهم موجودين الا هو ؟
    ضربتها مي بجتفها بدفااشه : بسج بسسج هموووم رجعتيلنا رجعتي شرات اول
    نوره ابتسمت لها من ورا خاطرها : جان زين والله شرات اول ..
    مي وهي تحط حبة ككاو بحلجها وترمس : جفتي حبيبي محلو صح
    نوره فجت عينها : انتتتتتي للحين تحبين سيف ؟؟؟؟


    ..

    هزاع فبوظبي يالس في شقته على وشك انه يرقد
    سمع صوت مبايله .. طالع يمينه تافف ماله بارض يرد على أي مخلوق
    طالع شاشة فونه .. لقاه مايد ..
    شله : هلا
    مايد : مرحبا
    هزاع : مرحبتين
    مايد : شحالك هزاع
    هزاع بهدوء فضيع : تمام ,بغيت شي
    مايد : مديم ياربيه .. بغيت اقولك بس ترا حرمتك بالبلاد
    هزاع عدل يلسته يحاول يستوعب اللي سمعه : كيف يعني بالبلاد منو ردها
    مايد : ماعرف والله بس اللي عرفته انها فبيت ابوها حاليا ..
    هزاع : اوكي .. مشكور مايد مشكورر
    مايد : العفو الغالي ..
    صكر هزاع عن مايد .. سار الحمام وانتو بكرامه .. خذ له شاور ع السريع
    ولبس ثيابه ..
    ركب سيارته وهو يحس بارتباك عمره ماحسه ..
    مافيه صبر وده يوصل باسرع وقت ..
    ..
    دقايق طويله ..
    مرت على هزاع ..

    وقت دخوله راك .. مليون فكره في باله .. وده يصفع هاللي اسمها نوره من القهر اللي فيه .. الحين يلس يحط اللوم عليها يوم عرف انه بيلقاها .. نسى انه خلاها بروحها ورجع عنها ..
    ..بس في شوق فضيع داخله لها ..
    وصل عند بيت بو عبدالله وهو خايف من اللي بيستوي ..
    ماكان في حل غير امه .. {وماننسى ان من بعد ما سار هزاع عرس مايد ومريوم والموقف اللي صار وقتها قام يتواصل ويا امه}
    اتصل حق امه .. ام حمد .. "يله عاد اتذكرو الاسماء من اول ويديد هع"
    ..
    عند ام حمد شافت الرقم واستغربت .. ردت عليه بصوت خفيف : مرحبا الغالي
    هزاع : هلا امايه شحالج
    ام حمد : بخير فديتك وانته شعلومك
    هزاع : مديم يارب وانا تمام .. امايه طلبتج ..
    ام حمد : آمرني الغالي
    هزاع : ظهريلي نوره دخيلج انا عند الباب اتريا
    ام حمد حست بمشكله بتستوي حاليا ..
    خصوصا ان كل حريم العايله والبنات موجودات ..
    نشت بتسير صوب نوره
    نوره فديتج تعالي بغيتج
    ام عبدالله صدت صوب ام حمد : شو مستوي ؟
    ام حمد بتوتر : لا الغاليه ماشي بس بغيتها شوي ..
    نوره باستغراب نشت ويا ام حمد وظهرت بالحوي
    ما تدري شو يترياها برع ..
    اما الحريم كانو ساكتين بس بما انه ام حمد هي اللي بغتها محد يقدر يرمس
    اما ام عبدالله ما كانت خايفه الا من بو عبدالله .. خايفه من اللي فبالها ..
    وصلت نوره عند الباب العود ..

    ام حمد بطلت الباب وهي زاخه نوره من ايدها وبايدها ولد هزاع ..
    ..

    رفـع راســه يطالعها
    .. جافت بس ماقدرت تصدق اللي مجابلنها ؟
    هزاع ؟
    خافت ..تراجعت لورا .. ماقدرت تجازف .. يتب ترجع داخل الا انه
    زخها من ايدها ولفها صوبه بحركة سريعه ..
    تم فتره يطالعها
    حست بان روحها بتظهر
    لا هو ولا هي مستوعبين انهم مجابلين بعض ..





    نهاية البـــآرت ..






صفحة 63 من 63 الأولىالأولى ... 1353585960616263

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نكت اماراتية
    بواسطة سيف العجي20010 في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 7
    آخر مشاركة: 15-12-18, 01:28 PM
  2. متوسطة : قصة حب اماراتية
    بواسطة مها الإمارات في المنتدى قصص الحب و الرومانسية و الغرام و العشاق
    مشاركات: 8
    آخر مشاركة: 12-04-29, 06:38 PM
  3. نكت اماراتية ....................... Looooooooooooool
    بواسطة جوهرة في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 7
    آخر مشاركة: 12-01-18, 08:24 PM
  4. قصة حب اماراتية
    بواسطة جلكسي و العالم عكسي في المنتدى قصص الحب و الرومانسية و الغرام و العشاق
    مشاركات: 8
    آخر مشاركة: 11-11-07, 09:18 PM
  5. قصة اماراتية
    بواسطة n03oma في المنتدى قصص الاطفال و الروضة
    مشاركات: 17
    آخر مشاركة: 11-09-04, 02:48 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •