تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 8 من 8
  1. #1
    عضو مجتهد
    الصورة الرمزية اموووره
    الحالة : اموووره غير متواجد حالياً
    رقم العضوية : 15552
    تاريخ التسجيل : 23-04-08
    الجنـس : انثـى
    المشاركات : 146
    التقييم : 28
    Array

    افتراضي رواية قول أحبك واسكن داخل الجوف .. كلمة أحبك كلها أربع حروف


    قول أحبك و اسكن داخل الجوف .. كلمة أحبك كلها أربع حروف ..


    هذا عنوان لأول قصة أو رواية اكتبها ..


    أرجو أن تنال إعجابكم ..


    الجزء الأول ..


    ميرة اللي في الثانوية العامة ترمس أخوها مايد : آه يا ميود ، راح اييب نسبة ادخلني طب ..


    مايد( الأخ البجر) : هع ، وايد ما خذه على روحج مقلب ..


    ميرة : سبال ، هذا بدال ما تشجعني وتقولي ، الله يوفقج ، جي تقولي ، مالت عليك من اخو ..


    مايد : لا حرام ، كله ولا ميروة ختيه ..


    ميرة : ها اللحين ميروة ختيه ، من وين نزل الحب ..


    مايد : زولي ..


    ميرة : اطلع عني يا ميود خلني أذاكر ..


    مايد : هذا يزات اللي يطلعج من جو المذاكرة ..


    ميرة : ويدخلني في جو العصبية ، اطلع اطلع ، دخيلك ..


    بطلعة مايد دشوا الثلاثي المرح روضة (آخر العنقود وهي صف 1 روضة ) ، حمدان ( المدمر، الشيطان اللي في الصف الخامس ) ، وأخيرا شما ( الحلوة و الدلوعة والرقيقة اللي في الصف الثامن ) ..


    مايد : طلعت الملائكة دشت الشياطين ..ههاي


    شما وبكل هدوء ورقة : شيطان ...انت ..


    ميرة : اكملت ، خير اخواني الأعزاء شو بغيتو ؟!!!


    روضة ( رمستها المكسرة شوي ) : ميلة حبيبي ، باجر عندج تحان ، ابا اقولج سوي زين ..


    حمدان : أٌقول .. أرمسي عدل ولا ترمسين ..والله ..


    ميرة : حمدانو جب ، تعالي حياتي روضاني ، فديت روحج ، تعالي بحضنج ..فديتج والله ..


    شما : أقول خل عنج الأفلام الهندية وشوفيني ..


    ميرة : شو أشوف فيج ، كل يوم أشوفج ، ما تغير فيج شي ..


    حمدان : احم احم أتحدث باسم الجميع عن تقديم هدية خاصة إلى اختي ميرة بمناسبة قرب الإمتحانات ، مع تمنياتنا لها بالتوفيق ..


    ميرة ( مستغربة) : شو السالفة !؟؟! شو مستوي بالدنيا ؟!!؟ اخواني يعطوني هدية ؟!!؟ لا لا !!!


    انزين شو الهدية بالله ..


    حمدان : هاذي هي الهدية ..


    ميرة ( شوي وبتصيح ) : روووووعة ..


    الهدية عبارة عن : بوستر كبير مكتوب عليه شدي حيلج ، نبى نسبة حلوة ومن هالكلام ، ورازين صورهم ..


    روضة : شو رايج بالهدية ؟!


    ميرة : تعالوا ، بحضنكم ، وافديتكم أنا ، أروع هدية أشوفها بحياتي ..


    حمدان ( ايتعد شوي ) : أنا عن نفسي ما أحب الافلام الهندية ..


    شما : اخ .. انتي تراج ما تسبحتي اليوم ..ريحتج مو حلوة .. اسمحيلي .. بعدين .


    طالعتهم ميرة بنظرات و قالت لهم : شفتوا الباب اللي دخلتوا منه ، اطلعوا منه اللحين ..


    وطلعوا يحليلهم ..


    اتصلت ميرة في سارة بنت عمتها اللي كبرها ..


    ميرة :هلا ساروة ..


    سارة : أهلين وسهلين .. شحالج ميروة ؟!


    ميرة : حالي ما تغير ، راقدة على هالكتب رقاد ، متى اتخلص الامتحانات و نفتك ..


    سارة : أسمي ما عندج سالفة ، أنا فارة الكتب ، وكل ما أشوف الكتاب أرقد ..


    ميرة : اطاع هاي ..انزين انتي شو تسوين اللحين ؟؟!


    سارة : يالسة اطالع ستار أكاديمي ..


    ميرة : صدق انج فاضية .. خوزي عني خلني أجابل كتبي أبرك ..


    سارة : انزين يلا باي ..


    ميرة : باي ..


    ميرة لفت شعرها على ورا ، وشمرت ، والحماسة والعزيمة بداخلها .. رح اييب 99.9%..


    اليوم الأول في الأمتحانات ..


    (الأجواء في بيت ميرة )..


    ميرة: ميودة الكتاب ويالسة تتحفظ ..


    مايد : تعالي يامي كلي لج لقمة ..


    ميرة : ميود خوز عني مب متفيجة آكل .. مالي نفس .. مب مشتهية كلش كلش ..


    حمدان (يستهبل): أنا قريت بالنت أمس انه اللي ما ياكل شي الصبح ينسى المعلومات اللي حفظها خلال 3 ساعات ..


    ميرة (وهي مصدقة) : اووووووووووووووووووونه ، لاتقول ..


    وتهجم ع الأكل ، وتآكل كأنها أول مرة تشوف أكل ، ومايد وحمدان يضحكون من وراها ..


    ميرة : وين شمو ؟!


    حمدان : شو تبينها ؟! كملي كملي أكل ..


    ميرة : لا صدق وين شمو ؟!


    وسارو كلهم عند غرفة شما ، فتحوا الباب شويه ، الكل جيم ، انصدم ..


    حمدان : شي مستوي بالعالم ..


    ميرة : بسير أشوف يمكن فيها حمى ولا شي ..


    مايد : لا لا ، أكيد انا في حلم ، شمو اختي ميودة كتاب وتذاكر . لا لا مستحيل ..


    ودشوا عليها كلهم ..


    ميرة : فديت شما اللي تذاكر ..


    شما : يلا أبا أسير المدرسة ..


    مايد: يلا سيري تريقي وبنظهر ..


    (الأجواء في بيت بنت العمة) ..


    أم مهير : يا بنت الناس قومي ..


    سارة : أمي ، قبل موعد الإمتحان بربع ساعة وعيني ، اتفقنا ..


    مهير (الأخ البجر ): يا سلام ، ودوامي ..


    سارة : تأخر ..


    مهير: يا سلام ، أتاخر عشانج ..


    سارة : هي عيوني مهير ..


    مهير : اف اف ..


    عوشة (آخر العنقود صف خامس ): اف منكم وايد تأخرتوا ، يلا نبا نروح المدرسة ..


    يعقوب ( صف تاسع ) : هي والله .. يلا عاد ما يسوى علينا ..


    سارة : انزين ، بقوم ، اف اف ..


    وسارت سارة وتلبست وخلصت ونزلت ..


    مهير : يلا سيري السيارة ، بسير الحمام وبي ..


    سارة : يااااااااااسلام ..


    مهير : شو بعد ؟؟؟


    سارة : يعني ما أتريق !!


    عوشة : شلي شوي وتريقي بالسيارة ..


    سارة : لا والله ، أبا أتريق انا ..


    يعقوب : انزين ، بسرعة .. فكينا ..


    وتريقت و خلصت وركبت السيارة ..


    ( الأجواء في المدرسة) ..


    للعلم : ميرة في علمي ، وسارة في أدبي ..


    ميرة يالسة تتحفظ .. وخيفانة ..وميتة من الخوف .. ويالسة تقرا أذكار ..


    يتها سارة ..


    ميرة : انتي شو يايبنج صوب علمي ؟؟


    سارة : هلا والله بنت عمتيه .. ما وصيج .. شدي حيلج ها ..


    ميرة : مذاكرة زين ساروة ؟؟ أشوف عيونج مورمة ..


    سارة : لا فديتج .. كنت سهرانة على ستار أكاديمي .. وعتني أمي من غبشة ..


    ميرة ( مندهشة): ايييييييييييه ، نحن ثانوية عامة ، ولازم نشد همتنا شوي ، ولا انتي ضامنة نسبة 99.9% ؟؟


    سارة : ههاي ، لا فديتج ، ضامنة 59.3%ان شاء الله .. تراني متفقة ويا ربيعتي نسوي براشيم ..


    ميرة : انا ما أعترف فيج كبنت عمة ، انتي وايد كسلانة ساروة ، ليش جي ..


    سارة : لأني جي بعد شو أسوي ..


    دق الجرس وكل وحدة راحت على صفها ..




    انتهى موعد الامتحانات ، وجاء موعد النتايج ، ميرة خلاص ميتة من الخوف ، وسارة مرتزة عندالها تخفف عنها ..


    ميرة: ساروة إالحقي علي بموت من الخوف خلاص ..


    سارة : لا تخافين يامي ,, كوني واثقة ..


    وهم يسمعن في الراديو .. طلع اسم ميرة بنسبة 97.5%.. ونسبة سارة 65%..


    سارة ( وهي ميتة من الفرح ) : الللللله ، والله ما توقعت اني شاطرة لهدرجة .. بسوي أكبر عزيمة بالبلاد ..


    ميرة(وداقنها الحزن شوي ) : كنت أبى 99%.. ما شديت حيلي في المذاكرة .. لو شديت حيلي أكثر .. كنت بييب هالنسبة بس للأسف ..


    سارة: أطاع هاي .. النسبة اللي عندج ناس وايد يتمنونها ..


    ميرة : الحمدلله ع كل حال .. المهم هالنسبة بدخلني طب ..


    دخل مايد وبعده مهير ..


    سارة (وهي بطير): مهرهر ، سمعت نسبتي ، الله الله ..


    مهير: للأسف سمعت ، فشلتينا الله ياخذج ..


    مايد : ليش ؟؟ كم يبتي ساروة ؟؟


    سارة : 65%..


    مايد : أطاع الفلاحة وين وصلت ..


    سارة : جب جب ، المهم ناجحة .. والله ..


    مايد : مبروك ميرة ..


    مهير: هي والله نسبة ميرة من النسب اللي تفرح .. هالناس مب ساروة أختي ..


    سارة وهي تتطاعه باحتقار: أقول بتنجب ولا ..


    ميرة : الله يبارك في عمركم ..


    مايد : ليش حزينة ، نسبتج حلوة .. يلا ابتسمي ..


    مهير : يلا خبرها شو هديتك ولا أنا أول أقول ..


    سارة : يا سلام حقها هدية .. وأنا ماشي ..


    مهير : يوم بتييبن نسبة نفس الناس تكلمي ..


    ميرة: شو الهدية ؟! يلا أشوف ..


    مايد : أنا أول ..


    ميرة : شو ؟!


    مايد : المعرس عليه أنا .. شورايج .؟


    سارة ومهير يضحكون .. وميرة مستغربة ..


    ميرة: ميووووووووود ، عن العبط .. وانته أشوف شو هديتك ..


    مهير : وليتج تدوريلي حرمة ..


    ميرة : خوزو عني لا .. مب متفيجة حق أعراس أنا ولا متفيجة أدور حق حد ..


    مايد : ها شو وراج ختيه ؟!


    ميرة : وراي مرضى ومستقبل ينتظرني ..


    الكل مستغرب ومتعجب من ميرة ..


    مايد : شو رايكم نتعشى برع ؟!


    سارة : فكرة حلوة .. يلا يلا ..


    مايد: منو عزمج انتي ؟؟


    سارة ( وهي شلت شوي بخاطرها): أوكي أنا عيل بسير بيت خلود ربيعتي ..


    مهير: يكون أحسن ..


    مايدك حرام عليك .. تعالي كله ولا سارونة ..


    سارة: ألحين شو ! أسير بيت البنية ولا بتخلوني أطلع وياكم؟






    ميرة: أصلا الطلعة بدونج مب شي ..


    سارة : فديتج يا ميروة ..


    مهير: يلا سيرن اتلبسن ، انتن لين ما تتعدلن وتتكشخن ساعة ..يلا بسرعة أشوف ..


    وساروا الثنتين ..


    (الأجواء في بيت ميرة ومايد)..


    مايد: ميرو يلا فكينا ..


    ميرة : اوكي ..بس 5 دقايق ..


    حمدان: وين رايحين ؟؟


    مايد: شحقة رزة الفيس هاذي :d ..


    حمدان : يعني ما أسأل .. حرام السؤال في هالبيت . اف منكم ..


    ميرة: يلا تجهزت ..


    مايد : ما بغيتي ..


    ميرة: تعرف يعني لين ما اتعدل وجي ..


    مايد : انزين انزين .. يلا سيري السيارة عن نتأخر على قوم مهيرو ..


    ( الأجواء في بيت سارة ومهير) ..


    مهير: يلا ساروة الحين بيمرون قوم ميود ..


    عوشة : مهير أخويه ( نظرات الحب في عينها)..


    مهير: هلا عوشانة بغيتي شي ..


    عوشة : ممكن أسأل سؤال ؟!


    مهير: تفضلي ..آمري انتي بس ..


    عوشة: حمدان بي وياكم ؟!


    مهير(وهو يستهبل): هي ، يقول بسير أغازل بنات .. ياهل وجي يقول .. أسميه خايس.. بس انتي شو تبين فيه ؟!!!


    عوشة ( عصبت): أصلا أصلا حمداني ما يحب يغازل بنات .. وثاني شي لا تغلط عليه ..


    مهير: ليش عادة ! ريلج وانا ما ادري ..


    عوشة: ها .. لا ماشي .. بس ما احب حد يغلط على الثاني ..لاننا في النهاية كلنا أهل .هع هع


    مهير(وهو يطالعها بطرف عينه): هيه ..هيه .. زين والله ..


    سارة: الحمدلله خلصت ..


    مهير: الحمدلله ع السلامة .. ما بغيتي ختيه ..


    ودق مايد هرن السيارة وطلع كل من مهير وسارة ..


    عوشة (وهي ترمس عمرها): اطاع السبال .. ماقالي اذا حمدان بيسير وياهم ولا ..اف كيف يقهر ..


    يتبع ..


    ارجو ان تنال شوي اهتمامكم ..




    الجزء الثاني : قول أحبك واسكن داخل الجوف.. كلمة أحبك كلها أربع حروف ..
    الجزء الثاني ..
    (الأجواء في السيارة)..
    مايد: يلا شباب على وين ناويين تتعشون ؟؟
    سارة(وهي تستهبل): في مطعم ..
    مايد: انزين يا هبلة أدري في مطعم ،بس أي مطعم ؟
    ميرة: دبي كلها مطاعم ..
    سارة: شو رايكم نسير ماكدونالز ؟؟
    مهير: هي والله ، خاطري في ماكدونالز ..
    مايد: نسير ميروة ؟؟
    ميرة: توكلنا على الله ..
    (الأجواء في بيت ساروة ) ..
    يعقوب ساير يتسبح وموبايله فارنه على سريره ، يت عوشة و خذته وتمت اطرش مسجات حب حق حمدان من موبايل يعقوب ..و بعد فترة طلع يعقوب من الحمام واتصل فيه حمدان ..
    حمدان: الله يهداك يا يعقوب ، مسجات هاي اطرشها ، والله أمي وشمو شكوا فيني ، عبالهم بنت ..
    يعقوب( وهو مستغرب): أي مسجات ؟! أي خرابيط ؟!
    حمدان: لا تستهبل علي والله اني مو فاظيلك ..
    ودشت عوشة فجأة على يعقوب وخلى حمدان ع الخط ..
    يعقوب: شو تبين ؟!
    عوشة: تعرف أخوي ، سارة و مهير محد ، وانت اللحين بتطلع ..
    يعقوب: ومالمطلوب ؟
    عوشة: تعال وياي بيت شمو ..
    يعقوب رد يرمس حمدان ..
    يعقوب: حمدانو أقول بمر ع بيتكم و بنسير نحوط بالسناتر ..
    حمدان: منو بيودينا بالله عليك ..
    يعقوب: عوشة أختي بتي بيتكم ، وبمر عليك ..
    حمدان: انزين منو اللي بيودينا؟؟ ليكون عطوك الليسن وأنا ما ادري !!
    يعقوب: بخلي سمير اللدريول يودينا ..
    حمدان: أوكي ، مو مشكلة أشوفك عيل ، باي ..
    يعقوب : باي ..
    عوشة (تقول ف خاطرها): أنا بسير بيتكم عشان تحوط في السناتر ، اف كيف قهر ..
    يعقوب: يلا سيري اتلبسي ..
    عوشة : انزين ..
    (الأحوال في المطعم)..
    مهير: شو ها الزحمة ؟؟
    سارة: هي والله يا خويه ..
    مايد: هكي طاولة فاظية، يلا نسير نيلس ..
    وساروا و يلسوا ع الطاولة ..
    مايد: يلا حبايبي ، شو بغيتوا ؟!
    ميرة: بسم الله ، تونا الا يلسنا ..
    مايد: شو تبيني اسوي ، يوعان ..
    مهير: وانا بموت من اليوع ..
    سارة: وانا بطني يتقطع من اليوع ..
    ميرة: حشى ، كأنكم يالسين في مجاعة .. يلا سيروا اطلبوا ..
    مايد: أنا ومهيروا سايرين نطلب ..
    سارة:ما وصيك بالبنات ..
    مايد(يطالعها بطرف عينه): أنا ما أحب هالحركات والسوالف ..
    سارة : عدال ..
    مهير: يلا نسير نطلب ..
    مايد: ما وصيج ع ساروة ، هاذي عينها لاصقة ع ويوه الأولاد ..
    مهير: وان شفتيها مبهتة بواحد من الشباب ، عطيها كف ع ويها ..
    سارة( نظرات احتقأآإر): سيروا اطلبوا ، لاأقوم أطيركم ..
    وساروا الاثنين يطلبون .. وميرة وسارة يالسات يطالعن الساير والياي .. ومن كثر ما ملن البنات ساروة بغت تخبر ميرة نكتة .. وجان يضحكون .. شافهم واحد من الشباب وسار
    الولد: الله يديم هالضحكة يارب ..
    سارة: منو هذا ؟؟! تعرفينه ميروة ؟!!
    ميرة: لا ، ماأعرفه !!
    سارة(وهي فيها شوي ظحك): يالطيب ، انت منو ؟!!
    الولد: أنا أسير هالضحكات الحلوة ..
    سارة( وهي تظحك بصوت عالي): شو !! شو قلت ؟!
    ميرة( منطرة من الضحك): يقولج أونه ، هو أسير هالضحكات الحلوة ..
    الولد : ممكن نتعرف ؟!
    سارة: أكيد ممكن .. ليش لا ! تبى رقم الموبايل ..
    ميرة ( بصوت واطي): ايه ، شو تسوين ؟!!
    الولد( الإبتسامة شاقة الويه): اذا ممكن يعني ..
    سارة: ممكن ليش لا .. بس ما عندي ورقة وقلم ..
    الولد: ليش الور%







    التعديل الأخير تم بواسطة اموووره ; 08-12-18 الساعة 05:00 PM
    •# •$1إماراتيه وماله داعي•$4 اقول مره سبشل ومره كوول •$1وعايشه حياتي بالمجهول •$

  2. #2
    عضو فضي
    الصورة الرمزية بنوتة كويتية
    الحالة : بنوتة كويتية غير متواجد حالياً
    رقم العضوية : 20235
    تاريخ التسجيل : 19-09-08
    الجنـس : انثـى
    المشاركات : 199
    التقييم : 10
    Array
    MY SMS:

    لا اله الا الله ...محمد رسول الله **اللهم بلغنا رمضان**

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    قصة حللللللللللوة وياريت تكملينها للاخر,,
    مشكوووووووووورة






  3. #3
    عضو مجتهد
    الصورة الرمزية ๑غرڪْ زمانڪْ๑
    الحالة : ๑غرڪْ زمانڪْ๑ غير متواجد حالياً
    رقم العضوية : 45782
    تاريخ التسجيل : 30-10-09
    الدولة : بـؤظبي
    الوظيفة : طالب
    الجنـس : ذكـر
    المشاركات : 123
    التقييم : 13
    Array
    MY SMS:

    ::لگ:: تـزايد "شوقي"و "حـبي" ::ولگ::~غ ـَــِلا يــَزداد ,,تصويتهـِ ..!لگ// تـِولع .![يالـ غ ــِلا] قلـِبي""ح ـــَِب" من الوجـِدان ح ــَِسيتهـِ~!!!

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    ياي كشخه القصه ياااريت تكملينها واووعدج لقراه كاممله









    أدعــــًُؤلـــيُ بنـــسبٌه فــــٌُؤق 90 ؤللجميـــــعُ أن شـــُـُأء أللــهُ
    غــــُـــركـٌ زمـــًُــــأأأنــكـُ
    [/COLOR][/SIZE][/CENTER]

  4. #4
    عضو فضي
    الصورة الرمزية بنــ زايد ــت
    الحالة : بنــ زايد ــت غير متواجد حالياً
    رقم العضوية : 55641
    تاريخ التسجيل : 26-03-10
    الدولة : الامارات
    الوظيفة : =)
    الجنـس : انثـى
    المشاركات : 215
    التقييم : 10
    Array

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    القصة حلوة كمليها بسرعة






  5. #5
    عضو نشيط
    الصورة الرمزية بلوشية و افتخر
    الحالة : بلوشية و افتخر غير متواجد حالياً
    رقم العضوية : 59702
    تاريخ التسجيل : 18-06-10
    الدولة : دار العرب
    الوظيفة : ><
    الجنـس : انثـى
    المشاركات : 39
    التقييم : 10
    Array
    MY SMS:

    ><

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    القصة حلوة كمليــــــــــــــــها





    فــــــي غيابكــ الكـــون فاقــد له الانســان


    و أنــا في غيـــابك فاقده الكون كلهـ

  6. #6
    عضو مجتهد
    الصورة الرمزية b!nt_uae
    الحالة : b!nt_uae غير متواجد حالياً
    رقم العضوية : 52863
    تاريخ التسجيل : 14-02-10
    الدولة : fuj
    الوظيفة : طأإلٻـه
    الجنـس : انثـى
    المشاركات : 112
    التقييم : 58
    Array
    MY SMS:

    м3ảk Шlả BdoOηε Yѕαdεk Rαbi

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    رووووووووووعه القصه

    بليييز كمليييها
    ^^






  7. #7
    عضو جديد
    الصورة الرمزية مرعوبه من الحب
    الحالة : مرعوبه من الحب غير متواجد حالياً
    رقم العضوية : 59835
    تاريخ التسجيل : 03-07-10
    الدولة : عمان
    الوظيفة : ^^
    الجنـس : انثـى
    المشاركات : 8
    التقييم : 10
    Array
    MY SMS:

    عشنــآ في دنيا غريبه كلها كذب وخداع^^

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    بليييييييييز كمليها انا اموت ف القصص





    التعديل الأخير تم بواسطة مرعوبه من الحب ; 10-07-03 الساعة 03:31 PM

  8. #8
    عضو جديد
    الصورة الرمزية مرعوبه من الحب
    الحالة : مرعوبه من الحب غير متواجد حالياً
    رقم العضوية : 59835
    تاريخ التسجيل : 03-07-10
    الدولة : عمان
    الوظيفة : ^^
    الجنـس : انثـى
    المشاركات : 8
    التقييم : 10
    Array
    MY SMS:

    عشنــآ في دنيا غريبه كلها كذب وخداع^^

    افتراضي رد: رواية قول أحبك واسكن داخل الجوف .. كلمة أحبك كلها أربع حروف


    بليييييييييز كمليها انا اموت ف القصص






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أحبك يابعد عمري أحبك وانتة قلبي الثاني
    بواسطة المعبدي في المنتدى معرض المواهب و الابداع Fair talent and creativity
    مشاركات: 13
    آخر مشاركة: 12-01-14, 06:19 PM
  2. أن قلت أحبك ترى ما قلتها رضوه .. من كل قلبي أحبك صدق وأعنيها .. مجموعه من تواقيعي ..
    بواسطة بدوية حشيم في المنتدى معرض المواهب و الابداع Fair talent and creativity
    مشاركات: 12
    آخر مشاركة: 12-01-14, 06:16 PM
  3. أحبك ثم أحبك ثم أحبك واذا ما أحبك اكون أحبك
    بواسطة المعبدي في المنتدى معرض المواهب و الابداع Fair talent and creativity
    مشاركات: 19
    آخر مشاركة: 10-01-11, 04:19 PM
  4. :i:i:i:i:i:i:i:i:i::i ليتك تموت و داخل القبر أنا أدفنك i:i:i:i:i:i:i:i::i:i:i:i
    بواسطة الأيهم في المنتدى معرض المواهب و الابداع Fair talent and creativity
    مشاركات: 14
    آخر مشاركة: 08-08-30, 12:10 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •