[انتهى] مشاريع للفيزياء

لو سمحتم محتاجين مشاريع للفيزياء تكون سهلة العمل وتكون الادوات متوفرة

ولكم مني جزيا الشكر والتقدير

السلام عليكم اختي الكريمة:
ما اقدر اساعدج جي
شو المقرر عليكم ؟الدروس؟
و شو الاسئلة؟

وبعدها اقدر اساعدج
لاني ما اعرف شو المقرر عليكم .. و بارك الله فيك


مثال :
http://www.uae.ii5ii.com/showthread.php?p=503#post503

والله يحفظج..

نحن في مدرستنا نبى مشاريع عن اي شي
مثال عن تجلرب تحل مشاركل في الحياة بحث عن حلول

والمس تبى تجارب صعبة مب اي شي
فلو قدرتوا جزاكم الله الف خير

السلام عليكم

ما اعرف تبون التقرير عن مشروع او تبون فكرة المشروع
المهم يبت لكم كم فكرة :

اقترحت تنفيذ المشروع الآتي:
(اختبار نوع التصادم لكرات مختلفة)
المواد:
مجموعة من الكرات المختلفة(زجاج, بلاستيك , صلصال)
مسطرة او شريط متري لقياس الارتفاع
ميزان الكتروني لياس الكتلة
فكرة العمل:
لمعرفة نوع التصادم يلزم قياس طاقة الحركة للجسم قبل و بعد التصادم.
اذا كانت طاقة الحركة ثابتة فان التصادم مرن
اذا قلت طاقة الحركة بعد التصادم فان التصادم غير مرن كليا
اذا التصقت الكرة بالارض فان التصادم عديم المرونة.
الخطوات:
يتم اسقاط الكرة من ارتفاع معين بسرعة ابتدائية مقدارها صفر( من السكون)
عند وصولها للارض و قبل ارتطامها مباشرة فان طاقة الوضع تتحول الى طاقة حركة(لذا يمكن معرفة طاقة الحركة قبل التصادم اذا عرفت طاقة الوضع)
بعد ارتطامها بالارض تتحول طاقة حركتها بعد الارتطام الى طاقة وضع يمكن حسابها عن طريق قياس الارتفاع الذي وصلت اليه الكرة بعد التصادم(بمعرفة طاقة الوضع بعد التصادم يمكن معرفة طاقة الحركة)
الهدف من قياس طاقة الوضع و مساواتها بطاقة الحركة لان طاقة الوضع من السهل قياسها بمعرفة كتلة الجسم و العجلة و الارتفاع..

كيفية صناعة الدائرة الكهربائية
أو ضوء كهربائي

http://www.andythelwell.com/blobz/
http://www.zephyrus.co.uk/circuits1.html
http://www.autoshop101.com/trainmodu...s/circ101.html
http://www.can-do.com/uci/lessons99/electricity.html
__________________



دوري ف ها الموقع بتحصلين كل اللي تبين ^_^
http://www.schoolarabia.net/map_site.../physics_1.htm

مشكووووووووووور يا جالب المواضيع

يزاكم الله ألف خير ..

حتى أنا أبا فكرة حق مشروع الفيزيا (ثانويه عامه \ علمي)..

فيه بعض المدارس المعلمات\الأساتذه يعطونهم أفكار ..أما نحن المعلمه ما طاعت تعطينا أفكار..

ماعرف ليش؟؟؟

رحت من أيام عند المعلمة.. وقلتلها بسوي مرقاب .. وماطاعت ...

الحين يالسه أدور فكرة وأن لقيت أن شاء الله بساعدكم ...

______________________

بعطيكم فكرة لمشروع الأحياء...

سويت مراحل تكون الجنين ..

حطيت بيضه في مكينه البيض (اللي يفقسون فيها البيض عسب يطلعن سقيوات خخخخ)

انزين وبعد كم يوم كسرت بيضة وصورت .. إلخ.

ألين ما تنكسر البيضة عسب يطلع السقيو..

وبنطلع من النت صور لمراحل تكون الحنين في بطن الأم..

وبنسوي مقارنه على برنامج (الموفي ميكر)..

وبعدين بنسويله تقرير........

وبس...

______________________

مشروع الجيولوجيا....

رحنا جبل حفيت وصورنا (صور + فيدبو)..

أخترنا موضوع (كيف تكون جبل حفيت...)

ورحنا كذا مكان للجبل

مثل (الجبل اللي فالصناعية و المبزره)...

ونفس الشي بنظبطه على الموفي ميكر ..

وبنسوي تقرير.. ...........إلخ..

___________________

اللي يبا مساعده يخبرني ...

حتى إذا تبون المشاريع وإلا التقارير جاهزة والله مايغلن عليكم ...

بعطيكم أياهن جاهزة وأنتوا بس ضيفولهن بعض الإضافات ..

راسلوني عالخاص..

لأني أنا متلعوزة وما تهونون علي تتلعوزون...خخخخخخخخ

الله يوفقني ويوفقكم ..

أتريا مساعدتكم لي ..

ممكن تعطيني فكرة المرقاب هذا .

http://www.uae4cam.com/vb/showthread.php?t=13688

هذا هو اللنك ..

بس أنا ان شاء الله على الاسبوع الياي ببدا فمشروعي عن "الحث الكهرومغناطيسي" ..

إذا تبين الفكرة بعطيج اياه..

ايش فكرة الحث الكهرومغناطيسي

الطريقه إنج تسوين دائرتين كهربائيتين
الدائرة الأولى و تتكون من
-بطارية
-مفتاح كهربائي
-مقاومه ( ممكن تكون مصباح )
- و جزء من الدائرة يكون سلك مكشوف على شكل دائرة
و توصلين هالأشياء على التوالي
و الدائرة الثانيه تتكون من
- أميتر ( يستخدم لقياس التيار الكهربائي )
- جزء من الدائرة يكون سلك مكشوف على شكل دائرة
بعد تكون موصله على التوالي
------
بعد ما تسوين الدائرتين
تحطين الدائرتين مجابل بعض
بحيث يكون الجزء المكشوف من الدائرة الأولى مقابل الجزء المكشوف من الدائرة الثانيه
و تكون المسافه بينهم قليله بس ما يتلامسون

يوم تسكرين المفتاح الكهربائي في الدائرة الأولى ( تغلقين الدائرة )
يمر التيار الكهربائي من خلال السلك المكشوف و يولد مجال مغناطيسي
و إتجاه المجال المغناطيسي يعتمد على إتجاه التيار الكهربائي
و بهذي الطريقه يمر المجال المغناطيسي من خلال السلك المكشوف في الدائرة الثانيه
و يولد تيار كهربائي تلاحظينه في الأميتر

بس التيار الكهربائي في الدائرة الثانيه يظهر و يختفي بسرعه
كل ما تسكرين التيار يظهر تيار و بعدين يختفي
لازم تفتحين المفتاح مره ثانيه و تسكرينه

لانه توليد التيار الكهربائي عن طريق مجال مغناطيسي يعتمد على التغير في المجال المغناطيسي



هذي بس رسمه .. وان شاء الله بصور مشروعي وبنزله ..
.................................................. .

إذا فيه أي استفسار انا جاهزة ..