تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 8 من 25 الأولىالأولى ... 34567891011121318 ... الأخيرةالأخيرة
النتائج 71 إلى 80 من 243
  1. #71
    عضو نشيط
    الحالة : Tekoo غير متواجد حالياً
    رقم العضوية : 36527
    تاريخ التسجيل : 13-04-09
    الدولة : إماراتيه
    الوظيفة : مجنونة حب
    الجنـس : انثـى
    المشاركات : 69
    التقييم : 11
    Array
    MY SMS:

    الضحك ماهو علامة مستريح والبكاء أحيانا ما يوحي بحزن

    افتراضي رد: •●•● يوم الله بلاني بالحب بيت طفله صغيره ...


    القصه حلووووه نتريااا التكمله




    مشكووووره







    دنيـــــــــــا تضيق وفزعة الله قريبة
    وعند الفرج ما ياخذ الضيق ساعة

  2. #72
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب بيت طفله صغيره ...


    اقتباس المشاركة الأصلية كتبت بواسطة الملثمة مشاهدة المشاركة
    اهو طويل طويل بس ما فيه أكشن واااااايد

    يالله بستنى لين باجر ... اعتقد باجر يمكن ما ادش يعني بتريا لين ورى بااجر هههههههههه
    يـــــــــــــــا حرامـــــــــــــــ ....
    كنت بخليــــــــ بارت كيوت وترتوب ...خخخخخ
    خلاص علشانجــــــــ بحطي بارت صغير ..... بس شو ذنب الباقيـــــــــــــن ....خلاص بخلي بارتين ...
    عسبـــــــــــ يومــــــــــــ تدخلين .....ما تطلبين بارت ثاني ....










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  3. #73
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب بيت طفله صغيره ...


    اقتباس المشاركة الأصلية كتبت بواسطة de blobd مشاهدة المشاركة
    بصراحة القصة حلووة ....

    مشكوورة..



    البداية حلووة..

    بصراحة انا ما قراتها كلها حفظتها في الكمبيوتر عقب بقراها..
    تسلميـــــــــــــن ع المرور الشيـخه ....










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  4. #74
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب بيت طفله صغيره ...


    اقتباس المشاركة الأصلية كتبت بواسطة Tekoo مشاهدة المشاركة
    القصه حلووووه نتريااا التكمله

    مشكووووره
    تسلمين ع المرور ...










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  5. #75
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب حبيت طفله صغيره ...


    الجزء السادس

    طلع النور عليهم و هم للحينه خامدات ( البنات )
    مزنه للحينها بحض غدير ....

    اول وحده فتحت اعيونها العنود ..
    العنود و هي اتحط ايدها ع جتف امل ..
    العنود : اموله ...اموله نشي حبيبتي
    امل و هي اتلف للجهه الثانيه : جب زين ...!! عسب انا يمج ما حصلتي غيري اتقومينه سيري قومي مزنوه
    العنود : ما منج فايده خيسي يا الخايسه بالنوم
    نشت العنود و بدن انذارت شالت عنهم اللحاف ..
    العنود : يعلـــــــــــــــــــــــــــــــــــــــــــــــ ــــن يا الشــــــــــاذااااااااااااااااااااااات
    مزنه عقدت بين حويبها ... حليها البنت هب مستعوبه .. توها ناشه من الرقاد الشاذات ..؟؟ اهاااا الشاذات

    مزنه فتحت عينها : في عينج يا ام الافكار السوده انتي
    غدير : اوووووووووووه صخوا ابى انام
    العنود : و الله بخبر عليكم امايا العوده حميده خل تلعن خير خيركم عيل نايمين بحضن بعض ها ...؟؟
    مزنه : يمكن انتي عميه و انا ما ادري بابا هااااااااااااااي غدير هب ولد
    العنود : خبيبتي هذا شذوذ
    مزنه : ككككككككككككككككككك تنقعيه من الصبح خبيبتي خبيبتي ههههههههههههههههههههههههه
    غدير و هي ترفع مخدتها و تضربها بويه العنود
    غدير : و قسم بالله العظيم اذا ما خزتي عن ويهي برشج بكف يوصلج لين بيتكم انتي فاهمه ..؟؟
    خلود ( اخت امل و مريم )
    خلود 20 سنه تدرس بالكليه و مالجه ع ولد خالها ( سالم ) اخو حسن و غدير و العنود و ساره

    خلود : اييييييييييييييييييييييييه صخوا حراااام عليكم امسات ما نمت
    مريم : هيييييييييه اترمسين حبيب القلب
    باقي البنات : هههههههههههههههههههههههههههههههههههههه
    خلود صخت و يتها صحيه بنعرف سببها بعدين ...!!!
    العنود : اووووووووووه انتو ما منكم فايده انا بسير اغسل ويهي و بنزل عن يدوه حميده اتسوي لي سالفه
    و فعلا العنود اتجدمتهم ..


    @@@@@@@

    طبعا الشباب وااايد ماشاء اللله ...فنقسموا مجموعتين جمجموعه في غرفه حمدان و الثانيه في غرفه سلطان وراشد
    ما عدا سالم هب موجود تم بالشارجه لانه عنده شغل ...او يدعي انه عنده شغل

    عبدالله : هيييييييييييه خلود خوز عني تراني اخوك هب حرامتك ها الشو جيه لازق فيني ..؟
    باقي الشباب : ههههههههههههههههههههههههههههههههههههههههههه
    خالد : كل تبن ...ززين مخلني راقاد ع اخر الشبريه و تباني اطيح و اجسح ...؟؟
    راشد : ههههههههه عبادي خوز عنه يا ريال حرام عليك شي مكان
    خالد و هو ناش : انا اصلا بسير انا في غرفه حمدان الليله
    @@@@@@

    في الصلاه حميده يالسه تشرب جاي و تاكل غيمات و يمها الحريم و الريايل ...
    بو حسن : انا بنش اتغسل حق صلاه اليميعه
    بو حمدان هيه و الله يلا و نشوا الرايايل يتضون و يتسبحون حق صلاه اليميعه
    العنود و صلت بسلامتها
    ام حمدان : عيل وين البنات
    حميده : خامدات مالت عليكم و ع تربيتكم
    ام حسن : افى بس عمتيه الشو تبيا انسوي تراهم يهال
    حميده : يهال و كل وحدها طولها طول انخله ..؟
    ام عبدالله : ما عليه امايا بينشون الحينه
    العنود وصلت و شافتها يدتها
    حميده : واعليه عنوده حبيبتي ليش ناشه بعده وقت ..؟؟
    العنود قربت من يدتها و باست راسها
    حميده : يلااااااااا ارفعي ثوبج
    العنود رفعته بستسلام
    حميده : هيه جيه ابغاج
    @@@@@@@

    في غرفه البنات للحينه نايمات
    و فجأه
    << الله اكبر الله اكبر <<
    مزنه : اذان الشو ها ..؟؟؟
    خلود : يمكن اذان الفير
    غدير : شو فجره و الللي يعافيج الدنيا منوره
    مريم : عيل الشو ها ...؟؟؟
    امل و هي ترفع تلفونها : اوووووووووووووووووووووويييييييييه لحقوا اذان صلاه الجمعه
    البنات صار عندهم صراخ جماعي ...!!!!!

    @@@@@@

    الشباب نشوا و اتسبحوا و اعتطروا و اتبخروا و قربوا من يدتهم و يلسوا يتريون اللي ما زهبوا و الا اشويه البنات نازلات من ع الدري
    و كلهم متقمين نفس المخوره و تموا امهاتهم يطالعونهم مستغرباات
    ام حسن : بسم الله عليكم ماااشاء الله عيني عليكم بارده الشو هاي الحركه امنو راح يبفصل لكم
    كل البنات وجهوا نظره حق خلود
    ام حسن : ايييييه فديتها مرت ولديه
    الباجي : هههههههههههههههههههههههه
    يدتهم حق ما جيكت ع ملابسهم خلتهم يلسون
    حميده : هيه جيه اباكم هب لابسن الطنطنون مالكم
    الباقي نقعوا ضحك
    بو حسن : الشو هالطنطنون ..؟
    امل : تقصد البنطلون يا خالي
    ابو حسن تبسم في ويه بنت اخته
    < و الله و غديتي حرمه يا امل ان شاء الله اتكونين من نصيب ولديه حسن
    اشويه يظهرون باقي الشباب من الغرفه
    حميده : ها ظهروا العرايس
    الباجي : ههههههههههههههههههههههههه
    حمدان : صبحج الله بالخير يدتيه
    حميده : صبحك الله بالنور و السرور ولديه بعدين الشو صبحه الا قول مساء
    حمدان : الشو انسوي اتاخرنا بالسينما امسات
    حميده : بالحل فديتك
    بو عبدالله : ان شاء الله ززهبتوا حق الصلاه ..؟
    راشد : هيه عمي

    بو حمدان : عيل وينه صالح ..؟
    صالح : انا اهنه ابويه
    بو حمدان : عيل جيه ما اتسلم
    صالح : السموحه ابويه و قرب من ابوه و حب راسه
    بو عبدالله : ها شباب مشينا
    خالد و هو عينه ع غدير و غمز لها : مشينا مشينا
    << خالد في شخص انتبه لك<<
    @@@@@@@@@@@

    منال : ياااااااا طلااااااال يا طلااااااااااا
    سعاد : بسم بالله بلاج اتزاعجين طلال هب اهنه طلال بالمسيد الشو تبغين منه ..؟
    منال : تلفوني ضايع ما ادري وينه ..؟
    سعاد : جربتي ادقين عليه
    منال : لا
    سعاد : اوف منج و رفعت فونها و بدت ادق عليه ..
    طلع صوته بس ياي من مكان بعيد .. يلسوا يلحقون الصوت لين وصلوا عند باب غرفه البشكاره ..!!
    منال و بكل عصيبه حدرت الغرفه و تمت اتدور لين حصلته تحت افراش الشبريه ..
    منال : الحيوانيه اللي اسمج نرما نرماااااااا يا حيوانه تعاااااالى اهنه
    نرما و كل علامات الرعب باينه في ويها
    منال ترفع فونها و بنظره غضب : هذا الشو يسوي في غرفتج ..؟
    نرما : انا .. انا .. ما يدري
    منال بدى صوتها يعلى : يعني كيف ما اتعرفين يعني هو طار وله ظهرت له اريول و حدر غرفتج مشي
    منال قربت منها و مسكتها من كمها : يعني ما بتقولين الشو كنتي اتسوين به ياااااااااا مسوده الويه ان ما وريتج ما يكون اسمي منال فاااهمه هذا بس اللي ناقص و دزتها و ظهرت من غرفه البشكاره
    سعاد : زين اتسوين بها لو اناهب حامل جان وريتها شغل الله
    منال : امايا امايا ماياااااااااااااااااااااااااااا
    ام سعد : ويدي بلاج اتزاعجين شو صاير ..؟
    منال : هااااي بشكارتج تتسفر اوكيه
    ام سعد : ليش ..؟؟
    منال : باااقت تلفوني و الله يعلم شو شلت بعد اليو تتسفر
    ام سعد : هيه صح ترى الطياره كاهي واقفه عند باب الحوي انا لازم اتاكد بالاول لا تنسين في رب فوق يعاقب
    طلال و اخوه و ابوه و صلوا ع الحشره
    سعد : بلاكم الشو هاي الحشره ..؟
    حوريه < مرت سعد < : بلاكم عمتيه ..؟
    منال : حوريه ..حوريه انتي قيل جم يوم الشو قلتي ضايع عنج ..؟
    حوريه : اممممممم طقم ذهب ابيض
    منال : و انا فوني ضاع و حصلته عن البشكاره
    حوريه : صدق ما عندها مذهب
    منال : بس بس انا عرفت وين راح طقم الذهب و شخطتها ع غرفه البشكاره اللي كانت اتصيح فجت كبتها و امها و حوريه و سعاد واقفين عن الباب و تمت منال اتظهر الاغراض اللي بالكبت و اتفر
    لين مسكت علبه و سحبتها[/align]
    وفتحها و طلع بها طقم الذهب
    حوريه : اوووووووووووويه حسبي الله عليج ...
    بو سعد : نرما لمي اغراضج
    نرما بصياح : بابا انا ما في يسوي شي ما في يسوي شي
    اتقربت منها منال و خلاااااااااص بتصفعها جان ابوها يمسك ايدها
    بو سعد : هب انتي اللي اتعقبينها
    منال تمت محرجه و راحت غرفتها
    @@@@@@

    وصلوا الشباب و الشياب من المسيد
    راشد و هو يسحب خالد ع طرف: اممممممممممم خلويلد
    خالد : احم .. زين زين برمسك بعدين
    راشد بنظرخ شك : امنو كنت اترمس
    خالد : ليش حرمتي و انا ما ادري تسالني ..؟
    راشد : ههههههههه الله يخسك
    خالد : هات ما عندك
    راشد : كي ابتدأ .. تدري يا خالد نحن مع بعض دوم صحيح انته اصغر مني بشوي هب بوايد بس انا اعزك و احترمك و اعتبرك شرات اخويه و اي شي بقلبي ما اخشه عنك صح
    خالد حس من ورى هاي الرمسه فيه انه : الزبده الزبده
    راشد : هههههههه الزبده وله الدياي ..؟
    خالد : لا جد
    راشد : تغيرت ملامحه الى جديه << بصراحه اليوم انا شفتك تغمز حق ..... غدير ...
    خالد تغيرت الوانه و اعرق و حتى صوت تنفسه و دقات قلبه جنه حاطين مكرفون عليهم ..
    خالد : ا م غدي..
    ام حمدان تقطع المشهد : بلاكم يا اعيالي يالسين ارواحكم تعالوا صوبنا بعد اشويه بنحط الغذى
    راشد : نش يا خالد و طمن بالك و تاكد هب مخبر حد
    ع الغذى يلسوا الحريم في طرف والراييل بطرف
    مزنه : امايا وين بتظهرينا اليوم ..؟
    ام حمدان : الشو رايكم انسير ابوظبي مول ..؟
    الباجي : البنااااااات هيه اوكيه
    ام حمدان : عيل بعد صلاه المغرب بنظهر و بنخبر قوم ام سعد يظهرون وينا
    مزنه شهقت و تمت اتكح
    ام حسن : بسم الله عليج الرحمن الرحيم بلااج و تمت تضرب ع ظهرها
    و محد نااااااااقع ضحك و يعرف بلاها الا غدير
    امل هب بالدنيا .. بس تطالع حمدان اللي منزل راسه بالصحن اللي انحط له ع طاوله و يالس ياكل بهدوء غريب
    امل في خاطرها : ليش ليش يا حب ملى قلبي .. ليش يا حبيبي ناوي تهجرني .. و تخليني
    كأن حمدان سمعها و شافها بنظهر يقول بها : انسى يا امل انسي
    امل : تباني انسى انته تخبلت ..؟؟
    حمدان و هي يتنهد و كانه يقول : ما عاد ينفع
    امل : انا احبك يا حمدان
    حمدان : القدر اقوى من حبي و حبج و نزل راسه بستسلام في صحنه
    امل دمعت عينها نشت عن السفره
    العنود حست ببنت عمتها و ع طول نشت ورها
    وصارو البنات ينشون وحده وراى الثانيه
    حميده : بسم الله بلاكم جيه نشيتوا ..؟
    مزنه ترقع السالفه : رجيم امايا رجيم
    حميده : يالله بالستر .. هم بعد يمكن عادي يسون رجيم معنهم هب وايد الا انتي الشو تبغين تختفين ...؟؟؟؟
    مزنه تضايجت اشويه الكل يهاوشها لان جسمها هب طبيعي : يدتيه الشو اختفي كاسبر الشو
    و ركبت الدري
    حميده : لا حول وله قوه الا بالله
    روحوا البنات الغرفه و تحواطوا امل اللي كانت اتصيح بشكل يقطع القلب
    مزنه : بلاج اموله حبيبتي
    امل ساكته و اتصيح
    غدير: هاي رمسه بنات كبار يالله يا اليهال برى
    ترى مريم و العنود و مزنه بسن بعض بس مريم اول ثوني يعني اكبر عنهم بسنه
    مزنه : نحن يهال اوكيه اوكيه
    امل : خلااااااص سكتوي خلوني بروحي ما ابغى حد
    غدير نشت و نشوا ويها البنات و ياين يطلعون جان امل تسك ايد غدير
    @@@@@@
    مزنه : تعالوا انشوف فلم ع تو
    العنود : هيييييييييه صح انا اصلا كنت بخبركم شفت داعايه فلم رعب طررر بس امسات حطوه اكيد الحينه بيعدونه بسرعه فتحي
    مريم : عيل وين ريل اختي < تقصد سالم <
    العنود : تم بالشارجه فديته عنده شغل
    مزنه : انا اشوف خلوووده هب ع بعضها
    العنود +مريم : ههههههههههههههههههههههههههههههههههههههه

    و فتحوا التلفزون
    @@@@@@@

    في الحديقه < البيت <
    خالد : راشد اول شي طلبتك خله بيني و بينك
    راشد : افى عليك بس .. سرك في بير
    خالد : اااااااه
    راشد : هههههههههههههه سلامتك من الاه يا حبيبي مماتك
    خالد : هههههههههه تتمصخر انته ويهك
    راشد : لااااا جد
    خالد : احبها يا راشد
    راشد : كل تبن .. زين حدك عاد ترها هب وحده من ربيعاتك اتقص عليها و تلعب ترى هاي هب بس عرض عبود هاي عرضنا كلنا
    خالد : و انا جاد .. و بعدين ليش محرج و الشو يخص ها بها
    راشد مسك جتف خالد : وقف و فهمني كيف اتحبها و هي اكبر عنك..
    خالد : عادي .. الحب ما يعرف اعمار و انا اخوك
    راشد تنهد : ناوي تخطبها
    خالد : ابتسم و بدى يضحك ....: اخطبها تبى امايا تلعني
    راشد : انته ما جربت تسالها ..؟
    خالد : خلها ع ربك
    راشد : لا جد ليش متوقع ترفض..؟
    خالد : بتقول اكبر عنك و ما ادري الشو ..؟و ....
    راشد : كمل ...!!
    خالد : و هي حاطه عينها ع مزنه اختك
    راشد انصعق و ما عرف الشو يرد ..
    خالد : لا اتسوي عمرك ما تدري انه محيرن مزنه لي
    الكل يقول مزنه لك و انت لمزنه
    راشد : و متوقع بعد الرمسه اللي قلتها اني وافق اسلم لك اختي ..؟
    خالد : الشور هب عندك وله عندي عندهم .. عند الاكبار
    راشد : اتعرف لو تنطبق السما ع الارض مستحيل اعطيك مزنه .. ليش اخليه اختيه تتعذب مع شخص انا اعرف امئه بالمئه ما بريحها ..؟
    خالد : يمكن يا راشد اذا خذيت مزنه اتنسيني غدير
    راشد : ليش اختيه كبش فدى ...؟؟ روح يا شيخ و راح عنه
    خالد وقف : يا راشد رشود تعالى خل نتفاهم
    @@@@@@@@@@@@@@@@

    غدير : هيه انتي صار لي ساعه ارمسي انطقي
    امل: الشو تبغيني اقول و كل اللي بداخلي تحطم من نظره اعيون حمدان
    غدير : انتي صايحه ...؟؟ ع كيفيج استنجتي ...؟
    امل : كل شي واضح .. كل شي انتهى
    غدير : انتي لازم اترمسينه
    امل خافت من الكلمه و جسمها يته قشعريره من كلمه ارمسه : ارمسه ..!!!!!!!!
    غدير : هيه عسب اتشوفين طريج وين
    امل : صعبه يا غدير صعبه
    غدير : ليش صعبه جيه نسيتي يوم كان يطرش لج مسجات و ميت عليج و يموت عسب اتردين عليه...!!!
    الحينه و بكل سهوله يبى يتخلى عنج ليش انتي رخيصه عنده لهاي الدرجه امنو فاكر عمره ....!!! يبى ياخذ عجزه عذر ...!!
    امل : اكفااااااااااااااااااااايه خلااااااااااااص خلاااااااااص و تمت اتصيح بحضن غدير
    @@@@@@@
    في بيت ام سعد
    سعاد يالسه تطالع تلفزون و يمها طلال
    سعاد : طلال طلال
    طلال : الشو ..؟
    سعاد : شو بلاك سرحان ..؟
    طلال : وله شي < اخ اشتقت لج يا مزنه بسير غرفتيه يمكن اتكون موجوده بغرفتها <
    سعاد : هيييييييييييه وين رحت
    طلال : لا اهنه
    سعاد : واضح واضح
    طلال : الشو تبغين ..؟ بروح غرفتي بنام مدوخ
    سعاد : الليله بنظهر بوظبي بتودينا ...؟
    طلال : وليش ما اتقولين حق الخديه اخوج سعد
    سعاد : واعليه حرمته حوريه مصخنه و اترجع من اليوم الصبح ع العموم خلاص بقول حق السايق يودينا
    ام سعد ظهرت من المطبخ : هيييه سعاد ع طاري الظهره .. ام حمدان دقت و اتقول يمكن بعد المول نظهر نيلس في حديقه المطار اللي يم الكنتاكي
    طلال فز قلبه : قوم ام حمدان بيون وياكم ..
    سعاد : ايه
    طلال : عيل انا بوديكم
    سعاد : سبحان اللي يغير ولا يتغر..
    طلال : بعد قلبي طيب ما اقدر اخليكم اتسيرون مع السايق منقود
    سعاد : الله و اكبر
    @@@@@@


    < شموع العمر <
    بدت اتحرك ايدها يمين يسار خلود ترفع راسها بتثاقل
    خلود : الو
    ......: الو
    خلود جسمها يته رعشه ..
    سالم : الشو ما عرفتني
    خلود: امبله


    تعالوا اخبركم بسالفتهم

    خلود خلصت الثونيه العامه ..
    و ما يابت نسبه زينه .. و يلست بالبيت قام خالها علي < بو حسن < و رمس ولده حسن عسب يسرون يخطبونها
    طبعا حسن رفض و تعذر انه بعده يدرس دبلوم عالي
    و بما ان سالم مخلص دبلوم و يشتغل بالشرطه شافه فرصه عسب يكمل نص دينه
    و عسب يشيل الفكره اللي في راسه
    سالم كان يحب وحده يرمسها بالتلفون و يوم قال حق ابوه حرج عليه و اصر يزوجه ع طول صارت سالفه خطبته من بنت عمته خلود و ملج عليها ..

    نرجع للواقع
    سالم : اممم اشحالج
    خلود : اللحمد الله
    سالم : اقول حبيبتي ......... ما يقدر يكمل كيف ظهرت منه هاي الكلمه
    خلود ويها انحرق: نعم
    سالم : عندي خط الحينه برمسج بعدين مع السلامه
    خلود بحزن : مع السلامه

    < عرسي قرب و هب قادره افهمك الله يعني ..<<
    @@@@@@
    المغرب .. طبعا الاكل يتزهب حق الظهره
    مزنه : هييييييه ابى اتسبح
    امل : اخيج عليج متى بتودين هاي العاده
    ترى مزنه ما اتحب تسبح و حد ويها بالغرفه
    و كلهم ظهروا الا العنود
    مزنه : العنود احدري قبلي انا ما احب اتسبح و حد بالغرفه
    حدرت العنود
    ام مزنه فجت دريشتها و تمت اتغني
    مزنه تملك صوت عذب جميل جدا ..
    مزنه : انته وصلك اصبح محال .. خلتني و البعد طال اكثرت همي بك و سال الدمع من عيني يصب وين الوفايه للضمير و حنا الذي كنا نغير في درب موحش لك اسير اسرتني من بين ايديك لا تنظر ارجع اليك و لا تتفتكر ببكي عليك بعت المحبه يا شريك و لي بعتني ماني شاريك ..
    انته وصلم اصبح محال خلتني و البعد طال اكثرت همي بك و سال الدمع من عيني يبيك ...
    رفعت راسها الا طلال يبتسم .. ابتسااااااااااااااامه خلتها ادوخ

    طلال اللي داخ من صوتها ( و الله يا مزنه يوم اخذاج بخليج اتغنين لي اربعه و عشرين ساعه )

    و فجأه و دون انذارات حدر سلطان غرفه مزنه و شاف اخته الوحيده .. تخونه ...!!!!!!!!

    دائم صمته و هو يشوف ابتسامه طلال في ويه مزنه و مزنه ما تحركت ..!!

    ما يعرف شو يسوي .. و له امنو يعاقب سكر باب الغرفه و توجه الى غرفته و يطالع بيت طلال

    ( تبى تلعب باختيه يا طلال .. ما عليه ما عليه .. انا ما خليتك اتصيح ما يكون اسمي سلطان.. بس انا هب جارحك بيدني انا بجرحك بشي اقوى و رفع راسه و شاف منال و ابتسم ابتسامه هاديه ما تبشر بخير )

    @@@@@@@@@@@@@

    مزنه تسبحت و تعطرت و تلبست
    امل و شلتها نزلوا تحت الا غدير تلبس عدستها الشفافه < المسات الاخيره <
    < فديت صوتك <
    غدير : الو
    خالد : هلا و غلا
    غدير : اتاشر حق مزنه عسب اتصخ
    خالد : الو وينج..؟
    غدير: هههههههه اتزهب حق الظهره
    خالد : لا تتعدلين وياد ترى اغار
    غدير: هههههههههههههههههههههههههههههههههههههه
    خالد : فديت هالضحكه
    غدير: اتصلب عاد .. انا كم قلت لا اتغازلني
    حالد : هههههههههههه خلاص سوري و الله
    غدير غيرت نبره صوتها : خالد بقولك شي بس لا اتحرج
    خالد حد ايده ع قلبه : قولي و ربي يستر
    غدير : ترى مزنه تدري عنا ...

    خالد : الشو يعني عرفت انتي لازم تنكرين كل شي انتي جيه تبغين اتخربين اللي بينا
    غدير : شو بلاك يا خالد مزنه شرات اختيه ليش محرج
    خالد : اقولج صحلي اللي سويته وله ترى ما اتلومين الا نفسج

    طوط طوط طوط


    نهايه الجزء السادس










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  6. #76
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب بيت طفله صغيره ...


    الجزء السابعــــــــــ لعيونكم ::

    الجزء السابع

    انصدمت .. غدير .. معقوله كل هذا خوف ..!!!

    ليش جيه يسوي فيني و انهارت

    مزنه مسكتها : بلاج بلاج بسم الله عليج الشو صابج ...؟؟

    غدير: يقول اذا ما فهمتج العكس .. بينتهي اللي بينا

    مزنه : و ليش هذا كله ..!!!!

    غدير: ما ادري ما ادري و تمت اتصيح ..

    مزنه : هيييييييييه هدي اعصابج و بعدين بنتفاهم قوم امايا بحترونا تحت .,..

    غدير: انا هب يايه وياكم رحوا ارواحكم

    مزنه : مستحيل بتين و غصبن عنج
    غدير: خليني يا مزنه خلني ارجوج
    مزنه : قلت مستحيل اخليج بهاي الحاله يلا نشي
    غدير: ماااااااالي خلق
    مزنه : ياااااااا الهبله نشي ما ابيج اتبيني له انج ضعيفه
    غدير: انا فعلا من حبيته غديت انسانه ضعيفه ...!!!
    مزنه : مااااااااااالت عليه نشي الحينه ابليز
    غدير : غمضت اعيونها بقوه و رفعت جسمها و نشت

    ##############################


    في بيت بو سعد

    طلال : يااااااااالس يغني و هو يعدل الغتره: من بين الناس حبيتك من بين الناس .. و بكل احساس اغليتك و بكل احساس .. حبك جرى في دمي نساني كل همي .. خلا حياتي غير غير من بين كل الناس

    تعطر و ظهر من غرفته


    منال : يااااااااااااااااااا ويل حالي امنو هالغرشووووووووووووب


    يااااااا ويلي كل البنات اللي في المول بيموتن اليوم فديييييييتك

    و ربي اتجنننن

    طلال لابس كندوره سوده و غتره حمرا و طاااااااالع وايد كشخه

    طلال : احم احم ما ابى غير نظره وحده من قلب احبه
    منال : هههههههههههههههههههههههههههه يحيها و الله هاي الانسانه

    سعاد : امنو هاي
    منال ترقع السالفه : لا وله وحده طلال يقرى قصه و متأثر في الشخصيات
    طلال : ها اي قصه .. هااااااااا هيه هيه صح صح
    سعاد : ابويه انا بقول حق ريلي اي يشلني عن استخف
    سعاد تغمز حق طلال و تموا يضحكون

    طلال : وين امايا
    سعاد اتربكت : امايا .. امايا هيه صح امايا ظاهره و الحينه بترد
    طلال ما حس بتوترها اوكيه يلا عسب ما نتاخر في الظهره


    ###########

    غدير و مزنه يالسوا في اخر سيد في السياره ركبوا مع بو حسن

    مزنه و هي اتحط ايدها ع جتف غدير

    مزنه : ابد ما اتحريتج ضعيفه يا غدير انا دومي خابرتج انسانه قويه

    غدير : دمعت اعيونها ......
    مزنه : انزين انتي رمسيه الليله و قولي له انج خبرتني انه الموضوع بكبره مجرد مقلب ..
    غدير : ر فعت راسها و ابتسمت و كانها فعلا حصلت فكره ممكن تصلح اللي بينها و بين خالد

    ##############
    ( راح نتعرف ع عائله يديده )

    ام حارب اخت ام سعد


    ام حارب : يصير خير يا اختيه و هاي الساعه المباركه و انا الشو يفرحني اكثر عن انه شيخ الريايل طلال ايه و يخطب ساره بنتي ..؟

    ام سعد : فديتج يا اختيه .. لا اتنسين انه هاي الرمسه ما تظهر للناس

    قبل لا يصير شي خلي هاي الرمسه من بينا لين اتخلص البنت من الثونيه
    ام حارب : لا اتوصين يا الغلا

    يحدر حارب ...

    حارب : مرحبااااااااااا الساع ملاااااايين في ذمتيه ما يسدن و يقرب من خالته و يحبها ع راسها .. و انا اشوف يبتنا منور

    ام سعد : منور بوجودك يا الغالي اشحالك الشو اخبارك .. ها ما اشوفك اتمرنا و لا تسال عني
    حارب : خالتيه تدرين انا دوامي في دبي فديتني انام من الساعه 10 جني ديايه و انش من 6 و اسير الدوام و ارد 5 العصر من كثر الزحمه
    عقب اخمد اشويه حتى الظهره ما قامت اشوفها بعيني
    ام سعد: الله يعين يا ولدي و فل الاجازه ما انشوفك معنا بيتنا هب بعيد

    هذا هو فر حصا بس
    حارب: خلاص يا خالتيه حقج علي بيج و بتغذى عندج بعد بس هب باجر الاسبوع الياي ان شاء الله
    ام سعد : حياك الله يا ولدي ام سعد كنها حادت شي
    ام سعد : اووويه يا ولدي نش وصلني البيت الحينه اكيد مسوين لي يوله تاخرت
    حارب : ليش خالتيه تمس عندنا
    ام سعد : فديتك لازم اروح طلال بيظهرنا المول اليوم مع قوم جيرنا
    حارب : نشي عيل خالتيه

    نشت ام سعد و سلمت ع اختها و اتحركت


    ساره كانت تسمع الحوار اللي دار بين خالتها و امها و طارت ع غرفتها و تمت اتصيح ..


    ساره و هي ترفع تلفونها و ادق ع ( القلب )

    ساره : الحقني يا سالم الحقني
    سالم : ساره بلاج ...؟
    ساره : بموت بموت
    سالم : اسمله عليج بلاج اتباغمين ...
    ساره : سالم خالتيه يت تخطبني اليوم حق ولدها طلال
    سالم : الشو ...؟
    ساره : اللي سمعته
    سالم : لا اتوافقين
    ساره : الرد اكيد ما راح يكوت في ايدني .. انا احبك يا سالم احبك
    سالم تم ساكت و ما عرف بالشو يرد
    ساره : رد علي يا سالم و الله خلااااااااص نستني نستني يوم ملجت ع بنت عمتك ( خلود )
    سالم : انا ما نسيتج بس انتي اللي تلخيتي عني
    ساره : الشو تباني اسوي ... تباني اعلق املي بواحد ارتبط
    سالم : انتي ما عطتني فرصه هاوشتني و غلطتي علي و سكرت التلفون بويهي ...!! و نستي كل اللي بينا و في النهايه يايه تبني ارجع لج اسمحلي كرامتي ما تسمحلي
    ساره : وين حبك ..؟؟ وين وعدك ...؟؟؟ وين حلفك يوم انك حلفت انه قلبك ما يرح يحب غير سااااره انتهى كلها هذا ...؟؟؟ و بسهوله تركتني
    انته ما كنت اتحبني انته كنت تبى تلعب ....!!!!
    انته كنت اتحب خلود من الاول بس لانها صدتك جيت اتدور ع وحده اتنسيك ساره و امنو كان الضحيه انا يا سالم انا
    بس اتعرف الشو انا بوافق ع طلال طلال اريل عنك اتفو عليك و سكرت التلفون بويه

    سالم كان يالس في البيت ارواحه و يالس يتذكر كيف تعرف .. ع ساره

    كان .. يالس ع النت متضايج حيل .. و كانت ساره عنده باللسته و يرمسها يوم يكون متضايج بس عمره ما فكر في يوم اتكون ساره حبيبته .. < متضايق حيل <

    مرحبا ..

    < تخيل اكتشفت اني احبك .<

    مراحبا باجي .. الشو هالنك ..؟ يا سالم

    < متضايج حيل <

    شرات ما اتعرفين يا ساره

    < تخيل اكتشفت اني احبك .<

    اكيد ماشي غيرها ... خلود الشو سوت بعد ..؟

    < متضايج حيل <

    اكتشفت انها اتميل حق جاسم ولد عمتي ام حمدان


    < تخيل اكتشفت اني احبك .<

    انا الف مره قلت لك ودرها .. وردهااااااااااا بس تعال كيف اكتشفت ..؟


    < متضايج حيل <

    .. شفتها تطالعه و هو يطالعها و يتبادلون النظرات

    < تخيل اكتشفت اني احبك .<

    تتوقع شي من بينهم

    < متضايج حيل <

    ما ادري .. لو فيه كان جاسم بيخبرني جاسم في حياته ما خش شي عني ...!!

    < تخيل اكتشفت اني احبك .<

    انته امتى بتعقل و بتودرها هاي الانسانه بليده ما اتحس


    < متضايج حيل <


    معاج حق انا لازم افكر .. لازم اودرها وله بتم متعذب طول حياتي ..

    و ظهر من المسن



    في الواقع

    تنهد .. سالم يوم تذكر كيف كانت نهايه قصه حبه مع خلود و بديتها مع ساره ..

    بعدها بجم يوم .. حدر سالم المسن و حصل ساره اون لاين


    < تخيل اكتشفت اني احبك .<

    مرحباااااا

    < نستك .. نستك .. و لا عاد ابى افكر فيك.. خلاص انتهت قصه حبنا قبل بدايتها <

    مراحبا الساع اشحالج

    < تخيل اكتشفت اني احبك .<

    تمام .. اوه اوه الشو هالنك خطير الصراحه


    < نستك .. نستك .. و لا عاد ابى افكر فيك.. خلاص انتهت قصه حبنا قبل بدايتها <


    عبالج ..

    < تخيل اكتشفت اني احبك .<

    افهم من هذا النك .. انك نستيها

    < نستك .. نستك .. و لا عاد ابى افكر فيك.. خلاص انتهت قصه حبنا قبل بدايتها <

    فكرت باللي قلتيه و حصلته كل صح .,. و فعلا انا يالس انسها .. الا ما خبرتني .. الشو سالفه نكج ..؟.؟

    < تخيل اكتشفت اني احبك .<

    يعني انته هب فاهم ...؟

    < نستك .. نستك .. و لا عاد ابى افكر فيك.. خلاص انتهت قصه حبنا قبل بدايتها <


    تبغين اتفهمني انج اتحبني يا ساره ...؟؟ ..!!![/
    < تخيل اكتشفت اني احبك .<

    ادري انه صعبه البنت تتعرف للشاب بحبها .. لكن هيه نعم احبك

    احبك و بدى حبي يوم يت تشتكلي من جفا خلود

    و يوم بدت تصارحني عن سبب .. زعلك ... انا اعرف انك توك طالع من

    تجربه و ما ابغاك تحدر في الثانيه دون ما اتفكر ..

    و ظهرت ساره من المسن و من ذاك اليوم ( قرر سالم يعوض حبه بخلود حق ساره و فعلا بعد فتره رد سالم حق ساره و اعترف لها انه كان يحبها بس هو ما كان منتبه و صار يدق عليها و اتدق عليها و اتشاوفوا مره من بعيد لبعيد ..


    سالم غمض عينه وقال : اعترف يا ساره اعترف انا بغيت اعوض حبي بخلود بج


    .. في المول ..

    وصلوا قوم ام حمدان قبل قوم ام سعد ..

    و يلسوا يلفون ع ما يوصلون ام سعد

    في بركانات ابوظبي مول

    طلال : الله بس يهديج يا امايا ... اخرتنا

    منال : هيييه و الله

    سعاد : هيه عاد بسكم حنه ع امي

    ام سعد : محد ضربك ع ايدك طللول انته ضربت ع صدرك و قلت بتودينا جان سرت مع ابوك العرس ..؟

    طلال : و انا الشو دراني ابويه بيروح العرس .. انا شفت قوم بيت خالتيه ام حمدان كلهم بيرحون قلت ابويه بي وينا و مكنسل روحه العرس .. انزين حد راح وياه
    ام سعد : راح سعد ويها بعد ما وصل سعاد عند امها
    طلال : اها
    منال : طللول شوف شوف باركن فاضي يلا يلا
    طلال : هههههه انزين انزين

    ز نزولوا اربعاه

    ام حمدان : وينهم تاخروا .. خل ادق ع ام سعد وله اشويه و تلفون ام حمدان يرن
    ام حمدان : هههههههه الو عمرج طويل يا ام سعد توني رافعه التلفون بدق لج
    ام سعد : هههههههه القلوب عند بعضها و انا اختج ها وينكم
    ام حمدان : وصلتوا
    ام سعد : هيه وصلنا بس بعد الشو بعد ما طلع طلال روحنا في الدرب
    ساق ع اخر سرعه خبل بنا
    ام حمدان : ههههههه اللحمد الله ع سلامتكم عندنا و عندكم خير
    نحن في الطابق الثاني مجابل السينما
    ام سعد : الحينه بنيكم ..

    #####

    حمدان متوتر حيل الناس كلهم يطالعونه و يشوف نظرات البنات كلها شفقه بس هو عاد يتبسم في ويهم وكانه يقول الشو تتطالعون ...؟؟؟

    وصلوا ام سعد

    منال : هلاااااااا مزنوه حبيبه قلبي
    مزنه : بسم الله من وين نزل هالحب فجأه ....؟؟ < اتدور طلال بعيونها <<
    منال : ههههههههه جب ما تستهلين حد يتغزل بج

    و تمت منال اتسلم ع البنات و لاحظت ويه غدير المعفوس

    منال : غدوره حبيبتي بلاج جيه ويهج غادي احمر ..؟
    غدير: لا وله شي بس اشويه ميهوده
    منال : سلامتج ما اتشوفين شر


    طلال : لاحظ اعيون مزنه و هي اتدور من مكان الى الثاني

    و اخير وقعت عينها بعينه

    طلال ببتساااامه دوخت مزنه

    مزنه : نزلت راسها طلال شاف الكل مشغول قرب اونه يعني بسير صوب الشباب مره من عند مزنه

    طلال : اشتقت لج حبيبتي

    مزنه : انقلب ويها و احمررت من خاطرها

    طلال تقرب من الشباب و يلس يسلم عليهم و يوم وصل عند سلطان

    طلال : اشحاااااااالك سلطووون و الله اشتقت لك

    سلطان بدون نفس: اللحمد الله بخير و نعمه انته اشحالك

    طلال : اللحمد الله .. الا اقول بلاك مغير الموجه بلاك متضايج حد مكفخك ..

    سلطان : محد يروم يكفخني انته فاهم
    طلال : استغرب رمسته و ابتعد عنه

    حمدان : بلاك انته جيه اترمس الريال ..؟؟
    سلطان : ما بلاني شي بس اشويه متضايج من سالفه و خلاص

    حمدان : و عسب متضايج بتحط حرتك بالناس ..؟؟
    طلال : خلااص حصل خير ..و ابتسم في ويه سلطان

    سلطان في خاطره < معقول اكون ظلمته و ظلمت اختيه .... يمكن اتكون السالفه صدفه ...لازم ما اسوي اي شي قبل ما اتاكد من الموضوع
    الشباب اتمشوا ارواحهم و البنات بعد ارواحهم بس طبعا مع سعاد .. اللي معرسه لازم يكون حد وياهم جبير اشويه

    اما الحريم تمشوا و اتشروا و عقب تعبوا و يلسوا في المطاعم يسولفون
    جهه الشباب


    [color="magenta"]حمدان : شوفوا شوفوا هب هذاك سهيل ..
    طلال : سهيل..,..!!!!!!
    و سار صوبه و هو تقرب منهم سهيل عقب ما تاخشم مع الكل

    طلال : مالت عليك من ربيع ....؟؟؟ ها يا مخاوي شما
    الكل تم يضحك

    سهيل : التفت حق حمدان اللحمد الله ع سلامتك حبيبي و اسمحليلي و الله ظروف ما خلتني ايك
    طلال: الشو ظروووفه و انته اتحوط اتغازل ببنات خلق الله
    زين انه يوم انا ناديناك حتى شي بنت رفعت ايدها و دعت لنا
    سهيل : اي بنات يا مسوده الويه لا تيلس اتطلع عليه رمسه
    طلال : لا صدق وينك من زمان ما شفتك اشتقت لك و الله
    سهيل: جب جب انا اصلا لازم اتشره عليكم ابويه طاح بالمستشفى
    اسبوعين و لا حد رفع السماعه يتصل يتخبر عني وعنه
    طلال : صدق .....!!
    سهيل : لا اجذب عليك
    عبدالله : سلامته .. يارب
    خالد: ما يشوف شر
    سهيل : الشر ما ايكم
    طلال : و الله ما درينا اسمحلي فديتك
    سهيل: بالحل
    حمدان : و الحينه اشحال صحته
    سهيل : اللحمد الله ينطح
    جاسم : اللحمد الله
    سلطان : سهيل ياي ارواحك
    سهيل: هههههههه تبغون الصدق مواعد
    راشد : ههههههههههههههههههههههههههههههههه الله يخسك انته الشو ما اتوب
    سهيل: انتو ابد الحينه شرفاء مكه ما عندكم هاي السوالف

    << البارحه ( علي بحر)
    سهيل : عن اذنكم
    سهيل: الو .. مرحبااااا بقلبي ورحي هلا و غلا بالغرشوبه هلااا و يسوي مالت ع التلفون
    الشباب: هههههههههههههههههههههههههههههههههههههههههه
    سهيل: ها وين حشره .. لا هذيله شله بنات طايفه تتحرش فيني ...ّ!!! شفتي عاد
    جاسم يسويله مالت
    سهيل: و انا اقدر يا اعيون سهيل انا اصلا يخسي اطالع وحده غيرج و سوه حركه معنها اخرطي
    الشباب : ههههههههههههههههههههه
    سهيل : هيه هذيله البنات رجعوا يلحقوني و تم يأشر حق الشباب عسب يسكتون
    سهيل : انزين يا الغلا الحينه يايج .. لا تتحركين حبيبتي في وادعه الرحمن

    الشبااااااااااااااب :هههههههههههههههههههههههههههههههه الشو مسوي بالبنت انته خبلت بها
    سهيل : يلاااااااا انا مروح هههههههههههههه و يوم اخلص من هاي الهبله بدق لكم لا تظهرون من المول
    و تحرك سهيل من عندهم

    من جهه البنات

    كانوا يتمشون بنفس الطابق اللي يتمشون به الشباب ..

    مزنه : مناااااالوه تعالي تعالي .. شوفي هذا البدي بمووت اذا ما خذته
    منال : ههههههههههه اشهد انج خبله
    مزنه : بنات تعالوا بنحدر هذ المحل حدروا البنات لكن غدير كانت في عالم غير عالم خالد و بس كانت تطالعه و هو يبتسم في الجهه الثانيه مع .. سهيل اي المجهول بالنسبه له و عايش حياته .. دون ما يفتكر بها .. في هاي اللحظات كل البنات حدروا المحل الا غدير و مزنه مزنه تتقرب من صوب غدير و لاحظت شاب يالس يمشي ( سهيل ) سهيل تجمد من شاف مزنه ..
    و قال و بصوت واضح : انا هذا الغرشوب وين شايفه يا ربي ...؟؟
    غدير انتبهت له و شافت مزنه اللي عاقده بين حوايبها
    مزنه : < امنو ها خبل وله الشو ..؟<
    سهيل : هييييييه انته يا الغرشوب وين شايفك انا ..
    مزنه : خلاااااااص بتنفجر
    سهيل بلع السانه و يته رجفه فظيعه حدها
    سهيل: انتي اخت حمدان ....!!!!
    مزنه كرهت حياتها و تمت اتقول حق غدير : غربلات العدوى امشي امشي بسير يخبر عليه امااايااااااا
    سهيل: السموحه منج اختيه دخيليج لا اتخبرين حمدان
    مزنه و هو اتيود ايد غدير و تسحبها في المحل
    سهيل: يااااااا الله انته ما اتروم اتيود السانك يا سهيل ..!!! الشو بيظهرني من السان حمدان الحينه و هو مشيه .,.


    مزنه : يااااااا ويلي يااااااااا ويلي اذا درى حمدان
    غدير: اتحداج يخبره
    مزنه : و انتي الشو دراج الشباب هاليومين انذوله
    غدير: بتعلميني بهم و حادت خالد
    مزنه : هييييييه استووووب استوووب اعرف عن الشو اتفكرين ..
    غدير تنهدت : الله يعينا
    و شرت مزنه البدي و توجهوا صوب الحريم
    ##################


    ام عبدالله : شرفتوا
    ام حسن : مااااااااااااشاء الله بتخبركم تم شي في اجيوبكم انتو
    العنود : امايا ما خلونا نتشرى عدل
    ام حمدان : و بعد هب متشرين عدل
    ام سعد : شفتي عاد .. بنات هاليومين اذا شافوه شي و ما اشترواه يموتون
    الباجي : هههههههههههههههههههههههههههه



    البارتينـــــــــ ..طوالـــــــــــ ...ثحــــــــــــ ...يعني ما عندكمـــــــــــ عذر تطلبون بارت ثانيــــــــــــــ ...










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  7. #77
    عضو الماسي
    الصورة الرمزية $ سوسو $
    الحالة : $ سوسو $ غير متواجد حالياً
    رقم العضوية : 31253
    تاريخ التسجيل : 19-01-09
    الدولة : في عالم الاحلام ...
    الوظيفة : للاسف طالبة :(
    الجنـس : انثـى
    المشاركات : 2,218
    التقييم : 269
    Array
    MY SMS:

    لا تثق فأي حد دون ما تعرف ...ماضي ... من تجاربي في الحياة

    افتراضي رد: •●•● يوم الله بلاني بالحب بيت طفله صغيره ...


    تسلمين يالغلا عالبارت
    ونتريا الباجي
    والسموحة










    يلف الغيم ويتكون ويرسم في السماء رسمه ... رسم قلبي مع قلبك ونزلت دمعة ورها دمعة ... وحسيت بشعور الآهات ... وعرفت قيمة الفراق ... بعدها اختفى طيفك وتلاشى باقي الرسمه ... وكانت آخر حروفي ....................



    اشــــتـــــقـــــتـــ لــــــــكـــــ يــــــــا بــــعـــــــد عــــــمــــــريـــــ..

  8. #78
    عضو الماسي
    الصورة الرمزية الملثمة
    الحالة : الملثمة غير متواجد حالياً
    رقم العضوية : 5006
    تاريخ التسجيل : 26-02-08
    الدولة : المـــافيــا
    الوظيفة : النفس تــامر وأنــا ماني بطايعها .. والله عن الـ ع ــيب والمنقود يحميني ..
    الجنـس : انثـى
    المشاركات : 3,048
    التقييم : 864
    Array
    MY SMS:

    أدرت ظهري للكثيريــن .. ليس غرورا .. إنما خشية أن أتعارك مع صغــــار العقوؤول

    افتراضي رد: •●•● يوم الله بلاني بالحب بيت طفله صغيره ...


    شكرا ع البارتيييين يالغلا


    ننتظر الباجيــ << نطمع في المزيد ^^ خخخخ





    عنَد شعۆرگ بٱلضيقــَہ وٱلفرٱغ (ردد) لٱ إله إلا أنت سَبحٱنگ إنيّ گنتْ منَ ٱلظالمينْ


    " استغفر الله ../ كثر مآ اذنبت واخطيت
    واستغفر الله كثر ما { ضاق صدري ,’~

    و " استغفر الله ,،/ كل ما اصبحت وامسيت
    عن ذنب أدري عنه أو { عنه مآدري ..*~








  9. #79
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: •●•● يوم الله بلاني بالحب بيت طفله صغيره ...


    تسلمونـــــــــــ الشيوخـــــــ ع المرور الغاويــــــــــــــــ ...










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  10. #80
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    Cool رد: •●•● يوم الله بلاني بالحب بيت طفله صغيره ...


    ام حمدان : يلا سيروا اطلبوا لكم عشى و تعالوا اهنه
    مزنه : ان شاء الله امايا
    ام حمدان : هيه صح .. انا اتصلت في حمدان خله يطرش صالح شوفيه يمكن يوصل و ما يدل وين طولتنا
    مزنه : اوكيه يلا بنات
    اتحركوا البنات قسم راح كنتاكي و قسم راح مطعم بيروت يعني اتوزعوا
    مزنه و العنود و مريم واقفين عن كنتاكي وله يوصل جاسم و طلال وياهم صالح
    مزنه : اويه هذا هم العنود اتري الطلب بسير ادل صالح ع الطاوله وراجعه
    العنود : اوكيه
    تقربت مزنه من جاسم و طلال و ابتسم طلال يوم شاف مزنه
    مزنه : صويلح هناك الطاوله قسم العوائل
    صالح : اولا اسمي صالح مزنوووه و ثانيا اتكملي معاي عدل يا حماره
    مزنه : انا حماره ما عليه يا الطفس
    صالح : انا طفس يا ام كشه
    مزنه : اللي يتضويك ام كشه اوكيه
    صالح : عاااادي حرمتي و راضي بها
    جاسم ضرب صالح ع راسه : هيه انته خل نحن انعرس اول عقب تعال ارمس انته ياللي للحينه ما ظهرت من البيضه
    طلال : هههههههههههههههههههههههههههههههههههههههههههه
    صالح : تضحك علي ها طلال ما عليه بوريك
    طلال : لا و الله ما اضحك عليك
    مزنه : لا يضحك عليك الشو بتسوي يعني
    جاسم : اقول مزنه عن الرمسه الزايده و شيلي ها البعبع و وديه عند امه
    مزنه : ان شاء الله
    جاسم : ما ادري من وين هذا الادب نازل بس ربي يثبج
    مزنه : والله مبونه انا متربيه .. و الله شاك في تربيه ابوك
    جاسم : محشومه محشومه
    مزنه : اتحريت
    و لفت عنه و صلت صالح عند امه
    ام حمدان : الشو تبى من كنتاكي صلوح حبيبي
    مزنه : هييييييه هو حبيبي و انا ..!!
    ام سعد : بسم الله عليج مزنه اتغارين
    مزنه جاااااان تتفشل
    ام حمدان : ههههههه و انته حبيبه قلبي بعد
    مزنه استحت
    صالح : ابي زجر سبريم
    ام حمدان اتظهر بيزات من شنطتها و اتمدها ع مزنه
    ام حمدان : خذي حبيتي اشتري حق اخوج
    مزنه : ان شاء الله امايا و ردت عند البنات ولا اتشوفهم شالين الطلبيه
    مريم : وين يايه خلاص ارجعي
    مزنه : لا انا بطلب حق صويلح و بي
    العنود : ارجع لج
    مزنه : هيه وصلي الاكل و ارجعي
    وقفت مزنه و طلبت و يالسه تترى و تسمع همس من ورها
    ....!!: اليوم من حضي الحلو اني يت المول ...
    مزنه ما التفت
    !!: اااااخ تدرين ادوخين الواحد يوم يشوفج
    مزنه استغربت وله ع البال تتحرى يرمس حد في الفون
    ....: ردي علي بلاج صاخه مستحيه ... لا تستحين خلاص انتي سرقتي القلب و ربي
    مزنه : غمضت اعيونها اتخاف اتلف تعطيه كم كلمه و تتقفط و يطلع يرمس في الفون و له اشويه حد يضرب جتفها خلاص كانت ناويه تعطيه كف ع ويه وتظهر العنود
    مزنه : تدرين انج حماره زيغتني
    العنود : وليش زايغه
    مزنه تمت تتلفت يمين يسار وله اتحصل وايد يمها واقف و يبتسم اثاري كان يمها
    مزنه : تبى اتقول حق العنود بس هب عارفه كيف
    العنود : الشو بلاج و يهج جيه .....!!! ليش ترتجفبن مزنوه بلاج خبلتي بي
    مزنه : اتاشر بعيونها ع الشاب اللي يمها
    العنود فهمتها ع الطاير
    و تمت ساكته مده ايدها مزنه و خذت الطلب و بدت تمشى و مشى ورها
    !!: ابليز خذي الرقم الله يخليج
    العنود : مزنوه خليني الف و العن خيره الشو فاكر عمره
    !!: دخيليج شيلي الرقم
    وله تسمع صوت رجولي قوي .. شديد
    سهيل : انته باي حق اتلاحق بنات الناس ...؟؟؟
    مزنه التفت و قالت : كملت و الله كملت
    سهيل حتى ما يعرف اسم مزنه كل اللي قاله : انتي اتحركي من اهنه يلا
    ..!!: السموحه الشيخ سامحني و الله ما اعيدها ما كنت ادري انها اختك
    سهيل: يعني لو كنت اتعرف بتخلها يا النذل
    !!!: بلا فضايح الله يخليك
    سهيل : تف عليك و راح عنه

    سهيل يتصل في حمدان

    حمدان : ههههههههه خلاص الموعد الغرامي
    سهيل حط ايده ع خده ههههههه هيه انتهى بكف يدام الخلق
    حمدان : افى بس افى ليش
    سهيل: الشو اسوي يت اربيعتي الثانيه و جان اتقول يقلد صوتها ..<< سهيل امنو هاي <<
    جان اللي عندي تصفعني كف و اتنش دون حتى ما تفهم السالفه قول زين ما كان فيه شي ع الطاوله
    حمدان : هههههههههههههههههههههههههههههههههههههههههههههههههه هههههه
    سهيل : وين انتو
    حمدان : نحن يالسين في الكوفي
    سهيل: تنهد في خاطره و قال اللحمد الله .. الحينه ياي حقكم



    مزنه ع اعصابها و اتخاف هذا اللي ما اتعرف شو اسمه يخبر عليها

    ام حمدان : حبيبتي بلاج ما تاكلين
    مزنه : كلت كلت
    ام حسن : لا يا ام حمدان ما اتصير هاي الرمسه .. لازم اتشوفين بنتج بلاها جسمها هب طبيعي
    ام حمدان : هيه و الله
    مزنه : ما بلاني شي
    ام حمدان : الا بلاج انا اخاف برنامج اوبرا يستضيفج شرات هذيله اللي اعمارهم بالعشرين و شكلهم يبن نهايه ال 100 سنه لانهم ما ياكلون
    مزنه : امايا لا اتفولين عليه
    ام حمدان : ههههههه فديت روحج و الله

    رن تلفون ام حمدان
    ام حمدان : هلا حبيبي هيه خلصنا و انتو
    انزين يلا بنرد البيت مع السلامه
    ام حمدان : يلا بنات الشباب خلصوا
    ام سعد : ها انزين بتمرون الحديقه
    ام حسن : لا و الله ما فينا يا ام سعد تعانين و باجر نبى الرد ابيوتنا
    ام سعد : ويييه لا اتحيدنا يا ام حسن يضيق خاطري مونسينا و الله
    ام حمدان : هيه و الله
    ام حسن : و نحن بعد بس الشو انسوي الامتحانات خلاص قريبه ان شاء في عطلته نص السنه بني و بتونا
    الجميع : ان شاء الله
    و نشوا و كل واحد سار بيته


    في بيت ام سعد اول ما وصلوا

    ام سعد : طلال تعال ابغاك
    طلال : نعم امايا
    ام سعد : ايلس
    طلال : ان شاء الله
    ام سعد : شوفي يا ولدي انا سرت خطبت لك ساره اليوم
    طلال : الشو خطبتي ساره امايا كيف اتسوين جيه ....؟؟؟؟؟؟ كيف انا هب متفق وياج انج ما اتسيرين تخطبنها الا بعد الثونيه
    ام سعد : انا حيرتها بس عسب البنت ما اتطير من ايدنا
    طلال : و الشو رايج انا الحينه ما ابغها و نش و بدى يركب ع الدري
    ام سعد : لعب يهال اهو انا خلاص رمست خالتك و ماشي غير ساره ..
    طلال : امايا تصبحين ع خير و حدر غرفته و محرج و سكر ستارته و نام

    في بيت ام حمدان الشباب يلسوا يلعبون سوني

    و الحريم و الراييل ناموا اما البنات و ما ادراك ما البنات سوى عرض ازياء في اللي اشترواه و عقب حسوا بالتعب و ناموا و غدير و مزنه يتريون من متى البنات ينامون

    غدير : اتصل
    مزنه : توكلي ع الله

    << رنه كلاسيك <
    خالد و هو يمشي بسرعه
    جاسم : ع وين
    خالد : ياي ياي
    خالد : الو
    غدير: الو
    خالد : خير
    غدير: حرام اللي اتسويه فيني يا خالد اليوم ما عبرتني وله بنظره
    خالد : انا ما فهمتج من قبل ما ابغى حد يدري و خصيصا مزنه
    غدير : وليش مزنه ...؟؟
    خالد: جيه
    غدير: انزين انا سويت اللي طلبته
    خالد: و الشو هو ؟
    غدير: قلت حق مزنه انه السالفه كلها مقلب
    خالد : و صدقت
    غدير: ما ادري بس اعتقد هيه
    خالد : هيه جيه الحينه انتي حبيبه قلبي
    غدير: جب جب
    خالد : افى
    غدير: و الله ماشفتني و انا اصيح اليوم
    خالد : ااااخ و الله هب في ايدي من خوفي عليج تدرين لو حد درى عنا انا هب خايف ع عمري خايف عليج من اخوانج حسن و سالم
    غدير كانها فهمت ليش هالخوف ..
    غدير: انا اسفه
    خالد : و انا بعد اسف ....يلا انا بخليج
    غدير : اوكيه تصبح ع خير
    خالد : احبج
    غدير سكرت التلفون ع ويه

    نهايه الجزء السابع


    شو توقعاتكم ...؟

    طلال و امه ...؟؟

    ساره و سالم ..؟
    سالم و خلود ... بدوم حياتهم وله بطلقون قبل الزواج ...؟؟










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


صفحة 8 من 25 الأولىالأولى ... 34567891011121318 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. آنْهَضَّ ●● وَحَآرِبُ آحْزَآنَكَ بِـ فُرْشَآةِ ●● قَوُسُ قُوْزَحٌ ..
    بواسطة خطآك ضيع غلآك في المنتدى المنتدى العام General Forum
    مشاركات: 6
    آخر مشاركة: 16-09-28, 01:36 AM
  2. ●● يَاشِينَها لاطَاحْ .. دَمعْ الاكابرْ / .. يَاهيِ كبَيره فيْ عُيون العَصافير ●●
    بواسطة ~ۈلڍ ژآېڍ~ في المنتدى معرض المواهب و الابداع Fair talent and creativity
    مشاركات: 12
    آخر مشاركة: 14-11-27, 10:21 AM
  3. ●●● ][ أفتـــح البـــاب أدخـــل ثـــم أخـــرج ][ ●●● ,,,
    بواسطة الاماراتـي في المنتدى المنتدى العام General Forum
    مشاركات: 14
    آخر مشاركة: 14-01-30, 09:09 PM
  4. يوم الله بلاني بالحب حبيت...طفله--إماراتيه
    بواسطة 3lawy في المنتدى قصص الطويلة , الروايات
    مشاركات: 5
    آخر مشاركة: 13-09-18, 03:47 PM
  5. :.|!|●●●● عِندَمآ تكَوُن الحَيآهْ مُجرَد نُقط ●●●●|!|.:.
    بواسطة UAE الامارات في المنتدى المنتدى العام General Forum
    مشاركات: 11
    آخر مشاركة: 13-06-19, 08:12 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •