تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 5 من 5
  1. #1
    :: عضوية VIP ::
    الصورة الرمزية غلاوي الكويت
    الحالة : غلاوي الكويت غير متواجد حالياً
    رقم العضوية : 12636
    تاريخ التسجيل : 07-04-08
    الدولة : كويتيه ^^
    الوظيفة : بنت جاامعه...×
    الجنـس : انثـى
    المشاركات : 1,075
    التقييم : 400
    Array
    MY SMS:

    إيش اسۉي بقلبن سآڪنن دآرڪ

    Cool أنا + وقتي + نسبة \ ثانوية عامة \ جامعة \ معدل \ تخرج .... = Disaster =| !!




    السلام عليكم عسولات =) ..


    كيفكم ؟ ايش اخباركم ؟ عساكم بخير وعافية يآرب




    أحس موضوعي جا متأخر حبتين

    .. لأنه بدينا دراسة من زمان


    معليش لو مافادكم الحين يفيدكم السنة الجاية



    :


    كثير منا تعذب علبال مايتأقلم عالدراسة وياخذ عالجو =|


    ولسا مو مستوعبين ان الامتحانات قرَبت وجانا الموت >_<


    وفي هذه الأثناء .. احنا لا في سما ولا في أرض

    .. لا اللي مهتمين بنفسنا ولا اللي شادين حيلنا
    بالعربي إحنا في كآآرثة =S


    في هالموضوع نبغى نرتب أوراقنا سوا .. بنتكلم عن عنايتك بنفسك وتنظيمك لوقتك




    و كيف تجيبي أعلى معدل بإذن الله .. سواء كنتي في الجامعة أو في المدرسة







    كعادتنا مانتغيَر .. نهتم بنفسنا اسبوعين ونطنش عشرة شهور




    ولما جا الدوام قعدنا نتحجج فيه وانه يادوب نلحق ندرس ولا نعتني بنفسنا ولا نختبر.. ولا ..ولا ..




    عشان كذا .. بنحط جدول عناية بسيط .. نمشي عليه لحد مايفرجها ربي ونفضى ..




    :


    خلينا نشوف ايش اللي يبغاله عناية


    :


    أول شي نتكلم عن العناية الخارجية ( شعرك + أظافرك + وجهك + جسمك )


    بعدين العناية الداخلية ( مشاعرك + و روحك )







    وجهك , شعرك , أظافرك , وجسمك .. أكثر شي يميزك كأنثى ويعطيك الجمال ..




    لما تهمليهم بتحسي انك مو تمام و بينك وبين نفسك تقولي:
    " يالله كل البنات حلوين الا أنا حالتي حالة


    "
    فيه أشياء نسويها دايماً ومن أساسيات حياتنا .. بنضيف عليها أشياء ونخليهم كلهم ..( روتين )




    :


    الشعر :
    ~ مرة في الأسبوع .. سويله ماسك أو زيتيه .. يعني اسبوع ماسك , والاسبوع اللي بعده زيت .


    الوجه:


    نظافته:
    ~ مرتين في اليوم تغسليه بغسول منظف , تمسحي وجهك بتونيك وتحطي كريم مرطب أو واقي شمس , و في الليل كريم الهالات اذا حابه ..مع انه اكثر شي يتنسى.
    ~ سوي مقشر للوجه وقناع .. مره في الاسبوع.



    الرؤوس السوداء :
    ~ أسرع حل انك تستخدمي أشرطة تنقية مسام الأنف من T-Zone مرة كل اسبوعين أو على حسب بشرتك.







    شفايفك:
    ~ حطي فاازليـن أو مرطب كل ماشفتي وجهك في المراية.


    أسنانك:
    ~ فرشيها 3 مرات في اليوم وبين فترة وفترة أفركيها بليمونه .


    الأظافر:
    ~ أحلى وقت لما تجيك البريود .. جيبي شنطة الأظافر .. وابدي قصيها و ابرديها ..شيلي الجلد الميت بعدين لمعيها


    وحطي فازلين شوي او زيت اللوز اللي من بودي شوب .. وحطي مناكير =)
    طبعاً رجولك ويدينك مع بعض.


    ~ بعد ماتخلص البريود .. اذا كانت أظافرك طويلة و مو بيضا قصيها تطلع أرتب وأنظف وابرديها اذا احتاجت.. وركزوا على أظافر رجولكم





    يدينك ورجلينك :
    ~ كل يوم لازم تدهنيهم بكريم أو لوشن مرطب مايكون خفيف.. واشتري كريمات صغيره وخلي وحدة بشنطة الجامعة ووحدة بشنطة السوق وكل ماغسلتي يدك حطي كريم.


    ~ لاحظت لما تلبسي صندل أو بالرينا في الخرجات وتمشي حافية في البيت .. تفقد رجولك رطوبتها وتسير ناشفة وتخشخش =\ واحنا لساتنا صغار لازم رجولنا تسير ناعمه زي البيبي.


    لذلك ادهنيهم و البسي شراب أو سليبرز (شبشب بيت). ولما تطلعي يفضَل انك تلبسي جزمة رياضة.



    جسمك :
    ~ مره في الأسبوع سوي سكرب مقشر لجسمك.. وبالنسبة لإزالة الشعر ..
    خليها بعد البيريود بالمرة ..





    ~ لما تاخذي شاور .. خذي اللوشن والعطر والباودر جوا الحمام –الله يكرمكم-
    حطي اللوشن على جسمك وهو رطب عشان تمسك فيه الرطوبه. ورشي العطر من بعيد و بعدين الباودر المعطره ..ويا سلآم على ريحتك بعدها ..



    صحتك :
    ~ قللي من الفاست فود والبطاطس =( << قولي لنفسك


    ..
    ~ واشربي مويه كثيــر .. سوي رياضة أو امشي أو ارقصي مرتين في الاسبوع

    :

    مشآعرك مهم انك تهتمي فيها زي أي شي ثاني.. لأنه لو كانت ضعيفة و تعبانة ماراح تتحمل أي موقف يواجهها وبتنهار في أقرب فرصة






    نفرض انك مضغووطة من الدراسة بعدين صارتلك مشكلة مع صديقتك..


    و اليوم الثاني تضاربتي مع أبوك لسبب من الأسباب..

    نهاية الأسبوع يجيك خبر ان بنت عمتك صارلها حادث ودخلت المستشفى



    وماننسى أن عندك اختبار نهائي يوم السبت




    كيف بتكون حالتك هذاك الوقت !



    هالأحداث تسير وكلنا واجهنا ظروف شبيهه وكنا في أسوأ حالاتنا..
    من أرق , تعب , ارهاق , تفكير , بكاء ...




    احنا نبغى نريح مشاعرنا عشان لما نواجه ظروف صعبة تكون عندنا قابلية للتحمل




    انك تريحي مشاعرك شي مو صعب .. المهم انك ماتحملينها فوق طاقتها ..

    تحاولي تبعدي نفسك الأشياء اللي تعصبك وتنكد عليك .. تحاولي تكوني باردة في بعض الأمور




    لو كنتي من النوع اللي يأثر فيك كلام الناس لاتدققي كثير في كلامهم


    – مومعناتها انك تكتمينها في قلبك-
    فضفضي وابكي وطلعي كل اللي في قلبك لأحد تثقين فيه


    ..وحتى لو لمخدتك ودبدوبك ودفترك =

    عيشي لحظتك واستمتعي فيها.. لاتنكدي على نفسك.. ولاتشيلين هم كل العالم
    الواحد يادوب يشيل هم نفسه..




    برضه لاتضغطي على نفسك بهالخصوص..



    يعني مشاعرنا مو على كيفنا متى مابغينا نضحك ضحكنا!
    عطيها وقتها اذا كانت تعبانه.. واذا كنتي مبسوطة انبسطي اكثر.. سوي دايماً الأشياء اللي تفرحك
    حتى لوكانت بسيطة..




    زي تدلعي نفسك وتعبي البانيو وتسترخي فيه .. لما تخلصي تتعطري و تلبسي بجامه تحبيها ..
    وتشغلي الأباجوره وتقري قصة أو تفتحي دفترك تكتبي فيه ..




    لاتستهينوا بهالأشياء من جد تروق الأعصآآب .. وتريحك من الهموم .. أقلها بتقومي اليوم الثاني كلك حيوية ونشاط .


    لما تمر علينا هذي الأزمات نفقد بسببها توازننا وتسيطر علينا حالات الإكتئاب بكل أشكالها ..
    فـ نحتاج أننا نقوي إيماننا وصلتنا بربنا ..





    ., حصَني نفسك من كل شي ..



    سبحآن الله.. أذكار الصباح والمساء لها حكمة ولها أهمية نجهلها ..




    انتي لو تمعنتي فيها وفي كل دعاء تقوليه بتعرفي ان ربي حماك من أشياء ومصايب كثيـر ممكن تكون في يومك..


    خلينا نقرا بعضهم ..


    " اللهم عافني في بدني. اللهم عافني في سمعي.
    اللهم عافني في بصري. لا إله إلا أنت اللهم إني أعوذ بك من الكفر والفقر ومن عذاب القبر لا إله إلا أنت ".

    هنا تسألي ربك يعافي سمعك وبصرك وبدنك.. ممكن مقدَر لك في يوم انه يصيبك تمزق في الشبكية أو يصيبك مرض مزمن في جسمك


    .
    ممكن كانت بتجيبكم أزمة مالية أو كنت بتسوي عمل يؤدي للكفر وانتي ماتدري- لا قدر الله -
    وبهذا الدعاء ربي أبعدهم عنك





    " اللهم إني أسألك علماً نافعاً و رزقاً طيباً وعملاً متقبلاً"

    هنا تطلبي من ربي العلم اللي ينفعك و الرزق الحلال والعمل المتقبَل
    لأنه دايماً الإنسان يدعي ربه " اللهم اني اعوذ بك من علمٍ لاينفع ومن عملٍ لايرفع "
    ايش فايدة ان عمرك يضيع بعمل ربي مايقبله منك





    " اللهم إني أسألك العفو والعافية في الدنيا والآخرة.
    اللهم إني أسألك العفو و العافية في ديني ودنياي و أهلي ومالي.
    اللهم استر عوراتي وآمن روعاتي. اللهم احفظني من بين يدي ومن خلفي.
    وعن يميني وعن شمالي ومن فوقي وأعوذ بعظمتك أن أغتال من تحتي "

    هذا الدعاء مايحتاج اشرحه =( .. الله لايروعنا بعزيز ويحفظنا من كل شر



    " اللهم عالم الغيب والشهادة فاطر السماوات والأرض.
    ربَ كل شيءٍ ومليكه. أشهد أن لا إله إلا أنت أعوذ بك من شر نفسي
    ومن شر الشيطان وشركه وأن أقترف على نفسي سوءاً أو أجرَه إلى مسلم "

    تسألين ربك أنه يعيذك من شر نفسك ومن الشياطين .. ومايخليك تجرين الشر لأي مسلم وتاخذين إثمه.




    :

    ., يوم قريناها سوا .. ماتحسوا كأنكم أول مرة تقرونها ؟




    بعد آخر الأزمات اللي مريت فيها .. قعدت اراجع نفسي.. الأيام اللي صارتلي فيها المصايب
    ماكنت قاريه أذكاري .. لا صباح ولا مساء



    صحيح قضاء الله وقدره .. لكن الواحد ممكن يدفع السوء بالدعاء..


    نسبة \ ثانوية عامة \ جامعة \ معدل \ تخرج.... والقائمة تطول =(

    كلها هموم على القلب =| احنا بس نقول الله يلطف بحالنا مانبي من هالدنيا غير حسن الخاتمة


    المهم ..

    عشان تسهل دراستك .. لازم تكون لك طريقة في المذاكرة.. كثير يقولون احنا نذاكر ونتعب نفسنا اخرتها مانجااوب =\

    عشان تضمني انك تحلي كويس وتضمني ان شاء الله معدل أو نسبة ترفع الراس ..

    هذي استراتيجيات تعلمتها وانا ادرس والحمدلله ماشية تمام التمام معاها ..

    :


    أتذكر وحدة من معلماتي في المتوسط الله يذكرها بالخير.. قالتلنا ..


    ليه دايماً في الاختبارات ماتطلع منك الإجابة .. مع انك عااارفة المعلومة ومذاكرتها
    لدرجة انك حافظة رقم الصفحة بس هي مو رااضية تطلع عالورقة !


    ليـه؟؟


    لأنك مادخلتي المعلومة لمخك صح .. دخلتيها وانحاست مع المعلومات الثانية ..



    تخيلي انه دولابك مقربع .. وانتي مستعجلــة تبغي البلوزة البيضا
    ومتأكدة مليون في المية أنه أمس شاايفتها بعينك .. مع ذلك تحوسين أبو الدولاب
    .. وماتلاقينها ! خيييير وين رااحت !!


    الحين تخيلي لو كان دولابك مرتب .. البلوزات مع بعض والبنطلونات مع بعض وكل شي في مكانه ..
    تبغي البلوزة البيضا.. علطول تاخذينها وتروحي العزيمة




    هذا زي مخك تماماً



    لو مارتبتي المعلومات وصنفتيهم ماراح تلقينهم بسهولة



    مثلاً .. لو فتحتي الفصل الأول .. قريتي كم كلمة بعدين خذيتي الاوراق ذاكرتي منها


    بعدين رجعتي للفصل الأول .. فجأة أحد دق عليك .. خلصتي منه .. تروحين للفصل اللي بعده ..
    ماعجبك مره .. قمتي للصالة


    فتحتي الفصول الأخيرة تذاكريها ..


    ( هنا سارت حوسة معلومات
    )


    أما لو جلستي .. وفتحي الفصول وشفتي عناوينها
    وقلتي لنفسك الحين بذاكر فصل كذا وكذا
    وبدأني تذاكريه ..و خلصتي منه .. و راجعتي ايش ذاكرتي ..


    مثلاً ..
    هالفصل كان يتكلم عن الضوء ( تعريفه , تطبيقاته , مسائل ) ..
    التعاريف كانت 5 ( كذا وكذا ....) والتطبيقات عليه كان جهازين ( ....و ....) والمسائل
    3 قوانين .. الاول .... و الثاني ... والثالث .....



    بهالطريقة بتترتب معلوماتك ..

    :


    الاستراتيجيات اللي تساعدك في المذاكرة :


    خطة الدراسة





    سويلك خطة دراسة اكتبي فيها الفصول و الدروس .. وحطيها قدامك.. ميزتها انك تقسمي وقتك وتعرفين بالضبط ايش وراك..




    هذا مثال لخطة دراستي لما كنت بالثانوي .. احلى شي لما تخلصين من فصل تشخمطيـن عليه من قلب.


    :



    Mind Map




    الصور ترسخ في المخ أكثر من الكلام ..


    إذا بصعوبة تحفظي الدرس .. والمعلومات كثيرة ومتشعبة ..
    استخدمي (المايند ماب) أو (الخريطة الذهنية)..




    ارسمي الصور اللي تعبر عن المعلومة عشان ترتبط في بالك .
    .فـ لما يجي الاختبار تتذكري الصور اللي راسمتها وعلطول تتذكري التعاريف والكلام..


    لها كتاب خاص لطريقتها بالتفصيل.. اسمه ( الخريطة الذهنية خطوة بخطوة- نجيب الرفاعي)


    بس مايحتاج تاخذي الكتاب.. ممكن تلقين معلومات عنه في جوجل






    :



    التلخيص







    التلخيص مهــم


    .. أستغرب ماشاءالله عالبنات اللي يقدروا يذاكروا من الكتاب




    اجمعي كل التعاريف مع بعض في ورقة . وكل القوانين في ورقة. وكل المصطلحات في ورقة ..


    والأسئلة في ورقة. عشان تترتب معلوماتك زي ماقلنا..
    وكمان عشان تاخذي المهم والزبدة




    لما تفتحي الكتاب وهو كلله معلومات.. تركيزك بيقل .. تذاكرين ايش ولا ايش..



    بس لما كلهم في ورقة .. راح يسهل عليك




    زمان في الثانوي كنت ألخص وكل ماشافني أحد قالي ..
    آآه هوني مرره فاااضية .يختي ذاكري من الكتاب




    صح كانت تاخذ وقت مني .. بس الحمدلله مرره أرتااح في الاختبارات


    وأخلص مذاكرة بسرعة




    هذي الصورة لملخص فيزياء


    .. الحين في الجامعة مافي وقت زي أول فألخص بيدي..
    :








    الوقت أهم شي بنتعامل معاه..




    تتذكروا في دورة غيرلي حياتي .. جبتلكم سيرة الـNotebook ..






    زمان قلتلكم اذا يريحكم استخدموه .. لكن الحين في الدراسة مهم تستخدميه ..




    كل شوي يقولوا عندكم كويز .. عندكم اختبار .. وكل واحد في تاريخ ..



    لوحطيتيتهم في اوراق بتضيع .. ولو كتبتيهم عالكتاب ممكن تنسي..




    بس النوت .. مقسم الشهور والأسابيع .. وبيكون مرتب وتعرفين ايش الاختبارات



    اللي ورا بعض وايش وراك هالأسبوع من تسليم مشاريع وبحوث أو مذاكرة




    اللي ماجربوها قبل كذا .. بقولكم كيف تستخدمونها..



    :


    الـ Notebook هو الدفتر الصغير اللي دايماً نشوفه في المكتبات وأشكاله تجنن




    ..
    يستخدم لتنظيم الوقت والمواعيد .. بالذات اذا كان جدولك مليآن ..




    :


    يحتوي على :
    التقويم السنوي , خطة سنوية , خطة شهرية , خطة أسبوعية , ورق ملاحظات


    خلينا نشوف نظرة عن قرب









    Monthly plan ( الخطة الشهرية )


    كل صفحة فيها شهر مقسمة لأسابيع .. تكتبي فيها مهام الأسبوع من اختبارات وطلعات وبيرثدايز .. مواعيد ..الخ


    Weekly plan ( الخطة الأسبوعية )


    الأسبوع مقسم لأيام.. وكل يوم تكتبين المهام اللي عليك .. زي مانتوا شايفين في الصفحة الوردية ..
    بعض النوت يكون معاها ستيكرز .. تحطينها عالمربعات













    هذي النوت غير عن اللي فوق فيها Yearly plan ( خطة سنوية ) ..


    هنا تكتبي أهداف كل شهر وايش تبغي تنجزي فيهم.. الأقسام ممكن تختلف اختلاف بسيط بين وحدة والثانية..




    انتوا شايفين تاريخ الكالندر
    !! ههههههههه





    وبـــٌٌٌٌٌــــــــــــــــــــــس

    There's no time limit. Start whenever you want. You can change or stay the same.
    There are no rules to this thing. We can make the best or the worst of it;
    I hope you make the best of it. I hope so


    بإمكاننا نتغير وبإمكاننا نبقى زي ما إحنا.. الوقت مو محدود نقدر نبدأ متى مانبغى
    بإمكاننا نحقق الأفضل أو الأسوأ ..
    وأتمنى انك تحققي الأفضل دايماً =)




    :

    شاركوني آرائكم و تجاربكم مع ( الوقت , نسبة \ ثانوية عامة \ جامعة \ معدل \ تخرج .... , عنايتك ) ..



    اتمنى الموضوع يكون غني بردودكم .. و لاتقتصروا على رد مختصر إذا ممكن =)

    مابغى منكم غير دعوة صادقة


    ..
    موضوع مما راااق لي

    (( منقووول نصياااا ))







    اشتقت لكم يا اصدقائي القدامى
    وراجعه بقوه

  2. #2
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: أنا + وقتي + نسبة \ ثانوية عامة \ جامعة \ معدل \ تخرج .... = Disaster =| !!


    اتذكرر كلام اختي :: مقتبس من كلام مديرة المدرسة يوم كانت ثانوية عامة::

    لا تقولين ماشي وقت ..لاتخلين الوقت يتحكم فيج ..أنتي تحكمي ف الوقت ..

    كوني ديبلوماسية ف تنظيم وقتج ..

    تسلمين ع النصائح ..انا ف الاجازة ما اعطي سالفة حق ويهي و شعري فمابال وقت الامتحانات خخخ

    ثانكيوووو





    التعديل الأخير تم بواسطة المبرمجة ; 09-05-04 الساعة 02:14 PM

  3. #3
    كــآســر آلهــم
    الصورة الرمزية amir257
    الحالة : amir257 غير متواجد حالياً
    رقم العضوية : 101
    تاريخ التسجيل : 11-01-08
    الدولة : امآرآتي و آفتخر .
    الجنـس : ذكـر
    المشاركات : 9,767
    التقييم : 1974
    Array
    MY SMS:

    كل إنسان معطاء .. هو إنسان محب

    افتراضي رد: أنا + وقتي + نسبة \ ثانوية عامة \ جامعة \ معدل \ تخرج .... = Disaster =| !!


    There's no time limit
    ذكرني باخطاء السيرفرات

    شكرا ع الموضوع الطر < وش لازنك







  4. #4
    عضو نشيط
    الصورة الرمزية دلوعة ومزيونه
    الحالة : دلوعة ومزيونه غير متواجد حالياً
    رقم العضوية : 34937
    تاريخ التسجيل : 25-03-09
    الجنـس : انثـى
    المشاركات : 57
    التقييم : 10
    Array

    افتراضي رد: أنا + وقتي + نسبة \ ثانوية عامة \ جامعة \ معدل \ تخرج .... = Disaster =| !!


    يسلمووووووووووووووووووووو ع الموضوع





    سبحان الله ....
    الحمدلله ...
    الله اكـــبر ...
    لا الة الا الله ...

  5. #5
    :: عضوية VIP ::
    الصورة الرمزية غلاوي الكويت
    الحالة : غلاوي الكويت غير متواجد حالياً
    رقم العضوية : 12636
    تاريخ التسجيل : 07-04-08
    الدولة : كويتيه ^^
    الوظيفة : بنت جاامعه...×
    الجنـس : انثـى
    المشاركات : 1,075
    التقييم : 400
    Array
    MY SMS:

    إيش اسۉي بقلبن سآڪنن دآرڪ

    افتراضي رد: أنا + وقتي + نسبة \ ثانوية عامة \ جامعة \ معدل \ تخرج .... = Disaster =| !!


    تسلمون ع الردوود.. لا افا حياك امير.. خخخ,,





    اشتقت لكم يا اصدقائي القدامى
    وراجعه بقوه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. موقع منطقة الفجيرة التعليمية .. امتحانات ثانوية عامة للقسم الأدبي + علمي / للصف 12
    بواسطة حوريةالبحر في المنتدى منتدى الادارة المدرسية الامارات
    مشاركات: 6
    آخر مشاركة: 16-03-05, 12:15 PM
  2. نهاية ليلة ليلاء X ثانوية عامة
    بواسطة بنت العين 2 في المنتدى قصص الطويلة , الروايات
    مشاركات: 7
    آخر مشاركة: 12-07-31, 07:26 PM
  3. تقرير عن Healthy Food \\\ الطعام الصحي .. ثانوية عامة
    بواسطة الادارة في المنتدى اللغة الانكليزية English
    مشاركات: 61
    آخر مشاركة: 10-05-05, 04:34 PM
  4. مشاركات: 8
    آخر مشاركة: 09-08-06, 10:13 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •