الى كل من يشكي فراق حبيب
الى كل من سافر له عزيز
الى كل القلوب المعذبه
في ظلمة الشوق
أهدي

قلبها عندي


قول لي وش قصه الدمعة
وسط عينك قبل لا أسافر
قال حبة رمل في عيني
قلت تبكي
قال ما ابكي
قلت تبكي شحقة تكابر
قال لي عادي وشو يعني
شنهو يعني لو تبي تسافر
قلت أمشي ؟
قال لي إمشي
قلت بس دمعك بدا يهمي
قال لي عادي بديت ابكي
هذا دمع الفرح ببعادك
قلت فرحانه وانا احسب
ان هذا الدمع بفراقي
قالت ابعد ما اريد ابكي
يكفي منك بعدك القاسي
قلت متحسرة على بعدي؟
قالت انته ما تحس والله
إيه أبكي لنك تغادر
ابكي م الحرقة وفي قلبي
يشتعل بركان ببعادك
أبعد أكثر قبل لا أضمك
ودي جسمي يحتضن جسمك
يالله إبعد روح ما ودي
ثوبك الابيض يجيه دمي
صرت ابكي دم من بعدك
قبل لا ترحل أو تهاجر
قلت كل هذا لجل بعدي
قالت يعني ما تدري قدر حبك
أنته روحي تدري شو يعني
إنه روحي مني تغادر
قلت أدري يا بعد كلي
أدري انه الموت في بعدي
ومثل موتك يا هنا قلبي
ومن 3 ايام يا عمري
غاب نبض القلب من جسمي
قلبي ميت قبل لا اغادر
خبري قلبي إذا تدري
كيف يحيا من بعد موته
قالت اقرب
قلت طوع امرك
حطت إيديها على قلبي
وحط ايدك انته ع قلبي
هذا قلبي حطه بصدرك
وانته قلبك عندي بصدري
قلت امانه ؟
قالت وربي
ما أخونك إلا بكفاني
وأفترقنا وقلبها عندي
ما احس بغربه في غيابي
قلبها عندي يدفيني
وسط برد الليل والظلمه
إهيا نوري وكل ما املك
يا عسا ربي يخليها
البشر يبكون م الفرقا
إلا انا مستريح وقلبها عندي



للامانه منقول