تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 10 من 28 الأولىالأولى ... 5678910111213141520 ... الأخيرةالأخيرة
النتائج 91 إلى 100 من 274
  1. #91
    عضو فضي
    الصورة الرمزية فالدي
    الحالة : فالدي غير متواجد حالياً
    رقم العضوية : 39471
    تاريخ التسجيل : 17-06-09
    الجنـس : ذكـر
    المشاركات : 279
    التقييم : 59
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مشكورة










  2. #92
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مسكت فونهــآآ ودقت لسعيد
    سعيد كان راقد بسابع نومه وتلفونه يرن وهو هب حاس
    وعليه يالسه تصيح زياده عساس انه سعيد ما يرد : ياربي سعيد هب وقته ليش ما ترد علي حرام عليك انا محتايه لك الحين وما استسلمت وتمت ادق
    سعيد من زود ما فونه كان يرن فز من رقاده : بسم الله الرحمن الرحيم امنو اللي يتصل بهالحزه ؟ولا يشل فونه وهو مغمض ويشوف رقم عليه ويرد عليها
    عليه : آلوووووو سعيد ليش ما ترد علي حرام عليك
    سعيد : بلاج علايه انا كنت راقد شو فيج وعيتيني من رقاد
    عليه : ها وعيتك اوي نسيت انه الساعه عندكم 3 الفير والله اني اسفه خلاص عيل بسد السموحه ع الازعاج
    سعيد : لا لا لا علايه خلاص وعيتيني الحين شو الفايده تعالي صح ليش صوتج متغير لا يكون بعد تصيحين
    عليه : سعيد سلطان طلقني وتزيد بصياحهـأأ
    سعيد هب مستوعب : ها شو تقولين هالخايس طلقج مالت عليه خل يولي ردي البلاد وانا بحطج بعيني
    عليه : سعيد بيعايروني المطلقه المطلقه كل ما رحت مكان بيقولون اني مطلقه سعيد تخيل قلت له طلقني ع طول قال طالق والله والله صدمني انا تعبانه بمووت ما اقدر اتحمل اللي قاعد يصير لي
    سعيد : هب العيب فيج العيب كان فيه ما عليج سوي طاف حق الناس لا تقولين جي يالله ردي البلاد وابدي حياتج من يديد وانسي هالظالم بي اليوم اللي يصيح به دم عسب ترديله
    عليه : اعرف والله اعرف
    سعيد : عليه لو ردلج بتردين ؟
    عليه : انت شو تقول والله مستحيل انا حلفت ما ارد له
    سعيد : انزين يالله خذي لج تذكره وردي البلاد وانا بستقبلج اذا تبين وبرمس المدير عسب يردج الدوام سمعتي
    عليه : والله ما تقصر يا سعيد اصيل بذمتيه يا بخت اللي بتاخـذهآآ بتعيش حياتهـآ مرتاحه
    سعيد ويقول بخاطره آآه يا عليه ياليتج تعرفين انج انتي اللي ابيها : احم احم ههههههه خلاص ما برقد الليل ههه يالله علايه مسحي دموعج وضحكي
    عليه : بس عسب خاطرك بضحك ,, اوكي سعيد انا خذت التذكره والطياره بتكون الساعه 6 الصبح
    سعيد : عليه اعرفج انج وايد مضايجه واللي تمرين به صعب وايد بس والله هذا المكتوب
    عليه: لا والله اعرف انه قضاء ليه والحمدالله ع كل حال عالعموم سعيد انا بخليك الحين تنام ادري ازعجتك السموحه
    سعيد : لا يالغاليه لا تقولين جي فـ خدمه الطيبين احن خلاص عيل خليني ارقد ههههههه يالله ف داعه الله
    عليه : يحفظك الرحمن
    فاليوم التالي في بيت قوم بو خالد
    خالد ناش يبي يروح الدوام ولا يشوف امه يدامه
    ام خالد : يا مسود الويه هذي سوايا تسويها والله فشلتنا عند لعرب
    خالد : ليش انا شو سويت قولي لي شو سويت الله يسامحج يا امي ما تبين الخير الا لنفسج انا ابي فطامي وغير فطامي مابيه السموحه يعني
    بوخالد : يا ولدي هذي حياتك وانت اختار اللي تبيها وما عليك من امك
    ام خالد : هيه معلوم بتقول هالرمسه لانها بنت اختك
    خالد : انا ابيها وما يخصني بحد باخذها يعني باخذها فداعه الله
    بو خالد : ربي يحفظك
    ام خالد : وافقدتك
    وفبيت قوم بو سعيد
    فطوم سهرانه اللين الصبح بعد السالفه اللي صارت عيونها ما ذاقت النوم كانت يالسه تشوف تلفزون
    ام سعيد : فطيم انتي ليش ناشه بسرعه اليوم تبين تروحين مكان يا بنتي؟
    فطوم : ههههه لا امايه انا سهرانه من امس مواصله هب راقده ما عرف شو فيه ما اقدر ارقد
    ام سعيد : بسم الله عليج يا بنتي لا يكون الضيق ماذينج هب مخليج ترقدين قومي قومي خل اوديج الدكتر
    سعيد فجاه يدش عليهم ويسمع رمستهم ويدش عرض: فطوم ها اشوفج هب قادره ترقدين لا يكون عسب اللي بالي بالج هههه والله واختربتي يا اختي مسرع ما سهروج توه الناس حبيبتي
    ام سعيد : سعيد بلاك تخرف ترمس عن شنو وانا امك فديتها فطيم تعبانه عسب جيه هب راقده
    فطوم وهي قافطه : انت من وين طلعت وشو يالس تخرف روح روح الدوام ولا ترمس وايد
    سعيد : هههه يا امي بعمرج شفتي وحده تعبانه وهب راقده وسهرانه ياليت منسدحه وراقده سهرانه ع التلفزون هههههه امحق تعب
    ام سعيد : سعيد انت شو بلاك ع بنتي هب ع شيخه البنات فطيم قوم قوم سير تريق ولا ترمس وايد
    فطوم : ويوووووووو حرقو ويه ههههه طاح خشمك بالارض اجلب ويهك وروح وعطني مقفاك ههههههههههه
    سعيد : انزين انزين انا اجلب ويهي وانا طاح خشمي حبيبتي عندي احتياط هههههههه بعدج ذايبه ف بعض الناس وهب قادره ترقدين ولا تعبانه ها اعترفي
    ام سعيد : بسك بسك سعيد لا تخبل بنتيه ترى روحها ما بها حيل قومنا اروح نتريق
    سعيد : روحي يا امي وانا ياي وراج
    ام سعيد وهي مروحه : ووالله برايك جان ما تاخرت ع دوامك
    فطوم : ليش تام ان شاء الله
    سعيد : لا يكون يالس ع قلبج وانا ما ادري
    فطوم : لا هب ع قلبي حذاي ههههههههه
    سعيد : فطوم فطوم بخبرج شي
    فطوم : امممم لا هب فاضيه لا تخبرني ههههههههههههه ,, آمر شعندك
    سعيد : فطووووووم باركيلي
    فطوم : طع هالشي مالك الحين تبيني ابارك لك امممم اعرف ليش عقب ببارك
    سعيد : باركيلي عقب بخبرج يالله اشوف
    فطوم : اووووه ما بقدر عليك يالله مبروك بس ليش
    سعيد : طال الله بعمرج اختي عرست وخالد صار نسيبي هههههههههههههههههههههههههههههههه واحد صفر
    فطوم تيود المخده وتفلعه : ههههه ما يضحك سخيف وانا لحد الحين ما عرست وخلود انا مابي
    سعيد : ويووووو عيل ليش ضحكتي لا يكون من القهر ههههههههه وحليلج اختي يبت عليج
    فطوم : سعيد والله اني مصدعه وهب متفيجه للعبط روح روح اتريق احسن لك
    سعيد : فطوم نسيت اخبرج صح
    فطوم : شو بعد
    سعيد : هههههههههههه رمست خلود امس والريال وحليله متخرع عليج يقول فطومي بتموت ههههههههههههههههه
    فطوم : اقص ايدي اذا رمسته انت روحت ترقد وتفكر بساره هههههههههههه
    سعيد : كيف تعرفين ها اعترفي لا يكون كنتي ترمسينه؟ ساره بعينج
    فطوم : هيه كنت ارمسه نسيت انك عطيتني تصريح هههههه
    سعيد وهو مصدق السالفه : اوي فطيم ومن وين لج رقمه ؟
    فطوم : ههههههههههههههه 4 صفر ويووووووووووووو يبت عليك ههههههه آخ بطني
    سعيد : والله انج هب صاحيه بروح الدوام احسن لي وفجاه يتذكر سالفه علايه ويقول : اوووووووووه نسيت عندي شغل اليوم لازم اروح مبجر
    فطوم : شغل ولا متواعد ويه وحده بسرعه اعترف
    سعيد : اممم الخيار الثاني عندج مانع
    فطوم: لا عندي سعيد وانا اقول ليش الشيخ كاشخ
    سعيد : اصلا سعيد دومه كاشخ هب بس اليوم هههه يالله بروح اتريق
    فطوم : بذمتيه انك هب صاحي روح بالعافيه
    سعيد : ما تبين تتريقين
    فطوم باستهبال : لا امس متعشيه وشبعانه
    سعيد : اوه صح نسيت انه امس خلود كان بيتنا يعني اسبوع كامل بتكونين شبعانه ههههههههههه
    فطوم : سعيد وبعدين وياك والله حرام عليك
    سعيد : اوي اوي زعلت فططوم خلاص بسكت بس عسب خاطر نسيبي خالد هههههههههههههههه
    فطوم: اووووووف لوعت بجبدي تراك روح اذلف عن ويهي مابي اشوف رقعه ويهك
    سعيد : فطووووووووم والله والله نسيت بقولج شي صج صج والله خلينا من الهبال سمعيني
    فطوم مستغربه : شو عندك ارمس
    سعيد : فطوم
    فطوم : سعيد
    سعيد : فطوم اسمعيني
    فطوم : اوووووه عن العبط يالله ارمس
    سعيد : اممممم فطيم والله صج انزين سمعي ,, خالد يبي الخبر منج اليوم تبينه ولا ؟
    فطوم : ها انت شو تقول اليوم اووه روح روح قصي علي انت
    سعيد : فطيم والله صج يبي الرد منج متى بتردين ارمس صدق تراني
    فطوم : بلاه مستعيل ها خل يصبر
    سعيد : ياخي الريال يحبج بلاج انتي يبيج ع قولته ههههه يالله اخر رمسه بدق له عقب شوي جان هو ما دقلي بعد ادريبه بس حق المصالح
    فطوم : سعيد خل يصبر تكفى تكفى قول له يصبر ابي افكر انا
    سعيد : اوكي متى اقول له بنرد خبر
    فطوم : قوله بعد شهر
    سعيد وهو مصدوم : تتمصخرين ع شرف الريال انتي شهر تبينه يتخبل ها من الحين قام يرمس عمره هههههههه
    فطوم : امم خلاص عقب يومين ولا يوم برد خبر ارتحت
    سعيد : ههه لا ما ارتحت ما يصير عقب ساعه هههههههه
    ام سعيد بالمطبخ حست انه سعيد وايد طول : سعيد يا ولديه وينك تعال الريوق برد
    سعيد وهو يسمع صريخ امه : وافديت اللي ترمس وتنادينيه يالله يالله بروح الدوام انا باي
    فطوم من روح سعيد تمت يالسه بروحها وتفكر بخالد وتقول اوافق ولا ومتردده وفجاه يت عبالها ربيعتها عايشه اللي تترياها من زمان وتقول : اوووووووووووي كيف فاتني نسيت اوي شو اسوي حرام البنت من متى تترياني اقول لها اني ملجت بتتخبل اوي شو اسوي
    سعيد : امايه حبيبتي اسمحيلي انا بطلع تاخرت عالدوام
    ام سعيد : هيه الحين تقول هالرمسه وانا من الصبح اناديك خلاص برايك ربي يحفظك درب السلامه لا تسرع حبيبي شوي شوي
    بو سعيد : هيه اسمع الرمسه هب بنص الطريج تسرحلي بمادري منو وتسويلنا سالفه ربي يحفظك
    سعيد : ههههههههههه فداعه الرحمن
    سعيد من يركب السياره تي عباله عليه دوم دوم تصير لها هاي السالفه بس هالمره يود عمره قال حرام اكون سرحان واسوي شي واخلي بويه وامي يحاتوني اعوذ بالله من الشيطان ,,, وفجــآآآه فونه يرن الا خالد
    سعيد يرمس عمره ويقول : ههههههههه فديته نسيبي وايد مستعيل ع اختي لهاي الدرجه معذبتنا ورد الووووووو
    خالد : هلا هلا هلا والله بسعيد الغالي
    سعيد : شعندك اخلص هههههههه تبي الرد
    خالد : زين تفهمني هيه ابي الرد يالله يالله بشرني ما فيني اصبر زود
    سعيد وحط بباله يلعوزه شوي : والله انك ما تستحي متصل عسب تحصل الرد انزين بخبرك الرد فطوم انزين
    خالد : آآآآه من هالاسم عذبني هيه وافقت ولا يالله عاد
    سعيد : فطوم طال الله بعمرك ما وافقت وتقول ابي اكمل دراستيه
    خالد : هــآآ انت شو تقول ما وافقت هب ع كيفها باخذها يعني باخذها
    سعيد : حو حو حوو الزم حدودك هب ع فطيم اختي
    خالد : سعيدووو ارمس جد دخيلك صج الرمسه اللي تقولها ولا تسولف وياي
    سعيد : صج يعني بجذب عليك
    خالد : آآآآآه بتسمع باجر خبر وفاتي والسبه اختك الله يسامحهآآ
    سعيد وما يقدر ايود عمره : هههههههههههههههههههه آخ بطني صادوه يبت عليك واحد صفر ههههه
    خالد : صج ما تستحي كنت بتوقف قلبي بس ربي ستر يعني وافقت كلوووووولووي من قدي فطوم حقي
    سعيد : ويت ويت من قال لك وافقت هههه برد عليك الخبر بعد شهر
    خالد : اووووووه سعيد يوز عن سوالفك الله يخليك والله بتخبل ابيها ابيها افهم احبهــآآ
    سعيد بطريقه سخريه : ههه اللهم سكنهم بمساكنهم
    خالد : جيه يني يدامك والله ما عليه ربي يسامحك
    سعيد : طع خلود انا شو سويت ليش زعلت؟
    خالد : انت قلت خبر سم لي الله يصبرني لين ذاك اليوم جان ما استوابي شي زين
    سعيد : بل بل لهالدرجه فطيمو معذبتك خلاص ابشر بعد يومين ولا يوم برد عليك الخبر
    خالد : صج والله فديتك يا ولد خالتيه ادريبك تهزر ويايه يا حبيب البي انت بس هب جنه يومين بعد وايد
    سعيد : ههههه بيني وبينك حق اللي مثلك وايد وايد بعد ههههه بس شو اسوي حاولت وياها اخذ الخبر عنها اليوم وما طاعت
    خالد : خلاص خليها تفكر ع كيف كيفها علني اخذاها قول آمين والله احبهـآآ
    سعيد : ههههه والله لا تعليق لووول الله يهديك يالله اجلب ويهك وصلت الدوام
    خالد : امممم اي صفحه ههههههه
    سعيد : الفهرس
    خالد : محروق
    سعيد : عيل الصفحه الاولى
    خالد : محذوفه هههههههههههههه
    سعيد : ما يضحك ويه راسك توك شوي وبتصيح ولا بتموت عليه يالله يالله فداعه الله
    خالد : هه سعيد حبيبي احبك وايد فداعه الرحمن ربي يحفظك
    سعيد سد الفون ونزل الدوام وعطول راح يقابل المدير عسب سالفه عليه بس ع حظه المدير كان عنده اجتماع برع الدوام يعني بيطول جان يدش مكتبه عند ربيعه فيصل
    سعيد : صبحك الله بالخير فصيل
    فيصل : يالله حيه صبحك الله بالانس والسرور شخبارك يالدب وينك اليوم اتاخرت غير العاده
    سعيد : روحت شوي كنت ابي اشوف المدير بس للاسف ع حظيه عنده اجتماع ياربي من حظي المقرود طول عمريه نحس ههه
    فيصل : هههههه اذا حظك نحس ما جان خاويتني وحصلتي وياك بمثل المكتب ههههه ادري ادري فديتني هههههه
    سعيد : بذمتيه صدقك برمستك وافديت خوي داومي انا والله
    فيصل : الا بتخبرك جيه تبي تشوف المدير عسى خير
    سعيد : اممم شو هالفضول بعد ماشي ما بخبرك
    فيصل افتشل ويه صار طماط : اوه السموحه عيل
    سعيد : هههه خل عنك السوالف هذي ما بينا خش والله بذمتيه اني كنت اسولف وياك هههه طع مسرع ما صغر ويهك وحليلك والله
    فيصل : هههه صج ما تستحي سكتني والله انزين يالله قول
    سعيد : بصراحه يا فيصل رحت ابي ارمسه عن سالفه عليه ( وطبعا فيصل يعرف بكل السالفه عسب انه سعيد يخبره كل شي اول باول بس اللي ما كان يعرفه انها اطلقت وبترد البلاد ) تراها اطلقت وبترد البلاد اليوم
    فيصل : اووي حرام الله يعينهــآآ والله
    سعيد : تراك تعرف كيف كان هالوحش ريلها عذب البنت تعذييب والله ربي يعينهــآآ,, المهم فيت ابي اخبر المدير انها بترد الدوام
    فيصل : هههههه سعيد وايد مهتم لها لا يكون تحبهــآآ
    سعيد : خل عنك السوالف هذي محد عندها بالدينا والواجب انا قاعد اسويه ويه ويهك تفكيرك مثل ويهك هههه
    امم خلونــآآ شوي اروح عند البنيـآآت مريوم وفطيم
    فطيم يالسه طول الوقت تفكر بالسالفه اوافق ولا هالسؤال اللي كان يدور براسها وكانت حيل مصدعه وما تقدر تفج عينها تعبانه وفيها رقاد بس ما تقدر ترقد مريوم حست انه فطيم في شي شاغل بالها ...
    مريوم : فطوم بسالج ليش مواصله من امس هب راقده والله شوفيه ويهج كيف صاير عيونج ما تنفج سيري رقدي
    فطوم : ما اقدر ارقد مريوم ما اقدر
    مريوم : ما اقدر كلمه وحده انتي حطي راسج وعطول بترقدين لانج تعبانه اول مره بحياتج تسوينها وتواصلين انتي ع ايام الدراسه ما سويتي جي ممكن اعرف شو بلاج
    فطوم : مريوم خالد يبي الرد ما اعرف شو ارد عليه احس انه عقلي مقفل ما يقدر يفكر بشي احس اني تعبانه
    مريوم : خالد من اهلج ووتعرفينه زين ما زين احسن من الغريب الشور شورج بس فكري عدل لانها حياتج انتي تحبين خالد ولا احسج تحبينه بس تكابرين
    فطوم : تبين الصج احبه والله احبه بس عمري ما فكرت فيه من اشوفه يدامي احس انه قلبي ينبض باسمه وحبه ينزل علي بس من يبعد ويغيب عن عيني لا يجي عبالي ولاشي ,, اعرف انه احسن من الغريب والله بس مريوم انا ابي اكمل دراستي ابي اصير دكتوره
    مريوم : يوم انج تحبينه وهو يحبج خذي وعن حركات البنات حرام تعذبين الولد احسه وايد يحبج والله ,,, انزين شو المشكله يعني لو خذتي مثلا ما بيخليج تكملين دراستج يمكن يشلج ويسفرج برع البلاد عسب الدكتوراه صدقيني يا مريم خالد مافي منه والله يا بختج لو خذتي لا تفوين عن هالاانسان
    فطوم : مريوم ابي اقولج شي وهالشي انا وايد يالسه احاتيه وخايفه منه
    مريوم : قولي اسمعج خير ان شاء الله
    فطوم : مريم تحيدين عويش اللي كانت ويانا بالمدرسه اللي دوم كانت تشلني وترمسني ومحد يعرف شي عن سالفتنـآآ؟
    مريوم : هيه احيد
    فطوم : تخيلي ذيج المره رمستني وقالت لي فطوم اخوي مره شافج وحبج انتي محيرينج ولا قلت لها لا هب محيريني قالت اوكي من تخلصين الامتحانات بني نخطبج وعلقت البنت ليومج هذا مره دقت عساس يون بس ما عرف شو صار وما ياو انا خايفه كيف اقول لها اني ملجت
    مريوم : والله حسيت انه جي السالفه بس ما بغيت ارمس عسب انتي ترمسين وهذو يه اليوم اللي رمستي به ,,, ما عليه قولي لها سويت عزيمه وبمثل اليوم . ولد خالي خطبني وانا وافقت ما بتقول شي يعني شو بتقول مثلا تعرف انه قسمه ونصيب
    فطوم : هيه اعرف انها ما بترمس بس اخوها حران بيغمضني من متى يتريا
    مريوم : اوووه انتي عاطيه الموضوع اكثر من حقه ما عليج الله بيسر الا بسالج خلاص انتي موافقه ع خالد؟
    فطوم : هيه موافقه
    مريوم وتسير تضمها وتبوسها : الله واخيرا اختي بتعرس وباستها عشرين بوسه يمكن
    فطوم وتمسح البوسات : بسج بسج خيستي ويهي ,, شفتي عاد بسير عنج هب انتي تقولين متى بي اليوم اللي انتي به تعرسين وانا اخذ راحتي
    مريوم : والله بذمتيه انه الرمسه من وار خاطريه ف حد يبي الفكه من اخته الغاليه بصيح خلاص بتخليني وبتروحين عني
    فطوم : هههه توه الناس فديتج عالصياح كل شي بوقته حلو ههه
    وهم بسوالفهم وضحكهم فجاه فون فطيم يرن ,,, وتطلع عويش
    فطوم من تشوف الرقم تترتبك ,,, : مريم هاي عواش شو اسوي اوي شو اقول لها ؟
    مريوم : بلاج خايفه ردي عليها
    فطوم وهي خايفه ترد : الوو
    عايشه : هلا والله بهالصوت اشحالج فطيم
    فطيم : اهلين والله تسرج من صوبج الغاليه عساج بخير
    عايشه : بخير دامج بخير مبرووووووووك الف مبروك عالتخرج والنسبه الحلوه هههه حصلت اسمج بالجريده لوول وعرفت نسبتج
    فطوم : الله يبارك فيج يا ربيه عقبالج ههه فديتج والله
    عايشه : عاش من سمع هالصوت
    فطوم : عاشت ايامج يا ربيه
    عايشه : فطوووم ها ني ولا اخوي ترى ماذيني والله
    فطوم : هـآآ شو تقولين
    عايشه : بلاج فطيم شو فيج
    فطوم : والله يا عويش مستحيه منج حيل ما اعرف شو اقول
    عايشه : بلاج ارمسي شو فيج فطوم ما بينا هالرمسه رمسي
    فطوم : بصراحه بصراحه يا عايشه انا وايد مستحيه منج والله ,, عايشه انا انخطبت حق ولد خالي
    عايشه طبعا هي هالشي عندها عادي بس اخوها اللي بيموت عليها فرحت لفطيم : مبروك ياربيه مبروك تستاهلين الخير فديتج لا حياتي لا تقولين هالرمسه ادري انه قسمه ونصيب ولد خالج اولى لج من الغريب والله فرحت لج
    فطوم وهي مصدومه وتحس انه الروح ردلها : ها الله يبارك فيج يا ربيه من ذوقج فذمتيه والله السموحه مثل ما قلتي ها قسمه ونصيب وان شاء الله اخوج يحصل اللي احلى واحسن عنيه ,..
    عايشه : ههه آمين ياربي وجي يعني السالفه ربيعتي بتعرس ههه
    فطوم : هههه شفتي عاد شو نسوي هاي حال الدنيا يالله عقبالج
    عايشه : لا لا لا تقولين الله لا يقول فديتي انا بعدني ياهل وراي دكتوراه هههههه
    فطوم : لووول مثل حالتي بس شو انسوي ما باليد حيله
    عايشه: هههه صدقج والله عاد ولد خالج ما تقدرين تردينه انزين عيل انا بخليج
    فطيم : هيه والله يبتيها ,, خلاص اوكي ربي يحفظج
    عايشه : فداعه الله
    فطوم: فداعه الرحمن اتسد الفون وهب مستوعبه اللي صار
    مريوم : ها شو قلت لج شو بتقول يعني انتي وايد خوافه يعني مثلا بتذبحج تعرف انه قسمه ونصيب
    فطوم : والله كبرت بعيني فديتهــآآ
    مريوم : ههههههه زين زين جي يعني
    فطوم : يس يس وجي يعني لوووووووول والله ما خبرتج مريوم اليوم سعيدو شو سوابي بهذلني الصبح طلع روحي وروح الدوام هههههههه
    مريوم: هههه محد قالج تصبحين بويها انتي ايه من صدقج ما بترقدين ؟
    فطوم : امممم الحين اقدر ارقد وانا مرتاحه بس بدق لسيعدو اول وبخبره اني وافقه خل يخبر خلودي
    مريوم : ههههه اوي اوي اثحي اثحي ما اسمع هالرمسه انا من الحين خلودي لووول اختربتي يابوي .. اقولج قوم ابوي وامي اكيد موافقين صح ..
    فطيم: ابوي قالي اذا تبينه خذي وهاي الساعه المباركه وامي ولد اخوها يعني شو بتقول مثلا
    مريوم: آآه منج يا فطيم قولي انا ابيه وفكي عمرج هههههههه
    فطوم : ويت ويت بدق حق سعيد
    سعيد وهو بالدوام فونه يرن يشوف انه اختهـ رد
    سعيد : الو هلا شعندج بسرعه هب فاضيلج
    فطوم تعرف انه اخوها هالايام وايد قام يستهبل وياها فخذتها بهبل بعد : اممم كفتريا ابي واحد عصير موز وايد همبرجر مافي تاخير معلوم ولا لا
    سعيد وهو يضحك : هههههه بايخه ما ضحكين هلا والله باختيه امري شعندج متصله
    فطوم : امم اشتقت لصوتك وقلت ادق حرام ؟
    سعيد : امم هب حرام بس انا اعرف انج داقه تبين تقولين لي شي هههه يالله قولي تراهم يتريون
    فطوم : اوي سعيد انت دوم تصيديني ههههه سعيد هب موافقه خبره اني مابيه
    سعيد : فطيم انتي شو تقولين هب موافقه تبين تذبحين ولد خالج ولا تموتينه ههههه ليش انا غبي تراه مثل الشي لوول صج صج فطيم موافقه ولا ؟
    فطيم : اقولك هب موافقه انا ابي اكمل دراستي وابي اصير دكتوره
    سعيد : هه نسيت اخبرج الصبح دقلي ولعوزته اونج هب موافقه قال لي باخذها يعني باخذها يعني غصبن عنج هههههه
    فطيم : سعيد انا مووافقه
    سعيد وهو مصدوم : فطيم موافقه مبروك يا قلبي والله فديتج خالد يستاهلج وانتي تستاهلينه بس الفرق من بينكم انج ذكيه وهذاك غبي
    فطوم وهي مستحيه : ما ارضى عليه سعيد لا تقول عنه جي
    سعيد : انا اخوج وهذاك بيكون ريلج منو الاحق ههههه
    فطوم : اكيد ريلي موت قهر
    سعيد : اموت قهر زين وانتي موتي قهر روحج دقيله وقولي له انج موافقه انزين
    فطوم : لا لا سعيد تكفى انا اختك خلاص اسفه
    سعيد : اوكي بدقله يالله باي
    فطوم : ربي يحفظك
    فطوم بندت وقلبه يدق وتبي تطير من الوناسه بس مستحيه بمثل الوقت
    مريوم : يالله خلاص ارتحتي سويتي كل اللي كنتي تبينه بس الحين سيري رقدي
    فطوم : ما برقد انا ما فيه رقاد انا الرقاد طار عني
    مريوم : والله توني اعرف انج جي به هيمانه
    فطوم : لا تقولين جي بس اللي كنت ابيه بصير من نصيبي عسب جي انا مستانسه الحين ببدا احبه بس خل يجي ويخطبني رسمي
    مريوم : رسمي ولا لوحتي هههههههه وحليلج والله
    فطوم : يا ثقل دمج ما تضحكين ويه هالويه انا بسير ارقد تصبحين عخير
    مريوم : براسج المساء المساء بلاج مقفله هههههههه
    امم بالدوام سعيد يالس يبي يدق حق خالد الا فونه يرن وتطلع عليه ....
    سعيد : مرحبــآآ
    عليه : مرحبتين شخبارك سعيد عساك بخير
    سعيد : تسرج حاليه من صوبج علايه ها بشري وصلتي البلاد ؟
    عليه : هيه الحمدالله من شوي وصلت البلاد آآآه فديت ريحه بلادي والله اني براحه ما بعدها راحه فديت ترابج يا دار بو سلطان تبيقين لي عز وذخر ياربيه اموت واحيا وانا بارضج
    سعيد : توه ما نور الدار يالغاليه امرج ولا بتردين بروحج
    عليه : لا سعيد ما تقصر ههه فديتني انا الحين بالسياره راده بيتنا وافديت بيتنا اللي في ريحه ابوي المرحوم وامي اخوي الله يرحمهم
    سعيد: آمين يا رب جعل مثواهم الجنه خلاص عيل ونسيت اخبرج صح اني روحت عند المدير عسب انه ارمسه بسالفتج بس كان عنده اجتماع
    عليه : ما تقصر بذمتيه سويت اللي عليك وزود انا باجر روحي بي عندكم الدوام وبرمس المدير افا عليك انت بس دامني بالبلاد بس شغلي بنفسي وتسلم ع كل اللي سويته بذمتيه ما بنسى جميلك
    سعيد : ههههه تراني ما سويت الا الواجب ... حيااااج الدوام دوامج تراه يعني باجر بنشوفج
    فيصل ويسمع سوالفهم يدش عرض : ايه ايه حووحووو سعيد عن تتهور وتقول كلمه مني مناك
    وسعيد ياشرله اووص اوص اسكت
    عليه : هيه ان شاء الله بي وبشوفيني فديتني والله دخلت عند سلطان ورده وطلعت مذبوله الله يسامح ويهديه يارب
    سعيد : ما عليه ما عليه علايه انتي دومج ورده هههه
    عليه : تسلم من ذوقك الله وصلت فريجنا يالله عيل انا بنزل وبسير اضم بيتنا باكمله من الوله والله هه بخليك اوكي
    سعيد :نترياج باجر هههه لا دخيلج بس عن تسوينهاا فداعه الله ربي يحفظج
    عليه : ههههه ان شاء الله يالله فداعه الرحمن
    سد ت الفون وتقول : آآآآآآآه يا دار بو سلطان اشتقت لترابج ربي يرحم ابونا زايد ويطول بعمر شيخنا بو سلطان ويحفظج يا بلادي من كل شي بذمتيه مالي غنا عنج انتي حياتي الحين اموت واحيا عشانج
    وسعيد من سد بعد : يقول آآآآآآآآآه احسها مني قريبه يا فيصل وافديتهآآ والله باخذها الحين ما بخليها تفلت مني
    فيصل : هههههه لا تموت علينا بس تكفا
    سعيد :هالانسانه مافي منهــآآ بهالدنيا صدقني .,, اووه صح نسيت ادق حق خلود اختي بتذبحني ههههه ويت ويت وشل فونه ودق ع خالد خالد عاد يالس يتريا هالاتصال من زمان من رن ع طول رد : آلوووووووو
    سعيد : بل بل بل شو بداله انت حشه بذمتك خالد الفون رن جمن مره
    خالد : ههه مره وحده ليش يعني احسن عسب ما نقعك ,, سعيد حبيبي انت بشر
    سعيد : ابشرك بشو
    خالد : اووه عيل انت ليش داق
    سعيد : داق اسولف ويه ولد خالي حرام
    خالد : لا هب حرام بس عبالي عندك خبر يطيرني فوق لسما
    سعيد : مبروووووووووووووووووووووووووووووك
    خالد : ع شو ؟ بعد ؟
    سعيد : شيختك وافقت
    خالد وهو مصدووم هب مستوعب : هــآآآ شو تقول ويت ويت سعيد عطني طراق عسب احس اني هب بالحلم
    سعيد : والله لو كنت عندك فالك طيب بس حسافه بس ارمسك بالصوت امم هيه والله من صدقي
    خالد : الله وناسه وناسه اليوم بي بنسير المحكمه نملج
    سعيد : ايه يه صبر بعد سبوعين عقب شو اليوم انت خبله
    خالد : عكيفك هو ع كيف حبيبه قلبي خل ترمس وتتدل وانا اقول لها تم
    سعيد : ههههه ما بخليها اخوها الكبير وكيفي
    خالد : لا لا ادريبك طيب انزين صج متى انسير المحكمه ابي املج خلاص ما عنديه صبر
    سعيد : انزين والدم بسوله طاف يعني ولا شو السالفه اووه صح لاه نسيت عله هالدم بعد خلاص بعد حمن يوم بروح ولا شرايك؟ لشور شورك وانا اخوك مبروك يالله انا بخليك مشغول شوي بس حبيت ابشرك قلت لا يموت علينا بس
    خالد : الحين بسير باريس غاليري وبيبلك اغلى ساعه عالخبر هههه شو رايك
    سعيد :حبيبي هذا مستواك جان تبي تسوي خير هههه لا اقول ولا شي يالله يالله باي
    خالد : ربي يحفظك
    خالد ين من سمع الخبر ودق عطول حق عمته ام سعيد عسب يرمسه بالسالفه الملجه ووحليله الولد وايد مستعيل
    فطوم وام سعيد ومريوم يالسن بالميلس ولا فجاه فون ام سعيد يرن وطبعا تعرفون حركات البنات دايم يربعن عسب يردن عالفون حتى لو فون امهم مريوم ركض تشيل الفون وتقرا الاسم : امي ولد اخوج خالد متصل
    عاد شوفو ويه فطيم هنيه اصفر احمر اخضر : ......................................
    ام سعيد : فديته خلود داقلي ناوليني الفون شلت الفون وردت مرحبا مرحبا بهالصوت
    خالد : مرحبين بعمتيه شل الخبر عساج بخير
    ام سعيد : والله بخير دامني سمعت هالصوت من يداك يا ولدي عساك مرتاح وما تشكي باس
    خالد : ههههه لا تنشدين عن حاليه انا باختصار طاير من الفرحه طاير
    ام سعيد : ههههه مديم يارب بس عاد ما نبيك اطير هههه
    خالد : عمو انا داقلج عسب استشريج متى انا وفطيم نروح نملج
    ام سعيد : ابونا جيه بنتيه وافقت وانا مادري
    فطوم من سمعت هالرمسه ركضت فوق من الخجل
    خالد : هيه شفتي عاد وف حد يرد المزيون خالد هههه هيه عمتيه وافقت وانا وايد مستانس يالله عاد لا تبطون عليه وايد مستعيل شو رايج اليوم اروح المحكمه
    ام سعيد : خيبببببه لا تتخبل صبر خل اشاورلك ابوها عقب برد عليك خبر وانت قوم امك يدرون ولا
    خالد : اووووووه صح نسيت اخبرهم الحين برد البيت ان شاء الله وبخبرهم يالله عاد عمتيه لا تبطين عليه ابي الخبر اليوم
    ام سعيد : من عيوني يا ولد الغالي تامر امر انت
    خالد : ههه استحيت عمو يالله انا بخليج فداعه الله
    ام سعيد : ربي يحفظك خالد شوي شوي عالدرب انزين ولديه لا تسرع
    خالد : طلبج اوامر عمتيه من عيوني هاي قبل هذيج ههههه ويحفظج
    مريوم امها من بندت الفون رمست : يمه شفتي فطيمو سوت كل شي وانتي اخر من يعلم صج انهـآ ماتستحي ع ويها
    ام سعيد : هههههههه اسميج الشيطانه يابوي البنت اختياره هي هب احن واللي سوته فرحني بصراحه خالد ما ف مثله ولد رزين وما عليه جلام احسن من الغريب صح ولا ؟
    مريوم : ههههه هيه والله بذمتيه امس اقول حقها يابختج يوم بتاخذينه هههه شكلي بحسدها عليه هع هع لا اسولف فديت اختي
    ام سعيد : ههه عقبالج يا حلوه
    خلنا اروح ونعيش جو بيت قوم بو مروان انشوف كيف عايشه خبرت مروان بالسالفه مروان يالس بحجرته يشوف تلفزون
    عايشه ادق الباب :مروان ادخل
    مروان : عويش دخلي
    فجت الباب ودشت يلست حذاه : ها مرواني شو تسوي شو قاعد تشوف
    مروان : اللي تشوفينه هذو التي في يدامج
    عايشه : بل شكلك معصب خلاص خلاص انا بطلع كنت ابي ارمسك بسالقه
    مروان: عايشه هب جنه ربيعتج وايد تاخرت وما سرنا بيتهم
    عايشه هني بدت توتر انه كيف بترمسه بهاي السالفه وهو يتريا من زمان: امممم مروان اسمعني
    مروان : دخيلج دشي بالموضوع عطول اللي فيني مكفيني
    عايشه : اوووه انت هب رايق انا برمسك عقب بروح عنك وقامت
    مروان يودها ويلسها : بلاج انتي ايلسي وارمسي شو عندج دشي بالسالفه عطول
    عايشه : مروان انت تعرف انه الزواج قسمه ونصيب صح
    مروان : انزين كملي
    عايشه : ارمسك انا رد
    مروان : ايه طبعا اعرف اشوفيني ياهل عسب تقولين لي هالرمسه
    عايشه : اوووه تدري انت هب ويه وحده تاخ بالعدال بقول لك السالفه وبرايك انزين
    مروان : ارمسي
    عايشه : مروان ربيعتي فطيم ولد خالها سار يخطبهـآ يوم العزيمه اللي سووها حقها عسب التخرج واليوم دقيت لها وايد كانت مفتشله مني عسب انها عاطتني رمسه من متى ونقعتنا بس انا باركت لها وقلت لهاا ما عليج ها قسمه ونصيب
    مروان : ها انتي شو تقولين بعد كل هالانتظار تسويبي هالحركه
    عايشه : مروان ولد خالها احسن من الغريب صح ولا لا
    مروان : جلبي ويهج وطلعي برع ابي ارقد انا والله ياليتج ما رمستي ضاقت الدنيا بعيني حرام عيلها والله هاي انسانه عديمه احساس عيشتني بغصه الانتظار آآآآه
    عايشه : من شوي شو قلت لك انا ارمس ما قل لك تعرف انه قسمه ونصيب وانت قلت ليه هيه اعرف هب ياهل يدامج
    مروان : انزين خلاص الله يهنيها خلاص خلصتي سوالفج انا ابي ارقد
    عايشه : تدري لو ما يت وقلت لك وايد احسن انت هب ويه حد يرمسك ارقد خل رقادك يفعك وطلعت من حجرته وهي اونها معصبه
    مروان من طلعت يلس يرمس عمره : عواش قالت انها انخطبت يعني خلاص فلتت من ايدي معقوله احبهـآ انا بموت لو ما خذتها آآآه ياربي خلاص ما بعرس بتم عزابي والله يهنيها ان شا ءالله ..
    فبيت قوم بو خليفه بغرفه شواخ وساره
    ساروه: شيخوه بسالج
    شيخوه يالس تقرا قصه ومندمجه ابها وما ترد عليها :....................................
    ساروه : ايه انتي ارمسج انا ما ارمس الطوفه
    شيخوه لا حياه لمن تنادي مندمجه بالقصه بشكل فضيع : .......................................
    ساروه وتقوم وتضربها عراسها ضربه تخلي شواخ ابها تفتر وتسبها سب : انت ايه هب جني يالسه ارمسج لو الطوف جان رمس ردي ارمس وريل خذاج شيخوووووه
    شيخوه : ويعووووووووه وعله شو تبين فيني خليني بحالي شعندج ما اشوفين اقرا احلى قصه بالنت بلاج انتي عليه خليني مندمجه عقب ما حمود عرس شو بيصير ابي اعرف جلبي ويهج
    ساروه : لا حلفي انتي بس عرس انزين وبيعيش ويه حرمته يعني ما يباله شي خلج من القصه وتعالي برمسج بسالفه
    شيخوه : ياخي الفضول ذابحني ما بنش لين ما اخلص القصه ارمسي اسمعج انا
    ساروه : حلفي انتي بس قولي والله انا اراويج قومي قومي من اللاب ابي لاب يالله قومي بسرعه
    شيخوه : هههه لا ساره صبري خل اعلمج كيف يفتحونه تراج ما تعرفين شي هههههه
    ساروه : صبري صبري خليني اضحك شوي عقب كملي كلامج ما تضحكين ويه هالويه
    شيخوه : بل بل شكلج عصبتي انزين يالله ارمسي شعندج؟
    ساروه : اول شي قومي يدامي عقب
    شيخوه من وراه خاطرها تقوم بس عسب تسكت ساره : ها قمت شعندج يالله خلصيني
    ساروه : ايه انتي حدج عليه لسانج بقصه ترانيه هب اصغر عيالج
    شيخوه : اوووه انا اللي ما عندي سالفه قطعت قصتيه عسابج قومي قومي خليني ايلس وسيري دوري غيري تخبرينها سوالفج عاد جان عبروج
    ساروه : اممم لا لا صج شيخوه تهقين فطيمو وافقت ع خلود ولا ؟
    شيخوه : هيه وافقت هههه وحليلج جيه ما خبروج ؟
    ساروه : اوي حلفي بس قولي والله انها وافقت كلووولوي قومي قومي خليني اسير بارك لها انتي ما منج فايده
    شيخوه وتضحك : ههههههه قصيت عليج بس ع ما اظن بتوافق ولد خالها اولى من الغريب صح ولا لا
    ساروه : آآآآآه هيه والله صدقج
    شيخوه : وليش الاآآه خيبه
    ساروه : سعيد متى بي بياخذني يا شيخه احبه والله يا بخت فطوك بتاخذ اللي تبيه الله يهنيها
    شيخوه : ياربي ردينا عـ طير ياللي انتي شو ما تفهمين قلنا لج انسي ,,, تعرفين متى بي بيخطبج
    ساروه ومصدقه السالفه : متى قولي قولي
    شيخوه بكل استهبال : يوم تشوفين اذنج ههههههههههههههههه آخ بطني بطني بس بس وايد ضحكت عليج اللهم اجعل خير يارب
    ساروه وشوي تدوس ابطنهـآ : حد قالج نت قبليه انج اسخف انسانه بالهالدنيـآ
    شيخوه وتكمل هبلها :وايد وايد حقق رقم غنيس وصرت مشهوره لاني اسخف انسانه بالدنيا هب مثلج وحليلج راع الدكان ما يعرفج ههههههه
    ساروه : انا ما عندي سالفه يوم اي وارمس وحده ياهل عقلها بعدا ما كمل واعطيها ويه ويه هالويه دمج ثقيل
    شيخوه وعايبتنهـآ السالفه : ههههه كم وزنه كليو ولا جرام ولا نيوتن هههههههه
    ساروه : اشهد انج هب صاحيه يوزي يوزي من يدامي دخيلج ماني فاضيه لغبائج واستهبالج
    شيخوه : هالمطلوب انزين انج تفارجيني عسب اكمل قصتيه بهدوء ههههه برع
    ساره تطلع من طورها :والله لا اراويج جان ما خبرت امايه عسب تسحب عنج واير اللس ما اكووون سوير
    شيخوه : ههه هاي الساعه المباركه ترى القصه اردي منزلتنها عنديه يعني ما احتاي النت






  3. #93
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    السموووحه بذمتيه وايد ابطيت عليكم الظروف منعتني






  4. #94
    عضو الماسي
    الصورة الرمزية bardock
    الحالة : bardock غير متواجد حالياً
    رقم العضوية : 37842
    تاريخ التسجيل : 01-05-09
    الدولة : مَعآه وِينْ مآ رَآآحْ...
    الوظيفة : رقآصة ..ههه اسولف طالبة
    الجنـس : انثـى
    المشاركات : 2,820
    التقييم : 662
    Array
    MY SMS:

    لـع’ـيونـِك آفج’ـر أمريـكـِآ

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مشكورة ع التأخير
    الحين خلوني اكمل قراية القصة







  5. #95
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    ههههههه عفوا ع الانتظار ^^






  6. #96
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    اممـ ,,, اذآ حسيــت انــهـ القصــهـ مــآآلهــآآ متــآآبعيـــن

    بعـــلن اعتـــزآآلـــي ومــآآ بكمـــل ... فالســموووحهـ يعنــي ..

    ليــش اتعـــب ,, ومــآآ احصـــل .. حــد يحصـــد تعبــــي ...






  7. #97
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    بصراحه القصه وايد حلوه ..

    نتريا تكملة البارت ...

    بس لا تتأخرين علينا ..






  8. #98
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    شيخووه : انا مينوونه زين زين وتلمح لها اني انا فاهمتج
    مريوم وفطوم : ههههههههه والله انه شيخوه سوالف
    باركيلي خلصت اول مقطع ....بنتقل للتالي ^^

    حاليا ماعندي تعليق ...غير ان المقطع عيبني ..

    لا تنزلين شي يديد ..تريوووني






  9. #99
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    ايه انتي شو اعتزل ما اعتزل ..مب بكيفج حبيبتي

    تبين اعطيج سر المهنة


    ((( الفرق بين الكاتب الفاشل و الناجح .ان الكاتب الناجح يقول طز للقراء خخ ..ماعليج من الردود كملي ليين النهاية كوني احسن عن بعض الناس )


    وبالله عليج شوفي المشاهدات ::

    الذين يشاهدون محتوى الموضوع الآن : 12 ( الأعضاء 1 والزوار 11)
    يعني عندج متابعين خجولين من ورى الكواليس ...





    التعديل الأخير تم بواسطة المبرمجة ; 09-07-19 الساعة 01:08 AM

  10. #100
    عضو الماسي
    الصورة الرمزية bardock
    الحالة : bardock غير متواجد حالياً
    رقم العضوية : 37842
    تاريخ التسجيل : 01-05-09
    الدولة : مَعآه وِينْ مآ رَآآحْ...
    الوظيفة : رقآصة ..ههه اسولف طالبة
    الجنـس : انثـى
    المشاركات : 2,820
    التقييم : 662
    Array
    MY SMS:

    لـع’ـيونـِك آفج’ـر أمريـكـِآ

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    صدقت كوبرا <<شو بعتزل وهآآ االخرآآبيط..موضوعج مغنآآطيس يسحب الزوآآر
    خليج متفآآءلة







صفحة 10 من 28 الأولىالأولى ... 5678910111213141520 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كم احبك يا كابتشينو و لكن القدر ابعدنا
    بواسطة إماراتي 7 في المنتدى منتدى حواء طبخ زينة ديكور جمال الطفل
    مشاركات: 5
    آخر مشاركة: 11-07-07, 02:44 AM
  2. قصيدة حب لا تفوتكم حبيبتي خفايا الشوق
    بواسطة رومنسيه سيه في المنتدى معرض المواهب و الابداع Fair talent and creativity
    مشاركات: 5
    آخر مشاركة: 09-06-21, 03:26 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •