تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 23 من 28 الأولىالأولى ... 131819202122232425262728 الأخيرةالأخيرة
النتائج 221 إلى 230 من 274
  1. #221
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مرت الساعات وردت فطيم لبيتها



    وخالد الفرحه مب شالته
    فطيم م دشت البيت سمعت حشره البنات
    طبعا مارقدوا تموا ينطرون فطيم
    استانست م شافتهم ولمتهم على طول

    مريم وهي تسوي عمرها زعلانه : سيري ولي لريلج خلود الدب
    فطيم : مريمي يياحياتي افا والله زعلانه
    مريم : ايه زعلانه يالله طيري عني
    ساره :فطيم ماعليج منها تستهبل عليج
    شيخه : انتي شتبين فيهم خوات وكيفهم
    مريم : اهئ سيروا ولو كلكم ماحبكم خلااص
    فطيم وهي تلحق اختها مريمي ياروحي شوفيج؟
    شيخه : هههههههه دلع بنات
    مريم وهي ميته ضحك : والله ماقدر امثل فديت اختي انا والله وتضمها م خاطرها
    شيخه وساره : الحمدلله والشكر
    شيخه : خشب خشب
    ساره : ههههاي لا تفكرين تتزوجين قبلي هع هع انا اكبر منج
    مريم : والله انج مب هينه مستعيله عالعرس مع ويهج
    شيخه : ايه بعد :$ ادور عـ نصيبي شاسوي
    ساره : الله يعين من بياخذج
    شيخه : اول شي خل نسال العروس شو سوت واستانست ولا لا
    فطيم : لا تسالوني شي دخيل والدينكم ..
    ساره : ههههههههه بنات خلوها براحتها يالله انجلعو عنها
    شيخه وهي تتذكر وهم طايحين وتضحك : هههههههههههههههههههه
    فطيم : بسم الله شفيج؟
    والكل يضحك عضحكتها ومايدرون شسالفه
    شيخه : هههههههههه عاد ههههههههه كله بكوم هههههههه وطيحتنا ههههههه بكوم
    فطيم : ههههههههههههه الحمدلله انه محد شافكم غيري والله اشكالكم كانت صج نقعه م الخاطر
    مريم : هههههههههههههههههههههههههه .. لا تذكروني دخيلكم
    ساره : والله انكم خبايل
    شيخه : انتي الوحيده العاقل م بينا صح ؟
    فطيم : ههههههههه بنات والله حدى تعبانه بسير ارقد سلام
    البنات وهم ينقزون عليها : رقاااااااااااد لاه
    فطيم وهي مخنوقه : بس بس بس خنقتوني غربلات بليسكم من بنات
    شيخه : هههههههههههه حرام اختنقت
    شوي وم بين السوالف ولضحك فطيم قامت وبدلت وانسدحت م التعب والبنات حولينها والاسئله ماراح تخلص

    خلنا شويه نروح صوب سعيد
    سعيد وهو محتشر .. يبغي يرقد ماهو قادر ..
    اصوات البنات وصريخهم طير الرقاد عنه
    وتم يفكر فـ عليه ..
    وبداخله يقول .. كيف اصارحها كيف اقولها؟ .. وشلون اخطبها ؟
    اروح لمن :( هي وحيده ..
    ويفكر شتسوي وراقده ولا لا ..


    وم الجهه الثانيه صوب عليا
    عليا وهي منسدحه .. الرقاد مجافيها ماهي قادره ترقد
    وم بين الاشياء اللي فـ بالها
    طرى عبالها سعيد
    وبخاطرها : ليش يسوي جي وياي ؟ معقوله يحبني ولا اتووهم ؟ مستحيل ..
    بس انا متعلقه فيه .. والله انه نادر بهالوجود
    عمره ماقصر بحقي :( يخدمني حتى وانا بعيده ..
    الله يحفظه ويهنيه بحياته


    نروح لللمعرس
    خالد وهو داش البيت
    م دش شاف الظلام عرف انه الكل رقود
    ثواني الا ويسمع صوت امه وهي تناديه
    ام خالد : خالد
    خالد : لبيييييييه
    ام خالد : الحمدلله عسلامه ليش رديت بعد جان طولت .. ورقدت عندها بعد
    خالد : يمه
    ام خالد : لا تقول يمه عـ لسانك لا انا امك ولا اعرفك ولا تعرفني
    خالد : بس
    ام خالد : مابي اسمع حسك . انا لو صج امك جان دورت عـ رضاي وماركضت ورا اللي تحبها وتنسى امك نسيييت م اكون نسيت اني امك نسيت
    خالد وهو حاس بضيق : مانسييييييييييييييييييت بس انتي ماتعطيني الفرصه .. اللي براسج تبين تسوينه ماتفكرين بولدج شو بخاطره
    انا بعرس ولا انتي انا برتاح ولا انتي .. م بيتهني انا ولا انتي ؟
    ام خالد : وتطول لسانك علي .. والله انها خربت مخك هالفاطمه
    ......... : بس يكفي صراخ شفيكم مب صاحييين ؟ مافي احترام بهالبيت .. ام خالد . ولي يرحم والدينج خل الليله تمر عـ خير
    خالد وهو يروح صوب ابوه ويبوسه راسه : السموحه منك ..
    بوخالد : مسموح ياولدي مسموح .. سير الله يرضى عليك غرفتك وامك انا اتفاهم معاها
    ام خالد : محد مخرب عقلهم غيرك .. خليهم عـ هواهم خليهم
    بوخالد : يعننننننني شنو عقب ماملجو تبينهم يفترقون .. وبنات اخوي وين يروحون ؟؟؟؟؟؟؟
    ولمنو ؟ م اولى لهم . القريب ولا البعييييييييد قوليلي من ؟
    ام خالد : اوهووووووووووو بس خلااص .. لا هو ولدي ولاني اعرفه ويعرفني
    خالد وهو طالع لفوق وقلبه يتقطع .. : اه يافطيم .. لو دريتي باللي يصير بترضين ولا ؟

    ام خالد وهي معصبه : روح روح لدربك .. الله لا يحفظك

    بوخالد : يامرااااااااه بس خلاص لا تدعين مهما كان هاي ولدج

    ام خالد : قلت لك لا هو ولدي ولا انا اعرفه بس خلااص وخروا عني وخروا عني

    وتقوم وهي معصبه حدها وتدش لغرفتها



    خل نروح صوب حمد

    حمد م سمع هالضجه .. حس بشي بهالبيت وقام وقال

    الله يعينك خلود والله وابتلشت

    وتم يفكر لو خذى مريم جي بتسويله عرس امه

    والله يعينه والله

    ثواني وخطر فـ بالها وتذكر يوم انه مريم مسكت فونه

    وتم يتفداها : والله احببببببببببها احببببها ياناس

    والحل معاها :(

    اطرش لها مسج ولا ؟

    لا ماينفع اطرش لها

    اطرش ماطرش

    يبه بطرش وماعلي ><



    وطرش لها .. مسج ..

    وتم يفكر بترد عليه ولا لا . .

    وشو ردت فعلها ><



    صوب مريوم

    وهي يالسه مع البنات

    سمعت صوت المسج

    وتمت تقول اكيد ميثه

    وهي تبطل المسج وتقرا





    (( مشكلتي أهواه وحبه هو مجنني

    والمشكله عن هواي ماهو بداري

    أخاف أبوح أبهوايا له يخجلني

    واخاف يزعل علي ويزيد في ناري

    محتار مدري شسوي حيل شاغلني

    مليت أفكر ولاهي نافع أفكاري

    مدري أعذره عشانه ماهو فاهمني

    وله ألومه عشانه سبت أمراري

    ساعات أرظ أقول كافي كلمني

    كافي أنه يسئل علي وياخذ أخباري

    سعات أطمع أبيه كليوم يقابلني

    جنني حبه ولاهو بحالتي داري))



    عقب ماقرت تمت تتفدى ميثه .. شوي الا وتشوف انه الرقم مو ميثوه رقم غريب

    تمت تقرى اكثر م مره وحست انها شافت الرقم م قبل

    تذكرت حمد عطول

    وبطلت صوب المكالمات لم يرد عليها

    والرقم نفسه .. وهي متخرعه مب عارفه شتسوي

    فرت الفون م خوفها

    ساره انتبهت عليها وراحت صوبها عطول

    ساره : بسم الله عليج شفيج مريوووم؟

    مريم : ها لا ولا شي

    ساره : مريم صاير شي؟ ليش جي فريتي فونج

    مريم : ماشي ماشي . .

    ساره : اللي يريحج

    مريم وهي تنسدح انا برقد طلعو برع لو سمحتوا

    فطيم مستغربه

    فطيم : مرييييييييوم بسم الله شفيج ؟

    ساره : خليها فطيم براحتها تلاقينها تهاوشت مع ميثه

    مريم : سكتووووووا خلوني بروحي مابي حد مابي حد

    شيخه : يمه منج خلاص خلاص بنطلع

    وطلعو وخلوها بروحها

    ومريم م خوفها تمت تصيح

    وتفكر .. هو يحبني وانا معذبته ؟ ياااربي شاسوي

    انا عطيته رقمي بايده اااااااه ياربي .. سامحني

    مابي ارد عليه مابيييييييي .. اخاف اكرهك ياحمد ااخاف اكرهك وانا ااحبك



    خل نروح صوب حمد لثواني

    حمد وهو يفكر .. شو ردت فعله خاف عليها .. وعرف انها ماراح ترد عليه

    قام وخطر فـ باله فكره

    راح صوب خالد شافه منسدح بغرفته

    حمد : خلووووووووووووووووود

    خالد : بسم الله شفيك خرعتني مارقدت ؟

    حمد : لا مارقدت . . بو ولييييييد طلبتك قول تم

    خالد : خير شعندك

    حمد : قول اول شي تم

    خالد : بنقول تم بس قول

    حمد : دق عـ حرمتك

    خالد : اوك وعقب؟

    حمد : واسالها وينها . وم معاها واختها وياها ؟ وشخبارها ؟ وشو تسوي وجي .. بليييييز بس لا تحسسها بشي

    خالد : وممكن افهم شسالفتك

    حمد : الله يخليك سوي اللي قلت لك عليه بلييييييز الحين

    خالد : مابي اكيد مشغوله الحين

    حمد : لا هب مشغوله دقلها شوي واسال وبس بلييييز

    خالد : اوك اوك بس اسكت عني

    خالد وهو يدق لفطيم : ياويلك لو ماردت اخس ماعندي يوم ماترد علي

    تم يدق وفطيم ماترد عليه

    خالد وهو معصب: شفت يوم اقولك مشغوله يعني مشغوله

    والحين اقلب ويهك خل ارقد

    حمد وهو متحسف : انزين اخر مره دقلها بلييز ابي اعرف شخبارها :(

    خالد : بسك بسك احسن لك .. والله لو الوالده تسمعك لا تتبرى منك مثل ماتبرت مني بروحي اللي فيني مكفيني

    حمد وهو يقعد احذا خالد : كيف يعني تبرت منك

    خالد : روح اسالها

    حمد وهو يطب طب ع اخوه : ماعلي يوم يومين وبتتعود عالحال وبتكون وياك مثل العسل لا تحاتي

    خالد : ربي يسمع منك .. بس اللي سمعته منها اليوم والله مب شويه

    حمد : ماعلي تحملها .. امك هذي ..

    خالد وهو يفكر فيها .: اقووووووول جنك تتفلسف علي .. وانااكبر منك يالله يالله هناك والله وكبرت ياحمد

    حمد : م اللي كبر اناولا انته هههاي

    خالد : وحليلك والله صرت رجال ولا كل الرجاجيل

    حمد : كح كح احم احم .

    خالد : عيش ولحم سير ول ابي ارقد

    حمد : اررقد ارقد يامعيريسسس ,,

    خالد : عين الله ترعاك ..

    حمد : القمر والنجوم تمشى وراك

    خالد : ياهو عاشوووووووووو

    حمد : ولا اله الا الله .. الف الصلاه والسلام عليك ياحبيب الله محمد .. كلولولولولولولولولولولولليش

    خالد : بس بس بس مستويلنا وحده م الحريم ههه

    حمد : خل اعيش الجو ..

    وماطلع حمد عن خالد الا وهو مغير موده :)








  2. #222
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    واااااااااااااااااايد حلو البارت ..

    صدق غمضني خالد ..

    واتفاعلت ويا حمد ..

    والله يسامح امهم على اللي اتسويه وياهم ..

    ونتريا البارت الياي ..






  3. #223
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    ههههه ربي لا هانج عالمتابعه تسلمين






  4. #224
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تطورات والله


    (( مشكلتي أهواه وحبه هو مجنني

    والمشكله عن هواي ماهو بداري

    أخاف أبوح أبهوايا له يخجلني

    واخاف يزعل علي ويزيد في ناري

    محتار مدري شسوي حيل شاغلني

    مليت أفكر ولاهي نافع أفكاري

    مدري أعذره عشانه ماهو فاهمني

    وله ألومه عشانه سبت أمراري

    ساعات أرظ أقول كافي كلمني

    كافي أنه يسئل علي وياخذ أخباري

    سعات أطمع أبيه كليوم يقابلني

    جنني حبه ولاهو بحالتي داري))
    ها ها ها ي


    الله يعين مريوووم ..


    بااارت و لا ارووع ....صرتي عجيبة من الخاطر تستاهلين الميزان الرصاصي (تعرفين شو معناته صح ..ما صار بس لي عودة ..


    تسلمين





    التعديل الأخير تم بواسطة المبرمجة ; 09-08-16 الساعة 03:33 PM

  5. #225
    عضو ذهبي
    الحالة : خفايـا الروح غير متواجد حالياً
    رقم العضوية : 18822
    تاريخ التسجيل : 26-06-08
    الدولة : . . عـرۈس ـآلـ خ ـلـيـج ❤ قـطـرنـآآ ~
    الوظيفة : students <\3
    الجنـس : انثـى
    المشاركات : 917
    التقييم : 225
    Array
    MY SMS:

    ❤❤ آحـآسـيـس مجـهـولـــه =P

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    نااااايس خفوووويه
    تسلمين عـ الباااارت
    ونترياااا الزووود منج ^.^






    تقبل الله طاعاتكم

  6. #226
    عضو جديد
    الحالة : ε!yỜz š†yℓe}~ غير متواجد حالياً
    رقم العضوية : 40083
    تاريخ التسجيل : 29-07-09
    الجنـس : انثـى
    المشاركات : 22
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    كخوووشي البآآرت ..

    تسلمييين حبيبي ..

    ونتريـآ البآآرت اليآآي..

    وخذي رآحتج ^^..






  7. #227
    عضو ذهبي
    الصورة الرمزية اماراتي
    الحالة : اماراتي غير متواجد حالياً
    رقم العضوية : 1871
    تاريخ التسجيل : 07-02-08
    الدولة : الامارات
    الجنـس : ذكـر
    المشاركات : 717
    التقييم : 28
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    ما شاء الله عليج أبدعتي
    يسلموووووو نترياا البارت الياااااااااااااااااااااااااااااااي





    خمس دقائق فقط تمحي فيها جميع ذنوبك فرصة لاتعوض


    http://www.shbab1.com/2minutes.htm




  8. #228
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    اليوم الثاني
    الصبح الساعه 7
    سعيد وهو نازل م الدري رايح للدوام
    بوسعيد وام سعيد يفطرون .. بوسعيد م شاف سعيد
    بوسعيد : ياسعييييييد
    سعيد : امر الغالي .. صباح الخيييــر السموحه مانتبهت عليكم
    ام سعيد : وين عقلك ياولدي اكيد مب راقد عدل البارحه .. جان خذتلك اجازه
    سعيد : وين يايمه انا وييين والاجازه وين .. خليها عـ ينب .. ماني تعبان الحمدلله مرتاااح
    بوسعيد : الله يرضى عليك ويسهل عليك ويوفقك يارب
    ام سعيد : وعقبال مانشوفك معرس ونزفك يالغالي
    سعيد وهو يسرح ويتخيل ..
    بوسعيد : امين يارب ..
    سعيد وهو قايم : يالله الغالين انا طالع تامروني بشي
    ام سعيد : ياولدي اقعد شوي اتريق كل لك لقمتين
    بو سعيد : سعيد ماشي طلعه م دون ريوق
    سعيد : لا والله ماني مشتهي مستعيل وراي درب
    ام سعيد : ماعلي خذ لك سندويشه وحده عالاقل ..
    سعيد : عشان خاطرج بس ..
    ويلس تم ياكل له كم لقمه وشرب شاي وطلع

    وهو بالسياره سرحان .. ويفكر بعليه .. طلعت ولا ماطلعت بداوم او لا ..
    ومشغل له الراديو ويسمع ويدندن وياهم
    شوي ووصل الدوام .. اول ماوصل لمح فيصل وهو ينزل م سيارته
    سعيد : حيالله بو الشباب شخباااارك
    فيصل : الله يحيك الحمدلله وم صوبك
    سعيد : الحمدلله تسرك وماتضرك
    فيصل : شعندك ياي مبجر
    سعيد وهو يغمز : ماله داعي هالكلام
    فيصل وهو يضحك : الله يغربل بليسك
    ودشوا داخل

    فـ الاستقبال .. تمو يوقعون وعقبها دشوا لمكتبهم
    تمو سوالف وحاله وعبط شباب ^.^
    شوي وعليه تدخل بزينتها .. بس مب ذيج الكشخه .. كانت ناعمه بالحيل اللي يشوفها صج يتخبل
    م دشت سلمت
    عليه : السلام عليكم ورحمه الله وبركاته
    فيصل وسعيد : وعليكم السلام والرحمه .
    سعيد وهو سرحان
    فيصل : ياهلا عليه شخبارج عساج بخير؟
    عليه : الحمدلله تمام تسرك اخبارنا وم صوبكم؟
    فيصل : الحمدلله تمام
    فيصل وهو يشوف سعيد سرحان .. جان يدوسه
    سعيد م انتبه : ايييييييييي ياحمار عورتني
    فيصل وهو يهمس : فضحتنا الله يغربل بليسك
    سعيد : سمحولي تراني مسطططل ماقدرت ارقد
    وعليه وهي تيلس عمكتبها : خير إن شاءالله ليش ماقدرت ترقد ؟
    سعيد : خليها عـ الله .. >< الملجه هدت حيلنا .. بس بصراحه كشخه لول
    فيصل : عقبالك يارب
    سعيد وهو يطالع فيصل : إن شاءالله
    عليه : الله يهنيهم يارب
    وتمو م بين السوالف كل حد تم يكمل شغله بس طبعا سعيد عقله مب وياه
    عقله مع عليه
    وعليه الشيخه اكبر طاف لوول :) يمدحون الطاف هالايام
    ,,,,,,,,,,,,, : شباب
    فيصل : خيييير شعندك ؟
    محمد : اقولكم ترى عليكم الدور مو علينا مايخصنا
    فيصل : بشو ؟
    محمد : عندكم متدربيين جداد .. الله يعينكم .. يالله سلام
    فيصل : ويت ويت ياريال شفيك جي شتخربط انت
    سعيد وهو فاهم الموضوع : هههههههه ياريال خله يروح يايتلنا بلشه عوده الظاهر
    فيصل : بلشه بشنو بعد ؟
    سعيد : ههههه عندك موظفين يداد .. وعليك تعلمهم وتدربهم ههاي ..
    عليه : ماعلي لو بنات انا بتحمل مسئوليتهم بس لو شباب طبعا انتوا
    فيصل : ياهيييييييييي علينا .. احنا متى بنفتك .. سعيد ترى هالمره عليك مب علي انا
    سعيد : انا مايخصني الشغله شغلتك
    فيصل : سير ولي .. والله اخر مره خليتني اتوهق وياهم وانته بس تضحك ماعلي
    شوي ولا الموظفه اليديد تدش لهم
    مها : السلام عليكم
    الكل : وعليكم السلام والرحمه
    مها : السموحه منكم بس بغيت اسال وين مكتب سعيد
    سعيد : نعم اختي تفضلي انا سعيد
    فيصل وهو يضحك
    سعيد لف عليه وفر عليه علبه الكلنكس
    سعيد : انطم احسن لك .. اتفضلي خيتو
    عليه وهي تشوفهم .. تحس بشي داخلها ماتعرف شنو هالاحساس
    مها : امم مطرشيني صوبك عشان التدريب
    عليه : اختي .. لو مو عايبنج الوضع ويا الاخ سعيد .. اانا عليه .. وفيني اساعدج واعلمج وادربج
    سعيد : ماعلي ياخت مها .. اختاري اللي يريحج .. واحنا بنتكلف بهالامر
    مها : مدام السالفه جي .. السمموحه منك اخوي .. الاخت عليه يكون احسن .. لاني ماني متعوده عـ هل وضع
    عليه : تفضلي خيتو .. ودقايق بس بسير اخبرهم واعطيهم خبر وارد لج .. فيج تنطرين ولا تيين وياي ؟
    مها : ماعليه بنتظرج ..
    عليه : عيل عن اذنكم ..
    سعيد وهو يطالع عليه وهي طالعه : آخ
    فيصل وهو يطالع سعيد : شفيك ياريال
    سعيد توه انتبه لنفسه وحس بشي غريب وهو يطالع مها : ها لا ولا شي


    خل نروح بيت بوسعيد صوب البنوتات
    مر الوقت .. والبنوتات بعدهم راقدين .. ومحدن حاس بعمره

    اما في بيت بوخالد
    عند حمد تم مواصل يفكر ماهو قادر يرقد
    خايف اااللي يسويه غلط .. بس ماتاب قام وطرش لمريم مسج ثاني
    وهو يكتب لها المسج خايف م رده فعلها اكثر عن قبل بس قال احسن طريقه اكتب لها مسج وافتك


    خل نروح صوب مريوم في غرفة البنات
    مريم م سمعت صوت المسج فزت م رقادها وتذكرت شصار فيها فليل
    قامت وبطلت فونها الا وتشوف مسج م نفس الرقم
    مريم وهي تقرا : (( مرحبا الغاليه .. شخبارج عساج بخير .. ادري بتنصدمين مني م المسجات بس مالقيت غير هالحل
    السموحه منج والله ماودي اسبب لج المشاكل ولا حتى ازعجج معاي .. بس غصبن عني اطرش لج
    مريم .. شكلج لحد الحين ماتعرفين كثر حبي لج ماودي اتمادى معاج .. بس الله يشهد علي اني ميت بحبج
    لا تزعلين مني دخيلج .. عارف ماراح تردين علي .. وانه اللي اسويه اكبر غلط .. بس صدقيني
    والله احبج ..
    حمد ))

    مريم وهي سرحانه ماهي عارفه شتسوي وتقول لمن وتفتح قلبها لمن مالقت غير الدموع انسب حل لها
    حطت راسها
    وحاولت ترقد م جديد
    بس م شافت الساعه 1 ونص والبنات رقود
    حاولت تغير م نفسيتها
    قامت وبدلت هدومها وغسلت وصلت وتمت تقوم البنات
    شيخه : يعلللللللج بريل احول .. سكري الليت يالصوماليه ابغي ارقد
    فطيم : مريوم دخيلج سكي الليت وبطلي المكيف والله تعبانه
    ساره : مريم دخيلج سكري
    مريم : ويهد إن شاءالله قوووووووووووووووموا يعلكم .. بسكم رقااااد انبطيتوا ..
    شوفوا الساعه كم
    فطيم وهي تشوف الساعه تو الناس الحين 2
    مريم : تو الناس بعينج هاي وانتي عروس يالخبله ريلج عقب المغرب بييج وانتي عليج تتزهبين م قبل
    بتجابلين ريلج وويهج منفوخ رقاد المسكين بيشرد ومابيرجع
    شيخه : انزين هي ريلها احنا شذنبنا لو سمحتي بكرامتج سكري الليت وبطلي المكيف يالصوماليه والله لو قمت بتنذبحييييييييييييييييييييييييييييين
    مريم : محد صومالي غيرج وقومي ابرك لج والله بتنبطيييييييييييين رقاد يالعنتره
    ساره وهي تقوم : وافديت اللي يسمعون الكلام مامنكم فايده انتوا بس سوير فديت روحها
    ساره : سكتي ترى راسي بينبط
    شيخه : ويك ويك سوالها
    فطيم : ههههههههه .. يحليلج مريوم .. تستاهلين عاللي سويتيه فينا امسس اليوم دورج اكلي اللي اكلتينه خخ
    ساره : ههه حرام اكلتوا البنت
    شيخه : اقول تبغون تسولفون انجلعوا برع انا وحده ماشبعت رقاد
    ساره : ام رقاد عمرها ماتشبع م الرقاد
    شيخه : انتي شحارنج انا ارقد ولا انتوا وبس خلاص عاد دخليكم خلوني ارقد
    فطيم : فديت روحج مريمي حياتي سكري الليت خل ترقد
    مريم : ايه بس بشرط تقومين ولا ماراح اسكر
    شيخه : يالله فطوم قومي عاااد
    فطيم : خلااص خلااص قايمه ..
    والكل قام الا شيخه .. راقده

    خل نروح صوب خالد
    فـ بيت بوخالد
    خالد وتوه قايم م رقاده
    غسل وصلى ونزل
    قبل لا ينزل شاف حمد وهو طالع من حجرته ومبين عليه مب راقد
    خالد : صباح الخير
    حمد : صباح الليل ياشيخ .. اي صباح الله يخليك شوف ساعه كم
    خالد : خخ انته م شكلك مب راقد صح ؟
    حمد : شتبي فيني انته شوف نفسك اول شي وخلااص
    خالد : حمدووووووووووو مب علي شفيك ؟
    حمد : ماشي خل ننزل الوالد يسال عنك يالمعرس
    خالد : اه انا معرس تصدق انه امس ملجتي
    حمد : وي تو الناس واعليه عليك زين الحمدلله انك استوعبت
    خالد : يعني فطيم صارت ملكي لوحدي يانااااااااااااااااس
    حمد وهو بخاطره : الله يخليكم لبعض يارب وعقبالي
    خالد : وناسه حمدووو ونااااااسه
    حمد : يارب دوم هالوناسه .. تصدق خلود احيانا احسك بنت بتصرفاتك
    خالد : نعم نعم نعم ؟ اقوووووووول جب مو منك م اللي معطيك ويه ويسولف معاك يالله يالله
    حمد وهو يضحك : هههاي والله انك مب صاحي سير سير شكلك سكران ماراقد عدل
    خالد : عالاقل شوي رقدت مب انته مستويلنا العاشق الولهان ماراقد شوف ويهك بس
    حمد : فديت ويهي اهبل
    خالد : هههههاي الحين ياشيخ م البنت انا ولا انته ؟
    حمد : اقول جب لا اانا ولا انته وانزل فكنا

    وهم نازلين م الدري بو خالد م شافهم تم يهلي ويرحب فيهم
    بوخالد : ياهلا والله بولدي الغالي
    خالد : الله يحيك ييبه . شخبارك ويبوس راسه
    بوخالد : تسرك وماتضرك وانته اخبارك ..
    خالد : نعسااااااااااااان بس عال العال
    بوخالد : ماشاءالله عليك كل هالرقاد وبعد نعسان .. شهالرقاد اللي نازل عليك
    خالد : يبه والله حرام تعبان تعب البارحه كل طلعته فـ رقادي
    بوخالد : الله يريحك يارب
    حمد : يبه انا يوعان وين الوالده
    بوخالد : امك مادري وين رايحه محد بالبيت
    حمد : والحل يعني ماشي غدى
    بوخالد : لا لا سير خبر الشغاله تنجب لنا .. امك طابخه وطالعه
    حمد : حدي يوعان
    خالد : واانا جوعان
    حمد : ياعيني عالجوعان
    بوخالد : الله يخليكم يارب ولا يحرمني منكم ومن يلستكم وعقبال مانشوف عيالكم وعيال عيالكم بعد
    حمد : امييييييييييييييييييييين
    خالد : استح واحشم الوالد يدامك وانته بايعها
    حمد : شاسوي بعد ميت محد يحس فيني
    خالد : يالبنت هههههههههههههههههههه
    بوخالد : عيب شهالكلام بعد .. اخوك هاذا وتقول عنه بنت
    ثواني الا وخلود يقوم ويول ..
    حمد : الحمدلله والشكر الجنون صااااااااابه اخوي
    بوخالد : الله يسعدك دوم ياولدي
    خالد : ونااااااااااااااسه وناسسسسسسسسسه
    حمد وهو يقوم معاه ويول : وهلي لا تحرموني منه
    خالد : هلي لا تحرموني منه
    حمد : هلي لا تبعدوني عنه
    خالد : مثل ماهو قطعه مني
    حمد : انا تراني قطعه منه
    خالد : تحبه ؟
    حمد : واموت انا اذوب انا ادوخ وميت فيه
    خالد : تحبه؟
    حمد : وعقلي وقلبي وروحي يعلني مابكيه
    خالد : عاشوووووووووووووو .. يمين يسار
    حمد : هههههههههههههههههه
    بوخالد : الله لا يحرمني منكم يارب

    خل نرد م الوقت شوي صوب دوام سعيد
    سعيد وهو يكمل شغله وعليه تدرب مها
    وفيصل خلص كم شغله وطلع
    عليه وهي تحس عمرها تعبت : مها فينا نكمل باجر بصراحه تعبت
    مها : يعطيج العافيه يالغاليه وماقصرتي
    عليه : افا عليج عالرحب والسعه .. وهاي واجبي وشغلي ولازم اديه
    مها : تسلمين يالله عيل ابتساذن الحين
    عليه : ربي يحفظج
    مها : مع السلامه
    سعيد : مع السلامه
    عليه : اخ والله تعبت
    سعيد : سلامتج م التعب يالغاليه
    عليه : انا طالعه الحين تامرني بشي
    سعيد : لا سلامتج وهالله هالله بنفسج ولا تسرعين شوي شوي بالدرب
    عليه : لا توصي وانته بعد شوي شوي .. وهي تشل شنطتها
    يالله فمان الله
    سعيد : الله يحفظج .. فمان الكريم(
    تم يطالع الباب ويفكر فيها وسرحان فديتها اتعبت مالازم اخليها تتعب كل يوم جي
    بشل عنها الشغل ووبكلمها وبحاول اقنعها
    قام وشل اوراقه وطلع م الدوام

    وهو راد مر عالواحه وخذ لخواته والبنات كم شغله يستانسون فيها لول اقصد يبلعونها

    اما في بيت بوسعيد
    ساره ومريم وفطيم محتشرات شيخه م ضجتهم ماقدرت ترقد وقامت
    الكل كان ينطر سعيد يرد عشان يتغدى معاهم
    اما ساره تمت متحرقصه ومستحيه كيف باكل يدام سعيد
    تمو يسولفون ويضحكون ويا بوسعيد وام سعيد
    اما عن حمود تم يلعب بالسوني
    ام سعيد مستانسه لسوالف ساره وشيخه
    شيخه تموت بالالعاب السوني ياعشقها
    من شافت حمود يلعب نقزت له نقزه
    وتمت تلعب معاه
    اما البنات تموا يسولفون عن الملجه وكيف كانت وشصار
    وشمسوين وم حضر وم ماحضر
    تعرفون بعد سوالف البنات
    وبو سعيد يسمع سوالفهم ويبتسم لهم ويضحك عليهم
    م بين السوالف والضحك
    دش عليهم سعيد
    سعيد : درب درب
    ام سعيد : حياك يانظر عيني تعال يالغالي
    حمود م شاف سعيد ركض صوبه سعيد وهو يفتح ايده ويضمه ويشيله
    سعيد : شخباركم ؟
    الكل : الحمدلله
    سعيد وهو يطالع ساره : شخبارج؟
    ساره وهي مستحيه : تسرك وم صوبك
    سعيد : الحمدلله
    ويعطي الاكياس لمريم
    مريم : الله كواااااااافي شبسااااااااات عصااااااااير حقيييييييييي
    سعيد : بفلعج مب حقج وبس ..
    وهو يلف لامه : يمه تراني مييييييت م اليوع
    ام سعيد : م عيوني ثواني والاكل زاهب
    بوسعيد : شعندك ياولدي مطول
    سعيد : ماقدرت اطلع الا وانا مخلص اشغالي
    قام سعيد ويلس احذا فطيم بما انه ساره يالسه قريب م فطيم فكان تقريبا واييييد قريب منها
    سعيد : هايالعروس شخبارج وشو نفسيتج
    فطيم : الحمدلله تمام
    سعيد : مستانسه ولا الدب مضايقج
    فطيم : لا الحمدلله .. لا تقول عنه دب
    سعيد : اووووووووه ماقمنا نرضى بعد حركات حركات شعليكم
    بوسعيد : الله يهنيهم يارب
    الكل : اميييييييين
    بوسعيد : ونفرح فيييك إن شاءالله
    سعيد : شكلكم ناوين علي .. هه لا تحلمون حاليا مب مفكر بشي
    ساره اهني تحطمت ومسكت ايد مريوم بالقوه
    مريم وهي تهمس : ساره حياتي شفيج ؟
    ساره : ها لا ماشي
    مريم : شفييييييييج ؟
    ساره : لا مافيني شي
    واشوي الكل قام يتغدى
    وهم يتغدون ويسولفون وضحك وهبل والكل يلعوز الثاني
    سعيد : فطييييييييييييييييم تركي الصحن ماشي بسج اكل بتمتنين
    فطيم : حرام عليك والله يوعانه امس كلش ماكلت شي ابي تعويض
    سعيد : تعويض اونه هههههههه
    ام سعيد : سعيد خل البنت تاكل شفيك عليها
    سعيد : لا عقب بتمتن وخلود الدب بيشرد عنها
    بوسعيد : عطاري خالد .. متى بيج ؟
    فطيم : ماعرف .. وهي مستحيه
    سعيد : اونج عاد مستحيه وتسوي نفسها ماتعرف
    ماعليك منها يبه عياره بيها عقب المغرب عطول
    مريم : انته ايه وايد ماخذ راحتك خل اختي براحتها
    فطيم : فديت خيتو مريوم انا والله
    وسعيد هو يطالع مريم وفطيم .. عينه راحت صوب ساره
    بالغلط تم عينه بعينها
    وهي ميته م المستحى والوناسه
    سعيد م حس انه عينه بعينها عطول لف وتم يسولف مع ابوه
    ويقوله عن الدوام وخرابيطه


    خل نرد لبيت بوخالد
    خالد وحمد وبوخالد .. يالسين يتغدون ويسولفون
    بوخالد : خالد ياولدي متى بتسير لحرمتك ؟
    حمد : ليش بتروحلها اليوم ؟
    خالد : تف تف علي قول ماشاءالله
    حمد : ماشاءالله.. ياحيييييييييك خذني معاك
    بوخالد : بنروح لهم اليوم العشى عندهم
    حمد : صصصصصصصصصصصصج ؟
    بوخالد : اثقل ياولد عن هالحركات صدقني ماراح اخليك تروح لو جي حركاتك
    خالد : خلك ريال مثلي ولا كل الريايل
    حمد : ويييه نسينا ماكلينا
    بوخالد: بس عاد اككلوا وانتوا ساكتيين
    وانته ماقلتلي متى بتروح لها؟
    خالد : حاط فبالي عقب المغرب عطول
    بوخالد : زين تسوي بس لا تطول عندها وايد حاول ترد بسرعه
    خالد : إن شاءالله تامر امر
    حمد : اهئ متى ايي دوري واروح لهم
    خالد : واحليلك ياخويه تكسر الخاطر بصراحه شكلي بسويلك واسطه
    حمد : مابي واسطاتك شفت امس وايد بصراحه واسطه قووووويه سويتها لي
    خالد : ياخي انته بنفسك شفت انهم ماردوا
    بوخالد : شسالفتكم؟
    خالد : ولدك جن جنونه وقاعد
    حمد : والله مسطل ابي ارقد
    خالد : قوم قوم خلص غداك وارقد وقبل لا نطلع بقومك
    حمد : بسويها
    خالد : وحليلك يالعاشق الولهان
    بوخالد : ليش جي شعندك مب راقد
    خالد : سهران ههههههههه
    بوخالد سهران شيسوي؟
    خالد : يفكر بالقلب
    حمد : بتنطم ولا اكفخك ماعليك منه يبه بس انا ماقدرت ارقد
    بوخالد : لاتسهر مره ثانيه ياويلك
    حمد : إن شاءالله
    وتمو عهل حال
    وعقبها بوخالد وحمد سارو يرقدون وخالد تم يطرش مسجات لفطيم ويتابع تي في






  9. #229
    :: عضوية VIP ::
    الصورة الرمزية ضي الشموع
    الحالة : ضي الشموع غير متواجد حالياً
    رقم العضوية : 873
    تاريخ التسجيل : 28-01-08
    الدولة : بلاد زايد " الله يرحمه "
    الوظيفة : سفينة في بحور العلم ..
    الجنـس : انثـى
    المشاركات : 431
    التقييم : 189
    Array
    MY SMS:

    لا إلــه إلا اللــه .. محــمداً رسـول اللــه .. اللهم بلغنا حب نبيك وصدق محبتك و أقصى رحمتك يا رب العالمين ...... أحببت أن أعيش كما تهوى نفسي :) ،، ولــكن أجبرتني الحيــاة أن أعيش على هواها :( ..

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    يااخي مب زين جي ,, وييين ما أسير أشــوووفها جدامي ,,

    مابي أقري شيئين عن أتلخبط ,,

    بس والله شكلها عجييييييييبة خفوووي مبدعه ,, ^.^

    أمووت وإلا أقراها ^^ بس الوقت =(








    شكــراً الغـلا ,, مـآتقصريـن

  10. #230
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    هههههههه غزالووو جيه مغيره نكج تتهربين من منو ها

    كح كح هيه صح ما شي الا تقرينها ولا ترى بزعل ههههه
    ماعليه فديتج هب كله مره وحده شوي شوي ^^

    منوره روايتي يالغاليه ^^






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كم احبك يا كابتشينو و لكن القدر ابعدنا
    بواسطة إماراتي 7 في المنتدى منتدى حواء طبخ زينة ديكور جمال الطفل
    مشاركات: 5
    آخر مشاركة: 11-07-07, 02:44 AM
  2. قصيدة حب لا تفوتكم حبيبتي خفايا الشوق
    بواسطة رومنسيه سيه في المنتدى معرض المواهب و الابداع Fair talent and creativity
    مشاركات: 5
    آخر مشاركة: 09-06-21, 03:26 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •