تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 24 من 28 الأولىالأولى ... 1419202122232425262728 الأخيرةالأخيرة
النتائج 231 إلى 240 من 274
  1. #231
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    وين التلخيص ( هههه




    لي عودة

    جهزي الملخص ^^ ((اهم شي اخبار شخصية ....تعرفين منو ابى ^^








  2. #232
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    ههههههه فهميني يالدبه كيف يعني تلخيص
    < شكلج وايد متاثره بثنويه عامه كل شي تبينه يتلخص هههه

    تسلمين عالمتابعه






  3. #233
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تلخيص يعني لخصي الاحداث من غير حوار ^^ جي يعني خخ


    خلاص بسي دلع ..جاري القراءة




    محجووز






  4. #234
    :: عضوية VIP ::
    الصورة الرمزية ضي الشموع
    الحالة : ضي الشموع غير متواجد حالياً
    رقم العضوية : 873
    تاريخ التسجيل : 28-01-08
    الدولة : بلاد زايد " الله يرحمه "
    الوظيفة : سفينة في بحور العلم ..
    الجنـس : انثـى
    المشاركات : 431
    التقييم : 189
    Array
    MY SMS:

    لا إلــه إلا اللــه .. محــمداً رسـول اللــه .. اللهم بلغنا حب نبيك وصدق محبتك و أقصى رحمتك يا رب العالمين ...... أحببت أن أعيش كما تهوى نفسي :) ،، ولــكن أجبرتني الحيــاة أن أعيش على هواها :( ..

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    يا خفوي أنا ييت << احذري احذري ..

    لا تتأخرين علينا ,,

    القصة عيبتنا وينقراها >> بس تأخير مااشي ..

    خلصت هاذيك القصة القبلية وبصراحة عجيبة ,,

    بس ما عندي شك انه قصتج ما بتكون أعجب منها بواايد ,,

    يالله بنبدي فيها بس مب ألحين ,,

    تسلمين مرة ثانية ..

    ولج تقييمي ..








    شكــراً الغـلا ,, مـآتقصريـن

  5. #235
    عضو نشيط
    الصورة الرمزية القلب المريض
    الحالة : القلب المريض غير متواجد حالياً
    رقم العضوية : 39776
    تاريخ التسجيل : 09-07-09
    الدولة : اماراتيه ونعم والي موعيبنه ينجلع هع
    الوظيفة : بعدي ضغيره على هي الامور .........
    الجنـس : انثـى
    المشاركات : 63
    التقييم : 10
    Array
    MY SMS:

    ما ينفع الندم بعد ما طاح الفاس بالراس ..

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    في قصة حلوه : لي حبيبن حبيته وماضني بقدر أحب حدن شرواه







    [IMG]http://up.arabseyes.com/gif/P6x33336.gif[/IMG]
    [/IMG]
    الحزن ملك قلبي ليش ليش ؟؟؟

  6. #236
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تسلمووون عالمتابعه ^^ ربي لا هانكم






  7. #237
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مر الوقت وصار المغـرب
    وبهالـوقت الكل قبل المغرب فـ بيت بو سعيد
    يتزهب ^.^ بما انه المعرس بيشوف حرمته
    والاهل يتيمعون .. حلوو صح << كح كح


    المهم خل نرد صوب فطيم
    فطيم وهي تتزهب وساره تساعدها
    فطيم متوتره ومب عارفه شو تلبس ولا شتسوي
    ساره : فطييييييم بسج عاد ترى والله دوختيني لا تسوين جي توتريني وياج
    فطيم : تعرفين اول مره احس بهالاحسساس ,, مادري مب مرتاحه والله
    ساره : فديت قلبج شفيج يالغاليه .. استغفري ربج
    فطيم : استغفر الله ,, مادري جايسني احساس مو طبيعي , خايفه متوتره احس بيصير شي
    ويلست وهي شوي وبتصيح
    ساره : هدي بالج وقبل لا تدشين عند ريلج قومي اقريلج الرقيه الشرعيه واقري عـ نفسج وبترتاحييــن
    واستهدي بالله يالغاليه
    فطيم وماسكه نفسها عن تصيح : إن شاءالله
    دشت مريوم وهي ويها منقلب : ياربي والله م شفت ام خالد وانا مش مرتاحه مادري شفيها جي اطالعني بصراحه
    الله يعينج عليها فطوم
    فطيم : ليش صار شي؟
    مريم : ماششي ماشششي .. بس مادري حسيتها اطالعني بنظره احتقار ولا شي جي مادري
    ساره وهي تغمز لها وتهمس : سكككككتي بروحها متوتره
    مريم وهي فاهمه عـ ساره : فطيم لا تحاتين عادي شفييج تصير تصير
    المهم خلصتي ؟
    فطيم : هيه , شرايج فيني؟
    مريوم : بصراحه قمر شويه عليج .. ماروم عـ احمر انا بيذوب الريال
    فطيم : مو لهالدرجه عاااد
    خل اقولكم فطيم شلابسه
    (( بنطووولون بيج وسيع م تحت ,, قميص احمر وطويل لين الركب وشوي كت
    وم صوب الخصر حزام بس عليها طالع روعه عجسمها ,, واشغابات حمر والاكسسوارات .. ^.^ وراسمه عيونها بالجحال ورافعه شعرها عالخفيف ))
    يعني نايييس ,, ناعمه

    شوي ويوصلها مسج م خالد ( فطيمتي انا تحت ,, )
    وبنفس اللحظه شيخه
    شيخه وهي تلهث : يالله يالعروس نزلي يتريونج
    فطيم : مو مستعده
    ساره : انا شقلت لج . اقري الحين قبل لا تطلعين له

    تمت فطيم تقرى عروحها وتنفخ وعقبها شوي ارتاحت وطلعت لخالد
    قبل لا تدخل سلمت ع عماتها وام خالد
    فطيم وهي تسلم ع ام خالد قلبها يدق بالقو : شخبارج عموه
    ام خالد : زينه
    فطيم : دوم يارب
    ام سعيد : يالله بنتي سيري الولد يترياج
    فطيم : إن شاءالله , عن اذنكم

    قبل لا تدخل سعيد واقف صوب الميلس يترياها
    سعيد : ها عروستنا شتسوين ليش يايه هني ؟ مغلطه شكلج
    مريم وهي يايه ركض : فطيم فطيم نسيتي فونج ,, يرن .. وسعيد بلا ملاغه خل البنت تدخل ونفتك
    فطيم : تراني خايفه
    سعيد : افا والله خايفه ليش شمسوي فيج هالدب
    فطوم : مامسوي شي بس متخرعه حيل
    سعيد : وهو يلمها ماعلي غناتي استغفري ربج ودشي .. تعالي انا بدخلج
    مسكها م ايدها وبطل الباب
    تمت فطيم تشوف بسعيد وسعيد طالعها
    سعيد : دشي لا يدفنا ريلج تراج طولتي عليه
    فطوم : إن شاءالله
    وهو يدخل سعيد : يبنالك الحرمه
    خالد وهو يوقف يطالع فيها منبهر : ياهلا والله تو مانور الميلس
    فطوم : اهلين .. منور بوجودك (( الحيا بياكلها
    خالد : وهو يقرب منها مد ايده
    سعيد م حس انه شكله غلط : ايه لحظه جني انا هني وبعدين هاللله هالله باختي
    مب تاكلها بنظراتك وبحركاتك
    خالد : اوهو فكني خل اسلم عحرمتي
    سعيد : امحق .. اهئ والله يهالو ويتشرطون علي ..
    خالد : ياللللللله ترى الوقت عندي محسوب
    سعيد : انزين انزين خمس دقايق وراجع لكم
    خالد : سعييييييييييييدوه وبعدين
    سعيد : قصدك الشيخ سعيد ولا صدقيني بيلس هني لصقه ماراح اطلع
    خالد : الشيخ سعيد لو سمحت مممكن تفاررررررررررق
    سعيد : اااممممم لحظه خل افكر
    خالد وهو ميت م القهر : بسسسسسس عاد قوووووووم ترى والله بديت اعصب
    سعيد : افا فطيم شوفي ريلج بدى يعصب علي ترضين
    فطيم : خالد
    خالد : لا والله ؟ عيل انا طالع مع السلامه
    سعيد : مع السلامه
    خالد : طع الحمار يبي الفكه والله فطيم ترضين علي يعني؟
    فطوم : سعيد عشان خاطري
    سعيد : خلاص خلاص عشان خاطر اختي بس اننننننننننن .. وهو يطلع لسانه
    خالد : صج انك ياهل يالله يالله فارج
    سعيد : مالت عليك والله ماراح اخليك بحالك انا ارويك..
    خالد : سير ولي ولا ترجع مابي اشوفك
    سعيد : نسييييييييييينا يوم كنت تبيناااااا ولا اول تحووووول .. خلاص حصلت ع اللي تبيه شتبي فينا الحين
    خالد : ترى والله الوقت يروح وانته مابتفكني منك يالله عااااااد
    سعيد وهو حاس انه مصخها : خلااص اوك سلملم
    خالد : الله يحفظك مع السلامه روح باي
    سعيد : بل عله عـ قلبك انا
    خالد : ايييييييييه عله اطلع خلاص
    سعيد وهو يقوم : هههه اسفييين عالازعاج مع السلامه .. فطيمتي ..
    فطيم : هلا
    سعيد : امواااااااااااح .. بباي وسكر الباب وراح
    خالد وهو يطالع الباب : خل يحلف الشيخ لا والله ؟
    فطيم : هههههههههههههه فديته والله
    خالد : نععععععععععععععععععم ..
    فطيم : اقصد فديتك
    جان خالد يمد ايده مره ثانيه وقال : اخوج ماخلاني اسلم عليج
    فطيم وهي منحرجه ومدت ايدها : ههه لا عادي
    جان يقوم ويبوسها عـ خدها : شخبارج قمري؟
    فطيم والخجل ذابحها : بخير يالغالي وانته اخبارك؟
    خالد : دامني مجابل غناتي اكيد بخير
    فطيييم : يارب دوم ماهو بيوم حياتي

    كح كح اقول خل نتركهم شويه بروحهم
    وخل نروح صوب حمد المسكين
    في ميلس الريايل فـ بيت بوسعيد
    حمد وهو يالس ملاااااااان .. لا سعيد ولا حمود و لا خالد ولا حد بس مع اعمامه
    قام وطلع للحوش ينطر حد م الشباب يطلع له
    وهو ماسك فونه يتعبث فيه وفكره مع مريم
    شتسوي الحين ووينها فييه
    ثواني الا وحمود وهو يركض ..
    حمد : حموووووودي
    حمود : هااااااا
    حمد : شو ها انته بعد تعال هني لا بركتن فيك م ولد
    حمود : شوووووووووووووه ماثمعك
    حمد : ياحمار تعال هني
    ......... : حموووووووووووووووود ويييينك
    حمد وهو متصنم وفي خاااطره (( بعد اشوفها مره ثانييييييييييييييه بتخبببل .. هاي صوتها محد غيرها حافظ صوتها امبلى هي ))
    مريم : حموووووووووووودي وينك
    حمود : انا هنيييي شوتبييين
    مريم : ياحمار تعال ماما تبيك عسب تاااكل
    حمود : ياحماره انتي دسي داحل ماتثوفين حمد هيني
    مريم وهي تشهق ومصدومه : م استوعبت الامر دشت داخل وهي تركض
    حمد : ماكنت ابي اشوفج والله ماكنت ابي اشوفج وانتي مش راضيه عني .. بس غصبن عني .. مكتوب لي اشوف آآآآه
    فديت شوفتج يالغاليه ..
    حمود : والله هاذي غبيه
    حمد وهو يتقرب منه ويضربه عـ راسه : لا تقول عنها غبيه عيب هي اكبر منك .. وبعدين دش داخل يالله ونادي سعيد وروح عند ماماتك شوفها شتبغي منك .. يالله ياشاطر
    حمود : افففف انا ابي اللعب
    حمد : روح عيب اسمع اللي قلته لك
    حمود : اوك اوك .. خلاص وهو يدش يتحلطم
    حمد : وافديت روحك ياحمود .. ^.^ والله ويهك خير كل ماشفتك شفتهم
    ........... صوت م وراه : ها اعترف تشوف منو قصدك ؟
    حمد : بسم الله الرحمن الرحييييييم .. اللهم سكنهم في مساكنهم
    سعيد : يعلك إن شاءالله شو عبالك يني .. اعترف شتسوي هني
    حمد : ها ماشي والله كنت ادور عليك .. وشفت حمود ياريال والله مليت م يلست الميلس بروحي وينكم فيه
    سعيد : العريس متهني داخل وانا بهذلتهم والله لو شفت خلود كيف عصب علي جان ضحكت عليهم
    حمد : احسن زين تسوي فيه .. بس الصراحه .. م قلبي ادعيلهم الله يهنيهم
    سعيد : ربي يسمع منك .. الله يخليهم لبعض ويهنيهم ويسعدهم ويوفقهم
    حمد : آميييييييييين .. ^.^ وعقبالنا
    سعيد : شو الشيخ مستعيييل اعترف عينك عمنو
    حمد : ماله داعي نقول مكشوفين نحن م يومنا
    سعيد : ههههههههههههه يبتها بصراحه بنفسك اعترفت
    حمد : ماشي واسطه مني مناك
    سعيد : تحلللللللللللللللللللللللم
    حمد : حرام عليك 
    سعيد : ياريال شتبي فعوار الراس عيش حياتك وعقب يصير خير
    حمد : اي حياه والله ملل احس مالي خلق لشي بس ابيهم
    سعيد : ها ها شكلك بديت تخورها
    حمد : بنسكت خلاص
    سعيد وهو يضحك : يحليلك تكسر الخاطر تصدق ..
    حمد وهو يغير السالفه : انزين وبعد شو اخر اخبار دوامك بشرنا
    سعيد : والله عال العال
    وتموا الشباب يسولفون






  8. #238
    عضو الماسي
    الصورة الرمزية Bint.Mesr
    الحالة : Bint.Mesr غير متواجد حالياً
    رقم العضوية : 28933
    تاريخ التسجيل : 06-12-08
    الدولة : أمـ الدنيا حببتي مصر
    الوظيفة : طــــــآآآلـــبـــه
    الجنـس : انثـى
    المشاركات : 4,775
    التقييم : 643
    Array
    MY SMS:

    اشهد ان لا اله الا الله وإن محمد رسول الله

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مس شاديه : عم بتهزوا وقعو الت لكم


    مفروض بدل الكم " لكن " خخخخخ


    تعليق سخيف لوووووولز

    سعيد : ما عليه بسير صووب الممزر بغير جو شوي
    l

    ممزر بدبي ولا في ممزر بامارة غير خخخخخ

    صراحة قصة علياء وسعيد والله خلتني احزن وكأنها صدق


    بــــــــــــس ملاحظة :- تعليقاتي اند تقااايمي اند كل شي ما رح يوفي ويكفي الرد ع الروايـــــــــــه

    اعـــــتـــــــــــــرف " اني جيت متأخرة اووووووووووووووي "


    متااااااااابعة يااااقمـــــــــــــــــــري






  9. #239
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مشكوره اختي على هالبارت الرائع ..

    ونتريا البارت الياي ..






  10. #240
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    فبيت بوسعيد
    في الميلس
    صوب خالد وفطيم
    خالد وفاطمه داقينها سوالف وماعليهم م حد ,, مرت ساعه عجلستهم
    خالد م بين السوالف
    خالد : فطيمتي
    فطيم : امر
    خالد : لو خبرت اهلج عشان بظهر وياج اي مكان بترضين
    فطيم : امم يعني عوين ناوي؟
    خالد : مادري يعني اخبرج عادي عندج
    فطيم : وين ماتبي تروح عكيفك المهم انا وياك
    خالد : وافديييتهم ,, عيل باجر بكلم ابوج عشان نطلع شرايج
    فطيم : إن شاءالله
    خالد : وبالمره بستشر الوالد اليوم
    فطيم : هههه خذ راحتك
    لحظة صمت لثواني
    خالد : فطيمتي بسالج وجاوبيني بصراحه
    فطيم :امر
    خالد :امي ضايجتج بشي؟
    فطيم وهي ساكته
    خالد :فطيم شفيج سكتي
    فطيم : ها لا ولا شي
    خالد :شوبخاطرج قوليلي
    فطيم : ماضايجتني بشي بس حسيتها مب متقبلتني بس مع الايام بتتقبل صح؟
    خالد : اعرف انج تقصين ع عمرج بهالكلام وانج شايله بخاطرج كثير
    فطيم وهي منزله راسها ولا ارادي دموعها نزلت
    خالد منصدم : حبيبتي بسم الله عليج شفييييج
    فطوم وتمسح دموعها : ولاشي مافيني شي
    خالد : شبخاطرج قوليلي ؟ لا تصيحين وتقطعين قلبي جي دخيلج شفيج
    فطيم م بين دموعها تبتسم
    خالد : ابتسامه م وراء خاطرج مابيها
    قام خالد ويلس مجابلها


    وهو يمسك ايدها : فديت دموعج الغاليات والله غاليه علي
    ويمسحها بيده
    فطيم : خالد امك مب راضيه عليك صح
    خالد وهو ساكت يطالعها
    فطيم : صح
    خالد : فطيم بقولج شي وسمعيني عدل وفهميني وفهمي كلامي عدل
    فطيم وهي تهز راسها ودموعها تنزل : اسمعك
    خالد : انا قبل لا اخطبج بكم يوم وقبل لا اتكلم يدام الكل ,, الكل كان يعرفني ميت فيج محد مادرى عني
    م كبير لين صغير ,, وانا يومي حبيتج حبيتج م قلبي وتمنيتج م نصيبي
    محدن بيفرقنا سوى الله ,, الوالده حاط فبالها اني بتزوج بنت اختها وانا ياكرهي لهم ,, بمعنى اني ماحبهم
    ويوم قلبي عرفج حبج ,, بغيتج اتكونين ملكي ولوحدي .. وتم ضاغط ع ايدها
    فطيم عمري ماتمنيت شي كثر ماتمنيتج لي ,, امي تمت تصرخ علي انها تباني لهم
    وانها مش راضيه علي وتمت تدعي دوم علي بس انا عارف انها بيوم بتتقبل هالامر هذي حياتي
    صج ادور عرضاها بس امي ماراضيه تفهم
    فطيم : بس هذي امك
    خالد : اعرف .. ورضاها فوق كل شي عندي ,, بس يومها ماتبي سعادتي مع اللي احبها  شاسوي؟
    حاولت افهمها ,, وابوي بعد بس معانده لدرجه البارحه
    متبريه مني
    فطيم : متبريه منك
    خالد : ايه متبريه بس صدقيني م غيضها امي قلبها ابيض وطيبه بس حد لاعب بمخها انا اعرف
    فطيم : يوم الحفله ماسلمت علي وماقربت مني خلتني برعب
    ونظراتها احتقار ماعرف 
    وردت تصيح
    خالد : مستحيل ماقربت منج مووول؟
    فطيم : لا ماقربت مني .. يوم سلمت عليها .. حتى ماردت علي
    خالد : فديييت قلبج والله .. انا برد البيت اليوم وبيلس احاول معاها تفهم علييي وبحاول اعدل الوضع .. مستحيل اسكت لهل شي
    فطيم : لا خالد عشان خاطري لا تسوي شي تضر فيه عمرك .. وتطيح م عينها
    خالد صدقني والله لو باجر صار شي محد بيعق اللوم عليك . بالعكس بيعقونه علي
    لاني انا مرتك .. ويمكن انا بوز عراسك . . والمشاكل بتطيح عراسك والسبه انا
    خالد : حبيبتي .. لو المشاكل منج ابيها
    فطيم : بس
    خالد : لا بس ولا هم يحزنون .. خلاص خلي السالفه علي
    وانا بحلها باذن الله
    وتم يمسح بقايا دموعها
    فطيم مبتسمه : يعل عيني ماتبجيك ياخالد.. الله لا يحرمني منك قول امين

    ------------




    فـ الصاله
    صوب البنات

    مريم وهي متخرعه .. وبخاطرها (( ياربي انا ليش جي يصير وياااي .. ليش دوم اتعرض لهل مواقف مع حمد)) آه يـآآربي
    ساره : شفيج مريمي ؟ مو عـ بعضج ؟ شي صاير لج
    مريم ومب قادره تكتم اللي فيها: ساره بصيح والله بصيح
    ساره : بسم الله عليج يالغاليه .. قوليلي شو بخاطرج من مضايجج ؟
    مريم : ياليتني اقدر اقولج
    ساره وهي تقوم وتمسكها م ايدها : قومي معاي خل نروح فوق الغرفه احسن لج تاخذين راحتج ..
    شيخه وهي تشوفهم قايمين : عـ وين بنااات شهلخيانه اللي فيكم تخلوني بروحي
    ساره : يلسي هني وشوفي لو احتاجو شي انا بسير فوق وياها عندي معاها سالفه والله ياويلج لو ييتي سامعه
    شيخه : اففف انزين .. خلاص مالت عليج وعـ سوالفج
    ساره : وعليج . يالله يالله عقب براضيج
    وكملت دربها

    اول مادشت الغرفه .. سكرت الباب . ومريم يلست عـ الفراش .. وساره مجابلتنها
    عم الصمت لثواني
    ساره : قولي شو بخاطرج
    مريم : خايفه اقولج وتفهميني غلط
    ساره : ماراح افهمج غلط .. أنا بنت عمج .. لو مافهمتج م بيفهمج
    مريم : لانج بنت عمي عشان جي خايفه تفهمين غلط
    ساره : لو بفهمج غلط .. جان م بدايه فهمتج غلط وماراح اقولج قومي وتعالي قوليلي
    مريم : آه ساروه والله مخنوقه
    ساره : بسم الله عليج م الخنقه شفيييج ..
    مريم : بقولج بس امانه ماتقولين لحد ..
    ساره : اوكيك من عيوني .. بس قولي
    مريم : تذكرين امس .. يوم تركتوني ورحتوا .. (( وتمت تقولها السالفه .. ))
    ساره : اوكيك ماصار شي عادي خذتي عشان تشوفين فونج
    مريم وهني بدت تصيح : انا وهقت عمري ياساره بيدي كاني عطيته الرقم
    هاللي ذابحني .. انا كتبت فـ فونه رقمي ..
    وهو الحييييـن يطرشلي مسجات .. وااااه ياخوفي باجر يتصل
    ساره : ولد خالج عاااادي
    مريم : المسجات مو مسجات عاديه مسجات حب ياساره
    ساره : حب؟
    مريم : الكل يعرف انه حمد يحبني .. ومعروف ومفضوح بس ماهقيته يسويها ويطرشلي مسجات
    مابي ارد عليه عشان لا يحسب اني م النوع اللي يكلم
    ومابي اسكت عنه ..
    ويحسب اني لو سكت مستانسه
    والله ماعرف
    وتمت تشهق وتصيح
    ساره : انزين غناتي ماصار شي خلااص يالغلا لا تصيحين,, تبيني اكلمه لج ؟
    مريم : لا ساره مابيه اوهقج معاي
    ساره : اي وهقه حياتي لا وهقه ولا هم يحزنون .. انا بكلمه لج
    مريم : تعرفين ساروه ..
    ساره : شوه؟
    مريم : اكثر م مره لحد الحين شافني م دون شيله وانا كل مره اغلط وانسى اللبس شيلتي
    صدقيني والله بتخبل خلااص
    ساره : انزين انتي مو قصدج انج تطلعين جدامه صح ولا
    مريم : هيه
    ساره : عيل خلاص انطمي .. ولا تسوين لي هالحركات صدقيني بفلعج
    مريم وهي تبتسم : ساره شاسوي
    ساره : لا تسوين شي ولا تردين علي .. وخليه .. وإن مصخها او زاد بحركاته .. خبري سعيد اخوج
    ماظني ماراح يفهمج
    وبيرد سعيد وبيكلمه
    مريم : بسبب مشاكل لا لا بسكت احسن
    ساره : اي مشاكل الله يهديج .. ماشي مشاكل عادي
    بس اقولج لو زودها
    بعدين هاي ولد خالج يعني مستحيل يفكر يسويها فيج
    او انه يتمادى معاج بهالطريقه صح ولا
    مريم : بس اللي اشوفه شي ثاني
    ساره : يمكن م شوقه لج .. بس صدقيني بيله يوم وبيحس انه اللي يسويه غلط
    مريم م بين دموعها .. قامت وخذت فونها .. وبطلت لها المسجات ومدت لها ايدها
    ساره : شنو هاي؟
    مريم : اقريهم
    ساره وهي تقرا عقب ماخلصت : هو اللي مطرشهم ؟
    مريم : هيه ..
    ساره : تاسف لج يالبقره بعد شتبين
    صدقيني ماراح يطرش لج مره ثانيه
    وعقب قولي ساره قالت
    مريم : ولو طرش
    ساره : تعالي خبريني وانا بنفسي بروح بكلمه
    مريم : آه إن شاءالله مايصيرلي مشاكل والله اخاف م هالسوالف
    ساره : فديت روحج لا تخافين انا وياج وهلج كلهم وياج
    مريم : الله لا يحرمني منج ..
    وقامت ضمتها بالقوه
    ساره : انا فالخدمه حياتي متى ماحتجي لشي انا موجوده
    مريم : الله لا يحرمني منج يارب
    ساره : ولا منج وبسج يالله دلع قومي ننزل تحت
    ثواني الا وفون مريم يرن
    ساره : ميثه صح
    مريم : وافديتها صح .. برمسها شويه وبرد انزل تحت
    ساره : خلااص عيل انا نازله الحين
    مريم : اوكيك
    ساره : اترياج لا تطولين
    مريم : إن شاءالله
    ساره وهي نازله .. شافت غرفه سعيد مبطله .. ماتدري شلي خلاها
    سارت صوب باب الغرفه .. وتمت واقفه سرحانه
    الباب مبطل والليتات مفتوحه
    والغرفه مرتبه وماشي حد
    لا ارادي دشت الغرفه
    م دخلت طاحت عينها عـ صورة سعيد
    مبروزه عـ التسريحه
    قربت منه وتمت تتامل بصوره شاللي خلاها تتقرب منه ماتعرف شي يجذبها لصوره
    وتمت لدقايق عينها عليه يوم حست بعمرها يايه تبي تطلع ولا تشوف مريوم وهي داشه الغرفه
    شهقت م شافتها
    ساره : بسم الله الرحمن الرحيم .. م وين طلعتي
    مريم : ههههههه صدتج .. شتسوين هني اعترفي بسرعه
    ساره : ها لا ولا شي مادري شاللي خلاني ادش الغرفه . تصدقين اول مره اشوفها
    مريم : عيبتج ؟
    ساره : موووت الا روعه والله .. احلى مافي الغرفه انه ابيض واسود وااااو احلم بهالغرفه اانا
    مريم: عقبال مانشوفج صاحبه هالغرفه
    ساره وكانه ماي بارد انصب عليها تمت مبطله عينها وتشوف مريم
    مريم : هههه شفيج بسم الله ماقلت شي غلط صج بعد شنو عقبال إن شاءالله انشوفج صاحبه هالغرفه
    ساره : يعني كيف
    مريم : بدينا بالاستهبال
    ساره : لآ لا صج شو قصدج
    مريم عطيتج ويه وايد يالله يالله .. خل ننزل احسن لنا ههاي وبعدين كلامي مفهوم يالله تحت
    ساره وهي تفكر وبخاطرها : اه يعني بصير ملك لسعيد اااااااه واخيرا
    مريم وبداخلها : الله يهنيج يارب ويعطيج عقد نيتج ان شاءالله

    اول مانزلو تحت ام سعيد مجابلتهم
    ام سعيد : انتي وييييييينج جلبت البيت ادور عليج
    مريم : يمه شفيج ؟
    ام سعيد : جي تخليني اتخبل تعالي خل ننجب العشى
    مريم : إن شاءالله
    ساره : عموه خل اساعدكم
    ام سعيد : يالله عيل تعالو ..

    اما بالحوش ..
    سعيد وحمد داقينها سوالف
    حمد : سعيد بسألك
    سعيد : امر
    حمد : مب ناوي تعرس
    سعيد : لا ياشيخ .. بعدني ماتهيأت
    حمد : هههههه والله انك وكيف ماتهيات
    سعيد : اممم افكر ومافكر بس خل تتعدل الاوضاع وإن شاءالله
    حمد : ها عيل شايفلك شوفه اعترف فـ منو؟
    سعيد : خلها مع الايام تنبان
    حمد : سوال صريح وجاوبني
    سعيد : ياربي شكثر تسال انته اليوم
    حمد : بتجاوب ولا
    سعيد : بجاوب وامري لله يالله اسال
    حمد وهو يفكر : امممم بصراحه بصراحه .. تفكر بساره؟
    سعيد : ساره ؟
    حمد : أيه ساره تفكر فيها ولا ؟
    سعيد : حمد انته بعدك ياهل وماتعرف شي قوم قوم وخر عني والله انك خرفت ويلست
    حمد : لا سعيد جاوبني يالله عاد
    سعيد : آخ شاقولك .. لا مافكر فيها
    حمد وهو مصدوم : ماتفكر فيها؟
    سعيد : مب معنى اني مافكر فيها .. بس حمد بقولك بصراحه بس خلها بيني وبينك لاني لحد الحين
    ماقلت لحد .. ومابي حد يدري .. فـ ان حسيت انه حد درى بدفنك انته سامعني
    حمد : أفا عليك سر فالبير ,, قول قول
    سعيد : حمد انا احب
    حمد : تحـــــــــــــــــــــــــــــب ؟

    سعيد : ايه احب ! ليش طايح م عينك ماعندي قلب عشان احب؟
    حمد : صدددددددددددمتني م صجك انتته سعيد سعيد سعيد ماغيييييرك انته تحب؟
    سعيد : اوهووووووووووو لا تلوع جبدي ايه احب ليكون طايح م عينك وحسبالك ماعندي قلب
    حمد : لا محشوم يالغالي .. بس ماتوقعت انك تحب صدمتني ياريال
    سعيد : ايه احب وآآآه
    حمد : وم تعيست الحظ اقصد سعيده الحظ ياسعيد انته
    سعيد : الله يغربل بليسك تطنز ها مو منك م اللي يخبرك باسراره
    حمد : قول قول ماعليك قولي ومابخبر حد
    انته بس اشر واحنا نصوب هههاي
    سعيد : ياسخيف شقصدك
    حمد : نثنق يالله يالله قول
    سعيد : اللي احبها ماتعرفونها
    حمد : يعني؟
    سعيد : يعني احب وحده محد يعرفها
    حمد : يعني ؟
    سعيد : اوهو منك .. احب وحده من دوامي ..
    حمد : وحده من دوامك
    سعيد : انته شفييييييييييييك مب صاحي لا تيينني
    حمد : والله ماني مصدق اللي تقوله اتقص علي ولا من صجك ؟
    سعيد : اقولك هالسوالف فيها جذب ولا استهبال؟
    حمد : مادري؟
    سعيد : اقووووووولك لا تخبل فيني .. احسن لك .. تبي تصدق صدق ماتبي كيفك
    حمد : بسم الله شفيك ياريال ماقلنا شي
    انزين يالشيخ وم هالبنت تطلع
    سعيد : مابقولك انجلع
    حمد : افا والله يالله عاد قول
    سعيد : مايخصك
    حمد : بتقول ولا افتن عليك
    سعيد : جرب وشوف
    حمد : ههههههه ياريال يالله قول
    سعيد : وحده م دوامي تشتغل وياي .. اسمها عليه .. تزوجت م فتره وتطلقت
    حمد : مطلقه
    سعيد : اي مطلقه ليش عيب ولا حرام؟
    حمد : لا ماقلت شي بس استغربت يعني
    سعيد : مطلقه وبتزوجها بعد
    حمد : الله يهنيك يارب ويسعدك .
    سعيد : آمين
    حمد : الا بسالك وساره ؟
    سعيد : تراك وقسم بالله طفرتني فيها .. شفيها ساره ؟
    حمد : مافيها شي بس مب عساس انك لساره وساره لك ؟
    سعيد : انا بكلم الوالده يوم احصل الفرصه المناسبه
    حمد : بتكلمها عـ انه شنو؟
    سعيد : لا تينني باسالتك لا تسال ياخي
    حمد : ياريال لازم اسال عيل كيف بعرف
    سعيد وهو صج متنرفز : حمد سير ول عني وقسم متنرفز ومالي خلق لحد ابدا
    حمد : يارجال ,, اسفين خلاص ماراح نسال
    شوي الا وصوب بوسعيد م الميلس وهو ينادي سعيد عشان ينجبون العشى
    سعيد : ياي لك يالغالي
    وهو يكلم حمد : قوم قوم احسن لك خل ننجب العشى احسن لنا عورت راسي وصدعتني
    حمد : محد مصدع راسك غيرك انته
    معور راسك وراسي معاك خخ
    سعيد : امش امش احسن لك
    وسارو للميلس ..






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كم احبك يا كابتشينو و لكن القدر ابعدنا
    بواسطة إماراتي 7 في المنتدى منتدى حواء طبخ زينة ديكور جمال الطفل
    مشاركات: 5
    آخر مشاركة: 11-07-07, 02:44 AM
  2. قصيدة حب لا تفوتكم حبيبتي خفايا الشوق
    بواسطة رومنسيه سيه في المنتدى معرض المواهب و الابداع Fair talent and creativity
    مشاركات: 5
    آخر مشاركة: 09-06-21, 03:26 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •