تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 26 من 28 الأولىالأولى ... 162122232425262728 الأخيرةالأخيرة
النتائج 251 إلى 260 من 274
  1. #251
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    فدييييييييت كل من تاااااابع الروايه ..,




    وربي اشكركم والسموحه طولت

    انا مكمله البارت بس بنزلها يريب


    سوري عالتاخير








  2. #252
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مر الوقت والساعات والثواني ..
    والكل رد لبيته .. والبنات ساره وشيخه .. هم ردوا البيت
    بلمختصر .. محد فـ بيت بوسعيد غير اهل البيت .. واللي بس باقي م بينهم .. خالد
    تم يالس مع فطيم .. ويسولف .. اما عن سعيد .. فيصل ربيعه دق عليه .. وطلع معاه ..
    والاخ خالد ماخذ راحته
    خل نروح للميلس شوي
    خالد وهو مستانس م يلسته مع فطيم ومافي سالفه الا وسولف معاها .. وتناقش وياها
    خالد : تعرفين فطيم والله وايد مرتاح احس اني لو احتجت لحد .. ومالقيت م يخفف علي ..
    مابلجى لحد غيرج ..
    فطيم : الله يقدرني وعساني افرحك يابعد عمري يارب واريحك دوم .. انا موجوده متى ماحتجتني يالغالي
    خالد : فطيم ..
    قبل لا يكمل كلامه الا الباب يندق وبو سعيد يدش
    بوسعيد : السلام عليكم
    خالد : وعليكم السلام والرحمه ياهلا عمي .. قام وحب راسه ..
    بوسعيد : ها ياعيال .. عساكم مرتاحين ومستانسسين
    خالد : الا فقمة الوناسه ياعمي
    بوسعيد : يارب دوم إن شاءالله هالوناسه وانتي يابنتي .. عساج مرتاحه ؟
    فطيم : الحمدلله يبه
    بوسعيد : الله يخليكم لبعض يارب .. ولا يحرمني منكم . وعساني افرح فيكم .. واشوف عيالكم وعيال عيالكم .. واتطمن عليكم ..
    خالد : العمر كله ياعمي .. الله يخليك لنا يارب .. ويطول لنا بعمرك
    فطيم : آمين ياربي ..
    خالد : عميي .. فيني اطلب منك طلب؟
    بوسعيد : امر ياولدي . خير إن شاءالله ..
    خالد : عمي لا تردني ولي يسلمك .. بس بما انه باجر انا فاضي وعندي اجازه ..
    بوسعيد : هيه ؟؟ وبعدين ؟ شفيك ؟
    خالد : قلت يعني عادي .. اخذ فطيم وياي باجر ونطلع
    بوسعيد : خذها وين ماتبي .. مو هي حرمتك .. وحلالك .. يايبه .. سوي اللي تبيه واللي يريحكم .. بس لو فطيم موافقه خذها ..الراي رايها
    خالد : يعني موافق عمي
    بوسعيد : هيه .. بس اهم شي تدير بالك عـليها .. وتحطها فـ عيونك .. وتعال خبرني . ؟ عـ وين ناوي ؟
    خالد : لا تحاتي ياعمي فطيم فـ عيوني إ،ن شاءالله .. اممم مادري قلت بنطلع بنروح اي مكان المهم اطلع .. وباخذها عالعشى وبعشيها وبنرد
    بوسعيد : عـ بركة الله .. سوي اللي يريحكم ويفرحكم ..
    خالد : فديت روحك ياعمي والله احبك .. وقام وباس راسه وهو مستانس
    بوسعيد : هههههههه الله يفرحك دوم ياولدي .. بس ها ماردت علينا فطيم ؟ اشوفها ساكته
    فطيم والمستحى ذابحها : اللي تشوفه يالغالي
    خالد : ياربي فديت روحج انا والله
    بوسعيد : اقول استحى استحى انا هني .. يعني شوي احشمني
    خالد : فديت روحك والله .. احم اسمحلي يالغالي والله الفرحه مب شالتني
    بوسعيد : آنزين شي ناقصكم . ؟ تعشيتو ؟
    خالد : الحمدلله تعشينا .. والاكل ياعمي لذيذ ..
    بوسعيد : معلوم ياولدي لذيذ دامك تاكل وياشيخه البنات كلهم
    خالد : صدقك ياعمي .. اللي محلي الاكل .. قعدت الحلوين مجابلينه
    بوسعيد : عاد انته ماتستحي انا اقول وانته اتكمل معاي .. ههههه
    فطيم وهي مته مستحى : عن اذنكم
    خالد وهو يمد ايده ويمسك فطيم : عـ وين ؟
    بوسعيد : بس ماشبعت منها .. خل تشوف امها واختها .. م المغرب وهي مجابلتك ..
    خالد : ياعمي حرام عليك م يجابل الحلوين كيف يمل ممنهم .. بعدين للحين ماودعتها كيف تباني اخليها تروح ..
    بوسعيد : استح استح .. بسك خلاص فطيم حبيبتي .. سيري داخل الله يحفظج يابنتي
    خالد : عمييييييي ,, ولي يسلم والدينك انزين بس بسلم عليها
    بوسعيد : ها تبي اليلسه الحين معاها ولا الطلعه باجر ؟ اختر واحد
    خالد : مايصير الاثنين 
    بوسعيد وهو يضحك : لا مايصير اختار يالله .. ترى البنت واقفه
    خالد : عمي حرام عليك .. فطيم خبري ابوج شويه بس
    فطيم : شاقول .؟
    خالد : افا والله فطيم يعني مليتي مني يعني خلاص اطلع
    فطيم : لا مامليت بس ..
    بوسعيد : هههههه الله يحفظكم .. اقول ياعيال .. وهو يوقف
    انا بطلع الحين .. وبخليكم .. سلم عليها عـ قولتك .. وخل تدخل داخل .. بس ها هب اطول ..
    ترى بلغي طلعتكم لباجر
    خالد : إن شاءالله عمي .. تسللللللللللم يالغالي
    فطيم وتوها تستوعب انه خالد لحد الحين ماسك ايدها : خالد
    خالد : آمري؟
    فطيم وعينها عـ ايدها
    خالد : هههههههه حياتي .. ماراح اترك ايدج .. وقام وقف .. مجابلها
    فطيم والحيا ماكلها .. : ليش عاد
    خالد : بس حرام اشوف حرمتي وامسك ايدها .. قام وحبها عـ راسها
    ادعي الله ليل ونهار عسى الله لا يحرمني منج وم شوفتج .. وم قربج .. يالغاليه
    فطيم : ولا منك يالغالي
    خالد : والله مامليت منج بس لازم اطلع الحين واخليج .. وابيج تهتمين بنفسج واديرين بالج عـ روحج هالله هالله بنفسج ها حياتي
    فطيم : إن شاءالله وانته بعد دير بالك عـ روحك وهالله هالله فـ الطريج
    خالد وم دون لا يحس باسها عـ خدها : ياللله غناتي تامريني بشي؟
    فطيم وهي مستحيه : لا سلامتك .. بس دير بالك عـ روحك ولا تسرع
    خالد : إن شاءالله حياتي .. يالله حبي مع السلامه .. وترك ايدها عـشان بيطلع
    فطيم : عين الله ترعاك يالغالي .. بحفظ اللي عيونه ماتنام
    خالد : وقبل لا يطلع قرب منها وهمس باذنها .. : احبج لا تنسيييين وطلع
    فطيم وهي عينها عـ الباب : الله يحفظك يالغالي


    خل ندخل شوي داخل فـ الصاله
    ام سعيد ومريم يالسين ..
    مريم طول الوقت وهي تتحلطم ..
    ام سعيد : بسج تراج صدعتييني بحنتج هاذي
    مريم : يمه لين متى بتم داخل يعني مامل منها الريال .. شوفي الساعه كم الحين ؟
    ام سعيد : خلهم براحتهم .. ترى والله عورتي راسي بحنتج هاذي
    ثواني الا وبوسعيد يدش عليهم ..
    عسى ماشر يالغاليه م عور لج راسج ؟
    ام سعيد : وهو في غيرها هالحنانه اللي يدامي بنتك
    مريم : انا مب حنانه .. يبه شوف امي
    بوسعيد : شفيج يابنيتي عـ امج .. شفيكم جي
    مريم : يبه فطيم مصختها م متى يالسه والله مليت ابي اقعد معاها اشتقتلها
    بوسعيد : خس الله بليسج .. هههه .. الحين اشتقيلها .. لو تزوجت شبتسوين .. تركي عنج الدلع والغيره
    وقومي روحي يبيلي حبة بندول ترى راسي بينبط م العوار
    مريم : سلامت راسك يالغالي .. إن شاءالله م عيوني ..
    ام سعيد : خير إن شاءالله شفيك يابوسعيد ؟
    بوسعيد : ماشي يالغاليه بس شوي مصدع .. وابغي ارقد ..
    ام سعيد : سلامت راسك الغالي ..
    بوسعيد :هيه صح قبل لا انسى .. باجر فاطمه بتطلع مع خالد ... عـ العشى الولد مكلمني يبي يطلعها
    ام سعيد : ويه ؟ عـ وين بعد "؟
    بوسعيد : مادري والله ماحبيت اكسر بخاطره .. ماحبيت اخرب فرحتهم ,, والله ياام سعيد مابي غير فرحة بنتي فطيم ..
    وانا دامني اشوفها فرحانه ماودي اخرب عليها الفرحه واقولها لا .. ودام انه الولد بخاطره ليش اخليه بخاطره وارده .. وهو طالبني .. خل يطلع ويغير جو معاها .. وبالمره فطيم تستانس. .
    ام سعيد : اللي تشوفه يالغالي .. شورك وهداية الله .. الله يسعدهم يارب
    بوسعيد : إن شاءالله
    مريم وهي داشه : يسعد منو ؟
    ام سعيد : الملسونه ردت .. بلى لقافه وعطي لابوج الحبه
    مريم وهي تمد ايدها لابوها : تفضل يالغالي ..
    بوسعيد وهو يبلع : يعطيج العافيه . دام فضلج, الا حمود وين
    مريم : راقد ..
    ردت مريم ويلست .. وثواني الا وفطيم داشه
    مريم اول ماشافت فطيم وهي تتحلطم عليها : ها يالبرنسيسه .. خلصتي ؟ ولا بعدج جان ماطلعتي ويلستي بعد وين تو الناس ماصار الليل للحيين .. مابغيتي تطلعين
    ام سعيد : بسم الله عليج . بالعه راديو خل البنت تتنفس شويه .. تعالي يمه عندي
    فطيم وهي تضحك : فديت روحج انا والله .. شفيج مريمي ؟؟ وهي تيلس احذى امها
    مريم : ماشي ياختي بس وحشتيني
    بوسعيد : عن الدلع يالله اشوف .. قومي روحي رقدي ومانبي سهر ..
    فطيم : فديت روحج ..
    مريم : يبه تو الناس .. مافيني رقاد .. وبعدين شمعنى انا وفطوم لا .. ولا خلااص هي كبيره واحنا صغار
    ام سعيد : يمه منج وم لسانج .. يباله قص
    فطيم : وهي تقوم وتروح تيلس احذى مريم : وافديت اللي يالسه تتحلطم وبالعه راديو . انا والله .. يعلني فداج .. قامت وضمتها
    بوسعيد وهو مستانس : ربي يخليكم لبعض يارب
    ام سعيد : امين يااارب

    خل نروح لبيت بو خليفه فـ حجرة البنات
    شيخه وهي يالسه عـ النت وساره منسدحه سرحانه وتفكر
    شيخه وهي تشوف اختها سرحانه مستغربه م حالها : ايه حوووو .. شفييييج
    ساره : مافيني شي ..
    شيخه : وين وصلتي ياختي .. كل هالسرحان سرحانه فـ من ؟
    ساره : شيخاني ولي يسلمج ويرحم والدينج ,, ترى والله ماني بمفتيجه ..
    شيخه : وانا شقلت ؟
    ساره : بس عن الرمسه الزايده .. لو سمحتى سكري الليت ابغي ارقد
    شيخه : بسم الله عليج .. حالتج مستعصيه ياختي .. تعالي خل اعالجج ..
    ساره : شيييييييييييخه
    شيخه : لا تصيرين لي مريوم ترى ماراح اخاف واطلع برع
    ساره : لا حوووووووووول ..
    شيخه : خلاص خلاص بسكت اوك ,, بس قوليلي شفيج
    ساره : اف لا تحلمين اقولج اللي فيني .. وبعدين مافيني شي فيني رقاد وابغي ارقد
    شيخه : سوير نسيت اخبرج .. خليفه كان يالس يدور عليج .. اول ماوصلنا .. وقلت له انج بالغرفه .. قالي ازقرج وانا نسيت
    ساره : لا والله ؟ تو الناس ليش تذكرتي بعد .. قامت ويايه تبي تطلع
    شيخه : ههههههه امزح امزح معاج .. ردي رقدي .. ولا شفته ولا اعرف عنه بعد
    ساره : سخيفه وماتضحكين اوك .. افففففففففففففففف
    شيخه : طالعه عليج اوختي
    ساره وهي منسدحه ومتلحفه .. ومغمضه عيونها تبغي ترقد .. وشيخه مبطله الاغاني وتسمع وتغنى
    ساره وهي تصرخ باعلى صوت : شيييييييييييييييييييييييخخخخخخخخخخه
    شيخه : بسم الله اللهم سكنهم في مساكنهم .. ويعه ان شاءالله .. شتبيين شفيج جي تصرخيين شعندج
    ساره : لو ماسكرتي الاغاني وهاللاب بكبره ترى والله لا اكسره لج افهمي راسي يعورني مو متفيجه بلا سخافه
    شيخه : انزين انزين سكرته خلاص بس اللاب ماني مسكرته اسفه ملانه ومافيني رقاد ابي اقرا قصه
    ساره : وريل خذاج قولي امين
    شيخه : آميييين ويفكني منج وم شيفتج
    ساره وهي مالها خلق : ترى والله مالي بارض ارد عليج واكلمج .. انا برقد تصبحين عـ خير
    شيخه : هههههه وحليلج .. وانتي من اهله .,. نامة عليج طوفه
    ساره وهي تتافف : افففففففف
    ششيخه : خلااص خلااص سكتنا اسفيييين .. للحلويييين ..
    ساره وهي ترد لسرحانها وتفكر فـ سعيد واللي صارلها .. والكلام اللي قالته مريم .. يعني في امل انها بتاخذ سعيد بس ماتدري شلي مخليها تحس انه سعيد مايباها .. بس شمعنى نظراته لها ؟ شيقصد فيهم ؟
    ليش كل مره يطالعني .. ليش .. اه ياربي الله بالصبر



    فاليوم الثاني
    فدوام سعيد وعليا
    دش سعيد الدوام وهو حاس بضيج مايدري سبب هالضيج ,, دخل مكتبه وشاف فيصل سلم عليه ويلس
    فيصل : سعيد
    سعيد : هلا
    فيصل : عسى ماشر يالغالي شفيك جي مالك خلق لحد؟ وويهك معفوس عسى ماشر؟
    سعيد : ها .. لا سلامتك ماشر ... بس
    فيصل وعلامة التعجب فـ ويهه : شفيك جي اارمس
    سعيد : ما م شر يالغالي .. بس مادري شصابني ماني مرتاح وحاس بضيج واحس الدنيا ضايقه بعيوني ياقيصل ,, احس بيصيبني شي
    فيصل : اذكر الله واستعوذ م الشيطان .. هاي الشيطان يلعب فـ مخك .. ومام شر إن شاءالله
    سعيد : إن شاءالله
    ثـواني الا وعليه تدش
    عليه : السلام عليكم
    سعيد وفيصل : وعليكم السلام والرحمه
    عليه : شخباركم شباب عساكم مرتاحين ؟
    الاثنين : الحمدلله وم صوبج ؟
    عليه : تسركم .. سعيد عسى ماشر شفيك ؟ ليش ويهك منقلب؟
    سعيد : ماشي يالغاليه ..
    عليه : متأكد ؟
    سعيد : هيه لا تحاتين ..
    فيصل وهو حاب يغير السالفه : الا عليه .. مها وينهي ؟ ماشرفت ؟
    سعيد وهومبتسم : شتبي فيهم ؟
    فيصل : يالحمار لا يروح فكرك بعيد .. والله بس حبيت اسال ..
    عليه : جني لمحتها وهي صوب الرسبشن
    فيصل : اهااا ..
    والكل تم يشتغل .. ويكمل اللي عليه
    مرت دقايق الا ومها داشه بكامل زينتها
    مها : السلام عليكم
    الكل : وعليكم السلام ,,
    مها : شحالكم ؟ شعلومكم ؟
    عليه : تسرج ,,
    فيصل : تمام وم صوبج
    سعيد وم دون نفس زينين
    دشت مها ومدت ايدها لعليه .. وعقبها يلست احذاها وبدو يشتغلون
    وطول مامها وعليه يشتغلون .. مها ترفع عينها وتطالع سعيد
    سعيد حس بضيج مب قادر يستحمل نظراتها .. شل عمره وطلع م المكتب
    فيصل وهو مستغرب : هاذا اشفيه اليوم ؟
    عليه : سير شوف شو بخاطره ؟
    فيصل وهو قايم : الحين ساير .. عن اذنكم
    وفي الممر .. سعيد وهو ماشي مايدري لوين رايح
    فيصل : سعيد ياسعيد
    سعيد وهو لاف جسمه صوب فيصل : خير
    فيصل : شفيك ياريال جي تطلع ؟ شي مضايقك ؟
    سعيد : فيصل .. ماني قادر استحمل .. انته تشوف نظراتها لي لوعت جبدي اكره ماعندي حد يطالعني بهالنظرات
    فيصل : م تقصد ؟
    سعيد : وهو في غيرها مها ..
    فيصل وهو يضحك : هههههه مهااا ؟ شفيها شسوت
    سعيد : اوهو ترى مو وقته الحين وقت الضحك ؟ .. انته شوف نظراتها لي مالقت غيري تشوفيني انا ويدام عليه >< شبتقول عني عليه .. مستانس لشوفتها ونظراتها خس الله بليسها
    فيصل : هدي حالك وطنشها .. ياخي لا تتحسسس جي .. وعليه . إن فهمت بشي غلط انا راح افهمها واقولها .. ولو تقدر توقفها عند حدها .. او انهم يطلعون لهم حل ويطلعون م مكتبنا .. وتكمل شغلها بعيد عنا
    سعيد : ياخوفي التدريب يطول .. وانا احس يالس افقد شوفة عليه م يت هالعله
    فيصل : تو الناس ماصارلها وايد م يت .. بعدين استغفر ربك واستهدي بالله ماصار شي .. ورد لمكتبك ترى بعض الناس يحاتونك
    سعيد : منووو ؟ عليه ؟
    فيصل : ايه وهي اللي خلتني ايي صوبك
    سعيد : يعلني فداها
    فيصل : ههههه طوف طوف صج ماتستحي عـ ويهك
    سعيد : مشينا
    وردوا لمكتبهم






  3. #253
    عضو جديد
    الحالة : ε!yỜz š†yℓe}~ غير متواجد حالياً
    رقم العضوية : 40083
    تاريخ التسجيل : 29-07-09
    الجنـس : انثـى
    المشاركات : 22
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    نآآآآآآآآآآآآآآآآآآآآآآآآآآآآآآآآيس البـآآآآآآآآآآآآآآآرت

    وارقب البـآآآآآآآآآآآآرت الـأطوووول حبيبي ..

    تيك كير ..

    وارقب البـآرت اليـآآي ..

    ربي يحفظج ..^^






  4. #254
    عضو جديد
    الصورة الرمزية طبع البشرفيهم مرض حب تغير
    الحالة : طبع البشرفيهم مرض حب تغير غير متواجد حالياً
    رقم العضوية : 40085
    تاريخ التسجيل : 29-07-09
    الدولة : الإمارات-بوظبي
    الوظيفة : طالبة
    الجنـس : انثـى
    المشاركات : 22
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    وأخيرا خفويه حطتلنا بارت ^_^
    يالله حبيبي كملي ....
    ولا تتحيرين علينا





    طبع البشر فيهم ---}~ مرض حب تغيِِِِِِــــر


  5. #255
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مشكوره الغاليه ..

    حلو البارت لكن صغيييييييييييييييير ..

    نتريا البارت الياي لكن ياريت يكون اطول ..






  6. #256
    عضو مجتهد
    الصورة الرمزية غ ـالية ابوها
    الحالة : غ ـالية ابوها غير متواجد حالياً
    رقم العضوية : 40240
    تاريخ التسجيل : 08-08-09
    الجنـس : انثـى
    المشاركات : 125
    التقييم : 16
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    نتريـأاااااااااااااااااااااااااااااااااااااااااااا ااااااااااااااااااج لاتبطييين عليناا
    ونباا باارت طوييييييييل طويييييييييل طوييييييييييييييل ههه
    ومشكورررررررررررره ع القصه الرووووووووووووووعه
    ربي لاهانج ونترياا يديدج
    يلا فمان الله





    لا توقيع حاليـــآآآآ \\\ . . ~

  7. #257
    عضو الماسي
    الصورة الرمزية أميرة التاريخ
    الحالة : أميرة التاريخ غير متواجد حالياً
    رقم العضوية : 39385
    تاريخ التسجيل : 11-06-09
    الدولة : إماراتي ..
    الوظيفة : طالبة فديتني
    الجنـس : انثـى
    المشاركات : 1,894
    التقييم : 304
    Array
    MY SMS:

    محد يتحدى التااريخ

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تسلميييييييييين والله حبيبتي عالطرح يا خفايا الشوق ولج مني احلى تقيييم ++






  8. #258
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    وينـــــــــــــــــــــــج ؟؟؟؟؟؟؟؟؟؟

    نتريااااااااااااااااااااااااااااج ..






  9. #259
    عضو نشيط
    الحالة : طيوبه غير متواجد حالياً
    رقم العضوية : 33389
    تاريخ التسجيل : 07-03-09
    الجنـس : انثـى
    المشاركات : 25
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    يسلمووووووووووووووووووووووووو

    على البارت الرائع






  10. #260
    عضو جديد
    الحالة : al.m3zbh غير متواجد حالياً
    رقم العضوية : 45118
    تاريخ التسجيل : 25-10-09
    الجنـس : انثـى
    المشاركات : 9
    التقييم : 10
    Array

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    يسلمو خيتو

    بس بلييز نبي التكمله بليز و الله عيبتني






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كم احبك يا كابتشينو و لكن القدر ابعدنا
    بواسطة إماراتي 7 في المنتدى منتدى حواء طبخ زينة ديكور جمال الطفل
    مشاركات: 5
    آخر مشاركة: 11-07-07, 02:44 AM
  2. قصيدة حب لا تفوتكم حبيبتي خفايا الشوق
    بواسطة رومنسيه سيه في المنتدى معرض المواهب و الابداع Fair talent and creativity
    مشاركات: 5
    آخر مشاركة: 09-06-21, 03:26 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •