تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 6 من 28 الأولىالأولى 123456789101116 ... الأخيرةالأخيرة
النتائج 51 إلى 60 من 274
  1. #51
    عضو مجتهد
    الصورة الرمزية سبحان ربي.....
    الحالة : سبحان ربي..... غير متواجد حالياً
    رقم العضوية : 39262
    تاريخ التسجيل : 03-06-09
    الجنـس : انثـى
    المشاركات : 104
    التقييم : 12
    Array
    MY SMS:

    عيناويه وأفتخر

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    كملييييييييييييييييييييييييييييي حرااام










  2. #52
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    سوووري طوولت ,,,,,,,,,,,,,,,,,,,,,,,,,,,,,
    وفبيت قوم بو خليفه ف الميلس ..

    ام خليفه : ها بو خليفه شو المعنويه باجر شهاده بنتكم فطيم شو تهقا نسبتهـآآ
    بو خليفه وجنه ناسي السالفه : جيه فطيم بنت اخويه بثنويه العامه
    ام خليفه : من صدقك انت وين بو خليفه الا لا سالت عن عمر عيال خويه بو سعيد يرد بالسنه والشهر والساعه
    بو خليفه : والله يا ام خليفه راحت ذيج الايام وانا شيبت وعقلي مقفل
    ام خليفه : ههههههههه يارك الله بو خليفه الحين انت شيبه يالله امره ما قدر الشعر الابيض مخبي الاسود براسك
    بو خليفه : هيه بعد شنو عمريه امكن 40 يعني بكون ياهل ,,, هب جنه الا تتطنزين علي
    ام خليفه : بذمتيه 40 بعدك شباب حياتي عيش حياتك ولا تشيب عمرك ترى بيقولون ريل ام خليفه شيبه هههههههههههه ويتشمتون ابيه
    بو خليفه وهو يستهبل : اها اعيش حياتي يعني مثلا مثلا اسير اخذ حرمه تراني بعدني شباب وكل حرمه تتمناني ,, يارج الله بس همج نفسج
    ام خليفه وشوي غارت وانقهرت من رمست ريلها : ها بوخليفه لا يكوون ودك تعرس ع راسيه لا لا خلاص شيبه محد يبيك ولا تعيش حياتك ولا شياته ايلس بالبيت وحج راسك
    بو خليفه : ههههههههههههه وتهقين اني اسويها يا نور هالكون وف حد يزوج ع حرمه شرواج بذمتيه ما يستحي
    ام خليفه وشوي استحت : هيه هيه الحين بو خليفه يبي يقص علي بجمن رمسه عسب اسكت ,, والله يا بوخليفه رياييل هالزمن يسوون كل شي
    بو خليفه وبكل ثقه : الا انا يا حياتي والله لو ع قص رقبتي ما خذت عليج ليش اخذ عليج وانت ابد هب مقصره بحقي
    ام خليفه وبدات تتغلا : فديت بو خليفه والله ما نسى ذيج الايام قلت كل ما كبر بينسى الكلام العسل اتاري لا ناسي ولا شي لا يكون عندك حد تقط عليه هالرمسه عسب جيه ما تنسى
    بو خليفه : افا افا وانا ابو عيالج بذمتج انتي من صدقج يعني منو تقصدين افا والله تشكيييين لالا مستححيل ام خليفه اشك فيه يعني بقول هالرمسه حق امنو غيرج
    ام خليفه : هههههههههههه والله اني اسولف وياك وقلت خل اذكر الماضي شوي واتغلا
    بو خليفه : اتغلى يا عمري اتغلي ,,, لك حق يا زين تتدلع دامني فيك المولع
    ام خليفه وهي مصدومه انهها تسمع هالرمسه : اوي اوي استحيت اوي اممم انا بسير ارقد شو نازل ع بو خليفه اليوم اسمع مناه هالرمسه السنعه
    بو خليفه : ههههههههه يحليلج لهالدرجه يعني انا حارميج من هالرمسه يالله يالله تصبحين ع خير
    .................................................. ...
    وفيت قوم بو خالد
    خالد وهو يلعب سوني يدق استارت : حمدووووووووووووووووووووووووووووووووووووووو
    حمد : ويعوووووووووووووووه جيه دقيت استارت يعني انا يوم بييب قول علي سويتلي حق الحركات والله بسرعه رده ولا والله ما بلعب
    خالد : بقوولج شي يالسبال قال بيب قول علي وايد تحلم
    حمد : بلاك شعندك يالله قول ترى اللاعب جيه بيتوتر وبيضيع الفرصه ادري حركات انت والله صبر عليه من يكون لك هجمه بدق استارت انا اراويك
    خالد : حمدو انت اسمعني عقب احكم يا ريال باجر نتائج آآه فطوم حبيبه قلبي
    حمد : اوي عيل حتى مريوم باجر نتايجهـآآ تصدق
    خالد ويضحك ع غباء اخوه : يا حبيبي شيختج فطيم ثنويه عامه يعني الشهاده الاخيره الها يعني النسبه ويعني ويعني ويعني عادي اسير اخطبهـآآ
    حمد : وليش مريوم اصلا صف جم ؟
    خالد ههههههههه: والله وانا شو درابيه عنهـآ انا فطوم اللي تهمني وبس بس بعد مريومووو فديتها ع ما اظن ثاني ثنوي
    حمد : ها شو قلت فديتها والله قصورك صبر صبر ويت كيف يعني بتروح ثالث لا لا مستحيل انا اللي بروح ثالث هي فديتها بتسير ثاني تراها اصغر عني بسنه
    خالد : قووووووووووووووووول انك تعرف ولا تيلس تسويلي هالحركات اونك ما تعرف المهم باجر شو اسوي ابي اعرف نسبتها لاني اعرف انها شاطره ما شاء الله عليها وجان نزلت بتيلس تيصح وانا مابيها تصيح وتضايج
    حمد : حشه هب حب شو رايك اروح الهم باجر انسير انبارك حق عميه
    خالد ويسد السوني : يالله يالله انا بسير ارقد عسب الصبح انش بسرعه
    حمد ووهو معصب: انت تستهبل حضرتك ليش تبند السوني يعني ما تبيني افوز عليك حيووووان انا ارويك
    خالد : هههههههههههه وحليلك انت بعدا عايش ع ذكراه حلمك وتبي تفوز علي يحلمووون اللي ودهم علي يفوزووووووون تصبح ع خير ههههههههههههههههههههه
    ...........
    فاليوم التــالي ,,, اللي انتو تعرفونه يوم الرعب والزياغه وعدم الرقاد يوم الشهايد ,,,
    الصبح فطيمو ناشه بسرعه من الزياغه ويالسه تحاتي الشهاده :مريوووووووووووووووم يالدبه قومي قومي بروح انيب شهادتنـآآ نشي بس الساعه 8 ونص
    مريوم: اوووووه منج من ابنيه انتي جيه تسوين هالحركات حضرتج تستهبلين وشو يعني الشهايد ياخي انا برقد خل راجو الدب يبيهن
    فطوم وهي ومصدومه من اختها : انتي حو حو تستهبلين اقولج شهايد نشي وريل خذاج وعيشج بالهناء قولي آمين
    مريوم وهي راقده : آمين وحليو بعد لا تنسين
    فطوم : غربلات بليسج من بينه مستعيله وايد ع الريل وحليو قالت وافقدتج نشي اقولج الشهايد والله بروح عنج يمكن تشوفين هناك ميثووتج
    مريوم وجنهـآ الا تتستوعب السالفه : ها شو تقولين شهايد وميثو امكن اشوفها انتي جيه ما توعيني ؟
    فطوم وهي تضحك ههههه: ما ادري من اللي وعاج يمكن اليني اللي بيبتكم وافقدتج انا متزهبه شوفيني هكوني بنزل عنج وبسير اشوف مياثني ومرو وبسلم عليهم وامره ببارك لهم بالنجاح وبقول مريوم قالت انا هب متفيجه الكم هههههه
    مريوم : لا لا فطيم لا تستهبلين انا بي لا تسوين هالحركات دقايق بس بتزهب وبي
    فطيم: اوك عيل انا بسير تحت بشوف قوم اميه يالله عيل اترياج هب اطولين
    مريوم : تم بيليج بعد شوي
    فطيم وهي نازله تحت ركيض ولا تدعم امهـآآ وامهـآ استغلت الفرصه وضمتهآ لانها اصلا كانت يايبه شهاده فطيم من غير ما تعرف وتعرف نسبتها وكانت مستانسه حيل :فطيم يا بنتي الف الف مبروك يا عمري انتي يا ضنا امج والله وبيضتي ويهنا وتبوسها ع راسها وتقول والله اني افتخر فيج انج بنتي والله فرحتيني وفرحتي ابوج
    فطيم وهي هب مستوعبه السالفه بس تبتسم : ها امي يعني انتي يبتي شهادتي ؟؟؟
    ان سعيد : آآآه يا فطيم انتي لو تعرفين امتى ابوج مروح مدرستج عسب شهادتج ما بتصدقين اول ما فجو الباب ولا ابوج واقف يتريا شهادتج والحمدالله كل هالانتظار ما راح ع الفاضي يبنآ شهادتج ونسبتج ترفع الراس انتي ومريوم والله انا وايد مستانسين ابكم الله يفرحكم ويوفقكم وعقبال شهاده الدكتوراه يا بنتي
    فطيم وهي فرحانه حيل من رمست امها معنها ما شافت الشهاده : والله يا امي وربي الغالي سعادتج وسعاده ابوي هي اللي اتمناها بحياتي ,,,, اميه ابي اشوف شهادتي وين اهيه
    ام سعيد : ابوج ضام الشهاده من الوناسه وقال قبل لا اعطي واروي فطوم شهادتها بخليها تطلب اللي تبي عسب اكون قد رمستيه
    فطوم : هههههههههههه خل اسير استغل الفرصه واطلب لين ما اشبع هههههههههههه
    وتسير ركض عند ابوها : ها باباتي ابي اشوف شهادتي
    وبو سعيد بكل وناسه يضم بنته ويبوس راسها : والله اني ما استانست بحياتي كثر ما مستانس اليوم الله يسعدج مثل ما سعدتينا انا وامج يا اخلا بنت بهالكووون
    فطوم : هههههههه ابوي اطلب ولا بعدين
    بو سعيد : طلبي امري ادللي فديتج ابوج رمسته رمست رياييل آمري عيوني لج يا الغاليه
    فطوم وهي مستحيه : والله والله يا ابوي وامي اللي صج اطلب منكم وابيه واتمنى اني احصل عليه رضــآآآآآآآآآآآآآآآآآآآآآآآآكم ومابي غير رضاكم جان رضيتو عني فهاي احلى واغلى هديه بنسبه لي
    ام سعيد ومستانسه انها تسمع هالرمسه من بنتهآآ: والله وربي الغالي يا بنتي اني راضيه عليج تمام الرضا يالله عسا الرب يكون رضا عليج
    بو سعيد : والله وحتى انا يا فطيم راضي عنج بس هذا طلبج تم يالغاليه تم بس تمين ع تميزج وشطارتج وبسوي لج احلى عزيمه اليوم وبعزم الاهل
    فطيم: ابوي انت هب جنك ماتبي تراويني الشهاده ابي اشوفهـآ يالله عاد
    بوسعيد ويعطيها الشهاده : دووج شوفي شهادتج وانزقي وصرخي وطيري وافرحي
    فيطم من اشوف نسبتها ودرجاتها تصرخ صرخه : الله نسبتي 96 والله والله اني طايره من الوناسه ما اصدق عيني اني اشوف هالنسبه بشهادتي وبالثنويه العامه
    ومريوم تركض من صرخه فطيم ولابسه عبايتها : فطيم بلاج صرختي والله اني نقزت وقلت هاي الخبله استوابها شي
    بو سعيد وهي مستغرب : مريوم وين بتروحين ليش لابسه عباتج ؟
    مريوم : ليش ابويه فطيم ما خبرتك بروح المدرسه بنيب شهادتنا ليش ما عندك خبر انه اليوم الشهايد
    بو سعيد وام سعيد : ههههههههههههههههههههههههههههه وحليلج مريوم وانتي ما ما تدرين انه شهادتج يبنها
    فطوم : باركيلي مريوم حصلت ع النسبه اللي ابيها مريوم مريوم بطير من الوناسه الله واخيرا بصير دكتوره
    مريوم : وافقدتج وامس مسوتلي مناحه اوني برسب ,, مبرووووووووووووووووووووك والله تستاهلين حياتي وفرحت لج بس كم نسبتج
    فطوم : انتي قبل لا اقولج قولي ما شاء الله
    مريوم : بل هههههههههههه لا اقصد ما شاء الله
    فطوم : 96 الله وناسه
    مريوم وتسير تضمهآآ : مبروك مبروك عقبال ما اشوفج عروس وارقص بعرسج هههههههههههههههههه
    بو سعيد : بنتي ما تبي تعرس تبي تصير دكتوووره
    فطيم : الكل باركلي الا سعيد سعيد اخويه وينه
    ام سعيد : جيه ما تدرين اليوم دوامات وسعيد مدوام
    فطيم : انزين وابويه كيف ما روح الدوام
    ام سعيد : ابوج من امس محتشر وماخذ اجازه بس عسب شهادتج
    مريوم : كل ها حق فطوم وحقي انا شو ,, الا بسالكم انا كم نسبتي
    فطيم : امممممم صح مريووموو كم نسبتها ؟؟ ما خبرتوني
    ام سعيد : مريوم بالتلفونات وعدم المباله والله نعمه انها تيب 90 هههههههههه
    مريوم : اوي تصدقين انا 90 والله قويه بحقي ههههههههههههه وناسه وناسه يالله بطلب ابي اسافر المانيا هههههههههههه
    بو سعيد : انتي لا يبتي شهاده الثنويه ونسبتج جيه بسفرج المانيا بس انتي بعدج عاشر وراج سنتين
    مريوم : وانتي فطيم شو طلببتي
    ام سعيد : ما يخصج طلبت اللي طلبته المهم يوصل لها
    ,,,,,,,,,,,,,,,,,,,,,,,,,

    اما بالنسبه لسعيد وهو بداومه
    فيصل : ها سعيد بشر شو نسبه الرضيعه ان شاء الله بيضت الويه
    سعيد وهو ما يعرف السالفه : ليش شو السالفه اصلا ؟
    فيصل: لا لا مستحيل ما تعرف انه اليوم نتايج الثنويه العامه
    سعيد : اوي احلف انت بس ؟؟ يعني اختي اليوم نتايجهــآآ,, صبر صبر خل ادقلها واتاكد
    سعيد دق لفطيم .. فطيم ردت
    سعيد : هلا فطيم اشحالج ؟
    فطيم : لا تسال عن حالي يا سعيد انا طاير من الفرحه طاير
    سعيد : ليش شو سالفه
    فطوم وغيرت نمط صوتها : سعيد تستهبل اليوم نتايجنا
    سعيد : هيه اعرف اعرف اصلا داق انا عسب ابارك لج
    فطوم : اشك بصراحه ههههههههههههههه
    سعيد : بشري بشري ان شاء الله بيضتي الويه
    فطوم : صبر اول شي شو هديتي عقب بقولك
    سعيد : اللي تامرين به انا حاظر
    فطوم : هههههه ادريبك اصيل وما تقصر انا انا نسبتي امممم شو رايك يوم ترد البيت
    سعيد : فطيموو خل عنج ويالله خبريينه جان النسبه دشت مزاجي وعجبتني برد البيت عقب شوي
    فطيم : صج اكييييد بتعجبك
    سعيد : يالله يالله قولي انزين
    فطيم : امممم تصدق نسبتي 96
    سعيد : كفوووووووووو يا بنت امي وابوي والله انج كفو بياض ويه امره انا ياي ما شاء الله عليج مبروووووك والله اني فرحت لج يالغاليه عقبال الدكتوراه ان شاء الله
    فطيم : آمين من ثمك لباب السماء يارب
    سعيد: اممممم انا بشوف لو خلوني اطلع من الدوام بطلع اوك واكيد ابوي بيعزم الاهل اليوم
    فطيم : بلا شك لاني بنته الغاليه هههههههههههه
    سعيد : الله يديم الوناسه عليج فديتج يالله عيل انا بخليج لحين
    فطيم : امم والله فرحتي اكتملت الحين لانك دقيت وباركت لي
    سعيد : اكيد ببارك لج انتي الغاليه فديتج
    فطيم وشوي استحت : هههههههه ربي يحفظك
    سعيد : ويحفظج ف داعه الله
    سعيد من سد الفون : فيصلو وافديتك والله وايد احبك زين انك ذكرتني ههههههههههه
    فيصل : بشر بشر ان شاء الله بياض ويه
    سعيد : امره بياض ويه دامهـآ خويتي ههههههههههه
    فيصل : يالله مبرووووك ياربيه عقبال الدكتوراه
    ,,,,,,,,,,
    خلنا ارد لبيت قوم بو سعيد واعيشكم الفرحه اللي كانو حاسين ابها والتلفونات اللي تيلهم من كل صوب والتبريكات
    حمود مستغرب من الوضع كل يالس يرد ع التلفونات : اوفي والله انا تعبيت بصراحه هالتلفون اليوم وايد يرن
    فطيم : ههههههههه حمود حبيبي ما قلت لي مبروك
    حمود : مبلوووك بث ليث ؟
    فطيم : امممم يعني لو قلت لك بتفهم ههههههههههههههه
    طبعا بو سعيد مسك فونه ويلس يتصل ويعزم بو خليفه وبو خالد وقال لهم اليوم بتون عندنا امره
    ,,,,,,,,,,,,
    ف بيت قوم بو خالد
    بو خالد : والله فديتها بنت اختي بيضت ويهنا وفرحتنا
    ام خالد : وافقدتك قال فرحتنا انا هب فرحانه
    بو خالد : وانتي اصلا متى فرحتي لريلج ما علي منج والله اليوم انا امروح عند اختيه بتين تعالي ما بتين برايج
    ام خالد : هيه بس هذا اللي فالح به كل تصرخ عليه وما حصلت من ورا اهلك الا المشاكل
    بو خالد : سبحان الله هيه والله سبحان الله الحين هلي اللي ما حصلتي من وراهم اللي المشاكل يا للعجب
    ام خالد: يعني تستهبل انت حضرتك هكووم اللي دقو لك وع طول انت تغيرت علي شفت عاده
    بو خالد : يا سبحان الله انا لو تغيرت جان تغيرت من عشرين سنه اللي ماخذ بهن هب الحين وبعدين تعالي انا من امتى قاطع هلي بس عشانج
    ام خالد : خلاص انزين بسير وياك انا وآمري لله
    بو خالد : بتين حياج ما بتين كيفج
    خلونــآآ اشوي نطلع برع البلاد وانسير عند عليه وسلطان ...
    عليه وهي يالسه تشوف التلفزون
    سلطان : هيه بس انتي اللي فالحه به تلفزون تلفون وريلج مسويه له اكبر طاف
    عليه : وانت بس فالح لربعك وعليه مسوي لها اكبر طاف
    سلطان : اووهووو ردينا ع طير ياللي الحين شدخل ربعي بسالفه؟
    عليه : ربعك آآه يا سلطان من ربعك ربعك دمرو حياتي ودمرو قلبك الطيب وافنوه من هالكون
    سلطان وبطريقه سخريه : هههههه واصلا انا متى كنت طيب يا آنسه عليه اصلا الطيب ما عرفني ولا يحصلي اعرفه
    عليه : آآه يا سلطان تحيد يوم خذتي تحيد يوم انت الوحيد اللي وقفت وياي يوم كنت محتاي لك يكفي انك خذتي عسب ظروفي بس ليتك تميت مثل ما كنت
    سلطان : ههههه ضحكتيني وانا ما فيه اضحك انا خذتج رفقا فيج وبس لا خذتج لاني احبج ولاشي بس شفتج وحيده وابوج المكسين طايح ع الفراش كسرتي خاطري وقلت بسوي فيج خير هههههههههه
    عليه: لا يا سلطان اقص ايدي اذا انت خذتني عسب اني كسرت خاطرك انت كنت تحبني وتحب التراب اللي امشي عليه عمري ما قلت شي وقلت لي لاه وين هذيج الايام يا سلطان ايام حبك وحنانك وتدليلك صرت قاسي ومثل الحجر وما تعرف الا تضربني وتصرخ علي وتعذبني آآه يا سلطان ربعك دمرو حياتي افهم الله يخليك افهم
    سلطان وبكل قسوه يصير ويعطيها طراق : انا اللي قلبي صاير مثل الحجر ههههه والله اذا كلامج صح ما كنتي بشوفيني اصلا مخلنج عندي بالبيت كنتي بشوفين عمرج طايحه برع تتمنين حد يساعدج
    عليه : وصلت فيك المواصيل انك تضربني بالمساء اللي اعرفه سلطان قاسي بس اذا رد من عند ربعه لكن وياي يكون عادي وامشيه بالمساء سلطان خلاص انا تعبت من هالعيشه
    سلطان : وحليلج وايد عذبتج تصدقين سمعي انا مابي اسمع صوتج انا بسير ارقد ولو سمحتي يعني يوم بنش ابي الغداء يكون جاهز ولا والله افرج برع البيت فهمتي ولا
    عليه ودموعها بخدها : ان شا ءالله
    وراح هالقاسي يرقد ,,, وعليه تمت تصيح وسارت تسوي له غداء رغم التعب والعذاب تذكرت كلام سعيد عليه اصبري مالج غير الصبر وتمت تقول : اانا مالي بهالدنيا غيره بصبر بصبر لين ما الصبر يمل مني يمكن الله يهديه معني خلاص تعبت والله تعبت






  3. #53
    أم محمد
    :: عضوية VIP ::
    الصورة الرمزية رؤية
    الحالة : رؤية غير متواجد حالياً
    رقم العضوية : 7497
    تاريخ التسجيل : 10-03-08
    الدولة : بوركينا فاسو
    الوظيفة : بطاله بلا وظيفه
    الجنـس : انثـى
    المشاركات : 8,217
    التقييم : 2102
    Array
    MY SMS:

    لآ إله إلا أنتَ سبحـآنك, إنـي كُنت من الظآلمين ,..

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    اسلوب جميل في السرد

    نتريا





    تنويه ،،
    جمـيع ملفاتي في الأقسام الدراسيه مقفله بالباسوورد التالي
    uae7.com أوuae.ii5ii.com
    وكل باسوورد مدون في الموضوع نفسه تحت "باسوورد فك الضغط"
    فقط قم بنسخ الباس والصقه في الملف حين يطلب منك

    الملفات شغاله 100%:)



    اضغط على


    Stay at the bottom Even of you are high..!





    يـامن تباكا على تراب خيه{ عشر ايام وارتسم باسم الهيأه {هذا حال انسان بدنيا ميته {لا أثرت به صياح ولا رده { ولا شل غير صالح ببره

  4. #54
    عضو الماسي
    الصورة الرمزية $ سوسو $
    الحالة : $ سوسو $ غير متواجد حالياً
    رقم العضوية : 31253
    تاريخ التسجيل : 19-01-09
    الدولة : في عالم الاحلام ...
    الوظيفة : للاسف طالبة :(
    الجنـس : انثـى
    المشاركات : 2,218
    التقييم : 269
    Array
    MY SMS:

    لا تثق فأي حد دون ما تعرف ...ماضي ... من تجاربي في الحياة

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تسلميييين عالبارت ربي يعطيج العافية
    نتريا الباجي يالغلا ^^










    يلف الغيم ويتكون ويرسم في السماء رسمه ... رسم قلبي مع قلبك ونزلت دمعة ورها دمعة ... وحسيت بشعور الآهات ... وعرفت قيمة الفراق ... بعدها اختفى طيفك وتلاشى باقي الرسمه ... وكانت آخر حروفي ....................



    اشــــتـــــقـــــتـــ لــــــــكـــــ يــــــــا بــــعـــــــد عــــــمــــــريـــــ..

  5. #55
    عضو مجتهد
    الصورة الرمزية سبحان ربي.....
    الحالة : سبحان ربي..... غير متواجد حالياً
    رقم العضوية : 39262
    تاريخ التسجيل : 03-06-09
    الجنـس : انثـى
    المشاركات : 104
    التقييم : 12
    Array
    MY SMS:

    عيناويه وأفتخر

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    جاااااااااااااري الانتظار






  6. #56
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    شوووفوو المفاجاه اللي بتصير وف بيت قوم بو سعيد حيث ملتقي الاحبه بهاليوم,,,
    ام سعيد : والله يا بوسعيد ولهانه ع اخوي بوخالد وايد وخاطريه اشوف ام خالد ان شا ءالله تي ولا تعاند
    بو سعيد : ما عليج ان شاء الله اليوم بشوفين اخوج وبتقعدين وياه وبتملين سوالف
    سعيد : وربي انا بعد تولهت لعمي بو خليفه وخالي بو خالد ولخلوف الدب اللي ماي ولخلوود وحمدوو الخبايل ههههههه
    فطوم : ابوي امي سعيد تدرون من زمان ما شفت خالي بو خالد وخلود وحمدو والله اكيد كبرو وصارو رياييل
    مريوم : هههههه والله ايام يوم كنت العب لاحق وياهم عيال خالي وهم يركضون وراي وانا افصخ نعالي واركض والله ايام
    فطوم : ولا مريوم يوم نسابق بالسكيل وبنص الطريج السنقل يطيح ونيلس انصيح وهم يسبونه سب اونه ما وراكم الا عوار راس ههههههه
    سعيد : والله ايام وكبرتوو ولا مريوم تحيدين يوم انسير انيلع لوز من بيت قوم بو عباس وهو يطلع لنا وانشل نعالنا وفله ههههه لا يودنا ويمشكلنا
    مريوم : هههه ويوم فطوم تشوفه تيلس تصيح اونه عسب تكسر خاطره ولا يسويبنا شي ههههههههه
    فطوم : احم لو سمحتي التزمو حدودكم ترى اليوم حفلتيه ههههه
    سعيد : ولا يوم انسير عند الدكان ونلعب كوره وانتو الثنتين تون اونه سعيد ابوي يباك وانا من القهر اصلخكم بالكوره وانتو ركيض شرده ههه
    بو سعيد : ياربي لا تذكروني بذاك الايام والله صج كنتو شياطين
    حمود : بل خيبه كل ها انتو ثويتو عيل انا ما ثفتكم وين كنت انا
    ام سعيد : هه وافديتك ولديه حمود كنت محد كنت عند الله يا حبيبي
    ولا مره وحده وهم يذكرون هالايام الحلوه يطب عليهم بو خليفه : هود هو يا اهل المنزل بو خليفه وصل ههههههههههه
    فطوم : وافديت اللي وصل والله اقرب اقرب حياك يالغالي
    ام خليفه : حيه بنتنا فطيم اقصد دكتتورتنا اسفه هههههه مبروك مبروك عقبال ما نشوفج عرس ونزفج لبيت ريلج
    ساروه : فطوم فطوم مبروك مبروك ادوج ها هاي هديتج هههههههه ع ذوقي اكيد بتعجبج ههههههه
    شيخوه : مبروك فطيم يالغاليه والله فرحت لج اكثر ما فرحت لساره اختي ههههههه يالله عقبال ما اشوفج عروس بس تحملي هب قبل سويره لا تذبحج مانبي نخسرج ههههههههه
    ساروه تسير تسلم ع عمها حرمه عمها : هلا شخباركم عساكم بخير مبروك مبروك ياربيه عقبال ما انشوف فطيمتنا دكتوره وتضرب الياهلو ابر هههه ولا فجاآآه تتنتبه انه سعيد يالس وتصلطلب هلا سعيد اشحالك عساك بخير مبروك يا ولد عميه
    سعيد ويبتسم لها : اهلين ساره الحمدالله تسرج لا تتخبرين عن احوالنا اليوم امره كلنا رقيص ومن يداج يا بنت عميه ان شاء الله مرتاحه
    ساره واطير من الوناسه بس عسبت ابتسامه سعيد ويرد قلبها يبض باسمه : ها مديم هالحال ياربيه والله نسرك دامك بخير
    بو خليفه : اقربو اقربو حياكم الميلس
    مريوم وشوي خذت بخاطرها عسب محد عاطها ويه : زين زين والله وانا جني هب موجوده
    بو خليفه وايد يحب مريوم : افا بنتيه مريوم هنيه والله اني ما شفتج ويبوسها ع راسها عقبالج يارب عقبال ما نفرح بج
    ام خليفه : ههههه مريوم عن الغيره ترى اليوم يوم فطيم فلا تزعلين وتسوين حركات اصطلبي احسن لج هههههههه
    شيخوه : مريوم ويه ويه طاح خشمج بالارض روحي قعدي بالحجره روحج قالو لج اليوم يوم فطيم
    مريوم : والله هاليياهل وطلع الها لسان والله تحلمين موتي قهر بيلس ع قلبج هههههههههههههه
    ولا عقب شوي بدقايق خليفه دش لانه كان يرمس فون واستحي يدش وهو يرمس بالفون : هود هود يا اهل البيت انا يت تصدقون ههههههههههه
    بو سعيد : حيه الله ولديه خليفه واخيرا تنزلت تي بيت عمك افا وين كبرت وتغيرت علينا يا خليفه
    سعيد : صبر صبر سعيد فج عينك وبنده وتاكد اذا انت بحلم ولا علم خليفه هنيه توه ما نور البيت خشمك خشمك
    خليفه : اوي استحيت امي ابوي سكرو الليتات هههههههههههه نوري يكفي اوه صح وين فطيم الدكتوره دورولي ع وحده لابسه نظاره ههههههههههههه
    فطيم : ووالله يا خليفه يالدب يالضعيف هكوني انا لابسه نظاره قال فعينك ههههههههههههه
    خليفه : مبروك مبروك فطيم عقبال ما نشوفج عروس يارب اووه اقصد قوم امي يشوفونج عروس واحن الرياييل انشوف المعرس هههههههه
    بو سعيد : والله توه ما نور البيت حيا الله من ياينا
    بو خليفه : منور بوجودكم وبوجود الدكتوره بذمتيه هههه
    مريوم : اووه اووه بس بس والله فطيم بتكببر راسها علي انا مافيني عاد بس سكو ثمكم
    ساره وبكل ادب : وانتي ليش تغارين من اختج
    شيخوه : اوي شوفو انتو اشوفون اللي انا اشوفه ساره ترمس بدون صريخ وبهالادب ههههههههه
    ساره : كح كح وشو اشوفين يدامج عسب اصرخ يالسه وياج بغرفتج
    سعيد وهو يرمس خليفه لا اردي عيونه تي ع بنت عمه ساره ويبتسم طبعا هو هب قصده شي ولا حتى فكر ابها بس جي لا ارادي عيونه كله عليها
    مريوم : اوفي الحين الشيخات ساره وشيخه بيضاربن اضاربو اضاربو وافقدتكم
    ساره وهي متخبله ع نظرات سعيد بس توزع ابتسامات : هههههه والله فديتج يا مريوم
    سعيد : وبعد يا ولد العم شو اخر اخبارك عساك مرتاح بدنياك وامره ما تشكي باس والله كبرت هههههه
    خليفه : امره ما نشكي باس دامنا وياكم بالدار
    سعيد : تدري من شوي قبل ل تون يالسين نرمس ع ايام اول يوم كنا صغار وشو نسوي عاد انت كنت ياهل تركض بحفاظتك وتمص صبعك وتصيح تريوني ههههههههههههه ومريوم وفطوم وساره يضحكوون عليك
    فطوم : ههههههه هيه والله توني تذكرت وانا ايلس ازاعق خلوف يالدب دش داخل فضحتنا هههه
    ساره وهي مستحيه : ولا سعيد تحيد يوم دعمت الزباله وتعبت يومين
    سعيد : اوي سويره تذكرين اوي والله فضحتيني ههههههه دعمه الزباله وتميت يومين طايح ع الفراش مصاب حشه هب زباله هههههه كله من راع الدكان شتريت لبان عنه بنص وربع وما حطيته الربع دعا علي لين ما دعمت زباله والله زين ما مت والمجرم كان بيكون الزباله ههههههههه صج كنت برفع عليه قضيه
    ساره : لا بسم الله عليك من الموت ههه وانا المحاميه ههههه
    شيخوه : الله كشخه يالله الحين انا الوحيده الياهل امنو بيلعب وياي
    فطيم : اوي شيخوه نسيتي حمود اخوي هههههههههههههه
    حمود: احم احم هكوني انا هني
    مريوم : والله يا شواخ ايام بالفعل كانت طر كنا اقولج نتيمع وانسير العوز خلق الله اندق الجرس وشرده ويطلعن اهل البيت وامنو وامنو واحن مندسين تحت الشيره ولا ورا الايدار قسم بالله كنا صج شياطين حتى راع الدكان كان يعرفنا كنا عصابه بالشغب هههههههههه
    شواخ :الله صج وناسه والله وناسه ابي ابي
    سعيد : طع ينت شو تبين
    شيخوه : ابي العب وياكم جيه ما تريوتني هههههههههههههههه
    خليفه ويحاول يذكر شي بس عقله مقفل : ههههههه يالله يالله وناسه وبعد
    ولا مره وحده هود هود يا اهل البيت الشيخ بو خالد وصل هههههههههههه ادش ولا ممنوع
    ام سعيد هب مصدقا انها تسمع صوت اخوها : حيه الله اخوي بو خالد اقرب اقر ب
    ام خالد وهي تتحطلم : وليش ما قالت اسمي اف
    بو خالد : اوصي اوصي فضحتينا
    خالد : وين وين فطيم عسب ابارك لها ؟
    حمد : وين وين مريومي عسب اشوفهـآ
    بو سعيد : يالله حيه حياكم حدرو حدرو
    فطيم وهي تشوف خالد وحمد : اوي مريوم شوفو كبرو والله هب مصدقه عيني من زمان ما شفتهم
    خالد من جاف فطيم يفج عينه ويبنده هب : ويقول الله هب مصدق عيني هاي فطيم والله انها شيخه البنات
    بو خالد وهو يسلم ع ام خالد : هلا اختيه شخبارج عساج بخير مبروووك مبروك الف مبروك عقبال ما انشوف بنتكم دكتووره وعروس
    ام خالد من ورا خاطرها تسلم ع ام سعيد : مبروك مبروك اختيه ام سعيد عقبال ما نشوف بنتج عروس
    ام سعيد : الله يبارك فيج يا ام خالد عقبال ما نشوف ولدج حمد بالنسبه العاليه
    حمد : احم احم نحن هنا خالتيه هههههههههههه
    ام سعيد : وتبوس حمد يالله حيه بولديه والله كبرت يالحلو شخبارك عاش من شافكم والله ونسيتو انه لكم خاله تنشدون عنها جان ميته ولا حيه
    خالد وهو يبوس راس خالته : والله خالتيه حقج علينا سمحيلي تعرفين الظروف بس والله انج ما غبتي عن بالنا وعيونه ع فطيم
    فيطم وتحسب عمرها هذيج الياهل : خلود حمدووو يالدبب وينكم انتو من زمان ما شفناكم والله وصرتو رياييل يالله يالله اميه ادور لهم حريم
    خالد ومتخبل يسمع صوت فطيم : ههههه فيطم شخبارج الحين بذمتج انا دب عيل شو خليتي لدبب
    حمد وهو اونه مستحي : هلا بنات خالتيه وبنات عم خالتيه شخباركم عساكم بخير مبروك فطيم مبروك عقبال ما نشوفج معرس اووه اقصد عروس
    فطيم : يالله ما نقدر ع اللي يستحي ايلس ايلس خل اذكر بايام الطفوله انت يالشيطان والله وكبرت هههههههههههه
    مريوم : حمدو يالعنتر وانا ما تبارك لي يعني بس فطيم اللي نجحت
    حمد : ها مريم لا لا افا عليج مبروك يالغاليه مبروك
    ساره : هههههههههههههههههه خلود حمدوو كبرتووو تعرفونيه انا مانو ولا اذكركم
    سعيد : ما يحتاي تذكرينهم هههههه انا وانتي كنا البوس مالهم لا قلنا يمين قالو تم ولا قالنا يسار قالو تم
    حمد : انت ساروه هههههههههه وهل يخفى القمر
    خالد : اوه صح فطامي نسيت بارك لج مبروك وهاي هديتج
    فطيم وهي بايعتها : ههههههههه هي عبالي بعد ما بتيب ليه هديه جان طردتك من البيت هههههه
    سعيد : حيه الله عيال خالي شخباركم تحيدون اللي يالس عنديه امنو ؟
    خلوف : اوووووووووووهوو الحين بيقول راع الحفاضه والله فضحتنا تراك اسكت
    خالد : ههههههه خلوف اللي كان مفضحنا دوم يطلع ويه حفاظته واالبنات الرقيقات اونهن يفتشلن منه هههههههه
    حمد ع طول عاش الجو وتاقلم وياهم ونسى حب مريم : ههههههههه الا تحيدون يوم خلوف كان واقف عند الباب ويارنا بو عمر كان واقف عنده االا مره وحده يصرخ وخلوف يفز من الزياغه ويطير داخل البيت وميت صياح
    مريوم ترد عليه : اوي هيه والله تذكرت وانا اوني اسكته اسكت اسكت ويزيد ف صياحه
    خالد وهو يطالع فطيم بنظرت العاشق الولهان : ولا تذكرون فطيم شو كانت تسوي ما تعرف الا تفج ثمها من تشوف بو عباس راعي شيره اللوز تيلس تصيح وانا اشلها فطوم بسج فضحتينا سكتي والله ايام كشخه
    فطيم وتحس انه نظرت خالد به شي وهي مستحيه : بس بس ايه لا تفضحووني ترى اليوم حفلتيه انا بس اللي بفضحكم
    سعيد : اوي تذكرت برمضان احن كنا نسوي خيمه عسب اليلسه ولا البنات محتارين اونه احن بنسوي خيمه ولا نعطيهم ذاك الهزاب اللي خليناهم ينسون شو معنى خيمه هههههههههههه تحيدن يا ساره البوس ههههههههههههه
    ساره : انزين ما عليه امنو اللي كان اي عندنا ويشحت ذيك الشلالق واحن نذلهم ذل هههههههه تذكرت يالبوس
    سعيد : الا بسالكم والله صج لين الحين ما عرفت الاجابه من وين كنتو تيبون الشلالق ؟ غربلات بليسك والله ما كنتو هينين
    ساره : هههههههه سر المهنه ما بنخبرك
    مريوم : اوي ذكرتوني يوم احترقت بالشلق وتميت اصيييييح يوم كامل اهئ اهئ يعور والله قبل جمن يوم بعد محترقه وحليلي كله احترق
    فطيم : ههههههههههههههههههههههههههههههههههه آآآخ بطني والله بطني هب قادره استحمل بس بس سكتو دخيلكم
    خالد بخاطره وافديت هالملامح والضحكه ياربيه اموت فيها : بس بس خلاص فطيم تعبت من الضحك سكتو
    حمد :عدال تسكت خلق الله عشانها ها وطبعا الريال هب حاس بعمره
    خالد والصدمه ع ويه : انت شو تقول ؟
    فطيم ومصدومه من الرمسه اللي سمعته : ساره شو رايج اروح فوق
    ساره : تستهبلين انتي ماشي وناسه هنيه خلي نيلس ونستانس ويه بعض وعيونها ع سعيد
    خالد وهو مستحي : فطيم ليش بلاج جيه بتروحين فوق ؟
    فطيم : ها لا ماشي بس شوي احس روحي تعبانه( طبعا فطيم ما كانت تجذب كانت تعبانه لانه فيها الربو وحست بضيج كانت متحمله ويه سوالف الاهل لكن يوم سمعت رمسه خالد قالت بروح فوق )
    خالد صار حس بشعور ابدا هب شي وحس انه غلط صح انها زله بس بعد هب حلوه يدام الكل : الا نا بسير عند عميه بو سعيد ابيه برمسه
    سعيد : نزين ما عليه ارمس يدام اليميع
    بو خالد وام خالد والصدمه بويهم : ها شو بيقول
    خالد وهو هب حاس بعمره : بصراحه يا خالتي وعمي بو سعيد اانا انا
    ام سعيد : انت شو يا ولديه بلاك ارمس شو فيك نسمعك
    خالد ويدام الكل : خالتيه انا ابي بنتج فطيم
    فطيم من الصدمه شلت بقشارها وركيض فوق
    ام خالد مصدوومه وتقول بخاطرها : هالخايس شو سوا اللي براسه سوا الله لا يووفقك يا خالد انا براويك بالبيت
    بو خالد : هيه والله ولديه خالد يبي بنتكم فطيم حقهـآآ هـآ شو تقولون
    بو سعيد : هاي الساعه المباركه بس انتو تعرفون انه فطيم تبي تكمل دراستها وتدرس دكتوراه
    ام سعيد : مثل ما قال بو سعيد هاي الساعه المباركه بشاور فطيم بها وبرد خبر
    ساره وشيخه ومريم كانو ميتين من الصدمه لا نطقو ولا رمسو باي رمسه
    سعيد : خلود يالدب يعني انت بتصير نسيبي هههههههههه
    خالد وحس انه جرح مشاعر فطيم يوم رمس يدام الكل ويلس يقول بخاطره : والله والله فطيم اسمحيلي والله لا ارداي طلعت الرمسه من ثمي
    حمد وهو الثاني مصدوم ها كيف سواها لا رمس ابويه وامي ورمس اهنيه
    مريوم : عن اذنكم انا بروح عند اختيه
    ساره وهي اطالع سعيد : فديتج خلاص روحي وجان طولتي انا بي وراج
    شيخوه : اوي شو صار شو السالفه ؟ باي باي انا بروح عند فطوم
    ساروه وتسحب شيخوه : وين بتروحين ايلسي فطوم يمكن مريوم تطردها انتي بعد بترزين ويهج ايلسي ايلسي
    خالد وهو مستغرب من وضع البنات: لا يكون فطامي ما تباني
    بو سعيد : لا تستعيل خبرناك انه برد الخبر عليك
    مريوم وتفج الباب ع فطوم : فطووم شو اللي صار فهميني
    فطوم من الفشله كانت تصيح والتعب والضيج كانو ذابحينها : مريوم الله يخليج خليني بروحي
    مريوم : والله كنت حاسه انه خالد يبيج انتي لو شفتي نظراته طول الوقت يطالعج وشفتي بعد يوم سكت الكل عشانج واعرف انتي تبينه
    فطوم وهي تصيح زياده : مريوم بموت الضيج ذابحني بموت بموت الربو شرف والله صدري يعورني
    مريوم: بسم الله عليج وتروح تيلس عندها وتقرا عليها فطوم حبيتبي الله يخليج لا تسوين جيه بعمرج عشاني ما صار شي ترى كلهم قراب ماشي غراب بسالج انتي بترضين ولا ؟
    فطوم: مريوم الله يخليج تخيلي يدام الكل وفجاه آآآخ والله ما اعرف شو اقول خالد ما عليه رمسه وانا ابيه بس اللي سواه غلط بغلط
    مريوم : من قددج اليوم خلصتي الثنويه واليوم خطبوج ههههههههه
    فطوم : بس ما بعرس الحين بيحروني له بس اخذه الحين مستحيل انا ابي اكمل دراستي وابي اصير دكتوره
    مريوم : خلاص تم بخبرهم الحين بسير تحت وبقول لهم العروس اتقول انا بعدني صغيره شو رايج
    فطوم : مريم انتي من صدقج حلفي بس الله يخليج سكتي
    مريوم : والله فطيم من صدقي ما استهبل اسير ولا ؟ عقب روحج بتخبرين قوم ابويه
    فطوم : ل تروحين بيقولون عني شو ما صدقت مابي ابي افكر وبصلي استخاره عقب
    مريوم : صح صح وياج انا بهالشي بعد صلي استخاره والرب بيدلج ع الخير يالله عيل نزلي لا تمين هنيه
    فطوم : مووبي مووبي روحي بروحج ولا قالو لج وين فطيم قولي تعبانه ورقدت لانه الربو شرف عندها
    مريوم : انتي هب جنج تستهبلين حفلتج ويالستي بالغرفه ماشي نشي
    فطوم : مريوم افهميني انتي اختي الله يخليج سوي اللي قلت لج عليه دخيلج وخليني
    مريوم : اوكي امري لله بس بشوف ويه خلوودج وانا اقول انه فطيم تعبانه يالله يالله باي
    فطوم : متفيجه انا برقد تصبحين ع خير
    مريوم وهي تركض تحت : ايم باك
    ساره هههههه : الاخت وايد متاثره بالمسن
    خالد يشوفها ونظراتها تقول دخيلج ارمسي شو صار
    وجنه مريوم فهمت عليه وقالت : اممم فطيم تعبانه الربو طاغي عليها هب مخلنها بحالها ابد وهي مش قادره تتحمل وقالت برقد
    خالد : هـآ من شو فيها الربو
    حمد : توه الناس ع الزياغه يا اخوي
    ام سعيد : وافديتها بنتي الله يعينها والله الربو هب مخلنها بحالها وما حصل يشرف اللي اليوم
    بو سعيد : ما عليه حصل خير لا تحاتونها
    ................................
    ورد لعلايه اللي متغربله بالغربه
    عليه الفير تتريا سلطان : ياربي ياربي انا شقد بعاني من هالريال بس خلاص ما اقدر اتحمل زود
    ولا وهي تدعي سلطان يدش عليها وهو سكران وبايده قب
    وعليه تموت من الزياغه وتشرد الغرفه بس قبل لا تدخل الغرفه سلطان يمسكها ويضبرها ويكسرها كسير وطبعا هب بحاس بعمره لانه سكران
    عليه وهي تصيح : حسبي الله عليك من ريال ذبحتني دمرتني الله يجازي ربعك اللي خربوك ولا يوفقهم قول آمين
    سلطان ويضربها زود : ............................................
    عليه : ابي ورقه طلاقي توصلي اليوم قبل بارج فهمت عايشه بالغربه عشانك بس بس والله ما يلست جان ما بطلقني خلني اروح البلاد وافتك منك
    سلطان يعق روحه ع الفراش من التعب والسكره يرقد وعليه المسكينه تطلع من الغرفه وتروح الميلس وتمسك تلفونها عساس ادق لسعيد وتشكي له
    سعيد كن يالس وسوالف وضحك ويه الاهل وعيون ساره ابد ما كانت تفارقه كله كانت اطالعه وهو يالس يرمس تلفونه يرن
    ساره وقلبها يدق بالقو حست انه اللي متصله وحده س
    سعيد ويه تغير وحط ع الصامت
    ساره من القهر ما حست بعمرها : ها سعيد ليش ما رديت ع الفون
    سعيد : بس جي ها ربيعي ما عنده سالفه عب بدق له
    ومره ثانيه فون يرن سعيد ياخذ فونه : عن اذنكم
    ساره وهي ميته اللي تعرف امنو اللي متصل : خذ راحتك
    سعيد يربع ع حجرته ويرد ع عليه : آلوووو
    عليه كالعاده وهي تصيح : الو هلا سعيد
    سعيد : اهلين عليه شخبارج
    عليه : سعيد كنت بيزي صح ؟
    سعيد : لا افا عليج آمري شعندج عليه ابي اقولج شي
    عليه : آمر قول شعندك
    سعيد وهو متردد : عليه انا انا
    عليه : قول بلاك
    سعيد : انا قررت ازوج
    عليه والخبر كان الها مثل الصاعقه لانه اذا سعيد عرس مستحيل يرمسها : ها تعرس بالمبارك وانا قررت اطلق
    سعيد : هـآ وليش تتطلقين عليه ؟
    عليه : لاني خلاص طفشت من هالحياه باجر بشل ورقه طلاقي وبرد البلاد , الا ما خبرني امنو هاي سعيده الحظ
    سعيد : هههههههه لا لا كنت اسولف ما فكر بالزواج انا
    عليه: سعيد ارمس منو هاي ارمس دخيلك قول
    سعيد : اقولج كنت اسولف وياج
    عليه : خلاص انا بس كنت داقه لك عسب اقول اني بطلق وبرد البلاد ويمكن ارد لدوام بعد
    سعيد : عليه الله يخليج فكري بهالشي قبل لا تسوينه لانه يمكن تندمين
    عليه : تعرف شو اللي ندمت عليه ؟
    سعيد : شو
    عليه : اني خذت واحد مثل هذا عديم احساس ومايحس انا بخليك لحين
    سعيد : اللي يريحج الغاليه ربي يحفظج
    عليه : ويحفظك ف داعه الله
    سعيد سد الفون وقال : انا شو قلت بزوج وهي قالت بتطلق آآه ياربي خلاص ما بزوج بترياها لين تي البلاد وعقب بسير اخطبها مابي غيرها انا هاي اللي ابيها والله اني عمري ما تمنيت انها تعيش بدنياها متعذبه ولا تطلق عسب آخذها بس اللي كاتبه الله بيصير
    ورد مره ثانيه الميلس : السموحه طولت
    وساره اطالعه كانت بنظرات كلهآ عتب ف عتب
    سعيد وه يبتسم لها : انزين وبعد
    خالد : رديت بسرعه تصدق هههههههه احن بروح الحينه
    سعيد : لا شو تقول يابوي اليلسه وياكم ما تنمل وين توه الناس
    بو خالد : ما عليه بس شوف الساعه جم الحين الوقت متاخر يالله اترخص انا
    ام خالد وهي تتريا هالوقت من زمان : يالله ف داعه الله وطلعوو برع وبالسياره
    ام خالد : عسى ربي لا يوفقك يا خلود والله فضحتني عطيت رمسه لخويتي انك لبنتها وسايرلي يرمس ابي فطيم وافقدتهـآ من بينه
    بو خالد : حرام عليج يا ام خالد ادعين ع ولدج هو اللي بيعر س ولا انتي وتخيلي لو ربج استجاب دعائج والله حرام عليج
    ام خالد : هب راضيه عنه ولا برضى شوف ربك شو بيسويبه هذا ويهي جان خ فطيموو
    بو خالد : اعوذ بالله من الشيطان اعوذ بالله من الشيطان خافي ربج ها ولدج لا تسوين جي حرام عليج






  7. #57
    عضو مجتهد
    الصورة الرمزية سبحان ربي.....
    الحالة : سبحان ربي..... غير متواجد حالياً
    رقم العضوية : 39262
    تاريخ التسجيل : 03-06-09
    الجنـس : انثـى
    المشاركات : 104
    التقييم : 12
    Array
    MY SMS:

    عيناويه وأفتخر

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    روووووووووعه الباااارت

    نتريااا






  8. #58
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تسلمين اختيه ع المتابعه






  9. #59
    عضو الماسي
    الصورة الرمزية $ سوسو $
    الحالة : $ سوسو $ غير متواجد حالياً
    رقم العضوية : 31253
    تاريخ التسجيل : 19-01-09
    الدولة : في عالم الاحلام ...
    الوظيفة : للاسف طالبة :(
    الجنـس : انثـى
    المشاركات : 2,218
    التقييم : 269
    Array
    MY SMS:

    لا تثق فأي حد دون ما تعرف ...ماضي ... من تجاربي في الحياة

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    تسلميييييين عالبارت ونتريا الباجي ^^










    يلف الغيم ويتكون ويرسم في السماء رسمه ... رسم قلبي مع قلبك ونزلت دمعة ورها دمعة ... وحسيت بشعور الآهات ... وعرفت قيمة الفراق ... بعدها اختفى طيفك وتلاشى باقي الرسمه ... وكانت آخر حروفي ....................



    اشــــتـــــقـــــتـــ لــــــــكـــــ يــــــــا بــــعـــــــد عــــــمــــــريـــــ..

  10. #60
    عضو الماسي
    الصورة الرمزية bardock
    الحالة : bardock غير متواجد حالياً
    رقم العضوية : 37842
    تاريخ التسجيل : 01-05-09
    الدولة : مَعآه وِينْ مآ رَآآحْ...
    الوظيفة : رقآصة ..ههه اسولف طالبة
    الجنـس : انثـى
    المشاركات : 2,820
    التقييم : 662
    Array
    MY SMS:

    لـع’ـيونـِك آفج’ـر أمريـكـِآ

    افتراضي رد: صحيح القدر عنك ابعدني ولكـن ببقى احبك مـآدمت تذكرني ^^ الكاتبه خفايا الشوق


    مشكوووورة ...
    تسلم ع الطرح







معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كم احبك يا كابتشينو و لكن القدر ابعدنا
    بواسطة إماراتي 7 في المنتدى منتدى حواء طبخ زينة ديكور جمال الطفل
    مشاركات: 5
    آخر مشاركة: 11-07-07, 02:44 AM
  2. قصيدة حب لا تفوتكم حبيبتي خفايا الشوق
    بواسطة رومنسيه سيه في المنتدى معرض المواهب و الابداع Fair talent and creativity
    مشاركات: 5
    آخر مشاركة: 09-06-21, 03:26 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •