رد السؤال

انتبهت لدمعها بالهدب..والكحل سال..
لين جفت عينها دمع..والقاع ارتوى..
وابتدت لحظة جفا..وانتهت لحظة وصال..
وانطفا نور السعاده..واحسب انه ضوى..
ماكتفيت من الهوا والغرام..اربع ليال..
واقفت ايام التلاقي..وجا وقت النوى..
كنت ابسلى وابتسم..والتفت عنها شمال..
لاقويت الصد عنها..ولاقلبي قوى..
ماهقيت ان الهوا عذب قلوب الرجال..
لين ضاع العقل مني..وتفكيري سوى..
رحت ادور دفوة الشمس..ضيعت الظلال..
جيت اطفي شعلة النار..والقلب انكوى..
ماهقيت ان السعاده خيالً في خيال..
تروي قلوب الحبايب..وقلبي ماروى..
كنت ابشتال الهوى..والهوى ثقل الجبال..
وان تحملت الجبل..ماتحملت الهوى..
كنت ابسلى بالهوى..والهوى صعب المنال..
مارضالي حظي الي..طواني وانطوى..
قلت لأفراحي تعــالي ولاقالت تعـال..
والخفوق ان قلت ابدبل..على صدي نوى..
الله اكبر..لأشرقت شمس..يتلاها زوال..
كيف ابفرح في صباحً..مع الليل استوى..
لاحصل بالحب قسمه..ولاجالي مجال..
غير اشوف معاند الجرح..وعناد الدوا..
شبت النيران..وأقفت..وجا رد السؤال..
ماتشب النار ياكود يوصلها هوا..

مشكور فديتج ع القصيده

وايد غغغغغغغغغغغغغغغغغغغغغغاووووووووووووووووييييييييييي يييييههههههههههههههههههههههههههههههههههههههه

حلوووو...

صح لسان الشاعر حامد بن زيد

وتسلمين حبوبه ع الطرح الغاااوي
ربي يحفظج

سلمتي

ويكفي انها لبو زيد

ماهقيت ان السعاده خيالً في خيال..
تروي قلوب الحبايب..وقلبي ماروى..

تسلمي ،، رائــــعـــه

صح لسانك

تسلمون