تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 22 من 68 الأولىالأولى ... 12171819202122232425262732 ... الأخيرةالأخيرة
النتائج 211 إلى 220 من 672
  1. #211
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    اقتباس المشاركة الأصلية كتبت بواسطة ولـد الكعـبي مشاهدة المشاركة
    كل عام وانتي بخير يا عاشقة الفتك

    تسلمين على البارت

    و أنتــــــ}ْ بخير ...

    الله يثلــــــــــــ م ـــــ}ـــــــ,,ـك ..





    ثــــأإأإأنكســ}ْ رااعيـــــ الفتكـــ~}.. ع الرد ..












    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  2. #212
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    الذين يشاهدون محتوى الموضوع الآن : 8 ( الأعضاء 5 والزوار 3)
    ‏**الغلا كله **, ‏بنوتهـ وكليـ غ ـرور, ‏ولـد الكعـبي, ‏ملكة زماني, ‏ناقه ثقافه

    تـــــــــــ،،ـــآآآبع لعيونكم ..


    آلبآرت 15
    >1<
    مها :يعرف اني احبه واغاار عليه ليش جي يسوي !
    ورا باب الغرفة
    .....: تحب وتغار على منو !!! هاي من صدقها ترمس ؟
    عند اسما ومها
    اسما : خلاص فدييتج مسحي دموعج
    مها :اوكي
    مسحت مها دموعها
    اسما : يلا قومي بنطلع
    مها : اوكي
    وجان باب الغرفة يتبطل واليدة دخلت وسكرت الباب
    اسما :يدوو
    ام محمد : مها ليش اتصيحين ؟
    مها : ماشي طحت واتعورت
    ام محمد : لاتقصين عليه تراني سمعتج
    مها فتحت عيونها : شووووووو .؟!!
    ام محمد دخلت الغرفة وسكرت الباب
    ام محمد : منو ها الي اتصيحين عشانه ؟
    مها صاحت من اول : يدو بلييز لاتخبرين حد مابي حد يعرف !! الله يخلييج
    ام محمد : لاتخافين فدييتج بس اول شي قوليلي كل شي ! لأنه يمكن انتي تسوين شي غلط
    مها : لا يدو مب شي غلط بقولج كل شي بس وعد ماتخبرين حد !
    ام محمد : وعد يلا قولي اسمعج
    مها : يدو تعرفين انا كيف عرفتكم ؟
    ام محمد : هيه من اسما تراها ربيعتج
    مها : لاا مب من اسما
    ام محمد :عيل ؟
    مها : من خالد
    ام محمد : خااااااالد ؟!!!
    مها : يدو انا سالفتي سالفه طويييييلة ! ومحد ساعدني غير خالد ! لو مب خالد كنت انا بكون احين ميته
    ام محمد : بسم الله عليج ,, شو السالفه فديتج ؟
    مها : كنت انا بتظارب ويا خالد عشان سالفه رحت عشان اتظارب وياه و ............... عقب ياابلي اختي ......................... بعدين اكتشفت انه امي ساحرة ابوي ................................. واحين ساعدني عشان انودي ابوي برع
    ام محمد : عيل يوم ظيبة قالت لي تعرفين مطوع حق ربيعتي طلعتي انتي هي الحرمة !
    مها : هيه
    ام محمد :فدييتج والله ماتستاهلين كل ها
    مها : يدو انا واايد تعذبت ! محد ساعدني غير خالد صح ان غلط احبة ! بس مو بيدي هال شي مب بأيرادتي صعب ماحبة او مافكر فيه فاهمه علية يدو ؟
    ام محمد : لافديتج مافهمت شي
    اسما :هههه خلاص مب لازم
    مها :لا بكمل ,, يدو والله لو مب خالد كنت مادري وين بروح او شو بسوي هو الوحييد الي فاهمني ويعرف كل شي عني وهو بعد يحبني وانا احبة واايد تعلقت فيه بدرجة فظيعه ! صار كل شي فحياتي امي وابوي واخوني وربيعاتي وكلل شي صعب اودرة حتى لو قلتي لي ودريه وعيب صعب مابروم ! فهمتي علي يدو ؟
    ام محمد : فديتج انا مب فاهمه شي شعرفني فهال خربطان !
    مها : مب خربطان ! ها يسمونه " حب " انتي ماحبيتي يدي وماكان من بينكم قصة حب ؟
    ام محمد :لا فديتج ماعنا هال خربطان
    مها : عيل كيف خذتييه ؟
    ام محمد : كنت قاعده فالبيت ياه ابوي الله يرحمه قال لبسي عبايتج وجهزي اغراظج بتروحين بيت ريلج
    مها : اويه ! يعني ماكنتي تعرفينه بعد
    ام محمد :لا فديتج ماعرفته لين مارحت البيت وشفته
    مها : اويه قصتكم غرييبة ! كيف وافقتي ! يعني ماكنتي تحبين حد ثاني ؟
    ام محمد : لا نحن ماكنا نطلع من البيت ناادراً مانطلع و لازم انكون ويا امهاتنا مب مثلكم
    مها : انزين قوليلي قصتج يعني كيف صار بعدين يوم شفتيه وجي مانصدمتي وشو صار قوليلي كل شي
    اسوم : هيه يدو قوليلنا
    ام محمد : لبست عبايتي وحهزت اغراظي ورحت بيت ريلي شفته كنت اول مرة اشوف فحياتي كان هو فعز شبابة كنت استحي منه ويوم يرمسني ارتبك
    مها : ههههههه حد يستحي من ريلة
    ام محمد : هههه بعد ماعرسنا بـ شهرين قررنا نروح العمرة
    مها : الله !! خاطري ارووح !
    اسوم : سكتي خلها اتكمل
    ام محمد : رحنا العمرة وفالعمرة كنت دوم وياه عشان مااظيع لأنه زحممه ومن العمرة بديت ماستحي منه
    اسوم : يدو اتحبين يدي؟
    ام محمد :شو هالسؤال ! عيب
    اسوم :صج والله
    ام محمد :في وحدة ماتحبها ريلها ؟
    مها: متى حبيتيه ؟
    ام محمد : بعد زواجنا بـ اسبوعين نزل مطر و هو كان طالع وكنت خايفة عليه واتأخر بديت احاتيه وكنت اصيح ابغيه اي عندي
    مها : ايوا ومن هااك اليوم حبيتيه وتبينه كل لحظة فقربج
    ام محمد : انا عطيتكم وايد ويه ,, يلا بروح تحت
    مها : هههههه يدو قصتج حلوة !
    ام محمد : هيييه برزي حالج باجر بنروح انفصل مخور
    مها : يالله !
    ام محمد : سكتي !! صيري حرمة
    مها : انزين
    اسما : هاهاها عصبو عليها
    مها :جب !
    وطلعت اليدة
    مها : قومي بننزل
    اسوم :اوكي
    اول ماوقفو الباب اتبطل وكان خالد
    مها صدت ويها
    خالد : مهوي شفييج ؟
    مها: ماشي
    خالد :شوفيني
    مها : ليش اشوفك ؟
    خالد : ادري اني مب حلو بس شوفنيني بس دقيقة
    مها : خالد خوز عن طريجي ابا انزل
    خالد : مابخوز
    مها بغت تطلع بس ماخلها كان يوقف جدامها
    مها : افففف خالد !
    خالد :اسوم طلعي برع شوي
    اسوم :لاو الله؟
    خالد :اسوم شوي بس !
    اسوم : واخليكم انتو الأثنين بروحكم ؟!
    خالد : لاتخافين ماباكلها !
    اسوم : ادري انك مابتاكلها ,, اصلا مافي شي فجسمها بنأكل عظاام !
    خالد : لا في شي
    اسوم :شو؟
    خالد : خدودها ^^
    مها يتلها ظحكه بس سكتت : سخيييييف
    خالد :فحبج
    مها : اففف بلا قلة الأدب
    خالد: مها شفيج ؟!!
    مها :ماشي
    خالد :ليش جي ترمسيني ,, شو سوييت ؟!!
    اسوم : عشان مريوم
    مها ردت: اسوم انتي سكتي
    اسوم : انشالله عمو XPp
    مها : اسوم قومي ننزل
    اسوم :يلا
    خالد : لاا ويت ! مها بليز تمي لاترمسين لاتقولين شي بس اسمعيني
    مها : اسمعك ..~
    خالد : انا يوم قلت عن مريوم ,, قلت جي عشان ولد عمج مابيه يشك ماشفيته يوم خمن اول اسم قالهـ مها ! وبعدين قلت طرش وجي مب عشان عيبتني الأغنية ! بالعكس قلت طرش وجي وسويت عمري مهتم عشان يتحسب اني انا احبها صج والأغنية مسحتها شلي الفون وفتشي فيه وشوفي !
    مها سكتت : بس الحركه تقهر
    خالد : مهوي انا كنت اجذب عشان ما أوهقج كفاية كان يشك فينا احسن ماراح يشك
    مها : اوكي خلاص
    خالد : زعلانه ؟
    مها : لا
    خالد :اكيد
    مها :هيه
    خالد : احبج !
    اسما : كاااااااااااات ! لين هني وبس شرايك تحظنها وتبوسها بعد !
    مها قفطت : اقولج طوفي خلى ننزل
    اسما دزت مها : يلا طووفي
    خالد مط ايد مها : لااااا هي بتم عندي هاي مالتي انا وبس
    اسما : خلود عن الخبال ! خلى البنت تنزل
    خالد : بتنزل وياي انا
    اسوم : انزين يلا
    خالد : م باتين ويانه
    اسما : افففففففف خالد !
    خالد : هع هع اوقفي ورانه
    اسما :انزين
    طلعو من الغرفة خالد كان واقف حذال مها واسما وراهم ويوم كانو ينزلون من الدري
    اسما : اللف صلاة وسلام عليك ياحبيب الله محمد كككللللوووششش
    الحريم كلهم سوو : كللوووووشششششش
    مها ويها اتشكل وخالد يظحك
    سمر وميثة نوف تمو يدقون ع الطاولة والبقية يصفقون
    واسما غنت : رآعي الدَلع ترف الصِبآ .. يَهل الهُوى لي شطّ بي
    خالد كمل وياب الأغنية بطرييقة اتجنن: فاقْ بحَلى فوق المَلا .. غِيره فلا مآ يازلي [ كان يمد الحلى والملا بطريقة حلوة ومهوي تخبلت ]
    سمر وميثة ونوف واسما : مزيون في وصفَهْ حَلى .. گله حِيآ أخجلجلي
    جلّ اجتلى يوم أخجلا .. من اللي جرى فعيني عِلي
    ظبية : شبلاكم متحمسين ؟
    ميثة : جي ملل ! ياخي مافي حد فييكم بيعرس !!
    خالد : انا بعرس
    اسما :هيه خلود يلا عرس !
    خالد : همم اتريي 6 سنوات
    اسما : ببببببببببللل ! واايد
    خالد :لا شوفي يوم بدخل اول سنه جامعه بخطب يعني بعد سنتين او ثلاث وبعدين انا ومرتي بنحدد موعد المجله وبعد الملجة بنتم مع بعظ لييين ما اخلص دراستي وعقب بنسوي العرس
    اسما : الله يعيين مرتك
    خالد :ليش؟
    اسما :لا ماشي سلامت روحك
    فون مها رن وكانت غايو
    مها : الو
    غاية حطت اغنية الي لقى احبابة ومها حطت الفون ع اسبيكر
    غاية : ياحماارة ! جييه مادقين وماتسألين عني !!
    مها خوزت عن الأسبيكر : هههههه ياختي مشغووله !
    غاية :عدااااااااااال
    مها : ههههه لا صج ووالله كنت مشغولة اليوم رديت من راك وجي
    غاية : ايووااا ,, اخببرج
    مها : هلا؟
    غاية : يقول الشااعر !
    مها : هههههههههه بعدج تذكرين ؟!!
    غاية : هيه توة ياه ع بالي
    مها : كيف يه عبالج ؟
    غاية : ترا نحن فبوظبي وتونا رادين من المارينا ويوم كنا فالمارينا شفت شباب يتمشون ويقولون يقول الشاعر وعقب بقصدون شرتنا وكان كشخه ,,جي مع بعظ وجي ! كشخه لو كنت ولد ! كنت بروح عندهم وجي
    مها : ليش مارحتي !
    غاية : شو انا بنت
    مها : عادي عادي روحي قولي لهم لو سمحتو عادي اشارك وياكم وعاد هاذيل اولاد مستحييييل يقولون لا ! وبس انتهى الموظوع
    غاية : ترمسين جد ؟
    مها : هيه ! ارمس جد وعقب بيكون عندج ربع اولاد وتطلعين وياهم وجي ! وانتهى الموظوع
    غاية : مهوي ! انتي شرابة شي ؟
    مها : قاعده استعبط عليج يالهبلة
    غاية : هبلة بنتج !
    مها : أي مالج خص فيها
    غاية : سميها غاية :$
    مها : امحقق !
    غاية :شووووو ؟!!
    مها : سلامتج , اقول غايو موجنج طولتي وانتي ع الخط
    غاية : سخيييييييفة والله براويج ! [ وسكرت فويها ]
    مها : ههههههههه هبلة !
    ظبية : يلا عشا










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  3. #213
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    كلهم قامو وراحو يتعشون وبعد ماخلصو عشا كل حد توكل بيته
    عند قوم مها
    ردو البيت ودخلو سلطان وراحو فوق ونامو ,, الصبح ساعه 9 فون مها كان يرن وكانت اسما
    مها :الو
    اسما : يلا قومي تعالي بيتنه
    مها :ليش؟
    اسما :بنروح الخياط
    مها :اهى اهى ماابي
    اسما : والله يدو بتعصب
    مها : افف انزين !
    اسما :ههه يلا باي
    مها :باي
    مها سكرت وقامت وغسلت ويها واتسبحت بعدين قامت ووعت نورة
    مها : نورة يلا قومي
    نورة : افف ليش؟
    مها : بنروح بيت خالو ظبية
    نورة : لييش؟
    مها : بيروح يفصلون لي مخور
    نورة :هههههههههاااي !
    مها : سخيفة انزين ! اففف
    نورة : حليلج يالعيووز
    مها : جب جب انزين !
    نورة قامت وغسلت ويها واتسبحت وعقب مها قامت وسبحت روظة وفطامي ولبستهم وقومت سلطان
    ساعه 11 وصلو بيت ظبية
    دخلو الصاله
    مها : السلام عليكم
    ام محمد : وعليكم السلام ,, وجيه يتي ! مابغيتي ؟!
    مها :اسمحيلي بس كنت البس صغارية واسبحهم وجي
    ام محمد : عيل معذورة
    مها :ههه وين خالو ظبية ؟
    ام محمد : مادري والله
    مها : انزين اسوم ؟
    ام محمد :بتشوفينها فوق
    مها : بروح عندها
    روظة :بي وياج
    مها : تعالي
    فطامي :وانا بعد
    مها : ههه تعالو كلكم
    مها وروظة وفطامي راحو فوق بس قبل لايدون غرفة اسما مها قالت لهم
    مها: تعالو بنلعوز خالي خالد
    روظة : هيهيهي يلا !
    مها :ههههه
    دخلو غرفة خالد
    مها :اشش سكتو
    مشو وصلو عنده مها خلت روظة وفطامي فوق الفراش وخلتهم ينقزون عليه
    خالد :بسم الله !!
    مها :ههههههههه
    خالد : مهوي ! شوهال حركة
    مها : سوري !
    خالد :ههه لاعادي
    مها : يلا قوم
    خالد : ليش؟ انا بعد بروح افصل مخور ؟!
    مها : افف !
    خالد :هههه شفيج ؟
    مها :مابي افصل
    خالد :جب بتفصلين وبي وياكم ! وانا الي بختار
    مها : نعمم ! انا ما أثق فذوقك
    خالد :جب !
    خالد قام ودخل الحمام
    ومها وخواتها طلعو راحو عند اسوم وكانت تتلبس
    اسما : تعالي برسم عيوونج
    مها : لا ماحب
    اسما : ابا اعرف انتي شو تحبين ؟!
    مها : احب خالد ^^
    اسما :بس هالي انتي فالحه فيه خالد وخالد !
    مها : هههههه
    اسما : امشي برسم عيوونج بالجحال
    مها : والله عيوني حلوين !مل لازم
    اسما :مهاا !
    مها : افف انزين بس ابا خفييف خفيف وايد مابيه ينبان
    اسما : عيل ليش اتحطين ؟
    مها : عشان ماتصرخين
    اسما :ههههههه
    قامت اسمها وحطت لها وكااان رووعه !
    مها : فدييت عيوني ! اسووم علميني كيف يحطون
    اسما :مابا !
    مها :بلييييييييز
    اسما : توج ماتبين وحاله
    مها :خلاص غيرت راي
    اسما :هههه بعديين بعلمج
    مها :اوكي
    اسما: مابتحطين جلوس ؟
    مها : لا سوري الجلوس يخرب الشفايف
    اسما : منو قص عليج
    مها :مجد
    اسما: امشي بحطي
    مها :لا سوري ماحط هال سوالف
    اسما :كييفج
    اسما حطت وعقب لبست عبايتها ونزلو
    شافو فصاله ام محمد [ شرينه ] و ظبية ونورة وسلطان وخالد ومحمد ونوف وسمر وميثة
    ظبية : مابغيتو !
    مها : هاي اسما ! تيلس واتحطي خربطان ع ويها
    سمر :عداال انتي ماتحطين ؟
    مها :يععع ! انا والمكياج عدوين بعظ ! كأنهـ اسرائيل وفلسطين
    سمر : يعني انتي يوم تطلعين ماتحطين شي فويهج
    مها : نوو
    سمر : ويت ويت ! بعدني مب مستوعبة شي ,, انتي يوم تطلعين اوصفيلي شكلج
    مها : كيف انا احين نفس الشي بس توة اسوم رمست عيوني هال زيادة
    سمر امبطله حلجها : يعني جي ! مافي شي غير
    مها : مافي شي غير
    سمر : انتي كيف عايشة ؟
    مها : شرات الناس
    سمر : مب مصدقة !
    مها :هههههه انا ماحب سوالف بنات هال ايام ! همم يسون نفخة مادري شو يسمونه وبرج العرب فوق راسهم وعبااية مفتوحه بس فيها عقمه او عقمتين ! وتحت العبااية بنطلووون راص ! ومافي شي ماحطينه فويهم اتقولين رايحين عرس ! !
    خالد : صدقج شوهال بنات ! المتخلفات
    سمر : احمم ! لو سمحتو هاي الموظه !
    خالد :أي موظة واي خرابيط !
    سمر : انته شعرفك فموظة البنات
    خالد :انتو البنات ماعندكم سالفه
    سمر : وانتو يالأولاد مب مقصرين ! ولد يطلع بقميص وردي ! وحاط حلق [ تراجي ] فأذنهـ وسلسة وحاله ! لا واحين اطورو غترة ع رقبتهم
    خالد :انتو بعد تحطون غترة ,, وانا مب مثل هال اولاد !
    سمر : تعرف انته كيف ؟
    خالد :كيف
    سمر : يوم تلبس بنطلون تلبس بنطلون جنز وقميص يا نص كوم او ايد طويل بس قمصانك كشخه
    خالد : اححممم
    سمر : ههه خلى اكمل ,, و اتحط فأيديك سلسلة وبلاستييك وحالة
    خالد : انتو بعد تحطوون ! قلدووتنا
    سمر : هاذيل المراهقات يسو ن جي
    مها : لا مب المراهقات احين انا احطي جي يعني مراهقة
    سمر : ليش انتي تتحسبين عمرج فالشباب ولا فطفولة !
    ميثة : انتي كم عمرج ؟
    مها :14 جريب بدش 15
    ميثة : يعني انتي تينيجر يعني مراهقة !
    مها : يعععع
    سمر : بالعكس احلى سن سن المراهقة !
    مها :اونه
    سمر :والله
    مها : عيل باخذ راحتي احمم
    خالد شافها بنظرة عقب ظحك
    خالد :يلا سمور كملي
    سمر: وهي شو تسوي بعد همم هي تلبس كااب او ماتلبس و حزام بس انا مايعيبوني حزمانك جي احسهم دفشين ! شرات الأولاد
    خالد : شو تشوفيني بنتت !
    سمر :ههههههه انزين وبس !
    خالد :يعني اوكي
    سمر : هيه
    خالد :احمم فديتني ذويق

    يتبع ..~










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  4. #214
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    آلبآرت 15>2<
    سمر : هيه
    خالد :احمم فديتني ذويق
    اسما :اسكت اسكت احين بيلس يمدح نفسة !
    خالد : شو يعورج
    اسما : سخيف
    ظبية : يلا بنروح
    مها: همم فطامي وروظة وين اودييهم ؟!
    ظبية :ايبيهم
    مها : ماشي مكان شوفي نحن كم شخص
    سلطان :خلى نروح سيارتين
    مها : هيه صح نصهم مع دريولنا ونصهم معاكم
    ظبية :خلاص اوكي
    [ سمر وظبية وام محمد وميثة وخالد وروظة]
    [ مها واسما ونوف ونورة و سلطان وفطامي ]
    عند قوم خالد
    خالد كان يالس جدام وروظة ع ريلة و ورا ظبية وام محمد وسمر وميثة
    عند قوم سلطان كان يالس اول واحد وورا مها وفطامي ع ريلها وحذالها اسما وعقب نوف وعقب نورة
    قوم سلطان لحقو قوم خالد ووصلو محل الي يبيع الطقع
    نزلو كلهم
    كان المحل فاظي دخلو
    ام محمد : السلام عليكم
    الهندي : وأليكم السلام
    ام محمد : رفيق شوفي قطعه جديد ؟
    الهندي : كلو جديد
    ام محمد : لاتقص عليه امساات انا ياية وشايفه هال قطع !
    الهندي راح وراواهم كم قطعه
    ام محمد : مهاايهـ
    مها : هلا يدو ؟
    ام محمد :شرايج فهال قطعه
    مها: يدو ! اهى اهى هاي القطعه مالت عيايز !
    ام محمد : لحظة بنشوف ذوق خالد ,, خالللد خاالد
    خالد : هلا ؟
    ام محمد :شراايك فالقطعه
    خالد :هههههه حق منو ؟
    ام محمد : هي مها
    خالد : ههههههههه عجييييبة ! طررر
    مها : لاا منو قال بشتري هال قطعه ! مابيها
    خالد :هههه منو اختاارها لج ؟
    مها :يدوو
    خالد : يدو ذووقج فننن !
    ام محمد :خوزو عن ويهي ! لابركتن فيكم ! من عيال تطنزون على يدتكم ! انفف عليكم
    خالد :هههه [ قام وباسها عراسها ] عاش من يتطنزج عليج
    ام محمد : خوز عني !
    خالد :هههههه
    مها تمت تمشي ادور قطعه حلوة ,, ولقت قطعه سودة
    مها : ابا هال قطعه
    ظبية : ويدي ! شوهال قطعه !
    ام محمد : وتطنزين على ذوقي بعد !
    خالد : شوهال قطعه وين يالسين نحن فعزى ؟
    مها : انا احب اللون الأسود واايد !
    ظبية : مادري والله كيفج
    مها : انا ابا هال قطعه
    ظبية : خلاص براحتج ,, وشو تبين بعد ؟
    خالد : هال مرة اختااري لون يفتح النفس مب اسوود ! ومادري شوو
    مها شافته بنظرة جي عبط
    خالد : ويا هال نظرة !
    مها :جب !
    خالد : بل
    مها شافت قطعه حلوة الوانها فااتحه وردي و برتقاالي والقطعه كانت بنوتية
    مها : خالو شراايج فهال قطعه ؟
    ظبية : هيه هال قطع الي تفتح النفس مب اسوود !
    مها : خاللو لاتعيبين ع ذوقي
    ظبية :هههههه
    تمت مها ادور قطع وجي اختاارت 5 قطع وعقب كلهم اتفقو ع طقعه وحدة وحاسبو وطلعو
    في حذال المحل القطع محل يبيع شغلات حلوة اكسسوارات بس للملابس
    مها : خالو ابا ادخل هال محل
    ظبية :اوكي
    دخلو مها شافت شغلات حلوة تمت اتشوف الشياء وجي وعقب لفت نظرها شرات قطعه بالخرز للملابس وفي حرووف تمت ادور ولقت حرف K
    مها تمت اتشوف الحرف ومبتسمه
    ****: عايبنج ؟
    مها نزقت : بسم الله خوفتني !!
    خالد كان يرمس بهمس: انزين قوليلي عايبنج ؟
    مها بعد رمست بهمس : هيه عايبني
    خالد يهمس : بس احسة مب حلو
    مها وهي تهمس وترص ع الكلمه : جبب !
    خالد : ياويلي !
    مها : شفيك
    خالد :يوم تهمسين اذووب !
    مها قفطت : قوم عني
    خالد : مب قايم
    مها : خلود بلا عبط
    خالد تم ساكت وتم يشوفها وهي يالسه تشوف الأغراظ
    مها : يالله خلود ماعرف جي اشوف الأغراظ وواننت عينك علي
    خالد :انا مالي خص هاي عيوني تستعبط
    مها : افف خلود
    خالد : عيونه
    مها : ههه خوز عيونك
    خالد : ماروم
    مها : افف برايك !
    وراحت عن وهو يلحقها مها راحت عند سلطان
    مها : سلطان شرايك فها [ راويته شي كانت تبا خالد يخوز عينه ويشوف سلطان ]
    بس خالد تم يشوفها
    مها :افففففففف
    سلطان : شفيج
    مها :ماشي
    سلطان لاحظ خالد يشوف مها
    سلطان :شفيك اتشوف البنت جي ! بتااكلها بعيوونك !
    خالد وهو يشوف مها : قاعدين نلعب لعبة لوتميت اشوفها لين مانوصل البيت بتعطيني 500 ! عرفت
    سلطان :ايوااا ,, والله انكم متفيجين
    مها امبطلة عيونها !
    راح سلطان
    مها : يالخريط
    خالد : عيون الخريط
    مها :خلود شل عيونك لابطهم لك !
    خالد :بطييهم عادي
    مها : افف انا براويك [ جان تتغشى]
    خالد : عادي بتم اشوفج ينبان شوي واحسن تغشيتي عشان محد يشوفج غيري
    مها : اهى اهى حراام عليك ! ترا بصييح !
    خالد :هههههههههههههه
    راحت مها وحاسبت وطلعو كلهم
    اشترت مها شرات اشياء بتحطهم ع المخور ولونهم رماادي فاتح يلييق ع القطعه السوودة
    راحو الخياط
    وتم الخياط ياخذ قيااسهم وجي
    ومها تمت تقوله كيف تبا يسوي لها قطعه السودة
    مها : رفيق شوف ! صوب يد خل هال شيفون مع لمعه خل شيفون يابس وشوي ينزل بس صوب اليد
    رفيق : ماايصير
    مها : لا يصير مب عكييفك !
    ام محمد : كلتي الريال !
    مها : ههههه ,, المهم رفييق حط هني مثل قطعه وخل شيفة تحت ! فهمت
    رفيق: ايوا يفهم !
    مها : انزين وخل ها هني وجي [ وقالت له ]
    رفيق: بس ها مب مخور ! ها كندورة
    مها : مخور ولا كندورة اي شي المهم سو مثل ما اباا !
    رفيق : ان شالله
    مها : زين شطور تسمع الكلام ! [ كان حذاله ورقه يكتب القياسات وجي ,, يابت الورقة وكتبت 10 على 10 ]
    رفيق: شوي سوي انتااا !
    مها : زين مني احط لك 10 على 10
    ام محمد : حسبي الله عليج من بنية ! لعوزتي الريال !
    مها : هيهيهي عشان مرة ثانية ماتقولون بنروح انفصل مخوور !
    طلعت مها برع وكانو البقية برع لأنهم خلصو
    مها : هاهاها لعوزت الهندي
    اسما : ههههههه ويا ويهج
    خالد رد يشوفها
    مها : خللوود ! بس خلاص ترا بخبر مريوم [ وغمزت لهـ ]
    خالد :هههه خبري عادي
    مها : بتزعل عنك
    خالد : مابتزعل ,, هي ماتروم تزعل عني , فدييتها تحببني وااايد
    مها : منزينها
    خالد : لو سمحتي عن الغلط !
    مها : عداال !
    هني رن فون مها وكانت امها
    مها :اففففف شو تبا هااي ؟!
    سلطان : منو ؟
    مها : امي !!
    سلطان : ردي طاعي شو تبا
    مها ردت : الو
    شهد : وينج .؟
    مها : طالعه ويا خالو ظبية
    شهد : اوكي ردي البيت بسرعه ؟!
    مها : ليش انشالله ؟!
    شهد :بنروح مستشفى !
    مها: مستشفى !! حق شوو !!
    خالد هني خاف !










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  5. #215
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    شهد : عشان امل ! بنسوي فحوصات
    مها : ايوا اوكي نص ساعه وبكون فالبيت
    شهد :يلا اترياج
    مها : باي
    وسكرو
    مها: انا لازم اروح !
    خالد :لييييييش شو صااير ؟!
    مها : عشان المستشفى !
    خالد :اي مستشفى !
    مها مارامت ترمس ! شافت الأرض خالد عرف انها ماتروم تقول شي
    خالد : خلاص اوكي .~
    مها : اسوم خلي خوااتي عندكم وسلطان تم وياهم انا بروح وبرد
    سلطان : مابخليج تروحين بروحج !
    مها : سلطان لو امي شافتك بتصير سااللفه !
    سلطان : ماروم اخليج بروحج تخيلي سوت ففيج شي !
    اسما : انا بروح !
    سلطان : انتي بنت ! لازم ريال يروح وياها !
    خالد : اوكي انا بروح
    سلطان ويها تشكل ماعرف شو يقول
    اسما : هيه خلى خالد يروح اول شي اذا امها بغت تسوي شي مابتروم تسوي لأنه خالد موجود وثاني شي امها تعرف خالد وجي ..~
    سلطان ماعرف شو يقول غير اوكي ! :اوكي
    خالد شق الحللج !
    مها وخالد ركبو مع دريول انور ..~
    راحو بيت قوم مها
    مها : خلود تم فالسيارة بروح داخل وعقب برد
    خالد :اوكي
    دخلت مها دااخل شافت شهد وامل !
    امل : مها تعالي شو في امج شو تقول !
    مها : شو تقول ؟
    امل : اونه بنروح نسوي فحوصات !
    مها : ادري !
    امل : اتشكيين فيني ؟!
    مها : اكييد لا ! بس ابي اثبت لها انج تنفعين اتكونين امي !
    امل : ايوا ..~ اوكي يلا بنروح
    مها : اي مستشفى بنروح ؟
    شهد : انا اقول خاصة !
    مها :لييش؟
    شهد : عشان لو رحنا مستشفى حكومي وطلع فيها شي عادي يزخونها ! بس مستشفى خاصة نروم نسكتهم بالفلوس !
    مها : مافيها شي !
    شهد : اوكي بنروح خاصة وبتشوفين !!
    مها :اوكي ! امل تعالي معاي بنروح مع الدريول ..~
    شهد : لا تعالو معاي !
    مها :لا نبا نروح بروحنا !
    شهد : ليش تخاافون ؟!
    مها : خسيي !
    امل : خلاص انا بنروح وياها
    مها : همم انتي روحي وياها وانا بي ويا الدريول لأنه عقب ابا اروح مكان عندي كم شغله
    امل : اوكي
    مها طلعت ركبت السيارة وشهد وامل ركبو السيارة
    خالد : شو بتسون احين ؟
    مها : بنسوي تحاليل
    خالد : انا خاايف
    مها : من شوو ؟!
    خالد : ماعرف !
    مها : ماعندك سالفه !
    وصلو المستشفى
    مها : خالد خلك بعيد عنا بس تروم تشوفنا !
    خالد : من عيوني
    مها استحت ><!
    دخلت مها داخل وشافت شهد وامل راحو صوب قسم التحاليل وخالد كان وراهم بس بعييد عشان مايحسون فيه ..~
    وصلو سوو تحااليل حق امل وقالو بعد نص ساعه بتظهر التحاليل
    شهد وامل ومها كانو يالسين صوب الأنتظاار
    شهد : انا بروح وبي
    مها : ويين ؟!
    شهد : الحمام !!
    مها : ايوا ,, اوكي
    راحت شهد
    امل : حاسة في شي !
    مها : مثل شو ؟!
    امل : ماادري خايفة من امج ! امج شيطانه !
    مها :لاتخافين انا وياج !
    امل : واليوم الفير بنساافر !
    مها : صج ساعه كم ؟!
    امل : 2 لازم اكون فالمطار 5 الطيارة بتطير
    مها : اها توصلون بالسلامه
    امل : الله يسلمج
    عند خالد ..~
    كان يشوفهم من بعيد وبعدين يوم شاف شهد قامت ,, قاام وراح ولحقها راحت مكان مكتوب فيه فقط للموظفين !
    خالد : هاي شوتسوي هني :s!
    علوو: زخييييييييييتك ! شو تسوي هني ؟
    خالد :بسم الله !! خرعتني !
    علو :هههه شوتسوي هني ؟
    خالد : ماشي ازور واحد من الأاهل
    علو : ايوا مايشوف شر
    خالد : الشر مايك ,, انته شو تسوي هني
    علو : ماشي بس الوالد مربية
    خالد : اووه مبرووك ! شو يابت
    علو : بنت !!
    خالد :كششخه !
    علو :شو كشخه ! كنت ابا ولد
    خالد : ماعندك سالفه
    علو : بس الحمدالله
    خالد : شو بتسمونها !؟
    علو : مادري احين نحن محتارين بين 3 ااسامي .. [ مزنهـ , مها , مروة]
    خالد : سموها مهاا ! احلى اسم
    علو : همم انا اشوف مروة
    خالد : لا مها احلى
    علو : مادري الوالده بتختاار الأسم
    خالد :اها
    علو : عيل يلا انا بخليك
    خالد : اوكي
    علو : مع سلامه
    خالد :مع سلامه
    وراح علو ..~
    خالد تم واقف يترا شهد تطلع ..~ بعد10 دقاايق طلعت ..~
    لحقها وشافها رايحه صوب قوم مها ..~
    خالد : هاي شوكانت تسوي دااخل .؟!
    عند قوم مها
    شهد : ها النتايج ماطلعت ؟
    مها : نو
    شهد : احين بتطلع عيل
    بعد 5 دقاايق يت السستر
    سستر : مدام امل
    امل : يس ؟
    سستر : ممكن تتفظلي عند لدكتورة ؟
    امل : اوكي
    شهد ومها وامل راحو عند الدكتورة
    داخل ..~
    الدكتورة : منو فيكم امل ؟
    امل :انا
    الدكتورة : خلنا نرمس بصراحة ,, اوكي ؟! واذا تبيني اساعدج راح اساعدج ماعندي اي مشكله
    امل : تساعديني فشو ؟!
    الدكتورة : التحاليل الي سويتيها يبين انج قبل كنتي تتعاطين ! واحين شوي مب وايد !
    امل : شوووو!!
    مها فاتحه عيوونها ! منصدمه !
    امل : جذبب ! انا ولا مرة فحياتي تعااطيت !
    الدكتورة : اذا مب مصدقتني خذي التقارير وروحي اي مستشفى تبين وشوفي شو بيقولون !
    امل : كيف جيي ! والله انا مالي خص !
    الدكتورة : شوفي انا عشان خاطر شهد راح اخبي هال موظوع وراح اساعدج !
    امل : انتي تعرفين شهد ؟
    شهد : هيه قبل كانت ربيعتي ايام الدراسة
    امل عرفت انه كل شي جذب !! بس سيرت وياهم : انزين شو المطلوب مني ؟
    الدكتورة : 100 اللف
    امل : شوووو !!
    مها : لحظة ! تعرفين الي قاعده تسوينه ! عادي تدخلين عليه السجن !
    الدكتورة : ليش انتي بتخبرين
    مها : ليش لا ! عادي بخبر !
    امل : مها ! دخييلج لاتوهقيني !
    مها : انتي جب سكتي !! طحتي من عيني !
    شهد : عيل انا لي خص فبناتي !
    مها تمت ساكته !
    مها وقفت عشان تطلع
    امل : مها بلييز لاتودريني ! امج مسويه لعبة ويا رفيجتها ! والله ! مها دخيييييلج !!
    مها : خوزي عني !
    طلعت مها وشافت خالد جدامها راحت فحظنه وتمت تصييح !
    خالد : مهوي شوفيج ؟!!
    مها : خالد انا تعبت !! ماعرف شسوي بعمري !! ماروم استحمل اكثر ! احس اني بمووت !!
    خالد :بسم الله عليج لاتقولين جي
    مها : آآآه تعباانه !
    خالد :شسالفه !
    مها : طلعت امل تتعاطى !
    خالد :شوو !! هالي كنت خايف منه !
    مها : احين ابوي منو بيروح معااه ؟!
    خالد : انا بروح
    مها :لا انته وراك مدرسة
    خالد :طااف
    مها : انا مب راظية ! وثاني شي خوااتي ! قالت بتتدخل فيهم وبتظربهم !و حااله وانا مابروم اسوي شي ! خالد ابغي اموووت !
    خالد : مها ! لاتقولين جي بعد ترا والله بزعل ! خلاص لاتصيحين كل شي له حل ! وخواتج بخليهم عندنا
    مها : والمدرسة
    خالد :ايبي لبسهم
    مها : اوكي تعال معاي البيت اخااف اروح بروحي
    خالد : منو قال بودرج ؟! بتم معاج طول الوقت
    مها مسحت دموعها : ثانكس
    خالد :جب ! شو ثانكس !
    طلعو من المستشفى راحو بيت قوم مها ..~
    مها نزلت وشافت خالها سهيل جدامها
    سهيل : بلاج تصيحين !
    مها : قووم عني !
    سهيل : بلاها هاي ! الحمدالله وشكر !
    مها راحت فووق وشلت لبس خواتها وطلعت ركبت السيارة
    خالد : مها انتي وين بتنامين ؟!
    مها : فبيتنا !
    خالد: لا نامي فبيتنا أحسن
    مها : لا بناام عند يدوتي !
    خالد : واذا قالت وين امج وخواتج ؟!
    مها : بقول عندي امتحان ويسون حشرة بتم عندج وخواتي فالبيت وبقول لأمي خواتي مابقولج وينهم بس لو لقيتيهم او خبرتي يدو او اي شي ثاني ! بيبهم عند يدتي ومابنرد البيت !
    خالد : اوكي .. يلا اول شي بنروح بيتنه وعقب بوديج بيت يدتج !
    مها : لا انا بنزل بيت يدو احين عشان اذااكر ! وانته شل الدرييول وروح بيتكم وعقب رد الدريول عندي فبيت يدتي
    خالد : اوكي
    فالطريج رن فون خالد وكان مسج !
    خالد يوم شاف المسج ويهآ تشلك ..~!
    مها : بلاك !
    خالد : اخيييييج !
    مها : شو بلاك ؟!
    خالد : اندووج اقري !
    مها شلت الفون وقرت المسج !
    [ وش مسوي مع غيري وش الدنيا في قربة قول ؟ ياروحي انته متهني ولا بشوق لي مشغول ؟ انا مازلت افكر فيك واموت بحبك وطاريك لاكن هاذي اطباعي اخبي الحزن وماقول ..~]
    مها : منوم طرش المسج ؟!
    خالد : لطيفة !
    مها ويها اتشكل : شو تبا هااي؟ !
    خالد : شدراني ,, سوي طاف
    مها : ! افففففف تقهر
    خالد : خلاص خلها تولي
    وصلو بيت يدة مها
    مها نزلت
    وراحت داخل وخالد راح بيتهم
    عند مها ..~
    دخلت داخل شافت يدتها قاعده تشوف تلفزيون
    مها : شو قاعده تسوي الحلوة ؟!
    اليدة : مها فدييتج والله تعالي يمى
    مها : افدااج !
    اليدة :: عيل وين خواتج ؟










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  6. #216
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~



    مها : فالبيت
    اليدة : ليش مايبتييهم ؟
    مها : انا يت عشان برقد عندج لين ماخلص الأامتحانات
    اليدة : ليش ؟
    مها : يدو خواتي الصغار خلصو الأمتحانات ويسوون حشررة مايخلوني اذااكر قلت لنورة تعالي قالت لا عادي بستحمل الحشرة
    اليدة : خلاص فديتج خذي غرفتكم الجديمه ورقدي فيها ,و وهي نظفيه ومترتبة
    مها : اوكي ^^
    قامت مها ودخلت الغرفة وعقت العباية وشلت كتبها وطلعت راحت الحديقة الي فالحوي
    وتمت تذااكر
    عقب رن فونها وكانت شهد
    مها : الو
    شهد : وينكم ؟
    مها : انا فبيت يدو
    شهد :شوووووووو !
    مها : سمعي خواتي مابقول لج وينهم ! واذا تميتي ادورينهم ومثلا لقيتيهم ماراح اتشلينهم واذا سويتي شي بشلهم وبني بيت يدو وبنقول لها نبا نعيش عندج !
    شهد : حسبي الله عليج !!
    مها : يلا فاارجي
    شهد :افففففف !
    مها سكرت فويها
    وكملت مذاكرتها
    يت يدتها وكانت يايبة لها حليب وسندويج
    مها : مشكوورة فدييتج
    اليدة : يلا فديتج كلي وذااكري
    مها : انشالله
    راحت اليدة
    وعقب مها دقت لخالد
    مها: الو
    خالد :هلا
    مها : اهلين
    خالد : الدريول يه ؟
    مها : ماعرف
    خالد : اها انزين روحي شوفي
    مها: دقيقة بسأل الخدامه
    خالد : اوكي
    مها : لييناا لييننااا
    لينا : ايوا ؟
    مها : الدريول يه ؟
    لينا : دريول ماما كبير ولا ماما شهد ؟
    مها : لا ماما شهد
    لينا : هيه يجي ممن زمان
    مها :اوكي خلاص
    وردت مها لخالد
    مها : يه
    خالد : ايوا زين زين
    مها : خواتي شويسون ؟
    خالد : ماشي قاعدين يلعبون ونورة اتذااكر
    مها : اها
    خالد : خلصتي مذاكرة ؟
    مها : لا باقيلي شوي
    خالد : يلا بسرعه خلصي !
    مها : انزين انته ذاكرت ؟
    خالد : عندي كمبيوتر !
    مها : انزين ذاكرت ؟
    خالد :ش واذااكر مايباله شي
    مها : يعني ناجح
    خالد : وانا مغمظ عيني !
    مها :هههههه
    خالد :يلا بخليج تذاكرين
    مها :أوكي باي
    خالد :باي
    وسكرو
    مها تمت تذااكر وهي تذاكر دش سهيل البيت
    سهيل : انتي شو تسوين هني ؟
    مها : قاعده فبيت يدوتي ليش حرام ؟
    سهيل: ابا اعرف شو سويت لج عشان جي ترمسيني ؟
    مها : ماسويت شي
    سهيل : انزين اقولج
    مها : ها ؟
    سهيل: اشتريتي بدلة حق ملجتي ؟
    مها :لا
    سهيل : متى بتروحين ؟
    مها : ماعرف يوم بيكون عندي امتحاان تربية وطنية بروح
    سهيل : متى بيكون عندج ؟
    مها :بعد يومين
    سهيل :اوديج ولا بتروحين ويا امج ؟
    مها : لا بروح مع خواتي بروحنا
    سهيل :ليش؟
    مها : بس نبا نسوي مفاجأهـ لأمي ولك :p
    سهيل : ايوا ,, اوكي بخليج عيل
    مها :اوكي باي
    وسهيل راح
    عند خالد ..~
    رن تلفونه وكان علو
    خالد : الو
    علو : هلاا والله
    خالد :اهلين
    علو : سمينا اختي
    خالد :صج ؟ شو سميتوها ؟
    علو : مهوي
    خالد : صجج !
    علو : هيه
    خالد : عيل بي عندها احين !
    علو : يلا تعال بترياك
    خالد :أوكي
    سكر خالد وشل اشرف وراحو مستشفى عند علو
    دخل خالد داخل
    خالد : وين مهوي ؟
    علو : اي تراني اغار على اختي !!
    خالد : سير لا يلا ابا اشووفها
    علو : فالحظانه قوم بنروح نشوفها
    خالد :يلا
    راحو صوب الحظانه وخالد شافها وهي نايمه
    خالد : فدييتها كيووت
    علو : لاتتفدى اختي لو سمحت !
    خالد : انجلع ! روحايبها ابا اشلها !
    علو : تعرف كيف يشلون الياهال ؟
    خالد : هيه دوم اشل بنت اختي شيخو
    علو : انزين دقيقة بروح ايبها
    خالد :اوكي
    علو دخل راح وشلها وعطاها لخالد
    خالد : بخطفها !
    علو : كف !
    خالد :هههههه
    علو : انزين بسك هاتها
    خالد : لا بعدني ماشبعت !
    علو : شكلك مابتشبع !
    خالد : انا بردها دااخل !
    علو :اوكي
    خالد دخل دااخل وشاف واايد ياهال تخبل !
    خالد : وين مها عنهم !
    خالد وهو يحط مها فمكانها سمع السسترات يرمسون
    السستر1 : سمعتي عن الدكتورة الي مزورة تحاليل وحدة من المرظة
    السستر 2: هيه انا كنت هناك موجودة
    السستر 1: شسالفه؟
    السستر 2: الله يسلمج ربيعتها الي من ايام الدراسة قالت لها بعطيج فلوس بس زوري التحاليل وهي زورت وهاذيك الحرمه حلييلها حالتها حاله
    السستر 1 : حراام ليش الناس ماعندهم ظمير
    السستر 2 : الفلوس تغير النفوس
    السستر : صدقج
    خالد تم مصدووم !
    خالد : وين الحرمه الي ترمسون عنها ؟
    السستر 1: اي وحدة فيهم ؟
    خالد : الي حالتها حاله
    السستر 1 : مادري
    خالد : همم تتوقعون وين بتكون ؟
    السستر1 : يمكن صوب الأستقبال او الكفتريا
    خالد :اوكي مشكورين
    طلع خالد
    علو : بلاك طولت ؟
    خالد : علو شوي تعال معاي
    علو : وين ؟
    خالد : انته تعال
    علو :انزين
    خالد راح صوب الأستقبال ومالقاها راح صوب الكفتريا شافها يالسة ع آخر طاوله وتصييح !
    خالد : امل
    امل : خاللد ! والله اني مب مسوية شي !
    خالد : اعرف ! عرفت كل شي
    امل : ها كله من شهدد !
    خالد : ادري خلاص مسحي دموعج
    امل : خاايفة ! ماعرف شوا سوي ! واليوم وراية سفر ! شكلي مابسافر ! وكل شي بيخترب
    خالد : ماراح يخترب شي !
    امل : كييف؟ ومها كارهتني !
    خالد : راح اقول لمها ان حد من اهلنا بيسافر بدالج ! وانتي روحي مع سلطان وانا برمس سلطان ! وهال دكتورة دواها عندي !
    امل : خالد انا خايفة
    خالد :لاتخافين ! انا وياج
    علو : خالد شو السالفه
    خالد : احين بقولك بس اول شي خلى امل تروح البيت !
    امل : لا بروح عند ابوي
    خالد : ابوي :s
    امل : لا انا اسميه ابوي بس هو شيبة
    خالد :هيه عرفته , اوكي خلاص
    امل : شكرا خالد
    خالد : لاتشكريني !
    امل اتسمت وقامت وراحت
    علو :شساله
    خالد : في دكتورة عني موزة تحاليل دمها واونه هي تتعاطى مخدرات !
    علو : شتتتتت !!
    خالد : شوف شو بسوي
    علو : وانا وياك
    خالد : تسلم
    عند امل
    ركبت سيارتها وراحت عند الشيبة وشافت في حرمه تطلع من عنده وهي ادمع
    امل اتقول فخاطرها : شسالفه !
    دخلت امل شافت الغرفة الـ مقفولة ,, مفتوحه !
    دشت داخل وشافت الشيبة داخل وحذاله قرآن وماي وفي اشياء
    امل : ابوية !
    الشيبة يوم شاف امل ويها تشكل !
    امل : شوها !
    الشيبة تم ساكت مب عارف شو يقول !
    امل مصدومه ! : انته تسوي سحر !
    الشيبة : لا ! لاتفهميني غلط يابنيتي !
    امل : عيل شوها !!
    الشيبة :ايلسي وبقولج !
    امل :شو تبا تقولي !
    الشيبة : انا ماسوي سحر ! اعوذ بالله ! انا فديتج ايب ماي وعسل واقرى عليهم بالقرآن
    ويسرون مقرين بالقرآن واذا حد مسحور بأذن الله السحر يخوز واقول لهم شوي سون !
    امل : يعني انته تخوز السحر !!
    الشيبة : مب اني اخو زانا اسااعد في تخفيف السحر
    امل راحت يلست عنده !
    امل : عيل ليش ماقلت لي من زمان ! اباك اتخفف عن ريلي!
    الشيبة : انا كل يوم اخفف عنه اقرى له قرآن
    امل :صج !
    الشيبة : هي يابنيتي !
    امل : مشكوووووووور ! ماعرف شوا قول لك ! اسمحلي ظلمتك
    الشيبة : شوفي فديتج خذي هال ماي ! هذا ماي زمزم وانا قاري عليه قرآن ! كل يوم الصبح يوم بيقوم اغسلي ويهاب هال ماي وشربية شوي واكلي 7 تمرات من هال تمر
    امل : انشالله
    الشيبة : واذا خلص تعالي عندي بعطيج بعد
    امل : انا اليوم مسافرة !
    الشيبة : وين ؟
    امل : بروح اعالج ريلي فيهـ الكلى
    الشيبة : لاحوول ماايشوف شر ان شالله
    امل: انشالله ,, ابوية انا واايد تعباانه
    الشيبة : عسى ماشر ؟










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  7. #217
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    امل : هال حرمة الي مسوية لريلي سحر !! مسوية لعبة اونه انا اتعاطى مخدرات بس والله انا ماالي خص !
    الشيبة :لاحول ولاقوة الا بالله
    امل : ماعرف شسوي ؟
    الشيبة : انتي سافري وعالجي ريلج ويوم بتردين يصير خير
    امل : انشالله خير
    الشيبة : منو بيروح معاج ؟
    امل : ولد اخو ريلي
    الشيبة : تروحين وتردين بالسلامه
    امل : الله يسلمك ,, يلآ عيل انا بترخص
    الشيبة :وين توة الناس
    امل : بروح ارتب اغراظي وعقب بروح المستشفى عند امي وعقب بروح المطاار
    الشيبة : خلاص ماعليه روحي وطمنيني عليج
    امل : انشالله
    امل طلعت راحت بيتهم اتسبحت وعقب جهزت اغراظها وعقب دقت لخالد
    خالد : الو
    امل : خلود خل سلطان يتجهز احي نبي آخذة
    خالد : اوكي
    امل : يلا باي
    خالد :باي
    وسكرو
    خالد : سلطان
    سلطان : ها ؟
    خالد : همبا
    سلطان : بو تمبا
    خالد : عينك ورما
    سلطان : جدام خلق الله
    خالد : تيمون وبومبا
    سلطان :هههه شو تبا يالأهبل
    خالد : امل تقول اتجهز احين بتمر عليك
    سلطان : اوكي بروح اتسبح
    خالد :اوكي
    قام سلطان وراح اتسبح وعقب طلع وتجهز وبعدين نزل شاف امل تحت
    سلطان : بنروح احين ؟
    امل : لا اول شي بروح عند امي عقب بنروح المطار
    سلطان : وعمي منو بيبة ؟
    امل : عمك بيكون مع المستشفى معاه ممرظات ومسؤلين
    سلطان : يعني فالطيارة بيكون معانه ؟
    امل : لا يوم بنروح المستشفى بنشوفه
    سلطان :ايوا ,, انزين متى بنحرك ؟
    امل : بعد شوي
    سلطان : اها ,, مها مابتروح تشوف ابوها ؟
    امل هني ويها تشكل
    خالد : ماتروح تروح عندها امتحان باجر وصعب فقالت بترمسهـ يوم بيقوم بالسلامة
    سلطان : بس مايصير جي ها ابوها ,انا برمسها
    خالد : لا لو شافته باجر نفسيتها بتكون مب اوكي حق الامتحان
    امل : هيه صح كلام خالد
    سلطان : خلاص اوكي يلا أمل قومي نحرك
    امل : اوكي
    هني رن فون خالد وكانت مها
    خالد : دقيقة وبي
    خالد راح برع
    خالد : هلا والله
    مها : اهلين
    خالد : شحالج ؟
    مها : زففففففت
    خالد : افا ليش ؟
    مها : احيين ابوي منو بيروح معااه!
    خالد : هي صح نسيت اقولج لقينا حد بيروح معاه
    مها : صجج؟ منوو ؟
    خالد : ربيع ابوي المسؤول الي سوا الأجرائات كلها بيسافر وياهم
    مها : ايوا ,, انزين ابا اروح اودع ابوي
    خالد : مها عقب يدوتج بتقول وين رايحة ومادري شو ! واذا امج عرفت راح تسوي شي
    مها :اففف ماروم ماشوفه
    خالد :مها يوم بيقوم بالسلامه رمسيه
    مها :افففففف
    خالد :يلا عاد حياتي
    مها :انزين
    خالد :يلا بسكر بنوصل قوم سلطان المطار
    مها :اوكي سلم ع سلطان
    خالد :أففففف
    مها :ههههه ياغرون :p
    خالد : جب !
    مها : ههه انشالله
    خالد : يلا بباي
    مها :باي
    سكرو ورجع خالد داخل
    امل : يلا نحن بنروح
    خالد : اوكي خلي سيارتج فـ بيتنا وشلي الدريول
    امل : اوكي
    خالد : يلا تروحون وتردون بالسلامه
    امل + سلطان : الله يسلمك
    اهل خالد سلمو ع امل + سلطان وعقب امل وسلطان توجهو لمستشفى عند ام امل
    امل راحت زارت امها وعملية امها كانت بعد 3 ايام ,, بعد ما امل اطمنت على امها توجهت لمطار دبي دولي !,,~
    فالمطار
    سلطان : خايف على عمي
    امل : وانا اكثر
    سلطان :ان شالله حير
    امل : انشالله
    ركبو الطيارة واتوجهو لـ المانيا
    عند مها
    قامت الصبح وتلبست وتوجهت لمدرستها
    فالمدرسة
    غاية : مهوي وينج يالقاطعه
    مها : آآآخ راسي يعورني
    غاية : شفييج
    مها : ماادري واايد تعباانه
    غاية يابت ايدها وحطت ايدها ع يبهت مها
    غاية : في حرارة
    مها : تعباااااانه وااايد
    غاية : رحتي المستشفى ؟
    مها : لا
    غاية : روحي بعد ماتخلصين الأمتحان
    مها : يصير خير
    غاية : جب بتروحين لو مارحتي بي بيتكم وبمطج من شعرج
    مها : انا مب فبيتنا
    غاية :عيل
    مها:فبيت يدوتي
    غاية :شسالفه
    مها : بعدين بقولج !! بلييز غايو روحي ايبي لي بندول من عند النيرس ! والله راسي بينفجر
    غاية :اوكي دقيقة
    راحت غاية عند النيرس بس النيرس طلعت مب موجودة
    غاية : مهوي النيرس محد
    مها :ياالله !
    غاية : استحملي
    مها : ماااااااروم !! يااربي شوفيني
    غاية :مافيج شي بس عشان الحمى
    مها تمت تكح !
    غاية : صحة صحة
    مها : غايو تعباانه ! ماروم اسوي الأمتحان
    غاية : مها ها مب امتحان تقويم !
    مها : تعباانه والله [ هني صاحت ]
    غاية : مهاا شفييج ؟!
    مها تمت تصييح : تعبااااانه ! تعبت من حياتي
    غاية : بس فدييتج لاتصيحين
    مها : ماعرف شسوي بعمري ! تعباانه من كل شي !
    غاية : خالد ظايقج بشي ؟
    مها : بالعكس لو مب خالد الله يعلم كيف حالتي بتكون ! غايو انا تعبانه نفسياً كل شي يصيرلي مرة وحدة ! تعبت ياارب متى بتااخذ روحي !
    غاية عصبت : مها شو هال كلام شو متى بتااخذ روحي :@!
    مها : والله تعبت ماروم استحمل بعد !!
    غاية هني صاحت مع مها : فدييتج والله ! انتي ماتستاهلين كل ها ! بس هاي ازمة وبتعدي
    مها : متى بتعدي؟ !
    غاية : انشالله قرييب ! انتي هدي بس
    مها : غايو مصدعه اللف ! ماروم استحمل !
    غاية ردت وشافت حرارتها : جسمج حااار !
    مها : تعبانه ماروم اسوي شي !
    هني دق الجرس
    غاية : قومي بندش الصف واكيد يوم بيشوفونج جي بي أجلون الأامتحان
    مها : اوكي
    مها تمت تسحب عمرها ,, كانت تحس انها ثجييييييلة !
    وصل ويلست ع الكرسي وحطت راسها ع الطااولة
    يت المراقبة وزعت عليهم الأاوراق ويوم شافت مها جي
    المراقبة : لازم تروحين لجنة خاصة ؟
    مها : ليش؟
    المراقبة :انتي مريظة ويبالج عناية
    مها : ماروم اقوم تعباانه وايد
    المراقبة : لحظة شوي
    راحت المراقبة تنادي الوكيلة
    مراقبه: ابلة سلامه ,, عندي فاللجنة وحدة تعباانه واااااايد وماتروم تتحرك او تحل شي
    الوكيلة : شسمها ؟
    المراقبة : مها جابر ****
    الوكيلة : وديها لجنة خاصة
    المراقبة : ماتروم تتحرك
    الوكيلة : بسم الله شوفيها !
    راحت الوكيلة عند مها وشاف حالتها فظييعه عيونها حمر وجسمها حااار وادمع من التعب
    الوكيلة : انتي شكلج ماترومين تكتبين حرف
    مها : ابلة ان ننا ت تتعبان ـه
    الوكيلة : كم رقم امج ؟
    مها : بعطي يكم رق قم ال بيت
    الوكيلة : انزين عطيني
    مها عطتهم رقم بيت خالد
    مها 04-*******
    الوكيلة دقت وردت الخدامه
    الوكيلة : الو
    الخدامه :ايوا ؟
    الوكيلة : وين ماما ؟
    الخدامه : فالقرفة
    الوكيلة :انزين ناديها قولي لها مدرسة مها تباج
    الخدامه : انجين ويت
    راحت الخدامه عند ظبية
    الخدامه : ماما مدرسه سوي تلفون حق انتي
    ظبية : شويبون ؟
    الخدامه : تقول مدرسة مال مها
    ظبية : مدرسة مها ! شسالفه !
    راحت ظبية وشلت التلفون
    ظبية : سلام عليكم
    الوكيلة : وعليكم السلام ,, ام مها ؟
    ظبية استغربت شسالفه : هيه معاج ام مها
    الوكيلة : بنتج واايد تعبانه حرارتها مرتفعه وتكح وماتروم تتحرك حالتها ماتسمح انها تكتب حرف واحد ,,
    ظبية : بسم الله شفيها ؟
    الوكيلة : ماعرف ,, احسن شي اتين وتاخذينها واتودينها المستشفى ,,
    ظبية : والأمتحان ؟
    الوكيلة : بتمتحن دور ثاني
    ظبية : لاحول ولاقوة الا بالله
    الوكيلة : هاذا مب رسوب هي عندها عذر
    ظبية :خلاص احين بمر عليها
    الوكيلة : يلا مع سلامه
    ظبية : مع سلامه
    وسكرو
    ظبية قامت وراحت تلبس عبايتها
    محمد : وين رايحه ؟
    ظبية : مها وااايد تعبانه والمدرسة توة دقولي عشان آخذها
    محمد : والامتحان ؟
    ظبية : بيعطونها دور ثاني ماتروم تكتب حرف
    محمد :بي وياج
    ظبية :يلا
    محمد راح ولبس وعقب توجهو لمدرسة مها
    محمد : يلا انتي نزلي وانا بترياج فالسيارة
    ظبية: انشالله
    نزلت ظبية وراحت الأدارة
    ظبية : سلام عليكم
    المديرة : وعليكم السلام
    ظبية : يت آخذ مها جابر
    المديرة : هيه هي فالصف
    ظبية : انزين ممكن تنادونها
    المديرة : ماتروم تمشي
    ظبية : ويدي ,, شفيها !
    المديرة : والله ماعرف
    ظبية : بخلي ابوها اي يشيلها
    المديرة : يكون افظل
    ظبية راحت عند محمد
    ظبية : محمد تعال شل مها
    محمد :ليش شفيها ؟
    ظبية : ماتروم تمشي
    محمد : بسم الله ! عسى ماشر ؟
    ظبية : ماعرف شوفيها يلا تعال
    محمد :انزين ياي
    راح محمد الادارة
    المديرة : انته ابو مها
    محمد :هيه
    المديرة : انزين تعال معاي عشان اوديك صفها
    محمد :يلا
    المديرة راحت الصف
    المديرة : بنات تحجبو بي ريال
    البنات تحجبو
    ودشت اول شي ظبية
    ظبية يوم شافت مها جي استخفت










    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  8. #218
    عضو الماسي
    الصورة الرمزية $ سوسو $
    الحالة : $ سوسو $ غير متواجد حالياً
    رقم العضوية : 31253
    تاريخ التسجيل : 19-01-09
    الدولة : في عالم الاحلام ...
    الوظيفة : للاسف طالبة :(
    الجنـس : انثـى
    المشاركات : 2,218
    التقييم : 269
    Array
    MY SMS:

    لا تثق فأي حد دون ما تعرف ...ماضي ... من تجاربي في الحياة

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    رووووعة تسلميين ^^

    نتريا الباجي ^^










    يلف الغيم ويتكون ويرسم في السماء رسمه ... رسم قلبي مع قلبك ونزلت دمعة ورها دمعة ... وحسيت بشعور الآهات ... وعرفت قيمة الفراق ... بعدها اختفى طيفك وتلاشى باقي الرسمه ... وكانت آخر حروفي ....................



    اشــــتـــــقـــــتـــ لــــــــكـــــ يــــــــا بــــعـــــــد عــــــمــــــريـــــ..

  9. #219
    عضو الماسي
    الصورة الرمزية ضـد المســار
    الحالة : ضـد المســار غير متواجد حالياً
    رقم العضوية : 15757
    تاريخ التسجيل : 25-04-08
    الدولة : UaE
    الوظيفة : طــالب بأحد مدارس الدولة
    الجنـس : ذكـر
    المشاركات : 1,039
    التقييم : 473
    Array

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    روعة
    نتريا الباجي







    حيآكم ف منتدآنــاِ (بصمة بدآوْه *


    آلغل’ـأ كلهْ - آلمجروح ( ضـد المسـار






  10. #220
    عضو ذهبي
    الصورة الرمزية اماراتي
    الحالة : اماراتي غير متواجد حالياً
    رقم العضوية : 1871
    تاريخ التسجيل : 07-02-08
    الدولة : الامارات
    الجنـس : ذكـر
    المشاركات : 717
    التقييم : 28
    Array

    افتراضي رد: ≈» בـب جڍيڍ g בـڪِآيـﮧ عشق مجنۈنـﮧ ..~


    نريااااااااااااااااااااااااااااااااااااااااااااااج لا تبطين علينااااااااااااااااااااااااااااااااا





    خمس دقائق فقط تمحي فيها جميع ذنوبك فرصة لاتعوض


    http://www.shbab1.com/2minutes.htm




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. عڛى آلعآم » گلـﮧ ېگۈڹ ف ڍڒۈبج ( ڛعآڍه ) !! << يومـَ ميلـآدَ جلكسيوهـَ
    بواسطة درة بحر في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 7
    آخر مشاركة: 11-03-21, 05:17 PM
  2. ..{ مَـבــطّآتْ בـيِآأتَيِے فْيِے مـَבـطّاتْ ..~ بـ ق ـلم آمآرآتيـﮧ ذگيـﮧ
    بواسطة اماراتيه ذكيه في المنتدى المنتدى العام General Forum
    مشاركات: 62
    آخر مشاركة: 10-08-28, 10:47 PM
  3. أבـبڪ مِن [ بَـבـر آلشـآرجة ] إلى أقصى בـدۈد الصينْ . . ْ
    بواسطة صرخــة آلم في المنتدى معرض المواهب و الابداع Fair talent and creativity
    مشاركات: 10
    آخر مشاركة: 09-12-29, 08:38 PM
  4. בــكايـــﮧ בــب ميالــﮧ
    بواسطة الرًمشْ الذبوבـيـﮱ .. في المنتدى معرض المواهب و الابداع Fair talent and creativity
    مشاركات: 12
    آخر مشاركة: 09-09-21, 09:44 AM
  5. |[~ اבֿـرج من اللۈבــﮧ قليلاً ~]|]
    بواسطة إمارتيه حلوه في المنتدى المنتدى العام General Forum
    مشاركات: 5
    آخر مشاركة: 09-08-08, 09:00 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •