تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 7 من 7
  1. #1
    عضو الماسي
    الحالة : أميرة راك غير متواجد حالياً
    رقم العضوية : 18841
    تاريخ التسجيل : 28-06-08
    الدولة : الإمارات
    الوظيفة : طالبة
    الجنـس : انثـى
    المشاركات : 3,833
    التقييم : 727
    Array
    MY SMS:

    وآثق الخطى يمشي ملكاًَ

    افتراضي وليس للحزن نهاية


    وليس للحزن نهايةالبداية:



    ريماس...
    طالبة فالصف الثاني الثانوي..جميلة,هادئه,تعشق الضحك,وتهوى التعارف والنت والكتابة.
    هي فتاة مدللـه تدلل نفسها بنفسها..محبوبة ومرحة لأبعد الحدود..تعشق الخيال ولاتحب الواقع.
    سمتها امها باسم ريماس على اسم صديقة لها سعودية..ريماس تحب معنى اسمها (معناه"قلب الالماس") ولكنها لاتحب ان تقول لاحد عنه لانه اسم غريب ولا احد يعرفه.. والجميع يناديها باسم ريم.
    ترتيبها فالبيت الثانية يكبرها ولد بسنتين(ناصر) ويصغر عنها ولد اخر بسنة ونصف (عبدالله) واختها اصغرعنها بـ9سنوات(لمياء).
    اما من الاب فلديها اخ يكبرها بسبع سنوات(حمدان) واخت بخمس سنوات(مريم).
    ريماس تحب دائما ان تكون منعزلة عن اهلها وليس لديها صديقات حقيقيات سوى واحده (شما) وكانت تهوى دائما الجلوس على النت ولا تحب الاختلاط باحد ومن خالطها احبها فهي محبوبة للغاية ومرحه ولكنها عصبية بعض الشيء وعنيدة ولايهمها احد.
    ريماس تعشق شما وهي واياها توأم بروحيهما..فهي وشما يتميزان بكل شيء ويتشابهان بكل شيء وحتى الشكل والجمال والدلع والنعومة.
    شما هي ابنة خالة ريماس وتصغرها بسنتين كانت تكرهها جدا ولكن في هذه الفترة احبتها الى ان اصبحتا توأم بروحيهما وشما كان كل اهتمامها النت والتعارف.
    ريماس منذ الصف الثامن تحب شاباً(احمد) يكبرها بخمسة سنوات وهي متعلقه به لابعد الحدود وهو يعشقها وتحب دائما ان تكون الفتاة الناعمه والدلوعه امامه.


    ستبدأ أحداث القصة منذ بدأ اجازة الصيف ودخول ريماس وشما في عالم المنتديات وتنتهي "بدمار" ريماس..

    البارت الاول:

    اخر يوم بالامتحانات..

    ريماس:شمووو وينج انتي من الصبح ادورج
    شما:هيه تأخرت لاني كنت اودع ربيعاتي لانه في منهن بيسيرن ثانويات غير
    ريماس:اهاا..زين ماعليه يلا بتروحين عندي ولا؟
    شما:اكيدعندج عيل وين بسير,بس خلنا نسير قبل المول شوية نتمشى
    ريماس:اوكيييه يلاا
    وبعد المول روحت كل وحده بيتها ورقدت ريم..اما شما فما صدقت ترد وتيلس عالمنتدى..

    والمغرب,,
    وعند شما..

    ريماس:الووو
    شما:هلااا والله ملاايين
    ريماس:شحالج
    شما:تمامو(وكانت تكتب عالكمبيوتر)
    ريماس:خل عنج الكمبيوتر ورمسيني
    شما:انزين بس اتريي بكمل الرد
    ريماس:رد شو بعد
    شما:رد فالمنتدى..انزين شو تبين انتي؟
    ريماس:اها منتدى من متى شموو مالت منتديات؟
    شما:كنت ملانه ولقيته وسجلت فيه واحينه حطوني مشرفه وانا ماصارلي شهر..شرايج تشتركين وتكونين مشرفة؟
    ريماس:والله فكرة بس بعدين مب احينه..المهم يلا تعالي عندي خلنا نسير نتمشى
    شما:مابا مالي خاطر ابا اتم عالمنتدى
    ريماس:يلا عاد تعاالي
    شما:اوكي خلاص شوية وبييج
    ريماس:اوكي سي يو
    شما:سي يو بااي

    وسارت شما عندي ريم واتمشن وتواعدن فليل عالايميل..
    وكان وقتها احمد مسافر يعني ريماس فاضيه وماعندها شي..

    الساعه 11ونص عالمسن:
    شما:SHM0O0
    ريماس:...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...

    SHM0O0:ولكمووو نور المسن
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    منور بوجوودج,,شوووو تسوين؟
    SHM0O0:ماشي ع المنتدى وانتي؟
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    انا اكتب رسالة بطرشها حق احمد,,تعاالي ييبي رابط المنتدى
    SHM0O0:اوكيه ..WWW.UAE……COM
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    اوكيه اتريي بشوفه وبسجل
    SHM0O0:انزين شو نكج بيكون
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    مادري بشووف
    SHM0O0:اوكيه يوم بتخلصين خبريني
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    انزين
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    ماشي وايد اعضاء,,هو يديد؟
    SHM0O0:هيه شكله جي
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    انزين انا سجلت نكي دلوعة حبيبي
    SHM0O0:اووونه سيري ماعرفج شو هالنك
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    عاد كيفي والله,,انتي شو نكج؟؟
    SHM0O0:انا شما^_^
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    مالت عليج محطية اسمج
    SHM0O0:زين شو يعني محد شما غيري؟!
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    زين انا بسير احط مشاركات وجي
    SHM0O0:اوكي وانا فقسم الالعاب
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    ماشاء الله عليج توج يديدة وكلهم يعرفونج
    SHM0O0:هيه عيل شو قالولج ريمو هع
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    زين زين انا بسير ارقد
    SHM0O0:تو انااس .. مابتسهرين؟
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    شو بسهر اسوي ملاانه
    SHM0O0:زين برايج..انا بعد شوية وبسير ارقد
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    اوكيه تصبحين على خير
    SHM0O0:وانتي من اهله..سي يو
    ...عساك تتهنى بغيابي..عسى احبابك يسلونك..وانا على كثر احبابي..مااقدر اعيش من دونك...:
    سي يو,,باااي
    SHM0O0:باي

    ...................
    ومرت الايام وتعرفت ريماس على كل اللي فالمنتدى وهي وشما شلو المنتدى شل ووسعو نفوذهم وعلاقاتهم وتعرفو على كل اللي فالمنتدى واي عضو يديد بعد مايخلونه فحاله لازم بعد يتعرفون عليه وعلى طوايفه..كانن اهم الثنتين رووح المنتدى بغيابهن يعم الهدوء وبحضورهن يكون المنتدى ربشة وكشخه..ولو غابت وحده منهن الكل يفتقدها..وعلى نهاية الاجازة بدو الاعضاء ينسحبون من المنتدى والاسباب كانت متعددة..اللي بيسافر يدرس واللي بينشغل بالدراسة واللي مل من المنتدى لانه مافيه وايد اعضاء واللي استوتله مشكلة ويا حد من الاعضاء ولا الادارة..وجي لين اختفو معظم الاعضاء وفضى المنتدى اكثر واكثر...
    بالنسبة لشما كملت فالمنتدى مع كل ها واستمرت مسيرتها...لكن ريماس خبرتهم انها ثانويه عامة وتبا تدرس وبتغيب شوية عن المنتدى..لكنها كانت تحدر المسن وتسولف ويا ربعها اللي من المنتدى..

    البارت الثاني:

    ريماس وشما كانت هاذي حياتهم النت والسوالف والطلعات وشوية الدراسة والضحك هو كل حياتهن...
    مر الشهر الاول من الدراسة وبدا الشهر الثاني ويا رمضان..
    فيوم 10رمضان يوم الاثنين كان يوم مختلف عن كل الايام...
    الصبح فالمدرسة كان يوم عادي وشوية حلو وممتع..
    وبعد المدرسة ..
    ريماس:
    روحت من المدرسة وتمت تسولف ويا اخوانها وعقب ياهم خبر انه يدتهم فالمستشفى يدتهم (ام امهم) فسارت اتصلت فشما..
    شما:هلاا والله
    ريماس:هلا..اقولج شمو امج بتسير دبي؟
    شما:لا ليش شو مستوي؟
    ريماس:ماتدرين؟؟
    شما:شوو مستوي؟
    ريماس:يدو فالعناية المركزة
    شما:شووو تتمصخرين انتي سيري لااا
    ريماس:والله كيفج لاتصدقين انا امي سايره وخالوه مريم بعد احينه يلا بسير اشوفهم باي

    شما انصدمت لانها كانت متعلقه فيدتها وايد وحتى ماردت على ريم وسكرت التلفون بسرعه وسارت خبرت اخوها وكانو محتارين يخبرون امهم ولا..واخر شي سارت وعت امها وخبرتها وامها انصدمت لانه الظهر كانت مرمستنا ومافيها شي واخر شي سارت وعت ولدها العود وسارو دبي..
    شما سارت رقدت لان الافكار تاخذها وتييبها..
    اما ريماس فتمت يالسه على النت تسوي شغل لين يا اخوها وقالها بيا ييلس وقامت يلسته..
    وعقب سارت اتصلت فبنات خالاتها وتمو يسولفون وجي لين قبل المغرب ب5دقايق اتصل ابو ريماس..
    ابوها:الو السلام عليكم
    ريماس:عليكم السلام..ها ابوية شحالكم ..شو استوا
    ابوها:نحن بخير ويدتكم ادعولها بالرحمه
    ريماس:تيمعت الدموع فعينها وجنها تبا تجذب الخبر قالت فنفسها امي مالها صوت وابويه عادي يرمس يعني يقص عليه..وبعد سكوت قالت (بضحكه خفيفه):ابوويه عن الاستهبال عاد تقص عليه شو؟
    ابوها:هالسوالف مافيها مصخرة
    ريماس:"من عقب هالكلمه جنه ماي بارد وانصب عليها" وقالتله:انزين امي وينها مالها حس
    ابوها:امج حذالي تقرا قرآن حق امها
    وهني تأكدت ريم من الكلام وكانت الصدمة كبيرة عليها ها اول حد يتوفى عندهم من يوم كانت فالروضه..ومب اي حد بعد..
    حتى ماقالت شي حق ابوها خلت التلفون وسارت
    اختها الصغيرة كانت ويا امها وناصر بما انه كان يوم الاثنين يعني كان فبوظبي لانه يدرس هناك ومايرد الا فالويك اند..يعني محد فالبيت غيرها اهي وعبدالله..
    سارت عند عبدالله اللي كان يالس عالجات وعايش جوه ويلست عالشبرية وماقالت ولاشي وبعد 5دقايق هو طالعها وصد عنها عقب يافباله انها تصيح رد طالعها مرة ثانية
    وقالها: شفيج؟
    ريماس:خلاااص
    عبود:شو خلااص
    ريماس: (والعبرة خانقتها) يدو ماتت
    عبود:عن الاستهبال سيري(هي دوم طبعا تتمصخر فما صدقها)
    ريماس:(فصووت عالي وهي تصيح) والله ماتت والله
    عبود سكت وماعرف شو يقول وسار عند السويتش وبند الكمبيوتر وسار يلس وتم يطالع الارض وبس..
    ويوم اذن سارت ريمو تحط الفطور وهي تييب الاكل دش ناصر وماكان يعرف كان ثاني يوم ماعنده شي وقال خلني ارد العين دش عليهم وسلم وقالهم وين امي وابوي قالوله سارو دبي وهو ماسأل ليش سارو لانه كان يوعان ويبا يفطر..
    كانو اهم محطين فبالهم بيطلبون من المطعم لكن من عقب الخبر محد مشتهي الاكل وكانت امهم قبل لاتروح مسوتلهم شوربة وعصير
    يلسو الثلاثه على الطاولة وكان عبود مجابل ريم وناصر فزاويه واهم الثنينه الدموع فعيونهم ويطالعون الصحن وبس وناصر يرمسهم وهم مسوينله طاف وطبعا ولا واحد منهم كل شي..
    عقب ريم طالعت عبود وقالتله ماتبا تاكل؟
    عبود طالعها ورد طالع الصحن ويا بياكل عقب تم يصيح بصوت عالي وسار عنهم
    وهني ريم مارامت تقبض عمرها وهي بعد تمت تصيح وسارت اتوضت ويلست تقرا قرآن حق يدتها وبعدها ارتاحت شوية..
    اما ناصر فكانت صدمه له انه يشوف اخوانه الثنينه يصيحون وهو اللي ماعرفلهم غير الضحكه وحاول يعرف شو مستوي لكن ماقدر لانه محد قاله..
    ويوم هدت ريم سارت خبرته ولاول مرة تشوف اخوها يصيح وهالشي زاد النار فيها وكل واحد سار حجرته ومحد طلع منها..

    اما شما..
    نشت من الرقاد ودرت من اختها واغمى عليها واخوها شلها المستشفى وكانت بشي وصارت بشي..(عقب بنعرف ليش) وعقب سارت عند امها دبي..

    نرد حق ريماس..
    نشت الصبح مالقت اخوانها لانهم سارو من الفير دبي عسب يحضرون الجنازة ولقت اختها العوده عندها وسارت اتلبست عسب اتسير المدرسة واختها ماخلتها بس غصبت عمرها وسارت..
    الصبح اول مادشت المدرسة لقت وحده من شلتها وطبعا الكل مستغرب من شكلها لانه اول مرة تي بدون جحال وتكون تعبانه جي المهم خبرت البنية وعزتها وسارو عند الصف ويلسو وعقب يت ربيعتها المقربة وسلمت عليها وهم طالعين الدري
    ريم:اموون ...
    امون:هلاا
    ريم:يدو سافرت ومابترد
    امون:عسب جي انتي زعلانه..لاتخافين حبيبي بيي يوم وتشوفينها
    ريم: (مارامت تتحمل اكثر عن جي ويت لحظة الانفجار) صارخت وقالتها يدووو ماااتت خلااص
    وطاحت عالدري وتمت تصيح والكل يا عندها وشلوها فوق وغسلت ويهها ويلسوها..
    ومن عقب نزلو الطابور وتمت تطالع الارض وبروحها واقفه ماتدري عن اللي حواليها وكل اللي تشوفه صورة يدتها..ويوم خلص الطابور حطو نشيد عن الوداع وتمت ريم تسمع الكلمات وتتذكر لين فقدت هدوءها وصاحت بصوت عالي ويو عندها بنات صفها وخبرتهم وكلهم حضنوها وجي وسارو الصف ومرت الحصص الاولى وهم يقوللها تروح وهي تقولهم مابا واخر شي روحت الساعه 11 وسارت البيت ورقدت لين الساعه 4يت امها ونشت تسلم عليها وعقب سارو يجهزون حق العزا وكان العزا فبيت خالها..
    قبل المغرب سارت ريماس ويا اهلها يفطرون فبيت عمها ومحد منهم كل شي وما صدقو يخلصون عسب يسيرون بيت خالها..
    وفالعزا:
    طبعا ناس سايره وناس راده,,ريماس كان صعب عليها حد يقولها البقية فحياتج لانها ماكنت مصدقه بعدها وسارت يلست داخل ويا بنات خالها وخالاتها وكان عندهم بنت خالتهم الصغيرونه عمرها اشهر وامها كانت منهاره فشلوها عنها ويلست ريماس تلعبها والدموع فعينها وكل شوية وحده تقول موقف ويا يدتها ولا تقول عن حالها فآخر ايام لها لكن محد منهم صاح الا خفيف .. ويوم صارت زحمه قالولهم تعالو ساعدونا فالقهوة وسارن كل البنات المطبخ وخلصو شغلهم ووقفو يسولفون وبدون ماتحس ريماس على عمرها يلست عالارض وتمت تصيح لين حرقت قلوب البنات وكلهن قامن يصيحن ويحضنن بعض وكل وحده تتذكر شي وتقوله وتزيد نارهن كان موقف ولا اصعب كل حد يدش يهديهن ينضملهن وجي مرت 3ايام العزا ورد كل واحد بيته وردو لحياتهم الطبيعية..
    لكن ريماس وشما بعدهم واقفين عند هالمحطه..

    ياترا كيف بيتعدونها؟؟
    وشو التغيرات اللي بتطري عليهم؟؟
    وياترى شو اللي استوا ويا شما يوم سارت المستشفى؟؟
    الاجابة فالبارت الثالث..

    البارت الثالث:

    ريماس وشما انقلب حالهم من عقب هالوقفه او هالصدمه...
    نسو الضحك..نسو بعضهم..عم عليهم الهدوء..يعني باختصار انجلبو 180درجه
    لدرجة ان ريماس وشما مر اكثر من سبوعين لاشافن بعض ولارمسن بعض وهن اللي كانن مايتفارقن مهما صار...

    بنرد حق سالفة المستشفى يوم سارت شما ويااخوها..
    شما هي اخر العنقود والبنت الوحيدة فالبيت من عقب ماعرسن خواتها وطلعن..
    اخوانها يموتون فيها ولو تطلب عيونهم بيعطونها...
    فيوم اغمى عليها مع انه السالفه ماتستاهل بس اخوها صمم ياخذها المستشفى ويسويلها فحوصات شامله عشان يتطمن عليها..
    وسارو المستشفى وسوو الفحوصات وطلعت النتايج بعد ساعتين من الانتظار وكان في شي غلط استغرب منه الطبيب وسار يتأكد مرة ثانيه وطلعت نفس النتيجة..
    عقب سار عند اخوها وسأله
    الطبيب: اختك عندها اي مرض او تعاني من شي؟
    اخوها:لا ابد .. الحمدلله اختي ولامرة فحياتها دشت مستشفى
    الطبيب: "وهو منصدم او متعجب"انت متأكد..يعني ولا مرة شكت من شي عندها؟
    اخوها:لا ولامرة..ليش شفيها دكتور؟؟
    الطبيب:مافيها شي بس بنسويلها تحاليل ثانيه عشان نطمن اكثر
    اخوها:"وهو خايف او حاس في شي"اوكيه..وارجوك لو فيها شي خبرني
    الطبيب:لا ماعليها شر ان شاء الله

    وبعد ماطلعت النتيجة الثانية...
    الطبيب قال يمكن الغلط منا واستعان بطبيب ثاني لكن نفس النتيجة..
    بس قالو في شي غلط كيف البنت ماتشكي من شي وقالو خلها تسوي تحاليل فمستشفى ثانية وترد عندهم ووياها النتيجة..

    ويوم خبرها اخوها قالتله انا مافيني شي ماعليك منهم...

    وعندكم الباقي فالبارت الثاني..

    وبعد مرور 3اسابيع من انتهاء العزا...

    من بعد العزا اخوها اللي شلها المستشفى(منصور) رد على بوظبي لانه يدرس هناك وكان عنده امتحانات وطوال 3اسابيع مارد العين..

    ويوم رد البيت سلم على امه واخوانه ومن عقب قام يدور على شما ومالقاها..سار حجرتها ودق الباب ماردت عليه..سأل البشكارة وقالتله انها داخل..وتم يدق الباب وهي ماترد عقب فتح الباب ودش مالقاها وسمع صوت من صوب الحمام لقا الباب مفتوح وفي صوت ماي وصياح..
    قرب اكثر وزقر شما لكنها ماردت عليها فسار دش عندها وانصدم...
    لقاها يالسه تنزل دم من ثمها وكان ويها شاحب وشكلها تعبانة وايد...
    للحظه كان بيقول هاذي مب اختي..وين الجمال والضحكه..وشو هالدم اللي ينزل...
    ومن الصدمة مارام يتحرك من مكانه وهي تنزف وهو يطالعها وعقب سار عندها ومسك ايدها وجنه مسك نار...كانت ايدها حارة لدرجة فضيعة...
    وعقب قالها:شما شوو فيج؟؟
    شما:مافيني شي تعبانه شوي
    منصور:كل ها وبس شوي تعبانه..سرتي المستشفى؟؟
    شما:لا ولا ابا اسير
    منصور:لااا وينهم عنج ليش محد شلج
    شما:منصور سير عني انا مافيني شي
    منصور:شما يلا تلبسي الحين بتسيرين وياي المستشفى
    شما:"وهي تصيح"انا مافيني شي مابا اسير

    منصور حضنها وهداها وقالها زين مافيج شي بس ابا اطمن عليج انا .. اخر شي وافقت بس بشرط مايخبر حد انهم سايرين المستشفى..
    ونزلو تحت وقالو حق اهلهم انهم طالعين يتمشون..

    سارو المستشفى وخبر منصور الطبيب عن اللي استوا وسوولها تحاليل ويلسو يتريون النتيجة
    منصور كان خايف ليش مايدري واللي يحس فيه انه بيفقد اخته وبس
    اما شما فكانت تتمنى تاخذ اخوها وتطلع جنها تدري بشي وماتبا حد يعرفه عنها

    ويا الطبيب وقطع سلسلة افكارهم...

    الطبيب:شما انتي من زمان على هالحالة؟
    شما:امممم هيه
    منصور:شووووو وليش ماخبرتينا
    شما:.......................
    الطبيب:انت شو تقربلها؟
    منصور:اخوها
    الطبيب:اوكي وين والدها؟
    منصور:الوالد متوفي
    الطبيب:انا آسف..لو سمحت تفضل معاي
    شما ردت يلست مكانها وتمت تصيح والخوف بياكل قلبها
    منصور يمشي والهموم شالتنه...
    لين وصلو ويلسو هو والطبيب...

    الطبيب:انت تعرف ان كل شي قضاء وقدر..والله يبلي الانسان اللي يحبه
    منصور:دخييييييييلك قولي شو فيها باختصار
    الطبيب:امممم بصراحه اختك عندها
    منصور:شوووو عندها
    الطبيب:هدي نفسك شوية
    منصور:اوكي تفضل قول
    الطبيب:اختك عندها سرطان فالدم..وللأسف انتو تأخرتو وايد
    منصور:اختي؟؟لا انتو غلطانين .. اكيد غلطانين
    الطبيب:اتمنى نكون غلطانين..وعشان نتأكد بنسويلها تحاليل ثانيه ورد علينا بعد يومين..
    منصور مارد على الطبيب وسار فتح الباب يبا ياخذ اخته فحضنه ولايفارقها..
    ويوم فتح الباب وقف وماقدر يتحرك والدموع فعينه..
    لانه شاف شما واقفة وتصيح وقالتله "يعني انا بموت!!"
    ماقدر يرد عليها وحضنها وعقب قالها خلنا نطلع من هالمكان..
    وسارو السيارة...
    شما:مابا اسير البيت
    منصور:وين تبين تسيرين بوديج
    شما:منصور
    منصور:لبيه
    شما:بتخبر امي واخواني؟؟
    منصور:..........................................وب عد سكوت قالها:اللي تبينه
    شما:لو تحبني ماباك تخبر حد
    منصور:ان شاء الله(وفباله يقول لازم اخبر ريم عالاقل)
    شما:حتى ريم ماباها تعرف
    منصور طالعها وهز راسه ومشى

    وبعد يومين..
    سار منصور المستشفى وللأسف كانت نفس النتيجة وقرر انه ياخذ اخته ويسافرون برع يمكن يلقون علاج والطبيب عطاه امل وقاله سير واللي ربك كاتبه بيستوي ولعله خير..

    وخلال هاليومين شما كانت رافضة تكلم ريم..كانت تبا تبعد عنها عشان لا تعذبها يوم بتتركها..

    واخوها قال حق اهلها انه يبا يسافر ويا شما يغيرون جو عشان اهي من عقب وفاة يدتهم تعبانه ويباها تنسى وعارضو اهله عشان الدراسة لكن اقنعهم وحجزو وتحدد السفر بعد اسبوع..

    شما كانت تكلم واحد من المنتدى عالايميل(حمدان) ومتعلقة فيه وايد ومارامت تخش عنه وخبرته وقالتله ماتبا ريم تعرف وقالها انه مابيخبرها..

    ومر يومين وشما مادشت لا المنتدى ولا الايميل وهو كان يبا يطمن عليها فما كان عنده غير انه يسأل ريم..

    حمدان:السلام عليكم
    ريم:وعليكم السلام والرحمه
    حمدان:شحالج ريمو
    ريم:بخير ومن صوبك؟
    حمدان:دوم يارب..انا مب بخير
    ريم:افا ليش؟
    حمدان:وين شما؟؟ ليش ماتحدر؟؟
    ريم:الصراحه انا مادري عنها كل ما اتصل فيها يقولون محد
    حمدان:لااا يكون سافرت
    ريم:وين تسافر
    حمدان:طبعا انتي ماتدرين عنها انتي ربيعتها بس بالاسم ماتدرين عنها بشي مايهمج الا نفسج
    ريم:بلاااك شو السالفه
    حمدان:شما عندها سرطان فالدم وبتسافر تتعلاج
    ريم:.............................................. ..............
    حمدان:ليش ماتردين؟؟
    ريم:من صدقك؟؟
    حمدان:يعني استهبل وياج
    ريم:باااي
    وماتريت رد وطلعت بسرعه ويلست بروحها وتمت تفكر كيف جي ومن متى وليش شما ماخبرتني..

    وقررت تسير عند شما البيت..

    وسارت وانصدمت فيها..معقوله هاذي شما؟؟


    ريم:شما انا ريم تعرفين شو يعني ريم؟؟؟؟؟؟؟؟
    شما ماردت عليها
    ريم:ليش ماخبرتيني ليش تبين تعذبيني
    شما:تشمتي فيني ولابعدج؟
    ريم:"وهي تصيح"لاااااااا شما لاتقولين جي انتي روحي واللي اييج اييني
    شما:خلاص ماشي فايدة انا بموت وبرتاح
    ريم:لا انتي بتسافرين وبتتعالجين وان شاء الله بتردين بالسلامه
    شما:منو قالج انا ابا اتعالج اصلا انا ابا اموت

    ريم سارت حضنتها وتمت تحاول تقنعها وهي ماقتنعت لكن قالت خلاص بتسافر عشان خاطر ريم ومنصور..

    ويا اليوم اللي بتسافر فيه شما...
    كان السفر الفير والكل سار يودعها عالمغرب..
    ربيعاتها واهلها ...وامها اللي تحس في شي وتحاول تجذب احساسها
    لكن ريم الوحيدة اللي ماسارت...

    اتصلت شما فريم الساعة 10 فليل

    شما:ريم ليش ماييتي...ماتبين تودعيني؟
    ريم:لا مابا..انا ابا استقبلج يوم بتردين بالسلامه..
    شما:ولو مارديت؟؟
    ريم:شماا شو قلنا خلي املج فربج كبير ان شاء الله بتردين بالسلامة
    شما:ان شاء الله..بس ريماس بقولج شي
    ريم:ريماس؟؟ او مرة تقولينها..امري
    شما:هيه ريماس.. تدرين انتي اسم على مسمى صدق انج الماس انتي انسانه رائعه والله ورائعة شوي عليج وتستاهلين كل خير والله يوفقج فحياتج..والسموحه على كل شي واتمنى انج مب شاله شي فخاطرج عليه..وان شاء الله اشوفج على خير..
    ريم:شما انتي روحي وحياتي وكل شي انا ماروم اعيش من دونج ومستحيل ازعل عليج... شما ان شاء الله بتردين وبشوفج وبنعيش احلى ايام ومابنتفارق..
    شما:ريماس بهديج اغنية
    ريم:اوكيه
    شما:دشي الايميل وسمعيها طرشتلج اياها فرسالة
    ريم:اوكيه الغلا..تروحين وتردين بالسلامه
    شما:الله يسلمج..انا بروح ارتاح شوية قبل لانسير
    ريم:اوكيه واتصليلي قبل لاتسيرين
    شما:اوكيك بس يمكن تكونين راقده
    ريم:لا عادي اتصلي انتي وبس
    شما:اوكي فمان الله
    ريم:الله يحفظج..

    وسارت ريم تفتح الايميل عشان تسمع الاغنيه وهي تقول فبالها ياترى هاذي اخر مرة بسمع فيها صوتج يا شما ولا..

    وفتحت الايميل وشغلت الاغنية وتريت لين تتحمل الاغنية...





    بقت ليلة وبعدها يبدي فراقي..بقت ليلة ولا ادري كيف بقضيها
    ياشاغلني همومي وحرقت اشواقي..انا بعدك جروحي من يداويها
    بقت ليلة بقت ليلة ..ليلة..بقت ليلة بقت ليلة..واهي ليلة
    ياظلام الليل لاتنادي الفجر..يازمان الناس وقف لاتمر
    ابيك الليلة تنساني وتاخذ فيها احزاني
    تصبر يازمان..خلني الليلة فامان .. بعدها سو ماتبيه..هذا وعدي يازمان
    خلني الليلة معاك..ابا اسهرها معاك..ابا اقضيها معاك..ابا ابكيها معاك
    كلها ليلة وتروح..بعدها يبدي جفاك
    بقت ليلة بقت ليلة ..ليلة..بقت ليلة بقت ليلة..واهي ليلة

    كانت ريم تسمع الاغنية وتحس بنار تحرق فقلبها وتحس انه هالليلة اخر يوم وصال بينها وبين شما كانت تتمنى تروح عندها وماتفارقها هالليلة..كانت كل دمعه تنزل من عينها تحرقها..



    لكن شو نهاية هالليلة؟؟
    الاجابة فالبارت الرابع...
















    البارت الرابع

    وبعد ماخلصت ريم من الاغنية دشت المسن ولقت حمدان ويلست تسولف وياه عن شما...

    اما شما فبعد ماسكرت من ريم سارت اتوضت وصلت ركعتين وودعت اخوانها وقالت حق امها انها تبا ترقد عندها..خذتها امها ورقدتها فحضنها لين يت الساعه تقريبا12 يت امها بتوعيها عسب يتجهزون ويطلعون دبي عشان يسافرون..
    يلست امها توعيها لكنها ماوعت...كانت جسد بلا روح...روحها هجرت هالجسد وطلعت منه بأمان وهو بين احضان الام...

    يمه يابسمات الفجر يمه ياغصن الروح
    انتي قناديل العمر وانتي دوا المجروح
    يمه يابسمات الفجر يمه ياغصن الروح
    صدرج الواسع دهر احنا تربينا
    من غير حبج فالزمن حق من يايمه نروح
    حق من يايمه نروح .. حق من يايمه نروح
    يمه يابسمات الفجر يمه ياغصن الروح

    للأسف..فارقت الدنيا ومالحقت تسافر وتتعالج..عمرها وانتهى..
    وصل الخبر لام ريم ومن حرقت قلبها عليها وعلى اختها تمت تصارخ..ووصلت صرخاتها لين ريم اللي كانت تتريا اتصال شما...
    قالت حق حمدان برب وهي نازلة الصالة سمعت امها تقول الله يرحمج يا شما ماتهنيتي فعمرج..
    ريم يلست فمكانها والدموع فعينها مابين حلم وحقيقة..لكن لا ياريم هاذي الحقيقة المرة شما خلاص رحلت عن هالدنيا..

    يا مال فرقى يوم نساني
    الصاحب اللي مابقا غير طرياه
    راح وتركني في حياتي اعاني
    مع هاجس الذكرى عيوني تمنى

    وردت على حجرتها وسارت غيرت نك نيمها وكتبت خلااص يعني شما راحت..
    وقالت حق حمدان
    ريم:خلاص
    حمدان:شو خلاص..شما سافرت؟
    ريم:هيه سافرت,لكنها مابترد للابد
    حمدان:ليش..شما شفيها ريمو
    ريم:حمدان شما ماتت
    وسكرت الايميل بدون ماتتريا رد وسارت فتحت دفتر مذكراتها وبدت تسترجع ذكرياتها مع شما وتقرا الاشياء اللي كاتبتنها شما حقها والدموع تسيل من عيونها وتحرق جفونها...
    وبعد ساعه نزلت الصالة ولقت امها يالسه تقرا قرآن وقومتها وقالتلها انها تبا تسير تشوف شما..وزادت الهموم فامها وقالتلها خلاص ياريم..لكنها اصرت تشوفها وبغت تطلع بروحها وتروح عندها..اخر شي امها قالتلها بنسير وقت الغسل وبتشوفينها..وباستسلام ردت حجرتها وردت لذكرياتها وياها..وعقب طاحت عينها على تلفونها وقالت ابا اتصل فشما يمكن ترد عليه
    واتصلت مرة..ومرتين..و3..و10..ومع كل رنه تزيد دموعها وهي تقول فنفسها ياليتني اكون فحلم..ولو كان واقع ليتني مت وياها.. ويلست شويه تفكر عقب ردت شلت تلفونها وتمت تقرا المسجات اللي من شما وراحت فتحت رسالة نصية وكتبت:

    والله مايسوى اعيش الدنيا دونك لاولا تسوى حياتي بهالوجود
    دامك انت اللي رحلت وكيف ابصبر عالبعاد وكيف بنثر هالورود
    ماوعدت انك تقاسمني المحبة وتبقى لي حبي ولدروبي دليل
    بس حسافة الموت كان اقرب وارحم حسبي الله ونعم الوكيل

    وطرشتها حق شما...ومن عقبها رقدت ومانشت لين العصر..
    وللأسف فاتها الغسل وماشافت شما..وزادت الهموم فيها وتمت تلوم عمرها لانها ماسارت عندها وودعتها شما رحلت وهي الوحيدة اللي ماشفتها..
    وبعد العصر سارو الكل بيت اهل شما عشان العزا لكن ريم ماطاعت تسير ويلست بروحها بين دموعها وذكرياتها والجرح ينزف فقلبها والكل مستغرب من ردة فعلها كيف ريم ماتأثرت وايد معقولة هاذي هي ريم اللي كانت ماتفارق شما جي ردة فعلها ومايدرون عن اللي فخاطرها من كثر حرقت قلبها صار عندها برود..

    وبعد العزا سارت بيت اهل شما وراحت حجرة شما وقفلت الباب ويلست ساعتين..

    في هالساعتين ماخلت شي ريم ومافتحته او شافته فحجرة شما وطبعا هي تعرف كل شي فحجرتها..لكن في شي ماكانت تعرف عنه وهو صندوق موجود فكبت شما اول مرة تشوفه ويوم فتحته انهارات لكن اصرت تكمل وتشوف اللي في هالصندوق...
    انهارت لانها لقت ورقة مكتوب فيها: ريم انا ادري انج من عقبي بتين حجرتي وبتشوفين اغراضي وبتوصلين حق هالصندوق..وهالصندوق حقج اتمنى انج تحتفظين فيه وتقرين كل شي فيه..
    ويلست ريم تشوف الاشياء اللي في هالصندوق ولقت دفاتر وبطاقات ورسايل..
    دفتر كان فيه يومياتها ويا ريم من اول يوم تقربت منها لين اخر يوم فعمرها..
    ويلست ريم تقرا ورقه ورقه..وكلمة كلمة..وحرف حرف..ودموعها مافرقتها..
    كانت شما كاتبه كل شي فخاطرها عن ريم وتعليقها على كل موقف مرت فيه اهي وريم..
    ودفتر ثاني فيه خواطرها وكل شي كتبته وليش كتبته وشو كانت حالتها وكل شي..
    ودفتر ثالث فيه خواطر ريم وكاتبه تحت كل خاطرة تعليقها..
    ودفتر رابع عن المنتدى وربيعاتها ورسايل تطلب من ريم توصلهم حقهم..
    واخر دفتر كانت كاتبه فيه عن حياتها..وفاول صفحة كاتبه(جانب لاتعرفينه عني)..
    وقرته ريم وفعلا لقت اشياء اول مرة تعرفها عن شما..لقت ريم ان كل ضحكه من شما كان وراها آآلاف الاحزان..كانت تضحك وقلبها يمليه الحزن والوحده..ويلست تصيح ريم اكثر وتتمنى ان شما ترد وتغيرلها حياتها..
    وبعد ماخلصت من الدفاتر سارت حق البطاقات وكانت كل بطاقة بروحها ومغلفة و عليها تاريخ
    ومن بين هالبطاقات لقت ريم رساله تفسرلها هالتواريخ..

    الرسالة:
    ريماس...
    اتمنى اكون موجوده فكل مناسباتج السعيده واشاركج فرحتج..لكن لو ربي مااراد فغيابي بعد ابا اشاركج فرحتج هالبطاقات عليهن تواريخ وكل تاريخ حق مناسبة وبعض البطاقات ماعليهن تاريخ لكن عليهن المناسبة..اتمنى انج ماتفتحين هالبطاقات الا فالتاريخ المكتوب عليهن او يوم تصادف اي بطاقه مناسبه عندج...

    وريم زادت فيها الهموم اكثر واكثر واكثر ويلست تقول حتى فغيابج تبين تشاركيني فرحتي بس شو الفايدة انج تشاركيني جي انا اباج تشاركيني بوجودج والله وجودج كان يكفيني آآه بس..
    وعقب ردت تشوف باقي الاشياء ولقت رسايل صغيرة فيها مسجات وكلمات شي يضحك وشي يصيح..

    واخر شي لقته رسالة طويلة مكتوب فيها:
    ريم انا آسفة لاني ماوفيت بوعدي لج ومابشاركج حياتج كنت اتمنى لكن هاذي حكمت ربي والحمدلله على كل شي..
    انا آسفة لو فيوم ضايقتج او سويت اي شي يزعلج اتمنى تنسين كل شي وماتذكريني الا بالخير..
    واتمنى بعد انج ماتزعلين عليه ولاتنزلين دمعه..انا وياج بكون دوم يمكن مابكون بجسدي لكني موجوده وياج بروحي..وترا دموعج غاليه عندي ياريم لاتضيعين شي غالي عليه لو سمحتي..
    واتمنى من كل قلبي انه الله يوفقج ويا احمد وتتزوجون وتييبين شما^_^ ياوييييييلج لو اخلفتي بوعدج وماسميتي بنتج شما..وانا آسفه لاني مابوفيلج فوعدي وبسمي بنتي ريماس..
    كنت اتمنى اكبر وادرس وارفع راس اهلي وانتي واعرس واخذ واحد يثمني واعيش احلى قصة حب واعيش براحه وامان واييب عيال وازرع فيهم قيم واخليهم يفيدون الغير لكن للأسف..
    واتمنى ياريم تكملين دراستج وتحققين احلامج وتتوفقين فحياتج..
    اتمنى ان الحزن مايسكن قلبج ولايقربج والسعاده تكون دربج..
    وشرات ما اتمنى اشاركج فرحج اتمنى اشاركج حزنج لكن...
    ريم مابا اعذبج اكثر عن جي .. انتي ياريم انسانه اكثر من رائعه وتستاهلين كل خير وان شاء الله تتوفقين فحياتج يارب..
    واخر شي بقولج اياه لاتنسين ربج..
    مادري ليش انا ياريم سويت جي مادري ليش حطيت هالصندوق وكتبت كل شي وسويت كل شي وجني متأكده اني بفارق الحياه لكن احساسي مايخيب والله اعلم..
    لو فارقت الحياه كل شي هني لج..ولو الله عطاني عمر يديد بحرق كل شي هني وببدا حياة يديدة ان شاء الله..

    ريم زادت دموعها اضعاف واضعاف واضعاف ومارامت تتحمل تيلس في هالمكان اكثر عن جي شلت الصندوق وطلعت وروحت بيتها وسارت حجرتها وردت تقرا كل شي مكتوب عدة مرات..


    هاذي هي كانت نهاية هالليلة..


    ياترا شو بتسوي ريم؟؟
    كيف بتكمل حياتها بدون شما؟؟
    هل بترجعلها ضحكتها ولا الايام كاتبه عليها الحزن وبس؟؟

    الاجابة فالبارت الخامس..











    البارت الخامس:

    وطبعا بعد هالصدمه ماقدرت ريم تكمل حياتها بشكل طبيعي اول شي قررت تنعزل عن العالم اكثر واكثر واول شي سوته هي انها تركت دراستها وحولت منازل وحتى احمد بعدت عنه وقطعت اخبارها عنه..
    ملت الوحده حياة ريم لين ضاقت بها الدنيا ومالقت جدامها غير انها ترد للنت..
    لكن ماتبا شي يذكرها فشما اللي اصلا هي مانستها..بس ماتبا اي شي كانت مشاركتنها فيه..
    غيرت ايميلها ودورت منتدى ثاني وبدت تتعرف عالاعضاء وتنشغل فالمنتدى وتنسى شوية همومها..بس اول ماتقعد بروحها ترد حق آلامهاا..
    وفي هالفترة من عقب شما تقربت من اختها مريم وايد..هاذي اختها اللي دوم جدام عينها لكنها بعيدة عن قلبها..
    قررت ريم تتقرب من اختها وتفتحلها قلبها وتكون هي الوحيدة القريبة منها..
    واكيد اختها رحبت في هالشي وايد..
    كان كل يوم يمر بينهم علاقتهم تقوى اكثر..وحتى عيال اختها تعلقو فيها وايد وهي بعد تعلقت فيهم..وصارت كل يوم تروح بيت اختها وتيلس وياها وتطلع وياها وويا عيالها..ويوم ترد البيت تيلس على المنتدى وتسولف وتكتبلهم خواطر واشعار لكن الكل يشوف الحزن واليأس بأحرفها وكتاباتها والكل كان حاب يتقرب من هالانسانه الحبوبة لكن فنفس الوقت حزينه كانو حابين يعرفون سبب حزنها بس طبعا هي ماتقول لين يا يوم وفتحو فالمنتدى قسم ليوميات الاعضاء وكان لكل عضو صفحة خاصه فيه يكتب يومياته او يوم مستحيل ينساه..
    كانت ريم تحس ان الاعضاء اهلها واخوانها وكانت حابه انهم يعرفون سبب حزنها وكتبت موضوع بعنوان (يوم من حياتي) وكتبت فيه عن حياتها قبل وعقب وعن شما وبعد وفاة يدتها واخر شي وفاة شما..الكل تأثر فكلامها لانهم كانو يحسونها صدق تعاني كانو يحسون انها وحيدة فحبو يتقربون منها اكثر ويطلعونها من هالحالة اللي اهي فيها لكن ريم ماكانت حابه تتواصل ويا اي حد منهم او انها ترمس ويا حد عن حياتها الا عضوة وحده اسمها اليازية ارتاحت حقها وايد وتقربت منها وهي الوحيدة اللي كانت تشكيلها همومها وكانت تشوفها البديل عن شما لكن اكيد مهما عرفت ناس وارتاحت حق ناس محد بياخذ مكانة شما فقلبها وفحياتها..
    وبجذي بدت تتناسى ريم شوية وبدت تشغل حياتها بس اكيد شعورها بالوحدة واليأس موجود فقلبها وهي تحاول تخفيه..
    اليازيه عندها دراستها واهلها وربيعاتها وحياتها وريم مجرد جزء من النت..
    اما اختها مريم فهي بعد عندها شغلها وعيالها وريلها وحياتها الخاصة..
    وفي هالفتره كان يحاول احمد انه يوصل حق ريم لكنه ماكان يعرف كيف هي تركت المدرسة وغيرت رقمها وايميلها وقاطعت ربيعاتها اللي كان ممكن يوصل حق اخبارها منهن..
    وكان فخاطره يرد الامارات وهو بنفسه يدورها لكن كان صعب شوية..
    ويوم يأس مالقى غير انه يرمس اخته ويخبرها بكل شي ويخليها هي تدورها وبما انه ريم بنت ييرانهم يعني تعرفها..
    خبر اخته وطلب منها تدورها او تقوله اي شي عنها لكن للأسف اخته كانت في هالفترة تدرس فدبي وماتروم تسير العين وانقطع الامل عنده..
    لكنه مايأس وقرر هالمرة يخبر امه اللي اكيد عندها اخبار عنهم..
    واتصل فأمه..
    احمد:الو السلام عليكم
    اخوه:عليكم السلام والرحمه..هلاا والله حموود شحالك وعلومك؟؟
    احمد:انا الحمدلله بخير(ويا فباله انه يسأل اخوه لكنه ماكان يبا اخوه يدري) ومن دون مايتخبر عن اخوه قاله..وين امي عطني اياها
    اخوه:بلااك انت زين اتخبر عني شفيك حق شو تبا امي؟
    احمد:خلصني بسرعه اباها ضروري يلاا
    اخوه:انزين اتريا بفكر ازقرلك اياها ولا
    احمد: (بعصبية)دخيييييييييلك خلصني بسرعه
    اخوه:زين زين اعصابك بس اتريا شويه
    احمد:بسرررررعه
    وبعد شوية...
    اخوه:امي محد
    احمد:افففف شو هالحالة زين باي وسكر التلفون

    ويلس يفكر شو مستوي ليش ريم سوت كل ها..معقولة سمعت شي عني وعسب جي ما تباني بس هي ما تصدق اي كلام ينقال عني ولو هي سامعه شي بتسألني..ياااربي كيف اعرف انا احينه..
    وطرت على باله شما..وقال مافي غيرها هي اللي ممكن القى عندها تفسير للي يستوي..
    ومن دون تردد سار وفتح ايميله وطرشلها رسالة..
    الرسالة:
    السلام عليكم والرحمه
    شحالج شموووو؟؟
    ليش يالقاطعه ماتتخبرين عني ولا انا مب حسبت اخوج
    المهم شموو بغيت اسألج عن ريم ليش غيرت رقمها وايميلها؟؟
    شو فيها جي جلبت عليه مرة وحده؟؟
    دخيلج شمو لاتجذبين عليه وقوليلي الصدق ولاتتأخرين عليه فالرد

    ومر يوم ويومين واسبوع وماياه خبر من شما..
    وهني زادت الحيرة فيه شما ماتقطع النت يوم واحد ليش لين احينه ماياه رد منها؟!!
    معقولة ريم فيها شي وهي مشغولة وياها؟!!
    ولا ريم طلبت منها انها ماترد عليه؟!!
    لكن مستحيل شما ماترد عليه وحتى لو ريم قالتلها
    وقال ما عندي غير امي..
    وسار اتصل فامه..
    احمد:الو السلام عليكم
    امه:عليكم السلام والرحمه..هلا ولدي احمد شحالك؟
    احمد:الحمدلله بخير امي وانتي شخبارج؟
    امه:انا بخير..بس انت شفيك؟
    احمد:شو فيني بعد؟
    امه:امس رمستنا مب من عادتك ترمسنا يومين ورا بعض
    احمد:اممممممممم
    امه:احمد قولي شو عندك
    احمد:زين انتي مو عندج احينه
    امه:محد بروحي
    احمد:زين امي بسألج ودخيلج تجاوبيني وتريحين قلبي
    امه:قول اسمعك
    احمد:امي ريم مستوي وياها شي؟؟ اهلها فيهم شي؟؟
    امه:ريم؟؟
    احمد:هيه ريم
    امه:ليش انت ما ترمسها؟
    احمد:لو ارمسها جان ماسألتج
    امه:زين وليش ماترمسها؟
    احمد:مادري والله هي غيرت رقمها وايميلها وقالولي انها تركت المدرسة ومب عارف كيف اوصللها
    امه:اها..انت من متى اخر مرة رمستها؟
    احمد:من عقب ما توفت يدتها بفترة..وحتى شما طرشتلها رسالة وماردت عليه
    امه:شما!!..ليش انت ماتدري عن شما؟؟
    احمد:ليش شو فيها شما؟
    امه:شما ياولدي اتوفت من شهر تقريبا الله يرحمها
    احمد:شو تقولين؟؟
    امه:الله يرحمها
    احمد:كيف جي مستحيل
    امه:مافي شي مستحيل عند ربك..كان عندها سرطان فالدم
    احمد:......................................
    امه:احمد ووينك
    احمد:ها امي
    امه:بلاك؟
    احمد:ماشي
    امه:احمد انت تصيح؟؟
    احمد:ماكنت اتوقع انه ايي هاليوم الله يعين ريم
    امه:احمد انت في شي بينك وبين شما؟
    احمد:امي شما كانت اختي واعز..محد يعرف هالانسانه ومايحبها ويتعلق فيها
    امه:صدقت والله مع اني ماعرفها وايد بس والله اني زعلت عليها من خاطري واحس اني فقدت قطعه مني فيها شي غريب هالبنيه بس يلا ها قدرها
    احمد:والنعم فالله..انزين امي انتي ما سرتي العزا ماشفتي ريم؟
    امه:هيه اكيد سرت العزا بس والله ماشفتها ويوم سألت عنها قالولي مايت وسرت عندهم البيت بعد العزا كمن مرة بس ماشفتها ويوم اقولهم ابا اسلم عليها تقولي امها محد او مشغولة مع انه عمري ماسرت عندهم ومايت يلست عندي.
    احمد:انزين امي دخيلج انا ابا اطمن عليها الله يخليج شوفيلي اياها وقوليلها اني ابا ارمسها
    امه:كيف بشوفها يا احمد انا ووين بقولها
    احمد:امي دخيلج والله اني تعبان
    امه:خلاص بحاول ان شاء الله..بس انت لاتحاتي وديربالك على نفسك
    احمد:ان شاء الله امي..وترا ريم امانه عندج لين ارد بالسلامه اباج تحطينها فعيونج
    امه:بدون لاتقول ياولدي اللي تعزه انت انا اعزه واحطه فعيوني..فما بالك واهي ريم والله معزتها من معزت خواتك
    احمد:تسلمين الغالية والله لايحرمني منج ويخليج لي وتفرحين فيني انا وياها
    امه:آآمين يارب بس انت شد حيلك وخلص دراسة
    احمد:ان شاء الله..ولاتنسين اطمنيني
    امه:ان شاء الله..يلا الله يحفظك
    احمد:فداعة الله

    ومن بعد هالمكالمه بدا الحزن يملى حياة احمد .. ويله شما اللي اتوفت وكانت صدمة حقه وويله حبيبته اللي متعلقه فشما وايد ومايدري شو حالها...

    واستمرت حياة ريم على ماهي عليه..

    اما ام احمد فكانت مب عارفه كيف توصل حق ريم وبعد ماتروم اطنش لانه ولدها مايهون عليها يتعذب وهو فالغربة..
    ومالقت حل غير انها ترمس اختها مريم..
    ويلست ادور رقمها بس للأسف مالقته وتمت ادور طريقة تييب فيها رقم مريم واخر شي اتصلت فأم ناصر(ام ريم)..

    ام احمد:السلام عليكم
    ام ناصر:عليج السلام ورحمة الله وبركاته
    ام احمد:اشحالج ام ناصر؟
    ام ناصر:الحمدلله بخير ومن صوبج؟
    ام احمد:يسرج الحال والله..وينج مانشوفج؟
    ام ناصر:والله في هالدنيا تدرين بعد اشغال الدنيا ماتخلص
    ام احمد:هيه والله العمر يخلص والشغل مايخلص
    ام ناصر:شخبار عيالج؟
    ام احمد:الحمدلله والله..شخبار ريم؟
    ام ناصر:بخير هاذي عايشة
    ام احمد:وشو مسوية من عقب شما؟
    ام ناصر:والله مادري شو اقولج مب بهالسهولة بتنسى
    ام احمد:الله يكون فعونها
    ام ناصر:الله يرحمها ويرحم اموات المسلمين
    ام احمد:آآمين يارب..انزين ام ناصر بغيت منج رقم مريم
    ام ناصر:منو مريم؟
    ام احمد:مريم بنتكم
    ام ناصر:هيه..عسا ماشر؟
    ام احمد:ماشر والله..بس بنتي عندها فالمدرسة وبغيت اسالها عن شي
    ام ناصر:اها..انزين لحظة بس بعطيج الرقم
    ام احمد:ان شاء الله
    ام ناصر:زين ام عبدالله سجلي عندج 050…………
    ام احمد:مشكورة
    ام ناصر:حياج
    ام احمد:انزين خلنا نشوفج
    ام ناصر:ان شاء الله..سلمي على العيال
    ام احمد:الله يسلمج يارب
    ام ناصر:فمان الله
    ام احمد:مع السلامة

    ويلست تفكر ام احمد شو بتقول حق مريم اخر شي قالت بتصل وعقبها يصير خير
    واتصلت فمريم..

    مريم استغربت من الرقم وكانت مابترد بس اخر شي ردت..
    مريم:الو
    ام احمد:هلا..مريم؟
    مريم:هيه انا مريم منو وياي؟
    ام احمد:انا ام عبدالله ييران اهلج
    مريم:منو ام عبدالله قوم ........
    ام احمد:هيه..شحالج بنتي؟
    مريم:الحمدلله بخير..شخبارج انتي ؟
    ام احمد:انا والله مادري شو اقولج
    مريم:عسا ماشر
    ام احمد:ماشر ان شاء الله..بس انا اباج فسالفه
    مريم:امري..
    ام احمد:مايامر عليج عدو..مابقولج هني اباج تمرين صوبنا
    مريم:يعني اييكم البيت؟
    ام احمد:ياليت والله
    مريم:امم ان شاء الله
    ام احمد:واباج ماتخبرين اهلج اني رمستج
    مريم:ليش؟
    ام احمد:يوم بتين بتعرفين..بس لاتتأخرين عليه
    مريم:ان شاء الله يا خاله
    ام احمد:مشكورة فديتج بتعبج وياي
    مريم:لا عادي تعبج راحه..باجر بمرج
    ام احمد:وانا بترياج
    مريم:على خير ان شاء الله
    ام احمد:يلا عيل بخليج واشوفج باجر
    مريم:اوكيه..مع السلامه
    ام احمد:الله يحفظج

    ويلست مريم محتارة ياترا شو تبا مني هاذي؟؟
    وليش ماتباني اخبر اهلي؟؟
    واخر شي قالت يلا باجر بيي وبعرف كل شي..


    ياترا شو بتكون ردة فعل مريم يوم تعرف عن اختها؟؟
    وياترا ريم بترد حق احمد ولا خلاص ماتباه؟؟
    وبيبقى السؤال..هل بترجع الضحكه لريم ولا الايام كاتبه عليها الحزن وبس؟؟

    الاجابة فالبارت السادس...














    البارت السادس:

    وثاني يوم:

    دق الباب فبيت ام احمد وكانت مريم...
    رحبت فيها ودخلت ويلسو...
    ام احمد:هلا والله مريم شحالج يالقاطعه؟
    مريم:الحمدلله بخير خالتي وانتي علومج؟
    ام احمد:انا بخير..وشخبار عيالج؟
    مريم:الحمدلله..وين هند ما اشوفها
    ام احمد:هند احينه فدبي
    مريم:اهاا..سلمي عليها وااايد
    ام احمد:الله يسلمج يارب..وانتي ليش ماتين عندنا ؟
    مريم:اشغال الدنيا والله تدرين البيت والشغل والعيال
    ام احمد:يالله ماعليه ها حال الدنيا
    مريم:انزين امري خالتي شو بغيتي
    ام احمد:بلاج مستعيله توج ما يلستي
    مريم:والله خليت اليهال عند اهلي بروحهم واخاف يزعجونهم
    ام احمد:وليش مايبتيهم وياج؟
    مريم:لو يبتهم مابنعرف نرمس خلهم هناك احسن
    ام احمد:الله يحفظهم يارب
    مريم:آمين
    ام احمد:انزين دام انج مستعيلة بقولج الموضوع
    مريم:امري
    ام احمد:مايامر عليج عدو..بس اباج تتفهمين الموضوع وتساعديني
    مريم:ان شاء الله بحاول
    ام احمد:السالفة تخص اختج ريم
    مريم:ريم شفيها؟
    ام احمد:الله يسلمج ولدي احمد يحب ريم من خمس سنوات وهي تحبه ويرمسون بعض ومن يوم اتوفت شما هي قطعته..وانا اباه يرمسها عسب يطلعها من حالتها ويهون عليها شوي وانتي ادرى شو شما تعني حق ريم..واحمد يباها فالحلال لكن صعب احينه لانه يدرس وهاذي اخر سنة حقه ويوم بيخلص وبيرد ان شاء الله بخطبله ريم..وصدقيني ريم معزتها من معزت بناتي واللي ماارضاه حق بناتي ماارضاه حق ريم وانا حاولت امنعهم يرمسون بعض يوم دريت لكن كان حبهم اقوى مني وتدرين الحب شي نادر في هالزمن فقلت خلهم يحبون بعض جدام عيني احسن مايحبون بعض من وراي..ووالله يامريم لو حد من عيالي كان يحب وحده ويباني اخطبله اياها مستحيل اوافق بس ريم وحده من بناتي عسب جي انا موافقه عليها وعمري مابلقى وحده احسن منها وبكون اسعد انسانه لو كانت من نصيب ولدي..وانا اباج احينه تحاولين تقنعين ريم انها ترد حق احمد
    مريم:معقولة ريم تحب احمد من خمس سنوات ومحد يدري عنها..وليش ماكانت تخبرني
    ام احمد:يمكن تخاف انج تخبرين اهلج
    مريم:تبين الصدق انا علاقتي ويا ريم قبل كانت مجرد علاقة سطحية مب اكثر..انا طلعت من البيت وكان عمرها 12سنة وكنت اشوفها طفلة وما اتقرب منها ابد
    ام احمد:ماعليه اللي فات مات خلنا فاليوم
    مريم:هيه..تدرين انا احين احسد ريم
    ام احمد:ليش؟
    مريم:يحظها خذت قلب احمد
    ام احمد:هههههه فديتج
    مريم:والله احمد مافي منه الله يوفقهم
    ام احمد:آمين
    ورن تلفون مريم..
    مريم:الو
    عبدالله:مريوووم وينج تعالي شلي عيالج
    مريم:ليش شفيهم
    عبدالله:يننوبي
    مريم:زين مب انت خالهم عاد اتحملهم شويه
    عبدالله:لا مايخصني انا
    مريم:اتحملهم شرات ماتحملتك امهم قبل
    عبدالله:محد قالج تتحمليني
    مريم:زين ماعليه شوية وبيي
    عبدالله:سمعي ترا لو تأخرتي بطلعهم الشارع وبقولهم سيرو وين ماتبون
    مريم:لالالا دخيلك احينه بيي
    عبدالله:زين بنشوف باي
    مريم:مع السلامه

    ام احمد:عسا ماشر؟
    مريم:ها عبدالله يقولي تعالي شلي عيالج عني
    ام احمد:زين سيري ييبيهم
    مريم:لا انا بسير عندهم
    ام احمد:افا يعني بتروحين
    مريم:هيه خلني اسير وارمس ريم
    ام احمد:اذا جي اوكي مرخوصه
    مريم:وان شاء الله بتواصل وياج وبقولج شو اللي استوا
    ام احمد:ان شاء الله
    مريم:يلا فمان الله
    ام احمد:الله يحفظج

    وسارت مريم بيت اهلها ويلست وياهم شوية وعقب سارت عند ريم..

    مريم:ممكن ادخل
    ريم:تعالي
    مريم:ريم انتي تصيحين؟
    ريم:لا ماصيح
    مريم طالعتها وسارت حضنتها ..كانت تبا تحسسها بالأمان وتقربها منها..
    وعقب قالتلها..ريم شرايج نطلع نتمشى؟
    ريم:لامالي خاطر
    مريم:عشاني يلا
    ريم:اوكيه
    مريم:يلا اتلبسي وانا اترياج تحت بس لاتتأخرين عليه
    ريم:اوكيه..دقايق

    ونزلت مريم تحت ويلست ويا اهلها تتريا ريم وعقب طلعو وسارو حديقة

    يلسو يلعبون اليهال شوية وعقب خلوهم بروحهم يلعبون وسارو يتمشون..

    مريم:ريم ليش كل هالحزن فعيونج؟؟
    ريم:كل اللي استوا وياي وماتبيني اكون حزينة
    مريم:شو اللي استوا وياج..حمدي ربج في ناس مصايبهم اكبر منج ومع ذلك يضحكون وعايشين حياتهم
    ريم:مريم الوحده بتجتلني
    مريم:اي وحده ياريم هاذي..انتي اللي معيشة روحج في هالوحده انتي اللي قطعتي كل الناس
    ريم:بس فراق شما صعب..والله صعب
    مريم:شما كانت مجرد صديقة واخت عندج لكن انا فقدت حبيبي ومع ذلك انا كملت حياتي..ريم الحياة مابتتوقف عند شما
    ريم:حبيبج؟؟
    مريم:هيه حبيبي
    ريم:ليش انتي كنتي تحبين؟
    مريم:كنت ومازلت وبتم احبه طول عمري
    ريم:منو هو ريلج؟
    مريم:لا طبعا
    ريم:عيل منو
    مريم:واحد يلست احبه سنتين
    ريم:زين وليش ماخذتيه؟؟
    مريم:مافي نصيب
    ريم:مريم
    مريم:لبيه
    ريم:تدرين انتي مع انج اختي بس عمري ماحسيت انج اختي او يلست اسولف وياج مادري عن حياتج شي
    مريم:وحتى انتي انا مادري عن قلبج شي
    ريم:قلبي..قلبي مات
    مريم:لاتقولين جي القلب اللي يحب مايموت
    ريم:زين خبريني عنج انتي
    مريم:بخبرج بس بشرط
    ريم:شوو
    مريم:تفتحين لي قلبج
    ريم:اوكيه
    مريم:من وين تبين ابدا
    ريم:من يوم كنتي صغيرة
    مريم:تدرين انا ماتذكر اني عشت طفولتي
    ريم:ليش؟
    مريم:وعيت على الدنيا من دون امي وكنت عند امج..امج حرام ما قصرت ويانا لكن بعد بتم حرمت ابونا مب امنا.. ويوم يابتكم انا كنت شالة مسؤوليتكم حتى ماكنت افكر فنفسي
    ريم:مريم انتي وين امج؟؟
    مريم:امي من يوم وعينا ماندري عنها شي كل اللي نعرفه انها عرست وسافرت ويا ريلها
    ريم:وكل هالسنوات ماسألت عنكم ماشفتوها؟؟
    مريم:ما اظن اصلا انها تتذكر انه عندها عيال
    ريم:................
    مريم:ليش ساكته؟
    ريم:تقولين لي ليش كل هالحزن..انا امي عندي واحس اني غريبة عنها
    مريم:مادري شو اقولج لانه الصراحه انا عشت وياكم وكنت اشوف كيف امج بس الله يهديها
    ريم:زين وشو سالفت حبيبج؟؟
    مريم:يوم كنت صف ثالث اعدادي كان في واحد ولد ييرانا يعيبني وعقب رمسته وحبيته ويوم روحت صف ثاني ثانوي امج درت اني ارمسه ماخبرت ابوي لكنها كانت تمنعني من كل شي وهو يوم درا يا وخطبني وبنفس الوقت خطبني ولد عمي فطبعا ابويه غصبني اخذ ولد عمي
    ريم:انتي سعيده وياه؟؟
    مريم:الحمدلله على كل شي
    ريم:زين وحبيبج وين؟
    مريم:مادريبه والله انا قطعت علاقتي فيه من يوم عرست واهو بعد سافر واهله انتقلو وانقطعت اخبارهم عنا
    ريم:تتمنين انه يرد وتشوفينه؟
    مريم:مادري ياريم..المهم خلج مني خبريني عنج
    ريم:انا شو اخبرج؟؟
    مريم:خبريني عن اللي تحبينه
    ريم:انا منو قال اني احب
    مريم:يلا قولي اسمعج
    ريم:اممممممممممم انا احب احمد وهو يحبني بس خلاص كل شي انتهى وانا قطعت علاقتي فيه
    مريم:ليش ياريم؟
    ريم:مادري ليش بس انا كلي احزان وماباه يعيش فاحزان خله يعيش حياته من دوني احسن
    مريم:بس انتي جي تعذبينه
    ريم:اصلا هو ماسأل عني واكيد نساني
    مريم:منو قالج انه ماسأل
    ريم:انا اقول
    مريم:وكيف بيسأل عنج وانتي تركتي المدرسة وغيرتي ايميلج ورقمج؟
    ريم:لو يحبني صدق بيسوي المستحيل عشان يوصلي
    مريم:ريم احمد يحبج ومانساج وخبر امه ترمسني عشان انا ارمسج
    ريم:...............
    مريم:ريم في هالزمن مافي حب ولو لقينا الحب لازم نتمسك فيه لاخر لحظه فعمرنا والله بتتندمين عقب اعطي عمرج فرصة تكملين هالحب وان شاء الله توصلين لبر الامان وياه
    ريم:بس..
    مريم:بس شو..ريم فكري عدل ها مب حل اللي تسوينه انتي جي تعذبين عمرج وتعذبينه وياج
    ريم:مريم انا
    مريم:لاتقولين شي..فكري فحياتج عدل..واللي تشوفينه سويه..بس لازم يكون من خاطرج عشان ماتندمين
    ريم:اوكيه
    مريم:انا تأخرت واحينه بيرد خالد ريلي ولازم اروح
    ريم:اوكيه يلا روحنا
    مريم:لاتنسين تفكرين عدل واتمنى باجر تتصلين فيني وتخبريني شو استوا بينج وبينه
    ريم:.............
    مريم:تعالي بشل العيال
    ريم:اوكيه

    وكل واحد روح بيته..وريم يلست تفكر تتصل فيه وترجع الوصال بينهم ولا خلاص تنهي كل شي..

    واخر شي قررت انها تتصل..


    وياترا شو بيستوي بينهم؟؟
    وشو ردة فعل احمد؟؟
    وبيبقى السؤال..
    هل بترجع الضحكه لريم ولا الايام كاتبه عليها الحزن وبس؟؟

    الاجابة فالبارت السابع..

    البارت السابع:

    اتصلت ريم على احمد..
    احمد:الوو
    ريم:.........
    احمد:الوووو
    ريم:هلا
    احمد: (احمد تم ساكت للحظات ويفكر هاذي ريم؟؟) منو.....وياي؟؟
    ريم: (ريم ماكانت عارفه شو تقول)..وبدت تصيح
    احمد:ريم ليش تصيحين؟؟
    ريم:.............
    احمد:ريم ليش تسوين فيني جي حرام عليج والله
    ريم: (وبعدين حطتله اغنيه)
    على ايامك حياتي غير روحي بعز وقلبي بخير
    عايشة فالهنا عمري ياعمري وقلبي في سماك يطير
    ومن غيرك اعيش احزان ما مرت على انسان
    ضيعتك من ايديني ياريت اللي جرا ما كان
    همومي مين يبددها حياتي مين يسعدها
    نحس بقيمة الاشياء احنا لما نفقدها
    احمد:(رد عليها فأغنيه)
    مابقالي قلبي يتحمل جفاك
    كل ما ابعدت يتوله عليك
    اعطني وصلك مثل مالله عطاك
    من جميع الخلق وحدك بشتريك
    ياشبيه للثريا في علاك
    طال صبري يرحم الله والديك.....
    ريم:احمد
    احمد:هلا
    ريم:انا آسفة
    احمد:انا مااتريا منج اعتذار انا كل اللي اباه منج لاتقطعيني وبس
    ريم:ان شاء الله مابقطعك طول عمري
    احمد:انزين شحالج انتي؟
    ريم: (وهي تصيح) انا مب بخير
    احمد:ريمو دموعج غالية عندي دخيلج لاتقطعين قلبي
    ريم:احمد شما سارت وتركتني بروحي
    احمد:وانا وين سرت؟
    ريم:انت بعيد عني
    احمد:منو قال اني بعيد انا موجود فقلبج
    ريم:احمد ممكن طلب؟
    احمد:اكيد ممكن
    ريم:لاتخليني بروحي
    احمد:منو قال اني بخليج..انا لو شو ماتسوين فيني والله ما اخليج
    ريم:وعد؟
    احمد:اكيد..ان شاء الله بخلص هالسنة وبيي عندج وباخذج وبتمين وياي لين اخر يوم في عمري
    ريم:ان شاء الله يارب
    احمد:انزين ريمو ليش سويتي جي انتي؟؟انا غلطت وياج في شي؟؟
    ريم:لا..بس انا حياتي كلها حزن وماباك تعيش الحياة اللي انا عايشتنها
    احمد:ريمو كل شي من عندج انا اباه..وليش ان شاء الله حياتج حزن؟
    ريم:تسألني بعد ليش
    احمد:هيه ليش..مافي شي يستاهل والله
    ريم:انت ادرى فمعزت شما عندي
    احمد:ريمو شما مرتاحه هناك اكثر والله..شو الفايده انها تعيش واهي متعذبه..عند ربها احسن..وبعدين اصلا انتي ماتحبين شما
    ريم:انا ماحب شما؟؟
    احمد:هيه..لانه لو تحبينها مابتزعلينها وهي لو كانت موجوده وشافتج جي كانت بتزعل منج صح؟؟
    ريم:بس..
    احمد:بدون بس..خلاص انسي وعيشي حياتج
    ريم:كيف انسى والله صعب
    احمد:ادري انه صعب..لكن الاصعب انج اتمين جذي
    ريم:انا مابا اتم جذي بس غصبن عني
    احمد:مافي شي غضب لو تبين انتي بتتغيرين
    ريم:كيف انسى شما..ياناس هاذي حياتي
    احمد:محد يروم ينسى شما..وانا ماقولج انسي شما بالعكس عيشي على ذكراها..لكن انسي الحزن اللي انتي تعيشنه
    ريم:كيف انساه وانا اعيش وحيدة في هالدنيا منو بينسيني اياه؟؟
    احمد:وانا وين؟؟
    ريم:انت مب عندي ومنشغل فدراستك وحياتك
    احمد:افاااا ياريمو جي انا طلعت اخر شي
    ريم:لا مب قصدي جي بس ...مادري
    احمد:زين انتي ليش تركتي المدرسة؟؟
    ريم:مابا ادرس..مابا اشوف حد
    احمد:ماتبين تدرسين بس هاذي اخر سنة حقج..وماتبين تشوفين حد شفتي يعني انتي تبين تكونين وحيدة
    ريم:....................
    احمد:ريم انا موجود لج انتي ولو تبين انا بخلي دراستي وبييج
    ريم:لا..انا بترياك لين تخلص
    احمد:زين وانتي بعد اباج تخلصين الا هي سنة
    ريم:ان شاء الله
    احمد:وشدي حيلج نبا نسبة حلوة..اوكي؟؟
    ريم:اوكي
    احمد:وشلي الهم من قلبج وخلينا نرد شرات قبل وخليني اشاركج همومج..لو انا ماشاركتج منو بيشاركج؟؟
    ريم:اوكي خلاص
    احمد:وعد؟؟
    ريم:وعد
    احمد:انزين انا احينه بخليج اول شي عشان ترقدين لانه الوقت متأخر وثاني شي لاني بسير عندي شغل
    ريم:اوكيه..دير بالك على عمرك
    احمد:وانتي بعد..وطمنيني عنج دوم..ولاتقطعيني
    ريم:ان شاء الله..الله يحفظك
    احمد:ويحفظج يارب..مع السلامه
    ريم:مع السلامه

    وبعد ماسكرت طرشتله مسج..
    تغيب الصورة بس عمر المشاعر ماتغيب
    كم عزيز مانشوفه وهو من الخاطر قريب

    ورد عليها بمسج..
    وحق الذي خلاني بيوم أغليك..
    ماغاب زولك عن عيوني ثواني..
    لولا الغلا ماكنت للحين وياك..
    ولولا المحبة ماعرفنا نعاني..
    دامك تعيش بداخلي كيف بنساك؟
    هذا سؤالي وحط نفسك مكاني..

    ولاول مرة من فترة طويلة ريم ترقد براحه..
    وثاني يوم نشت الظهر وسارت عند اختها وخبرتها باللي استوا بينهم..
    واختها اتصلت فام احمد وخبرتها..

    وقضت ريم اليوم عند اختها ومن عقب على المنتدى وفليل دشت المسن تتريا احمد..

    وصارت الساعه 12واحمد مادش..

    وهي تفكر قطع افكارها صوت التلفون ويوم سارت تشوف لقت تذكير.. شما كانت محطتنه حقها ومكتوب فيه لاتنسين البطاقه...

    وبعدها وصلها مسج من احمد...
    كل عام و إنت بألف خير
    يا أعز إنسان في قلبي الصغير
    اليوم يوم ميلادك السعيد
    نفسي و منى عيني أشيلك و أطير
    (كل عام وانتي بخير ياحياتي)

    واستغربت من هالمسج..

    وهي سايرة اطلع البطاقه سمعت صوت رسالة وصلتها فالايميل وتحرتها من احمد فسارت تشوفها ولقتها من المنتدى يهنونها بعيد ميلادها..

    وطالعت التاريخ وطلع انه اليوم عيد ميلادها..
    وتذكرت شما اللي كانت كل سنة هي اول وحده تباركلها فعيد ميلادها وتشاركها الفرحة.. وحتى اليوم هي اول وحده ذكرتها..لكن للأسف مابتشاركها هالليلة..

    وسارت طالعت البطايق ولقت بطاقة مكتوب عليها تاريخ عيد ميلادها طلعتها وفتحتها..

    بحتفل في عيد ميلادك ... وللأسف بحييه من دونك
    المهم أبقى ع ميعادك ... وأحفظ التاريخ وآصونك
    الله يهنيك بعيادك ... وفي غيابي تمرح عيونك
    الله يحقق لك مرادك ... وين ما تمشي على كونك
    طايب في قربة بلادك ... وكل من حولك يهنونك
    لا تذكر ريح فــوادك ... لا تعذب قلبك شجونك
    جيت أهني بس قصادك ... لا أتفاجأ بي على هونك
    المهم أحفظك في بعادك ... وأثبت لدنياك ما خونك
    خذ هدية عيد ميلادك ... من حب كان مجنونك

    ريم..كل عام وانتي بخير..والعمر كله ياارب..
    اتمنى انج تكونين سعيدة في هاليوم..
    حبيت اهنيج حتى في غيابي..


    ويلست تصيح ريم وتتذكر شما وعقب رقدت..
    ومانشت ثاني يوم الا العصر وسارت ويا بنت خالتها المول..

    ويوم ردو البيت لقت الليتات مسكرة وكل الصالة شموع
    واول مادشت غنولها HAPPY BAIRTHDAY
    واستغربت لانه اول مرة اهلها يسوولها جي..
    كل مرة شما اللي تسويلها بارتي ومحد يشاركها غير شما واحمد..
    لكن مالقت وقت عشان توقف وتفكر لانه الكل عندها ويباركولها والكل يبا يشاركها هاليوم..
    واخر شي اتضح انه شما هي اللي موصيه اخوها منصور يسوي جي حق ريم..

    وبعد ماروحو كلهم سارت حجرتها ورمست احمد شوية..
    وبعد ماخلصت يلست تتذكر شما وتصيح..
    بعدين حطت اغاني ويلست تسمع ومن بين هالاغاني يت اغنية على الجرح وزادت النار فقلب ريم وزادت دموعها.


    يعني بطفي الشمعة وحدي في عيد ميلادي السنة
    يعني مابلمح عيونك وتبقى ليلة محزنة
    آه لو تدري بشعوري غيبتك تنهي حضوري
    وغرفتي تنسى وجودي رغم انها امزينة
    وهاذي ليلة فالسنة
    عذري لو كنت اتغلى ولا ناوي تعتذر
    جيتك تسوى حياتي ياللي مابعدك عمر
    انا مازعلت عينك لو نسيت اسال حنينك
    بس ابيك الليلة يمبي لو الاماني ممكنه
    وهاذي ليلة فالسنة
    كل اصحابي بقربي شفتهم الاانت لا
    دمعتي تسأل عيوني وين اللي قلبه سلا
    ماابي كل الهدايا فرحتي وانت معايا
    صرت ادور عن وجودك كل وردة ملونه
    وهاذي ليلة فالسنة

    وبعدها رقدت ريم...


    ياترا شو الاحداث اللي بتستجد في حياة ريم؟؟
    ويبقى السؤال..هل بترجع الضحكه لريم ولا الايام كاتبه عليها الحزن وبس؟؟

    الاجابة فالبارت الثامن..












    البارت الثامن:

    ومرت الايام وانمزج الفرح مع الحزن فحياة ريم..وتحسنت نفسيتها وايد..
    وردت علاقتها ويا احمد شرات قبل واقوى..
    وبدت امتحانات نص السنة وانشغلت ريم فالامتحانات وكان كل همها انها تحقق حلمها وترضي شما واحمد..
    وبعد ماخلصت امتحانات سارت بوظبي ويلست اسبوع وغيرت جو شوية..
    ويوم ردت العين اختها كانت فالمستشفى لانها تعبانة شوية وبتربي..
    وبعد يومين اختها ربت ويابات ريم..
    كانت اختها تبا تسمي بنتها ريماس..لكن ريماس ماطاعت وسمتها ريم..
    وريماني الصغيرونه كانت وايد تشبه ريم خالتها فالشكل لدرجة انه ريم تعلقت وايد فيها وكانت هي الامل في حياتها وبدت السعاده ترد حق قلب ريم..
    وحتى احمد قام يغار من ريماني لانها شغلت ريم عنه..

    وبعد مرور اسبوعين من الاجازة...

    كانت ريم ماترقد قبل الساعه 9الصبح لانه اخوانها كانو يتمون سهرانين وياها وهي ماتروم ترقد منهم تترياهم يرقدون عقب ترقد..

    وفيوم من الايام كان يوم اربعاء وكانت ريم سهرانه ويااحمد على النت وعقب رمسته شوية فالتلفون وهو قالها انه يبا يرقد وسكر عنها...

    وهي سارت رقدت..

    ويوم نشت شلت تلفونها اطالع الساعه ولقت مسج..

    قلت:للقلب خفف من شوقك واشتياقك..
    قال:"وغلاته" ما اقدر اتبع وصاتك..
    شفت اشكثر هالقلب يالزين يغليك..
    شفت اشكثر يهوى "سموك وذاتك"..
    هالقلب دايم لاحكى يفتخر فيك..
    واذا فكر مايفكر الا "بغلاتك"..

    واستغربت من الرقم لانها ماتعرفه فقالت يمكن بالغلط وطنشت..
    وقامت والساعه كانت 8 فليل..

    سارت الصالة ولقت ريماني ويلست تلعبها شويه وعقب قالتها مريم خلنا نطلع نتمشى عند البيت وريم قالتلها اوكي ..

    وسارت حجرتها تلبس عباتها وعقب شلت تلفونها ويوم طالعته لقت مسج وفتحته..
    مهما الوقت يشغلني..
    مهما الدنيا تبعدني..
    يظل فكري مع الغالي..
    لانه بجد واحشني..

    وكان من نفس الرقم..
    فطنشت وقالت ها حد يستهبل..
    وسارت تحت وطلعو يتمشون..
    واول مابدو يتمشون وصلها مسج..
    ((((((تو ما نور الشارع..))))))
    فاستغربت وسالتها مريم..

    مريم:من منو المسج؟
    ريم:مادري والله
    مريم:كيف ماتدرين
    ريم:صدق مادري..يوم نشيت لقيت مسج من رقم ماعرفه وتوني يوم كنت بتلبس لقيت بعد مسج واحينه
    مريم:زين شو يخص الشارع؟؟
    ريم:شدراني..انسي
    مريم:زين..شخبار احمد
    ريم:احمد..ااااااااااااخ فديته والله
    مريم:سلاامتج من الآآخ بس شوي شوي لاتذوبين
    ريم:بعدني بذوب الا قولي ذبت وخلصت
    مريم:زين عاد لاتعقين عمرج عالريال
    ريم:كييييييييييييفي مايخصج انتي...صح ريماني
    مريم:سيري سيري عن بنتي لاتعدينها بمرضج هذا
    ريم:بنتج من متى ان شاء الله هاذي بنتي انا فديت روحها
    مريم:افا بس هي تتفدينها وانا لولاي ماكانت يت
    ريم:فديت قلبج انا والله..انتي الخير والبركه والله
    مريم:هيه قصي عليه
    ريم:افااا انا اقص عليج منو يروملج انتي اصلا
    مريم:احم احم
    ريم:ههههههه بس لاتصدقين عمرج عاد
    مريم:ههههه كيفي والله
    ووصل مسج حق ريم..
    ((((((فديت هالضحكه انا والله))))))
    مريم:من منو المسج؟؟
    ريم:نفس الرقم
    مريم:شو كاتب
    ريم:فديت هالضحكة انا والله
    مريم:زين شحقه ماتتصلين عليه؟
    ريم:برايج اتصل؟
    مريم:هيه اتصلي
    ريم:اوكيه
    واتصلت..
    ريم:الووو
    ........:هلا والله ملاايين ولايسدن
    ريم:منو وياي؟؟
    ........:افا ماعرفتيني؟
    ريم:لا والله اخوي ماعرفتك
    ........:انا قلبج
    ريم:عن الاستهبال عاد منو انت؟؟
    ........:منو يستهبل احينه انا ولا انتي؟
    ريم:يلا بااي
    ........:تعالي تعالي
    ريم:هااا
    ........:طالعي وراج وبتعرفين منو انا

    وطالعت ريم وراها وشافت واحد حليو بشرته لونها برونزي وجسمه متناسق وحلو وشكله يلعب كمال اجسام وطويل شوية ولابس سفرة حمرة وكندورة بيج وشكله رووعه..((لوول))

    ريم للحظات ماعرفت هالشخص ...

    ........:ها عرفتيني ولا؟؟؟
    ريم:..........................
    ........:بلااج؟؟
    مريم:بلاج ريمو منو ها اللي اطالعينه؟؟
    ريم:...اااااحــــمـــد....
    مريم:شو احمد انتي بعد تحلمين شو بييبه احمد
    ريم:والله انــــــــــــك احمد
    احمد:اشـــــــــتــــــــقــتــــلــج والله
    ريم:لا مستحيل..معقوولة صدق انت احمد؟؟؟
    (وكانت بعدها عايشه فحلم ومب مصدقه انه ها احمد)
    وفجأة يت سيارة وكانت بتدعمها لكن مريم بعدتها
    مريم:بلاااج انتي ماتشوفين
    ريم:مريم
    مريم:ها
    ريم:مريم ها احمد(وطاح التلفون منها)
    مريم:احمد؟؟
    ريم:هيه والله انه احمد..هو احمد يااانااس (وكانت للحظات بتنسى عمرها وبتركض عليه)
    مريم:ريم نحن فالشارع
    ريم:مريم من سنتين ماشفته ابا اسلم عليه دخيلج خلني اسير
    مريم:مينونه انتي يلا شلي تلفونج وامشي
    ريم:الووو
    احمد:ريم فيج شي
    ريم:اشوف حبيبي وما تبا يكون فيني شي
    احمد:فديتج والله مب مصدق انج جدام عيني
    ريم:يعني انا اللي مصدقه..بس ياحسافه
    احمد:افاا ليش؟؟
    ريم:انت عندي وماتبعدني عنك الا كم من خطوة ومب رايمه اوصلك
    احمد:يلا ماعليه صبري راح الكثير ومابقى الا القليل
    ريم:بس انت كيف ييت؟؟
    احمد:شو كيف ييت بعد
    ريم:انا امس مرمستنك ليش ماخبرتني
    احمد:هاهاهاها كنت ابا اسويلج اياها مفاجأة
    ريم:قصدك كنت تبا تييبلي سكته قلبيه
    احمد:سلااامت قلبج
    مريم:سلمي عليه
    ريم:الله يسلمج..مريوم تسلم عليك
    احمد:هاذي اختج مريم؟
    ريم:هيه ليش
    احمد:متغيره واااااااايد عن قبل مستوية حرمة خخخ..سلمي عليها
    ريم:ههههه الله يسلمك يارب..وانت بعد متغير
    احمد:حتى انتي متغيره وااايد علي كنتي دلوعتي الصغيرة لكن احينه كبرتي خلاص ماباج
    ريم:انا اصلا دومي بتم صغنونه ودلوعة
    احمد:لا لا خلاص استويتي عيوز انتي ماباج
    ريم:افاااا خلاص انا زعلت
    احمد:لا كله ولازعلج







    وللحديث تتمه...
    يتبع فالبارت التاسع...









    البارت التاسع:

    ريم:زين فديتك بخليك انا احينه لاني بيلس اسولف شوية ويا مريوم وارمسك فليل
    احمد:اوكيه
    ريم:انزين وين اتصلك على هالرقم؟
    احمد:هيه
    ريم:يلا عيل بينا كوول
    احمد:زين بس يمكن اكون راقد لاني تعبان
    ريم:اوكيه خلاص اليوم بعطيك اجازة بس اليوم ومن باجر دوام
    احمد:هههههههه اوكيه
    ريم:يلا فمان الله
    احمد:بااي
    مريم:تو الناس والله
    ريم:هيه صدقج مارمسته وايد
    مريم:لااا والله..تراج بروحج انا مب هني لا
    ريم:خلااص عااد
    مريم:زين..شخباره؟
    ريم:بخيييييييييييييييييييير
    مريم:وانتي شخبارج؟
    ريم:انا اخباري عنده
    مريم:من متى انتي مب شايفتنه؟
    ريم:سنتين
    مريم:اها..الله يوفقكم
    ريم:آمين
    مريم:زين انا ابا اروح
    ريم:تو الناس
    مريم:مادري احس بعوار فبطني
    ريم:من متى ها؟
    مريم:من سبوع يمكن
    ريم:زين ليش ماتسيرين تشوفين طبيب
    مريم:لا مابا كلها كمن يوم وبيخوز
    ريم:زين عيل وانا بسير ارقد
    مريم:شوووو بترقدين وتوج ناشه
    ريم:هيه ابا ارقد واحلم واحلم واطير
    مريم:اسم الله عليج يلا سيري البيت لاتحلمينلي هني بعد
    ريم:زين بسير
    مريم:يلا تعالي بدش اسلم على امج وبروح
    ريم:اوكيه
    مريم:يلا بسرعه على حجرتج لاترقدين هني بعد
    ريم:زين تصبحين على خير
    مريم:وانتي من اهله
    ريم:سي يو ليتر
    مريم:سي يو
    وروحت مريم..وريم سارت رقدت..واحمد بعد سار رقد..


    وثاني يوم...

    نشت ريم الساعه 5الصبح واتصلت على احمد ومارد عليها..
    فسارت المسن ويلست تسولف ويا بنات المنتدى..
    وعقب دشت المنتدى ولقت موضوع انه (اليازية) بتترك المنتدى..
    فاستغربت حق شو اليازية بتترك المنتدى..وسارت طرشتلها رسالة عالايميل وتخبرتها..
    والصبح دشت اليازية وكانت ريم بعدها موجوده..

    ريم:ولكموووو
    اليازية:يسلمووو..هلا والله بالقاطعه
    ريم:اهلين
    اليازية:ريموو وينج انتي امس واول امس عسا ماشر
    ريم:الشر ماييج بس الله يسلمج اول امس قضيته تلفون ويا احمد ورقاد..وامس بعد رقاد
    اليازية:اها..شخبار احمد؟
    ريم:بخيييييييير..تدرين شو استوا امس
    اليازية:شوو؟؟
    ريم:شفته
    اليازية:وين شفتيه بالكام؟
    ريم:لاااا شفته عالطبيعه
    اليازية:كيف ها بعد..وين شفتيه؟
    ريم:امس رد من السفر وسوالي اياها مفاجأة
    اليازية:يااااسلاام.. زين والل^_^
    ريم:وانتي شو يديدج
    اليازية:انا ماشي
    ريم:تعاالي
    اليازية:هاا
    ريم:ليش بتتركين المنتدى؟
    اليازية:اممم اسباب خاصة
    ريم:اوونه يلا قولي ليش
    اليازية:مفاااااااااااااااااااجأة..بس مادري جان تعنيلج ولا
    ريم:اي شي يعنيلج اكيد يعنيلي..قوولي ليش
    اليازية:لاني بعرس
    ريم:هاااااااااا
    اليازية:بلاااج
    ريم:وانتي من متى خاطبه؟
    اليازية:انا من زمان ولد عمي خاطبني واحينه قررو انه بنملج وبنعرس
    ريم:مبرووووووووووووووووك فديتج
    اليازية:الله يبارك فيج يارب
    ريم:زين انتي راضيه؟؟ يعني تبينه؟؟
    اليازية:اكيييييييييييييد انا ماصدقت متى قررو نملج
    ريم:يعني تحبينه؟؟
    اليازية:هيه عادي يعني مب انه حب جنوني
    ريم:الله يوفقج ويسعدج يارب
    اليازية:انزين وطبعا اكيد بتين عرسي صح
    ريم:افاا عليج ماطلبتي شي..بس متى هو بيكون؟
    اليازية:الملجة يوم الاثنين والعرس ان شاء الله يوم الخميس
    ريم:اي اثنين واي خميس؟؟
    اليازية:السبوع الياي
    ريم:مسرع ليش جي مستعيلين وااايد؟؟
    اليازية:مادريبهم بس احسن والله
    ريم:زين وانتي زهبتي عمرج..يبتي فستان؟؟
    اليازية:امم انا امي مزهبه كل شي حقي ومب باقي الا كمن شي يخلصون بسرعه
    ريم:اهاا..الف مبرووك حيااتي والله فرحتيني
    اليازية:عقبااااااااااااااااااالج ياارب
    ريم:الله يسمع منج^^
    اليازية:انزين بتين الملجه؟؟
    ريم:امم مادري والله بس ماظن اهلي يطيعون ايي مرتين دبي فيعني خلنا عالعرس وبس
    اليازية:ان شاء الله يارب اشوفج عروس
    ريم:تسلمين فديتج يااحلى عروس^^
    اليازية:مب جنه بدينا نتغزل فبعض
    ريم:حسيت هههههههههههه
    اليازية:هههههههههه انزين
    ريم:بييب اختي مريوم وياي
    اليازية:بس مريوم ييبي العين كلها بعد العرس عرسج^^
    ريم:مشكوورة فديتج
    واتصل احمد...
    اليازية:العفووو غناتي
    ريم:يزوي يزوي
    اليازية:ها ها
    ريم:احمد اتصل بخليج اوكيه
    اليازية:تعالي
    ريم:هلا
    اليازية:اخاف تنشغلين فاحمد وماتحدرين اعطيني رقمج عسب نتواصل
    ريم:اووكيك.. 050…………
    اليازية:اوكي احينه بسويلج رنه عشان تعرفين رقمي
    ريم:اوكيك..سي يو
    اليازية:سي يو..بااي
    ريم:باي

    وبعدين ردت على احمد ورمسته..

    ومرت الايام ويا يوم الخميس اللي هو يوم عرس اليازية..

    ريم كانت تعز اليازية وايد فكان عرسها جنه عرس حد من اهلها..
    ومريم بعد اللي ماكانت تعرف اليازية الا من اتصالين لكنها حبتها وايد..

    ريم كانت آآآية من الجمال..
    كانت لابسة فستان ذهبي كانت شارتنه حق حفلة التخرج لكن لبسته وكان موديله رووعه والميك آب كان ناعم وخفيف وفنفس الوقت روعه وشعرها كانت مسوتنله تسريحة بسيطة..
    وكانت سنبل وايد والبساطه حلتها اكثر لانها هي بروحها حلوة وماتحتاي شي...

    اما مريم فكانت هي بعد حلوة..
    وكانت لابسة فستان احمر بسيط وحلو بعد والميك آب كانت مب مسوية اوفر بس راسمه عيونها وجلوس خفيف...

    وبختصار كانن الثنتين حلوات..

    في هاليوم كان احمد بيسافر..فكانت ريم تبا تشوفه قبل لاتسير دبي لانها تخاف ترد متأخر وما تشوفه فسارت هي ومريم بيت اهله واهم عند الباب سلمت عليه وروحو عشان يسيرون دبي..

    كانو سايرين ويا ناصر اخوهم وماشلو وياهم غير ريماني الكتكوته..

    وصلو الفندق الساعه 8ونص وسارو القاعة اللي فيها العرس..

    وكانت اليازية موصية اختها ترمس ريم عشان تتلاقى وياها وتهتم فيها..

    وتلاقت ريم ويا ميثة اخت اليازية ويلسو يسولفون ويا بعض ويت ام اليازية ويلست وياهم..

    وكانت ام اليازية اطالع مريم بنظرات مب طبيعية وحتى ميثة فالبداية انصدمت يوم شافت مريم ويوم مريم سألتها قالتلها ماشي ماشي ماشاء الله عليج..
    ومريم طنشت الموضوع..وشغلتهم السوالف..
    الموضوع عند مريم انتهى..لكن عند ام اليازية لا...

    ياترا شو سبب هالنظرات..او شو السالفة؟؟
    و شو الاحداث اللي صادفتهم فالعرس؟؟
    وشو المفاجأة اللي كانت تترقبهم؟؟

    الاجابة فالبارت العاشر...

    البارت العاشر:

    وبعد طول انتظار وصلت العروس...

    وسارت ريم سلمت عليها واليازية طارت من الفرحة لانها شافتها لكن ريم كانت مستغربة من الشبه اللي بين اليازية ومريم اختها وحتى مريم يوم شافت اليازيه استغربت لكن قالو يخلق من الشبه 40...

    وكل اللي يشوف ريم ينبهر فجمالها...

    ومن هالناس كانت خالة اليازية..

    مريم كانت يالسة عند اليازية..وريم لانها ماتحب الزحمه يلست عالطاولة بروحها..
    وشافتها خالة اليازية ويلست عندها..
    خالة اليازية:السلام عليج
    ريم:عليج السلام والرحمه
    خالة اليازية:عادي ايلس عندج؟
    ريم:اكيد عادي
    خالة اليازية:ماشاء الله عليج..عيني عليج باردة اتينين
    ريم:مشكورة
    خالة اليازية:يوم تردين البيت بنيتي اقري على عمرج
    ريم:ان شاء الله
    خالة اليازية:انتي من طرف العروس ولا العريس؟؟
    ريم:انا ربيعة العروس
    خالة اليازية:اهاا..انا خالتها
    ريم:والله..ياهلااا
    خالة اليازية:هلا بج زود
    ريم:فرصة سعيدة
    خالة اليازية:وانا اسعد والله
    ريم:تسلمين
    خالة اليازية:انتي من هني؟؟
    ريم:لا من العين
    خالة اليازية:اهاا..من قوم منو انتي؟
    ريم:انا من قوم...........
    خالة اليازية:والله..انا اعرف وايد من عندكم..بنت منو انتي؟
    ريم:بنت فلان الفلاني.........
    خالة اليازية: (الصدمة على ويهها)..........
    ريم:اممم تعرفين حد من عندنا؟؟
    خالة اليازية:عندج اخت اسمها مر..... (ويلست اطالع مريم وهي يايه صوبهم)
    مريم:مرحبااااا
    خالة اليازية:انتي مريم صح؟؟
    مريم استغربت..
    ريم:هيه هاذي اختي مريم
    مريم:تعرفيني؟؟
    خالة اليازية:هاا..لالا ماعرفج بس توها اختج تقول
    (ريم استغربت منها..شو سالفتها هاذي..وشو دراها بان اسمها مريم..ويلست تفكر بس ماحبت تظهر هالشي حق مريم)
    خالة اليازية:عن اذنكم
    ريم و مريم:......................

    مريم:شو بلاها هاذي؟
    ريم:مادري

    واتصل فيهم ناصر...

    مريم:هلا ناصر
    ناصر:هلا ماخلصتو؟
    مريم:اممم (وهي اطالع ريم)
    ريم:خلنا نروح
    ناصر:هاا شوو ورانا درب
    مريم:اوكي ربع ساعة وبنكون تحت
    ناصر:زين لاتتأخرون
    مريم:اوكيه باي
    ناصر:باي
    ..............
    ريم:ها شو؟؟
    مريم:قتله بعد ربع ساعة بننزل تحت
    ريم:اوكي
    مريم:ريم شفيج؟
    ريم:مادري احس بضيجة .. في شي بيستوي
    مريم:لا ان شاء الله مافي شي
    ريم:ان شاء الله
    مريم:ماتبين تسلمين على اليازية؟
    ريم:هيه يلاا
    مريم:زين عطيتيها الهديه؟
    ريم:لا احينه بعطيها
    مريم:اوكي يلا

    ...............

    ريم:الف مبروووك يزوي..وها شي بسيط مني وان شاء الله يعيبج
    اليازية:الله يبارك فيج يارب..ليش مكلفة عمرج
    ريم:افا عليج..بس ان شاء الله يعيبج عاد
    اليازية:دامه من عندج اكيد بيعيبني
    ريم:تسلمين
    اليازية:الله يسلمج يارب
    مريم:مبروك يزوي..وفرصة سعيدة..والله يوفقج يارب
    اليازية:الله يبارك فيج..والله انا اسعد بمعرفتج انتي وريمو
    ريم:زين يزوي لاتقطعيني وطمنيني عنج
    اليازية:ليش وين سايرة انتي؟؟
    ريم:بنروح
    اليازية:افا تو الناس
    مريم:ورانا درب..وريمو تبا تسلم على ناس
    اليازية:هيييييه صح ههههه
    ريم:مريوم يلا جدامي
    مريم:ههههههههه بلاج
    ريم:وانتي حسابج بعدين
    اليازية:افا انا شو سويت
    ريم:ماسويتي شي كيفي
    مريم:يلا بنتأخر على ناصر وبياكلنا
    ريم:هيه يلا..مع السلامه يزوي وطمنيني عنج دوم
    اليازية:ان شاء الله
    مريم:يلا مبروك مرة ثانية وان شاء الله نشوفج على خير
    اليازية:ان شاء الله..عاد لاتنسون تزوروني فبيتي
    مريم:هيه اكيد
    اليازيه:يلا الله يحفظكم
    مريم وريم:مع السلامه
    اليازية:ريم
    ريم:هلا
    اليازية:يوم توصلون العين طرشيلي مسج
    ريم:اوكيه
    اليازية:مع السلامه
    ريم:فمان الله

    وهم طالعين..
    مريم:تعالي نسلم على اختها وامها
    ريم:يلا بسرعه
    ميثة:وين وين سايرين
    ريم:بنروح وين بعد
    ميثة:ويييين تو الناس
    مريم:شو تبينا نرقد هني
    ميثة:هيه حياكم
    ريم:لاتسلمين فديتج
    ميثة:امي شوفيهن بيروحن
    ام اليازية:وين سايرين
    مريم:والله ياخاله ورانا درب وعيالي بروحهم مخلتنهم ريلي بيفضحني عقب مخليه عيالي وسايرة دبي
    ام اليازية:انتي عندج عيال؟؟
    مريم:هيه 3..وهاذي بعد بنتي ريماني
    ام اليازية:ماشاء الله عليها الله يخليلج اياهم
    ميثة:معقولة انتي عندج عيال؟
    مريم:وليش لا
    ميثة:كم عمرج؟
    مريم:22
    (ام اليازية قالت فبالها من عمر بنتي مريم)
    ميثة:العمر كله يارب
    ريم:يلاا بنروح ناصر بيي احينه
    ام اليازية:الله يحفظكن بناتي..وعاد لاتقطعنا زورنا فبيتنا
    مريم:ان شاء الله جريب بنزوركم
    ريم:فمان الله
    ميثة:مع السلامة
    وبعد ماطلعن بدقيقة...

    خالة اليازية:ميثو وين مريم وريم؟
    ميثة:روحن
    خالة اليازية:متى؟؟؟؟
    ميثة:توهن
    خالة اليازية:زين وين امج؟؟
    ميثة:هاذي امي
    ام اليازية:خير عسا ماشر
    خالة اليازية:ميثة سيري شوفي اختج
    ميثة:يعني طردة..زين ماعليه
    خالة اليازية:ميثوو يلا سيري
    ميثة:ان شاء الله سايرة
    ام اليازية:شفيج؟
    خالة اليازية:لحقي على بنتج
    ام اليازية:منو بنتي؟؟
    خالة اليازية:مريم
    ام اليازية:هااا.. شدراج انها بنتي؟؟
    خالة اليازية:هي خبرتني انها بنت فلان الفلاني....
    ام اليازية:............................

    وبدون ماتقول شي ام اليازية والصدمة على ويهها..معقولة بعد 18سنة اشوف بنتي..
    وسارت لبست عباتها ونزلت تحت تحاول تلحقهم لكن للاسف مالقتلهم أثر..
    وردت العرس والدموع فعيونها والهموم فوق راسها..

    اما بالنسبة لاحمد..
    كان بيطلع دبي الساعه12عشان يسير المطار...
    واهو ساير فالدرب سمعو صوت ضربة قوية..ويوم طالعو لقو حادث..احمد يوم شافه حس بضيجة..وفجأة قال حق اخوه وقــــــــــف
    اخوه:بلاك؟؟
    احمد:وقف
    وقف اخوه وبسرعه احمد بطل الباب ونزل وقطع الشارع وشاف الحادث عن قرب كانت سيارة رنج..من ورا ماكان لها اي شي يدل عنها كانت محطمة تماما..فسار طالعها من جدام ولقا رقم العين وتحديدا رقم سيارة ناصر...


    ياترا شو نتايج هالحادث؟؟
    هل بتموت ريم..او ناصر..اومريم؟؟
    ولا الله بيحفظهم ويطلعون بسلامة؟؟
    وام اليازية هل بتوصل حق بنتها ولا القدر بيمنعها؟؟

    الاجابة فالبارت الحادي عشر...






    البارت الحادي عشر:

    حاول يتمالك نفسه على قد مايقدر..وسمع صوت حد صغير يصيح..
    فقال ابا اساعد هالصغير وحبيبتي..
    قرب راسه من الجامة..وشاف وحده يالسه ورا ووحده جدام ويا ناصر وبنت صغيرة..
    فهو توقع انه هالصغيرة ريم ومريم اللي يالسه جدام وريم اللي ورا...
    فيا بيفتح الباب من صوب مريم اللي هي اصلا ريم مب مريم بس قال عيب اطالع الحرمه وسار من صوب ناصر والباب من قوة الضربة ماطاع يفتح..وبعد محاولات قدر يفتح الباب ويطلع ريماني..
    كان ويهها ازرق لكن مافيها شي الحمدلله بس شكلها من الضيجة استوالها ضيق تنفس..
    ويوم طالع لقا انه ريم اهي اللي جدام ويوم يا بيحاول يطلعها وصلت الشرطة ومنعوه..
    وقالوله نحن بنطلعها..لانه يمكن فيها كسر ولاشي وانت اطلعها بصورة غلط وتتأثر اكثر..
    وطلعو اول شي ناصر..ومن عقبه ريم..واخر شي واجهتهم صعوبة انهم يطلعون مريم لانها كانت ورا واكثر وحده اتأثرت..
    ونقلوهم المستشفى كلهم واحمد اتصل فاهلهم وخبرهم..
    اما عن حالاتهم من عقب الحادث...
    ريماني:ضيق تنفس من الخنقه وحطولها اكسجين والحمدلله ماانضرت وايد..
    ناصر:كسر فريله..ودخل قزاز فايده فاطرو يسوله عملية يطلعونه والحمدلله هو بعد ماتأثر وايد..لكن من الصدمة وقوة الضربة كان غايب عن الوعي..
    ريم:يت الضربة اقوى شي فظهرها وريلها من فوق وماكانت تقدر تمشي وبعد كانت نفس حالة ناصر غايبة عن الوعي..
    مريم:اما مريم كانت حالتها حالة وتأثرت وايد والكسور كانت منتشرة فجسمها لاتنعد ولاتحصى وكانت فغيبوبة وبين الحيا والموت وحطوها فالعناية المركزة..

    واحمد اجل سفره لين يطمن على ريم..

    وثاني يوم...

    طلعو ريماني..
    اما ناصر فوعا وطلعوه اهو بعد..
    وريم وعت وسوولها عملية فظهرها وريلها..
    ومريم بقت على حالها..

    اليازية افتقدت ريم ليش ماطرشتلها مسج..
    واتصلت فيها وردت عليها امها وخبرتها بالسالفة..

    اليازية خبرت امها واختها..
    وامها اصرت انهم يسيرون العين اليوم قبل باجر..

    وسارو عندهم المستشفى وسلمو على ريم وامها..

    وام اليازية خلت بناتها يروحن وهي تمت فالعين وقالت مابرد الا لين توعى مريم واطمن عليها..

    وبعد يومين...
    رخصو ريم لكن ماكانت تمشي وكانو يمشونها بالكرسي..
    روحت ريم البيت وكانت نفسيتها تعبانة وايد..
    واتصلت ريم فاحمد..

    ريم:الو
    احمد:هلاا والله عاش من سمع هالصوت
    ريم:ليش ماسافرت؟
    احمد:اشوفج في هالحالة وتبيني اسافر؟
    ريم:احمد دراستك اهم عني ها مستقبلك لكن انا ولاشي
    احمد:منو قال دراستي..انتي حياتي يعني اهم
    ريم:زين متى بتسافر؟
    احمد:زين انتي شوي شوي خلني اتخبر عن حالج قبل
    ريم:ماله داعي
    احمد:ليش؟
    ريم:لانه حالي زفت
    احمد:افا..ليش تقولين جي..هاذي ازمة وبتعدي ان شاء الله
    ريم:ازمة؟؟
    احمد:هيه ازمة
    ريم:انا حرام عليه الوناسه..كل مااستانس ايي شي ويدمرني انا شو سويت فحياتي
    احمد:ريم
    ريم:............
    احمد:ريم حياتي
    ريم:شو؟
    احمد:لاتقولين جي..الله مايبتلي الا العبد اللي يحبه..يعني انتي شو تبين وناسه احلى عن جي؟
    ريم:احمد متى بتسافر؟
    احمد:انا اجلت السفر حق باجر الصبح..بس مابسافر
    ريم:لا بتسافر
    احمد:لا والله مابسافر واخليج
    ريم:لو تحبني بتسافر وبتدرس وبتشد حيلك
    احمد:وانتي كيف اخليج؟
    ريم:انا شو فيني..مافيني شي
    احمد:زين بسافر بس ابا منج وعد
    ريم:شو؟
    احمد:ماباج تيأسين ولاتحزنين اباج دوم مستانسه حتى لو كنتي بتموتين من الضيجة
    ريم:ان شاء الله
    احمد:زين شخبارج انتي احينه؟
    ريم:الحمدلله
    احمد:عساا دووم يارب
    ريم:وياك
    احمد:انزين طلبتج
    ريم:امر
    احمد:ابا اشوفج قبل ما سافر
    ريم:لااااا
    احمد:ريم شفيج؟؟
    ريم:مابا اشوفك
    احمد:.................
    ريم:...................
    احمد:مادري شو اقولج مب غصب..براحتج
    ريم:..................
    احمد:تامريني بشي؟؟
    ريم:..................
    احمد:اشوفج على خير فمان الله
    ريم:احمد
    احمد:نعم؟
    ريم:لا تزعل مني والله غصبن عني
    احمد:انا مب زعلان منج..انتي كيفج عاد تبين تشوفيني ولا
    ريم:لاوالله انك زعلان
    احمد:ريم انا مازعلت لانج ماتبين تشوفيني
    ريم:عيل؟
    احمد:انتي ماشفتي عمرج كيف تقولين لا..جني حيوان ولا مادري شو..خلاص ريم بسير انا
    ريم:لااااااا والله مب جي
    احمد:زين مب جي..مب جي المهم تامريني بشي؟
    ريم:ممكن اطلب منك طلب
    احمد:امري
    ريم:بس توعدني انك تنفذه مهما كان؟
    احمد:...اوعدج
    ريم:احمد انا ما اصلحلك دور على وحده غيري وان شاء الله
    احمد:شو؟
    ريم:اللي سمعته
    احمد:زين ليش؟؟ عقب شو تقولين مااصلحلك؟؟
    ريم:احمد انا استويت عاااجزة .. تعرف شو يعني؟
    احمد:بس انا اباج..اباج بكل حالاتج
    ريم:احمد انت وعدتني
    احمد:.....................
    ريم:الله يحفظك ويوفقك يارب..فمان الله
    احمد:فمان الله ياغلا انسانه فقلبي...

    وبعدها سار احمد وجهز اغراضه وسار دبي ويلس عند البحر لين ثاني يوم وسافر...

    وثاني يوم مريم وعت وكانت عندها ريم...

    مريم:ر...يـ......م
    ريم:لبيه
    مريم:اا..بـ..ا مـا..ي
    ريم:ان شاء الله .. تفضلي
    مريم:وين انا؟
    ريم:الحمدلله على سلامتج
    مريم:شو مستوي وليش انتي عالكرسي؟
    ريم:حادث بسيط ومر على خير
    مريم:عيالي..وين عيالي؟؟
    ريم:ع منقووووووول








  2. #2
    مشرفة اللغة الانكليزية
    الصورة الرمزية شمشم برستيج
    الحالة : شمشم برستيج غير متواجد حالياً
    رقم العضوية : 37309
    تاريخ التسجيل : 24-04-09
    الدولة : ريـأإأإـض القلب ()"
    الوظيفة : السكوول .. ] *~
    الجنـس : انثـى
    المشاركات : 5,297
    التقييم : 893
    Array
    MY SMS:

    ~^^~

    افتراضي رد: وليس للحزن نهاية


    واااااي القصة وايد طويله,, تثلمين الشيخة على الطرح الغااويهــ





    بنووتة لندن

    A7bbch my TWINE , w Amoot Feach ya Glbiiii , Alla la y7rmi mnch ya 3ssssssssssl <3

    3nood + Emmy + 3thorty + 3laya + AMool + mnoor + nwary + salmeno + Sarona

    A7bbbkm ya KLBAT , Alla la yfrgna <3





  3. #3
    عضو الماسي
    الحالة : أميرة راك غير متواجد حالياً
    رقم العضوية : 18841
    تاريخ التسجيل : 28-06-08
    الدولة : الإمارات
    الوظيفة : طالبة
    الجنـس : انثـى
    المشاركات : 3,833
    التقييم : 727
    Array
    MY SMS:

    وآثق الخطى يمشي ملكاًَ

    افتراضي رد: وليس للحزن نهاية


    تسلمين ع المرور الأغواا






  4. #4
    عضو الماسي
    الصورة الرمزية عاشقة كوريا
    الحالة : عاشقة كوريا غير متواجد حالياً
    رقم العضوية : 39161
    تاريخ التسجيل : 28-05-09
    الدولة : الاماراتــ
    الوظيفة : طالبهــ
    الجنـس : انثـى
    المشاركات : 2,509
    التقييم : 631
    Array
    MY SMS:

    ..,,.. وثـــقــ فيــ خطــوــاتكــ تــمــشيــ ملــ،،ــلكــ ..,,..

    افتراضي رد: وليس للحزن نهاية


    جاري القراه بس بغيت اسألج القصه كامله ولا











    تسلميين غنآتي شمشمووه ع الأهدآآءاتــ النآآيس .. ربي يحفظج ^^





  5. #5
    عضو جديد
    الصورة الرمزية ن-الدلع
    الحالة : ن-الدلع غير متواجد حالياً
    رقم العضوية : 40730
    تاريخ التسجيل : 05-09-09
    الجنـس : انثـى
    المشاركات : 22
    التقييم : 10
    Array

    افتراضي رد: وليس للحزن نهاية


    واي القصة طر موووووووت
    نترياج على احر من اليمر خخخخخخخخخخخخخخخخ





    سبحان الله وبحمده . عدد خلقة , ورضا نفسة , وزنة عرشه , ومداد كلماته , سبحان الله وبحمده , ملئ السماوات وملئ الارض وملئ مابينهما وملئ مايرضي نفسه

  6. #6
    عضو مجتهد
    الصورة الرمزية غ ـالية ابوها
    الحالة : غ ـالية ابوها غير متواجد حالياً
    رقم العضوية : 40240
    تاريخ التسجيل : 08-08-09
    الجنـس : انثـى
    المشاركات : 125
    التقييم : 16
    Array

    افتراضي رد: وليس للحزن نهاية


    القصه طرررررررررررررررررررررر
    ونتريااااااااااج لا تبطيييين





    لا توقيع حاليـــآآآآ \\\ . . ~

  7. #7
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: وليس للحزن نهاية


    واااااي القصة وايد طويله,, تثلمين الشيخة على الطرح الغااويهــ










معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ياللي تقول ابتسم ما للحزن داعي
    بواسطة الرمش الذبوحي في المنتدى معرض المواهب و الابداع Fair talent and creativity
    مشاركات: 4
    آخر مشاركة: 12-09-15, 02:59 PM
  2. خلاني الضيق دايم للحزن عبره
    بواسطة الطيبة في المنتدى معرض المواهب و الابداع Fair talent and creativity
    مشاركات: 8
    آخر مشاركة: 11-10-25, 06:35 PM
  3. صور بيـٍـٍض * نآيس !
    بواسطة ڪعِپېـہ ڪېۈٺ في المنتدى منتدى الوسائط Media Forum
    مشاركات: 19
    آخر مشاركة: 11-01-09, 05:53 PM
  4. ياعآزف آلنآي قصر آلنبره,صحيت [جفـنْ]آلحزن من مـَده آلأنفاس
    بواسطة عـِـِـرۈۈق قلبـ♥ـِـِـِہَ في المنتدى منتدى حواء طبخ زينة ديكور جمال الطفل
    مشاركات: 6
    آخر مشاركة: 10-05-20, 12:31 AM
  5. هل للحزن نهايهـ؟؟؟؟...
    بواسطة عـِـِـرۈۈق قلبـ♥ـِـِـِہَ في المنتدى المنتدى العام General Forum
    مشاركات: 5
    آخر مشاركة: 10-04-10, 05:50 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •