تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 3 من 3
  1. #1
    عضو الماسي
    الحالة : أميرة راك غير متواجد حالياً
    رقم العضوية : 18841
    تاريخ التسجيل : 28-06-08
    الدولة : الإمارات
    الوظيفة : طالبة
    الجنـس : انثـى
    المشاركات : 3,833
    التقييم : 727
    Array
    MY SMS:

    وآثق الخطى يمشي ملكاًَ

    افتراضي حب و فرح و دموع و حزن


    حب وفرح ودموع وحزن عفكره هذي القصه من واقع الحياه الي نحن نعيشها وهي من تأليفي ويارب




    تعيبكم لكن كان ودي تكون الطول واشوقكم فيها اكثر لكن لأسف ماعندي

    وقت كافي اكتب لكم قصه طويله بسم الله الرحمن نبدأ

    كان في إماراه من امارات الدوله بدووون تحديد شاب وفتاه في عمر الزهو ر

    اراد لهم القدر ان يعيشوا قصة حب رمنسيه يلا نتعرف على احداثها اكثر واكثر

    صدفه جمعتهم في مكان عام وهو الحديقه الوجاوره من منزلهم كانت الفتاه

    ذاهبه من اجل الترفيه عن نفسها ومعها الصديقتها ورفيقت دربها وهي ريم

    صج نسيت اقول اسم البنت كان اسمها جنان كانو يلعبون بالمراجيح الموجوده

    في الحديقه ويراقبون الشباب وهم يلعبون كرة القدم وهم يلعبون وااااحد من الشباب

    بالغلط شات الكره بعيد ووصلت يم جنان وريم لكن جنان مسكتها على طول لأنها تلعب


    كرة القدم في المدرسه وهي دووم الحارص فشاتت لهم الكره بشوته قويه لدرجه ان

    الشاب ماقدر يصدها وستغرب من قوة الشوته وعرف انها تلعب كرة قدم وانها محترفه بالعبه

    ( لا تستغربون نحن في الإمارات في المدارس والنوادي نلعب كل النواع الرياضات ) ويلس

    الشاب يفكر فيها من ذيج اللحضه بس ياترا من الشاب تدرون من طلع اخو ريم ربيعت جنان

    وكانت كل ماتجي الحديقه ييلس يناضرها بنضرات غريبه وهي كانت تحبه من قبل هذي السالفه

    شفته مره وهو يوصل ريم المدرسه وحبته لكن ما حولت تتقرب من لأن وصلتها معلومه ان صعب

    ان الواحد يتقرب منه لكن اهو من يوم شافها في الحديقه دخلت قلبه وحبها لكن المسكين

    ما كان يدري ان جنان تكلم واااحد ومتعلقه فيه موب تحبه بس مجرد تعود وتسليه بس فكر

    ان يخبر اخته ان تفاتحها ان هو يبي يكلمها ويحبها ووده القرب منها وفي المدرسه الثانويه

    للبنات جات ريم و هي موب عارفه كيف تفتح الموضوع وتعرف ان جنان متعلقه بشاب ثاني

    قالت في نفسها ما على الرسول إلى البلاغ وخبرتها بسالفه وخذت رقم اخو جنان إلي كان

    اسمه نواف انصدمت جنان بس في نفس الوقت ترددت تاخذ الرقم ولا لاء خذت الرقم وتوكلت

    ع الله في البيت بعد المدرسه دقت جنان لشاب المتعلقا فيه وخبرته بالموضوع فرد عليها رد

    قال هذي حياتج وانتي ادرا من يقدر يسعدج فيها تيبست حست ان هي روحها ومحد يمها


    يواااسيها بعدها بندت ودمووع تسيل ع خدها الأبيض ع فكره جنان كانت حلوه مووت وشكلها

    طفولي حيل وبعدها غسلت ويها و ودقت تلفون لي نواف وكلمته

    تسلمون على المرور الغاليات بس حبيت الوضح شيء ان راح الطول لين ما اكمل كل جزاء

    فسمحولي بس ضروف المدارس وماااااشيء وقت خاصه السبوع الياي كله متحانات

    ودقت تلفون لي نواف وكلمته نواف : الو السلام عليكم

    جنان : وعليكم السلام

    نواف : (انصدم من الصوت الحنون إلي كان يكلمه ) من وياي

    جنان : (وهي مصدومه من النغمه إلي سمعتها هي الغنيه المفضله لها قلي الصراحه لي هزاع

    المنهالي ) ......................

    نواف : من

    جنان : أنا جنان ماعرفتني

    نواف : (يكلم روحه جنان موب مصدق ) هلا جنان سوري ماعرفتج

    جنان : لاء عادي موب مشكله

    نواف : جنان

    جنان: امر

    نواف : انا واحد مابي اتسلا وانا ماعندي سوااالف بنات انا حياتي كلها هي سيارات وريس وكرة

    وبحر

    جنان : اهاا

    نواف : انتي مستغربه من كلامي صح

    جنان : إي

    نواف : انا ابي اقولج كل شيء عسب بعدين ماتقولي ما قالي ولا شيء الحين انتي يالسه

    تسألين عمرج هو ما يحب البنات ليش يبا يكلمني صح

    جنان : إي صح

    نواف: انتي غير عن البنات وثاني شيء انا من شفتج سكنتي قلبي وتربعتي فيه ولو شو يصير انا

    احبج وانتي

    جنان : مارح اكذب عليك وقول احبك لكن استلطفك بس مع الأيام يمكن يصير حب ليش لاء

    نواف : اوكي مابي اجبرج تقولين احبك يوم بتحسين فيها قوليها اوكي

    جنان : نواف

    نواف : يا عيون نواف امري

    جنان : انت تكلمت عن نفسك بس انا ما قلت شيء

    طبعا كلكم مستغربين ليش نواف ما سأل جان اي شيء عن روحه تدرون ليش لأنه كان يعرف

    عنها كل كبيره وصغير حتى اشياء ما راح تقولها جنان عن نفسها

    نواف : تفضلي غناتي قولي كل شيء تحبين تقولينه

    جنان : انا بنت دلوعه وااااااااااايد وحياتي كلها نت ولعب وتلفونات وعفكره انا حياتي

    شوي صعبه وحس داااايم بالوحده معن عندي اخوااان ويعني شقيانه في دنياي ولي منسني

    النت والفون
    نواف : إن شاء الله يقدرني و عيشج احلا عيشه

    جنان : مشكور

    نواف : مشكور ع شنو ان ابي اريح حبيبتي وام عيالي

    جنان : ......................

    نواف : بلاج سكتي كل هذا تستحين فديت إلي يستحون والله

    جنان : نوااف اخليك الحين

    نواف : توه الناس حبيبتي

    جنان : لاء شوي مشغوله بروح الذاكر عندي متحان باجر تامر بشيء

    نواف : سلامتج بحيبتي كان طاير من الفرحه

    جنان : الله يسلمك باي

    نواف : باااااي حبي
    سوري لأن تأخرت برد بس الدراسه وبعد شبكة النت كانت عطلانه في المنطقه إلي كنت فيها

    تسلمو ع المرور


    في بيت جنان كان الساعه 8 بالليل طبعا بعد ما خلصت جنان مذاكرتها يلست تفكر وتفكر بدنياها

    واي طريج هو الأحسن لها وكان يدور بالها فكره وحده وإلي هي من لأحسن ومن يحبها اكثر وبصدق

    ومن إلي يبي يكمل حياته معاها الشاب إلي يكلمها بتلفون وتعرفه من فتره طويله ولانواف إلي هي

    معجبه فيه وهو يحبها فشافت ان نواف هو الأحسن وقررت انها تحسم الموضوع فدقت ع الشاب

    جنان : هلا

    الشاب : اهلين وسهلين بلي خذو قلبي عندهم

    جنان : حست ان قلبها يتقطع وانه بتظلمه بقراره بس قالت ماراح ترجع عن قرارها

    الشاب : جنونتي حبيبتي شو فيج ساكته

    جنان : لو سمحت ابي اقول لك عن إلي قررته

    الشاب : شو قررتي

    جنان : والعبره تخنقها بعد عشرة سنين تتركه انت في طريج وانا في طريج انا عزيتك بس انت ماراح تقدر

    تكمل حياتك معاي وانا اتمنى لك العيشه الهانيه

    الشاب : وبكل برود الله يوفقج ويهنيج انتي بنت طيبه وااااايد وتستاهلين الخير وكفايه انج تعذبتي وااايد لازم

    أي الوقت وترتاحين

    جنان : ودموعها في عيونها تكفه سامحني بس هذا القدر وانا لازم اشوف مصلحتي وين

    الشاب : مسامحنج من كل قلبي بس حبيبتي بطلب منج طلب دموعج غاليه ما بيها تنزل وعدين انج راح

    تكون قويه لو شو يصير وإذا في يوم احتجتين انا بكون دووم يمج وحذالج كم جنون عندنا وحده غلاه في قلبي

    ماااله حدود إلى آخر يوم ببقا احبهااا وديري بالج ع روحج

    جنان : اوعد ان اكون قويه وسوي إلي تبي والحين في داع الله وهي موب قادره تقولها

    شاب : في داع الكريم حياتي

    جنان : حست ان محد بقالها محتايه صدر حنون عليها محتايه حضن يلمها وينسيها الشاب

    فكرت لمن تشكي لمن تقول فجه والموبايل يرن

    جنان : الو وبصوت حزين
    نواف : هلا من وياي

    جنان : انا جنان

    نواف : جنان شو بلاه صوتج

    جنان : والعبره تخنقها ما بلاه شي ونهارة من الصياح

    نواف : اخترع نواف على حبيبته شو بلاها تصيح

    نواف : جنون بس هي وخبريني شو فيج

    جنان : هدت شوي قالت نواف انا تعبانه احس ان روحي بتطلع موب قادره اتحمل الهم الكبير إلي على قلبي

    نواف : بعيد الشر عنج حياتي لاتقولي جي و إذا تعبانه وفي قلبج هم تعاي وشكيلي همج وانا صدري وقلبي

    وعقلي دووم لج ويسمعونج في أي وقت

    جنان : ارتاحت من كلام نواف وخبرته بسالفه بس على انها ربيعتها وجي

    نواف : رد عليها برد ريحاها قال لها يمكن الله كاتب جي وهذا الشيء اكيد فيه خيره لج

    وبعد مرور شهر من إلي صار جنان حبت نواف بس ماحبة تعترف له بحبها إلى بعد ما تأكدت من احساسها

    ناحيته ويوم من ايام والطلاب يستعدون إلى امتحانات آخر العام اعترفت له بهذا شيء بس تعرفون كيف قالتها

    كان جنان داقه تلفون حج نواف

    جنان : هلا حبيبي

    نواف : وهو مصدوم شو قلتي

    جنان : هلا حبيبي

    نواف : هلا حبيبي يا الله من متى وانا اتريا هذي الكلمه تطلع من شفايفج والله ان الكلمه في لسانج لها معنا ثاني

    جنان انتي حبيتيني

    جنان : إي حبيبي احبك

    نواف : كان يحس الدنيه موب شايلتنه ويلس يحمد ربه انه عاش وسمع هذي الكلمه من حبيبته

    وبعدها جنان قالت وعترفت لنواف عن ماضيها وهو قال لها كلنا غلطنا وحياتنا بتكون غير وعدها ان يعوضها

    عن كل لحضت حزن عاشتها وبعد مرور الأيام وكل ماله الحب الصادق يزيد ويكبر بين الحبايب يا خبر و

    خله الحزن يدق بابهم نواف ياته مكالمه تلفونيه من رقم كان مجهول بنسبه لنواف بس رد

    نواف : الو مرحبا

    سيف: مرحبتين الشيخ الأخ نواف وياي

    نواف : إي انا نواف من معي

    سيف : انا سيف من شركة البترول إلي انت مقدم فيها على شغل ونحن قبلناك في الشركه

    نواف : مشكور اخوي انا باجر عندكم من الصبح إن شاء الله

    سيف : مع سلامه

    نواف : مع السلامه

    نواف دق يبش جنان : الو هلا حبيبتي

    جنان : هلا حياتي

    نواف : باركيلي صج ويهج ويه السعد علي

    جنان : مبروك بس عشنو

    نواف : اقبلوني في شركة البترول

    جنان : والله الف مبروك حبيبي

    نواف : الله يبارج في حياتج يا ويه السعد والهنا كله

    جنان : بشرت اهلك

    نواف: لا انتي اول من يعرف

    جنان : سير خبرهم وفرح قلوبهم وانا بسير ارقد لأن بصراحه هلكانه من الدراسه

    نواف : اوكي حياتو تصبحين ع خير

    جنان : وانت من اهل الخير

    وبند نواف عن جنان راح يبشر اهله وقال لهم ان جنان هي ويه السعد عليه واليوم الثاني راح نواف من الصبح

    الشركه وستلم الشغل وبعد مرور 3 اشهر يت نواف دوره لمدة شهرين في خارج الدوله
    طبعا تعرفون فراق الحبايب صعب وان في ناس يتريون ان شوي يبتعدون عسب

    يبدوون بتخريب وهدم حياتهم على فكره في شيء نسيت اخبركم عنه ان نوااف


    واااااااااااااااااايد بنات حاول يكلمونه بس هو مارض وطبعا هم يتريون الفرصه عس

    ينتقمون من جان لأنها خذته منهم طبعا جنان اول ماعرفت بالخبر يلست تصيح


    وحست ان قلبها مقبوض وترجته انه ما يقبل الدوره لكن للأسف هو قال له ان

    هذي الدوره بتحكم مستقبله فما حاولة انها تدخل اكثر وقالت له الله يحفظك

    نواف طلب منه ان يقابلها لأن يبا يشوفها قبل لا يسافر فطلعت من البيت على

    انها رايحه بيت وحده من ربعها ومر عليها بسيارته يم الحديقه وركبت وياه السياره

    طبعا كانت متغشيه عسب محد يشوفها واول ما تحركت السياره عقت الغشايه

    وكان يكلمها ويناضرها بنضرات وله وشتياق وحب بدون اي احساس سحب شلتها

    وظهر شعرها كان موب طويل وايد طوله معقول يلس يطالعها وبعد فتره وصلو

    إلى الكرنيش فمسك يدها وبدون شعور هي سحبت يدها فستغرب من الحركه

    إلي سوتها فقال لها حبيبتي شوفيج قالت له مافي شيء ورد مره ثانيه ومسك

    يدها وشوي حضنها وبعدها يلس يبوسها ع خدودها وشفايفها جنان كانت مجمده

    مكانها من إلي صار وقالت له حبيبي حرك ابي ارجع البيت قال له زعلت عس

    بستج وحضنتج بس انتي حبيبتي وع قريب بتكوني حرمي قالت انا موب زعلانه

    بس ما ابي هذا الشيء يتكرر مره ثانيه قال لها اوكي وبعدين يلسو يفترون بسياره

    وبعدها يلسو يسولفو وبعدين يابو سيرة السفر جنان ماتحملت ويلست تصيح صياح

    من زود ما صاحت اغم عليها لكن نواف موب عارف شو يسوي اخذها السيت

    الور ورقداها عليه وسار يدور عطر ورشه على ويها فصحصحت من زود ما كان

    مخترع عليها لمها ويلس يطبطب عليها ويسمي عليها ويقول جنان حبيبتي

    هذل كثر تحبيني قالت له إي احبك موت ومستعده افديك بروحي وتم حاضننها

    ورقداها على حضنه وهو يكلمها وقبل لا يرجعو البيت قال لها تاعالي بقولج شيء

    ويوم قربت باسها وتم حاضننها وهو يقول لها احبج وانتي دنيتي ومقدر على فرقاج

    وهذا الكلام الحلو هي في هذي الحضه حضنته وودعته وعقب نزلاها يم الحديقه

    وردة البيت والحزن مالي قلبها عسب انها بتفارق حبيبها واول مادخلت البيت راحت

    على طول الغرفه ويلست تصيح وبال باجر الساعه 9 البليل كان موعد سفر نواف

    راح نواف مطار دبي قبل موعد السياره ب3 ساعات جنان قالت ماتقدر ما تودعه

    راحت المطار بس الطريج للمطار زحمه ووصلت الساعه 8 ونصف واحت تدور على نواف

    وبصدفه شافته في قاعت الأنتظار وهو رايح لها وهو يمشي يسمع صوت حنون هو يالس

    يفكر فيه يناديه نواف حبيبي انتظر واول ما يصد نواف إلى جنان في ويه وركضت له

    وعلى طول طاحت في حضنه ولو على بعض وهو يصيح وجنان تصيح ويلست وياه إين

    ما جاء وقت الطياره نواف بس حبيبته على جبهتها وقال اول ما اوصل بكلمج وبطمنجوكل واحد راح في درب ثانيه لكن قلوبهم كانت في حزن وهموم كانت لحضه صعبه بنسب لهم

    وركب نواف الطياره وطارت به الطياره لكن فكره كانت عند جنان وجنان ردت البيت لكن دموعها

    كانت تسيل من عيونها بدون احساس وتفكيرها كيف بتقدر تصبر وتعيش بدونه كيف ومن إلي

    بيشغل وقتها وكانت الأفكار توديها وتيبها طول الطريج الذكريات تدور في راسهم هم الإثنين

    لكن جنان حست روحه طلع وانها جسد بالروح ومشاعر وكانت ماسكه الموبايل تتريا انه يرن

    وهي تتمنى انه يدق ر التلفون بدون احساس الو حبيبي مسرع مادقيت الصوت إلي رد غريب

    الرجل : الو من جنان

    جنان : إي وانت من

    الرجل : انا فهد

    جنان : فهد

    فهد: شحالج جنان

    جنان :بخير بس اسمحلي ما اقدر ارمسك الحين عقب إن شاء الله

    فهد : اوكي باي

    جنان : وبصوت تعبان باي
    جنان : حست ان الدنيه ماهي قادره تشل احزانها والافكار إلي فراسها وليش فهد رد في هذا الوقت

    في حياتها وكيف بهذي السهول نواف تركها في الناحيه الثانيه نواف : كيف حالج ياجنان والله مدري

    كيف حالج بدوني وهذي الأفكار إلي كانت شاغله الحبيبين وبعد مرور 12 ساعه وصل نواف واول ما

    وصل دق لجنان جنان م شافت رقمه تيننت جن الروح ردت لها بعد ما فارقتها جنان (بلهفه ) : الو هلا

    حبيبي إن شاء الله كانت السفره موب متعبه

    نواف : لا حبيبتي ما كانت متعبه لكن لو كنتي معاي كانت بتكون احلا واجمل

    وبعداه بدون ما تحس يلست جنان في نوبة من الصياح

    نواف : جنونتي حبيبتي ليش تصيح بس غناتي ما تحمل الشوف دموعج غالين علي

    جنان ماكنت تقدر ترد :..............................

    نواف : جنون والله ان ما سكتي ما راح الدق مره ثانيه وبغلق موبايلي

    جنان : لا خلاص حبيبي ماراح ااصيح

    نواف : حبيبتي ماراح اقد اطول عليج بس حبيت اقولج اني وصلت وبلغي هلي لأن ما اقدر اكلمه

    وحبيبتي ما وصيج على روحج ودراستج ولأمانه

    جنان : إنشاء الله بس لا تقطع لأن ما قدر على فراق صوتك وايد

    نواف :حبي تحملي عشان مستقبلنا كلهم جم شهر وبيعدون

    جنان : أوكي احبك واموت فيك

    نواف : وانا بعد احبج واموت فيج فداع الله روحي

    جنان : فداع الله

    بندة جنان وهي تفكر فيه وبعدها قامت ودقت على ريم تطمنهم انه وصل بسلامه ويسلم عليهم

    وبدة عها ويلست وهي تفكر فيه وكيف الحياه بدونه وشلون بتصبر

    وهو كان يفكر فيها وان لازم يخلص بسره عشان يرد لها وبعد مرور اسبوعين كان حبهم يزيد

    وشوقهم يزيد وهي تفكر قطع افكاره رنة التلفون رقم غريب جنان :الو هلا

    فهد : يا هلا والله بهذا الصوت

    جنان ( ما عرفة من بس هذا الصوت ماهو غريب ) : ياهلا فيك بس من معي

    فهد : افا ما عرفتيني انا فهد

    جنان : ها فهد شحالك

    فهد : تمام بس انتي شو بلاج صوتج حيل تعبان وتغير

    جنان : ما بلاي شيء بس شوي ارهاق

    وطال من بينهم الحوارجنان : فهد ليش الحين رديت ترمسني

    فهد : جنان اليوم وانا ساير اوصل اخوي شفتج وانتي تودعين اخوج وحسيتج ان بدونه بتعبين وحالت

    ما عيبتني

    جنان: يلست تفكر في نواف إذا خانته ولا لاء

    فهد : حبيبتي وين رحتي

    جنان : ها موجود
    ومسمر الحوار بين جنان وفهد إلى ان نست سالفت انها تخون نواف ونواف حس بتغيرها عليه

    نواف : هلا بنور عين جنان شحالج

    جنان: بخير حبي

    نواف : وينج هذي الأيام ما دقين ولا تسالين

    جنان : منشغله بدراسه
    نواف ماكان مصدق بس مش وياها : زين زين جنان اهتمي بدراستج جنان

    جنان : امر حبي

    نواف : إلي الحين ما نسيتي العهد

    جنان تمت ساكته وعقب خرت الصياح

    نواف : ليش تصيحين شو إلي صار جنونتي

    جنان : نواف العهد

    نواف : فهم خنتي العهد صح

    جنان : تمت تصيح

    نواف : ليش ليش ويا من

    جنان : فهد فهد فهد

    إن شاء الله عقب بكملها لكم إذا سمحلي الوقت






    .................................................. .................................................. ..........








  2. #2
    عضو جديد
    الحالة : فديتني خبله غير متواجد حالياً
    رقم العضوية : 39933
    تاريخ التسجيل : 19-07-09
    الجنـس : انثـى
    المشاركات : 20
    التقييم : 10
    Array

    افتراضي رد: حب و فرح و دموع و حزن


    يسلمـوـو ع الطرح الغـآآآوي
    بنتظاار كل يديد و إبداااع من صوبجـ..





    [IMG][/IMG]

  3. #3
    عضو الماسي
    الصورة الرمزية أحلى بنوووته
    الحالة : أحلى بنوووته غير متواجد حالياً
    رقم العضوية : 39549
    تاريخ التسجيل : 22-06-09
    الدولة : الأمـــــ=)ــــــارات
    الوظيفة : بعدني اعاانـــي .. طالبــه ><"
    الجنـس : انثـى
    المشاركات : 9,132
    التقييم : 1037
    Array
    MY SMS:

    آڼآ ڷۈ כـطۈآ آڷډڼيآ بڪڣي بڛ ڷچڷ آכـب ڠيړڪ ړميټ آڷڪڣ ۈآڷډڼــــــــيآ .. ۈچيټڪ

    افتراضي رد: حب و فرح و دموع و حزن


    يسلمووو خيتوو عالقصه الطررررررررررررررررررررررررررررررررررررررررررررررر رررر





    .
    .
    .




    .
    .
    .

    تَدْري‘ ؤشْ آللــَي فيْ غيَآبــِك آسَؤيَه .. آتْخَيلِك قَدآمـِي‘ ؤ --> آسَولـِف .. { مدونتـــي }



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. جنة لا دموع فيها..
    بواسطة الرمش الذبوحي في المنتدى كلية الشريعة و الدراسات الاسلامية Sharia and Islamic Studies
    مشاركات: 8
    آخر مشاركة: 11-11-01, 12:46 AM
  2. اسد دلوع !
    بواسطة amir257 في المنتدى منتدى الوسائط Media Forum
    مشاركات: 6
    آخر مشاركة: 11-09-20, 11:22 AM
  3. هل دموع الحب أقوى أم دموع الفراق‎
    بواسطة MISS.PINK في المنتدى معرض المواهب و الابداع Fair talent and creativity
    مشاركات: 1
    آخر مشاركة: 10-11-13, 01:27 PM
  4. هل للقلب دموع
    بواسطة ڪعِپېـہ ڹآېښ في المنتدى المنتدى العام General Forum
    مشاركات: 19
    آخر مشاركة: 10-02-13, 06:01 PM
  5. للقمر دموع ما احلاها من دموع
    بواسطة عاشقة كوريا في المنتدى المنتدى العام General Forum
    مشاركات: 6
    آخر مشاركة: 09-07-15, 09:18 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •