تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 5 من 6 الأولىالأولى 123456 الأخيرةالأخيرة
النتائج 41 إلى 50 من 59
  1. #41
    عضو نشيط
    الصورة الرمزية jroooo7
    الحالة : jroooo7 غير متواجد حالياً
    رقم العضوية : 39572
    تاريخ التسجيل : 24-06-09
    الجنـس : انثـى
    المشاركات : 35
    التقييم : 10
    Array

    افتراضي رد: "يصب الهم في كآسي ويسألني تبي سكر؟!"


    تسلمين الغلا على هالبارت الحلو ..




    ونتريا البارت الياي ..








  2. #42
    عضو نشيط
    الحالة : فطوم الغلا غير متواجد حالياً
    رقم العضوية : 39544
    تاريخ التسجيل : 22-06-09
    الدولة : الامارات
    الوظيفة : طالبة
    الجنـس : انثـى
    المشاركات : 47
    التقييم : 10
    Array
    MY SMS:

    إلي لقى أحبابه نسى أصحابه

    افتراضي رد: "يصب الهم في كآسي ويسألني تبي سكر؟!"


    تسلمين عالبارت الطررر
    نتريا البارت الياي






  3. #43
    عضو الماسي
    الصورة الرمزية ro0o7 uae
    الحالة : ro0o7 uae غير متواجد حالياً
    رقم العضوية : 25004
    تاريخ التسجيل : 03-11-08
    الدولة : دآآآر الـأمآآنـــــًَـ
    الوظيفة : درآآآسهـ Xدرآآآسهـ :(
    الجنـس : انثـى
    المشاركات : 2,513
    التقييم : 411
    Array
    MY SMS:

    اضحك بوجهك وبظهرك انفجر بكى .. اخاف تشوف دمعي وما تفهمه

    افتراضي رد: "يصب الهم في كآسي ويسألني تبي سكر؟!"


    والله انا يالسة باحر اعصابي


    ابغي اعرف التكملة



    يلا اختي حطي البارت الياي



    بلييييييييييييييييييييييييز !!






  4. #44
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"


    والله انا يالسة باحر اعصابي

    يا محلتج وأنتي يالسه على أعصابج ^.^




    اممم عشان خطررج بعد شهر بنزله أن شاء الله





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  5. #45
    عضو فضي
    الحالة : خربشة 1223 غير متواجد حالياً
    رقم العضوية : 23702
    تاريخ التسجيل : 25-10-08
    الجنـس : انثـى
    المشاركات : 346
    التقييم : 133
    Array

    افتراضي رد: "يصب الهم في كآسي ويسألني تبي سكر؟!"


    والله متحرقصـة .. ابا اعرف بلاها شمـة ~..

    لا تطولين علينا فديتج ~..

    ترا نترياج فوق احر من اليمر ~..






  6. #46
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"





    [ الجزء السابع عشر ]










    :- هااا دكتور خبرنااا شوفيها شمه ؟
    الدكتور : والله ماعرف شو اقوولكم
    حمده: شوووفييها ؟
    الدكتور : ....
    ام سعيد : خبرنا يا دكتوور
    الدكتور: ياها انهيار عصبي قوي .. ورافضه انها تتكلم ,, واحتمال انها تحتاج علاج نفسي ,,
    حمده والدموع في عيونها : انزيين يعني عقب بترد شرات قبل وإلأا كيف
    الدكتور: هذا الشي يعتمد عليها ونحن بنسوي اللي علينا والباقي على الله
    ام سعيد : الله يشفيج يا بنتي وتردين لنا شرات قبل >> وهي تصيح
    حمده: دكتور يعني بتبات عندكم؟
    الدكتور: شي اكيد لازم اتم عندنا ..
    حمده: اوكي .. امايا انا برمس حمد وابويه عشان ايوون
    ام سعيد: زين يا بنتي رمسيهم ..


    ×
    ×
    ×


    :- هلا حمده
    حمده: اهلين حمد >> وصوتها يدل انها كانت تصيح
    حمد: شوووفيج شمه شي فيها ؟
    حمده: هو تم شي ما يااهااا نحن في المستشفى تعااال وييب ابويه وياك
    حمد: ليش شووو صاير شوووفيهاا ؟
    حمده: يوم بتي بفهمك السالفه
    حمد: خلاص اوكي الحين بني
    حمده: اوكي يالله مع السلامه
    حمد: مع السلامه ..


    ×
    ×
    ×


    :- وين بهاااا !!
    حمد وهو يتنهد : وين يعني ساااير نشوف اختك
    سعيد: اي اخت وشووفيهاا ؟
    حمد وهو يلف صووبه: اختك اللي بسبتك انته يا المجرم رقدوها الحين في المستشفى وما يندرى شووو حالهاااا
    سعيد: ههههه ضحكتني والله يوم يومين وبترد لك حصااان ما ينخاف عليها ام سبعة ارواااح
    حمد: صدق ما تحس ,, ارووح ابرك لي من مشاهد ويهك ..
    سعيد: زووول الله زولك ان شاء الله
    حمد: يميييع ,,
    سعيد: اهب هباااك الله


    ×
    ×
    ×
    ×



    مشى هو وياه في ممر المستشفى وقلووبهم تدق بسرعه من الخوف حسوا انها مب بخير وإلأا جان ما رقدوها عندهم وصلوا وشافوا ام سعيد وهي يالسه تصيح وحمده لاويه عليها خااافوا ان شمه صار شي فيهاا ..





    حمد: شو صار ؟
    حمده: ماشي لين الحين ما طلعوا الدكاتره عنها ..
    بو سعيد: حسبي الله ونعم الوكيل >> وهو اييلس عالكرسي
    حمد وهو يمسك ايد حمده : شو قالكم الدكتور مساعه


    ×
    ×


    الدكتور: ياها انهيار عصبي قوي .. ورافضه انها تتكلم ,, واحتمال انها تحتاج علاج نفسي ,,
    حمده والدموع في عيونها : انزيين يعني عقب بترد شرات قبل وإلأا كيف
    الدكتور: هذا الشي يعتمد عليها ونحن بنسوي اللي علينا والباقي على الله
    ام سعيد : الله يشفيج يا بنتي وتردين لنا شرات قبل >> وهي تصيح
    حمده: دكتور يعني بتبات عندكم؟
    الدكتور: شي اكيد لازم اتم عندنا ..



    ×
    ×
    ×


    :- هذا اللي قاله لنا
    حمد وهو يضرب اليدار بيده: الله ياخذك ويفكنا منك
    حمده: بس خلاص لا تم تدعي عليه خله ينفد


    ×
    ×
    ×



    كانت صاده صوب الدريشه وهي تشوف العصافير وهم يطيرون حول الدريشه ,, والدموع في عيونهااا ونظرة الحزن اللي طول حياتها ما فارقتها إلا دقايق او ساعات وترد لها مره ثانيه ,, كانت تمر على بالها نظرة حميد .. ابتسامت حميد .. لمست ايد حميد .. صوت حميد.. والموقف اللي صار بينهم يوم دخلت حجرة حميد ... حظن حميد يوم كان لاوي عليها يوم الحادث .. دمعت حميد .. شوق حميد .. .. كل ما يخص حميد .. نزلت دمعه حاره على خدها وهي تسمع صوت امها وابوهاا وهم يكلمونها وهي حتى نظره ما عطتهم .. حط ايده على راسها والدموع في عيونه وهو يشوف حالها جي .. كسييره .. ضعييفه .. مافيها شده .. كانها كبرت 60 سنه فوق عمرها .. حس انه ظلمها وظلمها وايد .. حس بتأنيب الضمييير اللي تم ياكله 6 شهوور ,, هيه نعم تمت شمه على هالحال 6 شهور وهي في حجرتهااا في المستشفى النفسي ..




    :- سامحيني يا شمه سامحيني يا الغاليه انا السبب باللي انتي فيه ليت ربي خذاني قبل ما اخلي حالج جي ..
    حمده وهي تصيح : بس يا سعييد بس خلهاا ترتاااح
    سعيد وهو يصيح ويالس على ركبته : شمه قولي انج مسامحتيني دخيييلج سامحيني
    حمد: الحين تطلب السمااح ,, من متى وانقولك خف خف على البنات لا تعاملهن جي .. لكنك ما طاوعتنا .. شوف لين وين وصلتهااا .. حطمت مستقبلهاااا ..
    سعيد: خف علي يا حمد دخييلك اللي فيني كافيني بس دخيييلك
    حمد: لا والله وليش ما تعاني شرات ما خليتها تعااااني كله منك وصلت لهالحاااال ليت ربي خذاااك ولا شفنا هالعذااب منك


    ×
    ×
    ×
    ×
    ×
    ×



    طلع حمد وانصدم بشوفت حميييد اللي غاب عنهم اكثر من شهرييين من الصدمه اللي يته يوم عرف بحالة شمه .. حاول حمد يمنعه من انه يدخل بس ما قدر عليه ودخل وشكله واحد مارقد من سنه .. وضعييف من قل الاكل .. دز سعيد من جدامه .. وتقرب من شمه وطاح على ركبه وموخي و الدموع يطيحن من عيونه رفع راسه وطالع شمه .. حط ايده على خدهااا مسح دمعتهااا اللي طاحت يوم شافته .. ومسك ايدهاا وحبهااا وحطها على قلبه .. نسى كل الموجودين ونست هيه بعد كل الموجودين .. كانت عيونها في عيونه .. طاحت دمعه حاره على خد حميد وهو يقووول لهاا ( آحبـــــــج ) طاحن دموع شمه وما قدرت تمسك نفسهاا .. فكرت دقيقه .. وابعدت يدينه عنها ..





    :- رووح حب لك غيري >> وهي تصد عنه
    حميد: لــ ,,, لــيش ,, ليــش جي تقوليين
    شمه: ما انفع لك انا خلاااص انتهييييناا


    ×
    ×
    ×




    تكلمت شمه عقب 6 شهور من الصمت اللي ذبح اهلهااا ومرض ابوهاا اللي كان بين فتره وفتره يطيح عليهم في المستشفى .. شمه البنت المرحه دلووعة ابوهاا .. قلب ابوهااا .. ابتسامت بيت اهلهاا .. فجأه ذبلت هالابتسامه لوو انها كانت طالعه من قلب حزين ماعرف الراحه في يووم .. تكلمت وليتها ما تكلمت .. نطقت بكلمه ما توقع حميد ان في يوم من الايام ان ممكن شمه تقولهاا ( انتهينا ) دمرت قلب حميد بهالكلمه ,,, طلع حميد ومشى في الممر وهو يشوف الدنيا تدور جدام عينه وكلمت انتهينا تتردد في باله ويسمعهااا وين ما يصد صرخ باعلى صوووت وقامت صرخته تتردد في كل ممر في المستشفى لين سمعتها شمه اللي غمضت عيونها وطاحت دمعتهاا لانها حرقت قلب اغلى انسان عندها ... وطاح حميد على ركبه وحط يدينه على راسه والدموع في عيونه ركضوا صوبه الدكاتره حاولوا يهدونه بس ماراموا له تقرب منه حمد .. حمد اللي عمره ما توقع يشوف حميد في هالحاله لوى عليه وحاول يهديه بس بعده حميد عنه ومشى وما يشوف جدامه إلا عيون شمه .. طلع من المستشفى وكانت آخر مره يشوفونه فيها ..




    :- وينه ولدي ويييينه
    سلامه وهي تصيح : ماعليه يا امايا بيرد لا تخافين عليه
    ام فهد: لا ولدي احسبه فيه شي دوروووه فهد , راشد دوروا اخووكم دوروووه >> وهي تصيييح
    فهد: يا امايا ماعليه شر ريال ويعرف يدبر اموووره لا تمين جي تسوييين في عمرج
    بو فهد: يا ام فهد هو مب ياهل بيرد متى ما بيشبع بيرد
    راشد: يا امايا انا سألت عنه حتى في دوامه سألت وقالوا انه امس يا ونقل شغله بس محد يعرف وين يمكن يعرفوون بس ما يبون يقولون
    ام فهد: لا لا ولدي فيه شي قلب الام انتوا ما تعرفووون
    بو فهد : لا تفاولين عالولد اذكري الله
    ام فهد: لا إله إلا الله محمد رسول الله ,,, ما برتاح لين اشوف ولدي عندي
    بو فهد : بيرد بيرد مرده إلا بيي البيت
    الكل : ان شاء الله


    ×
    ×
    ×
    ×
    ×



    مرت 4 شهور بدون شوف حميد .. طلعت شمه من المستشفى وردت البيت لان وجودها في المستشفى وعدمه وااحد .. كانت تسمع اهلها وهم يرمسون عن حميد اللي اختفى مره ثانيه ومحد يدري عنه شي .. صدت صوب فونها اللي من سنه ما لمسته وهو على الطاوله في نفس المكان اللي كانت حاطتنه قبل ما تروح المستشفى ومسكته و دقت على رقم حميد اللي من زمااان عندها ولا تجرءت انها ادق على رقمه .. حست انها السبب في غيبته وقررت انها تتصل لانها تعرف انه يعرف رقمهاا .. حطت امل جدام عيونهاا .. واتصلت .. صاح الفوون وصاح .. لكن محد رد .. حطت فونها عدالها .. ردت وطالعت الشمس وهي تغيب وفجأه وصلها مسج .. صدت صوب الفون ومسكته وفتحت المسج ..





    [ شو تبين تقولين بعد .. حطمتي قلـــبي اللي عمره ما فكر انه يأذيج .. ناويه تذبحيني باتصالج؟ ]




    ردت عليه شمه وهي تصييح على اللي صار وعلى الحال اللي وصل له حميد ..





    [ رد لهلك ترى امك مريضه .. لا تخليني انتحر لاني بعدتك عنهم ]





    انصدم حميد من مسج شمه ماعرف شو يسوي خاف انها تسويها لانها بلا عقلهاا الحيين .. الادويه كانت تخليها تهاذي بكلمات محد يفهمااا إلا كلمه وحده .. او نقول اسم واحد .. ( حميد ) الاسم اللي ماخاز عن لسانها دومها كانت تذكره دوم جانها صاحيه او حتى راقده ..





    :- حموووووود وقسم بالله بضربك ياخي
    عليا: خلي ولدي في حاله هههه
    سلامه: آآخ بس ما نروم نقول شي ولي العهد نخاف نضربه تنش العايله كلها علي ههههه
    عليا: حموودي حبييبي تعال اييل عدالي تعال فدييت هالويه انا
    سلامه: وااايه بس لا ادلعوونه مب زين الولد يدلعوونه
    فهد: ماعليه ماعليه بعده ياهل بندلعه
    محمد: بابا
    فهد: عيوون بابا شو تبا فديييتك اناا
    سلامه: ووووع بس ارووح المطبخ ابرك
    فهد+ عليا: ههههههههه
    عليا: ترى عمووه في المطبخ اللي برع
    سلامه: انزين الحيين برووح لهاا






    طلعت سلامه وما كانت تدري باللي يترياها برع مشت وما تعرف شو اللي خلاها توقف وتصد وراها صوب البوابه .. جنه قلبها قال لها شوفي وراج .. صدت وشافته واقف عند البوابه وحاط ايده على الباب وموخي وباين عليه التعب والضعف .. تقربت تبا تعرف منو هذا .. صد فهد صوب الدريشه وهو يشوف سلامه وهي سايره صوب البوابه .. ماعرف شو بلاها وحس من مشيتها ان في شي .. نزل محمد من على جتوفه وعطاه عليا ام محمد .. مشى صوب الباب .. تقربت سلامه وتحس قلبها يتنافض من الخوف .. تقربت اكثر لين وصلت قريب منه ..





    :- آمر بغيت شي ؟





    رفع راسه والدموع في عيونه شافهاا .. فرح انه شاف توأمه .. سلامه توأم حميد .. اللي من يوم كانوا في بطن امهم وهم رباعه .. كبروا وهم مع بعض .. لعبوا مع بعض .. شكوا هموم بعض لبعض .. سلامه كاتمة اسرار حميد .. سلامه اللي كانت توصل سلام حميد لشمه .. سلامه اللي تحب تسوي المقالب في حميد .. شافهااا وابتسم ..





    :- حــ ... حـــ .. حمــ ...






    مارامت تكمل اسمه حست بغصه وبخنقه مارامت ترمس .. فجأه قدرت بس انها تصرخ باعلى صووت عندهاا وهي تشوفه يطييح من طووله .. ركضت صووبه ولوت عليه وتمت تصيح .. فهد كان قرب الباب ياي بيفجه وسمع صرختهاا إللى يمكن الحاره كلها سمعتهاا .. فج الباب بسرعه وركض .. وقف مذهووول وهو يشوفها لاويه على حد .. على حد طايح .. ماعرف منوو تقرب .. وربع صوبهاا وشاف حميييد ..






    فهد: حميييييييييييييييد حمييييييييييييييييييييد شو صار فيييه
    سلامه وهي تصيح : مادري مادري طاااح .. طاح فجأه


    ×
    ×
    ×


    راشد :- انتي اييه الحاره لج وانا مادري ..... شو فيكم .. حــ .. حمييييييييييييييييييييييييييييييييييييييد
    فهد: راشد ساعدني بنوديه المستشفى لا تشوفه امايا بسرعه قومواا ..
    راشد: يالله بييب السياره سلامه لبسي عباتج يالله بتروحين ويانا
    سلامه: يالله يالله >> وهي تمش دموعهااا




    ×
    ×
    ×
    ×


    :- ها دكتور بشر ؟
    الدكتور: ماعليه شر بس تعبان من السهر وقل الاكل وإن شاء الله بيرد بخير شرات قبل واحسن بعد
    سلامه: الحمدالله
    راشد: آآخ ولله قلـــبي طاح في بطني حسبي الله على بلييسه خوفني
    فهد: الحمدالله انها يت على جي


    ×
    ×
    ×
    ×



    وصل الخبر لام فهد وابو فهد وشوي شوي انتشر الخبر لين وصل لشمه .. قلب حمييد .. استانست وايد انه رد لاهله ..




    ×
    ×
    ×




    :- ها ولدي شوو تباني اييب لك تشرب
    حميد: يا امايا بس ذبحتيني من الاكل
    فهد: دواااك خخخخخخخ شوف شكلك كيف مضعفك عنبو هيكل
    راشد: يالله امتن امتن انا كنت اضعف واحد خخخخخ
    حميد: هههههههههههه ويا راسكم انتوا الاثنيين
    ام فهد: يالله ياولدي اشرب حليب زين زين يقوي عظامك
    حميد: ان شاء الله يام فهد ..
    بو فهد: ههههه امك هاي ليش تزقرها ام فهد
    حميد: ادلعهاا شوفيكم علي خخخخخخ
    الكل : خخخخخخخخخخخخخخ
    سلامه: امحق دلع هههههههه




    ×
    ×
    ×
    ×




    سرح حميد شوي وهو يطالعهم وهم يضحكون ومستانسيين .. وشاف امه اللي ردت بخير عقب ما قرت عيونها بشوفت ولدهااا .. تم يفكر شوي وعقب قرر انه يرمس ..





    :- ابا اعرس






    الكل سكت وماعرفوا شو يقولون .. تموا يطالعون بعض وهم مصدومييين من جملة حميييد ... هييه نعم قال ابا اعرس .. يبا يستقر .. يبا يعييش مرتاح .. تعب من السهر .. تعب من قل الاكل .. تعب من كثر ما هو يالس برووحه في ذي الشقه اللي يشوفها يقول شقة مدمنيين .. من كثر ماهي وصخه والزجاج متكسر في كل مكاان .. كان كل ما يذكر شمه يقوم يكسر اي شي في الشقه ..





    :- منو تبا يا ولدي وامررره برووح وبخطبها لك ..
    حميد: ابا وحده من بنات خالي سيف
    سلامه: شوووووووووووووووووووووووو
    حميد: شووو شوووو؟ ابا هند اوو خلود
    سلامه: بس ... بس ... شــ ...؟
    حميد: لا تكملييين واسمها ماريد اسمعه خلاااااااص كافي اللي صار فيني بسبتهااا ..
    ام فهد : انزين خلاص خلاص حمييد امررره اليووم ارمس امهااا واخطب لك خلوود امررره ولا تضييق خاطرك
    حميد: اووك ...


    ×
    ×
    ×
    ×
    ×


    :- شحاله ؟ >>> وهي واقفه عند الدريشه واطالع البيوت
    سلامه: بخير ..
    شمه: الحمدالله ..
    سلامه: شمهــ ..
    شمه: نعم ؟
    سلامه: دووج ..
    شمه: شو هااي >> فتحت البطاقه .. ارتسمت ذيج الابتسامه وفيها شوية حزن












    تتشرف







    عائلة السيد خليفة محمد الــــ ................ وعائلة السيد سيف سلطان الــ





    بدعوتكم لحضور حفل زفاف نجليهما




    حميد / على كريمة السيد سيف سلطان الـــ










    شمه والدموع في عيونها : ألف ألف ألف مبروووك والله يوفقهم يارب
    سلامه وهي تصيح : ليش يا شمه ليييييش
    شمه: لا سلامه لا تصيحييين افرحي اخووج بيعرس ليش تصيحيين
    سلامه: بس بس خلاااااااااااص مابا ماريد ارووح عرسه ماباااا >> وهي تصييح
    شمه: مايصييير حبييبتي لا تقولين جي
    سلامه: اباج له يا شمه اباج انتي له ليش جي لييش جي
    شمه: آآآآه يا سلامه بس لا تعورين لي قلبــــي ... عمره ما بيصير إلأا اللي مكتوب لناا .. هاي حكمت الاقدار علينا .. وبعدين يا سلامه انا اللي بعدت حميد عني .. ماباه يعييش ويا وحده تعبانه نفسيا .. وحده ظلمتها هالدنيا .. وحده ما تشوف الفرح إلا ثواني ويختفي عنهااا .. ماباه يعييش مكتأب وياي ويعاااني ويااي
    سلامه: كانت حياتكم بتكون أحلى حيااااه والله يا شمه
    شمه: خلاص مانرووم نغير شي الحييين والعرس ماباقي شي عنه ولازم نتجهز
    سلامه: لييش؟ بتييين ؟
    شمه: وكييف ما ايي عرس ولد خالي ما تبيني ايييه ؟
    سلامه: اوكي اذا هذا اللي تبينه
    شمه: اكييد هذا اللي ابااااه


    ×
    ×
    ×
    ×



    مشت ووقفت شوي .. تنهدت وحطت حمده ايدها على ظهرها .. لفت صوبها وابتسمت لها .. عدلت شعرها شوي .. ومشت وهي لابسه ذاك الفستان الذهبي .. دخلت القاعه والكل صد وشافها .. شاف الملاك اللي يمشي على الارض .. والكل يسأل منو هاي ؟ بنت منو ؟ يا حلاتهااا .. وهي تمشي تسمعهم وهم يقولون هاي شمه الــ .. والكل يبتسم لهااا سلمت على حرمت خالهاا وعلى سلامه يلست على طاوله قريبه من الكوشه وهي تسمع صوت الاغاني وتشوف الكل يرقص ومستانسين .. فجأه ظلمت الدنيا وطلع نور خفييف قام يزييد ويادخلتهاا .. العرووس .. سرحت شوي وهي تشوف العرووس جنها تشوف نفسها مكانهاا .. صدت سلامه وحمده صوب شمه وكل اللي يعرف بسالفتها صد صوبها .. يشوفونها وهي تشوف العرووس وهي تبتسم ذيج الابتسامه وعيونها يلمعن من الدمووع ..

    ×
    ×
    ×
    ×



    بعد دخلت العرووس .. بدت الاغاني والرقص واللي قام يسلم ويبارك للعرووس واللي قام يرقص من الفرحه .. وعقب يا وقت دخوول المعرس .. يا وقت قلب شمه .. يا وقت حميييد رووح شمه .. دخل واللي تغشى واللي لبسن عبيهن واللي تجدم عشان يشوفونه .. دخل ووصل للكوشه وفي عيونه حزن وكان يطالع من حووله ويت ام المعرس وام العروس يباركون لهم ... وعقب ,,,شافهااا وتمنى انه ما شافهااا .. شاف قلبه .. شاف رووحه .. شاف دنيته كلهااا .. شافهااا وهي لابسه الذهبي .. تمنى لو انه شافها لابسه الابيض .. تمنى انها هي اللي واقفه عداله .. رص على عيوونه وحاول يحبس دمعه تبي تطلع غصب عنه .. صد عنهااا وما كان يبا يشوفهااا .. حاول وحاول بس ما قدر كان يبا يكلمهااا يبا يقولها شو كثر يحبهااا .. يبا يحسسها بالامان عنده .. يبا يقولها انه ولا شي بدوونهااا




    ليتها مايات مابين الحضور

    ليتها في يوم عرسي مادرت

    ليت ضحكتها تبناها السروور
    والبست ثوب الفرح وتباشرت
    ليت دمعتها منعتها من الظهور
    وليتني ماشفت عبرتها اظهرت
    كان مابان المخبى في الصدور
    واهزمت عيني دمعها واعبرت
    لين بات للملا دمعت صبور
    واسألوني ليه عينك اهمرت
    قلتها هذي ترى دمعت سرور
    مادروا انها على شانه جرت








    طلعت شمه من العرس بدون محد يحس عليها طلعت .. وهي تمشي ولا تعرف وين ترووح .. اختفت شمه يومييين ومحد يعرف وينهاا .. دورت عليها الشرطه واهلها والكل .. وبعدهااا في اليووم الثالث

    :- حمد الـــ
    حمد: هيييه نعم وياااك
    :- ووياك الضابط خليفه ..
    حمد: حيااك اخوييه شو صااار عسى لقيتوهاا ..
    الضابط: نباك تي القسم
    حمد: ليييش
    الضابط : لتتعرف على جثة اختك




    طلع حمد من القسم والدنيا تدور جدامه عقب ما شاف جثة شمه هييي شمه لقوها في البر لها يومييين ياها انهيار عصبي قوي وتمت طايحه في البر محد درى عنهااا وارتفع الضغط والسكر ,, مما سبب وفاتهااا ...








    ترقبوا القصه الثانيه ان شاء الله ^^



    وعسى نهايتها تعجبكم



    و خلاصته حشرته عضوه هع هع وحرق أعصاب أزياد عن لزوم هههههههههه





    التعديل الأخير تم بواسطة مربوشهـ فديتني~~ ; 09-08-20 الساعة 05:26 AM
    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  7. #47
    عضو الماسي
    الصورة الرمزية ro0o7 uae
    الحالة : ro0o7 uae غير متواجد حالياً
    رقم العضوية : 25004
    تاريخ التسجيل : 03-11-08
    الدولة : دآآآر الـأمآآنـــــًَـ
    الوظيفة : درآآآسهـ Xدرآآآسهـ :(
    الجنـس : انثـى
    المشاركات : 2,513
    التقييم : 411
    Array
    MY SMS:

    اضحك بوجهك وبظهرك انفجر بكى .. اخاف تشوف دمعي وما تفهمه

    افتراضي رد: "يصب الهم في كآسي ويسألني تبي سكر؟!"


    تسلمين ع القصة الحلوة


    بس ما توقعت النهايه جي تكون ؟؟



    بس تعرفين لو ما حطيتي هالبارت

    كنت بي بيتكم !!




    خخخخخخخخخخخخخخخخخ



    نتريا القصة الثانية وان شاء الله تكون حلوة مثل هاي القصة ..




    تسلمين






  8. #48
    عضو الماسي
    الصورة الرمزية الملثمة
    الحالة : الملثمة غير متواجد حالياً
    رقم العضوية : 5006
    تاريخ التسجيل : 26-02-08
    الدولة : المـــافيــا
    الوظيفة : النفس تــامر وأنــا ماني بطايعها .. والله عن الـ ع ــيب والمنقود يحميني ..
    الجنـس : انثـى
    المشاركات : 3,048
    التقييم : 864
    Array
    MY SMS:

    أدرت ظهري للكثيريــن .. ليس غرورا .. إنما خشية أن أتعارك مع صغــــار العقوؤول

    افتراضي رد: "يصب الهم في كآسي ويسألني تبي سكر؟!"


    ما عليــــــج زووود


    روعــــــــــــــه × روعـــــــــــــــه

    ننتظر القصة إلي عقبها ^^..





    عنَد شعۆرگ بٱلضيقــَہ وٱلفرٱغ (ردد) لٱ إله إلا أنت سَبحٱنگ إنيّ گنتْ منَ ٱلظالمينْ


    " استغفر الله ../ كثر مآ اذنبت واخطيت
    واستغفر الله كثر ما { ضاق صدري ,’~

    و " استغفر الله ,،/ كل ما اصبحت وامسيت
    عن ذنب أدري عنه أو { عنه مآدري ..*~








  9. #49
    عضو نشيط
    الحالة : فطوم الغلا غير متواجد حالياً
    رقم العضوية : 39544
    تاريخ التسجيل : 22-06-09
    الدولة : الامارات
    الوظيفة : طالبة
    الجنـس : انثـى
    المشاركات : 47
    التقييم : 10
    Array
    MY SMS:

    إلي لقى أحبابه نسى أصحابه

    افتراضي رد: "يصب الهم في كآسي ويسألني تبي سكر؟!"


    تسلمين
    القصة روعة
    ونتريا القصة الياية






  10. #50
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"


    بس تعرفين لو ما حطيتي هالبارت

    كنت بي بيتكم !!
    لووووووووووووول

    مرووورك النايس بس لا تي بيتنه ما غصب تدخليه


    ومشكووره على الرد الغاويه ^.^










    مشكووره الملثمه على المتابعه مرووورج الطر

    خخخ اويييه صيحتج سوري >> مب جنج برووحج تأثرتي باللي كتبتيه خخخخ

    ثانــكـــس عالمرور

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

    مشكوره فطوم الغلا خخخخخخخ هييه والله إلا قصه هع

    يسلمؤوؤو عالمرور





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

صفحة 5 من 6 الأولىالأولى 123456 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. "اطول "اروع"احن"اقرب"اصعب"احزن"اسوأ"اجمل"
    بواسطة محمد الجزائري في المنتدى المنتدى العام General Forum
    مشاركات: 28
    آخر مشاركة: 12-06-07, 02:29 PM
  2. حل أسئلة رقم(3ص99"1ص105تطبيق3ج"2ص110"7ص113"2ص117تطبيق3و"35و 36ص123)
    بواسطة بدويه كشخه في المنتدى مادة الفيزياء
    مشاركات: 24
    آخر مشاركة: 10-03-23, 05:43 PM
  3. مشاركات: 9
    آخر مشاركة: 09-04-25, 05:05 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •