تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 1 من 6 123456 الأخيرةالأخيرة
النتائج 1 إلى 10 من 59
  1. #1
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    Smile "يصب الهم في كآسي ويسألني تبي سكر؟!"


    السلام عليكم والرحمه



    كيف الحال ,.,,,,,,,,,,,؟!
    اليوم بنقل الكم قصه قريتها وعيبتني
    وهيه طبعا من اجزااااء
    وهيه واااااايد حلوووه <<<<اسأل مجرب
    واللي مابا يقراها بيفوته نص عمره

    للكاتبه (مفلوعه بقوطي....}
    "يصب الهم في كآسي ويسألني تبي سكر؟!"

    عائلة بو سعيد


    محمد(أبو سعيد) - شيخه(أم سعيد) - سعيد 29 سنه - حمد 25 سنه
    حمده 22 سنه - شمه 19 سنه - مايد 17 سنه,,,,~



    عائلة بو سلطان


    خالد(بو سلطان) – مريم(أم سلطان) – سلطان 28 سنه – خلفان 26 سنه
    سهيل 24 سنه – ميثه 18 سنه – عاشه 14 سنه,,,~



    عائلة بو فهد


    خليفة(بو فهد) – عاشه(أم فهد) – فهد 28 - راشد 24 سنه –
    حميد + سلامه 21 سنه(توأم) – مانع 17 سنه



    **********************************************

    هذي الدنيا ! مرهـ حلوهـ و مرهـ مّرهـ ومره تشوف فيها الزين ومره تشوف الشين عمرها ما ثبتت على جهة وحده ولا هيه دوم تعطي نفس المقدار

    انولدت شمه وعاشت عيشه غير اللي كانت تحلم فيها ما كآن ودها تكون قصة حب نهايتها غير عن اللي توقعتهـ ولكن القدر مكتوب ونحن نمشي على ما هو مكتوب والواحد ما يروم يغير الزمن و لا يروم يغير الأحداث من عقب ما توقع,,,,



    مـا تـقـبـلـت الـفـراق ومـا لـيـدي فـيـه حـيـلـــه
    آهـ لـــو إن الــظـروف المـقـبـلة تـكشف قدرها
    لـو يـعـرف الشخص منا وش مع الغيب بيجيله
    كــان تـجـنبـنا المـشاكل من قبل يوقع ضررها


    ************************************************** *********



    في صباح يوم الجمعة نشت شمه على نور الشمس اللي كان يداعب وجها اللي شرى وجه القمر من حلاته تغار منه الزهر نشت وهيه شبه راقده وما تشوف جدامها عدل من نور الشمس تمت منسدحه على شبريتها وسرحانه بفكرها وفي عالمها الخاص وتفكر بالحلم اللي ياها ليلة امس تمنت لو انها ما نشت منه وتمنت لو ان الحلم يصبح حقيقه ,,,
    وفجأه وهيه سرحانه باحلامها وافكارها دق عليها الباب دق عنيف فزة منه بخوف






    حمد: شمووه نشي عنبو هب رقاد هذا لين الحين نشي بسج القايله يالله



    شمه: انزين انزين عوذ بالله عنبو وحش مجرم حد يدق الباب جي


    حمد " وهو يضحك" : هههههه شو اسوي اباج تنشين ..


    شمه " وهي معصبه" : انزين عنبو مب جي حشه الله يعينهم عيالك يوم بتعرس ><


    حمد: فديت عيالي ما بدق عليهم جي


    شمه: لا والله فالح بس ويا اخواتك جي تسوي اشوفك عاملهم احسن عني والله ما اسدهم ولا اسويلهم سالفه وخل حرمتك مقطوعة النصيب هيه بروحها تسد عيالكم


    حمد: مقطوعة النصيب في عينج مسودة الويه


    شمه: انزين خلاص فارج فارج بروح اتسبح


    حمد: صدق انج قليلة ادب وما تستحين اييييه انتي انا اخوج اكبر عنج عنبو هالويه لج صدق مسودة ويه تقوليلي انا افارج


    شمه : اوووووف لاحووووول خلاص انزين اسفييين لو سمحت ممكن تطلع ابا اتسبح


    حمد: توج حرمه يالله انجلعي تسبحي ونزلي تحت يالله






    طلع حمد من حجرة شمه وهو في خاطره يضحك عليها وعلى شكلها يوم قالها انجلعي





    شمه" بصوت واطي" : قال انجلع قال صدق ما يستحي على ويهه مسود الويه







    نشت شمه من على شبريتها تسحب خطواتها ومالها بآرض لأي شي ودخلت الحمام" الله يعزكم" وتسبحت وطلعت و وقفت جدام المرايه وهي تنشف شعرها مر على بالها ذاك الحلم اللي حلمته وتمت تنشف شعرها وهي سرحانة في حلمها وتغني



    "أسمح لي أشوفك قبل ماروح اسمح لي أداوي الجرح وارتاح"
    "تدري بعادك يجتل الروح حكم الخريف والورق طاح"





    دخلت حمده على شمه بس شمه ما انتبهت وكملت الاغنيه وحمده واقفة أطالعها






    حمده: اووو اووو اووو ولا في الدنيا بلاهم الحلوين لا يكون عاشقين ونحن ما ندري ههههههه



    شمه : حد قالج انج سخيفة شو عاشقين بعد عيب عيب منقود,,,,


    حمده: اوو طاعوا منو يرمس عن المنقود واااهااااهاااا ضحكتيني


    شمه: لا تموتين دخيلج مافينا على العزا والتعب ترى صدق مالنا فلك ,,


    حمده: بعيد الشر عني صدق مسودة ويه تبيني امووت اهئ اهئ اهئ


    شمه: لا فديت رووحج ماباج تموتين بس ترى المود رايق وتعكر من سوالفج


    حمده:لاوالله يا سلام عليج غريبه المود رايق شو السالفه


    شمه: ابدن حالمه حلم حلو وعايبني ومب طايع يروح عن بالي


    حمده: اوو شو هالحلم الخطير خبريني بفسره لج


    شمه: او مادريت ان شريفة مكه وحرم السديس تعرف تفسر احلام


    حمده: صدق نذله يالله برايج بروح عند الشواب ابرك لي


    شمه وهيه تضحك: سيري انزين ههههههه


    حمده: لا والله يعني ما بتقولين شوكان حلمج؟؟!


    شمه : لا ما بقولج بخليه في خاطريه ما با حد يعرف شي عنه


    حمده: لايكون حالمه حد فنان فيه خير ومتروعه اسرقه عنج خخخخخخ


    شمه: اووو كيف عرفتي هههههههه لا مب جي ما بخبرج لا تحاولين


    حمده: كيفج انتي الخسرانه كنت بفسره لج بس شكلج ما تبيني افسر لج ههههه





    قعدت شمه وحمده يسولفن لين صاح تيلفون حمده وكان اللي داق سلامه






    سلامه: السلام عليكم والرحمه



    حمده: وعليكم السلام والرحمه هلا والله بالقاطعين


    سلامه: بالمهلي مايولي وسوالفه ماتملي وغلاته تسوى الانس والجني


    حمده : لا لا مانرووم اخجلتي تواضعي هههههه


    سلامه: ههههه شحالج واخبارج تولهت عليج


    حمده: بخير وسهاله لو متوله علي جان ما قطعتيني ولاتتخبرين عني حيه وإلا ميته


    سلامه: بعيد الشر عنج اكيد حيه وإلا جان مارديتي هههههه


    حمده: لا والله ههههه


    سلامه: شحال شماني ربها إلا بخير


    حمده: بخير وسهاله هذي هني قاعدين نسولف


    سلامه: ياحيكم والله ,, طالعين اليوم وإلا ,,,؟


    حمده: لا والله قاعدين وين بروح بعد مانعرف وين اندق بروسنا


    سلامه وهي تضحك: ههههههه خلاص عيل انا ناويه اييكم اليوم اذا ما عندكم شي


    حمده: حياج فديتج البيت بيتج في أي وقت


    سلامه: خلاص عيل عقب المغرب بييكم تزهبولي وسولي فواله عدله


    حمده: حاظرين للطيبين ما طلبتي


    سلامه: طاعوا هاي وانتي صدقتي اسولف عليج تراني مابا شي ولاتعبون عماركم وانا مب غريبه عليكم


    حمده: ندريبج هب غريبه بس الواجب تعرفين


    سلامه: اوو حمدوه تعرف الواجب هههههههه اسولف عليج لا تزعلين


    حمده: مالت عليج حد يعطيج ويه انتي


    سلامه: ههههه يالله برايج بروح اشوف امايا توها يايه من الع**ه من الصبح هناك سلمي على شماني فمان الله


    حمده: يبلغ ,, فمان الكريم


    شمه: علومها سلامي


    حمده: تسلم عليج ناويه تينا اليوم تزهبي عقب المغرب


    شمه: الله يسلمها ويسلمج من كل شر زين يوم فكرة تينا على الاقل لقينا حد يونسنا


    حمده: هيه والله يالله عيل قومي ننزل تحت نشوف قوم امايا اكيد الحين يالسين تحت


    شمه: يالله انزين





    نزلت شمه وحمده وراحن للصاله ولقن امهن يالسه بروحها





    شمه+ حمده: السلام عليكم والرحمه



    ام سعيد: وعليكم السلام هلا والله ببنياتي تعالن فديت روحكن يلسن عندي


    شمه وهيه تبوس راس امها : فديت روحج امايا شحالج ربج إلا بخير


    ام سعيد: بخير وسهاله الغاليه


    حمده: شو رويلاتج اليوم عساهن بخير


    ام سعيد: والله اشوفهن احسن شوي عقب ما سوولي المساج في المستشفى


    شمه: عااااشووووو مساج بعد حركات امايا تعرف مساج بعد ههههههه


    ام سعيد: هيه اعرف شو قالولج عيوز ما عرف شي ما شاء الله علي بعدني في عز شبابي


    حمده: ههههههه هيه صح بعدها امايه شباب وترمس انجليزي بعد


    شمه: ههههههههه امايا ترمس انجليزي ههههههه يالله ارمسي ام سعيد راوينا شطارج


    حمده: هيه امايا رمسي راويها انج مطوره وتعرفين ترمسين


    ام سعيد: هيه نعم اعرف ارمس عنقليزي بس ترى مب شراتكم تعرفون نحن يوم انولدنا ما نعرف هالسوالف


    شمه بصوت واطي : من اولها عنقليزي ههههههه انجلش استوت عنقليزي عاااشووو


    ام سعيد: بلاج اتحرطمين بصوت واطي شو عندج


    شمه: هاإأآ هههههه لا ماشي ههههههه





    دخلت ميري" الخدامه" يايبه صينية الفواله والقهوه







    ام سعيد: ميريbring big frog



    ميري : WWWWHat what u want???!!


    حمده + شمه : ههههههههههههههههههههههههههههههههههههههههه


    شمه : مره وحده هههههههههههههه ,,,Frog ول ول ول


    ام سعيد: بعد شعندكن تضحكن شو بعد ابا شوكه ومعناها جي بالعنقليزي


    حمده: ههههه امايا يالله بستر Frog معناها ضفدع


    شمه: هههههه الشوكه يا امايا اسمها Fork


    ام سعيد: انزين لاحووول ترى إلا نفس الكلام عوذ بالله روحي ميري هاتيFork


    ميري: ok madam


    حمده: هههه والله يا امايا انج سوالف هههههه


    ام سعيد: بلشتونا بهالخدم ما يفهمون عربي لازم إلا تلعوزونا حسبي الله على عدوكم


    شمه: ياحليلج يا امايا ههههه





    دخل سعيد وهو مشتط ومعصب ويتحرطم ومحتشر






    سعيد: شو هذا كله إلا ضحك وصريخ وسوالف وازعاج وحشره



    ام سعيد: الغالي سعيد شو فيك بلاك تهاد علينا


    سعيد: انتن ماعندكن شغله غير هالضحك والصوت العالي


    حمده: سعيد الله يهديك بلاك معصب يعني ما تبانا نضحك ونفري عن عمارنا يسد يعني هالحبسه


    شمه: اووووف هيه والله إلا من الجامعه للبيت ومن البيت للجامعه حتى في الويك اند ما نطلع من البيت ولا ويووه سنعه في هالبيت كله محبوسين حتى الضحك ممنوع شو هالعيشه اللي تقصر بعمر الواحد ..


    سعيد: لا لا تعالي صفعيني بعد تعالي ,, شو رايج تضربيني يالله قومي قومي


    شمه: محشووم ياخوي


    سعيد: صوتكن ونفسكن ماريد اسمعه هني تسمعن


    ام سعيد: سعيد الله يهديك شوفيك على اخواتك مب زين جي وهذا نحن عايشين جي تسوي فيهن عيل لو نفارق هالدنيا شو بتسوي باخواتك


    سعيد: بعيد الشر عنج ياامايا عسى عمرج طويل لا تقولين جي وبعدين ضيقني بهالضحك والحشره انزين يضحكن بس مب جي حاشرات الدنيا


    شمه: خلاص خلاص ضحك ما بنضحك زين ارتحت





    قامت شمه وهيه تصيح وتركض على الدري رايحه غرفتها ولحقتها حمده وراحت فوق






    ام سعيد : زين جي ياوليدي حليلهن خواتك من لهن غيركم انتوا من عقبنا نحن شو بلاك جي تعاملهن الله يهديك بس



    سعيد : يا امايا تعرفيني ما اداني الحشره والضحك بصوت عالي شو هالحركات بعد تبيني اضحك لهن عشان يتمادن ..


    ام سعيد : يا سعييد هذيله خواتك مربايات عدل وحشام جيف جي تقول هالرمسه ..


    سعيد : لا لا هالزمن كل شي تغير لو نعطيهن شوي ويه بيتمادن وبيسون العيَب ...


    ام سعيد : الله يهديك يا ولدي الله يهديك ..


    سعيد: اروح ارقد ابرك لي يالله برايج ...


    ام سعيد: نوم العوافي يا الغالي ..


    سعيد: الله يعافيج ..






    "لا تغرك الدنيا تصبح عديم احساس"




    "لاتحس يوم انك اصبحت فوق الناس"


    "حاسب من افعالك من دعوة المظلوم"


    "اللي بنيته سنين ممكن يضيع في يوم"





    كانت شمه يالسه في حجرتها بروحها وتصيح من القهر والضيق من اخوها سعيد اللي يحاسبهم على كل شي ولا يخليهم على راحتهم حتى في البيت ,, شوي دق عليها الباب وكان اخوها حمد





    شمه" وهي تصارخ": مابا غدا ومابا شي ولا اريد حد يدخل علي تسمعون مابا حد عندي



    حمد: مب على كيفج بدخل وين ما ابا


    شمه: لا والله حجرتك وانا ما ادري


    حمد " وهو يضحك" : ياويلي عاللي معصبين هههههههههه


    شمه: اووووف منكم


    حمد: شماني يالغلا لا تزعلين ولا تعصبين انتي تدرين ان المطوع(سعيد) مايعيبه هالحركات وكل شي عنده منقود انا يوم اروح وياه مكان واشغل الـاف ام يحتشر ويقول حرام ومادري شو ويلعوزني ومنقود ويتم يه** ويفج محاضرات


    شمه: حتى انته ما سلمت منه


    حمد: هيه بس ماعصبت واضايقت وانتي يا شماني ماسويتي شي والسالفه بكبرها ما ترزى بس شكله كان ياي تعبان ومعصب وشافكم جي مستانسين قال بعكر جوهن ههههههه


    شمه: يا سلام عليه


    حمد: هذيه حمدووه يالسه تسولف وياربيعتها وتضحك وانتي هني يالسه تصيحين ما يرزى عليج يابوي


    شمه: حمدوه ادخل الكلام من اذنها اليمين واطلعه من اليسار وويها لوووح


    حمد: هههههه غدي شراتها انزين


    شمه: لا والله فديتني انا بنوته حساسه


    حمد: لامانرووم دخيييلج كله ولا الحساسه ياويل حالي ههههههههههههه


    شمه: تطنز انته تطنز


    حمد: هههههههه اسولف عليج


    شمه: يا ثقل دمك ,,, جان هاي سوالفك مالنا حايه فيها


    حمد: جني عطيتج ويه يالله انا بطلع كلامج مثل السم ياي اوني براضي واقول شماني ماتهون علي لو ان لسانها طويل بس شو نسوي مالنا غنا عنها


    شمه: واااا فديتك انا احم احم ما اصدق فديتك حمد والله غالي علي بس احب انرفز بك


    حمد: هيه ترى محد عاطنج ويه غيري انا يالله انا بطلع الربع يتريوني تامريني على حايه


    شمه: اوووووووف جان بتشلني في مخباك ماعندي مانع


    حمد: ههههههههه حشه هب مخبى في كندورتيه جان بيسدج انتي


    شمه: هههههههههههه روح ربي يحفظك وعن السرعه


    حمد: ان شاء الله يالله فمان الله





    طلع حمد من عند شمه وراح عند ربعه في العين مول وكانوا قاعدين في ستار بو**




    يوم وصل حمد






    حمد: السلام عليهم



    الشباب: وعليك السلام هلااااااااااااااااااااااا والله وين يا الغايب


    خليفه: يقولون من طول الغيبات ياب الغنايم


    راشد: ياخي خله هذا ما يطلع منه شي


    حمد: الحين انا ما يطلع مني شي منو هذاك اليوم عازمنك على هذاك المطعم الراقي مب انا


    راشد: يالله بذلني على هذاك المطعم


    حمد: هيه بذلك لانك ماتنعطى ويه


    راشد: خيبه يابوك اسولف عليك بلاك عصبت


    حمد : اشوف سوالفك البايخه


    سيف: وانتوا كل ما تتلاقون لازم هالمشاكل وهالكلام ياخي خلونا نستانس لاتعكرون جونا


    حمد: ان شاء الله انته تامر


    سيف: مايامر عليك عدو ولا ظالم






    يوم كانوا الشباب يسولفون ورابشين الدنيا بالضحك والسوالف مر من صوبهم ذاك الغرشوب طير عقل راشد ,, كانت ميثه خاطفه هي وأختها عاشه بنات خالد" بو سلطان" وحرمت خالهم شمسة..






    سيف: اوب اوب اوب شو هالغرشوب اللي مر من عدالنا والله مافيه حيله



    راشد: اقول شباب برايكم بروح شوي وبرد


    الشباب: هههههههههههههههههههههه


    راشد: بلاكم تضحكون


    سيف: ما نعرفك عيل وين تبا هااا رايح صوب الغرشوب


    راشد: اقول اتريا تيلفون مهم يالله فمان الله


    حمد: تيلفون مهم قال ههههههههههه


    سيف: مايدريبنا ان نفهمها وهي طايره ههههههههههه


    حمد: هيه والله





    كانت ميثه وعاشه في محل لايف استايل وحرمت خالهم كانت في باريس غاليري وكانت ميثه عاقه غشاتها وكان راشد واقف بعيد شوي عنهم وتم يطالع ميثه ومعجب فيها وبجمالها فانتبهت عاشه منه وخافت





    عاشه: ميثه ميثه ميثه



    ميثه: شوبلاج العاش


    عاشه: هذاك يطالعج


    ميثه: منو ووين


    عاشه: هناك هناك





    طاحت عيون ميثه في عيون راشد ولا واحد منهم قدر يشل عيونه من الثاني بس عقب انتبهت ميثه ولفت عنه وتغشت





    ميثه: العاش وين حرمت خالي ؟؟!!



    عاشه: ظني راحت باريس غاليري ... تبيني ادق لها تينا ؟؟!


    ميثه : لا حبيبتي نحن بنروح لها يالله خلينا نطلع من هني ..


    عاشه: يالله نرووح ..






    طلعت ميثه وعاشه من محل لايف ستايل وراحوا صوب باريس غاليري وتم راشد يمشي وراهم وجنه مايشوف حد في المول غيرها هي بس ... لكن بدون سابق انذار حد مسك كتف راشد






    طلعت ميثه وعاشه من محل لايف ستايل وراحوا صوب باريس غاليري وتم راشد يمشي وراهم وجنه مايشوف حد في المول غيرها هي بس ... لكن بدون سابق انذار حد مسك كتف راشد,,,~





    .




    .




    .




    .





    حمد: رشود شو بلاك عنبو ازقرك ولا تلف صوبي وادق عليك ولا حتى طالعت تيلفونك شو بلاك



    راشد: هاإآ لا ما شي ماشي انته شو بلاك شو تبا


    حمد: ما بلاني شي بس ييت اشوفك طولت علينا والربع يسألون وينك؟


    راشد: ماعليه انزين شوي وياينكم برايك رد لهم


    حمد: انته شو عندك وشعنه هني واقف شو تتريا


    راشد: بعدين بخبرك انته الحين برايك رووح


    حمد: زين ماعليه يالله عيل عشان عقب شوي بنطلع بنروح صوب البر يالله


    راشد: انزين انزين يالله فمان الله


    حمد : لا طول بو شباب ..


    راشد: ولا يهمك ياي ..





    .





    .




    .




    .






    طلعت ميثه واختها وحرمت خالها من المول وكانن مروحات البيت طول الطريق كانت ميثه ساكته وسرحانه وتشوف عيون راشد كيف كان يطالعها ونظراته ولون عيونه كانن سود سواد قوي وكبار..,,~




    .




    .




    .




    .




    .





    شمسه: ميثه شو رايج تين عندنا الاسبوع الياي بيتنا إللي في دبي



    ميثه : ...........................


    شمسه: ميثه اكلمج انا


    ميثه: ...... هآأآ هلا شمسه آمري


    شمسه: شو بلاج ميثه مب على بعضج


    ميثه: لا مابلاني شي


    عاشه: شمسه انا ابا اييكووم دخيلج ابا ابات ويا شيخووه


    ميثه: يالله الله ولف من تجتمعن يبدا الانفجار


    شمسه: هههههههههههههه ياحليلهن يا ميثه عنبو مب لهدرجه


    ميثه: لا لا واكثر بعد


    عاشه: براينه كييفنا انتي شو حارنج


    ميثه: لا حارني شي ولا شياته هههههه بس ادريبكن من تجتمعن بدا الازعاج والصريخ واللعب


    عاشه: لا والله يعني ما نستانس ,,,؟!


    ميثه: استانسوا بس بدون حشره خخخخ ,,


    عاشه: هاهاهاي ضحكتيني والله بس بس خلاص ,,





    .





    .




    .




    .




    .







    وصلن البيت وكان راشد يلحقهم وهم ما حسو به لان كان بعيد شوي عنهم ويوم دخلت السياره البيت تجدم راشد بسيارته وكانت هني الصدمه الكبيره ....









    *




    *




    *



    *




    *




    *




    *








    تتوقعون شو اللي صدم راشد ,,,,,,,؟!







    نلتقي في الجزء الثاني ,,,, ^^






    عسى يعيبكم البارت الأول ,,,^^!
    ^4
    ^







    التعديل الأخير تم بواسطة مربوشهـ فديتني~~ ; 09-07-03 الساعة 05:25 PM
    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  2. #2
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"


    "يصب الهم في كآسي ويسألني تبي سكر؟!"





    "آلجزء آلثأني"



    راشد : معقوله لا لا مستحيل يمكن انا مخربط وإلا شي مستحيل هذا يكون بيت ,, بيت ,, بيت عمي خالد >< ..... لا لا ماظني انا من سنين ماطحت بيتهم اكيييد مب هوو ..... خلني اروح البيت وعقب بتخبر فهد عن بيت عمي اذا هو او لا....




    روح راشد من جدام بيت عمه خالد وهو يمشي في الشارع قام يتذكر ذيج الايام اللي مرت جنها سنين من الهم والمشاكل اللي صارت بين ابوه وعمه خالد اللي وصلت لدرجة ان خالد صوب اخوه خليفة بالسلاح ولكن الله ستر وكانت الاصابه مب لدرجة الموت
    راشد وهو يعيد الذكريات صاح تيلفونه وكان حمد المتصل



    حمد: انته وينك نترياااك ..
    راشد: برايكم روحوا انا تعبان ومالي بارض لسيرة البر
    حمد: افاااا سلامات شو بلاك توك حصان مافيك شي شو ياك ..
    راشد: حمد دخييلك فكني الله يسلم والديك ترى ضايقتبي الدنيا ..
    حمد: راشد افااا وانا اخوك شو بلاك شو مضيقنك قول لي وما يصير خاطرك إلا طيب ..
    راشد: ماعليه يا حمد مالي خاطر اقول شي خلني بحالي الحين برووح البيت وبغدي بخير ..
    حمد: على راحتك يا الغالي .. ربي يحفظك ..
    راشد: ويحفظك يالله فمان الله ..
    حمد: فمان الكريم ..



    بند راشد عن حمد وتم يسوق عالبطيئ مب مسرع ومبند المسجل وفي عيونه حزن هب طبيعي وفجأه رن فونه وكان ابوه متصل ..



    راشد: يامرحبا الساع حي الله بو فهد
    بو فهد: مرحب باجي الله يحييك ,, وين ابها
    راشد: راد البيت ابويه ,,, شي في خاطرك وإلا تامرني على حايه قبل لا ارد
    بوفهد: لا يالغالي بس بغيتك تروح وياي العز به احس عمري مب رايم اسوق واباك تسوق بي اذا هب مشغول
    راشد: والله يابوي لو شغل هالدنيا كلها فوق راسي افضي عمري لجل عيونك يا الغالي
    بو فهد: تسلم يا ولدي فيك الخير..... الله عوضني بدال الاخو بولد يرفع راسي
    راشد: الله يسلمك يا الغالي يالله انا ياينك في الدرب
    بو فهد : تحمل على نفسك وعن السرعه
    راشد: من عيوني فمان الله
    بو فهد: فمان الكريم ..





    وصل راشد البيت ولقا امه وابوه واخته سلامه يالسين في الصاله يسولفون
    والضحك شال البيت شل







    راشد: السلام عليكم
    الكل: وعليك السلام
    راشد: ما شاء الله مجتمعين والضحك شال البيت شل يعله دووووووم ياربي
    سلامه: يدوووم عزك وفلوسك لاختك سلامه هههههههه
    راشد: اكد عليج انا شو في خاطرج الحين
    سلامه: ولاشي افااا جي ترد علي حليلي
    راشد: هيه تراني ادريبج من تقولين هالجمله عرفت انج تبين فلوس
    بو فهد : هههههههههه حسبي الله على عدوج يا سلامه وين طارن الالف من ساعه عطيتج اياهن
    راشد: ألــــــــــــــــــف ويايه تقردنيني تبين فلوووس مسودة الويه
    سلامه: لاحوووووول ابويه شو تبا تقول كنت اباه يعطيني فلوس عشان ايمعهن واشتريبهن شي قيم
    ام فهد: ههههههههههههههه دواج يالسه تلعبين عليهم
    راشد: هيه والله .... هاإأآ بويه متى ناوي اوديك العز به
    بو فهد: جان فيك هبه الحين يالله
    راشد: ابشر على هالخشم بس دقايق ابدل ثيابي واييك
    بو فهد: خلاص عيل اترياك
    سلامه: لا والله عيل يوم اباه يوديني بقعه شعنه يرفع خشمه على ويقولي مالي بارض او مشغول
    راشد: اقول مب فاضيلج انتي وطلباتج يالله برايكم
    سلامه: ابويه شوف شوف كيف يعاملني ولا جني اخته
    بو فهد : الله يهديج يابنتي اذيتيه بطلباتج خلي حميد يسويلج اللي تبينه
    سلامه: هيه والله بخلي حميد يوديني اليوم توأمي عالفاضي مايسوي شي
    ام فهد: الله يعيينك ياحمييد اليوم
    سلامه: لا والله هذا وانا البنت الوحيده هني وجي تسوون فيني عيل لو كانن عندكم ثنتين او ثلاث شو بتسون
    بو فهد: الله يخليج لي يابنتي والله انج نور هالبيت يا الغاليه
    سلامه: فديت رووحك يا بو سهيل الله يديمك لنا ان شاء الله
    ام فهد: اون بو سهيل واااابوووي عليج انا هذا ابوج قوليله ابويه شو بو سهيل هاي بعد
    سلامه: الله يسلمج اقوله بو سهيل عشان ما يحس عمره ان هو عود واب عرفتي
    ام فهد: لا والله حلوه هاي يديده
    بو فهد: ههههههههه يوم اقولج ان هالبنت مسويه جو في البيت ما تصدقين هههههه
    سلامه: هيه والله مسويه لكم جو باجر لو اعرس شوفي كيف بيستوي البيت تعييييس بلاي
    ام فهد: وايد واثقه ما شاء الله
    سلامه: هيه واثقه وادري بهالشي هههه
    ام فهد: ماعليه باجر الله بيرزقني ببنات الحلال لعيالي بيمزرن البيت لي
    سلامه: لا والله اقول يالله برايكم بروح اشوف حميد جان بيوديني عند بنات عموه
    بو فهد: هههههههه عصبت .. سيريله خليه يوديج بدال هالرقاد وسهر الليل
    سلامه: ان شاء الله يالله برايكم ....





    قامت سلامه وراحت الطابق الثاني ولفت صوب حجرت حميد ودقت الباب بس ما رد عليها وجان تفج الباب ودخلت ويلست على الشبريه عداله






    سلامه : حميد ,,, حميد ,, حميدان نش عاد بسك رقاااد
    حميد: هآإأآ شو عندج شو تبين
    سلامه: حميييد فديت روحك يا الغالي قوم ودني بيت عموووؤوؤوؤه دخيلك يالله
    حميد: مافيني خلي رشود يوديج
    سلامه: رشود بيودي ابويه العز به وهب فاضي لي ,, قوم انته يالله فديت رووحك قوم عاد
    حميد: سلامي دخيلج خليني ارقد عقب عقب بوديج
    سلامه: اووووووف شو هذا انا لازم ارووح عقب المغرب عندهم
    حميد وهو يطالع الساعه: الله اكبر عليج عيل شعنه يايتني الحين توعيني
    سلامه: اوووف ادريبك ما تنش براحه لازم هالمقدمات ورقاد مال عشر دقايق وعقب مال 15 دقيقه وعلى هالحركات ...
    حميد: انزين انزين عقب ساعه جي تعالي وعيني وبوديج
    سلامه: وان ما نشيت ؟؟؟
    حميد: امممم رشيني بماي
    سلامه: اوكي تراك انته قلت مب عقب تقولي شعنه رشيتيني وادب لج مابوديج
    حميد: ههههه اوكي اوكي سيري الحين ..


    طلعت سلامه من حجرت حميد وراحت حجرتها وشغلت لابها وعقب دشت المسن ولقت شماني اون لاين وقعدت تسولف وياها ..


    شمه: ولكموووووو تو مانور المسن
    سلامه: يسلمووووو منور بوجودج غناتي
    شمه: ناس قالوا انهم بييونا شكلهم بيكنسلووون
    سلامه: لا والله بييكوووم بس عقب المغرب هب الحين هههههه
    شمه: اوكي اوكي بنشوف وان كنسلتي ياويلج مني
    سلامه: لا لا ما بكنسل بس الله يستر لا يقولي حميد مابوديج
    شمه: لا والله توأم عالفاضي يعني لووووووول
    سلامه: شفتي كيف الله بلاني فيه هالاخو ما ينفع بشي
    شمه: يالله الله يعينج بــرب
    سلامه: ويعين اليميع تيييت


    دخلت سلامه على فولدر فيه اغاني ميحد حمد وقامت تتسمع هالاغاني لين ما ترد شمه عليها


    يـآ شجؤن القلب لو تدري ان قلبي يـعشق عيونك
    بك مولع يا بعد عمري من جمالك صرت مفتونك
    حبكم بـالدم بـي يـجـري مـا ريد الـعمر مـن دونك
    يالـغـلا يـا حـبي العـذري لـيش عني تخفي شجونك






    شمه : باكؤوؤوؤوؤ
    سلامه: ولكموووو
    شمه: يسلموووو
    سلامه: الله يسلمج ويسمنج ويخليج درام ماترومين تمشين لوووول
    شمه : لا لا بعيد الشر عني حرام عليج
    سلامه: ههههههههههههههه
    شمه: انزين وعلومج بعد وشو يديدج
    سلامه: علوم الخير وماشي يديد
    شمه: انزين وعلوم الجامعه
    سلامه: طيبه
    شمه: تعالي انا ما شوفج في الجامعه ليييييييش
    سلامه: هههههه لاني مب اساسي شراتج
    شمه: هيه صح مالت علي شكلي إلا بعفن فيه هالاساسي الله يعيين بس
    سلامه: هههههه لا ان شاء الله بتعدين وبتفتكين
    شمه: ايييييهاااا انطر يا حمار لين يجيك الربيع جاني يالسه ومجابله هالسيلاني وهالفلبيني وهالامريكي عزاتني مافلحت
    سلامه: واااااال هههههههه لا لا بتفلحين ماعليج
    شمه: ان شاء الله .. الله كريم
    سلامه: يالله عيل فمان الله بروح اتلبس واتكشخ بيييكم خلاف
    شمه: اووووكيييك وانا بعد بتكشخ
    سلامه: ليش ؟؟
    شمه: ليش بعد تراج يايتنا
    سلامه: اوووووووونه بتتعدلين عشاني ... جان استحي ههههههه
    شمه: ويا هالراس يالله برايج
    سلامه: هههه يالله سي ياا
    شمه: سي يووو ,,


    طلعت سلامه من المسن وبندت اللاب وقامت تتعدل ولبست تنوره حرير حمرا وقميص لونه احمر مع ذهبي وتمكيجت ولبست اكـسسوارات لونه ذهبي وتكشخت وتعطرت ولبست صندل كعب عالي ربط وطلعت عقب من حجرتها وراحت صوب حجرت حميد ..





    سلامه: حمييد حميييد قوم عاااد يالله انا جاهزه قوووم ودني
    حميد: يالله انزين قمت خلاص بس صريخ الله يعيني عليج انا
    سلامه: يالله يالله بسرعه حركه سريعه يالله يالله
    حميد: لا والله نلعب رياضه شووو جلبي ويهج يالله
    سلامه: انزين انزين يالله بسرعه اترياك تحت



    سلامه وهي نازله على الدري جابلها مانع كان رايح فوق وتم يطالعها




    مانع: عرس منو سايره
    سلامه: مب سايره عرس منو جاذب عليك انته
    مانع: لا والله عيل شو هالعدله الزايده عن اللزوم
    سلامه: اقووول لا تسوي فيها ريال ماريال يوم حميد وهو حميد ماقالي شي ياي انته اللي ماطلعت من البيضه تقولي هالرمسه
    مانع: بسم الله الرحمن الرحيم بلاج كليتيني عوذ بالله ماقلت شي
    سلامه: هيه والله لازم تعرف حدودك وياي
    مانع: الله الله جني ارمس معالي الوزيره وانا ما ادري
    سلامه: هيه وزيره عندك مانع
    مانع: لا ماعندي مانع لاني اصلن مانع
    سلامه: وااهاهاهاهااهاي ما تضحك
    مانع: عيل يوم انه ما يضحك ليش تضحكين
    سلامه: كيفي ,,,,,,,,!!! يالله باإأآي
    مانع: بايات




    دخلت سلامه الصاله وكانت امها يالسه ويلست وياها لين ما نزل حميد من فوق






    حميد: السلام عليكم
    ام فهد+ سلامه : وعليكم السلام
    سلامه: تو الناس
    حميد: تبين تسيرين وإلا لا
    سلامه: هيه ابا اسير
    حميد: عيل جب لا اغير رايي
    سلامه" وهي معصبه": ان شاء الله
    ام فهد: حشه حشه اللي يشوفكم ما يقول توأم كله ضرابه
    حميد: ما تشوفينها كيف تنغز بكلامها
    ام فهد: حليلها يا حميد اختك الوحيده شوي شوي عليها
    حميد: ترى هذا اللي مصبرني وإلا من زمان ذابحنها
    سلامه: هأإأآإأآإأآآآآآآآآآ كنت ناوي تذبحني
    حميد: هيه يوم كنا في بطن امايا
    سلامه: هاهاهاهاي ضحكتني وانا مالي بارض اضحك
    حميد: خلاص عيل ماله داعي تسيرين عند العرب امبوزه
    سلامه: لااااااااااااااا لي بارض لكل شي والمود عال العال
    حميد: سبحان الذي يغير ولا يتغير
    سلامه: يالله نطلع
    حميد : يالله انزين ,,,, فمان الله امايا
    ام فهد: ربي يحفظكم...





    ركبوا حميد وسلامه السياره وشغل حميد غنية ميحد حمد


    مـن كـثـر حـبـك تـشـابـهـ دمك ودمي
    اتـبـدل الـدم مـن مـوجـب إلـى ســالـب
    واصبحت لي في الحيا احساسي وهمي
    الحـب مـأسـآهـ يـا مـغـلـوب يـا غـالـب



    يوم وصلوا البيت دخل حميد السياره في الحوش ووصل لين البيت وكانت شمه طالعه من المطبخ كانت تشوف الطباخ شو سوى من الفواله وانصدمت بالسياره وهيه بلا غشاه وكان حميد يطالعها وعقب لف عنها وهيه تغشت ومشت بسرعه ودخلت البيت







    شمه: يالله بستر يالله بستر الحمدالله ان سعيد محد وإلا جان ذبحني اليوم
    حمده: شو بلاج انتي تتحرطمين شعندج
    شمه: سلامي.. سلامي ويا اخوها واقفين بالسياره خاري وانا طالعه من المطبخ بلا غشاه وشافني حميد
    حمده: ههههههه ياحليلج وااافضيحج شافج الريال طالعه من المطبخ
    شمه: شو فضيحته بالعكــس بيقول حرمه وراعية بيت وخدمه
    حمده: اوييييييه لا يخطبج هههههههههه
    شمه: عيييييب شو تقولين انتي يالله بستر شو هالرمسه
    حمده: اونج عاد ما تحبين هالطاري ياحبكن يا البنات لهالطاري ههههه
    شمه: وانتي مب بنت شراتنا
    حمده: هيه بنت بس مخطوبه هههههههه
    شمه: مالت .. بس جب الحين بتدخل سلامي ...




    تمت سلامي تضحك وهيه في السياره على شكل شمه وهيه تمشي بسرعه ودخلت البيت




    سلامه: ههههه ياحليلج يا شماني انصدمت هههههه شكلها يضحك
    حميد: لا والله هذا يزاها حليلها ترابع لج في المطبخ
    سلامه: اووووب اووووب وينج يا شماني تسمعين حميد شو يقول
    حميد: انجلعي ماقلت شي يالله فارج برووح
    سلامه: انزين انزين اوووف منك متى بتي تشلني
    حميد: بـــــــــــعد تبيني اشلج
    سلامه: هيه عيل انته اللي يبتني انته اللي تردني
    حميد: لا والله اوووف الله يصبرج يارووح يوم بخلص اشغالي بيي اشلج يالله فارجي
    سلامه: اوكي يالله باي





    نزلت سلامه من السياره ودخلت البيت وكانت شمه وحمده في الاستقبال لها





    سلامه: السلام عليكم صبايا هههههه
    شمه+ حمده: وعليكم السلام والرحمه
    شمه: ايييييه انتي بس لا تضحكين علي
    سلامه: هههههههههههههه شكلج فللله يجنن ههههههههه
    شمه: يا السباله اكرهج زين جي ><
    سلامه: وانا احبج ... احم احم ناس دافعوا عنج ...,,
    شمه: منووووووووووو ,,,,؟؟؟!!
    سلامه: منووووو!! اونج ما تعرفين منووو هع هع منو اللي يابني هاااااا !!!
    شمه: هاااا شووو ماشفت منوو ,,,
    سلامه: الله اكبر عليج يا الخريط مب جنج شفتيهم وعقب شردتي ,,,,
    شمه: اوووووو منووو ماشفت ماشفت شي
    سلامه: حمييييييييد ارتحتي
    شمه : هاا شووو شو هاي بعد ارتحتي منقود عيب عيب
    سلامه: ياويلي عالمنقود والعيب خخخخخخخ
    حمده:بسكم عنبوو هههههههه يالله سلامه قربي قربي حياج البيت بيتج
    سلامه: قريب فديتج وين عيل عمووه ,,,,
    حمده: سايره صوب يرانا وقريب بترد ,,
    سلامه: هيه ياحييها والله ,,
    حمده: الله يحييج ويبقييج ..




    سار حميد صوب البر ولقى ربعه هناك قاعدين فوق العرقوب ويسولفون ورابشين الدنيا بروحهم





    حميد: الله حيووو
    الشباب: الله يحيييك ويبقيك
    حميد: شحالهم العرب
    الشباب: بخير وسهاله ومن صوبك ...
    حميد: يسركم حاليه ..
    علي : حميد وينك امس ماييت صوبنا
    حميد: كنت مشغول علي وما تفيجت السموحه منك الغالي
    علي : مسمووح يعلني افداك .. شغلك ابدا عن الحوامه والسوالف
    حميد: تسلم الغالي ,,
    علي : الله يسلمك
    سيف: شباب وين ناوين الصيف ..
    حميد: انا لين الحين مادري
    علي: يا جماعه خلونا نروح رباعه نتونس
    سيف: والله هالشور طيب شو الراي شباب..
    احمد: انا عن نفسي ماعندي مانع
    سالم: حتى انا ماعندي مانع شو عليه بس وين ناوين ؟؟
    عبيد: شورايكم لندن ...
    حميد: والله شور طيب لندن فنانه ... ها الباقين موافقين ..
    سيف: شو عليه لندن لندن شو ورانا ههههههه
    الشباب : ههههههههههههههه ....
    حميد: يالله شباب اسمحوليه انا برووح وراي سييرة الصناعيه السياره اسمعها اتقرقع مادري شو بلاها
    علي: عيل يالله بروح وياك مالي بارض اقعد هني ,,
    سيف: تو الناس شباب شوفيكم تشاردتوا
    حميد: مشغول سيف بروح اودي السياره وعلي بيخاويني
    سيف: برايكم عيل الله يحفظكم ويسهل دربكم
    حميد: فمان الله ..
    سيف: فمان الكريم ,,





    ركب حميد وعلي السيارة وساروا صوب الصناعية وهم في الدرب كانوا مشغلين



    كل مابنيت الحلم في الـقـلـب وكـمـل
    قـبـل اعـلنـه يـظـهـر صـدى عداوته
    وضحت همومي من ورا الخافق مل
    واحـجـامـهـا حـسـب الوضع متفاوته




    ويوم وصلوا الصناعيه وودوا السياره ويالسين يعدلونها يا سهيل ووقف سيارته وشاف علي




    سهيل: السلام عليك علي
    علي: هلااااا وعليك السلام يامرحبا الساع
    سهيل : مرحب باجي
    علي: شحالك ربك إلا بخير
    سهيل: بخير وسهاله وانته شحالك ؟
    علي: بخير بشوفتك الغالي
    سهيل : يعله حالن مديم
    علي: يدوم عزك ونبض قلبك



    ياحميد صوب علي وهو ماسك تيلفونه ويبا علي ينقله رقم المحل اللي كانوا يتعاملون وياه




    حميد: علي بتخبرك كم رقم هذاك المحل اللي كنا نسير صوبه شكله الرقم ضاع عني ,,
    علي : موجود عندي




    لف حميد صوب علي وانصدم بشوفت سهيل ولد عمه اللي من متى ماشافوا بعض



    حميد: سـ .. سـ.. سهيـــل
    سهيل: هيه نعم سهيل ,,
    حميد: شحالك ياولد عمي
    علي: ولد عمك !!!!!!
    سهيل: بخير وسهاله وانته شحالك وشحال اهلك ..,؟؟
    حميد: بخير وسهاله مايشكون باس
    سهيل: يعله حالن مديم
    حميد: يدوم لك الخير
    سهيل: يالله علي انا بترخص تامرني على حايه ؟
    علي: سلامت روحك ربي يحفظك ...,,,..
    سهيل: يالله عيل فمان الله ...
    علي: فمان الكريم ...





    راح سهيل عن علي وحميد ولكن علي كان مصدوم ان سهيل ولد عم حميد




    علي: ولد عمك ؟!!!


    حميد: هيه نعم ولد عمي ..


    علي: معقول وجيف جي ما كنت اعرف وانا اللي من متى ربيعك وتوني اعرف ان لك ولد عم !!


    حميد: خلها على الله يا علي ...







    سرح حميد شوي وردت ذاكرته لورا ايام المشاكل والهموم والتعب والمستشفيات ايام اللي مرت كنها سنين من كثر الالم والقهر اللي كان فيها ..






    علي: خلاص عيل هذا الرقم حميد ... 7655.... حمييد .. حميييد


    حميد: هلااا وياك..


    علي: وين وياي الله يهديك يالس انقلك الرقم وانته ولا في الدنيا,,,


    حميد: السموحه سرحت شوي كنت افكر في سالفه ,,


    علي: الله يعيينك على عمرك وتفكيرك ههههه


    حميد: هيه والله مادري متى بنفتك من هالمشاكل والبلاوي


    علي: الله كريم ياحميييد خل ايمانك بربك قوي ..


    حميد: والنعم بالله ,,,,


    علي: يالله خلنا نروح دامنا خلصنا ,,


    حميد: يالله عيل ...






    طلع حميد وعلي من الصناعيه وخطف حميد علي صوب بيتهم ونزله وراح حميد صوب بيت عمته شيخه عشان اييب اخته سلامه من هناك ... وصل حميد عند البيت ودق هرن ودق رنه لسلامه عشان تطلع







    سلامه: يالله عيل انا بروح حميد خاري


    ام سعيد: يابنتي ماشفتج توني انا يايه والحين انتي بتروحين


    سلامه: عاد شو اسوي عموه حميد يا وقت ><


    ام سعيد: وشعنه مايدخل وااابوي عليه هذا بيت عمته وليش ما ايي يسلم علي


    سلامه: مادريبه يمكن يستحي هههههههه


    ام سعيد: شمه


    شمه: لبيه امايا آمري


    ام سعيد: قومي سيري زقري ولد خالج من خاري وقربيبه الميلس والحين بييه انا


    شمه" وهي فاجه عيونها" : امايا وين اسير انا استحي ..


    ام سعيد: لا تستحين ولا شياته ولد خالج هذا هب ولد اليران قومي يالله ..


    شمه: ان شاء الله يامايا ...








    نشت شمه وهي مستحيه ومب عارفه كيف اتقرب بولد خالها الميلس وقامت وفجت الباب وتغشت وطلعت كان حميد ماسك تيلفونه ورفع راسه وكان مشغل غنية ....





    يامــغـشيه عني البياضي شلي الغشاوه قبل لا مــوت

    يامعجزة سبع الاراضي لومب الفواكه قطعت التوت

    يافرض منهي بافتراضي يعني حقيقه صوره وصوت
    وانتي فعل ماهوب ماضي قربي وانا بالقرب مبخوت
    مستـقـبلي جـنة رياضـي ومستـقـبلج في القلب منحوت
    مـادام اداريـبـج واحـاضي اوعدج عمرج بالهنا يفوت









    نزل حميد من السياره يوم شاف شمه اتقرب منه








    شمه: السلام عليكم ..


    حميد: وعليكم السلام والرحمه


    شمه: شـ.. شــ .. شحآلك حميد ..


    حميد: هههههه بخير وسهاله بلاج تتنافضين ماباكلج انا ..


    شمه: هآأ لا لا مب جي بس بردانه


    حميد: اها لو اني مب مصدقنج لان الجو حار ههههه


    شمه: والله عاد انا بردانه يمكن لاني محمومه..


    حميد: سلامات ماتشوفين شرالغاليه ..


    شمه"وهي مستحيه": الشر ماييك ... حميد اقرب الميلس تقولك امايا..


    حميد: مستعيل شمه ان شاء الله بيكم مره ثانيه ..


    شمه: حميد مايصير وبعدين امايا معصبه لانك مادخلت اتسلم عليها لاتكــسر بخاطرها ادخل واقعد لو شوي بس


    حميد: عشان خاطرج بس بدخل ..





    استانست شمه على رمست حميد وقربت به الميلس وراحت صوب امها وخبرتها انها دخلت حميد الميلس .. وعقب قامت ام سعيد وسارت صوب الميلس وقعدت سلامه وشمه ..






    سلامه: هاااا قربتي بحميد الميلس هههههه


    شمه: هيييه اووف من حركات امايا تدري اني استحي اجابل ريال


    سلامه: اونه اونه روووح رووح حركات اونج تستحين هههه وحليلج


    شمه: لا والله عيل ويهي لوح اتحرين شراتج


    سلامه : لا والله يعني ويهي لووح ههههه مالت عليج يامسودة الويه


    شمه: اقول جب جب ماتنعطين ويه ..


    سلامه: ماعليه انزين ماعليه اروح عند اخوي ابرك لي من مجابلج ..


    شمه: روحي انزين ..


    سلامه: طاعوا هاي صدق ما تستحين على ويهج طرده عيني عينك..


    شمه: والله محد طردج وهذا بيت عمتج محد يروم يطردج..


    سلامه: ادري ويا هالراس يالله برايج ..


    شمه: الله وياج ..







    سارت سلامه الميلس صوب اخوها وعمتها ويلست شوي وياهم وعقب قاموا وطلعوا من البيت

    وساروا صوب بيتهم وهم في الدرب كان حميد سرحان يفكر بشمه ..









    حميد" في خاطره": ويل حالي والله وكبرتي ياشمه واستويتي مزيونه شكلج إلا خشعتي قلبي ..


    سلامه: حميد خطفني باسكن خاطريه بايس كريم بليييز ..


    حميد: ............


    سلامه: حمييد اكلمك انا بلاك متصومر عني ...


    حميد: هاا شو قلتي ...


    سلامه: اوب اوب اللي ماخذ عقلك يتهنابه خخخخخ


    حميد: شعندج شو تبين تزاقرين ...


    سلامه: ابا باسكن


    حميد : وانا اقول هب متفيج لج ...


    سلامه: عوذ بالله ليش الله بلاني باخوان شرسيين وكله جي يعاملوني وهذا وانا الوحيده اهئ اهئ اهئ ..


    حميد: اقول بس من هالتحرطيم الزايد وخلينا نعرف نسوق ..


    سلامه: انزيييين اوووووووووووف ..






    هـويـنـا وابـتـلـيـنـا بالهوى بلوه

    وتحملنا الهوى وكثرة متاعيبه

    محال نفترق بالـقـلب من يهوه

    ولا نسمع عذوله فـي مـحابيبه








    .



    .



    .



    .



    .



    .



    .



    .



    .



    .



    .




    ان شاء الله يعيبكم هالجزء



    وترقبوا الجزء الثالث





    التعديل الأخير تم بواسطة مربوشهـ فديتني~~ ; 09-07-03 الساعة 05:47 PM
    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  3. #3
    عضو نشيط
    الحالة : فطوم الغلا غير متواجد حالياً
    رقم العضوية : 39544
    تاريخ التسجيل : 22-06-09
    الدولة : الامارات
    الوظيفة : طالبة
    الجنـس : انثـى
    المشاركات : 47
    التقييم : 10
    Array
    MY SMS:

    إلي لقى أحبابه نسى أصحابه

    افتراضي رد: "يصب الهم في كآسي ويسألني تبي سكر؟!"


    القصة طررر روعة الصراحة وايد عيبتني كمليها بسرعة






  4. #4
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"



    " الجزء الثالث "




    في آستراليا ,,, وبالتحديد في احدى المستشفيات ,,}





    طلعت الدكتورة من الغرفه اللي كانت فيها عليا



    فهد: ؟ doctor !! please tell me she is fine
    الدكتورة: yes she is fine u can go to her
    فهد: okay thanks very much
    الدكتورة: hhhhhh u welcome



    دخل فهد بسرعه على عليا في الغرفه وهو خايف عليها ان يكون فيها شي




    عليا: فهد! يا هلا وغلا ,,
    فهد: عليا غناتيه شوفيج شو ياج فجأه جي يدور راسج وطحتي زين ما استخفيت يوم شفتج في هالمنظر ..
    عليا وهي تضحك: بسم الله عليك يا الغالي بس شو اسوي مب مني من اللي جي يسوي فيني إذا جي من اولها عقب شو ناوي يسوي فيني !!!؟
    فهد ( وفوقه مليون علامة استفهام): لييييييييييش شوفيج منو هذا اللي ما يستحي جي سوابج وليش ساكته وشعنه ما خبرتيني من قبل قوليلي منو هذا ؟
    عليا: اعصابك فديتك انا إلا توني عرفت منو هووو ,,,
    فهد وهو معصب: منووووووووو؟؟!!
    عليا وهي حاطه ايدها على بطنها ومستحيه : يعني منو بيكون غير ولدك الدلوع ,,, من اولها وجي يدلع علي الله يعييني عقب شو بيسوي ,,,
    فهد مب مستوعب السالفه : عليا يعني انتي انتي !!!!
    عليا: ههههههههه هييه هيييه
    فهد: يعني انا بستوي ابوو !!!!!!
    عليا: هيه يا الغالي بتستوي ابو
    فهد وهو يضحك ومب رايم يسكت من الفرحه: هههههههههه معقوله ههههه انا انا بستوي ابووو ياوييل حالي احس عمري بطير من الفرح ...
    عليا: هههههههههههههه
    فهد وهو يفكر: برايج شوي وبرد لج ....
    عليا : وين وين ؟؟!
    فهد: دقايق وبرد برمس الدكتوره
    عليا: ههههههههههههه





    راح فهد عند الدكتوره يتخبرها إذا صحت عليا والجنين بخير وإلا فيهم شي وطلب منها ان يسوون سوالف تحاليل عشان يتأكدون انهم بخيير وما يشكون باس .. وعقب رد فهد لغرفة عليا وكانت توها تقوم من على السرير




    فهد : مكانج ولا حركه
    عليا وهيه خايفه: بسم الله الرحمن الرحيم ليش شو مستوي
    فهد: وين سايره وكيف تتحركين خلاص انتي حامل الحين هدي اعصابج شوي وعن الحركه الزايده ..
    عليا وهيه تضحك:هههههههههههههه فهد بعده انزين صغيرووووون ما ينشاف يعني لو تحركت ما بيستويبه شي
    فهد : لا لا لا لا لا قري محلج وين تبين اصلا تروحين ؟؟
    عليا: ابا اروح الحمام ( الله يعزكم)
    فهد: انزين ماعليه بس شوي شوي ,, فديته ولدي شوي شوي عليه
    عليا: ههههههه ان شاء الله من عيوني ما طلبت يا الغالي ..
    فهد: تسلم عيونج حياتي ,,,






    شوي وصاح فون فهد واللي كانت داقه امه





    فهد: يا مرحبا الساع بام فهد
    ام فهد: مرحب باجي هلا وغلا بوليدي شحالك الغالي ربك إلا بخير
    فهد: بخير وسهاله ما اشكي باس انتي شحالج وشحال اخواني وسلامي وابويه علومه واخباره..
    ام فهد: كلهم بخير وسهاله ويردون السلام لك ولعليا انته علومك وعليا شحاله ؟؟
    فهد: الله يسلمهم ويسلمج من كل شر عليا بخير وسهاله ,,,
    ام فهد: يعله حالن مديم ان شاء الله ,,, يالله ياني كثر مشتاقه لك يا الغالي >> وبدت تصيح
    فهد: والله حتى نحن يا امايا بس بس لا تصيحين قريب ان شاء الله برد
    ام فهد: كيف ما تباني اصيح وانته بعيد عن عيوني
    فهد: ان شاء الله قريب بتشوفيني عندج وبتلوع جبدج مني وبتقوليلي رد استراليا بعد
    ام فهد: لو مجابلني 24 ساعه ما بمل منك يا الغالي ربي يردك لي بالسلام هان شاء الله ..
    فهد: ان شاء الله يا الغاليه ..
    ام فهد: هاذيه اختك حشرتني تبا ترمسك
    فهد: ههههههههه اوكي عطيني اياها
    سلامه: هلاااااااااااااااااااااااااااااااااااااااا بفهوووووووووووود
    فهد: فهوووووووود في عينج يا مسودة الويه انا بستوي ,,,,,>> عقب سكت قال في خاطره بخليها مفاجأه ولا بخبرهم
    سلامه: شو بتستوي هههههههههههههههههه
    فهد: ماشي ماشي علوومج انتي
    سلامه: علووم الخير انته اخبارك وعلووم علايه ربها إلا بخير
    فهد: تمااااام الحمدالله ..
    سلامه: يا حيييكم والله متى ناوين تردوون..
    فهد: قريب قريب ان شاء الله ..
    سلامه: وانته ما عندك غير هالكلمه كل ما رمستك قلت قريب قريب متى يعني عطني تاريخ محدد..
    فهد: مابا ولا بخبرج غيااااااااااااااااض ..
    سلامه وهي معصبه: انزين انزين ما هميتني لا انته ولا حرمتك
    فهد : لا والله عيل ليش تتخبرين ..
    سلامه: بس جي فيها شي
    فهد: لا حشه مافيها شي
    سلامه: شووو اشتريت لي
    فهد بمغايض: ولا شي مالقيت شي يناسبج كله للدلوعااات والبنوتااات والبريئات
    سلامه وهي معصبه: لا والله شو يعني انا مب بنت ولا بريئه ولا دلوووعه ><
    فهد: هييه عيل شووو انتي ادفش عنج ما شفت
    سلامه: مشكوووور ايي منك اكثر يالله باي
    فهد وهو يضحك: ههههههههههههه انزين باي





    بند فهد الفون وشوي وطلعت عليا من الحمام ( الله يعزكم) ويلست عالكرسي






    فهد: لا والله وايد واثقه من نفسج ...
    عليا: لييش شو مستوي ما سويت شي انا
    فهد: يالله يالله جدامي عالسرير
    عليا: فهد فديتك مافيني شي ماريد انسدح تعبت ابا ايلس ..
    فهد: يا عليا اخاف عليكم انا قومي انسدحي شوي لين ما تي الدكتوره
    عليا: صح تعال ليش سرت عندها ..؟
    فهد: ماشي طلبت منها تسوي لكم تحاليل وتجيك عليكم ابا اتأكد انكم بخيير وما تشكون باس
    عليا: وااافديتك انا يعلني ما خلا منك لهدرجه تحبناا ..
    فهد: هييه وكيف ما احبكم هو ولدي وانتي حرمتي ..
    عليا: ههههههه انزين حبيبي متى بنطلع ؟
    فهد: تو الناس بعدنا بيسولج تحاليل ..
    عليا: اوووهوووو خلاص مليت ابا اطلع
    فهد: اصبري ماشي طلعه لين اتأكد من انكم بخير ..
    عليا: اووووووووووف اسمينا بنخيس عيل ...








    تمت عليا تسولف ويا فهد لين ما دخلت الدكتوره والنيرسات وشلوها يسولها تحاليل وعقب ما خلصوا بساعه طلعن التحاليل وكان كل شي تماام وعال العال ..





    عليا: حبيبي خلاص يالله انرووح
    فهد: ان شاء الله بس بسأل الدكتوره يمكن يبون يسوون شي بعد
    عليا: اوكي غناتي ..




    راح فهد يرمس الدكتوره اذا يقدرون يطلعون او لا ورخصتهم الدكتوره انهم يروحون



    بعد كم شهر ,,,,,,,,}






    فهد: عليا يالله بنتأخر عالطياره انقفضي ,,,
    عليا: ان شاء الله الغالي يالله يايه بس اسكر هالشنطه ,,
    فهد: سكريها وزقريني انا بشلها مب تشلينها مب زين للبيبي ,,
    عليا: احم احم تخاف علينا ,,
    فهد: لا آخاف بس عالبيبي ما هميتيني انتي ,,
    عليا: لا والله يا سلام عليك ..
    فهد: اون اون يغارووون ..
    عليا: لا عيل ما نغار ><
    فهد: فدييييتهم انا اللي يغاروون اكييد نخاف علييكم كلكم ,,
    عليا وهي مستحيه: هيه توك ,, يالله عيل خلني اخلص ,,
    فهد: يالله بتلقيني في الصاله يوم بتخلصين ..
    عليا : اوكي ..




    فهد كان مسافر من 4 سنوات ورد البلاد وعرس وخذا عليا وياه وسافروا استراليا يكمل دراسته وبعد ما مضت سنه من عرسوا حملت عليا وهيه الحين في شهرها الثالث وماخبروا حد بانها حامل عشان يفاجئون اهلهم وهم رادين البلاد ...





    عليا: فهد .. فهد ..
    فهد: عيون فهد ,,, آمري ..
    عليا : مايامر عليك عدو يا الغالي ,, خلصت من الشنطة ,,
    فهد: يالله عيل بييبها وبي خلينا نطلع لا نتأخر عالطيارة ..
    عليا: هههههه يالله انزين انا جاهزه ..





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  5. #5
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"



    طلع فهد هو وعليا ووصلوا المطار ويلسوا تقريبا ساعه في المطار لين يخلصون اجراءات الرده للبلاد وعقب ركبوا الطياره ,,,


    *

    *

    *


    ((في العين وبالذات بيت بو سعيد




    شمه كانت تسولف في الفون ويا ربيعتهاا فاطمه



    شمه: اووووف ياختي مالي بارض اداوم الجامعه
    فاطمه: مي توو والله شو هذا كراف وعوار راس
    شمه: من الخاطر افففففف وإلا هالمس لعوزتنا بواجباتهااا
    فاطمه: هههههه مب احسن عن سيرنا نحن بعد كرفنا بهالواجبات
    شمه: الله يلعوزهم مثل ما لعوزونا ان شاء الله
    مايد وهو يقلد شمه: الله يلعوزهم مثل ما لعوزونا ان شاء الله
    شمه وهي معصبه: انته شعدك وليش يالس تتسمع يالله اجلب ويهك
    مانع: جب جب جب يالله مناااك شوو الصاله صالتج وانا ما ادري
    شمه: هالله هالله وانته ما داق في خاطرك تيلس هني إلا يوم ارمس في الفون
    مانع: هكي حجرتج سيري رمسي هناك
    شمه : مب على كيفك
    فاطمه: يالله انتي دووم ضرابه يا اخوووج
    شمه: شو اسوي دومه حاط دوبه من دوبي
    فاطمه: هههههه حليله ياهل خلج حنونه
    شمه: هييه امررره خلينا منه شو بتلبسين باجر
    فاطمه: مادري شوو رايج نلبس احمر
    شمه: هههههههههه احمر عاااد
    فاطمه: هييه احمر بتشوفينهم كلهم يطالعونا هههههههه
    شمه: اوكي خلاص احمر احمر
    مانع: شو احمر وين سايره انتي جامعه وإلا مرقص
    شمه: انته شو يخصك ما يخصك فيني
    مانع: انزين ما عليه دواج عندي
    شمه: بعد يهدد هذا اللي ما طلع من البيضه,,, فطامي اقولج يالله برايج برووح اشوف لبسي والاكسسوارات
    فاطمه: هههههه اوكيييك يالله سي يا تمورووو
    شمه: سي ياااا ...






    راحت شمه غرفتها وشغلت المسجل وراحت وفجت كبتها ويلست ترقص وهيه اطالع الكبت والثياب وشو تبا تلبس للجامعه وكانت الغنية :





    على كلن بعديها لو انها ما ادخلت راسي
    لكل غلطه بمشيها واكذب فيك احساسي
    بصدق عذرك الواهي واكتم كلمة بشفاهي
    عشان الود والمعروف بشوف لوين تاليها






    كان حمد يدق الباب بس شمه ما انتبهت لان صوت الغنية عالي وتمت ترقص وهيه مب حاسه بالدنيا من حولها فدخل حمد عليها ..





    حمد : عاشو عاشو بلاج مرتبشه ههههههه
    شمه وهيه مفتشله: هاااا شوووو ماشي ماشي
    حمد بنظرة نذاله: شو كنتي تسوين
    شمه وهيه متوتره: هااا ماشي اطالع ثيابي
    حمد : اهااااا امبين ما شاء الله اطالعين ثيابج وتسوينن رياضه ههههههههههههههههههههههههههههه
    شمه: بااااااااااااااايخ
    حمد: انا بايخ اوكي اوكي خلي بن عروه عيل يطلعج ويوديج المووول
    شمه: هاااااااا شو قلت المووووووول سوري حمد والله ما اقصد انا البايخه حقك علي
    حمد وهو يضحك: هههههههههه خييبه عيل يوم ابا اذلج بقول بوديج مكان هههههههااااااااااااي
    شمه: افااا يا حمد تبا تذلني افاااا بس >>> وهيه تمثل اونها زعلانه
    حمد: اسولف عليج يالله قومي نطلع
    شمه: اوكي يالله
    حمد: مسرع ما رضيتي ههههههههه
    شمه: اوووووووووووووف من حركاتك يالله انرووح وين حمدووووووووه بنشلها ويانا
    حمد: حمدووه راحت ويا امايا بيت امي العوده
    شمه: زين فكه انرووح نتحوط
    حمد: ههههههههه يا الشريره خبرج عندهاا ههههههههههه
    شمه: اوووووووووووه إلا حمدوووه ما تزعل خخخخخخ خبرهاا هع هع
    حمد: انزين ماعليه انا بعلمها الزعل وااااااااااكككككككككك
    شمه: بنشووف هع هع يالله برايك بييب عباتي
    حمد: اووووك يالله بشغل السياره
    شمه: اوكييك الحين بلحقك ,,




    ركب حمد الفتك الابيض وشغلها وشغل المسجل على غنية الجسمي


    وعــيـــت بـــدوركــ وعــيـت بـنـادي
    عـــيـت بــدوركـ يـا راحــت فـــوادي
    بروح في السيدرك صوب المحابيبي




    شمه: عااااااشووووووو حمد مرتبش ههههههههه
    حمد: هييه نعم مرتبش بنتحوط وبنستانس وعقب بنرد البيت
    شمه: اللللللللللللللللللللله وناااااااااسه
    حمد: ههههههههههههههههه يالله نحرك
    شمه: انطلق نحوو المووووووول
    حمد: خيبه ههههههه بدينا بلغة عربية فصحه هههههههه ومكسره بعد
    شمه: من يوم يومي ما فلحت في العربي ههههههههههههههههههههههه
    حمد: كلنا ما فلحنا ههههههه اسميني لعوزة استاذ العربي الله يذكره بالخير كان طيب ونحن شرييرين ههههههه
    شمه: هههههههههههههههههههههههههههههههه شراتنا ههههههه لعوزناهن لين ما قلنا بس لكنهن كانن شريرات
    حمد: حليلكن خخخخخخخخخخ






    وصلوا المول وبركنوا السياره ونزلوا وهم يتمشون في المول صادف ان حميد هناك بعد



    حمد: هلاااا والله بولد العمه ..
    حميد: بالمهلي مايولي يا مرحبا الساع هلا والله بولد خالي ..
    حمد وهو يخاشم حميد: شحالك وعلومك
    حميد: بخير وسهاله ما اشكي باس ومن صوبك
    حمد: بخير وسهاله تمام دامك تماام
    حميد: عساه حالن مدييم
    حمد: ومن قال ان شاء الله
    حميد وهو يطالع شمه: منو حمده وياك
    حمد: لا شمه
    حميد في خاطره: ياويل حالي شماني جدامي..
    حميد : شحالج شمه ؟
    شمه وهيه مستحيه : بخير وسهاله انتي اشحالك
    حميد وهو يطالع حمد : والله بخير بشووفتكم يا عيال خالي >>> عشان حمد لا يحط في باله شي
    حمد: اوووونه بخير بشوفتنا هههههههههه
    شمه: يعله حالن مديم
    حميد وهو يضحك على حمد : ههههههه يدوم عزج ونبض قلبج ,,, هااا شو تسوون هني
    حمد: ابدن بنشوف شو اليديد عندهم وان عيب شي شماني بتاخذه وبنرووح
    حميد: ياحييكم والله يالله عيل انا مرووح تامرني على شي
    حمد: سلامتك طولي بعمرك
    حميد: الله يسلمك وشمه تامريني على شي
    شمه: سلامتك
    حميد: الله يسلمج ويسلم غالينج ومغلينج




    وروح حميد عنهم ولو وده ماراح ودخلوا حمد وشمه المحل وطالعوا فيه وتشروا وطلعوا وتموا يتحوطون في المول من محل لمحل وحمد يدفع ويشل الاكياس..






    حمد: حشه حشه كسرتيني والله تعبت بس انرووح
    شمه وهي تضحك :ههههههههه سوري يا الغالي هات شي بشل عنك
    حمد: لا ماعليه هذا وانتي بعدج ما انخطبتي وجي مشتراج باجر لو تنخطبين كيف بتجهزين الله يعييينج يا امايا اسمييج الا بترابعين وياها
    شمه: ههههههههههههههههه لا عاااد مب لهدرجه
    حمد: والله اشفق عليها امايا احس بتعبنها يوم اعراسكن يا حليلج يا امايا والله حسيت بالشعور اللي تحسين به
    شمه: وااااااااال كل هذا ههههههههههههههههههههههه بس بس دخييلك لا تصيح علي الحين
    حمد: اقول مالت علييج وعلى رمستج يالله خلينا نطلع
    شمه: ههههههههههههه يالله انزين نرووح





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  6. #6
    عضو فضي
    الحالة : φ أمير الظلام φ غير متواجد حالياً
    رقم العضوية : 39454
    تاريخ التسجيل : 15-06-09
    الدولة : ألامارات
    الوظيفة : مجرم
    الجنـس : ذكـر
    المشاركات : 185
    التقييم : 63
    Array

    افتراضي رد: "يصب الهم في كآسي ويسألني تبي سكر؟!"


    مشكوورة





    [


  7. #7
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"



    ركبت شمه السياره وحمد يحط الاغراض ورا وراح وركب وشغل السياره وطلعوا من المول وهم مشغلين غنية




    شوفك غرام وبعدك هيام
    وانا الـمـولـع دايم ودوم
    الاشواق فيه سوت ازحام
    مثل الزلازل داخلي تقوم




    وراحوا صوب المبزره وشمه ماتدري ان حمد بيوديها واستانست واايد




    شمه: ونااااااااسه نحن في مبزره هههههه فديييييتك يا حمد يعلني ما خلا منك
    حمد: احم احم بنفخ ريشي ترا ههههههههههه
    شمه وتمثل دور المصدومه : فيك ريش !!! توني ادري ان الرياييل فيهم ريش
    حمد: سخيييييييفه من الخاطر وما تضحكيين هذا تشبيييه بس ... مالت عليج يا الفاشله في السوالف ههههههههه
    شمه: هههههههههههههههه فاشله في السوالف خخخخخخخخخخخخخ حلوه هاي رقمها دخيلك خخخخخخخخخخ
    حمد: مالت عليج خخخخخخخخخخخخ مستويه تنكتين وايد ههههههههه
    شمه: هيه ترى مستانسه خخخخخخخخخخخخخخخخخخخخخخخخ
    حمد: عساج دووم مستانسه يا الغاليه
    شمه وهي تطالع حمد بنظره فرح : مشكور يا حمد صدق صدق ونستني اليوم
    حمد: ولووووو يا شمووتي لازم اونسج انتي اختي الصغيره مالي غنى عنج
    شمه: واخييرا احس ان في حد ان شاء الله راح يفتقدني لو اعرس هههههههههههههههه
    حمد: هههههههههههههههههههه مالت على تفكيرج تبين تعرسين هاااا اول واحد يخطبج بفرج عليه
    شمه: لا حشه مب جي قصدي خلاص خلني اقولها بصيغه ثانيه امممممممم هيييه واخيرا احس ان في حد راح يفتقدني يوم بمووت
    حمد: عوذ بالله منج ومن كلامج ,, بسم الله عليج شو هالرمسه اللي تقولينها
    شمه: اويييييييييه عصب هههههههههههههههههههههههه
    حمد: اقول جب جب يالله نرد البيت الحين بيحتشروون لو نتأخر
    شمه: هههههههههه يالله انزين






    اول ما دخلو البيت جابلتهم حمده وهيه حاطه يدينها على خاصرتها وتهز ريلها





    حمده: لا والله وين سرتوا اشوفكم مستانسين وابتسامت كريس تبين من بعد كيلوو
    حمد وشمه: هههههههههههههههههههه حلوه حلوه ابتسامت كريس ههههههههههههههههه
    حمده: وااااااااااااي دخييلكم شوي شوي اعصابكم
    شمه: اعصابج انتي بلاج معصبه رحنا المول ومبزره وردينا والله ماكفرنا هههههه
    حمده: لا والله ولي شان شاء الله ما قلتوا لي
    حمد: الله يهديج يا حمده انا يوم يت البيت عشان اشلكن كنتي طالعه ويا امايا يعني ماكنتي موجوده
    حمده: لا ولله وليش ما قلتوا من قبل جان ترييتكم
    شمه: والله يا حمدووه اني ما كنت ادري فجأه حمد فج علي الباب وقال يالله نطلع حتى قلت له نزقر حمدوه قال مالحقت عليها راحت ويا امايا ..
    حمده: اوكي اوكي هالمره سمااااااح ,,, شو اشتريتوا لي
    شمه: هههههههههههههههههه اشتريت لج اشياء وايد وايد
    حمد: هيييه هي تشتري وانا مستوي حمالي وكل اللي في بوكي لمشترياتكم ههههه
    حمده: صدق والله ونااااااسه يالله نرووح الحجره
    شمه وهي تضحك: هههههههههه يالله يالله
    حمده: صح حمد مشكوووووور لو اني ما اعرف شو اشترت شمووه بس طبعاا كله من جيبك فمشكوووووووور مره ثانيه
    حمد: هههههههههههههه العفووو يالله رووحن وفكني من الحشره





    في بيت بو فهد...}





    اتصل فهد على امه قبل ما يدخلون البيت عليهم وقال بيسوي فيهم مقلب




    فهد وهو مغير صوته: السلام عليكم ورحمة الله وبركاته
    ام فهد: وعليكم السلام والرحمه منووو
    فهد: ازيك يا حجه عامله اييه
    ام فهد: بخير الحمدالله امنوووو انت
    فهد: انا هاني ياام فهد
    ام فهد: هاني !!! منو هاني لايكون هاني شاكر ؟؟
    فهد وهو ماسك عمره ويبا يضحك: هههه لا ياحجه انا هاني المترجم اللي في استراليا مع ابنك فهد
    ام فهد: ماحييد ويا ولدي مترجم ما شاء الله عليه برووحه يرمس انجليزي
    فهد: آه بعرف يا ام فهد بس نحن متواجدين للضروره القصوى وإذا صار حاجه مع الشباب اللي من الامارات
    ام فهد وهي زايغه: ولدي فيه شي تكلم
    فهد: والله ماني عارف كيف احكي لك اللي حصل
    ام فهد وهي تصيح: شوفيه ولدي تكلم لا تلعب باعصابي
    فهد وهو متلوم بس يبا يكمل اللعبه: طيب يا ام فهد هدي اعصابك انا دلوأتي موجود عند باب بيتك افتحي ولما ادخل رح احكيلك اللي حصل ..
    ام فهد: يالله يالله بفج لك الباب ..




    وراحت ام فهد تربع صوب الباب وفجته وانصدمت من اللي شافته وكان فهد وعليا عند الباب يضحكون على شكل ام فهد




    فهد: سبرااااااااااااااايس
    ام فهد: فهــــــــــــــــــــــــــــــــــــد الغالي شو هالحركه الماصخه اللي سويتها فيني >>> وهي تصيح
    فهد: لا يا امايا لا تصيحين قلت بسوي فيج مقلب >>> وهو لاوي على امه ..
    ام فهد وهي ماسكه فهد ولاويه عليه: ما تيوز من حركاتك انا قلت عرست وبتعقل ولكن بعدك على سوالفك
    عليا: هههههههههه يا كثر سوالفه فهد ما يخلصن هههههههه
    ام فهدوهي رايحه صوب عليا وتلوي عليها: شحالج يا بنتي حمده الله على سلامتكم اسمييكم ابطيتوا علينا
    عليا: الله يسلمج يامايا شو نسوي هاي دراست فهد
    ام فهد: الله يغربلها من دراسه جانها بعدت عيالنا عنا
    فهد: ههههههههههه يالله يا امايا عاد هذا نصيبنا لازم نطلع وندرس برع
    ام فهد: دخلوا دخلوا يعلني هب بلاكم تعالوا واستريحوا عاد اسمحوليه ما دريت انكم بتون جان فجيت حجرتكم وخليت الخدامات ينظفونهن اكييد الحين امتزرن من الغبار من متى ما فجيتها للخدامات مادري متى آخر مره فجيتها وخليتهن ينظفنها ,,,
    فهد: ماعليه يا امايا الحين خليهن ينظفنها وبنيلس في الصاله لين يخلصن ..
    ام فهد: عاد لو قلتوا لي جان الحين وانتوا واصلين تدخلون وتتسبحون وترقدون لكم شوي وترتاحون
    عليا: يالله ماعليه مب تعبانيين وايد لان رقدنا شوي في الطياره.
    ام فهد: زين والله ياحييكم عسى ما تعبتوا في الطياره
    فهد: شوي والله لكن الحمدالله وصلنا بالسلامه ..
    ام فهد: الحمدالله الحمداللله ,,
    عليا: عيل وينها سلامه مالها شوف..
    ام فهد: والله مادري بها يمكن في حجرتها ,,
    عليا: يالله عيل برووح اشوفها خليني افاجأها ,,
    ام فهد: هيه هيه فاجئيها هههههه اكييد بتنصدم..
    فهد: هههههههههه يالله بتتصفعين يا عليا لو زيغتيها عاد هيه زاهبه للضرب يوم تخاف
    عليا: لا لا ما بخوفها مافيني انضرب ..
    فهد: ههههههههههه بس حاسبي على نفسج >>> كان يقصد انها حامل وشوي شوي على عمرها بس ماحب يبين لامه شي الحين ..
    عليا ( وهي تغمز): ان شاء الله ..






    وراحت عليا حجرة سلامه وفجة الباب بدون ما ادق عليه وفجته بطريقة تخوف





    عليا: شو تسوين كشفتج..
    سلامه وهي فازه: والله ما اسوي شي بسم الله الرحمن الرحييم >> بعدها مب مستوعبه منو داخل عليها
    عليا: زين زين زين يالله عيل برايج
    سلامه: اوكي ,,,,,,,,,,




    عليا سكرت الباب وتمت واقفه وتضحك





    سلامه (توها تستوعب): عليااااااااااااااااااااااااااااااااااااااااااااااا اااااااااااااااااااا >>> وتركض صوب الباب



    عليا تبعدت عن الباب لا تنكفخ الحين ههههههه







    سلامه وهي تفج الباب: علاااااااااااايه رديتوااااااا هههههههه >> وتلوي على عليا
    عليأ : شوي شوي علي خنقتيني
    سلامه: سوري هههههههههههه بس من الوناسه هههههههه وين فهووودي
    عليا: تحت عن امايا
    سلامه: بنزل اشوفه وبرد لج ههههههه باخذ العلوم والاخبار عنج الليله صباحي السهره عندي
    عليا: ههههههههههه لا لا مافيني اسهر تعبانه ومالي بارض ههههههههههه
    سلامه: عقب عقب بنتفاهم برايج الحين >>> وركضت سلامه صوب الدري ونزلت تحت
    فهد: بسم الله شوي شوي لا اطيحين
    سلامه( نقزت على اخوها فهد): فهووووووووووووووووووووووووووود حبيبي حمدالله على السلامه
    فهد: خيييبه خنقتيني شوي شوي علي
    سلامه وهي تصيح من الفرحه: والله تولهت عليك يا السبال
    فهد وهو يضحك: متولهه وسبال ماتركب هههههههههههههههههههه
    ام فهد: سلاااموووووووه وويعه خوزي عن اخوووج لا تعورينه
    سلامه: انزين انزين حشه حشه ما تخلون حد يطلع كل مشاعره هههههههههه
    فهد: هههههههههههههه حشه حشه انا عادي عندي الكل يطلع مشاعره إلا انتي لان مشاعرج الصراحه قويه وتعور وتخنق هههههههههههههههههههههههههههههههه
    عليا: هههههههههههههههه يا حليلها يا فهد
    فهد: لايكوون خنقتج انتي بعد ههههههه
    عليا: لا لا عالخفيف بس ههههههههه
    فهد: زين زين هههههههههه
    سلامه: ماعليه ماعليه زعلت منكم هذا وانا مستانسه جي تقولون ردوا ردوا استراليا ما نباكم
    ام فهد: لا والله نباهم شعنه جي تقولين يالله مناااك ما صدقت من الله اشوف ولدي جدام عيوني
    فهد وهو يلاعب بحواجبه ويطالع سلامه: وييييييييييو وجان يقفطونهم
    سلامه: جب جب جب مب منك مني انا يالله باي برووح فوووق
    فهد: هههههههههههههههه تعالي اسولف عليج
    سلامه: دام هاي سوالفك مالي حايه فيهم يالله باي
    فهد: والله زعلت خلاص عيل بنعطي بنت الييران الهدايا اللي ميوبه لج ,, امايا بنت ييرانا كبر سلامه صح ونفس قياسها
    ام فهد: هيه شراتها جي
    سلامه: لا والله ماشي ابا الهدايا
    فهد: تراج زعلانه والزعلان ما ياخذ هدايا
    سلامه: لاااااااااااااااااااااااااااااااااا ابا الهدايا ما يخصني
    عليا: ههههههههههه خلاص خلاص لج انتي بس لا تزعلين
    سلامه: اوكي اوكي ما بزعل منكم خلاص مسامحتنكم هالمره بس لا تعيدونها
    فهد وعليا وام فهد: هههههههههههههههههههههههههههههههههههههههههه صدق لوتيه ههههههههههههه
    سلامه (وهيه تهز ريلها): طالعه عليكم يا اللوتييين
    فهد: الحين نحن طلعنا لوتيين ههههههههه زين ما عليه وينه حمييد عيل ؟
    سلامه: ماعرف طالع من الصبح ولا ادله وين
    فهد: اممممممم دقيله خليه ايي
    سلامه: اوووجييييييج .....
    فهد: امايا عيل وين ابويه ماشوفه
    ام فهد: وين بيكون يعني إلا في العزب ههههههه
    فهد: هههههه ابويه موته وحياته هالعزبه
    ام فهد: شو نسويبه بعد ما يستغني عنها





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  8. #8
    عضو الماسي
    الصورة الرمزية مربوشهـ فديتني~~
    الحالة : مربوشهـ فديتني~~ غير متواجد حالياً
    رقم العضوية : 33328
    تاريخ التسجيل : 06-03-09
    الدولة : υ.α.є «|]
    الوظيفة : طْآلبــٍہ ۋ آلعـِـِـِيآذٍ بآلٍلٍهْ هٍهًهْ . , !َ *
    الجنـس : انثـى
    المشاركات : 1,772
    التقييم : 317
    Array
    MY SMS:

    ٺعًلمـٺٍ مـنْ صـٍدآإمـَ عـْدمـِ آإلآحُٺـْرآمـٍ . , !َ *

    افتراضي رد: "يصب الهم في كآسي ويسألني تبي سكر؟!"



    اتصلت سلامه على اخوها حميد





    سلامه: هلوووووووو ماي برووذر
    حميد: خلصي شو تبين
    سلامه: خيبه بلاااك جالب الموود
    حميد: هب متفيج شو تبين
    سلامه: امممممممممممممم ناس عندنا لازم تي الحين بسرعه
    حميد: منووو هالناس؟
    سلامه: عرب عرب ورياييل تعال بسرعه لا يعصب ابوي عليك
    حميد: ورشووود وينه
    سلامه: راقد تعبان مريض بسرعه تعال
    حميد: يالله انزين ياي ياي





    بندت سلامه عن حميد وتمت تضحك عليه





    فهد: هااا بلاج تضحكين هههههههه
    سلامه: وحليله حمييد يتحرى عرب عندنا هههههههههه
    فهد: الله يغربل بليسج بتنهزبين عقب
    سلامه: لا لا يوم بيشوفك بينسى ههههههه





    بعد 5 دقايق وصل حميد البيت ودخل




    حميد: السلام عليكم ,,
    الكل: وعليكم السلام والرحمهـ
    حميد: لاه لاه لاه هذا فهد هني وإلا شبيهه
    فهد: لا شبيهه ههههههههه
    حميد وهو لاوي على فهد: والله ولك وحشه يا الغالي
    فهد: وانته بعد يا حمييد
    حميد: الحمدالله على سلامتكم توه نور البيت
    فهد: الله يسلمك منور باهله
    حميد: شحالج عليا ربج إلا بخير
    عليا: بخير ياحميد انته شحالك ما شاء الله عليك شكلك متغير
    حميد: ههههههه هااا للاحسن وإلا الأسواء
    عليا: للاحسن اكييد هههههههههه
    حميد: ههههههههه زين زين
    سلامه: يالله الحين بينفخ ريشه ههههههه
    حميد: يالله مناك انتي شو تغاارين وبعدين شعنه تجذبين وتقولين عرب ما عرب شووو هالخريييط
    سلامه: هههههه قلت بخليك تتفاجأ بهم يوم بتوصل هع هع هع
    حميد: هاهاهاي بايخه حركتج
    سلامه: مب ابيخ عنك
    ام فهد: وانتوا كله ضرابه
    حميد وسلامه: توووم شو نسوي هههههههههه
    فهد: الله يعيينا نحن لا يونا توم بعد
    الكل : شوووووووووووو
    ام فهد: عليا حااامل !!!
    فهد: اووووووووووف صدق اني مارووم ادس سر ههههههه
    سلامه: مبروووووووووووووووووك بستوي عمه هههههههه
    حميد: مبرووك مبرووك يا فهد يا سلااام ام فهد بتستوي يده
    ام فهد: هههههههه واااا يعلني ما خلا منكم الله يهنيييكم ويعله الولد الصالح
    عليا: اميين ان شاء الله




    راشد توه نازل من فوق





    راشد: سلااامووووه ما ترووومييين تلمين ثمج وتخلينا نعرف نرقد
    سلامه: لا والله مب بس انا اللي حاشره الدنيا
    راشد: اوووو فهد هني يا مرحبا الساع
    فهد: مرحب باجي هلا وغلا برشووود
    راشد: ههههه الحمدالله على السلامه متى وصلتوا
    فهد: من ساعه جي
    راشد: يا حييكم والله ,,, هلا عليا شحالج الحمدالله على السلامه
    عليا: الله يسلمك راشد شحالك عساك بخيير
    راشد: بخيير وسهاله دامكم بخير
    سلامه: رشود رشود ...
    راشد: رشوود في عينج انا اخوج العود زقريني راشد
    الكل: ههههههههههههههههههههههههههه
    سلامه: يوم بتعرس بزقرك راشد هههههههه المهم الحين فهد بيستوي ابوووووووووووو
    راشد: لاه لاه بتستوي ابووو مبروووك مبرووووك
    فهد: هههههه الله يبارك فيك
    راشد: زين زين حمييد بنستوي اعماام ههههههه
    حميد: هييه نعم واخيرا بنسمع صوت ياهل في البيت ههههه
    ام فهد وهي تصيح : فديتهم عيالي كبرووا وبييبون يهااال
    سلامه: بدت العيوز اتصييح
    ام فهد: عيوز في عيينج بعدني شباب بس فرحانه بكم
    فهد: ههههههههه عساج دووم فرحانه يا الغاليه
    ام فهد: يمييع ان شاء الله
    حميد: يالله عيل انا بترخص برووح ارقد تعباااان
    ام فهد: برايك يا الغالي رووح ارتاح
    حميد: يالله برايكم





    راح حميد غرفته وتسبح وانسدح على شبريته



    حميد في خاطره : اللله يا شمه بلاج مب رايم تروحين عن بالي شوفتج اليوم ردت الروح فيني لو اني ما شفت ويهج إلا قربج يفرحني عساج يا الغاليه تكونين من نصيبي ان شاء الله ...






    في بيت بو سعيد ,,,,]





    حمده: شموووه شموووه شمووووه شموووووووووووووووووووه
    شمه: وويعه ان شاء الله اشفيج انتي تصارخين تبين سعيد يهزبج
    حمده: هههههههه فهد فهد
    شمه: اشفييييه !!!
    حمده: رد من السفر وباجر مسوين عزيمه غداء لسلامتهم
    شمه: صصصصصصصصصصدق
    حمده: اشعندج استانستي هااااا
    شمه: ماشي بعد شووو بنطلع من البيت وبنرووح بيت عمووه وبنستانس ويا سلامووه وعليووه
    حمده: اهاا ههههههه زين زين زين




    ×

    ×

    ×

    ×

    ×

    ×

    ×

    ×

    ×


    شو تتوقعون يصير في العزيمهـ

    هل شمه وحميد بتلاقون بالصدفه او لا ؟

    بيصير تطور بعلاقتهم ؟


    ان شاء الله يعيبكم البارت

    وترقبوا البارت الرابعـ





    [..سُِــبْحَِِِِـِـِآنَ الـِلِّهـِ وًِبِِـِحَـِِمِِْدِهِِْـ ..سُـبْـِـِحَـِـِآنَِ الـِْلِّهِِـِ الع ـِـِظيـِـِـِمــ...]

  9. #9
    عضو نشيط
    الحالة : فطوم الغلا غير متواجد حالياً
    رقم العضوية : 39544
    تاريخ التسجيل : 22-06-09
    الدولة : الامارات
    الوظيفة : طالبة
    الجنـس : انثـى
    المشاركات : 47
    التقييم : 10
    Array
    MY SMS:

    إلي لقى أحبابه نسى أصحابه

    افتراضي رد: "يصب الهم في كآسي ويسألني تبي سكر؟!"


    مشكووووووورة البارت روعة ونتريا البارت الياي






  10. #10
    عضو الماسي
    الحالة : أميرة راك غير متواجد حالياً
    رقم العضوية : 18841
    تاريخ التسجيل : 28-06-08
    الدولة : الإمارات
    الوظيفة : طالبة
    الجنـس : انثـى
    المشاركات : 3,833
    التقييم : 727
    Array
    MY SMS:

    وآثق الخطى يمشي ملكاًَ

    افتراضي رد: "يصب الهم في كآسي ويسألني تبي سكر؟!"


    تسلمين






صفحة 1 من 6 123456 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. "اطول "اروع"احن"اقرب"اصعب"احزن"اسوأ"اجمل"
    بواسطة محمد الجزائري في المنتدى المنتدى العام General Forum
    مشاركات: 28
    آخر مشاركة: 12-06-07, 02:29 PM
  2. حل أسئلة رقم(3ص99"1ص105تطبيق3ج"2ص110"7ص113"2ص117تطبيق3و"35و 36ص123)
    بواسطة بدويه كشخه في المنتدى مادة الفيزياء
    مشاركات: 24
    آخر مشاركة: 10-03-23, 05:43 PM
  3. مشاركات: 9
    آخر مشاركة: 09-04-25, 05:05 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •