بسم الله الرحمن الرحيم

السلام عليكم

اشحالكم / اشحالكن ؟

عساكم / عساكن ابخير و طيبين إنشاءالله؟




قريت هالقصة فمنتدى من المنتديات وحبيت أنقلها لكم .....

ها الولد توه في أول عمره...داش كلية الشرطه...ايي الاربعاء و الخميس و اليمعه...المهم كان يكلم بنت...ويحبها موووت..كان يموت فيها...كان يحبها بجنون...و يا ما مسكوه و هو يكلمها في الكلية و حجزوه...ويا ما عطوه انذارات من كثر ما يمسكونه يكلمها..و هو عادي...المهم يسمع صوتها..ويوم الاربعا ايي يسلم على امه...واييلس بس نص ساعه في البيت و يطلع من البيت مسرع...يروح يخطف حذال بيتهم...يروح منطقتهم...عشان ترد روحه...و دوم تقوله امه:" ايلس ويانا...توك ياي" يقولها:"عندي شغل مواعد ريال"...دايما جذيه على هالحاله يسلم على أهله وبسرعه و يطلع..و هي ادق له و هو بين أهله و تقوله:"يالله تعال بسك منهم" و يودر كل اللي في ايده و يروح لها...المهم مره كان يكلمها و قالتله بسكر الحين قالها:" بتفضين الليله عشان اكلمج"، قالتله:"لا..تعبانه و برقد الليله"،قالها:"أوكي خلاص.."...و يوم أدى الليل يا على باله يدق الها...لو واعيه بتكلمه لو راقد ما بترد...المهم البنت عندها رقمين..طبعا موبايلين...و بكل برود كانت تكلم واحد و سهرانه عشانه و قالت للي يموت فيها انها بترقد...و دق عليها..
هي يوم شافت الرقم..سارت تبا تخليه يرن بس بدون صوت...(تعرفون هالحركه) المهم بالغلط..ضغطت على الزر اللي يرد عليه...ضغطت و فرت التليفون على بالها طقعت له و ردت تكلم الأخ...و تخيلوا موقف الولد...انصدم...منو تكلم!!!!! عقب تم يسمعها و يسمع الكلام اللي ينقال...و الغزل و الكلام اللي يظنه انه بس كان له...المهم سجلها...و هي تكلم هذاك الريال...و تم على الخط لين ما قالت لهذاك انها بتسكر عنه...ويوم سكرت..سكر...
فاليوم الثاني..و هو يكلمها قالها"رقدتي حبيبتي أمس؟"
قالت له"هيه والله كنت تعبانه"
قالها" هيه..لأني اشتقت لج و دقيت ولا رديتي عليّ"


قالتله" هيه شفت الرقم يوم قمت...اسمح لي حبيبي"...
قالها" صار خير...بسمعج شي...أريدج تسمعينه للنهاية "
قالت"أوكي"...سمعها التسجيل...بغت تتخبل انصدمت..و بغت ترمس...قالها"أوص ولا كلمه...سمعي للنهايه"...وهي كانت تتفداه وو تضحك وياه هذاك الريال...و كل ما تريد ترمس و تيب عذر يسكتها"جب...قلتلج سمعي للنهايه"...لين ما خلص التسجيل قالها"يوم انج عفتيني و شبعتي مني...
ليش ما قلتيلي؟؟..
شو اللي ما سويته و ترس عينج؟؟...
غلطت عليج؟
خنتج؟
ضحكت عليج؟...
ليش؟




خاطري أعرف ليش...بعد كل الحب اللي عطيتج اياه..اللي اول مره أعطي حد جذيه.....
ليش...كيف كل هالايام اللي خطفت و مرت علينا..هانت عليج..كيف؟!؟"...
وطبعا راحت تبا تعتذر ولكن خلا اعذارها لها...
وخلاها..وراح بجروحه و صدمته الكبيرة لي ما كان يتوقعها منها...
و بغت ترد له بس ما في فايده خلاص....
و للعلـــم...كان يكلمها...وتم وياها سنتين كاملات...سنتين يحبها و يخلص في حبه...سنتين يتعذب عشانها..وهي ضيعت كل هالايام في ثواني... ...


ملااااااااااااااحظة : الحب عمرة مااايبنا بالدس واللي يبدى بالغلط اكيد نهايته بتكون غلط والله يهديهم ويهدي الجميييع


... منقوووول لعيونكم الحلوة ...