تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 3 من 3 الأولىالأولى 123
النتائج 21 إلى 27 من 27
  1. #21
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: حياتي تنتهي بدمعي ..! الكـآتبه ريحانه الشرق


    قوم وضحى ...


    بدور : اميه ابا اطلع لي ليسن ..
    ام وضحى : شوووه .. لا لا بعدج صغيره ..
    بدور : شوووه .. خلاص انا خلصت الثانويه ..يعني كبرت .. اميه الله يخليج رمسي ابويه ..
    وضحى وهي تدخل الصاله : ها شو بعد .. شو تبين من ابويه ..
    بدور : ابا ليسن ..
    وضحى : هيه اميه لازم اطلعون لها ليسن ..
    بدور : عاشت عاشت وضحى ..
    وضحى : ههههههههه .. انا افكر في الأشياء اللي بيستفيدون منها ..
    بدور : كيف ما فهمت ..
    وضحى : لو انتي طلعتي ليسن بعدين ما بيقولون وضحى سيري وضحى ردي .. وإذا قالوا .. طبعا انا بقول وليش بدور ما تروح .. فيعني انا على اقل برتاح ..
    بدور : طااع والله انج شريره كله تفكر في عمرها .. اصلا انا ابا ليسن لانه انتي مب كل يوم بتوصليني الجامعه ..
    وضحى : ليش انتي ما بتروحين جامعه بوظبي اليديده ..
    بدور : هيه ..
    وضحى : انزين عندهم وسائل المواصلات ..
    ام وضحى : صدقها اختج روحي بالباص .. يعني مافي امان تضربين كل يوم خط للجامعه بروحج ..
    بدور : اوووهووو .. اميه انتي بتكلمين ابويه ولا شو ..
    الاثنين : ههههههههههههه ..
    ام وضحى : هيه بكلمه خلاص ولا تزعلين ..
    بو وضحى وهو يدخل الصاله : السلام عليكم ..
    الكل : وعليكم السلام ..
    ام وضحى : زين يوم انك ييت ..
    بو وضحى : خير ان شاء الله شو السالفه ؟
    ام وضحى : بنتك بدور تبا ليسن ..
    بو وضحى : زين زين .. ما شاء الله .. اصلا انا مخلص الأجرائات .. وبعد اسبوع بتروح تتدرب عند وحده ..
    بدور وهي مستانسه وتبوس راس ابوها : والله .. فديتك ابويه .. مشكور ..
    ام وضحى : افاا وليش ما خبرتني ..
    بو وضحى : بغيت اسوي لكم مفاجآه .. بس انتوا خربتوها ..
    ام وضحى : هههههههههههه .. كله من بنتك بدور ما عندها صبر ..
    وضحى : مبرووك يالغيورة مقدما .. والله حاسه انج ما بتنجحين في التراي من اول مرة .. هذا والله اعلم ..
    بدور : لا ان شاء الله بنجح .. انتي ليش تفاولين .. اففف منج ..
    وضحى : ههههههه ... ما اباج تكونين احسن عني ..
    بدور : والله انج نذله .. يارب يارب انجح من اول مرة ..
    وضحى : يارب ..




    في السيارة عند احمد وراشد ..

    راشد : احمد الحين بيأذن المغرب تعال خلينا نسير المسيد اللي صوب بيتنا ..
    احمد : اوكي ..
    بعد الصلاه ..
    راشد وهو ينادي بو وضحى : عمي عمي ..
    بوضحى : هلا بولديه .. شحالك راشد ؟
    راشد : الحمدلله عميه وانته احوالك ؟
    بو وضحى : الحمدلله ..
    راشد : عمي هذا احمد ربيعي ..
    احمد وهو يمد ايده علشان يسلم
    بو وضحى : هلا والله احمد ..
    احمد : هلا فيك عمي ..
    راشد : هذا بو وضحى ابو خواتي اللي برضاعه ..
    احمد : يا مرحبا الساع ..
    بوضحى : مرحبا ملايين ..
    بو راشد : السلام عليكم ..
    الكل : وعليكم السلام ..
    بوراشد : هلا احمد شحالك ..؟
    احمد : هلا عمي .. والله بخير وسهاله ..
    بوراشد : تعال خلنا نسير بيتنا نتقهوا ..
    احمد استحى يرد بوراشد : ان شاء الله .. وكلهم ركبو سيارة احمد لانهم يروحون المسيد مشي ..
    وصلوا والكل نزل .. ودخلوا البيت ..

    راشد يروح صوب المطبخ : اميه اميه ..
    ام راشد : هلا فديتك .. خير شو فيك تصرخ ..
    راشد : خلي الخدامه تسوي قهوة و جاي واتيبه صوب الميالس ..
    ام راشد : ان شاء الله الحين ..



    بعد خمس دقايق ولا الخدامه ادق الباب ..
    راشد يقوم ويفتح الباب وياخذ عنها الصينه ويصب لهم جاي ..
    بو وضحى وهو ياخذ الجاي منه : احسنت يا ولديه ..
    بوراشد : احمد وينك من زمان ما ييت صوبنا ..
    احمد : والله ياعمي الدوام تعرف بعد ماخذ كل وقتي .. والخميس واليمعه اروح عند ابويه في دبي .. ومرات ازور الأرحام .. تعرف الرسول صلى الله عليه وسلم حثنا انه ما نقطع صله الأرحام ..
    بوراشد : هيه صدقت والله ..
    بو وضحى وهو حس انه ارتاح حق احمد : ما شاء الله عليك يا ولديه .. بارك الله فيك .. انته ولد منو ؟
    بو راشد : هذا ولد محمد اخو عبيد ..
    بو وضحى : هيه ونعم والله .. شحالك ابوك .؟
    احمد : الحمدلله ..
    بو وضحى : وينه ما يي صوبنا هنيه في بوظبي ..
    احمد : والله الشركه ما خذه كل وقته .. بس ان شاء الله جريب وبيي بوظبي ..
    بو وضحى : ان شاء الله ..
    ومرة وحده يرن تيلفون احمد ..
    احمد : السلام عليكم ..
    فاطمه : وعليكم السلام .. وينك يا ريال ..
    احمد : ويه نسيت .. خلاص الحين بيي ..
    فاطمه : يلا بسرعه ..
    احمد : ان شاء الله .. يلا فداعت الله ..
    فاطمه : فداعت الرحمن ..
    احمد : اعذروني .. والله القعده وياكم ما تنمل بس واعد اختي اني بزورها ولازم اروح ..
    الكل : الله يحفظك ..
    راشد : تعال بوصلك ..
    احمد قبل لا يطلع .. يلا عيل الشيوخ .. مع السلامه ..
    الأثنين : مع السلامه ..
    راشد وهو يوصل احمد .. يلاعيل حبوب اشوفك جريب ..
    احمد : ان شاء الله ..



    وطلع احمد .. وركب السيارة .. وبعد 10 دقايق يوصل البيت .. يفتح باب الميلس ويشوف خالته وعمه يالسين ..
    احمد : السلام عليكم ..
    الأثنين : وعليكم السلام ..
    احمد وهو يحب راسهم : شحالكم .؟
    الأثنين : الحمدلله ..
    بو فاطمه : وينك يا ريال .. ولا جنك ساكن في حوينا .. محد يشوفك ..
    احمد : اسمحلي عمي .. انته تعرف الدوام والتعب يعني ما الحق اسوي شي ..
    بوفاطمه : مسموح ..
    فاطمه وهي تدخل : السلام عليكم ..
    الكل : وعليكم السلام ..
    فاطمه : انا ما قلت لك انته بعد الصلاه تعال ..
    احمد : هيه قلتي بس والله بو راشد ما خلاني إلا اتقهوى عنده .. واستحيت ارده .. ورحت بيتهم ..
    فاطمه : اها ..
    احمد : انزين شو السالفه ..
    ام فاطمه : احمد نحن رمسنا البنت .. وقالت انهم ما عندهم مانع .. بس يبون يقعدون وياك شويه ..
    فلازم يعني قوم امك ايون ونسير كلنا بيتهم مرة .. تشوفها وتشوفك وبعدين يصير خير ..
    احمد : ايواه ..
    ام فاطمه : انا كلمت امك وهم ياين في طريج بيباتون عندك جم يوم .. واليوم فاطمه بتكلم البنت انه عقب باجر نحن بنزورهم ..
    احمد : اها اوكي ..
    فاطمه : عيل انا بترخص بروح اكلمها قبل لا يأذن اوكي ..
    الكل : اوكي ..
    فاطمه راحت .. على غرفتها ..
    رحمه : فت فت .. فطيم ..
    فاطمه : هلا ..
    رحمه : شو السالفه .. ؟
    فاطمه وهي تضحك : هااع ما شي ..
    رحمه : شو ما شي ويالسين وصاكين الباب عليكم جنه تبون تسون حرب ..
    فاطمه : ههههههه .. لا حرب ولا هم يحزنون .. بس كل شي في وقته حلو يا حلو انته ..و راحت غرفتها ..
    رحمه مستغربه .. تقول في خاطرها :هاييل وراهم سالفه .. والله يعديها على خير ..


    بيت قوم بوراشد ...

    بو وضحى : ما شاء الله عليه ولد محمد .. خوش ريال ..
    بوراشد : هيه والله .. اصيل .. ما شاء الله عليه ..
    بو وضحى : كيف جي .. هو وين ساكن علشان يقول انه يزور امه وابوه في الاجازة ؟
    بو راشد : هو ساكن هنيه في بوظبي ويا عمه .. لانه دوامه في بوظبي .. وعنده بيته بس في حوي عمه .. ويزور امه في ايام الأجازة ..
    بو وضحى : ايواه ..


    قوم بو فاطمه ...

    فاطمه وهي في حجرتها ..

    فاطمه : السلام عليكم ..
    وضحى : وعليكم السلام .. هلا وغلا بالحلوة ..
    فاطمه : عيونج الحلوه .. احم احم اقول الغلا ..
    وضحى : عونج ..
    فاطمه : عانج الله .. اممممم بس انا كلمت الأهل عن رد هلج .. وقالوا انه عقب باجر بيزورونكم ..
    وضحى وهي ساكته ..
    فاطمه : الو .. الو ..
    وضحى : هلا ..
    فاطمه : وينج ؟
    وضحى : وياج ..
    فاطمه : شو قلتي ..
    وضحى مستحيه: اممم .. اوكي مب مشكله ..
    فاطمه : اوكي عيل انا بخليج لانه قوم خالتيه بيون ..
    وضحى : اوكي .. يلا ربي يحفظج .. وسكرت عنها ..



    فاطمه وهي تروح غرفه رحمه ..
    فاطمه : رحووم ..
    رحمه : هلا ..
    فاطمه : ترى قوم خالوه بيون الحين ..
    رحمه وهي تنقز من مكانها : اونه ..
    فاطمه : هيه والله .. وبيباتون عند احمد في بيته ..
    رحمه : اها .. بصراحه .. انا هب فايجه اتعدل ..
    فاطمه : حتى انا .. بسير جي بالتنورة ..
    رحمه : انا بعد ..
    ومرة وحده ويسمعون صوت الجرس ..
    فاطمه : اكيد هم .. يلا قومي خلينا ننزل ..
    رحمه : اوكي ..

    وينزلوون تحت ..


    ام فاطمه : هلا والله بهند .. وتحضنها .. لانه من زمان ما شافتها .. شحالج حبيبتي ؟
    ام احمد : والله بخير .. انتي احوالج ؟
    ام فاطمه : يسرج الحال .. ادخلي ..
    فاطمه : السلام عليكم ..
    ام احمد : هلا والله فطيم ..
    فاطمه : هلا فيج .. شحالج اميه وتبوسها على راسها ..
    ام احمد : الحمدلله بنتيه .. << ام احمد ما عندها غير احمد وبدر.. واتحب فاطمه وايد وتعتبرها بنتها لانه فاطمه راضعه منها ..
    رحمه : شحالج خالوه .. وتسوي شرات فاطمه ..
    ام احمد : هلا رحمه .. تمام فديتج ..

    ويلسو عندها .. ثواني ولا الشباب يدخلون ..
    بو فاطمه : هود هود ..
    ام فاطمه تعدل شيلتها : حياك حياك ..
    رحمه تلبس الشيله .. لانه احمد مب محرم عليها ..
    بو فاطمه : السلام عليكم ..
    الكل : وعليكم السلام ..
    بوفاطمه : اشحالج ام احمد ؟
    ام احمد : تمام ربي يعافيك ..
    التوم علطول يروحون يسلمون على عمهم محمد ..
    فاطمه وهي تبوس راسه : شحالك ابويه ..؟
    ابو احمد : الحمدلله بنتيه ..
    رحمه تسوي شرات فاطمه : شخبارك عمي ..
    ابو احمد : الحمدلله ..
    ويلست فاطمه عند هند .. تموا يسولوفون ..
    ام احمد وهي تمسك فاطمه من جتفها واتيبها صوبها ..
    ام احمد : اشتقت لج فطامي ..
    فاطمه : انا بعد اميه .. << تحب تناديها اميه ..
    ام احمد وهي تبوسها على راسها : ليش ما اتين دبي ..
    فاطمه : اميه تعرفين انه قبل ايام المدارس .. بس الحين ان شاء الله بزوركم ..
    ام احمد : ان شاء الله ..
    بو فاطمه : ها ام احمد شو الدرب .. ووين بدر ليش ما يبتوه وياكم ..
    ام احمد : افف شو هلكت .. وايد طويل .. وبدر قال مالي خلق الدرب ..
    بو فاطمه : اها .. هيه لانج مب متعوده اما نحن فمتعودين علشان جي ما نحس بالتعب ..
    ام احمد : ايواه .. بس صدق واايد بعيد .. طلعت روحي ..
    الكل : هههههههههههههه
    فاطمه : حليلج اميه ..
    ومرة وحده يدخل بطي ..
    بطي : السلام عليكم ..
    الكل : وعليكم السلام ..
    بطي وهو يسلم على عمه : هلا والله ببو احمد ..انا اقول ليش البيت منور .. أثاريه انتوا موجودين فيه ..
    وسار صوب خالته : شحالج ام احمد ..؟
    ام احمد : تمام فديتك ..
    ويلس وياهم ..
    بو احمد : بطي ويه ويه متغير .. محلو ..
    فاطمه : هيه كل يوم يروح الحلاق .. علشان خطيبته ..
    الكل : هههههههههههههه ..
    بطي : اهيه اقول صكي حلج ولا اكسر ضروسج ..
    فاطمه : ما تقدر ..
    بطي : اففف .. اميه زخي بنتج .. والله لسانها متبري منها ..
    الكل : هههههههههههههههه
    فاطمه : اقول ترى بعديني ما انتقمت منك ..
    بطي : هههه .. ويه خرعتيني ..
    فاطمه : انته اتريا وبتشووف ..
    ام فاطمه : على شو تبين تنتقمين ..
    فاطمه : ذاك اليوم كنت في المطبخ وجان يخرعني .. وحتى كرياتي تبا تنتقم منه لانه صب عليها ماي ..
    ام فاطمه : شووو .. متى استوى كل هذا ..؟؟
    بو فاطمه : ماذكر بس كان الفير .. بعدين يت فطيم عندي اونها تتشكى ..
    بطي : والله هاي البنت دلوعه اكثر من اللازم .. فديت قلب رحمه والله .. محد شراتها ..
    رحمه ساكته .. بس تبتسم .. ما تحب ترمس وايد يدام احمد ..
    ام فاطمه : عن اذنكم .. وتروح صوب المطبخ .. ولا بعد ربع ساعه ..
    ام فاطمه: يلا يا جماعه الخير تعالوا زهب العشا .. والكل نش ..


    وفي الليل في بيت احمد ..

    فاطمه رايحه وياهم علشان تيلس ويا ام احمد اكثر ..
    ام احمد : ما شاء الله بيت احمد كشخه .. خبرني احمد انه هذا كله من ذوقج ..صح ؟
    فاطمه : هيه .. بس بعد اشوي من ذوق احمد .. وتموا يحوطون في البيت .. لانه هند مب يايه بيت احمد .. آخر مره يت كان توه يبنونه .. ويوم وصلت غرفه احمد شافته غير عادي كان ..
    ام احمد : افا ليش جي غرفه احمد؟
    فاطمه : هاي الغرفه خليته حق حرمته .. خليه هي تعدله ..
    ام احمد : ايواه .. اونج عاد ..
    فاطمه : هههههههههه ..
    ام احمد : فطامي حبيبتي ..
    فاطمه : نعم اميه ..
    ام احمد : نامي عندي اليوم ..
    فاطمه : هاا .. اوكي مب مشكله .. بس خليني اغير ملابسي وبي اوكي ..
    ام احمد : اوكي انا بترياج ..
    وراحت فاطمه بيتهم تغير ملابسها .. ويوم نزلت ..
    ام فاطمه : على وين ؟
    فاطمه : ام احمداني تباني انام عندها ..
    ام فاطمه : ايواه .. اوكي روحي ..
    فاطمه : خبري باباتي انزين ..
    ام فاطمه : انزين .. بسرعه روحي ..


    فاطمه وهي تركض .. لانه الجو حر وما تبا تخيس ..

    فاطمه وهي تفتح الباب : افففف لو نحن ما نستحمل حر الدنيا كيف حر جهنم ..
    احمد : فطيم شو تخبلتي يالسه ترمسين روحج ؟
    فاطمه : ههههه اسكت اسكت .. وين اميه ؟
    احمد : في الصاله ..
    فاطمه : وانته على وين رايح نصايف الليل ؟
    احمد : مادري .. ابا اطلع شوي اغير جو ..
    فاطمه : ايواه .. اوكي روح ..
    احمد : بتين وياي ..؟
    فاطمه : لا بسير شوي ايلس ويا اميه .
    احمد : برايج ..
    ابو احمد : احمد وين بتروح ؟
    احمد : هلا ابوي .. ماشي بسير اتمشى وبرد ..
    ابو احمد : خلاص خذني وياك ..
    احمد : اوكي ..
    ابو احمد : تريا باخذ تيلفوني ..

    فاطمه : وهي تيلس عند ام احمد ..
    ام احمد وهي تصك التلفزيون : هلا حبيبتي .. خبرتي امج ؟
    فاطمه : هيه اميه .. قلت لها ..
    ام احمد : قوم خلينا نسير الحجرة .. ابا اتمدد شويه تعبت من الطريج ..
    فاطمه : اوكي ..وراحوا الغرفه ..


    ام احمد وهي تنسدح على سرير احمد .. لانه احمد وابوه بينامون في غرفه الضيوف .. وفاطمه وام احمد بينامون في غرفه احمد ..
    ام احمد : آه .. تكسر ظهر ..
    فاطمه وهي تيلس على طرف السرير : سلامه ظهرج .. سوي شرات اميه .. شارية شرات مخده يسوي مساج .. والله عجيب .. هههه ..
    ام احمد : وييه امج استوت عيوز .. انا اكبر عنها .. والحمدلله .. ما احس بشي ..
    فاطمه : ههههههههه فديتها هاي العيوز والله ..




    ام احمد : هههه ..
    فاطمه وهي تيلس حذال ام احمد وتسند ظهرها عالسرير ..
    فاطمه : ويه صدق اشتقت لج اميه ..والله ذكرتيني بأيام الطفوله.. يوم كنت اي وابات عندكم في دبي.. الله يرحم ايام زمان ..
    ام احمد وهي تمسك راس فاطمه وتحطه على ريلها : فديتج والله .. اشكر الله على انه عوضني فيج
    فاطمه : والله انتي واميه شرات بعض .. الله لا يحرمني منكم ..
    ام احد وهي تلعب في شعر فاطمه : فطيم خبريني كيف شكل وضحى؟
    فاطمه : هههههههه .. ليش مستعليه عقب باجر بتشوفينها ..
    ام احمد : دخليج اوصفي لي شكلها ..
    فاطمه وهي تيلس : اوكي .. هي ضعيفه بس واايد يعني هيكل .. لا حلو جسمها .. وشوي سمرى ... بس وايد حلو سمارتها ..وعيونها كبار وعسليه .. وحياتها مقرونه .. وفيها غميزات .. اممم في خدها الأيمن يبين اكثر .. امممم وبعد شو .. هيه وايد صريحه .. وشوي ملتزمه وراعيه اخلاق وادب .. ودمها حفيف .. كل بنات المدرسه يحبونها .. ومن يشوفونها في الفسحه علطول يتيمعن حواليها .. وهي ادرس عربي .. امممم وبس ..
    ام احمد: ما شاء الله .. لا ان شاء الله بيستوي خير ..
    فاطمه : ان شاء الله .. اميه شحال بدر .. من زمان ما شفته ولا كلمته عالتيلفون ..
    ام احمد : والله بخير .. وقالي سلمي على فاطمي واااايد ..
    فاطمه : اونه .. انزين هو الحين راقد ؟
    ام احمد : لا هو يسهر ..
    فاطمه : زين عيل بتصل فيه وبلعوزه ..
    ام احمد : يعرف رقمج ..
    فاطمه : لا انا غيرت رقمي ..
    ام احمد : اوكي بس حطي عالأسبيكر ..
    فاطمه :اوكي ..بعد ثواني ..
    بدر : الو السلام عليكم ..
    فاطمه : وعليكم السلام .. هذا تيلفون نهيان ؟
    بدر : لا اختيه غلطانه ..
    فاطمه : آسفه اخويه .. يلا مع السلامه ..
    بدر : مع السلامه ..
    ام احمد: افا ليش سكرتيه ..!!
    فاطمه : ترى الحين بتصل فيه مرة ثانيه .. وثواني ..
    فاطمه : السلام عليكم ..
    بدر : وعليكم السلام هلا ..
    فاطمه : سوري بس انته متاكد انه هذا رقم نهيان ..
    بدر : لا غلطانه ..
    فاطمه : عيل تيلفون منو ؟
    بدر :هذا تيلفون بدر محمد ..
    فاطمه : هلا والله عاشت الاسامي .. ممكن نتعرف ؟
    بدر : شوو .. عيب يابنت الحلال ..استحي على ويهج ..
    فاطمه : افا يا بدوري .. افا .. ليش يمكن يكون هذا قدرنا .. ويمكن تخطبني .. فاطمه وهي تغمز حق امها ..
    بدر : شووه .. انتي وين تبين تدلعيني بعد ..
    فاطمه : بصراحه انا ارتحت لك وايد ..
    بدر : تعرفين شوه .. ما صار لج ثواني .. ارتحتي لي ؟؟ استغفرالله .. يا بنت الناس صكي التيلفون احسن ..
    فاطمه : افاا .. ليش ما تبا ترمسني ..
    بدر : بتسكرين ولا اصك في ويهج ..
    فاطمه : لالا خلاص بسكر .. بدر ..
    بدر : خير ..
    فاطمه : الخير في ويهك .. امك تسلم عليك ..
    بدر: شوووو ؟
    فاطمه : بدوري احبك احبك .. وفاطمه وهي ماسكه عمرها .. تبا تضحك ..
    بدر : شو فيج .. انتي في حد عندج ؟
    فاطمه : هاا .. لالا ..
    بدر : لا تجذبين ..
    فاطمه : لا حشى ليش اجذب ..
    بدر : انزين .. انتي شو اسمج ..؟
    فاطمه : انا .. فاطمه ..
    بدر : عاشت الاسامي ..
    فاطمه : عاشت ايامك ..
    بدر : من وين انتي ؟
    فاطمه : من بوظبي وانته ؟
    بدر : من دبي ..
    فاطمه : ليش سهران الين الحين ؟
    بدر : ما شي ماياني رقاد .. وانتي ؟
    فاطمه : والله كنت ابا امس خطيبي نهيان .. بس الجلب مب معطني رقمه صح ..
    بدر : اويه انتي مخطوبه ..
    فاطمه : هيه فديتك .. بس خلاص بفسخ خطوبتي لاني احبك ..
    بدر : شو .. لا حشى لا تسوين جي .. ليكون تتحريني بتزوجج ..
    فاطمه وام احمد يضحكون : هههههههههههههههههه ..
    ام احمد وهي تشل التيلفون : بدور وويع ..
    بدر وهو يشهق : اميه .. انتي شو تسوين هنيه ؟.. ومنو اللي كانت ترمسني توه ..
    ام احمد : ههههههههههههه هاي اختك فطيم ..
    بدر وهو معصب : هااا .. !! قولي والله ..
    فاطمه : والله ..
    بدر : طااع الجلبه .. والله انا براويج يالخايسه ..
    فاطمه : وحليلك بعد انته مصدق خخخخخخخخخخخ ..
    بدر : يالدبه انا براويج ..
    الكل : ههههههههههه
    فاطمه : اقول حبيبي .. انا خلاص قررت اني افسخ خطوبتي علشانك ..
    بدر : شو حظرتج ياله تتمصخرين عليه .. ويا ها الراس ..؟؟
    فاطمه : هههههههههههههههههه .. ليش ما ييت بوظبي ..
    بدر : والله مب فايج ..
    فاطمه : شو ها بعد مب فايج .. يعني انته الحين ما تشوف خالتك وعمك إلا في المناسبات .. والحين يوم يت الفرصه .. قلت هب فايج .. والله انك دلوع ..
    بدر : هههه جب يلا جب .. خلاص عيل انا بيي ويا ربيعي بوظبي .. لانه يبا يزور اهله .. وفي نفس الوقت بخليه يوصلني ..
    فاطمه : اوكي شيخي .. انا بسكر الحين ابا ارقد .. تبا شي ..
    بدر : لا .. بس امي سمعتني يوم قلت اني بيي ..؟
    فاطمه : هيه ..
    بدر : عيل خلاص مع السلامه ..
    الأثنين : مع السلامه .. وسكرت عنه وتوموا يضحكون ..



    في السيارة ... احمد وابوه ..

    ابو احمد : احمد ..
    احمد : خير ابويه ..
    ابو احمد : ما شي بس ليش ساكت ..
    احمد : ما شي .. يالس افكر ..
    ابو احمد : في شو يالس تفكر ؟
    احمد : ما دري في امور الدنيا ..
    ابو احمد : مثل شو يعني ؟
    احمد : ما دري احسن انه الزواج فيها مسؤوليه .. ومادري لو انا اقدر عليه ولا لاء ؟
    ابو احمد : لا انته قادر .. لانه سنوات وانته عايش بعيد عن اهلك .. وفي كل شي معتمد على روحك .. وهذا يدل انك تقدر عليه .. تقدر عالمسؤوليه ..
    احمد : هذا رايك ؟
    ابو احمد : هيه .. ولا تحاتي .. اعرف اني دايم بكون وياك .. وإذا احتجت اي شي .. ما يردك إلا لسانك ..
    احمد : مشكور والله .. ما تقصر ..


    وردوا البيت ..

    احمد وهو يعدل الفراش : ابويه ارقد عالسرير وانا برقد على الغنفه ..
    ابو احمد : اوكي .. اووب شنطتي في غرفتك فوق ..
    احمد : اسير ايبه لك ؟
    ابو احمد :لا لا انا بسير ايبه .. ويطلع من الغرفه ويصعد فوق ..
    ويفتح الباب شوي شوي .. يشوف هند يالسه تتطالع فطيم وهي نايمه .. بعدين تقوم هند وتروح صوب محمد ..
    هند : خير حبيبي شو فيك .. ؟
    محمد : ما شي بس بغيت آخذ ملابسي ..
    هند: اتريا بطلعه لك .. واطلع ملابس من الشنطه ..
    هند : هاك ..
    محمد : تسلمين فديتج ..
    هند ساكته تبتسم ..
    محمد وهو يبوسها على راسها : يلا سيري ارقدي ..
    هند : ان شاء الله .. وتروح ومحمد يطلع برع الغرفه ويصك الباب شوي شوي








  2. #22
    عضو الماسي
    الصورة الرمزية خفايا الشوق
    الحالة : خفايا الشوق غير متواجد حالياً
    رقم العضوية : 11060
    تاريخ التسجيل : 30-03-08
    الدولة : •●
    الوظيفة : •●
    الجنـس : انثـى
    المشاركات : 3,321
    التقييم : 1252
    Array
    MY SMS:

    ..اْللّهُمّ اْجْعَلْ آخِرَ كَلَاْمِيْ مِنَ اْلْدُنْيَاْ لَاْ إِلَهَ إِلّاْ اْللّهْ .. ,

    افتراضي رد: حياتي تنتهي بدمعي ..! الكـآتبه ريحانه الشرق


    في اليوم الثاني ........ الساعه 11 ..


    قوم بو وضحى ...

    وضحى وهي تتصل في راشد ..
    وضحى : السلام عليكم ..
    راشد : وعليكم السلام .. هلا ..
    وضحى : اهلين .. جيف حالك ؟
    راشد : تمام ربي يعافيج .. وانتي ؟
    وضحى : يسرك الحال .. راشد ..
    راشد : هلا ..
    وضحى : اممممم شوف بدش في الموضوع علطول .. انزين .. والله يارشد في واحد ياي يطلب ايدي وباجر هله بيون بيتنا واباك اتي انته وابوك وامك ..
    راشد : متى بيون ..؟
    وضحى : بعد صلاة العصر ..
    راشد : خلاص عيل .. بخبر اميه .. وان شاء الله بنيه ..
    وضحى : اوكي .. انا بخليك اميه تناديني ..
    راشد : سلمي سلمي ..
    وضحى : ان شاء الله يوصل .. يلا مع السلامه ..
    راشد : مع السلامه ..

    وسكرت عنه ..
    وضحى وهي تنزل : خير اميه شو فيج .. ؟
    ام وضحى : ما شي بس اباج تيلسين عند عمور .. بسير اصلي الضحى ..
    وضحى : اوكي ..
    ام وضحى : اوكي..
    وضحى وهي تزقر عمير : عموري عمور .. تعال ..
    عمير وهو يركض صوبها : شنو دادا ..
    وضحى : تعال بنسير فوق .. وشلته .. وراحت فوق ..



    قوم بو شيخه ......


    بو شيخه : يا عيالي بمناسبه نجاحكم .. قررنا انا وامكم انا نسافر لندن نروح صوب البراد ونخلي الحر حق الجيران ..
    الكل : ههههههههههههههههه ..
    بو شيخه : يدامكم اسبوع علشان تتجهزون .. الأربعاء مب اللي ياي اللي بعده بنسافر .. فيعني اللي تبا تاخذ لها ملابس شتوية باجر انا بوديكم علشان تتشرون اوكي ..
    الكل: اوكي ..
    شيخه وهي تبوس راس ابوها : مشكور ابويه ..
    وناصر واسما يسون المثل ..

    شيخه وهو تروح غرفتها وهي مستانسه .. بسير اتصل حق فطامي ..

    شيخه : مرحبا ..
    فاطمه : مرحبا ملايين ..
    شيخه : شحالج حووبي ..
    فاطمه : تمام يسرج الحال ..
    شيخه : دوم يارب .. فطيم بخبرج شي حلو ..
    فاطمه : شو ها ؟
    شيخه : ابويه قرر انه يودينا لندن ..
    فاطمه : يا حظج .. انا ما عتقد انه نسافر هاي السنه ..
    شيخه : افاا ليش ؟
    فاطمه : ما دري احساسي يقول جي ..
    شيخه : ههههههه وانتي ما عنج سالفه تصدقين احساسج ..
    فاطمه : ههههههه هيه والله.. انزين متى ناوين تروحون ؟
    شيخه : مب الأربعاء هذا اللي بعد .. ..
    فاطمه : حلااام .. بشتاق لج ..
    شيخه : انا بعد والله .. فاطمي حبيبتي .. بخليج انزين .. بدق لج عقب ..
    فاطمه : اوكي .. يلا مع السلامه ..
    شيخه : مع السلامه ..




    في بيت قوم فاطمه ...


    ام فاطمه : هند والله اشتقنا لج .. ليش ما تينا كل اسبوع ؟
    ام احمد : ويه كل اسبوع .. شو تبين تكسرين ظهريه .. انا يوم واحد ييت بغيت انتحر انتي تقولين كل اسبوع ..
    ام فاطمه : افا عليج .. خلاص بطرش لج باص .. واي وقت بغيتي تتمدين علطول روحي ورى وتمددي ..
    ام احمد : هههههههه ويا راسج اونج بعد تتطنزين ..
    ام فاطمه : ههههههههههههه ..

    والرياييل داشين البيت بعد ما رجعوا من الصلاه ..

    ابو فاطمه : درب درب ..
    ام فاطمه : حياك ..
    والحريّم يعدلن شيلهن
    الرياييل : السلام عليكم ..
    الحريم : وعليكم السلام ..
    الرياييل وهم يدخلون الصاله .. وقعدوا ..
    ابو فاطمه : ريم حطي الغدا ..
    ام فاطمه : اممم ما بتتريون بدر ..
    ابو فاطمه : ليش بدر بيي ..؟
    ام فاطمه : هيه .. هو في الدرب ..
    ابو فاطمه : اوكي خلاص بنترياه .. ومرة وحده يدقون الجرس ..
    ام فاطمه : اكيد هذا بدر ..
    بطي : خلاص انا بسير بفتح الباب ..
    بدر وهو شال شنطته : السلام عليكم ..
    بطي : وعليكم السلام .. هلا والله بالقاطع ..
    بدر : اهلين ..
    بطي وهو يشل عنه الشنطه : جيف حالك يا ريال ..
    بدر : يسرك الحال ..
    بطي : ادخل ادخل ما في حد غريب ..
    بدر وهو يدخل : السلام عليكم .. وعلطول يروح عند عمه بوفاطمه ويبوسه على راسه ..
    بدر : شحالك عمي ..؟
    بوفاطمه : بخير الحمدلله ..
    بدر وهو يسلم على ابوه وامه خالته : شحالكم .. ؟
    الكل : الحمدلله ..
    ام فاطمه : خلاص عيل بسير انجب الغدا .. راحت ولحقتها هند ..
    بطي : من متى وانته في الدرب ..
    بدر : اممم والله يمكن ساعه .. لانه وقفنا عند الشيشه نصلي ..
    بطي : منو وصلك ؟
    بدر : ربيعي ..
    بطي : عيل وينه ؟
    بدر : راح بيت هله ..
    بطي : ايواه ..
    احمد وهو داش الصاله : هود هود ..
    بطي : حياك ولد خالوه ..
    احمد : السلام عليكم ..
    الكل : وعليكم السلام ..
    بدر وهو ينش علشان يسلم على احمد ..
    بدر: شحالج خويه ..
    احمد : ويه بدر .. ويسلم عليه .. وينك يا ريال ما نشوفك ..
    بدر : في الدنيا ..



    في المطبخ ..
    ام فاطمه وهي تتصل في رحمه ..
    رحمه : مرحبا ..
    ام فاطمه : مرحبتين .. اقول رحوم .. لبسي شيله وانتي نازله .. عيال عمج موجودين ..
    رحمه : ان شاء الله ..
    ام فاطمه : يلا خبري اختج ونزلوا.. الحين بنحطي الغذا ..
    رحمه : اوكي .. وتسكر عنها.. وتروح عند فطيم ..
    رحمه وهي ادق الباب : فطووم ..
    فاطمه : الباب مفتوح ..
    رحمه وهي تدخل تشوف فاطمه طالعه من الحمام عزكم الله : نعيما ..
    فاطمه : الله ينعم عليج ..
    رحمه : اقول اظن اخوج ياي ..لانه اميه قالت انه عيال عمي موجودين .. يعني اكيد بدر ياي ..
    فاطمه : هيه امس كلمته وهو قال بيي ..
    رحمه : اووب اووب .. شو ها الزين .. توني الاحظ ..
    فاطمه : هااع .. حلو خواري ؟
    رحمه : إلا عجيب .. يبالي اهفه منج ..
    فاطمه : ابوج بيهفه .. هههههه
    رحمه : هههههه .. يلا عيل بسرعه خلينا ننزل ..
    فاطمه وهي تتجحل .. الحين ثواني .. وطلعت رحمه من الغرفه .. ولحقتها فطيم ..



    تحت ..
    رحمه وفاطمه : السلام عليكم ..
    الكل : وعليكم السلام ..
    فاطمه تروح صوب بدر : شحالك بدوري وتغمز له ..
    بدر : هههههههههههه تمام ..
    فاطمه وهي تيلس حذاله : متى ييت ؟
    بدر : توه قبل 5 دقايق تقريبا ..
    فاطمه : اها ..
    هند وهي داخله الصاله : يلا يا جماعه الخير تعالوا تغدوا ..
    الكل نش وراح .. بعد خمس دقايق عالغدا ..
    فاطمه : فاتكم امس والله شو نقعت من الضحك ..
    بدر : ههههههههههههه .. لانه تذكر سالفه امس عالتلفون ..
    بطي : ليش شو استوى ..
    فاطمه : امس كنت ابا العوز بدر ......................................وخبرتهم السالفه ..
    الكل : ههههههههههههههههههههههههههههههه
    بطي : حليلك والله بدر .. مشكله يوم فطوم تسوي مقالب ..النذلة التيبه صح ..
    فاطمه : ههههههههههههه .. هيه عيل شو ..
    بدر : والله انج طلعتي هب هينه .. وتم يضحك ..




    في بيت قوم بو وضحى ..


    بدور : الحمدلله .. تسلم يدينج اميه عالغدا الطيب ..
    ام وضحى : لا فديتج اليوم وضحى سوت الغدا ..
    بدور : تسلمين وضحى .. والله انه حلو .. إلا تعالي ما احيد انج تعرفين تطبخين ..
    وضحى : شوو ؟ ويا راسج انا كل اسبوع اطبخ .. بس الحين ما شي دوام .. فيعني مرة انا مرة اميه .. اصلا انتي كله راقده شو تعرفين .. لو انا طبخت ولا اميه ..
    بدور : هيهيهيييهي .. انزين انزين .. خلاص ..ما قلنا شي ..
    وضحى : تحريت بعد ..
    بو وضحى : حتى انا ما كنت اعرف ..
    وضحى : شووووه انته بعد ابويه ..
    بو وضحى : لالا امزح .. والله كنت اعرف ..
    ام وضحى : هههههههههههههههه .. والكل نش ..





    في بيت قوم فاطمه ..


    بعد الغدا .. في الصاله ..
    بو احمد : عبيد ..
    بو فاطمه : عونك ..
    بواحمد : عانك الله .. بغيت اقول شو رايك اتي انته والعيال سويسرا .. نغير جو .. بيستانسون اليهال ..
    بو فاطمه : فكرة حلوه والله .. بس وقت الين ما نحجز فندق .. والتذاكر مب علطول ..
    بو احمد : والله انا فكرت انه لو انه نسير مزرعه الوالد يكون احسن .. لانه عود وبناخذ راحتنا .. وانا قبل فتره متصل في ابو ايمن الحارس .. انه نحن بني .. وخليته يأجر خدم ينضفون كل الاجنحه .. جناحنا ونجناحكم ..
    بو فاطمه : زين والله .. من زمان ما رحنا مزرعه الوالد الله يرحمه ..
    فاطمه : هيه ابويه الله يخليك خلنا نسير ..
    بوفاطمه : اوكي خلاص بنروح .. انزين انته متى حاجز تذاكرك ؟
    بو احمد : بعد ما نخلص سالفه احمد .. بسير احجز ..
    بوفاطمه : هيه جي احسن .. خلاص يا عيال .. طبعا مب كلكم تعرفون عن سالفه احمد .. انا بخبركم بس مابي حد يقول حق حد لانه بعده ما استوى شي بينا .. انزين ..
    الكل : ان شاء الله ..
    بو فاطمه : ان شاء الله باجر بنسير نخطب حق احمد .. معلمه فاطمه .. فيعني ما حبيت تكونون الاطرش في زفه ما تعرفون شو اللي يستوي حواليكم ..
    رحمه وتقوم وتيلس صوب فاطمه ..
    رحمه : اييه عن منو يرمس ابويه ؟
    فاطمه وهي تضحك ضحكتها الشريره : هيهيهيهيي .. مس وضحى ..
    رحمه وهي تشهق : اونه .. وما لقيتي إلا مس وضحى ؟
    فاطمه : ومن الحب ما قتل .. يحبها ..
    رحمه : ؟؟؟؟؟؟ عن شو ترمسين ؟
    فاطمه : الحب من اول نظرة ..ههههههه
    رحمه : يلا فطوم بترمسين ولا افلعج بالريمود ..
    فاطمه : ما شي شافها في المدرسه وقالي احبها .. وخبر امه .. والحين بيسيرون يخطبونها ..
    رحمه : ويه ويه .. والله كل هذا يطلع من احمد .. غريبه ..
    فاطمه : شو هو اللي غريب .. ليش احمداني ما عنده قلب ..
    رحمه وهي تضربها عالخفيف : مب جي قصدي .. اونه احمد ملتزم وما عنده هاي السوالف ..
    فاطمه : انزين هو ما سوا شي غلط .. حبها وسار يخطبها ..
    رحمه : افف انزين خلاص كلتيني .. وانتي بتروحين وياهم باجر ..
    فاطمه : اكيد .. هم اصلا ما يعرفون قوم البنت إلا من صوبي ..
    رحمه : والله انج هب هينه .. تسوين كل هذا من وراي ..
    فاطمه : هع هع .. وتضحك ضحكتها الشريره ..
    رحمه : ايواه .. يوم كنتوا متيمعين امس ..كنتوا ترمسون في هاي السالفه صح ..
    فاطمه : يب ..
    رحمه : الله ونااسه بنسير سويسرا ..
    فاطمه : هيه انا طول عمري خاطريه اسير سويسرا ..
    هند : فطيم انتي رحتي قبل مزرعه يدج ؟
    فاطمه : لا اميه ما رحت ..
    هند : عيل صدق بتستانسين ..
    فاطمه : ليش حلو .
    هند : هيه واايد حلوه كله اخضر والجو واايد حلو براد .. والخيول .. واحلى شي انه كل مكان في ورود .. مب اي ورد .. كله ورود الجوري والبنفسج ووايد انواع من الورود الغاويه .. يدج الله يرحمه ما خلى شي ما سواه في هذيج المزرعه ..طول عمره كان يعدل في هاي المزوعه .. وكان كل سنه يروح لها ..
    فاطمه : الله عيل وناسه بيكون ..
    رحمه : عيل لا تنسين تشلين كامرتج ..
    فاطمه : اكييد .. اول شي كامريتي وبعدين لاب توبي وبعدين تيلوفوني .. هااع << التوم وايد يحبون التصوير هاي هواياتهم المفضله .. بعد ركوب الخيل .. بس فاطمه تحب الرسم بعد.. اما رحمه فلا ..
    رحمه : هيه انا بعد .. بسوي شراتج ..


    الله اكبر الله اكبر ..

    بو فاطمه : ما شاء الله اذن العصر ..
    بواحمد : هيه ما شاء الله .. يلا عيل توكلنا نروح المسيد ..
    الشباب : يلا .. وكل نش ..

    فاطمه وهي تروح غرفتها تصلي .. وبعد ما صلت تفتح المسن .. وتشوف الشله كلهم موجودين .. وتسوي انفايت حق الكل ..
    فاطمه : السلام عليكم ..
    الكل : وعليكم السلام ..
    فاطمه : شحالكم ..
    الكل : تمام ..
    فاطمه : الله وناسه ..
    شيخه : ليش ؟
    فاطمه : بنسافر سويسرا ..
    الكل : اونه ..
    فاطمه : والله ..
    سلمى : يا حظج ..نحن بنسير قطر عند اهل اميه ..
    فاطمه : حلو ..
    مهره: نحن الين الحين ما قررنا نروح مكان ..
    فاطمه : افا ليش ؟
    مهره : ما دري .. ابوي عنده شغله .. لا تخافين انا بفتح لهم سير السفر وبشوف شو بيقولون ..
    شيخه : زين زين .. انا بسير لندن ..
    سلمى ومهره : اونه ..
    شيخه : والله .. مب هذا الأربعاء اللي بعده ..
    سلمى ومهره : يا حظج ..
    ومره وحده تدخل رحمه المسن .. وفاطمه تسوي لها انفايت ..
    رحمه : اووب حزب الله متيمعه اليوم ..
    الكل : هههههههههههههه
    فاطمه تحطي صوره صاروخ : قوموا عن يطيح عليكم ..
    الكل : ههههههههههههههههه
    رحمه : فطوم خبرتيهم ..
    فاطمه : هيه خبرتهم ..
    رحمه : شفتوا محد قدنا ..
    مهره : ايييه لا .. لاتقهروني ..
    الكل : ههههههههههههه ..
    رحمه : ليش ما بتسافرون هاي السنه ؟
    مهره : مادري ..
    شيخه : اقول رحوم تراني بسافر يوم الأربعاء ..
    رحمه : اونه .. على وين ؟
    شيخه : على لندن ..
    رحمه : ياعيني .. يمدحوون كاكاوهم .. يقولون انه لذيذ ..
    شيخه : اونه .. خلاص عيل بيب لكم كاكاو ..
    فاطمه : رحووم انتي كله تفكرين في البطن ..
    الكل : ههههههههه ..
    رحمه : والله خاطري في كاكاو ..
    فاطمه : انا عندي تعالي خذي لج ..
    رحمه : اوكي بس مب الحين ..

    وتمووو يسولفون الين المغرب ..



    وفي اليوم الثاني .. يوم الأربعاء ..

    الصبح ..
    احمد وهو يتصل في راشد : السلام عليكم
    راشد : وعليكم السلام ..
    احمد : جيف حالك ؟
    راشد: بخير وسهاله .. وانته ؟
    احمد : الحمدلله .. راشد .
    راشد : هلا ..
    احمد : اممممم اليوم انا ابا اسير مكان .. واباك اتي وياي ..
    راشد : اممم .. والله يا احمد .. بس اسمحلي واعد اختي اني بروح عندهم ..
    احمد : اها اوكي مب مشكله ..
    راشد : اسمحلي ..
    احمد : لا ما عليه مسموح .. يلا مع السلامه ..
    راشد : مع السلامه ..


    بعد صلاه العصر .. في فيلا احمد ..

    هند : يلا احمد بنتأخر عالجماعه ..
    احمد : ان شاء الله ان شاء الله .. اميه شكلي جي زين ..
    هند : إلا قمر .. يا حظها اللي بتاخذك ..
    احمد وهي مستحي : ههههه .. وين ابويه ؟
    هند : في بيت عمك ..
    احمد : اوكي .. يلا نسير ..

    في بيت قوم بو فاطمه ..


    فاطمه : رحووم كيف شكلي .؟
    رحمه : ههههه بس بس .. لو شافوج بيخطبونج حق ولدهم ..
    فاطمه : ما عندهم عيال كبار .. اصغر واحد عمره 5 سنوات ..
    رحمه : افاا ..
    فاطمه تتجحل ولا هي لابسه ذاك الخوار الأحمر ..
    رحمه : افف انت من وين تشتريت هاي القطع .. والله انهم خبال ..
    فاطمه : هههههههههههههه .. عطيني عباتي ..
    رحمه وهي تودي لها عباتها .. مره وحده تسمع صوت حد يدق الباب ..
    فاطمه : منو ؟
    احمد : انا احمد ..
    فاطمه : تريا شويه ..
    رحمه وهي تلبس شيلتها : حياك حياك ..
    اول ما يدخل احمد : ياعيني عليج .. والله انج قمر .. يا بويه اقري على عمرج عن يحسدونج ..
    فاطمه : ههههههه .. ان شاء الله ..
    فاطمه وهي تحط دهن عود الشمس من اجمل .. وتروح صوب احمد وتحط له ..
    احمد : يلا انسير ..
    فاطمه : يلا .. فاطمه وهي تبوس اختها رحمه .. يلا مع السلامه ..
    رحمه : مع السلامه ..


    بيت قوم فاطمه تحت ..

    احمد : بنروح بسيارتين .. انا و انتي وعمي عبيد و خالوه بسيارتي .. اميه وابوي في سيارة ..
    فاطمه : اها اوكي ..
    فاطمه وامها وبوها يركبون الرنج مال احمد .. وعمها وخالتها يركبون سيارتهم .. ويطلع احمد اول لانه فاطمه تدل بيتهم ..
    وهم يلحقونهم ..


    في بيت قوم بو وضحى ..

    بوراشد وراشد و بو وضحى يالسين في الميلس ..
    بو راشد : تعرف شو اسم الريال .. ؟
    بو وضحى : اظن اسمه احمد ..
    راشد شك في الموضوع : ما تعرف شو اسم ابوه ..
    بو وضحى : لا ليش ؟
    راشد :لا لا ما شي ^^


    وضحى : اميه انا خايفه ..
    ام وضحى : من شنو حبيبتي ؟
    وضحى : ما دري .. اميه انتي ما خبرتي ابويه عن السالفه اللي قلت لج صح ..؟
    ام وضحى : لا ما خبرته ..
    وضحى : هيه احسن .. وضحى ادمع ..
    ام وضحى : افا يا بنتيه ليش تصيحين .. ؟ لازم تفرحين ..
    وضحى : ساكته .. مرة وحده ادق بدور الباب ..
    بدور : اميه تعالي شفت سياييرهم برع .. اظن انهم صلوا ..
    ام وضحى انتي روحي استقبليهم وانا بيي الحين ..
    بدور : اوكي .. وتطلع ..
    ام وضحى : يلا حبيبتي غسلي ويهج .. وتظهر
    وضحى وهي تفتح الستارة وتتطالع سيارة احمد وتشوف احمد ينزل من السياره وفاطمه وامها .. وابوها .. ما عرفت منو اللي نزلوا من سيارة الثانيه .. لانها ما شافت ام احمد وابوا احمد قبل ..


    بو وضحى وهو يطلع برع في حوي : يا مرحبا الساع ..
    بو فاطمه : مرحبا ملايين ويسلم عليه ..
    احمد من يشوف بو وضحى ينصدم ..
    بو ضحى نفس الشي : احمد ..
    احمد : عمي .. هلا والله .. ويسلم عليه ..
    بوضحى يسلم على بو احمد .. ويدخلون داخل.. احمد من يدش داخل يشوف راشد وبوراشد .. وينصدم اكثر ..
    احمد : راشد ..
    راشد : احمد .. هلا والله .. جيف حالك يا ريال ..
    بعدين يسلمون على بعض وييلسون ..
    بوفاطمه : راشد .. ما شاء الله انته تعرف بو وضحى .؟
    راشد : هيه وضحى تستوي اختي بالرضاعه ..
    بو احمد مب مستوعب شي : شو السالفه يا جماعه ؟
    راشد : انا بخبرك عمي ..........................



    عند الحريّم .. اول ما تظهر بدور تستقبلهم تظهر ام وضحى ..

    ام فاطمه تسلم على بدور وامها .. وام احمد تسوي المثل .. فاطمه بعد تسوي المثل .. ويدخلون داخل ..
    اول ما يدخلون ..
    ام راشد : هلا والله ..
    فاطمه على طول اتشوف صوب الصوت .. وتنصدم ..
    الكل تم يسلم على ام راشد ..
    فاطمه وهي واقفه مكانها .. ويالسه تتطالع ام راشد .. جان يتغير شكلها ..
    ام راشد ما كنت منتبهه انه فاطمه وياهم ..
    مرة وحده ام راشد : فاطمه ..
    فاطمه : مس مريم ..
    الكل يالس يتطالعهم ..



    عندي الرياييل ..


    بو احمد مب مستوعب شي : شو السالفه يا جماعه ؟
    راشد : انا بخبرك عمي ..
    انا ربيع احمد .. واعرف احمد من ايام الطفوله .. وابويه يعرف عمي عبيد .. بو وضحى يعرف احمد .. لانه قبل شافه في بيتنا .. يعني محد غريب ..
    بو احمد : ايواه انته راشد اللي كنت اتي بيت عبيد ..
    راشد : هيه ..
    بو احمد : ما شاء الله عليك كبرت والله ..
    راشد : هيه اكيد بكبر ^^ .. عن اذنكم ..
    ويطلع راشد علشان يب القهوه .. وهو يقول في خاطره .. يا عيني عليك يا احمد .. القلوب عند بعض .. سبحان الله .. كيف الدنيا صغيرة .. ويروح صوب المطبخ .. وما يلقى غير الخدم ..
    راشد وهو يرمس الخدامه : ريني وين الدله حق الرياييل << ريني اسم الخدامه ..
    ريني : هزا .. وتأشر بأصبعها صوب الدله ..
    راشد : اوكي .. ويشل الدله .. ويطلع ..
    ويدخل الميلس .. ويصب لهم .. وتموو يسولفون ..



    عند الحريّم ..

    مرة وحده ام راشد : فاطمه ..
    فاطمه : مس مريم ..
    الكل يالس يتطالعهم ..
    ام راشد وهي تسلم على فاطمه : هلا والله حبيبتي .. جيف حالج .؟
    فاطمه : الحمدلله .. ويلسوا ..
    ام فاطمه : فطيم انتي تعرفين ام راشد ؟ << ريم تعرف مريم لانه ايام يوم كان راشد صغير .. كانت اتيي بيتهم ..
    فاطمه : هيه .. لانها تدرس في درستنا ..
    اما فاطمه : ايوااه ..
    فاطمه تقول في خاطرها .. اويه انا ما اقدر ارمس يدام مس مريم .. اووهوو .. بس ما يستوي لازم انا ارمس واعرفهم على اميه ..
    فاطمه وهي توجهه الكلام حق ام وضحى : خالوه .. هاي اميه وتأشر على امها ... وهاي ام احمد ..
    ام وضحى : يا مرحبا فيكم .. نورتوا البيت ..
    الأثنين : البيت منور بهله ..
    بعد دقايق تدخل وضحى وهي فايديها صينيه العصير .. وتحطه على الطاوله وتسلم عليهم ..
    بدور تشل الصينيه : تفضلي خالتيه .. وتوزع عليهم .. ووضحى تيلس عند امها ..
    ام احمد وهي تتطالعها وتقول في خاطرها : ما شاء الله عليها .. احلى من اللي وصفتي لي فطيم .. وما كمل عشر دقايق إلا ووضحى تطلع من الصاله .. وتروح غرفتها .. { من عوايدهم انه البنت ما تيلس اكثر عن 10 دقايق .. }
    وتتطلع ام وضحى و بدور وام راشد علشان يعطون المجال انهم يرمسون ..
    هند : ما شاء الله حلوه البنت ..
    ريم تبتسم .. ساكته ..
    فاطمه : خلاص عيل انا بتصل في احمد علشان يشوف البنت ونروح ..
    الأثنين : اوكي ..


    فاطمه وهي تتصل في احمد : احمد .. اقول جهز روحك علشان انا يوم بسوي لك رنه يعني اطلع علشان تشوف البنت اوكي ..
    احمد وهو يرمس بصوت واطي : اوكي .. فطيم تعرفين .. ربيعي راشد ..
    فاطمه : هيه شو بلاه .. ؟
    احمد : يستوي اخو ابلتكم .. بالرضاعه ..
    فاطمه : اونه ..
    احمد : والله ..
    فاطمه : اوكي يلا مع السلامه .. بعدين كمل ..
    احمد : اوكي ..
    فاطمه من سكرت .. عرفت انه مس مريم تسوي ام راشد اللي تحبه .. وسكتت ..
    هند : ها شو قال .. ؟
    فاطمه : هيه صح .. قلت له يوم بتصل فيه رنه .. انته اطلع برع علشان تتطالع البنت ..
    هند : اوكي .. وتدخل ام وضحى
    ام فاطمه : اقول شمسه .. خلي البنت تتجهز علشان الولد يشوفها ..
    ام وضحى : اها اوكي .. وقبل لا تتطلع نادتها ام فاطمه وراحت عندها ..
    ريم : شمسه لو عندكم مكان علشان الولد يمكن يستحي ييلس يدامنا ..
    شمسه : اها .. خلاص بخليها تروح الميلس اللي برع ..






  3. #23
    عضو فضي
    الحالة : خربشة 1223 غير متواجد حالياً
    رقم العضوية : 23702
    تاريخ التسجيل : 25-10-08
    الجنـس : انثـى
    المشاركات : 346
    التقييم : 133
    Array

    افتراضي رد: حياتي تنتهي بدمعي ..! الكـآتبه ريحانه الشرق


    تسلمين حبووبه ع البارت ~..

    و نتريا الباجي و خذي راحتج ~..






  4. #24
    عضو نشيط
    الصورة الرمزية عاشقة عذاب
    الحالة : عاشقة عذاب غير متواجد حالياً
    رقم العضوية : 17892
    تاريخ التسجيل : 18-05-08
    الجنـس : انثـى
    المشاركات : 66
    التقييم : 27
    Array

    افتراضي رد: حياتي تنتهي بدمعي ..! الكـآتبه ريحانه الشرق


    وين البارت ؟؟!!..






  5. #25
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حياتي تنتهي بدمعي ..! الكـآتبه ريحانه الشرق


    ياااااااااااااااااااااااااااااااااااااااااي حلوة القصه يلااااا ننتظرج على احر من الجمر يالغلاااا










  6. #26
    عضو ذهبي
    الصورة الرمزية ~..ملاكـ الروح..~
    الحالة : ~..ملاكـ الروح..~ غير متواجد حالياً
    رقم العضوية : 40298
    تاريخ التسجيل : 11-08-09
    الدولة : Ữ•Ẫ•Ễ
    الوظيفة : Š ŧ ũ ď є ŋ ŧ
    الجنـس : انثـى
    المشاركات : 522
    التقييم : 35
    Array
    MY SMS:

    Ϊ loνє ũ.. ^.*

    افتراضي رد: حياتي تنتهي بدمعي ..! الكـآتبه ريحانه الشرق


    يلـآإـآإ خـفـووؤوؤوؤؤي ؤيــن آإلـبـآإـآإرت .. ؟!؟!؟!؟!؟!






  7. #27
    عضو ذهبي
    الصورة الرمزية ~..ملاكـ الروح..~
    الحالة : ~..ملاكـ الروح..~ غير متواجد حالياً
    رقم العضوية : 40298
    تاريخ التسجيل : 11-08-09
    الدولة : Ữ•Ẫ•Ễ
    الوظيفة : Š ŧ ũ ď є ŋ ŧ
    الجنـس : انثـى
    المشاركات : 522
    التقييم : 35
    Array
    MY SMS:

    Ϊ loνє ũ.. ^.*

    افتراضي رد: حياتي تنتهي بدمعي ..! الكـآتبه ريحانه الشرق


    نتريـآإـآإج .. ^.*






صفحة 3 من 3 الأولىالأولى 123

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. عروس الشرق
    بواسطة Bio.Med في المنتدى معرض المواهب و الابداع Fair talent and creativity
    مشاركات: 2
    آخر مشاركة: 12-08-18, 10:57 PM
  2. نسيم الشرق
    بواسطة Bio.Med في المنتدى معرض المواهب و الابداع Fair talent and creativity
    مشاركات: 3
    آخر مشاركة: 12-08-05, 02:42 AM
  3. لو تسمعي لا تدمعي
    بواسطة مقبرة القلوب في المنتدى منتدى الوسائط Media Forum
    مشاركات: 8
    آخر مشاركة: 09-08-31, 11:39 PM
  4. ألـبوم ..:: ][ لا تدمعي غزة ][ ::.. !!
    بواسطة خفايـا الروح في المنتدى منتدى الوسائط Media Forum
    مشاركات: 6
    آخر مشاركة: 09-04-07, 08:42 PM
  5. توسع الزرق كيف؟؟؟؟؟؟؟؟؟؟
    بواسطة الشبح في المنتدى المنتدى العام General Forum
    مشاركات: 1
    آخر مشاركة: 08-10-23, 07:33 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •