تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 1 من 3 123 الأخيرةالأخيرة
النتائج 1 إلى 10 من 22
  1. #1
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    Wink حلـــــــــــــاوة التلـــــــــــــــــاقي }ْ.... كـــــــــــاملة


    بسم الله الرحمن الرحيم
    السلام عليكم
    شحالكم اخواني اعضاء المنتدى....عدنا والعود أحمد.....اسمحولي ع القصور تدرون ظروف الدراسة وبلاويها لوووول
    بس خلال هالفترة فكرنت انا وربيعتي بعمل بسيط متواضع نقدمه لكم واللي هي قصتنا اللي من فكرة وإعداد وسيناريو ريم الدماني وربيعتها
    القصة بعنوان (حـــــــــــــــلاة الـــــــــــــــتـــــــــــــلاقـــــــــــي) وهي عبارة عن عدة أجزاء وبين كل فترة وفترة بنّزل جزء وبنشوف آراءكم حول القصة
    أتمنى انها تعيبكم

    **الــــــــــجــــــــــز الأول**
    (تنبيه:أحداث هذه القصة وشخصياتها من نسج خيال المؤلفين فإذا كان لها تشابه في الواقع فهي محض صدفة لا غير)

    الشخصيات:

    الدماني: 18 سنة أول سنة فكلية التقنية كان أقصى طموحها تخلص مدرسة وتفتك منها وأي شي ثاني مايشكل لها أي مشكلة خخخخخ....بنت حلوة طويلة سمرا شوي شعرها أسود شليلي(شرات مايقول حربي)يعني باختصار فيها كل مواصفات المواطنة ههههههههه.
    عايلة الدماني مكونة من ابوها سلطان وامها حصة واخوانها بالترتيب:ميثا وراشد وشيخة وجاسم وعقب هي وآخر العنقود علي.
    وديمة: 20 سنة ثالث سنة جامعة تدرس هندسة على عكس الدماني فكل شي بنت طموحة وتهمها دراستها فالدرجة الاولى وودها تكمل الماجستير بعد...حلوة قصيرة بيضا عيونها كبار وخضر خشمها صقر وشعرها طويل ع البني الشقار شوية يعني اللي يشوفها يقول زلمة مب مواطنة بس اسمها اللي مساعدنها ههههههههه.
    عايلة وديمة تتكون من ابوها عبدالله امها مريم واخوانها بالترتيب: منصور،شما،أحمد، حمدان،عقب وديمة وآخر العنقود خليفة
    (وديمة والدماني ربيعات من سنين وبعد يقربون لبعض من بعيد يعني أهلهم نسايب)
    جاسم: 22 سنة رابع سنة جامعة ويداوم في دوبال...اخو الدماني....شاب مصلّي مسمّي فيه كل المواصفات الطيبة اللي تتمناها أي بنت بس صدقوني ماتبون تتقربون منه يوم ينتحس لووول...مب طويل وايد وعريض ومغزز ومب أبيض وايد ولا أسمر خشمه طويل وصوته حلو(تذكروا هالنقطة عدل خخخخ).
    ريم: 20 سنة سنة ثانية طب أسنان...ربيعة وديمة وايد ويعزون بعض جنهم خوات لنه أمهاتهن ربع من سنيييييين وهي بنت طيبة وينضرب فيها المثل.

    الأحداث:

    الصبح فالجامعة:
    فاطمة(وحدة فكلاس وديمة):ودوووم بشري شو سويتي فالامتحان؟
    وديمة: زفت والحمدلله خبصت عدل والله ضجت جان أسلم الورقة والدكتور يتحراني شاطرة وحليت بسرعة مايدريبي مسلمة من اليأس...اسكتي يافطيم زايغة أرسب فهالمادة
    فاطمة:هههههههه ترسبين مرة وحدة ياوديمة!! لالا ماصدق حتى لو اشوف الـf بعيني..انتي أشطر وحدة فينا لا تفشلين الشلة وترسبين انتي بعد وتنزلين راسنا فالارض
    وديمة:ههههههههه خس الله بليسج يافطموو خليني أروح احين أذاني الدريول وهو يدقدقلي رنات مادري بلاه!
    فاطمة:ايييييييه انتي كم مرة اقولج لا تزقريني فطموو ماداني هالاسم احسه مسبة...يلا يلا فارجي ونشوفج الكورس الياي إن شاء الله لوول
    وديمة:ههههههههه خييييـبة وبتصبرين عني لين الكورس الياي؟! ماتقول خلينا نشوفج صدق دفشة يلا برايج عيل....فمان الله
    فاطمة:لوول أسولف وياج يالدبة...حافظنج الله
    ركبت وديمة السيارة وماوحالها صكت الباب الا والدريول حرك السيارة بسرعة وكانت بعدا مااعتدلت فيلستها جان تضرب ايدها فالسيت اللي جدامها
    وديمة:ايييييييه انته انا ابا اوصل البيت مابا اموت
    (لاحظت وديمة ان الدريول شكله تعبان اليوم قالت اكيد كالعادة مريض تراه كان ريال عود بس هو مايبا يطلع من عندم وابوها بعد مايبا يروحه لنه يأمن له وايد...وعند بوابة المدينة الجامعية حاول الدريول يجاوز الرنج الفضية اللي جدامه عشان يظهر قبلها ووديمة كانت منزلة راسها تقرا مجلة كانت مفرورة فالسيارة شوية ولا تسمع صوت ضربة وتهتز السيارة جان تقفز وصارخت)
    وديمة:شووووو استووووى؟؟
    الدريول:هذا نفر مجنون مافي شوف انا يريد يطلع جدام هو
    وديمة:غربلات العدو يعني دعممممممممته!
    (وديمة زايغة ومطرطرة عيونا هي روحا كانت ضايجة من الامتحان وقالت هذا اللي كان ناقصني...نزل الريال اللي كان فالموتر يشوف شو استوى والظاهر من المخفي ماانتبه ان في حد فالموتر(موتر قوم وديمة لند عنابي) غير الدريول...يوم شافته وديمة زايغت زيادة)
    وديمة:وابوووووي احين بي وبيمشكلنا....شفت يامسود الويه شو سويت يعني كان لازم تطلع شطارتك احين! خلاص بن سليّم بيعتزل الراليات عقبك
    (الدريول يشوف وديمة محرجة وزايغة ومرسومة ع ويهه مليون علامة استفهام مب عارف هي عن شو او منو ترمس لووول)
    الدريول:انته مافي خوف انا يشوف كل شي
    وديمة:الله والسبع عااااد...أظني لو ينفخ عليك بتطيح
    (نزل الدريول لنه الريال أشر عليه ينزل عشان يتفاهم وياه....شافت وديمة ان النقاش بدا يحتد قالت ماشي حل غير اني اتدخل...نزلت وديمة الجامة وكان هذا الحوار)
    وديمة:السلام عليكم
    الريال:عليكم السلام والرحمه
    وديمة:السموحة منك اخويه مادري شقايل لف عليك الظاهر ماانتبه لنه هب صاحي اليوم...إن شاء الله بس ماصابك شي
    (الريال تم امبهت شوية لنه ماانتبه ان في حد فالسيارة لا وبنت بعد شرات وديمة!!)
    الريال:مسموحة بالحل الشيخة....انا اللي ماكنت ادري ان حد فالموتر ولا مابخليكم واقفين....خلاص هب مشكلة ترومون تتوكلون وحصل خير ماجاس الموتر غير ضربة خفيفة وشخطة تتعالج بسهولة
    وديمة:مشكور اخويه هذا من طيب أصلك واسمحلنا مرة ثانية
    كان الريال بيسير صوب موتره وعطى ظهره حق وديمة...جان تزقر الدريول
    وديمة:جاسم يلا تعال(الدريول كان اسمه قاسم بس للسهولة ابوها سماه جاسم لوول)خلاص بنروّح مافي مشكل...الله يغربل ابليسك حتى لساني احتاس شراتك
    (وهنه سمعها الريال وصد بسرعة وضحك بس وديمة ماانتبهت له لنها رفعت الجامة
    تحركت سيارة قوم وديمة وراعي الرنج يرقبها وحفظ رقمها وشكلها وقال فخاطره دامنا تداعمنا عند البوابة هي أكيد تدرس هنه يعني يمكن اشوفها مرة ثانية...وتم فترة واقف مكانه يفكر فالبنت اللي شافها اليوم والموقف اللي صار ويضحك ع كلامها وماوعى الا يوم سمع هرنات وراه عشان يتحرك. وصلت وديمة البيت وهي معصبة وكل حد يرمسها وهي ماترد عليه ترا ابو وديمة وامها واخوهم العود ومرته سايرين الحج السنة ويدتها يالسة وياها وويا اخوانها فالبيت لين مايردون بالسلامة)
    خليفة(16 سنة):ودموووو بلاج عنبو سلمي ع الاقل!
    وديمة:خلوف مالي بارض اتناشب وياك احين خلني فحالي واصلتلي لين خشمي الا قول طافت بعد
    خليفة:هههههههههههه والله وتعرفين تنكتين وانتي معصبة بعد!....انا ادري شو فيج يالدحاحة اكيد نقصتي درجة وحدة فالامتحان عشان جذه معصبة وبتعاقبين عمرج بعد لووول
    وديمة:والله انك متفيج خلني انجح قبل عقب يصير خير...وين امي موزة؟(يدتهم)
    خليفة:تغدت وسارت تستلقي شوية قالت يوم بتردين من الجامعة سيريلها
    وديمة:لا بخليها ترتاح احينه وعقب ماصلي العصر بسير صوبها
    (دشت وديمة حجرتا وهي بعدا تتنافض بس مابغت تبين لخليفة لنه قريّض ومابتسلم من لسانه وهي طول عمرها مثله الأعلى بشخصيتها القوية وطموحها خاصة انه ربى وياها والفرق كبير بينه وبين باقي اخوانه فالسن...قالت وديمة فخاطرا مابيهديني غير دش حار وببدل وعقب بصلي الفرض وركعتين شكر لله ع السلامة اليوم
    عقب نزلت وديمة صوب الحجرة اللي يالسة فيها يدتا ترا بيت قوم وديمة فلة عودة من طابقين وبما ان يدتها حرمة عودة وماتروم تركب الدري جهزولها غرفة الضيوف فالطابق الارضي)
    (وديمة تدق الباب)
    موزة(اليدة): حياك حياك ادخل
    وديمة:امي انا وديمة مب خلوف...حشا ياامي هلكثر غلات خلوف مغطية علينا وماتشوفين غيره فالبيت!
    موزة:هههههههههههه هلا والله بالشيخة وديمة....انتي ماتيوزين من المناقر وي اخوج....هذا ياهل والياهل يدلعونه ويحبونه لين مايكبر
    وديمة:افاااا ياامي يعني نحن خلاص انتهت صلاحيتنا؟! (وتعفس ويها وتسوي عمرا زعلانة)
    موزة:فديييييت انا وديمة فديييييت انا امي (ترا وديمة مسماية على يدة ابوها اللي هي ام موزة) منو قال يخسووون انتي شيخة البنات ومحد فحلاج وانا الا جذه اقول عشان خلوف مايسير يتشكى عند امج ويحشرنا
    وديمة،موزة:هههههههههههههه
    خليفة:احم احم جنه حد يحش فيني!
    وديمة:ياكم هادم اللذات ومفرق الجماعات
    (موزة تضحك وتنغز وديمة)
    خليفة:اممممممممييييي موووزة وانتي تضحكين بعد....اييييه ودموو تخسين اصلا البيت مايسوى بدوني خخخخخ (ويطلعلا لسانه شرات اليهال)
    موزة:عيب ياعيال تتناقرون وانا من بينكم!!
    وديمة:فديتج ياامي(وتنش تبوسها على راسها)ماعليج منه هذا الا ياهل وانتي الخير والبركة والله يطولّنا فعمرج(وتأشر حق خليفة اي يحب يدته ويراضيها)
    خليفة:السموحة عيوزتيه انا الا اسولف ولا انتي ووديمة ماتهونون علييه
    وديمة:لالالالا شو اللي اسمعه مب معقووووولة انته خليفة بن محمد ولا واحد ثاني! (ويضحكون كلم)
    وديمة:تدرون سوينا حادث الظهر وانا رادة من الجامعة!
    (كلم طرطروا عيونم وشهقوا)
    موزة:شوووووو اي حادث ومتى وكيف؟استوى عليج شي؟يعورج شي؟
    وديمة:هدي هدي امي مافيني الا العافية ماتشوفيني جدامج! والسيارة مااستوابا شي بس رضة خفيفة ماتتلاحظ....هذا جسوم الله يهديه اونه بيجاوز رنج جدامنا وهاك روحه شكله كان يبا يلف جان يدعمه بس الحمدلله مااستوى شي
    خليفة:والله متفيج حد يشوف رنج ويجاوزه! هذا لازم يوقف يحترمه ويترياه لين مايطوف ههههههههههه
    موزة:هب هباك الله هذا اللي قدرك عليه ربك! فديتج وديمة فداج ألف سيارة بس المهم سلامتج




    (هنه وديمة تشققت من الفرحة على كلام يدتها وتمت تغايض خليفة لوول)
    عقب رن تيلفون وديمة وشافت ان المتصل ربيعتا الدماني جان تترخص من يدتا عشان ترمسا
    وديمة:ألوووووو
    الدماني:ألوووووييييييييييين...مرحبا السااااع شحالج يالقاطعة عافانا الله دوم أتصلج وأطرشلج مسجات ولا تردين مايرزا عليج الا 30 فلس يالزطية
    وديمة:هههههههههه عافانا الله عطيني فرصة ارمس قبل....هلا وغلا....شو اسوي غصبن عني يختي الامتحانات والدراسة ماخذة كل وقتي...كارفينا كراف...وبعدين اللي يسمعج يقول اممممرررررة رصيدج بالآلاف احين انتي كل يوم تتشكين ماعندي غير حق رنة...خلينا من هالرمسة بخبرج شو استوى وانا طالعة من المدينة الجامعية اليوم.
    (وتخبر الدماني السالفة كلها)
    الدماني:الحمدلله ع سلامتج حبيبتي وصدق انه اشلق مايشوفكم!
    وديمة:هههههههه لا دريولنا كان غلطان....بس شو يادموووه كان مزيووون...ساااامت وعريض وحنطاوي ومغزز كان كيوووت
    الدماني:ههههههههه ها داعمنج جذه عيل لو خاطبنج شو!
    وديمة:هههههههه جان زييييين
    (ويضحكن البنات)
    الدماني:انزين اسمعي تزهبتي حق العيد ولا بعدج؟
    وديمة:اوووييييييييه تصدقين نسيت السالفة!!
    الدماني:نسيتي!شقايل يعني نسيتي! الحمدلله والشكر خرفت ربيعتي
    وديمة:ههههههههه لا ماخرفت بعدني ايييه انتي لاتشوفيني اكبر عنج بسنتين تتحريني عيوز....السالفة ومافيها اني انشغلت فالامتحانات وماوحالي أظهر
    الدماني:واحين شو بتسوين ماباقي ع العيد غير اسبوع!
    وديمة: مادري والله بشوف جان أحمد ولا حمدان بيودوني
    الدماني:سيري وي شما أحسن الشباب غصة
    وديمة:هههههههه لا وحليلا مابا أعبل عليها هي روحا لاهية وي عيالا وتزهبلم
    الدماني:انزيييين اسمعي يتني فكرة جهنمية
    وديمة:ههههههههه خير؟
    الدماني:دامنا من زمان ماتشاوفنا شو رايج نطلع وي بعض هالخميس (كان يوم السبت يوم يرمسون) وبالمرة نسير نخلص اغراضنا؟
    وديمة:صدق انها جهنمية!! استخفيتي انتي أطلع وياكم؟!
    الدماني:سيري لا مافيها شي اخواني هم اخوانج
    وديمة:عييييـب منقوووود مايستوي لالالالا ممنووووع...شو الكلمات اللي تعبر عن الرفض وماقلتها بعدني؟!
    الدماني:ههههههههه لا كفيتي ووفيتي بس انا ماعلييه منج...يلا اجلبي ويهج
    وديمة:ويييين؟
    الدماني:بتوصلج العلوم
    وديمة:اي علوم يالمينونة شو بتسوين؟
    الدماني:باي


    يتبع الجزء الاول ...







    التعديل الأخير تم بواسطة ! منسيهـ! ; 09-09-05 الساعة 10:31 PM





  2. #2
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    (ويرن تيلفون البيت وترد يدتهم موزة)
    موزة:ألـووو
    الدماني:السلام عليج امييييييي
    موزة:عليج السلام والرحمه منو البنية؟
    الدماني:افااا امييي ماعرفتيني انا الدماني بنت سلطان
    موزة:مرحبا والله ببنيتي...شحالج امي؟شحال الاهل؟
    الدماني:كلم بخير وسهالة ودوم يتخبرون عنج
    موزة:سلمي سلمي على امج سلامن كثير
    الدماني:يبلغ إن شاء الله....يدووو طلبتج
    موزة:عطيتج
    الدماني:فديت انا امي موزة يعلني مااخلى....يدو انا بسير السنتر الخميس الصبح وأبا آخذ ويايه وديمة وحليلا مااشترت شي حق العيد واخويه جاسم بيودينا وانا قلتلا انه شرات اخوها وانا بكون وياها وختيه شيخة بعد
    موزة:انا قلت لج عطيتج يالدماني مابرد فرمستيه برايكم حافظنكم الله ودامها ماخذت شي لين احين مايستوي بعد بنت محمد ماتلبس يديد فالعيد
    الدماني:مشكووورة فديتج الله يطول فعمرج ويعطيج العافية...خلاص خبريها الخميس الساعة 11 الصبح
    موزة:إن شاء الله...يلا فمان الكريم
    الدماني:فداعة الله
    (وفاللحظة اللي سكرت فيها موزة التيلفون دشت عليها وديمة)
    وديمة:ها امي منو تغازلين من ورانا ترا احين بخبر ابويه انج تبين تعرسين مرة ثانية
    موزة:ههههههههه الله يغربل ابلسيج ياودمووو...طابت النفس من الزواج عقب عين الغالي بوعبدالله الله يرحمه
    وديمة:الله يرحمه ويسكنه فسيح جناته
    موزة:آمين....اسمعي توها الدماني بنت سلطان مسكرة عني تباج تسيرين وياها الخميس الساعة 11 الصبح السنتر وانا رخصتج
    وديمة(وهي منصدمة من الحركة اللي سوتها الدماني):شوووو دموووه دقت! وانا اقوووول ليش سكرت عني بسرعة وقالتلي بتوصلج العلوووم!! والله هاي محد يروم يغلبا اللي فراسا بتسويه هههههههههه
    (تمت وديمة تحاتي الطلعة لنها وايد تستحي من خوات الدماني فمابالكم ان اخوهم اللي بيوديهم بس قالت فخاطرها يلا من زمان ماشفت ربيعتي وبعد ماخذت شي حق العيد والحاجة ام الاختراع لوول...تعشت العايلة واتصلوا فالحجاج وتطمنوا عليهم وكل واحد سار صوب حجرته يرقد ويرتاح من تعب النهار)
    صباح الطلعة:
    (وديمة نشت من الرقاد وبدت تتزهب حق الطلعة...شلت عباتا حق الكواي ونزلت الصالة وكانت يدتا موزة يالسة تطالع اقرأ)
    وديمة:جاكلين يودي عباتي اكويها وشوي شوي عن تحرقينا...بسرعة مابا أتأخر
    وديمة:صبحج الله بالخير امي...جيف اصبحتي؟
    موزة:صبحج الله بالنور والسرور...الحمدلله ربج بخير...بس مارقدت عدل ريولي كانت تعورني
    وديمة:الله يهديج ياامي جي مازقرتيني بي أفركم لج وأهمزج؟
    موزة:لا يابنيتي غمضتيني من الصبح ناشة وفوق علة الامتحان استوالج الحادث اللي ماينطرا
    (وهنه سكتت وديمة وتذكرت الحادث وراعي الرنج ونظراته وكلامه المحترم)
    وديمة:انزين امي انا احين بسير اتزهب عن أتأخر ع الدماني تامريني بشي؟
    موزة:وين مابتتريقين قبل؟انتي دومج جذه تظهرين بليا ريوق!
    وديمة:عادي امي متعودة وبعدين مابيوحيلنا بنحرك الا بتقول الدماني يوعانة وبنوقف ناكل اعرفا انا
    موزة:ههههههههه فديتا الدماني سلمي عليها وعلى اهلا
    وديمة:يبلغ إن شاء الله
    (يابت البشكارة عباة وديمة ولبست قميص تركواز وفيه فصوص بنية خفيفة والتنورة نفس الألوان وطبعا هي بنت مستورة ومتحجبة)
    وديمة:يلا امي بترخص أنا احين دقتلي الدماني هم برع
    موزة:هالله هالله فعمرج ولا تتأخرون....تعالي خذي بيزات
    وديمة:لا يمي مشكورة ابويه ماقصر قبل مايسافر حط حق كل واحد فيها بيزات فحسابه وجان احتجت بقولج مرة ثانية
    (وحبت يدتا ع راسا وطلعت....وقبل ماتفتح باب الحوي قالت فخاطرا انا بيلس فالسيارة واللي بيسوق اخوهم ماروم اجابله جذه صح اني مااتغشى بطبعي بس فضيحة شو بيقول عني فاصخة الحيا كفاية اني طعت اسير وياهم بتغشى احسن لي....تغشت وديمة وركبت السيارة)
    وديمة:السلام عليكم
    الكل:وعليكم السلام
    الدماني:هلا هلا مابغيتي تين!
    (وديمة تقرص الدماني وتصاصرا مب وقت سخافتج الحين....والدماني تضحك عليها لنها كانت وايد مستحية!....طبعا طول الدرب كانت منزلة راسها وماتجرأت تشوف اللي يسوق والدماني وشيخة يرمسونها وماترد عليهم الا ع قد السؤال.....وجاسم كان حاس باحساس غريب جنه يعرف وديمة وشايفنها وسامع هالحس من قبل بس وين مب رايم يتذكر وعقب استبعد الموضوع لنه شافها متغشية قال كيف بكون شايفنها!وبعد كان مستغرب يقول فخاطره هاي بلاها ماتقول جملة على بعضها!احين هاي وديمة اللي الكل يرمس عنها ويمدحونها.....ترا جاسم ما شاف وديمة بس يسمع عنها من اهله انها بنت حلوة وحشيمة ومحظوظ اللي بياخذا فعلقت فباله وقال يوم بفكر أعرس يمكن اخليهم يخطبولي اياها)
    الدماني:اقولكم انا يوعانة
    (كلم اطالعوها وضحكو هههههههه)
    شيخة:كنت اطالع الساعة اقول غريبة مرت نص ساعة من ركبنا السيارة والدماني ماقالت انها يوعانة هههههههههه
    الدماني:جب جب احين الدرب لين مول الامارات بعيد إن شاء الله تبوني أستحمل هالدرب كله بدون أكل!!! جسوووم مر بنا مطعم بنتغدى
    (يوم قالت جسوووم كان جاسم خاطره ينش يصفعها لنه مايداني حد يقوله جسوم وخاصة جدام الغرب بس مارد عليها ولف على أقرب مطعم كان فدربهم)
    الدماني:تعالوا نيلس داخل هالكبينة وناخذ راحتنا
    (جاسم بركن السيارة ونزل وسار صوب قوم الدماني)
    الدماني:اخي العزيز وين تبا ياي صوبنا إن شاء الله بتيلس ويانا؟
    جاسم:لا يالدماني انا ياي اشوف اللي تبونه عشان أطلبلكم وتاكلين وتسدين حلجج...كنت بتلاقى وي واحد من الشباب فالمول فقلت له يمر المطعم ويتغدى ويايه
    (شيخة ووديمة كانوا يضحكون ووديمة صدت على الدماني وجاسم لنها كانت عاطتنهم ظهرا وهي بتموووت تبا تشوف ردة فعل الدماني ع رمست اخوها....بس فجأة تيبست وديمة فمكانا وتفاجأت من شي!)
    الدماني:وديمة يلا تعالي ندش الكبينة
    (ووديمة واقفة وماتتحرك من مكانا)
    الدماني:ايييييه بلاج استويتي صمخة ولا شو اقولج دشي (وتدزا شوية)
    وديمة:هاه شو ترمسيني؟سوري ماسمعتج..يلا يلا ندش
    الدماني:ماسمعتيني!!! اقولج اللي فالمطعم كله سمعني وانا ازاعج الظاهر لازم نمر بج ع عيادة الاذن ونحن مروحين هههههههههههه
    (طلبوا كلم وتغدوا ونشوا بيروحون...والبنات طلعن من الكبينة وطبعا شيخة ووديمة كانت متغشيات بس الدماني ماتغشت...كان في واحد وي جاسم بس ماانتبهوا عليه ولا هم انتبه عليهم بس شاف انهم 3 بنات وكل واحد طلع وركب سيارته وكملوا دربهم صوب مول الامارات)
    الدماني:مابغينا نوصل حشا
    جاسم:الحمدلله على سلامتج امي الدماني
    (كلم يضحكون)
    الدماني:يلا بنات انتشروا وعيثو فالمول فسادا هههههههه
    (دشوا اول محل ماعيبم شي...ودشوا الثاني والثالث وووووووو لين مادشوا محل واخيرا الدماني ووديمة عيبم شي لنهن كانن مقررات احتفالا بالطلعة التاريخية هاي بيشترون نفس البدل للذكرى لوول)
    وديمة:شوفي هالقميص حلو علييه؟
    الدماني:هيه حلو بسير انا بعد بقايس..بس مادري ليش عندي احساس اني ناسية شي!
    وديمة:ليش يعني؟ناسية ولدج فالسيارة مثلا؟
    الدماني:هييييييييييييييييييه ناسية ولدييييه....نسيت الشنطة باللي فيها فالموتر
    وديمة:زيغتيني انا صدقت انج ناسية ولدج هههههههه....هب مشكلة انا بحاسب عنج
    الدماني:لاتخسين انا احين بتصل فجسوووم اييبها عطيني تيلفونج
    (اتصلت الدماني فجاسم من رقم وديمة....تفاجأ جاسم ان الدماني داقتله من رقم غريب لا وحلو بعد فتم فباله وكان هو من النوع اللي يحفظ الأرقام بسرعة...خبرته اييب شنطتها ونعتت له المحل اللي هم فيه....وصل جاسم وي الشنطة وكانت الدماني فغرفة التبديل وتم يترياها برع لين ماتظهر له لن المحل كان فيه وايد بنات فماحب يحط عمره فموقف محرج....وهو يطالع واجهة المحل لمح بنت داخله جنه يعرفها بس البنت ماانتبهت ان في حد يشوفها....تم يدقق في ملامحها وفجأة تذكر سالفة الحادث وان هي نفسها اللي رمسته وتم هو مبهت جدام جمالها واسلوبها الراقي فالكلام....شوي ولا تطلع له الدماني وترمسه وهو فعالم ثاني....سحبت عنه الشنطة وبسرعة ردت داخل المحل....هزاع ربيع جاسم كان يشوف الدماني من اول مادشوا السنتر بس يوم شافها ترمس جاسم عرف انها اخته فقرر انه يتم بعيد احسن له بس بعد فخاطره يعرف اكثر عن هاي البنت اللي عيبته....سار هزاع صوب جاسم يسحبه ويصحيه من حلمه لوول وكملوا تمشّي في المول)
    وديمة:الدماني يلا تعبت من المشي المول عود وانا ريولي تكسرت...بسنا خذنا اللي نباه خلينا نروح انا ماروم أتأخر على يدوه
    الدماني:انزين انزين يالعيوز احين بدق حق جاسم
    جاسم:ألـووو(وهو بتأفف لوول)
    الدماني:اقولك يلا بنروح
    جاسم:الناس يسلمون قبل
    الدماني:ماشي وقت حق هالخرابيط..وديمة تعبت وماتروم تتأخر اكثر
    (حس جاسم بنغزة فصدره):انزين يلا اطلعو من الباب اللي نزلتكم عنده وانا بي أشلكم




    نهاااايهــ الباااارت

    بنزل باارت يديد بعديييييييييييييين اذا شفت تفااااعل





    التعديل الأخير تم بواسطة ! منسيهـ! ; 09-09-05 الساعة 10:31 PM





  3. #3
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    ول ماشي حد عيل ماااشي باااارت الا اذا شفت تفاااعلكم وحمااسكم للقصه










  4. #4
    :: عضوية VIP ::
    الصورة الرمزية ..الغلاڪله..
    الحالة : ..الغلاڪله.. غير متواجد حالياً
    رقم العضوية : 34249
    تاريخ التسجيل : 16-03-09
    الدولة : ’ خيم‘ـآۈِيہّ ’ ۈ ليے آلَفخرَ ,!
    الوظيفة : طآلـپـہ . .!
    الجنـس : انثـى
    المشاركات : 12,239
    التقييم : 1880
    Array
    MY SMS:

    مَحدن يحآڪم حڪۈمه

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    ωeł¢oмe --->


    [ منسيه\

    وأَنْـِآ أقـِؤلّ ليشَ الْبُقّعـِةٌمَنَـِورةٌ!

    ثَـٍرْجِ إنتـِيّ مـِوجودَةٌهَـِنْيّ]


    ,


    أشحآلج
    ؟
    شو أمسويييه ؟
    إن شالله حآلج ترتوووب . .




    منَـَـَـورةْوقسَمْ . . يا حييّج واللـَـ ه . . ! *
    حلاتجْ ونتيْ هُونْ . . عاد احيَنْ لآ تنسيَن الباارت ْ

    سڷمتـي عآڷقثه آڷغـآۆيه فديتـج . .
    تستآهڷين آڷتڨييم حيآتـي . .
    نتريآ ڪڷ يديدج حبۆبتي *~

    .
    .

    ف حفظْ آڷڷي عيُۆنه مآتنآم { *~












    عائلتي بسم اللہ أرقيگم من گل أذى يمسگم ومن گل هم يقترب منگم ومن گل تعب يصيبگم


  5. #5
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    هلا والله غلووه

    انا حاالي ارقيييييييص ومن يدااج غنااتي

    منور بوجودج

    يسلم غاليج ومغليج

    ومن عيوني الحينه بنزل باارت لعيوونج










  6. #6
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    الباااااااااااااااااااارت الثااااااااااااااااااني وصل درب درب



    (وديمة تكفخ الدماني عشان قالت له انها تعبانة ويضحكون....الكل تم صاخ طول الدرب من التعب الا وديمة كان سبب سكوتها شي ثاني محد يعرفه غيرها....ونفس الشي جاسم كان يحاول ينتبه للدرب بس مب رايم سرحان فالبنت اللي شافها فالمحل واللي هي نفسها فالحادث....نزلت وديمة البيت وشكرتهم ويوم دخلت قالولا ان يدتا رقدت فسارت سيدة حجرتا بدلت وطاحت ع الفراش سيدة حتى مابطلت الاغراض....تمت سرحانة وتفكر في الشخص اللي شافته اليوم....اللي شافته هو نفس الشخص اللي دعموه....هو راعي الرنج....طلع جاسم اخو الدماني! وديمة ماانتبهت للموتر اول ماركبت انه كان مضروب ع الخفيف بس يوم شافت جاسم فالمطعم وجها لوجه قررت تتأكد وفعلا شافت السيارة وهي راكبة مرة ثانية وبعد وهي نازلة بيتهم....ماعرفت شو تسوي او شو تقول وهي طبعا ماتروم تخبر الدماني انه طلع اخوها لنها يوم خبرتها عن الحادث يلست تتمدح فيه وانه مزيون فكيف تي احين تقولا طلع اخوج!....وع الطرف الثاني كان جاسم بعد هايم فبحر خيالاته ويفكر فهاي البنت اللي شافها اليوم وحركت فيه ذكريات الحادث اللي حاول يتناساها لنه ماتوقع يشوفها مرة ثانية!....كان يسأل نفسه كيف بقدر اشوفها غير هالمرة؟ومتى؟ومنو تكون؟وكيف بقدر أعرفها عدل وأوصل لها؟....جاسم ماكان يدري انها نفسها وديمة وكانت وياه طول الدرب وماصدق قلبه يوم نغزه....جاسم يوم شاف وديمة فالمحل كانت عاقة غشوتها عشان تتطالع الثياب عدل وحبت تتنفس شوية لوول وعقب يوم روحوا مادار بال لوديمة مول لنه مايعرف شكلها.....مرت الأيام وكل واحد شال فخاطره طيف الثاني وماكان يدري اذا الطرف الثاني يفكر فيه بعد ولا لأ)
    صباح العيد:
    وديمة:امباركن عيدج امي...وكل عام وانتي بخير
    موزة:عساج من العايدين والسالمين غناتي...ماشاء الله عليج ياوديمة من بونج حلوة وهاللبس محلّنج أكثر
    وديمة:ياويل حالي على يدتي تعرف تقول كلام حلو بعد أكيد ها كله من المغازل هههههههههه
    موزة:الله يهديج بس هههههه....وين اخوانج عيل محد مرني؟
    وديمة:اكيد على وصول يدو...تدرين شما لين ماتزهب عيالا وأحمد وحمدان وخليفة سامتين من الفجر ويطالعون عمارم فالمنظرة أكثر عن البنات هههههههه
    (وصلوا الشباب وسلموا على يدتم وباركولا بالعيد)
    حمدان:يدو شو رايج فييه؟أنفع أكون معرس ولا؟
    موزة:فديييييت انا ولديه...والنعم فيك يابختا اللي بتاخذ حمدان ولد عبدالله
    (ويتشقق حمدان لووول...وأحمد وخليفة يحاولون يلفتون الانتباه بأي طريقة بس ماشي فايدة لنه حمدان ماكل عنهم الجو وهو الريال فغياب ابوه وخاصة عقب ماعرس منصور وظهر من البيت)
    وديمة:حمدان منو بيسير حق قوم ابويه المطار؟
    حمدان:وانا واخوانج إن شاء الله
    وديمة:بسير وياااااكم حمدان ورفجة ودووووني
    حمدان:يلا ماعندا بنات يستقبلن حد فالمطارات انتي قري فالبيت تراهم الا بيردون البيت وبتشوفينم
    موزة:اسمعي كلام اخوج يابنتي هو ادرى بمصلحتج
    وديمة(وتحاول تغير الموضوع وتبين لحمدان انها ماتأثرت بكلامه):انزين يدو وين عيديتي؟
    خليفة:شوفو انا من الصبح ساكت بس يوم السالفة فيها عيدية وبيزات لا وألف لالالالا
    (كلم يضحكون هههههه)
    أحمد:ماعندك سالفة ياخلوف....حمدان قوم قوم عنم خلنا نسير صوب الميلس قبل مايوون الرياييل ومايحصلون حد عقب بياكلون ويه ابويه
    حمدان:يلا سرينا
    خليفة:ايييييه اتريووني ولا هب محسوب عليكم يعني!
    (وبطلعتهم دشت شما وي عيالا وسلمت عليهم...شما كانت غير عن وديمة كان همها بيتها وريلها وعشانهم ضحت بدراستها...عيالها كانوا 3 بالترتيب:عبدالله،عيسى،عليا....وديمة كانت علاقتها مب وايد قوية بشما لنها اكبر عنها بوايد ويوم افتهمت لقتا معرسة وطالعة من البيت بس كانت تحبها وتحب عيالها وايد....حتى هم كانوا يبادلونها نفس الشعور....الصغارية اول مايوصلون يدورون خالتهم اللي ماتقصر مخزنتلم حلويات لوول)
    وديمة:يلا ياعيال تعالوا بعطيكم عيدي
    الصغارية:اللللللللللللللله
    شما:ماشاء الله متى تخرجتي وداومتي اختي؟
    وديمة:هههههههه لا ماعليج عيالج فاهمين علييه وعارفين شو هي عيديتهم(وتغمز حق اليهال)
    شما:محد خرب ضروس عيالي غيرج...اطاعي شقايل عليو منتفخة بسبة الكاكاو
    وديمة:هههههههه وها احلى شي فيها عشان جذه اعطيها اكثر عن اخوانها
    (وسارت وديمة صوب حجرتها ومن الربشة نست تيلفونها فالحجرة ويوم وصلت لقت فوق الـ10 مسد كولات ومعظمهم من الدماني اللي بتغسل شراعا لنها مادقتلا وهي موصتنا من ليلة العيد انها اول ماتنش تدقلا.....عطت وديمة الحلويات حق الصغارية واتصلت فالدماني)
    وديمة:امباااااركن عييييييدج حبيبتي
    الدماني:..........
    وديمة:ألــــوووو....جمهورية مصر العربية؟برنامج صباح الخير يامصر؟
    الدماني:ههههههههههههههههههه غربلات ابليسج ياودموو مع اني زعلانة منج بس عرفتي كيف تضحكيني وتنسيني.....عساج من العايدين والسالمين ودومتي.....هاي اللي موصتنا تدقلي؟!
    وديمة:شو اسوي إلتهيت لين مانشيت وزهبت الدخون حق يدو والشباب وسرنا المصلى ورديت أتلبس نسيت سالفة التيلفون وتوّم عيال شما طالعين عني عايدتهم وقلت بدقلج وعقب برد انزلم...اليوم فليل بيون قوم ابويه...وباجر إن شاء الله بنسوي عشا عود بنعزم فيه اللي نعرفه واللي مانعرفه على سلامتم ههههههه تعالي عاد مالج عذر البيت قريب
    الدماني:تستاهلون اللوال...ويستاهل عمي وتستاهل خالو....إن شاء الله بخبر امي وبرد عليج خبر
    وديمة:اوكي خلاص بتريا ردج...انا بسكر عنج احين بسير تحت اشوف منو يا وفليل بدقلج...فمان الله
    الدماني:فمان الكريم
    (نزلت وديمة وحصلت عماتا وعمومتا وعيالم....سلمت عليهم ويلست وياهم وسوالف تجر سوالف وكل حد يدش وقفتله تبا عيدي لووول....وحصلت هاك اليوم فوق الـ1000درهم تقريبا...بس قالت فخاطرا ابويه محد عشان جذه مب مسويلي سالفة خخخخخ)
    عفرا(بنت عم وديمة):ودوووووم ودوووووم
    وديمة:هلا عفاري
    عفرا:اطاعي اطاعي هالغرشوب اللي واقف وي أحمد
    (وترفع وديمة راسا وتوايج من الدريشة...وتنصدم من اللي شافته....طلع جاسم....جاسم اخو الدماني كان ياي عند اخوانها فالميلس....ماعرفت شو تقول او شو تسوي)
    عفرا:وديمة تعرفينه؟دخيلج لو تعرفينه خلي بوشهاب يسويلنا ترتوب
    وديمة:انف عليج ياعفوور ماطلعتي على امج شو هالرمسة بعد...وبعدين انا ماعرفه وحتى لو اعرفه مابقول حق احمد....اصلا بيقصبني
    عفرا:انزين بلاج تنرفزتي انا الا اسولف
    وديمة:انزين انزين انا بسير اودي الدلال المطبخ عشان يسوون جاهي وقهوة ماشاء الله خلصن.
    (شلت وديمة الدلال وسارت صوب المطبخ...وهي تمشي كانت تقول فخاطرا صح كلام عفرا انا ليش تنرفزت؟!ليكون غرت من كلامها؟!غرت لنها اطالعت جاسم بنظرات الاعجاب؟!اصلا ليش اغار؟مافي شي بيني وبينه؟!....وتجاهلت وديمة هالأفكار وكملت شغلها....والغريب ان هالشي كانت تحس فيه من أول ماعرفت حقيقة جاسم واللي زادها الموقف اللي صار وي عفرا...بس وديمة ماكانت فاهمة شو طبيعة هالمشاعر!)
    (طاف النهار ودخل الليل والكل مرتبش ومتيمع فبيت عبدالله بو وديمة عشان يستقبلون الحجاج....ووديمة كانت سايرة ورادة بالدلال والفالة وتدخن البيت والحجر....كانت وديمة واقفة عند مدخل البيت ومحتشرة ع البشاكير وعاطية الباب ظهرا....شوي ولا تسمع حد وراها يقول منو مزعل وديمة الحلوة؟!....يوم صدت لقت انه ابوها....جان تنقز عليه وتلوي عليه وتصيح حتى هو دمعت عيونه بس ماحب يبين لها)
    وديمة:بومنصور الحمدلله ع سلامتك تو مانورت البلاد والله تولهت علييييك
    عبدالله:ونحن أكثر ياوديمة تولهت ع نجرتج انتي وخليفة هههههههه
    مريم(أم وديمة):ونحن مالنا رب ولا ابوج بس اللي راد من السفر؟!
    وديمة:ماماااااتي فديتج(وتبوسها وتحضنها)انتي الخير والبركة وصدق مكانج كان خالي....مادري كيف قدرتي تستحملين كل هالمسؤوليات؟!
    مريم:ههههههه عشان تعرفون بس شكثر أتعب....ومابتحسين بهالشي الا يوم بتعرسين وبيكون لج بيت وعيال
    (دخل وراهم منصور ومرته وبعد سلمت عليه وديمة وعياله وساروا كلم الصالة وسلموا ويلسوا يسولفون عن الحج والعيد....وعقب ترخصوا بيرتاحون لنه باجر وراهم عزيمة عودة ع العشا.....سارت وديمة حجرتا ويوم شافت تيلفونا تذكرت انها وعدت الدماني تدقلا)
    وديمة:السلالالالام عليكم
    الدماني:عليكم السلام....هلا والله...وين انتي خست وانا اترياج؟!
    وديمة:شو اسوي ربشة عندنا ماشاء الله...تعرفين فديته انا بومنصور مب شخص عادي....هذا معالي عبدالله بن محمد ههههههههههه
    الدماني:هههههههههههه ايه انتي لا يكبر راسج علينا
    وديمة:انزين اسمعي لا تنسين سالفة العشا باجر إن شاء الله ترا كلكم معزومين امج وابوج واخوانج كلم
    الدماني:إن شاء الله بخبر امي وانا من صوبي ماعندي مانع ع الاقل بنضرب بالخمس هههههههه
    وديمة:ماتيوزين من طبعج عقب تقولين ليش مااستوي شرات اللبنانيات
    الدماني:اسسسسسسسمممممع انته منو يرمس بسسسس!!!
    وديمة:هههههههههههه يعني لازم الاحراج!....يلا احين انا بسير ارقد ورانا نشة من الصبح
    الدماني:حتى فالاجازة بتسيرين الجامعة!هههههههههه
    وديمة:بذبحححححج صدق انج سخيفة....يعني ماتعرفين اني لازم افازع امي ويدو فالتجهيزات؟!
    الدماني:انزين انزين بلاج خذتينا بشراع وميداف هههههههههه يلا تصبحين على خير وحافظنج الله
    وديمة:وانتي من اهله....فمان الله
    (بالباجر الصبح بدت التجهيزات للعزيمة والكل محتاس...اللي فالمطبخ واللي فالصالة واللي فالميلس بس طبعا الشباب شالين ايدهم من كل شي لووول.....كانت وديمة ترتب الصالة الرئيسية....وشوي ولا يدش عليها أحمد)
    أحمد:مرحبا ودوووم
    وديمة:مرحبا مليون وان زادن لاباس...هلا والله بوشهاب شحالك؟وين انته من الصبح ماشفتك؟
    أحمد:ظهرت أييب غتري من اللاندري....ماروم ألبس غتر أمس حليلن قطنن ع راسي طول النهار سامت فيهن
    وديمة:ههههههههه تعبير حلو بس لاتعيده لوعت جبدي
    أحمد:هههههههههه انزين اسمعي شو رايج أي كندورة ألبس؟(وكان زاخ كندورتين وحدة كويتية لونها بيج والثانية عربية من الموديل اليديد لونها أبيض الراد ع الازرق)
    وديمة:امممممم مادري كلم حلوين بس ليش تسألني يعني؟!
    أحمد:بما انها عزيمة عودة اليوم أبا أكون على سنقة 10 مثل مايقولون اخوانا المصريين ابده سولعية طايفة تشوفني وأعلقا طبعا انتي فاهمة قصدي!
    وديمة:ههههههههه قوووول جذه احين اتضحت الرؤية....صدق ماعندك سالفة بس تبا الصدق انته شو ماتلبس يطلع حلو عليك طالع على اختك فديتا
    أحمد:احم احم مشكورة ع الاطراء....بس تعالي منو الاكبر؟!أنا ولا انتي!وشقايل بطلع عليج!
    (وتضحك وديمة على كلامه وهي عارفة قصده عدل....هو كان يطري نورة بنت خاله لنهم محيرين لبعض من كانوا صغار ويوم كبرت نورة وعرف شخصيتها وبرز جمالها انعجب فيها أحمد أكثر واقتنع بالفكرة لنه فالبداية كان معارض فكرة انهم يربطونه بوحدة مايعرف عن افكارها واسلوبها فالحياة.....عقب ماخلصت وديمة ترتيبات البيت قالت فخاطرها لازم اسير اعابل عمري احين وبزهب ثيابي.....فتحت الكبت واختارت مغربية عنابية وذهبية موديلها خفيف وعلى قطعتين.....تزهبت وديمة وفلت الشعر ونزلت تحت وتحصل ان معظم الأهل ماشاء الله تيمعوا وماباقي غير يصلون العشا ويتعشون......وديمة كانت تتريا ربيعاتا ريم والدماني.....هم الوحيدات اللي عزمتهن لهاي العزيمة العائلية لنهن وايد قريبات منها.....تأخر الوقت فقالت تتصل فريم قبل لنه بيتهم شوي ابعد من بيت وديمة وعقب بتدق حق الدماني


    وديمة:ألــوووو ريمووووو وينكم ترا بنتعشى عنكم
    ريم:عليكم السلام والرحمه...الناس يسلمون قبل....انتي دومج ميوعة؟!
    وديمة:ههههههه عيل انتي وين عن الدماني هي اللي دومها يوعانة....بعرفج عليها اليوم انا عازمتنا وايد بتحبينا
    ريم:هيه والله خاطري اتعرف عليها شوقتيني اعرفا من رمستج عنها
    وديمة:هي بعد من زمان تقولي ابا اتعرف على ريم
    ريم:انزين احين بتخلونا واقفين ع الباب وايد!!
    وديمة:أي باب؟انتوا برع؟قولي والله وانا اتحراج بعدج فالبيت!....حياكم حياكم البيت بيتكم
    (وصلت ريم وأهلا وسلموا على بعض ويلسوا يسولفون والتهت وديمة وي الريم ونست تتصل فالدماني لين مارن تيلفونها وشافت ان الدماني متصلة....كعادتا الدماني هزبت وديمة لوول وخبرتا انها وصلت ومثل ماتقول تو مانور بيتكم هههههههههه....دخلت الدماني وأهلا وتعرفت على ريم ويسلوا يسولفون جنم ماشافوا بعض من سنين)
    ريم:وديمة ماخبرتج اخويه هزاع رد من السفر
    وديمة،الدماني:تستاهلون اللوال....شو ياي اجازة؟
    ريم:لالالا ابشرج خلص وتخرج
    وديمة:كللللووووش مابغى حشا طب دارس هب بزنس 6 سنين!
    ريم:احم احم مب جنج غلطتي على اخويه هههههههههه
    وديمة:والنعم فيج وفي اخوج بعد
    (وهم يسولفون رن تيلفون الدماني وكان حذال وديمة وشافت ع الشاشة "جسوووم"...انتفض قلب وديمة وتمت فترة لين مااستوعبت ان التيلفون يرن ولازم تعطيه الدماني....شلته الدماني وخبرها جاسم انهم لازم يروحون لنه عنده شغلة يبا يخلصا وان هو يترياهم فالسيارة....ترخصت الدماني وطبعا أهلا سبقوها ع السيارة لنها كانت ترمس وي البنات....طلعت الدماني وتنزل ع الدري وهي مستعيلة وشوي ولا تتكربع وكانت ياية بتطيح لو مب ايد امتدت وزختها من ايديها!!....طبعا الدماني مااستوعبت كل اللي صار لنها من الزيغة غمضت عيونا...ويوم حست انها فأمان فتحت عيونا وتشوف اللي زاخنها واحد ماتعرفه وأول مرة تشوفه! ومن المستحى شردت بسرعة وسارت تركب السيارة.....حتى امها لاحظت انها مرتبكة ويوم سألتها ماردت عليها.....وصلت الدماني البيت ولأول مرة بدون ماتعلق دشت حجرتا وصكت ع عمرا الباب وتمت تفكر بالموقف المحرج اللي تعرضتله....مب عارفة تضحك ولا تصيح....فكرت تخبر وديمة لنها أقرب وحدة لها بس ماقدرت كانت العبرة خانقتنا....من التعب رقدت الدماني ونفس الشي من صوب وديمة ماحاولت تدق للدماني لنها رقدت قبلها)
    (بالصبح نشت وديمة على صوت رنة تيلفونها....وكانت ريم المتصلة)
    ريم:صبااااح الخييير ع الحلوين
    وديمة:صباح النور والسرور....مرحبا الساع الريم
    ريم:امييييي صوتج يزيغ شكلج راقدة
    وديمة:هههههههه الله يسامحج احين انا صوتي يزيغ! طبعا حبيبتي حد يدق هالوقت وفالاجازة بعد! شو تبيني البارحة مرمستني لين مالاعت جبدج
    ريم:هههههههههه انزين ماعليه هاي يزاتي ابا ارد العزيمة
    وديمة:ههههههههه فديت الريم انا....كنت اسولف بلاج
    ريم:ادري اصلا انا ماازعل من ودومتي...انزين اسمعي قومي نشي وصحصحي بمر عليج تقيلين عندنا فمزرعتنا فكابر وبالمرة بنطوف نبكي على الأطلال فالسرة ههههههههه
    وديمة:ههههه صدقج كانت ايام حلوة....خلاص انا بشاور امي وبرد عليج خبر...متى بتسيرون؟
    ريم:عقب صلاة الظهر....سوي حسابج السهرة عندنا ويمكن بيات بعد
    وديمة:بعد!!! لاابويه خلي البيات مرة ثانية...انزين يلا خليني اسير اتزهب
    ريم:اوكي....لحظة اباج تعزمين ربيعتج الدماني وايد حبيتا الصراحة وودي نكون شلة
    وديمة:إن شاء الله....بس ماظني احصلا واعية احين...بحاول
    ريم:اوكي يلا بسرررعة لا تتأخرون بمر عليكم عقب الصلاة...مع السلامة
    وديمة:فمان الله
    (نشت وديمة وسارت صوب امها تشاورا وطبعا امها وافقت لنها عارفة ريم وأهلها عدل وتأمن على بنتها وياها....طلعت وديمة جلابية وسكارف وطبعا بنطلون تلبسه تحت الجلابية عشان تسوق الدراجة لووول....وطول الوقت ووديمة تحاول تدق حق الدماني عشان تخبرها عن العزيمة بس ماترد وهي تدري ان رقاد الدماني ثجيل وبضرابة تنش بس اللي ماكانت تعرفه ان الدماني هالمرة مارقدت طول الليل من التفكير ويادوب صار لها كمن ساعة راقدة....قامت وديمة ودقت ع بيت الدماني عشان تخلي امها توعيها وبالمرة تترخص منها انها بتاخذها وياها)
    وديمة:ألــو...السلام عليكم
    ريال: عليكم السلام والرحمه
    وديمة(وهي مرتبكة لنه ماتوقعت ريال يرد عليها):وين الدماني؟
    الريال:الدماني راقدة هالوقت خير في شي؟
    وديمة:انزين وخالو حصة؟
    الريال: إن شاء الله لحظة شوي
    حصة(أم الدماني):ألــووو
    وديمة:صبحج الله بالخير خالو....شحالج؟
    حصة:صبحج الله بالنور والسرور....مرحبا بنيتي....انا يسرج حالي...ومن صوبج غناتي؟
    وديمة:بخير دامكم بخير....خالو بعد اذنج ربيعتي ريم اللي شفتيها البارحة عازمتنا انا والدماني عندم فالمزرعة فاذا ماعندج مانع توعين الدماني عشان تتزهب وتسير ويايه لنهم بيمرون علينا عقب الصلاة
    حصة: هيه تذكرتها....ماعندي خلاف احين بسير اطالعا...هي من ردينا من بيتكم أمس ومادري بلاها هب طبيعية
    وديمة(زاغت من كلام ام الدماني):خلاص خالو أول ماتنش خليها تدقلي
    حصة: إن شاء الله....يلا عيل بسير صوبها....سلمي على امج وقوليلا أم راشد تشكرج وايد ع العزيمة الغاوية
    وديمة:لا شكر على واجب خالو هذا مب من قدركم
    حصة:فديتج انا وديمة شيخة البنات والله ليت الدماني تاخذ من ذرابتج وتركد شوي بدال هالخبال ههههههههه
    وديمة:ههههههههه يوم بتكبر بتعقل....يلا فمان الله
    حصة:فمان الكريم
    (وسارت حصة صوب حجرة بنتا الدماني وتحاول توعيها ماشي فايدة لين ماطرت لها اسم وديمة نشت وهي واقفة...وخبرتا السالفة وانهن معزومات عند ريم....ترددت الدماني أول شي لنها كانت ضايجة من سالفة البارحة بس قالت يلا اسير اغير جو وأنسى....بس ماكانت تدري شو اللي بييها اليوم بعد!....تزهبت الدماني ودقت حق وديمة تخبرا انها خلصت وشوي ولا تدق ريم حق وديمة عشان تطلع لنها عند الباب عشان تدليها عقب بيت الدماني....تيمعن البنات وهن فالدرب يتسمعن اغاني حربية مكس من دبي الحربية،المزيود،الوسمي،حربي العامري،حمد العامري حتى الدريول تم يتأفف وهن يضحكن....هل ريم ساروا المزرعة على دفعات يعني امها وخالاتها تجدموهم عشان يزهبون المكان والغدا وعقب ريم واختها ميرة ووديمة والدماني.....نزلن البنات وسلمن ع الموجودين ونظرات الحريم مافارقت الدماني ووديمة لوول.....قررن البنات يتمشن فالمزرعة ويتحينن الفرصة عشان يركبن الدراجات خخخخخ....وديمة كانت حاسة ان الدماني مب طبيعية ماكانت على عادتها....وديمة تعودت ان الدماني خرشة وماتسكت بس اليوم صاخة وكلامها قليل....فكرت تسألها بس قالت لا مابا أحرجها جدام البنات يمكن عندها مشاكل فالبيت يوم بنروح بدقلا.....يلسن البنات ع العرقوب والأولاد الصغار كانوا يستعرضون بالدراجات ويطوفون حذال البنات يعذبونهن لووول....كل شوي تأشر ريم على واحد عشان يعطيهم الدراجة مايطيع ويكمل دربه لين ماشافوا وديمة والدماني واحد شكله عود شوية لابس خوذه....نزل من الدراجة ورمسته ريم وأخيرا حد طاع يعطيهم دراجة....وديمة والدماني ياهن فضول الا يعرفن منو هذا....ركبت ريم الدراجة عشان تسوقها وتسير صوب البنات تردفهن وحدة وحدة وقبل لا تحرك بطل الريال الخوذة عشان تلبسها وفي هاذيج اللحظة زخت الدماني اييد وديمة بقو لين ماعورتها)
    وديمة:آآآآآآآآآآآآآي ايييييدي....اييييه بلاج انتي عصدتيها...هديني
    الدماني:اوه سوري عورتج؟!
    وديمة:شو رايج يعني!!....شو ياينج؟
    الدماني:عقب بخبرج صخي احين البنت ياية
    وديمة:اوكي بس مابهدج الليلة بتخبريني شو بلاج انا ملاحظة انج مب طبيعية من الصبح!
    (يت ريم وردفت البنات وبعد خلتهم يسوقون لين مازقروهم عشان يتغدون.....ثلاثتهن ركبن ع الدراجة واتراصن عشان يوصلن صوب الغدا....يوم ريم كانت بتوقف الدراجة شافهم راعي الدراجة وضحك على اشكالهم ويوم لمحوه وديمة والدماني استحن....نزلن البنات وتغدن.....وعقب الغدا يلسن البنات يشربن جاي ويسولفن)
    وديمة: ريمووو بتخبرج منو المسكين اللي كسرناله دراجته؟
    ريم: هههههههه المسكين هذا يكون اخويه هزاع
    (الدماني كانت تشرب الجاي بس شرقت وتمت تكح)
    وديمة:بسم الله عليج بلاج؟
    الدماني: لا ماشي شرقت الجاي حار
    وديمة:انزين ريموو اكيد اخوج يدعي علينا احين راكبات ثلاثتنا مرة وحدة!
    ريم:ههههههههه لا ماعليج هزاع طيب وبالعكس خدوم ومايقصر
    وديمة:وانا اشهد طالع على اخته ههههههه
    ريم:احم احم مشكورة....احين امايه يالسة تدور له بنت الحلال نبا نيوزه ونفتك منه
    وديمة:هههههههه وحليله توج تمدحينه!
    ريم:صدقتي انتي عااااد!!....لا والله هذا عضيدي واتمناله كل خير....شو رايج ودمووو تكونين مرت اخويه؟
    وديمة:بعيد الشر انا ربيعتج ومب سالمة وبعد مرت اخوج!! لالالا مشكورة خليني عند اهلي احسن
    ريم:هههههههه انزين ماعليه
    (طول ما ريم ووديمة يسولفن الدماني كانت ساكتة وماتعلق الا بابتسامة مصطنعة.....مر النهار ودخل الليل وبدوا الشباب يردون من جولاتهم ع الدراجات ويلسوا فالخيمة يغنون ويدقون والبنات يتسمعن من بعيد لبعيد لووول....شوية ولا اي هزاع صوب امه وخالاته عشان يقولم ان دلة الجاي حليب خلصت ويبون زيادة....ويوم كان يرمس ماانتبه ان في شخص عيونه مافارقته من اول مادخل عليهم لين ماطلع....زقرت أم ريم بنتها عشان تساعدها وحلفن وديمة والدماني ألف يمين الا يفازعونا)
    الدماني:ريم خليني انا بسوي الحليب
    وديمة:هييييه وصلنااااا....محد يعرف يسوي حليب كرك يعدل المزاج غير الدماني ههههههه
    ريم:اوكي الدماني مابردج راوينا شطارتج بس انا مايخصني بقولم انتي اللي مسوتنه
    الدماني(وهي فخاطرها تقول أنا أباه يدري):اوكي انتي جربيني ومابتندمين
    (سوت الدماني الحليب وطرشوا البشاكير يودونه....عقب ربع ساعة جان يرد هزاع صوب امه)
    هزاع: ام هزاع منو مسوي الحليب؟
    ام هزاع:خير ياولدي ماعيبكم؟
    هزاع:امبلا مضبووط...بس طعمته غير مب انتي اللي مستونه اكيد
    ام هزاع:لا ياولدي هب انا...هاي البنية اللي هناك ربيعة ريم
    هزاع:اي وحدة فيهن؟
    ام هزاع:هاذيج الطويلة...خضرا ماشالله عليها....ها ياوليدي شو رايك؟(وتضحك)
    هزاع:يام هزاع اخجلتيني الصراحة هههههههههه بسير عند الرياييل احين
    (تأخر الوقت واضطرت وديمة تترخص عنهم وطبعا الدماني وياها....شكرت ريم وأهلها ع حسن ضيافتهم وإن شاء الله هم يردون العزيمة فعزبة هل وديمة.....روحهم دريول قوم ريم وي البشكارة....وطول الدرب الدماني ساكتة لين ماعصبت منها وديمة)
    وديمة:انتي شو بلاج اليوم؟منو كل لسانج؟
    الدماني:اسكتي عني انا روحي ضايجة من البارحة
    وديمة:من البارحة! شو استوى؟! كنتي تسولفين وتضحكين ويانا مافيج شي!
    الدماني:ترا السالفة استوت وانا مروحة من عندكم
    وديمة:خير امج ولا ابوج فيهم شي؟!
    الدماني:لا الحمدلله مافيهم الا العافية
    وديمة:عيل شو مستوي طيحتي قلبي قولي
    (الدماني تنغز وديمة ان الدريول والبشكارة موجودين وماتروم ترمس احين)
    الدماني:احين بنزل وشوي وبدقلج
    وديمة:اوكي اترياج...باي
    الدماني:باي
    (وصلت كل وحدة فيهن بيتها وكل وحدة بدلت بسرعة عشان تدق حق الثانية...أول مازخت وديمة التيلفون بتتصل حق الدماني ولا تشوفها داقة!)
    وديمة:لوطالبة مليوووون احسن لي
    الدماني:هههههههههههه ليش؟
    وديمة:توني امرة زاخة التيلفون بدق رقمج!
    الدماني:شفتي شو يسوي الحب!
    وديمة:بلا حب بلا خرابيط يلا ابا السالفة من طق طق للسلام عليكوووو
    الدماني:ان شاء الله ياأبلتيييييي
    (وتخبر الدماني السالفة اللي استوتلها وهي طالعة من بيت وديمة)
    وديمة:هههههههههههههههههههههههههههههههههههههه والله وطلعتي شاطرة يادمووووه عقيتي بلاج ع الريال وعلقتيه
    الدماني:جببببببب لا تضحكين انا من يومين ضايجة وانتي تضحكين علييه!!وبعدين شو عقيت بلايي هاذي هاااااا !! يعني بكيفي مثلا تكربعت!!(وهي صدق محرجة من وديمة)
    وديمة:هههههههههههه والله آسفة ماروم أيود عمري اتخيلج وهو زاخنج.....انزين شو مواصفاته بتخبرلج واحد من اخواني بس بدون مايحس وبنعرف منو سعيد الحظ هذا ههههههههههههههههه
    الدماني:عرفته وشفته بعد

    يترا منو هو ...



    بتعرفووون الباااجي ف الباارت اليااااي

    واللي يقووول قصير بذبحه





    التعديل الأخير تم بواسطة ! منسيهـ! ; 09-09-08 الساعة 05:32 AM





  7. #7
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    انا بحطي القصه كلهاا واللي يبي اقرااهااا امانه يحط انتقاادتكم لي او تقييمكم لي





    التعديل الأخير تم بواسطة ! منسيهـ! ; 09-09-13 الساعة 02:53 AM





  8. #8
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    وديمة(صخت من المفاجأة):نعم نعم!! شو تقولين!! شفتيه؟!وين ومتى وكيف؟مسرع ماعرفتيه الا البارحة مستوية السالفة!!...دمووووه قوووولي
    الدماني:هههههههههه بلاج بلاج شوي شوي علييه اللي يسمعج يقول مواعدتنه ولا شي
    وديمة:الزمن غدار والحكمة تقوووول كل شي معقووول
    الدماني: كح كح كح كح يالله غبااااار ماااال أول هالغنية هههههههه
    وديمة:انتي بتخبريني منو طلع ووين شفتيه ولا شو!
    الدماني:بقولج بس ايلسي قبل عن تطيحين وانتي واقفة ههههههههههههه
    وديمة:اسميج تحبين تحرقين الاعصاب
    الدماني:شفته اليوم أو بالأصح شفناه اليوم.....هزاع اخو الريم
    وديمة:هاااااااااااااااااااااااااااااااااا....هزااا ااااع!!!(وتنفجر وديمة من الضحك)
    الدماني:ايييييه ودموووو ليش تضحكين جذه...حرام عليج انا لين احين قافطة من الموقف السخيف اللي استوالي وفوق هذا يشوفني ثاني يوم!
    وديمة:وانا اقووووول بلاه الريال يطالع كنت بخبر ريمو تهزبه
    الدماني:تدرين لو كنتي سويتيها كانت صدق بتكمل فضيحتي
    وديمة:ههههههههههههه اتخيله يحقد عليج....بس بيني وبينج عرفتي تختارين دمووووه
    الدماني:الله يغربل ابليسج انا وين وانتي وين! اقولج قافطة ومتضايجة تقوليلي تختارين!!
    وديمة:ههههههههههه انزين اسولف بلاج مستوية جبريت ماتتحاجين....ها يزاتي بغير الجو شوية
    الدماني:انزين قوليلي شو اسوي احين
    وديمة:في شو!....خلاص هذا حادث وقدر الله وماشاء فعل يعني كان بايديج تردينه مثلا!
    الدماني:تصدقين ودووووم لو انه مامنج فايدة بس مادري ليش ارتاح يوم ارمسج احين احس اني عقيت كل الهموم اللي كانت على ظهري
    وديمة:هههههههههههه انزين ماعليه انا مامني فايدة....المهم انتي استهدي بالله احين وارقدي ولا تحطين فخاطرج
    الدماني:صدقج انا من البارحة مب راقدة عدل....يلا تصبحين على خير....فمان الله
    وديمة:وانتي من اهله....حافظنج الله
    (مرت أيام الاجازة والكل لاهي فدنياه....الدماني بدت تنسى سالفة هزاع وحتى وديمة حاولت قد ماتقدر تتناسى جاسم.....وفيوم كانت فيه وديمة يالسة فحجرتا تكتب خواطرها دش عليها اخوها أحمد)
    أحمد:سلالالالامن عليهم بعد ماجفونا وقلبي بايديهم وهم أنكرونا...أحبهم ولكن نسونا نسووونا وقلبي سيبقى أسيرا لهم
    وديمة:انته ترمس فالتيلفون؟
    أحمد(باستغراب):لا...ليش؟
    وديمة:هالكلام الحلو حقي يعني؟!
    أحمد(نقع من الضحك):ههههههههههههههه هيه عيل حق منو حق دبدوبج هذا اللي يشبهج
    وديمة:لو سمحت لا تغلط عليه هذا عديل الروح هههههههههه
    أحمد:انزين ياللي وايد متأثرة بالمسلسلات...ممكن تزقريلي اختي وديمة العاقلة الفاهمة اللي مخها سابق سنها بوايد...بغيتها فموضوع
    وديمة:لحظة شوي بدقلا ابدا مشغولة ولا شي
    أحمد(زخ الدبدوب ويفره عليها):انتي بتصطلبين ولا شو صدق في موضوع خطير برمسج فيه ومحد يعرفه غيرج
    وديمة:احمدوووو يامسود الويه شو مسوي؟!
    أحمد:مب مسوي شي...بس ابا أعرّس حرام!
    وديمة(ومب مصدقة اذنيها):شوشوشوووو ماسمعت! احمد انته ترمس جد!
    أحمد:والعرس فيه لعب بعد!
    وديمة:مبرووووك ياعضيدي اخيرا قررت تدخل السجن الذهبي اووبس آسفة أقصد القفص الذهبي
    أحمد:ههههههههههه وي راسج...هيه اخيرا....بس تدرين ليش انتي اول وحدة رمستها فهالموضوع؟
    وديمة:طبعا لني اختك حبيبتي
    أحمد:وحتى شما اختي وحبيبتي...بس انتي غير انتي قريبة للكل حتى شما يوم تعيز وي عيالا تطلب مساعدتج....انا اباج ترمسين القلب وتشوفين رايها فيني...نحن صح محيرين لبعض بس ماباها تاخذني عشان رغبة أهلنا اباها تاخذ أحمد لذاته
    وديمة:ياعيني ع الكلام الحلو....اصلا ياحبيبي هي وين بتحصل وحدة شراتك...انته توكل على الله وخل الباقي علييه وبتيك العلوم على قولة الدماني لووول
    أحمد:ههههههه الله يذكرها بالخير الدماني اشوف بيتنا هادي وينها هي من فترة مامرتنا
    وديمة:لاهية وي اختا مربّي
    الدماني:لا والله! مبرووك ويتربى فعزّم ان شاء الله...باركيلم عني...عيل ماشوفج سرتيلم؟!
    وديمة:ان شاء الله بسيرلم جريب
    أحمد:خلاص اترخص انا احين بس ماوصيج تحركي بسرعة وهاااا مابا حد يعرف بالموضوع
    وديمة:ارقد وآمن يابوشهاب واعتبر عقد الزواج فمخباك
    أحمد:هههههههههههههه عقد الزواج مرة وحدة! شو باخذها عرفي انا! يوم اقولج المسلسلات خربتج
    وديمة:لزوم الشغل ياحبيبي هههههههههه
    (وترخص أحمد وهو قلبه يرقص من الفرح من كلام وديمة اللي رفعتله معنوياته وايد لنه كان خايف يصير العكس...هو يحب نورة وايد ومايتخيل ياخذ غيرها ولا يتخيلها حرمة لغيره...كان دوم يدعي بينه وبين نفسه انها تكون من نصيبه وتحبه ولو نص الحب اللي هو يحبا اياه....فنفس الوقت وديمة ماجذبت خبر وبدت ترتب الكلام اللي تبا تقوله لنورة فراسها وهي زاخة تيلفونها تدق رقمها عسب تدق الحديد وهو حامي لوووول)
    وديمة:سلامن عليج النور
    نورة:عليج السلام والرحمه.....هلا والله ببنت العمة....شحالج؟عاش من سمع هالصوت
    وديمة:عاشت ايامج فديتج....ربج بخير....لا ماعليج عقب بتملين من هالصوت صدقيني
    نورة:هههههههه ليش يعني؟
    وديمة:انا متصلة عشان اخبرج ليش يعني هههههههههههه
    نورة:كلي آذان صاغية
    (وشوي ولا ام نورة تزقرها)
    نورة:ودوووم بخليج احين برمسج عقب امي تباني
    وديمة:اوهووووو ها وقتا امج احين
    نورة:هههههههه مب جنج غلطتي على امي!
    وديمة:هههههههههههه اسولف بلاج...امج على راسي من فوق
    نورة:خلاص متى مافضيت بدقلج....باي
    وديمة:اوكي بترياج....باي
    (مر كم يوم على هالمكالمة ونورة مااتصلت ووديمة ماحبت تأذيها ع الرغم انها على اعصابها أكثر من أحمد...كانت تبا ترمسها فالموضوع بسرعة عشان تخبر الاهل كلهم ويفرحون بزينة الشباب أحمد بوشهاب....أحمد الشاب الحليو الكشيخ اللي كل ربيعات شما ووديمة تخبلن عليه اللي تباه لعمرها واللي تباه لاختها....حتى عمة شما اللي هي ام ريلها دوم تنغزها ودها أحمد ياخذ وحدة من بناتها لووووول....بس شما خبرتهم انه نورة محيرة له)
    (كل ماتتلاقى نظرات احمد ووديمة فالبيت تحس فيه ملهووف يسمع الجواب منها ويتحراها تغايضه وماتبا تقوله ومب طايع يصدقها انها بعدها مارمست نورة.....وفهاك اليوم كانت معزمة تسير بيت الدماني تشوف بنت اختها الصغيرة وتباركلهم عليها)
    وديمة:أحمد ودني بيت الدماني
    أحمد:ولج عين بعد تتطلبين
    وديمة:هههههههههههه حمووود قوم لالالالا..شو اسوي اذا حرمتك مب فاضية!
    أحمد:لا والله انا باخذ اليزابيث ولا أولبرايت!
    وديمة:ههههههههههه حللللللووووة...بخبرا
    أحمد:ايه انتي بعد مااستوى شي وبتخربين من بينا!
    وديمة:ههههههههه انزين خلاص انته ودني احين ويوم برد اني اتصل فيها ومابسكر لين ماآخذ منها الجواب
    أحمد:جان جذه يلا عيل سرينا
    (وصّل أحمد وديمة بيت الدماني وهو يوصيها ماتتأخر عليه بالرد....وخبرها انه مابيروم يرد ياخذها لنه معزوم فدبي عند واحد من ربعه فبيطرشلها الدريول....نزلت وديمة ووصت اخوها ع الدرب وانه مايسرع بس كان قلبها ناغزنها وماودها تنزل ماتدري ليش!! بس فالنهاية نزلت ودخلتها الدماني الصالة وسلمت على أهلها وباركتلهم بالمولودة اليديدة....وعقب سارت الميلس وي الدماني يشوفون صور وفيديو عرس اخوها راشد اللي كان فالصيف وتوها مخلصة الصور)
    وديمة: دموووه شعنه مايوزتيني اخوج يوم انه ظاهر غاوي جذه فالصور
    الدماني:هههههههههههههه لا ماعليج الفلتر مايقصر
    وديمة:ههههههههههه اشوفه
    الدماني:راشد طالع على ابويه وجاسم على امي اللي يشوفهم وي بعض مايقول اخوان بس يتشابهون فالجسم والعرض
    وديمة:الله يخليكم لبعض
    الدماني:آمين ويخليج لي ياأحلى وديييييمة
    وديمة:اوه اوه اووووه استوينا نقول كلام حلو بعد!....سبحان اللي يغير ولا يتغير
    الدماني:شفتي عاد لازم نتعود
    وديمة:هههههههههههه حق منو حق هزاع؟
    الدماني:جببببببب كم مرة اقولج لا تذكريني بهالسالفة
    وديمة:هههههههههههههه غصبن عني والله كل مااتذكرها انقع من الضحك
    الدماني:قومي قومي خلينا نسير نتعشى احين بتدقلج امج وبتروحين بليا عشا
    وديمة:هيه ادريبكم مزطة ماتبون تعشوني
    الدماني:طوفي دام النفس عليج طيبة
    وديمة:ههههههههههههههه انزين ماعليه كله عند امج
    (وسارن البنات يتعشن وعقب يلسن يتابعن ام بي سي 4 وخاصة اوبرا لوووول..وشوي ولا تتصل ام وديمة تقولا ان الدريول ياي ياخذها)
    وديمة:يلا عيل انا بترخص احين
    الدماني:ويييييين تو الناس
    وديمة:اي تو الناس الساعة بتستوي 11 وتقوليلي تو الناس اصلا انا مستغربة كيف امي نستني عندكم لين احين هههههههههههه
    الدماني:وانا بعد استغربت بس ماعلقت مابغيت أذكرج وتسيرين تتصليلا هههههههههههه
    وديمة:شكله وصل دقلي رنة يلا فمان الله ومشكووورين ع حسن الضيافة
    الدماني:افااا عليج البيت بيتج ودووم..مع السلامة
    (وتوها وديمة تفتح الباب بتطلع ولا يجابلها جاسم!!! كان يبا يدخل وهي تبا تطلع فماشي مفر الا انهم يتجابلون!!...تبريد جاسم جدامها ويمر جدام عيونه شريط ذكريات الحادث والمول وفجرت فداخله مشاعر كان يحاول يتجاهلها لنه فلحظة تصور ان الوصول لها شي صعب اذا ماكان مستحيل....تموا واقفين يطالعون عيون بعض فترة....ماعرف جاسم شو يسوي الا انه يبتسملها من فرحته بها وعلى أمل انها تفهم مغزاها وتحس فيه...عقب استوعب جاسم انه لازم يسويلها درب عسب تطوف....خاز عن الباب وأشرلها بايده وقال لها تفضلي....مشت وديمة بسرعة وجنها تركض صوب سيارتهم وهو يلحقها بعيونه وانتبه لسيارتهم وتأكد انها هي وخاصة وهو داش البيت شاف دريولهم وسلم عليه وكان ملهوووف يعرف هاي البنت كيف وصلت بيتهم بس ماتوقع انه يشوفها......روحت وديمة وعيون جاسم مافارقتها وكان سرحان وماوعى الا على ضحكة الدماني)
    جاسم:اييييه انتي بلاج تضحكين جذه؟؟(وهو معصب)
    الدماني:لا ماشي بس اتذكرت سالفة....وبعدين انته ماتستحي مرتز ساعة مب مخلي البنت تروّح
    جاسم:هههههههههه انا تفاجأت فيها وماعرفت شو اسوي
    الدماني:الا قول كنت تتطالعها
    جاسم:مابجذب عليج البنت حلوة واي واحد مكاني مابيروم يخوز عينه عنها
    الدماني:صدق انك ماتستحي احين شو اقول حق البنية
    جاسم:منو هاي البنية دمووه؟ومن وين تعرفينها؟
    الدماني:الحمدلله والشكر اخويه خرف....هاي وديمة عبدالله اخت قوم منصور وأحمد
    جاسم(وهو فاج حلجه من المفاجأة):هاي وديمة اللي كنت ألعب وياها انا ونعوم بنت عمو يوم صغار!!
    الدماني:هههههههههههه هيه هاي هي اخخخ للأسف مالحقت عليكم
    جاسم:احين هاي اللي كانت وياج فالسنتر هاك اليوم؟!
    الدماني:بلاك انته ضربت فيوزاتك ولا شو؟! هيه هي اللي سارت ويانا هاك اليوم...بس كانت متغشية عنك
    جاسم:اخخخخخخ بس لو كنت ادري هههههههههههه
    الدماني:انته اكيد استخفيت ماتستحي تقول هالكلام
    جاسم:والله انج متفيجة...خوزي عن دربي بسير حجرتيه
    (دخل جاسم بسرعة وسار حجرته عن حد يلاحظه وهو طاير من الفرحة...أخيييييرااا عرفها...اخييييرا عرف البنت اللي مافارقت خياله....أكثر من شهرين وهو عايش على أمل انه يلتقيبها مرة ثانية ويعرف هي بنت منو وكيف اخلاقها لنها من حيث المظهر عيبته بس هو مقتنع ان الجوهر اهم بكثير....وع الطرف الثاني كانت وديمة طايحة ع الشبرية سرحانة فاللي صار اليوم وفبسمة جاسم وصوته....كان خاطرها تطول هاللحظات أكثر عشان تشبع عيونها بشوفته بس للأسف مثل مايقولون اللحظات السعيدة تمر بسرعة....حاولت انها ماتفكر فجاسم بس ماقدرت وماصحت من غفلتها الا على تيلفونها يرن وكان أحمد المتصل)
    أحمد:الحمدلله ع السلامة تو الناس!
    وديمة:ههههههه الله يسلمك فديت انا عضيدي تخاف علييه؟!
    أحمد:بلا مقدمات تدرين يش داق...رمستيها؟
    وديمة:اووووووووه نسيييييييييييييت
    أحمد:شو اسويييييييـبج احييييين (وهو معصب)
    وديمة:ههههههههههه انزين شو الراي اتصلبا احين مثلا؟!
    أحمد:هيييييه احييييين
    وديمة:اييييه انته صدقت انا الا اتطنز...استحي ادقلا احين
    أحمد:انتي دقي احين وشوفي اذا واعية بترمسج وهذا انسب وقت اكيد بتكون فاضية ويالسة بروحا
    وديمة:هزرك؟ اوكي بحاول وبشوف شو يستوي وبرد عليك
    أحمد:اوكي اتريااااااج عن ترقدين
    وديمة:اوكي وانته بسك من الهياتة يعني لازم ترد عقب الـ12!
    أحمد:انشالله يدووو انتي دقيلا احين
    وديمة:اوكي يلا باي
    أحمد:باي










  9. #9
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    وتدق وديمة حق نورة)
    وديمة:السلام علييييكم
    نورة:عليكم السلام والرحمه...هلا والله ودوووم شحالج؟
    وديمة:يسرج حالي ربي يعافيج...علومج نواري؟
    نورة:علوم الخير....شو اللي يابنا ع بالج فهالوقت؟
    وديمة:الموضوع اللي شكلج نسيتيه
    نورة:هيييييه تذكرت...كل مرة اقول بدقلج بس انشغل وانسى....خير وديمة صاير شي؟
    وديمة:هو بيصير شي بس متوقف عليج خخخخخ
    نورة:كيف يعني مافهمت؟
    وديمة:شوفي يانورة انا ارمس جد احين أحمد اخويه مطرشني أرمسج وآخذ رايج لنه خلاص معزم يخطبج بس يبا يعرف انتي مقتنعة فيه ولا هلج جابرينج؟
    نورة:.......
    وديمة:نورة بلاج صاخة
    نورة:ها! لا ماشي بس بصراحة فاجأتيني! وماعرف شو اقولج
    وديمة:لا تقولين شي ادري انج موافقة
    نورة:ياوديمة انتي واخوانج شرات اخواني وانا ماكنت متوقعة ان أحمد ياخذ السالفة جد كنت أتحراها رمسة شوّاب ويوم كان ابويه يرمسني عن أحمد أضحك عليه واقوله اني رابية وياه
    وديمة:انزين عادي حتى هو قبل ماكان موافق ع ها الشي بس يوم كبرتوا تعلق فيج يانورة ومايبا غيرج
    نورة:اسمحيلي ياوديمة مادري شو اقولج بس من فترة خطبني واحد من صوب امي وابويه خيرني بينه وبين أحمد وانا بعدني مارديت عليه لني بعدني افكر بس مب فالاختيار لنه أحمد مستبعد من اساسه وسالفة ان نحن محيرين لبعض هاي يوم كنا صغار واحين خلاص كبرنا وكل واحد يقدر يقرر مصيره كيف بيكون
    وديمة:شو تقولين يانورة؟متى صار هالكلام؟وليش ماعندنا خير؟
    نورة:من فترة بسيطة ومافي شي صار رسمي ونحن بعدنا ماردينا ع الريال ابويه يسأل عنه
    وديمة:يعني هذا آخر كلام عندج؟ماتبين أحمد؟
    نورة:انتي اخت عزيزة وغالية ياوديمة وماودي أخسرج ولا أخسر عمو...دخيلج حاولي تفهميني
    وديمة:فاهمتنج يابنت خالي ولا تحاتين علاقتنا عمرها ماراح تتغير ومحد يدري وين النصيب...والله يوفقج ويرزقج بولد الحلال...خلاص عيل مابطول عليج خلينا نشوفج
    نورة:ان شاء الله....تصبحين على خير
    وديمة:وانتي من اهله...فمان الله
    (سكرت وديمة بسرعة حتى ماعطت نورة فرصة ترد....سكرت وفيها غبنة على اخوها اللي ماتدري كيف تخبره برد نورة....نورة اللي عاش طول عمره يتخيلها شريكة حياته.....وشوي ولا يصيح تيلفونها وكان أحمد المتصل طبعا...مارامت ترد عليه تم يرن لين ماقطع بس أحمد مايأس تم يدق ويدق مرة ومرتين وثلاث وعقب ردت عليه وديمة)
    أحمد:وييييين انتي؟ليش ماتردين؟
    وديمة:هاه...كنت كككنت نازلة تحت ادورلي شي آكله يوعانة
    أحمد:مب بطن عليج توج ضاربة بالخمس فبيت الدماني! المهم ماعلينا كلمتيها؟
    وديمة:هيه
    أحمد:وشو قالت؟(وهو ملهوووف)
    وديمة:........
    أحمد:ودموووه عن حركاتج هاي لا تلعبين بأعصابي متى قالت نسير نخطبها؟
    وديمة:مايحتاي اخويه
    أحمد:شووووووووووو؟شو اللي مايحتاي؟
    وديمة:مايحتاي تخطبها....البنت انخطبت
    أحمد:نععععععععععععععم شو تقولين انتي؟استخفيتي؟كيف تنخطب وهي محيرتلي؟
    وديمة:هي تشوفك شرا الاخو ويوم يرمسها خالي عنك تقوله انك شرات اخوها وماتفكر فيك كزوج عشان جذه جدّم الريال ويالس يسأل عنه احين بس بعدها ماردت عليهم برايها...بنخلي امي ترمس خالي ويمكن يقنعها ولا يهمك بوشهاب
    أحمد:لا ياوديمة انا خليتج ترمسينها عشان اعرف رايها وهي مقتنعة فيه بدون ماحد يأثر عليها وهذا كان رايها وانا لازم احترمه...ومشكورة يختي وماقصرتي....بس دخيلج مابا حد يدري بالسالفة خلي البنت تشوف دربها والله يوفقها
    وديمة(وهي ميودة عمرها ماتبا تصيح عشان تضايج احمد زيادة):ان شاء الله اخويه انته تامر....انته وين احين بسك يلا رد البيت تأخر الوقت طافت الـ12 احين!
    أحمد:انا احين بظهر من دبي...بتمين واعية عشان تفتحيلي الباب؟
    وديمة:إن شاء الله...هالله هالله فالدرب
    أحمد:إن شاء الله...مع السلامة
    وديمة:حافظنك الله
    (سكرت وديمة عن اخوها وهي قلبها متقطع عليه وعلى صوته اللي تغير من عرف براي نورة ماكانت تبا تسكر واتم ترمسه طول الدرب عشان تتطمن عليه بس كانت تدري بطبع اخوها مايحب يرمس حد يوم هو متضايج ولا يبين له شي....تمت تدعي له هاذيج الليلة يوصل البيت بالسلامة وتكون نورة من نصيبه....نست وديمة سالفة جاسم واللي صار وياها اليوم والتهت بسالفة أحمد ونورة....يلست وديمة ع الكمبيوتر شوية عشان تضيع وقت....مرت عليها ساعة وهي تتنقل من منتدى لثاني ومندمجة فالمواضيع.....شويه ولا يرن تيلفونها وكان ظاهر عندها رقم أحمد)
    وديمة:احمدوووو بسك هياتة برقد عنك تراني
    الريال:السلام عليكم
    وديمة(وهي متفاجأة وتراد تطالع شاشة التيلفون عشان تتأكد منو المتصل):وعليكم السلام والرحمه
    الريال:السموحة ع الازعاج اختي...بس تعرفين صاحب هالتيلفون؟
    وديمة:هيه هذا اخويه أحمد...خير اخويه منو انته؟ووين اخويه؟(وهي زايغة)
    الريال:مادري شو اقولج بس اخوج سوا حادث وانا الضابط عبدالرحمن السويدي اللي تفقدت مكان الحادث ولقيت تيلفونه طايح فقلت أتصل على آخر رقم ابده يطلع حد يقربله
    وديمة(تسمع وهي مب مصدقة وتحاول ماتصيح):احين وين اخويه؟اي مستشفى؟هو بخير؟شو استوابه؟
    الريال:هدي اختي انا ماعرف شي غير انهم نقلوه مستشفى راشد وان شاء الله يكون بخير
    وديمة:مشكور اخويه وماقصرت انا احين سايرتله
    الريال:خلاص اختي يوم بتوصلين هناك كملي الاجراءات فقسم الحوادث وبتستلمون كل اغراض اخوج
    وديمة:ان شاء الله...فمان الله
    (أنهت وديمة المكالمة بسرعة لنها كانت خايفة تسمع خبر مب زين عن اخوها....سكرت وهي الدنيا تدور بها ومب صادرة تصدق!! أحمد اللي من ساعة يرمسها سوى حادث ومرقد فالمستشفى والله العالم بحالته!!....أدركت وديمة ان الوقت مش لصالحها ففكرت لمنو تلجأ خاصة انها ماتبا تزيغ امها وابوها فالوقت وهم رقود فما لقت غير منصور تتصل به)
    وديمة:السلام عليكم
    منصور(وهو شبه راقد):عليكم السلام والرحمه...منو؟
    وديمة:منصور انا وديمة
    منصور(نش واقف زاغ من اتصالها فهالوقت):وديمة خير شو مستوي؟
    وديمة:السموحة ياخويه ادري ان باجر وراك دوام بس مالقيت غيرك ألجأله
    منصور:وديمة طيحتي قلبي شو مستوي؟امي وابوي فيهم شي؟
    وديمة:مافيهم الا العافية....أحمد يامنصور أحمد (وتخبره السالفة)
    وديمة:دخيلك يا منصور مر علييه بسير وياك المستشفى مابطمن لين ماشوفه بعيني واسمع كلام الدخاترة باذنيي
    منصور:الله يهديج ياوديمة انا احين بسير وبشوف شو مستوي وين تين ويايه فهالوقت
    وديمة:ورفجة يامنصور مر علييه
    منصور:اوكي تزهبي خمس دقايق وانا عندج الا بلبس كندورتي
    وديمة:اوكي وانا بلبس عباتي وبنزل
    منصور:تحملي حد يحس فيج ولا توعين قوم امي ترا بتستوي مناحة
    وديمة:لا توصي حريص عيل شحقة داقتلك
    منصور:طول عمرج مخج كبير...يلا اوقفي عند الباب
    وديمة:ان شاء الله
    (لبست وديمة عباتا المسكرة ولفت الشيلة ونزلت شوي شوي عشان محد يحس فيها وفتحت باب الحوي طشونة عشان تشوف منصور يوم يوصل وتركب على طول....وفعلا وصل منصور وركبت وياه وديمة واقبضوا الخط محاولين مسابقة الزمن عشان يوصلون لأحمد بأسرع وقت ممكن)
    وديمة:منصور الله يهديك نحن سايرين عند أحمد مانبا بعد نحن نسوي حادث
    منصور:تنكتين حضرتج
    وديمة:شر البلية مايضحك ههههه احين انا انكت! ارمس جد منصوروووو
    منصور:احين انا منصورو ياودوووم...انا ريال عيالي باجر بيستوون اطول عنج تقوليلي منصورووو
    وديمة:هههههههههه فديت عيالك انا....بس بغيت اغير الجو كل واحد فينا متشنج من احين عيل كيف يوم بنوصل المستشفى
    منصور:صدقج
    (إلتفت منصور صوب وديمة يطالع تعابير الحزن والخوف الواضحة على ويهها وهي تحاول تخفيهم تحت ستار السوالف والضحك....هو يدري شكثر أحمد غالي عندها وخاصة انها يت عقب أحمد وحمدان وكانت أعمارهم متقاربة وكانوا كله يلعبون وي بعض يوم صغار وحتى يوم كانوا يلعبون الأولاد كرة فالفريج كانت تصيح تبا تلعب وياهم بس محد يطيع يلعبها بس أحمد كان يوقف وياها وينازعهم ويهددهم اذا ماخلوها تلعب مابيلعب وياهم وبيخسرون لنه كان هداف الفريق لوووول....كان منصور دوم يتمنى ان بنته مريم تطلع عليها شخصيتها قوية بس طيبة....وصلوا المستشفى ووديمة نزلت بسرعة عن منصور حتى بعده ماسكر الموتر وزقر عليها عشان تترياه بس ماسمعته وكملت دربها)










  10. #10
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: حلـــــــــــــاوة التلـــــــــــــــــاقي }ْ.... كـــــــــــاملة


    وديمة:excuse me where can I find my brother ahmad Abdullah he had an accident 2 hours ago
    الهندي اللي ع الريسينشن:sorry mam I don't have any idea I just came in maybe my friend who was here before me could help
    وديمة:where is he now?
    الهندي:he's not here right now he just finished his shift
    وديمة:ياربييييي شو نسوي احين
    (سمعها واحد من الضباط اللي فقسم اللشرطة اللي فالحوادث وسار صوبها)
    الضابط:السلام عليكم
    وديمة:عليكم السلام والرحمه...لوسمحت اخويه مسوي حادث من ساعتين وخبرونا انه هنه وين بحصله وكيف اتطمن عليه؟
    الضابط:منو اخوج؟
    وديمة:احمد عبدالله
    الضابط:هيه عرفته...مافيه الا العافية شوية رضوض وكسور بسيطة الظاهر كان فيه رقاد وعفد ع الرصيف وضرب عمود الاضاءة الله سلمه ماطاح عليه
    وديمة:انزين وين اخويه ابا اشوفه
    الضابط:بتشوفينه ان شاء الله بس انتي ياية روحج؟عشان نبا نكمل الاجراءات الرسمية
    وديمة:لا انا ياية وي اخويه العود....هاذوه ياي
    منصور:السلام عليكم
    الضابط:عليكم السلام (ويتوايهون)
    منصور:خير اخويه شو استوى على بوشهاب؟
    الضابط:مثل ماخبرت الرضيعة مافيه الا العافية واحين بوديكم صوب حجرته
    (دلاهم الضابط حجرة أحمد وماصدقت وديمة دشت على طول وحتى انها كانت تمشي ورا منصور والضابط بس من شافت باب الحجرة تجدمتهم ودشت بسرعة....شافت أحمد راقد ع الشبرية مربطة ايديه وريوله ويبهته مجروحة يتا الغبنة ونزلت منها كمن دمعة وحبت أحمد ع راسه ويلست عند راسه وطلعت مصحفها الصغير من الشنطة وبدت تقرا عليه ودموعها تسيل بغزارة....كان منصور برع فهاللحظات وي الضابط يقوله انه بيطمن على أحمد وعقب بي صوبهم يكمل البيانات والاجراءات اللازمة عشان مايتمشكل أحمد يوم بي يطلع...دش منصور وشاف وديمة بهالحالة)
    منصور:ياوديمة حرام عليج انتي جذه تعلينه اكثر بسج صياح
    وديمة:غصبن عني ياخويه....انتوا كلكم اخواني واذا يعوركم شي قلبي يعورني
    منصور:فديتج والله قلبج طيب طالعة على يدو وديمة الله يرحما (ويسير صوبا ويحضنا ويمسح دموعا)
    منصور:يلا وديمة خلينا نروح احين..اطمنا عليه وان شاء الله الصبح تعالي وي امي
    وديمة:لا دخيلك منصور خلني وياه ببات عنده ابده ينش يبا شي ومحد عنده
    منصور:انتي شو تقولين مستحيل اخليج روحج هنه وبعدين شو بتسوي امي يوم بتنش ومابتحصلج فحجرتج بتتخبل رسمي احين منج ولا من اخوج
    وديمة:وغلاة عبادي ولدك تخليني عنده الليلة وانته يوم بتخبر امي عن الحادث خبرها اني بت عنده
    منصور:ادريبج راسج يابس...وانا اقول عبود على منو طالع عنيد
    وديمة:فديتم عيالك حبم عني واستسمحلنا من مرتك خولة ربشناها ويانا
    منصور:لا عادي حصل خير...تحملي على عمرج وجان بغيتي شي دقيلي
    وديمة:إن شاء الله....وانته بعد ماوصيك ع الدرب عن ترقد انته بعد
    منصور:ههههههههه لا ماعليج جي قالولج احمدو الشيبة
    (فهالحظة نش احمد)
    أحمد(بصوت مبحوح وتعبان):بلاه احمدو يامنصورو؟
    منصور:حتى انته! (ويضحك) الحمدلله ع السلامة يابوشهاب وخطاك السو
    أحمد:خطاك اللاش يابوعبدالله.....وديمة حبيبتي انتي هنه!
    وديمة(وهي تحاول ماتصيح بس ماقدرت وارتمت فاحضان أحمد وهي تصيح): فديتك يابوشهاب ماتشوف شر يعل فيني ولا فيك
    أحمد:لا تقولين جذه ياوديمة
    منصور:اييييه انتو لاتسوولنا فلم هندي تفضحونا فالمستشفى...انا بترخص احين يادوب ارد قبل أذان الفجر واتزهب حق الدوام وحق هزبة امك الله يستر بس انا ها اللي احاتيه بس
    أحمد:ههههههههههه ماوصيك عاد لا تزيغا
    منصور:لا توصي حريص انا شكلي مابداوم باجر وبسير عندا من الصبح وبييبا وبي...يلا فمان الله
    أحمد:وديمة مابتروحين؟
    وديمة:لا بتم عندك ابدك تحتاج شي...ويوم بتي امي ان شاء الله برد وياها
    وديمة:احين يابوشهاب منصور روّح نروم نرمس على راحتنا
    أحمد:ليش وحليله كان يالس على جبدج مثلا!
    وديمة:انته فاهم قصدي انا عارفة شو اللي وصلك لهاي الحالة....والله ياخويه انها ماتسواك بغيت تموت والسبة هي
    أحمد:حرام عليج ياوديمة لا تقولين جذه نورة مالها ذنب
    وديمة:شو مالها ذنب انته كنت ترمسني وشحلاتك من خبرتك الخبر المشؤوم دعمت...ياليتني ماقلت لك
    أحمد:خلاص ياوديمة اللي صار صار ودخيلج لا تيبين طاري لحد بالسالفة
    وديمة:بحاول
    (رقد أحمد شوية ووديمة يالسة عند راسه تقرا عليه قرآن لين ماغفلت هي الثانية من التعب....ومانشت الا على حشرة امها اللي دشت الحجرة هي ويدتها موزة وخولة مرت منصور ومنصور طبعا اللي يايبنهم)
    مريم(ام وديمة):واااااافدييييته ولدي...عييييين وماصلت ع النبي
    وديمة:امي الله يهديج وطي صوتج احين بينش
    أحمد:نشيت انا ماترياج....فديت خشمج يام منصور
    (وتلوي عليه امه وتصيح ويحاول يهديها ويضحكها عشان يطمنها انه مافيه شي.....يلسوا شوية ونش منصور بيروح عشان اييب عياله من المدارس ويسير يرقد الظهر وخلاف بييهم العصر....جان تنش وديمة بتروح وياه عقب مااطمنت ان امها بتيلس عند أحمد بتسير وديمة تبدل وترجع العصر وتيب وياها فوالة حق العرب اللي بيزورون أحمد.....وديمة كانت حاطة تيلفونها ع السايلانت من دشت على أحمد عشان ماتبا تزعجه ونسته فالشنطة وماانتبهت له الا يوم وصلت البيت.....حصلت فوق الـ10 مسد كولات ومسجات من الدماني....يوم شافتهم تمت تضحك وتذكرت الموقف اللي صار البارحة واللي تقريبا نسته لنها انشغلت وي اخوها....وعقب مابدلت وديمة وارتاحت شوي قررت انها تدق حق الدماني)










صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •