تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 2 الأولىالأولى 12
النتائج 11 إلى 16 من 16

الموضوع: آه من قلبن //~

  1. #11
    عضو فضي
    الصورة الرمزية وحـيـ بدنيتي ــده
    الحالة : وحـيـ بدنيتي ــده غير متواجد حالياً
    رقم العضوية : 43974
    تاريخ التسجيل : 17-10-09
    الدولة : داار الحي
    الوظيفة : طـــــــــــالـــبــه
    الجنـس : انثـى
    المشاركات : 404
    التقييم : 52
    Array
    MY SMS:

    ·#·$7•·$13•·$6•·$1·$6[c=13] {[/c] سبح ـِـِـِآن الله وبح ـِـِـِمدهـ } ·$6•·$13•·$4•·#·$7•·$13•·$6•·$1·$6[c=13] {[/c] سبح ـِـِـِآن الله العظيمـ } ·$6•·$13•·$4•

    افتراضي رد: آه من قلبن //~


    فطـامي: عنيـه افداكم ياربيـه ,,
    مريوم : منو يـابج دبي؟ ,, وانتي تقولين امس انج فـ بوظبي !!
    فطـامي : العصفوره يابتني !!
    عليوه : اييييه فطوووم عن الحركات ,,
    فطـامي : ابا كيكتي المفضله
    مريوم : والله بخليهم يحطولج بس قوليلي كيف
    فطـامي : ماااااابا
    مريوم وهيه طالعه من الحجره تزاعج : تيييييييييييي يااااااااااااااا
    تي يا : Yes maryoom
    مريوم : حطي 3 كيك جوكليت و عصير همبا
    تي يا : okay
    عليا : اكيه سارت خبرتها ,, تعالي من وين لج هاللبس الحلو
    فطـامي : ربــج بعد ,,
    مريوم : فطوم والله انج ترفعين الضغط ,, اويه من وين لج الموبايل !!
    فطـامي : ربــج بعد ,,
    عليوه : بنضربج قسم بـالله
    فطـامي وهيه امبوزه : اهون عليكم
    مريوم : لافديتج ,, بس قوليلنا من وين لج ها كله !! و شو استوا بالضبـط
    فطـامي : راعي الرنـج
    عليوه : راعي الرنج !! منو ها ..
    فطـامي : اللي شفناه يوم كنا سايرين امارات مول ,, حمـداااان ,, اخو عبدالرحمن
    مريوم وهيه فاجه عينها : هييييه بلاه ؟
    فطـامي : هوه اللي ساعدني ..
    عليوه : احلفــي ,, كييييييييييف مايستوي لايكون ماخذه رقمه ؟
    فطـامي تضربها : لا يا الغبيه ,, انا بقولكم شو السالفه بالضبط ,, الله يسلمكم انا يوم نشيت ,,
    شفت عمري فـ شبه قبـر و بعدين ,,,,,,,,,,,,,,,,, ,,,,,,, وشفت عامل و بعدين ,,,,,,,,,,,,,,,,,,,,,,,,,,,,,,,
    و عقب خذاني وداني المستشفـى ,,,,,, و عقبل ساعدني ,,, و الحين انا فـ Rotana Beach ,,,
    و اخته ساره خذتلي اغراض ..
    مريوم : معقـوووله !!
    عليا : ما اصدق
    فطـامي : وانا عمري جذبت عليكم !
    مريوم : هب جي فديتج ,, بس السالفه ما ادش العقل ,,
    فطـامي : هييييه ,, بس ونـاسه ,, حبوب قسم بالله ,, وهيه بصوت اليااهل ,, يا ألبي ع شعره وايد حلوه ماشالله
    عليا : ها فطوم ,, اشوفج وايد تمدحين
    فطـامي استحت و احمرت : ايه جب منقود شو فيج ؟
    مريوم : قمنا نحب لايكون فااارس احلامج ,, هههه شو تبغين بعد ياج لين عندج و بعد شعره طويل
    فطـامي : انتي الثـانيه انجبي ,, ولا اقولكم وين رشود ؟
    عليا : هيه ماشالله عليه هوه خبـال ,,
    فطـامي وتضربها ع ريلها : انجبي ,,
    عليا : آآآآآه ,, غربلاتج يعور
    مريوم : زخينااج
    فطـامي : اسكتووووو ,, يـااااا ألبي انا ,, ماخذلي نعـاال في شفايف كبار من جداام
    مريوم و عليا : هههههههه احلفي انتي بس !!
    فطـامي : ههههه هييه تعالو سرت المول اليوم ,, و خذتله قمصان و كابات
    مريوم و عليـا : انزين ؟
    فطـامي : يوم يا بيلبس الكاب ,, فج عصامتج .. يــا ألبي انا ع شعره ,, فخاطري اقول ابا امطّه
    مريوم و عليـا فاجين حلوجهم : نبا نشوفه
    فطـامي : انجبو ..
    تي يا : دق دق دق
    مريوم : دشي
    تي يا و هيه اتشوف فطـامي : OMG f6ooom
    فطـامي : hi ti ya
    تي يا : انته في موت !
    فطـامي : لا بسم الله عليه ما مت ,,
    تي يا : welcome
    مريوم : غبيه هههه خلي الصينيه تحت ..
    فطـامي: يمي يمي يمي ,, ابا اذوق حمـدان الكيكه
    عليـا : فطوم ,, بديت اجك
    فطـامي : ولي ولي ,, اقول مريوم حطولي ابا آخذ بوديه بوظبي !
    مريوم : نعم بتسيرين بوظبي ؟
    فطـامي : هيه فديتج ,,
    عليـا : يعني مابتمين عندنا !!
    فطـامي : هممم لا
    مريوم وهيه فيها صيحه ومتغصصه : ليييييش انزين ؟؟
    فطـامي : بتخبركم جوازي عندكم !!
    عليـا : اغراضج كلها عندنا ,, خير الشيخه فطيم ,, ع شو ناويه
    فطـامي : يابوي هب ناويه ع شي بس بتم فبوظبي
    عليـا : انزين ونحنـا !!!
    فطـامي : بييكم كل ويك آنــد ,,
    مريوم : لا فطوم نحنا تعودنا ع شوفتج وانتي الحين بتحرمينا من شوفتج ,, كفايه انه قالولنا انج ميته ,,
    فطـامي : شو اسوي مريوم ,, هنـاكي احسن ,,
    عليـا : انزين عيشي عندنا ؟
    فطـامي : لا فديتج ماروم ,,
    مريوم : مابينا شي فطوم انتي شرات اختنا واكثـر ,,
    فطـامي : حبيبي والله ماروم ,, يمكن ايي دبي ,, بسكـن فـ فندق اللي فـ مول الامارات ..
    عليـا : ليش انزين ماتيين عندنا ؟
    فطـامي : هناكي احسن لي علايه ,, مكـان يحميني و يمدحون الفندق ,, ماعليه ,,

    وعقب دقايق استوا المغـرب وسارو يصـلون ,, وعقب فطـامي ,, نزلت تحت تفاجأ بو مريم و ام مريم
    فطـامي : السلااااااااام علييييييكم
    بو مريم : فطوم !!
    ام مريم : فطـامي !!
    فطـامي : هيه نعـم ,, شيخة البنات فطـامي و هيه تغـمزلهم
    رشود : أتووووووووم !!
    فطـامي : يـا ألبي انا تعال حبيبي
    ام مريم دمعت عينها : فدييتج يا بنتيه شحالج شخبارج ؟
    فطـامي نزلت رشود سارت تسلم ع ام مريم: يسرج الحال فديتج وانتي اخبارج ؟
    بو مريم: فديتج فطـامي تعالي تعالي عندي ,,
    فطـامي سارت صوب بو مريم: سلمت عليه ,, تعتبره ابوها ,, لوت عليه و حبة راسه ,, شحالك عميـه ؟
    بو مريم: يسرج الحال من شفتـج .. شخبـارج انتي شو الدنيا وياج ,, ومنو يـابج هنيه ؟؟
    فطـامي قالتلهم السـالفه من طأطأ لـ السلام عليكم
    بو مريم: والحيـن هوه وين ؟
    فطـامي : قالي انه بيحوط ويا ربيعه
    بو مريم: تحملي بعمرج فطـامي !!
    فطـامي فهمت شو قصد بو مريم: عميـه عـلي ,, حمـدان ريـال و نعم الريـايل ,, وانا اعرف احكم ع الواحد من اسلوبه ,, لو تشوفه يوم يرمسني ,, جنه يعرفني مليـون سنـه ,, يخـاف عليه ,, لو غيره جان ما وداني
    المستشفـى ولا خبر اختـه انه حصلني طايح فالشـارع ,,
    بو مريم: بعـد فديتج تحملي بعمرج ,, هوه بييج ؟؟
    فطـامي : عميـه علـي ,, بتصـلبه و بخليك تيلس وياه و تسولفون وعقب قولي شو رايك فيه ,, وفـ اسلوبه
    بو مريم: خلاص تـم ,,قوليله عازمينك ع العشا ,, خذي موبايلي دقيله شوفيه وين هوه الحين ,,
    فطـامي: لا فديتك .. معطني موبايله الثـاني ,, بدقله ,, وعقب ثـوااني ,, دقتله ....
    حمـدان : يـاحيهم البـدو ,,
    فطـامي : الله يحيك ,, همم بزي ؟
    حمـدان : لا لا احوط فـ السيـاره توني نزلت ربيعي بيتهم
    فطـامي : انزين عيل تعـال عندي عميه ,, عازمنك ع العشـا
    فطـامي سارت صبتلها ماي وخذت الدوا ,, وتمو يتعشـون ,, وسارت تزهب اغراضها من ملابس
    و هالسوالف

    حمـدان : اللي هوه بو عليا و مريم ؟
    فطـامي: عليك نـور ,, هيه ,,
    حمـدان : انزين الغلا انا الحين صوب الفريـج ,, ثواني و ياي ,, بدقلج يوم بوصل ,,
    فطـامي : اوكيييك ,, بباي
    حمـدان : بباي

    وعقب دقايق دخلو مريوم و عليا ,,
    بو مريم: غـناتي ,, وين الحين انتي ساكنه ؟
    فطـامي : انا الحين فـ Rotana Beach ,, حليله حمـدان ماخذلي غرفه
    بو مريم: حليله والله ,,
    ام مريم : انزين فديتج تعالي عندنا اسكني ؟
    مريوم : امايه قلتلها بس هيه ماطاعت
    فطـامي : الغاليه انا يمكن ايي دبي اسكن آخذلي غرفه فـ فندق اللي فـ امارات مول ,, بشوف بضبط
    اموري ,, وعقب يصيـر خيـر
    بو مريم: انزين عاد بروحج بتكونين هنـاكي :confused؟
    فطـامي : ماعليك الغـالي ,,
    ام مريم: الغاليه علايه سيري قولي حق الخدم يدخنون الميلس و يزهبون الفواله ,,
    عليا : ان شاء الله امايه ,, قومو تعالو نحنا بزهب كل شي خلونا ناخذ كورس من الحين
    مريوم : ههههه يلا طوفي فطوم ,, اكيد مابتقول لا
    فطـامي سوت عمرها معصبه : ان شاء الله عمتيـه ,,
    وقـامت فطـامي و مريوم تدري انه بتيها كفخه منها ,, سارت هزبتها و عليا ميته من الضحك عليهم
    فطـامي : هيه بتخبرج خليه ياكل الكييييكه بليــز
    مريوم : ويا هالكيكه ذليتينا عااد
    فطـامي : افـا والله
    عليـا : انجبي مريوم ,, افا عليج كم حمـدان عندنا نحن
    فطـامي : لوسمحتي يعني ,,
    مريوم : اوووب اووووب صرنا نغــار ,,
    فطـامي : ريل ياخذج يامريوم ويفكنا منــج
    مريوم : آآآآآآآمين ,,
    رشود وهوه ياي صوب فطـامي : بأتيج بووثه
    فطـامي : فديتك عطني ,,
    رشود : امممواح
    فطـامي : بعد وحده
    رشود : امممواح
    فطـامي : ويا هالويوه الحين بيي يلا انا بسير ادخن الميـلس ,, سارت فطـامي و سوت ضّو ..
    دخنت الميلس من الخـاطر و عليا زهبت الفواله و كل شي ,, وعقب دقايق اتصل حمـدان ع فطـامي
    و قالت له انه عميه بظهر له
    فطـامي : عمييه عمييه علي ,, اكووه وصـل حمـدان سيرله
    مريوم وهيه راكضه : لا لا ابويه تريا تريا ,, سارت و دخنته
    عليـا سارت حطتله دهن عود و عطرته
    مريوم : معرس معرس امايه ,, بسير اخطب حق ابويه
    ام مريم: تخسين الا انتي
    بو مريم: لو تنطبق الارض بـ السما ما اعرس عليج الغـاليه
    فطـامي : اييييييييه الريــاااال برع سيررررله ,, عقب تغزلو !!
    بو مريم: يالله بستـر عذبناه يلا بسير بسير ,, وعقب طلع بو مريم و سـار صوب حمـدان ,, وطبعا البنات
    سارو باب الميلس يسمعون و ام مريم سارت فوق تشوف التيلفزيون فالغرفه ,,

    فطـامي : افف متى بيدشون !!
    عليا : تريي شويه بلاج جي ,,
    مريوم : ابا اشوفه ,,
    فطـامي : انجبي

    فـ الحوي ,,
    بو مريم: السلام عليكم ,,
    حمـدان : وعليكم السلام ,, هلا والله عميـه ,, شخبـارك ؟
    بو مريم: يسـرك الغالي ,, ومن صوبك ؟
    حمـدان : دامك بخيـر انا بخيـر
    بو مريم: حيااك حيااك ابويه تفضـل
    حمـدان : دام فـضلك ,,

    دخـلو الميلـس
    بو مريم: شخبـارك حمـدان ؟
    حمـدان : والله يسـرك الحـال عميه ,,
    بو مريم: دووم ياربيه هب دوم
    حمـدان : وياك الغـالي
    بو مريم: رمستني فطـامي عنك ,, وماشالله تمدحك ,,

    صوب البـاب ,,
    فطـامي : وغربلااات العدو ,, شو قاال هذا !!
    مريوم : ابويه ها عيبه محد يقوله شي !
    عليـا : يالله ابويه قول حق حمدان شو رايك تاخذها
    فطـامي وتضرب عليا : الله يخســج انجبي خلينا نسمع
    مريوم : فطوووم شوفيه يخبل ,, شعره طويل ,, ريلج خلاص
    فطـامي : انجبي يا العنـز والله بصفعج
    عليـا : اييييييه اووص خلوني اسمع ..

    بو مريم: والله يا حمـدان ,, مانعرف كيف نشكـرك الصراحه ,, لو ماشفت فطـامي جان الحين صدق
    هيه ميته
    حمـدان : افا عليك عميـه ,, ماسويت شي ,, و فطـيم فعيوني والله ,, وهب مقصـر وياها فـ شي ,,
    بو مريم: مشـكور الغـالي ,, يعطيـك العافيه ,, ماشالله عليك ,, يوم رمستني فطـامي عنك ,,
    تمت تمدحك تمدح سلـوبك ,, شوقتي ,, قلتها تتصل فيك ,, تعزمك ع العشـا ,,
    حمـدان : مشـكور عميه ,, ماتقصـر ,,
    بو مريم: ماوصيـك حمدان ,, خل فطـامي فـ عيونك ,, تراه ماعندها حد ,, تمينا تقولها اتم عندنا ,,
    بس هيه ماوافقت
    حمـدان فخاطره : احسن ,, >> هب من شي لووول لاتلومونه
    حمدان : افا عليك عميه ,, فذمتيه ما يضرها شي وانا موجود ,, ولا تحاتي ,,

    عليـا : ياويل حاليه انا ,,
    فطـامي استحت : عليـوووه !
    عليـا : هههه انزين انزين خلاص

    بو مريم: ماقلتلي حمـدان انته من قوم منو ؟
    حمـدان : انا من قوم الـ ****** ..
    بو مريم: والنعم و النعم ,, ناس معروفين ,, ابوك شو اسمه ,,
    حمـدان : محمد بن راشد الـ ****** ..
    بو مريم: يااااااحيه والله .... ابوك اعرفه ,, شخباره ابوك شو الشـغل وياه ,,
    حمـدان : والله يسـرك الحال ,, ماشي الحـال ..
    بو مريم: عاد امسـات شايفنه ,,
    حمـدان : من قبل 5 ايـام ؟
    بو مريم: هيه يمكن ..,
    حمـدان : هييه ,, وانا اقول ليش ساير دبي ,,
    بو مريم: والنعـم فيه والله ,, عيل بخليهم يحطون العشـى ,,
    حمـدان فخـاطره : وين فطووم ,, خاطري اشوفها !! >> يالله يا الولهـان لوول

    فطـامي : وابويه شـرده سيرو المطبخ اونكم عاد ,,
    فطـامي و عليا و مريوم يتراكضون صوب المطبخ ,, ومن الزيغه فطـامي سوت عمرها عمرها تقصص
    الفواكه جان تيرح من الخـاطر ,, يرحت صبعهـا ,, صرخت صرخــه ,,
    فطـامي : آآآآآآآآآآآآآآآآآآآآآآآآآآآآآآآآآآآآآآآآي ,, وابويه يعور >> عاد يوم تصرخ فطـامي صرختها قويه لول
    حمـدان سمع الصرخه ,, خااف قالت شو السـالفه ,, وقام يحاتي ,,

    مريوم : بلااج ,, شهقت ,, غربلاتج شو استوابج ؟
    فطـامي وهيه راصه ع صبعهـا : دم دم ,, بموت يعور
    بو مريم: شفيكم .!!
    عليـا شهقـت : تعالي غربلات العدو ,, و سارت و تمت تغسل اليـرح ,, و مريوم سـارت
    فوق تيبلها شاش و دوا
    بو مريم: انتي ليش اتعبين اعمرج ,, مره ثانيه ماباكم ادشون المطبخ ,, اونكم تتفلسفون
    وانتو ماتعرفون شي ,, بس فاحلين حق الحلو ,, ددبه ,,
    فطـامي : يعور انزين
    بو مريم: محد قالج ,, وسـار و خبر الخدم يزهبون العشـا ,, و مريوم يت و طهرت اليرح
    و فطـامي تناقز من كثر الويع
    فطـامي: وايه يحرق يحححححححرق بموت ,,
    مريوم : انجبي حسبي يالله ع العدو ,, ,, وعقب حطتلها دوا و لفت صبعها ,,
    عليوه : اندووج بروفين يخفف الويع ,, غربلات عدونا من الحركه اللي سويناها الله راوانا يتنا هزبه و
    فطوم قست صبعها
    فطـامي : ايييه عميا ماتشوفين بعده مانقص يوم بيطيح ع الارض هايج الساعه قولي حماره !!


    البــارت الســـابع

    و صوب حمدان و بو مريم,,
    حمـدان : اكرمكم الله
    بو مريم: بالعافيه الغالي ,,
    قام حمـدان و غسل ايده وعقب تمت يسولف ويا بو مريم و عقب يابو الحلو (كيكة فطـامي المفضله)
    و حمدان مدح الكيكه ..
    بو مريم : ههههه هاي كيكة فطوم المفضله من تي بيتنا لازم تاكلها
    حمـدان : ههههه حليلها
    وفطـامي سمعته تمت مستانسه ,, و عقب دقايق
    حمـدان : انزين عميـه ,, بنترخص ,, تقدر تزقرلي فطوم ,,
    بو مريم: توه النـاس ,,
    حمـدان : ماعليه عميه ,, ورانا درب ,, المره ياايه بي ويا ابويه ولا يمهك
    بو مريم: حياكم فـ اي وقت ,, فطـامي ,, فطـامي
    فطـامي : هلا عميه ,,
    بو مريم: تعالي فديتج
    مريوم : شو بتروحين !!
    فطـامي : مادري يلا دقايق و بيكم ,, سارت فطـامي ودخلت الميلس
    فطـامي : السلام عليكم ,,
    حمدان و بو مريم : وعليكم السلام ,,
    حمـدان: فطوم قومي اتزهبي ورانا درب
    فطـامي: ان شاء الله بسير اسلم ع البنات و خالوه وبي
    حمـدان : اترياج فـ السيـاره ,, يلا عميه ,, فداعة الله
    بو مريم: فداعة الرحمن الغالي و سلم ع ابوك و شوي شوي لاتسرع و تحمل بعمرك و تحمل ع فطيم
    حمـدان : من عوني ,, عن اذنـك ,,
    فطـامي سارت تسلم ع مريوم و عليوه وطبعا فجو منـاحه و ووعدتهم كل يوم ترمسهم ,,
    و سلمت ع بو مريم و ام مريم
    وخذت الشنـط مالها و اغراضها و الصدوق مالها ,, وعقب سارت صوب حمـدان ,,




    وحطت الاغراض فالسياره
    وركبت جدام ,, بس هالمره كانت مستحيه طلعو ع الساعه 10ونص

    حمـدان : فيج شي !!
    فطـامي متوتره : هاا لا لا مافيني شي .. ليش ؟؟
    حمـدان شاف ايد فطـامي يودها : شو ها !!
    فطـامي : يرحت عمري
    حمـدان : انتي اللي كنتي تصرخين !!
    فطـامي : هيه
    حمـدان وهوه يشوفها : ان دشيتي المطبخ بضربج
    فطـامي : ان شاء الله
    حمـدان : بتشوفين صوب ريولج جيس ,, هديه حقج !! و بعد ورا في هديه بس فجيها يوم
    بتوصلين الفندق
    فطـامي : هديـه !! ,, شو ؟؟
    حمـدان : فجي و شوفي الحين اللي عند ريولج ..
    فطـامي شلت الجيس ,, شافته مغلف بـ غلاف كيـوت : عادي افجه
    حمـدان : ههههه اكيد
    فجت فطـامي الهديه شافت ,, موبايل Sony Ericsson – K800i ,, تفاجأت
    حمـدان : حلوه الهديه ..
    فطـامي : ياربيه حمدان ليش اتسوي جي !! والله تحرجني
    حمـدان : بعدج ماشفتي شي ,, فطامي بو مريم وصاني عليج ,, و خليني ع راحتي ,, كييفيي بدلعج وجان يغمزلها .. هيه تعالي .. فجي الظرف اللي داخل الجيـس ,,
    فطـامي فجت الظرف فـ جافت رقم بطاقه : بذبحني انته
    حمـدان : بعد ماشفتي اللي ورا
    فطـامي : بفجه وهيه تحاول تشل الجيس ,, واايه ثجيييل
    حمـدان : ماشي ,, فالفندق ,,
    فطـامي : اوووه حماار =pP ..
    حمـدان : ريـلج ,,
    فطـامي ترمس من خـاطرها : واااااايه فديته .. فارس احلامي .. حرمتك الحمـاره ,,
    حمـدان : لا حدج عااد كله ولا ام العيـال ..
    فطـامي : هههههههههههههه حلوه ,, شغل شغل FM ملل
    حمـدان شغل و كانو حاطين غنيه ,, احمـد العـامري ,, روحي فيك ملزومه ,, فطـامي اكنت تعرفها ,,
    جان حمدان غني وياه ,,
    حمـدان : روحي تحبك ونفسي فيك ملزومه ,, وانته حبيبي ولا غيرك على بالي
    فطـامي : ماشالله صوتك غـاوي
    حمـدان : احـم تسلمين ,,
    فطـامي تمت سرحانه و حمدان لاحظ عليها هالشي ,, قال بيلعوزها شويه ,, الطريج كان فاضي
    و دح بريك ع السريع ,,
    فطـامي قفزت من الخـااااطر : اميييييييييييييه !!!! ياحمـــار ,, عصبت ,, ضربته ع جتفه بالقو
    حمـدان ميت من الضحك
    فطـامي : جب لاتضحك حمااار غبي شوها والله كنت بموت ,, ومطت شعره من ورا
    حمـدان : المووت نســـــــااااااج ,, ايييه مالج خص فيه !!
    فطـامي : كيفي

    وفي نص الدرب فطـامي خلت الكرسي شويه مايل ,, و رقدت
    حمـدان سـكر ال Fm و كل دقيقه يشوفها ,, و كان الشـارع فاضي ,,
    زيد السرعه و بصوت حنون : حمداني خفف اتسرعه بليـز ,,
    حمـدان فخاطرها : فديت هالصوت انا ,, ان شاء الله فطـيم
    وعقـب ساعه و صل حمدان الفنـدق ,, و عقب الموظفين اللي برع خذو اغراض فطـامي وودوهم فوق فالغرفه
    حمـدان : فطـامي ,, فطـامي
    فطـامي : همممم ,,
    حمـدان : نشي فديتج وصلنا
    فطـامي: تعبااااانه ,, ماروم بعدين
    حمـدان : فطامي قومي وصلنا الفندق
    فطـامي : هممممممممم انزين ,,
    حمـدان قبضها من ايدها و صحصحت شويه و لين ما وصلت الغرفه دخلها داخل ,, وتم وياها شويه ,,
    فطـامي : هممممم وين الهديه فيني دوده ابا اشوفها ..
    حمـدان : ههههه خذيها ,,
    فطـامي و هيه متشققه تبا تعرف ,, فتحتها بسرعه ,, شو شافت لاب توب من النـوع الزين و تفاجأت فطـامي,,
    فطـامي : ياربيه ,, حمداااااااااااااااااااااان ماعرف شو اقولك والله ..
    حمـدان : لاتقولين شي ,,
    فطـامي : حمداااااانوه مشكوور والله مشـكور ماتقصـر ,, قسم بالله انك شيخ الريـايل ومحد يسواك !!
    حمـدان : هههه حمداانوه بعد ,, شكرين فطـامي ,, بعدج ماشفتي شي ,, انا وعدتج اني اعيش
    احلى عيشه صح ,, وانا قد كلامي الغلا افا عليج كم فطـامي عندنا ,, الا وحــده ,,
    فطـامي ارتاحت من رمست حمدان ,, وقامت بدلت ثيابها و لبست بجامه و ايد طويله كانت بردانه و لفت شيلة الصلاه
    حمـدان : بغسل ايدي تريي شويه
    فطـامي: تيت
    دش الحمام و تروح ريحته ,, رحت يهـال ,, صابون ,, ورد ,,
    حمـدان : شو مسويه فالحمام ؟
    فطـامي: ليييش ؟
    حمـدان : ريحه حلوه
    فطـامي : ريحتي هاي
    حمـدان : هههه حماره ,, ها يقولون انج مدحتيني
    فطـامي : هاا متى !! >> تستهبل
    حمـدان : مدحتيني جدام بو مريم,, طلع يعرف ابويه
    فطـامي : والله زين زين ,,
    حمدان : بتخبرج شو اسم عمج ؟
    فطـامي : علي بن جاسم الـ ******
    حمدان : والنعم والله .. وانتي من قوم منو
    فطـامي : من قوم الـ ******
    حمـدان : و النعم والله ,, فيج رقـاااد ؟
    فطـامي : همممم عادي ,,
    حمـدان : فطامي وين الموبايل بحطه ع الجرج ,,
    فطـامي : اكوه هناكي داخل الجيس ,, هيه صح خذ موبايلك
    حمـدان : مافتشتيه و يغمزلها !!
    فطـامي : لا هالمره مايني فضول لوول ماكنت متفيجه ماعليه مع الايام و تغمزله
    حمـداان : هههههههههههههههه
    سار حمـدان و حط البطاقه و حطا الموبايل ع الجرج و ركب اللاب و خله ع الجرج ,,
    حمـدان : ترا خليتهم يحطولج البرامج مثل Microsoft Office , Real-Player , Msn وهالسوالف
    فطـامي : مشكور و ماتقصـر
    حمـدان : واذا تبغين ادشين النت دشي بـ واير ليس ,, تعرفين اتشغلينه
    فطـامي : افا عليك .. متعلمه من ربعي ,, حمـداانوه عندك ايميل ؟؟
    حمـدان : افا عليج ,, تبغينه ؟؟
    فطـامي : هيه ,,
    حمـدان : انتي عطيني انا بضيفج
    فطـامي طلعت ورقه و كتبت ايميلها : اندووك

    حمـدان : انزين عيل بسير انا
    فطـامي : بتروووح !!
    حمـدان : هيه الحين ساعه 1 و ربع
    فطـامي: وبتخليني بروحي !!
    حمـدان : شفيج
    فطـامي : مادري خايفه !!
    حمـدان : من شو ؟
    فطـامي: مادري ,,
    حمـدان : باجر تعدلي بوديج عند اهليه ,,








  2. #12
    عضو فضي
    الصورة الرمزية وحـيـ بدنيتي ــده
    الحالة : وحـيـ بدنيتي ــده غير متواجد حالياً
    رقم العضوية : 43974
    تاريخ التسجيل : 17-10-09
    الدولة : داار الحي
    الوظيفة : طـــــــــــالـــبــه
    الجنـس : انثـى
    المشاركات : 404
    التقييم : 52
    Array
    MY SMS:

    ·#·$7•·$13•·$6•·$1·$6[c=13] {[/c] سبح ـِـِـِآن الله وبح ـِـِـِمدهـ } ·$6•·$13•·$4•·#·$7•·$13•·$6•·$1·$6[c=13] {[/c] سبح ـِـِـِآن الله العظيمـ } ·$6•·$13•·$4•

    افتراضي رد: آه من قلبن //~


    فطـامي : نعـم !!
    حمـدان : هيه بوديج فيها شي
    فطـامي : لا لا بس مستغربه ,,
    حمـدان : اوكيه عيل يوم بتنشين طرشيلي مسج ,, وياويلج لو نزتلي المول بروحج ,,
    فطـامي : هيه ع سالفه المول ,, انا بسير الفندق اللي فـ مول الامارات ,,
    حمـدان مصدوم : نعــم !! ليش !!! قصرت وياج فـ شي عشان تسيرين دبي !!
    فطـامي : لا والله حمدان ماقصرت والله العظيم ,, بس بسير هناكي اهليه
    حمـدان بدوم مايحس : وانا !!
    فطـامي وهيه مستغربه : انته ! شوفيك ؟
    حمـدان : بتخليني ! وبتسيرين دبي !
    فطـامي : لا بي بوظبي كل ويك آند ان شاء الله ,,
    حمـدان بدا يتنرفز بس يحاول انه مايبين : ومنو ان شاء الله بييبج و بيوصلج !! ابوج ,,
    من قال ابوج فطـامي حست جنه حد يطعنـها فـ صدرها : ماعندي ابو انا !! و مره ثانيه لاتيبلي طاريه فااهم !!
    حمـدان تنرفز من الخاطر: تعالي اضربيني بعد ,, هالي ناقص نش حمدان و سكـر الباب بالقو

    طلع من الفدق بسرعه وركب سيارته و تحرك بسرعه وفي عقله 600 شي يفـكر فيه ,, عقب ما عيشتها تتركني ,,
    لا انا ليش اقول جي ,, ع راحتها ,, يوم خذا اللي تباه بتخليك ,, ليش اقول جي ,, منو بيحميها فـ غيـابي ,, انا لازم
    ارمس ابويه ,, مابيقصر اكيد ,, لازم اخبره و اقوله سالفه فطـامي ,, مابيقصر وياها اكيد فـ شي ,, بيعززها وبيكرمها ,,
    ان شاء الله باجر الصبح ,, لازم اخبـر الوالد ,, يمكن يساعدني ,, ماروم والله ماروم ما اشوفها يوم !!!

    تمت فطـامي تفكـر فـ حمدان ,, ليش يوم قلتله جي عصب ,, انزين انا مابسوي شي غلط ,, بسير داري ومرباي دبي
    حرام عليه ,, انزين حتى انا ما يهون عليه اخليه ,, انا الحين احبه ولا اعجـاب ,, لا لا ما اظن احبه ,, بس اعجـاب بالاسـلوب ,, بس اموت و اعرف ليش جي سوا ,, حـرام عليه والله ,, تمت اتصيـح وفخاطرها تكون فحظن عليا
    و مريوم ,, تمت اتصيح .. لين ما رقدت ,,

    وصل حمـدان البيت و نزل بسرعه و هوه صدق متنرفز ,, سار غرفته فصخ ثيابه ,, وسار الحمام تم يشوف عمره
    فالمنظره ويرمس : لازم احصل حــل .. انا لو اقدر اتم فـ دبي ماعليه ,, بس ماروووم ,,
    يالله تفرجها ,, وسار خذ شاور و عقب رقد ..

    يوم السبت ..

    نشت فطـامي السـاعه 8 كانت تعبانه من الخاطر ,, لانه فليل خذت شاور ,, وخلت المكيـف ع ويها نشت بـ صعوبه
    و صوتها كان رايح ,, ومن الكثر الحمـا ماتروم تشل عمرها ,, فجت موبايلـها ,, وعقب قامت و سارت اتصلي
    وكملت رقادها ,,

    بيت بو حمـدان ,,

    طبعاً حمـدان ماياه رقاد من السـالفه نش الساعه 8 ونص لبس كندوره بيضا و عصامه حمرا,, ونزل تحت

    حمـدان : السلام عليكم
    ام حمـدان : وعليكم السلام
    حمـدان : شحالج امايه و يحبها ع راسها ..
    ام حمـدان : يسرك الحال .. شو موعنك الصبح !!
    حمـدان : ماياني رقـاد ,, اقول امايه وين ابويه ؟
    ام حمـدان : فـ المكتب
    حمـدان : انا بسير له
    ام حمـدان : تعال تريق انزين !!
    حمـدان : بشربلي عصـير وعقب بكمل ,, شرب عصير برتقـال فرش و سار عند ابوه ,,

    دق دق دق فطـامي
    بو حمـدان : ادخل
    حمـدان : السلام عليكم
    بو حمـدان : وعليكم السلام
    حمـدان وهوه يحب راس ابوه : شحالك ابويه ؟
    بو حمـدان : يسرك الحال ,, شو موعنـك حمدان هالوقت
    حمـدان : الصراحه ابويه عندي سالفه و متنرفز فيها وايد ,, واباك تيبلي حل
    بو حمـدان : افا والله ,, ولدي حمدان مضايج ,, جان يسير و يلس و ياه ,, قولي الغالي طلع اللي فخاطرك ,,

    حمـدان : ابويه قبل يومين ,,,,,,,,,,,و وديتها المستشفى ,,,,,,,,,,,,,,,,,,,,,,,,,,,,,,,,,,,,,,والحين هيه
    فـ Rotana Beach,,,,,,,,,,,,,,,,,,,, امس شفت علي بن جاسم الـ ****** ,, قالي انه يعرفك ,,
    بو حمـدان : هيييييه حليله امسات شايفنه ,, انزين كمل ,,
    حمـدان : والحين تقولي بتسير دبي ,, وهيه ماعندها حد ,, و بو مريم قالها عيشي ويانا بس هيه ماوافقت بروحها
    خططت و دبرت انها بتسير الفندق اللي فـ امارات موووول ,, ابويه شو اسوي الحين ,, ساعات افكـر بـ شي هب زين
    اتم اقول خذت اللي تبا والحين بتخليك ومن هالرمسـه ,,
    بو حمـدان : حليلها والله عيل ابوها جي يسويبها !!
    حمـدان : هيه ابويه ,, راوتني الضربات اللي ع ظهرها ,, تقول حيوان مقطعنـها ولا جنه ابوها ,,
    بو حمـدان : انزين عيل اليوم بتي ,,
    حمـدان : هيه ابويه بس والله ماعرف وين اوي ويهي ,,
    بو حمـدان : ليش شو مسوي بعد !!
    حمـدان : امس قلتلها (منو ان شاء الله بييبج و بيوصلج !! ابوج ,, ) جان تعصب و تقول ماعندي ابو فاهم قلتها تعالي
    اضربيني بعد و عقب ظهرت من الغرفه و رضخـت بالباب زين ما انكسـر ,, ابويه دخيلك ,, قولي شو اسوي !!

    بو حمـدان : ماعليك ,, كل مشكله ولهـا حل ,, شو رايك بحطلها Al Body Guard يحمونها ,, وبحطلهـا دريول
    ايبها و ايوديها ,, ع سالفة الفنـدق ,, انا بدفعلها ,, وجي بتكون بخيـر ,,
    حمـدان : ريحتني الله يريحك ابويه .. فديتك ياربيه الله لايحرمني منك و من افكارك الجهنميه ,, وحبه ع راسه
    بو حمـدان : ها اشوفك وايد تحاتي .. وتعال شو جهنميه شو مسوين نحن
    حمـدان : ها لا ماشي ,, افا عليك هههههه
    بو حمـدان : طالع ع ابوك يا اللوتي ,, ههههه انزين ماعليه انا ابا ايلس وياها و ارمسها و افهم ظروفها ,,
    حمـدان : خلاص ماعليه متـى تي ؟؟
    بو حمـدان : ع الظهر
    حمـدان : اوكيه ماعليه ,,


    و ع الساعه 10 ونص سار حمدان غرفته ,, يشوف التيلفزيـون و يتريـا مسـج من فطـامي بدا يحاتي يحيدها تنش من وكت : شوفيها ماطشرت مسج ,,
    ولا دقت !! معقوله زعلانه ,, ماعليه بتريا لين الساعه 12:30 وعقب مل و نزل صوب اهله ,, بوحمـدان و ام حمـدان ,, وساره و عبدالرحـمن ,,
    تمو يسولفون و عقب دقايق قام حمـدان و سار حجرته مره ثانيه ,, كان ضايج ,, من سالفه امس ,, و بو حمـدان خبر ام حمـدان ,, عن فطـامي و قالها يزهبـون الميلس و يدخنونه ,, ويزهبون
    الفواله و الأكـل ,, كان بيت بو حمـدان ,, شبه قصـر ,, وايد حلـو ,, تصميم البيت تصميم ملـوك ,, و الحوي كبيــر ,, وعندهم حديقه كبيـره ,,
    و فيها جميع انواع الورد ,, و فيها العـب حق الصـغار و المسبـح اللي داخل غرفه زجاجيه
    كبيـره ,, و فـ الحوي ,, فـ النص نافوره كبيـره ,, و هاي اللي محليه الحوي ,, و البيت من داخل ,, ديكـور بيـوت
    الشيـوخ الاجانب الكبـار ,, كله اثاث من برع ,, اسبـاني و ايطالي و ايماني و البيـت كبيـر صالتهم عوده ,, و الميلس اكبر حق الضيـوف الكبـار ,,
    الميلس كله رسم ع الجدار بالورد ,, لوحة فنيـه خبـال ,, ع صوب الدرايش ع الاطراف مرسوم
    بالورد و الاوراق ,, و راسمين فوق سـما و طيـور ,, الصراحه بيتهم ,, اكثـر من روعه ,, والصاله كلها رسـم ,,
    و الخــدم ماعلهم كلام الصراحه اكل شرات اكـل المطاعم و كل انوااع الحلويات ,, كل شي يعرفون يسون ,,

    استوت السـاعه 12ونص ,, ومادقت فطـامي ,, سار حمـدان غرفته الكبيـره ,, عشان يتصلبها ,, اول مره دق
    ماردت عليه ,, اتريا 5 دقايق وعقب دق ,,

    فـطامي كانت تتجلب من كثر التعـب ,, وعقب سمعت صوت موبايلها ,, وردت عليه بس بدون ماتشوف اللي داقلها ,,

    فـطامي بصوت تعبـان : الـو كح كح كح ,, آآآه ,,
    حمـدان انصدم : فطيــم !! شوفيج ؟!!
    فـطامي : هلا ,, هااا ,, أأخ لا مافيني شي ,,
    حمـدان : اكيــد ؟
    فـطامي : هيييه
    حمـدان هب مقتنع : انزين ماعليه ,, قومي ازهبي ساعه 1 وربع بمر عليج بنسير صوب اهلـيه
    فـطامي : ان شاء الله ,,
    حمـدان : شووو .. ماعرف شو قالت ( لانه صوتها رايح)
    ا فـطامي : سلامتك ,, انا الحين بسير ازهب ,, فداعة الله >> سكـرت

    حمـدان : فديتها والله مريضه ,, ياربيه ان شاء الله يمر الوكـت بسرعه ابا اشوفها !!

    قامت فـطامي و دخلت الحمام تتغسل و عقب فجت الثلاجه ,, ظهرت لها عصير و حرتلها السندويـج ,, وعقب
    فضت شنطتها ,, و تلبست عشان تسير الصيدليه اللي في المول ,, و لبست لبس بسيــط ,, و حطت جحال و قلوز
    و نزلت المول ,, دخلت المول ,, تمت ادور الصيدليه ,, ادور وادور ,, لين ماحصلتها ,, دخلت ...

    فـطامي : السلام عليكم ,, كح كح ..
    الريـال : وعليكم السلام ,, ياهلا ,, سلامتـك
    فـطامي : الله يسلمك ,, لوسمحت اخويه بتغيت دوا الحكه ذبحتني ,, و دوا حق الزجمه ,, بس بليز شراب هب حبوب
    الريـال : تكرم عينك ,, و سار يابلها الأدويه و قالها متى تشرب ,, ودفعت و سارت الفنــدق ,,


    وصلت الغرفه ,, خذت دواها و ارتاحت شويه و عقب ,, طلعتلها لــبس ,,
    كان لبس فـطامي كيـوت ,, قميـص بيبي بلـو وعليه بـ الفضي خفييف ,, يعني جنه يلمع ,, هاي نك ,,
    وكان عندها جاكيت اسود مخمـل بس الخفيف هب الغليـض ,, ياي بعـد قصيـر و عند الصدر فيه ربطه ,,
    وصوب الايـد ,, ياي فوق ضيـج و و سيـع صوب الكـف ,, و التنوره بعد نفـس الجاكيت مخمل الخفيف
    اللي يطمايـط ,, من فوق مافي شي ,, بس متحت الركبه ,, ياي منفـوش ,, و في طر من جدام و داخل الطـر
    قمـاش بيبي بلو ,, قماش قصيـر و قماش طويل ,, جي ياي ,, كان طالع البس روعه ع فطـامي ,, وكان عندها
    بروش وحطته ع الجاكيـت ,, صوب الربطه ,, و لبست اكسسوار اسود ,, و اسواره و لبست بوت مخمـل ,,
    وسحت شعرها الاسود و لفته بـ شباصه زرقا بطريقه حلوه و صوب قصتهـا حطتلها هالشباصات الصغار بـ الاسود و الازرق
    السماوي ,, رســمت عيونها و حطتلها شدو ازرق خفيف و حطتلها قلوز وردي ,, اكيد بتستغربون من وين ها كله
    ترا مريوم و عليـا هب مقصـرين وياها ,, كله ياخذولها ,, وهيه بعد تاخذ حق عمرها ,, و ع الساعه 12 خلصت
    وعقب قالت بدش النت شويه بنزل اغاني و رنات و لين ما ايي حمـدان ,, فطـامي عاشقة الكمبيوتر و النــت ,,
    ماشالله عليها تعرف تستخدمه ,, وعقب خلصت و نزلت اغاني وجي و دقت حق مريوم ,,
    فـطامي : السلام عليكم
    مريوم : وعليكم السلام .. منو
    فـطامي : انا فطوم ها رقمي
    مريوم : اووه فطوم شحالج .. شوفيج !!
    فـطامي : هههه مريضه ,, المهم شحالج
    مريوم : سلامتج ,, يسرج وانتي .
    فـطامي : يسـرج الحال ,, >> من دون نفس !!
    مريوم : احس انه فيج شي قولي
    فـطامي : اضاربت ويا حمدان امس
    مريوم : افا ليش !!
    فـطامي قالتلها السالفه
    مريوم : اويييه والحين ,, تلبستي
    فـطامي : هيه و اتريا ايي
    مريوم : ماعليه اسمعي انا بقولج شو اتسوين ,,
    فـطامي: اوكيه
    مريوم : الله يسلمج ,,

    وعقب دقايق
    فـطامي : اوكيه لاتوصين حريص اعرف انا حق هالسوالف انا الحين بخليج اوكيه و سلمي ع الاهل
    مريوم : اوكيه و فديتج ,, تيك كير و قوليلي شو بيستوي ,,
    فـطامي : اوكيه غناتي ,, بباي ,,
    وسكرت مريوم وعقب سارت تخبر عليا بالسالفه ,,و يسلو تحت و خبرت امها و ابوها انه فـطامي اتصلت
    و تسلم عليهم و سارو يتغدون

    فـطامي تمت تتريا و زهبت الشنطه و عقب دقايق طرش حمدان مسج (انا تحت) ,,
    فـطامي : اويه وين حطيت الجيــس !! ,, تمت ادور لين ماحصلت ,, خذت البخاخ مالها حق خشمها ,, و لبست
    عباتها و شيلتها و لبست النظاره الزرقا اللي يايه مدرجه ,, كان شكلها خبـال ,, و نزلت تحت و حمدان يترياها تنزل
    بس ماعرف انها هيه اللي لابسه عباه ,, دخلت السيـاره ,, وسلمت حمدان ماعرفها !!
    حمـدان : وعليكم السلام ,, فـطامي !!
    فـطامي : عيل منو !!
    حمـدان : سوري ماعرفتج !!
    فـطامي ابتسمت بدون نفس : لاعادي ,, وعقب شغلت الFM كانو حاطين عيضه المنهالي ,, من رحلتو
    فـطامي : كح كح ,, غنت وياه بصوت خفيف و حمدان كان يسمع

    لا لا ولا لا والف لا روحي رحيلك ارفضت
    يا ماخذن كل الحلى يا احلى ماعيني رأت

    حمـدان فخاطره : فديت هالصوت ,, ولو انج تعبانه
    حمـدان : فـطامي
    فـطامي : نعم ,, كح كح
    حمـدان : صحه
    فـطامي: ع قلبــك
    حمدان : زعلانه مني !!
    فـطامي : ليش يهمك !!
    حمدان : اكيد يهمني !! جان يوصلون وتم يمشي حمدان لين ماوصل عند النافوره
    فـطامي : مادري والله ,, اسال عمرك ونزلت عنه و سكت الباب ,, و اتشوف AL Body Guard وهيه خايفه
    حمـدان داخل السياره : اوووه شت و عقب نزل ,,
    حمـدان : تعالي ,,

    البــاااارت التـــاااااسع ..

    حمـدان داخل السياره : اوووه شت و عقب نزل ,,
    حمـدان : تعالي ,,
    فـطامي يوم دشت الميلس ,, حست انها في قصر ملوك ,, كـل انواع العطور ,, و الدهن عود على الطاوله ,, وكل انواع الفواكه و الحلاوه ,, شافت باتشي فخاطرها تقول : ياويل حاليه باتشي و ريحت الميلس خبااال و تشوف الميلس كيف مرتب و معدل ,,

    حمـدان : استريحي بزقر اهلي ,, وسار حمدان وزقر امه و ابوه و اخته و ياب عبدالرحمن ,, بو حمدان فخاطره يشوف فـطامي و من قاله حمدان نش بسرعه و سار ويا ام حمدان ,, وهم يدشون الميلس
    بو حمـدان : توووه نور البيـت
    فـطامي نشت : بوجودج الغالي
    بو حمدان : شحالج فـطامي شخبارج ؟؟
    فـطامي : يسرك الحـال
    ام حمـدان وهيه تسلم ع فـطامي
    فـطامي: بعيد فديتج مزجمه ,,
    ام حمـدان : سلامتج الغلا ماتشوفين شر ,,
    فـطامي : الشر ماييج

    ام حمدان كانت لابس كندوره من اليشمك ,, كان لونها بنفسجي و ذهبي محروق ,, طالعه ماشالله عروووس لووول ,,
    بو حمـدان : شخبارج الغلا شو مسويه ؟؟
    فـطامي : بخير الغالي يسرك الحال ,, و من صوبكم؟؟
    بوحمدان + ام حمـدان : بخيـر الله يعافيج ,,

    ساره + حمدان + عبدالرحمن يدشون الميلس ,,

    ساره : السلام عليكم
    فـطامي : وعليج السلام .. هلا والله
    سـاره : شحالج و هيه فرحانه
    فـطامي مدت ايدها لانها مريضه و ساره عرفت هالشي .. يسرج الحال و من صوبج ؟
    ساره : الحمدالله بخير ,,
    عبدالرحـمن : خاالوو رييم
    فـطامي : واااايه فديتك ,, عيونها .. خاطري اضـمك من الخـاطر بس ماروم
    بو حمدان : ماعليه يوم بتكونين بخير ,, خذيه وياج مانبااه
    فـطامي : لا حرااام ,, فديته حد مايبااه
    حمـدان طول الوكت يشوف تصرفات فـطامي و اسلوبها و حنانها ويا عبدالرحمن و اتمنـى انه يكون هوه عبدالرحمن >> حليله متعــذب ,,
    تمو يسولفون ,, مرت نص ساعه ,,
    ام حمدان : عيل انا بحضر الغدا ساره قومي وياي ,,
    سـاره : عن اذنكم ,, تعال عبدالرحمن
    بو حمـدان : فـطامي فديتج بغيتج فـ موضوع ,, تعالي نسير صوب الحديقه ,,
    حمـدان : ابـووويه انا بسير ويا محمد المول ,,
    فـطامي مستغربه منه حست انه نغزه ,,
    بو حمـدان : انزين بس خذو AL Body Guard هالمره !!
    حمـدان : ان شاء الله ,, وتم يشوف فـطامي بسرعه ,, فداعة الله ,,
    فـطامي بصوت خفيف : لاتغاازل
    حمـدان سمعها و استانس بصوت خفيف : ماعليج برقم بعد و روح
    فـطامي انقهرت
    بو حمـدان : يلا فديتج قومي
    فـطامي : ان شاء الله

    طلعو برع صوب الحديقه الكبيره و هناكي في يلسه

    بوحمدان : تفضلي ,,
    فـطامي : خير عميه ,,
    بو حمدان : فـطامي ,, اليوم حمدان ياني و خبرني عنج كل شي ,, وخبرني انج بتسيرين دبـي ,, صح هالكلام
    فـطامي فخاطرها : ماشالله ماخالا شي ,, هيه عميه بسير داري
    بوحمدان : انزين كملي دراستج هنيه !
    فـطامي : هناكي اريح لي
    بوحمدان : انزين ويا منو بتمين !
    فـطامي : بروحي ,, فـ الفندق ماعليه شر
    بو حمدان : بروحج مايستوي
    فـطامي : اريح لي
    بوحمدان : انزين ومنو بيوديج ومنو بييبج !!
    فـطامي : هممممممم عادي تكسي
    بو حمدان : مايصير هالكلام !! انا اتفقت ويا حمدان ,, بحطلج دريول و AL Body Guard يحمونج
    وانا باخذلج غرفه فـ المكان اللي تبغينه ,,
    فـطامي: نعــــم !!
    بوحمدان : شوفيج ..
    فـطامي : والله انا ما احيد اني شراتكم !! وانا منو عشان تحطولي AL Body Guard
    بوحمدان : لاتعصبين فديتج ,, اسمعي فـطامي,, انتي لو تشوفين حمدان كيف كان يرمسني !! والله جنج حرمته جي يحاتيج
    فـطامي قفطت وحمرت
    بو حمدان : هوه صح عصب عليج لانه يخاف عليج الغلا ,, لاتحطين فخاطرج ,, والله حبيتج و اعتبرج شرات بنتي الثانيه ,, و انا مابقصـر وياج فـ شي دام اني حـــي ,, الحمدالله الخير موجود و انا مستعد اصرف عليج واباج تعتبريني ابوج ,, وكلمت عميه مابا اسمعها !! فـطامي الدموع فعينها ,,, وهيه تسمع كلام بوحمدان ,, صدق اعتبرته شرات ابوها و اكثر ..
    بوحمدان : واكيد ام حمدان مابتقصر و اعتبريها شرات امج وانا بقولها هالكلام و هيه اكيد مابتمانع
    فـطامي تمت اتصيـح و لوت ع بو حمدان : عميه محتاجه حنان الأم قسم بالله ,, ابوي مارحمني يوم كنت صغيره لين ما كبرت ..
    بوحمدان يمسح دموعها : فديتج والله ,, لاتصيحين و يلا نسير نتغدا ,,
    فـطامي حبته ع راسه وعقب دشو البيت يتغدون ,, بو حمدان قالهم ان من يوم و ساير فـطامي بنتهم و الكل استانس ساره
    ساره : واخيراً بيكون عندي اخت فديتج فطوم ..
    فـطامي وايد ارتاحت وحست انه اهلها صدق ,, وعقب تغدو و تحلّـوا و بوحمدان زقر دريول اللي بيكون عند فـطامي ,, سيـاره نيسـان اسود رقم بوظبي اليديد شيوخي ,, و AL Body Guard (2)
    بو حمدان و صاهم ع فـطامي اي شي تبااه ينفذونه ,,
    فـطامي يالسه ويا ســاره ,,
    سـاره : شخباااار اخويه وياج ؟؟
    ا فـطامي : هممممم عادي ليش ؟
    ساره : لا ماشي بس اشوفه متضايج !!
    فـطامي : مارديبه
    سـاره : مضاربين !!
    فـطامي : هوه اللي بداااا
    سـاره : ليش فديتج ,, قوليلي طلعي اللي فخاطرج الغلا ,, و اوعدج ما اخبر حد ,,
    فـطامي قالتها الســـالفـــه اللي استوت امس
    سـاره : هوه الغلطان ,, بس والله يخاف عليج فطوم ,, لاتضايجين عشان خاطريه ,,
    فـطامي: خلاص ماعليه انا الحين هب مضايجه دام يابني عندكم ,, بتخبرج شو رايج نسير دبي ,, بنمر ع عليا و مريوم و بنسير مول الامارات
    سـاره : والله مادريج جي شورج ؟؟
    فـطامي : قومي قومي بنشاور ابويه
    سـاره : اوكيه ,, وعقب سارو صوب بو حمدان
    تحت فالصـاله ,,

    بوحمدان : حي الله بـ بناتي ,, هلا شو عندكم اكيد تبغون شي ,,
    فـطامي : باباتي بنسير دبي !!
    بوحمدان : دبــي !! شو عندكم
    فـطامي بصوت خفيف : بنغازل ,, آآآ بنسير نسوي Shopping ويا بنات بو مريم,,
    بوحمداان : تغــازلين !! افا وانا و حمـدان موجودين
    فـطامي فجت عينها و حلجها : نعــم ماسمعت
    ام حمـدان + سـاره : ههههههههههههههههههههههههههه
    بو حمدان : ها ,, هههه سلامتـج ,, حتى نحن بنسير دبي بناخذ عبدالرحمن
    سـاره : شهر العسل هاا ..


    ام حمدان : هييه ههههه
    بو حمدان : فدييت حرمتيه انا والله
    فـطامي : تعالي خليهم يتغزلون ع كيفهم ,, ابويه حماني بناخذه ويانا اوكيه ,, و سارو عقب فوق ,,
    وعقب سـارت ساره تلبست و تعدلت وكـل شي ,, و فـطامي نزلت تحت ويا عبدالرحمن الحديقه لين ماتخلص ساره ,, وهيه نازله عبدالرحمن ,,

    بوحمدان : فـطامي فديتج تعالي شويه
    فـطامي : هلا ابويه ؟
    بوحمدان : عندج حساب فـ البـنك ؟
    فـطامي : هيه بو مريم فاجلي ,,
    بوحمدان : عطيني رقم الحسـاب
    فـطامي : شوفه
    بو حمدان وهوه يسجل الرقم : خلاص ماعليه ,, يلا نحنا الحين بنسير ,, تحملو بعماركم ولاتتأخرون
    فـطامي : ان شاء الله ,,
    بو حمدان : اندوج 1500 حق عبدالرحمن
    فـطامي : اوكيه ,,
    بوحمدام : تحملي عليييييه
    فـطامي : فعيونيه والله ,, الله يحفظكم

    سـارت فـطامي غرفة عبدالرحمن ,, كان غرفته خبـال So Cute كانت غرفته بـ اللون الازرق و عليه رسم ع الجدار سيايـر و الغرفـه خبـال ريحتها ريحت يهـال اللي يدخلها يقول اكيـد غرفة ياهل ,, و قسم الالعاب و التيلفزيـون ,, Cuuuute so much ,, غيرت ثيـابه و نزلت تحت تتريا ساره ,,
    سـاره وهيه نازله : خلصت يلا طوفي ,,

    ركبو السيـاره ساره و فـطامي و عبدالرحمن ويا البشـكاره ,, و AL Body Guard بـ الاستيشن الاسود ,,

    فـ النيـسان ,,
    فـطامي : همممم بتخبـرك اشـرف ,, سيـر Rotana Beach
    سـاره : ليييييييش
    فـطامي: بييب اغـراضي
    سـاره : اي اغراض
    فـطامي : ترا بسير دبــي
    سـاره : اهاااه ,,
    عبدالرحمن وهوه اموز : ابا امـدان =(
    فـطامي : فديتك ,, وهيه تتصل حق حمـدان ,, خذ رمسه و هوست سبيكر
    صوب حمدان
    حمدان : اووه ,, فطوم متصـله غريبه ,, الـوو
    عبدالرحمن : امداان
    حمدان : غربلااات العدو ,, حمانوه وين فطوم !! ,, لا حبيبي انا طالع
    عبدالرحمن : انته ويييييين
    حمدان : انا اغازل فـ المرينا ,, خالو فطامي قالتلي
    فـطامي : نعـــــــم
    حمدان : ههههههههههههههههههههه
    عبدالرحمن : همممم انا بسير امالات موول انننننننننننن
    حمـدان : شوووو !! عطني عطني فـطامي
    فـطامي : هههه ,, الو هلا حمـداان
    حمدان فديت هالحســ انا : صدق بتسيرين امارات مول ! ؟؟
    فـطامي : لا اول شي بسير Rotana Beach باخذ اغراضي و عقب بنمر ع مريوم و عليا
    حمدان : ليـش تسيرين الفـندق ؟
    فـطامي : اييب اغراضي
    حمـدان : بتردين عقب
    فـطامي : هيه
    حمـدان وقام وسار بعيد شويه بصوت خفيف : ابا اشوفج يوم بتردين ,, بليز لاترديني ,,
    فـطامي : اوكييك ,,
    حمـدان : فطامي انا آسف
    فـطامي : ع شو ؟؟
    حمـدان : ع اللي استوا امس
    فـطامي : لا عادي سوء تفاهم بس it's Ok ..
    حمـدان : بتسيرين و بتخلينا فـطامي
    فـطامي: انا اصلا مستحيل اخلي اهليه
    حمـدان : ماوصيج طمنيني عليج كل يوم دخيلج ,, كفايه انج بتحرمينا من شوفتج !!
    فـطامي : ان شاء الله حمدان اوعـدك ,, يلا بخليك انا ,, فداعة الله
    حمـدان : ريبه يحفظج..

    وعقب اتصلت حق عليـا

    فـطامي : هلا والله بالزيـن كله
    عليـا : هلا والله بـ الغـزال ,, شخبارج ؟
    فـطامي: رقيـص والله ,, ومن صوبج ؟؟
    عليـا : يسرج الحـال ,,
    فـطامي : دووم ,, عندي لك خبرييه ؟
    عليـا : شو هيي ؟؟
    فـطامي : زهبي البسـاط الاحمر الشيخه فـطامي بتي صوبكم
    عليـا : احلفي !! والله
    فـطامي : انا و اخت حمدان ,, ساره ,, بنسير وياكم رباعه المول شو قلتو ؟
    عليـا : خلاص تم بخبر ابويه يلا باي ,, لوول من الفرحه سكرت بسرعه

    فـطامي : اميه باسم الله ,,
    سـاره : شوفيج !!
    فـطامي : هههه من الفرحه سكرت بسرعه ,,
    سـاره : حليلها ,,

    وعقب دقايق و صـلو الفـندق ,, نزلت بسرعه و AL Body Guard نزل وياها ,, وسارت صوب غرفتها
    ولمت اغراضهـا فـ الشنـطه ,, طولت شويه و عقب فضـت الغرفه من اغراضها و خبرت انها بتسيـر وعقب ربع ساعه ظهرت من الفندق و AL Body Guard خذ شنطها و وداهم السيـاره

    فـطامي : سوري ساره تأخرت
    سـاره : لا افا عليج

    فـ بيت بو مريم ,,
    عليـا نازله من الدري : مريوم مريووم
    مريوم : هاااااا و ريل بلاج تباغميــن !!
    عليـا : فطوم و ساره بييون بيتنا
    مريوم : صــــــدق !!
    عليـا : هيييه ,,
    بو مريم: فديتها ياربيه هالبنت ,,
    عليـا : اميه ابويه ,, بنسير المول وياهم عادي
    ام مريم : اكيـد عادي
    مريوم : بنشـل رشود ويانا
    عليـا : هييييه لانه حمني وياهم
    بو مريم : منو حمني !!
    مريوم : اخو حمــدااااان
    رشود : وين بتروهوون
    عليـا : بتسير مول الاامارات
    رشود وهوه شاق الحلـج : هيييييييه
    مريوم : قوم عيل ,, و شلوه و سـارو فوق ,, سـارو اول شي لبـسو اخوهم راشد لبس بيج و اخضر ,, وهم لبسو ليموني و ابيض كان عليهم وايد حلو ,, حطو شدو خفيف بـ الصفـر الهـادي ,, و رسمو عيونهم ,, وحطو قلوز ,, وعقب نزلو تحت فـ الحديقه يتريونهم ,,


    صـوب حمـدان ,,
    اتم يفكـر كيف بيكون بدون فـطامي,, محمد لاحظ عليه
    محمد : حووووه ,, بسك يا بووي ,,, عنبو انا يالس ويا ايدار !! هب فطوم هاي فضفض لاتحاتي افا عليك انا ولد عمك
    حمـدان : كيف بشوفها ,, هيه صح وعدتني بس احس غيـر بعد !!
    محمد : ماعليك بدقلك كل يوم ,, وها ان ماكنت بو جسـوم ,,
    حمـدان : الله ييعين ..
    خلصو غداهم وعقب سارو حاطو شويه و خذولهم تيشيرتات ,, وعقب دشو يلسو فـ كوفي ,,
    وعقب شوي ,, دشو بنات صيع ويلسو مجابلين محمد و حمـدان ,, وهم يتصقعن > يضحكن ,, و يسون حركات حق محمد و حمـدان .. طبعـاً كـل AL Body Guard عند بو حمـدان يلبسون بنطلون و قميص اسـود و نظـاره سودا ,, و السماعه الموبـايل لازم فـ اذنهم ,, اذا حد يقالهم بسرعه يردون ,,
    وعقب تمو البنات يسون حركات ومحمد و حمدان الصراحه ,, كانو صدق هب متفيجين حق هالحركـات


    صـوب حمـدان ,,
    اتم يفكـر كيف بيكون بدون فـطامي,, محمد لاحظ عليه
    محمد : حووووه ,, بسك يا بووي ,,, عنبو انا يالس ويا ايدار !! هب فطوم هاي فضفض لاتحاتي افا عليك انا ولد عمك
    حمـدان : كيف بشوفها ,, هيه صح وعدتني بس احس غيـر بعد !!
    محمد : ماعليك بدقلك كل يوم ,, وها ان ماكنت بو جسـوم ,,
    حمـدان : الله ييعين ..
    خلصو غداهم وعقب سارو حاطو شويه و خذولهم تيشيرتات ,, وعقب دشو يلسو فـ كوفي ,,
    وعقب شوي ,, دشو بنات صيع ويلسو مجابلين محمد و حمـدان ,, وهم يتصقعن > يضحكن ,, و يسون حركات حق محمد و حمـدان .. طبعـاً كـل AL Body Guard عند بو حمـدان يلبسون بنطلون و قميص اسـود و نظـاره سودا ,, و السماعه الموبـايل لازم فـ اذنهم ,, اذا حد يقالهم بسرعه يردون ,,
    وعقب تمو البنات يسون حركات ومحمد و حمدان الصراحه ,, كانو صدق هب متفيجين حق هالحركـات
    جـاسم (AL Body Guard ) : طال عمـرك ,, عادي اتصرف !!
    حمـدان : هههه عطهم نظره و بيتراكضون
    جـاسم (AL Body Guard ) : هههه افا عليك
    محمد : نبا نضحك شويه ,,
    حمـدان : غربلاتك هههه ,, سو اللي تباه طفروبنا !! ولا اقولك ,, نحنا بنسير احسن لنا
    حمدان و محمد و جـاسم (AL Body Guard ) تقربو صوبهم ,, كانو يالسين صوب الباب
    البنـت (1) : ياويل حاليه انا ع اللي لابس سبـورتي
    البنـت (2) : ولا اللي عـداله
    البنـت (3) : اووب لا لا كبـاريه و AL Body Guard
    حمـدان : ميـوعه انتي !! ماشفتي AL Body Guard من قبــل ,, ماشفت اولاد من قبـل !!
    البنـت (1) : لا ماشافت بس شراتك ابداً ,, ولا بعد ,, من اللي فوق فوق
    حمـدان : والله انا برستيجي مايسمحــلي ارابع هاللوث وهوه يحرك بـ اصبوعه
    جـاسم (AL Body Guard ) + محمد : ههههه
    البنـت (2) طلعت عطر و تتعطر جدامهم : آآه فديتني
    محمد : اقولج !! هالعطـر جنيه شفته فـ الجمعيـه !!
    حمـدان : هههه الله يخليك ,, دريولنا ماينزل ياخذ من الجمعيه
    البنـت (2) عصبت : انته كيف تتجرأ و تقولي جي !! تعرف اصلا انا بنت منـو !!
    حمدان : هههه ,, بنت منو ياحظــي !!
    البنـت (2) : بنت سلطـان ال***** ( كان معروف بس هب شرات بو حمـدان ,, بو حمـدان ,, اعلـى و اشهر )
    محمد : هههههههههههههههههههههه
    حمـدن : تعرفين انا ولـد منو !!
    البنـت (3) صوت خفيف : واحد من البلديه قاص ع عمره
    جـاسم (AL Body Guard ) : حلفي انتي بـس !! شفتي النعال اللي فريولي ,, فـ حلجج قسـم بالله !!
    حمـدان : هههه جسوم خلهـا ,, اصلا لو تعرف انا ولد منو ,, بتبوس ريولي و بتقولي سامحنـي !!
    البنـت (1) : انزين قولنا
    حمـدان : حمـدان بن محمد بن راشد الـ ******
    البنـت (1) ,, (2) ,, (3) : شوووووو
    محمد : يلا يلا منـاك وانا ولد عمـه ,, لـــوث !!
    البنـت (2) : جذاب ماعليكم ,,
    جـاسم (AL Body Guard ) طلع البطـاقه و راواهم : شو ها !!
    البنـات امبققين عيونهم ,,
    جـاسم (AL Body Guard ) : مـالت لـوووث
    حمـدان : غجـر قسم بالله ,, ههههه هب شايفين خيـر
    محمد : اتفـوووووو عليـكم !!
    و طلعو من الكـووفي ,,
    جـاسم (AL Body Guard ) : لاتحرق اعصـابك
    حمـدان : والله حرام يخلونهم فـ بوظبي ,, تعال نسيـر الممزر
    محمد : شو عندك ؟؟
    حمـدان : ماشي ,, بنسير بنوصل ع الساعه 5 الحين 3 ونص ,, و ساعه 7 بنسير مول الامارات
    محمد : يالله يا الممزر اذكر ابويه دوم يوديني هنـاكي يوم كنت صغيـر ,, يالله متى بشوف اللي فبـالي ..
    حمدان : بتعرف قريب ان شاء الله !!
    محمد : قوم نسير نصلي و عقب نسير ,,
    حمـدان : يلا فوقه

    بيت بو مريم ,,

    كان يالس فـ المكـتب يراجع بعض الاوراق مال الشـغل ,, و دقايق يرن الفون ,,

    بو مريم : ألو
    **** : ألو السلام عليكم ,, بو مريم ؟
    بو مريم : وعليكم السلام ,, هيه نعـم ,, منو وياي .
    **** : انا ربيـع حمد بنت راشد ال***** الله يرحمه ,, خلفـان
    بو مريم : هيه اخو محمد بنت راشد ال***** ,
    خلفـان : هيه ,,
    بو مريم : خيـر اخويه شو فيه ؟
    خلفـان : تعرف فاطمه ال*****
    بو مريم : هيه ,, شوفيها !!
    خلفـان : لازم اشوفك !! و اشوفها
    بو مريم : حيـاك بيتنا فـطامي بعد الحين بتي
    خلفـان : عيل عطني العنـوان ,,
    بو مريم يقول حق خلفـان العنـوان
    خلفـان : خلاص تم 10 دقايق و واصل ,,
    بو مريم : خلاص ماعليه , فداعة الله ,,

    بو مريم اتصل حق عليـا و خذا رقم فـطامي ,, و اتصلها ,,

    صوب فـطامي ,,
    فـطامي : هب جنه رقم بو مريوم !! : السلام عليكم
    بو مريم : هلا فديتج
    فـطامي : لا فدييت روحك ,, شحالك ؟؟
    بو مريم : يسرج ,, بتخبرج فديتج انتي وين الحين ؟
    فـطامي : قريـب دبي ,, ليش
    بو مريم : يو تقدرون تستعيلون شويه ,, لانه في واحد يباج فـ سالفه
    فـطامي : وااااحد !! شو السالفه !
    بو مريم : كـل الخيـر ,, بس انتي تعالي
    فـطامي : ان شاء الله 5 دقايق بس ,, وسـكرت ,, اقـولك اشـرف استعيـل بسـرعه سيـر صوب زعبيل
    اشـرف : ان شاء الله ..
    سـاره : شوفيج ,,
    فـطامي: مادري مادري قلبي ينغزنـي
    سـاره : خير خير ان شاء الله ,, ماعليج

    وعقب دقايق ,, وصل خلفـان عند بو مريم ,, دخله الميـلس و تقهويو لين ما توصل فـطامي ,,
    عليـا و مريم كانو برع فـ الحديـقة ,, و فـطامي تمت ادلي اشرف وين بيت بو مريم و عقب وصـلو دخلت النيسـان و الاستيشـن ,, نزلو AL Body Guard بسرعه و نزل الديريول يفج الباب حق فـطامي

    عليـا : ماشالله منو هييل اللي داشين بيتنـا !!
    مريوم : فـطامي !! اطورت العزبه ,, هههه يفجولها البـاب

    فـطامي : سارونه حبيبي سيري صوب مريوم و عليا انا بسير اشوف شو السالفه ,, دعيلي
    مريوم و عليا ياين صوب سـاره
    مريوم + عليـا : السلام عليكم
    سـاره و هيه تسلم عليهم : وعليكم السلام ,,
    مريوم : اكيد ساره !
    سـاره : هييه ,,
    مريوم : حبيبي حماني ,, وسلمت عليـه ,,
    عليـا : بلاها فطووم !! وين سـارت ماتستحي !!
    سـاره : والله مادري اظن ابوج داقلها وانا فـ الدرب وقالها يباها ظروري !!!
    مريوم : بس ابويه عنده ريـال ..
    سـاره : والله مادري ..
    عليـا : تعالي سلمي ع ماما و عقب بنرد برع ,, سارت ساره سلمت ع ام مريم و عقب ظهرو برع و راشد يلعب ويا عبدالرحمن و مستـااانس ,,

    صوب فـطامي
    اتصلت ,, حق بو مريم و قالها ادش الميلس و يوم دشت و سلمت ,,
    فـطامي : خير عميه شو السالفه و قفتو قلبـي ,, ومن هالريـال !!
    بو مريم : بلاج فـطامي ,, تريي لاتستعيلين بتعرفين كل شي ,,
    خلفـان : انتي فـاطمـه بنت عبدالله ال***** صح .
    فـطامي : هممم هيه ليش !!
    خلفـان : اول شي حبيت اقولج انه عبدالله توفـا !!
    فـطامي : هااا
    بو مريم : كيــف !!
    خلفـان : لانه يوم انتشـر الخبـر انه فاطمه ذبحها تمو يعذبونه لين ما تعب وايد و مات ,, وثـانيـاَ ها هب ابوج
    فـطامي : شـووو !!
    بو مريم : شو السالفــه !
    خلفـان : هدو انا بقولكم السالفه كلها ,,
    بو مريم + فـطامي : انزين ,, و فطوم ع اعصـاابها ..
    خلفـان : قبل 18 سنـه استوت حادثه ,, في بيت حمد بن راشد ال***** ,, الخدامه كانت حاطه المدخن صوب الستـاره فـ شب البيـت و احتـرق و حمد و حرمته و بناته ال3 و عيـاله الثنيـن كانو داخل ,, كلهم ,, توفو كلهم ,, اما حمد طلعوه بسرعه ,, عاش احيـد اظن 6 ساعات بس ,, حمد كان مزوج ع حرمته وحده هنديـه ,, وكانت الحرمه حامل منه ,, وهيه كانت ماتدري بس هوه كان يعرف ,, قبل يوم سار وياها المستشفى الدكتوره قالت له ,, بس ماخبرها ,, وكانت هالسـالفه بـ 3 اسابيع قبل لا تستوي الحادثه ,, و حمد قبل لايموت وصاني قالي : خلفـان فلوسي كلها حق اللي فـ بطن حرمتيه الثانيه ,, امانه يوم يكبـر تعطيه الفلوس كلها !! و عقب ثواني ,, اتوفا حمـد ..
    فـطامي دموعها 4 , 4 صوت خفيف : ابويـــه !!
    خلفـان : حرمته كانت فـ دبي و حزنت عليه من الخـاطر ,, انا و اخوه كنا بس نعرف فـ هالسـالفه ,, فـ حرمته ازوجت وهيه بعدها ماكنت تدري انها حامل ,, وعقب عرفت انها حامل من حمد ,, بس يوم عرف زوجها قال انه ولده اللي فـ بطنها ,, وهوه يعرف انه من حمد بس استهبـل وغصـب خلااه ولده ,,
    فـطامي: دخيلك الزبــده !!
    خلفـان : و كان عندها ولد من حمـد عمره سنتيـن اسمـه اظن محمد ,, بس هيه خلته يعيـش ويا اخو ابوه ,, لين مايكبـر و يستوي ريـال ,,
    فـطامي : الله يخليك ,, بسرعه ارمس !!!



    خلفـان : فاطمه ,, انتي بنت حمد بن راشد ال*****
    فـطامي : هاااااااا ,,, و اخويه محمد !!
    خلفـان : هييييه ..
    فـطامي : يعني بو حمدان يستوي عميه !!!!
    خلفـان : هيه الغلا ,,
    فـطامي : انا عندي اهل !!
    بو مريم : الحمـدالله يارب
    فـطامي ظهرت من البيت بسرعه ,,

    سـاره : شفييج ,, وين سـايره
    فـطامي دموعها فـ عيونها : بعدين بعدين ركبت السياره ,, ال AL Body Guard بسرعه لحقو فـطامي
    اتصلت حق حمـدان ,,
    حمـدان : الو
    فـطامي : انتو ويييين !!
    حمـدان بلاج .. نحنا فـ الممزر توه واصلين ؟
    فـطامي : انزين فداعة الله سـكرت ,, اشرف بسرعه الممزر
    اشرف : انزين ,,

    صوب بيت بو مريم
    خلفـان : وهذي الامانه ,, عطها فـطامي ,,
    بو مريم : مشكور خلفـان و الله انك ولد حلال ,, ماتقصـر
    خلفـان : افا عليك ,, يلا عيل استأذن فداعة الله ,,
    بو مريم : مع السلامه و طلع وياه يوصله
    و يوم روح ..
    مرييوم : ابويه بلاه فطوم ,,
    بو مريم : انتي بنت محمد ..
    سـاره : هيه عميه = ) ..
    بو مريم : هلا والله شحالج ؟
    سـاره : بخير ربي يعافيك
    عليـا : ابويه قولي شو السـااالفه ؟؟!!!
    بو مريم وهوه يرمس سـاره : الغـاليه فـطامي طلعت بنت عمـج ..
    مريوم و عليا و سـاره : هااا شوووو !!!!!!
    بو مريم قالهم السالفه كلهـا
    سـاره : هيييه هذا عميه !! فـطامي بنت عميـه !! و محمد ولد عميـه .. يعني محمد و فـطامي خوان !!
    مريوم : محمد ربيع حمـدااااااااااان !!!!!!

    صوب الممزر
    فـطامي تنزل بسرعه وهيه ادور سيـارة رنج سودا ,, و تشوف يمين يسـار لين ماصلتهم يتمشون
    فـطامي : محمد ,, حمدااااان
    محمد و حمدان يصدون ورا ,,
    حمـدان : فطوم !! ليش يايه و ليش اتصيحين شو مستوي !!
    فـطامي : محمد انته ,, محمد حمد راشد ال****
    محمد مصدووم : هيييه
    فـطامي وهيه تلوي عليه و تنهـار من الصيـاح : محمد انا اخــتك !! .. اخـتك من امك و ابـوك !!
    انا اخـتك محمد ,,
    محمد : انتي اختيــه !!!!!!
    فـطامي : هيييه ,, وقالته السـالفه كلهـا ,,
    محمد يلوي ع اخته من الخـاطر ,, فديييتج فطووم لج وحشه قسم بالله ,, من متى وانا ادورج ,, ماكنت متوقع انه انتي تظهرين اختيــه ,, فديتك حمـدان ,, لو انته هب محصـل فـطامي ,, جان ماحصلتها ,, و يلوي عليه
    حمـدان : افا عليك ,, الله رايد هالشـي ..
    فـطامي : قومو نسيـر المول الله يخليكم ,, عازمتنكم كلكم ع العشــا ..
    حمـدان فخـاطره : معقوله انتي اخت محمد ولد عميه ,, يعني انتي بنت عميه !! ,, بس الحين اخاف محمد يعصب عليه اني ما اشوفج !! و لا ارمسج ,, لا لا محمد هب جي ,, حاس فيني و مستحيـل يفكـر هالشي ,, واكيد فـطامي مابتسوي شي غلــط ,, دام انا ولد عمها ,,
    حمـدان : حيـــها والله ,, لا عيوني انا بعزمكم
    فـطامي : افـــا والله !!
    حمـدان : خلاص جان انتي صدق تبغين ع راحتج
    محمد بااس فـطامي من الخـااطر : فدييييييييييتج فطووووم
    فـطامي استحت لانه باسها فجأه : يلا طوفو ,, وعقب سـارو صوب زعبيــل ,,

    بعرفكم ع محمد : محمد قـد حمـدان عمره 20 ,, كلية الشرطـه ويا حمـدان ,, ياخذ من حمدان شويه ,, بس هوه يشبـه بعد فـطامي شويه ,, شعره طويـل شرات حمدان ,, و حلـيو ماشالله عليه ,, طالع ع ابوه الله يرحمه ,, سبورتي شرات حمـدان ,, هوه و حمـدان نفس الشي ,, يعشق البولنج ,, و يحب بعد الفروسيه ,, و يحب السيارات وايد ,,

    بيت بو مريم

    سـاره تتصل حق ابوها و تقوله السـالفه و هوه طاير من الفرح ,,
    بو حمـدان : صدق هالرمسه !! فطييم تستوي بنت اخويه !!
    سـاره : هيييه ,, هب عميه عنده ربيع اسمه خلفااان !!
    بو حمـدان : هيييه !!
    سـاره : اليوم يا عند بو مريم وخبرهم السالفه ..
    بو حمـدان : الحين وين فطيم !!
    سـاره : مادريبها ظهرت من البيت بسرعه !! بس اظن سـايره صوب حمدان و محمد ,, لانهم فـ دبي
    بو حمـدان : حليلها والله ,, حليله محمد ,, اكيد طاير من الفـرح
    بو مريم : هذا بو حمـدان
    سـاره : هيه عميه ,, تباه خذه ,,
    بو حمدان : الـووو
    بو مريم : مرحبـا بـ الشيوخ ,, شحالك محمد شخبـارك ؟
    بو حمـدان : مرحبتين ,, علي يسرك الحـال والله مرتـاح من الخـاطر ,, ومن صـوبك ؟؟
    بو مريم : يسرك الحـال والله ,, جييه ماتقرب عندنا ,, تعـال بتكمل الفـرحه ,,
    بو حمـدان : خلاص تم بي انا و ام حمـدان ,,

    بدت الشمس تغيـيب الكـل فرحان ,, بـ الخـبر اللي قالهم عنه خلفـان ,, و خاصه فـطامي و محمد .. صدفه من الخـاطر كان يرمسها يوم كان فـ السيـاره وهوه ماكان يدري انه هاي اختـه ,, و حمـدان يوم حصل فـطامي فـ الشارع و كيف انه بو حمدان يستوي عم فـطامي !! الكـل فرحان و يتريون يجتمعون كلهم عشان تكمــل الفرحه ,, مريوم و عليـا ,, سارو يـابو ( الشلـق ) ولبسو عبيهم و نزلو تحت وعقب دقايق ..
    الرنـج يدش بيت بو مريم ,, و فـطامي لاويه ع محمد ,, و عقب دقايق بو حمـدان ايي ,,
    فـطامي : عميــــه ,, فديت روحك
    بو حمـدان : غنـاتي فـطامي,, والله اني فرحتلج من الخـاطر ,,
    فـطامي : فديتك و اتبوسه ع راسه ..
    بو حمـدان : الغـالي محمد ,, مبروك فديتك تستـاهل ,,
    محمد : والله لو تعرف كيف مرتـاح من الخـاطر عميه
    بو حمـدان : تستااهل تستـاهل ,,
    وطلعت ام حمدان و سارت سلمت ع البنات و ام مريم ,, و عليا و مريوم و ساره و فـطامي و محمد و حمدان تمو يولعون الشلق من الفرحه ,, و فجـأه صوت عـالي ,,

    فـطامي : بمنــاسبة الخبــر اللي يرد الروح ,, انا عازمتنكــم ع حســابي ع العشــا و بزعل اللي بيقولي لا
    بو حمـدان : مستحيـل حد يردج فديتج ,,
    فـطامي : عنيــه افـداااااك ,,

    سار محمد و شغـل الاغـاني و طلع السـلاااح حقه و حق حمدان ,, و عصاتين حق بوحمدان و بو مريم ,,
    وتمـو ايولوون من الخـاطر ,, وخـاااصه محمد عقب عبدالرحمن يال وياهم هوه وراشد فـطامي كانت تعرف اتيـول ,, سـارت زقرت البنات ..
    فـطامي : اييه بتخبركم ,, مريوم تعالي وياي ,, بنسير فوق بلبس كندورت ابوج و بتعصم و بدخل شعري و بتلثم و بي وبيو وياهم
    سـاره : استخــفت
    عليـا : هييه هييه ... احبج يوم تيولين ,,
    فـطامي : عيل تعالي مريوم وياي وانتو تمو هنيه اذا سألوكم وينهم قوليلهم الحين بييوون

    و ركضو مريم وفطوم وسارو غرفة بو مريم و لبست كندورته كانت اوكيه عليها ,, وربطت شعره و خلته داخل الكندوره و تعصمت عدل ,,و تلثمت ,, و بو مريم كان عنده سلاح بعد ,, و عقب دقايق جان اينزلون ,,

    و فـطامي كانت بتخوف ام حمدان وام مرييوم يتم من ورا و خوفتهم
    ام حمـدان : باسم الله انته منو
    فـطامي : انا ولد اخوي ريـلج
    ام حمـدان : باسم الله وين ييت انته الثـاني

    فـطامي تتقرب من حمدان و محمد
    فـطامي : يابس هلا هلا ,, شو حمود اختك ماتعرف تيـوول !!
    محمد : فطووم من وين يايبه الكندوره !!
    فـطامي : يمدحون كبت عميه علي هههههههه ,, وهيه تيول و تيبس و يا حمدان و محمد
    حمدان : هب سهــل ابويه , بنت عميه ..
    فـطامي سارت صوب بو حمدان : يابس يابس عميه يابس
    سـاره صوت عالي : فطووووووم اشتركي فـ الميدان كل حد بيصوت لج
    الكـل : ههههههههههههههههههههههههه ,,
    حمـدان تم ايوول و عقب فر السلااح فوق ,, و طاحت عصامته فطوم اهنيه ذابت
    فطوم : ههه هب عالي
    حمـدان : اذا فريتي اعلا عني بعطيج 1000
    محمد : وانا 200
    فـطامي بـ كل غرور : من يزيد !!
    البنات : هههههههههههه
    مريوم : صدقت عمرها !!
    بو حمـدان 5000 !!
    فطـامي كانت متلثمه خوزت اللي ع ويها : خلاص شو رايكم حمدان تعطيني 1000 و حمود 2000 و عمييه 5000 ,, زين زين 8000 ع فره تـم ..
    حمود حطلي شي يربش ,, سار وحط غنيه حمدالعامري ,, أعذار ,,
    فطـامي : ع العوق ,, بس هب الحين بفر يوم برتبش من الخـاطر ,,
    محمد : هههه انزين راوينا شطارتج
    فطـامي : افا عليك ,, تمت اتيوول و البنات يصفقوون ,, و عقب دقايق
    فطـامي : الحيييين ,, رفعت كندورتها ,, ريلها نصه طلعت لوول ,, و فرتها ,, ( كانت قد الكلاام و يابت اعلى من حمـدااان ) و يوم رد السلاح سوت شرات الخاصوني لوول
    سـاره : وااااااااااااااو تصفق ,, عاااشت اخت الخاصووني
    محمد : ماشالله عليج ,, تعالي منو معلمنج ؟؟
    فطـامي وهيه تيول : يمدحون البويات اللي فـ المدرسه لوول مايقصرون
    حمـدان : دمااااار ,,
    بوحمـدان : لا الصراحه عجيييييييييبه !!
    فطـامي تتقرب من حمـدان مدت ايدها : يلا
    حمـدان : شو !
    فطـامي : الـ 1000
    حمـدان : هههههههههه ,, طلع بوكه و عطاها ,,
    فطـامي : ميغسي بوكو !! سارت صوب محمد
    فطـامي : دورك الـ 2000
    ام حمدان و ام مريم و البنات ناقعين ضحك عليها ,,
    محمد : اندوج ,,
    فطـامي : تسلم غناتي و عطته بوسه ,, هااا الشيـــخ محمد عطني الخمـــسه
    بو حمـدان : ههههه تامرين آمر انتي بس .. هاي 1000 هاي 2000 و 3000 و 4000 و 5000 ,, خلاص
    فطوم حبته ع راسه : مشكور فديتك
    بو مريم : تعالي انزين
    فطـامي : ياويل حاليه ,, كل يوم بطلع حركه عشان تعطوني ,, كم ان شاء الله و هيه تواج ع البوك
    بو مريم : اندوج 200 ,, عندج الحين 10,000 شو بعد من قدج
    سـاره : ظلــــــم !! ونحنا
    مريوم و عليـا : ابوووووويه
    فطـامي : بعض النـااس يغارون ,, وتسير صوبهم ,, هههههه انا حطيت فـ بالي اتجاسمهم وياكم
    البنـات : نعـــم !!
    فطـامي : هيه نحنا 4 يعني كل وحده 2500
    بو حمـدان : ههههه حليلها كريمه
    فطـامي : طالعه ع عميـــه .. بس هب الحين بعطيكم يوم بسوي جينج ..


    بــاااارت العـــاشر ..

    و يوم خلصـور ربشه سـارو داخل و عقب تجهـزو حق السيـره (مول الامارات)

    تجهـزو و خلصـو بقولكم منو فـ السيايـر

    حمـدان و محمد > فـ الرنج (سياره حمـدان) >> طبعا و راهم AL Body Guard فطوم و ساره و عليا و مريوم و حمانوه و رشود فـ النيسـان >> وراهم AL Body Guard
    بو حمدان و بو مريم و ام حمدان و ام مريم سارو ويا بعـض و وراهم AL Body Guard

    وعقب 15 دقيقه وصلـو المول كانت السـاعه 7 ,, البنات و حمدان و محمد ويا بعض ,, و ام حمدان و ام مريم يمشون ويا بو حمدان و بو مريم وبس الحريم ورا ,, و داقات سوالف ,, و يدورون فـ المول

    صوب البنات
    فـطامي ماسكه ايد محمد و سـاره ,, (كانت فالنص ,, وحمدان كان يمشي صوب محمد ,, و ساره ماسكه ايد عليا و عليا ماسكه ايد مريوم )

    وكل دقيقه يدشون محـل وماخلو شي ماخــذوووه ! و كل دقيقه تاخذ راي محمد ,, فـ الثيـاب
    طبعاً الربااعي المرح الحين استوو ,, خذو كل شي نفس الشــي !!! البنات خذو : بناطلين و تنانيـر و قمصان و تيشيرتات و بجاماات ,, و شنط و نعله و ابوات وكابات و اكسسوار و عطور و مكيـاج ,, الصراحه كانت السيره روووووعه ,, و طبعا الاولاد ,, خذو بناطلين و تيشيرتات بـ ذوق البنـات ,, كانو 4
    AL Body Guard وراهم ,, عطو 2 الاجيـااس عشان يودوهم السيـاره ,, و عقب سـارو صوب بو حمدان و اللي وياه ,, عشان يسيـرون يتعشـون فـ جليزي فـطامي عازمتنهم ,, حتى عزمت AL Body Guard ..
    و الكل يضحك ع حركات فطـامي و محمد ,,

    فطـامي : يلا يلا فـج حلجـك ( يالسه تأكله )
    محمد : بس بس دخيلج انجعمــت
    فطـامي : جب فج يلا شطووور حبيبي
    حمـاانوه : وانا
    فطـامي : فديت روحك انته يلا قول آآآآآآ
    حمـانوه : آآآآ
    فطـامي : وي وي فديتـك ,, هـــم بالعافيه
    رشود : انا مابا انا اانا
    فطـامي : ههههه فديتك خذ حبيبي
    حمدان : ياحيهم
    الكـل : هههههههههههه
    بو حمـدان : شو وانا باكل بروحي
    فطـامي : هههههههههه افا عليك ,, قامت و سارت اكلته
    حمدان كان يالس عدال فـطامي و عدال فـطامي محمد و عقب بو حمدان و ام حمدان و البنات والصوب الثاني بو مريم و ام مريم و اليهـااال ,, حمدان كان صدق متغيـر ع الكـل غصب يضحك
    حمـدان : اكرمكم الله
    فـطامي : ليش يا ولد العـم ماكلت شي !!
    حمـدان : شبعت و سـار بسرعه ,,
    فطـامي اتسوي حركات بدون ماحد يلاحظ حق سـاره( بلااه ) ,, ساره تسوي حركات (لا ماشي انا بسير )
    ساره : الحمدالله
    محمد : ليش قمتو !!
    سـاره : شبعت ,, سارت صوب حمدان
    سـاره : شو فيك الغالي ؟
    حمـدان : لا مافيني شي و روح عنها ,, سار عند بو حمدان
    حمـدان : انا بسير باسكن تبغون شي ,,
    فطـامي : هييه ييه كلنا نبا انا بسير وياك
    حمـدان استغــرب !!
    فطـامي وهيه تصـاصر محمد : عادي اسير
    محمد : هيه فديتج
    فطـامي كتبت شو يبغتون و عقب سـارت ويا حمـدان ,, حمدان ساكت و فـطامي ساكته ,, فـطامي فخاطرها : بلاه ها ,, هب حمدان اللي امشي وياه ,, بس تعااالي لازم اتغـير عليه عشان محمد مايقولي جي و ياخذ فكره عنيه ,, وبشـوف شو آخرتها ,,
    حمـدان فخاطرها : يا ترا بتم شرات قبل ولا بتتغير
    وعقب دقايق وصلـوا و فـطامي طلبت حق الباجين و حمـدان ساكت وكان يالس و عقب دخلو ولدين صوب الباسكن و يو صوب فطوم و تمو يسوون حركات و فـطامي مستغربه انه حمدان ماسوا شي !! وعقب يوم زيدو
    حمـدان : استح ع ويهك ماتشوفني وياها !!
    **** : هههه ومنو تكون يا حظي
    حمـدان : ولد عمهـا !! عندك مانع !!
    **** : السموحه شيخ ,, وروحو ,,
    حمـدان يقبضها من ايديها بالقـو : ان ما تغشيتي ياويلج
    فطـامي فجــــت عيونها : نعــــــــــم !!!! ليش شو شايفني مسويه بسـته وانا مادري ولا فريت رقمي عليه !!
    حمـدان : اقولج لا تراديني ولا
    فطـامي: ولا شووو قول قول مافيها شي
    حمـدان يشوف يمين و يسـار : اييه نحنا هب في بيت عشان تصارخين
    فطـامي : الشرهه هب عليك ع اللي ايي وياك وفرت ال100 فـ ويهه وسـارت بروحها
    حمـدان : مالت عليج !
    ويوم خلصت الطلبيه دفع و خذا الاغراض و سار صوب المطعم فـطامي وصلت قبل حمـدان
    محمد : ليش وين حمـدان
    فطـامي وهيه تصـارخ : جهــــنم !! شعرفنيه فيه ..
    الكـل استغرب
    بومريم : فـطامي عيب عليج ها ولد عمج
    فطـامي : ولد عميه ع العين و الراس بس هب يتم يفاتن عليه !!
    حمـدان سمع فـطامي يوم قالت جهنم : جهـنم تاكلج ان شاء الله
    بو حمـدان : ايييه ايييه بلاكم انتو !! شو مستوي
    فطـامي : عميه والله ماسويت شي ,, ماشالله و الشيـخ حمـدان ميلس ع الكرسي يقولون هوه الحرمه وانا الريـال ,, مايقول عطييني الورقه انا بطلب وانتي ايلسي ,, يوم كنت اطلب ولدين دشو و تمو يسوولي حركات
    انا شو اسويلهم اعطي كل واحد كـــف عشان يسكتوون !! ومايقـول شي يوم شبعـو من المغـازل يرمسهم ,, وعقب قالي ان ما تغشيتي ياويلج ,, جييه انا شو مسويه عطيتهم رقمي وانا مادري ولا حبيتهم !!
    حمـدان : اقولج يوم بترمسين ارمسي عـدل !!
    فطـامي : والله ما قلت شي ,, وانته تعال ,, بلاك منجلــب عليه ,, من دريت اني بنت عمتك متغير عليه جي ماكله حلالك وانا مادري ,,
    محمد : فطوم انجبي !!
    فطـامي : شو انجبي انته الثـاني جيه هوه الصح وانا الغــلط ,, عمييه ليش ماترمــس ! قول شي
    حمـدان : طبعـاً مابيقول شي لانه انتي الغلــط
    فـطامي : مالت عليك !!
    حمـدان ويقبضها من شعرها : نعـم !! شو قلتي !! انا ابويه ماقالي مالت عليك تيـن انتي و تقوليلي ,,
    فطـامي : اييييييييه تعورني هدنيه
    محمد وهوه يفج عن حمـدان : اييه وين يالس انته ,, ولا جنه حد ميـلس هنيه ,, استحو ع ويوهكم
    فطـامي والدموع فعينها : ياليتني ماعرفتكم كلكم وتميت بروحي احسن وطلعت عنهم بسرعه ,, سارت دفعت عن الأكل و ظهرت بسرعه بس جاسم (AL Body Guard ) شافها و لحقهـا بسرعه ,,
    جـاسم AL Body Guard : فاطمه ,, فاااطمه !!
    فطـامي : شوووو
    جـاسم AL Body Guard : بلاااج شوي شوي لاتركضيـن ,,
    فطـامي : بسرعه طلعني من هالمكـان ابا اسير الفـندق و ابا اجيـاسي و شنطي اللي فيهم اغراضي
    جـاسم AL Body Guard : انزين ,, انتي هدي الحين ,,
    فطـامي تغشت لانه كانت اتصيح ,, وهيه تلحق جـاسم ,, لانه هوه يعرف وين غرفت فـطامي فـ الفنـدق ,,

    صوب بو حمـدان و البـاجين

    بو حمـدان : انته ماتحـشم !! اذا بنت عمك ماسوت شي ليش تتغـشى !! خلها كيفها انته شلك
    حمـدان : انا ولد عمها ,, لي الحق ,, جان يظهـر
    ام حمـدان : وابويييه وين سارت الحين !! محمد الله يخليك سو شي ,,
    محمد يتصل حق فـطامي بس غالقها موبايلها : مغلــق
    بو مريم : لاحول ولا قوة الا بالله
    سـاره ويا البنـات
    سـاره : اففف ها لازم يتفـلسف
    مريوم : وابويه فطوم خبله عادي تسوي اي شي
    عليـا شويه و بتصيـح : الله يعيـن

    بو حمـدان صوب AL Body Guard : ماشفتو فطوم
    وليـد AL Body Guard : طال عمـرك ,, جاسم سـار وياها !!
    بو حمـدان يتصل حق جاسـم ,,

    فـطامي : منو متصـل
    جـاسم AL Body Guard : عميـه بو حمـدان ,, الـو
    بو حمـدان : الـو جــاسم فـطامي وياك !!
    جـاسم AL Body Guard : هيه عميـه
    فطـامي وهيه تزعــج : لييييييييييش تقـول ,,
    بو حمـدان : عطني عطني ياها
    جـاسم AL Body Guard : خذي عميه يبا يرمسـج
    فطـامي : نعـم
    بو حمـدان : شوفيج غنـاتي
    فطـامي : بعض النـاس مايبغـون اكون وياكم ,, اذا جي السـالفه ويهي مابتشوفونه !!
    بوحمـدان : صلي ع النبـي فطيم ,, و كل شي بيعتدل
    فطـامي: عليه الصلاة والسلام ,, اقول عميه ,, ولدك عمره مابيعتدل ,, فداعة الله ,, وسكـت

    جـاسم AL Body Guard خذا اجيـاس فطـامي وعقب سـارو الفـندق ,, و دلاها وين غرفتها ودخل اغراضها ,, وتم موقـف عدال البـاااب ,,

    فطـامي : افففففففففففففففففففففففففف ,, ليش جي يستوي لييييييييش ,, كنا من الصبـح حلوين و الحين يالله ليش جي يسـوي والله ما سويت شي غلـــــط وتصـاارخ ,, جاسم ان حد يا قولهم ماتبا حد يدش عندها
    جـاسم AL Body Guard : ان شاء الله
    سارت فـجت الماي الدااافي ترست البـانيو و طلعت من الحمام وهيه مقهووره و اتصيح من الخاطر من اللي استوا وخاطرها تموت انها مظلومه وماسوت شي غلــط ,, تشوف عمرها فالمنـظره : يالله يالله قهههههههههر ,, انا شو سويت الحين انا ,, حمدان ليش جي متغير عليه ,,, ماعليه ان ما تغيـرت عليـك 180 درجه ياحمـدان ما اكـون انا بنت عمـك سارت ,,

    وعقب 5 دقايق انترس البـانيو ..
    دشت الحمام بس ماقفلته خلته بس مصكوك ,, فصـخت ثيابها و سارت صوب البـانيـو هيه بعدها مقهوره من الي يستوي تمت فـ البانيو الحـار من الخـاطر ,, تمت فـ الحمـام 10 دقايق وهب حاسه بـ حرورة الماي من اللي فيها ,, وبعدين فجت السداده و خاز المـاي ,, وتغسلت بـ الصـابون و خلته برع( ع الارض ) من القهـر و عقب تغسلت شعرها بـ الشامبو و يوم خلصت طبعا الحمام كله ماي ,, طلعت من البـانيـو عشان تيب الفوده بس خلصت الماي مفجوج ,, وعقــب ........

    بو حمـدان اتصل مره ثانيه حق جـاسم AL Body Guard ,,

    جـاسم AL Body Guard : هلا طال عمـرك ,,
    بو حمـدان : جاسم انتو وين !!
    جـاسم AL Body Guard : فـ الفندق ,,
    بو حمـدان : والحين هيه فـ الغرفه ؟
    جـاسم AL Body Guard : هييه






  3. #13
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: آه من قلبن //~


    كمليهاا بليييز










  4. #14
    عضو فضي
    الصورة الرمزية وحـيـ بدنيتي ــده
    الحالة : وحـيـ بدنيتي ــده غير متواجد حالياً
    رقم العضوية : 43974
    تاريخ التسجيل : 17-10-09
    الدولة : داار الحي
    الوظيفة : طـــــــــــالـــبــه
    الجنـس : انثـى
    المشاركات : 404
    التقييم : 52
    Array
    MY SMS:

    ·#·$7•·$13•·$6•·$1·$6[c=13] {[/c] سبح ـِـِـِآن الله وبح ـِـِـِمدهـ } ·$6•·$13•·$4•·#·$7•·$13•·$6•·$1·$6[c=13] {[/c] سبح ـِـِـِآن الله العظيمـ } ·$6•·$13•·$4•

    افتراضي رد: آه من قلبن //~


    بو حمـدان : انزين انزين الحين انا ياي وسكر

    بو مريم : يلا مريوم و عليوه خلونا نسير تأخرنا
    مريوم : والأغراض
    ام حمـدان : بخلي حد من AL Body Guard ايوبولكم ياهم لين السـيـاره
    ام مريم : مشكوره فديتج ,, وتسلم عليها ,, عاد خلينا نشوفج مره ثانيه ,, و طمينا ع فطوم
    ام حمـدان : ان شاء الله

    بو مريم سلم ع بو حمدان و البنات سلمو ع ام حمدان و سـاره و عقب سارو بيتهم

    بو حمدان و ام حمدان و ساره و محمد سـارو صـوب فـطامي
    وعقب دقايق و صلو
    بو حمـدان : خوز جاسم
    جـاسم AL Body Guard : : طال عمرك ماتبا حد يدخل عليها !!
    بو حمـدان : الله يسـامحك يا حمـدان
    محمد : ماعليه انا بدش ,, دق دق دق دق فطوم فجي الباب فطوم ,, فطووووووم
    بو حمـدان : فطييم فجي البـاااب !!!
    ام حمـدان : واعليه محد يــرد !!
    محمد : جـاسم بسرعه ييب الكرت مال الحجـره ..
    جـاسم AL Body Guard : ان شاء الله ..
    وسيــده طيـران تحت ,, بسرعه خذا الكرت و عقب سـار فوق ,,
    جـاسم AL Body Guard : تفضل طال عمرك
    محمد فج الباب و دخل ماحصل حد,, سمع صوت المـاي فالحمام ,,
    محمد : دق دق دق فطوم فطوم و,
    فطـامي : ...........
    بو حمـدان : فج الباب !!
    محمد : انا بدش خلك .. دش شـاف فطوم
    محمد صارخ : فطووم !!!! !! بسم الله عليج شو استوالج ,, خذا الفوده و لحفاها ..
    بو حمـدان دخل عندها : بسم الله عليج !!!!!! جـااسم اتصل حق الاسعـاااف بسـرعه !!!
    سـاره وهيه تصيح ويا امها : لاااااا فطوم الله يخليج لاتموتين لاتموتيين



    صوب حمـدان

    مايعرف وين يسيـر و احس انه زيدها من الخـاطر حمـدان : ياربيه ليش انا جي !! شو سوت هيه عشان جي اهزبها !! ,, ياربيه الله يسـتر والله احس انه مستوي شي الله يستـر الله يسـتر ,, سار صوب البحـر وجان ينزل و يسير صوب السيـفه وهوه يفـكر فـ فـطامي وعقب دقايق وصله مسـج من سـاره
    (فطوم فـ المستشفـى )
    حمـدان : شووووووووووووووووووووو !!!!!!! طرشلها مسـج
    حمـدان : ( اي مستشفـى )
    سـاره : ( الامريكي )

    فـ المستشفـى

    فطـامي فـ غرفة العمليـات ,, وتمت 3 ساعات !! و كل حد يحاتيها !! وعقب دقـايق جان يظهر الدكتـور
    محمد : ها بـشر !!!!
    الدكتـور : واللهِ ايدها اليمنـى انفكت ,, طاحت ع فوأ حياتها ,, و الطيحه كانت قويه ,, من شدة الطيحه طاحت فـ غيبوبه ,,
    سـاره والدموع فعينها : شووووووووووو ,,, دكتور الله يخليك قول غير عن هالكلام !!
    الدكتـور : ادعولها !! و سـار
    بو حمـدان : لا حول ولا قوة الا بالله !!!
    ام حمـدان : الله يسـامحك ياحمـدان !!!!!
    سـاره : كله منه !!!!!!! ليش جي يسوي وياها ماسوت شي غلط عشان يهزبها
    عبدالرحمن : ماما وين خاالوووه
    ام حمـدان وهيه تصيح : راقده حبيبي ..
    بو حمـدان : صلو ع النبـي !! و بتقوم بالسلامه ..
    محمد والدموع فعيونه : والله ما شبعت وياج يا اختيه !!!! ويصيـح شرات اليـهال
    بو حمـدان يلوي ع محمد يخفف عليه : ماعليه محمد خلك ريـال !! واتكل ع الله !!

    وعقب دقـايق وصل حمـدان و بسرعه صوب بو حمـدان ,,
    حمـدان : شو مستوي !!!
    سـاره : لو انته ما سويت اللي سويته جان فطـامي الحين هب مستولها شي ,, كله منك !!
    بو حمـدان : ســـاره !! بس خلاص ,,
    حمـدان : فطوم فيها شي ؟
    محمد : فـ غيبوبه !!
    حمـدان : شووووووووووووووووو !! وسـار صوب الدكتور بسرعه ,,
    الدكتـور : يا ابني مابيصيرش تخوشو جوا
    حمـدان : والله ما بسوي شي !! والله ولا برمس ولا بسوي ازعـاج دخلني دخيلك !!
    الدكتـور : اوكيه بس 5 دأايء> دقايق
    حمـدان : مشـكور
    و دخل حمدان صوب فطوم ,, ويشوف كيف حالتها ,, ايدها ملفوفه و الاكسجين و الوايرات و المغـذي
    حمـدان بصوت خفيف : كله مني انا !! والله لو ادري جي بيستويلج جان ما هزبتج !! دمعت عينه و عقب دش محمد ..
    محمد يطبطب عليه : الله كـاتب حمـدان ..
    حمـدان : السموحه منك ولد عميه !!
    محمد : ع شو ,, خلاص حمـدان لاتتأسف الله كاتب هالشي ,, يلا قوم !! سار محمد باس فطووم ع راسها و طلعو !!
    ام حمـدان : شفتوها !!

    محمد : هيه
    سـاره : ابا ادخل !!
    الدكتور : لاء مابيصيـرش الي بيستوي !!
    بو حمـدان : دكتور 5 دقايق بس والله مابنسوي شي
    الكتور : اوكيه !! بدون ازعـاج !!

    عقب دشو داخل و يشوفون حال فطـامي !! ساره و ام حمـدان ما استحملوا طلعو بسرعه و عقب بو حمدان طلع
    بو حمـدان : لاحول ولا قوة الا بالله !!
    محمد : عميـه ,, انتو سيروا البيـت انا بتم وياها
    بو حمـدان : وين بترقـد
    محمد : ماعليه الغـالي ,, بدبر عمري
    حمـدان : بتم وياك ..
    ام حمـدان : ماشي ,,, يلا طوف
    حمـدان وهوه يقوم : ان شاء الله ..
    سـاره : طمنا عليها محمد
    محمد : ان شاء الله
    بو حمـدان : بخلي جـاسم AL Body Guard وياك ,, و تحمل بعمرك
    محمد : ان شاء الله

    روحو قـوم بو حمـدان .. و سـارو دار الظبـي !! بس حمـدان قال بيرقد فـ غرفة فطوم و يالله يالله وافق ابـوه ,, عند حمـدان ..

    تم يدور موبايلها ,, دور دور وعقب حصله داخل الشنطه فجه ,, وشاف مس كول من مريم و عليـا جان يدقلهم .. كانت السـاعه 1 ونص ,,

    مريوم كانت راقده ,, وجان تنش و تشل الفون
    مريوم بصوت تعبان : الو
    حمـدان : هلا مريم ,, بغيت اقولج شي
    مريوم : منو انته !!
    حمـدان : انا حمـدان !
    مريوم : وين فطوم
    حمـدان : فالمستشفـى !!
    مريوم تنط من الخـبر و تزاعج : شوووووووو !!!!!!!!! ليش شو مستوي اي مستشفى ..
    حمـدان : الامريكي ,, مافيها الا العاافية !!
    مريوم : شو مافيها الا العافية ,, بي الحين باي ,,
    مريوم : عليوووه قومي ,, فطوم فالمستشفـى !!!
    عليـا : شووووووووووووو
    مريوم ظهرت من الغرفه سيده صوب ابوها : دق دق دق دق ابويه فج الباب بسرعه !! ابوووووويه
    بو مريم : شووو مستوي !!!
    مريوم : ابويه فطوم فالمستشفـى دخيلك ودني !!
    عليـا : دخيلك ابويه ,, والدموع فعينها
    بو مريم : سيرو انزين لبسو !!
    ام مريم : شو مستوي !!
    بو مريم : فطوم فالمستشفـى !!
    ام مريم : شووووووووووووووو !!! شو استوالها !!
    بو مريم : ماندري انتي تمي ويا راشد و ان شاء الله بطمنـج
    ام مريم وهيه خايفه : الله يستـر ,,

    اشتاق لك لي رحت عني ,, وجيـت عنـدي اكـثـر اشتــاق ,,
    حـبـــك حبيبـي مـالـكنــي ,, وقلبــي لكــم بـ الشوق تواب ,,

    حمـدان جنه شايل كل هموم الدنيـا ,, كان تعبـان من اللي يستـوي ,, صدق اهنيه حس بـ الذنب ,, و تمنـى انه ما قالها شي ,,
    حمـدان : انا ليش جي سويييت ,, كيف الحين بشوفها و بتشوفني ,, بتاخذ فكره عنـيه ,, ياربيه خليها تسامحني ,, بتحط فبالها اني انا السبـب ,, يـاااربيه والله اني ( . . . . . ) كيف ..... و كيف ..... !! اذا تغيرت عليه من الخـاطر ,, بسوي حركـه ,, واذا شفتها تهتم ,, بلعب بـ اعصـابها ,, واذا لعبة بـ اعصـابي ,, افففففففففففففففف ,, شوهالحاله ,, دخل الحمام ريحته شـامبو ,, و كان في بخـار من حرورة الماي و دم اللي ع كل مكـان ,, حمـدان وهوه ينزل صوب الدم وفخاطره يصيـح : ياليتني اعوضج بـ الدم اللي خسرتيه !! غسـل ويهه و خلا عصامته صوب ثياب فطوم و طاح ع الشبريـه وهوه يفـكر بـ فطوم ,,

    صـوب المستشفـى
    مريوم : محمد وين فطوم شو استوالها !!!
    محمد : منو خبركم !!
    عليـا : حمـدان خبرنا
    محمد : فطوم في غيبوبه !
    مريوم و عليـا : شوووووووووووووووووووووو !!!!
    مريوم اغمـى عليها عليـا : مريوم مريوووم قومي نشي !!
    بو مريم يزقر الممرض عشان تودي مريوم الغرفه ,,
    عليـا : محمد شو استوالها قولي دخيلك !!
    محمد : يـوم روحت سارت ويا جـاسم الفنـدق ,, و يوم وصلـنا كان الباب مقفول ,, يوم جاسم يااب الكرت عشان ندش ,, دخلت الغرفه ماحصلتها سمعت صوت ماي ,, دشيت الحمام شفتها طايحه صوب البانيـو و الدم ع الارض ,,
    عليـا اساندت ع الادار و تمت اتصيح : لااااااا مستحيـــل !!!!!
    محمد : الدكتور قال انفجت ايدها لانه يمكن طاحت عليها و حد البـانيو يا ع يمين يبهتها ,, كانت
    الطيحه قويه لانه كان في دم وايد ,,
    عليـا : محمد ابا اشوفها دخيلك ..
    محمد : دشينا انا و عميه و حمـدااان وعقب قال محـد يدش ,,
    عليـا : ياربيــه !! ما اصدق ,, يافرحه ماتمت !! عرفت انك اخوها و الحين مطيـحه فـ غيبوبه !!
    مريوم وهيه تمشي بتعب : ابا اشوفها
    عليـا : انتي شو يايبنج
    بو مريم : تمت تحن عليه مارمت عليها
    مريوم : محمد ابا اشوفها !!
    محمد : مايستوي مريم ,, باجر ان شاء الله تعالي ,,
    بو مريم : خلونا نسيـر ,, وبـاجر بني كلنا ,, يلا فديتكن ,,
    عليـا وهيه لاويه ع مريوم : الله يقومهـا بالسلامه ,,
    محمد + بو مريم : آآمييين ,,
    بو مريم : يلا الغـالي ,, تحمل بعمـرك باجر ياين ان شاء الله
    محمد : ان شاء الله ,,
    بو مريم : فداعة الله
    محمد : مع السلامه ,,

    تم يفـكر محمد انه ايلس ويا فطـامي بس كيف مايدري ,, سـار صوب الدكتور
    محمد : ان شاء الله يوافق ,,
    دق دق دق
    الدكتـور : اتفضـل
    محمد : السلام عليكم
    الدكتـور : يا هلا تفضـل
    محمد : دكتور طلبتك دخيلك لاتقولي لا ,,
    الدكتـور: خير ان شاء الله
    محمد : خلني ايلس ويا فـطامي ولي يسلم والديك
    الدكتـور : انته شو تصيرلها ؟؟
    محمد : انا اخوها !!
    الدكتـور : ابوها وين ,, هذا الرجل الي كان وياكم
    محمد : لا هذا عمها ,, امي و ابويه متوفيـن
    الدكتـور : آآ آسف
    محمد ابتسم : لا عادي ,, بدخلني عندها كنت تنش
    الدكتـور : خلاص اوكيه ,, بس بدون ازعاج !!
    محمد : والله ما برمس ,,

    وعقب سار محمد خذا كرسي عشان ايلس عند فـطامي ,, تم طول الوكت يقرا قرآن و يدعي ربه يقومها بالسلامه لين ما رقد وهوه ماسك ايدها ,,

    الصبـــح ,,

    حمـدان كان فالمستشفـى شاف الكل برع و يصيـح شو السـالفه مايدري ,,
    حمـدان : امايه شوفيكم .. فطـوم فيها شي !!
    محمد وهوه منهـار من الصيـاح : حمـدااااااااااااااان ,, فطـوم عطتك عمرهـا !!!!
    حمـدان : شووووووووووووووو !!!! فطـوم حيـه مستحيــل تموت !!!
    سـاره : فـطامي رااااااحت !! رااحت فـطامي
    مريوم وهيه لاويه ع سـاره : هالمره صدق راحت ,, هب جذب شرات قبل و اتصيح من الخـاطر
    بو حمـدان : اترحمولها !!!
    الكـل : الله يرحمـهـا ..
    حمـدان : كيف اترحملها وهيه هب ميـته ,, لا لا ما اصدق انا ما اصدق > و يزاعج ,, طلع من المستشفـى بسرعه ,, ركب سيـارته و يسووق بسرعه موصل 200 ,, وصل ع الشـارع كانت الاشاره الحين بتستوي حمرا ,, بس هوه طافها وجـان تي شاحنه جدامه ,, وعقـــــــــــب ...............

    "البـــــارت 11 "

    طلع من المستشفـى بسرعه ,, ركب سيـارته و يسووق بسرعه موصل 200 ,, وصل ع الشـارع كانت الاشاره الحين بتستوي حمرا ,, بس هوه طافها وجـان تي شاحنه جدامه ,, وجـااااااااان ...............

    حمـدان شهــق : اعووذ بالله من الشيطان الرجيـم ,, فطـوم !!!! وسيده اتصـل حق محمد ,, بس محمد مارد عليه لانه كان راقد ,, حمـدان كان يحلـم ,, كاابوووس هب حلم !! سـار بسرعه تغسـل ,, و نزل تحت ,, ركب سيـارته و سيده مستشفـى الامريكي ,, وعقب 10 دقايق و صل المستشفـى ,, بو حمدان و ام حمدان وساره كانو فـ المستشفـى ,, وعبدالرحمن كان تحت ويا AL Body Guard والبشـكاره ,,
    كانو كلهم عند فطـوم الدكتور قالهم عادي دشو بس لاتسون ازعـااج ,,
    حمـدان وهوه يركض يشوف يمين يسـار ماحصل حد ,, سـال اذا حد يا عند فطـوم ولا لا قالتله الممرضه انهم داخـل ,, و دش عليهم فجـأه !!

    حمـدان : شحاااالها !!!
    بو حمـدان : باسم بالله عليك شوفيك !!!
    حمـدان : هاا ماشي ,, عينه سيده ع فطـوم الكـل لاحظ كيف يطالعها ,, كله مني !! انا السبب وجان اييلس >> حط ايده ع راسه ..
    سـاره : شرات امس ,, لا تقول جي حمدان ,, الله كاتب هالشي ,,
    حمـدان : عيل محمد وين ؟
    ام حمـدان : ساير يبدل ثيابه ,,

    دق دق دق
    محمد : السلام عليكم ..
    الكـل : وعليكم السلام
    ام حمـدان : محمد وين رقدت امس !!
    محمد : عندها فديتها ياربيه ,,
    سـاره : طاعو يدخلونك ؟؟
    محمد : انا اقنعت الدكتـور ,,
    بو حمـدان : زين بعـد ,,
    حمـدان : سفروها برع !!
    الكـل : ...........
    بوحمـدان : مابنستعيـل بنتريـا شويه ,,

    وعقب نــص ساعه ,, وصلو بو راشد و ام راشد و البنـات ,, دشو عندهم و مريوم سيده عند فـطامي مريوم وهيه تصيــح : فطـوووووووووم نشي دخيلج انتي مافيييج شي !! مافييج نشي بنسير المول دخيلج
    بو مريم : مريم !! بس خلاااص و يودها بيظهرها برع
    مريوم تزعج و ميته من الصياح: مااااااباااااا خلوني عندنا دخيلكم ,, بو مريم ظهرها برع !! و ساره و عليا سارو صوبها يخفوون عليـها ,,

    تمو اسبــوع و نص هم ايون عند فطـوم يتمنون يسمعون خبـر يفرحهم !! بس للأسف ,, حمـدان لا اكل ولا شرب .. و محمد نفس الشي ,, محمد عايف حيااته من اللي يستوي ,, كان فـ خاطره يكون هوه ولا فـطوم,,

    يوم الاثنين الفير فليل السـاعه 2ونص فليل,, كان محمد عدال فطـوم ميلس و ميود ايدها ويلعب فـ شعرها ,, يطالعها و فخاطره يسمع تقول شي ,, حط راسه ع جتفها بـ الخفيف بـااس ايدها و تم ميودنها و عقب 5 دقايق محمد حس بشي !! فطـوم رصت ع ايده ,,فــز من مكــان !!!محمد : فطوم !! تسمعيني غناتيه
    فطـامي : ............
    محمد : فديتج فطوم قولي شي (دمعت عينه ) قووولي شي ريحي قلبي دخيلج !!
    فطـامي: ............
    محمد : معقوله اتخيـل انه رصت ع ايدي ,, لا لا مستحيــل ,, فطاامي حبيبي تسمعيني دخيلج قولي شي ..
    فطـامي بصوت خفيييف : همممممم
    محمد دموع الفرح فـ عينه : فطوم حبيبي !!!! فطامي

    فطوم تحاول تفج عينها بـ صعوبه ,,
    محمد : حمــدالله ياربيه ,, فطوم حبيبي شحالج
    فطـامي : مـ اا ا ي ..
    محمد سـار صبلها ماي و شربها : خذي فديتج بالعافية ,,
    فطـامي : انا وين ! شو استوالي ؟
    محمد : استريحي عنيـه افدااااج !! بزقر الدكتوور ,,

    طلع من الحجــره وهوه طاير من الفـرح ,, حصل الدكتور كان بيدش الغرفه ,,
    محمد : دكتوووور نششششت !! نششششششت
    الدكتـور : والله ,, الحمـدالله ,,

    زقر الممرضه و سـار شاف فـطامي ,, فحصـها ,, و حصل كل شي ترتووووووب ^_^
    محمد : ها دكتووور !! بشر
    الدكتور : لا لا دي زي الفـل !!
    محمد : الحمـدالله ياربيه
    فطـامي : ابا اطلع !!
    محمد : جب شو تطلعين قري مكـانج !!!
    الدكتور : ههههه ليه كدا بدك تخرجي بسرعه ,, ماعليه يومين ,, 3 يوم بتكونين زي الفـل هنظهرك ..
    فطـامي وهيه ماده بوز : انزيييين ,,
    الدكتور : حنان ,, ساعدي فـطامي اذا بدها تاخذ دوش
    الممرضه : من عيوني
    فطـامي : هيه الله يخليج ابا اتسبببببببببببح احس اني وصخه من الخـاطر !! اهيء اهيء مابغيت اطيح الا ع يبهتيه ابا اغسل شعريه
    الممرضه : ههههههه ,, ماعليكي حبيبتي انا حـ تصرف ,, عندك اهدووم ؟؟
    فطـامي وهيه تشوف محمد
    محمد : عيوني لج ,, بخلي حمـدان ايبلج
    فطـامي : والله ان يبتلي طاريه ازعل عليك !!! قسم بالله !!
    محمد استغرب !! : ان شاء الله بخلي سـاره تيبلج باجر ,,

    الممرضه تسـاعد فطـامي عشـان تسير الحمام ,, وعقب محمد اتصل حق عمه و بشـره بـ الخبـر الحـلو ,, وقاله انه فطـامي تبا ثيـااب ,,
    بو حمـدان : من عيوني والله ,, بـاجر الصبـح بنكون عندها
    محمد : خلاص تم ,, فداعة الله ,,
    ام حمـدان : منو متصـل هالوكت !
    بو حمـدان : بنت اخويه نشـت يـا شواخي ,,
    ام حمـدان : والله !! الحمـدالله يارب !!
    بو حمـدان : اسمعي ,, باجر بنش من الساعه 7 ,, قبل لا نسير المستشفـى بمر عند حمـدان ,, سيري خذي ثيـااب حق فـطامي ,, انتي و سـاره ,, وانا بترياكم
    ام حمـدان : من عيوني ,,
    بو حمـدان : تسلـم عيونج فديتج ,, وبـاسها ع خدها ,, منزمان ما غازلتج !!!!! احبج ..
    ام حمـدان استحت : حموووودي عاااد و تلحفت ,,
    بو حمـدان : فديت اللي يستحووون ,,

    ههههه ردو كمن سنه ع ورا لوول ايام العرس =p لوووول ,, بو حمـدان و ام حمـدان رقدو و قلبهم مرتاااح من الخاطر ,,

    صوب محمد و اختــه فـطامي,,
    محمد : نعيـماً فديتج !!
    فطـامي: آآآخ راسي ,, الله ينعم عليك فديتك ,, تعااااااال حمووود لك وحشه قسم بالله
    محمد لوا عليها من الخـاطر : فديتج ولهاان عليج من الخـااطر ,, مابغيتي اطيحين الا فـ اليوم اللي عرفت انج اختيه !!!
    فطـامي وهيه امبوزه : شوتباني اسوي !!
    محمد : خلاص ماعليه المهم انج بخيــر ,,
    فطـامي عطته بوسه من الخـاطر ع خده : وااايه فديييت روحك انا
    محمد : ياويل حااليه ,,
    فطـامي : ههههههه ويا هالفيــس ,, آآخ ايدي تعورني شو اسوالها ,, تعال اصلا شو استوا !!
    محمد : الله يسلمج ,, سرنا صوب غرفتج تمينا ندق الباب مارديتي يبنا الكرت الغرفه ,, و يوم دشيت ماحصلتج ,, سمعت صوت الماي ,, دخلت و شفتج طايحه ع الارض
    فطـامي شهقت : اويييييييييييه شفتني وانا بدون فوووده !!!! والله كنت بسيير ايبها >> قفطت
    محمد : جب انزين ويا هالراس ,, زين اني دشيت تبغين عميه يشوفج جي !!
    فطـامي : لا لا ,, انزين وبعدييين !!
    محمد : ماشي وديناج المستشفـى و انتشر الخبر
    فطـامي وهيه حايسه بوزها : حمـدان ياني !!
    محمد : حمـداان تخبل يوم عرف انج فالمستشفـى
    فطـامي : غربلاته !! شو يبا بعد فيني ,, يبا يهزبني زياده !!
    محمد : بس فطوم !! ها ولد عمج ,, والله حاس فيه ,, من اسبوع وهوه مداوم عندج من الصبح لين فليل و فليل سير الفندق صوب غرفتج ,,
    فطـامي : نعـــــــم !!!! حمـدان يرقد فـ غرفتي !!
    محمد : لاتفهمين غلط ,, بدال ما كل يوم يسير دبي ,, رقد هناكي ,, لين مانشين
    فطـامي فـخاطرها : شو يبـا ها !! تخبــل ,, ههههههههههههههه بتشوف ياحمـدان الايام بتمر بسرعه
    محمد : وين وصلتي ؟؟؟
    فطـامي: هاااا لا ماشي ,, تعال ليش جي غادي ويهك !! يلوع بالجبد !! من متى هب متحلق !!


    محمد : اسبوع ,, هب من شي !! منج انتي !
    فطـامي : الصبــح اباك تسيـر تتحلق و تتكشخ حقـي !!! اوكييييييييييه !!
    محمد : تعالي اضربيني بعـد
    فطـامي حطته بوسه : هاي ضربتي حلوه
    محمد : الا تخبــــل
    فطـامي: هههههه فديت روحك .. حطت راسها ع جتفه
    محمد : فديتج خذتي دواج اللي ع الطاوله ؟
    فطـامي : هاا !! لا
    محمد : حماره ,, نش وسار ياب دواها و الماي , خذي فديتج ,, بالعافيه غناتي
    فطـامي : الله يعافيك ,, خذت الدوا

    عقب سارت اطيح ع الشبريه

    محمد : فديتج ارتاحي شويه ,, عشان خاطريه
    فطـامي : هممممم انزين العب بشعري لين ما ارقد
    محمد : هههه فديتج والله ,, من عيوني ,,
    تم محمد يلعب فـ شعرها لين ما رقــدت وعقب دقايق رقد هوه

    الصبـــح يوم الاثنين ساعه 7 الصبـح ..

    بو حمـدان قام من الساعه و سار اتسبـح وعقب سـار يوعي سـاره ,,

    بو حمـدان : دق دق دق سـااره !
    سـاره : ......
    بوحمـدان دش عندها : ساروونه
    سـاره : هممم
    بوحمدان : قووومي بنت عمج نشت
    سـاره فزت من مكانها : هاااا ,, شو تقوووول !!
    بو حمـدان يلس ع الشبريه : هيه فديتج ,, يلا قومي تغسل عشان نسير عندها
    سـاره : اوكيه فديييتك ,, تقول فخاطرها : مستانسه من الخـاطر ,, فديتج فطوم لج وحشه من الخـاطر
    بس حمـدان شو بيسوي اذا درا انه فطوم استوت بخيـر ,, و فطوم شو بتسوي لو حمدان يا عندها !! الله يستــر بس ,, دخلت الحمام تسبحت ع السريع و عقب ظهرتلها تنوره حمـرا و قميص اسود ,, لبست و تجحلت وحطت قلوز ,, ونزلت تحت

    سـاره : صبااح الخيـر ياحلوين ,, حبيبي حمااني فديت روحك والله باسته ع خده
    بو حمـدان + ام حمـدان : صباح النور
    سـاره حبتهم ع راسهم : شحالكم ؟
    بو حمـدان + ام حمـدان : يسرج الحـاااال
    سـاره تصبلها عصيـر : بتخبـركم لاتتمايطولي بسرعه خلصـوا !! بسكم اكل
    ام حمـدان : هههههههه ,, نحنا مخلصين بس نترياج
    سـاره : افا عليج انا روحي هب مشتهيه شي ,, بشربلي عصير و بأكلي خبز و زيتون و لبنه
    بوحمـدان : ماشالله كل ها و هب مشتهيه شي !!
    سـاره : ابووووووويه !!!!!! انا هب شراتكم باكل خبز و عسل و حليب و عصير و و و و و و ..
    ام حمـدان : ههههه كلي كلي فديتج بالعافيه ,, انا بقوم بلبس عباتي ,, تحملي ع حمانوه
    سـاره : ان شاء الله
    بو حمـدان : وانا بسير احر السيـاره ,,
    عبدالرحمن : لا لا > ساره ,, اتيني ها >> يبا لبنه ..
    سـاره : اوكيه ,, تمت تأكله وعقب سارت غسلته و سـارت لبست عباتها و ظهرت برع ودقايق يت
    ام حمـدان ,, و سـااارو دبي دار الحـــي ,,

    فالسيـاره ,,
    بو حمـدان يتصل حق حمـدان تم يدق بس مارد عليه ,, قال اكيد راقد ,, تم يدق لين ما نش ,,
    حمـدان بصوت تعبان : الوو
    بو حمـدان : شو راقد ؟؟!!
    حمـدان : هاا ,, هلا ابويه ,, هيه كنت راقد
    بو حمـدان : قووم انزين ,, بنت عمك نشت
    حمـدان فز من الخـاطر و صرخ : شووووو ,, فطوم نشت !!! يلا يلا باي .. سكـر عن ابوه من الفـرحه
    بو حمـدان : اشهد انه لا لله الا الله !! بلاااه ولدج استخــف !! اعووذ بالله ,, حشى ..
    ام حمـدان + سـاره : ههههههههههههه ..
    ام حمـدان : حرام عليك ,, خله فرحـااان ,, خبرته اييب ثيــااب حق فـطامي !!
    بو حمـدان : ياخوفي اللي فبـالي .. هاا لا لا ماخبرت .. زين انج خبرتني ,, رد اتصل حق حمـدان
    سـاره فخاطرها : لا تخاف ,,, صح اللي فبـالك ..
    بوحمـدان : الوووو


    حمـدان : هااا ابوويه ,, انا بدش الحمام بعدين بتصل ..
    بو حمـدان :يا الخمـااااام !! تريـا شويه عنبو ماكملت رمستني ولا فجيت حلجي ,,
    حمـدان : آمر شيخي ..
    بو حمـدان : ييب ثيـاب حق بنت عمك ,,
    حمـدان : افا عليك ,, بيب كل الثيـاااب الموجوده ..
    بو حمـدان : خيبه هيه ما بترقد هنااكي ,,
    سـاره : ابويه عطني ها غبي شكله بيبلها ثيـاب مال العرس ,,
    بو حمـدان عطا ساره الموبايل ..
    سـاره : حمداانوه ,, يبلها ............................... اوكيه لاتزيـد
    حمـدان : خلاص ماعليه ,, اجلبي ويهج ..

    سـاار الحمام اتسبح و اتكشـخ ,, لبس كندوره بيـج و عصـامه حمرا (سـاره يايبه ثيـااب حقه مايبا يرد بوظبي ) و طلع شعره شويه ,, و تعـطرر و حط الدهـن عود ,, و طلع Hand Bag و حط الاغراض اللي قالتله سـاره عنهم .. وركب سيـارته و سـار صوب المستشفـى ,,

    صوب السيـاره,,

    سـاره اتصلت حق مريوم و خبرتها بـ الخبـر الحلـو ,, واستانسو كلهم ,, وقالتلها العصـر بني عندها

    فـ المستشفـى ,,
    محمد كان راقد بعده ,, اما فـطامي نشت من وكـت لانه ماكان فيها رقـاااد ,, زقرت الممرضه ,, ودتها الحمـام ,, وعقب محمد نش

    فطـامي وهيه طالعه من الحمـام : صبــااح الورد يا حوبي
    محمد : صبـاح النور يا نوري
    فطـامي : هههه فلم مصري ,, شحالك فديتك ؟
    محمد : يسرج من اشوفج ,,
    فـطامي : فديت روحك انا والله .. حمودي ابا اسير اتريق ..
    محمد : بخليهم ايبولج الريوق اهنيه
    فطـامي : لا ابا اشم جوووو
    محمد : جب ماشي ,, بدش الحمام الحين و بخليهم ايبون ريوق حقي و حقج اوكيه حبيبي
    فطـامي : خلاص ماعليه ,, عطني موبايل ابا ارتبش شويه ..
    محمد : ههههه خذي ولاتفتشين
    فطـامي : افا عليك
    محمد : الله يستـر ,, ودش الحمـام ,,
    فـطامي حطت السماعه وتمت تسمع اغاني : عنبو مافي شي يفتح النفـس ,, وعقب حصلت اغاني حلوه وتمت تسمع ,, جان اطيح ع الشبريه بس خلتها شويه مايله ,, >> شبه يالسه ..

    دق دق دق دق دق
    فطـامي : صبـرووو !! >> لبست شيلتها ,, ادخـل
    حمـدان : السـلام عليكم
    فطـامي فخاطرها : حمـدااااااااااااااااااااان !!!!!!!!!
    فطـامي : وعليكم السلام و الرحمه الله
    حمـدان ينزل الـ Hand Bagويتقرب من فـطامي : سلامتـج يا بنت العـم ,, شحالج الحين ؟ ان شاء الله بخير ؟
    فطـامي بدون نفس : الله يسلمك ,, زيييييييييينه !
    حمـدان فخاطره : خيبه !! بلاها جي ترمس : فطامي ها اغرااض حقج ..
    فطـامي فخاطرها : هب جنه قلت مابااااه ايبلي اغراضي افففف : مشكور
    محمد يظهر من الحمام يوم شاف حمدان فخاطره يضحك ع ويه فطوم ماده بوز و لايعه جبدها : ااوووه حمدان هنيه ,, له له له نعيمـاً محلو كل ها حق فـطييم ( وهوه يطـالعها ) >> غياض
    فطـامي صوت خفيف : هرم قسم بالله ..
    حمـدان : ههههههه
    محمد : شحالك ؟
    حمـدان : يسرك ومن صوبك
    محمد : بخيــر والله يسرك الحـال ,, صد صوب فـطامي شاف Hand Bag ,,
    محمد : انته يايب الثيـااب
    حمـدان : هيه ,, ساروه دقت و قالت ييب هذا وهذا وهذا
    فـطامي فخاطرها : غربلات العدو فشله اففف بصيح
    حمـدان : ها فطوم شخبـارج الحين احسن من قبل
    فطـامي : ماعرف والله الصبح كنت بخير بس الحين هب بخيـر ,,

    و صدت الصوب الثاني
    محمد قفـط و تم يشوفها و خاطره يفلعها بشي
    حمـدان فخاطرها : خيبه خيبه خيبه بلاها هاي بصفعها قسم بالله !!
    فطـامي فخاطرها : ماودي اعاملك جي بس اللي سويته هب شويه وعقب جسفت ريلها خلتها ع فوق و حطت ايدها ع ركبتها وعقب حطت راسها ,, و صدت الصوب الثاني و تمت تذكر شو استوا ,,

    محمد : ليش وين حمـدان
    فطـامي وهيه تصـارخ : جهــــنم !! شعرفنيه فيه
    الكـل استغرب
    بومريم : فـطامي عيب عليج ها ولد عمج
    فطـامي : ولد عميه ع العين و الراس بس هب يتم يفاتن عليه !!
    حمـدان سمع فـطامي يوم قالت جهنم : جهـنم تاكلج ان شاء الله
    بو حمـدان : ايييه ايييه بلاكم انتو !! شو مستوي
    فطـامي : عميه والله ماسويت شي ,, ماشالله و الشيـخ حمـدان ميلس ع الكرسي يقولون هوه الحرمه وانا الريـال ,, مايقول عطييني الورقه انا بطلب وانتي ايلسي ,, يوم كنت اطلب ولدين دشو و تمو يسوولي حركات
    انا شو اسويلهم اعطي كل واحد كـــف عشان يسكتوون !! ومايقـول شي يوم شبعـو من المغـازل يرمسهم ,, وعقب قالي ان ما تغشيتي ياويلج ,, جييه انا شو مسويه عطيتهم رقمي وانا مادري ولا حبيتهم !!
    حمـدان : اقولج يوم بترمسين ارمسي عـدل !!
    فطـامي : والله ما قلت شي ,, وانته تعال ,, بلاك منجلــب عليه ,, من دريت اني بنت عمتك متغير عليه جي ماكله حلالك وانا مادري ,,
    محمد : فطوم انجبي !!
    فطـامي : شو انجبي انته الثـاني جيه هوه الصح وانا الغــلط ,, عمييه ليش ماترمــس ! قول شي
    حمـدان : طبعـاً مابيقول شي لانه انتي الغلــط
    فطـامي : مالت عليك !!
    حمـدان ويقبضها من شعرها : نعـم !! شو قلتي !! انا ابويه ماقالي مالت عليك تيـن انتي و تقوليلي ,,
    فطـامي : اييييييييه تعورني هدنيه
    محمد وهوه يفج عن حمـدان : اييه وين يالس انته ,, ولا جنه حد ميـلس هنيه ,, استحو ع ويوهكم
    فطـامي والدموع فعينها : ياليتني ماعرفتكم كلكم وتميت بروحي احسن وطلعت عنهم بسرعه ,,

    و دموعها اربع اربع و فخاطرها تصرخ من الخـاطر ,, محمد صاصر حمدان انه بيسير اييب الريوق حقها ,, تمو هم الثنين بروحهم ,, حمدان سار الصوب الثاني و ياب الكرسي و تم يشوف فـطامي كانت سرحانه ..
    حمـدان : ليش هالدموع !!
    فطـامي : .....
    حمـدان : فطامي !!
    فطـامي حست انه هوه عدالها و مسحت دموعها و اعتدلت : ها لا ماشي ,, (خافت) وين حمود !! وييينه ليش انا وانته بروحها اطلع ,, اطلع برررررررررع !!!!
    حمـدان : شوفيج ؟ انزين انا ولد عمج .
    فـطامي: ماعندي ولد عم يضربني و يرفع صوته عليه !!!!!
    حمـدان : فـطامي انا آسف .. و وعد ما اعيدها مره ثانيه صدقيني
    فطـامي : جـاااااااااااب !!! شو آسف عقب شو و هيه اتصيح من الخـاطر : اللي سويته هب شويه ,, بدال ما تي و تهزب الاولاد من قبل هب احسن ,, ليش انا شو سويت عشان اتم تهزبني !!! انا اللي غازلتهم !! ها ها قوول انا ,,
    حمـدان : انزين السموحه !
    فطـامي : لا ياحمـدان .. مالي شغل فيك ولا لك شغل فيني ان شاء الله لو امووت ما تي تعزي !!! خلاص (سكتت شويه) وعقب نزلت راسها و الدموع فعينها جان ترفع عنونها :

    خٍّلاٍّصٍّـٍّ يٍّـٍّـٍّاٍّ حٍّمٍّـٍّدٍّاٍّنٍّ عٍّـٍّـٍّـٍّاٍّفٍّكٍّـٍّ اٍّلٍّخٍّـٍّـٍّاٍّطٍّرٍّ

    واذا تبين تكملة سيريمنتدى غرام
    http://forums.graaam.com/58628-6.html






  5. #15
    عضو فضي
    الصورة الرمزية ! منسيهـ!
    الحالة : ! منسيهـ! غير متواجد حالياً
    رقم العضوية : 40367
    تاريخ التسجيل : 15-08-09
    الدولة : الـإمـ .. ـآآرااتـ}..
    الوظيفة : طـُـأإأإألبـ .. ـة
    الجنـس : انثـى
    المشاركات : 440
    التقييم : 38
    Array
    MY SMS:

    حال قلبي ف العشق مثل من قال وصدق طول عمره ماتبخر ثم تبخر واحترق}ْ..........

    افتراضي رد: آه من قلبن //~


    تسلمين حبووبة










  6. #16
    عضو فضي
    الصورة الرمزية وحـيـ بدنيتي ــده
    الحالة : وحـيـ بدنيتي ــده غير متواجد حالياً
    رقم العضوية : 43974
    تاريخ التسجيل : 17-10-09
    الدولة : داار الحي
    الوظيفة : طـــــــــــالـــبــه
    الجنـس : انثـى
    المشاركات : 404
    التقييم : 52
    Array
    MY SMS:

    ·#·$7•·$13•·$6•·$1·$6[c=13] {[/c] سبح ـِـِـِآن الله وبح ـِـِـِمدهـ } ·$6•·$13•·$4•·#·$7•·$13•·$6•·$1·$6[c=13] {[/c] سبح ـِـِـِآن الله العظيمـ } ·$6•·$13•·$4•

    افتراضي رد: آه من قلبن //~


    عفو






صفحة 2 من 2 الأولىالأولى 12

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. قلبو-عيسى عبدالله
    بواسطة بنت الشيوخ 2003 في المنتدى معرض المواهب و الابداع Fair talent and creativity
    مشاركات: 8
    آخر مشاركة: 16-01-03, 09:23 PM
  2. يا ويل قلبن اذا حل طاريك [ روايه إماراتيه ]
    بواسطة noOona في المنتدى قصص الطويلة , الروايات
    مشاركات: 74
    آخر مشاركة: 15-11-15, 02:10 PM
  3. آه من قلبن غدا حبه جنوني
    بواسطة ~ لصمتي كلام ~ في المنتدى قصص الحب و الرومانسية و الغرام و العشاق
    مشاركات: 27
    آخر مشاركة: 12-04-12, 06:43 PM
  4. قلبن قبظته لا ترص أحكامه
    بواسطة الطيبة في المنتدى منتدى الوسائط Media Forum
    مشاركات: 4
    آخر مشاركة: 12-01-27, 11:08 AM
  5. عظم الله أجر قلبن ذبحته
    بواسطة الطيبة في المنتدى منتدى الوسائط Media Forum
    مشاركات: 4
    آخر مشاركة: 11-08-12, 08:51 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •