تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 2 من 2
  1. #1
    عضو جديد
    الحالة : UaeSecurity غير متواجد حالياً
    رقم العضوية : 48648
    تاريخ التسجيل : 18-11-09
    الجنـس : انثـى
    المشاركات : 1
    التقييم : 10
    Array

    افتراضي هام جدا..شركة نصب واحتيال بالعين



    السلام عليكم ورحمة الله وبركاته
    مؤسسة مجموعة 8 تأسست في سنة 2006 مقرها العين
    شركه خاصه وفاشله وكلها أوهام بأوهام
    مسوين نفسهم عندهم أفرع وايد وهو كله كذب بصراحه ولا شي منه
    رواتبهم فاشله أونه 2000 درهم 6 شهور ويقصون ع بنات خلق الله
    أصلا هم لو فيهم خير جان وظفوا شباب
    لكن هم يوظفون بنات لأن شافوهن ساكتات وما يطالبن بحقوقهن
    والله ولا يعطون رواتب ولا غيره
    وأرباحهم كلهاا مصخره هم ياخذون الربح ولا يعطون حتى نسبة 1% بالمية ما يعطون
    وعلى فكره أصحابها أشخاص إستغلاليين وأعمارهم تقل عن 25 سنه
    يعني مب كفو يديرون شركه وايد عليهم يديرون حضانة أطفال
    وأزيدكم من الشعر بيت تراهم من جنسية غير إماراتية
    بصراحه أنا مقهوره منهم لأني جربتهم ونص اربيعاتي نفس الشي
    من سنة 2006 ما ثبتوا حد عندهم وكله مواعيد جذب ف جذب
    والله يا بنات تحذروا وأنا أنصحكم نصيحه لا تشتغلون وياهم
    تراهم ياخذون طاقة البنت وقدراتها ومهاراتها ومن يشبعون يشوتونها
    وأنا وصلني مسج عنهم وبصراحه أنصدمت صدمه كبيره وعلى طول أستقلت
    بكتب لكم المسج وأقروا بروحكم
    وبصراحه أنا نشرته خوفا على بنات الناس من أفعالهم الإستغلاليه
    وأتمنى تنشرونه سواء إيميل أو مسج لأن بصراحه حراااام بنات الناس يتحطمون
    عموما هذا المسج :

    (( شركة مجموعة 8 شركة فاشلة مقرها العين شارع خليفة ،، يسوون إعلانات بالجرايد عشان يستقطبون أيدي عاملة
    ويشرطون على اللي يتوظف عندهم تدريب 6 شهور براتب 2000 درهم وقبل نهاية 6 شهور يسوون إقاله للموظف
    عشان ما يعطونه حقوقه ومكافآته ويوظفون شخص ثاني بنفس الشروط ونفس الحركة ،،
    شركة أساسها الإستغلال والربح والربا وأصحابها ناس مستواهم داون ،، وأنصحوا خواتكم وبناتكم ما يتوظفون في هالشركه ،،
    وإنشروا لعموم الفائده ))

    هذا المسج اللي وصلني عنهم وبصراحه كلامهم صحيح 100% اللي كتبوا المسج
    أخواتي نصيحه مني لكم ولمصلحتكم
    ترا هالشركه مالها مستقبل ونهايتهم قريبه بإذن الله
    لأن إستغلال الناس حرام وربنا ما يرضا بهالشي
    والحين مسوين مشاريع فاشله ويدقون ع بنات الناس عسب يشاركون وياهم
    بنات لحد يشارك في مشاريعهم ترا شركتهم سمعتها سيئه جدا
    أقسم لكم بالله بكل كلمه قلتهاا إنها صحيحه وعن تجربه وعن شهاده
    وأعرف عنهم بلاوي ومصايب والله بس الله يستر عليهم
    بعيوني شفت كل شي ويعلم الله ما زودت كلام من عندي
    هم يسوون إعلانات من فترة لفترة يبون موظفات
    وهذا أكبر دليل على أنه محد يتثبت عندهم نهائيا
    وأزيدكم من الشعر بيت تراهم مسوين كاميرات بالصوت بالإضافه إلى أن خطوط التلفون مراقبه
    تعرفون ليش يسوون كل هذا ؟ عشان أي زله تسويها البنت على طول يقيلونها
    وطبعا بعد الأقاله مالها أي حقوق عندهم حتى لو اطالبهم
    وعندهم نظام الراتب عن طريق الشيكات ، تدرون ليش شيكات ؟
    عسب يوم تسير الموظفه تبا تصرف الشيك يطلع حسابهم بدون رصيد
    وعاد بتم البنت تراكض وراهم مراكض وبالآخر يقيلونها عسب ما تاخذ حقوقها
    ما أقول غير حسبي الله ونعم الوكيل فيهم كيف يستغلون بنات الناس
    الحذر ثم الحذر ثم الحذر يا بنات لا تعطون حد فرصه إنه يحطم طموحاتكم
    والسموحه ع الإطاله

    منقوووووووووووووووووووول للفائده








  2. #2
    كــآســر آلهــم
    الصورة الرمزية amir257
    الحالة : amir257 غير متواجد حالياً
    رقم العضوية : 101
    تاريخ التسجيل : 11-01-08
    الدولة : امآرآتي و آفتخر .
    الجنـس : ذكـر
    المشاركات : 9,767
    التقييم : 1974
    Array
    MY SMS:

    كل إنسان معطاء .. هو إنسان محب

    افتراضي رد: هام جدا..شركة نصب واحتيال بالعين


    مرحبا ,
    احسه من الرسائل اسبام الغرض منها جمع ايميلات .
    +
    هذا معهد تعليمي و قوانينا تنص على عدم تشهير او اساءة لاي شخص او مؤسسة .

    اعتذر عن اغلاق و لا حول و لا قوة الا بالله انتبهوا يا عيال زايد .







معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. هام جدا الى جميع الاخوه العرب وبالاخص السعودين: نصب واحتيال
    بواسطة ابو جابر في المنتدى المنتدى العام General Forum
    مشاركات: 2
    آخر مشاركة: 11-10-07, 03:45 PM
  2. حروف لا تقرأ بالعين بل بالقلب
    بواسطة الطيبة في المنتدى المنتدى العام General Forum
    مشاركات: 10
    آخر مشاركة: 11-08-22, 11:36 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •