الجزء السادس.............
يعد 4 أيام ياء موعد سفر بو راشد وأم راشد وقلبهم يتقطع على فراق عيالهم لأن ها أول مره يبعدون عن بعض
ام راشد:ياله بشور هله هله بعمرج ما وصيج عاد
بشور:انشالله امايه
ام راشد:وأنت بعد راشد هله هله فأختك
راشد:فعيوني لاتوصين
بوراشد:ياله أبويه دير بالك على أختك وأنا كل شهر راح أرسل لكم المصروف كلأن على حسابه اوكي وقبل لا أنسى أنا قلت لعمكم يفتح لكم حساب بالبنك
راشد:أنشالله ابويه روح وأنت مطمن بشور فعيوني أنشالله
بوراشد:شو ماتبين تودعين حمدانج بباتج
بشور جانت حابسه دمعتها بس ما رامت أول ما لمت أبوها جأن تنفجر من لصياح وبوراشد بعد مارام يمسك عمره ودمعت عيونه حمدان أول ما جافها تبجي عوره قلبه عليها مع أنه أول مره يعوره قلبه على شي أو يحس وهو فنظر بشور ماعنده مسؤليه أبدا وما يحس وما يعتمد عليه المهم سافرو الجماعة فذاك اليوم وظلت بشور مضايجه وايد ومالها خلق ترمس ويا احد
هزاع:بشور راشد بلاكم جي
فطوم:هيه والله خلاص قولو الله يحفظهم
شويخ:والله اشكالكم ملل جي وبعدين أنا اليوم بسير بيتنا يعني ها ألوداعيه جي
راشد:ها أول مره يكونون بعاد عنا جي
هزاع :خلاص راشد أنزين لين متى بتظلون جي والله حرام
فطوم:ياله عاد زين اشو رأيكم نظهر نتمشي ونتغدا برى
بشور:أنا مآليه خلق
هزاع :ياله بشور وبعدين عشان خاطر شويخ صرها آليوم بتسير
بشور:إذا على جي اوكي بس بشرط
فطوم:شو
بشور:مايسير ويأنا حمدان
راشد:ليش
فطوم : وهي مرتبكة ماشي تعرف أختك ما داني الملاغه وحمدانوه مليغ لأخر درجه
راشد:وهو يطالع بشور اها
هزاع:أصلا حمدان ظاهر برا وياء حميد
بشور:إذا جي تمام
المهم سارو برا يتغدون وتمشوا على الكورنيش والكاسر وتمو فيه يجوفون الجتسكي هزاع وراشد سارو يصلون العصر بالمسيد وتمن البنات على الشاطي مر و شلت شباب عندهم جتسكي
مايد:شو بنات تركبون ويأنا بس ترا آلي بتركب لازم تخل أيدها على خصرتيه ها شو قلتو
بشور: وهي تهمس لفطوم والله خاطريه اركب
فطوم:شو انتي من صج ترمسين والله الحين يرجعون راشد وهزاع ويمرغونج مراغ لين ما تقولين بس
بشور:لا يابويه ما نبي خلاص
شويخ:مشكور مأنبي
احمد:مايد شوبلاك أنته ها بنات عرب وين يركبون وياك
مايد:أنت خلني أجرب تمو ربعه يجوفونه وهو يرمس البنات
ها اشو قلتن
فطوم:أنت ما تسمع قلنا لك مشكور
ويا حمد :السلام عليكم خير شو صاير مايد
مايد:ماشي نحاول فها الغراشيب يركبن ويأنا
حمد:والله أنك هب صاحي عيب عليك مايد
مايد: سير عنيه بس زين بنات ما عرفت اشو اساميجن
بشور:والله أنك ما تستحي مالت عليك وتصفق بيدها مالت
جأن ترفس فطوم التراب على ويه سأرن صوب السيارة
ويضحكون عليه ربعه
حمد:ههههههههههه هههه والله أنك تستأهل هههههههههه
فخاطره مشالله عليجن الله يحفظجن
مايد:والله اوريجن
حمد:اشو بتسوي عاد خلاص البنات راحن مايد أنت ليش تسوي جي عيب والله عيب الله يهديك بس وسار عنه
شويخ:إلا بتخبرجن أنت فيجن عقل لمن سويتن جي الحين لو جان رابع ورآنا اشو بنسوي ترانية مافينية حيل اركض وأول وحده بيمسكنيه بعدين اشو بنسوي
بشور:ماراح نسوي شي وبعدين أصلا مايروم يسوي بنا شي بس مرت فباليه ها الحركة وقلت أسويها ولو جان رابع ورآنا والله اتصل بشرطه
شويخ:لين ما توصل الشرطة عاد هو قطعنا قطعة قطعة ترى والله قوية الحركة وبذات جدام ربعه
بشور:خله عسب مايروم يسويها مره بعد
فطوم:والله أيدي ترتجف
شويخ:والله ابيخ موقف مر عليه فحياتي
ويضحكن وحدرو راشد وهزاع من المسيد بلاكن ليش رجعتن
فطوم:ماشي ملينا ياله أنسير
هزاع :ياله وهم سايرين جأن يمررون عدال الشاطي وهم يشوفون الجيت جأن يي مايد ويعفد السيارة بالماي ويصارخ هزاع :اشو ها والله لا وريك يالجلب
راشد:خله يولي عنك ها واحد جاهل خله
هزاع:والله لو هب أنته ويايه جأن وريته
راشد:ياله نسير وراء بشور وفطوم وشويخ تجمدن من الزيغه لمن جافن هزاع تحرك بسيارة تمن يضحكن وبعدين تمن يضحكن راشد وهزاع جأنو مستغربين بس عدو الموضوع

(ترى ها الموقف صار ليه صدق عند خواتيه )

لمن اوصلو البيت جأن منصور ينطر شويخ وجأن يالس وياه حمدان حدرن البنات البيت إما راشد وهزاع تمو يسولفون ف الموتر
شويخ :السلام عليكم
منصور:وعليكم السلام
بشور وفطوم:منصور شحالك
منصور:بخير وسهاله الحمد لله
شويخ:اشو من مساع تنطرنيه
منصور:لا تونيه حادر ها بشور اشو اخبارج
بشور: الحمد لله ألا بتخبرك يعني لو هب شويخ تأمه ويأنا جنا ما جفناك
منصور:لا والله منو قالج أني ياي عسب شويخ أنا أصلا قلت بسلم عليكم بعد تعرفين ذيج المرة ماصارت فرصه لأن حريم جأنو بالبيت بس رسلت لج سلام ويا راشد
بشور :هيه خبرنيه
منصور:جي طلعتكم أنشالله استأنستو فيها
شويخ:هيه وايد صراحة
بشور:المرة آليايه أنشالله لازم تكون ويأنا عسب تكون أحلا وتطالع حمدان آلي ميت من القهر فخاطره أش معنى إنا ما بغتينيه أي وياكم
منصور:أنشالله ياله شويخ نسير
فطوم :وين ماشربت شي
منصور مشكورين حمدان ما قصر من مساع
سارت شويخ تيب إغراضها ورجعت ياله وداعت الله هله هله بعمارجن
بشور:وأنتي بعد
شويخ:فطوم ما اوصيج على بشور
فطوم:اسمع رمستها انته ياله لجنج تأمرين أمر
المهم ودعوهم وسارو
منصور :بشور
بشور:هلا
منصور:إذا بغيتي شي اتصلي فنيه لا تستحين وغمز لها اوكي
حمدان خلاص حرج ع ألاخر:مشكور بس ماراح نقصر عليها عسب تتصل بك
بشور تطالع حمدان:تسلم منصور وأنشالله إذا بغيت شي اليد بتصل بك بس لا تخلي شويخ تقطعني
منصور:تأمرين أمر
وسارو وهم ظاهرين جافو هزاع وراشد :وين سايرين
منصور: يابويه تأخرنا لين ما خلصن البنات حش ف بعض
راشد:هههههههه اسكت
شويخ:عاد نحن جي
منصور:وأكثر ياله ياله مع السلأمه
هزاع تم يطالع شويخ (ياله حبي مع السلأمه )
بشور:لو سمحت مره ثانيه إذا حد رمسنيه بليز لا تتدخل فينه تسمع مالك خص
حمدان:والله جيفي وبعدين ها ولد عمج هب داش مزاجي مول
بشور:على ألاقل هو أحسن عنك
حمدان:شو قصدج
بشور:والله أنت ادرى شو قصدي موب لازم اشرح لك وعلى العموم لا تحاول كل ما جفتنيه ترمسني عسب ما تنحرج من ردي سمعت
حمدان:أقول
بشور:اووووووووووووووووووووف وصدت عنه
جأن يمسك لها حمدان أيدها يوم برمسج ما تتأففين ولا تصدين تسمعين
بشور:لو سمحت خلي أيديه وبعدين أنت منو عسب اسمع رمستك واحد ما عنده إحساس يرضى على بنات الناس ومايرضاء على هله يعلب على البنات وبعدين يقطنهن وما همه إذا جرح احد ولا كسر قلب احد أنت ما تفكر يمجن وحده فيهن أنت ظالمها وتدعي عليك فختك وتكون دعوتها مستجاب إذا دعت ويقص على أختك واحد مثل ما أنت تقص عليهن أنت ما تفكر أنا أصلا منو أرمس إنا اعرف إني مهما قلت ماراح تسمعنيه لأنك ما تسمع إلا إلي تبي والباجي طاف وسارت عنه
حمدان تم يالس مكأنه يفكر صج رمستها إنا جي غفلت عن كل ها وين جان عقليه يوم جنت العب على ها وأقص على ها استغفر الله يارب يارب سامحنيه يارب
وحدرو راشد وهزاع :حمدان اشو بلاك ترمس عمرك
حمدان :ماشي وسار حجرته
هزاع:بلاه ها موب على طبيعته
راشد:يمجن تعبان ولا شي
هزاع: يمجن
سار حمدان حجرته وتصل بحميد
حمدان:الو
حميد:هلا بو حميد والله
حمدان:هلا
حميد: شوبلاك
حمدان:ماشي بس مضايج
حميد:شو صاير
حمدان:ماشي آليوم يا منصور ولد عم بشور وأنا عيبتنيه حركاته مبين عليه أنه يحبها
حميد:أنزين اشو مضايجك الحين ف الموضوع أنت عندك ملايين المعجبات إلي يغننك عن بشور وغيرها شو الجديد
حمدان:آليوم بعد ماسار منصور تضاربت أنا ويها وسمعتني رمسه عورت قلبي والله وأحسني ندمأن على كل شي سويته أول مره حد يفتح لي عينيه على الشي إلي إنا أسويه جانت وايد جاسيه أول مره أجوفها جي

قلوبهن وجي وفرضا وحده دعت على أختك أن يصير فيها مثل ما تسوي أنت فلبنات وربي استجاب لها وتم يبجي
حميد:ياما رمستك يا حمدان عن ها الموضوع أش معنا بشور قدرت تخليك تفكر فيه بها الشكل وتكون جدي فيه
حمدان ما دري حميد والله مادري استغفر الله يارب ما يصير لي قالته يارب
حميد:تعوذ من بليس ياحمدان ياما نصحتك لجن استغر ربك وخل عنك ها السوالف وأنشالله ربي يسامحك المهم أنت نش صل ركعتين لله واستغفر ربك صره غفور رحيم ياله عاد خلاص ما حيدك أنت وياها بينكم تحدي اها جأن تهزمك حرمه وبعدين أنت تعرف إن فطوم عاقل الحمد لله بس أهي حبت تقرصك شوي
حمدان:يابوك جلأمها مثل السم ما اعرفها من وين تيبه
حميد:نزين الحين ممكن ارقد صرني حدي تعبأن
حمدان:زين ياله وداعت الرحمأن والله لا ارد لج ها ألاهأنه اصبري عليه بس

بدا العام الدراسي وهزاع وراشد سارو الجامعة وجأنو من المتفوقين فيها ووعدتهم الجامعة بمنحه إذا جملو بها المستوى الممتاز إما حمدان صار الأيد آليمنى لبوه وعمه فشركة لأنه ذكي مشالله عليه بوراشد وأم راشد دوم يتصلون بعيالهم عسب يطمنون عليهم بشور وفطوم بعد أول سنه فالجامعة بشور جأنت من المتفوقين وقدرت تتفوق على دفعتها وتكون ألاول عليهم
منصور رضاء بكلام أمه ودرس ادارة إعمال


بعد يوم دارسي متعب رجعن بشور وفطوم البيت
بشور:جفتي نور اليوم تبي تتحدى عاد
فطوم:هيه والله كسرتي رأسهم اليوم
بشور:اشو تحسبينيه سهله
فطوم:زين ممكن ياسعادة السفيرة تنزلين غدى
بشور:منو تحت
فطوم:امايه وبويه وحمدان و راشد عنده محاضره إما هزاع توه حادر البيت واليوم حدرت الانسه الجازي وياء نوره بيتغدون ويانا
بشور:استغفر الله والله مالي خلق اليوم
فطوم:حتى إنا لجن اشو بنسوي الصبر لله
ياله ننزل
بشور:فطوم بعدين ذكرينيه ابيج فموضوع
فطوم :خير
بشور:بس بعدين برمسج المهم ياله ننزل ينطرونا
المهم نزلن وتغدن جان الوضع عادي بحكم وجود الشواب عندهم ع الغدى بعد الغدى سارو الشواب يرقدون وتمو الشباب يالسين فالصاله لأنهم متعودين بعد الغدى يحلون
حمدان:ها فطوم جي الجامعة وياج
فطوم:الحمد لله كل شي تمام
بشور تهمس لها غربيه أش الطاري وتضحك فطوم بس بس بشور
الجازي:بشور
بشور:خير
الجازي:بلاج تردين جي
بشور:جيفي إذا عندج رمسه ارمسي ماشي سكتي
الجازي:مالت أقول انتي جي تسيرين الجامعة
بشور:شو
نوره:يعني جنك انجليزية لاعباه ولا شياته
هزاع:بشور لا تردين عليها ها ما عندها سالفة
الجازي :هزاع أنت اسكت لوسمحت
هزاع: شو إنا اسكت تجوفين ايدي ما جربتيها يوم تطبع ع الويه صح قولي اذا تبين تجربينها
سكت الجازي ويضحكن بشور وفطوم جان تغمز بشور حق هزاع ويجوفها حمدان انصدم جي هزاع ها زين اصبر عليه بس وتذكر الموقف الي صار به ذيج اليوم والله ويا وقت الانتقام وجان يرمس بدون ما يفكر
حمدان:بشور هاتي ليه ماي
بشور:ليكون حد شغلنيه بشكاره عند امثالك
حمدان ما عيبته جلمت امثالك
حمدان:شو امثالي عندج ها الرمسه
بشور:هيه شو بتسوي يعني
حمدان:سيري سيري هاتي ليه ماي
فطوم:حمدان بس إنا بيب لك
حمدان:يلسي أهي الي بتيبه
بشور:اهوه إنا الي فاضيه يوم يت يلست مع ها الاشكال
حمدان:ها الاشكال احسن عنك بميئه مره ع الاقل ما يظهر من البيت جي مثلج لاعباه ولا شياته حتى اني صرت استحي اني اظهر من البيت وياج لانج ما تشرفينيه والمفروض لمن اقولج تبين ليه ماي تسيرين بدون رمسه وحده يالسه ف بيت ماكله شاربه وتمشين ايدج ف الطوفه اشو بعد اذا امج وبوج ملو منج ويابوج عندنا عله على قلوبنا
فطوم وهزاع:شو ها الرمسه حمدان
حمدان:تشب انت وياها زين
انصدمت بشور من رمسته وطالعت الجازي ونوره الي جان يضحكن جان تفزز حجرتها وهي تبجي من قلب
فطوم:بسك خلاص ارتحت الحين خلاص
ماراح اللوم البنت اذا كرهتك لانك صاير حقير وتسير عنه
هزاع:مادري شاقولك ياخوي بس الله يسامحك نحن ما صدقنا نقرب العلاقة من بينا انت شكلك تبي تردها مثل الاول لمن كانو هم بعاد ونحن بعاد بمشاكلك بس خاطري اعرف انت ليش جي تتصرف وياها ليش لو تعرف بس سكت
حمدان:ليكون ما رضيت على حبيبت القلب
هزاع:شو ها الرمسه حمدان ها أختي تعرف اشو يعني أختي استغفر الله بس وسار عنه

الجازي :اوه ما عليك منهم

حمدان تم ساكت ومنصدم من عمره ياربي إنا ليش رمست ها الرمسه ليش إنا صح اني ابي ارد لها الاهانه بس هي يوم رمستني ذاك اليوم ما رمست جدام الكل وانا يارب يارب ليش جي سويت وبعدين تكهرهني عاد ياربي
نوره:حمدان
حمدان:شو شو مايكفي الي صار قبل شوي
الجازي:والله انت الي رمست نحن مالنا شغل
نوره :وبعدين انت لو هب فخاطرك ها الرمسه جنت ما رمستها
حمدان:استغفر الله استغفر الله خلاص انتي ويها بس وسار برا

بشور حدرة حجرتها وهي تصيح وما رضت تفتح لحد الباب وطول اليوم وهي بذيج الحاله وما رضت ترمس ويا احد حتى فطوم الي تعبت وهي واقفه عدال الباب عسب تقنعها تفتح راشد جان مشغول عليها وايد وجان يسال عن السبب لجن فطوم وهزاع قالو ما يعرفون فجئه جي ام وبو حمدان بعد ما جانو يعرفون عن السالفه لان ام حمدان سارت العصر بيت اختها تجوفها وطبعا الي خذاهها ابو حمدان عسب جي ماحد عرف بسالفه
حمدان الي جان تانيب الضمير ذابحه وظهر من البيت عسب ينسى الي صار
حمدان:الو
حميد:هلا والله مرحبا الساع
حمدان:وينك
حميد: فالبيت ليش
حمدان:تعال أبيك
حميد:ليش شو صاير
حمدان:بتي وياي ولا لا مافيني ارمس
حميد:زين وينك انت
حمدان:ويني بعد فالكاسر
حميد:زين دقايق واكون وياك
حمدان:تمام

ف البيت راشد خلاص مارام يستحمل لازم اعرف اشو بلاها بشور بشور فتحي الباب إنا رشود
هزاع:خلها يمجن تبي ترتاح
راشد:لازم اعرف الحين اشو بلاها فطوم اليوم حد ضايجكم ف الجامعة
فطوم:لا ماحد
راشد:عيل بلاها وهو يصارخ بشور بتفتحين ولا اكسر الباب بسرعه
فطوم فخاطرها يارب مايعرف بالي صار ولابتصير مشكله عوده يارب
فزت بشور وفتحت الباب اول ما جافت راشد جان تنفجر من لصياح راشد إنا خلاص مابي اتم هنيه ابي ارجع عند امايه وابويه مسح راشد لبشور دموعها وحظنها وتمت تصيح هزاع وفطوم عورتهم قلوبهم عليها حسبي الله عليك ياحمدان جانك عذاب ها البنية
راشد:بشور لازم اعرف بلاج شو صاير وياج امايه
بشور:ماشي ماشي صار
راشد:الاشي عيل بلاج تصيحين
بشور:قلت لك مافي شي
راشد:عيل صياح منا والدرب
بشور:مشتاقه امايه وابويه وايد راشد ابي اسير وياهم
هزاع وفطوم اول ماسمعوا السبب الي قالته بشور ارتاحو
هزاع فخاطره مشالله عليج بس ياله فطوم نظهر عسب يأخذون رحاتهم فالكلام وسارو برا عسب يخلوهم يرمسون
راشد:حبي بشور حتى إنا مشتاق امايه وبويه مثلج لجنيه صابر لانج تعرفين ان ها الوضع موقت يعني هي كمن شهر وبيرجعون خلاص عاد لاتصيحين بس انتي متاكدة ان ها هو السبب ( راشد جان حاس إن في شي لأنه يعرف أخته عدل لجنه ما حب يضغط عليها وخلها ع راحتها) متاكدة بشور
بشور:هيه
راشد:يعني ماحد ضايجك بشور إنا اخوج واذا حد مسج بشي خبرينيه
بشور:تطمن ماحد يروم عليه بنت حمدان
راشد:هي جي اباج ياله عاد ضحكي ياله
ابتسمت له بشور لكن موب من قلبها (هي ياخوي لو تعرف اشو قاليه حمدان جان ما رمست جي )
راشد:الله يخلي لي ها الابتسامه بس بشور اباج برمسه وسمعيني للاخر اوكي
بشور:اوكي
راشد:انتى متى بتلبسين العباه عاد خلاص نحن فلبلاد وانتي لازم تلبسينها الحين و
بشور:مايحتاي تجمل ياخوي انت قبل لاترمس إنا جنت برمس خالوه وبنسير إنا وفطوم وبنشتريها وبلبسها انشالله بس موب الحين لمن بكون جاهزه
راشد: الله يجملج بعقلج وعلى العموم على راحتج المهم انج فكرتي فالموضوع
بشور:لاتخاف ورن موبايل راشد وظهر يرمس برا لحظه شوي بشور
حدرو فطوم وهزاع :بشور صراحه احسن شي سويته انج ما خبرتي راشد
فطوم:والله جنت خايفه صراحه
بشور:إنا احب احل مشاكلي بروحي
فطوم:مشالله عليج ها لو إنا جان ما صبرت امره علمت هزاع
بشور:لالا بس والله لاادبه قبل جنت راحمته الحين يصبر عليه
هزاع:اذا تبين مساعده صرني فالخدمه
بشور:اوكي بس خلني افكر وبرد عليك
هزاع:اوكي عيل اخليكم الحين جان يفتح راشد الباب ياله بشور بظهر تبون حايه من برا
بشور:اممممم ماشي بس يمجن نظهر إنا وفطوم بعدين برنج اوكي
راشد:انزين بس علمو خالوه اول
فطوم:زين
راشد:زين اذا تبون عشى ولا شي
بشور :شكرا مانبي خلاص
راشد:هههه زين باي وظهرو برا
فطوم:مشالله عليه اخوج ياحظ الي بتاخذه طيب وحنون
بشور:هيه جني إلا اجوفها جدامي الي بتاخذه
فطوم:شو ها الرمسه
بشور:شو حسبالج ماجوف الحركات الي بينكم حبي اجوف كل شي لجنيه بكيفي ساكته
فطوم:ها ها ها
بشور:الحين ها ها زين انتي تحبينه
فطوم:اوه بشور وصار ويها احمر
بشور:ياعيني ع الطماطه عاد مستحيه على العموم اذا تبين تعرفين عنه ترى هو يحبك ورمسنيه عنج
فطوم:انصدمت بشور والله




بشور:جي وانا ياليه يوم جذبت عليج بس صره ينطر يخلص دراسه ياحرمة الدكتور والله فطوم انتي تحبينه ليش ساكته
فطوم:هيه وهي مستحيه
بشور:يا عيني وعلى فكره جفت هزاع وشويخ
فطوم:مشالله عليج مايطوفج شي
بشور:احم ترى قاليه ارمسها لجنيه قلت له بشرط اول يساعدنيه على حمدان
فطوم:خخخخ


ف الكاسر
حميد:خير حمدان شو صاير
حمدان:والله ما جان قصديه
حميد:شو زين زيغتنيه ياريال ارمس
حمدان:اليوم هزات بشور جدتم الكل
حميد:شو وليش جي عاد
حمدان:ماجان قصدي أهي نرفزتنيه
حميد:زين شو قلت لها
حمدان:ليش ماتلبسين عباه وانج ما تشرفيني وانا استحي منج وانج عله علينا فالبيت
حميد:خس الله بليسك ها سواه انت تسويها ليش ما تشرفك عسب العباه لانها ما تلبسهاوالله اني اجوف بنات متسترات بعياتهن وسمعتههن فالتراب والكل يرمس عنهن بس بنت عمك ماشالله عليها والنعم فيها والكل يحترمها يمكن عيبها أنها ما تلبس العباه بس انته مالك حق عليها ولا انت ولي امرها
حمدان:بس إنا ابيها تلبس العباه ماحبها تظهر من البيت جي والله هب قصدي لا تزيدنيه انت بعد
حميد:اشو لا ازيدك ياريال حمدان إنا اعرف شو قصدك بس اذا تبي تنصح موب جي النصيحه النصيحه بزين تكون اجرب للقلب بس انت ليش جي مهتهم بسالفة العباه ها شو تغار منها يعني
حمدان ظل ساكت
حميد:تعرف على كثر البنات الي مرن عليك اول مره اجوف وحده تاثر فيك ها الشكل وتكون مهتم فيها جي حمدان انت تحبها
حمدان:ما اعرف ياخوي حتى إنا اسال عمري بس اليوم الي ما ارمس ويها فيه احس بضيج حتى لمن اجوفها تضحك مع هزاع اضايج ويظهر مني جلام يضايجها
حميد:عيل سير واعتذر منها بس لازم تعرف ان ها بنت عمتك واذا كنت فعلا تحبها لا تاذيها ترها وايد طيوبه والكل عينه عليها ياله سير اعتذر منها
حمدان:موب بها السهوله ياحميد تقبل اعتذاري إنا اعرف بشور وعنادها وبعد إنا قلت هاالكلام جدام نوره والجازي
حميد:بعد بارك الله فيك زين ما سويت يابوك سير اعتذر من بنت عمتك والله باجر ليخلون الجازي ونوره الجلام الي قلته لبشور على كل لسان
حمدان: شا سوي ياخوي
حميد:مااعرف المهم تمو يسولفو


بشور:فطيم
فطوم:هلا
بشور:جي بيكون شكليه ع العباه
فطوم:وايد حلو تصدجي إنا جان من زمان خاطريه اقولج بس خفت لاتزعلين
بشور:إنا ما تعودت البس العبايه لاني كنت كله برا وهم ما يلبسون وها اول مره اكون فيها فلبلاد كل ها الفتره
فطوم:انتي من خاطرج تبين تلبسين ولا من جلام حمدان
بشور:إنا قبل لا انزل للغدى ما قلت لج اني ابيج ف موضوع
فطوم:هي صح
بشور:بس ها هو الموضوع اني ابي البس العبايه بس جي بطلع ع العباه جي شكليه بيكون
فطوم والله حلوه فخاطرها ياليتك ياحمدان لو ما ستعيلت ورمست اكو البنت بروحها تفكر بها لموضوع الله يهديك تعرفين اذا لبستيها مراح ترومين تظهيرين مجان بدونها
بشور:عيل بسير اعلم خالوه
فطوم:زين وقولي لها عسب نسير المول
وهي نازلة جان يحدر حمدان البيت ويجوفها اول ما جافته صدت الصوب الثاني
حمدان:بشور
بشور ساكته
حمدان:بشرى إنا اسف والله ما جان قصدي بس حبيت ارد لج موقف ذيج المره
بشور:اعتقد اني يوم رمستك ذيج المره ماجان جدام احد ولا احد يعرف عن الموضوع بس انت متكبر ومغرور و
حمدان:بس إنا جان ابيج تلبسين العباه لانها راح تكون حلوه عليج
بشور:جوف حمدان كوني ما البس عبايه فانا بعدني بنت الامارات ومحافظة على كل عداتي وتقاليدي بعدين ليش ما شرفك اشو جفت عليه يالك يوم من الايام سمعت حد يرمس عنيه ولا جفتنيه ويا احد ولا سمعت شي ارمس ليش ساكت
حمدان:انتي تشرفينه غصب عنيه والله اسف سامحينه بروحي مضايج من إلي صار
بشور:المطلوب مني اقبل اعتذارك وعدي الموضوع جوف إنا هب وحده من البنات الي ترمسهم الي تغلط عليهن ويرجعن لك جنه شي ماصار انت هنتنيه ياحمدان وها اخر شي تتوقع اني اسامحك عليه
حمدان:بس ماجمل حمدان رمسته لان بشور سارت عنه صوب حجرتة خالتها اما حمدان حدر حجرته اخذ شور وظهر مره ثانيه

ودق الباب
ام حمدان:ادخل
بشور:السلام عليكم خالوه
ام حمدان:هلا امايه شحالج
بشور:بخير طاب حالج
ام حمدان:جي لدراسه وياج
بشور:الحمد لله كل شي تمام خالوه اااا
ام حمدان:خير امايه تبين شي محتايه فلوس
بشور:لالا مشكور تسلمين
ام حمدان:عيل شو لا تستحين قولي ليه
بشور:ماشي خالوه نبي نسير المول إنا وفطيم وبتينا شويخ
ام حمدان:ليش بتسيرون
بشور:خالوه إنا قررت البس العبايه خلاص
ام حمدان:زين ما تسوين يا بنتي ترها ستر للبنيه وأكيد بتظهر عليج ما يحتاي
بشور:تسلمين خالوه
ام حمدان :زين تبين شي عندج فلوس
بشور:مشكور خالوه أبوي يراسل لنا مصروف ف البنك كل شهر وأنا ما صرف وايد وحسابي فيه وايد خلني اصرف منه عاد
ام حمدان:هههه زين على هواج أهم شي تحملي ع روحج انتي وفطيم ف المول
بشور:انشالله خالوه وسارت

ياترى أش راح يصير ويا البنات فالمول وهل بشور بتسامح حمدان الي يترجها تسامحه ترقبوا الاجزاء القادمة من قصه
من يحبك كثر ما حبك إنا الي اتمنا أنها تنال على إعجابكم
أختكم .......بنت الشواب..............























عذروني تاخرت عليكم ف الجزء الثاني من القصه
المهم ماراح اطول عليكم ف سوالف بس كملو القصه ترااااه نيس