تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4
  1. #1
    عضو فضي
    الصورة الرمزية كيوت الامارات
    الحالة : كيوت الامارات غير متواجد حالياً
    رقم العضوية : 44959
    تاريخ التسجيل : 24-10-09
    الدولة : ـفديت بلآدي الاماآرت (الفجيرة)
    الوظيفة : طآلبّة
    الجنـس : انثـى
    المشاركات : 311
    التقييم : 53
    Array

    Post قصة جن واقعيه من جامعة الإمارات


    السلام عليكم والرحمه






    يلا اندمجو بالقصة @ : :



    مريم .. طالبه جامعيه كانت في السكن( ) من الجامعه ( ) .. زاد عدد الطالبات في السكن وكان هالسكن تقريبا الوحيد في الجامعه على بدايتها .. وفيه مبنى في هالسكن يسمى المبنى الابيض .. محد يسكنه بحجة انه امبنى على القبور .. ومكانه في اخر السكن وبعيد عن باقي المباني ..



    مع زيادة عدد البنات الاداره ما بيدها غير انها تسكن البنات فيه .. فقلت المستجدات في هالمبنى مع شوية بنات قدامي الي مضاربات مع بنات غرفهن او ما محصلات مكان .. مريم وساره من مدينة كلباء الحبيبه .. سكنن مع بعض .. وباقي الغرف او الاجنحه كانن بنات من خورفكان ..



    ساره نومها وايد خفيف وتقوم على اي صوت .. في يوم من الايام كانت مريم تشوف التلفزيون بالليل وكانت مقصره على الاخر وتقرا الترجمه .. وطبعا على ايامهم التلفزيون ماله ريمونت ولا غيره ويتفرفر تك تك تك تك



    في هاليوم حست مريم بعطش غير طبيعي رغم انها قبل شوي شاربه ماي .. وعشان تشرب لازم تروح المطبخ في الجناح المقابل لان الثلاجه اهناك .. المهم مريم طلعت وراحت المطبخ وترست لها دبة ماي .. وهي راجعه سمعت التلفون يرن .. والبنات في الصالة الثانيه .. فشلت التلفون ..



    قعدت الي على التلفون تسولف مريوم تضايقت لانها مستعيله وتبا تشوف الفلم .. فقالت لها انتي منو تبي .. قالت اباج انتي .. قالت انتي ما تعرفيني .. قالت بلى انتي مريم ؟؟!!! .. مريم كل بالها انها وحده من ربيعاتها تبا تسوي فيها حركه .. نادت على بنت من بنات الخور وقالت لها سمعي الصوت اذا تعرفيه .. البنت قالت ما اعرفه .. قامت البنت وراحت تشوف باقي الاجنحه في المبنى اذا فيه حد يرمس بالتلفون .. محد ابدا؟ّّّ البنت الي على التلفون قالت لمريم لا تروح الغرفه .. مريم استغربت قالت وليش ما اروح؟



    البنت الي على التلفون: لا تي الحجره
    مريم : بيي الحجره وليش ما ايي
    البنت الي على التلفون : لاني انا في الحجره
    مريم : انتي تتمصخري علي .. شو تسوي في الغرفه
    البنت الي على التلفون : انا من المريخ .. ابوي نزلني بحجرتكم وراح
    مريم : تضحك .. وبنت الخور صوبها وتضحك .. روحي لاه انا الحين يايه الغرفه
    البنت الي على التلفون: انتي ما تفهمي .. قلت لج لا تيي الحجره
    مريم : عصبت .. انا الحين بيي الحجره .. وسكت السماعه



    ترن ترن التلفون يرن .. شلته بنت الخور .. مريم تعالي ضروري وردي عليها



    مريم : هذه سخيفه ما عندها سالفه .. الو نعم شو تبي
    البنت الي على التلفون : انتي ما تفهمي الكلام قلت لج لا تيي الحجره .. وبدت تتكلم بلغه غريبه
    مريم وبنت الخور ويت بنت ثالثه ويسمعن ويضحكن على لهجتها بربربربربربربررب شوي وانصدمن كلهن .. البنت هذه ماتاخذ نفس .. تتكلم من غير نفس ..



    مريم فرت السماعه وصرخت وبنات الخور صرخت اتجمعن البنات الي في الجناح .. وكل وحده تمسك السماعه وتسمع وتنصدم ..



    ركضن كلهن للغرفه .. الباب مقفول دقن الباب على ساره وهي كانت نايمه .. ودقن تقريبا نص ساعه .. وساره نومها خفيف .. كيف على هالدق والصريخ ماقامت .. والتلفزيون قنواته تتغير تك تك تك تك تك



    بعد نص ساعه فتحت ساره الباب وعيونها حمره وكلها دموعه .. واغمى عليها .. بعد مافاقت .. سألوها شو فيها .. فقالت



    انها طوال الوقت كانت تسمع حركه في الغرفه .. وكانت تشوف بنت بشعه تتمشى ... ولما دقوا الباب كانت تبا تفتح لكنها تحس ان فيه مثل الياثوم على صدرها ما تقدر تقوم .. والبنت تقول لها سكتي .. وفجأه هذا كله اختفى فقامت من الخوف طيران عالباب وفتحته ..



    وطلعا كلهن طلعن من الغرفه وشغلن فيها قران .. ومن ذيك الليله مارجعن فيها ابدا .. وكل وحده شافت لها مكان وسكنت فيه ..



    وتمت تيهم اخبار هذه الغرفه .. ان كل ما يسكن فيها حد .. يظهر ..



    .: القصة منقولة












    ~ٌُكيوت الامآرآتٌُُ~

  2. #2
    عضو نشيط
    الصورة الرمزية الدلووووعهــ...
    الحالة : الدلووووعهــ... غير متواجد حالياً
    رقم العضوية : 52923
    تاريخ التسجيل : 15-02-10
    الجنـس : انثـى
    المشاركات : 44
    التقييم : 16
    Array

    افتراضي رد: قصة جن واقعيه من جامعة الإمارات


    بسم الله الرحمن الرحيم .. وحدة من المريخ ؟ وتتكلم لغتنا ؟ سبحان الله

    يسلمووووووووووووووووووووووووووووووو ع القصصصصصصصصصصصصصصصة










  3. #3
    عضو فضي
    الصورة الرمزية كيوت الامارات
    الحالة : كيوت الامارات غير متواجد حالياً
    رقم العضوية : 44959
    تاريخ التسجيل : 24-10-09
    الدولة : ـفديت بلآدي الاماآرت (الفجيرة)
    الوظيفة : طآلبّة
    الجنـس : انثـى
    المشاركات : 311
    التقييم : 53
    Array

    افتراضي رد: قصة جن واقعيه من جامعة الإمارات


    الله يسلمج










    ~ٌُكيوت الامآرآتٌُُ~

  4. #4
    عضو مجتهد
    الصورة الرمزية فطآآآمي ..~
    الحالة : فطآآآمي ..~ غير متواجد حالياً
    رقم العضوية : 59834
    تاريخ التسجيل : 03-07-10
    الجنـس : انثـى
    المشاركات : 108
    التقييم : 10
    Array

    افتراضي رد: قصة جن واقعيه من جامعة الإمارات







معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. زيارة لمدينة العين "جامعة الإمارات العربية المتحدة"
    بواسطة أحمد الزعابي في المنتدى منتدى المعلمين و الموجهين
    مشاركات: 2
    آخر مشاركة: 12-05-08, 04:26 PM
  2. قصه واقعيه * حصلت في الإمارات عام 1425 1426...
    بواسطة حَمِـودًي عًذَأأبَِ في المنتدى منتدى القصص
    مشاركات: 9
    آخر مشاركة: 11-11-30, 02:27 PM
  3. قصص جن واقعيه من جامعة الإمارات
    بواسطة الحجاجي في المنتدى قصص الجن و الشياطين و المرعبة
    مشاركات: 8
    آخر مشاركة: 11-03-10, 04:29 PM
  4. الأحد الى الخميس إجازة العيد في جامعة الإمارات
    بواسطة ..الغلاڪله.. في المنتدى المنتدى العام General Forum
    مشاركات: 8
    آخر مشاركة: 09-09-16, 10:24 PM
  5. استفسار عن مواد وأساتذة جامعة الإمارات
    بواسطة أميرة التاريخ في المنتدى منتدى الوسائط Media Forum
    مشاركات: 0
    آخر مشاركة: 09-09-02, 05:49 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •