تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 3 من 3 الأولىالأولى 123
النتائج 21 إلى 22 من 22
  1. #21
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~




    الجزء السادس عشر



    اذن العصر وساورا يصلون وعقب ساروا السوق
    في السوق
    بيان : حمده شفيج ساكته ما تشترين
    حمده : ما فيني شي بس ابغي ارد الفندق
    بيان : ليش انتي مساعه كنتي تبغين تظهرين
    حمده : انا بتصل حق محمد والا حميد ياخذوني
    بيان : براحتج
    سارت حمده واتصلت حق محمد وسار لها ووصلها الفندق
    محمد : عيل ما اشتريتي احيدج تموتين في شي اسمه سوق على قولتج شوبنق
    حمده وهي تفصخ عباتها : مالي خاطر ابغي ايلس بروحي
    محمد : ليش فيج شي متضايقه من شي
    حمده يلست عالشبريه : لا ما فيني شي
    محمد يلس عدالها وبحنان : شفيج حمده انا اخوج تقدرين تقولين لي باللي فخاطرج من غير لا تخافين انتي مسويه شي غلط والا شو خبريني صدقيني بوقف وياج وما بخليج
    حمده حظنت اخونها تمت تصيح في حظنه
    محمد : حمده خوفتيني عليج قولي شو فيج
    حمده : تعبانه ياخوي تعبانه
    محمد : من شو تعبانه شو اللي متعبنج
    حمده تمسح دموعها : ما فيني شي خلاص محمد خلني بروحي
    محمد : اوكى براحتج بس اذا بغيتي شي اتصلي لي
    حمده : ان شاء الله
    محمد : حمده تذكري ان انا اخوج وما بظرج وبعدين تعرفين اني انا متفهم وفري يعني اذا انتي مسويه شي غلط وبغيتي تقولين لي قولي لي عادي انزين
    حمده هزت راسها باوكى
    طلع محمد من الغرفه وهو يفكر في اخته اول مره يشوفها منهاره بهالشكل
    عند حمده كانت تصيح ليش جفت دموعها وتفكر باللي سواه منذر فيها وفخاطرها : ضميره يعذبه يعني يحبني ليش ما اسامحه لا يا حمده مثل ما خاني مره بخوني مره ثانيه بس منذر غير غير وكملت صياح تمت في الفندق بروحها واذن المغرب صلت المغرب في الفندق فطرت ما سارت الحرم والباقين صلوا في الحرم وفطروا وردوا السوق يكملون مشترى
    في السوق عند البنات
    ملاك : اقول انا بسير الفندق تعبت
    سلاف : انتن شو سالفتكن كل شوي وحده تتسحب وتسير الفندق
    بيان : خلاص براحتج سيري
    سلاف : شو تسير ونتم انا وياج بروحنا
    بيان : هيه عادي ما عليج منها يلا سيري
    اتصلت ملاك بمنذر ووداها الفندق
    بيان : انتي شفيج نسيتي ان هي وحمده متضاربات
    سلاف : يعني سايره تتضارب وياها وتشتمها بروحهم يعني بتتهجم على بنت خالي
    بيان : انتي شفيج مدمغه ما فيج عقل انتي
    سلاف : ليش
    بيان : يالغبيه سايره تراضيها
    سلاف : اهاااااااااا قولي جي من قبل انا قلت بتتوحد فيها قلت خلنا نسير نوقف ويى بنت خالنا وندافع عنها
    بيان : هههههههههههه مينونه متى بتعقلين مادري
    وتمن بروحهن يتمشن واشترن عطور وملابس واغراض
    في الفندق
    دشت ملاك الحجره وشافت حمده واقفه عالدريشه وتتطالع الشارع والسيايير من فوق >> كانوا في الطابق 9
    سارت ملاك وحطت ايدها على كتف حمده وحمده تمت تتطالعها
    ملاك : انا اسفه ما كنت اقصد اقولج هالكلام واجرحج
    حمده : انا اللي اسفه سامحيني
    ملاك حظنت حمده وقالت : لا تتظايقين ان شاء بيي يوم وبتترتاحين فيه من هم منذر وغيره بعد
    حمده : منذر عمره ما كان هم بس انا مجروحه منه
    ملاك : ما عليه ان شاء الله هالجرح بيبرى
    حمده : منذر داوى جرحه بس ما برى ما برى يا ملاك
    ملاك : لا تظايقين عمرج اللي صار صار واحمدي ربج انها يات على جي
    حمده : والنعم بالله
    وبعدين تمن يسولفن لين اذن العشاء وسارن الحرم بروحهن وصلن وبعدين ردن الفندق والكل رد الفندق عسب يتعشون في مطعم الفندق وكلهم يلسوا على طاوله وحده
    في حجرة جمال وجيهان
    جيهان : اففففف ما ابغي اتعشى وياهم
    جمال : بس فشله يعني لا غدى نتغدى ولا عشى نتعشى
    جيهان : ياخي ما احب اكل ويى حد ما ادانيهم يلوعون بالجبد
    جمال : حرام عليج الناس ما فيهم شي وطيبين وينحبون
    جيهان : انا ما حبيتهم وبعدين انا من متى اتغدى واتعشى ويى اهلك
    جمال : انزين بس هالمره
    جيهان : ما ابغي اذا بتسير بنيلس في طاوله بروحنا
    جمال : لا حول ولا قوة الا بالله خلاص ما بنسير انا بسير اييب العشا وبيي
    سار جمال اييب عشا
    جيهان : وي انا اكل وياهم هاللي ناقص مالت عليهم اففف هيلق خصوصا هذي اخته سلاف مالت عليها
    في المطعم
    جمال : ما عليه انا اسف اخرتكم بس اكلوا المدام تعبانه وما تقدر تي اكلوا انتو
    بو جمال : مرخوص يا ولدي
    سلاف : معلووم ما تتنزل تاكل ويانا مادري بنت منو
    جمال : سلاف اسمع كلام يديد اليوم
    سلاف : لا كلام يديد ولا شي سير عند ديايتك قصدي حرمتك لا تتأخر عليها
    سار جمال عند حرمته وهو معصب من رمسه سلاف
    ام جمال : انتي شفيج ما تحشمين عيب هذا اخوج العود
    سلاف : وانا شو قلت حرمته من يوم خذها وهي ما تنزلت يوم وكلت ويانا شايفه عمرها مادري على شو
    ام جمال : بس انزين عيب
    سلطان : اميه صدقها وجمال يالس لها امري حياتي سمي حياتي سم يسم بدنها ان شاء الله
    الكل : ههههههههههههههههههههههههههه
    بو حمد : اكلوا يا جماعه
    وتعشوا
    في حجرة جمال
    جمال : زين جي خليتهم يتشمتون فينا
    جيهان : لا والله وانا شو يخصني
    جمال : طيحتيني من عين اخواني سلاف يلست تتشمت فيني جدامهم كلهم
    جيهان : لا والله وتحط حرة اختك فيني كان يلست تاكل وياهم انا ما منعتك
    جمال : لا حول ولا قوة الا بالله اكلي بروحج ما ابغي اكل
    راش كيس الاكل وسار انسدح عالشبريه
    جيهان : اووووه برايك لا تاكل والله
    ويلست تاكل بنفس بارده ولا كأن شي صاير
    جمال فخاطره : معقوله هذي جيهان اللي انا حبيتها كانت غير كانت طيبه بس الحين اشوف شي ثاني اول كانت تحاتيني اذا تغديت والا تعشيت بس الحين يالسه تاكل ولا كأن شي صاير كلش مب مهتمه الله يسامحج بس
    في المطعم
    منذر كان يالس يطالع حمده وهي كانت تتحاشى نظراته
    بو حمد : ها حمده مستانسه
    حمده : هيه ابويه مستانسه
    بيان : احين انتو ودرتونا كلنا وما سألتو غير حمدووه اذا مستانسه والا لا
    سلاف : صدق يعني ليش ما تسألونا نحن
    بو حمد : ترى هي اللي طالبه العمره
    حمدان : ابويه عيل انا ابغي اسير المكسيك
    بو حمد : المكسيك عاد شو تبغي تسير تسوي
    حمدان : بس كشته عيل حمدووه البومه بتسير امريكا تدرس وانا ايلس في البيت
    بو حمد : شد حيلك وبنطرشك امريكا وياها
    بو جمال : عاد شدي حيلج دراستهم صعبه مب شرات هني
    حمده : ان شاء الله
    سلطان : وبتسير بروحها امريكا
    حميد : انا بسير وياها اسبوعين وبرجع
    سلطان : اهاااااااااااااااا وفخاطره : بنت ويخلونها تعيش برع بروحها والله حاله
    حمده : شفيك مب عايبنك
    سلطان : لا ليش ما يعيبني انتي كيفج وهلج وياج انا شو يخصني
    حمده : احسب بعد
    ام حمد : شفيج كلتي الولد بقشوره ما قال شي
    حمده : لا بس حسيت من اسلوبه انه مب عايبنه اسير ادرس برع بروحي
    ام حمد : الولد ما قال شي
    بو سيف : صلوا عالنبي يا جماعه
    الكل : اللهم صلي وسلم عليه
    وكملوا سوالف وبعدين قاموا حد سار حجرته وحد طلع سار السوق ورجعوا الفندق الساعه 1 ورقدوا
    الساعه 2 حمده كانت تتجلب مب ياينها رقاد شافت البنات كلهن راقدات قامت ويلست عند الباب
    ومن الصوب الثاني في حجرة الشباب
    حميد : اقول شباب رقدوا ياخي بعدين ما بتطيعون تقومون حق الصلاة
    محمد : هيه والله يلا قوموا بسكم لعب
    قاموا الشباب عسب يرقدون
    منذر : تيلفوني وين
    سلطان : يمكن نسيته في السياره
    منذر : هيه والله انا من الصبح مادري عنه بسير اييبه وبرد
    حميد : ايلس وين بتسير باجر ايبه
    منذر : ما عليه انتو رقدوا انا بييبه وبيي ما بتأخر
    طلع منذر من الحجره وهو يمشي شاف حمده يالسه عند الباب
    منذر : حمده ليش يالسه عند الباب
    حمده : ها لا بس بروحي مب يايني رقاد ومتملله بروحي ويلست هني
    منذر : عادي ايلس وياج
    حمده : لا ما يحتاي خلاص انا بدخل
    منذر : خلاص لا تدشين اذا عليي انا بسير تمي يالسه
    حمده : لا خلاص بدخل داخل
    منذر : حمده
    حمده صدت عليه : نعم
    منذر : متى بتسافرين
    حمده : شهر 1 ليش
    منذر : لا ماشي بس
    حمده : بس شو
    منذر : يعني لو حد خطبج هالفتره بتوافقين
    حمده : انا ما افكر في الزواج احين بخلص دراستي وتالي يصير خير
    منذر استانس وارتاح وابتسم لها
    حمده : ليش هالابتسامه
    منذر : ها لا ماشي انا اسف ازعجتج تصبحين على خير
    حمده : وانته من اهله
    سار منذر السياره عسب اييب تيلفونه
    حمده فخاطرها : وين ساير احينه ليش سألني هالسؤال وليش ابتسم شو السالفه افففف والله ولهانه عليه
    وشوي ورجع منذر
    منذر : بعدج يالسه
    حمده : ها لا ااااا عيل انته ما تأخرت
    منذر : لا بس كنت ساير ايب تيلفوني من السياره ورجعت
    حمده : لهالدرجه مب قادر تصبر عنه
    منذر : ههههههه
    حمده : ليش تضحك انا قلت شي يضحك
    منذر : تغارين ؟؟؟
    حمده : لا ما اغار ليش اغار منو انته عشان اغار عليك
    منذر : فعلا منو انا عشان تغارين عليي انا واحد خاين وحقير كل الصفات الشينه فيني وانتي حمده اللي ما عمرج غلطتي
    حمده : شقصدك
    منذر : لا ما قصدي شي بس بغيت اقولج ان انا انسان بشر اغلط مب معصوم من الغلط
    حمده : بس غلط عن غلط يفرق انته ما غلطت انته تعمدت تسوي هالشي تعرف ليش لأنك ما حبيتني
    منذر : ما حبيتج ؟؟ بعدج ما تعرفين اني احبج
    حمده : كذاب انته ما حبيتني اللي يحب ما يخون
    منذر : انا اسف عن اذنج بسير ارقد
    حمده : منذر
    منذر صد صوبها
    حمده : خلاص مافي شي سير ارقد >>> دشت الحجره وسارت انسدحت عالشبريه
    حمده فخاطرها : شو كنت ابغي اقوله ليش وقفته وليش تريته لين رجع .. كلامه صح غيرانه اغار عليه احبه بعدني احبه

    الساعه 3 الكل قام عسب يتسحرون وفي حجرة جمال
    جمال : جيهان ما تبغين سحور
    جيهان : افف ما ابغي خلني ارقد
    جمال : اهلي يتريونا نتسحر وياهم
    جيهان وهي تصارخ : ومنو قال لهم يتريونا انا ما عمري كلت وياهم ولا بكل وياهم
    جمال : خلاص خلاص لا تصارخين لا تاكلين برايج انا بسير اتسحر
    جيهان : بند الليت وصك الباب وراك
    طلع جمال من الحجره وسار يتسحر ... تسحروا كلهم وبعدين ردوا يرقدون لين اذن الفجر وساروا يصلون وبعد رجعوا يرقدون
    الساعه عشر بالليل في حجرة الحريم
    ام حمد : عيل حمده وين
    بيان : حمده اليوم الا راقده اللهم تقوم تصلي وترقد
    ام حمد : لا يكون مريضه
    ملاك : لا مب مريضه بس هي طول الليل ما رقدت والصبح ما رقدت الا الساعه 10
    ام حمد : ليش
    ملاك : تقول اونه مب ياينها رقاد يمكن لأنها مب متعوده عالمكان
    سلاف : اميه نبغي نظهر السوق
    ام جمال : بروحكن
    سلاف : هي بروحنا يعني كل مره نسير بروحنا شو الفرق احين
    ام حمد : سيروا حبايبي سيروا




    قامن البنات ولبسن عبيهن وسارن السوق
    الساعه 10:30 قامت حمده من الرقاد وسارت حجرة الحريم كانوا يالسين ام جمال وام حمد وام سيف ومنذر
    حمده : السلام عليكم
    ام حمد : عليكم السلام انتي وينج كله راقدة اليوم
    حمده : ما رمت ارقد بالليل عيل وين البنات
    ام سيف : سارن السوق
    حمده : ليش ما وعوني ابغي اسير
    ام سيف : ما عليه منذر هني قوم وصلها عند البنات
    منذر : ان شاء الله يلا سيري لبسي عباتج
    حمده : لا بس خلاص ما بسير
    ام حمد : شفيج الولد بوصلج ما بياكلج سيري
    حمده : ان شاء الله >> وسارت تلبس عباتها ومنذر وقف يترياها في الممر
    طلعت حمده وساروا وكان وايد زحمه منذر مسك ايد حمده وهي تمت تتطالع ايده
    منذر : زحمه وايد عن تضيعين
    حمده تمت تتطالعه بنظرات عتاب نظرات حسره

    منذر صد جدامه وهو يمشي : نظراتج تذبحني
    حمده : ليش
    منذر : مادري بس متحسر على كل لحضه طافت بدونج صح انا السبب بس اباج تسامحيني انا غلطت واللي يغلط مره يتعلم الف مره
    حمده : ما فكرت فيني وانته وياها
    منذر : فكرت والله فكرت بس مادري الشيطان طلع شاطر
    حمده : انا مسامحتنك بس مب قادره اوثق فيك مره ثانيه
    منذر : تبت والله تبت وحسيت بغلطتي
    حمده غيرت السالفه : اتصل على ملاك وشوفهم وين
    منذر احترم تغييرها للسالفه : اوكى >> واتصل بملاك
    منذر : انتو وين
    ملاك : نحن في ابراج مكه
    منذر : انزين لا تغيرون مكانكم انا ياي صوبكم
    ملاك : ليش
    منذر : يايب حمده
    ملاك : خلاص اوكى باي
    سكر عنها
    منذر : اونه في ابراج مكه
    حمده : وين هاي بعد بعيد والا قريب
    منذر : بعيد بس مب وايد عدال الحرم من الصوب الثاني
    حمده : اهااااااااا
    منذر : ليش تبغين توصلين بسرعه عشان تفتكين مني
    حمده : لا والله ما فكرت جي
    منذر : يعني تبغيني وياج
    حمده استحت وصدت الصوب الثاني
    منذر : احبج والله احبج رحميني حسي فيني شوي
    حمده : هههههههههه بس عاد عطيتك ويه
    منذر : خلاص اسف
    تموا يمشون وهم ساكتين لين وصلوا وساروا صوب البنات وبعدين منذر سار عنهم
    سلاف : ها اشوفكم ماسكين ايد بعض شو السالفه
    حمده : لا تخافين ماشي شي ماسك ايدي لان وايد كان زحمه
    سلاف : هيه زين زين >> وردت تشوف البدل
    حمده صدت ورى صوب منذر وتمت تتطالعه ومنذر انتبه عليها وابتسم لها وهي حست بانحراج وتمت تخلي عمرها تشتري ولاهيه في البدل
    الساعه 1 ردوا الفندق ورقدوا
    مرن الايام والكل استانس وكانت من احلى ايام حياتهم
    اخر يوم لهم في مكه
    بو حمد : ها جاهزين بنسير المدينه
    حمده : ابويه كم يوم بنيلس هناكي
    بو حمد : بنيلس يوم واحد بس ما باقي شي عن العيد لين نوصل بعد البلاد
    حمده : والله ما ابغي ارد البلاد ابغي اتم هني
    بو حمد : الواحد ما وده يظهر من هالمكان بس بعد شو نسوي ما نصبر عن بلادنا
    حمده : هي والله صدقت ابويه
    تموا يرتبون اغراضهم وساروا المدينه يلسوا يوم واحد بس وبعدين ردوا البلاد وفي الدرب مروا مطعم عسب يفطرون
    عند الحريم
    ام حمد : عاد في العيد ابغيكم كلكم تباتون في بيتنا
    ام سيف : ليش يا ام حمد ما يحتاي
    ام حمد : ما يستوي عاد انا عزمتكم ثاني يوم العيد تباتون عندنا
    ام جمال : ما بنردج يا ام حمد
    ام حمد : ما تقصرون
    فطروا وعقب ما خلصوا ساروا يصلون وبعدين ركبوا سياييرهم وكملوا دربهم وردوا البلاد
    في البلاد اول ما وصلوا البيت
    حمده : افففففففف تعبانه
    حمدان : انا بمووووووووووووووت
    ساروا يرقدون من التعب


    والسموحه عالقصور
    ابغي توقعاتكم وردودكم ترى مب وايد تردون وتتوقعون
    وشو اللي عجبكم واللي ما عجبكم ؟؟؟؟







    أحبكـ من زمن يوْم الطفوْله .، يوْم الوْقت أحلآم و تصوْر

  2. #22
    عضو نشيط
    الصورة الرمزية القلب المريض
    الحالة : القلب المريض غير متواجد حالياً
    رقم العضوية : 39776
    تاريخ التسجيل : 09-07-09
    الدولة : اماراتيه ونعم والي موعيبنه ينجلع هع
    الوظيفة : بعدي ضغيره على هي الامور .........
    الجنـس : انثـى
    المشاركات : 63
    التقييم : 10
    Array
    MY SMS:

    ما ينفع الندم بعد ما طاح الفاس بالراس ..

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    اممم صح كتكووته اوون لكن هيه هب موجووده ..

    و تطلب منكم السمووحه وتقوول لكم سوري ع التاخير .<< تجرون بعد ضغط البروجكتـآت ..

    و اللي يبي يكمل قرآآيه القصه .. يدخل ع ها الرآبط ..::

    http://www.fazza3.com/vb/t252078-25.html

    الصفحه :: ىـــــ 25 ــــ ..

    و فودآآعت الرحمن ..





    التعديل الأخير تم بواسطة القلب المريض ; 10-04-01 الساعة 08:30 PM


    [IMG]http://up.arabseyes.com/gif/P6x33336.gif[/IMG]
    [/IMG]
    الحزن ملك قلبي ليش ليش ؟؟؟

صفحة 3 من 3 الأولىالأولى 123

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. من حسن أخلاق المسلم (تركه ما لا يعنيه )
    بواسطة الطيبة في المنتدى كلية الشريعة و الدراسات الاسلامية Sharia and Islamic Studies
    مشاركات: 5
    آخر مشاركة: 12-08-13, 11:45 PM
  2. ضرس العقل .. بين مشكلة خلعه وقرار تركه .
    بواسطة الطيبة في المنتدى كلية طب الاسنان College of Dentistry
    مشاركات: 4
    آخر مشاركة: 12-01-24, 08:32 PM
  3. لمت الزمن واثر الزمن صعب ينلام
    بواسطة الطيبة في المنتدى معرض المواهب و الابداع Fair talent and creativity
    مشاركات: 4
    آخر مشاركة: 11-09-29, 09:40 AM
  4. ابتــدـے بالحمـدِ للــه ّ " إنْشُۈدة فٌيَ غايَة اڵروعهِ
    بواسطة خفايا الشوق في المنتدى منتدى الوسائط Media Forum
    مشاركات: 9
    آخر مشاركة: 10-10-09, 06:48 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •