تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 1 من 3 123 الأخيرةالأخيرة
النتائج 1 إلى 10 من 22
  1. #1
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    Smile كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    السـلآآمـ ع ـليكمـ




    شـ‘ح ـآلكمـ ..؟ ع ـسآكمـ إلآ بـ‘خ ـير ..؟

    يبت لكمـ هـآلقصـ‘ه وهيييه بـ‘ع ـنوآن :


    كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~

    للكـآتبه :

    فديتني زوزو

    و الحين بيتمـ تحميييل الشـ‘خ ـصيـآت

    ||||||||||||||||||||||||||||||||||||||

    الشـ‘خ ـصيـآت :



    عايلة احمد الحمادي (دبي)



    حمد(بو حمد): ريال طيب ومحترم ومن رجال الاعمال ومعروف في البلاد يحب عياله وايد وموفر لهم كل اللي يتمنونه



    فاطمة (ام حمد): حرمة طيبه وايد وطيبتها ما تنوصف تحب عيالها وايد وانسانه اجتماعيه بالقو يعني ما تفوتها حفله والا عرس والا عزيمه ويزقرونها فطيم وهي وايد فري



    حمد : عمرة 24 سنه طيب وايد يشتغل في شركة ابوه



    حميد : عمرة 22 سنه عاطل باطل اكبر مغازلجي في الامارات مزيون الا غرشوب ومغرور بجماله وايد وهايت في الشوارع ليل ونهار وصبح وفالليل



    محمد : عمره 20 سنه مزيون وحلو يدرس في التقنيه دمه خفيف وايد محد سلم من لسانه



    حمده : عمرها 18 سنه ثانويه عامه بنت جميله الكل يفز لجمالها تعق الطير من السما بشرتها برونزيه وهالشي اللي يحليها عليها جسم مرسوم رسم وعيونها وسيعه وشفايفها مليانات بس العيب الوحيد اللي فيها لسانها طويل



    حمدان : عمرة 16 سنه اول ثانوي دمه خفيف وايد ويحب الاكشن والعاب البلاي ستيشن ومضيربي درجه اولى




    عايلة علي الحمادي (دبي)



    علي (بو حسن): ريال حالته الماديه كويسه عنده اللي يسده ومدلع عياله واااايد



    منى (ام حسن): حرمه شريره جدام الناس طيبه وحنونه ومن وراهم شريره وحاقده وتحب المظاهر وايد



    حسن : عمره 27 سنه متزوج من سلامه بنت خاله وعنده بنت (نور)



    سالم : عمره 23 سنه صايع ضايع ومزيون



    ميره: 20 سنه ابوها مدلعنها وايد وانسانه مغرورة ومراهقه بالقو ومب وايد حلوه بس هي شايفه عمرها وايد حلوه وتحسب الكل يغار منها ومن جمالها وما تدرس لانها ما يابت نسبه وهايته في المولات




    عايلة خليفه الكتبي (العين)



    خليفه(بو سيف) : رجل اعمال كبير معروف في البلاد هو طيب وايد بس وقت الجد جد وما يسكت عن الغلط



    موزة(ام سيف):حرمه طيبه وااايد وتحب يمعة الاهل وانسانه اجتماعيه وايد



    سيف:عمره 28 سنه متزوج من ثريا بنت جيرانهم عنده ولد وبنت (هناد ومروة)



    عاليه :عمرها 26 سنه متزوجه من هل دبي حلوه وايد وعندها ولد (عوف)



    مايد : عمره 24 سنه مزيوون وحلو انسان ملتزم واجتماعي وايد ويشتغل ويا ابوه



    منذر : عمره 22 سنه جميل بمعنى الكلمه ومغازلجي بالقو وهايت في الشوارع



    ملاك : عمرها 18 سنه ثانويه عامه بنت جميله جدا حلوه وبيضا بياض الثلج وخدودها مورده وجسمها جميل وشايفها مليانات وعيونها وسيعه وهايه مالها خص في حد



    غايه : 16 سنه ملسونه هالبنت تسير البيوت تاخذ علوم الدار وتنشر وما تحفظ سر




    عايلة عبدالله المنصوري (العين)



    عبدالله (بو جمال): ريال طيب وايد ما بقول انه رجل اعمال بس هو يشتغل في التجارة



    شيخه (ام جمال): حرمه طيبه وحبوبه وانسانه متفهمه الكل يرتاح لها ويلجألها في همومه وهي اخت بو حمدان



    ريم : 25 سنه متزوجه واحد من هل بوظبي وعندها بنت (وله)



    جمال : عمره 23 سنه مزيون وعايش قصة حب ولا اروع >>> بعدين بتعرفون سالفتهم



    سلطان : عمره 20 سنه صايع مثل غيره وعايش حياته فررررري



    بيان : عمرها 19 سنه طيبه وحلوه وااايد تشبه حمده بنت خالها وهي وايد تحبها ودايما تكون المثل الاعلى لحمده



    سلاف : 18 سنه تشبه بيان وحمده وطيبه وهي بعد ربيعتها ليل ونهار تكلمها في الفون




    والباقين بيظهرون مع الاحداث







    أحبكـ من زمن يوْم الطفوْله .، يوْم الوْقت أحلآم و تصوْر

  2. #2
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    البدايه >>>>>>>>>>>>>>>>


    الجزء الاول



    في دبي


    يوم الاحد الساعه 6 الصبح في بيت احمد الحمادي وتحديدا في غرفة حمده


    نانسي (الشغاله) : همدووووه يلا قوم انته في مدرسه


    حمده : همممممممممممممممممممممممم


    نانسي : همدووووه قوم ما في وقت


    حمده : بس 5 دقايق وبقوم


    نانسي : لا ما في 5 دقيقه بعدين سوي تأخير


    حمده وهي تصارخ : قلتت لج 5 دقايق وبقوم ما تسمعين انتي


    نانسي طلعت من الحجره وهي تتحرطم : والله هذا نفر ما في زين كله قرقر مشان انا


    وسارت غرفة الطعام



    في غرفة الطعام كانت يالسه ام حمد وبو حمد يتريقون


    ام حمد : ها نانسي وعيتي حمده


    نانسي : همده ما في يقوم وهو سوي قرقر مشان انا ويصرخ في وجه مال انا ما يريد يقوم


    ام حمد : لا اله الا الله هالبنت ما تحشم حد الا تصارخ على الاوادم


    بو حمد : مسكينه البنت راقده وما تعرف شو تقول انا بسير اوعيها


    وسار بو حمد غرفة حمده


    بو حمد بكل حنان وابوه : حمده حمده بابا قومي


    حمده : همممممم ابويه حبيبي بس شوي بعده وقت


    بو حمد : انزين لين تسبحين وتلبسين بمر الوقت يلا حبيبتي قومي ابى بنتي تكون متفوقه في دراستها وما تتأخر


    حمده : ان شاء الله ابويه بس عندي شرط


    بو حمد : امرررررررري وتدللي


    حمده : انته توديني المدرسه


    بو حمد : من عيوني انتي تامرين امر


    حمده : فديتك ابويه وقامت وباسته


    بو حمد : يلا لا تتأخرين


    وطلع برع وسار ايلس عند ام حمد


    يدخل عليهم حمد ومحمد وحمدان وحبو ابوهم وامهم على الراس ويلسو يتريقون وبعدين دخلت حمده وسلمت ويلست تتريق


    بو حمد : يلا حمده نسير


    حمده : يلا ابويه


    حمدان : لييييش


    بو حمد : بوصل اختك المدرسه في دربي


    حمدان : وانااااا ليش ما توصلني شمعنى حمده


    حمده : وانته ليش غيران انا كيفي ابغي ابويه يوصلني


    حمدان : انزين سيري انا ما بسير المدرسه زين


    بو حمد : خلاص حمدان ولا تزعل قوم بوصلك ويانا


    حمده : لا ما ابغيه ايي ويانا


    حمدان : ولا انا ابغي ايي وياج


    بو حمد : خلاص حمدان باجر انا بوصلك واليوم بوصل اختك


    حمدان : انزين هالمره برضى


    وطلعت حمده مع ابوها وسارت المدرسه وحمدان سار مع الدريول والباقيين في سياييرهم
    في العين


    في بيت عبدالله المنصوري


    يالسين يتريقون


    بيان : سلاف انا متأخره بشل الدريول وما بوصلج دبري عمرج


    سلاف : لا والله تبيني اسير عالشارع


    بيان : اقولج متأخره سيري ويا جمال والا سلطان


    سلاف : جمال سار من مساعه وسلطان راقد ما بطيع يقوم بشوف ملاك اذا ما سارت بسير وياها


    وسارت تتصل على ملاك


    ملاك : هلاا سلاف شو عندج من الصبح حاشرتني


    سلاف : خيبه خيبه انزين سلمي قولي صباح الخير


    ملاك : هههههههه صباح الخير


    سلاف : صباح النور اقول بسير وياج المدرسه


    ملاك : اوكى طلعي انا احينه طالعه


    سلاف : يلا عيل باي


    وسارن البنات المدرسه



    في دبي وفي مدرسه البنات


    في البريك


    حمده : اااف ليش ساكتات رمسن مليت


    اماني : شو نقول رمسي انتي


    غاليه : نحن ما فينا لسان انتي لسانج اطول عنج رمسي انتي


    حمده : يعني انا لساني طويل انزين اللي يرمسكن مره ثانيه ويات تبغي تسير مسكتها غاليه


    غاليه : تصدقين عاد لو مب لسانج طويل ما رابعتج


    الكل : هههههههههههههههههههه


    حمده : تشوفون اللي انا اشوفه


    اماني : شو تشوفين


    حمده : شيخة جميرا


    اماني : وينها


    وصفت حمده المكان اللي فيه البنت


    غاليه : ههههههههههههههه تصدقون حلوه التسريحه


    اماني : انا احدسها على شي واحد بس


    حمده وغاليه : شووووووووووووو


    اماني : انها كل يوم تسير الصالون وتتعدل


    حمده : يصرفني كل يوم تسريحه ومكياج


    الكل : ههههههههههههههههههههه


    حمده بصوت عالي : اقووووووووول غاليه ما يسوى عليج مسوه جذه بعمرج بس حلوه تسريحتج


    غاليه : شو اسوي لازم اتعدل كل يوم اذا ما تعدلت من وين بترزق


    الكل : ههههههههههههههههههههههههههههه


    البنت يات عندهم وعرفت انهم يقصدونها


    شمسه : ليش تنغزون بالرمسه


    حمده : نحن حشى ما قصدناج شفتينا طرينا اسمج


    شمسه : لا بس ينعرف انكم تقصدوني


    حمده : لا افااا عليج انتي شيخة جميرا ما نروم نقول عنج شي


    وسارت البنت عنهم وهن يلسن يضحكن عليها


    وخلص الدوام والكل رجع بيته


    في العين بيت بو سيف


    يالسين يتغدون


    منذر : ابويه طالبنك قول تم


    بو سيف : شو عندك


    منذر : ابغي ابدل سيارتي


    بو سيف : توك ما كملت شهر وتبغي تبدل سيارتك


    منذر : امررررررره مب عايبتني


    غايه : شووو مب عايبتنك حرااام عليك هذي بورش كاين


    منذر : انزين مب حلوه


    بو سيف : وشو تبغي احينه


    منذر : ابغي بي ام سبورت


    بو سيف : خلاص سير الوكاله واختار اللي تباه


    منذر : مشكور ابويه


    مايد : ابويه تراك وايد مدلعنه


    بو سيف : خله يستانس


    ملاك : اميه العصر بسير صوب بيت ام جمال


    ام سيف : سيري


    غايه : بسير وياج


    ملاك : لا ما تسيرين ادري بج بتاخذين علوم بيتهم وبتنشرين في الفريج


    منذر : هههههههههههههههه تشتغل في الجزيرة هذي


    غايه : انتو ما لكم خص فيني سامعين


    ام سيف : انا كم مرة قلت لج لا تنشرين اسرار الناس عيب


    مايد : انا احيد هذي شغلة العيايز مب شغلتج انتي


    غايه عصبت منهم وسارت حجرتها

    بيت عبدالله المنصوري

    في غرفة بيان دخلت عليها سلاف

    سلاف : اقووول بيان من يومين ما كلمت حمده بنت خالي

    بيان : هيه والله من يومين ما كلمناها وهي بعد ما اتصلت لا يكون فيها شي

    سلاف : مادري والله اتصلي لها من فونج انا ما عندي رصيد

    اتصلت بيان على حمده وحطت سبيكر

    حمده : هلااا والله بأهل العين وينكم ما تسألون عني شحالكم شخباركم شو مسوين وين داركم شو هالغيبه يقولون من طول الغيبات ياب الغنايم وعسى يايبين شي يسوى

    بيان : ههههههههههههههههههههههههه شفيج كلتيني خليني ارمس شوي على الاقل خليني اسلم بس

    حمده : هههههههههه شحالكم اشتقت لكم وايد

    بيان : الحمد لله وانتي شحالج من يومين ما اتصلتي

    حمده : والله ماشي بس ما وحيت علي امتحانات هاليومين

    بيان : اهااا الله يوفقج اقول مب ناويه تين عندنا في الويك اند

    حمده : مادري بس بشوف ابويه

    سلاف : الشيييمه تعالي مشتاقين لج وااايد

    حمده : ههههههههه انتي من وين طلعتي لي

    سلاف : من الصبح اسمعج تعالي حمدوووه والله مشتاقين لج

    حمده : خلاص بقول حق الحكومه اذا بيرضون

    بيان : سيري سأليهم اذا بخلونج عسب نرتب رحله بنسير المبزره والا العين مول

    حمده : والله عيل بسير اسألهم وبتصل

    بيان : اوكى باي

    سارت حمده عند امها

    حمده : امييييييييييييه امييييييييييييه وينج

    ام حمد : انا هنيه في الصاله

    حمده : امييييه طالبتنج طلبه قولي تم

    ام حمد : خير شو عندج قولي

    حمده : حبيبتي اميه ابغى اسير العين يوم الخميس وبرد السبت

    ام حمد : ليش ان شاء الله يلا ماشي سيره

    حمده : امييه حرام عليج ابغى اسير من زمان ما سرت

    ام حمد : نحن بنسير بيت يدج

    حمده : انا مابغى اسير بسير بيت عمتي اميه الله يخليج الشيييمه

    ام حمد : انزين سألي ابوج احسن

    حمده : فديتج اميه ان شاء الله احين بتصل فيه

    سارت حمده واتصلت على ابوها ووافق يوديها

    وبعدين اتصلت على بيان

    بيان : ها بشري

    حمده وهي متضايقه : ما طاعو

    بيان : ليش حسافه

    سلاف : اخيييييج شو هذا

    حمده : بس في خبر ثاني حلو

    بيان : شوووو

    حمده : يوم الخميس بسير ............

    بيان : وين

    حمده : بسير ...........

    بيان : قولي وين

    حمده : بيييي عندكم

    بيان وسلاف يصرخون : قولي والله يالخايسه لين تجذبين علينا

    حمده : هههههههههههههههههههه

    بيان : وناسه

    حمده : اوكى انا احينه بسكر اوكى

    بيان : اوكى بااااي

    حمده : بايات


    في بيت خليفه الكتبي

    ملاك يالسه تطالع المجله وتشوف اخر الصيحات والموديلات اللي نازله وتدخل عليها غايه

    غايه : ملاك سمعتي اخر خبر

    ملاك وهي ما شالت عينها عن المجله : شووووووو

    غايه : عوشان بنت ام خالد تطلقت

    ملاك وهي تسايرها : قولي والله متى

    غايه : اليوم الصبح

    ملاك : وانتي منو خبرج

    غايه : توني العصر سرت بيت ام زايد واسمع العيايز يرمسن واونه ماخذ عليها سلفيه نص مليون

    ملاك : حراااام مسكينه عوشان ما تستاهل

    غايه : هي والله مسكينه احينه كيف بتسدد ديونها

    ملاك : انزين خلاص انتي مره ما تصدقين يلا طلعي

    غايه : بعد يزاتي يايبه لج الخبر

    وتظهر من الحجرة وسارت المطخ تاكل


    في دبي بيت علي الحمادي

    بو حسن : ها بنتي ميره وين اخوج سالم

    ميره : سالم يهيت في الشوارع

    بو حسن : حسن وحرمته وينهم

    ميره : سايرين يتمشون

    بو حسن : زين عيل انا بسير مواعد ريال

    ام حسن : ما بتتعشى عندنا

    بو حسن : لا بتعشى برع

    وطلع

    رن تلفون ميره وسيده سارت حجرتها وردت على الفون

    ميره : هلا والله بشيوخ القصيق

    وليد : هلا بحياتي هلا بعمري هلا بقلبي

    ميره : شحالك حبيبي عساك بخير

    وليد : دامج بخير انا بخير

    وتمت تكلمه >>>>>>>>>>>>>>> عاد ما يحتاي اكمل



    في بيت احمد الحمادي

    حمده يالسه تتطالع فلم هندي دخل عليها حمدان

    حمدان : ها ام الدهن يالسه تتطالعين عيال عمج

    حمده : ما يخصك

    حمدان : قومي بلعب سوني

    حمده : عندك حجرة وفيها تلفزيون

    حمدان : خاطري العب في الصاله

    حمده : ماشي

    حمدان : يعني ما بتقومين

    حمده : لا ما بقوم ويلا اشوف سير حجرتك

    قام حمدان ومط حمده من شعرها

    حمده : اااااااااااااااااااااااي يالملعون خوز عني

    وقامت حمده ترفسه واستوت الضرابه من مط شعر ومرافس وطراقات وبكسات >>> جميع انواع القتال والدفاع عن النفس

    دخل عليهم محمد :حوووووووو شو هذا >>> ويلس يهدي من بينهم

    محمد : انتي ريال انتي

    حمده : عيل يضربني وتباني اسكت له

    حمدان : هي اللي بدت

    حمده : انا اللي بديت يالقبيح

    حمدان : من زين ويهج جنه قطو دايستنه سياره

    حمده : احسن عن ويهك المنفعص

    محمد : بس جب انتي الثانيه ويلا اشوف سيري حجرتج

    وسارت حمده حجرتها وهي معصبه خذت شاور عالسريع بعد المعركه ويلست شوي على النت وبعدين رقدت

    وتموا محمد وحمدان يضحكون عليها ويسولفون في الصاله
    يوم الخميس اول ما وصلت حمده من المدرسه رتبت اغراضها وسارت العين ويا ابوها





    أحبكـ من زمن يوْم الطفوْله .، يوْم الوْقت أحلآم و تصوْر

  3. #3
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء الثاني


    في العين بيت عبدالله المنصوري
    بيان : يالله متى بتوصل حمده
    سلاف : شفيج مستعيله احينه بوصلون
    سلطان : قوم خالي بيون عندنا
    بيان : لا بس حمده بتي يومين
    سلطان : اها عيل اليوم بيلس اطفر بها
    بيان : حرام عليك امبونها ما تدانيك
    سلطان : ههههههههه محد قالها تي بيتنا
    وقام وطلع عنهن وشوي والا توصل حمده
    حمده : هااااااااااااااااااي الشيخه حمده وصلت
    بيان وسلاف يتراكضن صوبها ويسلمن عليها
    بيان : حمدوه انتي الا تزيدين حلاه
    حمده : شو اسوي يوم انا حلوه اصلا
    سلاف : يلا تعالو بنيلس لا اتمن واقفات عالباب
    ويلسن البنات يضحكن ويسولفن
    بيت خليفه الكتبي
    ملاك : اميه انا بسير صوب بيت ام جمال
    منذر : ليش تسيرين بيت الناس طفرتي بهم
    ملاك : هم قالولي تعالي اونه بنت خالهم يايه عندهم ويبوني اتعرف عليها
    منذر : عشتوووو مادري منو ياي الملكه ديانا والا كليوبترا
    ملاك : اييييييييه انته احشم عيب
    منذر : يلا سيري سيري مب ناقصين حشرتج
    سارت ملاك بيت ام جمال ومنذر سار عند ربعه
    في امارات مول (دبي)
    حميد : فديتييييييييييييته
    سعود : اااااخ يا قلبي
    حميد : يا قلبي ممكن تاخذين الرقم *******
    سعود : تأكيد على الرقم *******
    ويلسوا يحوطون ويغازلون وما خلوا بنت ما طاحوا عليها
    في العين بيت عبدالله المنصوري
    الساعه 8 العشا
    البنات يالسات في قسمهن ويطالعن التلفزيون
    حمده : اففف مليت من التلفزيون قوموا نظهر
    بيان : ما اظن يخلونا
    حمده : بخلوكم لا تخافون انا بقنع عمتيه
    ملاك : عيل انا اترخص بسير البيت
    حمده : لا وين انتي بتسيرين ويانا
    ملاك : لا امي ما بتطيع
    بيان : بتطيع انا بتصل فيها وبقولها اني عازمنتكم في مطعم
    سارت حمده عند عمتها وقنعتها واتصلت بيان على ام سيف ووافقت ملاك تسير وياهم
    وسارن البنات العين مول ويا الدريول
    في السيارة
    بيان : حيدر طول على المسجل
    طول حيدر على المسجل وكانوا حاطين اغنية راشد الماجد
    على حبنا تمر ايام
    وانتي يا هنا فيني
    غرامك كل ما مر عام
    احسه يكبر بعيني

    ووصلوا العين مول
    اول شي ساروا يتمشون الطابق الاول وبعدين سارن باسكن روبنز ويلسن والبنات مسويات حشره وكل اللي في الباسكن يطالعهم وهن ولا مهتمات
    حمده : اقولج بيان تذكرين اول يوم كنا بيت يدي يوم لبسنا انا وسلاف ملابس اولاد وطلعنا نتمشى في الفريج الصبح الساعه 6
    سلاف : ههههههههههه الله يقطعج انتي بعدج تذكرين
    بيان : هيه اسميكن هاكي اليوم مادري شو ياكن
    الكل : هههههههههههههههههههههههههههههههههههههه
    بيان : لا ويوم كنا صغار الصبح يوعانين واغراض البيت مخلصه سرنا نسرق بيض من بيت يرانهم
    حمده : هههههههههه اسميه يدي لو عرف بيولغنا بالعصا
    سلاف : مب بس بيولغنا الا بيذبحنا
    ملاك : ههههههههههههههه حلوه طفولتكم
    حمده : احلى شي فيها ان كنا ساكنين بيت يدي مع بعض
    كان عدالهم طاوله كلها شباب
    ........ : اقول الشيخات سوالفكم حلوه تعالوا يلسوا عندنا
    عاد هذا ما توفق يوم اختار بنات وياهن حمده
    حمده : نعم نعم نعم عيد ما سمعت
    عبدالعزيز : شفيج يالقمر عصبتي خلاص لا تيلسون عندنا بس ممكن تاخذون الرقم
    حمده : لا انا ما بخذ الرقم شرايك انا اعطيك الرقم
    هنيه ملاك استغربت من حمده اما بيان وسلاف ما استغربن لانهن متعودات على حركات حمده
    حمده : تعال خذ الرقم
    هو ما صدق عمره وسيده يا ووقف عند حمده
    حمده : الشيخ ما عندي قلم عادي اكتبه على كندورتك بالروج
    عبدالعزيز : افااااا عليج خذي راحتج
    طلعت حمده الروج الاحمر من شنطتها وكتبت على كندورته 999
    حمده : الشيخ هذا رقمي ولو سمحت تتصل فيني أي وقت
    فهاللحظه البنات نقعن من الضحك والولد طاح ويهه وسار عند ربعه اللي من شافوه وهم ناقعين من الضحك عليه
    ملاك : ههههههههههههههه تصدقين انا اول شي فهمتج غلط
    حمده : ههههههههههههه رياييل ما ايون الا بالعين الحمره
    الكل : هههههههههههههههههههه
    يلسن البنات شويه بعدين سارن البيت
    اول ما دخلن كان سلطان يالس في الصاله يترقبهن
    سلطان : من وين يايات
    بيان : من العين مول
    سلطان : ليش سايرات
    سلاف : حمده كانت تبى تسير
    سلطان: بس اليوم الخميس والمول كله شباب
    حمده : والله نحن مب سايرين عشان الشباب
    سلطان : هذي اخر مره تسيرن المول بدون ريال سمعتن
    سلاف : والله انته مالك خص نحن مستأذنين
    حمده : ايييييييه انته لا تيلس تتحكم فينا سمعت
    وسارن البنات قسمهن

    الساعه 12 الليل في ميلس خليفه الكتبي
    منذر وربعه كانوا يالسين يلعبون اللي يلعب ورقه واللي يلعب بلاي ستيشن واللي يلعب بلياردو
    منذر اللي يلعب بلياردو : يلا عزوز ما تبى تلعب
    مطر : عزوز خله اليوم استوت له سالفه فاتتك
    منذر : شو استوى
    مطر : في العين مول بنيه فظحته جدام الناس
    عزوز : جب انته ان شاء الله يستوي لك اشد مما استوالي
    منذر : ليش شو صاير
    خبره مطر بالسالفه
    منذر : هههههههههههههههههههههههاااااااااااااااااي اسميها بنت ناس وظاهره من ظهر ريال
    عزوز : بايخ عيل هي شاله البقعه فوق راسها حاشرتنا وضحكهن وين واصل لازم برقمها
    منذر : تصدقون انا اشوف اللي لسانها طويل وتتمصخر حاشمه عمرها وما عندها سوالف شباب اما اللي تشوفها هاديه وما ينسمع لها حس يطلع في تلفونها مية ريال
    مطر : هيه والله امبونه الساكت ناكت
    وكملوا الشباب سهرهم لين الصبح
    يوم الجمعه الصبح في دبي
    بيت احمد الحمادي
    بعد ما يو من صلاة الجمعه يلسوا يتغدون
    محمد : ام خلفان ايبي لي برتقال
    ام حمد : ويدي منو بعد ام خلفان
    محمد : هذي نانسي شغالتج
    ام حمد : وانته محد يسلم من القابك
    محمد : هههههههههه وينها الملعونه وتم يصارخ : ام خلفااااااااااان
    ام حمد : احينه هي شو دراها انك تزقرها
    حميد : نانسي ايبي برتقال
    يابت نانسي برتقال
    محمد : يوم بزقرج مره ثانيه تعالي سامعه
    نانسي : والله انته ما في يزقر انا
    محمد : انا قلت لج ام خلفان ليش ما ييتي
    نانسي : انا ما في ام كلفان انا نانسي
    محمد : احين اسمج ام خلفان سمعتي
    نانسي : جين بابا جين
    محمد : يلا سيري المطبخ اشوف
    سارت نانسي المطبخ وهم كملوا غداهم
    في العين
    في غرفة جمال
    جمال : ها حبيبتي بتسيرين مكان اليوم
    جيهان : يمكن اسير العين مول افصل لي عبايه
    جمال : انزين اشتقت لج ممكن اشوفج
    جيهان : خلاص اذا سرت بخبرك
    جمال : اوكى حبيبتي
    جيهان : حبيبي امي تزقرني
    جمال : اوكى باي
    وسكر جمال عن جيهان وبعدين سار صوب خواته
    في غرفة البنات
    جمال : شحالج حمده
    حمده : بخير ولد عمتيه شحالك انته
    جمال : انا بخير ويصد صوب بيان : عيل ريم ما بتي اليوم
    بيان : اكيد بتي اليوم الجمعه
    سار عنهم جمال وبعدين يت ريم عندهم هي وريلها وبنتها
    بيان : هلا والله شحالج
    ريم : تمام وانتو شحالكم
    بيان : كلنا بخير عندنا حمده بنت خالي
    ريم : والله من زمان ما شفتها ولهانه عليها
    دخلوا سلاف وحمده عندهم وسلموا عليهم ويلسوا
    ام جمال : شحال عمتج واهلج
    ريم : كلهم بخير سلمت عليج عمتيه
    ام جمال : الله يسلمها اقوول ترانا اليوم بنسير بيت ام سيف
    سلاف : هيه والله اميه من زمان ما سرنا
    ام جمال : خلاص بنصلي المغرب وبنسير
    بعد صلاة المغرب ساروا بيت خليفة الكتبي ( ام جمال وريم وبيان وسلاف وحمده )
    دخلوا وسلموا ويلسوا في الصاله يلسن الحريم يرمسن بروحهن والبنات سارن حجرة ملاك يرمسن
    عند الحريم
    ام سيف : اقول ام جمال منو هالبنيه اللي يايه وياكم
    ام جمال : هذي حمده بنت اخوي احمد
    ام سيف : هيه ما شاء الله عليها عيل وين بنتج يا ريم
    ريم : راقده وخليتها في البيت

    عند البنات
    ملاك : زين يوم ييتوا بيتنا
    حمده : افاا عليج طول ما انا في العين بنصبح وبنمسي في بيتكم
    بيان : حززززن جيه تبين الناس يرمسون علينا
    سلاف : واولهم اختها غايوووه بتفضحنا في الفريج
    حمده : عيل وينها ما اشوفها
    ملاك : اكيد تتفقد الرعيه احينه تحوط البيوت
    حمده : هههههههههههههه ياخي عجيبه اختج
    في هالوقت منذر كان ظاهر من حجرته ولابس كندور سوده وغترة حمرا ومتعصم وكان ظاهر عجيييييب ودخل حجرة ملاك
    منذر وهو مب منتبه للبنات : ملاك شفتي غرشة الدهن عود مالي وانتبه للبنات وكانت عينه طايحه على حمده
    منذر : اسف ما ادري بنات عندج ويوم قده بيظهر
    ملاك : منذر الدهن عود عندي وقامت وعطته اياه وسكرت الباب وهو سار عند ربعه
    حمده : منو هذا الكشيخ والمزيون والغرشوب والحلو وال....
    بيان : بس بس خلاص سكتي عرفنا انه حلو
    ملاك : ههههههههههههههه هذا منذر اخوي
    حمده : يا ربي يا رحامته محلاه الغاوي
    سلاف : ههههههههههه بسها تخبلت
    حمده : اقول ملاك اخوج يحب والا خاطب والا مرتبط والا محير والا شو يعني
    ملاك : هههههه لا عزوبي
    حمده : عيل شرايج تخطبينه حقي
    ملاك : فالج طيب
    بيان : اقول حمده يعني ليش ما تقولين كلمه وحدة يوم ترمسين تقولين اكثر عن كلمه وكلهن نفس المعنى
    حمده : ياخي كيفي انا حره طليقه اقول اللي يعجبني واللي ....
    بيان : بس لا تتفلسفين وايد
    الكل : ههههههههههههههههههههههههههههههههههه
    يلسن البنات يسولفن وبعد زقرت عليهن ام جمال عسب بيروحون وساروا بيتهم
    في دبي في مركاتو
    ميره يالسه ويا ربعها يحوطن وحاطات ميك اب اشكال والوان ولابسات برمودات والعبايه مفتوحه والشيله على الكتف طاف عدالهن واحد
    راكان : افففف ستايلج حلووو
    ميره : مشكور عيونك الحلوه
    راكان : ممكن تاخذين الرقم
    ميره : اكيد افاااا عليك اللي مثلك ما ينرد
    عطاها الرقم وسار عنهن
    خلود : يا حظج
    ميره : اكيد لاني حلوه
    خلود : حتى نحن حلوات
    ميره بغرور : لا انا احلى
    خلود فخاطرها : من زين شيفتج خقاقه مادري على شو
    وكملن حواطه وبعدين سارن السينما وردن البيت الساعه 2 بالليل
    ميره متعوده ترد البيت متأخر وهذا بسبب دلع ابوها لها وطبعا اخوانها ما يعرفون باللي هي تسويه

    نسير العين
    الساعه 2 بالليل عند البنات كانن سهرانات
    حمده : اقووول انا يوعانه
    بيان : انتي ما تشبعين
    حمده : ياخي يوعانه بتسيرون وياي المطبخ والا لا
    سلاف : محد بسير وياج سيري بروحج
    قامت حمده وسارت المطبخ الداخلي ما لقت فيه شي وبعدين سارت المطبخ اللي برع
    كان باب المطبخ مسكر سلطان كان ميمع ربعه ويالسين يطبخون فتحت حمده الباب وكانت لابسه جلابيه وشيلة البيت واول ما شافت المطبخ متروس شباب سكرت الباب على طول وسيده شرده ولحقها سلطان ومسكها من ايدها
    سلطان : شو يايبنج المطبخ احينه
    حمده : كنت يوعانه
    سلطان : وما نقيتي الا احينه تبين تفضحينا انتي
    حمده : والله انا شو دراني انك ميمع مصبنه في المطبخ
    سلطان : يلا اشوف سيري الحجره
    حمده : يوعانه دخيلك اييب لي شي من اللي تتطبخونه
    سلطان : يلا اشوف سيري
    حمده : انزين بتيب لي
    سلطان : اففففف وقفي ترييني بييب لج وبيي
    سار سلطان عند ربعه وياب حق حمده سندويجتين برجر وقوطي شاني
    حمده : تسلم
    سلطان : ان شفتج مره ثانيه يا ويلج
    حمده : اوكى وسارت تربع الحجره
    ورد سلطان عند ربعه
    في هالوقت منذر كان وياهم واول ما شاف حمده تم مبهت وفخاطره : معقوله هذي اخت سلطان بس انا ما قد شفتها من قبل يالله محلاتها
    مطر وهو يكلم منذر بصوت واطي محد يسمعه غيرهم
    مطر : اقول منذر
    منذر : قول
    مطر : شفت البنت اللي توها دخلت
    منذر : هيه شفيها
    مطر : هذي هيه اللي جعمت عزوز في العين مول
    منذر : قول والله وفخاطره : مب سهله طلعت بس والله ملاك بهيئة بشر

    ومر اليوم وبالباجر عقب الغدا روحت حمده بيتهم وبدت الدوامات والمدارس وكالعاده حمده كل يوم ظرابه بينها وبين حمدان والشغاله
    في بيت خليفه الكتبي
    منذر دخل حجرة ملاك اللي كانت يالسه على النت
    منذر : اقوول ملاك
    ملاك : قوول
    منذر : منو هذيلاك البنات اللي كانن عندج قبل يومين
    ملاك : هذيلا بنات عبدالله المنصوري
    منذر : خوات سلطان ؟؟؟؟
    ملاك : هيه ليش تسأل
    منذر : ابدا بس شفت وحده غريبه وياهن
    ملاك : هيه هذي بنت خالهم
    منذر : اهااااا الا هي من وين
    ملاك : من دبي ليش تسأل عن البنت
    منذر : لا بس ماشي
    سار منذر حجرته وهو يفكر في حمده
    منذر : شفيني انا افكر في البنت بس وايد عيبتني فديت عيونها
    وتم منذر يفكر في حمده لين رقد
    في هالوقت حمده كانت تحاول ترقد بس ما قدرت ترقد وفجأه يا في بالها منذر
    وفخاطرها : محلاه هالانسان ما شاء الله عليه وايد حلو انزين انا شفيني افكر فيه احبه لالا ما اظن هذا اعجاب بس كيف احب الريال وانا ما اعرفه معقوله حب من اول نظره لالا انا ما احبه انا طول عمري اقول ما يابته امه اللي بحبه واحينه افكر في واحد ما شفته الا مره وحده
    وتنهدت وحطت عالاف ام ويلست تسمع اغاني والساعه 3 ونص رقدت





    أحبكـ من زمن يوْم الطفوْله .، يوْم الوْقت أحلآم و تصوْر

  4. #4
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء الثالث


    في بيت احمد الحمادي
    حمده : حمدان حمدااااااان حمدانوووووووه وصمخ
    حمدان : سمممممممممممم
    حمده : يسمك قول امين
    حمدان : خيييييييييييير شو عندج يا ام بخيت
    حمده : ام بخيت في عينك
    حمدان : ام بخيت عايبنج عايبنج مب عايبنك دقي راسج في الطوفه
    حمده : جب جب سريح
    حمدان وهو يقلدها : جب جب سريح انتي سريحه مب انا
    حمده : مب ناقصه غلاضتك انا
    حمدان : خييييييير قولي شو عندج
    حمده : شفت البرموده مالي الورديه
    حمدان : قالو لج البس برمودات بنات والا شو
    حمده : لا بس يمكن شفتها والا نانسي حاطتنها في كبتك بالغلط
    حمدان : زوووووولي عن ويهي
    حمده : انزين ما عليه كنت ناويه اخذك وياي بسير سنشري مول وامارات مول وبطوف على مركاتو بس احين تحلم بسير بروحي وباخذ نانسي وياي
    حمدان : لا بسير بسير شو تسيرين بروحج
    حمده : اذا تبغي تسير وياي سير حجرة نانسي ودور برمودتي الرديه
    حمدان : يعني ما عندج غيرها
    حمده : لاااا
    حمدان : افففففف
    سار حمدان حجرة نانسي وحصل البرموده ووداها حجرة حمده
    لبست حمده البرموده ولبست عبايه مسكرة وسكارف وردي وما حطت ميك اب بس رسمت عيونها من تحت وتكحلت وحطت قلوس وسارت المول هي وحمدان
    في السياره حمدان يالس جدام عند الدريول ويالس يفرفر في الاف ام وحط اغنية نوال الكويتيه موليه


    من السما جاني وخطفني وطافني بالسما
    من علمه يخلي الازهار تعشق موسمه
    طحت بهواه يا هلي سمو علي من شفته وانا حالتي حاله وابيه
    حبيت انا وانتهى امري ما بيدي شي عمر الهوى يا هلي مقدر عليه
    عيشني الدنيا غرقني حنيه خلاني ارمي الهم ورى ورى ورى
    ورى ظهري موليه
    كل شي مكتوب بس ااااااااااه با بخت اللي مكتوب له انته انته
    هذا الهوى والا الهوى لعيونه سموه الهوى
    واحنا سوى احس كل شي حولي راق المستوى
    شوف النجوم وشلون ذابحها السهر ما تنام لين ينام ويتغطى بغيوم
    ومدام بس بالليل يطلع هالقمر لا انا ولا شوقي راح يجينا نوم
    عيشني الدنيا غرقني حنيه خلاني ارمي الهم ورى ورى ورى
    ورى ظهري موليه

    في هاللحظه حمده طرى على بالها منذر وفخاطرها: ااااه يا منذر معقوله طحت بهواك ليش بالذات انته
    وقطع حبل افكارها حمدان : ام بخييييت نزلي
    حمده وهي مب منتبهه انهم وصلوا : ويييييين
    حمدان : بعد وين ما تشوفين سنشري مول قدامج
    حمده : هيه والله
    ونزلوا ودشوا المول اول شي يلسوا يتمشون وبعدين ساروا صوب الكوفي يشربون جاي وهم في الكوفي
    حمدان : اقووووول حمده صدي وراج هذيك مب جنها ميره بنت عمي
    صدت حمده صوبها : هيه والله هذي ميره
    حمدان : بسم الله شو مسويه بعمرها هذي وين عمي عنها
    حمده : مالنا خص فيها
    حمدان : شو مالنا خص بتفضحنا هذي شوفيها لابسه تنوره قصيره وعبايه مفتوحه عيل هي ليش لابسه العبايه وريولها خاري
    حمده : انزين هي كيفها عمي ما يرضى حد يقولها شي
    حمدان : ان شفتج تكليمنها والا ترابعينها يا ويلج
    حمده : شو ارابعها هي اكبر مني وبعدين انته تعرف اني ما احبها
    حمدان : اخييييه لوعت بجبدي قومي نظهر احس عمري متفشل جدام الناس انها بنت عمي
    وظهروا وساروا امارات مول ويلسوا يحوطون دشت حمده محل مال بدل وعيبتها كمن بدله وشرتهم وبعدين سارت اشترت عطور ومكياج وفصلت عبايتين وشرت 3 برمودات وتنورتين واكسسوارات وسكارفات ونعول وبعدين ساروا باسكن روبنز
    حمدان : حشى شو انتي بتعرسين ويايه تشترين زهبتج
    حمده : هههههههههه عيبني وما حبيت اخلي في خاطري شي
    حمدان : تعبت من الحواطه انتي ما تتعبين
    حمده : لا ما تعبت بنسير مركاتو
    حمدان : والله ما اسير
    حمده : لا بسير حرام ربيعتي تقول عندهم قمصان حلوه
    حمدان : الله ياخذج انتي وربيعتج
    حمده : يلا قوم نسير
    حمدان : لا صبري ما شبعت
    ويلسوا ياكلون ايسكريم وبعدين خطفوا على مركاتو وما يلسوا وايد لان حمدان تعب من المشي والوقت كان متأخر وردوا البيت
    في العين
    بيت خليفه الكتبي الساعه 1 الليل
    منذر وربعه كانوا يالسين وسهرانين
    منذر كان يالس برحه في زاويه ويفكر وفخاطره : معقوله حبيتها لا انا ما احبها بس ابغي اكلمها لازم ادور طريقه عسب اوصل لها فكر يا منذر فكر شو لازم تسوي
    وقطع حبل افكاره عزوز
    عزوز : حووووووو منذر شو مب ناوي تلعب
    منذر : هاااا لا بلعب
    عزوز : بلاك سرحان
    منذر : لا مب سرحان بس افكر شوي بسالفه
    عزوز : لا يكووووون متصوب
    منذر : لا شو متصوب ما عاشت اللي تصوبني
    ويلسو الشباب يلعبون لين الصبح وبعدين ساروا يرقدون
    الصبح في بيت عبدالله المنصوري
    سلاف : بيان قومي ما بتسيرين الجامعه
    بيان : لا ما بسير فيني رقاد مب طبيعي خليني ارقد
    سارت سلاف تلبست ونزلت الصاله
    سلاف : لا لا لا ما اصدق الشمس اليوم من وين ظاهره سلطان بشحمه ولحمه قايم الصبح مستحيل
    سلطان : ليش مب عايبنج
    سلاف : لا يا خوي اكيد عايبني بس مب مصدقه
    سلطان : لا صدقي واصلا انا مب قايم عسب اجابل شيفتج انا قايم لاني مواعد الربع بنسير دبي يومين وبنرد
    سلاف : قول والله عيل ما بسير المدرسه توحني بيت خالي في دربك
    سلطان : نعم نعم انا وياي شباب ان شاء الله بتتيلسين وسطهم
    سلاف : اففففف خاطري اسير بيت قوم خالي
    ام جمال : يوم الخميس بنسير ابغي اسير بيت يدج من زمان ما سرت اسلم عليهم
    سلاف : يا سلااااام
    سارت سلاف المدرسه وسار سلطان صوب ربعه والوجهه جدى دبي وصلوا الشباب الفندق ونزلوا اغراضهم وبعدين ظهروا وساروا المطعم يتغدون وبعدين ساروا الفندق يريحون لين العصر

    بيت احمد الحمادي
    كانوا يالسين في الصاله يطالعون التلفزيون
    حمده وهي تكلم حمدان بصوت واطي : حمداان
    حمدان : شو
    حمده : تبغي بيزات
    حمدان : كم
    حمده : الفين
    حمدان : هييييه
    حمده : بس ابغي مقابل
    حمدان : شو تبغين
    حمده : ابغي اسير امارات مول
    حمدان : البارحه سايره
    حمده : ابغي شنطه يديده حق المدرسه وابغي اشتري جوتي يديد
    حمدان : ام بخيت تراج وايد خقاقه شو بتدشين سنه يديده
    حمده : خلني هذي اخر سنه ابغي اكشخ وبعد ابغي اشتري قطعه بخيط كندوره يديده
    حمدان : انزين ويصد على ابوووه : احم احم
    حمد : شو عندك تتحنحن
    حمدان : ابويه ممكن طلب
    بو حمد : امر شو بغيت
    حمدان : ابغي اسير المول اشتري بدله رياضه يديده وبمر المكتبه محتاي كمن كشكول واقلام
    ام حمد : البارحه ساير ليش ما اشتريت
    حمدان : اميه نسيت اشتري البارحه وكان الوقت متأخر
    بو حمد خلاص سير ويى رنقا
    حمده : ابويه انا بعد ابغي اشتري اقلام قلامتي نصهن مخلصات ما يكتبن
    بو حمد : خلاص خذ اختك وياك محتايين فلوس
    حمده : هيه ابويه
    بو حمد : عطاهم بو حمد فلوس وبعد المغرب ساروا امارات مول
    في السياره
    حمدان : رنقا ودنا امارات مول
    رنقا (الدريول ) : انته كل يوم يسير امارات مول شو يسوي
    حمدان : انته شو يخصك ودنا وانته ساكت
    رنقا : جين
    ساروا امارات مول
    حمده كانت لابسه عبايه مسكره وسكارف بنفسجي وحاطه ميك اب بنفسجي خفيف وقلوس وطالعه حلوه وشاله شنطه بنفسجيه ولابسه نعال بنفسجيه اما حمدان كان لابس برموده وجوتي سبورت وكاب على صوب وطالع جنان
    الصوب الثاني شباب العين كانوا يايين امارات مول
    منذر : اقول عزوز خلنا نسير صوب العطور ابغي اشتري دهن عود
    عزوز : يلا
    ساروا عزوز ومنذر صوب العطور
    عند حمده وحمدان
    حمده : حمدان ابغي اشتري عطر قوتشي قوم نسير
    حمدان : البارحه شاريه عطور
    حمده : نسيت اشتريه يلا نسير
    وساروا صوب العطور

    دخلوا عزوز ومنذر وشارفوا حمده وحمدان بس حمده ما انتبهت لهم وهم واقفين مجيمين ويطالعون حمده اللي كانت محتشره ويى اخوها
    حمده : غباش خلني اشتري هالعطر
    حمدان : ماشي شوفيه غالي وايد عطر صغيرون بالفين والله ما تشترينه
    حمده : انزين فلوسي انته ما يخصك
    حمدان : ام بخيت ان شريتيه بتنظربين
    حمده : والله اشتريه واذا ما شريته ما بعطيك البخشيش
    حمدان : نعم نعم نعم اهم شي البخشيش
    حمده : عيل خلني اشتري العطر وبعدين فلوس ابوي وايد ليش نحرم عمارنا
    حمدان : ام بخيت مب زين الاسراف
    حمده : غباش اسكت عني
    حمدان : اشتريه انا شو يخصني
    شرت حمده العطر وشرت بعد قوتشي وكمن عطر ويوم قدها بتطله شافت عزوز ومنذر وفخاطرها : يااا ويلي منذر هنيه والا انا مشبهه لا هو هذا منذر ما انسى شكله ومنو هذا اللي وياه شكله ما غريب عليي صح تذكرت راعي العين مول يا ويلي اكيد خبر منذر بسالفتي احينه تقاهم يحشون فيني
    ويوم يات بتظهر عزوز قالها بصووت واطي : ام بخيت هااا
    عطته نظره خلته يصد الصوب الثاني وسارت هي وحمدان
    عزوز : هي هذي
    منذر : اللي كتبت عليك رقم الشرطه
    عزوز : هيه ومنو هذا اللي وياها
    منذر : اكيد اخوها ما تشوفهم يالسين يتزاقرون بالالقاب
    عزوز : هههههههه ام بخيت طلعت
    منذر : ههههههههههههههههههههههه
    اشترى منذر الدهن عود وبعدين سار صوب قوم سلطان
    وبعدين ساروا صوب النعول تشتري جوتي
    عند حمده وحمدان
    حمده : غباش أي جوتي احلى
    حمدان : كلهم حلوين
    حمده : يعني أي واحد اخذ
    حمدان : مادري خذي اللي يعيبج
    حمده : بخذهم كلهم
    حمدان : انتي ليش مسرفه
    حمده : كيفي بيزاتي وانا حره
    حمدان : امبونج ام بخيت يلا بسرعه بنروح نحن قايلين الا ملابس رياضه والمكتبه
    حمده : انزين
    اشترت حمده الجواتي والعطور واشترت قميصين للمدرسه وخذت قطعه ومروا الخياط وخاطت لها كندوره وبعدين ساروا المكتبه وما خلت حمده قلم وما شرته وشرت مذكره وكشكولين عيبها اشكالهن ونوته عسب تتراسل هي وربعها في الحصص وردوا البيت الساعه 10
    بيت عبدالله المنصوري (العين )
    بيان : اتصلت لحمده قالوا محد الله ياخذها تحوط ونحن مكنوزين في البيت
    سلاف : ياخي عندهم عادي مب نحن بالحسره في الشهر مره يوم نشتري راشن البيت
    بيان : لا وبعد بضرابه يودونا
    سلاف : امي قالت يوم الخميس بنسير عندهم اسميني ما بقر في البيت
    بيان : قولي والله حلاته بنسير دبي من زمان ما سرت
    وشوي ويرن تيلفون بيان
    بيان : هلا وغلا بالحواطين وينكم
    حمده : هههههههه كنت سايره امارات مول اشتري عطور وجواتي حق المدرسه
    بيان : يا بختج والله اقولج يوم الخميس بني صوبكم
    حمده : قولي والله فديتكم انا اسميني ما بقر بكن في البيت بحوطبكن دبي بكبرها
    بيان : هذا احسن شي فيج يوم ني عندج
    حمده : قولي منو شفت في المول اليوم
    بيان بفضول : منوووو
    حمده : منذر اخو ملاك ووياه هذاك اللي كتبت على كندورته رقم الشرطه في العين مول
    بيان : قولي والله
    حمده : والله يغربل حمدان فضحني يالس ويزاقرني ام بخيت وام بخيت وهم ما صدقوا
    بيان : ههههههههههههههههههههههه صح سلطان ساير ويا ربعه دبي يومين واكيد وياهم
    حمده : ما شفته اكيد كل ثنينه منتشحين في مكان
    بيان : هههههههههههه حظج والله
    حمده : انزين انا بسير ارقد سلمي على سلاف
    بيان : اوكى يلا باي
    وسكرت حمده عن بيان وسارت ترقد

    بالباجر عند الشباب
    سلطان : يلا شباب نسير نتريق
    ساروا الشباب يتريقون وبعدين سلطان سار صوب بيت خاله يسلم عليهم وبعدين ساروا يحوطون وهم في المول شافووا حميد
    سلطان : حميييييييييييييييييييييد حميييييييييد
    صد حميد صوبه : هلاااااا سلطون شحالك
    وسلم عليه ويلسوا يرمسون وبعدين سار حميد يتمشى وياهم
    شافوا شلة بنات اشكالهن صايعات من الخاطر
    حميد : سلطون قوم خلنا نسير صوبهن
    ساروا الشباب صوبهن
    سلطان : هلا والله فديت اللي لابس ذهبي
    صدت البنت وليتها ما صدت كانت صدمة بالنسبه لحمييد طبعا سلطان ما يعرف منو تكون هالبنت
    سلطان : الشيخه ممكن تاخذين الرقم
    البنت وهي مرتبكه وحدها بتموت من الزيغه : ...................................
    حميد : بسرعه عالبيت
    سلطان : شفيك حميد انته تعرفها
    حميد وهو مب منتبه على سلطان من الغيض اللي فيه وجان يسحب ميره من شعرها ويوديها البيت دخلها بيتهم وهي تصارخ قام ابوها وهو مفزوع
    بو حسن : خير شو صاير
    حميد : شوف بنتك شو مسويه شو من مذهب عليها تسير المولات وتغازل الشباب وهي بهالحال
    بو حسن وصل حده وما قدر يتكلم من الصدمه
    ام حسن : انتي شو لابسه
    ميره ما تكلمت وكانت تصيح وايد كانت لابسه تنوره قصيره لنص الفخذ وبوت لين تحت الركبه وبدي كت والعبايه مفتوحه وموديلها ان كم طويل وكم قصير وايدها اليمين نصها برع ومسويه فل ميك اب جنها سايره عرس
    ام حسن : انتي ظاهره من البيت لابسه لبس محتشم وين لبستي هاللبس ووين حطيتي هالكياج
    ميره : .................................................. .
    بو حسن : حسبي الله عليج من بنت هذي اخرت ثقتي فيج سمعيني زين من اليوم ورايح ماشي ظهره من البيت وخذ عنها التلفون وسار حجرته يرتاح من الصدمه وام حسن تبعته
    ميره : كله منك انته السبب
    حميد : انتي حمدي ربج ان خوانج مب موجودين في البيت وبعدين سيري بدلي هاللي عليج لا ايون يشوفونج ويلعنون صيرج
    قامت ميره وربعت حجرتها وقفلت الباب عليها وتمت تصيح وتدعي على حميد
    حميد فخاطره : وايد عليك يا عمي والله لو حمده مسويه هالشي كان ابوي قابرنها في الحوش
    في بيت خليفه الكتبي
    ملاك : غايوووه قومي وصليني بسير صوب قوم بيان
    غايه : لا يكون انا تكسي اشتغل عندج
    ملاك : يلا قومي انتي ما تخافين تظهرين بروحج انا اخاف يلا قومي والا بخلي الشغاله توصلني
    غايه : قومي اشوف قومي
    غايه وصلت ملاك بيت عبدالله المنصوري وسارت تتفقد الرعيه اذا عندهم اخبار يديده
    في بيت عبدالله المنصوري
    دخلت ملاك وسلمت ويلسوا البنات في الصاله لان محد كان في البيت غيرهم
    ملاك : شحال حمده
    بيان : الحمد لله تقول شافت منذر اخوج في المول وراعي العين مول وياه
    ملاك : لا لا ههههههههه طلع ربيع منذر
    بيان : هيه وربيع سلطان بعد هههههههه
    سلاف سارت تقول للخدم يسوون جاي ونسكافيه وعصير وبعدين ردت عندهن وكملت سوالف
    سلاف : تعرفين ان يوم الخميس بنسير دبي
    ملاك : يا حظكم عيل بتم بروحي
    بيان : عاد حلاته في دبي نروح المول ويا الدريول بروحنا بدون ريال
    ملاك : قولي والله وعادي عندهم
    سلاف : هيه عادي في دبي حياتهم فررري اذا كنا اكثر عن بنتين نسير بلا محرم بس حمدووه بروحها تاخذ غباش وياها
    ملاك : هههههههه منو غباش
    بيان : حمدان اخوها
    ملاك : احلى شي فيهم كلهم من قوم حمد حتى قبيلتهم شرات اسمهم
    بيان : ههههههههههههههه حلو لاه





    أحبكـ من زمن يوْم الطفوْله .، يوْم الوْقت أحلآم و تصوْر

  5. #5
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء الرابع


    يوم الخميس الصبح في مدرسة البنات في دبي
    حمده كتبت في النوته : غاليوووه شوفي نعال المس يديده
    ردت غاليه وكتبت لها : ما بغت تبدلها زين يوم ترحمت على عمرها والا شوفي كندروتها اصفر واخضر
    حمده : اليوم افتتاح كاس العالم اونها تشجع البرازيل
    وتمن البنات يتراسلن بالنوته كل ما تدش مس قرضنها قراض
    في بيت عبدالله المنصوري
    البنات مرتبشات وما داومن يالسات يرتبن اغراضهن فرحانات بسيرن دبي وعقب ما تغدون ساروا دبي
    بيت خليفه الكتبي
    ملاك : امييييه نبغي نسير رحله ملينا من اليلسه في البيت
    ام سيف : وين تبين تسيرين
    ملاك : ابغي اسير دبي عند اختي مليت من البيت >>>> قولي تبين تلحقين الشله
    ام سيف : خلاص سيري انتي وغايه وخلو منذر يوصلكم
    ملاك : قولي له انتي نحن ما بطيع يودينا
    سارت ام سيف قالت حق منذر ومنذر ما صدق لقاها فرصه وحاط في باله امل ان ملاك بتسير صوب حمده
    ورتبوا اغراضهم على السريع واتصلوا بعاليه يخبرونها انهم بسيرون عندها
    في السياره ملاك يالسه جدام عدال منذر وغايه يالسه ورى
    ملاك : اقول منذر انته بتبات والا بترجع
    منذر : ليش ارجع وبعدين منو بردكن يوم السبت
    ملاك : انزين بطلبك طلب قول تم
    منذر : اول قولي بعدين بقولج اذا تم والا لا
    ملاك : قوم بيان وسلاف في دبي بيت خالهم في هاللحضه دق قلب منذر بقوا
    منذر : انزين انا شو يخصني
    ملاك : هم يوم ايون دبي ما يقرون في البيت من مول لين مول شرايك اقولهم اني في دبي وتوديني عندهم
    منذر : اوديج بيت خالهم
    ملاك : لا بس بواعدهن في المول
    منذر : لا عيب اكيد بكون وياهن ريال
    ملاك : لا ما بكون ريال وياهن في دبي فري عندهم مب لازم محرم
    منذر : يعني بيان وسلاف بطلعن روحهن
    ملاك : بنت خالهم بتكون وياهم
    منذر: منو بنت خالهم
    ملاك : حمده اللي كانت يايه وياهم بيتنا
    منذر : اسمها حمده
    ملاك : هيه ها شو قلت
    منذر وهو مب مصدق لان هذي الفرصه نزلت عليه من السما : اكيد بوديج كم ملاك عندي
    ملاك : فديتك اخوي والله انك احسن اخواني امبوني امدح فيك
    منذر : اهم شي مدحيني جدام ربيعتج مال دبي
    ملاك : شو حاط عينك على حمده
    منذر : تقدرين تقولين
    ملاك شهقت بقووو
    منذر : شو فيج

    ملاك : غايه بتفضحك وبتفضح البنت
    منذر : مالها حس وينها وصدو عليها ورى والا البنت في سابع نومه
    ملاك تنهدت : الحمد لله انها راقده
    منذر : ههههههههههههههههه شرايج تتصلين حق ربعج تقولين لهم انج في درب دبي
    ملاك : اوكى
    منذر : بما اني بوديج تواعدينهن في المول بطلب طلب
    ملاك : امر انته طلباتك منفذه
    منذر : حطي سبيكر ابغي اسمع شو يقولن
    ملاك : منذر عيب
    منذر : عيل ماشي سيرة مولات
    ملاك : لا لا بس بحط سبيكر
    واتصلت ملاك على سلاف
    سلاف : هلا والله وحالج اشتقتي لي
    ملاك : ههههههههههه لا بس بغيت اخبرج ان مب بس انتي تسيرين دبي انا بعد في درب دبي
    سلاف : قولي والله
    ملاك : والله ببات عند اختي
    سلاف : اقولج نحن تونا واصلين واحين بنسير مركاتو شرايج
    ملاك : تم
    حمدوه وهي تزاعج : ملاك يلا استعيلي نحن احينه ظاهرين
    منذر وهو يأشر على حمده ويسأل منو هذي
    ملاك وهي تحرك شفايفها بدوت صوت : حمده
    منذر فخاطره : فديت منطوقها صوتها عذاب
    ملاك : اوكى نحن احين واصلين دبي بنسير سيده مركاتو
    سلاف : يلا نترياج هناكي باي
    سكرت عنها وسارن البنات مركاتو
    دخلن البنات تمشن في الطابق الاول وبعدين دخلوا قوم ملاك
    ملاك : منذر شفتهم نسير صوبهم
    ساروا صوبهم وسلموا عليهم
    حمده : شحالج ملاك
    ملاك : الحمد لله انتي شحالج
    حمده : تمام ومن هالحلوه اللي وياج
    ملاك : هذي غايه اختي
    حمده : هههههههههههههههههه هي هذي مراسلة الجزيره
    غايه : ايييه انتي لا تسبيني
    حمده : اسفين الشيخه غايه يلا قومن نتمشى
    ملاك : لحضه بقول حق منذر
    سارت حق منذر اللي كان واقف بعيد شويه عنهن وهو مب قادر يخوز عيونه عن حمده اللي كانت يالسه تتفداه وتتطالعه
    بيان : بسج قطعتي الريال
    حمده : خليني اكحل عيوني بشوفته فديته محلاه
    سلاف : سكتي مب جدام ملاك
    بيان : جدام ملاك يهون بس المصيبه غايوه
    حمده : ههههههههه
    يات ملاك وغايه صوبهن وتموا يتمشون ومنذر يمشى وراهن بس بعيد شوي >>>> اونه محترم جدام حمده
    يلسن يتمشن بعدين سارن البيت الساعه 6 المغرب

    في بيت علي الحمادي
    ام حسن : بو حسن بنتك من هذيك السالفه ما ظهرت من الحجرة ولا حطت في بطنها لقمه
    بو حسن : خليها تموت احسن
    ام حسن : حرام عليك هذي بنتك الوحيده
    بو حسن : خليها تتأدب اللي سوته مب شويه والله اني ما عرفت شو اقول جدام حميد
    ام حسن : عاد من زين حميد وتربيته ترى حتى حمده تسوي اللي تسويه ميره واكثر بعد
    بو حسن : حشى عليها حمده طول عمرها حشيمه ومستوره مب شرات بنتج
    ام حسن : انته شفيك على بنتي وليش تدافع عن حمده انا بنفسي شايفتنها بعيني بدون عبايه في المول
    بو حسن : لا حول ولا قوة الا بالله انتي متى بتودرين هالطبع ما تمت بنت محشومه وما طلعتي عليها رمسه وما خليتها الا متفصخه ومتيرده وهالشي كله في بنتج والبنات اللي ترمسين عليهن متربيات ومستورات
    ام حسن : يعني انا ما عرفت اربي
    بو حسن : مب قصدي جذه انتي ليش تفهمين كل شي على مزاجج
    ام حسن : ادري انك تقصد هالشي وانا ما عرفت اربي عيل وينك عن بنتك انته اللي تعطاها بيزات وتشجعها تظهر من البيت
    بو حسن : انا قصدي ترفه عن نفسها بدال حكرة البيت بس مب تسوي سواتها
    ام حسن : اوووووه انته الرمسه وياك ضايعه بسير اشوف بنتي احسن عن مجابل ويهك
    بو حسن : الله يهديج ان شاء الله
    سارت ام حسن عند وبنتها تراضيها
    بيت احمد الحمادي
    كلهم يالسين في الصاله البنات والحريم يرمسن والشباب يلعبون بلاي ستيشن
    حميد : قوووووووووول ههههههههه احينه انته ياي تتحداني
    سلطان : ما عليه تونا في البدايه اصبر عليه شويه
    حميد : ههههههههههه بنشوف
    خمس دقايق والا سلطان يناقز : قوووووووووووووووووووول
    حميد : هههههههههه تونا تعادل بعدك ما فزت
    وكملوا لعبهم وفاز حميد 2/1
    عند البنات
    بيان : امييه نبغى نسير نتزلج
    ام جمال : حززززن تبون تفضحونا
    ام حمد : لا فضيحه ولا شي خلهم يسيرون يستانسون
    ام جمال : عيل يسيرن يتزلجن جدام الرياييل
    ام حمد : كلهم الاوادم يسيرون وهم بياخذون وياهن ريال
    ام جمال : ومنو بطيع يسير وياهن
    ام حمد : حميييييد سير ودى خواتك حوطهن
    حميد : كل يوم يسيرن بروحهن شمعنى اليوم
    ام حمد : يبن يسيرن يتزلجن
    حميد : حمدوووه من اسبوعين مودنها وبعدها مب شبعانه
    حمده : يا سلااام والله بنات عمتي يبن يسيرن بعد مب بس انا
    حميد : انزين يلا سيرن تلبس وما تلبسن لي تنوره لبسن جنزات ما فينا على الفضايح اذا انزلقت وحده وطاحت
    سلطان : اييييييييه شو يسيرن يتزلجت يلا ما عندنا هالسوالف
    حميد : ما فيها شي خلهن يستانسن وبعدين لا تصير معقد وانته مب في العين انته في دبي
    سلطان : لا لا شو يسيرن عيييب
    حميد : لا عيب ولا شي قوم بس بنوديهن نضحك عليهن
    سارن البنات تلبسن وكشخن اخر كشخه
    حمده لبست جنز وبدي كت احمر وجراب احمر وعبايه مسكره وعلى اطراف الكم شريط احمر وسكارف احمر وشاله شنطه سبورت حمرا شرات الاجانب وحاطه كحل بدون ما ترسم عينها وشدو احمر خفيف
    كلهن لابسات نفس الشي بس بيان بحري وسلاف اصفر >>> لونها قوي شويه وملفت وحلو عليها لانها بيضا
    عند الشباب حميد لبس مرمودا اسود ومخطط بالاحمر وتي شيرت احمر ومخطط بالاسود ولابس كبوس مال شتى احمر ومخطط بالاسود وجوتي سبورت احمر ومخطط بالاسود وحاط ربطه سوده مخططه بالاحمر في ايده > طالع غرااااااااام الا عذااااااااااااااااااب
    سلطان لابس مثل حميد بس اسود ومخطط بأصفر
    وساروا

    في صالة التزلج كانوا يتزلجون ويصارخون وكل شوي بيان وسلاف يطيحن >>> اول مره مب متعودات
    والشباب يضحكون عليهن
    بيان : الله ياخذج يا حمدوه
    حمده : وانا شو يخصني
    بيان : لانج ولا مره طحتي
    حمده : الحمد لله شو بعد تبيني اتفشل
    سلاف : ايييي ظهري انكسر من كثر ما اطيح
    حمده : هههههههههههههههههههههه
    حميد : ها بسكن والا
    حمده : لا بعدنا دخيلك
    شوي والا ملاك ومنذر طايفين صوبهم >>>>>>> شاردين عن غايه
    منذر : ملاك هذيل مب ربعج
    تصد ملاك صوبهم : هيه والله حظهن يتزلجن
    منذر : عادي عندهم
    ملاك : قوم بيان مب عادي بس حمده فري عندهم معني اشوف بيان وسلاف وياهم يتزلجون
    منذر : اكيد بواسطه حمده
    ملاك : انزين ما بتخليني اتزلج بواسطة حمده
    منذر : تخسين
    ساروا صوبهم ومنذر يزاقر سلطان
    سلطان اول ما شاف منذر فخاطره : حسبي الله عليكن من بنات احينه منذر شو بقول عني مخلي خواته يتزلجن
    سلطان : هلااااااا منذر شحالك
    منذر : تمام
    سار حميد صوبهم وسلم على منذر
    حميد : يلا تزلج ويانا
    منذر : لا والله اختي وياي
    حميد : انزين عادي خلها تدخل ويا البنات
    منذر : لا ما تعرف وتخاف تدخل
    سار منذر وملاك ويلسوا على طاوله يرمسون
    منذر : كيف يخلونهم
    ملاك : حياة دبي فري
    منذر : ملاك لا يكون حمده من البنات
    قاطعته ملاك : الا ملاك مستحيل تسوي هالشي هم صح حياتهم فرري بس مستحيل تسوي هالشي
    منذر : وشو المانع
    ملاك : لانها مب محرومه من شي
    منذر : كيف يعني
    ملاك : البنت ما تكلم شباب الا يوم تكون محرومه من حنان اهلها او ان اهلها معقدين وما يخلونها تسوي شي على راحتها او اذا كانوا معذبينها تسوي هالشي تنتقم او انها ترابع بنات صايعات وهن يخربنها
    منذر : يعني عشان حمده تسوي كل اللي تباه ما تصيع
    ملاك : انته تشوف ويهها ويه وحده صايعه شوفها حتى قذلتها مب طالعه
    منذر سكت ويلس يطالع في حمده وسرح فيها وحمده كل شوي تطالع صوبه
    حمده : اففف تعبت بسير ايلس شويه
    بيان : لا تمي ويانا
    حمده : انزين انتو كملوا انا شويه وبرد
    سارت حمده ويلست على الطاوله اللي مقابله طاولة قوم منذر وطلبت لها عصير برتقال فرش وحطت سماعات في اذنها ويلست تسمع اغاني وتشرب عصير ومنذر مبهت فيها

    سافر وانا مسافر معاك من دونك انا من اكون
    اعشقك انتفس هواك مغرم الى حد الجنون
    مالي في هالدنيا سواك خل العواذل يسمعون
    اباك يا عمري اباك اقرب من رموش العيون
    فرقاك وغيابك هلاك ما ظن محبوبك يهون
    خلالك العالم وجاك ما تمنعه اسوار وحصون
    قلبي على ما هو عطاك عهد وفي اللي ما يخون
    حبك وحافظ مستواك يعزف على اوتار الشجون

    وبعدين حطت اغنية مساري
    real love
    وبدون لا تحس كانت مغمضه عيونها وتهز راسها وتغني وياه وتسوي حركات راب
    بايدها شافها منذر وهي مرتبشه
    منذر : لحقي ربيعتج شي استوى بها
    صدت ملاك عليها : هههههههههههههههههههههههههه
    منذر : سيري لحقيها
    سارت ملاك ويلست تزاقرها وحمده ما تسمع ومرتبشه شوي والا حميد ياي صوبها ونقع عليها من الضحك
    حميد : ههههههههههههههههههههااااااااااااي حمدووووووه وصمخ فضحتينا
    حمده : .................................................. .
    حميد شاتها بريوله وتصرخ حمده صرخه هزت المكان
    حميد : وييييييييييييييعه فضحتينا
    حمده : ليش ترفس
    حميد : انتي صاحيه والا شربتي بيره توج
    حمده : والله شو سويت انا
    حميد : بعدج ما سويتي شي
    الكل كان يطالعهم ويضحكون عليهم لأن صوتهم كان وايد عالي
    سلطان : انا يوم اقولك هذيل محد يوديهن مكان ما سمعت كلامي
    حمده : هيه انته ايلس جرجه بروحه ما ينزاد
    حميد : يلا قومن بنسير البيت
    حمده : بيان انا شو سويت
    بيان : ههههههههههه ما سويتي شي بس كنتي تهزين راسج وتسوين حركات راب بايدج
    حمده : انااااااااا
    حميد : لا انا
    حمده : انزين ما كنت منتبهه
    حميد : منتبهه والا لا يلا اشوف قومن قومن
    سارن البنات البيت وهن معصبات
    منذر : هههههههههههه عجيبه هالحمده احسها مينونه
    ملاك : حرام عليك البنت مب مينونه
    منذر : مب مينونه بس دمها خفيف ولسانها طويل
    ملاك : ههههههههههههههه حليلها وايد طيبه
    منذر : اهم شي طيبتها
    وبعدين ساروا البيت

    يوم السبت الصبح البنات يالسات يرتبن اغراضهن عسب بيروحون بعد الغدى
    حمده : انزين يلسوا لين العصر
    بيان : يا ليت امي ما بتطيع هناكي هوشها تحاتيهن
    حمده : ههههههههههه بعدها تربي هوش
    بيان : هيه وكل يوم الفجر سايره صوب العزبه
    حمده : يبالنا نسير العزبه نيلس يومين
    بيان : هيه والله من زمان ما سرنا
    حمده : خلاص بكلم ابوي وبقنعه يودينا
    بيان : هههههههه قوميها هذي متى بترتب اغراضها
    حمده وعت سلاف اللي كانت في سابع نومه ورتبت اغراضها وتغدوا وروحوا بلادهم العين دار الزين ومر اليوم على حمده ممل حلت واجباتها لين المغرب وبعدين يلست في الصاله شوي ويرن تلفونها كان الرقم غريب
    حمده : الووووووووووو
    ......... : اهليييييين شحالج
    حمده : بخير منو ويايه
    ............ : افااا ما عرفتيني صح انا نسيت اعطيج رقمي وخذيت رقمج من عند بياان
    حمده : ملاااااك سوري ما عرفتج علومج اليوم
    ملاك : الحمد لله بغيت اسلم عليج لأني احينه مروحه
    حمده : احينه مروحين كان قلتي لي العصير بلاقيج في المول انا احسبج روحتي الظهر
    ملاك : ما عليه مره ثانيه ان شاء الله يلا اخليج احينه
    حمده : اوكى فديتج ربي يحفظج
    وسكرت عنها
    منذر : اقوول ملاك
    ملاك : قووول
    منذر : حمده شو اسمها الكامل
    ملاك : ليش تسأل
    منذر : بس فيني فضول
    ملاك : حمده احمد حمد الحمادي
    منذر : قولي والله
    ملاك : هههههههههه حلو الاسم صح
    منذر : وايد حلو
    ملاك : لا وبعد اخوانها حمد وحميد ومحمد وحمدان
    منذر : ما عندها خوات
    ملاك : لا هي بنت وحده بس
    منذر : اشوفها دلوعه وماخذه راحتها
    ملاك : هههههههههه حرام عليك
    سكت منذر وكان حاط اغنية ماجد المهندس

    علمتني كيف احب فيك الحياة
    طوقتني بحب من كل الجهات
    غرقتني بشوق واحساس وحنان
    صرت لي المرسى وصرت طوق النجاة





    أحبكـ من زمن يوْم الطفوْله .، يوْم الوْقت أحلآم و تصوْر

  6. #6
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء الخامس


    يوم الاحد الصبح
    نانسي تدخل حجرة حمده وفخاطرها : يا رب يستر هزا نفر ما في زين اهينه يسوي قرقر مشان انا
    نانسي : همدووووووه همده
    حمده : صمخ ان شاء
    نانسي : قوم في مدرسه
    حمده : زولي عن ويهي
    نانسي : قوم مشان مدرسه
    حمده : بقوم بروحي
    نانسي : بعدين انتي في سوي تأخيييييييير
    حمده قامت وشلت الشب شب مالها وراشت به نانسي وسيده نانسي شخطه تحت تتطلع براعات الهنود في الركض
    حمده : قسم بالله ان شفتج مره ثانيه بتتصفعين
    وردت ترقد بعدين دخل عليها حمدان
    حمدان : حمدوووووووه قومي
    حمده : هممممممممممممممممم خلني ارقد
    حمدان : قومي ابوي يترياج على الريوق
    حمده : اووووهوووووو الواحد ما يقدر يرقد في هالبيت
    حمدان : ام بخيت والله بتتصفعين قومي
    حمده : غباش حبيبي بعطيك بيزات بس خلني ارقد
    حمدان : ما ابغي بيزات يلا قومي
    حمده : يعلك الحمى قول امين
    قامت وهي معصبه وسارت تسبحت ونزلت تتريق وبعدين سارت المدرسه
    في السياره
    حمده : رنقااااا مر الشيشه
    حمدان : بعد ليش الشيشه
    حمده : بخذ جبسات وكاكاو وعصاير
    حمدان : مب سهله ام بخيت كل يوم تشتري هالسوالف يعلج الدوده الزايده
    حمده : اييييييييييه انته لا تدعي عليه
    حمدان : عيل انتي ليش تدعين عليه بالحمى
    حمده : انا كيفي ادعي بس انته لا
    حمدان : لا والله
    حمده : هيه والله
    رنقاا : بسسسسسس كلاص انته كله جنجال انا في راس عور كله قر قر قر ما في يعور لسان مال انته
    حمدان : ام بخيت رنقا على اخر عمره يفتن علينا
    حمده : لا لا غباش اذا سكتنا عنه ترانا مب كفو
    حمدان : ظنج
    حمده : اكيد بس خله يوقف عند الشيشه اول
    وقف رنقااا عند الشيشه نزلوا اول شي خذوا لهم جبسات وكاكاو وعصاير وبرنقلز ومشروبات غازيه وبسكوت وبعدين ساروا وحطوا الاغراض في السياره
    حمدان : ها شو احين نثأر لكرامتنا
    حمده : اكييييد
    سار حمدان بطل باب السياره اللي يالس صوبه رنقا ومطه ونزله من السياره
    رنقا : شو في
    حمداه كانت ماسكه خيزرانه وترقعه
    رنقا : ااااااااااااااي ليش انته نفر ما في زين انا شو يسوي مشان يضرب انا
    حمدان : عيل انته على اخر عمرك تفتن علينا ويعطيه بكس على ويهه
    رنقا : والله بابا سوري انا ما في يقول شي مرة ثانيه
    حمده : قول توبه
    رنقا : تووووبه ماما توووووبه
    حمده : ماما في عينك حشى عليه انا مب امك
    رنقا : سوري همده سوري همدان انا ما في يقول شي مره تانيه
    حمدان : تنصخ اشوفك مرة ثانيه
    سار رنقا وركب السيارة وركبوا حمدان وحمده
    صوب السيارة كانت سيارة فيها شباب
    ذياب : اسميها مب سهله هالبنيه خيييييبه شو سوت بالهندي
    ناصر : هههههههههههههه عن عشر رياييل
    ذياب : بس حلوه واااايد
    ناصر : اذا تبغي تقردنها سير بروحك انا مب ناقص ضرب
    ذياب : ههههههههههه لا حشى خلني صاحي احسن عن اترقد في المستشفى

    في العين مول
    جمال : حبيبي وينج ما اشوفج
    جيهان : انا احينه داشه باسكن روبنز
    جمال : فديتج حياتي احينه شفتج
    جيهان : اسمع لا تتقرب صوبي عن حد يشوفنا
    جمال : يكفيني شوفتج يالغاليه
    جيهان : اوكى حبيبي انا بروح احينه
    جمال : وين ما شبعت من ويهج الحلو
    جيهان : ما عليه مره ثانيه انا تأخرت على الدوام قلت لهم نص ساعه وبرجع
    جمال : اوكى حياتي يحفظج ربي
    سكر عنها وهي سارت الدوام وهو رجع دوامه
    في مدرسة البنات (دبي)
    كالعاده حمده تتراسل ويا غاليه في الصف بالنوته واماني مسكينه في صف ثاني
    حمده : شوفي الويه ملعون صيره من البودره
    غاليه : شوفي بعد نظاره شمسيه في الصف وين تبغي هذي
    حمده : يمكن ريلها عاطنها طراق وما تبغينا نشوف
    غاليه : تلقينها شارتنها البارحه وتبغي تراوينا
    خلص الدوام والكل رجع بيته
    حمده اول ما دشت البيت
    حمده : اميييييييييييييييييييه امااااايه يمه ماما مامي حطوووو الغدى يوعاااااانه
    ام حمد : يالله يها البنت ما فيها صبر
    حمده : ام خلفاااااااان يعلج الحمى حطي الغدى
    سارت حمده بدلت وبعدين سارت تتغدى وعلى الغدى
    بو حمد : حمده وحمدان قوموا وقفوا
    بلعوا ريجهم ووقفوا
    ام حمد : خير شو مسوين
    بو حمد : منو فيكم ضارب رنقا
    حمده وحمدان يطالعون بعض وصدوا تحت
    بو حمد : منو اللي ضارب رنقا
    محمد : هاااا ام بخيت انتي ضاربتنه والا سريح ضاربنه
    في هاللحضه اشرت حمده على حمدان وحمدان اشر على حمده
    بو حمد : لا والله كل حد يردها عالثاني
    حمدان : ابويه هذي حمدوه قالت لي قوم نضربه
    حمده : كذاب هو قالي لازم نثأر لكرامتنا
    محمد : هههههههههههههههه فلم هندي هو
    بو حمد : ليش تثأرون لكرامتكم
    حمدان : رنقا فتن علينا
    بو حمد : عقابا لكم ماشي غدى اليوم
    حمدان : ابويه الله يخليك الا الغدى والله اسفين واذا تبى بنحب رنقا على راسه
    حمده : خسي احب رنقا على راسه بكل صمون وجبن اهون لي
    بو حمد وهو فيه ضحكه بس ماسك عمره : انزين هذي اخر مره لكم واذا شفتكم عايدينها بالعصا
    حمدان : ان شاء الله ابويه والله ما اعديها وحب ابوه على راسه وحمده نفس الشي
    محمد : هههههههه الا وين ضربتوه وكيف
    حمدان خار السالفه كلها
    حميد : هههههههههه بعد مخططين
    حمد : وانتي الله ياخذج شو شايفه عمرج صبي تضاربين في الشوارع
    حمده : انا مالي خص هذي خطة حمدان
    محمد : ههههههههههههه هذي عن عشر رياييل
    تغدوا وبعدين ساروا كل واحد حجرته يريح

    في العين
    منذر دخل حجرة ملاك
    منذر : ملاك شحال حمده
    ملاك : زينه ليش تسأل
    منذر : لا ماشي بس يات على باالي
    ملاك : ههههه يات على بالك الا قول ليل ونهار افكر فيها
    سكت منذر وبعدين قال : ملاك اتصلي لها وقولي لها منذر يباج بسالفه
    ملاك : شو شو شو ما سمعت عيد عيد
    منذر : دخيلج ملاك الله يخليج والله لج عليه احوطج اسبوع واشتري لج اللي تبغينه
    ملاك : بتخليني اتزلج في العين مول
    منذر : لا لا في العين مول اخاف ربعي يشوفونج
    ملاك : عيل لا
    منذر : انزين بوديج دبي وبخليج تتزلجين هناكي وبعد تعزمين حمده تتزلج وياج
    ملاك : احلف
    منذر : والله اوعدج
    اتصلت ملاك على حمده وحطت سبيكر
    حمده : هلا والله باهل العين
    ملاك : هلا بج زود شحالج الغاليه
    حمده : بخير ومن صوبج
    ملاك : انا الحمد لله اقووول حمده
    حمده : قولي فديتج
    ملاك : بصراحه عندي لج سالفه بس مستحيه
    حمده : افااا تستحين مني هذا وانا ربيعتج تستحين مني عيل لو كنت غريبه شو
    ملاك : بصراحه السالفه مب عندي
    حمده : عيل عند منو
    ملاك : عند اخوي
    حمده : نعم والله ما احيد بيني وبين اخوج سوالف
    ملاك : مادري هو قالي اتصلي لها وقولي لها اباج في سالفه
    حمده : وهو شو يبغي مني ما احيد اعرفه والا يعرفني
    ملاك : والله ما ادري ما بتكلمينه ؟؟؟
    حمده : اكيد لا شو انا بعدني صاحيه ما اتخبلت
    ملاك : خلاص براحتج يلا انا بسكر باي
    سكرت عنها
    ملاك : سمعت
    منذر: افففف احينه شو الحل
    ملاك : انته شو تبغي تقول لها
    منذر : ما يخصج وعطيني تلفونج
    خذ منذر تلفون ملاك وطلع برع وسار ايلس في السياره واتصل على رقم حمده
    حمده : هلا ملاك لا تحاولين ويايه مستحيل اكلم اخوج
    منذر : انزين بس سمعيني دخيلج سمعيني
    حمده : ............................................
    منذر : والله ما تسكرين في ويهي بس بقولج شي وبسكر
    حمده : ما ابغي اسمع ولا كلمه باي
    سكرت في ويهه ورد يتصل لها وما ترد عليه خذ رقمها وسيفه في تلفونه ورد موبايل ملاك لها

    بيت عبدالله المنصوري
    اتصلت حمده على بيان وخبرتها سالفة منذر
    حمده : دخيلج بيان مب عارفه شو اسوي
    بيان : لا تسوي شي بس لا تردين على أي رقم غريب
    حمده : اوكى
    تمن يسولفن شويه وبعدين حمده سكرت عن بيان ووصلها مسج من رقم غريب
    عاتبت نفسي حيل يوم اني بطيت
    واحرقت من كثر الحسايف خفوقي
    يا من على قلبي وروحي توليت
    يا قبلة اشعاري واستاذ ذوقي
    يا من خذاني الوقت منك انا جيت
    اقدم اعذاري وحبي وشوقي
    حمده فخاطرها : هذا اكيد منذر اااااااه يا منذر اخاف اضعف جدامك
    وطنشته ويلست على اللاب توب تسمع اغاني

    شورك على كيفك حبيبي مخليك
    يكفي غرامك ساطين بالحنايا
    من بد خلق الله احبك ومغليك
    وغيرك ما يحلالي لو يركض ورايا

    ووصلها مسج

    صدفة مرت على نفسي غريبه
    وانجلى همي بعد صبر وعذابه
    أول إنسان بحياتي التـــــقي به
    وأشعر أن القلب في حبه رضابه
    ذاك الي برد من فوادي لهيبه
    خزني بالعين واشغلني صوابه
    له عيون بالحلى ياهي عجيبه
    أن نظرني ضاع من عقلي صوابه

    حمده مسويه اكبر طاف وكملت تسمع اغاني

    مشتاق لك موت ياللي طول غايبك ذبحني الشوق وانته عني مو داري
    اتذكرك كل يوم واموت واحيابك واقول وينك تجي تسأل عن اخباري
    مشتاق لك موت والله عود يا عمري يالله كل عمري فدالك
    ارجوك يا حب غالي عود مالك بدالي وانا مالي بدالك

    ووصلها مسج ثاني

    شلون أكتب عن "غيابك"
    وأنا في غيابك "غايب" !!
    ماني قايل "عــــــــــذاب"
    شيء أشد من "الـــعذاب"
    شيء مثل "الاكتئــــــاب "
    شيء مثل "الاغــــــتراب"
    شيء مثل "الاضطــــراب
    بختصار تقدر تسمي غيابك
    {{مـــــــــــوت في عز الشباب}}

    حمده : افففففففففففف
    وصلها مسج
    ليش ما تردين عليه والله بس بقولج شي وبسكر ما بطول عليج
    ردت عليه
    ما احيد بيني وبينك شي تقولي اياه
    رد عليها
    انزين سمعيني
    ردت عليه
    ما ابغي اسمعك
    في هالوقت منذر كان يالس في السيارة عند البحر شغل الاف ام ويلس يسمع اغاني

    هزني حس المشاعر يا مناي صار شوقي ينكتب باسمك قصيد
    لو اسافر عنك تبقى لي معاي ثابت في وسط قلبي يا عنيد
    يا رجاي ارجوك جاوب لي رجاي نار في صدري يذوب بها الحديد
    وش يفيدك ليش يهنالك شقاي ليش تتركني على بابك وحيد
    حس بي لو يوم قدر لي هواي الجفا في الحب ظالم ما يفيد
    وانته تدري بي وتعرف مستواي من شعوري صرت متأكد اكيد

    في بيت احمد الحمادي
    حمده منسدحه عالشبريه وفخاطرها : يا ترى شو يبغي مني منذر شو يبغي يقولي يحبني والا يبغي شي ثاني انا ليش ما اعطيه فرصه يمكن يبغي يقول شي ثاني افف تعبت من التفكير وفيني فضول اعرف شو يبغي يقولي ونفس الوقت مب قادره ارد عليه يا ربي شو اسوي
    شوي ورقدت
    بالباجر اول ما قامت الصبح واصلنها مسج
    تشرق حياتي وتسعد وياك
    يابعد روحي ميت فيك
    أثبت وجودي وكفى بيمناك وانت الغلا
    وماحد يساويك يا سعد من دايم يلاقيك
    ياحظ قلبي يوم يلقاك وادعي إلهى لي يخليلك
    الروح يازين تفداك ّّخذها هدية قلب يغليك
    ***( صباح الخير )***
    ابتسمت حمده وسارت سبحت وتلبست وسارت المدرسه
    في العين مدرسة البنات
    سلاف : يالله ما باقي على امتحانات الفصل الاول غير شهر
    ملاك : الله متى بنخلص
    سلاف : افكر في رحله حق الاجازة نسيرها كلنا نحن وانتو وقوم خالي احمد
    ملاك : انتي ما عندج خوال غير ابو حمده والا خالات
    سلاف : عندي خال ثاني اسمه علي بس ما عندي خالات
    ملاك : ما اشوفج تطرينه والا تطرين عياله
    سلاف : اصلا انا ما اعرف هو كم ولد وكم بنت عنده لأن ما نسير عندهم ولا هم ايون عندنا
    ملاك : ليش
    سلاف : مادري من خذ هذي السوسه حرمته وهو حتى سلام ما يسلم على امي والا خالي وحتى يدي يقول ما يخطف يسلم عليهم الا في الاعياد ونحن ما نشوفهم الا من عيد لين عيد
    ملاك : وليش يسوي جذه
    سلاف : مادري بس هم وايد خقاقين اذكر عنده بنت تقريبا كبر بيان مادري كم عمرها خقاقه ولو ترمس وياج بتلوع جبدج منها ومن رمستها
    ملاك : هههههههههههههه عاد الخقاقات ما عندهن الا انا سويت وانا بسوي وكله خرييييط
    سلاف : ههههه عيبتني حمده مره فشلتها جدام الكل قالت لها يكذب يخرط
    ملاك : هههههههههههههههه جريئه وايد حمده تعطي في الويه اشكره
    سلاف : لا ومره تضاربت وياها قامت حمده وكسرت المزهريه على راسها
    ملاك شهقت : وما استوى بها شي
    سلاف : هذي ينيه ما يصيبها شي وقامت تكمل ضرابه لين شافهن يدي ولعن صيرهن ثنتيناتهن بالعصا
    ملاك : ههههههههههههههههههههههه وين فكرتي نسير
    سلاف : شرايج البر ننصب خيام
    ملاك : فكره حلوه خلي المدرسه تخلص وبنعرضها
    سلاف : اوكى
    وكملن سوالف لين خلص البريك وكلن سار صفه لين خلص الدوام والكل رجع بيته
    منذر ما مل يطرش لحمده مسجات وبعده يحاول فيها انها ترد عليه بس حمده معانده ما ترد
    وكلن عايش حياته حد متملل وحد ما عنده وقت يحك شعر راسه وتمضي الايام





    أحبكـ من زمن يوْم الطفوْله .، يوْم الوْقت أحلآم و تصوْر

  7. #7
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء السادس


    رجعت حمده من المدرسه شافت مسج واصلنها من منذر


    انا الذي من شوف الاحباب محروم..
    والله يكفي شر زلات الاقدام..
    قبل امس مع ربعي سواليف وعلوم..
    واليوم طاويني هواجيس وهيام..
    اضحك ضحى قبل امس وابكي ضحى اليوم..
    مااسرع دورات الليالي والايام.

    وصلها مسج ثاني

    شحالج الغاليه بعدج مصره ما تسمعيني

    طرشت له

    ولا تحاول لاني ما بسمعك

    طرش لها

    انزين ليش العناد والله بس كلمه وحده ما بقول غيرها

    طرشت له

    ما ابغي اسمع منك شي ولو ما تطرش مره ثانيه احسن

    طرش لها

    بتم اطرش لين تسمعيني

    طرشت له

    بيي يوم وبتمل

    طرش لها

    صدقيني ما بمل وما بوقف مسجات لين تسمعيني

    طنشته حمده وما ردت عليه شوي ويدخل عليها حمدان
    حمدان : اقول ام بخيت يايب لج رقصة يديده قومي نتدرب عليها
    حمده : فوقه قووووووم
    يابت اللاب توب وشغلت اغنيه اجنبيه ويلسوا يرقصون
    حمدان : حمدوووه مب جيه سوي الحركه عدل
    حمده : انزين بنعيد
    عادوا الاغنيه مره ثانيه وكملوا رقص لين صاروا يتقنونها وكل شوي يعيدون الرقصه
    دخل عليهم محمد بدون لا ينتبهون له ويلس يشوفهم وبعدين بند اللاب توب
    محمد : هههههههههههههههااااااااااااي والله اشكالكم تضحك
    حمده : انته ليش تبند نحن نفكر نشترك في برنامج
    So you think you can dance
    محمد : هههههههههههههههههه والله انكم مخبل
    حمدان : انته ما يخصك نحن كيفنا
    محمد : ام بخيت عندج مواهب في الرقص الغربي
    حمده : هيه يبووك لازم والا ما بيقبلوني في البرنامج
    محمد : انزين انا بسوي فرقه معلايه شرايج ترقصين في فرقتي احسن
    حمده : تخسي الا انته تباني اهز جدام الريايل
    محمد : تراج بترقصين في البرنامج بتطلعين في التلفزيون
    حمده : هذاك غير ما فيه هز
    محمد : ههههههههههههههه الله يسكنهم في مساكنهم
    حمدان : اظهر برع خلنا نكمل
    ظهر محمد عنهم
    حمده : اقوول حمدان تبغي تستانس
    حمدان : هيه
    حمده : انزين شرايك نقنع ابوي نسير العين ونبات في العزبه في الويك اند
    حمدان : هيه والله قومي نسير
    نزلوا الصاله وكانوا يالسين ( بو حمد وام حمد وحمد ومحمد )
    حمده : ابووويه يبه بابا باابي
    بو حمد : خير خير شو عندج
    حمدان : ابووويه طالبينك طلبه انا وحمده وما نباك تردنا
    بو حمد : قولوا شو عندكم
    حمده تيلس عدال ابوها : شرايك نسير العين ونبات في العزبه يومين من زمان ما سرنا
    حمدان : الله يخليك ابويه وافق ولا تكسر بخاطرنا
    بو حمد : شرايج ام حمد
    ام حمد : صدقهم العيال انا بعد خاطري اسير من زمان ما سرت
    بو حمد : تم يوم الخميس بنسير
    حمدان وحمده يصارخون من الفرحه وبعدين ساروا الحجره يتفقون على مخططات يديده
    حمده : حمدان شرايك نسير الجمعيه نشتري جبسات وهالسوالف
    حمدان : اوكى وانا ابغي اشتري طبل عسب الدق
    حمده : اوكى باجر بنقول حق ابوي بنشتري اغراض حق العزبه بس ما بنقول بنشتري طبول
    حمدان : اوكى

    وبعدين حمده اتصلت على بيان
    بيان : اهلييييييييين وسهلين وبوستين عالخدين
    حمده : هلا والله شحالكم
    بيان : تمامووو ومن صوبكوووو
    حمده : بخيروووووو عندي لكم خبرووو جميلوووو مزيونووو غرشوبووو عسلوووو وحلووووو
    بيان : ههههههههههه شو ياج قولي شو الخبر
    حمده : بنسير العزبه في الويك اند
    بيان : قولي والله وناسه
    سلاف : شرايكم نقول حق امي تعزم قوم ملاك
    حمده : فكره حلوه
    سلاف : بسير اخبرها وبرجع
    سارت سلاف وخبرت امها وامها قالت بتشاور ام سيف وبعدين رجعت صوبهم
    سلاف : قالت بتشاور ام سيف
    حمده : اوكى عيل يوم بتشاورها دقولي
    سكرت عنهم وبعدين سارت انسدحت على الشبريه ووصلها مسج
    تعرف
    وش
    العذاب
    على
    أصوله!
    العذاب
    انك تحب
    انسان
    ما يعرف
    غلاتك؟
    العذاب
    انك تحب
    انسان
    يتجاهل
    حدودك!
    العذاب
    انك تعذب
    كل قلب
    بشوف
    قلبك!
    العذاب
    تعيش
    بعالمك
    من دون
    حب!
    العذاب
    يموت
    قلبك
    ولا أحد
    يعرف بموته


    طرشت له

    سامحني اخلاقي ما تسمح لي اني اسمعك

    طرش لها

    بس شوي الله يخليج

    تمت حمده خمس دقايق وبعدين اتصلت له منذر ما صدق اللي يشوفه : معقوله رقمها معقوله هي تتصل لي
    ورد عليها : فرحتييني وايد مب مصدق انج اقتنعتي تسمعيني
    حمده : بسرعه لو سمحت
    منذر : خلاص ما بطول عليج بس كنت ابغي اقولج اني .......
    حمده : انك شووو
    منذر : بصراحه يا حمده انا اول ما شفتج وانا افكر فيج صدقيني ما تغيبين عن بالي لحضه
    حمده : وليش هالكلام
    منذر : حمده افهميني انا .....
    حمده : انته شو
    منذر : احبج
    غمضت عيونها ما عرفت شو تقول تلخبطت افكارها كانت تحس بشي غريب لما سمعت هالكلمه : معقوله يحبني لا ها يبغي يلعب خلج قويه يا حمده ولا تعطينه ويه

    حمده حلو القاءها في الشعر فقالت له وهي تشعر :

    أيُّها الشابُ النبيلُ تنحّى .. إن مازالتْ فيكَ نخوةٌ عربية ..
    سألتُكَ إن بقيتْ فيكَ ذرةُ كرامةٍ .. دعني أمُرُّ ولا تُكثر عليَّا ..
    لديَّا مُحاضرةٌ أو موعدٌ أم أبي ينتظِرُني .. أنتَ لا يعنيكَ بِما لديَّا ..
    لو كُنتَ تراني أميرةً في نظرِك .. فدعني أراكَ فارِساً عربيا ..
    دعني أُصدِّقُ أنَّ الرُجولةَ مازالت في شبابِنا .. أم أنّكُم ترتدونها في المُناسباتِ الرسميِّة ..
    أو في غُرفِ نومِكُم .. وعلى مقاعِدِكُم .. أو عِند مُحاولةِ صيدِ فتاةٍ غبيِّة ..
    أنا كأُختك .. ولا أضُنُّكَ ترتضي لأُختِكَ هذا
    أم أنَّها مُحرّمةٌ .. وأنا مسموحةٌ وشرّعية ..
    أم أنَّها عذراءٌ ومُقدَّسةٌ بِالنسبةِ لكَ .. وأنا لستُ مِثلها صَبيِّة ..
    أيُّها الصديقُ الشهمُ .. تَفضّل إن كانَ عِندكَ ما تقولُ
    كُلِّي آذانٌ صاغية .. فأنا لكَ صَديقةٌ وفيِّة ..
    ولكِن مِن فضِّلك لو سمحت
    لا تبدأ في الحديثِ المُمِّلِ ذاته .. أَنّني أُعّجِبُكَ وأنَّكَ
    على استِعدادٍ أن تتقدمَ رسميِّا ..
    وأننّي مُنذُ بدايةِ العامِ أُفكِّرُ بِكِ .. ولا أنامُ ولا أآكلُ
    تَصوّري .. حياتي تَلخبطت كُليَّا ..
    وأنني وأنني
    فهذا اللِسانُ ما عادَ يقطُرُ عسلاً .. ولا يحمِلهُ سِوى الأغبياء
    ولستُ أتَشرّفُ إن جئتني غبيَّا ..
    صَعَدَ العالمُ إلى القمرِ ومازلنا نُقزِّمُ فِكرنا بِالتفاهاتِ العاطِفيِّة ..
    ومازالَ أقصى ما يَصِلُ إِليّهِ فكرُنا .. كيفَ نواجِهُ تِلكَ الصبيِّة ..
    وماذا نَقولُ .. وكيفَ نَقولُ .. وأيَّ قِناعٍ نلبسُ وأيَّ شخصيِّة ..
    تنّحى حضرةَ المُحّتَرم .. فلا ترضى إِمرأةٌ كريمةٌ أن تُرى هكذا
    ولا أَضُنُّ أنَّ رجُلاً كريماً يَرتضي لي نظرةً دُونيِّة ..
    فاحفظ ماءَ وجهِكَ وتوكّل على الله ..
    إن ك يره

    في السياره
    حمدان : رنقااا انته ليش تخبر ابويه ان نحن ضاربينك
    رنقا : انته يضرب انا لازم يخبر ارباب
    حمده : خله هذا مستوي حمار يوم وحده بقضي عليه انا
    حمدان : شرايج نرقعه احينه
    حمده : لا ما فينا ابوي بعدين ما بخلينا نسير العزبه خلنا يوم انتْ أوقاتُكَ لهوٌ وعَبثٌ .. فأوقاتي يا سيِّدي ذَهبيِّة ..


    وسكرت في ويهه وهو تم مصدوم من الكلام اللي قالته حمده : معقوله تعتقد اني العب عليها انا احبها ليش هي تتجاهلني يمكن تحب واحد ثاني لا لا حمده صغيره وما تحب حد حمده لي انا وبس مستحيل اسمح لغيري ياخذها

    في بيت عبدالله المنصوري
    اتصلت ام جمال حق ام سيف وخبرتها بسالفه العزبه وقالت بتشاور بو سيف ووافقوا يسيرون العزبه ومنذر مب مصدق انه بيشوف حمده وبكون وياها يومين
    في دبي حمده وحمدان سايرين يشترون طبول جبس وغ
    بنرد
    رنقا : والله انا يخبر ارباب
    حمده : حقره ما عليك منه
    ووداهم الجمعيه واشتروا جبسات وعصاير وكاكاو وبسكووت وحمدان اشترى جبن >>> يا حبه للجبن
    ومزروا لهم سلتين وبعدين ساروا يشترون طبول وحمده شرت غيتار وحمدان اشترى طبول وعود
    وبعدين ساروا محل الكترونيات حمده اشترت مكبر صوت وميكروفون حق اللاب توب وحمدان اشترى اشرطه حق السوني وبعدين ساروا امارات مول اشترت حمده ثلاث بدلات وكابات وجرابات وجواتي سبورت وسكارفات وعطرين وساعه وشنطتين سبورت وحمدان اشترى بدلتين وبرمودا وكابات وجواتي سبورت وبعدين ردوا البيت
    ويوم الخميس ساروا العين اول ما وصلوا ساروا بيت عبدالله المنصوري وطلعوا رباعه كلهم للعزبه وقوم خليفه الكتبي وياهم وصلوا العزبه ونزلوا قشارهم في العزبه كان فيه بيت كبير
    (حمده وبيان وسلاف وغايه وملاك ) في غرفه
    (سلطان ومنذر ومحمد وحميد) في غرفه
    ( حمد وجمال ومايد وحمدان ) في غرفه
    ( ام حمد وبو حمد ) في غرفه
    ( ام جمال وبو جمال ) في غرفه
    ( ام سيف وبو سيف ) في غرفه
    والشغالات في غرفه والدريوليه في غرفه
    خلصوا ترتيب اغراضهم الساعه 8 بالليل ساروا تعشوا ويلسوا يسولفون لين الساعه 11 بعدين ساروا الشواب يرقدون ويلسوا الشباب يرمسون
    حمدان : ام بخييييت شو مخططج اليوم
    حمده : ما دام رنقا رقد يعني اليوم ما لحقنا ننتقم خلنا نشوف شي ثاني (حمده تحاول قد ما تقدر انها ما تصد على منذر اللي ما خوز عينه عنها ويسمع سوالفها ويى اخوانها )
    محمد : بعد شو تنتقمون مب سادنكم راقعين الريال في الشارع
    الكل : ههههههههههههههههههههههه
    سلطان : انتي متى بتعقلين
    حمده : والله انا كيفي بعيش حياتي مثل ما ابغي
    سلطان : انزين عيييب ترقعين ريال في الشارع جدام الناس شو بقولون عنج اللي هناكي
    حمده : يقولون اللي يبون يقولونه واحسن مما يقولون وحده صايعه وطالعه من ستر ربها
    حميد : هيه والله الحمد الله انها طلعت مينونه ومب صايعه
    حمده : انا المينونه ما عليه يالبعير
    حميد : محد غيرج بعير
    حمده : صخ عني وتصد على حمدان : سريح وين طبولك
    سار حمدان وياب الطبول وقالوا الشباب خلنا نبتعد احسن عن الشواب يطلعون بخيزران يلعنون صيرنا
    وساروا ويلسوا على العرقوب ويغنون وحميد ومحمد يرقصون سامري
    سلطان : اقول منذر شل لنا الله لا شلك
    منذر : لا خلها مره ثانيه
    حمده : بعد ليش مره ثانيه يلا شل دامنا مرتبشين
    حمد : يعلج الحمى قولي امين قسم بالله ان ما سكتي بقوم لج برقعج
    حمده : وانا شو قلت
    حمد : عيب تتراددين الريال وانتي ما تعرفينه يلسي وانتي ساكته شرات البنات هكن ما ينسمع لهن حس
    حمده : حمدان حميد شوفوا هالمعقد
    حميد : خلها ترمس حمد البنت طبعها جذه ما تسكت شو نسوي لها خلها ترمس
    حمدان : محد مخرب الجو الا هذا المعقد ياخي ما عايبنك سير ارقد وفكنا من شرك
    حمد عصب منهم وسار يرقد وتموا الباقين يقنعون منذر يشل واخر شي شل لهم
    وطول ما هو كان يشل عينه ما خازت عن حمده وحمده استحت لانها حست انه يقصدها وتلومت

    وطول ما هو كان يشل عينه ما خازت عن حمده وحمده استحت لانها حست انه يقصدها وتلومت
    ما نسينا لو تناسينا ... يالغلا في يوم حبينا ... يوم كنه بسمة حلوه ... قلب واحد من يساوينا
    تذكر حروف كلماتي ... يوم كنت اروع ابياتي ... يوم قلت قول وحياتي ... غير موتي يفرق يدينا
    تذكر وكم وعدتني ... كم حلفت ما اتناساني ... بس اللي صار هنتني ... واستمعت لعذلهم فينا
    ويا حسافة ما مضى والله ... يا حسافة هالغلا كله ... ليت قلبي ليت ما اتوله ... وليتنا في يوم ما اغلينا
    يا الغلا وان كان لي خاطر ... عند وعدي لك انا حاظر ... لو يضيق بك الفضى تامر ... قلبي الوافي لك رهينه
    ما ابيعك ذا عهد مني ... لو يخيب احساسي وضني ... وبشرع غيري ترى فني ... يوم اجفي عنك تجفينا
    حمده : صح لسانك ما شاء الله عليك صوتك رهييييب
    منذر : صح بدنج الشيخه
    حمده : لا انا مب شيخه انا حمده هههههههههههه
    الكل : هههههههههههههههههههههههههه
    مايد : بعد تنكت
    حمده : انته منو >>>>>>>> سؤال غبي ويفشل
    مايد وهو فيه ضحكه وميود عمره غصب : انا مايد
    حمده : والنعم بمايد الا ما قلت لي انته ولد منو
    مايد : ولد خليفه الكتبي
    حمده : والنعم وسبعة انعام فوقهن يعني انته اخو ملاك
    مايد : هيه
    حمده : يا هلا والله انا اول مره اشوفك كنت اشوف منذر بس قبل
    مايد : احين شفتيني وانا اتشرف لاني تعرفت على وحده مثلج
    محمد : شو تشرفت حد يتشرف يوم يتعرف على وحده مينونه ما وراها الا المصايب
    حمده : جب يالخرينقو والله بتتلعن تراك
    محمد : انا خرينقو احينه
    حمده : هيه خرينقو
    حميد : انا بسألج انتي من وين تيبين هالكلمات
    محمد : تألف هذي المفروض يحطون لها معجم بروحها
    بيان : حمده شو يعني خرينقو
    حمده : مادري بس يات في بالي وقلتها
    الكل : ههههههههههههههههههههههههههههههه
    مايد : عجيبه انتي حق الرحلات
    حمده : افااا عليك وين ما بتسير انا موجوده
    مايد : هههههههههههههههه
    محمد : اشوفج عاقه الميانه انتي تسولفين وتضحكين
    حمده : ويعني خلني ارمس
    حميد : خلها ترمس مونستنا شويه
    محمد : اخافها تقوم ترافس احينه فضيحه ترفس الرياييل ( حمده فيها طبع انها يوم تضحك وايد ترفس اللي يالس وياها لين تخلص ضحك )
    الكل : هههههههههههههههههههههههههههههههههه
    حمده : ما عليه والله ما اكلمكم بسير ارقد احسن
    حميد : لا يلسي محمد يتمصخر
    حمده : لا والله فيني رقاد قايمه الصبح
    سلاف : يلا بني وياج تصبحون على خير
    الشباب : وانتو من اهله
    وسارن يرقدن
    عالساعه 4 ساروا الشباب
    يرقدون


    شو تتوقعون

    بصير شي بين حمده ومنذر ؟؟

    مايد شو دوره في القصه ؟؟؟

    شو بصير في العزيه ؟؟؟

    شرايكم في رد حمده على منذر يوم اعترف لها بحبه ؟؟؟

    شو الموقف اللي عجبكم ؟؟؟ وشو اللي ما عجبكم

    اتريا ردودكم وتوقعاتكم


    الحيييييييين (( مـ‘ع السسلآآآمه )) بـآجر إن شـآء الله بكمل

    في ودآعه الرحمن





    أحبكـ من زمن يوْم الطفوْله .، يوْم الوْقت أحلآم و تصوْر

  8. #8
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    مسـآآء الـ‘خ ـير ..~

    احمـ يبت لكمـ الجزء هع ..~

    الجزء السـآبع ..~

    قاموا الساعه 1 الظهر صلوا ويلسوا يتغدون ما كان في مكان عند الحريم
    حمده : زلن عني ابغي اكل يوعانه
    ام حمد : ماشي مكان سيري كلي عند الرياييل
    حمده : يا سلام ما ابغي
    ام حمد : عيل تريي لين تقوم وحده ويلسي مكانها
    حمده عصبت وسارت عند الرياييل وهي محتشره
    حميد : خييير شو عندج محتشرة شو فيج
    حمده : مب طايعين يخلوني اكل انا يوعانه
    الكل : ههههههههههههههههههههههههه
    حمده : لا تيلسون تضحكون عليه والا والله اصب الصالونه على ريسانكم
    بو حمد : ليش ما يخلنج تاكلين
    حمده : اونه ماشي مكان
    بو حمده : تعالي يلسي كلي ويانا
    يلست حمده عدال ابوها تاكل وكانت مستحيه لانها مقابله منذر اللي ما خوز عينه عنها وفخاطره : فديتهاااااا
    كلوا وخلصوا وبعدين يلسوا في الصاله يسولفون وحمدان ياب طبوله ويلسوا الشباب يدقون
    بو حمد : من وين هالطبول
    حمدان : هاااا مادري اظن قوم منذر يايبينهن
    محمد : كذاب هذا هو وحمدوه شارينهن
    بو حمد : وليش تشترون طبول
    حمده : ابويه نبغي نستانس
    محمد : انااا يوم اقول لكم ان حمدوه بتطلع طقاقه في فرقة ام علايه ما تصدقوني
    الكل : هههههههههههههههههههههه
    ام حمد : عيب تقول عن اختك جذه
    وكملوا دق ورقص
    وبعدين ساروا الرياييل يشوفون العزبه والشباب ساروا يتسبحون في الحوض والحريم تمن يسولفن والبنات يتمشن في العزبه
    في الحوض الشباب يلعبون بالكوره والبنات واقفات ومتغيضات
    حمده : سمعوني زين اليوم خليناكم تتسبحون بس باجر تدبرون عماركم نحن اللي بنتسبح في الحوض
    حميد : يلا مناك ما عندنا بنات يتسبحن في الحوض
    حمده : لا عندكم والله باجر اسبح في الحوض وبتشوف
    محمد : حميد شو رايك نغلس عليها ام لسانين
    حميد : ظنك
    محمد : قوم قوم
    قاموا محمد وحميد وشلوا حمده وهي تصارخ ويخوفونها انهم بعقونها في الحوض
    حمده : امييييييييييييييييه ابوووووويه لحقوني يبون يغرقوني يبوني اموووووت
    حميد : تراج تبغين تتسبحين
    حمده : ابغي اتسبح بس مب وياكم
    محمد : حميد عقها في الحوض
    حميد : واحد
    حمده : لااااااااا ما ابغي اتسبح ويا رياييل
    محمد : اثنيين
    حمده : الله يخليكم لاااااااااااا
    حميد : ثلاثه روشهااااااااااا
    حمده: اااااااااااااااااااااااااااااااااااااااااااااااااا اههه
    تطيح في الحوض : والله ما اكلمكم يا جلاااب يا خنازير يا بعارين يا ملاعين يعلكم الحمى
    الكل : هههههههههههههههههههههههههههههههههههههه
    حمده وهي تظهر من الحوض : انتو ما تستحون على ويهكم والله اخبر عليكم ابويه وانته يالخرينقو انا بداويك
    محمد : ههههههههههههههههه ما عليه انا خرينقو انزين بنشوف منو بداوي الثاني
    سارت حمده وبدلت ملابسها والكل يضحك عليها

    في حجرة البنات
    بيان : ههههههه محد قالج بروحج يبتي حق عمرج
    سلاف : لو انا منج ما بظهر بكمل وياهم
    ملاك : يا بختج عندج خوان شرات اخوانج
    حمده : من زينهم مالت عليهم
    ملاك : والله حلو اخوانج منفتحين مب شرات اخواني معقدين
    بيان : حلو لو عاقيني انا زين
    حمده : ههههههههههههه والله فشله احينه مايد ومنذر شو بقولون عني
    ملاك : ههههههههههه ما عليج عادي عندهم
    حمده : يعني عادي يعقونج في حوض ويا اخواني
    ملاك : لااا
    حمده : عيل خلاص سكتي
    الكل : ههههههههههههههههههههه
    بدلت حمده ملابسها ولبست كندوره مخورة بيضاء فيها ورود حمر وحطت شدو احمر عالخفيف وقلوس وظهرن ايلسن في الصاله لين اذن المغرب صلوا ويلسن الحريم يطبخن العشا والبنات والشباب يلعبون والشواب يالسين برع يسولفون
    عند الشباب
    حمدان وسلطان وحمد ومحمد يلعبون سوني
    بيان وسلاف وملاك وغايه وجمال يطالعون فلم هندي عالدي في دي
    حميد وحمده ومايد ومنذر يلعبون كيرم
    حميد : ام بخيت خلي الخمسين
    حمده : تحلم فيه انته
    حميد : يا رب ما تعقينه يا رب
    حمده : اعوذ بالله ومن شر حاسدن اذا حسد بسم الله بسم الله
    منذر : هههههههههههههههههه بس روشي بسرعه
    حمده : اصبر خلني اقرا عليها عن عيونه حميدوووه يعلها العور
    حميد : عور بطج قولي امييين بسرعه والا برفسج
    راشت حمده وطاح الخمسين ويلست تناقز
    مايد : انزين بعده الخمسين مب لج يلا عقي بعده شي عسب تاخذينه
    حمده راشت مره ثانيه وعقت عشر ويلست تناقز وتدلع لسانها حق حميد
    حميد : بس بس يلا كملي مالت على شيفتج
    حمده : احلى عن شيفتك
    منذر : بس بس احينه بيلسون يتناقرون
    وكملوا لعب وفازت حمده
    وبعدين سارت حمده تتطالع الفلم ومنذر يلس على زاويه بروحه وطرش حق حمده مسج
    خطييييييييره في الكيرم
    ردت عليه : شي اكيد وانا حمده الحمادي
    طرش لها : هاليومين احلى ايام حياتي
    ردت عليه : ليش
    طرش لها : لأنج وياي في كل وقت ولأنج تيلسين وتضحكين وترمسين جدامي
    صدت حمده صوب منذر وشافته مبتسم لها ردت له الابتسامه وكملت تطالع الفلم
    منذر فخاطره : يا ويل حالي
    نروح دبي بيت علي الحمادي
    دخل سالم حجرة ميرة : شو فيج غريبه من اسبوعين يالسه بروحج في حجرتج ولا تظهرين العادة ما نشوفج في البيت
    ميرة : هاا ما فيني شي بس تعبانه شوي
    سالم : خير انشاء الله اقووول ميرة ابغي سيارتج شوي بطلع ويا الربع وبرد
    ميره : سير في السده وشل المفتاح
    سار سالم وشل المفاتيح وشل السيارة وسار صوب ربعه

    عند الشباب
    نادر : اقول سالم قوم شوي نسير نتمشى مليت
    سالم : يلا قوم بنسير صوب البحر
    ساروا الشباب وفي السيارة نادر كان يحاول يتصل بحد بس ما يرد عليه
    سالم : شفيك حق منو تتصل
    نادر : ياخي هذي وحده اتصل بها من اسبوعين ما ترد
    سالم : يمكن عندها ظروف ما تقدر ترد عليك او يمكن ملت منك وشافت شوفه ثانيه
    نادر : هههههههههههه تراها معروفه هالبنت اكيد ملت مني وغيرت
    سالم : بنات هالزمن كلهن نفس الشي فاصخات الحيا
    نادر : مب كلهن في محترمات وايد
    سالم : انزين انا بنزل الشيشه بشتري زقاير تبغي شي
    نادر : اشترى لي ديو وشي اكله يوعان
    سالم : من عيوني
    سار سالم يشتري وتم نادر في السيارة فتح السده اللي جدامه يدور سيديات اغاني وشاف صور يلس يتطالعهن وهو منصدم : ميره كيف ين صورها في سيارة سالم معقوله يرمسها اكيد واحد مزيون مثل سالم لازم بترمسه بس هو غريبه ما قال لي العاده من يكلم وحده لازم يخبرني ... شاف سالم ياي على طول دخل الصور وسكر السده
    سالم : يبت لك فطاير زين
    نادر : هيه زين وساروا البحر يتمشون
    نادر : اقول سالم متى شريت هالسيارة اول مرة اشوفها عندك
    سالم : لا هذي مب سيارتي
    نادر : عل سيارة منو
    سالم : سيارة اختي
    في هاللحظه نادر حس ان حد صب عليه ماي باارد وفخاطرة : يعني ميره اخته ميره اخت سالم لا لا ما اصدق كيف هذي وحده طالعه من ستر ربها معقوله تكون اخته ووينهم عنها كيف ما يدرون باللي تسويه
    سالم : حووووووووووووووو نادر شو فيك سرحان
    نادر : هااا ما فيني شي
    سالم : انزين شرايك باجر اعزمك عالعشى في بيتنا
    نادر : اوكى انا ما اقدر اردك
    سالم : تم باجر اترياك
    في العزبه الساعه 12 بالليل
    البنات يالسات برع عالعرقوب وحمده يالسه تعزف عالغيتار >>>>>> ما يخصها كله منقع يوم ما تعرفين ليش تعزفين ........ والبنات يالسات يدقن طبول ويغنن وحالتهن حاله >>>> تأثير ستار اكاديمي
    حمده : اتحدى العالم كله وانا وياك
    وبقول للدنيا بحالها ان انا اهواك
    وان انته حبيبي وقلبي وروحي معاك
    قربي لي سبني اعيش احساس هواك
    بيان : عااااشوووووووووووووووووووووووو يالله نعيش بدنيا غير مليانه حب مليانه خير فيها الحبيب انته وبس الاول انته والاخير يا روح الروح كفايه جروح
    سلاف : ويلي ويلي ويلي ويلي اه يا ويلي ومن حبه ويلي ويلي ويلي
    حمده : عااااااااششوووووووووووووووووووووو
    ملاك : غادرت من دبي والوجهه جدى فينا
    والقلب عندك غناتي يا حبيب الروح
    عانقت جبد السما والغيم لي دنا
    وارقب خياله عسى انه في سماي يلوح
    حمده : يلا اشوف صفقه صفقه عااااشوووووووو هلا هلا
    الشباب : ههههههههههههههههههههههههههاااااااااااااااااااااااا ااااااااااااااااااااي
    صدن البنات عليهم وقفطن
    محمد : انا يوم اقول ام بخيت بتسوي فرقه ام علايه
    حمده : جب مالك خص وبعدين انتو ليش يايين
    حميد : سمعنا الدق والغنا كلنا خلنا نسير نستانس
    بيان : يلا مناك ما نبغي شباب نحن هذي جلسه خاصه للبنات
    منذر : هههههههه انزين انتن غنن ونحن بنرقص سامري
    سلاف : لا والله يلا مناك
    مايد : الشييييمه بنيلس وياكم
    ملاك : خلاص انزين كسرتوا خاطرنا ها بنات نيلسهم والا لا
    حمده وهي تفكر : امممممممممم خلاص خلاص موافقين
    ويلسوا الشباب وياهن وكملوا دق وسوالف وضحك ووناسه ومرتبشين

    بالباجر وعوهم الصبح عسب يرتبون اغراضهم لأنهم بيروحون والبنات محتشرات ما يبن يروحن
    حمده : ابووويه الله يخليك باجر بنروح
    بو حمد : والمدرسه
    حمده : الا يوم واحد بنغيب الله يخليك ابويه عاد انا يالسه اتشيمك حرااام
    حمدان : هيه ابويه حرااام خلنا نرفه عن نفسنا شويه
    بو حمد : هااا شرايكم
    بو سيف : والله مادري
    بو جمال : خلاص خلهم يستانسون اليوم وباجر بنروح
    البنات يلسن يصارخن من الفرحه وردن كملن رقادهن لين الظهر وعقب ما تغدوا في حجرة البنات
    حمده : سلاف شغلي اللاب توب بييب شي
    شغلت سلاف اللاب توب وسارت حمده ويابت مكبر الصوت والميكروفون وركبته ويلسن يلعبن وويغنن
    حمده : انا بجرب اذا اصلح مذيعه
    بيان : كلش ما تنفعين
    حمده : لا حبيبتي انا اصلح بس بروحي ما ابغي
    بيان : انزين يلا راوينا شطارتج
    حمده مسكت الميكروفون : السلام عليكم ورحمة الله وبركاته نقدم لكم نشرة الاخبار لهذا اليوم واليكم اهم العناوين
    موافقة حكومه دبي والعين على جلوس الشعب في عزبة العين يوم السبت
    و مخططات حمده الحمادي لليوم في العزبه
    مؤامرة حمده الحمادي وحمدان الحمادي للأنتقام من السائق رنقا
    اليكم نشرة الاخبار
    لقد وافقت حكومة دبي الذي كان رئيسا للحزب احمد الحمادي وحكومة العين وكان خليفه الكتبي وعبدالله المنصوري رئيسين للحزب على جلوس الشعب في العزبة التي تقع بمدينة العين حتى يوم الاحد بتاريخ 30/4/2009 م وسوف يبدأون بالانطلاق في الساعه 5 عصرا من يوم غد
    لقد خططت حمده الحمادي بعده مخططات سوف تحيها في العزبه خلال هذا اليوم ومن اهم مخططاتها انها سوف تقيم حفلا في العزبة وسوف تترأسه كلا من بيان وسلاف المنصوري وملاك الكتبي وسوف يحظر جمعا غفيرا من المدعوين ومنهم حميد ومحمد وحمدان الحمادي ومايد ومنذر الكتبي واخيرا جمال وسلطان المنصوري وسيكون الحفل عبارة عن دق الطبول والعزف على الغيتار والمفاجأه ان حمده الحمادي هي من ستقوم بالغناء وسياعدها في القاء الشلات منذر الكتبي وايضا خططت حمده الحمادي باقامه جوله حول العزبه والسهر حتى الساعه 6 صباحا
    لقد تامرت حمده الحمادي واخيها حمدان الحمادي بالانتقام من السائق رنقا وذلك لانه اخبر اباهم بأنهم ضربوه في الشارع امام الشيشه حيث رفضت حمده الحمادي بأن تصرح بالخطه التي سوف ينتقمون بها من السائق رنقاا وذلك حتى لا يستطيع رنقا الهرب والحذر منهم
    انتهت نشرتنا لهذا اليوم ونذكركم بأهم العناوين
    موافقة حكومه دبي والعين على جلوس الشعب في عزبة العين يوم السبت
    و مخططات حمده الحمادي لليوم في العزبه
    مؤامرة حمده الحمادي وحمدان الحمادي للأنتقام من السائق رنقا
    والسلام عليكم ورحمة الله وبركاته
    محمد وحميد : عاشووووووووووووووووووووووووووووووووووو هههههههههههه
    حمده : انتو متى دخلتوا
    منذر: اسميج سويتيه اخبار صدق
    مايد : فديتني اسمي انقال في الاخبار لازم تراني شخصيه مهمه
    الكل : ههههههههههههههههههههههههههههههه
    حمدان : ها اليوم حفله
    حمده : اكيييد حفله ايواااااااااااااااااااااااااااااااااااااا هههههههههه
    الكل : هههههههههههههههههههه
    بيان : اسميج عجيبه صدق تعرفين تقدمين
    حمده : طلبوني اقدم في دبي الرياضيه بس انا ما طعت
    محمد : يخرررررررررررررررط
    حميد : يكذذذذذذذذذذذذذذذذذب
    الكل : هههههههههههههههههههههههههههههههههههههههههههههه
    يلسوا يسولفون ومستانسين علاخر

    في دبي بيت علي الحمادي
    ميره كانت يالسه في الصاله ودخل ابوها وما سلم عليها
    ميره : ابوووويه
    بو حسن : نعم شو عندج
    ميره : ابويه انا اسفه والله ما اعيدها ما ابغي شي بس ابغيك تسامحني ابويه انا ما اقدر على زعلك سوى فيني أي شي بس سامحني الله يخليك ابويه
    بو حسن : وانا اقدر ازعل عليج انتي بنتي الوحيده بس ابغيج ما تعيدين اللي سويتيه
    ميره : ما بعيد اللي سويته صدقني ما بعيده
    بو حسن : خلاص مسامحنج يا بنتي
    ميره حبت ابوها عراسه وسارت حجرتها وهي مستانسه وابوها رجع لها تلفونها وسمح لها بالطلعه بس ما تتأخر عن الساعه 10
    في العزبه الساعه 10 بالليل
    البنات يابن الطبول وحمده يابت الغيتار والشباب يالسين يدقون وحمده تغني
    عودتني كل يوم اسمع انا صوتك
    وعودتني لي ضاق صدري ماتخليني
    والله وغيابك طال مدري وش اسبابه
    وان غاب صوتك خيالك باقي ابعيني
    ان كنت زعلان قلي شنهي اذنوبي
    الكون يزعل ولا تزعل يامحبوبي
    اظيع من دونك واظيع اجمل ادروبي
    يخوفي تنساني وتنسى كل عناويني
    حميد : هلا هلا يابس شباب يابس
    بالحيل محتاجك تعال وقدر ظروفي
    فيني هموم و مالقيت الي معي يوفي
    وينك تعال ابعد همومي وظني وخوفي
    وصوتك يا اجمل حب يا عمري يكفيني


    منذر : سلمتي يا حمده
    حمده : الله يسلمك يلا عاد نبغي شله احينه
    منذر : امرررررررررررررررره فالج طيب
    يا بوي انا اسهر والملا رقووود
    يا بوي انا عفت المنامي
    يا بوي انا لي قلب مصيوووود
    مصطاب من حلو القوامي
    حمده : صح لسانك
    منذر : صح بدنج
    وكملوا الشبيبه سهرهم وبعدين صلوا الفجر ويلسوا شوي ورقدوا لين الساعه 2 الظهر قاموا تغدوا ورتبوا اغراضهم والساعه 5 كلن روح بيته
    بالباجر قامت حمده الصبح وسارت المدرسه
    في السياره
    حمدان : حمده كيف عالسالفه
    حمده : اصبر عليه وتكلم رنقا : وقف عند الشيشه
    اشترت كل اللي خاطرها فيه وسارت المدرسه
    في المدرسه
    اماني : اهلين شو عندج البارحه غايبه
    حمده : كنت في العزبه وما طعت ارد وخلونا نيلس يوم زياده
    غاليه : يا بختج والله مب شراتنا ما نسير مكان غير امارات مول ومركاتو لاعت جبدي منهن
    حمده : هههههههههههههههه
    سارن الصف وكملوا اليوم دراسه وضيق وكرف وبعدين ردوا البيت
    في السياره وهم رادين البيت
    حمده : رنقا نزلنا من الباب الوراني صوب السرداب
    رنقا : ليش ماما
    حمده : ما يخصك نفذ اللي اقوله
    وصلوا ورنقا نزلهم من الباب الوراني
    حمده : رنقا ودى هذا كيس في السرداب
    سار رنقا وودى الكيس في السرداب و حمده وحمدان ودخلوا وقفلوا الباب





    أحبكـ من زمن يوْم الطفوْله .، يوْم الوْقت أحلآم و تصوْر

  9. #9
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~





    الجزء الثامن


    رنقا : ليش انته يقفل باب شو يريد يسوي
    حمدان ياب الكرسي ويلس رنقا عليه وحمده يابت حبل وربطته
    رنقا : شو يسوي ليش انته يربط انا
    حمدان : جب ما ابغي اسمع ولا كلمه
    ويلسوا جدامه
    حمده : مره ثانيه بتخبر ابويه عن شي
    رنقا : لا ما في يخبر ارباب
    حمدان : وان خبرته
    رنقا : كسم بالله ما في يخبر والله ما يخبر ارباب بس خوز هزا حبل
    حمده : لا بنخليك مربوط لين باجر عسب تتأدب
    وطلعوا حمده وحمدان من السرداب وساروا يتغدون وبعدين رقدوا ورنقا بعده مربوط
    المغرب الكل يالس في الصاله
    بو حمد : الا رنقا وين ما اشوفه اليوم
    حمده : ها هيه صح رنقا ااااااا قال ااااااا قال بسير شوي عند ربيعه اونه مريض
    بو حمد : ومن وين عنده ربع رنقا
    حمده : اونه واحد متعرف عليه قريب وقال بسير يزوره
    بو حمد : عيل انا بسير عند ريال عندي شغل ولا تتريوني عالعشى بتعشى برع
    ام حمد : الله يحفظك
    سار بو حمد وحمده وحمدان تطمنوا وبعدين ساروا يشوفون رنقا
    اول ما دخلوا عليه شافووه مغمض عيونه
    حمده : رنقاااااا
    رنقا :.........................
    حمدان : لا يكون مات
    حمده : بسم الله فال الله ولا فالك
    حمدان : حمدوووه ما يتحرك
    حمده : انزين سير دزه
    حمدان : لا انتي سيري انا اخاف يكون ميت عمري ما مسيت جثه اخاف
    حمده : حمدان لا تقول رنقاا مات ما ابغي ادخل جهنم
    حمدان : الله ياخذج احينه فكرتي في جهنم ومن الصبح بشو تفكرين
    سارت حمده ودقت رنقاا بس بدون رد
    حمده : يمكن مغمي عليه سير ايب ماي
    سار حمدان وياب سطل ماي وشلوه حمده وحمدان لان كان ثقيل وصبوه على راس رنقا
    رنقا : بسسم الله شو هزا انته شو يسوي هرااام والله هرااام انا في انسان
    حمده : الحمد لله انه حي
    حمدان : يوعان ؟؟؟
    رنقا : واجد انا يوعان يريد اكل
    سارت حمده ويابت له اكل وبطلوه وخلوه ياكل
    حمده : اسمع انا ما بخليك لين الصبح ببطلك احينه بس ان خبرت ابوي بضربك ضرب لين ما ارقدك في المستشفى شهر
    رنقا : لا انا ما يخبر ارباب بس انته خلي انا يطلع من هزا مكان
    حمدان : يلا كل وسير حجرتك تسبح واذا سألك ابوي وين كنت قوله انك عن صديقك
    وطلعوا عنه وساروا داخل البيت
    دشت حمده حجرتها وشافت مسج واصلنها
    انا وقلبي والزمن والمعاناه
    مدري نخون الحب والانصونه
    خلوني اخذ سجة الحب وياه
    يتقبل طعوني واتقبل طعونه
    اكذب على نفسي اذا قلت بنساه
    لاتجرحون الحب لاتجرحونه
    تكفون خلوني اباعيش دنياه
    واللــــه ماتسوى حياتي بدونه

    وطرش لها مسج ثاني
    شحالج الغاليه عساج اليوم بخير
    طرشت له
    الحمد لله ومن صوبك
    طرش لها
    دامج بخير انا بخير
    الحمد لله انج صرتي تكلميني والله اني احبج وقصدي شريف وياج وعلى فكره اسلوبج في الكلام وايد عيبني وانتي بكبرج تعيبيني
    طرشت له
    وشو اللي عيبك فيني وفي كلامي
    طرش لها
    كل شي شكلج لونج دلعج مصخرتج صوتج طريقه كلامج ضحكتج كل شي فيج حلوو
    حبيبتي ممكن اسمع صوتج
    طرشت له
    لا لا خلنا عالمسجات احسن
    طرش لها
    لين متى بنتم عالمسجات والله اني اشتقت لصوتج
    طرشت له
    اوكى بس لا تطول
    منذر ما صدق خبر وعلى طول اتصل وتموا يرمسون ساعتين >>>>>>> من اولها ساعتين
    مرت الايام كلن على حاله ماشي يديد بحياتهم حمده تأقلمت على منذر وصارت تحس انها ما تقدر تعيش بدونه وصارت تشتاق له وايد وهو صار يحس ان حياته حلوه بوجود حمده فيها .... مرن الايام وخلص الفصل الدراسي الاول وبدت اجازه الربيع
    حمدان : حمده في شو تفكرين
    حمده : مادري انته في شو تفكر
    حمدان : افكر في كشتج
    حمده : شوووووووو
    حمدان : شرايج نتضارب
    حمده : يلا
    وقامواااا تضاربوا وتكافخوا وصار بكوسات وترفيس وحركات كاراتيه وتكواندو وطراقات وكل انواع الضرابه
    ام حمد : حسبي الله عليكم ان شاء الله وانتي يالبـيرق مب كنج يعريه شو طولج مسودة الويه كسرتوا المزهريات وعفستوا البيت والله اليوم اخلي ابوكم يرقعكم
    حمدان : امييييه نحن يالسين نلعب
    ام حمد : تلعبون جذه حسبي الله عليكم انتو تبون تذبحوني رفعتوا ضغطي الله لا بارك فيكم
    حمده : اميه نحن اسفين ما بنلعب مره ثانيه
    ام حمد : زولوا عن ويهي ما ابغي اشوف شيفتكم مره ثانيه
    سارت حمده حجرتها وكلمت بيان بعدين اتصلت على منذر ويلست تكلمه
    منذر : حياتي شفيج تتنصخين بسرعه
    حمده : توني متضاربه ويا حمدان
    منذر : حياتي انتي كبرتي لين متى بتمين تتضاربين
    حمده : لا بس كنا نلعب من زمان ما تضاربنا
    منذر : هههههههههههه بعدين بتضاربيني ؟؟؟
    حمده استحت وقفط ويهها :: ........................
    منذر : فديت اللي يستحون
    حمده : منذر بس عاد
    منذر : والله احبج
    حمده : انا بعد
    منذر : انتي شو
    حمده : مثلك
    منذر : شو مثلي انا شو
    حمده : احبك
    منذر : يا ويل حالي واخيرا قلتيها
    حمده : ..........................................
    منذر : ليش تستحين
    حمده : مادري اول مره استحي ههههههههه
    منذر : هههههههههه تستحين من الكلام الحلو اااااه يا ليت ايام العزبه ترجع
    حمده : اانا لازم اخطط حق رحله
    منذر : خلاص خططي وخبريني
    حمده : اوكى انا بسكر احينه
    منذر : اوكى حياتي الله يحفظج
    وسكرت عنه ومنذر على طول طرش لها مسج
    كلمة احبك غاليه بين
    الاحباب
    لاقالها خلي احس
    بغلاها
    اعطش لها دايم وادور
    لها اسباب
    ابيه ينطقها يردد صداها
    كن العسل من شفته
    فوقها ذاب
    زود على كلمة احبك
    حلاها
    ياليتني وياه في صفحة
    كتاب
    قصة غراام وكل عاشق
    قراها
    ابتسمت حمده وبعدين سارت الصاله تسولف ويا اخوانها وامها وابوها وبعدين سارت ترقد

    بالباجر
    في العين بيت عبدالله المنصوري
    سلاف : بيان شرايج نقول حق امي ان نبغي نسير البر ونخليها تعزم قوم ملاك يسيرون ويانا وقوم خالي
    بيان : هيه والله حلوه السيره وياهم شرات سيرة العزبه
    سلاف : خلنا نتصل حق حمده نشوفها ... واتصلت حق حمده
    حمده : مرحبا مليون
    سلاف : اهلين شحالج
    حمده : تماموووو ومن صوبكوووووو
    سلاف : تماموووو اقول حمدوووه
    حمده : قولي
    سلاف : شرايج برحله للبر ننصب خيام
    حمده : حلووو بس عاد هالمرة انتو قولو حق اهلكم وهم يخبرون اهلي
    سلاف : امرررررررره فالج طيب
    حمده : انزين وين بر بنسير
    سلاف : والله مادري شرايج نسير السلع حلووو هناكي سعوديين
    حمده : ههههههه لا لا السلع بعيد شرايج نسير بداير
    سلاف : خلاص انا بقول لهم وهم يقررون يلا بسير اشاور امي
    حمده : اوكى وردي عليه
    سلاف : تمام باااااااي
    سكرت عنها وسارت تشاور امها وعيبتها الفكرة وخبرت بو جمال ووافق بس قال بيشاورهم وشاورا بو حمد وبو سيف ووافقوا يسيرون
    حمده : غبااااش مب مصدقه يا سلاااااااااااااااام
    حمدان : هههههههه ام بخيت وناسه البر بنسير ننصب خيام في بداير وبنسوق بانشيااات
    حمده : متى بتنسير متى
    حمدان : ما خبروج يدي ويدتي بسيرون ويانا ويمكن قوم عمي علي يسيرون
    حمده : اخيييييييييج مالي نفس اجابل ميروووه
    حمدان : ما عليج منها خليها تولي ولا ترمسينها
    حمده : ههههههه صدقك
    حمدان : شرايج نسير الجمعيه نشتري اغراض
    حمده : اوكى قوم نسير نخبر امي
    ساروا وخبروا امهم ورخصتهم يسيرون تلبسوا وكشخوا وساروا الجمعيه
    حمدان وهو يسحب السله ويمشي ورى حمده اللي ما خلت شي وما حطته في السله : بسج
    حمده : اصبر خلني اشتري هذا بر
    حمدان : انزين عاد مب مقطعه بسج
    حمده : اصبر امي قالت اشتروا كراتيين ماي
    حمدان : يالله صبرك
    حمداه سارت صوب الثلاجات تشتري عصاير وحمدان سار صوب الحلويات وعند حمده كانت تشتري عصاير وتدور السله : حسبي الله عليه وين سار
    .........: الحلو منو يدور
    حمده : جب انته ما يخصك
    .............: ليش عاد معصبه ما قلنا شي
    حمده : والله ان ما سكتت وزلت عن ويهي لا افر عليك هالعصير
    ..........: اعصابج انزين
    حمده وهي تصارخ : تراك رفعت ضغطي زول عن ويهي .... وتفره بالعصير>>>> لازم تسوي مشاكل
    حمدان سمع صريخها وسار يربع صوبها : حمدوووه شو فيج ليش تصارخين
    حمده : هذا الحمار مب طايع يخوز عن ويهي
    حمدان : ايييييييييه انته خوز عنها ومره ثانيه لا تقرب صوبها سمعت
    ..........: حاظرين يالشيخ ما طلبت
    حمدان : غصبن عنك شيخ ويلا اشوف عطني مقفاك
    ..........: بعد يفتن اقوول انا مب خيفان منك يالياهل
    حمدان : انا ياهل
    ........: هيه ياهل مصدق عمرك يعني انك واحد كبير
    قام حمدان يضارب واستوت ضرابه والشباب يهدونهم وهم مب طايعين يبطلون بعض وحمده يالسه تروش الريال بالعصير والهنود يتنازعون عليها وبعدين بطلوهم
    ........: احينه انته يالياهل تصفعني
    حمده : هيه يصفعك ويجلع عينك بعد
    .........: انتي تبغين حد يرقعج على لسانج الطويل
    حمده : انته اللي تبغي حد يرقعك على قلة ادبك يالس تتحرش في بنات الناس
    ..........: من زين ويهج اتحرش فيج
    حمده : احلى عن ويهك اللي جنا مقفى بربري
    حمدان : شو هالتيس يلا امشي بتيني سكته من شكله
    حمده : امشى يلا
    ساروا وحاسبوا ودفعوهم قيمة العصير اللي راشته حمده عالريال وظهروا وساروا البيت

    مرت الايام والكل يستعد للبر ويى اليوم المنتظر بالنسبه للكل عسب يروحون البر حملوا اغراضهم وكلن ركب سيارته وساروا البر نصبوا خيامهم كانن خيمه للرياييل وخيمه للشباب وخيمه للحريم وخيمه للبنات
    في خيمة البنات
    بيان : شحالج ميرة ما تنشافين من زمان ما شفناج
    ميرة من غير نفس : الحمد لله
    حمده : انزين اعصابج لا يطيح لسانج
    ميره : خير شو تبين انتي
    حمده : مالت عليج مصدقه عمرج وايد ويى ويهج
    ميره : احسن عن ويهج
    حمده : وع وع وع مالت اقول مالت
    بيان : حمده بس خلاص لا تيلسين تضاربين
    حمده : بسير عند يدي احسن لي
    وسارت حمده عند يدها ويلست عداله
    بو علي : هلا ببنتي هلا بشيخه البنات حمده
    حمده حبت يدها عالراس : هلا يدي شحالك
    بو علي : انا الحمد لله
    حمده : ها كيف البر عايبنك
    بو علي : هيه يبوج من زمان وانا خاطري اظهر للبر
    حمده : يدي شرايك كل اجازة ربيع ني البر والله حلو
    بو علي : تم
    حمده : فديتك يدي
    بو علي : الا وين البنات
    حمده : في الخيمه
    ويلست حمده ترمس ويا يدها وكان منذر طول الوقت يطالعها وفخاطره : فديتها كل شي حلو فيها والله انها طيبه وايد وحنونه وايد فديتها
    البنات ظهرن من الخيمه وسارن يلسن عند بو علي ( يدهن ) وطبعا ملاك وياهن ما عدا ميره اللي ما تحبهم تمت يالسه في الخيمه
    بو علي : عيل وين ميره
    بيان : في الخيمه ما طاعت تظهر
    بو علي : حمده سيري زقريها لا اسير امرغههااااا بالعصا مول ما تستحي هالبنيه ما تحبنا مادري شو مسوين فيها
    سارت حمده صوب الخيمه
    حمده : يدي يقولج سيري يلسي وياهم
    ميره : ما ابغي
    حمده : كيفج بس هو يقول اذا ما ييتي بيمرغج بالعصا انا خبرتج وما يخصني فيج
    وطلعت حمده من الخيمه وسارت يلست عدال يدها شوي والا ميره يات ويلست وياهم
    بو علي : انتي ليش ما ييتي من الصبح شو من شغل عندج في الخيمه والا عشان عيال عمج هنيه
    ميره : والله عاد انا كيفي بيلس في المكان اللي يعيبني
    بو علي : صدق انج مب مربايه وين بتتربين وهذي امج
    ام حسن : عمي عن الغلط
    بو علي : شوفي بنتج شقايل ترمسني وانتي وريلج ساكتين حلاته عندكم
    سالم : ميره والله ان ما سكتي بتشوفين شي عمرج ما شفتيه
    حمده : اوووووووووف انتو ما تون الا يايبين وياكم المشاكل تراكم لوعتوا جبدي انزين يوم هي ما تبغي تي ليش يايبينها والا بس تبون تغثونا
    ام حسن : انتي ما تستحين على ويهج شو ما تبغينا ني وياكم
    حمده : لا ما ابغيكم تون ويانا ولو ما ييتو احسن
    ام حسن : انا يوم قلت لك ما بنسير وياهم هذيل ما يبونا وما يحبونا ما طعتني
    بو حسن : يا حرمه ترى بنتج بعد تغث الواحد وحمده مب قصدها
    ام حسن : لا قصدها ... عصبت وسارت الخيمه
    بو حمد : حمده عيب شو هالرمسه
    بو علي : زين سويتي فيها هاللي ما تستحي هي وبنتها
    ميره : يدي عن الغلط
    بو علي : جب ولا كلمه لا امرغج بالعصا احينه
    سكتت ميره وتمت يالسه بدون لا تتكلم والكل كان يرمس ويضحك وسوالف ومصخره
    ميره كانت تشوف منذر وفخاطرها : محلااااه منو هذا لازم اييب راسه دخل مزاجي
    وكانت تتطالعه طول ما كانوا يالسين وما خوزت عينها عنه انتبهت عليها غايه وسارت يلست صوب ملاك
    غايه بصوت خفيف : ملاااااك شوفي
    ملاك : شوووو اشوف
    غايه : هذي اللي اسمها ميره شوفيها كيف تتطالع منذر
    ملاك : هههههه عيبها انزين بس خلاص يلسي ولا تخبرين حد >>>>>>>> ليش هي تقدر تيود عمرها
    سارت غايه وخبرت منذر منذر صد صوبها وشافها ابتسمت له صد على حمده اللي كانت تضحك ويا يدها وخلى عمره مب منتبه لميره
    وبعدين ساروا الشواب يرقدون تموا الشبيبه والبنات
    حمده : انا يايبه اونو منو بيلعب
    حميد : كلنا بنلعب
    يابت حمده الاونو ويلسوا يلعبون وكانوا مورين الضو عدالهم وميره كانت تتعمد تسوي حركات جدام منذر
    حمده : منذر ان غيرت اللون يا ويلك
    منذر : عاد انا كيفي دوري وبغيره كيفي
    حمده : ههههههههههههه لا ماشي لا تغير اللون
    منذر عق ورقه وغير اللون
    حمده : لااااااااا حرام عليك والله لأراويك ... قامت ومطت شعره بقوو
    منذر : ااااااااااي خيبه
    الكل : هههههههههههههههههههههه
    ميره كانت غيرانه من حمده وفخاطرها : مسويه نفسها محترمه اشوفها عاقه الميانه وياه لا وخوانها عايبنهم ويضحكون بعد وحميد اخلاقه ما يظهرها الا عليي انا وناسي اخته
    وتموا يكملون سوالف وبعدين الكل سار يرقد








    التعديل الأخير تم بواسطة كتكوته محد يقدرلها ; 10-02-14 الساعة 07:35 PM
    أحبكـ من زمن يوْم الطفوْله .، يوْم الوْقت أحلآم و تصوْر

  10. #10
    عضو فضي
    الصورة الرمزية كتكوته محد يقدرلها
    الحالة : كتكوته محد يقدرلها غير متواجد حالياً
    رقم العضوية : 29518
    تاريخ التسجيل : 17-12-08
    الدولة : ..؟
    الوظيفة : ..؟
    الجنـس : انثـى
    المشاركات : 202
    التقييم : 17
    Array
    MY SMS:

    8 _ 8

    افتراضي رد: كـآن قصدك ع ـذآبي لآآ توصي ح ـريص الزمن مـآ يقصر و أنت فيك بركه ..}~


    الجزء التاسع


    منذر كان يتجلب على فراشه مب ياينه رقاد طلع برع ويلس عند الضو شاف حمده يالسه وتاكل جبس
    منذر : الحلو سهران شعنده
    حمده : هههه لا بس مب يايني رقاد
    منذر : ابغي جبس ما يبتي لي
    حمده : يود الكيس واختار اللي يعيبك
    خذ منذر الكيس ويلسوا ياكلون
    منذر : حمده ................. تحبيني ؟؟
    حمده ويهها غدى طماطه ونزلت راسها
    منذر : يعني ما تحبيني
    حمده : لا والله
    منذر : عيل ليش سكتي
    حمده : اممممممممممممممممممم
    منذر : قوليها عاد
    حمده : احبك
    منذر : يا ويلي لا لا ما اقدر استحمل انا احينه بخطفج
    حمده : ههههههههههههه
    منذر : حمده
    حمده : لبيه
    منذر : احبج
    استحت حمده ونزلت راسها وتموا يسولفون لين الساعه 5 الصبح وبعدين ساروا يرقدون
    بالباجر الكل قام من الرقاد تغدوا ويلسوا يرمسون البنات مسويات دائره الا ميره مب وياهن ويرمسن والشباب يالسين روحهم يلعبون ورقه والحريم يالسات يسون خلطة مشاكيك ويقطعن اللحم والرياييل يسولفون عن الشغل
    عند البنات
    غايه : البارحه ما شفتوا ميره كيف تتطالع اخوي منذر شوي وبتاكله
    حمده حست بغيره وغيض من ميره وكان خاطرها تسير تصفعها
    بيان : ما عليكم منها هذي أي واحد حلو تيلس تتمنظر فيه ما تستحي
    ملاك : خاطري اعرف هي شو تسوي ليش ما تيلس ويانا
    حمده : ما خبروج نحن ناكل تخاف ناكلها
    سلاف : هي اللي بتاكلنا مب نحن بناكلها هههههههه
    الكل : هههههههههههههههه
    عند الشباب اللي كانوا يلعبون ورقة ما عدا حمد وسالم وجمال اللي ساروا يجمعون حطب
    مايد : حميد عن الغش عاد ما يستوي
    حميد : هههههه مب انا اغش هذا منذر يغش من الصبح
    منذر : ما عليه يالجلب يعني انته من الصبح تغش وانا ساكت احينه يوم انا غشيت فضحتي
    محمد : ياخي لا تيلسون تغشون
    سلطان : بس ما بلعب انزين
    حميد : اقول شرايكم نسير نغلس عالبنات شوي
    الكل : يلا

    ساروا الشباب ويلسوا قريبين من البنات ومسوين دائرة شراتهن
    محمد بصوت عالي : شوفوا راس ام بخيت عنبو راس هالطول
    حميد : والا يبهة بيان عنبو يبهه طابقين
    مايد : لا خسم ملاك جنا قنبله نوويه حشى خشم هالمتن
    سلطان : انته خل خشم ملاك شو رقبه سلاف شو مطولها
    منذر : والا اذن غايوه جنهن دشوش واحد عربسات وواحد نايلساات >>>> كانت حاطه الشيله ورى اذنها
    حمدان : اقوول هذيك القبيحه ليش رايغينها من الحزب والا ممنوع تحظر المؤتمر
    والبنات طول هالفتره يطالعن الشباب ومبهتات
    حمده : انا ويهي طويل يالماعز
    بيان : انا يبهتي طابقين يالجاموس
    ملاك : انا خشمي متين يالكبش
    سلاف : انا رقبتي طويله يالثور
    غايه : انا اذني دشوش يالبعير
    ميره : اييييه انته ليش تقول عني قبيحه انته شايف شيفتك مالت عليك وبعدين انا محد رايغني بروحي ما ابغي ايلس وياهن لأني ما احبهن
    حمده : نحن اللي نموت فيج مالت عليج يالخسفه
    ميره : والا انتي يسد ويهج الحلى مقطعنج تقطيع
    حمده : احلى عنج ويا ويهج حشى خشم هذا جنا راس مدفع
    الشباب : ككككككككككااااااااااااااااااااااكككككككككككككككااا اااااااااااهههههههههههههههااااااااااااااااا
    محمد : انتي خلي خشمها شوفي عيونها كيف فاجتنهن ما تقول الا بقره شايفه حريجه
    حميد : والا انته شوف الحواجب كيف جنهن سكان سيكل
    الكل : ككككككككككككككككككاااااااااااااااااههههههههههههههه هههههااااااااااااي
    حمدان : انا اول مره اشوف حد يحطي الروج برع الشفايف
    حمده : تبغي تكبر شفايفها مب عارفه كيف
    حمدان : عاد هي براطمها جنهن برطم حمار
    ميره : انتو قليلين ادب وما تستحون على ويهكم ناس واطين
    حمده : اييييييه انتي لا تقولين واطين نحن اشرف عنج يالحقيره
    ميره : جب جب يالواطيه
    سلطان : حشى عليها حمده مب واطيه انتي الواطيه وشايفنج بنفسي في امارات مول والا نسيتي يوم حميد مطج من كشتج وسحبج للبيت نسيتي شو كنتي مسويه
    في هاللحظه ميره ما عرفت شو تقول عصبت وسارت الخيمه وهي بعدها تمشي
    حمده : اويييييييييييييها يعلج تسيرين وما تردين
    البنات : اويييييييييييييييييييها
    حمده : الله ياخذج ونفتك منج
    البنات : اويييييييييييييهاااا
    حمده : مالت عليج وعلى شكلج
    البنات : اويييييييييييييها
    حمده : تفو عليج وعلى شكلج
    الكل : هههههههههههههههههههههااااااااااااااااااااااااااااا اااااااااااااااااي
    سلاف : فكه مالت عليها
    مايد : احينه هذي صدق بنت عمكم
    حميد : هيه يبوك الله بلانا بوحده مثلها تفشل
    حمده : الله ياخذها مفضحتا في كل مكان
    وكملوا سوالف وضحك وتنكيت وعالساعه 9 يلسوا الشباب يشوون مشاكيك وحمده كانت يالسه عندهم
    حميد : انتي شو ميلسنج هنيه سيري عند البنات
    حمده : ابغي
    حميد : انزين بعده مب ناضي سيري يوم بينضي بزقرج
    حمده : كذاب بتاكلونه كله انتو
    حميد : والله بزقرج والله سيري

    سارت حمده عند البنات ويلسن يسولفن في هاللحضه عند الشباب اتصل نادر على سالم
    نادر : هلا سلوم انته بعدك في البر
    سالم : هيه والله بيلس اسبوع هنيه وبرد البلاد
    نادر : عاد والله اشتقت لك ان ما ييت لين اسبوع انا بروحي بييك
    سالم : هههههههههههههه لا خلك في البلاد انا اسبوع وياي
    نادر : اوكى بوغنيم اخليك احينه مع السلامه
    سكر سالم عن نادر وكمل شوي ويا الشباب وعند نادر
    نادر كان يمشي عالبحر وفخاطره : للحين مب مصدق ان سالم اخو ميره لا مب معقوله بس السياره شرات سيارتها والصور صورها شو اسوي صح ليش ما اسأل ميره باسمها الكامل واتصل على ميره
    ميره : هلا حبيبي
    نادر : اهلين حياتي اشتقت لج انتي وين ما تتصلين ولا تسألين
    ميره : سايره البر ويا الاهل
    نادر فخاطره : سالم بعد ساير البر .... اقول حياتي كلميني عنج
    ميره : وشو تبغي تعرف عني
    نادر : اسمج الكامل وكم اخو عندج كم اخت وشو اسمائهم
    ميره : اسمي الكامل ميره علي حمد الحمادي واخواني اثنين حسن وسالم وما عندي خوات
    نادر فخاطره : يعني اخته يا ربي معقوله هذي الصايعه اخت سالم
    ميره : شفيك سكتت
    نادر : ها لاولا شي خلاص انا بسكر ربيعي عندي باي
    وسكر عنها
    نادر : معقوله انا اخون ربيعي واكلم اخته بس انا ما كنت ادري انها اخته يا ربي فكر يا نادر شو بتسوي احينه ما ابغي نفترق انا وسالم عشان هذي اوووووف استغفر الله لازم سالم يعرف باللي تسويه اخته لازم

    في البر
    خلصوا الشباب شوي وعطو البنات والحريم ويلسوا ياكلون
    حمده : خلص ابغي زياده
    حميد : ماشي خلص
    حمده : حرااام ما كلت شي
    محمد : خيبه تخيبج بسج من الصبح ترعين
    حمده : ما كلت حطو لي
    حمدان : سيري سيري كلنا نبغي ناكل مب بس انتي
    قامت حمده ومطت من عند حميد مشكاك وقام يربع وراها لين زخها وشله عنها
    حمده : اففففف ابغي ........ويا في بالها منذر اذا شلت عنه ما بقولها شي سارت وشلت من منذر
    حمده : والله ما تربع وراي وتشله
    منذر : ايبي بسرعه
    حمده : حرااام منذر
    منذر : ههههههههههه بتتصفعين ايبي انا بروحي يوعان
    حمده : الشييييمه
    منذر : خلاص شليه حقج
    حمده : مشكووووور ... وتصد على خوانها : شوفوا هذا الريال الكريم مب انتو مالت عليكم
    ميره : وانتي ما تستحين تمطينه من ايد الريال شو هالدفاشه
    حمده : رزة الفيس من طبايع التيس ولو سمحتي مره ثانيه لا ترزين ويهج في شي ما يخصج سامعه وبعدين مخليه الحيا حقج تحوطين في المولات بتنوره قصيره وعبايه مفتوحه
    ميره : انتي ايييييييه لا تيلسين تطلعين رمسه من عندج
    حمده : حشى مب من عندي انا شايفتنج بعيني وبعد حمدان كان وياي
    ميره : سخييييييييييفه
    قامت عنهن وسارت تيلس في الخيمه
    حمده : سخيفه محد غريج الخايسه
    يلسوا ياكلون وبعد ما خلصوا تموا الشبيبه يدقون ويغنون >>>>>>> حمدان يايب طبوله
    مايد : اسامح مين والا مين اسامح قلبك القاسي والا عيونك الحلوين
    حميد : ويلاه ضاق الصدر وما ذكر يسأل علي ويلاه نساه طول الهجر والا الصبر من قسوته نساه
    محمد : وش جاه محبوبي مشى وخلاني ما بين نيراني وبين احزاني
    واللي يسوي سواته ماهو عاقل يحبني موت ويصاحب ثاني
    منذر : يخون الحلوة والمره ويتركني على جمرة عجيبه شلون يتبرى ويضيع عمري وسنيني
    سلطان : انا احب غيرك شبيه انجنيت منهو يستاهل ياخذ مكانك منهو يستاهل ياخذ مكانك
    حمدان : اياحبك للمشكل اياحبك للزعل كل ما قلنا هدينا حدك اسبوع وتمل
    حمده : يقولون من تغلى تخلى علينا وانا عنك ما تخليت غلا الروح والدلع فيك يحلى تغلى وانا غيرك ما تمنيت
    بيان : ازعل ولا تفكر براضيك محد غصبك تصير وقتي ذهب ما اضيعه فيك وانته الذي يا فلان خسران
    سلاف : هذا الزمن غدار وصبيح بسبعه الاولي معشوق والسته كذابه
    ملاك : خله يروح الله لا يرده حبه ماضي راح حتى لو كنت في بالي عساك بهالحاله ورده
    حميد : هلااا هلااا عاشوووووا يابس يابس
    كانوا مستانسين وايد وميره تطالعهم من بعيد ومتغيضه من البنات وكان خاطرها تيلس وياهم بس مب قادره تسير بعد اللي سوته
    بالباجر قاموا من الرقاد الظهر تغدوا وساروا يركبون بانشيات واستوى سباق واللي يركب فوق العراقيب وينقلب واللي يدعم واللي معتفس وكان الجو وااايد حلووو والكل مستانس وبعدين ردوا الخيام وعالمغرب اجتمعوا كلهم يسولفون ويضحكون ومر اليوم كالعاده ما فيه تغيير
    بالليل الساعه 3 الكل راقد من التعب ما عدى منذر كان يالس ويفكر
    ........ : ليش يالس بروحك كلهم راقدين
    منذر : لا بس مب يايني رقاد
    .......... : اهاااا انزين ممكن ايلس ارمس وياك انا بعد مب يايني رقاد
    منذر : اوكى يلسي
    .......... : اممممممممم اقول منذر انته تحب
    منذر : هااا لا ما احب ( مينون اقولج اذا احب والا لا )
    .............. : يعني قلبك خالي
    منذر : هيه
    .......... : بقولك شي بس ما ابغيك تفهمني غلط
    منذر : قولي
    ........... : بصراحه انا اول ما شفتك وانا افكر فيك مادري احس باحساس غريب صوبك صرت اشتاق لك وايد حتى صرت اغار من البنات يوم ايلسن وياكم وتغنون بصراحه انا احبك
    منذر : شوووووووو ميره انتي تعرفين شو تقولين
    ميره : هيه اعرف شو اقول انا صدق احبك وابغي اكلمك في الفون
    منذر : لا مستحيل كيف تبغيني اكلمج وانتي اخت سالم انا صح ما اعرفه الا من يومين بس مهما كان ما يصير اكلمج
    ميره : منذر حرااام عليك اقولك انا احبك انته ليش ما تحس ... وتمت تصيح
    منذر فخاطره : وحمده شو بقول لها انا اخونج ويا بنت عمج لا لا ما برمسها بس هذي تصيح شو اسوي بها خلاص انا بلعب عليها شرات باقي البنات وحمده تراها ما تدري بس انا احب حمده ووعدتها ما اكلم بنات عقبها اوووف يا ربي خلاص انا بكلم هذي وحمده تراني بتم احبها واكلمها بدون لاتدري
    منذر : اوكى خلاص لا تصيحين انا بكلمج
    ميره وهي تمسح دموع التماسيح : صدق انزين كم رقمك
    منذر : ******* دقي لي رنه عسب اعرف رقمج
    ميره : اوكى يا قلبي
    دقت له رنه وخزن رقمها وميره سارت ترقد ومنذر تم يفكر باللي سواه وبنفس الوقت منصدم من جرأتها كيف قدرت تقول له انها تحبه تم يفكر ومن التعب رقد في مكانه

    الفجر انتبهت حمده وهي ترجف وقلبها يعورها كانت حاسه انه شي صاير بس ما تدري شو حاولت ترقد بس ما
    قدرت وقالت بتظهر برع يوم ظهرت شافت حد راقد برع سارت صوبه تبغي تشوفه
    حمده : منذر شو مرقدنه هنيه فديت قلبه شكله تعبان وتمت تتأمل ويهه الحلو
    حمده : منذر منذر قوووم
    منذر : تعبااان ابغي ارقد
    حمده : انزين قوم ارقد في الخيمه ما يستوي راقد على الرمل قوم
    منذر : انزين شوي بس
    حمده : ماشي شوي يلا قوم
    منذر : مب قادر اقوم سانديني
    ساندته حمده عشان يقوم بس ما رامت له وطاحت على صدره وانحرجت ويات تبغي تسير مطها منذر من ايدها
    منذر : اخخخخخخخخ فديت روحج احسج دافيه في هالجو البارد ممكن تعيدين الحركه ... وغمز لها
    حمده ماتت من المستحى وسارت الخيمه تربع ومنذر سار الخيمه يرقد وهو مستانس على اخر درجه
    بالباجر قامت حمده من الرقاد وما لقت حد في الخيمه بدلت ملابسها ولبست كندورة مخورة وتكحلت وطلعت لقت الكل يالس
    ام حمد : لين احينه راقده ليش ما قمتي تتغدين
    حمده : مادري ما حسيت بعمري ابغي اسير الحمام حد ايي ويايه
    بيان : انا بيي
    سارن حمده وبيان صوب الحمامات وبعدين رجعن
    بيان : اليوم صاير شي غريب
    حمده : شووو
    بيان : ميرووووه يالسه تدق سوالف وتضحك وتسولف غريبه شي وراها هذي ما تخلى
    حمده : الله يهديها
    وسارن ويلسن وياهم وتموا يسولفون ويرمسون وحالتهم حاله وقظوا ايام ولا احلى في البر وبعدين رجعوا البلاد ومحد كان وده يرجع بس شو يسوون لازم يرجعون اول ما رجعوا رقدوا من التعب بالباجر قامت حمده من الرقاد ونزلت الصاله شافت امها يالسه
    حمده : اميه وين حمدان
    ام حمد : طالع ويا ربعه
    حمده : اميه اليوم المغرب ابغي اسير اتسوق شوي محتايه اغراض
    ام حمد : سيري بس شلي حمدان وياج
    حمده : انزين واذا ما طاع بشل نانسي
    ام حمد : انزين عيل انا بسير صوب بيت ام عيسى
    حمده : الله يحفظج
    سارت حمده المطبخ وما عيبها شي تاكله وبعدين سارت حجرتها واتصلت على حمدان
    حمدان : الووووووووو خير شو عندج انا مشغول
    حمده : بسم الله انزين شوي شوي عليه كلتني
    حمدان : شو تبغين بسرعه ربعي وياي
    حمده : مالت عليك وعلى ربعك
    حمدان : بتقولين شو تبغين والا بسكر في ويهج
    حمده : المغرب لازم تكون في البيت
    حمدان : ليش
    حمده : بنسير السوق والسينما
    حمدان : ومنو اللي بيسير انتي والا امي
    حمده : انا
    حمدان : انا مب فاضي المغرب
    حمدان : عيل بشل ام خلفان
    حمدان : سيري بس ما تطبين السينما بروحكن
    حمده : ما يخصك يوم ما بتسير ويايه باي
    وسكرت في ويهه وبعدين سارت تتجهز لبست بنطلون ابيض وبدي برتقالي وجراب برتقالي وجوتي برتقالي وعبايه مسكره ساده ما فيها شي وسكارف برتقالي وحطت ميك اب برتقالي خفيف وطلعت زقرت نانسي عسب تتجهز وتلبست نانسي وعالمغرب سارت اول شي امارات مول
    كانت حمده تمشي ونانسي وياها
    كانوا شباب يمشون وراهم
    ......... (1) : يالبرتقاله يالبرتقاله
    ............ (2) : عذبت حاله
    ...........(1) : فديت البرتقالي انا عذاااااااااب اليوم بترقد في الدختر من حلاته
    ..........(2) : يا ويل حالي انا منه
    حمده : ام خلفان امشي بسرعه
    سارن اول شي و اشترت عطور ومكياج وبعدين اشترت بدله وبرمودتين
    حمده : ام خلفان أي شي يعيبج اشتريه انزين لا تستحين
    نانسي : جين ماما
    نانسي ما صدقت وسارت اشترت 4 برمودات و3 عطور و3 روجات وبنطلونين

    وبعدين سارن الجمعيه وما خلن شي حمده اشترت جبسات وبسكوت وعصاير كاكاو وكراتين جلكسي وتويكس وكندر ونانسي بعد ما قصرت اشترت اللي خاطرها فيه دفعت حمده الحساب وبعدين سارن السينما
    في السينما داشين فلم كوميدي
    كانت حمده ونانسي يالسات عدال بعض وجدمهم 2 شباب وحمده كانت وايد تضحك ويالسه ترفس الكرسي اللي جدامها من الضحك
    نادر : كسرته ظهري
    ذياب : ههههههه الله يعينك
    حمده : هههههههههههههههااااااااااااااااهههههههههههههاااااا اااكككككككككككككككااااااااااااااي >>> وترفس
    نادر : اااااااااااااااااااي كسرتي ظهري لا ترفسين
    حمده وهي بعدها تضحك : ههههه سوري اخوي هههههههه بس مب قادره هههههههه
    نادر صد صوبها : الشيمه دخيلج
    حمده : اوكى بس خلاص ما برفس
    وكملوا الفلم وشوي والا حمده ترفس مره ثانيه
    نادر : ههههههههههههههههههههه والله انا محد بيرقدني في المستشفى غير هالبنيه
    ذياب : خلها مسكينه مب قادره تيود عمرها
    نادر : انزين ظهري شو ذنبه
    ذياب : ههههههههههههههههههه
    خلص الفلم وبعدين طلعوا ويوم طلعوا
    نادر : لو سمحتي اختي
    صدت حمده صوب الصوت ونادر تم مبهت فيها
    حمده : نعم اخوي بغيت شي
    نادر : هاااا لا ماشي بس بغيت اقول ااااااااااااااااااا
    حمده : قول شو كنت تبغي تقول
    نادر : لا ماشي بس كسرتي ظهري داخل
    حمده انحرجت : سوري اخوي ما كنت اقصد اسفه
    نادر : لا افاا عليج رفسي ظهري لين ينكسر عادي
    حمده : اسمحلي اخوي ... وسارن عنهم
    ذياب : من الصبح محتشر كسرت ظهرك واحينه تقولها رفسي عادي شو السالفه
    نادر : شفتها كيف حلوه
    ذياب : ههههههههههه شكلك تصوبت
    نادر : أي بالله تصوبت .. يلا خلنا نسير >>>>> وروحوا





    أحبكـ من زمن يوْم الطفوْله .، يوْم الوْقت أحلآم و تصوْر

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. من حسن أخلاق المسلم (تركه ما لا يعنيه )
    بواسطة الطيبة في المنتدى كلية الشريعة و الدراسات الاسلامية Sharia and Islamic Studies
    مشاركات: 5
    آخر مشاركة: 12-08-13, 11:45 PM
  2. ضرس العقل .. بين مشكلة خلعه وقرار تركه .
    بواسطة الطيبة في المنتدى كلية طب الاسنان College of Dentistry
    مشاركات: 4
    آخر مشاركة: 12-01-24, 08:32 PM
  3. لمت الزمن واثر الزمن صعب ينلام
    بواسطة الطيبة في المنتدى معرض المواهب و الابداع Fair talent and creativity
    مشاركات: 4
    آخر مشاركة: 11-09-29, 09:40 AM
  4. ابتــدـے بالحمـدِ للــه ّ " إنْشُۈدة فٌيَ غايَة اڵروعهِ
    بواسطة خفايا الشوق في المنتدى منتدى الوسائط Media Forum
    مشاركات: 9
    آخر مشاركة: 10-10-09, 06:48 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •