وألان وبعد ان سفكت الدماء وهدأت الانفس وخفت صوت الطرطعان والصورايخ (وخلصت الكبده!)...

اقول ان صورة هالخروف المسيكين وهالسكاكين تحيط به من كل جانب تركت ثغرة في قلبي تكاد لاتندمل!؟(خواطر؟)...لاتغرك صورتي تحت تراني حساس

هي كانت دعاية لمحل الرمايه العام الماضي ومع اني حطيتها هنا بس ماضهرت(يمكن جمعية حقوق الخرفان اعترضوا)

وين هذيك الممثله الفرنسيه (نسيت اسمها مهيب صوفي مارسو ولا صوفيا لورين الايطاليه..اعتقد اسمها بريدجيت باردو*) وقد كتبوا عنها بأن
هالعجوز الشمطاء ازعجتنا كل سنه بوقت عيد الضحيه تقعد تقول ان المسلمين متوحشين ماغير يذبحون بهالخرفان..مدري تبغانا نذبحهم بكهرب مثلهم؟
او نذبح بدال الخرفان ديك رومي مثلهم؟(يعني الذبح فينا فينا)..بس ليكون تبغانا نضحي بسمك؟

اجل هذي لو تشوف المغول شلون يذبحون الخروف كان وش يصير فيها؟؟؟(يفتح شق ويدخل يده ويعصر مدري يجر القلب لين يفطس الخروف)
وقد شفت ناس بالامازون مايعرفون شي اسمه ذبح كل شي يطبخونه حي..وضاق صدري يوم شفتهم يطبخون سلحفاة وهي تحاول تطلع من القدر(غريبه
عندهم قدر) وكل ماحاولت رجعوها بعصا..تمنيت ادخل ايد واحد منهم بهذاك القدر واخليه يجرب العذاب

عاد اقولكم هالممثله الفرنسيه(الضاهر ماتت هالسنه) شكلها بعد ماتسوي حمله او مضاهره ضدنا تروح تاكل (هوابرجر*) او مندي خنزير!؟#%@#



رجاء اذا كنت (لباني) لاتطالع الصوره...الصوره للخرفان البالغين فقط

تخيل انك خروف؟ وش شعورك وكل هالسكاكين حول راسك؟
يعني ونت تاكل من خير الله ومعها صدفه قطع جريده وشفت هالأعلان؟!!لو هو التيس* مدمن القراطيس كان ارتاع!




وختاما ما اقول الا:
خروفي خروفي لابس بدله صوفي...وجعلها انشاءالله اضحية ينتفع فيها المسلمين ويكسبون اجرها..آمين...وليخسأ الخاسؤن




*هوابرجر: شاطر وعبقري قصدي ومشطور وبينهما هواء!؟..لأنه حرام نذبح حيوان علشان ناكل ياحررررام(بس عادي الغرب يقتلوننا)
*بريدجيت باردو:ممثله فرنسيه بعد ماطاح حضها في السينما وعجزت وترهلت مالقت للضهور الا المسلمين تتقصدهم بحقوق الحيوان!
*التيس: زوج العنز وهو حيوان مثقف يحب اكل الورق