تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4
  1. #1
    عضو نشيط
    الحالة : هنيالي غير متواجد حالياً
    رقم العضوية : 42103
    تاريخ التسجيل : 04-10-09
    الجنـس : انثـى
    المشاركات : 37
    التقييم : 10
    Array

    افتراضي قصة من ملك القلب صار له


    السلام عليكم بنزل حقكم قصة معضمها من الواقع وتدور الاحداث في الفجيرة ومناطق التابعة للفجيرة ودبا

    وان شاء الله تنال اعجابكم وارجوا الردوود
    وببدا بالاسماء العوايل وبعدين بتبدا الاحداث اوكي

    عائلة سعيد محمد
    الاب :سعيد والام : شيخة
    البجر اسمة محمد ويشتغل في الشرطة وعمرة 25وطويل ورشيق وجمييل فوق مماتتصوروا
    والولد الثاني سيف وعمرة 22ويشتغل في شرطة ابوظبي وشكلة جميل ورياضي وشبيه (الوسمي )
    واكبر بنت اسمها نورة وعمرها 18وتستهبل فوق ماتتصوروا بس حلوة وصف ثالث ثنوي
    بعدين لطيفة وعمرها 16 وصف ثاني ثنوي ادبي ماتحب الهبالة وتحب الجد




    وظبية وعمرها14وصف تاسع وجميلة وتساعد نورة في الهبالة ورشيقة
    وراشد وعمرة13وفي صف ثامن ويحب يضارب ظبيه ويعشق السيكل موتر
    واسماء عمرها 9 ودلوعة واخر العنقود وصف رابع
    اليد اسمه محمد ومتوفي
    واليدة شيخة








  2. #2
    عضو نشيط
    الحالة : هنيالي غير متواجد حالياً
    رقم العضوية : 42103
    تاريخ التسجيل : 04-10-09
    الجنـس : انثـى
    المشاركات : 37
    التقييم : 10
    Array

    افتراضي رد: قصة من ملك القلب صار له


    عائلة خالد عبدالله
    الاب : خالد والام : عائشة
    الجبير اسمه سعيد عمره 23 سنه ويشتغل في الجيش وسيم ويحب الرياضة واليوله
    الولد الثاني اسمه مبارك عمره 22 ويشتغل في الجيش ويحب المغامرة والسيارات وااااايد
    البنت اسمها هنادي عمرها 20 سنه وجامعية وطيبوبه وحبوبه وتحب اكثر شي الشعر والشلات .
    البنت الثانية اسمها اروى عمرها 17 سنه طالبه في الصف الثاني ثانوي وهي عنيدة وااااااايد شايفه عمرها
    البنت الثالثه اسمها عنود عمرها 15 سنه طالبه في الصف التاسع واااااااااايد تحب ضارب وعصبيه خووووووووز عنها ..
    اليد اسمه عبدالله
    واليدة مريم ( الحمدالله عايشين الله يطول بعمرهم )









    --------------------------------------------------------------------------------





    عائلة عبيد الاب : عبيد
    الام :خديجة وينادوها خدوي والبجر اسمة سالم وعمرة 26 ويشتغل في الجيش وبعد
    البجر اسمة سلطان جميل وغاوي بمعنى الكلمة ويشتغل في الشرطة وعمرة 22وبعد سلطان بنت طيوبة وحلوة وتحب الطبخ واسمها حليمة هي تكمل تعليمها بسب الضروف ماكملت التعليم وينادونها حلوم وعمرها 19 وبعدها شيخة وعمرها 18 وووايد طيوبةوبعد شيخة هزااااع وعمرة 16 ويقولوا عنة جمييل وحلو ؟؟؟؟؟؟؟؟؟؟؟؟؟؟؟؟؟؟؟؟يالله العايلة الياية بعدين








    ----------عائله سعيد
    الاب : سعيد الام : مريم
    الجبيرة اسمها نوف عمرها تقريبا 24 سنة دلوعه واييييييييييد تحب عمرها ..
    الولد اسمه ناصر عمره تقريبا 23 سنه وسيم حلو وايييييييييد وخقاق واااااااااااايد يحب يتكشخ ويسوي مثل الافلام ..
    الولد الثاني اسمه عبدالله عمره 22 تقريبا سنه وسيم طيب بس احيانا احسه انه عنيد ويعصب ع كل واااحد ما يعرف منو قدامه ..
    البنت الثانيه اسمها خولة عمرها 22 سنه طيوبه حلوة ..
    البنت الثالثة اسمها سميه عمرها 21 تقريبا عصبية في بعض الاحيان .
    البنت الرابعة اسمها خلود عمرها 18 تقريبا خووووووز عنها عصبية احيانا ضارب وقويه والله يوم تشوف حد بدربه دزه اونه ما شفته ....

    اليد عبدالله
    واليدة مريم










    --------------------------------------------------------------------------------





    على ايام الصيف والحر وبدات الاجازة وقربت المدارس تغلق ابوابها وفي بيت سعيد نورة يالسة ومرتبكة وخايفة وقاعدة على اعصابها وتدعي ربها انها تحصل على النسبة العالية اللي ترفع الراس وهي قاعدة مع لطيفة وظبية
    لطيفة : والله جان مايبتي ذيك النسبة الغاوية والله اصفعج لين تقولي بس
    ظبية : والله صدقها لطوف اريدج ترفعي راسنا لا تنزلي حق سابع ارض ههههههههه
    نورة : بس بس عن الهبالة والله اقوم واصفعكن
    لطوف : والله ماشاء الله هذه مانورة الهبلة اللي دوم تستهبل اوه اوه اصطلبت زين زين الله يكملج بعقلج
    نورة تقوم وترجع لهبالتها
    نورة :هههههههه ذكرتيني بالايام الهبالة صدق ارجع خلاص بس خلي النتايج تظهر وبرجع فالج طيب
    ظبية : هي حتى انا نورة والله ولهت على هبالتج
    نورة: بس خلاص خلاص اريد تظهر النتايج وبسوي عرس خخخخخ
    لطيفة : اوووف مليقات بسير احسن لي

    نورة : احسن مادام انك زعلت احسن وعمرك مارضيت
    لطوف : مالت عليج وهبالتج يالكلبة يالتيسة
    وشوي احلام اطرش مسج وتقول ان النتايج ظهرت ونورة سيدة على الموقع واطلع النسبة وقبل ماتدخل يالسة تصارخ على لطوف وظبية اونه ماتريد تشوف النسبة هي تريد اخواتها يشوفن قبلها
    نورة: لطيفة الدرام وظبية الطيبة تعالوا والله حرام ساعدوني
    لطوف : اول شي بقولج الحاية بنت الحرامم هههههههمابقول لج نفس العيايز
    ظبية : هههههههههه يالله بنشفق عليها لا
    نورة : ااوف حرام والله حراام والله
    لطيفة :انزين اول قولي احلام كم يابت ؟
    نورة : بقول بقول يالله 91 بس ارتحتي
    لطوف : هي ارتحت واااااايد
    ظبية : اااووب اااوب احلام يابت هالنسبة عيل نورة كم
    لطوف هي انصدمت من النسبة اللي اخنها يايبتنها
    لطوف: خيبة مب نسبة حشى حشى ماعقل عليج
    نورة : كم كم والله قولي
    لطوف : 98.8
    ظبية : هههههههههههه اكيد بالغش
    نورة وتزاعج وهي سايرة تبوس امها ويدتها وتقول حقهم وبعدين سارت اطرش مسجات حق الربع واخوانها والكل بارك حقها وفرح
    وقررت نورة وابوها انهم يسووا عزيمة في بيتهم
    ويعزموا كل اللي يقربوا حقهم

    وفي العزيمة نورة ولطوف وظبية متكشخات وطالعات حلوات
    واجتمعوا الكل وتموا ياكلوا فواكة وبعدين حطوا العشا وتموا لين من الساعة سبع المغرب لين الساعة 11بالليل وبعدين الكل رجع حق بيتهم
    بعد ماسار الكل دخلت نورة وهي فرحان وراها ظبية ولطوف ياية معصبة من بنت خالها هنادي
    ومفولة اما نورة تمت تسولف مع ظبية وبدا ت الهبالة
    نورة : ها ظبية شفتيني احلى من لطوف
    ظبية : لطوف عادي اقول انه نورة احلى منج خخخ
    لطوف : هههههه سخيفات عادي قولي انا مامتفيجة حقكم
    نورة : لالا لطوف سرحانة في شي خبرينا خبرينا يالله والله مابقول حق حد
    لطوف :انتي سكتي عني لاصفعج وخليج تبكي سنة كاملة
    ظبية : سنة ولا نص سنة
    لطوف : يالكلبة يالتيسة سكتي عن اضربج واطلع كل حرتي فيج
    ظبية : ايييي والله اخبر مما تي
    لطوف : امي سارت ترقد ومحد بيحيز عنج اوكييي
    نورة: والله نضربج و انخليج في مستشفى ااالامل
    لطوف وهي تذكر شي وتقول وهي فرحانة :نورة نورة تعرفي انه اليوم حرمة من الحريم تباج حق ولدها يالله زين بفتك منج
    نورة : والله مااوافق واننتي مالج خص وانا بسال امي
    ظبية : هههه والله ماتخيل الهبلة نورة اربيعتي واختي تعرس
    لطوف : ونااسة اول شي بفتك منج وبعدين بفتك من الهبالة بعد مايستوي تودي الهبلة وياج
    وبعدين وبعد كل السوالف والضرابة ساروا يناموا
    والصبح ام نورة يالسة مع اليدة وتقول السالفة حق اليدة
    ام نورة : عمتي تعرفي الحرمة البارحة اللي سالت عن نورة
    اليدة : هي اعرفها وش تبي
    ام نورة: تبى نورة بنتي حق ولدها اسمة حارب
    اليدة : والله ولا اعطيها بنتنا ماعندنا بنات البنات صغار بعدهن
    ام نورة : والله مااعرف انا بشوف ابوها وبرد على الحرمة
    ودخلت نورة وسمعتهم يرمسوا
    نورة :السلام عليكم
    الكل : وعليم السلام
    نورة يعني صدق السالفة لا
    ام نورة : هي صدق
    اليدة : ماعليج منهم خليهم
    نورة : والله ماوافقت علية انا توي مخلصة المدرسة
    اليدة : صدقهاا
    ام نورة : والله ابوها قال الريال والنعم فيه وزين
    نورة تصيح وتقول انتوا تبوا تفتكوا مني شو لالا والله مااعرس
    ودخلت عليهم لطيفة : السلام عليكم محد يرمسني انزين
    اليدة : يالله امالش
    ام نورة : يمكن ماشبعت ارقاد
    لطيفة : والله ولدكم الملعون يخلي حد يرقد يالس عند الدريشة ويحفر باسيكل موتر
    ظبية : ياية من المطبخ وهي تضحك
    لطيفة :وانتي لاتضحكي مرة دقني وبنقع
    نورة : هههههههه
    لطيفة : وانت ماقبل شوي تبكي شو اللي سكتج
    ظبية : اكييد انا طبعا
    لطيفة : شو الريوق
    نورة : بسج بسج من الاكل يالدرام
    لطيفة ونست انه يدتها يالسة معهم : يدتج الدرام هي والهوش اللي معها
    نورة وظبية :هههههههههه يدتي يدتي اسمعي شوتقول عنج
    اليدة : سمعتها تراني عيوز بتسبني
    ام نورة : تراها انا تسبني دووم
    اليدة : ماعلي ماعلي ياهلة
    نورة : هذه ياهلة هذه فحل
    ظبية : لالا تيس ولد الفحل
    لطيفة : فقدت هذه الشيفة سكتي يالله
    نورة: اماه اريد اسير دبا
    ام نورة : انا قلت حق سيف بعد اشوي بيي من عند ربعه وبشاورة
    نورة : امي انا بشتري اغراض المطبخ
    ظبية : انا ابا بيجامة
    لطيفة :انا مابسير بس لاتنسوا الاكل يعني الحلاوة
    نورة: انتي بس تحاتي بطنج
    ظبية : هذا اهم شي ههههه صح
    لطيفة : هي اهم شي
    ويدخل سيف ويسلم على الكل
    سيف : السلام
    الكل : وعليكم السلام
    ام نورة : ها سيف بتوديني دبا اشترى اغراض
    سيف :امي توي واصل انزين بس العصر
    ام نورة : تنزين بوصل شوية وبرجع
    سيف : زين مابتتاخري
    ام نورة : لالالا
    وبعدين الكل سار يتغدا ورجعوا لين احجرهم
    والعصر لطيفة قالت ما بتسير وبعدين قررت اتسير ونورة فرحان تحب دبا وظبية بعد تحب دبا
    وشوي وصلوا العصر وساروا دبا واول شي وصلوا السفير ونزلوا واشتروا حق المطبخ وحلويات وبعدين ساروا بيدفعوا ونورة شافت امها سارت قريب حرمة وتسلم عليها وام نورة قالت حق بناتها يسلموا على الحرمة والحرمة طلعت حرمة خالها
    واول نورة شافت وااحد مع امة وااحد جميل بمعنى الكلمة وتيبست مكانها لانها من قبل الامتحانات ماشافتهم ووايد اتغير شكلة





    --------------------------------------------------------------------------------





    اذا حلوة القصة قولوا لاتستحوا بكملها اووووووووووووووووكي
    واريد الردوود الحلوة وبكملها لاني اول مرة اكتب قصة


    ----------------------------------------------------------------------






  3. #3
    عضو نشيط
    الصورة الرمزية لؤلؤة الله
    الحالة : لؤلؤة الله غير متواجد حالياً
    رقم العضوية : 42469
    تاريخ التسجيل : 06-10-09
    الدولة : الامارات
    الوظيفة : طالبة
    الجنـس : انثـى
    المشاركات : 29
    التقييم : 10
    Array

    افتراضي رد: قصة من ملك القلب صار له


    لو سمحت كمليها حلوة القصة

    ويشرفني ان اكون اول وحدة ترد ع موضوعج





    توقيعي





    لؤلؤة الله

  4. #4
    عضو نشيط
    الحالة : هنيالي غير متواجد حالياً
    رقم العضوية : 42103
    تاريخ التسجيل : 04-10-09
    الجنـس : انثـى
    المشاركات : 37
    التقييم : 10
    Array

    افتراضي رد: قصة من ملك القلب صار له


    تسلمي يالغالية بس الصراحة مااقدر اكملها بسبب الضروف واسفة ومبارك عليج الشهر






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. احلى كلام من القلب الى القلب
    بواسطة نورهان :) في المنتدى المنتدى العام General Forum
    مشاركات: 3
    آخر مشاركة: 13-12-14, 07:18 PM
  2. همسات مصورة من القلب إلى القلب
    بواسطة محمد الجزائري في المنتدى المنتدى العام General Forum
    مشاركات: 4
    آخر مشاركة: 11-04-13, 03:11 PM
  3. قلب ، بحث تقرير ، ماهو القلب ، وظيفة القلب ، أحياء
    بواسطة امواج البنفسج في المنتدى مادة الاحياء أدبي
    مشاركات: 6
    آخر مشاركة: 09-11-09, 05:17 PM
  4. كلمات من القلب الى القلب
    بواسطة الفارس النبيل في المنتدى المنتدى العام General Forum
    مشاركات: 2
    آخر مشاركة: 09-01-30, 06:17 PM
  5. كلمات من القلب إلى القلب
    بواسطة حكومة ابوظبي في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 5
    آخر مشاركة: 08-11-22, 10:43 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •