تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 8 من 8
  1. #1
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي قصه حب حصلت جدام عيناي


    قصة حب حقيقية حصلت قدام عنياه







    الجــــــــــــــــــزء الأول:ـ





    مها : فتاة جذابة لم تبلغ الخمسة عشر عاما تدرس في الصف الثالث المتوسط في المتوسطة القريبة من منزلهم "البطله"




    نواف : شاب وسيم اخضر العينين يكاد ينهي الاربعة بعد العشرون يعمل لحسابة الخاص مهمتة فقط مراقبة مها "البطل "



    المكان : جيران في الدور الاول من نفس العمارة لا تفصل غرفة مها وغرفة نواف الا حائط حائط المبكى)

    الزمان : من سنين مضت (يعني ايام البياجر والجولات لمن كانت بعشرة الاف)








    المهم .تذهب مها الى المدرسة مع باص(باص سمير ) يحمل جميع زملائة من نفس الحي الى تلك المدرسة وكان نواف يستيقض من الفجر ليوصل اخواته الا مدارسهم ثم ينتظر الا ان ياتي باص مها ليراها ويوصلها الا تلك المدرسة ويتاكد انها دخلت ليطمأن قلبة ثم بعد ذالك يذهب الا عملة (اي صح انا ما قلتلكم ايش يشتغل هو نواف ما يحب الالتزام يحب الاعمال الحرة كان عندة مكتبة صغيرة اما باب مدرسة مها لكي يحن على الاطلال ويتمنى لو تزول تلك الاسوار ليرى مها فقط دون غيرها كان يجلس باساعات ينظر الا تلك الجدران لعل مها تكون خلفها ومها لا تقصر كلما انتهى حصة ذهبت والقت نظرة خاطفه على تلك المكتبة لعلها تلمح سراب نواف اولمعه عيناه ) المهم خلينا مع القصة



    كانت عندما تنتهي من مدرستها تتخفى في عبائة زميلتها حتى لا يعرفها وتذهب الا تلك المكتبة لتشتري ذالك الكم الهائل من المجلات والجرائد التي لا تجد وقتا لقرائتها

    وكان هو لا ينظر الا اي فتاة تدخل المكتبة (يعني مرة ما يعطيهم وجة لان قلبة وروحة معلقة بمها وبس )كان يعجبها عدم مبالاته بذالك الكم من الفتيات التي يدخلون المكتبة ليس لشراء شي ولاكن لكي يتحدثون بدالك الهاتف فقط لان الاخ كان مسوي التلفون بادقيقة وكان يكسب من التلفون اكتر من البيع بامجلات المهم

    كان بمجرد ما يلمح سمير سائق الباص وهو يمسك المكرفون قائلان (باص سمير ,باص سمير ترى ادا رحت ما راح ارجع تاني باص سمير ) كان يغلق تلك المكتبة ويتوجة الا سيارتة لينتظر مها
    وهي ترجع الا المدرسة وتغير عبايتها وتخرج لكي تركب الباص ويمشي وراها لين لمن تروح البيت وتقفل الباب لكي يلمح تلك النظرات من عينها ........
    استمر على هاحال لمدة سنة يعني معجبين ببعض ولكن لم يستطع احد منهم ان يفصح للاخر (وكمان الجولات رخصة وسارت بالف ريال )








    في يوم من الايام طفح الكيل بنواف وقال في نفسة (انا اليوم لازم اكلمها واقلها اني احبك وما اقدر اعيش من دونك وحياتي بعدك ما لها معنى ولازم امسك يدها واقلها اني جاي بخطبكي اذا موافقة ردي واني واني ,,,,,,,,,,,كلام مرة كتير قالة بنفسة



    )بس كيف يقلها وهي ابدا ما تطلع من البيت الا للمدرسة وبس

    راح عند باب الشقة حقتة وقال بصوت ملاء ارجاء العمارة

    (



    امي انا طالع بالأصنصير لصاحبي عمر بادور التاني ادا تبغي شي قوليلي وادا كنتي بتشوفيني انا قاعد بالأصنصير لاني بقلك كلام كتير وبوضحلك اشياء كتيرة وانا لازم اشوفك بأصنصير يامي لية ماتزوري الجياران الي فوق ترهم صحباتك بامدرسة )كان يقول هدا الكلام وكل تركيزة على باب الجيران كان يرى تلك الاقدام الصغيرة وهي تنظر خلف تلك العين السحرية وعندما توجة الا الاصنصير وجد كل سكان العمارة ينظرون الية بذهول ويفتحون لة الباب يقولو (موانت تبغى تطلع بالصنصير اطلع وريحنا من صوتك العالي )وفي كل نظرات الخجل طلع في الاصنصير ووقف في الدور الاول ينتظر وطال الانتظار لعل مها تفهم

    وادا مها تلبس افضل ما لديه وتقول لامها انا بطلع عند ندى الي ساكنين فوقنا في واجب لازم اكتبة مرة ظروري
    اكمل بعد الردود








  2. #2
    كــآســر آلهــم
    الصورة الرمزية amir257
    الحالة : amir257 غير متواجد حالياً
    رقم العضوية : 101
    تاريخ التسجيل : 11-01-08
    الدولة : امآرآتي و آفتخر .
    الجنـس : ذكـر
    المشاركات : 9,767
    التقييم : 1974
    Array
    MY SMS:

    كل إنسان معطاء .. هو إنسان محب

    افتراضي رد: قصه حب حصلت جدام عيناي


    مرحبا ملكه الحب
    نتريا التكملة و يا ريتها مرة وحدة
    شكرا لك ^^







  3. #3
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي رد: قصه حب حصلت جدام عيناي


    قالتها امها (نوير )يابنتي جيراننا الي فوقبناتهم ندى وروئ اكبر منك ولاهم بفصلك ايش تبغي منهم (مرة على نياتها ما سمعت الفلم الي سار في الدرج لانها كانت تاخد قيلولة )
    مها :لا يامي هدا واجب رسم يعني مومهم اذا كانو بفصلي ولا لا (نوير امها ) طيب روحي ولا تتأخري .زين
    مها : طيب ياماما انا مرة احبك انتي احلى ام بادنيا (تعرفوا البنات هم كدة اكترهم مصلحجية)
    المهم وطلعت باأصنصير وتسال نفسها طيب عمر دى ساكن باي دور ومن دون شي الاصنصير يطلع بدون ما تضغط اي زر (انتو نسيتوا نواف له ساعة ينتظرها وطفش من الانتظار على الدرج والجو مرة حر )والا نواف يفنح باب الاصنصير بكل غضب الدنيا وهو يبرطم ( ليش ما فهمت )الا ويجد مها امام عينية وكان الارض انشقت وبلعت كل الغضب الي كان بين عيونة تنهد تنهيدة مثل تلك التنهيدة التي تتنهد بها الام بعد الولادة عندما ترى وليدها يخرج من بطنها فتنسى كل ذالك التعب وتبتسم .
    نواف : كلا ذالك الكلام الي كان محضرة عندما فتحت مها وجهها نسية فقد الذاكرة اصلا وطلعوا في سطوح العمارة خلف الدشوش والاريل
    اخيرا نواف تكلم :مها انا لازم اجيبلك جوال علشان اكلمك لاني ماني قادر اقل كلمة وحدة وانتي قدامي .
    مها وسط ذهول وانبساط وتفاجاة ودلع ونعومة وكل مظاهر الانوثة .: كدة من دون اي مقدمات تبغى تجيبلي جوال طيب قلي انا احبك على اقل
    نواف : والله نسيت نفسي انا احبك
    مها : انا ما ابغى اكلف عليك وبرضوة نفسي اسمع صوتك
    نواف : طيب كيف اسوي
    مها : فاكر علوم سنة رابعة بتدائي
    نواف : انت لو سألتين عن اسمي ماني فاكرة بتذكر العلوم وسنة رابع ابتدائي
    مها : لا بجد انا سريري ما يبعد عن سريرك الا شبر وبيننا جدار يعني مو حرام جوال وفواتير على شان اكلمك وانا ورى الجدار .
    نواف : طيب ايش العمل .
    مها : جيب درل (تعرفون الدرل ذاك الشي الي يحفرو في الجدار علشان يعلقوا صور وحاجات )
    نواف : طيب وبعد ما اجيب درل
    مها : انت لية مو فاهمني جيب درل واكسر الجدار ونمد سلك ونحط كاسة عندي وكاسة عندك ونتكلم ونجربة هدي التجربة منها علمية ومنها ببلاش (شفتوا مكر النساء )
    نواف : والله جيبتيها انتي مرة ذكية .
    مها : انت لسة واقف يالله روح جيب درل ونبداء الحين شكلك مو متحمس
    نواف : زي الغبار ومن فرحتة نسي مها باسطوح.
    وجاب درل ودخل البيت ومعاة درل
    أم نواف (مزنة )ياولدي ليش هدا قلها عندي صورة وبعلقها
    مزنة : وسط اندهاش كبير انت من متى تهتم باصور ولا الديكور حق البيت
    نواف : الصورة دي مرة عزيزة عليا ولازم اعلقها
    ترترترترترترترترترترترترترترترترتلارترترت(صوت الدرل )
    نسينا مها
    مها : بعد ما شافت الغبار حق نواف نزلت بكل هدواء ودخلت الشقة وهي مرة مبسوطة وهي سامعة صوت الدرل .
    ام مها (نوير): والله الجيران دول ازعجونا مرة درل ومرة ولدهم يزعق بصوت عالي ما يحترمو ا الجار ما يقولو هدا وقت نوم ولا شي (على نياتها ما تدري ان في عملية هتم على شقتهم )
    نواف : ايش ساس العمار هدا ساعة احفر فية ومو راضي يوصلة للطرف التاني ليكون انا قاعد احفر بمكان غلط يمكن في جدار وراى هدا الجدار
    نواف يأس : امي انا رايح عند عمر اقابلك باسطوح (الله يعين عمر بس كل شوي يحضر البيت وياخد طريق علشان نواف بيجية ويستناة وما يجي
    مها : امي انا رايحة عند ندى بوريها كدة حل الواجب
    ام مها (نوير ) *خلاص انا بعدين هكتب نوير وانتو تعرفو انها ام مها اوكي :يابنتي ازعجتي الجيران ايش يقولو انك كسلانة طيب روحي بس لا تقعدي عندهم لان هدا وقت عشاء بعدين يطروا يجبولك عشاء ليش احنا محنا مجوعينك (مرة على نياتها قاهرتني هما كدة بعض الامهات الله يخليهم لنا بس
    مها : يا امي انا مرة احبك انتي احلى ام بادنيا لوكل الامهات زيك كان الناس بخير (طبعا لازم تقول كدة علشان الام غلبانه
    وراحت السطوح ,
    مها : نواف ايشبك انا ما اقدر كل شوي اطلع السطوح .
    نواف : والله والله والله انا أسف بس ماني عارف وين احفر جالس ساعة احفر والجدار معيي ينفتح (.معيي باشدة على الياء يعني مو راضي )
    مها : اصلا انت مو ما خد الموضوع بجد لو ما خد الموضوع بجد كان جلست تحفر لبكرى الصباح .
    نواف : والله انا لو اجلس طول عمري احفر ما اييأس (كذاب ) بس انا خايف احفر والقي غرفة امك ولاجدار تاني ورى دى الجدار ولا اياي شي يعني من الاخير خايف احفر بامكان الغط.
    مها : طيب انت وين حفرت بازبط
    نواف: دقيقة اروح اشبرلك المكان
    مها :يالله بسرعة انا منتضراك هنا .
    وتشوف مها غبارنواف مرة تانية ولاكن المرة دي الغبرة اكتر لانة كان مستعجل .
    نواف . هاهاهاههاهاهاهاها (انقطع نفسة المسكين ) :ايوة مها 3 اشبار واصبعين من ناحية اليمين جنب باب الغرفة .
    مها هي يدي قد يدك علشان لو شبرت تكون المسافة بازبط .
    نواف : لا يدك مرة صغيرة .
    مها : طيب والعمل .
    نواف خلاص انا عندي متر اروح امترلك واجي .
    مها : كان من زمان ياشاطر (مها شخصيتها مرة قوية بعكس نواف )
    نواف بسرعة البرق يمتر ويطلع بسرعة الصاروخ .
    نواف : 32 سنتي .
    مها : طيب اعطيني الدرل وانا اكمل
    واخدت الدرل وراحت البيت .
    نوير .(ام مها ) : ايش هدا يابنتي
    مها امي الصورة الي رسمتها مرة عجبتني وبعلقها
    نوير : طيب يابنتي في لصق في غراء غريها مو تخربيلنا البويا (هي البويا بس الي خربت العمارة كلها خربت )
    مها لا ياأمي بس شوية .
    ترترترترترترترتر(صوت الدرل بس بنعومة اكتر )
    نواف لا تكاد الارض تشيله من الفرح وهو ينتظر الدرل يخرج من الفتحة .
    ام نواف (مزنة) : الجيران دوال ما بيجبوها البر موكفاية معلقين ولدهم على الطاقة(الشباك) ويزعق ويصرخ كمان درال (ماتدري المسكينة انو هدا الدرل هو نفسة الي كان قبل شوي في بيتهم )
    واخيرا . وصل الدرل الى غرفة نواف .
    وسار ينظر من تلك الفتحة لا يرى سوى نور وبعدين يلاقي بنسة (بنسة حقة الشعر) ومعلاقة فيها الحبل تاتي بتجاة عينية كانت سوف تاذية
    مها مجهزة كل شي ما شاء الله عليها
    مها : يالله جيب كاسة ورق وعلق الحبل فيها .
    نواف : سمي انشاء الله .
    ويركظ الى المطبخ ويجب الكاسة
    مها : سامعني الو
    نواف : ايوة سامعكي كانك عندي انا احبك واموت فيك وما اقدر ابعد عنك (طبعا نواف انفتح لسانة وقاعد يقول كل الي كان مخبية )






  4. #4
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي رد: قصه حب حصلت جدام عيناي


    مها : وانا كمان (تركت العصبية وتتكلم بدلع وغنج )
    مها : نواف انا لازم اقفل الحين واكلامك لمن يناموا الي في لبيت (مصدقين انو تلفون اول مرة يستفيدوا من شي اخدوة بامدرسة مبسوطين ياحليلهم )
    نواف : طيب ياقلبي انا ما ابغى اسببلك مشاكل .
    مها : طيب باي .كيف يتقفل هدا يعني اي كلام راح اتكلمو راح يوصلك
    نواف : شفت ياقلبي افكارك الحلوة يعني راح اكون على طول معاكي راح اسمع صوتك وانتي تداكرين وانت مع امك وانت مع اخوانك الصغار وانت مع ابوكي .
    مها (في نفسها ايش البلشة الي بلشت نفسي فيها يعني لو امي ضربتني راح يسمع مو بعيد يضحك عليا يمكن انا اشخر وانا نايمة برضوة يسمع يالله )
    وتمر الساعات على نواف وكانها سنين الا ان ينام كل بيت مها









    ( انتهى الجزاء الاول : ادا لقيت لو رد واحد راح اكمل اما ادا ما لقيت ولا رد يعني القصة مو حلوة . وشكرا مقدما على مروركم )






  5. #5
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي رد: قصه حب حصلت جدام عيناي


    كنت منتضره احد يرد بس ما في يلا راح اكتبها الكم






  6. #6
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي رد: قصه حب حصلت جدام عيناي


    الجــــــــــــــــــــــــــزء الثانـــــــــــــــــــــــــــــــــــــــــــــ ــــــــــــــــــــــــــــــي

    اولا : اذكركم بأبطال القصة .


    نواف : البطل الولاهان المحب المخلص .

    مها : المراهقة الجذابة قوية الشخصية (البطلة )
    نوير : ام مها الغلبانة
    مزنة : والدة نواف الي مرة على نياتها .
    سمير : سائق باص مها .
    مكتبة المها : مقر عمل نواف الي هي جنب المدرسة المتوسطة حقة مها
    الأصنصير : مكان الالقاء الاول وبعدين سطوح العمارةوهو وزارة التخطيط والمراقبة
    عمر :جارهم الي ساكن فوق والي كل شوية اهلة حرام ينظفوا البيت ويرتبوة لمن يسمعو ا صريخ نواف انو بيطلع عندهم ولا يطلع ولاشي .
    ندى ورائ : جيران مها ساكنين باشقة رقم 4 معاها بامدرسة بس بصف تاني.
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
    نواف كان ينتظر الساعات والساعات كانت تمر أبط من الايام .
    نواف في نفسة . يالله لسة الساعة 10 ايش هدا
    كان ينتظر حتى يسكت اخ مها الي معلق باشباك (ايوة نسيت اعرفكم فية اسمة يزيد عمرة سنتين ياويل الي يعدي من جنب الشباك كان يرمي علية اي شي جنبة كان 24 ساعة على الشباك يزعق ويغني ) وكان نواف يسمع اخ مها الاوسط (فهد سنة رابع ابتدائي عرفتوا ليش مها متذكرة علوم سنة رابع ابتدايئ علشان تدرس اخوها . هوايتة الوحيدة يلعب بامبوبة الغاز وهي فاضي :اسطوانة الغاز: ينيمها على جنبها ويلعب فيها زي الكورة سبحان الله له في خلقة شوؤن )
    المهم : كان نواف ينتظر كل هدا الازعاج ان ينخمد ويناموا لكي يسمع صوت حبيبتة الي كل شي يهون علشانها
    وفجاءة : نعم الجميع بنوم هادئ وسكت كل من المنزلين
    نواف ينظر باساعة ويجدها 2 بعد منتصف الليل
    نواف : الو مها اقدر اكلمك الحين ولا كمان انتي نمتي .
    مها : لا يانواف بس خليني اتاكد انهم نامو واكلمك شوي لان بيدي واجب رياضيات ولازم احلة وامي راح تدخل عليا باي لحظة علشان تتطمن عليا قبل لتنام .
    نواف : هو لسة انا هستنى تاني والله استناكي لو العمر كلة .
    مها : طيب بس دقيقتين .
    تك تك تك تك
    مها: مين
    نوير : انا ماما ياعيون ماما انتي
    مها بسرعة تخفي الجوال حتى لا تراه امها ( لا اقصد الكاسة معليش )
    مها ايوة يا امي ادخلي
    نوير : ليش يابنتي ما نمتي لين الحين يعني ماتعرفي تذاكري زي العالم والناس بدري شوية علشان بكرة تقومي مصحصحة وشبعانة نوم .
    مها : والله ياماما نفسي اذاكر بدري بس انا ما ينزل عليا الوحي الا لمن يهدى يزيد من الزعيق وفهد من الانبوبة .
    نوير : الله يعينك يابنتي وينجحك ولا يضيعلك تعب واشوفك كدة عروسة .
    نواف مــــــــــــــــــــــــــــــــــبسوط لانة قاعد يسمع .
    مها : امين يا امي اهم شي انك تدعيلي .
    نوير : انشاء الله يابنتي .
    مها . تبغين شي ياماما قبل لاتنامي ( شفتوا الادب هدا كلة مو علشان الام المسكينة هدا كلة علشان حبيبي القلب الملقوف الي قاعد يسمع )
    نوير : سلامتك يابنتي بس لا تعبين نفسك يالله حبيبيتي تصبحي على خير .
    مها : وانتي من اهل الخير ياماما .
    ونواف تدمع عيناة من هدا الموقف الذي دار بين الام وابنتها .
    مها : نواف انت معايا .
    نواف : اةاة (قاعد يمسح دموعة ) اكيد ياقلبي بس مرة تاثرت من هدا الكلام الله يخليلك امك ويخليكي لها (الله يخلي امهات كل الي بيقروا القصة ولا يحرمهم منهم ويخليلهم اهلهم كلهم وعيالهم امين )
    مها : تدمع عينها وتبكي بصوت عالي .
    نواف ايش فيكي ياقلبي .
    مها : تصدق هدي اول مرة اكلم احد غريب واول مرة اخون اهلي وانت الي خليتني كدة .
    نواف : بس انا مو غريب انا نواف الي طول عمره حبك .ولا عمره حب احد غيرك .
    مها : انا عارفة ياقلبي بس انا خايفة ترى ادا ما في راسك زواج ترى انهي كل شي سار بيننا الحين .(بعد ايش بعد ما خربتوا العمارة )
    نواف : مها والله انا استنى الساعة الي بتجمعنا انا وانتي في بيت واحد على احر من الجمر بس انا نفسي اتزوج عن قصة حب كبيرة ونفسي نفهم بعض اكتر واكتر .
    مها : خلاص ياقلبي انا موافقة بس الموضوع لا يطول كتير .
    نواف : الله على الكلمة دي الي طالعة من شفايفك احلى كلمة سمعتها بحياتي قوليها تاني (يازين الشباب لمن يغيروا الموضوع )
    مها : بكل غنج ودلع قلبي يانواف .
    نواف سار شربة يعني ساح .
    نواف : كلميني اكتر عن مشاكلك وعن حياتك الخاصة قوليلي اسرارك ومواقفك مع صحباتك واهلك تحبي مين اكتر من مين ايش تحبي تسمعي (يعني بأعرف حياتك كلها )(طبعا ابو بلاش كتر منة )
    مها : انا تقريبا وحيدة ما عندي احد احكيلو مشاكلي اهلي ما يفهموني ما عندي صحبات اثق فيهم (الرد المعتاد حق البنات علشان يحننو الولد عليهم مكشوفين )
    نواف : ياقلبي لدرجة دي انت تعاني خلاص من اليوم انا اهلك وناسك وصحباتك وابوكي وامك واختك واخوكي وحبيبك وزوجك وكل شي بحياتك .
    مها : الله يخليك ليا على طول متى بس نتزوج والله اسيب المدرسة ولا ابغى الا اخدمك .
    نواف : لا ياقلبي انا ما ارضاها لكي اهم شي الدراسة افرضي انا تزوجتك وبعدين مت كيف تعتمدين على نفسك ايش سوين من دون شهادة .
    (مها بدموع التماسيح) لا تقول كدة والله ازعل .
    خلاص انت ضايقتني خلاص بنام (تصريفة افهم ياغبي )
    نواف : والله حبيبتي انا اسف لا تزعلي مني معقوله قلبي يطاوعني واخليكي تنامي وانت زعلانة مني لا والله (قلتلكم ببلاش )
    مها : خلاص انا ماني زعلانة بس بنام الحين .
    نواف : خلا انا بحكيلك حكاية لاين ماتنامي .
    مها (يالله ايش اللصقة هدا ) : طيب ياقلبي انا بنام .
    نواف : ياريتني عندك وامسح على شعرك الحرير واحط راسك على صدري وانيمك .
    طبعا مها ماسمعت الكلام دى لانها راحت بسابع نومة اكيد صاحية من الفجر وعدةتالساعة 3 في الليل ايش بتكون نايمة زي القتيلة والمسكين نواف : كان يامكان في قديم الزمان كان ............................وحتى هو نام قبل لايكمل اول كلمة في القصة .
    وجاء الصباح (5.30)
    مها تسمع من يقولها يالله قومي الصوت مو صوت امها ولا ابوها ولا احد من اخوانها يالله قومي صلي الفجر قبل لطلع الشمس .
    مها تفز وتتذاكر نواف الي على الخط الساخن من امس .
    مها : نواف انت لسة على الخط .
    نواف : هو كيف يجيني نوام وانت جنبي على الكاسة ( كذاب ).
    مها : الله يخليك ليا ولا يحرمني منك ابدا .
    نواف : يالله قومي بلاش كتر نوم وصلي الفجر علشان ربنا يحفضكي ويباركلك بيومك وقولي اذاكر الصباح والمساء .
    مها : انت تامر امر .
    ويعدي اليوم وتروح مها للمدرسة وترجع بملاحق من عيون نواف .
    وتدخل غرفتها . وتدور بينهم احاديث العشاق المعتادة والمحفوظة للجميع انت ايش الي ححببك فيا وانتي ايش تسمعي وزي كدة من كلام حبيب لحبيبته .
    المهم : كان حتى يسمعلها الدروس ويداكر لها ونفسيتها بدات تتحسن من الاحسن للأفضل ودرجاتها في المدرسة سارت افضل بكتير من أول لانها 24 ساعة تداكر اكيد ما دام نواف يذاكرلها اكيد تسير احسن وحدة ,المهم وتدور الايام والجوالات ترخص بس ابو بلاش مافي احسن منه زي كده النت ببلاش وما في احسن من كده الله يخلي اولاد الجيران فتحيلنا الاوايرلست .
    المهم خلينا بالقصة .
    طمع نواف وقال يعني جنبي والجدار على الجدار وعمري ما مسكت يدها .
    نواف : مها لازم تشوفي حل .
    مها : ايش ياقلبي . نواف : ابغى امسك يدك وانام وانا ماسك يدك والفتحة دي مااشوف منها وجهك ولا اقدر المس شعرك ولا اشم ريحة عطرك .
    مها طيب والعمل .
    نواف : نكبر الفتحة شوي بس ادخل يدي وامسك يدك .
    مها : طيب لو امي شافتها .
    نواف لا الفتحة دي نخليه تحت شوي وتغطيها بصورة .
    مها : طيب ياحبيبي .
    نواف : يجري بسرعة البرق ويجيب الدرل (عرفتكم انا بادرل قبل كدة هو اله لحفر الجدار ) ترترترترترترترترتترتر(صوت الدرل )
    نواف يدخل يده ليجد يدين مها الفائقة النعومة (للبنات جلسرين وليمون وشوفي يدينك كيف تصير ناعمه )
    المهم . نواف : الله يخليلي ها يدين وها الشعر الحرير (اما الشعر فلا تجربي ولا خلطة لان النعومة تجي بالوراثة فقط )
    مها : يالله ياقلبي كفاية انا اتعب بعدين
    لم تعرف مها انها سوف تتعب اكتر بعد ذالك لان نواف سوف يرى عالمها الخاص ويجب انا يكون نظيفة دائما وريحتة العود لا تفارقة ابدا .
    اصبحت مها تاتي من المدرسة على المطبخ طوالي وتضع الفحم وتبخر البيت كله علشان ما احد ياخد باله وتضع المبخرة عند الفتحة حتى يشم ذالك العبير نواف ويتمنى ان تكون مها عندة ليشم هذة الرائحة دائما .
    والفتحة الي في الجدار لازم تكون لهذا فقط بلا هناك اطباق واشهى انواع الطعام يخرج من منزل لمنزل من دون فتح الباب (في احسن من كدة والله مافي )
    فجأة
    مزنة (ام نواف اكيد نسيتوها ) تطرق الباب غرفة نواف
    نواف: مين
    مزنة : انا ياولدي ايش الريحة الحلوة هدي
    نواف لا ولاشي
    مزنة : يالله روح الصيدلية جيب دواء السكر والضغط لابوك
    نواف : انشاء الله دحين اجي .
    ويذهب نواف الا الصيدلية .
    مزنة : الله ياحليلهم الصينين ما خلو شي الا واخترعوة صورة تطلع بخور يعني صورة ومبخرة بنفس الوقت لا فحم ولا نار ولاشي جيب درل وعلق الصورة وتطلع الريحة خلاص انا بقول لنواف يجبلي منها خمسة حبات بس يغير الريحة شوي علشان ابوة عندة الجيوب الانفية لازم تكون الريحة اخف شوي .
    نواف يدخل غرفتة
    نواف : امي لساعك باغرفة
    مزنة : بالله ياولدي جيب الدرل وجيبلي زي هدا الصورة .
    نواف : عجبتكي 00مزنة : لا بس تطلع ريحة مرة حلوة .
    نواف ....هههههههههههههههههههههههههههه
    ولا تهوني بكرة اجيبلك عشرة زيها بس ما اضمنلك انها تطلع ريحة .
    مزنة : انت جيبها ولا تحسبني بدوية ترى انا اعرف كل شي .
    وتخرج مزنة من غرفة نواف لتعطي اباه الدواء .
    مها : نواف انت لازم تفاتح امك باموضوع .
    نواف . والله خلاص بعد ما مسكت يدك وشفتك وانتي نايمة ما اقدر اصبر خلاص انا دحين بكلمها .
    ويقفلو السماعة ( قصدي الكاسة اصلا سارت مكالمة فديو ما يحتاج كاسة )
    وتنام مها وهي تنتضر .
    وتصحى وسط ظهول فضيع لم تسمع صوت نواف ولا صحاها من النوم علشان تصلي الفجر
    قالت يابنت خليكي ثقيلة شوي .
    ولبست وراحت المدرسة وهي مرة قلقانة على نواف حتى ما وصلها المدرسة
    ولمن رجعت تلتفت يمين وشمال حتى المكتبة ما فتحة اليوم ليش ياترى
    نواف حبيبنا مشخر من النوم لان طول الليل يتكلم هو وامي
    وترجع مها البيت . امي صاير شي
    نوير : لا ياحبيبتي بس مزنة بتجينا اليوم
    مها : هي كلمتكي .
    نوير ايوه قالتلي بشرب شاي العصرية عندك وقلتلها سمي .
    ومها ترمي الشنطة . وتنظف البيت وتلبس احسن لبس وبرضو مو عجبها .
    امي البس هدا ولاهدا
    امي ايش هتقدمي مع القهوة
    امي حطي عصير تازه مو عصير تانج الي دوختينا فية من يوم شفتي الدعاية
    امي الكاسات دي احلى ملونة وفيها فرحة .
    نوير : تقريبا فهمت الموضوع .
    ويمر الوقت وتجي ام نواف الا منزل مها .
    ترن ترن ترن ( مو الكاسة لا دى جرس الباب )
    ونواف شوي ويعصر نفسة علشان يدخل من الفتحة
    ومها لين دحين مسوية ثقيلة وهيا هطير من الفرحة .
    اهلا وسهلا فيكم هدي نوير
    مزنة : ياهلا ياخلاف (كلمة حجازية تستخدم مثل ياحسرة ) الباب على الباب ولا نشوفكم الا بامناسبات (ما دريوا انا الباب على الباب وفي فتحة كمان )
    نوير حال الدنيا شغل وتشغلنا
    مزنة : الله لا يشغلنا لال بطاعتة .
    نوير أمين ( تغمز نوير لمها يعني قومي جيبي العصير )
    مزنة : الله يخليلنا هاطول وها الوجة والله العيال كبرونا واحنا صغار هدي بنتك الي كانت تلعب باشارع قبل فترة ,
    نوير : هدا كله من أعمارنا
    مزنة : بس بنتك سارت عروسة وحلوة .
    نوير : يالله ربنا يسمع منك .
    مزنة : انا بصراحة من الاخير ابغى أخطب بنتك مها لولدي نواف .
    نوير : والله هدي الساعة المباركة لو الامر بيدي اقلكم خدوها دحين بس لازم اشاورها واشاور ابوها .
    مزنة خدي وقتك بس لا تطولي علينا يالله فامان الله .
    نوير وين لسه ما شربتي قهوتنا ولا اكلتي الحلى (تعبنا راح بلاش ياريتنا ما سوينا الحلا)
    مزنة : اشربها في الملكة انشاء الله .
    ودهبت ام نواف مزنة لتقص القصة لابنها الي انفجر وهو ينتظر
    نوير : ها يابنتي ايش رايك بس دحين لازم استنى ابوكي علشان اقله .
    وينتظرو الاب (احمد يشتغل باثروة المعدنية )
    الاب ياتي ومعهة العشاء
    احمد : يالله يا نوير حطي العشاء علشان في مبارة الاتحاد بعد العشاء
    نوير طيب الحين .بس كمان عندي موضوع ولازم نتكلم فيه
    احمد : يانوير بعد المبارة يحلها ربنا .
    مها في غرفتها : لاتريد ان تتحدث مع نواف الا بعد ان تسمع راي ابوها وتدعوا ان يفوز الاتحاد حتى تكون نفسيت ابوها منشكحة على الخير يعني فرحان
    ومن قوة الحظ . يفوز الاتحاد بسبعة اهداف نظير هدف واحد وكان التاريخ 1|7ويفوز الاتحاد بهذة النتيجة المميزة بهدا التاريخ المميز ( فاكرين هدا المبارة )
    المهم : نوير : مبروك يا احمد والله اليوم الافراح مرة كتير يالله ابغاك بالغرفة
    احمد ومل وجة ابتسامة . الله يبارك فيكي بس لسة في التحليل وانا مرة مبسوط لسة بدري على الغرفة .
    نوير : الموضوع ما يصبر مو الي قاعد تفكر فيه
    احمد يعني ايش بيكون .نوير : بنتك جالها عريس
    احمد : يالله الغرفة ما نبغى نتكلم عند البزران .(جمع بزر ويطلق على الاطفال الصغار دون سن البلوغ )
    احمد : مين هو وايش يشتغل
    نوير : جارنا نواف .
    احمد : انتي عارفة انو اخويا عبدالمجيد طلبها لولده وولده رجال (بندر ) ويشتغل بارامكو يعني تبغيني اسيب ولد اخويا علشان ازوج بنتي لواحد عطالي بطالي ولا هو من جماعتنا (نواف امة سعودية وابوه فلسطيني متجنس ولهذا السبب كانت عينه خضراء ) المهم
    نوير : بس انا حاسة انو بنتك ميالة لنواف .
    احمد : ايش الدلع هدا انا بزوجها للي عارفين اصلة وفصلة مو واحد غريب وبعدين ايش يعني ميالة اروح اقتلها لكي الحين
    (للأسف كتير من الاباء يضنون انا الفلوس هي كل شي ولاكن تستطيع شراء اي شي بافلوس ولا يمكن ان تشتري السعادة )






  7. #7
    عضو جديد
    الصورة الرمزية ملكه الحب
    الحالة : ملكه الحب غير متواجد حالياً
    رقم العضوية : 60047
    تاريخ التسجيل : 04-08-10
    الدولة : الامارات
    الوظيفة : طالبه
    الجنـس : انثـى
    المشاركات : 23
    التقييم : 10
    Array
    MY SMS:

    ليس كل ما يتمناه المرء يدركهو تأتي الرياح بما لا تشتهي السفن

    افتراضي رد: قصه حب حصلت جدام عيناي


    الجــــــــــــــــــــــــــزاءالثالـــــــــــــ ــــــــــــــــــــــــــــــــ ــــــث والاخــــــــير

    احمد : يعني ايش اسوي اروحاقتل بنتك الحين علشان ترتاحين الله يهديكي ضيعتي عليا فرحة الفوز (ون ون ون والاتي**** ون ون ون ون هدا عميد الفن )
    نوير : والله انا عارفة انك مو بعقلك الحين بس بكرة نتفاهم .
    مها : تبكي بدل الدموعدم
    نواف يصمع صوت مها منخلف حائط المبكى ويمد يدة مقتحما كل الحواجز وكل الصور ويمسك بخد مها ويمسح دموعها .
    مها : سيبني يانوافخلاص كل شي انتهاء حياتي انتهت انا والله ما اقدر اعيش مندونك انا خلاص بنتحر .
    نواف وسط ذهول هذهالكلمة وصعوبة الموقف يهون على مها
    نواف : لا ياقلبي احنا مولازم نيأس لسة ما سار شي واحنا لسةباجولاة الاوله بس حطي ببالك ما راح تكوني لغيري لو اقتلك واموت نفسي .بس لازمنحاول مرة وتين وتلاتة حاولي مع امك هي متفاهم الوضع .
    مها : انا عرفة ابويا كلمة وحدة وتبكي وتبكي .......
    نواف من شدة خوفةعلى مها : يقع مغمى علية وتسقط يدة على كتف مها ..(من امس حرام جالس على اعصابة ومااكل ولا شرب شي )
    مها : قلبي نواف ايشبك ليش ماترد اشبك
    نواف مثل القتيل لا يتحرك نبضة اصبح ضعيف جدا
    مها : نواف قلبي
    وبكل قوة وبكل لا وعيمها تخرج من غرفتها تتجة الى المطبخ تخرج من باب المطبخ الى حوش العمارة ثم تدخلباب مطبخ نواف وبكل قوة تدخل غرفتة وتقفل الباب .
    وتجد نواف مغمى علية .
    مها : قلبي نواف انا جنبك والله ما اسيبك ولا يمكنابعد عنك لو قتلوني اهلي اموت ولا اكون مع احد غيرك وتضمة الى صدرها وتقبلة بينعينية .
    نواف يشم رائحةحبيبة قلبة ويفوق من الاغماء ويجد راسة على صدرها .
    نواف : مها انا بحلم ولا بعلم .
    مها : نواف انا معاكوراح اكون معاك طول عمري سواء بالحلم ولا باعلم وتتساقط قطرات من عين مها :
    نواف : قلبي لا تبكيوالله لو اموت نفسي بس ما اشوف دمعة بعينك
    نواف يدية ورجلية وجسمة كلة يرتجف من الخوف على مهاومن شدة الجوع
    مها : تمسك بكتفي نواف وتحضنة بقوة وتقول والله ما يفرقنا الا الموت .
    مها : خلاص انت لازمتروح تاكل وانا تاخرت على البيت قبل لاحد يفقدني في البيت وترجع الى البيت وهي بقمةالسعادة وتأنيب الضمير لمافعلتة بدون وعي منها .
    نواف : مازال يضرب نفسة كفوف ويقرص نفسة ويضرب راسةباجدار علشان يصدق انو الي سار قبل قليل ليس حلما . ويجري بسرعه الصاروخ وينظر منباب المطبخ يمكن يرى زوال مها او خيالها .
    نواف لم يترك شي باثلاجة او بمخزن الا ولتهمة حتى دويان ابوة اكلهامن شدة الجوع .
    مها تنامنوما هادئا وحالما وجميلا لسببين .
    اولهما : انها دخلت عالم نواف ولمتة الى صدرها
    وثانيهما : انو بكرةخميس وما في مدرسة
    وبعدمرور ليلة هادئة جاء الصباح .
    نوير : احمد احنا لازم نتفاهم
    احمد / انا كل الي عندي قلة وعلشان لا يكتر الكلامالحين لازم انهي الموضوع
    نوير : صراحة وبدون زعل ولد اخوك كل يوم مع بنت شكل وماهي عاجبتنياخلاقة .
    احمد : اقلكروحي سوي الفطور بلا كتر كلام
    نوير : انشاء الله .
    احمد يدخل الغرفة ويتصل هاتفيا مع اخوة
    الو عبد المجيد .
    عبد المجيد عم مها : ايوة اخوي كيف حالك
    احمد : من الاخير بنتي جالها عريس اذا لسة فاكر الموضوع الي بيننا تراني جاهز اليوم .
    عبد المجيد : والله هدايوم المنى اني ازوج ولدي بندر لبنت اخويا
    بندر ولا هي فارقة معاه زي ما تجي تجي لانه مستحيل يتزوج وحدة منالبنات الي يكلمة
    احمد : خلاص اليوم لازم نكتبالعقد
    عبد المجيد : انشاء الله بكلم ولدي ينزل نت ينبع ونجيب العشاءونجيكم ونجيب الشيخ معانا .
    احمد : خلاص انشاء الله في امان الله .
    احمد : ايوة يانوير سويتي الفطور
    نوير : دحين بس دقايقاغرف
    احمد : اعملي حسلبكترى جاينا اخويا وولدة علشان يخلصو الموضوع .
    نوير : احمد لايكون سويت الي براسك
    احمد : خلاص انتهىالموضوع
    نوير تبكي اللهيخليك يا احمد شوف حل .
    وتستيقظ مها على صراخ امها
    مها : خير انشاء الله :
    نوير : اليوم خطبتكي على بندر
    مها تبكي لا يابابا اناماراح اتزوج غير نواف لو اموت نفسي
    ويجي صاروخ جو جو على خدة ليسقطها على الارض
    مها : بابا انت تهمكسعادتي وحياتي ولا بس انك تزوجني بندر .
    احمد : هتزوجينة وراسك فوق رقبتكي .
    مها : تدخل الحمام (اكرمكم الله ) وتمسك قارورةالكلورركس وتشرب بدون وعي وكان الشيطان زين لها ان تنتحر .
    وتسقط مغمى عليها .
    ويسمعو صوت عظامهاعندما ارتطمط بالارض ويقتحموا عليها الباب ويجدوها ملقاة على الارض .
    احمد يحملها الا اقربمستشفى .ويسولها غسيل معدة .
    الدكتور وائل : ابش صار
    احمد : بنتي غلطت بين قارورة المويا وقارورة الكلوركس
    الدكتور وائل : بنتكماهي صغيرة علشان ماتفرق بين الريحة اكيد كانت محاولة انتحار ولازم احولها لدكتورنفسي واعمل بلاغ في الشرطة .
    احمد : صلي على النبي يادكتور احنا في بلاد مسلم ايش انتحار ودكتورنفسي
    مها : تستيقظ منالاغماء
    الدكتور اش اليصار معاكي
    مها ولا شي بسشربت شوي كلاو ركس
    الدكتور : اكيد
    مها : ايوة اكيد وتخرج مها من المستشفى وتدخل البيت وعيون نوافعليها .
    نوير : احمد انتماراح تغير رايك
    احمد : والله لو ماتت اليوم اشيلها جثة وازوجها لبندر وبعدين ادفنها .
    مها تبكي وتبكي
    نواف خلسة يدخل غرفة مهاطبعا من باب المطبخ فاتحينة سرداحي مرداحي
    نواف : مها ليش سويتي كدة كل شي راح ينحل
    مها : والله خلاص كانوابيزوجوني بندر وانا ماستحملت اني اكون مع احد غيرك .
    نواف : والله خفت عليكي لو سارلك شي ايش بسوي انا .
    نواف : صراحا انتياثبتيلي انك تحبيني وسيبي الباقي عليا
    مها كيف يانواف ايش بتسوي
    نواف : هتعرفي بس لا تشغلي بالك وانتبهي لنفسكويحضنها ويبوسها بين عيونها ويخرج خلسة كما دخل .
    في اليوم التاني .
    كان السبت .
    احمد في الدوام
    نواف سارت كل مخططاتة تدميرية يعني سار بفكر إرهابي
    ابو مها سار من الذاعداء نواف
    مها تكرةاهلها وما تكلمهم ومظربة عن الاكل والشرب وطول اليل والنهار تدعي انو ابوها يغيرراية .
    نواف يجيب كوماسبنت ويغطي الفتحة الي بينة وبين مها
    مها : تستغرب الوضع .
    وتقول في نفسها أكيد نواف شالني من بالة اكيد قال هدي كلها مشاكلوياس .
    نواف المسكين .قالانا لازم ابداء من جديد واروح اخطب مها من ابوها في شغلة
    نواف يركب سيارتةالسكراب ويدهب الا الخط السريع ويذهب الل شغلوالد مها في الثروة المعدنية .
    احمد : نعم انت وراياوراي انا من يوم شفتك يافلسطيني وانا ماشفت الا الهم والغم ياخي روح بلادك حارببدلا الكلام الفاضي دى .
    نواف : انا هدي بلدي بس انا جاي اخطب بنتك مها وان مازوجتني بنتكبموت نفسي
    احمد ياخي موتنفسك بعيد عني وادا شفتك مرة تانية انا الي برتكب فيك جريمة .
    نواف يعني هدا اخر كلام
    احمد : هدا كان الكلامالاول والاخير .
    نوافيخرج من عند احمد وكل عيتاة شر ويذهب الا محطة البانزين
    نواف : محمد عبي السيارةفل وعبي علبة المويا دي بانزين .
    محمد : ممنوع بابا عبي علبة بانزين
    نواف : خد 50 ريال وعبي علبة
    محمد ياخد العلبة وشوييقبل يد نواف علشان الخمسين
    نواف ينتظر عند باب العمارة قدوم احمد ليدخل البيت .
    احمد انا كل ماروح مكاناشوف وجهك لابارك الله فيك ولا بوجهك .
    نواف يدخل منزلو وينتظر الليل
    نواف يخرج من بيته من باب المطبخ ويدخل بيت مها ويدخلغرفتها .
    ويجد مها نائمةيقبلها ويحضنها ويضعها على حجرة
    تستيقظ مها : نواف حبيبي اشبك
    نواف وكل عيناة شر ولكن حب الدنيا كله في قلبة لمها
    نواف : مها لاتخافين انامعاكي واذا بنموت هنموت سوى .
    ويخرج من جيب الثوب علبة البانزين ويسكب في كل الغرفة ويخرج منالبيت ويسكب في السيارة احمد يفتح الكبوت ويسكب البانزين ويحرقها وبثواني تصبحرمادا
    ثم يعود ويدخل عندمها
    مها : نواف ايش سويتوايش الريحة هدي
    نواف لاتستعجلي وراح تعرفي كل شي
    مها :طيب الله يخليك روح ابويا صحي لا يجي دحين .
    نواف : اصلا انا بروحلةدحين وراح اطلع من الغرفة
    احمد : ياساتر ايش الريحة دي يانوير جيبي المفتاح نشوف ابش الي صار
    الحارس تورخان حارسالعمارة : بابا في حرامي حرق سيارة ما انت بابا ويدق الباب
    احمد : سيارتي ياساتريارب منين الي حرقها
    نوير تركض تبحث عن مفتاح الشقة ولا تجدة والباب مغلق
    وبكل قوة وبكل شجاعةوبكل قلب قوي يخرج نواف من غرفة مها امام ناضري نوير واحمد
    احمد . يتبرطم من هولالمفاجاءت مرة سيارة انحرقت ومرة واحد غريب يخرج من غرفة بنته في الليل .
    احمد : ااااااااااااننننننت ايييش جابك هنا ويش تسوي عندك وايششش دخلك بيتي
    نواف : اذا مازوجتني مهاالحين بيتك وانت وانا وعيالك بنكون رماد وقصتكم تكون على كل لسان لان كبيت في البيتكله بانزين وانا اصلا ميت ميت بس ماراح اموت لوحدي وباب بيتكم مقفول ومعايا المفتاحوتلفون بيتكم قطعتة
    ايشرايك موافق ولا لا
    نوير : تجري الى غرفة ابناءها الصغار وتهدي نواف يا ابني اهداء شوي وكل شي راح ينحل
    احمد انت مجنون ولااجيبلك الشرطة .
    نواف : جيب الشرطة بس صدقني راح تكون رماد قبل لاتجي الشرطة
    الجيران يسمعون الاصوات ويدقون الباب بكل خوف
    نواف : يالله ايش رايكسيرتك انت واهلك راح تكون على كل لسان

    احمد : ياولد الحلال اهداء شوي ونتفاهم .
    نواف : مافي تفاهم حتىاسئل مها .
    مها : ايوةياابوي انا ماراح اتزوج غير نواف لو اموت نفسي
    احمد : ادا كان الموضوع كدة انا موافق بس من اليوملانتي بنتي ولا اعرفكي .
    نواف / عمي احمد والله انت فوق راسي انا مرة احبك وانا اسف على كلالكركبة دي والسيارة والله لعوضك احسن منها .
    احمد : انا ما ابغى عوض بس فارق عن وجهي
    مها : اصبحت من اسعدالنساء في هدة الدنيا
    ونواف : من اسعد الرجال بهذا العالم
    الان لديهم من الاطفال 8 وبنتهم الكبرى اسمها : مها
    مها تغار من بنتها عندمايدلعها ابوها ويناديها مهاوي
    مها الان تكمل الماجستر بادارة الاعمال
    نواف : اقفل المكتبة اليجنب المدرسة بعدما انتهت مها من تلك المدرسة وفتح بقالة امام البيت حتى ينظر علىالاطلال ويتمنى لو تزول ويارى مها واطفاله الثماني .
    يسكنون : فوق السطوح خلف الدشوش والارايل بغرفتين فوقسطوح العمارة لكي يتذكروا اول لقاء حصل بينهم .
    اطفالهم : دائما معلقين بالصنصير طالعين نازلين (وراثة )
    احمد ولد مها : كل ما يري مها ونواف سعداء يكتم السعادة في قلبة حتى لا يضهرها

    اما اخوة فاصبح لا يكلمةبتاتا وبندر تزوج 3 مرات ولاكن زواجة لا يدوم اكتر من 6 شهور ويطلق .
    نوير من اسعد المهاتلانها ترى ابنتها سعيدة تكلمها خلسة من باب المطبخ تخرج وتدخل باب مطبخ حمات بنتهاوتكلم ابنتها وتتطمن على احوالها


    إشرايكم بالنهاية ان شاء الله عجبتكم ؟؟؟
    إذا ما اعجبتكم عادي بغيرها لعيونكم الحلوة !!!
    هالا هالا بالردود الحلوة اللي مثلكم 000






  8. #8
    عضو مجتهد
    الصورة الرمزية حنين العثماني
    الحالة : حنين العثماني غير متواجد حالياً
    رقم العضوية : 56954
    تاريخ التسجيل : 14-04-10
    الدولة : يٌمـٌنٍيٍة (عـّدٌنٍيٌـة
    الوظيفة : ‏​جِيْتَك , وَأَنَا فِي دَاخِلِي زَحْمة كَلَام
    الجنـس : انثـى
    المشاركات : 88
    التقييم : 21
    Array
    MY SMS:

    ❤..تـدريـَے وش ​‏​‏​‏​‏​​‏​‏​‏​‏​‏​​‏​‏​‏​‏​‏ ​‏​مُشْكِلَتيـے ” :| “ آنَي دائماَ أَرَاعَيے شعُور الغــيَر » لـڳن للأَسَف”3-| “ ال

    افتراضي رد: قصه حب حصلت جدام عيناي


    حلوةةةة





    عَودونـآ نلتقي بعد [ الأجآزه ]
    وَ الغيـآب ({})<3
    إذآ ' المدآرس ' رحبتْ وَ آستقبلتْ
    طُلآبهـآ : ( !


    وَ الحييين ..!
    صَـآر فرآقنَآ فرقىآ ذهَـآب بَلا ' إيـآب '
    مَآعآد [ تجمعنـآ ] سنين المدآرس
    بـ آحبآبهآ


    أتذكر اليوم الأخير !
    المُر وَ الفرقَـآ عذآبْ </3


    المُوعدْ اللي سَـآعته مِن قبل كِنـآ نهـآبهآ
    ودعتْ كل اللي آحتوتني ' قلُوبهم ' قبل ..
    الذهَـآب


    أقفيتْ عنهم وَ نثرتْ عيني دموع :
    آهدآبهـآ


    جبنَـآ [ الشهآده ] ({}) !
    وَ آفترقنآ غصبْ عنّآ لَ [ الغيآب ] </3


    وَ آنتهتْ ' أغلىآ سنين ' مرينَـآبهآآ <3
    فمآن الذكريـآتْ اللي صدآهآ بَآقي مَآغآبْ


    وَ الصحبه اللي مَآتنآست بَ [ الفرآق ] </3 !
    " آصحآبهآ " <3({})



    ..

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. خيال وفكاهة
    بواسطة طاووس الالوان في المنتدى المنتدى العام General Forum
    مشاركات: 2
    آخر مشاركة: 14-09-03, 06:25 PM
  2. حمامات اطفال خيال
    بواسطة الرمش الذبوحي في المنتدى منتدى حواء طبخ زينة ديكور جمال الطفل
    مشاركات: 4
    آخر مشاركة: 12-02-05, 11:09 AM
  3. أروع جدال بين ذكر و أنثى !!
    بواسطة No more luv في المنتدى المنتدى العام General Forum
    مشاركات: 12
    آخر مشاركة: 10-02-08, 04:58 PM
  4. لكل عاشق البنفسج خيال
    بواسطة عاشق البنفسج في المنتدى منتدى حواء طبخ زينة ديكور جمال الطفل
    مشاركات: 28
    آخر مشاركة: 09-07-20, 10:27 PM
  5. خيال و طيف ..؟؟؟؟!!!!!!!
    بواسطة المبرمجة في المنتدى المنتدى العام General Forum
    مشاركات: 2
    آخر مشاركة: 08-07-11, 12:17 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •