تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 3 من 3
  1. #1
    عضو جديد
    الحالة : محمد-10 غير متواجد حالياً
    رقم العضوية : 60599
    تاريخ التسجيل : 08-09-10
    الدولة : الشارقه
    الوظيفة : طالب
    الجنـس : ذكـر
    المشاركات : 12
    التقييم : 10
    Array

    افتراضي (((أيااااااام الثانويه)))::::منقوله بس رروعه


    (((أيااااااام الثانويه)))
    الفصل الأول
    في المدرس...
    أمل:الطابور بدء وسمر ماجت
    نوال:يمكن غايبه..!؟
    أمل:لا ماهي غايبه أمس كلمتها
    الجوهره:وش بلاكم الغايب عذره معه
    نوال:يرحم امك أكرمينا بسكوتك
    أمل:خلص بنات قلبتوها هوشه
    سمر:مرحبا
    أمل:جبنا سيره القط جانا ينط
    سمر:يعني تحشون..أوريكم يالنذلات
    نوال:لابس كانت تبي تصير هوشه عشانك...آلا صحيح ليش متأخره
    سمر:شافتني أبله مها(الدبور)
    وعطتني محاظره طويله عريضه على التأخير وفوق هذا كله هزئتني عالكحل وخلتني أمسحه
    الجميع يضحكون...
    الدبور:بس أنتي وياها الطابور بدء وسواليفكم ماخلصت
    أمل الملقوفه:لا أبله بس كنت أسألها وش علينا الحصه الأولى
    الدبور:ماشاءالله هالسؤال يخليكم تضحكون
    الجوهره:شكلنا نبي نتهزئ مثل سمر..الله يستر
    نوال:وليه خايفه ماتقدر تسوي شي هالدبور
    الدبور:وش تقولين
    نوال:لا سلامتك
    الدبور:أمشي أنتي وياها باول الطابور
    الجوهره:تكفين أستاذه هذي آخر مره
    نوال:رافعه حاجبها طيب حنا وش سوينا عشان كل هالتهزئ
    سمر:أستاذه أمسحيها بوجهي هالمره
    الدبور:أنتي آخر من يتكلم فاهمه..!!!
    سمر:ليش..! وش ناقصني
    الدبور:شكلو الطيب ماينفع معكم أمشو معي للأداره
    سمر:تهمس في أذن أمل وينك وين الطيب
    أمل:الطيب متبري منها
    نوال:يالله صباح خير كل يوم نتهزئ
    الدبور:أمشي أنتي وياها
    وعند وصولهم الأداره تذهب الأستاذه مها(الدبور)لتحظر دفتر التعهدات ...!
    عاد الشله الرباعيه أخذت راحتها مافيه أحد الجو فضالهم مكيف وكنب مريح وبدو بالحش
    أمل:أشوه راحت حصه الأحياء ماحليت الواجب@
    الجوهره:وش هالشطاره إللي نازله عليك
    أمل:أي شطاره بس هذي المره الرابعه وماحليت الواجب
    الجوهره:وليه ماتحلين ياحظي (شكلو عندها زوج ولا عيال هههههههههه)
    نوال: لا بس عندها طلعات وعزايم وأهم شي السوق
    أمل:وأنتي وش عندك غير التلفزيون وأفلام الأكشن
    الجوهره:المفروض نشد حيلنا حنا ثالث ثانوي
    سمر:كانت تراقب المكان...ويوم شافت المكان خالي من الدبور والأداريات قالت يالله بنات نشرد
    الجوهره:وين نروح أنا خايفه
    أمل:يعني تبين تتهزئين عند المديره..!!؟
    نوال:حنا بالحالتين متهزئين
    سمر:بنات بسرعه قبل لايجي أحد
    الجوهر:وشناطنا وعباياتنا
    سمر:لاتتغيببن أكيد ناخذهم
    تمت العمليه بنجاح وذهبو للساحه الخلفيه
    سمر:قعدت تضحك لين دمعت عيونها على أشكال الشله الجوهره تركض وهي ميته خوف..والاخت أمل تبي تسوي فيها شاطره قاعده عالتراب وتحل واجب الأحياء...أما نوال كان فيها نوم وحطت عبايتها وماتسمعون آلا شخيرها(لآخر الحي واصل صوتها حشى مو بنت) ماتنلام سهرانه على أفلام الأكشن..هههههههه
    مر ثلث الوقت ولاحس ولاخبر من الدبور....؟
    % % % % % %




    في الفصل...
    كان الفصل يغلب عليه الهدوء بسب غياب الشله الرباعيه
    وعند دخول مدرسه الأحياء الأستاذه فاطمه قالت كل هذا غياب ردو البنات لا بالأداره قالت أحسن
    ٢نوره:حرام ياأبله مايستاهلون
    الاستاذه:أسكتي ولاتتهزئين معهم
    نوره:أبله أروح أناديهم
    الاستاذه:لا هم يدلون الفصل
    نوره:أووووف
    وبدء الفصل بالثرثره
    الاستاذه:خلاص هدوء بنات وطلعو أحياء وأفتحو عالواجب
    ياسمين:ياويلي ماحليت الواجب عاد تقوم بكل أدب استاذه تسمحين أمسح السبوره
    الأستاذه:أكيد تمسحينها أجل أنا أمسحها..؟
    شيخه:أبله ناخذ درس ولاحل تمارين
    الاستاذه ماسكه أعصابها: ناخذ درس تونا الفصل الأول ماخلصنا وشلون نحل التمارين
    شيخه ببرود:إيييييييييه صح
    أما الفصل دورو على إللي يسكتهم
    الأستاذه:واصله حدها إللي ماتسكت بتكتب تعهد وأنتم آخر سنه فاهمين
    ياسمين:أبله تمسحين أغسل أيدي
    الأستاذه:لا ماأسمح يالله أرجعي مكانك..
    ياسمين:ترفع جاجبها..وبصوت منخفض مالت عليك
    شوي تدخل عليهم (الدبور) أبله مها..ونفسها بخشمها وتقول أنتم بنات ماتستحون..وش كبركم وحركاتكم حركات بزران
    شيخه:مو كلنا
    أبله فاطمه:أنتي نامي أحسن
    الدبور:سمر وأمل ونوال والجوهره وينهم..؟
    أبله فاطمه:ماحضرو الحصه البنات يقولون أنهم بالأداره
    الدبور:أنا أوريهم
    نوره:الله يستر شكلهم مشردين
    ياسمين:ياحظهم على الأقل مايحظرون هالحصه الممله
    أما الدبور تجمع كل الطاقم الأداري وتقلب المدرسه لين شافتهم في الساحه الخلفيه
    عاد كانت الجوهره تسوي فيها شاعره..وسمر قاعده تغرد عليهم وأمل تصفق ويقولون الدبور الدبور..بالمدرسه يدور
    وبتهزئ البنات..يصير مسرور
    الجوهره شافتهم:الله يستر رحنا فيها
    سمر:كل هذا جاي حشا مسوين جريمه
    أمل:وهي تضحك كل هذا وماسوينا شي
    أما الأخت نوال نايمه
    الجوهره:تشد نوال من شعرها وتصرخ وتقول..خلص الفلم..؟
    وتسمعها الدبور..لا ماخلص الفلم توه يبي يبدأ وراي على الأداره
    أمل:أعوذ بالله وش هالمعقدات خلص حرمت أصير
    مدرسه
    الدبور:وأنتي كفو تصيرين مدرسه
    الجوهره:يمه..وشلون سمعت صوتك
    أمل:وهي تضحك فيهاجنيه
    سمر:خلص بنات..السالفه كبرت خلنا نروح الأداره أحسن
    طبعا بالاداره تهزي على كيف كيفكم من سب وشتم وتعهد وخصم درجات السلوك وكانو يبون يدقون على أهاليهم..قامت الجوهره تبكي لين ماتدخلت مدرسه الدين وهدت الوضع..
    وأكتفو بالتعهد والخصم
    طبعا دخلو الفصل الحصه الثانيه
    ومن حسن حظهم كانت فراغ
    ويوم دخلو البنات سولهم زفه لرجوعهم سالمين بدون أصابات وكانت الجوهره توها ماخلصت صياح.. أما أمل ميته ضحك ونوال مطنشه وكأنو ماصار شي أما سمر قاعده تحكي للبنات وش صار ...
    ومر باقي اليوم بسلام..
    * * * * * * * * * * * *
    (الفصل الثاني)
    الشله وشخصياتهم..
    الشله مكونه من 4 بنات في الصف الثالث علمي..علما بأنهن صديقات من الأبتدائيه غير نوال أنضمت لهم في المتوسط..
    وليس بينهم أي حساسيات
    سمر ذات شخصيه قويه وجريئه وكل من يراها يتمنى صداقتها وهي ذات ملامح حاده
    أمل:مرحه وروحها رياضيه تحب دايم تضحك وملامحها تدل على الطفوله والبرائه لكن فيها شويه لقافه(وأقوى علاقه بين سمر وأمل...حيييييل مع بعض)
    نوال: جميله ولكن تعاملها خشن وعربجيه بقوه وبها طبع الغيره وتحب أفلام الأكشن لانها البنت الوحيده بين سته أولاد
    الجوهره:حساسه وطيبه القلب ودائما حزينه بسبب انفصال والديها وتحب الشعر
    في البيت:
    سمر:السلام عليكم
    العائله:وعليكم السلام
    الأم:هلا ببنيتي..وش بلاك مو على بعضك
    خالد الأخ الأصغر بسنه ودائما هو وسمر في دوامه المشاكل
    أكيد متخانقه مع أحد
    سمر:بنص عين..ياشين اللقافه
    الأم:أنت خلك بحالك أحسن
    سلمى:وأمي صادقه
    خالد:ياسلام كل الدلع لها
    سمر بدلع:أنا أدلع وغيري يولع
    خالد:يقوم لغرفته
    الأم:هاه يمه وش فيك
    سمر:مافيني شي
    سلمى:تهمس في أذن أمها وتقول ألحين سمر تعبانه خليها ترتاح وعد مني أجيبلك الأخبار بس لاتضغطين عليها..
    الأم:أن شاء الله أنا بقول للخدامه تزهب الغداء وأنتي ياسمر تبدلين وتجين
    سمر:_ _ _ _ _
    سلمى:مايصير خاطرك إلا طيب
    تطلع سمر لغرفتها وتلحقها سلمى..توقف على الباب وشفيك...؟
    سمر:اليوم كتبت تعهد ونقصت بالسلوك وتهزئت..
    سلمى:مو شي جديد
    سمر:هذاك أول أنا ألحين بثالث
    ويوم كنت بالمدرسه كان الأمر عادي أضحك ويوم رجعت البيت أحس أن هموم الدنيا على راسي..؟
    سلمى:هذي رده فعل طبيعيه
    أخذنا بعلم النفس
    سمر:وللي يرحم أمك أسكتي مو ناقصني نصايح
    سلمي:أنتي بالاول أسمعي
    سمر:نعم
    سلمى:الأنسان يوم يصيرله موقف ماهو زين يعني يتفشل وكان معه أحد يحس أنه قوي و مايحس بالفشيله آلا يوم يقعد لحاله يحس أنه ضعيف وحيد
    سمر:وش قصدك..!
    أنا ضعيفه وحيده
    سلمى:أنا أقصد الموقف بحد ذاته مو أنتي
    سمر:وللي يوفقك أسكتي تراني مو فاهمه شي
    سلمى:مو مهم تفهمين المهم وش صار بالتفصيل
    الأم تدخل عليهم يالله حطينا الغداء..
    في بيت الجوهره..
    تدخل غرفتها وتقعد تصيح لين ماتفقعت عيونها
    وتقعد تتذكر أمها وتشهق من الصياح...ونامت وهي تصيح حتى الغداء ماتغدت
    في بيت أهل سمر..
    وبعد الغداء والكل دخل لغرفته ياخذ قيلوله
    في غرفه سمر..
    سلمى:وش السالفه
    سمر:هذا ياطويله العمر..وتحكيلها السالفه كلها
    سلمى:والله منتي هينه
    سمر:أفا عليك أعجبك..المهم دوريلي على مقلب قوي أبي أسويه بالدبور
    سلمى:وهي ميته ضحك ليه هي تشبه الدبور..!
    سمر:بس زنانه مثل الدبور
    وشعرها طاير تقل جناحاته
    المهم لازم المقلب يجي باليومين هذي
    سلمى:تهددين أنتي وجهك
    سمر:وش تبيني أقول
    سلمى:حسني أسلوبك
    سمر:لوسمحتي ياأحلى أخت ويا أغلى أخت اذا ممكن وماعليك كلافه مقلب وياريت بسرعه
    سلمى:كذا يمكن اوافق لكن بشرط نتفق عالسعر
    سمر:نعم.وش قلتي شكلك ماخذه بروحك مقلب والحين ضفي وجهك وأطلعي من غرفتي
    سلمي:أفا هذا وأنا أختك الكبيره
    سمر:وأنا أختك الصغيره
    والحين من غير مطرود أطلعي أبي أكلم أموله
    سلمى:مالت عليك
    سمر:تطنشها..وتلقى بالجوال سبع مكالمات من أمل وتدق عليها بس يطلع(جاري الأنتظار)
    وتدق على نوال نفس الشي (طبعا كانو يكلمون بعض)
    وتدق عالجوهره وما ترد
    عاد تدخل الأخت وتنام
    * * * * * * * * * * * *
    (الفصل الثالث)
    في المدرسه..
    كانت الجوهره غايبه والباقي حاظر..
    في وقت الفسحه الشله تتمشى
    أمل:أوريك يالنذله ليه ماتردين
    سمر:كانت أختي تتفلسف علي
    نوال:زين أحسن من أخواني يوم قلت لهم على السالفه قامو يضحكون علي
    سمر:ليه الجوهره غايبه..؟
    نوال:أظن راحت للشرقيه عند
    أمها
    أمل: مين قدها تبي تشوف الحبايب
    سمر:وش صار لها مع وليد
    أمل:والله مدري..؟
    نوال تبي تغير السالفه:بنات اليوم أربعاء وش رايكم تجون عندي ..؟
    أمل:خالتي ولدت ونبي نحضر السابع...
    سمر: أنا ما عندي مانع بس خليها مره ثانيه تكون الشله متجمعه
    نوال:كيفكم...!¡!¡
    سمر:بنات أنا مستحيل أخلي السالفه حق أمس تعدي على خير لازم نسوي بالدبور مقلب
    نوال:إي والله بس وش نسوي(دق الجرس وقالت أمل ياربي ماحليت نحو بنات بسرعه للفصل)
    سمر:يعني أنا إللي حاله
    نوال:وينك يالجوهره تساعدينا
    * * * * * * * * * * * *
    (الفصل الرابع)
    الجوهره بالشرقيه...
    طبعا تغيرت نفسيتها للأحسن
    يوم شافت أمها
    الجوهره:يمه طالعين مكان اليوم
    الأم:رايحين للشاليه مع خالاتك
    الجوهره:تبتسم(وتقول بقلبها بروح أكلم وليد)
    الجوهره:مرحبا
    وليد:هلا والله بقلبي.
    الجوهره:تدري أنا وين..؟
    وليد:وووووين...؟
    أنا بالشرقيه عندكم
    وليد: وليه ماقلتيلي كان جيت أستقبلتك بالمطار
    الجوهره:حبيت أسويها مفاجأه
    وليد:يابعد روحي...طيب أنا ظروري أشوفك
    الجوهره:لاتخاف اليوم العصر نبي نروح الشاليه
    وليد:خلص أوكي توصين شي ياقلبي..
    الجوهره:سلامه قلبك
    وليد:باي
    (لايروح تفكيركم بعيد وليد والجوهره عيال خالات ويحبون بعض من هم صغار وتقريبا نص العايله شاكه بس مو متأكدين)
    في الشاليه...
    تجمعت العايله كلها وجت الجوهره وكان لها زمان ماشافت خالاتها وقعدو يسلمون عليها وطايرين فيها
    أم وليد:كبرتي وحلويتي وصايره عروس
    الجوهره مستحيه وساكته
    ورود أخت وليد:خلص يمه أحرجتي البنت..أمشي الجوهره خلينا نتمشى
    الجوهره:عن أذنكم
    (بينما كانت الجوهره ورود يتمشون)
    كل شوي يدق وليد والجوهره تعطي مشغول
    ورود:ليه ماتردين..؟
    الجوهره:ماعليك هذي وحده من البنات ماعندها سالفه
    (شوي يدق جوال ورود )
    ورود:هلا وليد
    (الجوهره يقلب وجها أحمر تقل طماط)هاهاهاااااي
    وليد:وينكم فيه
    ورود:حنا بالشاليه..تعال هنا عندي لك مفاجأه تجنن
    وليد:ادري الجوهره عندك
    ورود:يمه منك وش دراك
    وليد:المهم إلحين أبيك تفضين الجو أبي أشوفها
    ورود:حلوه هذي أبيها بسالفه خاصه
    وليد:ياثقل طينتك عاد حرام عليك والله مشتاق لها
    (ورود حاطه الأسبيكر والجوهره تسمع وانحرجت)
    ورود:يكفي غزل تراها بجمبي
    وليد:بذمتك
    ورود:المهم خلص رحمتكم حتى هي ميته على شوفتك
    خلص أنا ألحين أظبط الوضع بس أنت وينك..¡!¡!
    أنا ألحين عند عيال خالاتي قاعدين يتسبحون بس أنتي وين
    ورود: حنا قاعدين نتمشى عالبحر تعال لنا أوكي
    وليد:وهو طاير شباب شوي وجاي
    طارق ولد خالته الثانيه:رايحلها
    وليد:إيه والله أني مرتبك
    طارق:عاد هي وش تقول
    وليد:لي أكثر من شهرين ماشفتها
    طارق:رح لها بس موتنسانا
    وليد:شكلي ابنسى الدنيا كلها
    (وليد أقترب منهم و كانت الفرحه واظحه على الجوهره عاد تعاندها ورود وتقول لهدرجه تحبينه)
    وليد وصل:إيه وأكثر بعد وأنتي وش حارك ألحين
    ورود:لاماني محتره ولاشي..؟
    وليد:والحين ممكن تذلفين
    ا لجوهره تقعد تضحك
    ورود:هين أنا أوريكم وتروح
    كان وليد بعد يحب الشعر
    وليد..
    هلا باللي شوفته تطفي نار قلبي
    وهلا بخلي راعي القلب الحنون
    الجوهره..
    هلا بك ياعزوتي و يانور دربي
    هلا بك ياأغلى خل بالكووون
    وليد..
    تدللي على قلبي ياقلبي وأنا ألبي
    قولي وش تبين إذا عليك أمون
    الجوهره..
    تمون وتمون علي ياغالي وربي أبي سلامه قلبك وشوفه العيون
    وليد..
    شوي شوي على خلك ياكل حبي
    سمعيني كلمه كلمه بس بهون
    وليد:أخيرا شفتك يابعد روحي
    الجوهره:وش رايك بالمفاجأه
    وليد مسك إيدها وقال هذي أحلى مفاجأه تكفي أنها منك
    الجوهره:تسلم ياقلبي
    (الجوهره أول مره تقول له ياقلبي وهو ماصدق)
    وليد:آآآآه ياقلبي..
    الجوهره:وش فيه قلبك
    وليد:تجنن وهي طالعه منك وأنتي تقولين ياقلبي.
    الجوهره وجها أحمر:ولييييييد لاتحرجني
    وليد:تكفين عيديها مو حنا نحب بعض تكفين عشان خاطري
    الجوهر:والله طلعت عفويه
    وليد:والله مصدقك ياروحي
    (تجيهم ورود أنتم للحين ماخلصتو غزل )
    وليد:بسم الله من وين طلعتي
    ورود:أخلص علينا تراهم يسألون عن الجوهره وأنا ماعرفت شقول
    وليد:أفا وأنا معتمد عليك
    ورود:أضحك علي بكلمتين نسيت يوم تقولي أذلفي
    ورود تسحب الجوهره من إيد وليد وتقول كملو حكيكم بالمسجات..
    راح وليد عاد تقول الجوهره أنا أوريك ماني بقاعده معك
    ورود:ياثقل طينتك مسوين فلم هندي
    الجوهره:إيه مسوين فلم هندي
    ورود: طيب أمشي معي نصلي المغرب
    الجوهره:أذن مسرع
    ورود:أكيد ماسمعتي كنتي مع روميو..آلا وش كنتو تقولون
    الجوهره:ولا شي
    ورود:علينا..أعرفكم حيل رومانسيين...0_0
    الجوهره تضربها وتركض وتقعد تلحقها ورود
    * * * * * * * * * * * *
    (الفصل الخامس)
    وليد يدخل على الشباب ويسلم
    ويردون عليه
    وليد:طارق أبيك شوي
    عاد يبدى التعليق من الشباب
    اللي يقول عطنا وجه وإللي يقول متغير....عاد هو يطنشهم كان حيل مستانس(أصلا ماحد يدري بقصته مع الجوهره غير طارق ويحكي لطارق كل شي وبالتفصيل لين نام طارق) هههههههههه
    % % % % % %
    في المدرسه...
    دخلت الجوهره و كلها نشاط
    هاي بنات الشله تصرخ بصوت واحد جوجو ويسلمون عليها
    نوال:إيه من لقى أحبابه نسى أصحابه
    الجوهره:حرام عليك والله مانسيتكم
    سمر:الحمدالله على سلامتك وش أخبار الحبايب
    أمل:الأخبار شكلها تمام ماتشوفين النفسيه ميه على ميه
    سمر:أفا ياجوجو تخبين عني
    الجوهره:كليتوني بقشوري طيب
    عطوني فرصه أتكلم..وحكتلهم إللي صار
    نوال:والله منتي هينه كل هذا يطلع منك ياجوجو
    الجوهره:تبتسم
    في الفسحه..
    سمر:بنات أنا ماراح أمررها بسهوله للدبور
    الجوهره:لاتذكريني بالسالفه
    أمل:طيب وش نسوي
    نوال عندي فكره من اليوم السبت لين الأربعاء كل وحده تفكر بخطه وترتبها وأحسن خطه نسويها أوكي
    والجميع وافق.
    * * * * * * * * * * * *
    (الفصل السادس)
    في الطلعه..من يوم الثلاثاء تطلع أمل وكانت طبعا تضحك وشوي تطيح من الدرج عاد البنات يقعدون يضحكون عليها
    والشباب تجمعو..
    عاد تطلع أخت العرب العربجيه(نوال)وتهزئهم وتفضي المكان وتشيلها مع مجموعه بنات لسيارتهم..طبعا أمل تروح مشي لان بيتهم قريب ..قالت نوال لأخوها عطني جوالك وكلمت أمها..وكانت أمل تتألم من رجلها
    وصلتها لبيتهم والحمدالله ماصار لرجلها كسر
    ويوم ركبت نوال قال أخوها ماشاءالله عليك قويه خوفتي كل اللي واقفين حتى الفراش هرب
    قالت بنبره كلها كبر أفا عليك أنا نوال بنت أبوي
    يرد أخوها لايكثر عطيتك وجه
    ترد:مالت عليك
    في البيت...
    سمر:غريبه نوال ماترد
    سلمى:دقي على بيتهم
    (دقت ردت أمها قالت نايمه..سمر خالتي تكفين صحيها نبي نروح لأمل قالت أمها خلص أنا بقعدها وأخليها تدق عليك تقول سمر خلص أوكي)
    قعدت سمر تكتب مسج تهزئ لنوال..شوي تدق الجوهره
    سمر:هلا جوجو
    الجوهره:هلابك ياقلبي..وينكم ليه ماجيتو لأمل تراها زعلانه
    كل البنات جايين نوره وياسمين وأنتم صديقاتها ماجيتن
    سمر:ياحياتي ياأموله..أنا جاهزه بس أستنى نوالو تقول مريني ماعندها أحد يجيبها والحين نايمه..
    الجوهره:ألحين سته أخوان ولا واحد يقدر يجيبها..
    سمر:ثلاثه يسوقون وعندهم سيارتين أثنين مسافرين ومعهم السياره واحد بالشغل وأبوها بالمزرعه
    الجوهره:خلص أنتي تعالي ألحين وهي تدبر نفسها
    بعد نص ساعه تدخل عليهم سمر..
    أمل بأبتسامتها الحلوه:سمورتي
    سمر:أموله حياتي..وتحضنها يابعد روحي ماتشوفين شر عسى إللي فيك فيني
    (الجوهره كانت متأثره بالحيل بالموقف شوي وتبكي هههههههههههههههههههههههههه)
    ونوره تقول لياسمين لو نوال تشوفهم بتصورهم وتسويهم مقطع بلوتوث.هههههههه
    % % % % % %
    في البيت...
    تصحى نوال على صوت آذان العشاء..تقمز للجوال وتلقى ١٣مكالمه ورسالتين وتقوم تصارخ للخدامه نوربايا نوربايا وصمخ..وتقعد تصارخ
    الخدامه:نعم إيس فيه
    نوال:نعامه ترفسك قولي آمين
    الخدامه:إيس فيه ليس صوتك كبير
    نوال:أنتي خبله ولا مهبوله
    الخدامه:أنتي خبله مهبوله
    نوال:تقوم من سريرها وتشد شعرها أنتي غبيه ولاوشو مابقى آلا أنتي يالأندونيسيه أمشي أذلفي..لأتوطى بكرشتك يالدبه..نسينا ماكلينا أصلا أحمدي ربك تشتغلين عندنا
    الخدامه:تقعد تبكي
    نوال:أحسن هذا شوي بك
    وتنزل للصاله وكانت أم صالح عند أمها وهي ماشافتها وتقعد تصارخ يمه ليه ماقعتديني المغرب ...أبي أروح لأموله
    أم صالح:ماشاءالله كبرتي يانوال
    نوال منصدمه:بسم الله من ذي
    الأم:تعالي سلمي على خالتك
    نوال: تفحط لغرفتها..
    والأم طاح وجها وقعدت تعتذر
    المهم دقت نوال على أمل وأعتذرتلها ورجعت نامت
    * * * * * * * * * * * *
    (الفصل السادس)
    طبعا أموله داومت يوم الأحد يعني غابت الأربعاء والسبت عاد فاتكم شكلها وهي داخله علينا بالعكازه ههههههههههاااي
    تموت من الضحك...تقل شايب
    وبمناسبه قومه أموله بالسلامه أتفقت الشله أنها تطلع تغير جو في أي مجمع..
    الجوهره:وش رايكم نروح (مول)
    نوال بضحكه أستهزاء:أكيد تبين هناك مو وليدو يحب يروح هناك
    الجوهره:أعصابك. أنا عاجبني المكان هناك وعلى فكره أنا إللي أخترت المكان مو هو
    أمل وهي تضحك:عاد المكان مو حلو
    الجوهره:وش قصدك ذوقي بايخ
    تدخل العربجيه بالعرض:مصدقه أن عندك ذوق
    (للمعلومه نوال كذا أسلوبها وهي ماتقصد شي لكن ماعندها أسلوب)
    أمل كانت تضحك أما الجوهره أعطتهم نظره بنت حرام ودخلت الفصل بدون ماتكلمهم
    سمر:وش سويتو الله ياخذكم أن شاءالله
    نوال:خايفه على شعورها يعني
    سمر:وش بلاك اليوم يانوال حيل متغيره
    نوال:أمل أمشي معي أبي أشتري من المقصف
    أمل:تناظر سمر وهي منحرجه
    خلص سموره أنتي روحي للجوهره وشوي نجيكم
    نوال ماعطت أمل فرصه تكمل وشدتها من إيدها
    سمر راحت للفصل مالقت الجوهره قالت أكيد بالحمامات(وأنتو بكرامه) المهم لقتها
    سمر:أكيد زعلانه بس تراها ماتقصد
    الجوهره:_ _ _ _ _ _
    سمر:أنتي تعرفين نوال هذا طبعها
    الجوهره:_ _ _ _ _ _
    سمر:قولي أي شي تكفين بس لاتقعدين ساكته
    الجوهره:قعدت تبكي وتجي سمر تحظنها(قلبوها فلم هندي هاهاهاها)المهم كانت أمل مع نوال ساكته وسرحانه وماهي مستوعبه إللي صار...قطعت حبل أفكارها نوال وهي تقول شفتي شلون سمر تحب الجوهره أكثر منا راحت بسرعه تراضيها
    أمل :ترى حرام عليك والله ماتستاهل يكفي بعيده عن أمها
    نوال:يعني أنا أستاهل..تراها ترفع الضغط صايره بس تسولف عن أمها ووليد
    طيب أنا ماعندي خوات ولابعمري شكيت وبكيت
    أمل:بس راعي ظروفها هي حساسه شوي وبعدين حنا صديقات المفروض مانزعل
    (نوال كانت بها غيره شوي من الجوهره لأنها أشطر منها وكانت تغير حيل يوم تتكلم عن وليد وكانت تبي تمتلك أمل لأن سمر دايم رايها يمشي عليهم فكانت تخطط تقرب من أمل عشان تمسك سمر من الأيد إللي توجعها)فكانت هذي أحسن فرصه تسيطر فيها على أمل
    نوال:أقول أموله تلاقين الجوهره ماخلت شي فينا ماقالته
    أمل:أظنها تبكي
    نوال:نوال هي الدموع أخطر شي
    أمل مندهشه:وليه...؟
    نوال:ألحين الجوهره تقعد تبكي لين ماتقنع سمر أن حنا غلطانين
    أمل:بس أنا ماغلطت أنتي إللي فشلتيها
    نوال:بس أنا وأنتي مارحنالها إللي راحت سمر
    أمل:أمشي نروحلها
    نوال:لا مانروح..وأسمعيني زين خلك قويه مو لاقالت سمر أعتذري تعتذرين
    المهم صفرت الفسحه ورجعو للفصل كانت سمر حيل متضايقه..يوم شافت نوال ددددمستانسه من اللي صار وأمل ماتوقعتها كذا مالها رده فعل
    راحت للأداره تبي تستأذن..
    بالحصه الرابعه تقريبا جت الفراشه تقول خلو سمر تلم أغراضها وتنزل..
    الفصل أستغرب ماهي من عوايدها وكانت هموم الدنيا على راسها
    نوره:الله يستر وش بها
    ياسمين:حتى شلتهم هاديه حيل اليوم
    سمر أخذت شنطتها وصلت عند الباب قبل لاتطلع قالت الأستاذه وليه ماتستأذنين ردت سمر وهي رافعه حاجبها هذا إللي ناقصني بعد وتصك الباب بقوه الأستاذه:بنات قليلات أدب
    ترد أمل تدافع عن سمر:أول شي سمر ماهي قليله أدب
    الأستاذه:ماطلبت رايك
    نوال:شاطره تدافعين عنها بعد كل إللي سوته..
    أمل:سمر ماسوت شي وهي صديقتي لازم أدافع عنها
    (طبعا أماكنهم كانت سمر وأمل بجنب بعض والجوهره ونوال بجنب بعض وبعد الهوشه تغيرت أماكنهم )
    * * * * * * * * * * * *
    (الفصل السابع)
    دخلت سمر غرفتها وهي شايله هموم الدنيا على راسها..وجلست تفكر باللي صار لين نامت..
    قامب الساعه وحده الظهر وقعدت تطقطق على النت لين مادقت نوره
    سمر:هلا نوره
    نوره:سلامات ماتشوفين شر
    سمر:الشر مايجيك بس كنت شوي تعبانه
    نوره:أسمعيني ياسمر أدري منتي تعبانه.. انا ماراح أظغط عليك ولاأبي أعرف بالقوه بس أنتي لك معزه بقلبي حيل وأتمنى تصارحيني
    سمر:إي والله محتاجه أحد يسمعني وينصحني أحس أني ضايعه
    نوره:كلي آذان صاغيه
    وتحكيلها سمر السالفه
    نوره:اذا تبين نصيحتي كلمي نوال وخليها تعتذر من الجوهره سمر:أنا أعرف نوال كل شي تسويه بس مستحيل تعتذر حتى لو غلطانه
    نوره:أذا تبين تستمرون مثل أول لان الجوهره كتومه وراح تشيل بقلبها مهما كان..والجوهره ماتستاهل
    سمر:خلص أنا أحاول
    تروح سمر تدق على نوال وبعد أقناع شديد أقتنعت نوال وبعدين دقت على أمل
    سمر:هلا أمل
    أمل ببرود:أهلين
    سمر:وش بك...؟
    أمل:أبد سلامتك
    بسمر:ليه ياأمل إللي سويتوه المفروض تعتذرون
    تقطع كلامها أمل:بس أنا ماغلطت..!
    سمر:هذا مو أسلوبك..أنتي صديقتي وأعرفك وعلى فكره ترى نوال اذا قالتلك لاتعتذرين تراها تبي تعتذر
    أمل وهي مندهشه:وش دراك
    سمر:مافي شي يتخبئ على سمر
    بعد المكالمه أرتاحت سمر ونزلت تقعد مع أهلها
    سمر بنشاط:مرحبا مامي
    خالد:يلعن أم الدلع
    سمر:يبه أشوف خالد يغلط علي وأنت ساكت
    الأب:خويلد كم مره قلتلك خلك بحالك ولاتدخل بسمر
    سمر تقعد تعاند خالد
    سلمى:خلص يبه حرام مايستاهل
    الأم:خلص وأنتو كل ماتجمعتو تسون هوشه
    سمر:أفا يمه وأنا أقدر أزعل أخوي وحبيبي خويلد قصدي خالد
    خالد:وش وراك.. هالمدح مو لله
    سمر:بالعكس أنا دايم أمدحك
    خالد:أخلصي علينا
    سمر:أبي أروح السوق
    خالد:مااااااافي
    سمر:أسويلك اللي تبي
    خالد:أمممم أبي أندومي
    سمر تكلم سلمى:مالت مايفكر الا في بطنه
    خالد:أسمعي أنتي تسوينه مو الخدامه
    سمر:أن شاء الله
    * * * * * * * * * * * *
    (الفصل الثامن)
    طبعا بعد ماأعتذرت نوال وأمل
    وصفت القلوب..
    قالت أمل عشان سمر حلت المشكله هي تختار وين نروح
    موافقين...؟
    الجوهره:أكيد موافقين
    نوال كانت مقهوره لأن سمر تبي تختار المكان لكن قالت وأحد يقدر يقول غير سمر
    سمر:تسلمين يابعدي
    خلص أنا أقول نروح الفيصليه والجميع وافق
    أمل:هاه جوجو وش صار مع وليد
    وتقعد الجوهره تحكيلهم وكانت نوال تحاول تغير السالفه..
    % % % % % %
    في الفيصليه ..
    تجمعو كلهم وقعدو يتمشون بالأسواق وكانو حيل مستانسين وبعدين شربو كوفي شوب وأكلو آيس كريم وبعدين طلبو عشاء..شوي يدق جوال الجوهره كان اللي يدق وليد قالت عن أذنكم شوي
    الجوهره:هلا وليد
    وليد:هلا بقلبي
    الجوهره:وش أخبارك
    وليد:دام سمعت صوتك أنا بخير
    وش هالأزعاج اللي عندك
    الجوهره:أنا بالفيصليه مع صديقاتي
    وليد بغيره:وليه تروحين هناك
    الجوهره بدلع:تغار علي
    وليد:أذا ماغرت عليك يابعد عمري أغار على مين
    الجوهره:أفا عليك أنا بنت رجال
    تقطع عليهم نوال وتقول يالله العشاء جاء
    الجوهره:أكمك بعدين توصي شي
    وليد:أبي سلامتك ياروحي
    وهم يتعشون تقول أمل وش كنتم تقولون ترد نوال أكيد كل واحد يقصد بالثاني ماشاء الله أثنينهم يموتون بالشعر
    سمر:وينهم ووين الشعر بالأزعاج
    المهم بعد العشاء يقعدون يتمشون شوي يجي واحد يبي يغازل وماطاح آلا بنوال وكان قبال الشله كوفي شوب شباب المهم يجي يقولها خذي الرقم ياحلوه
    (مسكين الناس تطورت بلوبوث وجوالات وهو بالأوراق ههههه)
    المهم شوفو وش سوت أخت العرب تأخذ من أيده الرقم وتقراه بصوت عالي بعدين تقوله وووووووع رقمك على بالك مميز..وكان الكل يناظر لها وهي تهزئه(أحسن يستاهل ماحد قاله غازل) وقالتله واذا تبني أناظر خشتك ترى مو من حلاها يعني كاشخ بالثوب المخصر مدري هو حق أخوك الصغير..ولا عشان مسوي سكسوكه ولا تبيني أناظر ظروسك إللي تقل ظغاطات مسجل خربان
    عاد يقومون الشباب يصفقولها على إللي سوته أما هذاك الشاب تلثم وماتشوفون آلا غباره ...هههههههههه
    الجوهره:وش هالجرأه يانوال
    نوال:أحسن يستاهل
    سمر:مسحتي به البلاط
    أما الأخت أمل ميته ضحك المشكله تضحك بصوت عالي واللي يشوفها وهي تمشي تقل سكرانه..
    المهم تزحلقت وكان قدامها واحد وتطيح عليه(لايفوتكم المنظر)ههههههههههه
    أمل:أأأأسفه مو قصدي
    الشاب:لاعادي وكان معه صاحبه يبي يلطف الجو قال ثاني مره انتبهي..
    أمل:ياشين اللقافه وماحد طلب رايك..
    عاد يتجمع الرباعي المرح وتقول سمر مثل ماضحكتي
    على هذاك الله بلاك
    الجوهره:الله يفشكم فشلتونا
    نوال:أخو دق أبي اروح للبيت عن اذنكم
    الجوهره:وأنا تعبانه أبي أروح السواق تحت باي
    سمر وأمل يقعدون شوي يتمشون وأمل تشتري ساعه وتعطيها سمر شوي تدق سلمى وتقول سمر وينك؟
    سمر:أنا بالدور الثاني
    سلمى:يالله انزلي أنا بالسياره
    سمر:بدري تو الناس
    سلمى:سموره أنا تعبانه وفيني نوم وأمي تقول تأخرنا
    سمر:أوكي
    تروح سمر وأمل تتورط تدق على أخوها مغلق وأمها ماترد
    لين ماصارت الساعه ١١ ونص عاد أمل خافت المكان بدء يفضى (بس لاتخافون عليها في من يحميها )
    كان الشاب إللي طاحت عليه يلاحقها بس هي ماهي حاسه
    المهم تدق على سمر وتقولها ماحد جاها عاد سمر ترسل سواقهم ياخذها...¥¥¥
    المهم الشاب يلحقهم لين ماوصلت للبيت وكان معه صديقه عاد يقوله بندر هذا مو بيت أهل سعود يرد عليه إيه والله يعني هذي أخته..
    يرد صديقه طيب وش نيتك من اللي سويته..
    بندر:وهو مرتبك لا ولا شي
    % % % % % %
    في المدرسه..
    تجمعت الشله من جديد ...ضحك وناسه وتعليق على الرايح والجاي المهم ماأطول عليكم..
    جتهم نوره
    سمر:اهلين نوره
    نوره:ماشفتو الجدول حيل صعب وحاطين مادتين مادتين الشله:ياويلنا هذا وحنا وزاره
    نوره:عاد مين يسمع..؟
    الجوهره:أبي أكلم المديره تغير الجدول سمر تقول خذيني معك
    نوال:شفتي شلون ماقلتلك صايره أبد ماتستغني عنها
    أمل:تفكر بكلام نوال
    * * * * * * * * * * * *
    (الفصل الثامن)
    وتبدأ ألأختبارات الشهريه وينضغطون حيل والحمدلله تنتهي على خير..
    الجوهره تجيب الثانيه عليهم
    وسمر ممتاز
    أما أمل ونوال جيد جدا
    الجوهره يوم رجعت البيت كانت حيل مستانسه راحت لبوها وعطته الشهاده وقال أطلبي وش تبين قالت تكفى يايبه وديني الشرقيه قال لاماينفع أنتي ثالث ولازم تدرسين قالت اذا تبيني أشد حيلي وديني الله يخليك..تكفى يبه
    وكانو عماتها فيه وأقنعوه ووافق
    قالت الجوهره عن أذنكم ببشر أمي..
    وتدق على أمها ..وتقولها
    وبعدين تكلم وليد وتقوله انها جايه لشرقيه عاد هو مايصدق خبرقال أبي اجي أستقبلك
    الجوهره:أنت صاحي تبي تفضحنا...؟؟
    وليد:وش فيها لو درو أني أحبك
    عاد هو كان بالسياره ويقعد يصارخ ويقول أحبك موووووت
    % % % % % %
    في البيت..
    أمل:يمه أيدك على خمس ميه ريال
    الأم:هذا وأنتي جايبه جيد جدا
    وشلون لو ممتاز
    أمل:لو ممتاز تتدبل الخمس ميه
    يقول سعود:هذا وجهي أن عطوك خمسين وتحمدين ربك بعد
    أمل:المفروض ترفع معنوياتي
    سعود:عاد لاتصدقين أموله أمزح وهذي خمس ميه ريال مني..
    أمل:تسلم يابعد قلبي وهذي حبه على راسك
    سعود:توني صغير لاتحبيني على راسي..وبعدين كم أمل عندنا
    شوي يدق التلفون
    أمل:ألو
    بندر مو مصدق سمع صوتها
    أمل:ألو
    بندر وهو مرتبك:ألو
    أمل:هلا
    بندر:الله لايهينك عطيني سعود
    أمل بستهزاء:أنت عايش بالعصر الحجري..!
    بندر:عفوا وش قصدك
    أمل:قصدي أن طلعت جوالات والثابت صار للنت
    بندر:مايدري شقول بعدين قال بس أنا ماعندي رقمه
    أمل:طيب دقيقه ويجيك
    وكلم سعود بندر وكان مستغرب من عزيمته
    % % % % % %
    نوال:يمه نوربايا وينهي..؟
    الأم:وش دراني أظنها تنشر الغسيل
    نوال:دورت عليها بالبيت كله ومالقيتها..أرسلتيها للبقاله..؟
    الأم:لا ماأرسلتها
    نوال:ليكون أنحاشت
    الأم:والله تسويها
    نوال:ومين يبي يشتغل..؟
    الأم:أنتي وين وأنا وين
    ويقلبون البيت عليها ومالقوها
    وبعد يومين تدق عليهم الشرطه لقوها تمشي بالشوارع عاد أخوانها سفروها وصار الشغل كله على نوال(للمعلوميه هذي ثالث شغاله تنحاش)
    % % % % % %
    في البيت..

    * * * * * * * * * * * *
    (الفصل التاسع)
    راح سعود لبندر في الأستراحه ويوم قعدو مع بعض طلب إيد أمل..سعود تفاجا حيل بس قال اذا عني موافق أنت رجال ونعم فيك لكن اشاور الأهل وأردلك
    طبعا الأختبارات النهائيه قربت وماحد مستعدلها غير سمر والجوهره
    أما أمل مطنشه ولا تبي تذاكر آلا بوقت الأختبارات ..وكانت نوال مثلها
    في الساحه..
    أمل:سموره نسينا شي مهم
    سمر:وشو ....؟
    أمل:المقلب إللي نسويه بالدبور
    الجوهره:خلص الموضوع شاب عليه الدهر
    نوال تبي تعاند الجوهره:لا لازم نسوي المقلب بها واذا تبين تسكتين عن حقك حنا مانسكت
    الجوهره:كيفكم بس أنا برى الموضوع..وتخليهم وتروح
    المهم أتفقو الثلاثه بس مادرو وش يسون
    قالت سمر خلص خلو المقلب علي
    نوال:لا أنا أبي أختار المقلب أما أمل قالت أذا أتفقتو قولولي
    وصارت بينهم خنقه وزعلت سمر المهم بنفس الأسبوع وبحصه الكيماء كانت نوال طفشانه وتكتب لأمل
    أموله مافكرتي بالمقلب لأبله مها لازم نسبق سمر
    أمل:طيب نسوي المقلب كلنا أنا ماني فاظيه وبصراحه ماعندي أفكار وأفكار سمر حلوه
    نوال:وأنا أفكاري أحلى بس بشرط ماتعلمين سمر أنا أثق فيك وقلتلك أنتي وبس..
    أمل:أن شاءالله
    وكان بعدها الفسحه ومن غباء أمل خلت الدفتر مفتوح وعلى الطاوله....!!!
    وفي الفسحه تمشو كلهم مع بعض لكن كان بينهم برود حتى مرت عشر دقايق وهم ساكتين
    الجوهره:معليش بنات تعبانه وأبي أروح الفصل
    وقبل لاتجي الجوهره للفصل
    وحده من بنات حروشه تشوف المكتوب في الدفتر وتوديه للأداره..
    في الحصه السادسه تقريبا جو الأداريات وطلبو أمل ونوال
    طبعا هزئهم والسالفه كبرت حيل..بين الشله
    في البيت..دقت نوال على أمل
    نوال:مرحبا
    أمل بصوت حزين:أهلين
    نوال:شفتي شلون ياأمل قلتلك هم متآمرين ماصدقتيني
    أمل:مين اللي متآمر
    نوال:تقعد تحشي مخها على سمر والجوهره وتقول أكيد هم اللي علمو الآداره ماشفتي الجوهره أستأذنت وقت الفسحه وسمر ماتهزئت معنا هذي وش يسمونها
    أمل تعصب وتقول خلص نوال يكفي سمر الخاينه أنا أوريها
    نوال وهي مستانسه:تبين تكلمينها...!
    أمل :أكيد
    تسكر من نوال وتكلم سمر وهي معصبه
    وماتخلي فرصه ترد فيها سمر وتسكر..عاد من القهر تقعد سمر تصيح
    % % % % % %
    في اليوم الثاني..وبالتحديد في المدرسه
    تجي أمل وتهزى الجوهره وتروح
    ويوم جاء وقت الفسحه تجي
    سمر للجوهره وتقولها ليش سويتي كذا
    الجوهره:وش سويت
    سمر:لو كنتي تبين تعلمين كان علمتي علينا الثلاثه إلحين سويتي بينا فتنه
    الجوهره منصدمه:سمر أنتي مصدقه يعني أنا أقول هذا الكلام
    سمر:بس ماحد يعرف غيرنا
    الجوهره:وللي خلقني ماقلت لأحد..ومستحيل أني أقول مهما صار وعالعموم ماهقيتها تطلع منك...
    سمر:طيب خلص لاتزعلين
    الجوهره:الصبح تجيني أمل وتهزئني والحين أنتي وتتهميني باقي نوال أظنها تبي تذبحني
    أسمعيني زين أنتي وشلتك المصونه من اليوم ورايح لاأعرفكم ولا تعرفوني
    سمر:بس أنا متزاعله معهم عشانك
    الجوهره وهي معصبه:وهذي كذبه جديده
    سمر:حدك عاد أنا ماكذبت
    الجوهره:تخصرها وتمشي
    وكان هذاك الوقت تتمشى أمل ونوال
    أمل:أمشي لسمر شوفيها لحالها
    نوال:ياشيخه طيري تبين نرجعلها بعد كل اللي سوته
    أمل:تراها صديقتي من حنا صغار ومايهون زعلها علي
    نوال:اذا رحتيلها بيكون آخر يوم بينا..ولاتخافين عليها نوره عندها
    نوره:مرحبا سمر وش بك
    سمر:أهلين.والله أني متضايقه وماني عارفه شقولك
    نوره:أمشي خلينا نتمشى بمكان ثاني
    سمر:أحسن بعد عشان ماأبي أشوف أمل ونوال..
    نوره:يعني هذي السالفه اللي مضايقتك
    سمر:إيه وتقعذ تحكيلها وش صار بالتفصيل
    نوره:هذي عين ماصلت عالنبي
    كنتم المثل اللي نظربه بالصداقه
    سمر:مافي شي يبقى على حاله بس اللي مضايقني أمل وشلون هنت عليها واليوم ماكأننا نعرف بعض حتى السلام ماسلمت
    نوره هونيها وتهون وأن شاء الله كل شي يبي يتصلح
    * * * * * * * * * * * *
    (الفصل العاشر)
    في البيت..
    أول مارجعت الجوهره للبيت أصرت أنها تسافر وحجزلها أبوها يوم الأربعاء وطيارتها العصر المهم وصلت وكان بالمطار وليد يستناها...!!!
    شوفو عاد وش قال لأبوها
    ألاب:الجوهره هذا مو ولد خالتك وليد..
    الجوهره كانت منصدمه و ماهي مصدقه أنه جاء قالت بارتباك:وينه..؟
    الأب:شوفيه جاي عندنا
    الجوهره بقلبها:شكله يبي يفضحنا..الله يستر
    وليد:وش هالصدفه الحلوه أبو الجوهره عندنا وأنا أقول ليه منوره الشرقيه
    الأب:تسلم ياوليد.والنور نوركم المهم بعد السلام قال أبو الجوهره أنت وش جايبك المطار
    الجوهره حاطه إيدها على قلبها وتقول رحنا وطي..!
    وليد مجهز الرد:كنت أنتظر واحد من أخوياي من الرياض بس دق قبل شويه وقال صارتله ظروف وماهو بجاي
    الأب:خلص أنا عندي شغل مهم وأنت وصل الجوهره عند أمها
    وليد يبي يطير من الفرح:يرد أن شاءالله من عيوني يابو الجوهره أنت تآمر
    ( كان الأب يتهرب من الحاح الجوهره أنه يرد لأمها.. ويوم قال لوليد يوصلها لأنه واثق فيه) المهم..
    وليد:الحمدالله على سلامتك ياحبيبتي
    الجوهره:تسلم ياقلبي
    وليد:يعني أنا قلبك
    الجوهره مستحيه:خلص عاد
    وليد:أنا مو مصدق أني معك وأبوك موافق..لا وهو اللي قال أوصلك والله مو مصدق ياحياتي
    الجوهره:بصراحه ماتوقعتك تجي..؟
    وليد:أفا أخلي جوجو حبيبه قلبي تجي وماحد يستقبلها
    الجوهره بدلع:صدق أنا حبيبه قلبك
    وليد:أنتي حياتي وعمري وروحي وكل دنيتي وأنا..؟
    الجوهره ترد عليه ببيت شعر
    تسألني وش مكانك في حياتي
    تبيي كلامي ولا قصيدي يرد
    كلامي ترى في بعدك مماتي
    وقصيدي تعده وتغلط من العد
    وليد يرد عليها..
    شوي شوي على خلك ياغناتي
    تراني ماتحمل أروح فيها بجد
    بصمتك أسرح وبحكيك أعلن وفاتي
    وفراقك يخليني مثل الجزر والمد
    الجوهره:على طاري الجزر والمد ودي أروح للبحر
    وليد:من عيوني ياعيوني
    ويركبون السياره ويوديها عند الكرنيش ويقعدون يتمشون وياكلون آيس كريم وتطلب بليله ويقعد يأكلها(ياعيني على الرومنسيه)
    وليد:الجوهره وش رايك أخطبك
    الجوهره بفرح:متى..؟
    وليد:بعد ماتخلصين أختبارات
    الجوهره:أنا مو مصدقه أنك بتصير لي لحالي..
    وليد:وأنا من أول كلي لك يابعد كلي..بس أبيك تجيبين درجات زينه بالأختبارات
    الجوهره:أفا عليك أن شاءالله من الأوائل
    المهم وداها للبيت وسلمت على أمها وهي مستانسه والأم كانت مستغربه
    % % % % % %
    سعود:يمه تعالي إبيك شوي
    الأم:خير ياوليدي
    سعود:في واحد من أخوياي طلب إيد أموله
    الأم بدهشه:وأنت وش قلتله
    سعود:لاتخافين أنا قلت أشاور الأهل..وأظنك لو عرفتيه بتواففين بسرعه
    الأم:يطلع مين..؟
    سعود:خوي بندر
    الأم: هذي الساعه المباركه طيب أختك أختباراتها قربت..؟
    سعود:اذا وافقت أموله تصير يوم الخميس خطوبه والعرس نتفق عليه بعدين تراه عريس {لئطه}على قولهم.. ومعه أقدر أتطمن على أختي
    الأم:خلص أنا أشوف أمل
    أمل كانت تكلم نوال تجي أمها تقول إبيك شوي ثم تسكر أمل عاد تقولها أمها عالسالفه
    % % % % % %
    يوم الخميس صارت خطوبه أمل..
    وقبل لاتدخل قالت بقلبها ليتك ياسمر معي..
    وتقطع حبل أفكارها أمها يالله العريس يستناك..
    أمل مستحيه:خلص يمه
    ويوم دخلت قالت السلام عليكم عاد الأخ بندر دورو عليه مو مصدق أول ماشافها قال تبارك الرحمن قمر..عاد أمل تحب القافه قالت أنا أمل..
    قعد سعود يضحك وقال أخليكم شوي وجاي..
    % % % % % %
    يوم السبت كانت أمل غايبه ونوال مستغربه وسمر كان ودها تعرف بس ماهي عارفه المهم سمر راحت لنوره وقالتلها ووعدتها تجيب أخبار أمل
    ومر اليوم عادي
    أول مارجعت نوال دقت على أمل
    نوال:وليه غايبه..؟أنا زعلانه خليتيني لحالي..؟
    أمل:بلييييز لاتزعلين كان عندي ظروف وباركيلي..؟
    نوال:مبروك بس على وشو..؟
    أمل:أنخطبت
    نوال تقل أحد عطاها طراق(يلعن أم الغيره ياشيخ)
    أمل:ألوووو
    نوال:معك معك
    أمل:وش بلاك
    نوال:لابس أمي تبيني وألف مبروك وقفلت أمل كانت مستغربه بس طنشت
    أول ماسكرت دق عليها بندر أمل:هلا بندر
    بندر:هلا حياتي وليه جوالك مشغول
    أمل بدلع:شسوي بعد الكل يبي يباركلي
    (لاحظو ترى أمل مادرت أنه هو اللي طاحت عليه بالسوق)
    ودرت سمر من نوره أن أمل أنخطبت..وحيل تضايقت هي ماتضايقت عشان أنخطبت إللي مضايقها أن أمل ماتكرمت وقالتلها أنها أنخطبت ومافي سبب يفنع أنهم متزاعلين لكن مافيه أحد يبي يبدأ ويدق
    * * * * * * * * * * *
    (الفصل الحادي عشر)
    جت الأختبارات النهائيه والكل كان خايف..
    وبالتحديد يوم الجمعه
    وليد:مرحبا جوجو
    الجوهره:أهلين
    وليد:كيف المعنويات
    الجوهره:من الخوف قعدت تبكي
    وليد:لا لا لا ترى أزعل منك ياقلبي
    الجوهره:بس والله غصب عني
    وليد:هذا أنا أختبرب وماكلتني
    وأهدي الحين وشوي ادق عليك
    أماسمر من مدرسه لمدرسه وأخوها خالد قاعد يستهبل
    سمر:يمه شوفي خالد
    الأم:خالد أعقل
    سمر:يمه والله خايفه
    سلمى:تعطيهم محاظره (بعلم النفس )لين مانامت سمر ههههههههههههه
    أما أمل طق حنك مع بندر بس كانت شوي خايفه
    ونوال ماقدرت تذاكر من الغيره شلون أمل تنخطب وهي أصغرهم..(الحمدالله اللي عافانا من الغيره)
    وخلصت الأختبارات على خير
    بس للأسف الشله كانت متفرقه
    وكانت الجوهره حيل خايفه من النتيجه..
    والحمدلله نجحت وكانت من الأوائل وبهذي المناسبه السعيده خطبها وليد والعرس صار بالعطله الصيفيه..وسكنت بالشرقيه
    أما سمر جابت ممتاز..وقبلوها بقسم الأنجليزي وبالعطله سافرو مع خوالها لماليزيا وأستانسو حيل
    أما أمل نجحت بجيد(أصلا مالها نيه تكمل دراسه) وصارت الملكه لكن الزواج شوي أجلوه على الأقل بندر يكون نفسه
    وسجلت بالجامعه ودخلت حاسب المهم بعد الملكه عزمها بندر بالفيصليه..ويوم جت قعدو يتمشون وبالعاني مر من المكان اللي طاحت فيه..
    بندر:أموله المكان هذا مايذكرك بشي
    أمل:لا
    بندر:أنتي مو مره كنتي مع خوياتك وطحتي هنا
    أمل بدهشه:وش دراك.....!!!؟
    بندر:شفتي اللي طحتي عليه هذا أنا
    أمل:من الفشيله قعدت تبكي
    بندر:قعد يهديها..وشوي الأخت تقلب البكاء ضحك ويقعدون يضحكون..(الحمدالله والشكر أثنينهم مصرقعين)ههههههههههه
    أما نوال جابت جيد جدا وماتهنت بالعطله أبوها جته جلطه وكان بالمستشفى..
    * * * * * * * * * * * *
    (الفصل الثاني عشر والأخير)
    سبحان الله ماحد تهنئ من يوم ماتفرقو..
    سمر بعد ماجو من ماليزيا أختها سلمى تزوجت وأحست بفراغ وحست بوحده كبيره وتمنت ترجع لصديقاتها لكن.............!!
    أما أمل بعد الملكه سافر بندر يدرس وكانت طفشااااانه وجاها أكتئاب الكل تخلى عنها بوقت واحد....وحتى علاقتها بنوال أنقطعت...!
    والجوهره هي اللي كانت مستانسه لكن حنت لأيام الثانويه والرياض...!
    ونوال عرفت بالصدفه أن الجوهره مو هي اللي علمت عليهم...وتمنت تشوفها وتعتذرلها ودقت على جوالها لكن للأسف غيرت رقمها..
    وبنهايه العطله توفئ أبو نوال
    وبأيام العزى كانت نوال تحس بأنها وحيده وأن مالها خوات وحتى شلتهم تفرقت..وماحد عندها يسأل عن أخبارها
    وبأيام العزى تجي نوال لنوره وتطلب منها أرقام الشله
    وتقعد تبكي
    نوره:ولا يهمك أنا أكلمهم
    نوال:بس أنا غلطت بحقهم كثير بالذات الجوهره وفرقت أمل عن سمر.
    نوره:خلص بس هدي أعصابك
    نوال:أنا لو شفتهم والله لأعتذرلهم بس أشوفهم أخاف أموت وهم شايلين بقلبهم علي
    نوره:بسم الله عليك
    نوره تكلم سمر لان بس عندها رقمها المهم سمر أول شي ماوافقت(أخذتها العزه)ويوم درت عن وفاه أبو نوال تأثرت وأقتنعت
    المهم قالت لنوره تدق على أمل هي ماتقدر...دقت على الجوهره طلع رقمها مفصول وكان سمر عندها رقم ورود وتدق عليها
    سمر:مرحبا
    ورود:مرحبتين....من معي؟¿؟
    سمر:ماعرفتيني أنا خويه الجوهره سمر
    ورود:أهلين.وش أخبارك زمان عنك
    سمر:ظروف..؟
    ورود: وليه ماجيتي لعرس الجوهره
    سمر بدهشه:الجوهره تزوجت
    ورود:إيه وهي ساكنه بالشرقيه
    سمر:ألف ألف مبروك اذا ممكن رقمها عشان أباركلها
    المهم سمر تدق عليها وتباركلها وتعتذرمنها وقالتلها على سالفه نوال قالت الجوهره الله يرحمه وأنا بهليومين نازله لرياض وليد عنده شغل وبنزل معه
    سمر:أفا والله تزوجتي وماعزمتينا..؟
    الجوهره:تمنيتكم معي
    سمر:الجايات أكثر..وأنتي أن شاء الله مبسوطه
    الجوهره:فوق ماتتصورين
    سمر:الله يوفقك.توصين شي
    الجوهره:سلامتك
    وبنفس الوقت كانت نوره تكلم أمل..وأتفقو أن يروحون لنوال
    % % % % % % %
    وتتجمع الشله من جديد عند نوال...وكان حال نوال حيل محزن وبعد ماسلمت عليهم أعتذرتلهم..وكانت كل شوي تبكي شوي الجوهره تبكي معها وتقعد أمل تهديهم وبعد ماهدت الأوضاع
    ووضحت لهم السالفه وقالتلهم مين قال للدبور..عاد يوم سمعو كلمه الدبور أمل تبي تلطف الجو قعد تقول
    الدبور الدبور..بالمدرسه يدور
    وبتهزئ البنات..يصير مسرور
    وقعدو يضحكون..
    وبعد العشاء كل وحده قعدت تحكي وش سوت من يوم ماتفرقو..وتقول بعد ماتفارقنا والله أني ماتهنيت وقعدو
    يتذكرون أيام دجه الثانوي
    وأخذو وعد أنهم مايتفرقون مهما كان الثمن....
    سبحان اللي جمعهم
    (((رب ضاره نافعه)))
    * * * * * * * * * * * *








  2. #2
    عضو مجتهد
    الصورة الرمزية الحسناء
    الحالة : الحسناء غير متواجد حالياً
    رقم العضوية : 59101
    تاريخ التسجيل : 29-05-10
    الدولة : الإمارات الحبيبة
    الوظيفة : طالبة علم
    الجنـس : انثـى
    المشاركات : 170
    التقييم : 11
    Array

    افتراضي رد: (((أيااااااام الثانويه)))::::منقوله بس رروعه


    القصة الصراحة مرة ررو عة نتريا اللروع*






  3. #3
    عضو مجتهد
    الصورة الرمزية *soso2011
    الحالة : *soso2011 غير متواجد حالياً
    رقم العضوية : 73392
    تاريخ التسجيل : 21-01-11
    الدولة : الإماراتية
    الوظيفة : طالبة
    الجنـس : انثـى
    المشاركات : 98
    التقييم : 10
    Array
    MY SMS:

    سبحان الله وبحمده سبحان الله العظيم استغفرالله وبحمده

    افتراضي رد: (((أيااااااام الثانويه)))::::منقوله بس رروعه


    مشكور











معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. في بنت رسبت في الثانويه شوفوا شنو سوت ؟! هع
    بواسطة حلا الكويت في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 7
    آخر مشاركة: 11-12-19, 09:24 PM
  2. طلبتكمـ بنت الثانويه العاامهــ
    بواسطة بنت نسل الأشراف في المنتدى منتدى المعلمين و الموجهين
    مشاركات: 2
    آخر مشاركة: 09-12-11, 06:06 PM
  3. متوسطة : حقيقة ...منقوله مؤثره
    بواسطة ..الغلاڪله.. في المنتدى منتدى القصص
    مشاركات: 8
    آخر مشاركة: 09-05-08, 07:33 PM
  4. خبر مهم لطلاب الثانويه العامه..
    بواسطة جلكسي كراميل في المنتدى الارشيف الدراسي Study Archive
    مشاركات: 13
    آخر مشاركة: 09-04-25, 11:24 PM
  5. بنت رسبت في الثانويه لكنــــــــــــــــــ ...
    بواسطة ..الغلاڪله.. في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 13
    آخر مشاركة: 09-04-18, 11:40 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •