تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 34
  1. #11
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة

    ...

    و نرد حق أمرييكا

    عند سيف و سلطان كانو يتمشون فالجامعه

    سلطان : و الله هالاستاذ ابصم لك بالعشر انه يكرهنا بس لانا عرب
    سيف : طبه طبه براايه خله يكرهنا المهم نييب الشهاده و نرد البلاد
    سلطان : الله يعين لا يخسف بدرجاتنا
    سيف و هو يطالع الاجنبيه اللي لابسه قطع يطلعن أكثر مما يسترن : طالع هاي و قسم بالله خياس أونها لابسه ثياب الحين
    سلطان : ههههههههه هاي الموضه الحين

    سيف وهو يطالع البنت نفسها يايه صوبهم : طالع قدامك
    سلطان و هو يطالع البنت : هااي شو يابها هني

    البنت و هي واقفه عدالهم و ماسكه كتبها : السلام عليكم
    سيف و سلطان : و عليكم السلام و الرحمه

    البنت و هي منزله راسها : أنا آسفه عاللي صار أمس
    سيف : لا تعتذرين و لا شي هذا واجبنا و انتي ما يخصج في شي

    البنت و هي ترفع راسها و تطالع سيف بعيونها الزرقا : شكرا
    سيف : العفوو

    سلطان :هههههه بسألج انتي موواطنه و لا اجنبيه

    البنت : ههههه لا انا مواطنه و اماراتيه بعد بس عيوني زرقا لان امي أمريكيه
    سلطان : آها غريبه انتي ساكنه هني

    سيف و هو يطالع سلطان: عيب عليك لعوزت البنت باسألتك

    سلطان : عادي عندها صح
    البنت : ههههه هي صح
    سلطان : الا انتي شو اسمج ؟؟

    البنت و هي تنزل راسها : مها
    سلطان و سيف : و النعم

    سلطان: أنا سلطان و هذا اللي مسوي عمره بطل اسمه سيف

    البنت : ههههه

    و كملت : أممـ أنا برووح الحين و شكرا مره ثانيه

    (و مدت يدها ) و كملت : تشرفنا

    سيف ياي بيقول شي بس بطي قاطعه

    بطي : يا ويلي يا ويلي عالرومانسيه و مسوي عمره الحشيم اللي يداافع عن البنات
    شلته : هههههههه

    سيف ياي بيضرب بطي بس مها شدت على يده و طالعتته برجا

    سيف ما قدر يقول شي غير انه ودر يدها و قالها بهمس : انتبهي من هالشله


    البنت و هي تهز راسها : اووكي

    سلطان : هههههههههه يالله عاد سيف مصختها هع
    سيف خوز يده بانحرراج و مط سيف و هو يقول : يالله رحنا

    سلطاان سوا حركه بيده يعني باي باي حق مها

    مها : هههههههه





    ...

    دخل راشد البيت و هو راد من الشغل تعبان و علطوول طلع فووق عند نوره

    راشد و هو يدق الباب مستغرب : نوره النووري فتحي الباب ليش قافلتنه ؟؟؟

    نوره حاطه يدها على ثمها ما تبا يطلع صوت صياحها

    راشد بصوت أقوى : نووره نووره فجي الباب بلااج ؟؟

    نوره بعدها فمكانها ما تحركت ما تباه يشوفها و هي تصيح

    راشد : نوووره و قسم بالله ان ما فجيتي الباب بكسره
    نوره قامت بضعف و فجت الباب و علطول لفت ويهها و عطلت ظهرها لرااشد

    راشد لفها صوبهو تنهد يوم شاف دموعها : رمستج صح
    نوره لفت ويهها عنه و تمت تصيح

    راشد: لا حوووول لييش نحن لييييش ؟؟
    و لوااا عليها و هو يقوولها بهمس : لا تخاافين مستحيل حد يفرق بينا مستحبيل
    نوره و هي تصيح: وعد

    راشد : وعد











  2. #12
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    مهاري و هي تقووم ميروه : مييرووه يالله عاد قووومي
    ميرووه برقااد : آآف مهااري بس و الله أبا ارقد

    مهااري : ما عليه انا برااويج الرقاد على اصووله
    و راحت يابت قلاص ماي و ترسسته ماي بارد

    ميرووه فتحت عيونها بالصدفه و قالت : لا لا لا لا
    مهاري رشته كامل على ويهها

    ميرووه : أوووف مالت عليج خيستيني مااي آآه بارد آآح
    مهاري : هههههههههههههه أحسن

    ميرووه قامت بسرعه و مطتها من شعرها و طلعتها برع و قفلت الباب

    مهاري : ايييييه غرفتيه و تطردينيه منها ما عليه بس يالله جهزي بنظهر المول عشان زهبتج مع سلامي و الريامي
    ميرووه بصرااخ : أمحق زهبه و أمحق عرس اللي بدون معرس
    مهاري : هههههههههههههههههههههه يالله بسرعه

    فهالحظه وصل مسج حق ميروه من رقم غريب !!

    " حبيبي حبيبي غير كلمه
    أح ـــبك
    مووت ما أملك "

    عقدت حياتها باستغراب بس قالت أكيد مغلط و قامت تبدل ثيابها
    ...

    في بيت عوييش

    محمد : يالله عاد ما خلصتي
    عويش : يالله يالله خلصت

    و نزلت تحت و هي بفل ميكب و عباه مخصره

    محمد و هو يطالعها من فوق لتحت : لايكوون بتظهرين جي السوق
    عويش و هي مستغربه و تطالع عمرها : هي ليش ؟؟

    محمد و هو معصب : و قسم بالله ان مارحتي الحين و بدلتي هالمصخره و غسلتي ويهج طلعه من البيت ماشي

    عويش بنرفزه : انزين انزين لا تعصب

    و راحت فووق تبدل عباتها
    و فهالحظه دقتلها شماني

    عويش بنرفزه : ألوو
    شماني مستغربه : بلاااج ؟؟ و بعدين وينكم أنا من زمان اترياكم
    عويش : يايين يايين اووف

    و سكرت التلفون فوييها

    بعد ربع سااعه

    نزلت و هي لابسه عباه مسكره و فيها موديل شوي و مخففه الميكب

    محمد و هو يطالعها : مع انه مب ذاك الزود بس يالله ماشي وقت مب متفيج لج انا
    عويش و تلوي شفايفها : يالله و هي صح نسيت خطف صوب بيت عمتيه بنشل شماني ويانا

    محمد انزعج من هالطاري : و هاي كل ما نرووح لازم ويانا
    عويش : أوووف لازم حد يشتري ويايه ماحب اتشرى بروحي

    محمد : امشي امشي بس

    و أول ما وصلو بيت شما طلعت شما بعبااه كلها فصوص و ضيقه شوي و مسويه ميكب عرس و رافعه القباضه

    ركبت السياره و قالت بدلع : السلام عليكم
    محمد يطالعها باحتقار و تقز من منظرها : و عليكم

    شما و هي تقول بهمس حق جوااهر من ورااها : آآه يهبل أخووج أحبه أحبه

    جواهر : بس جب لعوزتيني









  3. #13
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة
    *~.. الفصل الرابــــ؏ .. ~*

    .. في بيت قوم مهاري ..

    تلبست ميروه و لبست عباه مسكره بس فيها موديل عالخفيف و سوت جحال و قلوس و ظهرت

    ميروه : مهااري مهااري
    مهاري : لبييــــــــــــه
    ميروه : لبيتي في منى من بيرووح معانا
    مهااري : أممم أنا و انتي و سلامي و الرياامي و توني دقيت حق سارووه عشان تظهر معانا
    ميروه : و من بيودينا
    مهاري : بلاجكله تسالين دريول قوم سارووه بيودينا لان دريولنا و دريولكم مشغولين
    ميروه : أوكي يالله عيل سرينا
    مهاري : يالله

    .. في بيت أبو حمد ..

    ساروه نزلت من فووق كانت لابسه و جااهزه و صوت الكعب ينسمع من بعد كيلو طق طق طق
    زايد : مالت عليج انتي و هالكعب وين بترووحين ؟؟
    سارووه بغيااض : انننه ما يخصك " و لفت على امها و هي تتمسكن " ماماتي حياتي
    أم حمد : من الاخر من الاخر
    سلامي و هي تحب راس أمها و تيلس عدالها و زايد يطالعها بنص عين
    ساروه : أميه شمووه راحت و محد عندي فالبيت ملل و قوم مهااري و ميرروه بيرووحون السووق بروووح ويااهم انزين
    زايد بنقمه : برووحكم !!!
    سارووه : شو نسوي محد متفيج يودينا المول و لازم نزهب ماشي باقي عالعرس الا اسبوعين و شي
    زايد توه ينتبه ان ماشي باقي عالعرس : لا قصوركن بعد تفرفرن فالمولات برووحكن خلاص انا بوديكم
    ساروه ترمس عمرها بهمس : أممممممـ يمكن ميرووه تستحي
    زايد فخاطره : هههههههه ضحكتيني تستحي أونه
    و قال بصوت عالي : يالله
    سااروه : انزين اووف

    .. أما عند سلامي ..

    قالت بصوت عالي : يلا امييه انا بظهر شي فخاطرج ؟؟
    أم سلامي : سلامتج فديتج و لا تتاخرين و ييبي اختج معااج
    سلامي تاشر على عيونها : من عيووني

    و طلعت براا و هي مستغربه و تشوف سياره زايد برا

    سلامه فخاطرها : معقووله زايد بيودينا عيل الله يعييين ميروه هي بروحها طاري العرس ما تدانيه

    و سمت بالله و ركبت السياره

    سلامه : سلام .. سااارووه تعالي ورا بتم بروحيه
    ساروه : أممممممـ أووكي

    و نزلت و ركبت ورا
    زايد و هو يطالع باب البيت بنص عين و قال فخاطره بعد مب ناوييه تيي

    زايد بنقمه : سلاامه ويين ميره مب ناويه تي الشيخه
    سلامي و هي مستغربه : بلااااك ميروه في بيت قوم مهااري

    زايد" زين بعد "


    و خطف بيت أبو راشد

    ...

    ميراني و هي ورا الباب : سلاامي مب جني اشووف سياره زايد
    مهااري و هي تفكر بصوت عالي : زايد بيودينا !!!!!
    ميراني و هي تلف ويها و ترووح صوب الدري : عيل خلاص ما بروح

    مهاري و هي تربع صوب ميرووه : تعالي انتي تبينه ياكلنا اصلا الطلعه كلها حقج
    ميراني معصبه : ينقلع لااه من قاله ايي يودينا محد طلب خدماته بس ما عليه سااروه دووااها عندي

    و طلعت فونها و هي تطرش مسج حق ساروه

    " ساارووه يالحماااره من قالج تخللييين اخووج يووصلنا قوليله ما بنرووح خلااص عذرت "

    و فهاللحظه وصلها مسج من الرقم المجهوول اللي ليل نهار يطرش مسجااات و كلها حب و غراام و ميرووه مطنشه

    " تشرق حياتي وتسعد وياك
    يابعد روحي ميت فيك
    أثبت وجودي وكفى بيمناك وانت الغلا
    وماحد يساويك يا سعد من دايم يلاقيك
    ياحظ قلبي يوم يلقاك وادعي إلهى لي يخليلك
    الروح يازين تفداك خذها هدية قلب يغليك "

    عند سارووه كانو قاعدين براا يستنوون الشيخات يوصلوون و زايد مفوول و السياره هدووء خايفين من زايد لا ينفجر عليهم لانه معرووف ما يحب يستنى حد

    و صلها المسج و ما اهتمت بان ميرووه سبتها و لا شي بس كاانت خاايفه من ردت فعل زايد اذا قالتله تمت تطاالع زايد بارتبااك و فااجه المسج

    زايد يوم حس بارتبااكها شك فيها و بساالفه المسج قال بعصبيه : سااره من من المسج

    هني سااروه علطول سكرت المسج و قفلت الفون و هذا اللي خلا زايد يزيد شك فيها و صوصا من حركتها

    مط منها الفوون و حط على اخر رساله و قرا المسج من رقم ميروه

    عصب بقووووووو من حركتها و بسرعه ضرب اتصال عالرقم و هو مفوووول

    ...
    يتبع , ,









  4. #14
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    في ^ـــــ أمريكا .. دار الحمر هع .. ـــــ^

    في شقه سلطان و سيف

    سلطان : يلا عاااد ما تسوى علينا هالطلعه كنك عروس تكشخ حق عرسها
    سيف طالعه و هو راافع حيااته و طييف مهاا فعينه ما فارق خيااله : يلا جب حرام الواحد يتلبس
    سلطان و هو يغمزله : ما احيدك تكشخ جذي حق الجامعه و لا بس عشان خاطر اللي بالي بالك
    سيف و هو يستهبل : من ؟؟؟؟؟؟؟؟؟
    سلطان طالعه بنص عين : علينا عليينا يا عمي انا فاهمنك عشره سنين مقاابلنك 24 سااعه عيل احلف انك ما تفكر فيها
    سيف و هو منزل راسه بعدين رفعه و قال و هو يدز خليفه : بس جب يلا تاخرنا
    سلطان : هههههههههههههههههههههههههه تستحي سيفوووووووه
    سيف : سيفوه فعينك يالهرم ريال طول بعرض تنااديني سيفووه
    سلطان : لا لا محشوووووم و قال بصوت عالي : يالعااشق
    سيف : أووووووووووووووووووف
    سلطان : ههههههههههههههه يلا يلا طلعنا
    سيف و هو رافع حياه : تووك تتفيق

    .. عند زايد و ميراني و الوضع متكهرب ^ــ^ ..

    ميرااني : أكييه ها سااروه دقتلي بقوولها ما بنروح

    و دقت عالاخضر

    ميراااني : ألووو
    زايد و هو يصارخ : و قسم بالله ان ما طلعتي الحين يا مطج من كشتج انتي و شلتج الحين منقعتنا برا فالشمس نص ساعه و اخر شي ما بتروحين
    ميراني و هي مترووعه موت من صوته و بالغصب ما طلع صوتها : خلاص ما برووح
    زايد و هو خلاص انفجر : ميره و صمخ انتي ما تعرفينيه و الله الحين بنزل بمطج من كشتج و ماحد بيهمني
    ميروه خافت و استسلمت للامر الواقع : بس بس لا تصاارخ انزين بظهر
    زايد سكر فوييها بدون اي حرف

    و سلامي و ساروه متروووعات من صريخ زايد



    مهاري و الريامي علطول سارو السياره

    و ميرووه طلعت و هي تنااافخ من الغيض هذا اللي ناقص بعد يتحكم في طلعاتي مالت عليه انا مادري كيف حبيته هالدفش

    مهاري و الريامي ركبن ورا و قالن في نفس الوقت : السلامم عليكم

    ميراني ورا تطالعم ركبو ورا و نو وي تييلس وياهم لان ما يكفي
    و قفت بدون ما تحس و قالت و هي شوي و بتصيح : لا لا مستحيل اركب قداام لا ياربي ماابا حرام عليكم

    زايد طالعها و هو فاهم بشو تفكر : بسررررررررعه ركبي ميت على اليلسه عدالج انااا

    ميروووه خلااص ما تحملت صراخه عليها هي مب متعووده حد يصرخ عليها و ما تحب حد يصرخ عليها

    ركبت قداام و هي تحاول تكتم شهقاتها اللي كل شوي يرتفع صوتها

    طلعا كل اللي ورا حااسين بميرووه و يدروون انها تصيح لانها ما تقدر تتحمل فلمو ثمهم و سكتوو لا يكلون هزبه بعد و يستنوون يووصلون عشان يهدون ميرووه على راحتهم

    % ميره %
    " حرااام حرااام اللي يصير فيني و الله حرام انا شو سويت عشان يصير فيني جذي كل ذنبي اني حبيته .. بس هو ما يحبج يا ميرووه اصحي اصحي .. خلاص دام هو ما يحبني انا بعد ما بغصبه يحبني و ماله داعي ابين له اني احبه .. بس لا انا ابا اكثر من جذي اباااه يحبني انا شوفيني ناقص عن عويش السباله أنا احلا .. لا وين انتي احلى اكيد هي احلا عشان جذي زاايد يحبها و بيااخذها .. و من هالفكره نزلت دموعها اربع اربع .. لا لا مستحيييل زايد لي لي تفهموووون زايد بس حقي انا لو ما يحبني انا احببه "

    أما زايد و ما ادراك ما زايد متلووووووم متلوووم متلووووووووم وااايد و يزيد لومه كل ما يسمع شهقات ميرووه هو يدري انها تصيح الحين و اكره ما عنده يشووف حد يصيح قداامه بسببه اللي ما تعرفونه عن زايد انه رغم قسااوته و حقده و غيرته و صفاته الشينه الثانيه الا اننه طيييييييب واايد و حنوووون وواايد يتلووم في غيره بس يحااول يكتم طيبته عشان بالنسبه له الطيبه ضعف

    % زايد %
    " أوووف شو سويت انا بعد .. بس هي قهرتبي و أنا ما اتحمل أعصب بسرعه .. لا لا يا زايد مب هذا اللي تباه مب هذا اللي تبا تشووفه ضعفها مب انت اللي قلت انك تبا تدمرها .. بس لا حرااام مب جذي اللي سوييته واايد قوي بحقها مهما كاان هي حرمتي و مالها ذنب انتبه لعمره انا شو قلت حرمتي هي صح حرمتي .. أووووه بس خلاص مللييت أنا بعد شو ذنبي و قلتلها تراني انها بتعيش معززه مكره و انا بعيش شبابي يعني كلنا الكسبانين .. لا شو تقص على عمرك انته اي كسبانين و اي خراابيط الحرمه تباا حنان و انا برمس البنات قدامها .. أووووووف .. لا اله اللا الله شسوي الحين انا قلت بدمرها لانها دمرتني و خلتني انا انغصب انا الريال يغصبوني عشان سواد عيونها بسسسسسس أوووف انا لو تميت جذي بين ...

    و ما حس بعمره الا على صريخ البنات و ضرب بريك قوي

    زايد بعد شد آعصااب كان خاايف يسوي حادث


    يتبع . , !









  5. #15
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة
    زايد : آآآآه الحمد الله ما صار شي
    البنات كلهن ماسكات قلبهن من الزييغه كانو خلاص بيسووون حادث مع شااااااااااحنه بس الله ستر و زايد انتبه فااخر لحظه

    مهااري فخااطرها بعد ما هدت : الله يعينك يا زايد و الله يعينج يا ميروووه محد فاهمنكم

    زاايد و هو يلف عالبنات اللي يصيحون : خلاص حصل خير ما استوى شي حمدو ربكم لييش تصيحون الحين

    سارووه : آآآآآه الحمد الله الحمد الله الحمد الله

    و هدو البنات شوي شوي و زايد تحرك بعد ما حس ان البنات هدو و خصوصا ميرووه اللي زاد صياااحها بعد الموقف اللي استوى

    .. عند عويش وشماني و محمد في بوادي مول ..

    شماني و هي لاصقه بمحمد قالت بميااعه : أحمدااني تعال بنروح المحل هذا اخاف ارووح بروحي
    محمد و هو يطالعها بتقزز و هو كاره قربها " استغفر الله هاي وين هلها عنها " : لا استني عويش و بعدين بنرووح كلنا
    شماني و هي تناقز بدلع متعمد : نو نونو الحين بنرووح برووحنا
    محمد " و قسم بالله ما يليق بج الدلع و فهالحظه تذكر اللي شافها هاك اليوم و ما فارقت خيااله و الله انه شما ما تسوىظفرها فرق السما و اللارض بينهم "
    شماني وهي توقف قدامه : فشو تفكر ..و بجراه .. يالحلوو
    محمد" لا اله الا الله مب ناويه تخووز عنيه هاللصقه "

    أما شما كانت تفكر بهالحركات بانها بتقربه منها و بتخليه يحبها ما تدري بانها تطلع مث الهبله قدامه

    عند عويش دق فونها و اول ما شافت الرقم طالعت التلفوون بخبث و بعدين ردت

    قالت بدلع : ألوووه
    علي : يا مرحبا مليار بهالصوت الدلع يالدلع
    عويش و هي تمثل المستحى : بس عاد استحي
    علي : فديتج و فديت مستحاج يالحلوه ذبحتيني خااطريه اشووفج مره وحده بس
    عويش : بعدين بعدين يصير خير الا بتخرك سويت اللي قلتلك عليه
    علي : أفااااا عليج ما خلييت مسج ما طرشته لها الا شو قلتيلي اسمها
    عويش بنرفزه : اسمهااا ميرره و انت بعدك ما طرشت مسج و انت كاتب اسمها فيه
    علي :أممممـ لا لاني نسيت اسمها
    عويش بعصبيه : من الحين تبدا تطرشلها مسجات تبين انك تعرفها فيها فاااهم
    و سكرت في ويهه
    علي و هو يطالع الفون : ما عليه ما عليه مردي لج و عرفي من علي اللي تطنشينه و تسكرين في ويهه التلفوون

    طلعت عوييش من المحل عالسااعه 2 و هي شاله 3 اكيااس من الكبار و عطتهن شما

    و قالت لمحمد : يالله بنرووح نتغداااااا

    .. و في نفس المول بس عند قووم زايد ..

    سااروه و هي تووقف عدال زايد : زيوود حاول ترااضيها راام عليك طيب خااطرها بكم كلمه
    زايد بعد تفكر " ما صدق حد يقووله " : أمممممـ خلاص عيل الحين بنرووح المطااعم و انتو طلبو و انا بتم عند ميره خبري البنات
    ساارووه و هي مستانسه :احييييييم خلاص تم
    و ربعت صوب البنات و خبرتهم الخطه بصوووت خفيف
    و كلهم استانسوو انه بيرااضيها

    ...

    في بيت أبو راشد

    أم راشد و نوره و راشد كانو يتغدون فالصاله

    أم راشد : راشد يا ولدي بااجر بييوون ام حمده و بنتها يزورونا عاد ابا تكوون موجود عشان تسلم على خالتك .. و شددت عليها .. و بنتها حمده

    نوره هني غصت بالاكل و تمت تكح و تطالع راشد برجا

    راشد و هو يدح ظهرها : صحه صحه

    و كمل و هو يطاالع امه : أماايه انا بااجر عندي شغل و بتاخر ما اقدر ايي بااجر

    أم راشد : أحيدك من تيي الساعه ثنتين القاك مرتز عند حرمتك فووق باجر بالذات بتتأخر شوف يا راشد هااي خالتك وواجب عليك السلام عليها و بعدين هي ماخذه بخاطرها عليك تقول سيف مساافر و معذور ما يسلم عليها أما انت شو عذرك

    راشد و هو يدري ان امه ما بتخلييه لين يوافق قال و هو يتحاشا نظرات نوره المترجيه : خلاص خلاص بحاول باجر اخلص شغلي و ايي من وقت

    أم راشد تطالع نوره و تبتسم بانتصار : هي جي اباك دووم يا ولدي

    نوره " لا لا لا مستحييل مابا أنا اعرف انه عمتيه قاااصده تخلي راشد موجود عشان يشووف حمده اللي ناويه تخطبها له بدالي لاااااااااااا ما بقدر أشووفها ويااه فنفس الصاله يا ناس ما اتحمل "

    و ودرت الاكل و قاامت و هي ترروح صوب حجرتها

    راشد و هو يطالع امه بلوم بعد ما راحت نوره : أماايه عاد انتي الله يهديج ما لقيتي تذكرين هالطاري الا قدامها
    ام راشد : يا ولدي انا مب قصدي احرجها و هي الله يشهد انها مثل بنتي بس لاززم تتعوود من الحين
    راشد : أمييه انا قلتلج عرس ما بعرس وماله دااعي العيال هذا اللي الله كاتبه و تكفيني نووره
    أم راشد : لا لا انت ما تفكر بعقلك بكره يوم بتكبر بتحتاج العيال و بتقوول ياليتني عرست و يبت عيال
    راشد بياس : الله يهديج يا اماايه

    و قام و لحق حرمته

    أم راشد : ما عليه انت بعدك صغير و ما تعرف مصلحتك بكره بتكبر و بتدعيلي ليش اني زوجتك

    .. في امريييييييييكا ..

    سيف فخااطره و هو يلف راسه يمين و يسار يدورها (( وييينها هااي ما شفتها اليوم لا يكون راحت !!! ))

    سلطان و هو يراقبه من الصبح : بسك بسك رقبتتك بتنكسر من كثر ما تلف برااسك تدورها اكييه قداامك الطييب عند ذكره

    سيف لف راسه بسرعه وين ياشر سلطان و ماحس الا

    " طراااااااااااااااااااااخ "

    مها اللي كانت مستعيله و ما شافته :أوووووووه سوري
    سيف و هو يطالعها و سرحان فيها : آآآ لا عادي

    مهاا وييها استوى احمرر من الاحرااج نزلت تحت و تمت تلم اغراااضها اللي طاحن

    سيف نزل : عننج عننج
    مهااا بصووت خفيف : آمممـ عادي اقدر اشلهن برووحي

    سلطان : يا ويلي يا ويلي خلاص لا انت و لا انتي انا هههههههههههه

    سيف طالعه بعين حاره : جب
    سلطان : هههههه

    مهااا و هي تقووم بعد ما شلت اغرااضها : احمم شكرا
    سيف : العفو تعالي كل يوم


    يت مها بترووح بس وقفها صوت سيف

    سيف : آآآ مها
    مها لفت : هلاا

    سيف بارتباك : امممـ في رحله الجاامعه حق امرييكاا الشماليه بتين ؟؟
    مها ابتسمت : هي
    سيف ابتسم و هو مستانس : خلاص عيل نتلاقا هناك

    مها ابتسمت : اووكي

    و رووحت

    سلطان : ههههههههههههههههههههه و الله انكم مسوين احلى فلم هندي فامريكا هع لو تشوفون اشكالكم خخخخخخ









  6. #16
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    سيف : لم ثمك و تقدمني
    سلطان : هههههههههه .. ياخي خليتوني سخيف فالقصه من كثر ما اضحك عليكم غرشووبه " نبضووه " بس كله تضحكيني
    غرشووبه دار الزين " نبض البدااوه " : اووه بس جب كييفي قصتيه انننننه
    سيف و سلطاان : يااااااهل هههههه
    غرشووبه دار الزين " نبض البداوه " : طااالعه عليكم بس لا تتطنزوون خلوني اكمل القصه القراااء متحمسين حق زاايد و ميراني فالموول صح ^ــ*

    .. في بوادي مول ..

    أ,ل ما وصلو صووب المطااعم

    بدوو ينسحبوون وحده وحده لين ما وصلو لمهاري

    ميرووه : ويت ويت بيي معااج
    مهااري بسررعه : لا لا ماله داعي انا بييبلج الوجبه لين هني
    ميرووه : مابا بيي معااج
    مهاري : انتي تعبااننه خلاص بلا عناد
    ميرووه و هي برووحها تعبانه : اووكي خلاص
    و رووحت مهااري

    فهاللحظه قرب زايد بارتبااك صووب الطاوله و يلس فيها

    زايد : السلام عليكم
    ميروه طالعته من تحت الغشوه و ردت نزلت راسها

    زايد و هو يحرك تلفوونه بارتبااك و قبل لا يرمس لمح شمووه يالسه عدال محمد بميااعه و قدامهم عوويش و صوت ضحكها واصل لاخر العالم

    هني فاار دمه و علطوول سار صوب شما و مطها من كتووفها و خوزها عن الكرسي

    شما فجت عيونها " يا ويلي يا ويلي "

    محمد نش و وايه زايد

    محمد : مرحبا السااع
    زايد : مرحبتين ويينك يا ريال ما تنشاف
    محمد : تعرف عاد مشاغل الدنيا يبالنا نسوي جمعه شباب نتجمع فيها
    زايد : و الله فكره حلوه

    عوييش نشت : هلا زايد
    محمد طالعها بعصبيه من طريقه كلامها
    زايد بانحراج : أهليين

    زاايد : عاد اسمحولنا بناخذ شما منكم
    محمد " فكككككه " : أفا عليك أختك ما يحتاي تاخذ اذن منا

    و مط شما و هو يقول : امشي حسبي الله عليج من بنت فضحتينا عند الريال

    شما : شسويت
    زايد : شسويتي هاا دواااج بعدين انتي فالبيت انقلعي عند البنات لا ردج الله

    شما : أووووف

    و رجع زايد صوب ميرووه اللي زادت عصبيتها من موقف عايشه

    زايد بارتبااك أول ما يلس نسى شما و طوايف شما : آآالسموحه عالموقف فالسياره و على عصبيتي الزايده
    ميرووه باستهزاء : هه على شو و لا على شو

    زايد : آآ عاد خلاص السمووحه و حقج علينا بس انا اعصب بسرعه
    ميرووه ما تحب ترد حد يعتذر لها : خلاص خلاص رضيت بس لا تعيدها هههه
    زايد " يالله ما اطيبها " : هههههههه تامرين أمر من عيوني

    ميرووه و هي تنزل راسها من الاحراج : تسلم لي عيوونك

    و فهاللحظه وصل مسج لميرووه


    و هي تدعي انه ما يكون من الرقم المجهول هي مب ناقصه

    و أول ما طالعت الرقم : لا لا مب الحين مب وقتك و علطول فرت التلفون حتى بدون لا تقرى المسج

    زايد بشك : من من ؟

    ميرووه بارتبااك زايد: ها لا لا مب من حد ماعليك منه

    و وصل مسج ثاني بعد

    هي كانت واثقه انه من نفس الرقم

    فعلطول شلت شنطتها و قالت : أنا برووح الحمام

    زايد يحاول يكتم عصبيته : هاتي التلفوون
    ميروه : لا ليش ؟؟
    مط زايد منها الشنطه و فتح المسج و اوردي فتح المسج الاول



    " خذني على ميعاد اللقاء عشاق
    نحيا بضم الشوق وندفي اشفاهنا
    نصير مع اصحاب الفرح بعناق
    ونحجز كل يوم ميعاد اشواقنا "


    المسج الثاني

    " ابي اكتب قصيدة حب ابي تفهم معانيها
    ابيك بين هالعالم تفاخر يوم تقراها
    ابيك لحروفها تطرب ابي غيرك يغنيها
    ابي لامن سالك انسان من اللي فيك قايلها
    تقول الي سكن قلبي وروحه لي مهديها

    أحبـــــج ميراني اشتقتلج دقيلي يوم بتفضين "


    زايد طااالع ميرااااني بعصبيه و غيره فظيييعه كان عادي يقتلها فهاللحظه










  7. #17
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    رد: رواية إماراتيـة ][ .. ڪـنت أشوفـﮓ شي ثآني ..][ كااااااملة
    *~ .. الفصــل الــ خ ـــآمس .. ~* < < لعيون ميثاني

    .. و الاوضااع مشحوونه عند زايد و مياري ..

    زايد بصوت عالي و فايده الفون : يالصاايعه يالحقييره و مسوتلي فيها شريفه قولي من هذا لا اكسر راااسج الحين

    ميراااني ارتبكت من صريخه و الناااس كلهم تجمعوو عليهم قالت بصوت واطي بس فيه كل العصبيه : أووص لا تكمل أنا شريفه و اشرف منك و من طواايفك يالشيخ

    زايد تم يصاارخ : لا تكذبين لا تكذبين أنا كشفت كل شي و عرفت كــ ....

    هني قاطعووه البنات و سارووه قربت صوبه

    سااروه بصوت خفيف : زاايد زايد هدي النااس بدت تتشمت فينا تفاااهمو فالبيت

    زايد لف صوب تجمع النااس و قال بعصبيه : نعم فيه شي يلا كل وااحد على شغله
    و لف صوب البنات : انقلعن لا بارك الله فيكم يلا

    هني البنات كلهم تجدموهم و تمو يمشون بسرعه صوب الباركنات

    و ميراني تمشي و تحاول تمسك دمعتها

    % ميراني %
    " لا مابا اضعف مابا اضعف مب انا اللي اضعف .. الله يسامحك يا زايد لا حشمتني و لا حشمت اني حرمتك .. الحين انا صايعه و حقيره .. بس ما عليه انا برااويه من ميرووه "

    % زايد %
    " لا لا يعني انا طول المده مخدووع فيها لا مستحييل ما عليه انا البنت بطلقها مب مستعد اخذ وحده ما حشمت هلها و راحت تصييع و ترمس شباب .. لا و بعد تقولهم اسمها "

    % شماني %
    " أميييه ياا ويلي يا وييلي اكيد بيعق كل حرته عليه فالبيت .. كله منج يا عووويش حرااام عليج خربتي بيتهم اكييد سوت اللي تباه .. الله يهديج "

    نرد حق عوااش و محمد

    عويش أول ما شافت الموقف ابتسمت بخبث و استانست مووت

    محمد : أفففف فكه ما يغت ترووح
    عوييش : محمد انا بروح الحمام " أكرمكم الله " و برد أوكي
    محمد : اترياااج

    و راحت صوب الحمام "اكرمكم الله " و علطول دقت حق علي

    عويش : فديتك فديتك فديتك ما تقصر
    علي شاف عمره : أفا عليج كل شي لعيوونج بسويه
    عويش : تسلم حبيبي
    علي : عاد يالله ابا الجايزه
    عويش : بدون لا تقول مواافقه
    علي : أمممممممـ أبا اشووفج
    عويش : بس جي من عيووني
    علي : فدييت عيونج انا
    عويش :يلا عيل بخليك علاوي
    علي : فدااعه الرحمن حياتي
    عويش : مع السلامه

    و سكرت منه و هي مستاانسه

    " و اخيرا و اخييرا زايد بيكون لي "


    .. نرد حق داار الغرب .. أمريكا ..

    بس في بيت مهاااو

    بنتعرف على عايله مها

    أبو مهاا : جاسم رجل اعماال عوود و له كلمه مسمووعه .. فري يعني و يتنقل من بنت لبنت فاامريكا بس يحب مهااا واايد و يدلعها كل ما يشووفها لان هوو نادر يشوفها بسبب شغله و البنات

    أم مهاا : جيني .. أمريكيه عاايشه حياتها فري و ما تهتم واايد بعياالها يعني حياتها و بس متبعه سياسه ... نفسي نفسي ....

    مطر : عمره 25 ريااال خربااان و عاايش حياته فاامريكا صاايع و رااعي بنات و سكيييير و ياخذ من صفات امه

    مهاا : 20 سنه امممـ ما اثرت فيها امريكا و لا هم يحزنون مع انه محد ربااها بس هي بعدها محاافظه على عمرها لانها ثقفت عمرها من نااحيه الاسلاام و الصلاه وغيره و قرت كتب و ساعدها ابوها لان امها مسيحيه و ما تعرف شي و هي ما جربت حد يعلمها خصوصا انها راابيه فامريكا و عندها جواز امريكي


    ردت مهااو البيت و هي مستانسه و لقت امها ترمس فالتلفون مع ربيعاتها









  8. #18
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    يلا وين ردودكم لزم الردود عشان اخلص الروايه









  9. #19
    مراقب عام
    الصورة الرمزية إماراتي 7
    الحالة : إماراتي 7 غير متواجد حالياً
    رقم العضوية : 13364
    تاريخ التسجيل : 12-04-08
    الدولة : إمارات الخير الـ 7
    الوظيفة : كل خير
    الجنـس : انثـى
    المشاركات : 6,143
    التقييم : 1169
    Array
    MY SMS:

    اللهم وفقني وإغفرلي وأرحمني .,

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    لو منزلة بآرت بآرت أحسن,

    شكراً لج ..





    -

    كُن كَنزاً .. ف يسعَد كُلْ من يراكْ ، كُن مَنجماً .. للخيرِ للحُبّ للعطايا يشعّ جمالا ف يُبحث في حناياهْ !! أمْ زايد
    أعلنها أمام الله .. و للعالمين ! أسَى ، و أسفا لما لمْ يكُن مقصوداً قط .. و أغضب الكثير لربما .. كُل معاني العذر أصفها في ما سقطت عنهُ كلمة "منقول" سهواً أو تناسياً .. فالنية أطهر من أن تكون "زيادة عدد مشاركات" أم زايد
    كَما أُحلل .. بإخلاص نيّة ل وجه الله .. و لإسعاد قلوب من يرتجي خيراً .. كُل حرف خطّته حروف كيبوردي ! وكل مجهود شخصي .. حلالاً بلا مُقابل ولا حقوق .. للملأ أجمعين ..

  10. #20
    مشرفة جغرافيا
    الصف 9
    الصورة الرمزية Vɪρ Gɪяι❥
    الحالة : Vɪρ Gɪяι❥ غير متواجد حالياً
    رقم العضوية : 60107
    تاريخ التسجيل : 15-08-10
    الدولة : United Arab Emirates
    الوظيفة : Student
    الجنـس : انثـى
    المشاركات : 1,686
    التقييم : 200
    Array
    MY SMS:

    لا اله الا الله سبحانك اني كنت من الظالمين.

    افتراضي رد: رواية إماراتيـة ][ .. ڪـنت أشوفـﮓ شي ثآني ..][ كااااااملة


    يعني من كلامك ما اكمل الروايه









صفحة 2 من 4 الأولىالأولى 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طويلة : رواية أنت لي ..كامله
    بواسطة بنت العين 2 في المنتدى قصص الطويلة , الروايات
    مشاركات: 29
    آخر مشاركة: 17-05-18, 10:52 AM
  2. متوسطة : رواية / كل مافيني يصرخ أحبك إلا لساني عجز ينطق مخارجها..كامله
    بواسطة احساسي معروف في المنتدى قصص الحب و الرومانسية و الغرام و العشاق
    مشاركات: 1
    آخر مشاركة: 15-09-28, 12:25 PM
  3. طويلة : رواية حب في عمر الزهور / كامله
    بواسطة shmoo5_glbe في المنتدى قصص الحب و الرومانسية و الغرام و العشاق
    مشاركات: 1
    آخر مشاركة: 14-06-10, 08:56 AM
  4. كنت أشوفك شي ثاني..Red
    بواسطة الطيبة في المنتدى منتدى حواء طبخ زينة ديكور جمال الطفل
    مشاركات: 6
    آخر مشاركة: 11-09-02, 02:19 PM
  5. كنت أشوفك شي ثاني
    بواسطة حبتين لعيون اثنين في المنتدى قصص الطويلة , الروايات
    مشاركات: 23
    آخر مشاركة: 11-05-21, 11:14 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •