ا حبيبتى ليه مستغربه لما بقول انى حزين جدا سعيد
ما احنا بنطلع نبكى على الاموات فى عز ما احنا فرحانين بالعيد
البرتقان حادق قوى مسكر
والبحر رايق بس متعكر
والدنيا ممكن تبقى حر وبرد
ما الدم لونه زى لون الورد
وحلمنا قريب قوى وبعيد
يا حبيبتى ليه مستغربه لما بقول انى حزين جدا سعيد
ما احنا بنطلع نبكى على الاموات فى عز ما احنا فرحانين بالعيد
....
ممكن فى عز الليل تشوف قلوبنا صباح
وفى حزننا نستطعم التفاح
م الملح ممكن يتعمل ارواح
وسعات نغنى غنوه فى الأحزان
ونغنى نفس الغنوه برضوا فى الأفراح
ما الدمع ديما وقت الفرح فى العيون بيفيض
يا حبيبتى ليه مستغربه لما بقول انى حزين جدا سعيد
ما احنا بنطلع نبكى على الاموات فى عز ما احنا فرحانين بالعيد
بنوتة راك حنونة *-*