تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 28
  1. #11
    عضو نشيط
    الصورة الرمزية عبورهـ
    الحالة : عبورهـ غير متواجد حالياً
    رقم العضوية : 83296
    تاريخ التسجيل : 30-09-11
    الدولة : آآلامـآآراات
    الوظيفة : طــآآلبةة
    الجنـس : انثـى
    المشاركات : 47
    التقييم : 10
    Array
    MY SMS:

    تَرى ـآ ’ عَيَنّـڪَ ’ لَـﯟ تّدمَمَمَعَ ! ( تَطيَحَ آلَدنَـيآإأإ منَ عَينَـے ! )

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    يسلمووو




    يلا كملي ؟








  2. #12
    عضو نشيط
    الصورة الرمزية عيناوية كيوت
    الحالة : عيناوية كيوت غير متواجد حالياً
    رقم العضوية : 86011
    تاريخ التسجيل : 29-10-11
    الدولة : ♥ الـــــ3ــــيـــــــــــــن ♥
    الوظيفة : عــــــــــــــــــــــ♥ ـــــــــــــــاشـــ♥ ـــقــــ♥ ــــة
    الجنـس : انثـى
    المشاركات : 50
    التقييم : 14
    Array
    MY SMS:

    ۆديّ ﺑ ضمّه تغيّر ..خَآطري ﺂلتعبـآن ..

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    واااااااااااااااااااااااااااااااااااااااااو طرررررررررررررررررررررررر خييتوو وانشاء الله انشووف اكثثر منج وربي ابداااع ^^ اقبلي مروري ^^ اختج عيناوية كيووت





    لآإ تَفعّل آلمُستحّيل - مِن أججْل : إنسآإنْ لمْ يَفعّل مِن أجْلككَ آلممْكّن

  3. #13
    عضو جديد
    الصورة الرمزية ادمنته اناا
    الحالة : ادمنته اناا غير متواجد حالياً
    رقم العضوية : 89655
    تاريخ التسجيل : 08-01-12
    الدولة : السعوديه
    الوظيفة : طـــٌــالــُبــّه في مدرســـه حوووبي
    الجنـس : انثـى
    المشاركات : 4
    التقييم : 10
    Array

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    بليززززززززززززززززززززززز التكملههه
    ايش صاار لهاا
    تسلمين ع الطرح والله


    ياليت التكمله






  4. #14
    مشرفة الصف 11
    الصورة الرمزية لعـــــزتـي هيبـــــه
    الحالة : لعـــــزتـي هيبـــــه غير متواجد حالياً
    رقم العضوية : 86334
    تاريخ التسجيل : 02-11-11
    الدولة : ليـه أليالي يـاجروحي مجاريح راحت حزن وتعود ثاني حزينه
    الوظيفة : دراسة . دراسة . دراسة . والله ملينا يالدراااااااسه
    الجنـس : انثـى
    المشاركات : 1,854
    التقييم : 299
    Array
    MY SMS:

    لآ صـــــرتْ آدوّر لـَ آلأمَـــــل .. آيــــآم مآ فيهآ جفَا قلّـــــيْ وشْ أســــــويْ لَ صبرٍ كلمتَه ( ربكْ يعينْ ) عَطنيْ مُبرر لـَ آلضيآع .. و هَميْ آلليْ مآ غفآ و آلضيقَه آلليْ كل مـــــآ آخفيتهآ / ترجَع تبينْ !

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    اممممم
    هاااي القصه قااارتنها وكاانت من احلى الروايات اللي قريتها صررراحه
    اتمنى تكملينها ف اقرب وووقت ممكن عشاان القراء






  5. #15
    عضو نشيط
    الصورة الرمزية ~ لصمتي كلام ~
    الحالة : ~ لصمتي كلام ~ غير متواجد حالياً
    رقم العضوية : 81963
    تاريخ التسجيل : 13-09-11
    الدولة : الإمــــــــارات
    الوظيفة : طالـــــبة
    الجنـس : انثـى
    المشاركات : 77
    التقييم : 88
    Array

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    ان شالله فالكم طيب بكملها في اقرب وقت ان شالله






  6. #16
    مراقبة عامة
    الصورة الرمزية الرمش الذبوحي
    الحالة : الرمش الذبوحي غير متواجد حالياً
    رقم العضوية : 20026
    تاريخ التسجيل : 15-09-08
    الدولة : ღ ع ــآبرة سبيل ღ
    الوظيفة : ღ تآمل آلمدى آلبعيد ღ
    الجنـس : انثـى
    المشاركات : 28,202
    التقييم : 3153
    Array
    MY SMS:

    لآ آله آلا آنت سبحآنك آني كنت من آلظآلمين..

    افتراضي رد: !¦[•.. آه من قـــلب (ن) غدا ح ــبه جنـــونـي..•]¦!


    السلام عليكم ورحمة الله وبركاته..

    هلا اختي..

    اسمحيلي اعدل لج العنوان..

    يمنع الزخرفة والمدود في العنوان..

    لسسهولة العثور عالموضوع عند البحث..





    "
    "
    ..سآغيب عنكم مدة آذكروني بدعوة
    لعلهآ تصل آلى آلسمأء فيقول لهآ الله كن فتكون ..



  7. #17
    عضو نشيط
    الصورة الرمزية ~ لصمتي كلام ~
    الحالة : ~ لصمتي كلام ~ غير متواجد حالياً
    رقم العضوية : 81963
    تاريخ التسجيل : 13-09-11
    الدولة : الإمــــــــارات
    الوظيفة : طالـــــبة
    الجنـس : انثـى
    المشاركات : 77
    التقييم : 88
    Array

    افتراضي رد: آه من قلبن غدا حبه جنوني


    الرمش الذبووح شكرا ع مرورج

    مسموووحة خيتووو






  8. #18
    عضو نشيط
    الصورة الرمزية ~ لصمتي كلام ~
    الحالة : ~ لصمتي كلام ~ غير متواجد حالياً
    رقم العضوية : 81963
    تاريخ التسجيل : 13-09-11
    الدولة : الإمــــــــارات
    الوظيفة : طالـــــبة
    الجنـس : انثـى
    المشاركات : 77
    التقييم : 88
    Array

    افتراضي رد: آه من قلبن غدا حبه جنوني


    تكملة الجزء الرابع

    العـامل : شو فيه بنيه ؟
    فطامي ترفع راسها و ادمع و عيونها تقول انها خايفه ,,
    العـامل : انت ليس وجه مال انته تعبـان ,, روحي البيت مافي زين عقب انته مريض ,,
    فطامي : هذي دبي عشان اسير البيت !!
    العـامل : لا مافي دوبي هذا ابوزبي ,,
    فطامي وهيه متفاجئه : بوظبي !! الله يسامحك يا ابويه و دمعت ,, بصوت تعبان : تقدر تيبلي ماي عشطــانه ,,
    العـامل : انجين انته ايلس مني و انا روح اخذ ماي ,, واكل ,,
    سـار العـامل و خذتلها من الدكان عصير ترتوي منه وماي يعيشها و سندويجتين يسد يوعها ,, و صل العـامل عند فطـامي و عطاها و شكرته و خلاف سارت المكان اللي بتم فيه لين ما الله يفرجها !! كلت اول سندويجه ,, كلتها بشراهيه ,, بدون ماتحب ,, وشربت الماي نصه و العصر كــامل من شدة العطــش ,, وتمت اتصيح من الآلام اللي في جسمهــا ,,

    صـوب ,, اهل دار الحــي ,,

    فـ المدرسه ,,

    الحصـه الثالثه ,, باجي 5 دقايق و بيرن الجرس
    فطـامي : مس طلبتج ,,
    المـس : نعـم
    فطـامي بدلع : مس ودينا المقصه الله يخليج يوع من الخاطر قسم بالله
    عليا : هيه والله ابلا بطني يصــااااوي ,, جنه عصفور داخل
    مريوم + البنـات : ههههههههه
    المـس : ههههه تحاتون بطونكم ,, خلاص عيل صفو طابور ومابي حشره
    فطـامي : مشكوووره مس صوت خفيف : يهال نحنا عشان نصف طابور
    المـس : فطووم سمعتج !!
    فطـامي : ماقلت شي هههههه

    وعقب سـارو المقصـف و شبه زحمه ,, تمت يضاربون لوول وعقب خذو اللي يبغونه و سارو ورا المدرسه ,, فطـامي يلست ع الارض مجابله علايه و مريوم ,, عقب دقايق رن جرس الفسحـه ,, و تمو ياكلون و يسولفون وعقب صخو ,,

    فطـامي : بلاااكم !!
    عليا : ماااشي
    فطـامي : بتخبـــركم
    مريوم : هلا
    فطـامي لو انا يوم من الايـام مت شو بتسوون !!
    عليا : عنتلاتج !!! شو هالرمسه ,, وكفختها بالقو قسم بالله بزعل عليج فطوم !!
    مريوم : شو هالرمسه فطوم ,, ماتخافين ربج ,, قلتلج 600 مره لاتيبين طاري الموت ..
    فطـامي : انزين ,, نهاية كل واحد ,, تحت الترااب ,, مثل ما الله عطاكم بياخذ عنكم >> تبا تقهرهم ..
    عليا دمعت قامت مريوم ومطت وياها عليوه و دمعت بعد و سارو عن فطـامي
    فطـامي : ايييه يا الهروم وين سايرييين !! جان تقول و تركض و يت ع ويهم ...
    فطـامي : بلاكم
    مريوم وهيه اتصيح : قومي ماحبج
    فطـامي تشوف عليا ,, و عليا صاده الصوب الثاني ,,
    فطـامي : ياربيييه يعلني ما اذوق حزنكم و لوت عليكم ,, والله اسولف وياكم ,,
    مريوم و عليوه فجو مناحه ,, فطوم دمعت ,,
    فطـامي : خلاص والله آسفه ماحب اشوفكم اتصيحون

    جان يمرون بنات ,,
    هـدى : بلاكم !!
    فطـامي وهيه تبتسم : لامافي شي ,, عليوه و مريوم قومو يلا فديتكم ياربيه..
    مريوم : وعدينا ماتعيدين هالرمسه
    فطـامي : ههه وعــد توبه والله يلا قومو ,,
    مريوم و عليا : والله نحبج ويا هالراس ..
    فطـامي : اموت فيكم طوفو

    ..........
    ........
    ......
    ....
    ..
    .
    .

    فـ الغرفه اللي فيها اغراض فطـامي,, عليا و مريوم كانو هناكي ,, اذكرو هالموقف و تمو يصيحون,,
    عليا : ليييييش جي يستوي ,, الله ياخذ من كاان اسبب ,, وهيه اتصاارخ ,, الله يااااخذ من كان السبب
    مريوم : والله ماكنت متوقعه انه جي نهايتها ,, قسم بالله ما حطيت فبالي هالفكــره ! !!!
    عليا : فذمتج ,, ها ابو جي يسوي فـ بنته ,, امحق ابو قسم بالله ,,
    مريوم : فديتج فطامي ,, آآآآآآآآه ليتج رقدتي عندنا ولا سرتي بيتكم ,, الله يرحمج ,,
    وزاد الصيــاح عليا و مريم ,, و الصوت ينسمع ,, مرت ام مريم ,, ودمعت ,, بس مارامت اسـوي شـي لاـنه مافـي فايـده ,,

    صوب الحيـاه القاسيه ,, استــوا المغرب و بدا الجو يتغير ,,و الريـاح تزداد ,, و الدنيا مغيمه ,,
    و برد من الخـاطر ,, قامت فطـامي تحوط ,, يمكن تحصل حد ,, شلت السندويج والماي ,,
    وهيه تمشي فالشارع ,, اللي فالفريـج ,, عيـال الحرام لعوزوها و خذو الاكل منها ,,
    وهيه ساكته و ماقالت شي ,, تمت تمشي لين ما طاحت ما بين الشارع والتراب صوب المطبه ,,
    تعبــت فطـامي ,, حالتها بدت تسوء ,, مرضت و يتها حمـا قويه ,, ترتجف من البرد و امبونها فيها حما
    و التراب ع اليروح ,, و ماخاز الويـع ,, مرت سيـاره صوب الشـارع ,, واللي يســوق ,,
    شـاف حـد طايــح صـوب المطبـه ,, و شيلتـها كلـها دم ,,
    (*****) : شو السالفه ,, منو ها اللي طايح ,, انزل ولا لا !! ,, باسم بالله اخاف شي ,, >>> متفيـج قسم بالله قوم تزحزح !!
    بس حرام فـ هالجو حد طايح لا وين بعد فالشــارع ,, شو ورانا بنزل و بشوف ,,
    كان الجو بارد و الريـاح قوية ,, و المطر غزير ,, راح (*****) يشوف اللي طايح ,, عرف انها بنيه ,,
    استغــرب ,, يوم حطها فحظنه و لف ويها ,, انصدم فاللي شافه ,,
    (*****) : معقوووووله !! ,, مستحيل مستحيييييل !! شو ها اللي انا اشوفه لا ,, اوووه ماعندي سالفه يالس اتحرطم عن تموت ,, وقام و شلها
    و وداها ورا و اتصل حق ربيعه ,,
    (*****) : السلام عليكم
    الدكتور عـادل : وعليكم السلاااام ,, هلا والله بالشيوخ شحالكم
    (*****) : الحمدالله بخير ,, بتخبرك ,, عندي وحده تعبانه اوكيه ,, الحين ياي ,,
    الدكتور عـادل : يالله بستر شو السالفه ,,
    (*****) : بنيه متـعوره ,,
    الدكتور عـادل : لاحول ,,
    (*****) : الحين ياي يلا فداعة الله ,,
    وزااااد السرعه كان يسوق بجنون بس عشان البنيه ,, و وصل المستشفى و شل (*****) و شرات اليهـال ,, و دخل المستشفى ,,
    و الكل يشوفه و يشوف البنيه ,, و الممرضات خذوها لـ الطوارئ ,, (*****) حالته ماتسـر وايد يحاتي ,, ومايعرف منو مسوي جي !! ,,
    يوم خلص الدكتور عادل زقر (*****) عشان يرمسه ,,
    الدكتـور عادل : وين حصلتها ,, حالتها فضيعه !! لازم اخبر الشرطه ..
    (*****) : اي شرطه اي خرابيط الله يهديك ,, مانبغي نسوي سالفه ,, المهم شخبارها ,,
    الدكتور عادل : الصراحه حالتها كانت صعبه ,, وايد جروح فـ جسمها ,, جنه حد ضاربنا بشي ,,
    بس الصراحه ,, سبحان من خلقها ,, جمالها جمال هنود ..
    (*****) : هيه ادري ,,
    الدكتور عادل : المهم هيه الحين فالغرفه ,, طهرت اليروح و ان شاء الله خير
    (*****) : مشكـووور ,, اقدر اشوفها ,,
    الدكتور عادل وهوه يغمزله : هااا شو السالفه ,,
    (*****) و يضحك : هههه لا يروح بالك لبعيد ويا هالويه انا بسير ,,
    الدكتور عادل : يالله يا العاشق الولهان ,, قمنا نحب و نحاتي ,,
    (*****) : عنتلاتك يلا باي ,,
    راح (*****) اتصل اول شي فـ اهله و قالهم انه بيتأخر ,, دخل الغرفه شاف شعرها مغطاي
    و و يهها الابيض ع خدها اليسـار مستوي احمر جنه حد معطنها كـــف !! وعقب ربع ساعه
    فطـامي : حرام عليك ابويه تسويلي جي ,, آآآآه يعووور
    (*****) في خاطره : بلااه ابوها !! ,, : الحمدالله ع السلامه
    فطـامي : آآآآآآآآي ابويه بس دخيلك يعور والله يعوور ,, تمت تنااهي و عقب نشت فجأ جان تقوم ..
    (*****) : لا لا خلج مكانج ارتااحي !!
    فطـامي اتشوف المكان ,, و تشوف (*****) وهيه مستغربه : انا ويين ,,
    (*****) : انتي فـ المستشفـى ,, ارتاحي ,,
    فطـامي فطـامي وهيه خايفه : انته منو !

    كـــــــــــــــــت

    منو هـ الولد !! و شو سـالفته ؟؟

    فطـامي بتم في دار الظبــي ؟؟ ولا بترد دار الحــي !!

    و ابو فطـامي ,, بيعرف انها حيـه ولا !!

    و مريوم و عليـا .. بيعرفون انه فطـامي حيه ولا ؟







  9. #19
    عضو نشيط
    الصورة الرمزية ~ لصمتي كلام ~
    الحالة : ~ لصمتي كلام ~ غير متواجد حالياً
    رقم العضوية : 81963
    تاريخ التسجيل : 13-09-11
    الدولة : الإمــــــــارات
    الوظيفة : طالـــــبة
    الجنـس : انثـى
    المشاركات : 77
    التقييم : 88
    Array

    افتراضي رد: آه من قلبن غدا حبه جنوني


    الخـااامس ,,



    راح (*****) اتصل اول شي فـ اهله و قالهم انه بيتأخر ,, دخل الغرفه شاف شعرها مغطاي
    و و يهها الابيض ع خدها اليسـار مستوي احمر جنه حد معطنها كـــف !! وعقب ربع ساعه
    فطـامي : حرام عليك ابويه تسويلي جي ,, آآآآي يعووور
    (*****) في خاطره : بلااه ابوها !! ,, : الحمدالله ع السلامه
    فطـامي : آآآآآآآآي ابويه بس دخيلك يعور والله يعوور ,, تمت تنااهي و عقب نشت فجأ جان تقوم
    (*****) : لا لا خلج مكانج ارتااحي !!
    فطـامي اتشوف المكان ,, و تشوف (*****) وهيه مستغربه : انا ويين ؟
    (*****) : انتي فـ المستشفـى ,, ارتاحي ,,
    فطـامي وهيه خايفه : انته منو ؟؟
    (*****): عقب بتعرفين طيحي ..
    فطـامي : دخيلك طلعني ,, ابويه لو عرف اني انا هنيه والله بيجتلني !! بيتم يضربني شرات آخر مره ..
    دخيلك طلعني ,, مابا يشوفني ,, اتصيح من الخـاطر و دموع غزيره ,, وهيه ماسكه ايده ,, دخيلك ..
    طلعني ,, جان تسمع صوت الباب دق دق دق ,,
    فطـامي وهيه خايفه و اتصيح: وابوويه هذا ابويه دخيلك لا ادخله
    (وهيه متمسكه فيه ,, وهوه مصدوم مايعرف شو السالفه ) ,,
    (*****) : خلج ابوج محد تريي شويه ,, سار و شاف منو منو اللي دق الباب ,,
    (*****): نعــم
    الممرضه : يا فندم بدي اشوف المريضه يمكن محتاجه شي ,, صوتها لين عندنا
    (*****) : مافيها شي خليها ترتااح !! و سكر الباب
    فطـامي : ابويه صح ,,
    (*****) : فديتج قلتلج هب ابوج ارتاحي ,,
    فطـامي وهيه تشوف (*****) ومستغربه من اسلوبه جنه تعرفه تعرف من مده : هممم انزين ابا اظهر ..
    (*****) : وين تسيرين ؟؟
    فطـامي : اي مكاان بس اتم فالمستشفى لا مابا بليز ,,
    (*****): اوكيه بكلم الدكتور ,, عن اذنج..
    سار (*****) يرمس الدكتور عشان يطلعونها ,,
    دكتور عادل : كيف تبا تطلع و اليوم يايبنها !!
    (*****) : عشان خاطري والله تمت اتصيح ,, وخايفه تبا تطلع والله بحطها فـ عيوني الثنتين بس طلعها
    دكتور عادل : هههه جنك تعرفها منزمان ,,
    (*****): لا والله بس كاسره خاطري يلا عدوول عشاني !!
    دكتور عادل : خلاص ماعليه سير انته عندها وانا بييب الادويه و برمسها
    (*****) : مشـكور

    حجرت فطـامي

    (*****) : وجان يوافق
    فطـامي: واخيراً ,, جان تشهق
    (*****) : شوفييج ؟
    فطـامي : ابا مريوم و عليووه
    (*****): منو هييل ؟
    فطـامي وبصوت حزين : ربعي ,, الله يسامحك ابويه ,, اكيد خبرتهم اني ميته !!
    (*****) : شو السـالفه ؟
    فطـامي : بخبرك يوم بنطلع ,, بس كيف بطلع وانا ماعندي شي البسه !!
    (*****): ماعليج الغلا ,, تعالي ماقلتيلي اسمج !
    فطـامي : اسمي فطوم
    (*****) : عاشت الاسامي الغلا
    فطـامي : عاشت ايامك ^_^ ,, يالله راسي يعورني و احس الجو بــاارد >> وهيه ترتجف
    (*****) : يمكن حرارتج مرتفعه
    فطـامي : والله مادري

    دق دق دق
    (*****): تفضل
    دكتور عادل : السلام عليكم
    فطـامي + (*****) : وعليكم السلام
    دكتور عادل : هاا يقولون تبغين تظهرين ؟
    فطـامي : هييه مليت ,,
    دكتور عادل : هههه ماوحالج !!
    فطـامي : ههههه شفت عاد ,,
    دكتور عادل : امرج غريب ههه ,, المهم هييل الادويه اباج تاخذينهم باستمرار ,, هالكريـم حق الجروح وها مسكن تاخذينه اذا عورج شي ,, وهذا حق الحما ,,
    فطـامي : مشكور دكتوور ,, ماتقصر ..
    دكتور عادل : افا عليج الغاليه ,, واذا حتجتي شي تعالي ,,
    فطـامي : ان شاء الله
    دكتور عادل : عن اذنكم
    فطـامي : الله وياك
    (*****): انزين فطـامي ,, انا الحين بسير اوكيه مابطول ,,
    فطـامي : وانا !!
    (*****): بييج الغاليه ,, بس ساعه بالاكثير وبيج ,,
    فطـامي : لاتتأخر اترياك
    (*****) : من عيوني ,,
    فطـامي : تيـك كير
    (*****) فخاطره : يالله هالصوت هب غريب عليه !! ,, يو تو ,, بباي
    سار (*****) السيـاره و اتصل حق اخته ,,
    (*****) : السلام عليكم
    سـاره : وعليكم السلام
    (*****): ساره تلبسي الحين بييج
    سـاره : ع وين !!
    (*****): بنسير المول يلا تزهبي 5 دقايق و ياينج ,,
    سـاره : اوكيه بباي
    سـاره وهيه مستغربه و فخاطرها تقول : بلاه هذا !! اكيد السـالفه فيها إن ,, مابستعيل ادريبه بيقولي ,,

    سكر (*****)من ساره ,,, وهوه يسوق بسرعه و عقب 5 دقايق و صل عن سـاره و يضرب هرنات
    يضرب و يضرب ,,
    (*****) يزقر AL Body Guard : وليــــد ,, وليـد !!
    وليد : نعـم عمي ,,
    (*****) : ازقر سـاره بسرعه ,,

    داخل البيت ..
    ام حمدان : يالله بستر منو ها !!
    بو حمدان : بتصل حق وليد ,, >> Al Body Guard
    سـاره : لا ابويه خلك هذا اخويه يباني اسير وياه ,,
    بو حمدان : ع وين هالحـزه !
    سـاره : يباني اتنقاله قمصـان ,,
    بو حمدان : هالوكت ,, شو نازل عليه ,, المهم الله يحفظكم ,, وخذو وياكم الـ Al Body Guard ,,
    سـاره : لا لا ابويه ماله عادي يلا ,, فداعة الله ,,
    وليد Al Body Guard : سـاره اخوج برع ,,
    سـاره : ها ها يايه ,,

    صوب سـاره
    ركضت ساره صوب سيارة (*****) و دخلت
    سـاره : سوري اتاخرت
    (*****): لا عادي ,, محد قالج شي ؟!
    سـاره : سـألوني وين بتسيرين وجي قلتلهم بسير وياك آخذك لك قمصان
    (*****): زين سويتي
    سـاره : انزين يا فندم ,, بلاك جي ترمسني بسرعه بسرعه !!
    (*****): الله يسلمج وانا اتحوط فـ منطقة **** ,,,,,,,,,,,,شليتها ,,,,,,,,,,,,,,,,,,,,,,,,,,
    والحين هيه فالمستشفى >> يقولها السالفه
    سـاره : واعليـه انا ,, وين بتوديها الحين ,, اهلها وين !!
    (*****) : والله لين الحين مـا اعرف ,, بس اتم تقولي ابويه بيضربي و مادري شو ,, ماعليج بعرف السالفه ,,
    سـاره : الله يعينها ,, ومنو بيصرف عليها !!
    (*****) : طبعاَ انا ,, الحمدالله الخير وايد
    سـاره و هيه تغمزله : بتخبرك حلوه ,,
    (*****) : جب
    سـاره : لوتي هههههههههه انته ما اطيح الا ع الحلوات
    وجان يوصـلون ,, (*****) : بتخبرج هههه انزلي ويا هالويه
    سـاره : اختك انا اعرفك
    (*****) : صخي انزين
    سـاره : تعال شو المطلوب الحين ؟
    (*****) : تاخذين لها اغراض ,, سوالف البنات ,, المهم شي يسترها
    سـاره : وايد ولا شوي
    (*****) : كل شي
    سـاره : هههههههههه بديت اجك الصراحه
    (*****) : سارووه يوزي عن هالحركات يا الدبه ,,

    وهم يدشون Abu Dhabi Mall

    سـاره : بتخبرك وين بتخليها !!
    (*****): باخذلها غرفه فـ Rotana Beach
    سـاره : اهاه ,, انزين تعال اندش هالمحل ,, واختار لها شي و (*****): مابتووب ..
    ساره دشت المحل و تمت ادور على قمصـان وجي
    سـاره : ضعيفه ولا دبه ولا شو
    (*****): لا عاديه حليلها
    سـاره : انزين شو رايك فـ ها ؟
    (*****) : حلـوو ,, يلا خذي بسرعه والله بتأخر عليها ,,

    وتمت سـاره تاخذ حق فطـامي ,, ثيـااب داخليه و بجامات و تنانير و قمصان ,, وطبعا مانست الجحـال ,, (*****) قال حق ساره تاخذلها جحـال لانه (*****) يحب الجحـااال وايد ,, دشت مكيـاجي و خذتها و خذتلها قلوز وردي شفاف و خذتلها عطر وعقب سارو الجمعيه و خذو حق فطـامي اغـراض ,,

    (*****) : باخذلها اسكريم
    سـاره : حرام عليك ,,
    (*****) : بتستانس ماعليج ,,
    سـاره : كيفك ,,
    و عقب سـار Baskin Robbins وخذالها Pralines 'n + Strawberry و خذا حقه و حق اخته ,,
    و يوم بيظهرون ,, ساره شافت ربيعتها و قالت حق اخوها انه بتروح وياها هوه يسير ,, وافق وعطاها اسكريم مالها وسيده المستشفـى ,, قبل لايسير المستشفى ,, سار و حجز فـ Rotana Beach حجره حق فطـامي و خل الاغراض داخل بس طلع بجامه ,, وعقب سار المستشفـى ,,

    صوب فطـامي

    فطـامي : ياربيه وينه ها تأخر
    دق دق دق
    فطـامي : تفضـل
    (*****) : السموحه تأخرت عليج ,,
    فطـامي : لا عادي الغالي ,,
    (*****) : اندوج هذا البسيه و بزقر الممرضه تساعدج ,, وبدورلج شيلة صلاه ,, (فطـامي كانت عندها شيله ,, شرات اللحاف لوول ,,
    فطـامي وهيه مستحيـه : السموحه عذبنـاك
    (*****) : افا عليج عذابج راحه ,,

    وعقب سار و زقر الممرضه عشان تساعد فطـامي ,, و دخلت الممرضه و ساعدت فطـامي عشان تلبس البجامه الورديه الحرير وعليها ورود ,, و عقب دق الباب عشان يعطيها شيلة صلاه ,, و لبستها
    (*****) : يلا قومي ..
    فطـامي : ياربيه ماروم اشل عمري والله
    (*****) : ماعليه حاولي
    فطـامي حاولت اتنش من مكانه مشت خطوتين و طاحت بس مسكها (*****)
    (*****): باسم الله عليج ,,
    فطـامي : ماروم ماروم ,, ريلي تحرقني
    (*****): تريي عيل بيب هالكـرسي
    فطـامي : تسوي خير
    سار (*****) و ياب الكرسي و يلس فطـامي و دزها ,, و وعقب دكتور عادل عطاهم اذن خروج ,, و سارو صوب السياره ,, فطـامي تشوف السيـاره فخاطرها تقول : رنـج اسـود !! كنت متأكده !!
    فطـامي : حمــداااااااااان !!
    حمـدان : شعرفج فـ اسمي !
    فطـامي : هب انته اخو عبدالرحمن ,, شفتكم فالمول !
    حمـدان فخاطره كنت متأكد جان يوخي صوبها : هيه انا
    فطـامي : صــدفه !
    حمدان : حلوه .. جان يمسكهاا و يركبها جدام و ركب هوه ,, اندوج حلي شويه ..
    فطـامي : الله Baskin Robbins يمي يمي ,, ThanX ,,
    حمـدان : Welcome ,, شغل امارات FM كانو حاطين غنيه ,, آآآه من قلب ,,
    فطـامي : يالله يا هالغنيه ,, عذاب (وهيه تاكل الاسكريم) فديتكم ياربيه
    حمـدان : منو ؟
    فطـامي : اللي كانو وياي فالمول ,, عليا و مريم ,,
    حمـدان : حافظه رقمهم ؟
    فطـامي باستغراب : هيه
    حمـدان : عيل باجر بظهرلج رقم و باخذلج موبايل و رمسيهم ,,
    فطـامي قافطه : حق شو الموبايل ؟
    حمـدان : بترديني يعني .. ؟
    فطـامي : لا لا خلاص و تمت صاخه و يالسه تتلذلذ بالاسكريـم ,,
    حمـدان : هههه شوي شوي الاكل مابيطير ,,
    فطـامي : حرام عليك والله من 4 ايام مادري 3 ايام هب ماكله شي = (
    حمـدان : هيه صح تقوليلي شو السالفه !!
    فطـامي هنيه سرحت و حمدان لاحظ عليها ,,
    حمـدان : آسف اذا ضايتبج
    فطـامي : لا لا افا عليك
    حمـدان : جـااان نوصل
    فطـامي: وين !!
    حمـدان : فندق
    فطـامي : لييييييش ؟
    حمدان : بلاج خايفه !! بتمين هناكي !! ولا تبيني اوديج عن اهل
    فطـامي بعصبيه : ماعندي اهل انزيين و نزلت من السياره ونست الاوياع من شدت القهر ,, تمت متمسكه بالسياره اللي عدالها ,, و لفت الشيله ,,
    فطـامي : بمشي حافيــه !!
    حمـدان : اندوج
    فطـامي : يـا ألبي كيـوت (( هههه شافت نعال مال البيت من جدام في شفايـف ورديه ))
    حمـدان : ذوقي هذا وجان يمسكها عن اطيح ,, دخلو الفندق وعقب وداها غرفتها ,,
    فطـامي : واااو نايس غرفه
    حمـدان : فطـامي هذي اغراضج
    فطـامي : حمدان ليش تعبت عمرك ؟
    حمـدان : افا عليج كم فطـامي عندي انا ,, ترا اختيه مختارتهم بس نصهم انا ,,
    فطـامي : اختك !!
    حمـدان : هيه عقب بخليج تتعرفين عليها ,,
    فطـامي : بوسلي ياها يوم بتشوفها ,, و قولها تسلمين و ماتقصرين ..
    حمـدان : يوصل
    فطـامي سارت اطيح فـ الشبريه بصعوبه : آآخ ظهري يعورني
    حمـدان جان ايلس ع الكرسي : شوفيج ,, فطـامي قوليلي شو مستوي ؟
    فطـامي : من انولدت وانا مظلومه ,, من انولدت عايشه ع الضرب ,, ابويه كان قايس وياي ,, ليش لانه ابويه من عرف انه في اميه بنيه حاقد علينا ,, كان عندي اخو بس ماشفته !! بس شفت صورته مادريبه حي ولا ميت ,, اميه توفت يوم يابتني ,, ابويه كان دوم يعايرني يا بنت الهنديه ,, مافيها شي لو اميه هنديه ,, افتخـر فـ هالشي ,, ابويه بدوي و اميه هنديه ,, مافيها شي ,, وعقب ابويه تزوج و تمت اخدم حرمته من كنت صغيره ,, اذا ماسويت شي يضربني ضرب ,, و آخر مره ضربني فيها ,, اللي اذكره ,, يوم كنت فـ مول الامارات ,, قبل لا اسير ,, ابو مريوم و عليوه ,, عطاني 1000 و يوم رديت البيت نسيت ادس الخرده ,, وعقب دش عليه ابويه و فتش اغراضي و خذا البـاجي ,, و ماقالي شي عقب ,, وعقب اسبوع اذكر السـالفه وقالي من وين يبتي ومادري شو ,, احيد قالي شي انصعقت يوم سمعت ,, قالي : يوم اقولج بوديج عن الريايل ,, ياخذون منج الي يبغونه و يعطونج فلوس ,, انتي مارضيتي ,, ماتوقعته يقولي شي ,, وين شرفتي و كرامتي ,, ( اهنيه صاحت من الخاطر ) ,, و عقبها مادري شو استوا ,, اظن اغـمى عليه ,, بس اللي اعرف اني شفت عمري فـ حفره شبه مقبره !! ,, مادري ابويه تحسـباني ميته و قال بدفنا و محد بيدري ,, الله يعلم ,,
    حمـدان : : معقوله جي سوالج ابوج !!
    فطـامي : بعدك ماشفت شي ,, ساعات ابويه مايخليني اسير المدرسه بس عشان ألبي خدمات حرمته ,, و كانت توعيني من الرقاد تقولي سويلي عشا !! ,,
    حمـدان : اللي يشوفج فـ المول ,, يقول انج وحده عايشه مرتاحه و ماعندج اي هموم ,,
    فطـامي : ادري بس ماتعرف شو فـ القلوب ,,
    حمـدان : والحين وين ابوج ؟
    فطـامي : علمي علمك ,, هوه فـ دبي ماعرف عن اهليه شي ,, تعرف يوم قلتله ابويه انا بنتك .. شو قالي
    حمـدان : شو ؟
    فطـامي وهيه اتصيح و ترمس رمسه مقطعه : قالي انا هب ابوج
    حمـدان انصدم : مافي احساس ..
    فطـامي : اتمنـى ما اشوف ويهه !! عذبني الله يعذبه ,,
    حمـدان : مهما يكون هذا ابوج ,,
    فطـامي تمت اتصيح و ماردت على حمـدان ,, وعقب ثوانـي : و الأبو جي يسوي حق بنته
    ( جان ترفع القميص و تراويه ظهرهـا ) ,, : آخر مره ضربني فيها شوف شو سوا ,, و بعد اللي ع جسمي فيه وايد ,,
    حمـدان تفاجأ يوم شاف ظهر فطـامي وسيده صدا الصوب الثـاني : غطي فطوم ,,
    فطـامي : لايروح بالك لبعيـد ,, نيتي اني اراويك بس ,, عشان تعرف شو يسويبي ابويه ,,
    رفعت قميصها صوب الايد ,, و شوف ايدي كلها حمــرا وتمت اتصيـح ..
    نش حمـدان و رفع راسها و بـ نظرات حنونه : لاتخـافين فطوم انا وياج ومحد بيضربج دام اني عايش ,,
    و اوعدج اني انسيـج المـاضي ,, و اعيشت احلى عيشه ,,
    فطووم بدون ماتحس: الله لايحرمني منك ,, والله لو ماخذتني المستشفـى جان انا صدق مت ,,
    حمـدان ابتسملها ,,
    فطـامي : حمداان ممكن موبايل شويه ,, ابا اتصل حق مريوم او عليوه
    حمـدان : خذي الغلا ..

    كانت الساعه 1 ,, و عليا و مريوم الرقااد هب طايع ايهم ,, وعقب دقايق ,, رن موبايل مريوم ,,
    مريوم : ياربيه منو متصل هالوقــت ,,
    عليـا : منو ؟
    مريوم : رقم غريب خليه يولي ,,
    عليـا : مريوم قلبي ينغزني شلي
    مريوم : مافيني
    عليا : عيل هاتي انا برد ,,
    مريوم : لااا عليوه ,, بس عليا ردت بسرعه
    عليـا : الوه
    فطـامي : تمت ساكته
    عليـا : الووووو
    فطـامي : والله احبج
    عليـا : نعــم ,, منو انتي ..؟؟
    فطـامي : انا ,, معقوله نسيتيني ,,
    عليـا : اييييه انتي والله هب متفيجتلج
    فطـامي : من حقج ,,
    عليـا : والله بسـكر ,, جان مريوم تمط الموبايل من عليا ,, الو
    فطـامي : فديتج مريووم ..
    مريوم مصدومه و ماتعرف شو السالفه : منو انتي !!
    فطـامي وهيه ميته من الصيـاح وفرحااانه : مريووم انا فطووم
    مريوم : فطووم !!
    عليـا : شوووو ؟؟؟؟
    مريوم : انتي فطووم !!
    فطـامي : هيه فديتج ..
    مريوم وهيه اتصيح من الخـاطر و اتصارخ : فطوم انتي ويين ,, و ها رقم منو ؟؟ فطوم دخيلج ,,انا فعلم ولا فحلم ,, قوليلي دخيلج ,, انتي صدق فطوم !!
    فطوم وهيه تصيح : هيه فديتج انا فطوم ,,
    عليـا مطت الموبايل : فطوووم ,, انتي حيــه !! ,, معقوله !! فديتج قوليلي الصدق
    انتي فطوم ولا تمزحين ,,
    فطـامي : حبيبي انا فطووم ورحمت اميه ,,
    حمـدان يشـوف فطـامي بطريقه غريبه ,, و هيه اتصيح وخاطره يضمها و يخفف عليها ,,
    مريوم قامت من الفـرحه و سارت صوب حجرت ابوها ,,
    مريوم : دق دق دق دق ,, ابوووويه اميييييه فجو البااااب !!! ابووووويه
    بو مريم: يالله بستر شو مستوي ,, قام بسرعه ,,
    شفيج مريوم ؟؟!
    مريوم وهيه قابضه ايد ابوها : ابويه فطـامي حيييييه فطـامي حييه هب ميته ..

    كــــــــــ ــــــــــــت

    شو بيكون شعـور بو مريم و ام مريم ؟

    و عليـا و مريوم .. بيشوفون فطـوم ولا ؟

    وحمـدااااا ( ياويل حاليه انا عليه ) اااااان شو دوره فـ القصـه ؟؟






  10. #20
    عضو نشيط
    الصورة الرمزية ~ لصمتي كلام ~
    الحالة : ~ لصمتي كلام ~ غير متواجد حالياً
    رقم العضوية : 81963
    تاريخ التسجيل : 13-09-11
    الدولة : الإمــــــــارات
    الوظيفة : طالـــــبة
    الجنـس : انثـى
    المشاركات : 77
    التقييم : 88
    Array

    افتراضي رد: آه من قلبن غدا حبه جنوني


    البـاارت الســـــادس

    مريوم قامت من الفـرحه و سارت صوب حجرت ابوها ,,
    مريوم : دق دق دق دق ,, ابوووويه اميييييه فجو البااااب !!! ابووووويه
    بو مريم: يالله بستر شو مستوي ,, قام بسرعه ,, شفيج مريوم ؟؟!
    مريوم وهيه قابضه ايد ابوها : ابويه فطـامي حيييييه فطـامي حييه هب ميته ..
    بو بو مريم: شوووو !! شدراج ؟
    مريوم : اكيييه ترمس عليوه
    ام مريم وهيه يايه : بلاكم ؟
    مريوم : امييه فطـامي حيــه ما ماتت ,, فديتها حيه
    ام مريم : احمـدك يارب ,, وين الحين هيه؟
    مريوم و هيه اتمط ايد امها و ابوها : تعـالو
    عليـا : فديتج انتي وين الحين ؟
    فطـامي : مكـان مرتاحه فيه لاتحاتين
    عليـا : وين بالضبط انزين ؟
    فطـامي : دار الظبـي
    عليـا : نعــم ,, شو اتسوين هناكي ,, وعقب مط الموبايل بو مريم,, فديتج فطـامي
    فطـامي : عميييه علي ,, شحالك فديتك ؟ شخبارك؟ لك وحشه قسم بالله
    بو مريم: فديتج انتي وين ؟
    فطـامي : عميه انا فـ مكان آمن لاتحاتون ,,
    بو مريم: ويا منو و انتي الحين وين بالضبط ؟
    فطـامي : عميه بتعرفون كل شي ,,
    ام مريم : عطني فديتها برمسها ,, بس انقـطع ما في جرج ,,
    ام مريم : شو استوا !!
    مريوم : اووووف ,, سكرت
    عليوه : اتصلي
    بو مريم: لااا شو تتصل يمكن موبايل حد ,, اتريها يمكن تتصل بعدين ,,
    مريوم : اوكيه ,,
    وعقب تمت مريوم و عليوه يتريون تتصل بس ما اتصلت جان يرقدون ,,

    صوب فطـامي

    فطـامي : بلاااه ؟
    حمـدان : أأ مافي جرج ,, سوري الغـلا ,,
    فطـامي : يالله كيف ارتحت يوم رمستهم ,, سوري عاد خلصت جرجك و اظن الرصيد بعد ,, وخت راسها
    حمـدان : ههههه لا افا عليج ,, هب رصيد ,, مدفوعه .. انزين تبغين ترتاحين زياده ؟
    فطـامي: اكيـــد !!
    حمـدان وهوه يلحفها ,, انتي ارتاحي الحين ,, و الصباح ربـاح .,
    فطـامي : حمدانوه شو بتسوي ؟؟
    حمـدان : ماتبغين تشوفينهم ؟
    فطـامي وهيه تقبض ايده : هيييه اكيد دخيلك ودني ,,
    حمـدان : من عيوني ,, فطـامي ,, اختيه ساره خذتلج قمصان و هالسوالف ,, لبسي حق باجر
    و تكشخي ماوصيج وان شاء الله بييبج الظهر اوكيه ,,
    فطـامي : مشـكور الغالي ,, و سلم ع سـاره وااايد ,,
    حمـدان : من عيوني ,, تصبحين ع خيـر ,,
    فطـامي : وانته من اهله و تحمل بعمرك لاتسرع ,,
    حمـدان فخاطرها فدييييييييييتج : من عيوني الغلا ,, فداعة الله وطلع ,, فطـامي نشت من مكانها
    و شلت الشيله و سارت تشوف الاغراض ,, فطـامي : حليلكم والله ,, ماخليتو شي ماخذتوه لي ,, الله هالتنـوره خبـال ,, اسود و وردي ,, وايه عذاب هاللونين ,, وشافت بوكس ,, فجت و شافت شيله ورديه
    تقـابل لـ التنوره و القميص ,, و فجت جيس صغير شافت جحـال و عطر و قلوز و المرايه : يالله فديتها
    ياربيه ,, شدراها اني اموت فـ الجحـال و قلوز ,, الله يعطيها العافيه ,, و شافت الجيس الثـاني شافت
    نعـال نعومي اسود و عليه ورده بـ الوردي الهـادي ,, فديتها مطقمه ,, ويا النعـال شافت شنطه
    وفيها بوك ,, بعد اسود و فيه ورده بالون والوردي وسارت فطـامي و شافت اغراض اللي مال الجمعيه ,,
    شافت اغراض الحمام من معجون و و و و و ,, و عقب خذت دواها وعقب رقدت ,,

    وصل حمـدان السـاعه 2 الا ربع ,, وعقب سـار حجرته و خذا شور ع السريع و رقد من التعب و طبعـا
    فطـامي ماخازت من باله ,, وعقب دقايق رقد ,,

    صبــاح يوم الجمعــه ,,

    صـوب فندق Rotana Beach ,, وبتحديد غرفة فطامي ,,

    قامت فطـامي سارت تاخذ شاور ,, و صلت و عقب لبست التنوره السودا اللي فيها حركات من تحت ,,
    يايه التنوره راصه من فوق وعقب يايه شرات السـتاره لول ماعرف اشرح ,, وتحت كمن قطعـه كان فيها
    و عليها شريطه ورديه فيونكه كبيره ع الينب ,, القميص الوردي الهـادي ,, صوب الرقبـه الكلـر ياي مدرج و في تطريز بـ الون الفضـي بالخفيف ,,
    و الجاكيت الاسود و صوب الصـدر في الفيونكه اللي فـ التنوره بس
    شويه اصغــر ,, كانت فطـامي مستويه قـمر ,, وسارت فجت الشنطه و شافت البوك ,, تمت اتشوف
    شو فيه و تخوز الاوراق اللي فيه ,,جان تشوف 500 ,, اويه من وين هاي !! وشافت ورقه داخل ,,
    (اذا احتجتي شي فطـامي .. و ان ماخردتيها بزعل ),, حليله ياربيه سارت حطت العطر و الجحال
    و القلوز و المرايه الصغيره ,, سارت تسحي شعرها ,, و لفته بالشباصه ,, و جحلت عيونها السود الوسـاع و حطت القلـوز ع شفايفها الزهريه ,,
    كان شكلها بريئ و طالعه كيوت وخاصه انه خدودها كانت زهريه
    و عدلت الشبريه ,, وحطت اغراضها فـ الكبـت ونظفت الحجره ,, فطـامي: الحين الساعه 9 ونص وين
    اسيـر ,, انزل تحت هممممم ,, خلاص بنزل مليت بسير اترق يوعاااانه من الخـاطر ,, سـارت فطـامي
    لبست نعـالها و خذت شنطتها و عدلت الشيله ,, طبعاً ماكانت لابسه عباه ,, لانه ماعندها بس لبسها
    كان ساتر و بعدين
    نزلت تحت ,,

    يوم دخلت اللفـت و نزلت تحت ,,
    فطـامي: مامي ,, شو السـالفه ,, ضحكت ع عمرها ,, ههههه عـزالله ضعت ,, تمت اتحوط واتحوط
    جان تدخل مكان ,, وين وين سرت !!
    هب جنه ها مول ,, و عقب شافت لافته مكتوب عليها Abu Dhabi Mall
    فطـامي : واااو انا فـ بوظبي مول ,, وناسه ,, بسير Star Bucks ,, اتريق .. تمت تحووط لين
    ماحصلت Star Bucksودخلته ,,
    سارت عند الريـال

    فطـامي وهيه مبتسمه: Good morning
    الريـال : Good morning ,, yes Miss
    فطـامي : Please I want one Frappuccino VANILLA- Medium
    الريـال : Ok ,, Anything else
    فطـامي : Hmmmm ,, Also I want this cake
    الريـال : Ok Miss ,,

    وعقب فطـامي سارت الصوب الثاني تتريا طلبهـا ,, وعقب خذت اكلها وسارت و يلست ,, تمت تشوف المجله و تاكل الكيك ,,و يوم خلصت سارت سوت Shopping ع الخفيف ,, خذتلها اغراض زياده ,, كانو المحلات مسوين تنزيلاتو سارت Splash وخذتلها كمن قميص و بنطلون ,, و دخلت طبعـاً Claire's طبعاً ماعندها اكسسوار هالوقت ,, وعقب خذت جوتي سبورت ,, تمت اتحـوط و خذت دبدوب ,, لانها ماترقد الا بـ دبدوب ,, عقب سـارت ,, تاخذ تيشيرتين حق حمـدان ,, وخذتله كـابين ,, و عقب سارت الفندق ,,

    في بيت بو حمـدان

    قامت سـاره و سارت توايج ع حمـدان تشوفه اذا رد ولا لا ,, شافته راقد ,, شكله تعبان ,, كانت الساعه 11 وربع ونص ,, قالت بتريق وعقب بوعيه ,, وسارت صوب اهلها ,, نزلت تحت
    سـاره : صبـاح الفل ياحلوين ,,
    بو حمـدان + ام حمـدان : صباح الخير فديتج
    سارت و حبتهم ع راسهم : شحالكم لاخليت منكم ؟
    بو حمدان : يسرج حالنا و من صوبج ,,
    سـاره : حمدالله بخير ,, وهيه تيلس ,, عيل وين حمانوه ,,
    ام حمدان : يشوف التيلفزيون فـ الغرفه ,,
    سـاره : فديته ولهت عليك ,, كلت بسرعه بسرعه و قامت
    بو حمدان : ماكلتي شي !!
    سـاره : بسني فديتك شبعت بسير صوب حمانوه ,, و عقب سارت صوب عبدالرحمن و تمت تلعب وياه ,,

    بعرفكم ع عائلة بو حمـدان و ام حمـدان ,,

    بو حمـدان (اسمه) محمد : ريـال معروف فـ العاصمه شصيته قويه ,, ومن الكبـاريه ,, ودوم ويا الشيـوخوعنده شركه معروفه ,,,,
    ما يطلع الا بـ AL Body Guard ,, حبووب و يحب يسـاعد الكـل ,, يخـاف ع عيـاله وايد ,, ويحب حرمته و يخاف عليها ,,
    اذا هيه طلعت او عياله ومايخليهم يطلعون الا بـ AL Body Guard ,, بس هم ساعات مايطيعون ,,

    ام حمـدان (شيخه) : حرمـه معروفه ,, تشتغـل ويا بو حمـدان فـ الشـركه ,, حبوبه و طيبه و الكـل يحبها ,, و تحب بو حمـدان وايد ,, ماشالله عليها كشيـخه ودوم تحب تتكشخ ,, رزينه و ماعليه كلام ,,

    حمـدان : عمره 20 ,, كليــة الشرطه ,, حمـدان الكـل يحبه ,, ريال و نعم الريايل حبووب و طيب غـاوي
    وفيه غمازه خفيفه طالع ع الباابا ,, دوم البنات يشوفونه فـ المول ,, ملفـت الانظـار ,, طويـل ,, جسمه رياضي ,, يعشق البولنج ,,
    والفروسيه ,, واكثـر شي يلبس بناطلين و قمصان ,,احلى شي فيه ,, انه شعـره طويل وها اللي محلنه لا ابيض ولا اسمر عادي ,,
    عيونه شويه وسـااع .. ويحب اخوه عبدالرحمــن وايد ,, ودوم ويا محمد ولد عمه ,, عقب بتعرفون عنه ,,

    سـاره : عمرها 18 هالسنه مخلصه من الثانويه بـ نسبة 92,8,, حبوبه و طيبه وحليوه ,,وتحب اخوها حمـدان وايد ,, ودوم وياه ,,وهيه دلوعة البيت لانه ,,
    ماعندها خوات ,,

    واخيـراً ايي شيخ الريـايل عبدالرحمن : عمره 3 سنوات ,, يحب اخوه واااااااايد ,, ودوم يسير وياه يغازلون فالمول ,, مخربنه ههههه ,,
    كيـوت هالولد ,, احلى شي فيه خدوده الحمـر ,, حليـو وايد ,, طالع على حمدان ,,

    نسيـر صوب دار الحـي ,,
    نشّو عليا و مريوم ,, رقدو شويه ,, من كثر الفرحه اللي فيهم ,,
    مريوم : وااااااااااااااااااااااااااااااااااااااااااااااااا ااايه ,, فرحانه و فرحانه ,, تمت اتنطنط
    عليا و تيود ايد مريوم و يتمون ينطنطون و يدورون : فطوم حيه فطوم حييه ,, فدييتها ياربيه
    بو مريم: وايد فرحانين فديتكم ياربيه ,, ان شاء الله اشوفكم دوم فرحانين
    مريوم : ابوووويه ,, احبها احبببها
    عليا وهيه تصارخ : فطـامي حييييييه ,, يابس عاشو يااابس
    وعقب سارو بو مريم يتجهز حق صلاة الجمعة

    صوب حمـدان ,, دشت ساره عليه ,,
    سـاره : حمداااني ,, حمداانوه ,,
    حمـدان : هممممم
    سـاره : قوم نش الصلااه
    حمـدان : فطـامي خليني راقده ,,
    سـاره : فطـامي !! منو هاي ؟و جان تضربه ,, يادب قوم نش !!
    حمـدان زاغ : ها ها شو مستوي !!!
    سـاره : منو فطـامي !!
    حمدان وهوه يرد شعره على ورا : ها محد محد
    سـاره : اللي ماخذه عقلك تتهنابه !!
    حمدان وهوه قافط : ويا هالويه قومي ,,

    وعقب سار حمـدان خذا شاور و لبس هالكندوره العنـابيه ,, و العصامه البيـج,, وعقب سار حمدان
    يتعطرو يحط الدهن عود ,, وعقب سار صوب امه عشان ادخنه وسار هوه و ابوه يصلـون ,,
    و يوم خلصـو ,, قال حق ابوه انه عنده شغـل شويه فـ مابيسير وياهم صوب اهل ابوه ,,وطبعا ابوه قالت خذ وياك AL Body Guard ,, بس هوه ماطاع ,,
    وعقب حمـدان ركب سيارته و سـار صوب Rotana Beach ,,
    و عقب خذا اللف و سار صوب غرفة فطـامي ,,

    فطـامي كانت توها مخلصه من الصـلاه ,, جان تسمع حد يدق الباب ,, دق دق دق ,,
    فطـامي : ويت وييت ,, لفت شيلتها عدل و فجت البـاب ,, السلاااام علييكم وجان تشوف حمدان كاشخ و ريحة الدهن عود طاره الدنيا ,, فخاطرها , ياويل حـاليه انا ع كشخه
    حمـدان و فاج الحلج ,, ياويل حاليه >> بصوت خفيف
    فطـامي وهيه فرحانه سمعته شو قال : نعـم ,,
    حمـدان : أأ احم ,, ماشي سلامتج ,, وعليكم السلام و الرحمه
    فطـامي : دش
    حمـدان دخل الحجره و شافها مرتبه و الدبدوب ع الشبريه و ريحة العطـر ,,
    والكـل شي مرتب : يالله شو هالكشخه فطووم هاا
    فطـامي احمرت : هههه تسلم ,, وانته بعد اشوفك كاشخ ,,
    حمـدان : افا عليج ,, دومي اصلا
    فطـامي : هيه شراتي ,,
    حمـدان مره وحده صرخ : اكيييد سرتي المول !!
    فطـامي قفزت : اميه باسم الله ,, شفيك جي صرخت !
    حمـدان : سوري خوفتج ,,
    فطـامي : هيه سرت ,,
    حمـدان : وليش اتسيرين !!
    فطـامي : سرت اتريق فـ استار بكس ,,
    حمـدان : امممم ,, بدون عبـاه !!
    فطـامي : هيه ليش ؟
    حمـدان : ليش ان شاء الله ؟
    فطـامي : حمداان شفيك ,, من وين ايبلي عبـاه ,, ومافيها شي ,, لابسه لبس مستر يعني و الحمدالله
    هب مطلع شعري !!
    حمـدان : خلاص آسف ,, انزين عيل راويني شو خذتي بنشوف ذوقج الخسـف
    فطـامي : تتحدا ذوقي اصلا
    حمـدان : هههه انزين راويني ,,
    فطـامي راوته القمصـان و الثيـاب
    حمـدان : لاه لاه الصراحه مانروم لج ,,
    فطـامي : افا عليك ,, وهذي الهديه لك ,, ادري وايد عليه ,, بس بتشوف اكثـر عقب
    حمـدان فج الجيس شاف التيشيرتات و الكابين ,, شل العصامه ,, وكان شعره مكشكش
    فطـامي فخاطرها : ياويل حاليه خاطري امط ياربيه
    حمـدان : ياويل حاليه ,, حلو الكـاااب عيبني وايد ,, يقابل حق القميص هذا ,,
    فطـامي : افا عليك ذويقه ماعليك
    حمـدان : خلاص عيل ,, بخليج تتنقيلي مره ثانيه
    فطـامي: افا عليك ,, همم حمدان متى بنسير ؟
    حمـدان : بنتغـدى فـ المول و بنسير ,,
    فطـامي : اوكيه
    حمـدان : يلا عيل ,, قومي ,,
    فطـامي : هيه حمدان ,, مشكور ع ال500
    حمـدان : لاتشكريـن غنـاتي ,,
    فطـامي : هاا شو قلت !!
    حمـدان في ضحكه وجان يطلع و لحقته فطـامي و عقب سارو المول و تغدو عقب

    سارو صوب اهل دار الحــي
    و طول الوقت هم يسولفون و صلو ع صلاة العصـر ,, طبعا مريوم و عليوه ماسارو ويا ام مريم
    و بو مريم و عند اهلهم اللي في الشـارجة ,,
    مريوم : يالله ما اتصلت فطووووووم !!
    عليوه : اففف تقهر ,,
    مريوم : اقولج انا بسير خااري تعالي وياي ,,
    عليوه : اوكيه ,,

    وعقب مريوم و عليوه سارو برع ,, بعيد عن بوابة البيت

    صوب حمدان و فطــامي

    حمـدان : وين بيتهم ؟
    فطـامي : هذا هذا بس وقف هنيه
    حمـدان : اوكيه انزلي وانا بتم فـ السيـاره
    فطـامي : هممم مايصير ,,
    حمـدان : عيل اتم فـ البيت وياكم !! هب حلوه ,, ماعليه الغـلا ,, بحوط شويه ويا ربيعي يوم ع الساعه 8 بييج ..
    اندوج هالموبايل مالي ,, خليه عندج و هذا رقمي اذا بغيتي شي اتصلي عليه ,, >> كان عنده
    موبايلين واحد فارنه فالسيـاره و الثاني عنده ,,
    فطـامي : هممممم سوري والله حمـدان ,,
    حمـدان : ع شو ؟
    فطـامي : هممم ع كل شي ,,
    حمـدان : ان تأسفتي مره ثانيه ,, بزعل منج ,,
    فطـامي : لالا خلاص كله وزعلك ,, يلا الغالي تحمل بعمـرك ,, ولاتسرع ,, مع السلامه
    حمـدان : الله يحفظج ,,

    نزلت فطـامي ,,
    و شافت مريوم و عليوه برع بس بدون مايشوفون دخلت بسرعه البيت و تعمدت اطلع صوت عشان عليوه
    مريوم ينتبهـون ,,

    عليوه : شو ها ؟؟
    مريوم : مادري قومي نسير الغرفه احسن

    فطـامي ركضت بسرعه سارت حجرتهم ,, وعرفت انه محـد فالبيت غيرهم ,, و سيده دشت الغرفه
    و دشت الحمام ,, وعقب دقايق ,, دخلو عليوه و مريوم الغرفه ,,

    مريوم وهيه تصـارخ : وينج فطوووووووووووم حماره
    عليا : غربلاتها والله تقهر هب طايعه تتصل

    فطـامي وهيه تتطلع من الحمام شوي شوي وعقب ثواني : بووووووووووو
    مريوم و عليوه صرخو صرخ قويه
    مريوم + عليوه : فطووم !!
    فطـامي : يا لبيــه ,,
    مريوم و عليوه سيده سارو صوبها و لوو عليها
    مريوم : فدييتج ياربيه من وين ييتي كيف دشيتي !
    عليوه : فدييت روحج ياربيه ودمعت عينها ,,
    مريوم : ما اصدق انتي فطوم ,, وااااااايه حبيبي والله حيـاتي و تمت اتبوسها و لاويه عليها
    طول الوكت هيه و عليوه
    فطـامي : ليش اتصيحون ابا اعرف ,,
    مريوم : والله دموع الفـرح ,,
    فطـامي: عنيـه افداكم ياربيـه ,,
    مريوم : منو يـابج دبي؟ ,, وانتي تقولين امس انج فـ بوظبي !!
    فطـامي : العصفوره يابتني !!
    عليوه : اييييه فطوووم عن الحركات ,,
    فطـامي : ابا كيكتي المفضله
    مريوم : والله بخليهم يحطولج بس قوليلي كيف
    فطـامي : ماااااابا
    مريوم وهيه طالعه من الحجره تزاعج : تيييييييييييي يااااااااااااااا
    تي يا : Yes maryoom
    مريوم : حطي 3 كيك جوكليت و عصير همبا
    تي يا : okay
    عليا : اكيه سارت خبرتها ,, تعالي من وين لج هاللبس الحلو
    فطـامي : ربــج بعد ,,
    مريوم : فطوم والله انج ترفعين الضغط ,, اويه من وين لج الموبايل !!
    فطـامي : ربــج بعد ,,
    عليوه : بنضربج قسم بـالله
    فطـامي وهيه امبوزه : اهون عليكم
    مريوم : لافديتج ,, بس قوليلنا من وين لج ها كله !! و شو استوا بالضبـط
    فطـامي : راعي الرنـج
    عليوه : راعي الرنج !! منو ها ..
    فطـامي : اللي شفناه يوم كنا سايرين امارات مول ,, حمـداااان ,, اخو عبدالرحمن
    مريوم وهيه فاجه عينها : هييييه بلاه ؟
    فطـامي : هوه اللي ساعدني ..
    عليوه : احلفــي ,, كييييييييييف مايستوي لايكون ماخذه رقمه ؟
    فطـامي تضربها : لا يا الغبيه ,, انا بقولكم شو السالفه بالضبط ,, الله يسلمكم انا يوم نشيت ,,
    شفت عمري فـ شبه قبـر و بعدين ,,,,,,,,,,,,,,,,, ,,,,,,, وشفت عامل و بعدين ,,,,,,,,,,,,,,,,,,,,,,,,,,,,,,,
    و عقب خذاني وداني المستشفـى ,,,,,, و عقبل ساعدني ,,, و الحين انا فـ Rotana Beach ,,,
    و اخته ساره خذتلي اغراض ..
    مريوم : معقـوووله !!
    عليا : ما اصدق
    فطـامي : وانا عمري جذبت عليكم !
    مريوم : هب جي فديتج ,, بس السالفه ما ادش العقل ,,
    فطـامي : هييييه ,, بس ونـاسه ,, حبوب قسم بالله ,, وهيه بصوت اليااهل ,, يا ألبي ع شعره وايد حلوه ماشالله
    عليا : ها فطوم ,, اشوفج وايد تمدحين
    فطـامي استحت و احمرت : ايه جب منقود شو فيج ؟
    مريوم : قمنا نحب لايكون فااارس احلامج ,, هههه شو تبغين بعد ياج لين عندج و بعد شعره طويل
    فطـامي : انتي الثـانيه انجبي ,, ولا اقولكم وين رشود ؟
    عليا : هيه ماشالله عليه هوه خبـال ,,
    فطـامي وتضربها ع ريلها : انجبي ,,
    عليا : آآآآآه ,, غربلاتج يعور
    مريوم : زخينااج
    فطـامي : اسكتووووو ,, يـااااا ألبي انا ,, ماخذلي نعـاال في شفايف كبار من جداام
    مريوم و عليا : هههههههه احلفي انتي بس !!
    فطـامي : ههههه هييه تعالو سرت المول اليوم ,, و خذتله قمصان و كابات
    مريوم و عليـا : انزين ؟
    فطـامي : يوم يا بيلبس الكاب ,, فج عصامتج .. يــا ألبي انا ع شعره ,, فخاطري اقول ابا امطّه
    مريوم و عليـا فاجين حلوجهم : نبا نشوفه
    فطـامي : انجبو ..
    تي يا : دق دق دق
    مريوم : دشي
    تي يا و هيه اتشوف فطـامي : OMG f6ooom
    فطـامي : hi ti ya
    تي يا : انته في موت !
    فطـامي : لا بسم الله عليه ما مت ,,
    تي يا : welcome
    مريوم : غبيه هههه خلي الصينيه تحت ..
    فطـامي: يمي يمي يمي ,, ابا اذوق حمـدان الكيكه
    عليـا : فطوم ,, بديت اجك
    فطـامي : ولي ولي ,, اقول مريوم حطولي ابا آخذ بوديه بوظبي !
    مريوم : نعم بتسيرين بوظبي ؟
    فطـامي : هيه فديتج ,,
    عليـا : يعني مابتمين عندنا !!
    فطـامي : هممم لا
    مريوم وهيه فيها صيحه ومتغصصه : ليييييش انزين ؟؟
    فطـامي : بتخبركم جوازي عندكم !!
    عليـا : اغراضج كلها عندنا ,, خير الشيخه فطيم ,, ع شو ناويه
    فطـامي : يابوي هب ناويه ع شي بس بتم فبوظبي
    عليـا : انزين ونحنـا !!!
    فطـامي : بييكم كل ويك آنــد ,,
    مريوم : لا فطوم نحنا تعودنا ع شوفتج وانتي الحين بتحرمينا من شوفتج ,, كفايه انه قالولنا انج ميته ,,
    فطـامي : شو اسوي مريوم ,, هنـاكي احسن ,,
    عليـا : انزين عيشي عندنا ؟
    فطـامي : لا فديتج ماروم ,,
    مريوم : مابينا شي فطوم انتي شرات اختنا واكثـر ,,
    فطـامي : حبيبي والله ماروم ,, يمكن ايي دبي ,, بسكـن فـ فندق اللي فـ مول الامارات ..
    عليـا : ليش انزين ماتيين عندنا ؟
    فطـامي : هناكي احسن لي علايه ,, مكـان يحميني و يمدحون الفندق ,, ماعليه ,,

    وعقب دقايق استوا المغـرب وسارو يصـلون ,, وعقب فطـامي ,, نزلت تحت تفاجأ بو مريم و ام مريم
    فطـامي : السلااااااااام علييييييكم
    بو مريم : فطوم !!
    ام مريم : فطـامي !!
    فطـامي : هيه نعـم ,, شيخة البنات فطـامي و هيه تغـمزلهم
    رشود : أتووووووووم !!
    فطـامي : يـا ألبي انا تعال حبيبي
    ام مريم دمعت عينها : فدييتج يا بنتيه شحالج شخبارج ؟
    فطـامي نزلت رشود سارت تسلم ع ام مريم: يسرج الحال فديتج وانتي اخبارج ؟
    بو مريم: فديتج فطـامي تعالي تعالي عندي ,,
    فطـامي سارت صوب بو مريم: سلمت عليه ,, تعتبره ابوها ,, لوت عليه و حبة راسه ,, شحالك عميـه ؟
    بو مريم: يسرج الحال من شفتـج .. شخبـارج انتي شو الدنيا وياج ,, ومنو يـابج هنيه ؟؟
    فطـامي قالتلهم السـالفه من طأطأ لـ السلام عليكم
    بو مريم: والحيـن هوه وين ؟
    فطـامي : قالي انه بيحوط ويا ربيعه
    بو مريم: تحملي بعمرج فطـامي !!
    فطـامي فهمت شو قصد بو مريم: عميـه عـلي ,, حمـدان ريـال و نعم الريـايل ,, وانا اعرف احكم ع الواحد من اسلوبه ,, لو تشوفه يوم يرمسني ,, جنه يعرفني مليـون سنـه ,, يخـاف عليه ,, لو غيره جان ما وداني
    المستشفـى ولا خبر اختـه انه حصلني طايح فالشـارع ,,
    بو مريم: بعـد فديتج تحملي بعمرج ,, هوه بييج ؟؟
    فطـامي : عميـه علـي ,, بتصـلبه و بخليك تيلس وياه و تسولفون وعقب قولي شو رايك فيه ,, وفـ اسلوبه
    بو مريم: خلاص تـم ,,قوليله عازمينك ع العشا ,, خذي موبايلي دقيله شوفيه وين هوه الحين ,,
    فطـامي: لا فديتك .. معطني موبايله الثـاني ,, بدقله ,, وعقب ثـوااني ,, دقتله ....
    حمـدان : يـاحيهم البـدو ,,
    فطـامي : الله يحيك ,, همم بزي ؟
    حمـدان : لا لا احوط فـ السيـاره توني نزلت ربيعي بيتهم
    فطـامي : انزين عيل تعـال عندي عميه ,, عازمنك ع العشـا
    حمـدان : اللي هوه بو عليا و مريم ؟
    فطـامي: عليك نـور ,, هيه ,,
    حمـدان : انزين الغلا انا الحين صوب الفريـج ,, ثواني و ياي ,, بدقلج يوم بوصل ,,
    فطـامي : اوكيييك ,, بباي
    حمـدان : بباي

    وعقب دقايق دخلو مريوم و عليا ,,
    بو مريم: غـناتي ,, وين الحين انتي ساكنه ؟
    فطـامي : انا الحين فـ Rotana Beach ,, حليله حمـدان ماخذلي غرفه
    بو مريم: حليله والله ,,
    ام مريم : انزين فديتج تعالي عندنا اسكني ؟
    مريوم : امايه قلتلها بس هيه ماطاعت
    فطـامي : الغاليه انا يمكن ايي دبي اسكن آخذلي غرفه فـ فندق اللي فـ امارات مول ,, بشوف بضبط
    اموري ,, وعقب يصيـر خيـر
    بو مريم: انزين عاد بروحج بتكونين هنـاكي :confused؟
    فطـامي : ماعليك الغـالي ,,
    ام مريم: الغاليه علايه سيري قولي حق الخدم يدخنون الميلس و يزهبون الفواله ,,
    عليا : ان شاء الله امايه ,, قومو تعالو نحنا بزهب كل شي خلونا ناخذ كورس من الحين
    مريوم : ههههه يلا طوفي فطوم ,, اكيد مابتقول لا
    فطـامي سوت عمرها معصبه : ان شاء الله عمتيـه ,,
    وقـامت فطـامي و مريوم تدري انه بتيها كفخه منها ,, سارت هزبتها و عليا ميته من الضحك عليهم
    فطـامي : هيه بتخبرج خليه ياكل الكييييكه بليــز
    مريوم : ويا هالكيكه ذليتينا عااد
    فطـامي : افـا والله
    عليـا : انجبي مريوم ,, افا عليج كم حمـدان عندنا نحن
    فطـامي : لوسمحتي يعني ,,
    مريوم : اوووب اووووب صرنا نغــار ,,
    فطـامي : ريل ياخذج يامريوم ويفكنا منــج
    مريوم : آآآآآآآمين ,,
    رشود وهوه ياي صوب فطـامي : بأتيج بووثه
    فطـامي : فديتك عطني ,,
    رشود : امممواح
    فطـامي : بعد وحده
    رشود : امممواح
    فطـامي : ويا هالويوه الحين بيي يلا انا بسير ادخن الميـلس ,, سارت فطـامي و سوت ضّو ..
    دخنت الميلس من الخـاطر و عليا زهبت الفواله و كل شي ,, وعقب دقايق اتصل حمـدان ع فطـامي
    و قالت له انه عميه بظهر له
    فطـامي : عمييه عمييه علي ,, اكووه وصـل حمـدان سيرله
    مريوم وهيه راكضه : لا لا ابويه تريا تريا ,, سارت و دخنته
    عليـا سارت حطتله دهن عود و عطرته
    مريوم : معرس معرس امايه ,, بسير اخطب حق ابويه
    ام مريم: تخسين الا انتي
    بو مريم: لو تنطبق الارض بـ السما ما اعرس عليج الغـاليه
    فطـامي : اييييييييه الريــاااال برع سيررررله ,, عقب تغزلو !!
    بو مريم: يالله بستـر عذبناه يلا بسير بسير ,, وعقب طلع بو مريم و سـار صوب حمـدان ,, وطبعا البنات
    سارو باب الميلس يسمعون و ام مريم سارت فوق تشوف التيلفزيون فالغرفه ,,

    فطـامي : افف متى بيدشون !!
    عليا : تريي شويه بلاج جي ,,
    مريوم : ابا اشوفه ,,
    فطـامي : انجبي

    فـ الحوي ,,
    بو مريم: السلام عليكم ,,
    حمـدان : وعليكم السلام ,, هلا والله عميـه ,, شخبـارك ؟
    بو مريم: يسـرك الغالي ,, ومن صوبك ؟
    حمـدان : دامك بخيـر انا بخيـر
    بو مريم: حيااك حيااك ابويه تفضـل
    حمـدان : دام فـضلك ,,

    دخـلو الميلـس
    بو مريم: شخبـارك حمـدان ؟
    حمـدان : والله يسـرك الحـال عميه ,,
    بو مريم: دووم ياربيه هب دوم
    حمـدان : وياك الغـالي
    بو مريم: رمستني فطـامي عنك ,, وماشالله تمدحك ,,

    صوب البـاب ,,
    فطـامي : وغربلااات العدو ,, شو قاال هذا !!
    مريوم : ابويه ها عيبه محد يقوله شي !
    عليـا : يالله ابويه قول حق حمدان شو رايك تاخذها
    فطـامي وتضرب عليا : الله يخســج انجبي خلينا نسمع
    مريوم : فطوووم شوفيه يخبل ,, شعره طويل ,, ريلج خلاص
    فطـامي : انجبي يا العنـز والله بصفعج
    عليـا : اييييييه اووص خلوني اسمع ..

    بو مريم: والله يا حمـدان ,, مانعرف كيف نشكـرك الصراحه ,, لو ماشفت فطـامي جان الحين صدق
    هيه ميته
    حمـدان : افا عليك عميـه ,, ماسويت شي ,, و فطـيم فعيوني والله ,, وهب مقصـر وياها فـ شي ,,
    بو مريم: مشـكور الغـالي ,, يعطيـك العافيه ,, ماشالله عليك ,, يوم رمستني فطـامي عنك ,,
    تمت تمدحك تمدح سلـوبك ,, شوقتي ,, قلتها تتصل فيك ,, تعزمك ع العشـا ,,
    حمـدان : مشـكور عميه ,, ماتقصـر ,,
    بو مريم: ماوصيـك حمدان ,, خل فطـامي فـ عيونك ,, تراه ماعندها حد ,, تمينا تقولها اتم عندنا ,,
    بس هيه ماوافقت
    حمـدان فخاطره : احسن ,, >> هب من شي لووول لاتلومونه
    حمدان : افا عليك عميه ,, فذمتيه ما يضرها شي وانا موجود ,, ولا تحاتي ,,

    عليـا : ياويل حاليه انا ,,
    فطـامي استحت : عليـوووه !
    عليـا : هههه انزين انزين خلاص

    بو مريم: ماقلتلي حمـدان انته من قوم منو ؟
    حمـدان : انا من قوم الـ ****** ..
    بو مريم: والنعم و النعم ,, ناس معروفين ,, ابوك شو اسمه ,,
    حمـدان : محمد بن راشد الـ ****** ..
    بو مريم: يااااااحيه والله .... ابوك اعرفه ,, شخباره ابوك شو الشـغل وياه ,,
    حمـدان : والله يسـرك الحال ,, ماشي الحـال ..
    بو مريم: عاد امسـات شايفنه ,,
    حمـدان : من قبل 5 ايـام ؟
    بو مريم: هيه يمكن ..,
    حمـدان : هييه ,, وانا اقول ليش ساير دبي ,,
    بو مريم: والنعـم فيه والله ,, عيل بخليهم يحطون العشـى ,,
    حمـدان فخـاطره : وين فطووم ,, خاطري اشوفها !! >> يالله يا الولهـان لوول

    فطـامي : وابويه شـرده سيرو المطبخ اونكم عاد ,,
    فطـامي و عليا و مريوم يتراكضون صوب المطبخ ,, ومن الزيغه فطـامي سوت عمرها عمرها تقصص
    الفواكه جان تيرح من الخـاطر ,, يرحت صبعهـا ,, صرخت صرخــه ,,
    فطـامي : آآآآآآآآآآآآآآآآآآآآآآآآآآآآآآآآآآآآآآآآي ,, وابويه يعور >> عاد يوم تصرخ فطـامي صرختها قويه لول
    حمـدان سمع الصرخه ,, خااف قالت شو السـالفه ,, وقام يحاتي ,,

    مريوم : بلااج ,, شهقت ,, غربلاتج شو استوابج ؟
    فطـامي وهيه راصه ع صبعهـا : دم دم ,, بموت يعور
    بو مريم: شفيكم .!!
    عليـا شهقـت : تعالي غربلات العدو ,, و سارت و تمت تغسل اليـرح ,, و مريوم سـارت
    فوق تيبلها شاش و دوا
    بو مريم: انتي ليش اتعبين اعمرج ,, مره ثانيه ماباكم ادشون المطبخ ,, اونكم تتفلسفون
    وانتو ماتعرفون شي ,, بس فاحلين حق الحلو ,, ددبه ,,
    فطـامي : يعور انزين
    بو مريم: محد قالج ,, وسـار و خبر الخدم يزهبون العشـا ,, و مريوم يت و طهرت اليرح
    و فطـامي تناقز من كثر الويع
    فطـامي: وايه يحرق يحححححححرق بموت ,,
    مريوم : انجبي حسبي يالله ع العدو ,, ,, وعقب حطتلها دوا و لفت صبعها ,,
    عليوه : اندووج بروفين يخفف الويع ,, غربلات عدونا من الحركه اللي سويناها الله راوانا يتنا هزبه و
    فطوم قست صبعها
    فطـامي : ايييه عميا ماتشوفين بعده مانقص يوم بيطيح ع الارض هايج الساعه قولي حماره !!
    فطـامي سارت صبتلها ماي وخذت الدوا ,, وتمو يتعشـون ,, وسارت تزهب اغراضها من ملابس
    و هالسوالف ..


    يتـــبع ,,






صفحة 2 من 3 الأولىالأولى 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. آه من قلب غدا حبه جنوني
    بواسطة Ms.Dior 98 في المنتدى معرض المواهب و الابداع Fair talent and creativity
    مشاركات: 0
    آخر مشاركة: 12-08-20, 06:33 PM
  2. آه من قلبٍ غدى حبه جنوني
    بواسطة فتاة غالية في المنتدى قصص الحب و الرومانسية و الغرام و العشاق
    مشاركات: 8
    آخر مشاركة: 12-01-05, 02:49 PM
  3. أنا جنوني وأفكاري جنونيه
    بواسطة الطيبة في المنتدى معرض المواهب و الابداع Fair talent and creativity
    مشاركات: 17
    آخر مشاركة: 11-10-20, 07:59 PM
  4. آه من قلبن //~
    بواسطة آلروح في المنتدى قصص الطويلة , الروايات
    مشاركات: 15
    آخر مشاركة: 09-12-18, 12:12 AM
  5. اقبال جنوني على تذكارات الرئيس الأميركي المنتخب أوبام
    بواسطة حمادي طرر في المنتدى المنتدى العام General Forum
    مشاركات: 0
    آخر مشاركة: 08-11-14, 04:40 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •