تنبيه :: عزيزي اذا واجهتك مشكلة في تصفح الموقع , فاننا ننصحك بترقيه متصفحك الى احدث اصدار أو استخدام متصفح فايرفوكس المجاني .. بالضغط هنا .. ثم اضغط على مستطيل الاخضر (تحميل مجاني) .
 
 
النتائج 1 إلى 4 من 4
  1. #1
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي قصة طريفة جداً .. الي يريد يموت ضحك يدخل ::..


    حكاية كل الشباب الايام ديه عندما يطلبون الزواج من شخص معين



    ميزو تتجوزيني ؟
    سمسمه ـ أفندم ؟
    ميزو ـ بقولك تتجوزيني ؟
    سمسمه ـ !!!!!
    ميزو ـ تتجوزيني ؟
    سمسمه ـ لا !
    ميزو ـ ليه ؟
    سمسمه ـ بصراحة كدة شكلك مش عاجبني ..
    ميزو ـ إزاي يعني ؟
    سمسمه ـ يعني .. أصل أنا ليا مواصفات معينة لفارس أحلامي .
    ميزو ـ مواصفات معينة ؟ .. هو انتي هتتجوزي عربية ؟
    سمسمه ـ لا ! .. بصراحة كدة .. إنت مش فارس أحلامي اللي باتمناه !

    *****

    ميزو ـ تتجوزيني ؟
    سمسمه ـ إيه ده ؟ شكلك اتغير !
    ميزو ـ إيه رأيك ؟
    سمسمه ـ واو .. شعرك بقة ناعم ! .. دي باروكة ؟
    ميزو ـ أيوة
    سمسمه ـ ودي عدسات خضراء ؟
    ميزو ـ أيوة
    سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
    ميزو ـ مين عباس كيج ده ؟
    سمسمه ـ عباس ؟!! ياي .. إيه عباس دي ؟ اسمه نيكولاس ..
    ميزو ـ مين نيكولاس ده ؟
    سمسمه ـ بقة مالكشي في السيما وجاي تكلمني ؟ .. ياي !


    *****

    ميزو ـ تتجوزيني ؟
    سمسمه ـ انت لسة ليك عين تكلمني ؟
    ميزو ـ أيوة .. أنا عرفت مين بنكرياس كيج ده
    سمسمه ـ أولاً : اسمه نيكولاس كيج ..
    ميزو ـ أيوة أيوة .. كنت هاقول اسمه صح .. بس اختصرته .. ده ممثل
    سمسمه ـ ممثل إيه ؟
    ميزو ـ ممثل أمريكاوي
    سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
    دونكي
    ميزو ـ دونكي دي تبقى شتيمة ؟
    سمسمه ـ أوف كورس

    *****

    ميزو ـ تتجوزيني ؟
    سمسمه ـ عندك عربية موديل كام ؟
    ميزو ـ موديل دي تبقى شتيمة ؟


    *****

    ميزو ـ تتجوزيني ؟
    سمسمه ـ قوللي الأول .. حاطط أنهي نغمة في الموبايل بتاعك ؟
    ميزو ـ نغمة دي تبقى شتيمة ؟


    *****

    ميزو ـ تتجوزيني ؟
    سمسمه ـ ما قلتليش .. إنت بتشتغل إيه ؟
    ميزو ـ أنا -بلا فخر- عاطل
    سمسمه ـ عاطل ؟ .. ياي ! ..
    ميزو ـ مش أحسن من اللي ما بيشتغلش ؟
    سمسمه ـ لا
    ميزو ـ يعني مش هتتجوزيني ؟
    سمسمه ـ لا يا ميزو
    ميزو ـ كدة أنا أزعل
    سمسمه ـ ما تزعلش يا بابا .. خليك فريش
    ميزو ـ ماشي .. ماشي .. بس قوليلي ..
    سمسمه ـ إيه ؟
    ميزو ـ فريش دي تبقى شتيمة ؟


    *****

    ميزو ـ تتجوزيني ؟
    سمسمه ـ لقيت شغل ؟
    ميزو ـ أيوة طبعًا .. سنتين وأنا بادور .. أخيرًا لقيت ..
    سمسمه ـ وإيه هو ؟
    ميزو ـ سواق تاكسي .
    سمسمه ـ ياي ! .. مش مكسوف وانت بتقولها ؟
    ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
    سمسمه ـ شرف ؟ جتك القرف !

    *****

    ميزو ـ تتجوزيني ؟
    سمسمه ـ جمعت مبلغ كويس ؟
    ميزو ـ طبعًا .. مبلغ كبير جدًا ..
    سمسمه ـ قد إيه يعني ؟
    ميزو ـ ألف جنيه
    سمسمه ـ نعم ؟!!! .. ألف جنيه دول تروح تسرح بيهم ببطاطا ..
    ميزو ـ يعني موافقة ؟
    سمسمه ـ روح اتنيل .


    *****

    ميزو ـ تتجوزيني ؟
    سمسمه ـ عندك شقة ؟
    ميزو ـ طبعًا .. أودة على السطوح ..
    سمسمه ـ نعم ؟!! ..
    ميزو ـ إيه المشكلة ؟! .. أحسن ما ننام في الشارع !
    سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
    شقة .
    ميزو ـ طيب .. كلها كام سنة وأجيبلك أحسن شقة في الدنيا .
    سمسمه ـ وهتجيبها في جاردن سيتي ولا في الزمالك ؟
    ميزو ـ لا .. في الأهلي .. هيهع هيهع هيهع !
    *****

    ( بعد سنوات) :

    ميزو ـ تتجوزيني ؟
    سمسمه ـ جبت الشقة ؟
    ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
    لسبع سنوات .. لكن المهم إنها جات ..
    سمسمه ـ فانتاستيك
    ميزو ـ بس الشقة ناقصة حاجة .
    سمسمه ـ إيه هي ؟
    ميزو ـ مفيهاش حمام !
    سمسمه ـ امشي من قدامي ! .. مش طايقاك !


    *****

    ميزو ـ تتجوزيني ؟
    سمسمه ـ إنت تاني ؟
    ميزو ـ جبتلك حمّام إنما إيه
    سمسمه ـ خليه ينفعك
    ميزو ـ ليه بس ؟ .. ده ينفع لينا احنا الاتنين
    سمسمه ـ وأنا مالي ؟
    ميزو ـ مش عاجبك .. مش مشكلة .. أكتبه باسمك


    *****

    (بعد سنين) ..

    ميزو ـ هتتجوزيني ولا أولع فيكي ؟
    سمسمه ـ ومالك محروق كدة ؟
    ميزو ـ حكايتنا طولت قوي .. طولت أكتر من اللازم
    سمسمه ـ أوكي .. بس ممكن أعرف حاجة ؟
    ميزو ـ إيه ؟
    سمسمه ـ إنت ليه متمسك بيا أوي كدة يا مزمز ؟
    ميزو ـ أصل .. أصل ..
    سمسمه ـ أصل إيه ؟
    ميزو ـ أصل أنا بحُبك (بضم الحاء) !
    سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
    وبعدين خليك روش وقول : I love you
    ميزو ـ ماشي .. بس قوليلي ..
    سمسمه ـ نعم ؟
    ميزو ـ روش دي تبقى شتيمة ؟


    *****

    ميزو ـ تتجوزيني ؟
    سمسمه ـ بصراحة .. في حاجة كنت عاوزة أقولهالك من زمااااااان يا ميزو .
    ميزو ـ إيه ؟
    سمسمه ـ أنا بصراحة .. مش شايفة إن في حد في العالم يستاهلني
    ميزو ـ يا سلام ! .. ليه ؟
    سمسمه ـ عشان أنا جميلة .. خفيفة الدم .. رشيقة .. رقيقة ..
    ميزو ـ رقيقة ؟! .. ده انت بدأتي تقشفي
    سمسمه ـ فشر !
    ميزو ـ فوقي لنفسك .. العمر بيجري ..
    سمسمه ـ أنا مصرة على رأيي
    ميزو ـ يعني إيه ؟
    سمسمه ـ يعني اقطع معايا
    ميزو ـ بعد كل السنين دي ؟! .. بعد كل الحب ده ؟!!
    سمسمه ـ بلاش تراجيديا من فضلك
    ميزو ـ ماشي .. بس قبل ما أمشي عاوز أسألك سؤال واحد بس ..
    سمسمه ـ إيه هو ؟
    ميزو ـ تراجيديا دي تبقى شتيمة ؟

    *****

    ( بعد سنوات ) ..

    ميزو ـ تتجوشيني ؟
    سمسمه ـ إيه ؟
    ميزو ـ تتجوشييينييييييي ؟
    سمسمه ـ إنت مين ؟
    ميزو ـ أنا حبيبك يا هبلة .. البشي النضارة عشان تشوفيني
    سمسمه ـ طيب شاعدني عشان ألاقي النضارة
    ميزو ـ آهي على الترابيزة قدامك
    سمسمه ـ فين ؟!!
    ميزو ـ لا دي نظارتي أنا
    سمسمه ـ أيوة لقيتها ..
    ميزو ـ البشيها بقة
    سمسمه ـ ططييبب
    ميزو ـ عينيكي فوق شوية يا سماسم .. ده بقك ..
    سمسمه ـ طيب لبشهالي إنت
    ميزو ـ عقبال ما البشك الدبلة
    سمسمه ـ ما تكشفنيش يا ميشو بقي .. كنت بتقول إيه بقى ؟
    ميزو ـ كنت بقول تتجوشششيييينيييييي ؟
    سمسمه ـ أكوشك ؟ .. إزاي ؟
    ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    سمسمه دي شتيمة ؟
    ميزو لاااااء .. بقولك تتجوشيني ؟
    سمسمه ـ آه !! .. أجوشك
    ميزو ـ بالضااااابط .. هاه ؟
    سمسمه ـ شيبني أفكر
    ميزو ـ أشيبك تفكري ؟! .. ده انت هتموتي خلاش !
    سمسمه ـ لا .. شيبني أفكر بش
    ميزو ـ ربنا يوفقك
    سمسمه ـ إيه ؟
    ميزو ـ ربنا يوفقك
    سمسمه ـ بتقول إيه ؟
    ميزو ـ ربنا ياخدك


    *****

    (على فراش الموت) :

    ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
    تتكوشـ .. كوح كوح .. يني ؟
    سمسمه ـ مش شامعة
    ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
    سمسمه ـ أجوش مين ؟!!!
    ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
    سمسمه ـ إيه ؟ ..
    ميزو ـ لا .. كوح .. أبدًا .. كوح .. كنت … كح كح .. بأكح
    سمسمه ـ كنت بتكح ؟!!!! .. شلامتك .. ما قلتليش ليه ؟
    ميزو ـ هو .. كوح .. إنتي .. لشة .. عارفـ .. ـة .. كوح كوح
    سمسمه ـ بتقول إيه ؟
    ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
    سمسمه ـ أجوشك ؟!! .. طب بش خد الدوا الأول
    ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
    كوح كوح .. ـني ؟
    سمسمه ـ أيوة يا حاج .. موافقة .. موافقة إنك تتكوشني ..
    ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..
    كوح .. وأنا .. كوح .. مطمئن ومرتاح .. الودااا .. كوح ..ع ع ع ع
    سمسمه ـ يا حاج .. يا حاج ..
    لااااااااااااااااااااااااااااا !!


    المسكينــــــــــ مات و ما تزوج



    منقوووووووول








  2. #2
    عضو الماسي
    الصورة الرمزية الأيهم
    الحالة : الأيهم غير متواجد حالياً
    رقم العضوية : 8671
    تاريخ التسجيل : 17-03-08
    الجنـس : ذكـر
    المشاركات : 1,496
    التقييم : 105
    Array
    MY SMS:

    تم تسجيل دخول الأيهم

    افتراضي رد: قصة طريفة جداً .. الي يريد يموت ضحك يدخل ::..


    ههههههههههههههههههههههههههههههههه

    الحمد لله لحقت اكتب الرد قبل لا اموت

    ههههههههههههههه

    تسلمي ع الطرح الغاوي







    [/CENTER]

  3. #3
    عضو الماسي
    الصورة الرمزية المبرمجة
    الحالة : المبرمجة غير متواجد حالياً
    رقم العضوية : 16488
    تاريخ التسجيل : 08-05-08
    الجنـس : انثـى
    المشاركات : 7,750
    التقييم : 973
    Array

    افتراضي رد: قصة طريفة جداً .. الي يريد يموت ضحك يدخل ::..


    لا لاتموت الله يخليك
    بعدين بيسجنوني أنا .






  4. #4
    عضو مجتهد
    الصورة الرمزية كلي برستيج
    الحالة : كلي برستيج غير متواجد حالياً
    رقم العضوية : 30066
    تاريخ التسجيل : 24-12-08
    الدولة : إمآرآتيه وأفتخر
    الوظيفة : ليشـ الفضولـ هههه
    الجنـس : انثـى
    المشاركات : 81
    التقييم : 10
    Array
    MY SMS:

    أمآنه ان جيت في بالك تطمن قلبي عن حآلك على الذكرى انآ عآيش وكيف انسآك مو معقول ..!

    افتراضي رد: قصة طريفة جداً .. الي يريد يموت ضحك يدخل ::..


    هههههههههههههههههههههههههههههههههههههه






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مين يريد ينتقم من المعلمين ؟؟؟؟؟؟؟ يدخل بسرعه
    بواسطة ضحى خالد في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 13
    آخر مشاركة: 14-10-19, 04:22 PM
  2. الي يريد ينتقم من المعلمين يدخل
    بواسطة ضحى خالد في المنتدى منتدى الوناسة و إستراحـة الاعضاء + الترحيب و الاهدائات
    مشاركات: 3
    آخر مشاركة: 13-06-15, 10:39 AM
  3. دخيل الله يا جرحي تصد تشوف لك صرفة..!
    بواسطة الرمش الذبوحي في المنتدى معرض المواهب و الابداع Fair talent and creativity
    مشاركات: 4
    آخر مشاركة: 11-11-21, 08:33 PM
  4. الي يريد اشي يدخل ويطلب
    بواسطة SBS في المنتدى اللغة العربية
    مشاركات: 2
    آخر مشاركة: 11-01-28, 11:33 PM
  5. الي يريد الجدول يدخل هنيه
    بواسطة SBS في المنتدى اللغة العربية
    مشاركات: 1
    آخر مشاركة: 10-12-04, 01:57 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •